Уклінно просимо заповнити Опитування про фемінативи  

[Новгородская первая летопись старшего и младшего изводов. — М.-Л., 1950. — С. 59-72.]



Попередня     Головна     Наступна






 1 В рукописи всЂводъъ

 2 В КАТ заслаша

 3 Б КАТ не пустити. Так можно читать и в С: в рукописи поу(с)ти

 4 Лист у буквы ъ продран.

Въ лЂто 6727 [1219]. Присла великыи князь Мьстислав Романовиць ис Кыева сынъ свои ВсЂволодъ 1, рече: «приимете собе князя Всеволода, а Святослава стареишаго пустите къ мнЂ». Новгородьци же волю его створиша. Поиде тоя зимы Сьмьюнъ Еминъ въ 4-хъ стЂхъ на Тоимокары, и не пусти ихъ Гюрги, ни Ярослав сквозЂ свою землю; и придоша Новугороду въ лодьяхъ, и ста по полю шатры на зло; и замыслиша Твьрдислав и Якунъ тысячьскыи, засли 2 къ Гюргю, не пусти 3 ихъ туда; и възвадиша городъ. Тъгда отъяша посадничьство у Твьрдислава и даша Смену Борисовицю, а тысяцьское у Якуна и да/л.92./ша Семьюну Емину. Тъгда 4 же концяша церковь камяну святыя Варвары. Того же лЂта заложиста Твьрдиславъ съ Федоромь церковь камяну святого Михаила, а другую святыхъ 3 отрокъ посторонь малу, съвЂршиша ю въ 4 дни. Поиде князь Мьстиславъ и Володимиръ ис Кыева къ Галицю на королевиця, и выидоша галицяне противу, и Чехове и Ляхове и Морава и Угре, и съступишася полкове. И пособи богь Мьстиславу, и въ городъ Галиць въеха, а королевиця рукама яша и съ женою, и взя миръ съ королемь, а сынъ его пусти, а самъ сЂдЂ въ Галици, а Володимиръ Рюриковиць КыевЂ. Том же лЂтЂ иде князь Всеволодъ съ новгородьци къ Пертуеву, и устретоша стороже НЂмьци, Литва, Либь, и бишася; /л.92об./ и пособи богъ новгородьцемъ, идоша подъ городъ и стояша 2 недЂли, не взяша города, \60\ и придоша сторови.

 1 В КАТ къ святому спасу. В Новг. 4-й летописи и седЂ у святого Спаса

Того же лЂта иде Антонъ архиепископъ новгородьскыи на Тържькъ; новгородьци же въведоша архиепископа Митрофана въ дворъ опять на столъ, а къ Онтонию послаша: «поиди, кде ти любо». Антонии же поиде въ Новгородъ и святого Спаса 1 въ Нередицяхъ. Князь и новгородьци рекоша Митрофану и Онтону: «идита къ митрополиту, да кого намъ прислеть, то нашь владыка»; и пустиша с нима цьрньця Васияна попа, а другого попа Бориса. Пришьдъше же от Пьртуева, вдаша посадничьство Твьрдиславу, а Якуну тысячьское опять.

Въ лЂто 6728 [1220]. Приде архиепископъ Митрофанъ, оправивъся /л.93./ богомь. и святою Софиею, въ Новгородъ марта въ 17; а Антония митрополитъ у себе въ чести, въда ему епископью въ Перемышли. Того же лЂта иде князь ВсЂволодъ въ Смолньскъ своимь орудиемь. Тои же зимЂ. приде князь Всеволодъ и-Смольньска на Тържькъ. Не хотя же дьяволъ добра роду крестьяньску и злии человЂчи, и вложи князю грЂхъ въ сердци, гнЂвъ до Твьрдислава, а без вины; и приде въ Новъгородъ, и възвади всь городъ, хотя убити Твьрдислава; а Твьрдислав бяше больнъ. И поиде князь Всеволодъ съ Городища съ всЂмъ дворомъ своимъ, и скрутяся въ бръне, акы на рать, и приеха на Ярослаль дворъ; новгородци к нему въ оружии и сташа пълкомъ на княжи дворЂ. Твьрдислав же бяше немоцьнъ, /л.93об./ и вывезоша и на санкахъ къ Борису ГлЂбу, и скопишася о немь пруси и Людинь коньць и загородци, и сташа около его пълкомъ и урядивъше на 5 пълковъ. Князь же узрЂвъ рядъ ихъ, оже хотять крЂпъко животъ свои отдати, и не поеха, нъ присла владыку Митрофана съ всЂми добрыми повЂстьми; и съвЂде и владыка въ любъвь, и крестъ цЂлова и князь и Твьрдислав. Богомь и святою Софиею крестъ възвеличянъ бысть, а дьяволъ попранъ; а братья вся въкупЂ быша. Твьрдиславъ же съшьдъся съ князьмь въ любъвь, и лишися посадницьства: немочьнъ бо бЂ; и даша посадничьство Иванъку Дмитровицю; въ тои же немочи пребы 7 недЂль, и прия и больши немочь; и утаивъся женЂ и дЂтии и всЂи братьи, иде къ святЂи Богородици /л.94./ въ Аркажь манастырь и пострижеся февраря въ 8 день. Тъгда и жена въ друзЂмь манастыри пострижеся у святЂи Варвары.

Въ лЂто 6729 [1221]. Показаша путь новгородци князю ВсЂволоду: «не хочемъ тебе; поиди, камо хочеши»; иде къ отцеви въ Русь.

Въ лЂто 6730 [1222]. Послаша владыку Митрофана и посадника Иванка и старЂишии мужи Володимирю къ Гюргю къ ВсЂволодицю по сынъ, и вда имъ Всеволода на всЂи воли новгородьстЂи. Приде князь ВсЂволодъ в Новъгородъ, и владыка и вси мужи одарени бещисла; и ради быша новгородьци, и бысть миръ.

 1 Первое о переделано из р

 2 Здесь текст неисправен. В К а даи богъ его святою молитвою князю и всЂмъ новгородцемъ многа лЂта

 3 Перед словом кланяхутся в листе трещина, существовавшая до того, как бил написан текст.

 4 Между буквами по и слаша в листе трещины, существовавшие до того, как был написан текст.

 5 Так в рукописи, повидимому, по описке.

Того же лЂта Гюрги князь присла брата своего Святослава новгородьчемъ въ помощъ; идоша \61\ новгоро/л.94об./ дьци съ Святославомь къ Кеси, и придоша Литва въ помочь же; и много воеваша, нъ города 1 не възяша. На ту же зиму князь ВсЂволодъ побеже въ ноць, утаивъся из Новагорода, съ всемь дворомь своимь; новгородьци же печяльни быша о томь. Тогда же новгородци послаша мужи стареишии къ Гюргю: «оже ти не угодьно дьржати Новагорода сыномь, а въда ны брат»; и дасть имъ брата своего Ярослава.

Въ лЂто 6731 [1223]. Приде князь Ярослав в Новъгородъ, и ради быша новгородци. Воеваша Литва около Торопця; и гонися по нихъ Ярослав с новгородци до Въсвята, не угони ихъ. Въ то же лЂто прЂставися архиепископъ новгородьскыи Митрофанъ, мЂсяця июля въ 3, на святого Уакинфа, понедЂльнику свитающю, /л.95./ и положенъ бысть въ святЂи Софии въ притворе; а даи богъ его святую молитвою 2 князю и всемъ новгородцемъ. Томь же дни въведоша въ дворъ Арсению цьрньця съ Хутина, мужа добра и зЂло боящася бога. Приде князь Ярославъ от брата, и иде съ всею областию къ Колываню, и повоева всю землю Чюдьскую, а полона приведе бещисла, нъ города не взяша, злата много възяшя, и придоша вси съдрави. Поиде князь Ярослав съ княгынею и съ дЂтми Переяслалю; новгородци же кланяхутся 3 ему: «не ходи, княже»; онъ же поиде по своеи воли. Новгородьци же послаша 4 къ Гюргю по сынъ, и дасть имъ опять сынъ свои Всеволодъ.

Въ лЂто 6732 [1224]. Приде князь /л.95об./ Всеволодъ Гюргевиць въ Новъгород. Того же лЂта убиша князя Вячка Немьци въ ГюргевЂ, а городъ взяша. Въ то же лЂто, по грЂхомъ нашимъ, не ту ся зло створи: выеха Федоръ посадник съ рушаны, и бися съ Литвою, и съгониша рушанъ съ конь и много коневъ отъяша, и убиша Домажира Търлиниця и сънъ 5 его, а рушанъ Богъшю, а иныхъ много, а другыхъ по лЂсу розгониша. Том же лЂтЂ, по грЂхомъ нашимъ, придоша языци незнаеми, их же добрЂ никто же не вЂсть, кто суть и отколе изидоша, и что языкъ ихъ, и котораго племене суть, и что вЂра ихъ; а зовуть я Татары, а инии глаголють Таурмены, а друзии ПеченЂзи; инии же глаголють, яко се суть, /л.96./ о них же Мефодии, Патомьскыи епископъ, съвЂдЂтельствуеть, яко си суть ишли ис пустыня Етриевьскыя, суще межи въстокомь и сЂверомъ. Тако бо Мефодии глаголеть, яко скончанию врЂменъ явитися тЂмъ, яже загна Гедеонъ, и поплЂнять всю земьлю от въстокъ до Ефранта и от Тигръ до Поньскаго моря, кромЂ Ефиопия. Богъ единъ \62\ вЂсть, кто суть и отколЂ изидоша; прЂмудрии мужи вЂдять я добрЂ, кто книгы разумЂеть; мы же ихъ не вЂмы, кто суть; нъ сде въписахомъ о нихъ памяти ради рускыхъ князь и бЂды, яже бысть от нихъ имъ. Слышахомъ бо, яко многы страны поплЂниша, Ясы, Обезы, Касогы, и Половьчь безбожьныхъ множьство избиша, а инЂхъ /л.96об./ загнаша, и тако измроша убиваеми гнЂвомь божиемь и пречистыя его матере; много бо зла створиша ти оканьнии Половчи Русьскои земли, того ради всемилостивыи богъ хотя погубити безбожныя сыны Измаиловы Куманы, яко да отмьстять кръвь крестьяньску, еже и бысть над ними безаконьными.

 1 В рукописи придоша. В К проидоша

 2 В рукописи бы(с

 3 Буква в переделана, повидимому, из г

 4 В рукописи ни. В А нъ

 5 Буква и переделана, повидимому, из букв х и ы

Проидоша 1 бо ти Таурмени всю страну Куманьску и придоша близъ Руси, идеже зоветься валъ Половьчьскы. И прибегоша оканьнии Половчи, избьеныхъ избытъкъ, Котянь с ынЂми князи, а Данилъ Кобяковиць и Гюрги убьена быста 2, с нимь множьство Половьчь; сь же Котянь бЂ тьсть Мьстиславу Галицьскому. И приде съ поклономь съ князи Половьцьскыми къ зяти въ Галичь къ /л.97./ Мьстиславу и къ всемъ княземъ русьскымъ, и дары принесе многы: кони и вельблуды и буволы и дЂвкы, и одариша князь русьскыхъ, а рекуче тако: «нашю землю днесь отъяли, а ваша заутро възята 3 будеть»; и възмолися Котянь зяти своему. Мьстислав же поця молитися княземъ русьскымъ, братьи своеи, рекя тако: «оже мы, братье, симъ не поможемъ, тъ си имуть придатися к нимъ, тъ онЂмъ больши будеть сила». И тако думавъше много о собе, яшася по путь, и поклона дЂля и молбы князь. половьчьскыхъ. И начаша вое пристраивати, кожьдо свою власть; и поидоша, съвъкупивъше землю всю Русскую противу Татаромъ, и быша на ДнЂпрЂ на Зарубе. Тъгда же увЂдавъше Татари, оже идуть русстии князи /л.97об./ противу имъ, и прислаша послы, къ русскымъ княземъ: «се слышимъ оже идете противу насъ, послушавше Половьць; а мы вашеи земли не заяхомъ, ни городъ вашихъ, ни селъ вашихъ, ни на васъ придохомъ, нъ 4 придохомъ богомь пущени на холопы и на конюси 5 свое на поганыя Половче; а вы възмите с нами миръ; аже выбежать къ вамъ, а биите ихъ оттолЂ, а товары емлите к собе: занеже слышахомъ, яко и вамъ много зла створиша; того же дЂля и мы биемъ». Того же русстии князи не послушаша, нъ послы избиша, а сами поидоша противу имъ; и не дошьдъше Ольшья, и сташа на ДнЂпрЂ. И прислаша к нимъ второе послы Татари, рекуще тако: «а есте послушали Половьчь, а по/л.98./слы наша есте избили, а идете противу нас, тъ вы поидите; а мы васъ не заяли, да всЂмъ богъ»; и отпустиша прочь послы ихъ. Тъгъда же \63\ Мьстислав перебродяся ДнЂпрь, прЂиде в 1000 вои на сторожи татарьскыя, и побЂди я, а прокъ ихъ въбЂже съ воеводою своимь ГемябЂгомь въ курганъ Половьчьскыи, и ту имъ не бы мочи, и погрЂбоша воеводу своего Гемябега жива въ земли, хотяще животъ его ублюсти; и ту и налезоша, испросивъше Половьци у Мьстислава, и убиша и. Слышавъше же то князи русстии, поидоша за ДнЂпрь и поидоша вси въкупЂ, по нихъ же идоша 9 днии, и заидоша за Калакъ рЂку, и послаша въ сторожихъ Яруна с Половьци, а сами станомь сташа ту. /л.98об./ Тъгда же Ярунъ съступися с ними, хотя битися, и побегоша не успЂвъше ничтоже Половци назадъ, и потъпташа бежаще станы русскыхъ князь, не успЂша бо исполчитися противу имъ; и съмятошася вся, и бысть сЂця зла и люта. Мьстиславъ же, Кыевьскыи князь, видя се зло, не движеся съ мЂста никамо же; сталъ бо бЂ на горЂ надъ рЂкою надъ Калкомь, бЂ бо мЂсто то камянисто, и ту угоши городъ около себе въ колЂхъ, и бися с ними из города того по 3 дни. Ини же Татари поидоша по русскыхъ князихъ, бьюче до ДнЂпря; а у города того оста 2 воеводЂ Цьгырканъ и Тешюканъ на Мьстислава и на зяти его на АндрЂя и на Ольксандра Дубровьцьскаго: бе/л.99./ста бо 2 князя съ Мьстиславом. Ту же и бродници съ Татары быша, и воевода Плоскына, и тъ оканьныи воевода цЂловавъ крестъ честьныи къ Мьстиславу и къ обЂма князема, око ихъ не избити, нъ пустити ихъ на искупъ, и сълга оканьныи: прЂда ихъ, извязавъ, Татаромъ; а городъ възяшь, и люди исЂкоша, и ту костью падоша; а князи имъше, издавиша, подъкладъше подъ дъскы, а сами вЂрху сЂдоша обЂдати, и тако животъ ихъ концяша. А иныхъ князь до ДнЂпрЂ гоняче, убиша 6: Святослава Яневьскаго, Изяслава Ингворовиця, Святослава Шюмьскаго, Мьстислава Церниговьскаго съ сыномь, Гюргя НевЂжьскаго. Тъгда же Мьстислав Мьстислалиць переже перебе/л.99об./гъ ДнЂпрь, отрЂя от берега лодье, да не идуть Татари по нихъ, а самъ одвд убежа; а прочии вои десятыи приде кождо въ свояси; а иныхъ Половци побиша ис коня, а иного ис порта. И тако за грЂхы наша богъ въложи недоумение въ нас, и погыбе много бещисла людии; и бысть въпль и плачь и печяль по городомъ и по селомъ. Си же злоба сътворися мЂсяця маия въ 31, на святого ЕрЂмья. Татари же възвратишася от рЂкы ДнЂпря; и не съвЂдаемъ, откуду суть пришли и кдЂ ся дЂша опять: богъ вЂсть, отколе приде на нас за грЂхы наша, В то же лЂто съвершиша церковь камяну святого Михаила Твьрдислав и Феодоръ. Томь же лЂтЂ бысть громъ /л.100./ страшьнъ маия въ 20, на святого ФаллЂя: съгорЂ церкы святыя Троиця, а 2 человЂка мертва быста. Въ то же лЂто създа Борисовичь Сменъ церковь камяну святого Павла, и святого Смена Богоприимьця, и святую Костянтина и Елены, и святиша ноября въ 6, на Павловъ день. Того же лЂта святиша церковь святого Михаила на праздьник. Въ то же лЂто поиде князь Всеволодъ другое из \64\ Новагорода въ ноць, утаивъся, съ всЂмъ дворомь своимь. И приехавъ, сЂде на Тържьку; и приеха къ нему отечь Гюрги съ пълкы и брат его Ярославъ и Василко Костянтиновиць съ ростовци, Михаилъ съ церниговьци. И послаша новгородци къ Гюрьгю на Тържькъ 2 мужа: «княже, пусти /л.100об./ к намъ дЂтя, а самъ поиди съ Тържьку». Гюрги рече посломъ: «выдаите ми Якима Иванковиця, Микифора Тудоровиця, Иванка Тимошкиниця, Сдилу Савиниц, Вячка, Иваца, Радка; не выдадите ли, а я поилъ есмь коне ТьхвЂрью, а еще Волховомь напою». Новгородци же скопиша всю волость, а около города острогь доспеша, а къ Гюргю послаша Полюда, Вячеслава Прокшиниця, Иванка Ярышевиця: «княже, кланяемъ ти ся, а братьи своеи не выдаваемъ, а кръви не проливаи; пакы ли твои мець, а наше головы».

 1 В рукописи мене сынъ, причем слово сынъ смазано. В КА сынъ нет.

 2 В рукописи тържоу

Новгородци же по путьмъ сторожи поставиша, а твьрди издЂлаша; хотЂша умрети за святую Софию о посадницЂ о ИванцЂ о Дмитровици. Князь же Гюрги съ /л.101./ нашими мужи мужь свои присла, Романа тысячьского и Михаиловъ: «поимите у мене 1 мои шюринъ Михаила». Новъгородци же послаша мужь свои по Михаила, а Гюрги съ князи поиде съ Тържьку, много имъ пакостивъ, възя у нихъ 7000 новую.

Въ лЂто 6733 [1225]. Приде князь Михаилъ в Новъгородъ, сынъ Всеволожь, внукъ Олговъ; и бысть льгъко по волости Новугороду. И того лЂта иде князь Михаилъ къ Гюргю, поимя съ собою мужи новгородьскыя, правитъ товаровъ, что поималъ на Тържьку и по своеи волости. Того же лЂта приде князь Михаилъ, исправивъ товары у Гюргя, и ста на Ярослали дворЂ, и рече новгородьчемъ: «не хочю у васъ княжити, иду /л.101об./ Цьрнигову; гость къ мнЂ пускаите, а яко земля ваша, тако земля моя». Новгородци же много уимаша и, молячеся, и не могоша его умолити, и тако проводиша и съ цьстью. Новгородци же послаша къ Ярославу Переяславлю. Приде архиепископъ Антонии ис Перемышля въ Новгородъ и сЂде на своемь столЂ, и ради быша новгородьци своему владыцЂ. Тои же зимЂ придоша Литва, повоеваша около Търожку бещисла и не доганяша Тържку 2 за 3 вьрсты, беше бо ихъ 7000, и гость биша многъ, и Торопьцьскую волость всю поимаша. Князь же, Ярославъ и Володимиръ съ сыномъ и с новотържьци, княжь дворъ, новгородцевъ мало, торопцяне съ князьмь своимь Давыдомь поидоша по нихъ, /л.102./ а новгородци послаша: они же, дошедъше Русы, въспятишася. Князь же Ярославъ съгони е на ВъсвятЂ и наворопи на не; и тако, божиею помочью и святыя София, отъимаша всь полонъ, а самЂхъ избиша 2000, а прокъ ихъ разбегошася; ту же убиша князя Торопьчьскаго Давыда и Василя, меченошю Ярославля.

Въ лЂто 6734 [1226]. Приде князь Ярослав в Новъгородъ, и не положи \65\ того въ гнЂвъ, оже не пошьли по немь. Тъгда поставиша церковь святого Рожества христова. Въ то же лЂто прЂставися игуменъ святого Георгия Саватия, архимандритъ новгородьскыи, априля въ 16 день, въ великыи четвьрток. ПрЂже своего прЂставления Саватии съзва владыку А/л.102об./нтония и посадника Иванка и всЂ новгородце, и запраша братье своеи и всЂхъ новгородьць: «изберете собЂ игумена». Они же рекоша: «кого ты благословиши». Онъ же рече: «въвЂдете Грьцина, попа святую Костянтину и Елены». И въведоша мужа добра и зЂло боящася бога Грьцина, и постригоша и того дни, марта въ 2, на святаго Федота; и поставиша и игуменомь марта въ 8, на святого Фефилакта, на сборъ. Того же лЂта заложиша церковь святого Иякова камяну въ Неревьскемъ конци 1.

 1 В рукописи конц

 2 Первоначально было написано малышевицъ, но последние буквы переделаны на ъ въ

 3 В КАТ даи

 4 Буква о неясна.

 5 Перед буквой Ђ и перед буквой с были написаны и смыты какие-то две буквы.

 6 В рукописи оставъшеся ижеряне оставъшеся

Въ лЂто 6735 [1227]. Иде князь Ярославъ съ новгородци на Емь и повоева всю землю, и полонъ приведе бещисла. Того же лЂта ижгоша вълхвы 4, творяхуть е потворы дЂюще, а богъ вЂсть; /л.103./ и съжгоша ихъ на Ярослали дворе. Въ то же лЂто исписа церковь Святых 40 Вячеславъ Малышевъ 2 вънукъ; а и 3 богь ему спасение.

Въ лЂто 6736 [1228]. Поиде Антонии, архиепископъ новгородьскыи, на Хутино къ святому Спасу по своеи воли. Того же лЂта придоша Емь воеватъ въ Ладозьское озЂро в лодкахъ; и приде на Спасовъ день вЂсть въ Новгородъ. Новгородци же, въсЂдавъше въ насады, въгрЂбоша в Ладогу съ князьмь Ярославомь. Володислав, посадник ладозьскыи, съ ладожаны, не ждя новгородьць, гонися в лодияхъ по нихъ въ слЂдъ, кде они воюють, и постиже я и бися с ними; и бысть нощь, и отступиша въ островълець, а Емь на брЂзЂ съ полоно/л.103об./мъ 4; воевали бо бяху около озера на исадЂхъ и Олоньсь. Тои же нощи просивъше мира, и не да имъ посадник съ ладожаны, а они исЂкше полонъ всь, а сами побегоша на лЂсъ 5, лодкы пометавъше, пЂши много ихъ ту паде, а лодкы ихъ ижгоша. Новгородьци же стоявъше въ Неве неколико днии, створиша вЂче и хотЂша убити Судимира, и съкры и князь въ насаде у себе; оттоле въспятишася въ Новъгородъ, ни ладожанъ ждавъше. ПослЂдь же оставъшеся Ижеряне 6 устрЂтоша ихъ бегающе, и ту ихъ избиша много, а прокъ ихъ разбежеся, куды кто видя; нъ тЂхъ КорЂла, кде обидуче, въ лЂсе ли, выводяче, избиша: бе бо ихъ пришло тво/л.104./ряху 2000 или боле, богъ вЂсть, а то все мертво. Томь же лЂтЂ князь Ярославъ, преже сеи рати, поиде въ Пльсковъ съ посадникомь \66\ Иванкомь и тысячьскыи Вячеслав. И слышавше пльсковици, яко идеть к нимъ князь, и затворишася въ городЂ, не пустиша к собЂ; князь же, постоявъ на ДубровнЂ, въспятися в Новъгород: промъкла бо ся вЂсть бяше си въ Пльскове, яко везеть оковы, хотя ковати вяцьшее мужи. И пришьдъ, створи вЂче въ владычьни дворЂ и рече, яко «не мыслилъ есмь до пльсковичь груба ничегоже; нъ везлъ есмь былъ въ коробьяхъ дары: паволокы и овощь, а они мя обьщьствовали»; и положи на нихъ жалобу велику. /л.104об./ Тъгда же приведе пълкы ис Переяславля, а рекя: «хочю ити на Ригу»; и сташа около Городища шатры, а инии въ СлавнЂ по дворомъ. И въздорожиша все по търгу: и хлЂбъ, и мяса, и рыбы; и оттолЂ ста дороговь: купляху хлЂбъ по 2 кунЂ, а кадь ржи по 3 гривнЂ, а пшеницю по 5 гривенъ, а пшена по 7 гривенъ; и тако ста по 3 лЂта.

 1 В рукописи поиду, очевидно, по описке.

 2 В рукописи буква л переделана из какой-то другой буквы, возможно, из буквы д

То же слышавъше пльсковици, яко приведе Ярослав пълкы, убоявшеся того, възяша миръ съ рижаны, Новгородъ выложивъше, а рекуче: «то вы, а то новгородьци; а намъ ненадобе; нъ оже поидуть 1 на насъ, тъ вы намъ помозите»; и они рекоша: «тако буди»; и пояша у нихъ 40 муж въ талбу. Новгородци же, увЂдавъше, рекоша: «князь насъ зоветь на Ригу, а хотя /л.105./ ити на Пльсковъ». Тъгда же князь посла Мишю въ Пльсковъ, река: «поидите съ мною на путь, а зла до васъ есмь не мыслилъ никотораго же; а тЂхъ ми выдаите, кто мя обадилъ къ вамъ». И рекоша пльсковици, приславъше Грьчина: «тобе ся, княже, кланяемъ и братьи новгородьцемъ; на путь не идемъ, а братьи своеи не выдаемъ; а с рижаны есме миръ взяли. Къ Колываню есте ходивъше, серебро поимали, а сами поидосте в Новъгородъ, а правды не створися, города не взясте, а у КЂси такоже, а у МедвЂже голо†такоже; а за то нашю братью избиша на озЂрЂ, а инии повЂдени, а вы, роздравше, та прочь; или есте на нас удумали, тъ мы противу васъ съ святою богородицею и съ поклономъ; то вы луче насъ исЂчи/л.105об./те, а жены и дЂти поемлете собе, а не луче погании; тъ вамъ ся кланяемъ». Новгородьци же князю рекоша: «мы бе- своея братья бес пльсковиць не имаемъся на Ригу; а тобе ся, княже, кланяемъ». Много же князь нудивъ, и не яшася по путь. Тъгда же князь Ярославъ пълкы своя домовь посла. Пльсковици же тъгда бяху подъвегли НЂмьци и Чюдь, Лотыголу и Либь, и отпустиша я опять; а тЂхъ, кто ималъ придатъкъ у Ярослава, выгнаша исъ Пльскова: «поидите по князи своемь, намъ есте не братья». Тъгда же Ярослав поиде съ княгынею из Новагорода Переяславлю, а НовЂгородЂ остави 2 сына своя, Феодора и Альксандра, съ Федоромь Даниловицемь 2, съ тиуномь Якимомь. Тои же осени наиде дъжгь великъ и день и ночь, на /л.106./ Госпожькинъ \67\ день, оли и до Никулина дни не видЂхомъ свЂтла дни, ни сЂна людьмъ бяше лзЂ добыти, ни нивъ дЂлати. Тъгда же оканьныи дияволъ, испьрва не хотяи добра роду человЂчю и завидЂвъ ему, зане прогоняшеть его нощнымъ стояниемь, пЂниемь и молитвами, и въздвиже на Арсения, мужа кротка и смерена, крамолу велику, простую чядь. И створше вЂче на Ярослали дворе, и поидоша на владыцьнь дворъ, рекуче: «того дЂля стоить тепло дълго, выпровадилъ Антония владыку на Хутино, а самъ сЂлъ, давъ мьзду князю»; и акы злодЂя пьхающе за воротъ, выгнаша; малЂ ублюде богъ от смерти: затворися въ церкви святЂи Софии, иде на Хутино. А заутра въвЂдоша опять Антония архиепископа и по/л.106об./садиша с нимь 2 мужа: Якуна МоисЂевиця, Микифора щитник. И не досыти бы зла, нъ еще боле того: възмятеся всь городъ, и поидоша съ вЂца въ оружии на тысячьского Вяцеслава, и розграбиша дворъ его и брата его Богуслава и Андреичевъ, владыцня стольника, и Давыдковъ Софиискаго, и Судимировъ; а на Душильця, на Липьньскаго старосту, тамо послаша грабитъ, а самого хотЂша повЂсити, нъ ускоци къ Ярославу; а жену его яша, рекуче, яко «ти на зло князя водять»; и быстъ мятежь въ городЂ вЂликъ. Тои же осЂни бысть вода велика въ ВълховЂ: поима около озера сЂна и по Волхову. Тъгда помьрзъшю озЂру и стоявшю 3 дни, и въздре угъ вЂтръ, изламавъ, вънесе все въ Вълхово, и въздрЂ 9 городьнь великаго /л.107./ моста, и принесе къ ПитбЂ подъ святыи Николу 8 городьнь въ ноць, а 9-ю рознесе, мЂсяця декабря въ 8 день, на святого Патапия. Не хотяшеть бо богъ видЂти кръвопролития въ братьи, ни дияволу радости дати: радуеть бо ся оканьныи о кръвопролитии братни; нъ изволи благыи богъ тако быти.

 1 В рукописи отяшатяша

 2 Буква в переделана из буквы и

Тъгда отяша 1 тысячьское у Вячеслава и даша Борису НЂгочевичю, а къ князю послаша къ Ярославу на томъ: «поеди к намъ, забожницье отложи, судье по волости не слати; на всЂи воли нашеи и на вьсехъ грамотахъ Ярославлихъ ты нашь князь; или ты собе, а мы собе». Тои же зимЂ побЂже Федоръ Даниловиць съ тиуномь Якимомь, поимъше съ собою 2 /л.107об./ княжичя, Федора и Альксандра, сыропустныя недЂли въ уторник, в ночь. Тъгда же новгородци рЂша: «дажь что зло съдумавъ 2 на святую Софию, а побеглъ; а мы ихъ не гонили, нъ братью свою есме казнили; а князю есме зла не створили никотораго же; да оно имъ богъ и крестъ честьныи, а мы собЂ князя промыслимъ»; и цЂловаша святую Богородицю, яко быти всемъ одинакымъ; и послаша по Михаила въ ЦЂрниговъ Хота Станимировиця, Гаврилу на Лубяници. И быша СмольньскЂ, и не пусти ихъ князь Смольньскыи по науцению Ярославлю, и пути заяша вся. Нъ оже богь по насъ, кто на ны: и увЂдавъ Михаилъ, яко прияти суть посли новгородьстии въ СмольньскЂ, бЂ бо тъгда въ \68\ Брыну /л.108./ съ сыномь, и поиде въ борзЂхъ 1 на Тържькъ, и приде на вьрьбницю въ Тържькъ, и ради быша людье вси.

 1 В рукописи рзЂхъ

 2 Буква ц неясна.

Въ лЂто 6737 [1229]. Приде князь Михаилъ ис ЧЂрнигова въ Новъгородъ, по велицЂ дни ФоминЂ недЂли исходяче, и ради быша новгородци своему хотЂнию. И цЂлова крестъ на всЂи воли новгородьстЂи и на всЂхъ грамотахъ Ярославлихъ; и вда свободу смьрдомъ на 5 лЂт дании не платити, кто сбежалъ на чюжю землю, а симъ повеле, къто сде живеть, како уставили переднии князи, тако платите дань. А на Ярослалихъ любъвницехъ поимаша новгородци кунъ много и на городищанохъ, а дворовъ ихъ не грабяче, и даша на великыи мостъ. /л.108об./ Въ то же лЂто заложиша великыи мостъ выше стараго моста. Тъгда же отяша посадничьство у Иванка у Дъмитровиця и даша Вънезду Водовику, а Иванку даша Тържькъ; иде на Тържькъ, и не прияша его новоторожьци, и оттуду иде къ Ярославу. Томь же лЂтЂ рече князь Михаилъ: «се у васъ нЂту владыкы, а не лЂпо быти граду сему безъ владыцЂ; оже богъ казнь свою възложилъ на Онтония, а вы сочите таковаго мужа въ попЂхъ ли, в ыгуменехъ ли, въ череньцихъ ли». И рекоша нЂкотории князю: «есть чьрньць дьяконъ у святого Георгия, именьмь Спиридонъ, достоинъ есть того»; а инии Осафа, епископа володимирьскаго велыньскаго, а друзии Грь/л.109./цина: «кого дасть митрополитъ, тотъ намъ отець». И рече князь Михаилъ: «да положимъ 3 жрЂбья, да которыи богъ дасть намъ». И положиша на святЂи тряпЂзЂ, имена написавшЂ, и послаша из гридьницЂ владыцьне княжиця Ростислава; изволи богъ служителя собе и пастуха словесьныхъ овьчь Новугороду и всЂи области его, и выяся Спуридонь. И послаша по нь въ манастырь и, приведъше, посадиша и въ дворЂ, дондеже поиде Кыеву ставитъся. Томь же лЂтЂ поиде князь Михаилъ въ Цьрниговъ къ братьи, поимя съ собою новгородце Богуслава Гориславиця, Сбыслава Якунковиця, Домаша Твьрдиславиця, ГлЂба, посадниць сынъ, Михаилка Микифоровиц 2, Михаля Прикупова; а сына своего Ростислава остави НовЂгородЂ. /л.109об./ «А мнЂ, рече, даи богъ исправити правда новгородьская, тоже от вас пояти сына своего». И посла къ Ярославу Нездилу Прокшиниця, Иванка Тудорковиця, река: «отступися Волока, и что есть новгородьскаго за тобою, силою еси зашьлъ, а крестъ цЂлуи». И рече Ярослав: «того не отступаю, а крьст не цЂлую; вы собе, а я собе»; и дьрьжа послы все лЂто. Томь же лЂтЂ поиде Спиридонъ Кыеву ставитъся къ митрополиту, декября въ 17. Тои же зимЂ придоша Литва, и воеваша Любне и Мореву и Серегеръ, и гонишася по нихъ новгородци, и угонивше ихъ, и биша, а полонъ отяшя всь, мЂсяця генвря. \69\

 1 Нижний правый угол листа срезан до того, как был написан текст.

 2 В рукописи пропрокшинъ

 3 Буква ш над строкой. В А имъше

Въ лЂто 6738 [1230]. Трясеся земля въ пятък по велицЂ дни 5 недЂли, въ обЂдъ, а инии уже бяху отобЂдали. То же, братье, не на добро, на зло; /л.110./ грЂхъ дЂля нашихъ богъ намъ знамения кажеть, да быхомъ ся покаяли от грЂхъ нашихъ. Колику богъ наведе на ны смерть тои весны, да то мы видяще, не разумЂхомъ своея погыбели, нъ скорЂиши быхомъ на зло. Того же лЂта солнче помьрце маия въ 14, на святого Сидора, въ уторник, въ срьдъ утра, и бы акы въ 5 ноции мЂсяць, и опять наполнися, и ради быхомъ небози. Того же мЂсяця въ 19, на сборъ святыхъ отець 300 и 18, приде архиепископъ Спуридонъ в Новъгородъ, поставленъ от митрополита Кюрила; поставленъ бысть попомъ въ сыропустную недЂлю, архиепископомъ по чистЂи недЂли на сборъ. Въ то же лЂто князь Михаилъ створи пострЂгы сынови своему Ростиславу НовегородЂ у святЂи Софии и уя влас архепископъ Спиридон 1; /л.110об./и посади его на столЂ, а самъ поиде въ Цьрниговъ. Томь же лЂтЂ роспрЂся Степанъ Твьрдиславиць съ Водовикомь, Иванке Тимошкиниць по СтепанЂ, и биша Иванка паробчи посадници; то же бысть на Городищи; а заутра створи вЂцЂ на посадника на Ярослали дворЂ, и поиде на дворъ его, и розграбиша и. Посадник же опять възъвари городъ вьсь, и Сменъ Борисовиць на Иванка и на Якима Влунковиця и на Прокшю Лашнева; поидоша съ вЂчя и много дворовъ розграбиша, а Волоса Блуткиниця на вЂчи убиша; рече посадник: «ты еси мои дворъ хотелъ зажечи»; а Прокшинъ 2 дворъ зажгоша; а Якимъ бежа къ Ярославу, а инии схоронишася; нъ и тЂхъ, уротивше, пустиша; а Иванка после имъш 3, уби Водовикъ, въвьргошь въ Волхово. /л.111./ Того же богъ видя наша безакония и братоненавидение и непокорение друг къ другу и зависть, и крестомь вЂрящеся въ лжю, егоже ангели не могуть зрЂти и многоочити, крылы закрываються, того же мы, въ рукахъ дьржаще, сквЂрньны усты цЂлуемъ; и за то богъ на нас поганыя навЂдЂ, и землю нашю пусту положиша; а иное сами не блюдуче, без милости истеряхомъ свою власть, и тако бысть пуста: и тако ны господь богъ възда по дЂломъ нашимъ. Изби мразъ на Въздвижение честьнаго хреста обилье по волости нашеи, и оттолЂ горе уставися велико: почахомъ купити хлЂбъ по 8 кунъ, а ржи кадь по 20 гривенъ, а въ дворехъ по пол-30, а пшеницЂ по 40 гривенъ, а пшена по 50, а овсЂ по /л.111об./ 13 гривен. И разидеся градъ нащь и волость наша, и полни быша чюжии гради и страны братье нашеи и сестръ, а останъкъ почаша мерети. И кто не просльзиться о семь, видяще мьртвьця по уличамъ лежаща, и младЂнця от пьсъ изедаемы. И въложи богъ въ сердце благое створити архепископу \70\ Спуридону: и постави скуделницю у святыхъ Апостолъ, въ ямЂ, на Просьскои улици; и пристави мужа блага, смерена, именьмь Станила, возити мьртвьця на кони, кде обидуце по городу; и тако беспрестани по вся дни влачаше, и наполни до вьрха, иже бысть в неи числомь 3000 и 30. На ту же зиму поиде княжиць Ростислав съ посадникомь Вънездомь на Тържькъ, /л.112./ мЂсяця декабря въ 8, въ недЂлю; а заутра убиша Смена Борисовиця въ 9, а домъ его всь розграбиша и села, а жену его яша, а самого погрЂбоша у святого Гюргя въ манастыри; такоже и Водовиковъ дворъ и села, и брата его Михаля, и Даньслава, и Борисовъ тысячьскаго, и Творимириць, иныхъ много дворовъ. А Водовикъ, то зло услышавъ, побеже съ Торжьку съ братьею, и Борис тысячьскыи и новотържьчи къ Михаилу въ Цьрниговъ. И даша посадничьство Степану Твьрдиславичю, а тысячьское Миките Петриловицю, а добытъкъ Сменовъ и Водовиковъ по стомъ розделиша.

 1 Буква я неясна.

Они трудишася 1, събирающе, а си въ трудъ ихъ вънидоша; о таковых бо рече духъ святы/л.112об./и: събираеть, а нЂ вЂсть, кому сбирает. А княжицю Ростиславу путь показаша с Торожку къ отцеви въ Цьрниговъ: «како отець твои реклъ былъ въсЂсти на коне на воину съ Въздвижения и крестъ цЂловалъ, а се уже Микулинъ день, съ нас крестное челование; а ты поиди прочь, а мы собе князя промыслимъ». И послаша по Ярослава на всеи воли новгородьстЂи; Ярослав же въбързЂ приде въ Новъгородъ мЂсяця декабря въ 30, и створи вЂцЂ, и цЂлова святую Богородицю на грамотахъ на всЂхъ Ярослалихъ. И сЂдЂвъ 2 недЂли, иде опять въ Переяслаль, поя съ собою мужи новгородьскыя моложьшая, а сына своя 2 посади НовЂгородЂ, Феодора и Ольксандра. Тои же зимЂ въвЂ/л.113./доша съ Хутина от святого Спаса АрсЂния игумена, мужа кротка и смерена, князь Ярослав, владыка Спуридонъ и всь Новгородъ, и даша игуменьство у святого Георгия; а Саву лишиша, посадиша и въ келии; и разболеся, лежавъ 6 недЂль, и прЂставися марта въ 15, въ суботу предъ обедьнею, и тако погрЂбенъ бысть игуменомь АрсЂниемь и всЂю братьею; а даи богъ молитва его святая всЂмъ крестьяномъ и мнЂ грЂшному ТимофЂю понаманарю: бяшеть бо муж благъ, кротъкъ, съмЂренъ и незлобивъ; покои богъ душю его съ всЂми правьдныими въ царствии небеснЂмь. Мы же на прЂднее възвратимъся, на горкую и бЂдную память тоя весны. Что бо рещи и/л.113об./ли что глаголати о бывшеи на нас от бога казни. Яко инии простая чадь рЂзаху люди живыя и ядяху, а инии мьртвая мяса и трупие обрЂзающе ядяху, а друзии конину, псину, кошкы: нъ тЂхъ осочивъше, тако творяху, овъихъ огньмь ижгоша, а другыхъ осЂкоша, иныхъ извЂшаша; ини же мъхъ ядяху, ушь, сосну, кору липову и листъ, ильмъ, кто что замысля; а инии пакы злии человЂци почаша добрыхъ \71\

 1 В рукописи учамъ

 2 В рукописи бр т)а бр т)а

 3 По сторонам и вверху букв зьмь начертаны киноварью три креста.

 4 Здесь в Синодальном списке пропуск. В К и быша в Буици, селЂ святого Георгиа, и оттолЂ въспятися назадъ князь Святославъ в Русь

людии домы зажигати, кде чююче рожь, и тако разграбливахуть имение ихъ, въ покаяния мЂсто злое; и горцяиши того быхомъ на зло, а видяще предъ очима нашима гневъ божии: мьртвьци по уличамъ 1 и по търгу и по мосту по великому от пьсъ /л.114./ изедаемы, оже не можаху погрЂбати. И поставиша другую скудЂлницю на поли, коньць Чюдиньче†улици, и бысть та пълна, в нЂиже числа нЂсть; а 3-тьюю поставиша на КолЂни, за святымь Рожьствомъ, и та же бысть пълна, въ неиже числа нЂсть. Тоже бы намъ все видяще предъ очима, лучьшимъ быти, мы же быхомъ пущьщи: брат брату 2 не съжаляшеться, ни отечь сынови, ни мати дъчери, ни сусЂдъ сусЂду не уламляше хлЂба; не бысть милости межи нами, нъ бяше туга и печаль, на уличи скърбь другь съ другомъ, дома тъска, зряще дЂтии плачюще хлЂба, а другая умирающа. И купляхомъ по гривнЂ хлЂб и поболшю, а ржи 4-ю часть кади купляхомъ по гривнЂ серЂбра; и даяху отци /л.114об./ и матери дЂти свое одьрень ис хлЂба гостьмъ. Се же горе бысть не въ нашеи земли въ одинои, нъ по всеи области РусстЂи, кромЂ Кыева одиного. И тако ны богъ възда по дЂломъ нашимъ.

Въ лЂто 6739 [1231]. ЗагорЂся от МатЂева двора от Вышковиця, и погорЂ вьсь коньць Славьньскыи оли и до конця Хълма, мимо святого Илию; нъ ублюде богъ святыхъ церквъ; нъ толми бяше лютъ пожаръ, яко по водЂ огнь горяше, ходя чрЂсъ Вълхово, всЂмъ людьмъ зрящимъ, и головъ нЂколико истопЂ въ ВолховЂ. Того же лЂта откры богъ милосердие свое на нас грЂшныхъ, створи милость свою въскорЂ: прибЂгоша НЂмьци и-замория съ житомь и мукою, /л.115./ и створиша много добра; а уже бяше при конци городъ сии. Тои же осени ходи Ярославъ ратию на ЦьрниговЂскую волость с новгородци и съ всЂю властью своею на Михаила, и пожьже Шереньскъ; и стоявъ подъ Мосальскомь, и въспятися въспять, истративъ обилия мъного. Ту же подъ городомь застрЂлиша Олдана подвоискаго, и без мира отъидоша. Томь же лЂтЂ прЂставися Водовикъ Вънездъ, посадник новгородьскыи, въ ЦьрниговЂ.

Въ лЂто 6740 [1232]. Придоша ис ЦЂрнигова Борисъ НЂгоцевичь, Михаль съ братомь, Петре Водовиковиць, ГлЂбъ Сменовъ братъ, Миша, съ кня/л.115об./зьмь 3 Святославомь опять 4 въ Русь, урозумЂвъ, яко си сългаша имъ; они же въгонивше въ Пльсковъ, яша Вячеслава, и бивъше его, оковаша и. В Но†же городЂ бысть мятежь великъ: не бяше бо князя Ярослава, нъ въ Переяслали бЂ тъгда; и приехавъ князь ис Переславля, изима пльсковици и посади я на Городищи въ гридници; и посла \72\ въ Пльсковъ, рече: «мужа моего пустите, а темъ путь покажите прочь, откуда пришли». Они же сташа за ними крЂпко, нъ рекоша: «прислите к нимъ жены ихъ и товаръ, тоже мы Вячеслава пустимъ; или вы собЂ, а мы собе». И тако быша безъ мира лЂто все; и не пусти князь гости къ нимъ, и купляху соль по 7 гривен /л.116./ бьрковьскъ, и пустиша Вячеслава; князь пусти к нимъ жены Борисовую, ГлЂбовую, Мишиную, а мира не взя. Бысть на зиму, придоша пльсковици, поклонишася князю: «ты наш князь»; и въспросиша у Ярослава сына Федора, и не да имъ сына, и рече: «се даю вы шюринъ свои Гюргя»; и ведоша и, поимше, Пльскову, а Борисове чади показаша путь съ женами. Они же идоша въ МЂдвежю голову. Въ то же лЂто взя Святослав Смолньскъ на щитъ съ полочаны на Боришь день, исЂцЂ смолняны, а самъ сЂде на столЂ. Том же лЂтЂ прЂставися архепископъ Антонии, октября въ 8. Сии же блаженыи архепископъ Антонии преже изгнания сЂде въ епископии лЂт 8 по Митрофане, а въ изгнании лЂт 6; по сЂм приде ис Перемышля в Новъгородъ, и седе лЂта 2, и онЂмЂ на святого Ольксия; /л.116об./ бысть лЂт 6 въ болезни тои и 7 месяць и 9 днии, и тако умре, и положиша и у святЂи Софии въ притворе, при князи Ярославе Всеволодиц, при архепископЂ СпуридонЂ.











Попередня     Головна     Наступна


Етимологія та історія української мови:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчанин, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



 


Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.

Iзборник. Історія України IX-XVIII ст.