Опитування про фонему Е на сайті Ізборник  


Попередня         Головна         Наступна





ВІРШІ КАСІЯНА САКОВИЧА НА ПОГРЕБ САГАЙДАЧНОГО


ВЂршЂ на жалосный погреб зацного рыцера Петра Конашевича Сагайдачного, гетмана войска его к. милости Запорозкого. Зложоныи през инока Касіана Саковича, ректора Школ Кіевских, в брацтвЂ. Мовленые от его спудеов 1 на погребЂ того цного рыцера в КіевЂ, в недЂлю проводную року божого, тисяча шестьсот двадцать второго.




Предмова


Зацне силному войску его к. милости, Запорозкому: ласки божое, доброго здоровя и щасливого над наприятелми отчизны звитязтва з несмертелнои славы небыванем, автор, от в. троици єдиного бога зычит:



ВЂрность подданых против пану то справует,

Же им што найболшого есть в людех, дарует.

Наиболшую реч межи всЂми сужу волность.

Которой в стосованю уступует годность.

Того ми посвЂдчити могут всЂ створеня,

Которыи з натуры прагнут свобоженя.

Золотаа волность, так еи называют,

Доступити еи всЂ пилне ся старают.

Леч она не кождому может быти дана,

Толко тым, што боронят Ойчизны и пана.

Мензством 2 еи рыцерЂ в войнах доступуют.


 1 учнів 2 мужністю


Не грошми, але крвю ся еи докупуют.

Воиско Запорозкое волности набыло

Тым, же вЂрне ОйчизнЂ, и кролюм служило.

Кройники о их мензст†старые писали,

Як они неприятелей ойчистых бивали

Морем, сухом, частокроть пЂшо и тыж конно,

Хотяй ся неприятель их убирал збройно.

Племя то есть з насЂня оного Іафета,

Который з Симом покрыл отчіе секрета.

За Олекга Росского монархи плывали

В чолнах по мору и на Царъград штурмовали.

Их то продки з Росским ся монархою крестили

Владимером и в вЂрЂ той статечне жили,

При которои и они так стоят статечне,

Же за ню умирати готови конечне.

Бывали межи войском тым князЂ и паны,

С которых выходили добрыи гетманы,

Яким и тот их гетман Петр Конашевич был,

Который справ рицерских дЂлностю всюды слыл.

О войску Запорозком кождый может знати,

Як оно ОйчизнЂ есть потребно, уважати.

Украина тым войском вцале зоставает.

А где запорозцов нЂт, татарин впадает.

СвЂдками того суть, ох, мЂста Подолскіи

И краи Подгорскіи аж тыж и Белзскіе.

Где много поганин крове христіянской розлял,

А живо позосталых тых в неволю забрал.

Козак, нЂ маючи нЂ зброи, нЂ шишака,

Стигает 1 татар, бы могл допасти 2 лошака.

Чинит здровю своєму часто одваженя 3,

Бы толко неволник могл мЂть высвобоженя,

Прото которыи бы хотЂли вотовати 4,


 1 переслідує 2 здобути 3 риск 4 голосувати


Жебы их знести, албо туркови выдати:

Теды певне в туюжъбы як овцЂ сЂть впали,

Кгды бы своих сторожов псов волком выдали,

Они ОйчизнЂ нашой суть обороною

От татар поганых и турков заслоною.

Але юж до вас мову мою обертаю,

Зацное рыцерство, всЂх вас напоминаю,

Абысте в вЂрЂ своей святой моцно трвали

И вЂрность кролю пану в всем заховали,

За которую волность вам есть дарована,

Же, проч самого кроля, не маєте пана.

От вшеляких податков и судов волными

Естесте заслугами своими годными.

Тую волность за клейнот дорогій ховайте,

Заслугами своими еще причиняйте.

И ты, днешній гетмане, зацный ОлефЂру,

Щасливе справуй войском тым, а ховай вЂру

Богу и народови тыж христіанскому,

Чим будеш завше страшный племеню поганскому.

И с тым рыцерством славы доброи набывай,

А мене в ласце своей зо всЂм войском ховай.

Которому книжечку тую офЂрую,

И род именем всего войска в друк дарую.

И што ся тут на славу гетмана писало

Петра Конашевича, на вас ся стягало.

Кгдыж гетман не сам през ся, леч 1 войском ест славный,

А войско тыж гетманом, довод то ест явный,

Гетман без войска штож ест, войско тыж без него;

Згола нЂчого не есть един без другого.

Реч кончачи, творцу вас богу полецаю 3,

Щасливого звитязтва завше жадаю.




Первый спудей


Ест для чого гойныи слезы выливати,

Сердцы, усты и шатми жал свой освЂдчати,

Бо ото смерть горкая невчесне порвала

Славного рыцера, с котрого похвала

Кролю пану и Речи посполитой была,

Бо его слава в многих краях земных слыла.

Славное войско годно такого гетмана,

Который пилне стерег чести своего пана.

УмЂл мудре тым силным войском керовати.

Доброго любил, злого зась звыкл был карати.

Для тогож и звитязства часто доказовал,

Же карность 3 с послушенством в своем войску мЂвал.


 1 але 2 доручаю 3 дисципліну


Пилне он того стерег, бы война с христіаны

Христіаном не была, леч толко с поганы,

Которых он водою и сухом воевал

И плЂненых христіан з моцы их выдирал.

Слушне о том гетманЂ каждый держат може,

Же был правый гетман, дай му вЂчный покой, боже.

За великую собЂ мЂл то нагороду,

Кгды з неволЂ вызволил кого на свободу.

Кгдыж война для тых толко причин мает быти,

Себе от кривд и иных так же боронити.

О, цный 1 гетмане, славный в людех по всЂ вЂки,

Нехай тя пріймет Христос в небесныи лики.


 1 чесний, благородний





Вторый


Милость в сердцу палает, як мовит Сенека,

Ведлуг времени праве каждого чловека.

В потЂхах с пріателем сполне ся радует,

А в противных зась речах спол з ним ляментуєт.

Тая по своих милых тескнит хоть нерада,

Утративши милого друга альбо брата.

Тая великого нас жалю наполнила,

Кгды през смерть того мужа от нас отдалила.

Который своим мензством слынул в всЂх краях:

В татарских, турских, навет и в полночных странах.

Не раз он громил орды татаров на шлаках,

И загоны их разил в великих оршаках.

Дознал моци рыцера того турчин силный

В том тогорочном бою, як то был муж дЂлны,

Же в малом почтЂ своих турским многим полком

Менжне спирал поганским розЂдлым волком,

За ойчизну межне ся им заставляючи,

Здоровя своего намнЂй не охороняючи

ВолЂл сам, як Кодрус кроль в Атенах в Греціи,

Смерть поднять, бы ойчизна толко была в цЂлЂ.

Кгдыж лепЂй ест стратити живот за ойчизну,

НЂжли неприятелю достат ся в коризну.

Кто бовЂм за ойчизну не хочет вмирати,

Тот потом з ойчизною мусит погибаги.

Цный Сагаидачный волЂл сам рану подняти,

НЂжлибы поганину христіан выдати.

От которои рани ото умирает,

Але слава и мензство его зоставает.

Так як спартанского кроля Леонідеса,

Который менжне кроля воювал Ксерксеса,

Шестьсот толко з собою рыцеров маючи,

Впал з ними Ксерксово войско рубаючи,

Которого по пятькроть стотисячный было,

Леч от шестех сот двадцат тисяч го убыло.

Тамже и тые шестьсот на пляцу зостали,

Але ся живо поймать нЂкому не дали.

Которых мензство будет так долго слынути,

Поки в своих берегах Нил будет плынути.

Таким способом рыцер славы набывает,

Кгды ся з неприятелем менжне потыкает.

. . . . . . . . . . . . . . . . . . . . .




Четвертый


Идеш от нас, гетмане милый,

КоронЂ той велце зычливый.

Крвю обляный, пострЂлом турским,

Кончиш живот выроком бозским,

СмЂле ойчизны боронячи,

Здровя за ню покладаючи.

Єднак потомным вЂком слава

ВЂчная но тобЂ зостала,

Котроись набыл своим мензством

З славным запорозким рицерством,

Котрогось вожем был славным,

Непріателюм ойчизны страшным...














Див. також:

Касіян САКОВИЧ. Вірші на жалостний погреб зацного рицера Петра Конашевича Сагайдачного.










Попередня         Головна         Наступна


Етимологія та історія української мови:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчанин, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )




Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.