Результати веб-опитування про проект правопису на сайті Ізборник  


Попередня         Головна         Наступна





КИРИЛ ТУРОВСЬКИЙ


Кирил, єпіскоп Туровський,— відомий письменник-проповідник 60—80-х років XII ст. Вважається встановленим, що він написав дев’ять «слов»-проповідей на теми різних свят, три поучення ченцям і деякі інші твори. «Слова» Кирила Туровського, одного з найосвіченіших представників літератури XII ст., з їх урочистою риторичною формою, алегоричним тлумаченням явищ природи і образів біблії, з драматизацією біблійних подій, з численними афоризмами й притчами, свідчать, що автор добре знав тодішню літературу й мав великий ораторський талант.

Наведені уривки з «Слова в новую недЂлю по ПасцЂ» і з «Слова на Вознесеніє господнє» подаємо за виданням: К. Ф. Калайдович, «Памятники российской словесности XII века», М., 1821.




СЛОВО В НОВУЮ НЕДЂЛЮ ПО ПАСЦЂ


...Ныня солнце красуяся к высотЂ въсходить и радуяся землю огрЂваеть, възиде бо нам от гроба праведное солнце Христос и вся вЂрующая ему спасаеть. Ныня луна с вышьняго съступивъши степени, болшему свЂтилу честь подаваеть; уже ветхый закон, по писанію, с суботами преста и пророкы Христову закону с недЂлею честь подаеть. Ныня зима грЂховная покаяніемь престала есть и лед невЂрія богорозуміемь растаяся; зима убо язычъскаго кумирослуженія апостольскым ученіемь и Христовою вЂрою престала есть, лед же Фомина невЂрія показаніемь Христов ребр растаяся. Днесь весна красується, оживляющи земное естьство; бурній вЂтри, тихо повЂвающе, плоды гобьзують и земля сЂмена питающе зеленую траву ражаеть. Весна убо красная вЂра есть Христова, яже крещеніемь поражаеть человЂчьское покыестьство; бурній же вЂтри грЂхотвореній помысли, иже покаяніемь претворшеся на добродЂтель душеполезныя плоды гобьзують: земля же естьства нашего, акы сЂмя слово божіе пріимши, и страхомь его присно болящи, дух спасенія ражаеть.

Ныня новоражаеміи агньци и унци, быстро путь перуще, скачють, и скоро к матерем възвращающеся веселяться, да и пастыри свиряюще веселіемь Христа хвалять. Агнеца, глаголю, кроткыя от язык люди, а унца кумирослужителя невЂрных стран, иже Христовомь въчеловЂченіемь и апостольскымь ученіемь и чюдесы, скоро по закон емъшеся, к святЂй церкви възвратившеся, млеко ученія ссуть; да и учители Христова стада о всЂх молящеся, Христа бога славять, вся волкы и агньца в єдино стадо собравшаго. Ныня древа лЂторасли испущають, и цвЂти благоуханія процвитають, и се уже огради сладъкую подавають воню, и дЂлатели с надежею тружающеся плододавеца Христа призывають. БЂхом бо преже акы древа дубравная, не имуще плода, ныняже присадися Христова вЂра в нашемь невЂрьи, и уже держащеся корене ІосЂева, яко цвЂты добродЂтели пущающе, райскаго пакыбытья о ХристЂ ожидають; да святители о церкви тружающеся от Христа мьзды ожидають. Ныня ратай слова, словесныя уньца к духовному ярму приводяще, и крестьное рало в мысленых браздах погружающе, и бразду покаанія почертающе, сЂмя духовное въсыпающе, надежами будущих благ веселяться. Днесь ветхая конець пріяша, и се быша вся нова, въскресенія ради. Ныня рЂкы апостольскыя наводняються, и язычныя рыбы плод пущають, и рыбари, глубину божія въчеловЂченія испытавъше, полну церковьную мрежю ловитвы обрЂтають: рЂками бо, рече пророк, расядеться земля, узрять и разболяться нечестивій людіе. Ныня мнишьскаго образа трудолюбивая бчела, свою мудрость показающи, вся удивляеть; якоже бо они в пустынях самокърміемь живуще, ангелы и человЂкы удивляють, и си на цвЂты излетающи, медвеныя сты стваряеть, да человЂком сладость и церкви потребная подасть. Ныня вся доброгласныя птица церковьных ликов гнЂздяшеся веселяться: и птица бо, рече пророк, обрЂте гнЂздо себе, олтаря твоя, и свою каяжьдо поющи пЂснь, славить бога гласы немолчьными...






СЛОВО НА ВЂЗНЕСЕНИЕ ГОСПОДНЕ


...Пойдем же и нынЂ, братіє, на гору Елеоньскую умомь, и узрим мысльно вся преславьная, створивъшаяся на ней; на ту бо гору сам Христос бог нашь днесь пришел есть, и всЂх святых чинове тамо събрашася: праотечьстіи събори патріаршьское множьство, пророчьстіи пълци, апостольстіи ликове, и вЂрных тълпы, с седмьдесятьными Христовы ученикы, о них же рече Павел... Нъ си оставльше, о възнесеніи Христо†побесЂдуим, и яже быша на горЂ Елеоньстей. Тамо бо ангельскыя силы и архангельская воиньства: ови облакы крилы вЂтрьними приносять на възятіе от земля Христа бога нашего, друзіи же престол херовимьскый готовять; бог отець жидеть 1, его же преже имЂ в ядрЂх, с собою, дух же святый велить всЂм ангелом его; възмЂте врата небесная, да вънидеть царь славы.



 1 зам. «ждеть»



Небеса веселяться, своя украшающе свЂтила, да благословиться от своего тверда, с плътію сквозЂ тЂх врата на облацЂх възносима; земля радуеться видящи на себе бога явьствено ходяща, и вся тварь красується, от Елеоньскыя горы просвЂщаема, яко на той ангели с святыми апостолы, по повелЂнію бога отца ствькупишася, ожидающе сыновьня пришествія. ТЂм сій праздьник паче инЂх честьнЂй бысть нам, и си гора святЂйши єсть Синайскыя горы. На ону бо невидиме съниде, а на сей явьствьно ся показа, на Синайскую бо съшьд, вся устрашаше, зане гора вся горяше огньм, молнія же и громи приступающая к горЂ умьрщвяху, тъчью с единЂм МоисЂемь бог бесЂдоваше; а на Елеоньскую с тьмами святых въшьд Христос, вся освящаеть, и вся утЂшаеть. Свьтить бо ся Елеон яко солнце, святых чины с Христосъмь на собЂ имЂя, и за оны громы и мълнія пророчьстіи слышатся гласи, яже радостьно ликъствують глаголюще: възнесися силою твоєю, боже, поем и въспоем силы твоя. Ангели вся поущають глаголюще: въскликнЂте богу вся земля, пойте же имени его; патріарси начинаютъ пЂснь: се бог нашь възноситься, смирив обоя в єдино, и съвъкупив земныя с небесными; преподобній възглашають: възнесися на небеса, боже, по всей земли слава твоя, праведници велегласують: възнесися судяй земли, да и мы в свЂте лица твоего, господи, пойдем; Давыд же акы старЂйшина ликов, уяшняя пЂсненые гласы, глаголеть: вси языци въсплещЂте руками, въскликнЂте богу гласомь радости, да възидеть бог в въскликновеніи и господь в гласЂ трубьнЂ; всЂх же глас оконьчеваеть Павьл, глаголя: кто възиде на небеса, Христа съвести? Кто ли сълезе в бездьну, Христа възвести? Нъ тъ есть съшедый, и пакы въшедый. превыше всЂх небес. Туже бЂ и язычьская церквы, уневЂстивъщіяся Христу, и того ныня възносима на небеса зрящи скърбить, и стонющи от сердца с Соломономь въпіеть уязвена есмь аз любовію твоєю, женише небесный, не трудихъся в слЂ тебе, и дни человЂка не възлюбих. И акы проводящи любимаго въпіеть: да цЂлуеть мя от лъбъзанія уст его; с нею же и апостольскый лик, зряще на своего учителя и господа, акы чада церковьная, жалостьно глаголаху: Владыко! не остави нас сир, их же волею възлюбил еси яко милостив, нъ посъли, яко же обЂщал еси нам, твой пресвятый дух. К ним же отвЂща Ісус, милостію утЂшая: сядЂте в ІерусалимЂ, аз бо въсхожю к отцу моему и богу вашему и посълю, яко обЂщах вам, иного параклита, духа моего и отча. И въздвиг руцЂ, благослови я. И се рек възношашеся на небо, и ти поклонишася ему, и облак свЂтьл подъят и от очію их: възиде бо, рече, на херовим, и летЂ на крилу вЂтрьнюю. ИмЂяшеть же с собою господь и душа человЂческы, яже възнесе на небеса в дар своєму отцю, их же в горнимь градЂ усели... Предиже течаху ангельскыя силы, страхомь и радостію, отврЂсти хотяще врата небесная; нъ вышьніи вратьници възбраняху, въпіюще: си врата господня, да никтоже земных суду проходить, нам бо положи бог яже не мимо идуть; цыняже дивимъся, зряще человЂка на херовимъстЂм престолЂ сЂдяща, и прежє серафим тъщащася врата си пройти. Ангели же повЂдаху сына божія силу и сан, человЂчьскымь обложена тЂлесемь, и не пререковати божій воли, вся мудростію творящому: съниде бо, рЂша, на землю, никомуже не чювъшю, и се рабій нося образ въсходить; ониже рЂша: не будем покори, аще не услышим слова божія. Тъгда възгласи Христос: отвьрзЂте мнЂ врата правьды, и въшьд в ня възвЂщю отцю моєму, яже на земли съдЂях и пострадах. И познавъше глас господень вся силы небесныя падъше поклонишася, глаголюще: аще не видЂхом, владыко, тебе сходяща, се покланяемътися въсходящю в славЂ. И дух святый на срЂтеніе ишьд, въводить равьна собЂ сына божія, и почесть творя глаголеть: и да поклоняться ему вси ангелы божій. Сам же бог отець възгласи к грядущему в плъти. Сын мой еси ты, сяди одесную мене, се престол твой, боже, в вЂкы вЂку; твоя суть небеса и твоя есть земля, и конець ея ты основа. И посадив отець сына на престолЂ, и своєю вЂнча его десницею, въспЂвающем сицє серафимом: положил еси на гла†его вЂнець от каменія драгаго, славою и честью вЂнчал еси его, славу и вельлЂпоту възложил еси нань. Посемь съвьршаеть помазаніем божія сущьства, яко же Давыд послушьствуеть: сего ради помаза тя, боже, бог твой олЂемь радости паче причастьник твоих. Да поистинЂ сій праздник пълн есть радости и веселія: радость на небесЂх възнесъшюся Христу к отцю, и на земли веселіе всей твари обновльшися от истьлЂнія. ТЂмже и мы, братіе, придЂте въздрадуимъся господеви, въшьдъшему на небо небесное на въстокы, сЂдящему одесную отца поклонимъся, пріимъшему всяку власть на небеси и на земли помолимЂся, царьствующому с отцемь принесем вЂру яко дары, не явимъся пред нимь тъщи в день праздьника, да. пріемем божію благодать. Днесь бо своя Христос всЂм раздаваеть дары: даеть отцю принесеную имь в жертву плъть, посылаеть апостолом святый дух, въводить душа святых пророк в небесное царство, раздЂляеть своим угодником горняго града обители, отверзаеть праведником рай, вЂнчаеть страдавъшая зань мученикы, посылаеть страстотерпцем чюдес благодать, даеть святителем душеполезная прошенія, отпущаеть грЂшником прегрЂшенія, милуеть вся творящая волю его и хранящая заповЂди его, посылаеть благовЂрным князем нашим съдравіе тЂлесем и душам спасеніе и врагом одоленіе, утвьржаеть церкви, обогащаеть церковьникы, честьны творить служащая ему ієрея и діяконы, освящаеть монастырЂ, прославляеть игумены, укрЂпляеть на тьрпЂніе мнихы, благословляеть вся крестьяны: малыя с великими, нищая с богатыми, рабы с свободными, старьцЂ с уношами, и женимыя с дЂвицями, матери с младенци, сироты с вдовицами. Придем и мы, братіе, в святую церковь; взвеличим Христа бога нашего, давъшаго ны живот; прославим и по сих обЂщавъшаго небесное царство; възнесем имя его въкупЂ, да послеть и нам пресвятый свой дух; того бо есмы раби, и тому славу, чьсть и покланяніе въсылаем, с отцем и с пресвятымь, благыимь и животворящимь духомь, ныня и присно и в вЂки вЂком, аминь.












Див. також:

З притч і слів Кирила Туровського. Притча о человЂчьстеЂ души и о телеси.

З притч і слів Кирила Туровського. Слово о сънятии тЂла Христова.










Попередня         Головна         Наступна


Етимологія та історія української мови:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчанин, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.