Попередня         Головна         Наступна

МИХАЙЛО АНДРЕЛЛА ^А

 ^А Цей підрозділ (вступна стаття і уривки з творів Михайла Андрелли) підготував кандидат філологічних наук, доцент В. Л. Микитась спеціально для цього, 3-го видання «Хрестоматії».

Михайло Андрелла (Оросвигівський) народився в 1637 або 1639 р. в селі Росвигово (Оросвигово), яке е тепер передмістям Мукачева на Закарпатті. Богословську освіту здобував у Відні, Вратіславі і Трнаві, звідки вернувся в рідний край уніатським священиком. Як вірний син свого народу у 1669 р. він пориває всякі стосунки з «проклятою тщетною унією чужою», що 1649 р. була насильно нав’язана українському населенню Закарпаття, та стає палким проповідником православ’я, непримиренним борцем проти засилля чужоземних колонізаторів і Ватікану. Зазнав

жорстоких переслідувань і катувань з боку католицьких світських та духовних владик, які заборонили йому попувати. Однак Андрелла обійшов майже всі села та містечка Закарпаття, де гнівно викривав злодіяння уніатів і агітував населення дивитися не на «смердящий Рим», а звертати свої погляди до православної Москви. Помер 1710 року в селі Іза, Хустського району.

М. Андрелла написав кілька полемічних творів, з яких збереглися лише «Логос» і «Оборона вЂрному человЂку». Повністю ці твори опубліковані О. Л. Петровим під назвою «Духовно-полемические сочинения иерея Михайла Оросвиговского Андреллы против католичества и унии. Тексты», Прага, 1932, звідки ми й подаємо уривки.

ЛОГОС

Предмова в кратком времени сем до любящих писанія святая.

Аз, съкровенное съкровище на селЂ взыскающе, зЂло копах землю очима моима старыма, обрЂтох в св. писаніих живот наш. Мой труд, а ваше богатство е, вЂрующих всЂх словесем сим.

Уныніе, лЂность до читанія — сон, не точію сон, но слЂпота душевна, волк и окраденіе богатст(в)а духовнаго. Дручает сон лЂнивого от животворящаго пресвятого духа, дверь затворяет души враг сонливому человЂку от Христа, да не бесЂдует псалом: «просвЂти очи мои, да не когда усну в смерть», рече дух божій. Будил апостолов на молитвы сам Христос, глаголал им: «въставше, молЂте ся, да не внійдете в напасть». Подобно, не знаша, что то ест за молитва: «но избави нас от напасти» (от лукаваго человЂка). ЧтЂте св. отца нашего, Макарія Егіпецкого, или св. Анастасія Синайскаго, Въпросы и отвЂты, 96.

Яко твое есть царство, и сила, и слава!..

...Рімянінови, татаринови, лютеранінови, калвинови, турчинови и прочіим поганом, яко и унЂятинови отступникови глаголет ся сіе всЂм. Котрое сіе? Же попа легко обернути до бЂса, отхилити от Христа Бога, страхом устрашивши, грозбою. Прозбу котрый не слуха, легко (лацно) до ланца вложити та судити, як воля, як хотЂти. По том злым безбожным римяном и иным таким лацно (легко) и без ката катовати. Не кат или говгер ¹ душу мучит, але отступпики, толко не знают, же сами себЂ ров копают, сами в нем и будут, аще (ся) не узнают, что ся чтет: «ров изри и ис копа и, в въпадет (ся) в яму, юже с дЂла»; и инде псаломник учит: «изрыет ся грЂшному яма». То ся мовит, речено ест юж: попа, учителя кождого таковыи, котрыи правду не любиша, убиша, и царя Христа, и многих святых мужей, и жен, и дЂвице.

 ¹ hórér (угорське) — кат

Ци тако? Прочитай первіе себЂ, потом людем проповЂжд апостолское — скорб в телесных, радость в духовных: «в скорби мнозЂ с радостію Духа святого», апостол рече. Комус сполняти писанія от незнающих и сіе, и оноє: «зане таяжде пострадасте от своих съплеменник, якоже и тіи от жидов, убивших господа Іисуса и его пророки и нас изгнавших, и богу не угодивших, и всЂм человЂком противящих ся».Таковіи сут римяне, «боронят нам глаголати языком», 276 зачало. Аще кто вЂрен и невЂрен, чтЂте. ВЂрный для утвержденія, невЂрныи — для знаня того, же всЂм не заткати уст ниже не зашити, яко чтет ся: «зашіем им» — антіхрист унЂятом — «уста их», лист 2342.

Аще кто, не разумЂв, и не разумЂвает, яко той зашивает уста трояким способом или образом, кипом ¹;

1. чтЂте, научите ся от Богословцова апокалипсис(а), гл. 12, в ст. 3: лицемЂрнЂ молит ся и мнЂ оного слузи, предитечЂ антіхрістовы, молиша(ся);

2. страшит, грозит боязливых. Котрых не может напудити, ужаснути, видит, же человЂк памятает на смерть, «бойте ся господа вси святыи его» в умЂ носит и в сердци сіе носит: аще святыи повинни ся бояти бога, а мы, грЂшніи, игениш ², еже е: и овшем, кольми паче и барзЂй. Приходит многократ, мыслит, як бы изрушити вЂру — не желЂзну, ниже из оцеле;

3. берет в руки бога(т)ства міра сего красная; кто имЂет — вся имЂніа ст’имует и глаголет: «кто ся поклонит, вся тому дам» — и тое дам, что и сам не имат. «Бикешигом ³ останет при мнЂ, у покою поживем из унЂятами, они же из нами, яко брат с братом».

... «Блажен муж, иже претерпЂт искушеніе, зане, искушен быв, пріимет вЂнец жизни, егоже обЂща бог любящим его» — зачало апостолское, 50.

Котрій любят бога, моцно крЂпьти ся требно е таковым, памятати: «мужай ся, и да крЂпит ся сердце» человЂче, и твое, якоже мое.

Сам Христос укрЂпил мя был, егда хотЂша звЂріе рімскіи главу мою оголити от власов, и брады и уса — да хожду, яко покуса. Може не знано вам або и не разумно, что пишу дЂянія злая римян.

ВидЂвши они — пек им от наших!— же ани на их страх, ани на прошеніе, на моленіе не дбах нич а нич, умыслиша злым духом своим призвати унЂата владыку. И призвавши до полат Волошиновскаго Іосифа ³ и панов своих, на имя Лазар Тамаша Жигмонта, прозвищем Борнемиса, дворника ^Б, и префектуша ^В, Орос Паль именем сут, и мене в претор представиша предь собою, яко жидове Петра и Павла святых. Тамо поставиша на столЂ мою честь и безчестіе в едно.

 ¹ kéр (угор.) — образ ² igen is (угор.) — точно так ³ békesség (угор.) — мир, спокій

 ^А Іосиф Волошинский — Мукачівський епіскоп.

 ^Б Управитель Мукачівської домінії.

 ^В Комендант Мукачівського замку.

ВидЂх все ту: владыку, патров діаволов и панув. И позинув, тое, отворил уста своя мой владыка: «ото видиши красных честных патров и панов пред собою. Чтож ты гадаш, мыслиш, на свЂтЂ живучи?! Цезар нЂмецкій, кроль полскій, иншіи монархи, великій панове, все сут папежници, и мы с ними юж. Дай ми руку свою на твое, же быс с нами у едности зоставал и ты»!

Не изволих по совЂту их. Они мене, ухвативши, привєдоша к столу своєму в полатЂ и даша владыцЂ до рук стригалню свою, ножицЂ, рекоша: «обстризи ему власы вся, браду и главу, еще же не лиши и уса, да будет простаком, хлопом, па(н)щину робити, а не поповати».

Просит мя владыка: «небоже, не чини срамоту в стыд сам себЂ, опамятай ся, что ти ся стало?! Послухай всЂх нас, у чести людской и ты буде из нама».

Не изволила душа моя временной (их) славы. Изволих терпеніем, яко осужденик, молчати, стоаще пред ними ждати от Господа Бога помоще; и «дадет всЂм, боящим ся его», и мнЂ в той же день и час: «и недостойным извыкл Саваоф силный дЂяти сам».

Егда юж до того пришло, стризи ты, пушпеку Іожефу ^А наш!

Яко юродивый или буй Христа ради, аз начах слезы проливати, каплЂ дождевная очеса моя испущаху (але не знал, про што). В той же час, тое видЂвши, оній панове рімскіи рекоша: «дайте ему покой, не творите тое! Что ему дано, не изнимайте вы из него, священство, точію не дайте под нашею властію поповзти. Аще будет нашим, дайте. Шкода, квар ¹, Мигаль поп, тебе! Чему не хочеш наш остати»?! Потом тіиж рекоша патрум: «дайте ему книги, негай смотрит и чтет себЂ. Ачей просвЂтит ся ему от книг душа».

 ¹ квар (болгар.) — жаль

 ^А Єпіскоп Іосиф.

Правду рече тое, же книги душу просвЂщают и учат знати, что человЂк, и звЂр, и живот вЂчный и прочыя. Христос о том учит: «Испытайте писанія, яко вы мните в них имЂти живот вЂчный»: 17 Іоанново пробалуйте зачало.

Даваша мнЂ они своих книг досыт, в нихже не живот, но смерть вЂчная. Читат аз, але все мыслих, что есть тое послЂдное слово у нашом Отче наш: «избави нас от лукаваго».

... Они сице о мнЂ мыслиша: еще молодый, еще не знает правду всю. Нех ся учит, научит ся папу знати, яко иніи отцем назвати, святим человЂком. Не опал он из моею мамою, же бых отцем его звал, а нЂм го видЂл, ниже мнЂ дает остію! Оплатка его не хощу, анЂ грошій его. Ещем в (о)нен час плюнул на него, егда отрицал и кум нянув, а мой батенько (по нашому языку нунашко) или въспріемник мой при св. крещеніи. Боже, их всЂх от грЂхов прости, котрій мене окрестиша из священником! Почах свЂта чистого видЂти без рімскаго — не отца, но, по науцЂ Христа и пророк, антіхріста.

Великое то дЂло и реч не мала, же бы не вЂровати пророком всЂм и самому нашому Іисус Христу и євангелію. Дуже отвори очеса своя, что о оном пишет ся вЂрному человЂку: «аще ин прійдет в имя свое, того пріемлете». Пророковал сам о том и мнЂ, и вам Христос. Сполнило (ся) слово Христово на мнЂ. И аз бЂх темником, слЂпцем от зачала 17. НынЂ (от лукавого) знаю, где пишет ся мнЂ и вашим душам Павлом, 273: «и открыет ся человЂк безаконія» и проч. «Отступленіе» что ест? Того самого антіхриста нарицает отступленіе.

...УнЂтове, а хочай вы, римяне премудрій, повЂдайте, възвЂстЂ те людем своим, чтс сут словеса и в котрых псальмЂх сут: «о, горе всЂм невЂрным вам! Оружіе же (сіє) являет наведенную нечестивым и грЂшным муку по праведнЂм суду и повеленій, из Божественных уст изнесеннЂм, чрез негоже несломимым безконечных мук к недЂланію многораздирательныя злобы» «пасомы будут жезлом» от 2 псалма, ст. 9, «имже святій пребывают неискусими», «яко не»(оставиши) «оставит Господь» на них «жезла грЂшных» по псаломскому словеси.

... Учит Дух и тое наших: «благоволеніе Господне ест отступити грЂха, и очищеніе ест отступити от неправды», яко оная притча повЂдаема:

Един христіянин ишол из торга, мал грошій много, котрого стрЂтил поганин Ассур, исмаильтянин, турьчин в пути его, бывшій из еднаго повЂту, сусЂд и знаимиця. Христіянин оному на прозбу турчинову позычил ему таляров 5 сот (500), поневаж были себЂ знаемыми, единограждане.

Оный человек христіянин мовит ему: «треба бы свЂд(к)ов» (бизоншагов) ¹, «можеш потом таити ся, а ту есмо у поли сами, не у градЂ есмы, анЂ у селЂ». Турчин, узривши едно живое древо, по латинску арбор, речет оному христіянинови: «подмо под древо оное». Пришедши, почнет мовити ему: «тое зеленое розвиток красное древо Бог даде, и стоит, яко древо, на том своем израстше мЂсцу. Прошу тя, дай ми под ним зычаным способом, из накладом отдам ти в рук. Не гай ся, грошми. яко купец, нзмагаю, керешкедую ². ВЂруй ми, отдам ти, отдам ти, еще и пожед дам ти».

 ¹ bizonyság (угор.) — свідок ² kereskedik (угор.) — торгувати

Оный христіянин знал, что євангеліє святое учит наших христіян: «просящему у тебе дай» и «добро творите ненавидящим вас», паче же домашным, по св. апостолу, дал ему и ждал до року. А в рок, пришедши, просил от него свое. Он же почал таити ся, гнЂвати ся; яко чловЂк земный, мыслил, же тое никто не знает и не вЂдЂл.

Тому христіянинови даде ся от господа Бога нашего мысл, и пойде до турецкого клику на их, до патра, котрый кличе к себЂ всЂх дурных на молитву мерскую, тое, скарЂдную богу и нашим душам.

Пришовши, скаржит ся на того турчина, же не признавает (ся) довжным быти ему и мовит, же и не просил, и не знает нич о том человЂку. Выслухавши турецкій учитель кварного, послал по того турчина. Пришедши, стал ему мовити: «чему не отдаеш должное ты?» ОтвЂща же: «не тылко, абы ему должен, ниже знаю сего гаура человЂка. Лжет он»! Паки рече кликун христіянину: «пред ким и где еси да ему грошЂ твои, человЂче? По правдЂ кажи, бо видит все Валлага, Адонай, в небЂ сущій, Саваоф, моцный Господь Бог». Христіянин повЂл: «в полю под древом, дичкою едною, стоящею горЂ верхом; сырая ест, в поли нашом стоит». Речет кликун Турчин ему: «Иди ты, человЂче, борзо до того древо и призови пред мене оное скоро а скоро. Кажи ему, нех ти будет свЂдчити на сего турчина».

Оный бЂдный человЂк, поскробавши ся у главу свою, не хотЂл ся потрудити, мусЂл потом пойти, поневаж старшого кто не слухает, біют, фукают, безчествуют, лают, изганяют. Пошол из дому вон. Кликун покличет: «борзо ходи, й пріидЂте, бо я сего не пущу вон до твоего приходу, ждати буду тя».

Он, сиромах, побЂже, а той ся издрЂмал турчин, стояще пред ним. Едного разу речет(ся) ему: «гей, ци чуєш?! Як розумЂеш ты, до того дерева дойде ли юж той человЂк или ни?» ОтвЂща: «ни, бо тое было далеко отселЂ».

Кедис, некеди, с страхом пріиде той человЂк пред лживаго попа турецкого. Речет ему: «Ци идет»? «Нет, пане, не пріидет». ОтвЂша ему: «давно ту пришло, перше от тебе. ПоразумЂх аз от слова его, же должен ти ест, повЂлЂ едным своим словом. Йди до дому, юж не жури ся. Мусит отдати. ВедЂте сего у робшаг ¹ зараз, у темницю, яко должника христіянинови. ПовЂл, же еще не дошол, где тое Арьбор».

 ¹ rabság (угор.) — рабство, темниця

... Скоро мя почал діавол пытати толмачем своим, кто мя хиротонисал, котрый владыка? Ис того едного слова познах владыку — и не владыку, но врагов, бо двае быша, пред нимиже стоях; бЂскупове, а не пастыріе обае сут. МЂсяца марта и апрЂля дня пятого пред ними стоях, аки осужденый — языка ли рЂзати, или отсЂщи руку, или воды и сЂна преставити и замуровати его у стЂну каменную. «Буй буя възглаголет».

МнЂ болша будет слава, а о чести и сла†земной нич не дбаю, яко «той рече, и быша», же «блажени есте изгнаны правды ради». Покажет ся и наша правда на судном оном страшном дни, яко оного брата христіянина из поганином турчином. Он не мал бизоншага ни едного человЂка, але бо аз много имаю и папЂжтаков, ляхов же.

Псы выют, горЂ главы держат, але тых глас не слухают св. пророки, ани апостолове, ниже мученикове, анЂ всЂ св. угодници божій, сущій в раю. Яко пса, егда избЂсит ся, сице храни ся, унЂяте брате, патров, бо прокажена ему не плот, но дух ему нечистый е.

Читай, знайдеш в писаніях Божіих многая благая, знайдеш, яко и аз.

Не водою руки мыют, ниже мылом от не чистых римлян нашЂ ноги, и руцЂ, и смердящая уста, но правдою и добродЂтелію. Не языком молим ся милостивому Богу, но держим ся святых колЂн самого Христа и знаєм повЂсти, кому бы потребно знати, где Христос живет — и мы с ним же.

... Богат еще и той, котрый читал о том, же жона у старом РимЂ, папою бывши, осмая Иванка уродила, може, от пса, латька, зачала была. Читай, знайдеш друкованую книгу о том, 121 лист, и далЂ читай, узриш лист 143: чему на Іордан воду не ходят и не дръжат св. богоявленіе, празник празником; чему папЂж един позволял попом своим держати жен, а подложниц, колко сам схочет, курв (волно).

Нашим не папа Формос законоположником, анЂ Александрове вашЂ сут, але таковыи, котрых не знают не точію римляне, унЂты — самаряне, але ктось и простачок, смиреный брат наш.

...Тое ся стало, было с мною перше, егда не читах св. писанія. Бывах многажды при пожарЂ великих домов живых человЂк. Дом О(т)чій горЂл, аз же смЂях ся тому, же церков горЂла. В людех діавол из них палил. И при таких жих людех!

Аз же, егда дом сусЂда горЂл, сЂдЂх в дому моем, окна позапирающе, мыслих: «негай горит, добре, так ему треба!» Вызоры або окна хижняя для того имЂх заперта, дабы мыслили видЂвшіи дом мой, же нЂмаш мя в дому моем, пусто стоит, без господаря ест.

В той же день, егда горЂло и сусЂдов близко моего дому дом, пріидет един человЂк под мой дом, пріятель, и рече: «кто е в дому, утЂкай из дому. Горит над тобою юж и твой дом, Михаиле Оросвигувскій, поповскій дом, зри!» Отворивши окна, вызоры мои, увидЂх свЂтло от огня, в ночи бывши. Утекох из дому, лишивши все в дому, да сам огнем не скончаю ся при огни оном, писаном у псальмЂ 57: «паде огнь на них, и не видЂша солнца» — римяны с моими браты унЂтама. СмотрЂте, узрите от Златослова, листы шест.

«Едино тЂло, един дух, яко же и звани бысте в едином упованіи званіа вашего. Един Господь, єдина вЂра». Была в том любов и вЂра, еще же и пріязнь, котрый человЂк мнЂ рече у РосвиговЂ, под Мукачовом селЂ: «вражій попе, устань, скорЂе иди!» Добре знал той 37 псалом, не так, како мы, священики, попове: «възвеселит ся праведник, егда сидит отмщеніе нечестиваго, руцЂ своиго умыет в крови грЂшника».

ОБОРОНА ВЂРНОМУ ЧЕЛОВЂКУ

Сія книга, глаголемая «Оборона вЂрному каждому человЂку», списанна правовЂрным и, могу рещи, достойным іереем, Міхаилом Феодулом и Христодулом, року того, котрого зЂло рімляне на нас наступали и гонили нас восточных, и во кладах и затворах нас держаще и пакость велію нам вЂры ради православной задавающе, но сих всЂх нас Господь избавил, якож и Петра и Павла от узилищ. Прошу и молю вас, братіа... (Далі один аркуш втрачений).

...Чуйте, слышите, что Христос речет вЂрной человЂчой души. Глаголю бо вам, моим самым вЂрным овечакм: что имает ворог наш, папЂж граду римскаго, вся возмет ся, а што учу аз вас, не хотят враги Божій слышати сія слова: «не хотЂвшія мнЂ царствовати над ними приведЂте сЂмо и иссЂцЂте предо мною». Обаче оны, як римчиковы, сице унЂты врагы сут мои. Христос враги кажет учити, любити и доброе творити им. Доброе творю же, апостолскую милостиню даю им. Кто от вас такій чловЂк, каковый не въстребует от мене наученія, но от книг св., каковую милостиню апостоли Христовы даваша. Поутеж, прочтЂте своей убогой власной души от гл. 71 в ДЂяніи, л. 244, учинЂтеж, сътворЂтеж, грядЂте, своими очесы зрЂте: наковую милостиню пророци, апостоли, и аз такую, такову вам. Милостиня моя доведет до душЂ, кто ю не имЂет, но нынЂ никтоже сіе творит.

...Негай крегче, яко жаба, Матеаш Жамбар римчик ^А. Глаголет евангелиста святый Мафей о том, же неправа вЂра тота, в кого душевный пастыр лож. Они, римляни, самая лож сут. Ст. 11, гл. 24 смотри: «и мнози лжепророци востанут и прельстят многіа»; отож тыи сут то. Пишет тож великую лож, же нЂт вЂрного человЂка, опроч у них. И тое пишет, же требно знати, же Лютер Мартон и Кальвин Янош папЂштаки были, обае от них ся отлучиша: «злое древо гнилое, и плод его зол, гнил есть». Христос тое рече, бо они, папЂштаки, сут сами недоброе древо, для того тоты от них — плод зол. Ертеди ¹ сіе, брате христіянине? Пророка Іезекиля, гл. 44: «яко же мати, тако и дщи», дщи матере твоея ты еси, отринувшіа мужа своего.

 ^А Матіаш Жамбор — єзуїт, автор книги «Három üdvösséges kérdés» («Три душекорисних Питання»), яка багато разів перевидавалася (1661, 1672, 1690, 1745 рр.).

 ¹ ertedy (угор.)— розумієш

Яко курва една, тако и друзи, поневаж лишиша правду, не мою, но общую всЂх, всю вЂру, и жидовствуют субботою и оплатками безквасны(ми). Лютер и ормянове с нима, також quicinque и ин; кто унЂю помагают; всЂ не знают глагол сЂй святый: речено е: «кленущу нечесивому сатану, сам кленет свою душу».

...Римлянове, калвинове, лютаронове и иныи столицю, престол нарушиша юж, бо сами не читают, а кто читает, св. божого писма не вЂруют. НенавидЂти убо не онЂх же, но вЂру или догму, устав, не человЂка, но алое дЂяніе, растлЂный разум. ЧеловЂк убо е дЂло Божіе, прелесть же дЂло дяволе (діаволское): «не смЂсиши убо яже Божая и яже діаволская» ...

...Патер мовит не от св. писма, глаголет, же Рим гора святая. Лжет у своей лживой книзЂ, абы точію у двох предЂлех находила ся наша святая вЂра, котрій папу римского не пріимуют; о той лжи его 34 лист. Ага, власный искуситель, яко ся правдЂ божой смЂеш явити ты, яко ся опираеш и лож боронити смЂеш? Аз же бороню правдивую Христову церков, в ней же родихо†ся не пятсотного року, ани теж 805 лЂта, яко ты и прочіи твои сынове. Лютер Мартон отступил вас 1570 року, другого такого сына 1734 року костел твой сплодил. Злое сЂмя, плевелы, то сут твои сынове, мы же божій есмы сыны, котрыи держимо ся св. писма. «Гора Сіон си, яже всели ся в ней»; гора — вЂра; сице учит 73 псалом. Въскую унЂятове не знаєте и вы той увес св. псалом? «Враг поноси господеви и людіе безумній раздражиша имя твое. Не предажд звЂрем (рі(м)ским) «душя исповЂдающих ти ся. Душ убогих твоих не забуди до конца» и прочая.

...Брешет, яко латько оный, котрый мнишьцЂ едной дитя, чадо, именем, Петра гугнива (сплодил); мнишка сплодила от пса, зачат ся в ней пес, пса Петра гугнивого уробил. Той из них на православных щекат, не может сынов своих, лютров и кальвинов, обратити к себЂ. Давно силуют ся извести их, але тоты боронят ся, моцною их лжею спротявляют ся, писмом, хоч и не своим, vae! А нашЂ, убогій суще наученіем Параклита, духа святого, не знают, что на нЂ, яко песь, выет, горЂ пысок гордостю діаволевою изнявши. Слухайте и, чувши, чуйте. Гварят, мовят, глаголют: «чак Муска орсагба, точію у Моск†и межи турками сут отщепенце», бо мовит, же не правый дух е, дЂ(й)ствующ с церковію святою; тото великая бЂда их. А чемуж волокут, тягнут силою нашу церков, и рады бы они мнЂ погибнути скоро, борзо, просят, молят мя обратити ся. На що? На унЂю их. Пге, плюю на ню, не хощет ниже одежда моя, ани кость, ани прах одежды моея: нем, кель маш некем иштен ¹, сирЂчь, не потребно минЂ Бога их, есть Бог. Пророки прорекоша, же римского папежа, бога, megkötik ² и «славныя их ручными оковы желЂзными», апокалипс. о сем. Чему ся богом творит, святых ся не боит; свята перемЂнил, не мы, он.

 ¹ nem kell más nekem Isten (угор.) — непотрібно мені іншого бога,

 ² megkötik (угор.) — зв’язувати

...Тож проклятая сатанина тых вЂра злая будет скоро юж воняти, смердЂти нашим, скоро. Як тое розумЂти треба, же папЂж римскій всЂм отец? Ачей на едном ложи спал ти из матЂрю, из усЂма унЂятома матерію, пек ему от наших, пропад, и соромота человЂком не знати тое, еще же и студно. Что по сему хощу от св. евангелистов чернилом писати вам: «и отца не зовЂте себЂ на земли». Ертеди, ци розумЂете, унЂятове, што пишу вам: патер, что сіе? Паки въпрошаю вас, повЂжте себе вы, а не мнЂ, квид гок, цо то єсть патер ваш? Я вЂм, тому тлъкованя є, не точію у св. апостолЂ, але у самом евнгеліи, зач. девятдесяттретем: «един бо Отец ваш, иже на небесах». Римскій отец ваших патрув и тое с вами не знает, же и съй, котрый жену не имЂл, имает чада нынЂ. Многих чадами знаю, же. их Павел апостол, а не жена родила, але Павла святого жаден сын духовный не смЂл отцем звати, бо вЂдаша знаша євангеліє: «и отца не зовЂте себЂ на земли, един бо отец ваш, иже на небесах». Горазд просмотри євангеліє, еще и тое тамо знайдеш, что я сам от себе не знаю, но от духа пресвятого жду, чекаю: брань будет еще велика или рать Павлова, Даніилова и Іоанова.

...Люблю аз тЂло ваше. Але чтож, чемуж вы христіян мучите? Бо у вашому тЂлу нЂт духа истинна. Христос учил и тепер же той Христос, а у вас папа есть. Але, прошу, послушай-ко, а чем же нас обнажают плотскіих риз?! «Дайте», Христос учит, а не силою з них бери. Чем же разбоем пред многима попами шарпали, како звЂрове, нас, беручи хитоны. Даю и сорочку, бо евангелиста святый и апостол глаголет юж в зачалу, что тераз учу ся, яко от духа своего дал е тое знати, еже и мы не знали, а тераз вЂмы, знаєм: «Бога никтожє нигдеже видЂ», «бог любы ест» и проч., «и пребываяй», рече, «в любви божой, и бог в нем пребывает. О сем совершает ся любы с нами, да дерзновеніе имамы в день судный, зане, якож он е, и мы есмы ту, в мірЂ сем. Страха нЂмаш в любви божой, но съвершенна любы вон изгоняет страх чловЂчій, яко страх муку, мученіе вЂчное имат. Бояй же ся не совершает ся в любви».

Мы духовная, а вы плотьская, мы в небЂ, а вы в РимЂ остаете, бо евангеліє силою из моих (рук) взясте.

...Антіхріст не токмо ваш Риму папЂж, папа, но и вси тоты. «котрій люд не вЂсть закона, прокляти суть...» Проклятый сын е таковый чловЂк, и женска пола, хочай дЂвка, хотяй папЂжтак, хотяй кто грек, хочь руснак, хотяй пан котрій, хочай монарьха, властилин свЂта краткаго, дочаснаго, временнаго, прейдущаго и пр. Кто закона, божого права не знает, тот род проклинает св. евангелиста Іоанн в зачалЂ церковном —не засудте — двацятсемое: «но народ сей, иже не вЂст» — по просту глаголю — «закона, прокляти суть».

...Зри смерти отступующых св. православія нашего в Полщи:

1. Полоцкаго владыку Германа дух злый манЂата мордовал, же, вЂру охабивши, хулил ю.

2. ПЂньского Гоголя мучил сатан, шатан, в церкви пред людми.

3. Владика Хель(м)скій отступил от правил св. отец, из женою своєю еретицко(ю) живым еще мордован от злого Духа.

4. Wladika унЂат Луцькій, Терлецькій прозвищем, котрый до Риму ездЂль поклонити ся антіхристу самому, папежу, о котром вшитци Луцкіи повЂ(дают?) барзо dobre wie, знает, іж ¹ іта.

 ¹ bardzo dobre wie, iz — дуже добре знає, що

Пръвей тых чтырех якійсь Michaél Raboza бысть uniatem, бо был лакомца и блазнем рімским, не знал истинную святых едну христіянскую вЂру, от Христа посЂянную пшеницю. Откуда имат плевелы? Враге чловЂк(ом) діавол, всія между чистую вЂру полову свою — плевелы рімскіи; Лютер Мартон калвиністов имает внуков своих. ПапЂж сплодил сына и внуков, октавус Angyelczék Ioannes. A ну, Hungaria оноеж откуда посЂял враг плевелы? Сей чловЂк сосуд вражій, чрътув, Петр Петрович Парфеній, megszakat belü ¹ то e, слЂпый и килы носящ между голенома своима, из села, названого Секоул. Знаю ego я, его. бом я был в дому егож в тых же Секулах, при св. ЙоаннЂ блиско тое, в НЂмецкой земли. ЧеловЂкови мнЂ устнЂ, языка, не рімскіи бЂскупове ани папа дали, но Еммануил наш: мушу мовити.

 ¹ Megszakadt bélü (утор.) — з прорваними нутрощами

ПОУЧЕНІЕ ВСЂХ ОТВОДИТ НЕДОБРЫХ, ЗЛЫХ

Поученіе всЂх отводит злых и от будущеа муки избавляет. Глаголю истинну от книг: «Мнози очи свои» Лухом глаголет апостол, «погубиша, мнози в недуг зЂло тяжчайш впадоша. Терпяй убо доблественнЂ, вся претерпит удобнЂ». Множество злостій ест в римской щербой вЂрЂ их, яко во оном Ноевом вранЂ (воронЂ), иже на трупЂх мертвых оставши, не возвратил ся в корабль; e o нем и большая наука. Тако, нЂціи падающіи унЂтовы попы писменіи, творите и вы; обратЂте ся, како голубиця Ноева, сирЂч, душе грЂшная. Молю, опамятай ся, человЂче мизерный, како Петр апостол изиде, вышел плакати ся грЂха. Церков Божія, человЂче, з м(н)огих члонков сплоена, будучи една сама едною, многих сынов мает, на каждый час их родит, не e бовЂм неплодна, анЂ может быти, имЂючи обрученіе духовное c Христом Богом, котрый e твердым каменем краеугольным. О той камень споминают пророцы нашым вЂрным братіям, такожде евангелистове, и Петр апостол, Павел також, апостоли святыи, a невЂрниковы сынове шпотают ся, претыкают ся мнози, бо суть внутр без очій, слЂпыи...

Попередня         Головна         Наступна