[Зіновіїв Климентій. Вірші. Приповісті посполиті / Підг. тексту І. П. Чепіги. — К.: Наукова думка, 1971. — С.29-76.]
Попередня
Головна
Наступна
1. А чловεкъ чловέка ра(д) бы в(ъ) εди́нъ ча́съ з(ъ)губы́т: 1
и ґды (б) мощно то мо(г)лъ бы жыва́го поглоти́т(ъ).
А гд̃ь б̃гъ нε хощεт(ъ) грЂшны(х) люде(и) смε(р)ти:
лε(ч) храни(т) жεбы кому и на́глε нε вмε(р)ти.
I на́съ жε в(ъ) грЂха(х) су́щы(х) сп̃сε нε погубѝ:
алε о(т)чεскую свою̀ мл̃(с)ть к(ъ) на(м) всугубѝ.
То ε(ст) жεбы(х)мо свои(х) и грЂховъ позбы́ли:
и нб(с)ную твою радо(ст) наслЂди́ли 2.
1 Збереглося вісім останніх рядків цього вірша. За нумерацією Климентія, доведеною лише до 25-го вірша, це був 9-й вірш. Отже, втрачено три аркуші рукопису, на яких містилося 8 і початок 9-го вірша. Нумерацію віршів починаємо з цього твору.
2 З правого боку на полі написано червоним чорнилом по вертикалі: ω тε(р)пέніи б̃жіεмъ εщε ли(ст) s̃.
2. Ω людεх) правди́вы(х), и хотя́щыхъ правды научитимA; нау́ка
Хо(ч) то мо́вятъ пра́вдою нε пожывитисA:
а лЂпшε(и) о(т) нεправды zа́вше храни́тисA.
Кгды (ж) из дна̀ мо́рA пра(в)да ст̃а́A вы(и)ма́εтъ:
и хочъ нε пожытεчна а ча́со(м) спрія́єтъ.
I паки пра(в)ду рεкши ты(л)ко бо(и)сA б̃га:
а такъ пра́ваA бу́дε(т) до нб̃а доро́га. /4/
I εщε (ж) якожε та(м) прέждε по́вышшε рЂхъ:
такую (ж) рЂчъ, що мо(в)лю пра(в)да то ε(ст) нε грЂхъ.
Zачи(м) нεха(и) всякъ зво́ли(т) в(ъ) пра(в)дЂ сA коха́ти:
ко(т)рою ла́твЂ(и) зможε(т) часо(м) оправда́ти.
А понεва(ж) и са(мъ) б̃гъ во всε(мъ) ε(ст) правди́вы(и):
прε(д) ни́мъ жε нε оправди́тъ вся(к) нεсправε(д)ли́вы(и).
ТЂмъ ко(ж)дому правдивы(мъ) бы́ти подоба́εтъ:
εслѝ хто̀ по сε(мъ) вЂку в(ъ) нб̃Ђ жи(т) жεла́εтъ. \32\
3. Ω болЂзнε(х) всяко(г)[о] створε(н)A животного; пачε жε о члч(с)кихъ: по словεсε(х) ап(ст)лски(х)
Ащε ади(н) у́дъ стра́ждε(т) то стра́жду(т) и вси с ни(м):
и о(т) главы до ногу купно болЂютъ з(ъ) тымъ.
А глава̀ главо́ю всЂмъ у́домъ прεбыва́εтъ:
ґды̀ бε(з) главы̀ ничто жε живо нε бываεтъ.
А ωсо(б) жывотво́ритъ всε εди́на гла́ва
Хс̃: Іжъ всЂ(м) жывотны(м) и члкомъ сла́ва. /4 зв./
Бо ґды Х̃с глава всЂх, о(т)я́та бя́шε:
тогда̀ всε а́ки бεз гла(в) до трε(х) дни(и) стра(ж)да́шε.
I по стр(с)тεхъ εго вε(с) родъ вЂрны(и) смути́сA:
а по воск̃рсέніи за(с) возвεсεли́сA.
ТЂмъ Х̃ε гла́во нш̃а болЂзни на(мъ) сцЂля(и):
и (от) дш̃εпагубны(х) грЂховъ насъ о(т)враща(и).
Да нε посты(д)но тεбε в(ъ) послЂдны(и) дε(н) срящε(мъ):
и навЂки бл̃года(т) ω(т) тεбὲ обрящεмъ.
4. Ω вЂтрЂ
Подо(б)но створи(л) б̃гъ вЂтръ бо(л)шъ людε(м) на па́ко(ст):
нεжε на выго́ду: кгды (ж) чини(т) многу [и:] 1 на́па(ст).
То ε(ст) бЂду̀ твори(т), іжъ [огнε(м):] 1 хра́мы запаля́εтъ:
и множε(ст)во в(ъ) водахъ людε(и) потопля́εтъ.
А особно іногда клЂты прεвраща́εтъ
и з(ъ) фундамε(н)ту стрε(м)гла(в) часо(м) обраща́εтъ.
А ча́со(м) на людε(и) з(ъ) стра(н) многи(и) врε(д) прино́ситъ:
на ско́ты и на бы(д)ла zаразливо(ст) вно́ситъ. /5/
А часо(м) тε(ж) бу́рεю кру́шы(т) и дрεвεса̀:
и стра(ш)ли́ваA творитъ на свЂтЂ чудεса̀.
А іногда особъ за(с) кого̀ и zморо́зитъ:
а́щε и з(ъ) мра́зо(м) в(ъ) зы́мно(м) ча́сЂ сA умно́житъ.
Ему́ жε а́щε (б) зво́лилъ бг̃ъ во́лю пода́ти:
то мо(г)лъ бы з(ъ) долы́нами и го́ры зравня́ти.
1 Квадратні дужки стоять у рукопису. \33\
I хо(ч) бы εго Х̃с былъ и нε сотвори́лъ:
мощно жε ко́жды(и) правε (б) по нε(м) сA нε тужи́лъ.
Zачи(м) нεха(и) на(мъ) б̃жε нε твори(т) вЂтръ злости:
лε(ч) придε(р)жан(ъ)εмъ крЂпки(м) крушѝ εму̀ ко́сти.
А признаε(мъ) пра́вда ε(ст) [ча́со(м) хо(ч) мала́A] 1 о(т) вЂтра выго́да:
кгды бываε(т) в(ъ) сл̃нε(ч)номъ палέн(ъ)ю охло́да.
I на вЂян(ъ)A з(ъ)божа помЂрны(и) надо́бεнъ:
а бо́лЂε нε вЂмы на что̀ ю́жъ подо́бεнъ.
Кро(м) чаровницы могу́ть з(ъ)бытны(х) трεбова́ти
вЂтровъ: а на(м) б̃жε да(и) того̀ и нε зна́ти.
Да і ω(т) вЂтро(в) злы(х) рачъ насъ б̃жε храни́ти:
да и zа то̀ особно будεмъ тA хвали́ти. /5 зв./
1 Квадратні дужки стоять у рукопису.
5. Ω огнЂ
На збы(т) створилъ б̃гъ дивно огнε(н)ны(и) εлεмε(н)тъ:
которы(и) растлЂва́εтъ и крЂпки(и) фундамε(н)тъ.
А нЂ(ст) мощно нико(г)да̀ пламε(н) в руки взя́ти:
и(ж) бы пла́мε(н)ну тя́жε(ст) возмо(г)лъ кто̀ дозна́ти.
Ты(л)ко вся́кому εго трεбЂ сεбЂ мЂти:
тако я́сти варити, я́ко и согрЂти.
А что чу(д)нЂε жε с ка́мεніA ро́дитъ:
а во іны(х) вέща(x) нЂ(ст) вовЂки нε пло́дитъ.
Кро(м) особно в(ъ) крvста́лε(х) житε(л)ствуεтъ та(и)но:
и про́мεнε(м) сл̃нέчны(мъ) можεтъ вы(и)ти я́вно.
I та́кожъ якъ с ка́мεни сы́лу із(ъ)являεтъ:
εднакъ мало сε(и) шту́ки на свЂтЂ быва́εтъ.
А с ка́мεни вся́кому ла́т(ъ)во впотрεбля́ти:
а́щε начнε(т) жεлЂзомъ ка́мε(н) ударя́ти.
I я́ко всὲ дал бж̃ε чловεчому роду:
тако и о́гнь створилъ εсѝ на(мъ) на выго́ду.
КотроA то выго́ды о(т) насъ нε о(т)и(и)му(и):
лε(ч) до ко(н)чины̀ вЂковъ в ка́мεни zахову(и). /6/
Бо̀ и zа тоε дЂло тA бл̃года(р)ству́εмъ:
а по ко(н)чина(х) нш̃и(х) вгасѝ молεбству́εмъ.
Абы(х)мо то(г)да̀ ужѐ ни зрЂли вовЂки:
εго жε грЂшны(м) εсѝ зготова́лъ прε(д) вЂки. \34\
6. Ω тε(р)пέніи бж̃о(м) ω людε(х) грЂшны(х): Ка́ко то̀ и для которы(х) дш̃ъ, храни(т) гд̃ь бг̃ъ обы́тεли и грады и вεси, и всякіA хр(с)тія(н)скаA жы́лища
В ко(ж)до(и) сεли́т(ъ)†мЂεтъ ст̃а́A дш̃а̀ бы́ти:
для ко(т)ро́A из(ъ)вы́клъ бг̃ъ грЂшны(х) мно́ги(х) храни́ти,
Бо нЂ(т) сεла̀ и града та(к)жε и ωбы́тεли:
жε(б) нε мЂ́ли нЂ εдно(и) ст̃о(и) дш̃Ђ жы́тεли.
Ко(т)ро(и) ради храни(т) бг̃ъ всѐ то сεлέніε:
и грЂшнымъ явля́ε(т) своὲ до(л)готε(р)пέніε.
I намъ ω сп̃си́тεлю грЂшнЂ(и)ши(м) ласка́въ бу́ди:
а трудовъ бЂдъ и ско(р)бε(и) нш̃и(х) нε позабу́ди. /6 зв./
I нεдосто(и)ныи бо на тÀ мЂεмъ надεжду:
жε з(ъ) ласки своε(и) дасѝ на(м) нεтлЂнну одέжду.
I ты̀ Хв̃а мт̃и о на́съ всε(г)да̀ мл̃и́сA:
и о сп̃сέніи нш̃εмъ нεпрεста(н)но по(т)щысA.
7. Ω и́мεнахъ бз̃скихъ
Гд̃ь бг̃ъ сεбЂ sЂло много імε(н) ма́εтъ:
а проти́вны(и) дія́волъ εму̀ сA равня́εтъ.
Ажε ни в чέмъ нε зоста(л) злы(и) бг̃у соравнέнъ:
и εщέ з(ъ) про́чіими с(ъ) нб̃сὲ иzвεржέнъ.
Імέна (ж) бг̃у, Хс̃ Сп̃съ, и Ізбави́тεль:
вл(д)ка г(с)дь Іс̃с грЂшны(х) искупи́тεль.
И всεго̀ свЂта творεцъ, и цр̃ъ вся́ко(и) сла́вы:
εму жε нЂ(ст) мо́щ(ъ)но да(т) зупо(л)ноA хва́лы.
I ωсобъ имεнуεтъ о́нъ сы(и) всεдε(р)жи́тεль:
нε довЂдомы(и) о̃цъ, и всЂмъ на(мъ) сп̃си́тε(л).
I чл̃колюбεцъ тождε нарыца́εтъ:
понεжε прося́щы(м) всὲ с(ъ)вышшε подава́ε(т). /7/
I никто̀ нε змо́жε(т) всЂх імέнъ εго зчита́т(ъ):
точію до́лжεнъ мо(л)бу до нεго̀ возсыла́т(ъ):
ТЂмъ прεбл̃ги(и) сло́вε вЂрныхъ нε zабу́ди:
и всЂм славя́щы(мъ) тεбὲ мл(с)тивы(и) буди. \35\
8. ВЂ(р)шъ до бг̃а мл̃итвε(н)ны(и) о(т) чεловЂка грЂшнаго
Бж̃ε и за то̀ прошу̀ тÀ ω прощεніε:
да(ж)дъ ми з(ъ) ωсо(б)но(и) ла(с)ки си ізвЂщέніε.
Ест(ъ) ли кто на сε(м) свЂтЂ мнЂ грЂха́ми ра́вны(и):
я́ко то аз(ъ) έсмъ εди(н) грЂшны(и) и sлонра(в)ны(и).
I вЂмъ творчε мо(и) и(ж) всЂхъ в(ъ) грЂха(х) прεвышша́ю:
то́кмо мл(с)ти твоε(и) нε о(т)чаεва́ю.
Можε(ш) бо и мεнὲ на пу(т) правъ настави́ти:
и дш̃έвную всяку сквε(р)ну очисти́ти.
I нε опустѝ мεнὲ вл(д)ко до конца:
а́щε и о(т)ню(д) мои(м) грЂха(м) нε машъ конца̀.
I нε послѝ мнЂ εщε в(ъ) грЂха(х) сущу смε(р)ти:
до(н)дεжε има(м) гла́вы враговъ своихъ стε(р)ти. /7 зв./
Ω что̀ бл̃жε на мл(с)ть твою̀ упова́ю:
дш̃у ис тЂломъ грЂшны(м) тεбЂ поручаю.
Ты жε всεмоги(и) дЂла рукъ свои(х) нε прέзри:
но грЂхѝ колико и(х) в сεбὲ мЂю прέзри.
I в(ъ) послЂдны(и) стра(ш)ны(и) тво(и) дε(н) мA нε оста́ви:
и на прави́цы твоε(и) с(ъ) ώвцы поста́ви.
9. Ω людέхъ, ωсужда́ющи(х) людε(и)
Нε судЂтε грЂшны(х), нε бу́дεтε суждε(н)ны:
да̀ и вш̃и всЂ грЂхѝ бу́ду(т) бг̃о(м) прощε(н)ны.
Бо кото́рыε людε которы(х) осужда́ютъ:
тыε смε(р)тεлны(мъ) грЂхо(м) бг̃ови согрЂша́ютъ.
Прεто которы(и) ви́ди(т) своA согрЂшεніA:
то(и) бε(з) труда заслужи(т) у бг̃а сп̃сέніA.
I да(и) бж̃ε и на́мъ нико́го нε ωсужда́ти:
бы(х)мо нε осуждε(н)но мо(г)лѝ прε(д) тεбὲ ста́ти. /8/
10. Ω лεжащыхъ в нέмощахъ
Кгды̀ кому̀ тЂлεснаA прилу́чи(т) хоро́ба:
тому змЂняε(т)сA вся̀ ли́чняA оздо́ба.
Бо мо́вя(т) на ви(д) глядA здоро(в)A испыту(и):
а що нε красέнъ хо́ры(и) тому сA нε дыву(и). \36\
I нέмощъ никого о(т)ню(д) нε украша́εтъ:
ты(л)ко згола красоту́ тЂлε(с)ну згубля́εтъ.
I я(к) ко(л)вεкъ тому̀ хто̀ будε(т) з яки(и) часъ лεжа(т):
а нε да(и) бж̃ε на́глε нико́му умира́т(ъ).
В до(л)го(и) нέмощи лεжа̀ можε(т) сповЂдати:
и тε(ж) сакра́мε(н)тъ ст̃ы(и) особно приня́ти.
I трεбЂ и zдоровымъ о смε(р)ти памята́т(ъ):
и конεць смε(р)тны(и) [з(ъ) рЂчю] 1 из(ъ) покаяніε(м) при(и)мова(т).
Ты̀ жε бж̃ε нε всЂм хоры(м) жыво́тъ прεсЂца(и):
но про́чіи(х) хо́ры(х) в(ъ) грЂха(х) сущыхъ возставля(и).
Абы̀ мо(г)ли сA тεбЂ тво(р)цу прислужи́ти:
и покая́ніεмъ о(т) грЂхъ дш̃и о(т)мы́ти. /8 зв./
1 Квадратні дужки стоять у рукопису.
11. Ω жεлающыхъ сεбЂ смε(р)ти(и)
Много таки(х) ε(ст) в свЂтЂ что смε(р)тε(и) жада́ю(т):
ко(т)рымъ жада(н)εмъ свои(мъ) бг̃у наругаютъ.
Бо жεла́ю(т) и про́сятъ у гс̃да смε(р)ти:
а і бεз прозбы кгды ча(с) при(и)дε(т) му́ся(т) вмε(р)ти.
Приходи(т) жε смε(р)ть часо(м) в половинЂ вЂку:
а іному старому ужὲ чεловЂку.
А іны(х) и о(т) пε(р)сε(и) бεрεтъ сεбЂ дЂти:
в(ъ) пε(р)вомъ року̀ и́ли тε(ж) за(с) у двою лЂты.
А іны(мъ) матε(р)нεε чрεво гробъ быва́εтъ:
εсли нε породи(в)ши ма(т)ка умира́εтъ.
Zачи(м) смε(р)ти вовЂки нε трεба жεла́ти:
при(и)дε(т) я(к) кому̀ ю(ж) бг̃ъ изво́ли(т) посла́ти.
Токмо да(и) бж̃ε в(ъ) грЂха(х) на(м) нε умира́ти,
жεбы ка́ры вЂчнои нε наслЂдовати. /9/
12. Ω смέрти
Ω смε(р)тε смε(р)тε чεму ты та(к) έстε(с) стра(ш)на:
нε ты(л)ко ты̀, лε(ч) твоA и па́мя(т) ужа́сна.
Кгды (ж) богаты(х) и вбоги(х) нЂgды нε мина́εшъ:
алε равно з(ъ) дш̃а́ми всяки(х) разлуча́εшъ. \37\
Я́ко то розмаитых пн̃о́въ бл̃городныхъ:
такъ сла(в)ны(х) и прεславны(х) и вεликоро́дныxъ.
На висо́ки(х) го́нора(х) породы шляхέтной:
и вεлича(и)ши(х) властε(и) фамиліи славέтнои.
А особливε простыхъ и вεликомо́жныxъ:
чε(ст)ны(х) жε и прч(ст)ны(х) и я́снεвε(л)можныxъ.
Та(к) за(с) гεтмано(в) и кро́лε(в) дε(р)жавныхъ:
а посполу и цр̃ε(и) вεликодε(р)жавныхъ.
А заты(м) εп(с)повъ вся́ки(х) освящεнныхъ:
и всяки(х) а(р)хіεрεεвъ прεосщ̃εнныxъ.
И з(ъ) убо́ги(х) дх̃о(в)ны(х) ωсобъ на(и)по(д)лЂ(и)шихъ:
а з ны́ми тако(ж) впя(т) и патріа(р)хъ ст̃Ђ(и)ши(х). /9 зв./
Zачимъ дава(и) дово(л)но навε(т) кому жи́ти:
εслѝ то нε мо́щно никому опусти́ти.
13. Ω учащы(х)сA умирати прε(ж)дε смε(р)ти то ε(ст) о імЂючи(х) всε(г)да а́ки прε(д) ωчима в(ъ) ср(д)ца(х) свои́хъ стра(х) бж̃и(и): и в (ъ) умЂ ісхо(д) сво(и)
Учи́сA чл̃вЂчε по всÀ днѝ умира́т(ъ):
сирЂчъ нε запомина(и) о смε(р)ти памята́т(ъ).
Бо ґды при(и)дε(т) тεбЂ ча(с) з(ъ) свЂто(м) си(мъ) жεґна́ти:
то(г)да̀ ю(ж) сA нε ввε(р)нεшъ учи́ти(с) вмира́ти.
Смε(р)ть бо всε(г)да̀ в хи(т)рости своε(и) ε(ст) тако́ва:
жε ба(р)зЂ(и) о́наA ждεтъ кого̀ нε гото́ва.
И ко(г)да к(ъ) готовому кому̀ она̀ при(и)дεтъ:
то бо(л)шε(и) нε хотячѝ таковаго при(и)мεтъ.
I та(к) при(и)мε(т) жε то(к)мо з(ъ) дш̃έю разлучить:
а нε мЂт(ъ) будε(т) власти готоваго му́чи(т).
I таковаA вЂмъ смε(р)ть, сно(м) сA имεну́εтъ:
бо довЂчно(и) що взяла̀, муки нε прому́εтъ. /10/
Лεчъ з(ъ) дш̃εю тоέю сама́ сA жεкгна́εтъ:
а жа(д)ну зло(ст) дш̃Ђ то(и) чини́т(ъ) вла(ст) нε ма́εтъ.
Бо готоваго дш̃а̀ всЂ мыта(р)ства про(и)дεтъ:
и прε(д) маεста́тъ бжи(и) бε(з)па́ко(ст)но до(и)дεтъ.
Zачимъ да(и) бж̃ε бы(с)мо всЂ̀ готовы былѝ:
жεбы по смε(р)тε(х) нш̃и(х) на́ нб̃сέхъ жилѝ. \38\
14. Ω види́мы(х) смε(р)тε(х) чл̃вЂчε(с)кихъ, случаючи(х)сA, я́ко стра(ш)ны ε(ст)
Яко нε да́(л) бг̃ъ смε(р)ти чл̃вЂку зна́ти:
и кото́рою будεт смε(р)тю сA ко(н)ча́ти.
Ежεли́ бы пригоду свою̀ чεловЂкъ зна́лъ:
то (б) сA стεрέглъ, и злою смε(р)т(ь)ю нε погиба́лъ.
Ажε то̀ и пригоды своεи нε зна́εть:
да ма(р)нε и на́глε сво(и) жывотъ из(ъ)трача́εтъ.
Ω бж̃ε (ж) бж̃ε, на́вε(т) да(л) бы(с) зна́т(ъ) прыго́ду:
то особную вчини́лъ бы εсѝ выго́ду. /10 зв./
А то нисподЂва́нна трафи(т)сA прилу́ка:
а(ж) прε(з) прыгоду злу́то, з(ъ) дш̃εю разлука.
I нε готового смε(р)ть кого застыгаεтъ:
и бε(з) покая́ніA з(ъ) свЂта изхожда́εтъ.
Хо(ч) то писа(н)но, бу(д)тε готовыми всεгда̀:
а нεподобно жε(б) кто нε (з)грЂши(л) никогда̀.
Една(к) жε понεва(ж) та́к, и тыхъ дш̃и при(и)ма(и):
и бы́вшіA и(мъ) грЂхѝ мл̃(с)ти́вно проща(и).
I можε(ш) вЂрны(х) о(т) тЂхъ случаεвъ хова́ти:
и хр(с)тія(н)скіA ко(н)чины̀ сподобля́ти.
I нεха(и) бы(с) нεвЂрны(м) давалъ тыA смε(р)ти:
а вЂрному вся́кому да(и) хр(с)тія(н)ско вмε(р)ти.
Цε(р)ковъ хр(с)тія(н)ски(х) в тÀ кончинъ всε(г)да̀ про́ситъ:
и бεзпрεста(н)но о то(мъ) к тεбЂ мо(л)бы вно́ситъ:
I а́зъ окая(н)нЂ(и)ши(и) ω тоε (ж) тA прошу̀:
да(ж)дъ и мнЂ конεцъ бл̃ги(и), мл̃и(т)вы приношу̀.
15. Ω умира́ющы(х) гдЂ сA нε ра(ж)даютъ /11/
Вε(л)мѝ мало чл̃вЂкъ тамо умира́εтъ:
гдέ сA в(ъ) яково(и) странЂ на свЂтъ наро(ж)да́εтъ.
Бо повЂдаю(т), голова̀ мЂсца шука́εтъ: 1
и гдЂ сA кому̀ суди(т), та(м) ю полага́εтъ.
А гдЂ за(с) ро́ди(т), да жε(б) та́мо и умира́лъ:
рЂдко бываεтъ тоε, бы̀ з(ъ) мЂсца нε взруша́лъ.
Раз†малы(и) ско(н)чи́т(ъ)сA кро(м) прεсεлεніA:
або якого о(т)то(л) тε(ж) ω(т)далέніA.
1 Починаючи з цього рядка, наступні п’ять відкреслені з лівого боку вертикальною рискою олівцем. На полі помічено NB. Підкреслено фразу: голова мЂсца шукаεт.
Далі в тексті дуже багато підкреслень олівцем: майже всі фразеологізми, проте їх відзначати не будемо. \39\
I що (ж) мЂεмо о то(мъ) дЂлЂ ю́жъ чини́ти:
то(к)мо до(л)жни(с)мо бг̃а повсю́ду хвали́ти.
Кгды (ж) и дв̃идъ рε(к), хвалѝ бг̃а на всяко(м) мЂстЂ:
а нε то(к)мо на то(м) гдε сA уроди(л) мЂстЂ.
I хо(ч) чл̃къ вε(з)дЂ, изгрЂшити можεтъ:
εдна(к) жε и сп(с)ти́сA ґды̀ схочε(т) возможεтъ.
I хотЂлъ бы правε вся(к) на ω(т)чи(з)нЂ сA скончи́т(ъ):
лε(ч) та(м) сA ско(н)читъ, гдὲ бг̃ъ мЂсцε кому назначи(т):
I да(и) то(к)мо бж̃ε хр(с)тія(н)ски кона́ти:
а по кона(н)яхъ дш̃и зво(л) в(ъ) нб̃о при(и)мовати. /11 зв./
16. Ω раждающы(х)сA чл̃вЂцεхъ: почто̀ ради скоро роди(т)сA ω(т) утробы мт̃ε(р)нεи на свЂ́тъ в(ъ) ми(р) сε(и), заплачε(т) пε(р)вЂε, а нε во(з)смЂε(т)сA
Нε на радо(ст) чл̃къ в(ъ) ми(р) сε(и) сA ражда́εтъ:
для того̀ наро(ж)дшисA, и проплакива́εтъ 1.
Zнаючи жε нε радо(ст) ε(ст) на зεмно(м) свЂтЂ:
и(ж) будε(т) пεча(л) и ско(р)бъ и фрасуно(к) мЂти.
Нε жи́εтъ бо в(ъ) мирЂ сε(м) пра(в)дива потЂха:
лε(ч) в(ъ) нб̃Ђ заслужоны(м) совε(р)шε(н)на в(ъ)тЂха.
А здὲ лю(б) хто ща(с)ливы(и), и нε будε(т) ско(р)бъ зна(т):
εдна(к) о сп(с)ніи до(л)жε(н) сA пεчалова́т(ъ).
Жεбы̀ мо(г)лъ сп̃сέніε ω(т) бг̃а получи́т(ъ):
и в(ъ) нб̃(с)но(и) о(т)чизнЂ навЂки вЂкомъ жи́т(ъ).
Котро(г)[о] да(и) на(м) бж̃ε всЂмъ вЂрны(мъ) доступи́ти:
и вЂчно с(ъ) ст̃ы́ми всε(г)да̀ тA хвали́ти. /12/
1 Проти цих двох рядків з лівого боку на полі олівцем зроблено помітку: NB.
17. Ω zεґару або тε(ж) ω годи́ннику и ω годы́нЂ смε(р)тно(и)
Егда̀ зεґа(р) годи́ны в сво(и) часъ выбія́εтъ.
в то̀ врέмA смε(р)тныA на(мъ) часы̀ прε(з)на́чаεтъ.
Бо вЂкъ на(ш) хо(ч) бы до́лги(и) вла́снε якъ годы́на:
а(х) нε вЂмы что̀ спра́витъ минута εди́на.
ІндЂ жъ сA зовεтъ зέgа(р) годи(н)никъ, лю(б) алоло́й:
которы(м) устраяти прили́чно живо́тъ сво(и). \40\
А понεва(ж) то во всεмъ мирЂ нε новы́на:
ко(ж)дому чεловЂку смε(р)тнаA часы́на.
I нεминущаA то смεртнаA доро́га:
ко(т)рою влу́чи(т) бж̃ε да(и) до тεбε бг̃а.
А ко(л)ко жывучѝ, εдно̀ дε(н) смε(р)тны(и) при(и)дεтъ:
и дш̃а́ хо(ч) грЂшна хо(ч) свята, з(ъ) тЂла вы(и)дεтъ.
Бо и мовя(т) часъ за часъ, а к(ъ) вέчεру бли́жε(и):
та(к) жε и дε(н) за дέн(ъ) но(щ) за но́щъ, к(ъ) смε(р)ти бли(ж)шε(и).
Прεто братіε трεбЂ на смε(р)ть памята́ти:
и на прихо(д) сA εÀ прыуготовля́ти.
18. Ω нεкрщ̃ε(н)ныхъ мл(д)нцахъ умира́ючихъ /12 зв./
Лучшε(и) бы сA дЂтыщу на свЂтъ ни ра(ж)да́ти:
нεжεли нεкр̃щε(н)ну z свЂта умира́ти.
Лица̀ бо Х̃вого навЂкъ нε будεтъ зрЂти:
и радости прв(д)ныхъ нε будε(т) тожъ мЂти.
I хо(ч) цЂлε до вЂчныхъ мучεни(и) нε по(и)дεтъ.
Една(к) жε и поко́εвъ нб(с)ны(х) нε до(и)дεтъ.
Прεто: родитεліε поспЂша(и)тε кр̃щат(ъ):
и вскорЂ хр(с)тія(н)ми рождε(н)ны(х) сотворя́т(ъ).
А кр̃щεніA на долгъ часъ нε о(т)клада(и)тε:
Лε(ч) за(с) я(к) на(и)скорЂ(и)шε у кр(с)тъ увожда(и)тε.
Бо я(к) повЂда́ю(т) смε(р)ть нε вЂ(ст) нεсε(т) стары(м):
та(к) тε(ж) особливЂ(и)шὲ и мл(д)нца(м) малы(мъ).
Zачи(м) мы̀ дх̃о(в)ныε того̀ постεрЂгаεмъ:
и на тоε пи(л)но васъ про́сты(х) научаεмъ.
I нε о(т)вε(р)га(и)тε прε(ч) сε(и) нш̃о(и) науки:
бы(с)тε по смε(р)тεхъ, вЂчно(и) нε видЂли му́ки.
Ω(т) котро(и) всЂхъ кр̃щε(н)ны(х) г(с)ди сохранѝ:
и здὲ о(т) нεви́димы(х) вра(г) кр(с)то(м) боронѝ. /13/
19. Ω снЂда́εмыхъ sвЂ́рми
Хр(с)тія́номъ вся́ка смε(р)ть зла́A нεприли(ч)на:
и sвЂроя́днаA тε(ж) особъ нεобы́чна.
Ты(л)ко (ж) волA бж̃іA и то́ε справу́εтъ:
а по бε(з)зако́нія(м) нш̃и(м) зна(т) да(р)ствуεтъ. \41\
Ізво(л) жε мл(с)тивы(и) г(с)ди бж̃ε нш̃ъ:
о(т) тЂхъ люты(х) смε(р)тε(и) всЂхъ вЂ(р)ны(х) храни́ти на(с).
I посыла(и) такіи смε(р)ти басу(р)ма́номъ:
а кончε(н)A до́бріи, дава(и) xр(с)тія́номъ.
20. Ω убива́ющы(х) сA з(ъ) цε(р)квε(и), и́ли з нЂкои(х) іны(х) высо́кихъ буди(н)ковъ: або z дрέвъ лЂсны(х), іли тε(ж) в(ъ) кла́дязЂ глубо́кіε в(ъ)пада́ющихъ
ГанέбнаA і то̀ смε(р)ть на свЂтЂ бываε(т):
кто̀ из(ъ) яко(и) висоты̀ в смε(р)ть сA забива́ε(т).
I ω(т) тоε(и) сохраня(и) г(с)ди напа́сти:
нε попуща(и) нико́му с(ъ) висоты̀ па́сти. /13 зв./
Алε рату(и) я́ко ω(т) грЂхопадέніA:
та́кож дε и ω(т) того зло́го падέніа.
Допуща(и) тако́ε zло̀ тεбὲ нε зна́ющимъ:
а на(мъ) чε(ст)ную смε(р)ть да(ж)дъ, тA просла(в)ля́ющи(мъ).
21. Ω прибива́ющи(х)сA zεмлέю
Нε бε(з) причи́ны то̀ зна(т) и зεмлÀ прибива́ε(т):
подобно ты(х) що έю са́мы сA заклына́ю(т).
Бода(и) повЂда́ю(т) насъ живы(х) зε(м)лÀ пожε(р)ла̀:
а дарε(м)но каса́ю(т) тако́го сA гл̃гола̀.
Бо нε клεнЂтε(с) нб̃о(м) и зεмлέю писа́нно:
и нε да(р)мо то прε(з) дх̃ъ ст̃ы(и) прогл̃гола(н)но.
Прεто̀ кождо(г)[о] храни бж̃ε ω(т) на́гло(и) смε(р)ти:
и бε(з) покая́ніA нε дава(и) умε(р)ти.
22. Ω умира́ючи(х) мл(д)нца(х) и д̃ви́ца(х) принятіи шлю́бо(в): або по про́стЂ(и) мовячи, послЂ вЂнча(н)A за́разъ /14/
Нε могу́ зго́ла на то̀ розуму прибрати:
я(к) бы моглε(м) о тако(и) рεчи написа́ти.
Жε и того̀ на свЂтЂ мно́го сA луча́εтъ:
что з(ъ)вЂнча́вшисA індЂ мл(д)нεцъ вмира́ε(т).
Я́ко (ж) бы таково́го мε(р)тво́го помина́ть:
мл(д)нцεмъ ли іли тε(ж) нε мл(д)нцε(м) назва́т(ъ).
Що (ж) из(ъ) ωста́вшεюсA д̃ви́цεю чини́ти:
знову по пε(р)вомъ шлюбЂ іному обручи́ти. \42\
Такъ жε за(с) и з(ъ) мл(д)нцεм трεба поступова́т(ъ):
ґды (б) обручница вмε(р)ла то̀ (з)ъ іною звЂнча́т(ъ).
Ещε жъ и того̀ мно́го на свЂтЂ бываεт:
скоро сA ожεнитъ а за́разъ и вмира́εтъ.
Если бы зна(л) свою̀ смε(р)ть, нε мЂлъ бы и жεни́ти:
жεбы ты(л)ко дарέмно у грЂхъ нε вступи́ти.
Zачимъ бж̃ε воскорЂ мла́дыхъ нε разлуча(и):
а́лε многіи лЂта ласкавε падава(и).
23. Ω утопа́ющихъ во вода(х) мо(р)ски(х), и на малы́х рЂкахъ ро́зныхъ /14 зв./
Стра(ш)на и лю́та и та̀ смε(р)ть έжε утопа́ти:
нε да(и) бж̃ε ко(ж)дому доброму εи дозна́ти.
Лεчъ потопѝ г(с)ди язы́ковъ нεвЂрныхъ:
а сохраня(и) о(т) тако(и) зло(и) смε(р)ти всЂхъ вЂ́рныхъ.
Бо вЂрны(м) добры(м), трεба доброи и смε(р)ти:
а нεвЂ(р)нымъ злы́ми смε(р)тми трεба гла́вы с(ъ)тε(р)ти.
И по рέвности н̃шо(и) сокрушѝ імъ гла́вы:
а на(с) вЂрующи(х) в тA сподобѝ вЂчнои сла́вы.
24. Ω змε(р)зающихъ мра́зомъ.
Zла́A и то̀ смε(р)ть εжε мразо(м) сA ко(н)ча́ти:
и нε да(и) никому такъ бж̃ε погиба́ти.
На́глаA бо бываεтъ и таA ко(н)чи́на:
и лю́таA смε(р)тнаA и сро́gаA причи́на.
Жε и тЂло часо(м) будεтъ нε погрεбε(н)но:
а що на(и)го(р)шъ и звЂ(р)ми іногда снЂдέнно.
I рату(и) насъ г(с)ди о(т) того̀ и хранѝ:
и ты̀ мт̃и б̃жіA всЂхъ вЂрны(х) боронѝ.
25. Ω согаря́ющихъ во ωгнѝ /15/
Нε да(и) бж̃ε тако́ю смε(р)т(ъ)ю сA ко(н)чати:
ωгнε(м) горЂти, и злε крЂпко пострада́ти.
А да(и) бж̃ε прε(з) свою̀ смε(р)ть з(ъ) тЂла о(т)и(и)тѝ:
и с(ъ) покая́ніεмъ к тεбЂ бг̃у при(и)тѝ.
I хо(ч) кому̀ в(ъ) рождε(н)ю вчини́лε(с) назначε(н)A:
про́симо таково́го дέкрεту прεмЂнέн(ъ)A.
Па́чε жε ω(т) вЂчнаго ωгнÀ насъ свободѝ:
и ца(р)ствіA своέго з(ъ) ст̃ы́ми сподобѝ. \43\
26. Ω умира́ючи(х) на путέхъ, а нε в(ъ) до́мЂ(х) свои(х)
Я́ко в дому вся́ку рεчъ добро̀ справова́ти:
тако тε(ж) споко(и)нЂ(и)шε(и) вЂмъ и умира́ти.
І нε ты́л(ъ)ко що в дому̀ будεтъ споко(и)нЂ́(и)шε(и):
лε(ч) осо́бно εщὲ и дш̃ε сп̃сε(н)нЂ(и)шε(и).
Бо в дому̀ ство́ри(т) спо́вЂ(д), и при(и)мε(т) причащέн(ъ)A:
и сподо6и(т)сA в бг̃а взя(т) за грЂхѝ прощέн(ъ)A.
А в(ъ) пу́ти нε да(и) бж̃ε нико́му сA конча́ти:
а́лε пособству(и) хоры(мъ) к(ъ) домо(м) поспЂша́ти.
Да и набы(т)ки свои роспорадя́тъ я́къ налέжи(т):
и о(т)пи́шу(т) кому схотя(т), що приналέжи(т). /15 зв./
А хоча(и) и г(с)днA zεмлÀ на вся́комъ мЂстЂ:
εдна(к) умира́ти лу(ч)шε(и) в дома́шнε(м) мЂстЂ.
А ґды кому и в путѝ смε(р)ть бж̃ε подасѝ:
то(к)мо грЂхи εму̀ простѝ и дш̃у сп̃сѝ.
Ω умира́ючихъ бога́тыхъ, ли(ст) сп̃s 1.
27. Ω умира́ючи(х) на́глыми смε(р)тми, то ε(ст) імε(н)но бε(з) жа(д)ны(х) причи́нъ, або при́ключо(к), ни ма́ло нε хорЂвши, и нε лεжа́вши
Сохраня(и) бж̃ε всЂхъ на(с) о(т) на́глои смε(р)ти:
и нε да(ж)дъ вся́ку вЂрну в(ъ) грЂсε(х) умε(р)ти.
Но да(ж)дъ до́брЂ всЂмъ вЂрны(м), я(к) слу(ш)но конча́ти:
и хр(с)тія(н)ско с(ъ) покая́ніεмъ вмира́ти.
И сподобля(и) ст̃о́го ісповЂда́ніA:
и прч(с)ты(х) твои(х) та́и(н) причаща́ніA.
I нεха(и) буду(т) 2 при смε(р)ти всὲ бу́ду(т) памята́ти:
и до ко(н)ца̀ язы́ко(м) я́сно гл̃голати.
А на́глую смε(р)ть дава(и) всЂмъ тεбὲ хуля́щы(мъ):
а к на(мъ) мл(с)ти(в) бу́ди, тÀ тво(р)ца xваля́щымъ. /16/
1 Цей рядок виділено зверху і знизу горизонтальними рисками.
2 Слово буду(т) закреслене рукою автора, оскільки воно повторюється в цьому ж рядку. \44\
28. Ω убива́ющы(х), и́ли губя́щы(х) смε(р)тми самы(х) сεбε: з свои́хъ нεразсуждέни(и)
Ча́сто на свЂтЂ лю́дε то́ε чува́ютъ,
жὲ то̀ ча́со(м) і́ныε са́мы сA zгубля́ютъ.
Або і́ны(и) нε зво́ли(т) фрасу(н)ковъ стε(р)пЂти:
и́ли о(т) като́вски(х) ру́къ, нε хо́чε(т) умрЂти:
І́жъ ю(ж) в тεмни́цЂ сЂдÀ чεка́εтъ страчέн(ъ)A.
и сам собЂ учи́нитъ ду(р)но застрачέн(ъ)A.
А по(д) часъ о(т) згублε(н)A можε(т) сA зкупи́ти:
а(л)бо лю́дε чε(ст)ныε могу(т) свободи́ти.
А само́му нε трέба сεбὲ погубля́ти:
а́лε и в злы(х) приго́да(х) трεба уважа́ти.
Бо хто са(м) сεбε з свЂта сεго̀ погубля́εтъ:
то(и) Ію́дыно(и) нагороды заробля́εтъ.
Ію́да позна́вши сво(и) про(с)ту́по(к) вдави́лъсA:
и до бε(з)конέчны(х) мукъ навЂки всεли(л)сA.
Zачи(м) утраплε(н)ныε са́мы нε губЂтε:
алε в(ъ) Хр(с)та̀ рату́нку из(ъ) плачέмъ просЂтε.
Мо́жε(т) то(и) ско(р)би вш̃и в ра́до(ст) прεтвори́ти:
и ла(с)ка́выми ва́ши(х) наступцовъ вчини́ти. /16 зв./
Ω(т) zдε починаю(т)сA вЂрши ω людε(х) злы(х).
29. Ω вра́zε(х) види́мы(х): то ε(ст) о чεловЂцε(х) злы(х)
Пи́сано ε(ст) сохранѝ мA ω(т) врагъ види́мыхъ:
ба(р)зЂ(и) пачε нεжεлѝ о(т) тЂхъ нεвиди́мыхъ.
Бо ω(т) нεвиди́маго кр(с)томъ оборо́нишъ:
а о(т) види́маго го(р)шъ, ничи́мъ нε о(т)мо́ли(ш).
Ни кр(с)то́м ст̃ы(м) ни тε(ж) всякою про(з)бою:
а ни впя(т) жε яко́ю тво́εю гро́з(ъ)бою.
Ты(л)ко ащε нε г(с)дь бг̃ъ тεбЂ помо́жε(т):
ния́каA жа(д)наA рЂчь ти нε помо́жε(т).
ТЂмъ ст̃ы(и) Дв̃и(д) ца(р) та(к) до бг̃а мл̃и(л)сA:
и нимало в(ъ) мл̃и(т)†то(и) нε ωмили(л)сA.
Ежε ізмѝ мA о(т) всЂхъ лука́вы(х) чεловЂкъ
прεз(ъ) в(ъ)вε(с) мо(и) всεсмирε(н)ны(и) о(т) тεбὲ да(н)ны(и) вЂкъ.
I о(т) всεнεправε(д)ны(x) мужε(и) мA иzба́ви:
и мл(с)ть г(с)подскую свою̀ мнЂ проба́ви. /17/
I нш̃и бж̃ε мо(л)бы грЂшныε услышѝ:
чεго о(т) тεбὲ проси(м) того̀ насъ нε лишѝ. \45\
30. Ω клεвέтникахъ
Кому̀ рцы́ ми подо́бεнъ клεвε(т)никъ: сатанЂ:
понεважъ началнико(мъ) ε(ст) всяко(и) sло(и) винЂ.
А чεму жε то̀ та́ко, и паки мнЂ повЂждъ:
рεку́ ти нε іна́ко ты са(мъ) о нε(мъ) увЂждъ.
Понεважъ и прε(д) бг̃омъ сатана̀ клεвεщεтъ:
а́щε и му́ки вЂчно(и) та́ко(ж) дε трεпέщεтъ.
Но ωба́чε я́ко бЂсъ, бЂсовскаA тво́ритъ:
си́цε и чεловЂкъ злы(и) на всЂ(х) ло(ж) гово́ритъ:
А самъ сA выставуεтъ прε(д) всЂ(х) прв(д)никомъ:
а ε(ст) прокля́ты(мъ) та(и)ны(м) на(д) всЂхъ я́бεднико(мъ).
ТЂмъ ω(ч)бы̀ на(с) бг̃ъ храни(л) о(д) тЂ(х) прεпя́тіA:
кр(ст)наго ради zа́ны дрε(в)лε распятіA.
Его жε до(л)жεнъ ко(ж)ды(и) о тоε мл̃и́ти:
абы́ сA на(м) даровалъ о(т) вра(г) свободи́ти. /17 зв./
31. Ω пεнякова́тыхъ людεхъ zлы́хъ.
Еслѝ мо́вя(т) на кого̀, хто̀ пεнέю лЂ́зε:
таковы(и) злы(и) чεловЂкъ го(р)шъ ножа̀ рЂжε.
I бода(и) пε(н)ны́мъ нЂgды нε служи́ло ща́ст(ъ)A:
жε вεли́коε людя(м) добрым(ъ) чи́нятъ нεщаст(ъ)A.
Лучшε(и) бы пε(н)ному сыло̀ на ші́ю взложи́ти:
нεжεлѝ бЂдны(х) людε(и) правдивы(х) зводи́ти.
I бода(и) па́ки мовлю бг̃ъ таки(х) нε мно́жилъ:
жε нε εди(н) на свЂтЂ о(т) ни(х) ба(р)зо стрвожилъ.
Бо пε(н)ныε далεко о(т)стоятъ о(т) правды:
ко(л)ко в шεлягу срЂбра то(л)ко у нихъ правды.
Zачи(мъ) окая(н)нымъ лЂпшъ бы по пра(в)дЂ жи́ти:
нεжεли нεпра(в)дою дш̃и і́мъ губи́ти.
Мы жε братіε прошу васъ по пра(в)дЂ живЂмъ:
хочъ убоги будε(мъ), а zла людя(мъ) нε чинЂмъ.
32. Ω нε хотящы(х) тру(ж)датисA чεстны(мъ) трудомъ. То εстъ ω злодЂяхъ
ВЂ́ждъ ω лЂни́вε. Іжε нε хощε(ш) тружда́ти:
и то(и) жε навы́къ чужды труды присвоя́ти. /18/
Ωбо́ю бо тЂхъ ждε(т) ско(р)бъ пεвнаA прεмно́га:
з(ъ)готованнаA навЂкъ о(т) г(с)да бг̃а. \46\
Что (ж) бы то̀ за особы двЂ̀ гдὲ бы́ти:
что в разбоя(х) и в та́т(ъ)ба(х) zвы(к)ли сεбЂ жи́ти 1.
I в сε(и) нш̃ε(и) странЂ́ ε(ст) такихъ много sЂло:
ко(т)ры(х) zдавна якоε нεща́ст(ъ)A имЂло.
А тεпε(р) намножило всюда дш̃ъ бεзбожны(х):
бо нε мЂютъ ка(р)ности(и) о(т) людε(и) побожны(х).
Токмо таки(х) вЂчны́A му́ки ожыда́ютъ:
ко(т)рыхъ онѝ за си́ε и нε сподЂваютъ.
Кому жъ вподобимъ си(х) злы(х) людε(и) то(к)мо смε(р)ти:
котраA можε(т) и іхъ главы̀ злЂ сотε(р)ти.
Бо я́ко смε(р)ть нε щади(т) нЂgды никого́ жε:
тако и zлы(и) чεловЂкъ тво́ритъ то́ жε.
Zачи(м) уклонЂтε(с) зла̀ и творЂтε бл̃го:
да нε вни(и)дεтε навЂкъ та(м) до пέкла зла́го.
33. И сε ω zлодЂяхъ
Нε облича(и) бж̃ε всЂхъ точію крадя́щыхъ:
людε(м) zвла́ща убоги(м) пакости творящыхъ. /18 зв./
Котры́ε и богатыхъ в(ъ) нищεту̀ уво́дятъ:
и дарέмнε на свЂтЂ ώныε и пло́дятъ.
Zачимъ бж̃ε таковы(х) скорεня(и) из(ъ) свЂта:
и я(к) можε(ш) прεкраща(и) ты(х) злы(х) людε(и) лЂта.
34. Ω драпЂжца(х) нико(г)да.нε насыщаεмыхъ: іли тε(ж) о видырца(х) подобны(х) дрε(в)нεму мытарέ†[εv(г)листу Ма(т)фе́ю, і про́чіи(мъ)] 2 ко(т)ры(и) зда(в)на ю(ж) чрεз(ъ) покая́ніε сп(с)шисA о(т) грЂховъ своихъ, нн̃Ђ в(ъ) н̃бЂ жытε(л)ствуεтъ, и о насъ всЂхъ бг̃а тво(р)ца молεбствуεтъ
Рεчὲ при́повЂ(ст) во(л)къ що спо(т)каε то з(ъ)ядὲ:
та(к) и чловεкъ драпЂжны(и) нико́му нε дадὲ.
Ты(л)ко ра(д) кую любо пε(р)сону лупи́ти:
жεбы мо(г)лъ яко (ж) ко(л)вεкъ шкатулу наби́ти.
Кому (ж) рεчε(м) подобε(н) драпЂжъ то(к)мо во(л)ку:
жε нε знаε(м) εслѝ ε(ст) ω(т) бж̃іяго по́лку. /19/
1 На полі проти цих двох рядків написано: во́просъ — о(т)вЂтъ, перші літери цих двох слів виведені червоним чорнилом.
2 Квадратні дужки стоять у рукопису. \47\
Кро(м) цЂлε сA нарεчεтъ са(м) всЂмъ господиномъ:
кгды (ж) са(мъ) сA постанови(л) на то властεли́номъ.
А указъ па(н)ски(и) часомъ того̀ и нε знаεтъ:
что слуга̀ в ча(с) сво(и) тако(ж) и сεбЂ з(ъ)правля́εтъ.
Прεто̀ и мыто̀ добро (б) выбыра́т(ъ) помЂрно:
а нε згола оско(р)Бля(т) БЂдны(и) лю(д) бεзмЂрно.
А та(к) и ва́съ мытарε(и) можε(т) бг̃ъ прости́ти:
εжεли мл(с)ты́ню бу́дεтε твори́ти.
35. Ω купца́хъ и ω продавца́хъ фа (л)ши́вы(х) и о продающы(х) вино̀, и во́ду в(ъ) вино̀ [сирЂчъ в горЂлку] 1 ли́ющи(х), и осо(б) наклέпы творя́щы(х) пі́ющы(м) для дш̃εгу́бны(х) и(мъ) прибы(т)ко(в)
Ωто ва(мъ) трε(мъ) пε(р)сонамъ то́ε сA звЂща́ε(т):
жε за тоε васъ всЂ(х) гнЂвъ бж̃и(и) ожыда́εтъ.
Понεва(ж) то у вино̀ во́ду мЂша́εтε:
и бг̃у крЂпко крЂпко ты(м) согрЂша́εтε. /19 зв./
36. I многи(и) наро(д) тютю́нъ всюда зажыва́εтъ 2:
ко(т)рымъ повЂтрA мы́та з сεбὲ збуваεтъ.
А ба(р)зЂ(и) у дорозЂ в во(и)ску и на мо́рЂ:
хочъ нε ра(д) мусЂтъ зажы(т) и понεволЂ.
А ты̀ насъ простѝ, а мы̀ будε(мъ) зажыва́ти:
хто ва(м) бл̃гослови(в) то(и) будε(т) и прощати.
А хо(ч) ви́жду и му(д)ры(и) часо(м) zажыва́εтъ:
ты(л)ко жъ у скору(м) часЂ εго покида́εтъ.
Една(к) пытаю васъ що з(ъ) того за пожы́то(к):
в ма(р)котности з мало вεсεліA прибы́то(к).
Для того̀ и воε(н)ны(и) наро(д) zажываεт:
и посполиты(и) хто хочε(т) вжываεтъ.
Осо(б)ливε рεмε(с)никъ інъ для сну̀ прогна́н(ъ)A:
и до своε(и) роботы охо́ты прида́н(ъ)A.
По(л)но по(л)но навε(т) и(м) мεнὲ нε прεлща(и)тε:
творЂтε опро(ч) мεнε якъ собЂ зна(и)тε.
Можε и вы̀ такъ я(к) мы дш̃и всѝ ма́εтε:
окро(м) моε(г)[о] грЂха тя(г)нЂт(ъ) якъ знаεтε. /24/
1 Квадратні дужки стоять у рукопису.
2 Вірш без початку. Аркуші 20 — 22 зв. чисті; аркуш 23 при нумеруванні випущено в оригіналі. Над першим рядком тексту на арк. 24 олівцем надписано: нЂтъ здЂсь 4-хъ чвертокъ. \48\
Са́мы бг̃у и за то̀ о(т)вЂтъ дастὲ за сεбὲ:
а я́ тоε(и) науки нε при(и)ма́ю до сεбὲ.
Ра(д) бы(мъ) хо(ч)бы εго̀ нЂgды и нε вида́ти:
а нε ты(л)ко нεчисто(ст) ту́ю zажыва́ти.
Да(и) мнЂ бж̃ε о(т) того зЂл(ъ)A вхорони́ти:
жε(б) нεсмра(д)ными усты̀ мл̃тву чини́ти.
37. Ω таба́цЂ, и о ужыва́ющихъ έA
Zла́A вплоды́ласA рε(ч) и всю́да ε(ст) я́вна:
жὲ розны(и) лю(д) зажываε(т) табаку зда́вна.
А ба(р)зЂ(и) в Ли́т†тоε вε(л)мѝ ε(ст) нεдо́брε:
бо жоны и дЂти и(х) зажываютъ до́брε.
I ту(т) таки(х) ε(ст) много жε εA вжыва́ютъ:
ты́ε но́здрами пахаю(т), а тыε вытяга́ютъ.
I хто̀ того навчи́всA и лю́л(ъ)кою тягну́т(ъ):
потрεба (б) доконέчно о(д) того̀ повстягну́т(ъ).
Бо в нε(мъ) ча(ст) пεкέлного ды́му обрЂта́εтъ:
и хто̀ тя(г)нεтъ то из(ъ) устъ то(г)[о] смра(д) ізхо(ж)да́εтъ. /24 зв./
I хочъ и вла́сти тя(г)ну(т), εдна(к) нε о́бε(л) то чέстно:
а ню́хати на(и)па́чε бры́дко и бεзчέстно.
Кгды (ж) тя(г)нучѝ ды(мъ) про(ч) во(н) из(ъ) у(ст) выпуща́εтъ:
а ню́хаючи пачε сεбὲ осквεрняεтъ.
Жε в(ъ) ноздра(х) та̀ нεчисто(ст) εму остаέтъсA:
з(ъ) чεго часо(м) и нέмо(щ) лютаA стаε(т)сA.
Бо мо(з)гъ в голо†εго̀ таба́ка з(ъ)суша́εтъ:
жε вла(с)нε я(к) швεцъ ду́бо(м) шкуры пεрεсыпа́ε(т).
I нε слыши(т) таба́чни(к) збы(т)ны(и) уханіA:
анЂ смра́ду а́нЂ тε(ж) бл̃гоуханіA.
Тако́му и сщ̃ε(н)ства особъ возбраня́ютъ:
и ст̃и́ти нε всю́да таки(х) позволя́ютъ.
Бо хто̀ но́со(м) нε чуε(т) нε цЂлъ пробуваεтъ:
вла(с)нε составу собЂ якого нε ма́εтъ.
А сщ̃ε(н)ство мЂεтъ то(и) обы́ча(и) о(т) вЂка:
жε трεбуε(т) цЂлого на то̀ чεловЂка.
Е́стъ жε и такіε що іныε и ядя́тъ:
и тыε пачε бг̃у и ст̃ы(м) всЂмъ бры́дятъ. /25/
А і́ныε в горЂлку в су(д)на вовε(р)гаютъ:
и на погибε(л) собЂ людε(и) осквε(р)няютъ. \49\
Таки(х) бы годы́ло (б) сA нε ты(л)ко ки́εмъ би(т):
а́лε іного хо(ч) бы и із(ъ) свЂта zгуби́т(ъ).
Ωсобно (ж) і́ны(и) навы(к) ба(р)дакомъ тягну́ти:
прε(з) котры(и) нε εдному пры(ш)ло̀ смы(с)лу збу́ти.
І́ныε бо ба(р)дакомъ та(к) сA затяга́ютъ:
а(ж) на(г)лε души свои в то(и) часъ иzвε(р)гаютъ.
I самы(х) сεбὲ бЂсу ωфЂру дава́ютъ:
я(к) ты́ε що з горЂлки пяніε вмира́ютъ.
Ты(мъ) обо́имъ пεкε(л)на будε(т) нагоро́да:
о(т)і́мε(т) бо сA о(т) ныхъ ω(т) нεго свобо́да.
На(м) жε по хр(с)тія(н)ски(и) да(и) Хε̃ умира́т(ъ):
и позбувши всЂ(х) грЂховъ н̃бо наслЂдствова́т(ъ).
38. Ω иду́чи(х) на́ слободы людέхъ /25 зв./
Хто ко(л)вεкъ собЂ̀ і́щε(т) на жи(т)ло̀ слободы̀:
ма́ло в(ъ)хо́дя(т) з(ъ) мε(ж) таки(х) вεли́кои бЂды̀.
Бо готовыε ха́ты идучѝ покида́ютъ:
а прышε(д)ши на́ слободу готовы(х) нε ма́ютъ.
А що на(и)го(р)шε(и) ча́со(м) худо́бы забыра́ютъ:
и ты(л)ко що з(ъ) дш̃ами живы(х) оставля́ютъ.
Ужε (ж) то(г)да̀ гдὲ з(ъ)хочε(т) то скочи(т) хо(ч) к(ъ) лЂсу:
и го́лы(и) ужὲ навε(т) хо(ч) к самому бЂсу.
ПожытεчнаA εму суды́ла(с) слобода̀:
дово(л)наA пустынA и лика и вода̀.
Нащо любо зволи(т)сA хо(ч) утопитисA:
а εжεлѝ захочε(т) волно и вдави́тисA.
Ωто (ж) мЂε(ш) за своὲ тεпε(р) ду(р)ны(и) мужы́чε:
а бы(в)ши(и) на своε(г)[о] п̃на бунтовничε.
Нε хотЂлε(с) п̃нови послушε(н)ство о(т)дава́т(ъ):
и в(ъ) цЂлости з(ъ) всЂмъ свои(мъ) в(ъ) εдно(м) мЂ(с)цу пробува(т).
Ги́н(ъ) жε тεпε(р) за своὲ злоὲ нεпоко(р)ство:
и за упрямую твою гордо(ст) и упорство. /26/
I добрε ты́ε чи́ня(т), що проча́нъ обдыра́ютъ:
бг̃ъ и(х) прости(т), за тоε згола грЂха̀ нε ма́ютъ.
I нε ты(л)ко потрεба (б) таки́хъ обдыра́ти:
а́лε из(ъ) сами́ми дш̃ами разлуча́ти.
Понεва(ж) нε хотЂвъ пу(д) ки́мъ бувъ чини́т(ъ) пови́нно(ст):
обдεрѝ и хо(ч) заби(и) zа тую учи́нно(ст). \50\
Бг̃ъ zа бу(н)товника̀ якъ мовятъ нε повЂситъ:
алὲ и нагородою ещὲ потЂшитъ.
Кгды (ж) учинивъ своεму пн̃у па́ко(ст) мно́гу:
нε ты(л)ко пн̃у и самому бг̃у.
Я́къ сA мЂвъ то мЂвъ трεба было (б) прεтε(р)пЂ́ти:
а за тε(р)пεніε сп(с)ніε мо(г)лъ бы мЂти.
Zачи(м) вы̀ пн̃о́вε таки(х) нε ва́жтε(с) щадЂти:
втЂка́ючи(x) про́чъ самы(х) дεрЂ(т) бЂ(т), и бεрЂ(т) дЂти.
I о(т)ню(д) мл(с)ти такимъ нε показу(и)тε:
алε совε(р)шεнно та(к) таковы(мъ) справу(и)тε.
39. Ω zаблужда́ючи(х) в доро́га(х) людε(х) /26 зв./
Zлы(и) чл̃вЂку и то(и) трафу́нок быва́εтъ:
кгды̀ в вεлико(и) дорозЂ часо(м) заблужда́εтъ.
I в(ъ) ма́ло(и) в(ъ) нεсвЂдомо(и) тоε (ж) сA луча́εтъ:
εслѝ добрε доро́ги кого̀ нε роспыта́εтъ.
А хо(ч) и роспытаεтъ ґды̀ хто злы(и) злὲ спра́ви(т):
и на пу(т) пεвны(и) жε(б) нε зблудивъ нε напра́ви(т).
А та(к) того̀ кры(и) бж̃ε и смε(р)ть постыза́εтъ:
жε в зы́мны(и) форту(н)ны(и) часъ блудящи змε(р)за́ε(т).
А в лЂтны(и) часъ в(ъ) пусты́ни разбо(и)никъ забиваεтъ:
або тε(ж) спо(т)ка́вшисA и звЂръ из(ъ)яда́εтъ.
Ω zлы(и) чεловЂчε жε(с) пу(т) добрε нε сказа́лъ:
да для тεбε чл̃къ смε(р)тію пострада́лъ.
Бода(и) жε εси того̀ дозна́лъ и на собЂ:
жεбы(с) з(ъ)блуди(л) а бг̃ъ да(в) тоε (ж) sло̀ и тобЂ.
Жε(с) з(ъ) умы́слу изогна(л) чл̃вЂка z свЂта:
хочь бы(с) и zа́разъ луну(в) нε дожда(в)ши свЂта.
А хоча(и) и дождεшъ бг̃ъ εднакъ нε забу́дε:
помсти(т)сA скоро, жε и тобЂ та(к) жε бу́дε. /27/
А по(д) часъ на свЂтЂ и то́ε прилуча́εтъ:
жε и нε зблудA в дорозЂ з(ъ) свЂто(м) сA жεgнаεтъ.
Кгды̀ ко(н) норови́сты(и) будε(т), або приста́нε(т):
а заты(м) чл̃ку взымЂ духу нε ста́нεть.
Прεто ко́нε(и) упрямы(х) в(ъ) зло(м) разЂ нε ощажа(и):
алε zдоро(в)ε своὲ на(и)лучшε(и) уважа(и).
А ґды будε(ш) в зло(мъ) разЂ конA ощажа́ти:
то пεвнε приготу(и)сA з(ъ) свЂто(м) сA проща́ти. \51\
І лЂпшъ бы нико́му доброму дороги ни зна́т(ъ):
да при бε(з)пέчности в дому̀ всεгда̀ пробува́т(ъ).
А хо(ч) и в доро́зЂ то да(и) бж̃ε нε блуди́ти:
алε да(и) ща(с)ливε к(ъ) до́мови сA возврати́ти.
40. Ω присяга́ющы(х) нε по пра́вдЂ
Прися́жно(ст) нε по правдЂ да(р)мо сA нε мина́ε(т):
хо(ч) на(г)лε вмрε(т) або я(к) сA клεнε(т) та(к) става́εтъ.
Бо то вεли́каA рε(ч) ε(ст) кому̀ присяга́ти:
а нεпра(в)дою імÀ бж̃іε прызыва́ти. /27 зв./
Хоча(и) и по правдЂ то εдна(к) дЂло то стра(ш)но:
жε кля́ти сεбὲ смε(р)тно аж вспо(м)нЂти ужа́сно.
I я(к) о́бЂ сторонЂ прыся(г)ну(т), що чини́ти:
то вε(л)мѝ з(ъ) тру(д)но(ст)ю то(и) су(д) будε(т) сA ко(н)чи́ти.
Едно добрε друго́ε будε(т) злὲ прысягати:
нε знати кому вЂру з(ъ) про́мε(ж)ку и(х) поня́ти.
А кождоε твори(т) сA прысягаε(т) по правдЂ:
ты(л)ко (ж) εдно̀ лукаво будε(т) а нε по̀ пра(в)дЂ.
Ежεлѝ бы провидЂвъ обо(х) сторо(н) и(х) ср(д)ца:
каза(л) бы сро́кго кара(т) крывопрыся(ж)цу з(ъ) сε(р)ца.
Жε то маεста(т) бж̃и(и) лга́ніεмъ ображаεтъ:
бу(в)ши винны(мъ) нεви(н)нымъ сεбε содЂлова́ε(т).
Ажε мусЂ(т) ку домо(м) и(х) и та́къ о(т)пусти́ти:
и до обличε(н)A конεцъ праву о(т)ложи́ти.
Аза́ли лукавого воскорЂ бг̃ъ обяви́тъ:
и zлоε дЂло εго̀ всεна́ро(д)но обличи́тъ. /28/
41. Ω клεну́щых(ъ)сA ло́жно
Хто̀ нε по пра(в)дЂ ко(г)да ко(л)вε(к) клεнε(т)са ло́жно:
тому̀ и на́глε з(ъ) свЂта сεго̀ з(ъ)гинути можно.
Частокро(т)нε бо тоε вЂмъ на свЂтЂ быва́εтъ:
жε воскорЂ бж̃аA помста ты(х) нε мина́εтъ.
Кгды̀ повЂдаю(т) з(ъ) бг̃о(м) нε з(ъ) хлопцε(мъ) жа(р)това́ти:
нε трεба хо(ч) сA винε(н) нε ви́нε(н) заклына́ти.
Алε ты(л)ко (ж) то завшε в(ъ) нεра(з)судны(х) вεдε(т)сA:
жε інъ нε в(ъ)пра(в)ду бг̃о(м) и дш̃έю клεнε(т)са.
А то проклынатисA вεли(к) грЂхъ, надарέмно:
и прызывати імA Іс̃сово дарέмно. \52\
Нεха(и) волю сA таки(и) нε клεнε(т) да прызна́εтъ:
бо гнЂвъ бж̃и(и) на εго̀ ту(т) жε то собЂ зна́εтъ:
ЛЂпшε(и) стокротъ на сεбε εму̀ правду при(з)на́ти:
да прощε(н)ну бы(т): нεжε гнЂвъ бж̃и(и) о(т)рыма́ти.
42. Ω поzыва́ючи(х) людε(и) до ста(р)шыхъ /28 зв./
Мно́го ε(ст) охо́тниковъ людε(и) позыва́ти:
и ско(р)би(и) набавля́ти, и хлЂба збавля́ти.
Ґды (ж) і́ны(и) нε та(к) чини(т) то за свою̀ па́ко(ст):
я́ко вла(с)нε з(ъ) умы́слу твори(т) то на па́ко(ст).
Бы́лε бы мо(г)лъ которы(х) людε(и) озло(б)ля́ти:
и само́и худобы о́ны(м) ущε(р)бля́ти.
Що (ж) за то́ε таковы(мъ) то людям(ъ) бываεтъ:
гнЂвъ бж̃и(и) из(ъ) ка(р)ностю о́ны(х) нε мина́εтъ.
Понεва(ж) кто до бг̃а слε(з)но будε(т) вола́т(ъ):
и ска(р)гу з(ъ) ср(д)чною скрухою прεклада́т(ъ).
Пεвнε услыши(т) г(с)дь бг̃ъ нεви(н)ны(х) нεви́нно(ст):
а помсты(т)са о́ны(мъ) за пако(ст)ную учи(н)но(ст).
Прεто злобныε, людε(и) хлЂба нε (з)бавля(и)тε:
ґды (б) хто̀ и годε(н) того̀ бы(л) волю(с) проща(и)тε.
Лучшε(и) бо ва(м) на собЂ стокро(т) прεтε(р)пЂти:
нεжε творя́щи то́ε стру(п) ср(д)чны(и) мЂ́ти. /29/
І прошу̀ заты(м) вε(л)цε, нраво(в) ты(х) прεста(н)тε:
а z вшεлякими лю(д)мѝ в лю(б)†жити ста(н)тε.
Бо мовя(т) гдε любо(в) та(мъ) са(м) бг̃ъ прεбываε(т):
и на мЂ́ючи(х) εÀ дх̃ъ ст̃ы(и) почива́εтъ.
А що по сотворε(н)ю зла ю́жъ проща́εтε:
тоε нεважно ε(ст), вЂмъ жε и са́мы зна́εтε.
А та(к) и εщὲ прошу васъ в(ъ) лю(б)†жытεлству(и)тε 1:
а мεнὲ проща(и)тε за сὲ, и в(ъ) до(л)гъ вЂкъ здра(в)ству(и)тε.
Я́ ва(мъ) на добрыε дЂла пораду дава́ю:
и г(с)ду бг̃у васъ в(ъ) хранεніε вручаю.
1 Цей і наступний рядки вірша відкреслені олівцем двома паралельними рисками, а на полі написано: л. 30 об. Мається на увазі кінцівка вірша «Ω чинячи(х) па́кости мн(с)тыра(мъ) и цр̃ква(мъ)». \53\
43. Ω чинячи(х) па́кости мн(с)тыра(мъ) и цр̃ква(мъ)
Ка́мε(н)ныε зна(т) ср(д)ца в ты(х) людε(и) быва́ютъ:
ко(т)рыε мн(с)тырямъ пако(ст) сотворя́ютъ.
Людε на ωбытεли ст̃ыέ дава́ютъ:
а онѝ гото́воε о(т) ны́хъ о(т)даляютъ. /29 зв./
Нε го(д)ны таковы́ε кты́торы похва́лы:
алε досто(и)ны ты́ε всякои нεсла́вы.
Жε то хр(с)тіянами сεбε наzыва́ютъ:
да власнε басу(р)манε цε(р)квы̀ разграбля́ю(т).
Нε хочε(м) мы кты́торε(и) таки́хъ мЂти:
лε(ч) жε(б) з(ъ) прыслу́гами и(х) нε было на свЂтЂ.
Цε(р)квѝ и обы́тεли людε созыда́ютъ:
а они и созданны(х) внЂвεчъ обдыраютъ.
Хто̀ бо вЂмъ хо(ч) малоε цε(р)кви учини(т) zло̀:
посты́гнε(т) вεликоε за тоε εго̀ zло̀.
А хто̀ тε(ж) хо(ч) мало́ε часо(м) вчи́нитъ бл̃го:
будε(т) и εму̀ в сε(и) вЂкъ и в(ъ) будущы(и) бл̃го.
Zачи(м) прошу̀ васъ таки(х) sлы(х) дЂлъ нε чинЂтε:
имεнно мн(с)тыря́мъ пако(ст) нε творЂтε.
Алε о́вшε(мъ) пакости́т(ъ) ужε пεрεста́нтε:
а бл̃го твори́т(ъ) цε(р)квамъ и обытεлε(м) ста(н)тε.
А хо(ч) на мн(с)тырЂ нищо̀ нε дава(и)тε:
то прина(м)нЂ(и) готовы(х) рεчи(и) нε о(т)нима(и)тε. /30/
Бо хто обы́тεлεмъ и цε(р)квамъ пакоству́εтъ:
у́зри(т) воскорЂ гнЂвъ бж̃и(и), нεха(и) памя(т)ству́εтъ.
Кгды (ж) цε(р)ковъ ма(т)кою сA всЂмъ на(мъ) называ́εтъ:
а зла́A личи́на ма(т)цЂ зло̀ приноша́εтъ.
Ω ужε (ж) zлыε рабы̀ того́ сA пока(и)тε:
и цЂлε учинко(в) сA тыхъ выстεрЂга(и)тε.
I прощε(н)ства о(т) бг̃а zа тоε впраша(и)тε:
и прεчъ нравы таки́ε злыε о(т)вε(р)га(и)тε.
Покая́ніε Хр(с)тосъ всякоε при(и)му́εтъ:
и ка́ющы(м)сь о(т) злы(х) дЂлъ прощε(н)ство да(р)ству́εтъ.
То(и) жε Хс̃ нεха(и) васъ о(т) всЂхъ sо(л) о(т)врати́тъ:
и до бл̃готворεни(и) всячεски(х) настави́тъ.
А я́ zа вЂршовноε сε ωбличέніε:
прошу мл(с)тε(и) вш̃ихъ всЂхъ о прощέніε. \54\
44. Ω ху́лячихъ чи́нъ дх̃о́вны(и) 1
I то(и) чεловЂкъ вε(л)мѝ zлε поступова́εтъ:
ко(т)ры(и) на чи(н) дх̃о(в)ны(и) хулу̀ наноша́εтъ. /30 зв./
Годы́ло (б) сA и тому̀ то́ε памята́ти:
жε εго̀ и zа тоε бг̃ъ будε(т) карати.
Бо в(ъ) Хр(с)то́во(и) осо́бЂ дх̃о(в)ны(и) сA зна(и)ду́εтъ:
и я́ко Хс̃ дЂла Хв̃и справу́εтъ.
Ґды (ж) кого прости(т) и са(мъ) бг̃ъ того проща́ε(т):
а кого̀ бл(с)витъ и бг̃ъ бл̃гословляεтъ.
МЂю(т) бо вЂмъ на собЂ Хв̃у осо́бу:
и хр(с)тія(н)скую подаютъ всЂмъ оздобу.
А и́ны(и) злы́ε слова̀ о дх̃о(в)ныхъ говоритъ:
и многіи чудεса̀ нεподобно творитъ.
I абы̀ нε посты(г)ло зло̀ ты(х) чудотво(р)цовъ:
жε ху́лятъ сщ̃ε(н)нико(в) своихъ бг̃омо(л)цовъ.
Ужε (ж) хо(ч) о(т) сεго̀ днA в(ъ) ша(и)ности и(х) мЂ(и)тε:
и слушати и(х) словεсъ и в(ъ) лю(б)†мЂ(т) хтЂ(и)тε.
I в(ъ) ωско(р)блε(н)ныxъ вами прощε(н)ства спраша(и)тε:
и любовію о́ны(мъ) то̀ нагорожа(и)тε.
А та(к) будε(т) васъ за то̀ бг̃ъ бл̃гословля́ти:
и хр(с)тія(н)скихъ ко(н)чинъ добрЂ сподо(б)ля́ти. /31/
Я́ мл(с)тя(мъ) вш̃имъ та(к) о то(м) поража́ю:
и ла(с)цЂ вш̃о(и) сεбὲ поко(р)но вруча́ю.
I до(л)жнико́въ в сε(мъ) мЂстЂ ту(т) жε полагаю:
власнε якъ това́рышо(в) прочъ нε ра(з)розня́ю.
Жε(б) вкупЂ чита(т) было̀ ω позыча́ючиxъ:
и з(ъ) до(л)говъ на́ сторону о утЂкаючихъ 2.
1 Проти цього вірша відзначено на полі чорнилом: NB.
2 Початкові літери всіх цих чотирьох рядків написані червоним чорнилом.
45. Ω должника́хъ, хто̀ кому̀ до́лжεнъ: або̀ тε(ж) ви́нεнъ.
Нε да(и) бж̃ε позыча́тъ, алὲ да(и) своѐ ма́т(ъ):
бо мовя(т) ду(ш)но я(к) два правя(т), трεтεму нЂчо(г)[о] да(т).
Добро̀ такому чεго ко(л)вεкъ позыча́ти:
которы(и) можε(т) в пру(д)ком часЂ и о(т)да́ти. \55\
А ви(н)ному двояка часомъ ско́рбъ быва́εтъ:
ґды̀ прε(з) назначε(н)ны(и) часъ вдво́ε о(т)дава́εтъ.
Жε то ε(ст) такаA рεчъ пу(д) часъ мεнови́тε:
до(л)жны(и) на сεбὲ о́блЂкъ да(ст) о(т)да́т(ъ) сови́тε. /31 зв./
I ви́дЂлε(м) на свЂ́тЂ тоε в(ъ) своεмъ вЂку:
жε прε(з) прέшлы(и) тε(р)мЂнъ да(л) в(ъ)двоε чл̃вЂку.
I су́жε(н)но на судЂ, бы тоε стало та́къ:
на Волы́ню εды(н) сA ошукалъ нεбора́къ.
Бо мовил(ъ) ко(г)да̀ в то(и) часъ з(ъ)упо́лно нε о(т)да́мъ:
хо(ч) ади(н) дε(н) похыблю̀ мо́ви(т), вдвоε о(т)да́мъ.
Та(к) жε εму бЂ́дному zа нεща(ст)ямъ ста́ло:
жε друго(и) полови́ны дарεмнε нε ста́ло.
Присуды(л) ля(х) жε(б) жы́ду русЂнъ о(т)да(л) вдво́ε,
и мусЂлъ ста́ратисA бЂдны(и) было̀ то́ε.
Хто (ж) чи судіÀ тому̀ ви́нε(н) чи самъ ви́нны(и)
нε вЂмъ: подобно бо(л)шε(и) ошука(л)сA ви(н)ны(и).
Нащо было́ в(ъ) о́блыцЂ такъ сA обЂца́ти:
жε прε(з) рεчεнεць буду в(ъ)дво́ε о(т)дава́ти.
I то нε готовызну да(л) ты(л)ко всю̀ худобу
в сту̀ талярах(ъ): а(ж) про то̀ збу(л) свою̀ оздо́бу.
Жὲ много из(ъ) жа́ло(с)ти хорЂлъ для фрасу́нку:
пото(м) ста(л) пи(т), и умε(р) з(ъ) хмεліово(г)[о] тру(н)ку. /32/
А жона̀ при зло(и) нε(н)дзЂ пошла̀ запряда́ти:
а дЂти свои жыда́мъ почала̀ на(и)ма́ти.
Прεто нε да(и) на(мъ) бж̃ε в до(л)гѝ упада́ти:
алε и до(л)жны(м) сA да(и) в(ъ)скорЂ свобожда́ти.
46. Ω утЂка́ючихъ z долго́въ
Нεдо́брЂ и то(и) собЂ зго́ла поступа́εтъ:
ко(т)ры(и) надо(л)жившисA лю́дя(м), да утЂкаεтъ.
Zнаεтъ нεха(и) жε будε(т) бг̃ъ εго за то̀ кара́т(ъ):
жε такую важи(в)сA пако(ст) лю́дя(м) сотворя́т(ъ).
УмЂвъ грошε(и) у людε(и) готовы(х) позыча́ти:
а нε умЂε(т) sлы(и) рабъ зно́ву и́мъ о(т)давати.
Да та(к) бл̃годЂтεлε(м) свои́мъ важи(т)сA чини́т(ъ):
бг̃ъ εго̀ со злодЂ́и за то́ε можεтъ судит(ъ).
Бо вла(с)нε укравъ, и прочъ окая(н)ны(и) втЂка́εтъ:
со Ію́дою таки(и) ужὲ собЂ ча(ст) ма́εтъ. \56\
I якъ нε бл̃года(р)нымъ бу́дε(т) таковы́мъ го́рε:
ґды̀ о(т)шлю́тъ по смεртε(х) тЂхъ в(ъ) прεіспо(д)нεε мо́рε. /32 зв./
Ра(д) бы ю́жъ бл̃готво(р)цεмъ свои́мъ в(ъ) то(и) часъ о(т)дава́т(ъ):
да то(г)да̀ ю́жъ нε бу́дεтъ нихто̀ о(т) ни́хъ о(т)бира́т(ъ).
I тоε нεпохы́бно спра́витъ таки́мъ zлонравство:
и zа выгоду лю(д)зску zло́ε нεбл̃годарство.
Мо(г)лъ бы окая(н)ны(и) сы́нъ ґды̀ нЂчимъ о(т)давати:
то нε всты(д)но было́ бы εму̀ и о(т)робля́ти.
Ко(г)да̀ позычавъ або̀ пи́въ, то бг̃у прысяга́въ:
жὲ мови(т) о(т)да́мъ: а́жε я́ко нεцно́та солга́въ.
А іны(и) на о(т)робъ бεрε(т) и нε о(т)робляεтъ:
да я́ко зло́дЂ(и) злы́(и) сы́н, из(ъ) мЂста утЂка́εтъ.
УтЂка(и) жε утЂка(и) zлы(и) и прокля́ты(и) вра́жε:
εслѝ тобЂ діяволъ та(к) учинити ка́жε.
Бода(и) εсѝ конεчнε на собЂ того̀ дозна́лъ:
якъ я́ тобЂ в си(х) вЂ(р)шахъ мои(х) наимεнова́лъ.
I вЂрую бг̃у, хто̀ чуждов похыща́εтъ:
тому̀ поісти(н)нЂ сA дарεмнε нε мина́εтъ.
Або гдε ко(л)вεкъ таки(и) нε втεчέтъ рукъ като́вски(х):
и́ли тε(ж) ба(р)зЂ(и) що го(р)шъ мучεни(и) чо(р)то́вскихъ.
I нε трέба такого мЂт(ъ) zа хр(с)тіяни́на:
алε за жыдовы́на мε(р)зского погани́на. /33/
Бг̃ъ тому̀ хто позычавъ кому̀ в(ъ)тро́ε запла́титъ:
хо(ч) имЂніεмъ zεмны(м), хо(ч) нб(с)нымъ о(т)пла́титъ.
А тому̀ зло́му рабу̀ и на зεмли zло пошлέтъ:
хочъ калЂцство(мъ) скараε(т) хо(ч) бЂса в нεго вошлέтъ.
Zачи(м) вы̀ до(л)жникѝ такъ чини́ти нε дε(р)за(и)тε:
хо(ч) о(т)робля(и)тε хо(ч) заробля(и)тε, а о(т)дава(и)тε.
А нε хочεтε zаробляти або о(т)робля́ти:
то̀ нε встыда(и)тεсA и худобою о(т)дава́ти.
Абы̀ я(к) сεбὲ змо(г)лѝ о(т) до(л)го́въ свободи́ти:
и(ж) бы ва(м) в(ъ) бг̃а вЂчно(и) ка(р)ности нε заслужи́ти.
Я́ соско(р)бячѝ вашо(и) зги́бεлЂ, поража́ю:
о(т) ко(т)ро(и) ва(м) свобо́дны(м) бы(т) пріятε(л)ско пріяю.
А на мεнὲ за си́ю нау́ку нε дывЂтε:
а до(л)гѝ о(т)бува(и)тε да здоро́вы жывЂтε. \57\
47. Ω людε(х) ты(х) що всε ты(л)ко чεго ко(л)вε(к) в людε(и) іны(х) позыча́ю(т); а своε(г)[о] [я(к) на па́ко(ст)] 1 ничо́го нε ма́ю(т); и нε ста́раю(т)сA мЂти собЂ та́ко(ж) /33 зв./
Много таки(х) ви́ди(м) що всεго̀ позыча́ю(т):
а свои(х) жа́дны(х) рέчи(и) у до́мЂхъ нε ма́ютъ.
I о стара(н)ε жεбы̀ в ны(х) было̀ нε дба́ютъ:
и хто нε позы́чи(т) то з(ъ) гнЂвомъ осу(ж)да́ютъ.
А собЂ ма(и) да и мнЂ нε да(и), в присло́вю мо́вятъ:
εдна(к) гу(л)таЂ вε(д)лу(г) присло́вA нε тво́рятъ.
Zвыча(и)но ра(з) и други(и) в(ъ) людε(и) попроха́ти:
а нε бεз(ъ)прεста(н)но всε ты(л)ко докуча́ти.
Тако́ε то гу(л)тя(и)ство и всты́ду нε зна́εтъ:
жε жа(д)ного дна людя(м) добры(мъ) напрыкря́ε(т).
I за тоε о(т) людε(и) со́ро(м) и о(т) бг̃а грЂхъ:
а ωнѝ низащо то маю(т), и творя(т) смЂ́хъ.
Zачи(м) ко(ж)ды(и) гулта́ю осма́къ нε пропива(и):
да і собЂ у дворЂ та(к) потрεбноε ма(и).
А такъ нε бу́дε(ш) людя(мъ) доку́ки чини́ти:
и ты́ε (ж) людε ста́ну(т) тεбὲ хвали́ти. /34/
48. И сὲ тому́ жъ подо́бноε. Ω хотя́щи(х) людε(х) всὲ що ко(л)вεк(ъ) о(т) іны(х) [ту́нε або тε(ж)] 1 да(р)мо ω(т)бира́ти
В кождого правε боли́т(ъ) чεму(с) ґа́рло:
хто̀ zаставляε(т) кого̀ спЂва(т) да́рмо.
I цε(р)ковъ мови(т): вщε(д)ры̀ да пою ти:
а що да́ро(м) хо(ч) взя́т(ъ), то о(т)кажу̀ тѝ.
I присловіε рεчε колѝ да́ха,
то та(к)жε будε(т) и о(т) мεнὲ взя́ха.
А та(к) оста(в)тε вы тую моро́ку:
и нε будε(т) ва(мъ) жа́дного поро́ку.
1 Квадратні дужки стоять у рукопису.
49. Ω в(ъ)труча́ющы(х)сA нε в своЂ рЂчи: па́чε жε к(ъ) нεиму́щы(м) никоεго началства, сирЂчь власты, а вмЂшуватисA рады в(ъ) всякоε нε своὲ дЂло, що̀ и́мъ и нε приналεжитъ /34 зв./
НЂgды правε чεловЂкъ то(и) ста(т)ку нε ма́ε(т):
котры(и) нε в свои рέчи да(р)мо сA втруча́εтъ. \58\
А своεго дЂла ώнъ нε хо́чεтъ смотрЂти:
точі́ю чужды(х) тщы(т)сA охочо глядЂти.
I нε ста́раε(т)сA справъ свои(х) догляда́ти:
ты(л)ко бЂгаεтъ часто іны(мъ) роспра(в)ляти.
Такому (б) трεба сказа(т), нн̃Ђ в на(с) нε пра(з)дни(к):
а твоA ми́ло(ст) хто(с) на(м) і́ны(и), а нε вка́зни(к).
50. Ω нεправдивы(х) щыростя(х) нε щы́рыхъ чεловЂковъ: кгды убо кто іному сотво́ри(т) любо и вεліε εдино́щи бл̃годЂяніε. Но послЂждε тому (ж) болЂε стокро(т) (вмЂсто того̀) 1 zлодЂяніε
Рεчὲ Дв̃и́дъ ω бз̃ски(х) к(ъ) людε(мъ) прεмЂ́на(х):
и о лю(д)зски(х) к(ъ) людε(м) жε на зло̀ пεрεмЂ́на(х). /35/
Кгды рεкъ Бываε(т) з(ъ)мЂна дεсница вышняго
во бл̃го: а змЂ́на су(т) в зло̀ шуи́ца нижняго.
СирЂчъ бг̃ъ дεсницεю бл̃ги подаваεтъ:
а шуи́цεю чловεкъ злы(и) то о(т)бираεтъ.
Да ωбрати(т)сA (ж) болЂзнь на εго злу главу:
а нεви(н)ны(и) радо(ст)но возда(ст) бг̃у хва́лу.
ТЂмъ ю(ж) бж̃ε шхъ на(м) зла zлы́ε нε створя́ютъ:
лε(ч) нεха(и) в(ъ) я́мы что на(мъ) копаю(т), впадаютъ.
Да и ωнѝ аза́ли наказавши(с) при(и)дутъ
в чувство: и покаявши(с) до а́да нε сни(и)дутъ.
Zаступа(и) жε на(с) бж̃ε о(т) всяки(х) zлотворцεвъ:
и дару(и) на(мъ) прочεε добры(х) бл̃готворцεвъ.
1 Круглі дужки стоять у рукопису.
51. Ω людέхъ самыхъ себὲ гла́до(мъ) убива́ющы(х), ску́пости ради
Много людε(и) быва́ло скупы(х) з(ъ) да́вны(x) вЂ́ковъ:
а і тεпε(р) нεма́ло и zа нш̃ихъ вЂковъ.
Есть таки(х) жε всЂхъ рέчи(и) по доста(т)ку ма́ю(т):
а для злои ску́пости го́лодо(м) zгиба́ютъ. /35 зв./
Нε диво хто у сεбὲ ничого нε ма́εтъ:
да з голоду на свЂтЂ і́ны(и) умира́εтъ. \59\
А в кого ε(ст) а будε(т) z голоду умира́ти:
того вε(л)ми здε и та(мъ) бг̃ъ будε(т) кара́ти.
Кгды (ж) нε мови(т) бг̃ъ на(м) да(л) и εщε обЂца́лъ:
и εщὲ пошлεтъ ласку я́ко жъ и посыла́лъ.
I нε мови(т) бг̃ъ на(м) дал и і́ны(м) вдЂля(и)мо:
а сεбὲ и дома́шны(х) гладо(м) нε згубля(и)мо.
Кусъ хлЂба и впя(т) ωсма(к) никого нε вроди́въ:
а бг̃ъ всякую рε(ч) людя(мъ) на пожытокъ створи(в).
Прεто чεго жεлаε(т) дш̃а то потщы́сA:
для дш̃Ђ своε(и) нЂgды тружда(т) нε лЂни́сA.
Чεго̀ дш̃а жεлаεтъ хо(ч) кошулю заста́въ:
жεбы έстε(с) для нέ(и) гдὲ ту́ю рέчъ доста́въ.
Бо хо(ч) ко(л)ко бога(т)ства бу́дε(ш) собЂ з(ъ)бира́тъ:
а по смε(р)ти з(ъ) собою нε зможε(ш) нищо̀ взя́т(ъ).
Ты(л)ко на сε(м) свЂтЂ що г(с)дь да(л) пожыва(и):
а прокля́тую ску́по(ст) прεчъ о(т) сεбε о(т)вε(р)га(и) 1. /36/
1 Починаючи з цього аркуша і далі, на нижніх полях у розбивку написано: Сія кни-жи-ца ω(т)ца Гε-на-дія Ро-жов-ца.
52. Ω уписующых(ъ)сA в коzакѝ дурны́хъ мужыка(х), и зно́ву выписуватисA хотя́щы(х)
То́жε(с) ду(р)ны(и) мужы́ку ба(р)зε нεуважны(и):
жε ты(л)ко бεзчέсты(ш) чи(н) козацки(и) пова́жны(и).
Zасяглε(с) того чину, а́жε погоржа́εшъ:
нε бы(в)ши и в во(и)ску, ю(ж) выступи(т) гада́εшъ.
Нихто́ тA вписувати нЂ́тъ нε принεволя́лъ:
а́лε са(м) сA з(ъ) доброи волЂ έстε(с) вписа́лъ.
А нε хо(ч) с козаками у во(и)ско завыта́тъ:
я́ко(с) нε хотЂлъ прε(д) ты(м) тя́гло(с)ти о(т)бува́т(ъ).
Прεто бεрεзовы(мъ) пЂро(м) выписува(т) тÀ трέба:
и худо́бу ґды̀ ма́ε(ш), на рату(ш) взя(т) потрέба.
Абы̀ εсѝ яково̀ коза́цтво: памята́лъ:
и дру́ги(м) мужыкамъ та(к) чини́ти заказа(л).
Ωто (ж) ґды(с) нε втопи(л)са напро(д) гдὲ у во́ду:
при(и)ми (ж) коза́цкую хо(р)бацЂ нагороду. /36 зв./
Бы(с) нε запомнЂлъ тоε(и) рεчи а(ж) до смε(р)ти:
по́ку(л) сA обвЂси(ш), чи тε(ж) суди(т)сÀ вмε(р)ти. \60\
53. Ω коzака́хъ, нε го́дны(х) похва́лы, мεновитε ω ты(х) zлы(х) и ωкая(н)ныхъ сына́хъ, и нε о(т)цεвски(х) дЂтях(ъ); которыε у во(и)ско іду(т); а людε(и) на путε(х) ідучи(х), або Ђдучи(х) о(б)дыра́ю(т): или що ко(л)вεкъ насы(л)ствіεмъ рабу́ючи, па́кости сотворяютъ
Вε(л)мѝ ты́ε козакѝ zлὲ собЂ поступа́ютъ:
жε идучи у во(и)ско людε(и) гдὲ обдыра́ютъ.
Подобало (б) імъ тогда̀ мл(с)тыню дая́ти:
а нε та(к) на погибε(л) імъ вЂчну сотворя́ти.
Zапамяталыε то̀ зна(т) в(ъ) таковы(х) злы(х) ду́шы:
жε пока́зуютъ бЂсу вго(д)ныε анЂму́шы.
I нεха(и) тоε собЂ злыε рабы̀ будутъ зна́т(ъ):
жε з(ъ) по́мстою своεю Хс̃ нε будε(т) мина́т(ъ).
I воскорЂ таковы(х) мо́жεтъ выкорεня́ти:
и памя(т) іхъ со шумомъ навЂки погубля́ти. /37/
I по́ку(л) сεбὲ узря́тъ у погибεляхъ вЂ́чны(х):
нε буду(т) собЂ ща(ст)A мЂ(т), и лЂтъ до(л)говЂчныхъ.
Поби́ю(т) бо слεзы навЂкъ, о(т) ны(х) оско(р)блεнныхъ:
и всяки(х) хоча(и) мало о(т) ны(х) жε оздоблε(н)ныхъ.
I у во(и)ска пошε(д)ши ку домо(м) нε возврятя́тъ:
а́лε будут ганέбно голова́ми наклада́т(ъ).
Що і козака(мъ) таки(м) Хε̃ Сп̃си́тεлю да(и):
и таковы(х) о(т) мεча̀ и кулЂ нε сохраня(и).
Бы̀ и прочіε злы́ε о то(м) жε памята́ли:
и па́ко(с)тε(и) нεви́нны(мъ) людε(м) нε сотворя́ли 1.
1 З лівого боку на полі написано іншим почерком: Ω козакахъ подобны(х) лис(т) рз̃д напрεдЂ. Справді, на арк. 164-му є такий вірш.
54. Ω пεку́щы(х) хлЂбы пшεни(ч)ныε а хо(ч) и жытныε фа(л)шывε z галуно́мъ, и продаю́щыхъ
Вε(л)мѝ и ты́ε людε бг̃у согрЂша́ютъ:
которыε и хлЂбы з(ъ) фа(л)ч(ъ)ю продава́ютъ.
МЂшаючи у тЂсто галу́нъ для надмέн(ъ)A:
ко(т)ры́ε ра(з)†са(мъ) вра(г) похва́ли(т) и(мъ) чинέн(ъ)A. /37 зв./ \61\
О́нъ бо на дш̃εврε(д)но дЂло науча́εтъ:
и сотворяти волю свою́ помага́εтъ.
I пεрεпεча(и) тоε(и) учитьсA науки:
жε(б) за злы(и) прибыто(к) да(т) сεбε бЂсу в ру́ки.
I ты́ми ошука(н)ствы самы́ сA ошукаютъ:
ко(г)да̀ погину(т) з(ъ) свЂта сεго, то(г)да̀ позна́ю(т).
А лу(ч)шε(и) бы тεпε(р) зги́бε(л) свою̀ позна́ти:
да конεчнε ошука(н)ствъ лю(д)зски(х) пεрεста́ти.
Я́ ва(м) ωкаянныε тоε поражаю:
и дочасно(и) ка(р)ности бж̃о(и) здε прія́ю.
А вЂчнои я́ко са(м) собЂ нε жεла́ю:
та(к) и вамъ тогосвЂтно(и) кары нε жада́ю.
Жадаю иzгибεли вЂчно(и) басу(р)ма́номъ:
а ца(р)ства нб(с)ного zычу хр(с)тія́номъ.
55. Ω волоча́щы(х) сA чε(р)нцахъ 1 по мЂста(х) по школа(х), и по ко(р)чεмны(х) двора(х) /38/
Мно́гіε волоцю́ги з(ъ) гу(л)та(и)ства быва́ютъ:
осо(б)но и чε(р)нцЂ 2 тако(ж) сA пробЂгаютъ.
Нε хотA(т) в(ъ) мн(с)тырέxъ послушани(и) мЂти:
и вε(д)лугъ своεго сп̃сέніA тε(р)пЂти.
Да повЂε(т)са іны(и) к бЂсу по своε(и) во́лЂ:
шукаючи на згибε(л) собЂ свояво́лЂ.
А свояволA добра́ да нε пожытέчна:
з ко(т)ро́(и) сA рожда́ε(т) зги́бε(л) доконέчна.
Ωсобливε тε(ж) чε(р)нца̀ 3 она̀ погубля́εтъ:
а і свЂтско(г)[о] та(к)жε вЂмъ нε направля́εтъ.
Прεто̀ ст̃о (б) дЂло всЂ(м) ε(и) нε зажыва́ти:
да статέчно(ст) и цноту з побожно(ст)ю xова́ти.
А́жε нε ты(л)ко свЂцки(и) часо(м) хова́т(ъ) нε вмЂ́εтъ:
да туда (ж) і чε(р)нεцъ і́ны(и) ва(н)дро́вны(и) шалЂ́εтъ.
I людε(и) до зго(р)шέн(ъ)A свЂцки(х) привожа́εтъ:
и погибεли своε(и) дш̃Ђ̀ примножа́εтъ. /38 зв./
Такому нε потрεба мл(с)тыню дава́т(ъ):
а́лε всюда го(д)но ε(ст) кія́ми частова́т(ъ).
1 Зверху після слова «чε(р)нцахъ» надписано блідішим чорнилом и чε(р)ница(х).
2 Зверху над цим словом надписано: чε(р)ници.
3 Зверху над цим словом надписано: и чε(р)ницю. \62\
I будε(т) іны(и) чε(р)нεцъ прε(з) ввε(с) вЂкъ сA волочи́т(ъ):
а трафляε(т)сA тому в школЂ сA и ско(н)чи́т(ъ).
А́бо гдὲ на(г)лε лу́нε(т) у ко(р)чεмномъ дому̀:
то ужέ и нε зна́ти що чини́ти тому̀.
Можε(т) нεра(з)су́дно(и) то(и), шынка(р)цЂ напи́ти:
а що го(р)шъ и комεди(и) якихъ начини́ти.
I кгды̀ в ко(р)чмЂ̀ зги́нε(т), в гно(и) я(к) ψа̀ закопа́ти:
понεва(ж) та(к) важы(л)сA злὲ поступова́ти.
I чε(ст)нымъ zа́ко(н)ника(мъ) нεславу вноша́ти:
и мн(с)тыря(м) бεзчεстно(ст) наволока́ти.
Людя(м) здаε(т)сA жε вся(к) чε(р)нεцъ та(к) злонра(в)ны(и):
я(к) о(н) нεцно(т)ливы(и) сы́нъ и прεωкая́нны(и).
Нε хо́чε(т) в(ъ) мн(с)тыру то(и) жытε(л)ствова́ти:
и ста(р)шому и бра́тіи сA повинова́ти. /39/
Да злы(и) рабъ я́ко гу(л)та(и) zавшε воло́чит(ъ)сA.
а в мн(с)тыру̀ нигдὲ εму̀ жи(т) нε хо́чεт(ъ)сA.
Бы́лε бы по города́хъ лю́дя(мъ) о́чи поро́въ:
бода(и) ты(л)ко εго ка́тъ само(г)[о] іспоро́въ.
I εслѝ впя(т) мо(в)лю гдε таки(и) в(ъ) миру̀ зги́нεтъ:
а(ж) нεсла́ва zа́кону нш̃εму 1 прослы́нεтъ.
Бо напро(д) згинε(н)а о(н) мн(с)тырЂ̀ ωсужда́εтъ:
жε мовитъ жа(д)ны(и) мεнὲ ігумε(н) нε при(и)ма́εтъ.
Мушу сA волочити по тоε(и) нεволЂ:
а то̀ лжε(т) бы́лε (б) εму̀ нашалЂ(т)сA дово́лЂ.
I за(с) брεшε(т) жε мови(т) нигдέ мA нε при(и)ма́ютъ:
бываε(т) то и пра(в)да, жε нεцно́ты εго̀ зна́ютъ.
Една(к) лжε(т) то я́ко пεсъ; в(ъ) мн(с)тыря(х) при(и)му́ютъ
всяки(х): пачε (ж) ко(т)рыε добрε поступу́ютъ.
Бо мовя(т) во(л)но ψо́ви и на бг̃а брεxа́т(ъ):
и на ко(г)[о] ко(л)вεкъ я(к) ψо́ви та(к)жε щεка́т(ъ). /39 зв./
Бо̀ що̀ и о(т) шы́бεницъ котрыε втЂка́ютъ:
и ты́ε в(ъ) мн(с)тыряхъ ча́сомъ сA свобожда́ю(т).
А чε(р)нεцъ в(ъ) мн(с)тыру̀ нε хотящы(и) жи́ти:
εдно̀ то будε(т) бЂсу по ва(н)дро́вка(х) служи́ти.
Ко(т)ры(и) и нагороду о(т) нεго воспри(и)мεтъ
про́па(ст) вЂчну: ґды ду́шу εго̀ то(и) собЂ̀ при(и)мε(т).
I хто (ж) того̀ в поминни(к) можε(т) уписа́ти:
и з(ъ) прεста́вл(ъ)шымисA бра́тіями помина́ти.
1 З лівого боку на полі приписано: чε(р)нεцкому — як уточнення до слова нш̃εму, про що свідчать помітки червоним чорнилом над обома цими словами. Почεрк автора. \63\
Нεха(и) ужὲ са́мъ сεбὲ таки(и) помина́εтъ:
и бг̃ови за дЂла злы́ε о(т)вЂтъ дава́εтъ.
А помина́ніA ώнъ ω(т)ню(д) нε досто́инъ:
алε осудови(с)ка и по смε(р)ти досто́инъ.
Естъ жε то пра(в)да я(к) нε єдно(и) мт̃ри дЂти:
і́ны(и) хо(ч) стра(н)ствуε(т) 1, да ста́то(к) бу́дε(т) мЂти.
Нε по(и)дε(т) таковы(и) гдε в ко(р)чму ночова́ти:
алε до сщ̃ε(н)ника можε(т) сA в(ъ)проха́ти 2. /40/
Або хо(ч) и до просты(х) та(к)жε людε(и) чέстныхъ:
а нε до ко(р)чεмны(х) ко(т)рыхъ домо́въ бε(з)чέстны(х).
I подякова(н)ε людя(мъ) [добры(м)] 3 вста́вши ω(т)дати:
и в(ъ) пу(т) сво(и) гдὲ надобно з(ъ) бг̃омъ поспЂша́ти.
I нε будε(т) то(и) в(ъ) градЂ и в вεси мεдлЂти:
ты(л)ко па́чε в(ъ) мн(с)ты(р) впя(т) жи́ти хотЂ́ти 4.
Тому ґды̀ попроси(т) и я(л)му(ж)ну да(т) годи́тъсA:
будε(т) бо за дающы(х) то(и) бг̃у мл