Попередня         Головна         Наступна

„ХОЖДЕНІЕ“ ІГУМЕНА ДАНИЛА

Ігумен Даніїл (гадають, що він був родом з Чернігівщини) залишив опис своєї подорожі в Палестину, де пробув 16 місяців — у 1106—1107 роках. Поряд із відомостями географічними і економічними автор подає ряд оповідань легендарного й апокрифічного характеру як усного, так і літературного походження. Це зумовило велику популярність твору, відомого в багатьох (близько 90) списках XV—XIX ст. під назвами «Хожденіе», «Странник», «Паломник», «Сказаніе» і т. д. Перебуваючи у Палестині, Даніїл ввесь час почуває себе, «ігумена руського», представником «Руської землі». Це почуття єднає його з іншими письменниками-патріотами Київської Русі. Уривки, які ми друкуємо, взято з видання — «Палестинский сборник», т. I, в. 3, СПБ, 1885.

ЖИТЬЕ И ХОЖДЕНЬЕ ДАНИЛА, РУСЬСКЫЯ ЗЕМЛИ ИГУМЕНА

Се аз недостойный игумен Данил Русскія земля, хужши во всЂх мнисЂх, смЂренный грЂхи многими, недоволен ² сый во всяком дЂле блазЂ, понужен мыслію своєю и нетерпЂніем моим, похотЂх видЂти святый град Іерусалим и землю обЂтованную. И благодатію божіею доходих святаго града Іерусалима и видЂх святая мЂста, обходих всю землю Галилейскую и около святаго града Іерусалима по святым мЂстом, кудаже Христос бог наш походи своима ногама и велика чюдеса показа по местом тЂм святым. И то все видЂх очима своима грЂшныма, беззлобивый показа ми бог видЂти егоже жедах ³ много дній мыслію моею. Братіа и отци, господіе мои, простите мя грЂшнаго и не зазрите ⁴ худоумью моему и гробости, еже писах о святЂм градЂ ІерусалимЂ и о земли той блазЂй, и о пути, еже к святым мЂстом.

 ² недосконалий ³ жадав ⁴ не засуджуйте

Иже бо кто путем сим ходил с страхом божіим и смЂреньем, не погрЂшить ¹ милости божія николи же. Аз же неподобно ходих путем сим святым, во всякой лЂности и слабости и во пьянст†и вся неподобная дЂла творя. Но обаче, надЂяся на милость божію и на вашу молитву, да ми простить Христос бог моих грЂхов бещисленых, да си исписах путь си и места сіи святая, не возносяся ни величаяся путем сим, яко что добро створив на пути сем, не буди то: ничтоже бо добра сътворих на пути сем; но любве ради святых мЂст сих исписах все, еже видЂх очима своима, дабы не в забыть ² было то, еже ми показа бог видЂти недостойному. Убояхся онаго раба лЂниваго, скрывшего талант господина своего и не створившаго прикупа им, да сіе написах вЂрных ради человЂк. Да кто убо, слышах о мЂстЂх сих святых, поскорбл бы ся душею ³ и мыслію к святым сим мЂстом, и равну мзду пріимут от бога с тЂми, иже будуть доходили святых сих мЂст. Мнози бо дома суще, в мЂстЂх своих добрій чоловЂци мыслію своєю и милостынею убогых, добрыми своими дЂлы достигають мЂст сих святых, иже болшую мзду пріимут от бога спаса нашего Ісуса Христа. Мнози бо доходивше святых сих мЂст и святый град Іерусалим и възнесшеся умом своим, яко нЂчто добро сътворивше, и погубляють мзду труда своего, от них же первый есмь аз: мнози бо, ходивше святаго града Іерусалима, пойдут опять, много добра невидЂвши, тщаще опять вскорЂ, а сего пути нелзЂ вскорЂ сотворити ни истоком ⁴ того мощи и вся святаа та мЂста и в градЂ и внЂ града.

О ІерусалимЂ, о лаврЂ

Аз недостои игумен Данил, пришед в Іерусалим, пребых мЂсяц 16 в мЂстЂ в лаврЂ святаго Савы и тако могох походити и испытати вся святая си мЂста. Невозможно бо без вожа ⁵ добра и без языка испытати и видЂти всЂх святых мЂст. И что имЂя в руку моею худаго моего добыточка, то от того все подавах вЂдущіим добрЂ вся святаа мЂста в градЂ и внЂ града, да быша ми указали все добрЂ, якожь и бысть. И пригоди ⁶ ми бог налЂсти в лаврЂ мужа свята и стара деньми и книжна вельми. Тому святому мужеви вложи бог в сердце любити мя худаго, и тои указа ми добрЂ вся святаа та мЂста, и в ІерусалимЂ и по всей земли той поводи мя и до Тивиріадскаго моря поводи мя, и до Фаворы, и до Назарефа, и до Хеврона, и до Іордана, и по всЂм тЂм мЂстом поводи мя, и потрудися со мною любве ради. И ина святаа мЂста видЂх многа, яже послЂди скажу.

О ІерусалимЂ

Есть же святый град Терусалим в дебрех, около его горы камены и высокы. Да нолны ⁷ пришедше близько граду тоже видЂти первое столп Давидов и потом, дошедше мало, увидЂти Елеоньскую гору и святаа святых и воскресеніе церковь, идЂже есть гроб господень и узрЂти потом весь град. И ту есть гора равна от пути близ града Іерусалима, яко версты вдале ⁸, на той горЂ ссЂдают с конь вси людіе и поставляют крестьци ⁹ ту и поклоняются святому воскресенію на дозорЂ граду ¹⁰.

 ¹ не позбавиться ² забуття ³ полинув душею ⁴ мимохідь ⁵ провідника ⁶ допоміг, сприяв ⁷ тільки ⁸ далі ⁹ хресні поклони ¹⁰ бачачи місто

И бываеть тогда радость велика всякому христіанину, видЂвше святый град Іерусалим, и ту слезам пролитье бывает от вЂрных человЂк. Никто же бо можеть не прослезитися, узрЂв желанную ту землю и мЂста святаа вида, идЂже Христос бог нашь претерпЂ страсти нас ради грЂшных. И идут вси пЂши с радостію великою к граду Іерусалиму. И ту есть на лЂвой руцЂ, у пути тамо идучи, церкви святаго Стефана первомученика; на том мЂсте побіен бысть каменіем Стефан первомученик от іюдей, и ту есть гроб его. И ту есть гора камена плоска, просЂлася в распятіе Христово; то зоветься ад; есть близь стЂны градныя, яко повержет ¹. И потом входять в святый град Іерусалим вси людіе с радостію великою враты, сущими близь столпа Давидова, и та суть врата от Вифлеома лиць ², и ту суть врата Веніамінова. Яко войдуче в град, путь есть сквозЂ град в святая святых на правую руку, а на лЂвую к святому воскресенію, идЂже есть гроб господень.

О церкви воскресенія господня

Есть же церковь та воскресеніе образом кругла, всямокачна ³ и в длЂ и в преки ⁴ имать же сажень 30. Суть же в ней подати пространьны, и тамо горЂ живет патріарх. И есть же от дверей гробных до стЂны великаго олтаря сажен 12. Ту есть внЂ стЂны за олтарем пуп земли, и создана над ним комарка, и горЂ написан Христос мусіею, и глаголеть грамота: «се пядію моею измЂрих небо и землю».

О мЂстЂ среди земля, идЂже распяться Христос

А от пупа земнаго до распятія господня и до края есть сажен 12. Есть же распятіе господне к востоку лиць, есть же на камени высоко было, яко стружія выше. Камень же тый был кругол, яко горка мала. А посреди камени того, на самом верху, высЂчена есть скважня ⁵ лакти во глубле, а вширЂ мній пяди круг, и ту был водружен крест господень. Исподи же под тЂм каменем лежить первозданного Адама глава; и в распятіе господнє, егда на крестЂ господь наш Ісус Христос предасть дух свой, и тогда раздрася церковная катапетазма ⁶, и каменіе распадеся; тогда же и тъ камень просЂдеся над главою Адамлею, и тою разсЂлиною сниде кровь и вода из ребр владычень на главу Адамову и омы вся грЂхы рода человЂча. И есть разсЂлина та на камени том и до днешняго дне; знати есть на деснЂй странЂ распятія господня знаменіе то честное.

 ¹ на відстані кинутого каменя ² в напрямі до Віфлеема ³ звідусіль похила ⁴ вздовж і вшир ⁵ щілина ⁶ завіса ⁷ на протилежнім боці

О ЕрданЂ

Іордань же рЂка течет быстро, бреги же имать обон пол  ⁷ прикруты, а отсуду пологы; вода же мутна велми и сладка пити, и нЂсть сыти піюще воду ту святую; ни с нея болЂть, ни пакости во чрЂве человЂку. ВсЂм же есть подобен Іордан к рЂцЂ СновьстЂй, и вширЂ, и в глубле, и лукаво течет и бьтстро велми, яко же Сновь рЂка. Вглубле же есть 4 сажень среди

самое купЂли, яко же измЂрих и искусих сам собою, ибо пребродих на ону страну Іордана, много походихом по брегу его; вширЂ же есть Іордан, яко же есть Сновь на устій. Есть же по сей странЂ Іордана на купЂли тои, яко лЂси древо не высоко, аки вербЂ подобно есть, выше купЂли тоя на брегу Іорданову стоит яко лозіе много, но нЂсть якоже наша лоза, но некако акы силяжи  ¹ подобно есть; есть же и тростіе много; болоніе имать яко Сновь рЂка. ЗвЂрь мног ту и свиніи дикій бещисла много, и пардуси ² мнози, ту суть Львове же.

Обон пол Іордана горы высокы каменыя и суть подаль от Іордана; а под тЂми горами другыя горы близь суть бЂлы, и ты суть близь Іордана; и то есть земля Заулоня и Нефоалимьля обон пол Іордана.

О пещерЂ Иліи пророка

И ту же есть другая пещера дивна, идЂже жил святый Илія пророк с ЕлисЂем, учеником его. И то все благодатію божіею видЂхом очима своима грЂшныма и ведостойныма. И сподоби мя бог трижды быти на святЂм ІорданЂ, и в самы водокрещный праздник быхом на ІорданЂ, видЂхом благодать божію, приходящюю на воды іорданьскыя, и множьство народа безчисла тогда пришедших к водЂ; всю нощь ту пЂніе бывает изрядно и свЂщь безчисла горящих и в полунощи бывает крещенЂе водЂ; тогда бо и дух святый приходит на воды іорданскіа, и видят достойній человЂци добрій, а вси народи не видят ничтоже, но токмо радость и веселіе бывает тогда в сердци всякому христіянину, и егда рекут: «во ІорданЂ крещьшутися ³, господи», тогда вси людіе в водЂ и крестяться в полунощи в ІерданьстЂй рЂцЂ, яко же и Христос в полунощи крестился есть. И ту есть гора, высока зЂло, обон пол Іордана; видЂти ю есть отвсюду издалеча, и на той горЂ пророк Моисій преставился есть, видЂв землю обЂтованную...

Див. також:

Житье и хожденье Данила Русьскыя земли игумена. (повний текст)

Попередня         Головна         Наступна