Уклінно просимо заповнити Опитування про фемінативи  

[ПСРЛ. — Т. 1. Лаврентьевская летопись. — Л., 1927. — Стлб. 441-451.]


      Шрифт



Попередня     Зміст     Наступна






441п

Примѣчанія. А -тв- написано вязью. Б Т.-е. безъ числа. В Чит. иуля. Г -нь написано вязью. Д -му написано вязью. Е Въ Л имя сына Георгіева не обозначено: должно быть Владимиръ или Мстиславъ. Ж Написано мелкимъ почеркомъ на полѣ. З Первое гю- написано вязью. И Срѣтенья, -тр- написано вязью. І 2-е февраля приходилось въ пятницу въ сентябрьскомъ 6725-мъ и въ мартовскомъ 6726-мъ годѣ. К -ти- написано вязью. Л Чит. зѣло.

В лѣт̑ . s҃ . ѱ҃ . кs҃ . [6726 (1218)] Великъıи кнѧз̑ Костѧнтинъ сн҃ъ Всеволожь . мс̑ца . маӕ . въ . s҃ . дн҃ь . на памѧт̑ стаг̑ и праведьнаго Иѡва . заложи цр҃квь камену на торговищи в Володимери . Въздвиженьє крс̑та чс̑тьнаго . того же лѣта и свершена бъıс̑ . и сщ҃ена семтѧб̑ . въ . дı҃ . дн҃ь ГТогож̑ лѣт̑ . Родисѧ сн҃ъ кнѧзю Геѡргию . и нарекоша имѧ ѥму Д въ ст҃омь крщ҃ньи Е. Тогож̑ . лѣт̑ . Приде єпс̑пъ Полотьскъıи . изъ Цс̑рѧграда к великому Д кнѧзю Костѧнтину Володимерь . вѣдъıи ѥго любовь и желаньє до всего бжс̑твенаго цр҃квнаго строѥньӕ . до ст҃хъ иконъ . и мощии ст҃хъ . и до всего дш҃еполезнаго пути ведущаго в жизнь вѣчную . и принесе ѥму єтеру часть ѿ стрс̑тии ѿ Гс̑нь . ӕже нас̑ ради Влд̑ка Іс̑съ Хс̑ъ ѿ Июдѣи претерьпѣвъ пострада . и мощи стаг̑ Логина Ж. мч҃нка сотника . ст҃ъи ѥго руцѣ ѡбѣ . и мощи ст҃ъıӕ Мр҃ьӕ Магдалъıни . Холюбивъıи же кнѧз̑ Костѧнтинъ с радостью великою створи А праздьньство свѣтло ѡ приходѣ ихъ . и постави и оу Възнесе|ньӕ в манастъıри . передъ Золотъıми воротъı . и бъıвшю дн҃и ст҃го въскс̑рньӕ Гс̑нѧ . и приспѣ ѿ дн҃ь памѧт̑ стаг̑ мч̑ка Логина . повелѣ кнѧз̑ Костѧнтинъ по ѿпѣтьи заутрени . ѿ ст҃ъıӕ Бц҃а сборнъıӕ . и ѿ стаг̑ Дмитриӕ . ити всему народу съ крс̑тъı єпс̑пу со всѣм̑ клиросом̑ . и сам̑ кнѧз̑ с своими блг҃ороднъıми сн҃ъми . и со всѣми болѧръı . идоша к ст҃му Възнесенью . взѧтъ же єпс̑пъ на главу свою ст҃ую ту раку . в неиже бѣ положено ст҃оє то скровище . и тако възвратишасѧ в град̑ .

442

и идоша къ ст҃му Дмитрию . поюще и славѧще Гс̑а наш̑го Іс̑съ Хс̑а . и ту цѣлова єпс̑пъ . и хс̑олюбивъıи кнѧз̑ Костѧнтинъ . и вси правовѣрнии чл҃ци ❙ Тогож̑ . лѣт̑ . Сщ҃на бъıс̑ цр҃къı ст҃ою мч҃нку Бориса и Глѣба . Ростовѣ єпс̑помь Кириломъ . мс̑ца . авгус̑ . въ . к҃е . дн҃ь . на памѧт̑ стаг̑ апс̑ла Тита . Ту сущю великому кнѧзю Костѧнтину . с блг҃ороднъıми дѣтми . Василком̑ . и Всеволодом̑ . и Володимером̑ . и со всѣми болѧръı . створи пиръ и оучреди люди . и многу млс̑тню створи къ оубогъıм̑ . такъ бо бѣ /л.151об./ ѡбъıчаи того блж҃наго кнѧзѧ Костѧнтина ❙ Тогож̑ . лѣт̑ . Прииде Володимеръ сн҃ъ Всеволожь . ис Половець к братьѣ своѥи . и даша ѥму Стародубъ . и ину властьцю . Тогож̑ . лѣт̑ . Великии кнѧз̑ Костѧнтинъ сн҃ъ Всеволожь . посла старѣишаго сн҃а своѥго Василка . Ростову на столъ . а Всеволода на Ӕрославль на столъ . рекъ има возлюбленѣи мои чадѣ . будита межи собою в любви . Ба҃ боитасѧ всею дш҃ею . заповѣди ѥго во всем̑ сблюдающа . и моӕ нравъı всѧ всприимѣте . ӕже мѧ видѣста творѧща . нищих̑ . и вдовиць не презрита . цр҃кви не ѿлучаитасѧ . и єрѣискъıи и мнишьскъıи чинъ любита . и книжнаго поүченьӕ слушаита . и будита в любви межи собою . и Бъ҃ мира буди с вама . имѣита послушаньє к старѣишим̑ ваю . иже вас̑ на добро үчать . понеже ѥще єста въ младодн҃ьствѣ А. азъ бо вѣм̑ сн҃а моӕ . ӕко ѿшествиє А моє близь приближаєтсѧ ѿ свѣта сего . и се поручаю вас̑ Бу҃ . и прчс̑тѣи ѥго Мт҃ри и брату и гс̑ну Гюргю З. да то въı бу|дет̑ в мене мѣсто . и тако цѣловавъ єю любезно . ѿпусти ѥю когождо в свою власть ❙— Тоӕ же зимъı . мс̑ца февралѧ . въ . в҃ . дн҃ь . в праздникъ Оустрѣньӕ И Гс̑а наш̑го Іс̑съ Хс̑а . къ пѧт̑ І. въ час̑ . з҃ . дн҃е . Престависѧ хс̑олюбивъıи великъıи кнѧз̑ Костѧнтинъ К сн҃ъ Всеволожь . внукъ Гюргевъ . правнук̑ Володимера Мономаха . сь бѣ блжнъıи кнѧз̑ . s҃ . Л оукрашенъ всѣми добръıми нравъı . възлюби Ба҃ всею дш҃ею . и всѣм̑ желаньєм̑ . Бж҃ии страх̑ ѡтинудь имѣ в срд̑ци .


443

Примѣчанія. А тр- написано вязью. Б -му- написано вязью. В Слѣдуетъ: епископъ, а можетъ быть ихъ было два? Г Здѣсь небольшой пробѣлъ для вписанія цифры. Д Въ Л начальное и поглощено послѣднимъ и предыдущаго слова: побѣди-нъгваръ. Е -нь- написано вязью.

и в дш҃и своєи . не помрачи оума своѥго пустошною славою прелестнаго свѣта сего . но весь оум̑ свои впери тамо . ӕможе и преиде въ ѡну нестарѣющюсѧ бесконечную жизнь . юже и оулучи своими млс̑тнѧми и вельимь безлобьєм̑ . Соломон бо реч̑ млс̑тнѧми и безлобьє и вѣрою ѡчищают̑сѧ грѣси . такъ бѣ блж҃нъıи сь кнѧз̑ правдивъ . щедръ . кроток̑ . смѣренъ . всѣх̑ милуӕ . всѣх̑ набдѧ . паче же всего дивную любѧ и славную млс̑тню . и црк҃вьноє строѥньє А. и ѡ том̑ пекъıсѧ дн҃ь и нощь . велми бо печашесѧ ѻ созданьи . прекраснъıх̑ /л.152/ Бж҃иихъ цр҃квии . и многъı цр҃квї созда по своєи власти . въѡбражаӕ чюдными въѻбражении ст҃хъ иконъ . исполнѧӕ книгами и всѧкъıми оукрашении . чтѧше же паче мѣръı їєрѣискъıи и мнишьскъıи чинъ . подаӕ имъ ѥже на потребу . и приимаӕ ѿ них̑ мл҃твъı и блгс̑веньє . поминаӕ слово гл҃щеє . бл҃жни милостивии ӕко ти помиловани будут̑ . и блж҃нъ разумѣваӕ на нища и оубога . ӕко в дн҃ь лютъ избавить и Гс̑ь . тѣм̑ не щадѧше имѣньӕ своѥго раздаваӕ требующим̑ . бѣ бо се во истину по Иѡву ѡко слѣпъıм̑ . и нога хромъıм̑ . и рука неимущим̑ Б оутѣшеньӕ . испроста всѣх̑ любѧ . и нагъıӕ ѡдѣваӕ . труднъıӕ покоӕ оумрети хотѧща зимою согрѣваӕ . печалнъıӕ оутѣшаӕ . а не ѻпечалѧӕ никогоже ничим̑же . но всѣхъ оумудрѧӕ телеснъıми и дхв҃нъıми бесѣдами . часто бо чтѧше книгъı съ прилежаньєм̑ . и творѧше все по писаному 6. не въздаӕ зла за зло . сего по праву ѡдаровалъ бѣ Бъ҃ кротостью Двд҃овою . мудростью Соломонею . исполнь . съı апс̑лскаго правовѣрьӕ . по преста|влении же ѥго слъıшавше вси людьє града Володимерѧ . стекошасѧ на дворъ ѥго . и плакашасѧ по нем̑ плачем̑ вельим̑ . болѧре ӕко заступника земли их̑ . слугъı такоже ӕко кормителѧ и гс̑на . оубозии и черноризци . ӕко үтѣшеньє и ѻдѣньє наготѣ ихъ . и весь зборъ оубогъıх̑ плакахусѧ

444

вскорѣ лишени такого млс̑тивца слъıшав же Гюрги . и Ӕрославъ . и всѧ брат̑ӕ ѥго . вскорѣ съѣхашасѧ в Володимерь . и плакаша по нем̑ плачем̑ вельим̑ . акъı по ѡц҃и . и по братѣ любимѣм̑ . понеже вси имѣӕхуть и въ ѡц҃а мѣсто . и ѻнъ имѣӕ их̑ по достоӕнью . бѣ бо в них̑ любъı паче мѣръı . и пѣвше над ним̑ ѻбъıчнъıӕ пѣс̑ єпс̑па В. и игумени и черноризци . и вси прозвутери . и весь град̑ снидесѧ . и положиша и в цр҃кви ст҃ъıӕ Бц҃а Златоверхъıӕ . идѣже и ѡц҃ь ѥго положенъ бѣ . бѣ же всѣх̑ лѣт̑ Костѧнтиновъıх̑ . ..... Г кнѧгъıни же Костѧнтинова ту и пострижесѧ над̑ гробом̑ мужа Б своѥго . и нарекоша имѧ єи Ѡгафьӕ ❙

В лѣт̑ . ҂s҃ . ѱ҃ . к҃з . [6727 (1219)] Сщ҃на бъı церкъı ст҃ъıӕ Бц҃а Ржс̑тво /л.152об./ в манастъıри великъıм̑ сщ҃еньєм̑ єпс̑помь Симономь . мс̑ца . сем̑тѧб̑ . въ . з҃ . дн҃ь . на памѧт̑ стаг̑ мч̑ка Созонта . при кнѧзи Геѡргии . и сн҃ѣ ѥго Всеволодѣ . и брату ѥго сущю ту Ӕрославу . кнѧзю Переӕславьскому . а игуменьство держащю Митрофану . Тогож̑ . лѣт̑ . Безаконьнъıи Глѣбъ Володимеричь . приде со множ̑ством̑ Половець к Рѧзаню . и изиде противу имъ Инъгваръ съ своєю брат̑ѥю . и ступившим̑сѧ ѡбоимъ бишасѧ крѣпко . и Бж҃ьѥю помощью . и крс̑та честнаго силою . побѣди [И]нъгваръ Д злаго братоүбиицю Глѣба . и многъı ѿ Половець избиша . а инъı извѧзаша . а сам̑ ѡканьнъıи Е вмалѣ оутече ❙ Тогож̑ . лѣт̑ . родисѧ Ӕрославу сн҃ъ . и нарекоша имѧ ѥму Феѡдоръ

В лѣт̑ . ҂s҃ . ѱ҃ . к҃и . [6728 (1220)] Геѡргии великъıи кнѧз̑ . сн҃ъ Всеволожь . посла брата своѥго Ст҃ослава . с полкъı и воєводами на безбожнъıӕ Болгаръı . и ӕко приде Ст҃ославъ подъ град̑ ихъ Ѡшелъ . и изидоша из лодьи вси полци пѣшї . видѣвше же си безбожнии Болгаре . скоро доспѣвше . ѡви | на коних̑ . а друзии пѣши . оустремишасѧ на бои . и изидоша из града противу . наши же силою крс̑та чс̑тнаго үкрѣплѧѥми поидоша противу имъ


445

Примѣчанія. А Слѣдуетъ исправить по дню памяти святыхъ Адріана и Наталіи на 26. Б -ти- написано вязью. В Въ Л колевича описка вм. королевича. Г Въ Л заздрушивъ по опискѣ вм. раздрушивъ. Д -му написано вязью. Е Описка вм. Патарскъı. Ж Въ оригиналѣ какъ будто бѣдять. З Чит. памяти. И Очевидно вм. Таурмени. І То есть: Мстиславъ Мстиславичъ Торопецкій и Мстиславъ Святославичъ Черниговскій. К Чит. ити.

стрѣлѧюще ӕ . ѡни же забѣгше за плотъ . бьӕхутсѧ крѣпко . наши же расѣкше плотъ вбиша ӕ в град̑ . и ѡтѧша оу них̑ врата и зажгоша град̑ ихъ и взѧша и на щитъ . и поможе Бъ҃ Ст҃ославу . мс̑ца . июнѧ . въ . еı҃ . дн҃ь . на памѧт̑ стаг̑ Амоса ❙ Тогож̑ . лѣт̑ . Престависѧ митрополитъ Къıєвьскъıи Матфѣи . мс̑ца авгус̑ . въ . ѳı҃ . А на памѧт̑ . ст҃го Андрьӕна и Натальи ❙ Тоєж̑ . зимъı Престависѧ кнѧгъıни Костѧнтинова Б. Ѡгафьӕ . черноризица . мс̑ца генварѧ . въ . к҃д . На памѧт̑. ст҃ъıӕ Ѡксиньи . и положена бъıс̑ в цр҃кви ст҃ъıӕ Бц҃а . Ростовѣ ❙

В лѣт̑ . ҂s҃ . ѱ҃ . к҃ѳ . [6729 (1221)] Мстиславъ Мстиславич̑ . бисѧ с Угрою и побѣди ӕ . и изби множство ихъ . и ко[ро]левича В ӕ . Тогож̑ лѣт̑ . Посла великъıи кнѧз̑ Гюрги сн҃а своѥго Всеволода . в Великъıи Новъгородъ на столъ . Тогож̑ . лѣт̑ . мс̑ца иоунѧ . въ . к҃з . Загорѣсѧ град̑ Ӕрославль . и мало не весь погорѣ . и цр҃кви/л.153/и изгорѣ . з҃ı . дворъ же кнѧжь силою крс̑та чс̑тна и молитвою добраго Костѧнтина избъı ѡгнѧТогож̑ лѣт̑ . Великъıи кнѧз̑ Гюрги . сн҃ъ Всеволожь заложи град̑ на оусть Ѡкъı . и нареч̑ имѧ ѥму Новъград̑

В лѣт̑ . ҂s҃ . ѱ҃ . л҃ . [6730 (1222)] Великъıи кнѧз̑ Гюрги . заложи цр҃квь каменьну ст҃ъıӕ Бц҃а в Суждали на первѣмь мѣстѣ . заздрушивъ Г староє зданьє . понеже оучала бѣ рушитисѧ старостью . и верхъ єӕ впалъ бѣ . та бо цр҃къı создана прадѣдом̑ ѥго Володимером̑ Мономахом̑ . и блж҃нъıмь єпс̑помь Єфрѣмом̑

В лѣт̑ . ҂s҃ . ѱ҃ . л҃а . [6731 (1223)] Всеволодъ Гюргевич̑ . иде из Новагорода къ ѡц҃ю своѥму Д в Володимерь . Новгородци же поӕша к собѣ Ӕрослава . Всеволодича ис Переӕславлѧ кнѧжитъ ❙

Того же лѣт̑ . [1223] Ӕвишас̑ ӕзъıци . ихже никтоже добрѣ ӕсно не вѣсть кто суть и ѿколѣ изидоша . и что ӕзъıкъ ихъ . и которого племени сут̑ . и что вѣра ихъ . и зовуть ӕ Татаръı . а инии гл҃ють Таүменъı . а друзии Печенѣзи . ини гл҃ють ӕко

446

се сут̑ ѡ них̑же Мефоди|и Патомьскъıи Е єпс̑пъ свѣдѣтельствуєт̑ . ӕко си сут̑ ишли ис пустъıнѧ Єтриєвьскъı суще межю встоком̑ и сѣвером̑ . тако бо Мефодии реч̑ . ӕко къ скончанью временъ ӕвитисѧ тѣм̑ . ӕже загна Гедеѡнъ . и поплѣнѧть всю землю . ѿ встока до Єфранта . и ѿ Тигръ до Понетьскаг̑ морѧ . кромѣ Єфиѡпьӕ . Бъ҃ же ѥдинъ вѣсть ихъ кто сут̑ и ѿколѣ изидоша . прм҃дрии мужи вѣдѧть Ж ӕ . добрѣ кто книгъı разумно үмѣєть . мъı же их̑ не вѣмъı кто сут̑ . но сдѣ вписахом̑ ѡ них̑ памати З ради . Русскъıх̑ кнѧзии бѣдъı . ӕже бъıс̑ ѿ них̑ . и мъı слъıшахом̑ ӕко многъı странъı поплѣниша . Ӕсъı . Ѡбезъı . Касогъı . и Половець безбожнъıх̑ множство избиша . а инѣхъ загнаша . и тако измроша оубиваѥми гнѣвом̑ Бжьимь . и прчс̑тъıӕ ѥго Мт҃ре . много бо зла створиша ти ѡканнии Половци Рускои земли . того ради всемлс̑твъıи Бъ҃ хотѧ погубити . и наказати безбожнъıӕ сн҃ъı Измаиловъı Куманъı . ӕко да ѿмьстѧть кровь хрс̑ьӕньску . /л.153об./ ѥже и бъıс̑ над ними безаконьнъıми . проидоша бо ти Таүрмению И всю страну Куманьску . и придоша близь Руси . идеже зоветсѧ валъ Половечьскъıи . и слъıшавше ӕ Русстии кнѧзи . Мстиславъ Къıєвьскъıи . и Мстиславъ Торопичскъıи . и Черниговьскыи и прочии кнѧзи . здумаша итии К на нѧ . мнѧще ӕко ти поидут̑ к ним̑ . и послашасѧ в Володимерь к великому кнѧзю Юргю . сн҃у Всеволожю . просѧ помочи ү него ѡн же посла к ним̑ блг҃очтиваго кнѧзѧ Василька сн҃овца своѥго . Костѧнтиновича с Ростовци . и не оутѧну Василко прити к ним̑ в Русь ❙ А кнѧзи Русстии идоша и бишасѧ с ними . и побѣжени бъıша ѿ них̑ . и мало ихъ избъı ѿ смр҃ти . ихже ѡстави судъ жити . то ти оубѣжаша . а прочии избьєни бъıша . Мьстиславъ Б старъıи добръıи кнѧзь ту оубьєнъ бъıс̑ . и другъıи Мстиславъ . и инѣх̑ кнѧзии . з҃ . избьєно бъıс̑ . а болѧръ и прочих̑ вои много множ̑ство . глют̑ бо тако ӕко Къıӕнъ


447

Примѣчанія. А Память св. мученика Ермія празднуется 31 мая. Б ѡц- написано вязью. В Чит. зѣло. Г Здѣсь въ Л оставленъ пробѣлъ въ полторы строки для вписанія словъ, недостающихъ въ этой лѣтописной статьѣ. Д -ти- написано вязью. Е -нг- написано вязью. Ж -тр- написано вязью. З -тв- написано вязью.

ѡдинѣх̑ изгъıбло на полку том̑ . ı ҃. тъı|сѧчь . и бъıс̑ плачь и туга в Руси . и по всеи земли . слъıшавшим̑ сию бѣду . се же сѧ зло сключи . мс̑ца . маӕ . въ . л҃ . на памѧт̑ стаг̑ мч̑ка . Єремиа АСе же слъıшавъ Василко . приключьшеєсѧ в Руси . възвратисѧ ѿ Чернигова схраненъ Бо҃мь и силою крс̑та чс̑тнаго . и млт҃вою ѡц҃а Б своѥго Костѧнтина . и стръıӕ своѥго Геѻргиӕ . и вниде в свои Ростовъ славѧ Ба҃ и ст҃ую Бц҃ю .

Тогож̑ лѣт̑ . [1223] Бѣ ведро велми . и мнози борове и болота загарахусѧ . и дъıмове силни бѧху ӕко недалече бѣ видѣти члв̑кмъ . бѣ бо ӕко мгла к земли прилегла . ӕко и птицам̑ по аєру не бѣ лзѣ лѣтати . но падаху на земли и оумираху ❙ Тогож̑ . лѣт̑ . Ӕвисѧ звѣзда на западѣ . и бѣ ѿ неӕ луча не в зракъ члв҃кмъ . но ӕко к полудн҃ью по двѣ въсходѧщи с вечера . по заходѣ слн҃чнѣмь . и бѣ величьством̑ паче инѣх̑ звѣздъ . и пребъıс̑ тако . з҃ . дн҃и . и по . з҃ . дн҃и ӕвис̑сѧ луча та ѿ неӕ ко встоку пребъıс̑ тако . д҃ . дн҃и и невидима бъıс̑

В лѣт̑ . ҂s҃ . ѱ҃ . л҃в . [6732 (1224)] Поставленъ бъıс̑ митрополитомь . в ст҃ои Соѳьѣ Къıєвѣ . /л.154/ блж҃нъıи Кирилъ Грьчинъ . мс̑ца . генвар̑ . въ . s҃ . в праздник̑ Богоӕвленьӕ . оучителенъ . s҃ . В и хъıтръ оученью божс̑твенъıх̑ книгъ ❙ Тогож̑ лѣт̑ . Посла великъıи кнѧз̑ Гюрги . брата своѥго Володимера . и сн҃овца своѥго Всеволода . Костѧнтиновича с полкъı Г. Тогож̑ лѣт̑ . Сщ҃на бъıс̑ цр҃къı ст҃го Спс̑а на Ӕрославли в манастъıри . юже бѣ заложилъ блг҃овѣрнъıи кнѧз̑ Костѧнтинъ . а сверши ю сн҃ъ ѥго Всеволодъ . и сщ҃на бъıс̑ єпс̑пмъ Кириломъ . авгус̑ . въ . s҃ ❙

В лѣт̑ . ҂s҃ . ѱ҃ . л҃г . [6733 (1225)] Заложи великъıи кнѧз̑ Гюрги . камену цр҃квь на оусть Ѡкъı Новѣгородѣ Сп҃са ст҃го ❙ Тогож̑ лѣт̑ . создана бъıс̑ цр҃къı ст҃ъıӕ Бц҃а в Суждали . и сщ҃на бъıс̑ єпс̑пмь Симоном̑ . въ . и҃ . дн҃ь . семтѧб̑ ❙ Тоѥ же зимъı воѥваша Литва Новгородьскую волость . и поимаша множ̑ство много .

448

s҃ . В хрс̑ьӕнъ . и много зла створиша . воюӕ ѡколо Новагорода . и ѡколо Торопча . и Смолиньска . и до Полтеска . бѣ бо рать велїка . s҃ В ака же не бъıла ѿ начала миру . Слъıшав же то блг҃овѣрнъıи . и хс̑олюбивъıи кнѧз̑ | Ӕрославъ . сн҃ъ великаго кнѧзѧ Всеволода . внук̑ Гюргевъ . сжалиси . s҃ . В ѡ хрс̑ьӕнѣх̑ . поѣха по них̑ ис Переӕславлѧ . и постиже Д ӕ оу Вьсвѧта . видѣвше же Литва . исполчишас̑ противу имъ на ѡзерѣ . кнѧз̑ же Ӕрославъ помоливъсѧ Бу҃ и поѣха на нь . сступившим̑ же сѧ полком̑ . побѣгоша погании . и кнѧз̑ же Ӕрославъ силою крс̑та чс̑тнаго . и млт҃вою ст҃оє Бц҃и . и архн҃гла Е Михаила и Гаврила . гна по них̑ . ѡвъıх̑ изби . а инъıх̑ изъима . и кнѧзи ихъ изъима . а полонъ весь ѿӕ . и бъıс̑ радо велика по всѣм̑ землѧм̑ тѣмъ . свобоженъıм̑ имъ ѿ поганъıх̑ . бъıс̑ миръ потом̑ на многа лѣта . а сам̑ кнѧз̑ Ӕрославъ ѣхавъ сѣде Новѣгородѣ на столѣ . бѣша бо Новгородци в то времѧ приѣхали по Ӕрослава кнѧзѧ . молѧщесѧ абъı ѣхалъ к ним̑ . бъıс̑ же тогда дн҃ь недѣл̑ съıропустнаӕ . ѥгда побѣди Ӕрославъ Литву❙—

В лѣт̑ . ҂s҃ . ѱ҃ . л҃д . [6734 (1226)] мс̑ца . маӕ . въ . к҃в . дн҃ь . Престависѧ блж҃нъıи и млс̑тивъıи оучителнъıи єпс̑пъ Симонъ . Суждальскъıи и Володимерьскъıи . постригъсѧ Ж в скъıму . и по/л.154об./ложено бъıс̑ чс̑тноѥ тѣло ѥго въ цр҃кви ст҃ъıӕ Бц҃а в Володимери . Тогож̑ лѣт̑ . Геѡргии кнѧз̑ Всеволодичь . с съıновци своими с Костѧнтиновичема . Василком̑ . и Всеволодом̑ . ходи в помочь Михаилу Всеволодичю . на Ѻлга Курьскаго . и створь З миръ межи ими . зане по смотренью Бж҃ью приключисѧ ту бъıти . прислану Володїмером̑ Рюриковичем̑ . митрополиту Кирилу . и възвратисѧ великъıи кнѧз̑ Гюрги . створь миръ поимъ с собою блж҃наго Кирила митрополита въ град̑ Володимерь . а сновцѣ распусти своѣ кождо их̑ в свою власть ❙ Тогож̑ . лѣт̑ . Посла велїкъıи кнѧз̑ Гюрги . Ст҃ослава Ивана


449

Примѣчанія. А -му написано вязью. Б -пр- написано вязью. В -тв- написано вязью. Г -ти- написано вязью. Д 6-е января приходилось въ четвергъ въ 6736-мъ году. Е 12-е февраля было въ субботу 1-ой недѣли поста въ 6736-мъ году. Ж Пасха въ 6736-мъ году была 26-го марта. З Т.-е. по совѣту.

брату свою на Мордву . и побѣдиста Мордву . и взѧста нѣколико селъ . и възвратистасѧ с побѣдою ❙ Тоє же зимъı Ӕрославъ сн҃ъ Всеволожь . Ходи из Новагорода за море . на Ємь . гдѣ же ни єдинъ ѿ кнѧз̑ Рускъıх̑ не взможе бъıвати . и всю землю их плѣни . и възвратисѧ Новугороду . славѧ и хвалѧ Ба҃ . ведъıи множ̑ство поло|на . ӕкож̑ сущии с ним̑ . не возмогоша всего полона ѿнести . но ѡвъıх̑ сѣчаху . а инъıх̑ множ̑ство пущаху ѡпѧть в своӕ си❙—

В лѣт̑ . ҂s҃ . ѱ҃ . л҃е . [6735 (1227)] мс̑ца . марта . въ . дı҃ . дн҃ь . на памѧт̑ . стаг̑ преподобнаг̑ ѡц҃а Венедикта . въ дн҃ь вскрс̑ньӕ Гс̑нѧ . в препловленьѥ стаг̑ поста . єда творим̑ поклоненьє чс̑тному крс̑ту . Поставленъ бъıс̑ єпс̑помъ Митрофанъ . бъıвъ игуменъ ст҃ъıӕ Бц҃а . митрополитом̑ Кирилом̑ . и . д҃ .ми єпс̑пъı . поставленъ бъıс̑ в бг҃охранимѣмь градѣ Володимери . в чюднѣи ст҃ѣи Бц҃и . Суждалю . и Володимерю . Переӕславлю . сущю ту блг҃ородному А кнѧзю Гюргю . и з дѣтми своими . и братома ѥго Ст҃ославу . Іѡану . и всѣм̑ болѧром̑ . и множ̑ство народа . приключисѧ и мнѣ грѣшному ту бъıти . и видѣти дивна и преславна . и прославиша всемлс̑тваго Ба҃ . и великаг̑ кнѧзѧ Гюрга ❙ Тогож̑ . лѣт̑ . Кнѧз̑ Ӕрославъ Всеволодичь . пославъ крс̑ти множ̑ство Корѣлъ . мало не всѣ люди ❙ Тогож̑ . лѣт̑ . мс̑ца . маӕ . въ л҃ı . дн҃ь . Горѣ град̑ Володимерь . и цр҃квии згорѣ . к҃з . и дворъ блж҃наго кнѧзѧ Костѧ/л.155/нтина . и цр҃къı згорѣ ту сущиӕ ст҃го Михаила . юже бѣ оукрасилъ хс̑олюбивъıи кнѧз̑ Костѧнтинъ . се же наводит̑ на нъı Бъ҃ велѧ нам̑ имѣти покаӕньє . и встѧгнутисѧ ѿ грѣх̑ . ѿ блуда . и зависти . и грабленьӕ . и насильӕ . и ѿ прочих̑ злъıх̑ дѣлъ неприѧзнинъ . Бъ҃ бо казнит̑ рабъı своӕ . напастми разноличнъıми . ѡгнем̑ водою . ратью . смр҃тью напрасною Б. тако бо и подобаєт̑ хрс̑ьӕном̑ многъıми напастми и скорбьми внити в црс̑тво нбс̑ноє . аще с блгодареньєм̑ приимут̑ напасти . но не предажь нас̑ до конца

450

имени твоѥго ради Гс̑и . аще бо на безаконьӕ наша призриши Гс̑и то кто постоить . тъı бо свѣси Влд̑ко наши согрѣшен̑ӕ подвиженьє на зло . но ѡбаче надѣєсѧ на млс̑ть твою Гс̑и . молитвами В Бц҃а помилуи нас̑ . тъı бо ѥси Бъ҃ наш̑ развѣє тебе иного не знаєм̑Тогож̑ . лѣт̑ . Посла великъıи кнѧз̑ Гюрги . сн҃овца своѥго Всеволода . Костѧнтиновича Г. в Рускъıи Переӕславль на столъ . и вниде Всеволодъ . мс̑ца . семтѧб̑ . въ . еı҃ . дн҃ь . на памѧт̑ стаг̑ мч̑ка Никитъı . на свои столъ ❙ Тоє же зимъı . | мс̑ца . генвар̑ . въ . s҃ . дн҃ь . в праздник̑ чс̑тнаго Бо҃ӕвленьӕ Гс̑а наш̑го Іс̑с Хс̑а . В чет̑ Д. престависѧ кнѧз̑ Володимеръ . нареч̑нъıи в ст҃мъ крщ҃ении Дмитрии . постригъсѧ и в скиму А. сн҃ъ Всеволожь великаг̑ кнѧзѧ . и положенъ бъıс̑ в цр҃кви ст҃ъıӕ Бц҃а ❙ Тоє же зимъı ѡжени Великъıи кнѧз̑ Гюрги сн҃ъ Всеволожь сн҃овца своѥго Василка Костѧнтиновича . и поӕтъ за нь Михаиловну Черниговьска кнѧзѧ . и вѣнчанъ бъıс̑ блг҃ороднъıи кнѧз̑ Василко . с своєю кнѧгъıнею в цр҃кви ст҃ъıӕ Бц҃а Блг҃овѣщеньӕ . И вниде хс̑олюбивъıи кнѧз̑ Василко . в свои Ростовъ с своѥю кнѧгинею . въ . а҃ . суб̑ . пос̑ Е. мс̑ца . феврал̑ . въ . в҃ı . дн҃ь . на памѧт̑ стаг̑ Мелентьӕ єпс̑па . и бъıс̑ радос̑ велика в градѣ Ростовѣ ❙

В лѣт̑ . ҂s҃ . ѱ҃ . л҃s . [6736 (1228)] Оумре сн҃ъ Дв҃двъ Муромьскаго . мс̑ца . априлѧ . ст҃ъıӕ нед̑лѧ празднъıӕ Ж ❙. Тоє же нед̑ли престависѧ и сам̑ Дв҃дъ Муром̑скъıи в черньцих̑ и в скимѣ ❙ Тогож̑ . лѣт̑ . Престависѧ Мстиславъ . Мстиславич̑ . в черньцих̑ и в скимѣ ❙ Тогож̑ . лѣт̑ . Ст҃ославъ ѿпусти кнѧгъıню /л.155об./ свою по свѣту З всхотѣвши єи в манастъıрь и дасть єи надѣлокъ многъ . ѿиде ѿ него до Бориша дн҃и иде в Муром̑ къ братьи . и пострижесѧ ❙ Тогож̑ . лѣт̑ . мц҃а . семтѧб̑ . великъıи кнѧз̑ Гюрги . Посла на Мордву Василка Костѧнтиновича . и своѥго мужа Єремѣӕ Глѣбовича . воєводьством̑ с полком̑ и бъıвшим̑ имъ за Новъıм̑городом̑ на предѣх̑ Мордовьскъıх̑ . пославъ Гюрги възврати ихъ не дасть


451

Примѣчанія. А Чит. наречена. Б -нти- написано вязью. В -му написано вязью. Г нѣ- написано вязью Д -тв- написано вязью. Е Чит. зѣло. Ж Чит. пискупъ (= епископъ). З -ик- написано вязью.

имъ воѥвати . зане погодьӕ имъ не бъıс̑ . бѧхут бо дождове велми мнози дн҃ь и нощь ❙ Тогож̑ . мс̑ца . семтѧб̑ въ к҃а . дн҃ь . на памѧт̑ стаг̑ мч̑ка Кондрата . Родисѧ Гюргю кнѧзю дщи . и нареч̑ А бъıс̑ в ст҃омь крщ҃ньи Феѡдора . єӕже памѧт̑ въ . аı҃ . сег̑ мс̑ца ❙ Тоє же зимъı . мс̑ца генвар̑ . въ . е҃ . дн҃ь . В канунъ Боӕ҃влен̑ӕ . сгорѣша хороми кнѧжи . и црк҃ви двѣ ❙ Тогож̑ . мс̑ца . въ . д҃ı . дн҃ь . Великъıи кнѧз̑ Гюрги . и Ӕрославъ . и Костѧнтиновичи Б. Василко . Всеволодъ . идоша на Мордву . и Муром̑скъıи В кнѧз̑ Гюрги Двд҃вчь . вшедъ в землю Мордовьску|ю Пургасову волость пожгоша жита и потравиша . и скотъ избиша . полонъ послаша назад̑ . а Мордва вбѣгоша в лѣсъı своӕ в тверди . а кто не вбѣглъ тѣх̑ избиша наѣхавше Гюргеви молодии . въ . д҃ . дн҃ь . генварѧ ❙ То видѣвше молодии Ӕрославли . и Василкови . и Всеволожи . оутаившесѧ на заоутриє ѣхаша в лѣсъ глубокъ . а Мордва давше им̑ путь а сами лѣсом̑ ѡбидоша ихъ ѡколо . избиша и . а инъıх̑ изъимаша бѣжаша в тверди . тѣхъ тамо избиша . и кнѧзем̑ нашим̑ не бъıс̑ кого воєвати . А Болгарьскъıи кнѧз̑ пришел̑ бъıлъ на Пуреша ротника Юргева . и слъıшавъ ѡже великъıи кнѧз̑ Юрги с брат̑єю жжеть села Мордовьскаӕ . и бѣжа прочь ночи . а Юрги с брат̑єю и со всѣми полкъı взвратишас̑ в своӕ си добри здорови . Тоє же зимъı . Кнѧз̑ Юрги . посла брата своѥго Ст҃ослава в Переӕславль Рускъıи на столъ ❙










      Шрифт



Попередня     Зміст     Наступна


Етимологія та історія української мови:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчанин, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



 


Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.

Iзборник. Історія України IX-XVIII ст.