Уклінно просимо заповнити Опитування про фемінативи  

[ПСРЛ. — Т. 1. Лаврентьевская летопись. — Л., 1927. — Стлб. 472-481.]


      Шрифт



Попередня     Зміст     Наступна






472п


В лѣт̑ . ҂s҃ . ѱ҃ . н҃ѳ . [6759 (1251)] Поѣха митрополитъ в Новъгородъ Великъıи . ко Ѡлексанъдру . съ епс̑пмь Кирилом̑ . и оумоленъ бъıвъ Новгородци . поставиша блж҃наго Далмата єпс̑помь . мс̑ца маӕ . въ . к҃е . на памѧт̑ Ѡбрѣтеньѥ главъı стаг̑ Іѡан̑ Прд̑тчи .Тогож̑ . лѣт̑ . Бъıс̑ болѣзнь тѧжка кнѧзю Ѡлександру . но Бъ҃ помилова и . и млт҃ва ѡц҃а ѥго Ӕрослава .


473

Примѣчанія. А -тв- написано вязью. Б Въ Л князю описка, вм. княгъıню. В Въ Л бещисла = бес числа. Г ѡц- написано вязью. Д -му написано вязью. Е -пр- написано вязью. Ж Чит. бывъ у Улавчія. В Листъ 167, писанный крупнымъ уставнымъ почеркомъ другою рукою, вставленъ въ Л послѣ. Письмо того же XIV в. (ср. л. 157). И Числительныя на 167 л. подчеркнуты чернилами, но не писаны киноварью, какъ въ другихъ мѣстахъ. І Т. е. изъ Кановы земли; ср. Карамзина Истор. Гос. Росс., изд. 2, т. IV, прим. 94.

и блж҃наго митрополита . и єпс̑па Кирила . Тогож̑ лѣт̑ . Поѣха Глѣбъ на Бѣлоѡзеро . в свою ѡч҃ину . Тоє же зимъı бъıс̑ мирно ❙

В лѣт̑ . ҂s҃ . ѱ҃ . ѯ҃ . [6760 (1252)] Иде Ѡлександръ кнѧзь . Новгородьскъıи Ӕрославич̑ . в Татаръı . и ѿпустиша и с чс̑тью великою . давше ѥму старѣишиньство А во всеи братьи ѥго . В то же лѣт̑ . здума Андрѣи кнѧз̑ Ӕрославич̑ . с своими боѧръı . бѣгати нежели цс̑рмъ служити . и побѣже на | невѣдому землю . со кнѧгъıнею своѥю . и с боӕръı своими . и погнаша Татарове в слѣдъ ѥго . и постигоша и оу города Переӕславлѧ . Бъ҃ же схрани и и млт҃ва ѥго ѡц҃а . Татарове же россунушасѧ по земли . и кнѧгъıню Ӕрославлю ӕша и дѣти изъимаша . и воєводу Жидослава ту оубиша . и кнѧг[ъıн]ю Б оубиша . и дѣти Ӕрославли в полонъ послаша . и людии бе-щисла В поведоша . до конь . и скота . и много зла створше ѿидоша ❙ Тогож̑ лѣта . Пустиша Татарове Ѡлга кнѧзѧ Рѧзаньского . в свою землю ❙ Тогож̑ . лѣт̑ . Приде Ѡлександръ . кнѧз̑ великъıи . ис Татаръ . в град̑ Володимерь . и оусрѣтоша и со крс̑тъı оу Золотъıх̑ воротъ . митрополитъ и вси игумени . и гражане . и посадиша и на столѣ ѡц҃а ѥго Ӕрослава . тисѧщю предержащю Роману Михаиловичю . и весь рѧдъ . и бъıс̑ радос̑ велика в градѣ Володимери . и во всеи земли Суждальскои . В то же лѣт̑ . Престависѧ хс̑олюбивъıи кнѧз̑ Ст҃ославъ Всеволодичь ❙—

В лѣт̑ . ҂s҃ . ѱ҃ . ѯ҃а . [6761 (1253)] мц҃а ма/л.166об./ӕ . въ . в҃ . дн҃ь . на памѧт̑ стаг̑ ѡц҃а Г Афанасьӕ . В Ростовѣ градѣ . сщ҃на бъıс̑ цр҃къı ст҃ою мчн҃ку Бориса . и Глѣба . свщ҃нъıмь єпс̑помь Кирилом̑ . при блг҃овѣрнѣм кнѧзи Борисѣ и Глѣбѣ . Тогож̑ лѣт̑ . Родисѧ сн҃ъ Борису кнѧзю Василковичю . мс̑ца . сем̑тѧ . въ . аı҃ . и нарекоша имѧ ѥму Д в ст҃мъ крщ҃ньи Дмитрии ❙

В лѣт̑ . ҂s҃ . ѱ҃ . ѯ҃ . в҃ . [6762 (1254)] На зиму по Крщ҃нии . Ӕрославъ кнѧз̑ Тфѣрьскъıи . сн҃ъ великого кнѧзѧ Ӕрослава . с своими боӕръı поѣха в Ладогу .

474

ѡставѧ свою ѡч҃ину . Ладожане почьтиша и достоиною чс̑тью . Тогож̑ . лѣт̑ . Родисѧ сн҃ъ кнѧзю Борису . мс̑ца . иоулѧ . въ . л҃ . и нарекоша имѧ єму Д Костѧнтинъ ❙

В лѣт̑ . ҂s҃ . ѱ҃ . ѯ҃ . г҃ . [6763 (1255)] По Велицѣ дн҃и порожнеє нед̑ . престависѧ Костѧнтинъ . сн҃ъ великого кнѧзѧ Ӕрослава . и бъıс̑ плачь великъ . спрѧтавше Е понесоша и в Володимерь . и ӕко үслъıша Ѡлеѯндръ кнѧз̑ . брата своѥго съмерть . и оусрѣтоша и митрополитъ игумени . и попове . пѣвше ѡбъıчнъıӕ пс̑ни . положиша и у ст҃оѥ | Бц҃и в Володимери ❙ Тогож̑ . лѣт̑ . Здумаша Новгородци . послати Далмата єпс̑па Новгородьского . к великому кнѧзю Ѡлександру . с грамотами ӕко ѡ миру . ѡному же оумедлившю . и встави дьӕволъ вражду . искони ненавидѧи добра роду члвчс̑кму . и бъıс̑ крамола в Новѣгородѣ . въıгнаша Васильӕ кнѧзѧ ❙ Тогож̑ . лѣт̑ . Приѣха Василии кнѧз̑ Новгородьскъıи в Торжекъ . ту и дожда ѡц҃а своѥго Ѡлександра . кнѧз̑ же великъıи с Дмитриєм̑ Ст҃ославичем̑ . и с боӕръı . поидоша Новугороду . и ӕко слъıшаша Новгородци . идоша со крс̑тъı и поклонишасѧ ѥму с чс̑тью многою . и бъıс̑ радос̑сть велика . и посади сн҃а своѥго Новѣгородѣ . а сам̑ поѣха ѿ них̑ с чс̑тью великою . миръ давъ имъ ❙—

В лѣт̑ . ҂s҃ . ѱ҃ . ѯ҃ . д҃ . [6764 (1256)] Поѣхаша кнѧзи на Городець . да в Новъгородъ . кнѧз̑ же Борисъ поѣха в Татаръı . а Ѡлександръ кнѧз̑ послалъ даръı . Борисъ же бъıвъ Оулавчиӕ Ж. даръı давъ . и приѣха в свою ѡч҃ину с чс̑тью . Тоє же зимъı . По/л.167/ѣха З кнѧзь Ѻлександръ на Ѥмь с Суждалци . и с Нооугородци . и Ѥмь побѣди . и много полона приведе . и приѥха с честью въ свою ѻч҃ину : : —

В лѣт̑ . ҂s҃ . ѱ҃ . ѯ҃ . е҃ И. [6765 (1257)] Поѣхаша кнѧзи в Татаръı . Александръ . Андрѣи . Борисъ . чтивше Оулавчѣӕ . приѥхаша въ свою ѡч҃ину ❙ тоѥж̑ зимъı приѥха Глѣбъ Василкович̑ . ис Кану земли І ѿ цс̑рѧ ї ѻженисѧ в Вордѣ ❙ Тоѥ же зимъı приѥхаша


475

Примѣчанія. А Въ Л Сужальскую съ пропускомъ д надъ ж. Б Въ Л мая; память св. Фотиніи празднуется 20 марта. В и҃ не дописано; такимъ обр. имѣется 6760 вм. 6768. Г Въ Л нареша описки можетъ и не быть, особенно, если допустить е на мѣстѣ ѣ, хотя предпочтительнѣе нарекоша. Д Въ Л то, т.-е. тъ тотъ. Е Отсюда въ Л продолжается прежній почеркъ. Ж Въ Л Мамеда. З -му написано вязью. И -ти- написано вязью.

численицї исщетоша всю землю Сужальскую А и Рѧзаньскую . и Мюромьскую и ставиша десѧтники . и сотники . и тъıсѧщники и темникї . и идоша в Ворду . толико не чтоша игуменовъ . черньцовъ . поповъ . крилошанъ . кто зрить на ст҃ую Бц҃ю . и на влд̑ку : :

В лѣт̑ . ҂s҃ . ѱ҃ . ѯ҃ . s҃ . [6766 (1258)] Преставіс̑ кнѧзь Ѻлегъ Рѧзаньскии . стрс̑тнъıӕ нед̑лї . въ сред̑ . в черньцѣх̑ и въ скимѣ . и положенъ бъıс̑ оу стаг̑ Сп҃са : : мс̑ца маӕ Б въ . к҃ . на памѧть ст҃ъıӕ мчн҃ци . Фотиньи Самарѧнъıни : : Тогож̑ . лѣт̑ . поидоша кнѧзи в Татаръı . Ѡлександръ . Андрѣи . Борисъ . Ӕраславъ Тфѣрьскіи . чтивше Оулавчиӕ . и всѧ воѥводъı . и ѿпущени бъıша въ свою ѡч҃ину : : Тоѥж̑ ѻсени приѣхаша Борисъ . и Глѣбъ . со кнѧ|гинею в Ростовъ . и кланѧсѧ ст҃ъи Бц҃и . и єпс̑пу Кирилу . и мт҃ри своѥи кнѧгинѣ великои . и бъıс̑ в Ростовѣ радос̑ велика ѻ Глѣбовѣ приѣздѣ : : тоѥ же зимъı и приѥхаша численици в Володимерь . и поидоша численици . и кнѧзи к Новугороду Великому Александръ . Андрѣи . Борисъ . ищтоша и поѥхаша ѻпѧт̑ в Володимерь . Александра же оудержаша Нооугородци . и чтиша и много . Ѻлександръ же давъ имъ рѧдъ . и поѥха с чс̑тью въ свою ѡч҃ину : :

В лѣт̑ . ҂s҃ . ѱ҃ . ѯ҃ . з҃ . [6767 (1259)] Приѣха из Новагорода . Ѻлександръ . к ст҃ѣи Бц҃ѣ в Ростовъ . въ сред̑ стрс̑тнъıӕ нед̑ . и кланѧс̑ ст҃ѣи Бц҃и . и цѣлова крс̑тъ чс̑тнъıи . и кланѧсѧ єпс̑пу Кирилу . ѻч҃е ст҃ъıи твоѥю млт҃вою . и тамо в Новъгород̑ ѣхалъ ѥсмъ здоровъ . и сѣмо приѣхалъ ѥсмъ твоѥю млт҃вою здоровъ . блж҃нъıи же ѥпс̑пъ Кірілъ . Борисъ и Глѣбъ и мать их̑ Мр҃ьӕ кнѧгини . чтиша Ѻлександра с великою любовью и поѣха в Володимерь : :

В лѣт̑ . ҂s҃ . ѱ҃ . ѯ҃ . [6768 (1260)] В

В лѣт̑ . ҂s҃ . ѱ҃ . ѯ҃ . ѳ҃ . [6769 (1261)] Родіс̑ Ѻлександру сн҃ъ и наре[ко]ша Г имѧ ѥму Данилъ . Блж҃нъıи ѥпс̑пъ Ростовьскіи Кирілъ /л.167об./ бѣ исполненъ дн҃ми . въ старості въ глубоцѣ . и в чс̑тнѣи добродѣтелнѣи

476

сѣдинѣ . блг҃овѣрнъıи же кнѧзь Ѻлександръ сн҃ъ Ӕрославль . Борисъ и Глѣбъ Василковіча . волею Бь҃ѥю и поспѣшеньѥмь ст҃ъıӕ Бц҃а . блс̑вньѥмь митрополита Кирила . и єпс̑па Кірила . изведоша архимандріта ст҃го Бо҃ӕвленьӕ Игнатьӕ и бъıс̑ причетнıк̑ цр҃ви ст҃ъıӕ Бц҃а в Ростовѣ . томже лѣт̑ престависѧ кнѧзь Андрѣи Володимеричь . на Оугличи поли и положіша и в ст҃ѣмь Сп҃сѣ . Тогож̑ лѣт̑ постави мітрополит̑ єпс̑па Митрофана Сараю : :

В лѣт̑ . ҂s҃ . ѱ҃ . о҃ . [6770 (1262)] Избави Бъ҃ ѿ лютаго томленьӕ бесурменьскаго . люди Ростовьскіӕ землѧ . вложи ӕрость въ ср҃дца крс̑тьӕномъ . не терпѧще насильӕ поганъıхъ . изволиша вѣчь и въıгнаша из городовъ . из Ростова . изъ Володимерѧ . ис Суждалѧ изъ Ӕрославлѧ . ѡкупахуть бо ти ѻканьнии бесурмене дани . и ѿ того велику пагубу людемъ творѧхуть . роботѧще рѣзъı и многъı . дш҃и крс̑тьӕньскъıӕ раздно ведоша . видѣвше же члв҃колю|бець Бъ҃ послуша моленьӕ Мтр҃нѧ . избави люди своӕ ѿ великъıӕ бѣдъı . томьж̑ лѣт̑ оубиша Изосиму преступника . то Д бѣ мнихъ ѻбразомь . точью сотонѣ съсудъ . бѣ бо пьӕница . и студословець . празнословець . и кощюньникъ . конечноѥ же ѻтвержесѧ Хс̑а и бъıс̑ бесурме/л.168/нинъ Е. вступивъ в прелесть лжаго прр҃ка Ма[х]меда Ж. бѣ бо тогда титѧм̑ приѣхалъ ѿ цс̑рѧ Татарьского . именем̑ Кутлубии золъ съıи бесурменинъ . того поспѣхом̑ ѡканнъıи лишенїкъ . творѧше хс̑рьӕном̑ велику досаду . крс̑ту и ст҃мъ цр҃квам̑ поругаӕсѧ . ѥгда же люди на врагъı своӕ двигшасѧ на бесурменъı . изгнаша инъıх̑ избиша . тогда и сего безаконного Зосиму З оубиша в городѣ Ӕрославли . бѣ тѣло ѥго ӕдь псом̑ . и вороном̑Тогож̑ лѣт̑ . Престависѧ блж҃нъıи оучителнъıи єпс̑пъ Кирилъ Ростовьскъıи мс̑ца . маӕ . въ . к҃а . на памѧт̑ Костѧнтина і Ѡленъı . въ Зборъ ст҃хъ ѡц҃ь . т҃ . иı҃ . се бъıс̑ истиннъıи И пастъıрь пасъ стадо люди землѧ Ростовьскъıӕ с кротостью .


477

Примѣчанія. А Въ Л силны: по опискѣ пропущено хъ вверху. Б Въ Л начатъ по опискѣ. В -тв- написано вязью. Г Чит. Еуспасьяна. Д оу- написано вязью. З Здѣсь пропущено существительное слугы. Ж чит. цесариця. З Описка вм. приходи. И Описка вм. Александра. І -нъı написано вязью. К Чит. землю. Л Въ Л это слово (псполнися?) стерлось, кромѣ послѣдняго слога сѧ. М Въ Л дальше стояло, вѣроятно, . з҃ . (землю), отъ чего осталась только точка. Н Ожидали бы повелѣ. О -тн- написано вязью. П ѡц- написано вязью. Р -му написано вязью.

и положиша тѣло ѥго в цр҃кви ст҃ъıӕ Бц҃а в Ростовѣ . и в него мѣсто поставленъ бъıс̑ Игнатии . мс̑ца семтѧб̑ . въ . ѳı҃ .

В лѣт̑ . ҂s҃ . ѱ҃ . о҃а . [6771 (1263)] Родисѧ Глѣбу сн҃ъ Демьӕнъ . Тогож̑ . лѣт̑ . Престависѧ великъıи кнѧз̑ Ѡлеѯандръ . сн҃ъ Ӕрославль . скажем же мужство и житьѥ ѥго . Ѡ Гс̑дѣ на|шемь Іс̑сѣ Хс̑ѣ Сн҃ѣ Бж҃ьи азъ худъıи грѣшнъıи . недостоинъıи начинаю писати житьє великого кнѧзѧ Ѡлександра . сн҃а Ӕрославлѧ . внука Всеволожа . понеже слъıшах̑ ѿ ѡц҃ь своихъ . и самовидець єсмъ възрасту ѥго . и радъ бъıх̑ исповѣдал̑ ст҃оѥ житьє и чс̑тноє . и славноє . но ӕкож̑ Приточник̑ реч̑ . в злохитру дш҃ю не внидет̑ прмдрс̑ть . на въıсокъıх̑ бо краихъ єс̑ . посредѣ же стезь стоӕшеть при вратѣхъ силнъı[хъ] А присѣдить . аще и грубъ ѥсмъ оумом̑ . мл҃твою ст҃оѥ Гж҃и Бц҃и . поспѣшеньєм̑ стаг̑ кнѧзѧ Ѡлександра . начат[ок]ъ Б положю си . бѣ кнѧз̑ Ѡлеѯандръ Бо҃мь роженъ ѿ ѡц҃а млс̑тилюбца . и мужелюбца . пакъı же кроткаго кнѧзѧ великого Ӕрослава . и мт҃ри ст҃оє Федосьи . ӕкож̑ реч̑ Исаиӕ пр҃ркъ . тако глет̑ Гс̑ь . кнѧзи азъ оучинѧю . сщ҃ени бо суть . а ввожю ӕ во истину . без Божьӕ бо повелѣньӕ не бѣ кнѧженьѥ ѥго . но и взрастъ ѥго паче инѣх̑ чл҃вкъ . и глас̑ ѥго ӕкъı труба в народѣ . и лице ѥго аки лице Єсифа . иже бѣ поставилъ ѥго Єгупетьскъıи цс̑рь вто/л.168об./раго цс̑рѧ въ Єгуптѣ . сила бѣ ѥго часть ѿ силъı Самсонѧ . далъ бѣ ѥму Бъ҃ прмдрс̑ть Соломоню и храбрьство В же акъı цс̑рѧ Римьскаго Єспиинана Г. иже бѣ плѣнилъ всю Подъиюдѣискую землю . и нѣгдѣ исполчисѧ к граду Атапату . приступити . и шедше гражане и оувидѣша полкъ ѥго и ѡстасѧ єдинъ . и възврати силу ихъ ко вратом̑ . ко граднъıм̑ . и посмѣӕсѧ дружинѣ своєи . и оукори Д ӕ . река ѡставите мѧ ѥдиного . такоже и сии кнѧз̑ Ѡлександръ бѣ побѣжаӕ а не побѣдим̑ . и сего ради нѣкто силенъ ѿ западнъıӕ странъı .

478

иже нарицаютсѧ Бж҃ьӕ Е. ѿ тѣх приде хотѧ видѣти дивнъıи то взрастъ ѥго . ӕкож̑ древле цс̑рѧ Ж Оужскаӕ приходъ З к Соломону . хотѧщи слъıшати прм҃дрс̑ть ѥго . такоже и се именемь Андрѣӕшь . видѣвъ кнѧз̑ Алеѯандръ И возвратисѧ к своимъ . и реч̑ прошедъ странъı и ӕзъıки . не видѣх̑ таковаго и въ цс̑рихъ цс̑рѧ . ни въ кнз҃ихъ кн҃зѧ . се же слъıшавъ король части Римьскоє . ѿ полунощнъıӕ странъı І такоє мужство кн҃зѧ Ѡлеѯандра . и помъıсли в собѣ . да по|иду плѣню . з҃ . К Ѡлександрову . и собра силу велью . наполни кораблѧ многъı полковъ своим̑ . подвижесѧ в силѣ тѧжцѣ . . . . сѧ Л дх҃мь ратнъıм̑ . и приде в рѣку Неву . шатаӕсѧ безумьєм̑ посла слъı . загордѣвъсѧ ко кн҃зю Ѡлеѯандру в Новъгородъ . реч̑ аще можеши противитисѧ мнѣ то се єсмъ здѣ . оуже плѣню М твою . Ѡлеѯандръ же слъıшавъ словеса ихъ разгорѣсѧ срд̑цмь и вниде в цр҃квь ст҃ъıӕ Софьӕ падъ на колѣну пред̑ ѡлтарем̑ . нача молитисѧ со слезами Бе҃ хвалнъıи и праведнъıи . Бе҃ великъıи и крѣпкъıи . Бе҃ превѣчнъıи создавъıи нб҃о и . з҃ . И и постави предѣлъı ӕзъıком̑ . и повели И жити не преступаӕ в чюжю часть . и въспріимъ пс̑лмъную пѣс̑ реч̑ . суди Гс̑и . ѡбидѧщим̑ мѧ . възбрани борющим̑сѧ со мною . приими ѡружьє и щитъ . стани в помощь мнѣ . скончавъ млт҃ву вставъ поклонисѧ архиєпс̑пу . архиєпс̑пъ же Спиридонъ блгс̑ви ѥго и ѿпусти . ѡн же въıиде изъ цр҃кве үтираӕ слезъı и нача крѣпити дружину свою и реч̑ не в силах̑ Бъ҃ но в правдѣ . помѧнем̑ Пѣс̑нословца . си во ѡружьи . си на конех̑ мъı же во имѧ /л.169/ Гс̑а Ба҃ наш̑го призовем̑ . ти спѧти бъıша и падоша . мъı же встахом̑ прости бъıхом̑ . и си рекъ поиде на нъı в малѣ дружинѣ не сождавъсѧ со многою силою своєю . но үповаӕ на ст҃ую Трц҃ю . жалостно О же и слъıшати ӕко ѡц҃ь П ѥго чс̑тнъıи Ӕрославъ великъıи не бѣ вѣдалъ такого встаньӕ на сн҃а своѥго милого Ѡлеѯандра . ни ѡному Р


479

Примѣчанія. А з значительно стерлось; на фотографич. снимкѣ его части довольно замѣтны. Б ѡц- написано вязью. В -нк- написано вязью. Г -му написано вязью. Д Чит во тъ. Е Пропущенъ глаголъ. Ж -тв- написано вязью. З се Л = сь сей. И Въ Л самогу описка вм. самого. І Въ Л невренъ описка вм. невреженъ. К Въ Л въха по опискѣ вм. въѣха. Л Въ Л пѣнити описка вм. плѣнити. М Въ другихъ лѣтописяхъ: 3 коробля. Н Ожидается възвратися.

бъıс̑ послати когда вѣсть къ ѡц҃ю ѥже бо ратнии приближишасѧ тѣм̑же мнози А Новгородци не совокупилисѧ бѣша . понеже үскори кнѧз̑ поити . и прииде на нъı въ дн҃ь вскрс̑ньӕ . на памѧт̑ ст҃хъ ѡц҃ь Б . х҃ . и . л҃ . бъıвша збора в Халкидонѣ . и ст҃ою мч̑нку В Кюрика. и Үлитъı . и ст҃го кн҃зѧ Володимера . крс̑тившаго Русскую землю . имѣӕше же вѣру велику . к тѣма мчн҃кма В Бориса и Глѣба . и бѣ некто мужь Г старѣишина в земли Жжерскои именем̑ Пелгуи . поручено же бъıс̑ ѥму стража морьскаӕ . всприӕт же ст҃оє крщ҃еньє . и живѧше посредѣ роду своѥго погана суща . и нареч̑но бъıс̑ имѧ ѥго в ст҃мъ крщ҃нии Фїлипъ . живѧше бо҃үгодно . в сред̑ и в пѧток̑ . пребъıваӕ въ алчбѣ тѣм̑же сподоби ѥго Бъ҃ видѣти видѣньє страшно в от̑ Д дн҃ь . и ска|жем̑ вкратцѣ . оувидѣша силу ратнъıх̑ иде противу кн҃зѧ Ѡлеѯандра . да скажеть ѥму Г станъı . и ѡбръıтьӕ ихъ . стоӕщю же ѥму Г при краи морѧ стрежашет̑ ѡбою пути . и пребъıс̑ всю нощь во бдѣньи . ӕкож̑ нача всходити слн҃це . и слъıша шюм̑ страшенъ по морю . и видѣ насадъ ѥдинъ гребущь . посредѣ насада стоӕща мч҃нку В Бориса и Глѣба . въ ѡдежах̑ червленъıх̑ . и бѣста руцѣ держаста на рамѣ . гребци же сѣдѧху аки мглою ѡдѣни . и реч̑ Борисъ брате Глѣбе . повели грести да поможем̑ сроднику своѥму Г Ѡлександру . видѣв же таковоє видѣньє и слъıша таковъıи глас̑ ѿ мч҃нку В. стоӕшет̑ трепетенъ . дондеже насадъ Е ѡчью ѥго . потом̑ скоро приѣха кнѧз̑ Ѡлеѯандръ . ѡн же видѣвъ кн҃зѧ Ѡлеѯандра радостнъıма очима . исповѣда ѥму Г єдиному Г. кнѧз̑ же реч̑ сего не рци никому . ѿтолѣ потщавъсѧ наѣха на нь въ . s҃ . час̑ дне . в лѣт̑ ҂.s҃ . ѱ҃ . м҃и бъıс̑ сѣча велика надъ Римлѧнъı . и изби множ̑ство Ж бесчислено ихъ . и самому королеви взложи печать на лице ѡстръıм̑ своимъ копьєм̑ . здѣ же ӕви/л.169об./шасѧ . s҃ . мужь храбръıх̑ с самѣм̑ с ним̑ . ис полку ѥго Ѥдинъ именем̑ Гаврило Ѡлексичь . се З наѣха на шнеку видѣвъ

480

королевича мча подъ руку . и възъѣха по досцѣ и до самогу И короблѧ по нем̑ же хожаху с королевичем̑ . иже текоша передъ ним̑ . а самого емше свергоша и с конем̑ в воду з доскъı и . Бж҃ьєю м҃лс̑тью невре[же]нь І бъıс̑ . и паки наѣха и бисѧ с самѣм̑ воєводою середи полку ихъ . в҃ . именем̑ Сбъıславъ Ӕкуновичь Новгородець . се З наѣха многаждъı на полкъ ихъ и бьӕшет̑сѧ єдинѣм̑ топоромъ . не имѣӕ страха въ дщ҃и своєи . и паде нѣколико ѿ руку ѥго . и подивишас̑ . силѣ и храбръству ѥго . г҃ .и Ӕковъ родомъ Полочанинъ . ловчии бѣ оу кн҃зѧ . се З наѣха на полкъ с мечемъ и похвали ѥго кнѧз̑ . д҃ . Новгородець . именемь Мѣша се З пѣшь натече на корабли . и погуби . г҃ . корабли з дружиною своѥю . е҃ . и ѿ молодъıхъ ѥго . именем̑ Сава . се З въ[ѣ]ха К в шатеръ великии королевъ золотоверхии . и подъсѣче столпъ шатернъıи . полци Ѡлександрови видѣвше шатра падень|є . възрадовашасѧ . s҃ .и ѿ слугъ ѥго именем̑ Ратмѣръ . се З бисѧ пѣшь и ѡступиша и мнози . ѡн же ѿ многъıх̑ ранъ паде . и тако скончасѧ . си же всѧ слъıшах̑ ѿ гс̑на своѥго великого кнѧзѧ Ѡлександра . и ѿ инѣхъ иже в то времѧ ѡбрѣтощасѧ в тои сѣчи . бъıс̑ же в то времѧ чюдо дивно ӕкож̑ во древьнѧӕ дн҃и при Єзекии цс̑ри . єда приде Сенахиримъ Асуриискъıи цс̑рь на Иєрс̑лмъ хотѧ п[л]ѣнити Л град̑ ст҃ъıи Єрс̑лмъ . внезапу изиде анг҃лъ Гс̑нь . изби и ѿ полка Асурииска . р҃ . и . п҃ . и . е҃ . тъıсѧщь . и въставше оутро ѡбрѣтошасѧ трупьӕ мрт҃въı всѧ . такоже бъıс̑ при побѣдѣ Александровѣ . ѥгда побѣди королѧ ѡб онъ полъ рѣкъı Ижжеръı . идеже не бѣ проходно полку Ѡлександрову здѣ ѡбрѣтоша много множство избьєнъıх̑ ѿ англа Гс̑нѧ . и ѻстанокъ побѣже . трупьӕ мрт҃въıхъ своихъ наметаша кораблѧ М истопоша кораблѧ в мори . кн҃зь же Ѡлександръ . възвратишасѧ Н с побѣдою . хвалѧ и славѧ имѧ своѥго Твр҃ца . Ѡц҃а и Сн҃а и Ст҃го Дх҃а . въ . в҃ . є же


481

Примѣчанія. А Здѣсь въ Л не достаетъ нѣсколькихъ листовъ; на слѣдующемъ находится окончаніе лѣтописной статьи, относящейся къ 6791 (1283) году. Б Чернысѣ Русину, такъ безъ разстановки написаны въ Л оба эти слова, отдѣленныя отъ прочихъ точками. Можно принять ихъ за имя собственное. Въ параллельныхъ мѣстахъ другихъ извѣстныхъ лѣтописей этихъ словъ нѣтъ. В -тв- написано вязью. Г Смыслъ рѣчи требуетъ: остати. Д Опущенъ глаголъ, въ родѣ: идоста. Е г вм. к. Ж не вм. но.

лѣто по возвращении с побѣдою кн҃зѧ Ѡлександра . пакъı придоша ѿ западнъıӕ странъı . и възгра А . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . /л.170/ мници . нѣкои гости . ѥгда же изби боӕръ и повелѣ паломници тѣ пустити . а портъı повелѣ даӕти паломником̑ избитъıх̑ боӕръ . река имъ въı ѥсте гости . а паломници . ходите по землѧм̑ тако молвите хто иметь держати споръ с своимъ баскаком̑ тако ѥму будет̑ . а что изъимано людеи чернъıх̑ . и з женами и з дѣтми . то все попровадилъ прочь . а трупьӕ боӕръ тѣх̑ повелѣ по деревью извѣшати . ѿимаӕ голову и правую руку . и начаша бесурмене вѧзати головъı боѧрьскъıӕ к тороком̑ . а рукъı вкладоша в судно . и вставиша на сани . Чернъıсѣ Русину Б. и поидоша отъ Ворогла . и пришедше в село в Туровъ . и хотѣша послати по землѧм̑ головъı и рукъı болѧрьскъıѣ . ино нѣкуда послати зане всѧ волость изъимана . и тако пометаша головъı . и рукъı псомъ на изьѣдь . тако поидоша прочь . мнози же ѿ мраза измроша люд̑є излуплени . и младенци . се же зло створисѧ В великоє грѣх̑ ради наших̑ . Бъ҃ бо казнить чл҃вка члв҃кмъ . тако наведе Бъ҃ сего бесурменина злого за не|правду нашю . мню бо и кн҃зи ради зане живѧхут̑ в которах̑ межи собою много ѡ то писати . но то ѡставим̑ . Ахматъ ѡставѧ брата своӕ . в҃ . блюсти и крѣпити свободъ своих̑ . и самъ не смѣ ѡставити Г в Руси зане не моглъ нѧти ни ѡдиного кнѧзѧ . и поиде в Татаръı держасѧ полку Татарского . а с которого стану двигнутсѧ потнуть чл҃вка . и бѧше видѣти дѣло стъıдно и велми страшно . и хлѣбъ во уста не идѧшеть ѿ страха ❙










      Шрифт



Попередня     Зміст     Наступна


Етимологія та історія української мови:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчанин, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



 


Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.

Iзборник. Історія України IX-XVIII ст.