[Новгородская первая летопись старшего и младшего изводов. — М.-Л., 1950. — С. 72-85.]



Попередня     Головна     Наступна








Въ лЂто 6741 [1233]. Изгониша Изборьскъ Борисова чадь съ князьмь Ярославомь Володимирицемь и съ НЂмци. Пльсковици же, оступивше Изборьскъ, измаша и кънязя, и НЂмцинъ убиша Данилу, а ини побегоша; и даша я великому Ярославу; князь же, исковавъ, поточи я въ Переяслаль. Томь же лЂтЂ прЂставися князь Феодоръ, сынъ Ярослаль вячьшии, июня въ 10, и положенъ бысть въ манастыри святого Георгия, и еще младъ. И кто не пожалуеть сего: сватба пристроена, меды изварены, невЂ/л.117./ста приведена, князи лозвани; и бысть въ веселия мЂсто длачь и сЂтование за грЂхы наша. Нъ, господи, слава тебе, цесарю небесныи, извольшю ти тако, нъ покои его съ всеми правьдьными. Въ то же лЂто заложена бысть церкы на воротЂхъ от Неревьскаго конця святыи Феодоръ. Томь же лЂтЂ прЂставися блаженыи митрополитъ всЂя Руси Кыевьскыи, именьмь Кюрилъ, родомь Грьцинъ бЂ, приведенъ бысть из НикЂя. Въ то же лЂто изгониша НЂмьци Кюрила Синкиниця въ ТЂсвЂ, и вЂдоша и въ МЂдвЂжю голову; и сЂде окованъ от госпожкина дни до великаго говЂния, князю Ярославу не сущю НовЂгородЂ, нъ въ Переяслаль отшьлъ бЂ.

 1 Последние три буквы восстанавливаются предположительно.

И пришьдъ князь, выправи божиею помоцью святыя София; а пълкы своя 1 /л.117об./ приведе в Новъгородъ множьство, хотя ити на нЂ.

Въ лЂто 6742 [1234]. Иде князь Ярослав съ новгородци и съ всЂю областью и с полкы своими на НЂмьци подъ Гюргевъ; и ста князь, не дошедъ \73\ града, съ пълкы, и пусти люди своя въ зажитие воеватъ; НЂмци же из града высушася, а инии из МедвЂже головы на сторожи, и бишася с ними и до пълку. И поможе богъ князю Ярославу съ новгородьци и биша я и до рЂкы, и ту паде лучьшихъ НЂмьць нЂколико; и яко быша на рЂче на Омовыжи НЂмьци, и ту обломишася истопЂ ихъ много, а ини язвьни въбегоша въ Гюргевъ, а друзии въ МедвЂжю голов.у; и много попустошиша земле ихъ и обилие потратиша. /л.118./

 1 Правый край листа полукругом вырезан до того, как был написан текст (край шкуры).

 2 Буква и неясна.

 3 От слов 10 мужь текст писан другим (третьим) почерком и другими чернилами.

И поклонишася НЂмьци князю, Ярослав же взя с ними миръ на вьсеи правдЂ своеи; и възвратишася новгородци сдрави вси, а низовьчь нЂколико паде. 1 Того же лЂта съгорЂ церкы от грома святого Луки въ ЛюдинЂ конци июня въ 10, съ вечера. Томь же лЂтЂ изгониша Литва Русь оли до търгу, и сташа рушанЂ, и засада: огнищанЂ и гридба, и кто купьць и гости, и выгнаша я ис посада опять, бьющеся на поли 2; и ту убиша нЂколико Литвы, а рушанъ 4 мужа: попа Петрилу, 2 Павла Обрадиця, а ина два мужа; а манастырь святого Спаса всь пограбиша, и церковь полупиша всю, и иконы и прЂстолъ, и цьренци 4 убиша, и отступиша на Клинъ. Тъгда же вЂсть приде в Новъгородъ къ къ/л.118об./нязю Ярославу; князь же съ новгородьци, въседавъше въ насады, а инии на конихъ, поидоша по нихъ по Ловоти; и яко быша у Моравиина, и въспятишася лодьиници оттоле въ городъ, и князь я отпусти: недостало бо у нихъ бяше хлЂба; а самъ поиде съ коньникы по нихъ. И постиже я на ДубровнЂ, на селищи въ Торопьчьскои волости, и ту ся би съ безбожными оканьною Литвою; и ту пособи богъ и крестъ честьныи и святая София, прЂмудрость божия, надъ погаными князю Ярославу съ новгородци: и отъяша у нихъ конь 300 и съ товаромь ихъ, а сами побЂгоша на лесъ, пометавъше оружия, и щиты, и сови, и все от себе; а инии ту костью падоша. А новгородьць ту убиша /л.119./ 10 мужь 3: Феда Якуновича тысячьского, Гаврила щитника, НЂгутина на Лубяници, НЂжилу серебреника, Гостилца на Кузмадемьяни улици, Федора Ума княжь дЂцкои, другое городищанинъ, и инЂхъ 3 мужи; а покои господи душа ихъ въ царствии небеснЂмь, пролившихъ кръви своя за святую Софью и за кровь христьяньскую.

В лЂто 6743 [1235]. Не хотя исперва оканьныи, всепагубныи дьяволъ роду человЂческому добра, въздвиже крамолу межи русьскыми князи, да быша человЂци не жили мирно: о томь бо ся злыи радуеть кровопролитию крестьяньску. Поиде князь Володимиръ Рюриковичь съ кыяны и Данило Романовичь с галичаны /л.119об./ на Михаила Всеволодича Чермного къ \74\ Чернигову, а Изяславъ бЂжа в Половци; и много воева около Чернигова, и посадъ пожже, а Михаило выступи ис Чернигова; и много пустошивъ около Чернигова, поиде опять; и Михаило створивъ прелесть на ДанилЂ и много би галичанъ и бещисла, Данило же едва уиде; а Володимиръ пришедъ опять, сЂде в КыевЂ. И не ту бы того до сыти зла, но приде Изяславъ с погаными Половци в силЂ тяжцЂ и Михаило с черниговци подъ Кыевъ, и взяша Кыевъ; а Володимира и княгыню его имше Половци, поведоша в землю свою и много зла створиша кыяномъ; а Михаило сЂде в Галичи, а Изяславъ в КыевЂ; /л.120./ и опять пустиша Володимира Половци на искупЂ и жену его; и на НЂмцихъ имаша искупъ князи.

В лЂто 6744 [1236]. Поиде князь Ярославъ изъ Новагорода Кыеву на столъ, поимя съ собою новгородци вятшихъ: Судимира въ СлавьнЂ, Якима Влунковича, Косту Вячеславича, а новоторжець 100 муж; а в НовЂгородЂ посади сына своего Олександра. И, пришедъ, сЂде в Кые†на столЂ; и державъ новгородцевъ и новоторжцевъ одину недЂлю и одаривъ я, отпусти проче; и придоша здрави вси. Том же лЂтЂ пришедше безбожнии Татарове, плЂниша всю землю Болгарьскую, и градъ ихъ Великыи взяша, и исЂкоша /л.120об./ вся и жены и дЂти.

В лЂто 6745 [1237]. Бысть знамение въ солнци мЂсяца августа въ 3 день, на память святых отець Далмата, Фауста, Исакия, въ уденье; бысть таково знамение: тма бысть въ солнци съ запада, акы мЂсяць бысть въ 5 ночии, а съ встока свЂтло, и опять со въстока тма бысть такоже, акы мЂсяць 5 ночии, а с запада свЂтло, и тако исполнися опять. Того же лЂта придоша в силЂ велицЂ НЂмци изъ замория в Ригу, и ту совкупившеся вси, и рижане и вся Чюдьская земля, и пльсковичи от себе послаша помощь мужь 200, идоша на безбожную Литву; и тако, грЂхъ ради нашихъ, безбожными погаными побЂжени быша, придоша кождо десятыи въ /л.121./ домы своя. Того же лЂта приде митрополитъ Грьчинъ изъ НикЂя въ Киевъ, именем Есифъ.

В лЂто 6746 [1238]. Створи манастырь у святого Павла Семеновая Борисовича. В то лЂто придоша иноплеменьници, глаголемии Татарове, на землю Рязаньскую, множьство бещисла, акы прузи; и первое пришедше и сташа о НузлЂ, и взяша ю, и сташа станомь ту. И оттолЂ послаша послы своя, жену чародЂицю и два мужа с нею, къ княземъ рязаньскымъ, просяче у нихъ десятины во всемь: и в людехъ, и въ князехъ, и въ конихъ, во всякомь десятое. Князи же Рязаньстии Гюрги, Инъгворовъ братъ, Олегъ, Романъ Инъгоровичь, и Муромьскы /л.121об./ и Проньскыи, не въпустяче къ градомъ, выЂхаша противу имъ на Воронажь. И рекоша имъ князи: «олна насъ всЂхъ не будеть, тоже все то ваше будеть». И оттолЂ пустиша ихъ къ Юрью въ Володимирь, и оттолЂ пустиша о НухлЂ Татары въ Воронажи. Послаша же рязаньстии князи къ Юрью Володимирьскому, просяче помочи, или самому поити. Юрьи же самъ \75\ не поиде, ни послуша князии рязаньскыхъ молбы, но самъ хотЂ особь брань створити. Но уже бяше божию гнЂву не противитися, яко речено бысть дрЂвле Исусу Наугину богомь; егда веде я на землю обЂтованую, тогда рече: азъ послю на ня пре/л.122./же васъ недоумЂние, и грозу, и страхъ, и трепетъ. Такоже и преже сихъ отъя господь у насъ силу, а недоумЂние, и грозу, и страхъ, и трепетъ вложи в нас за грЂхы наша. Тогда же иноплеменьници погании оступиша Рязань и острогомь оградиша и; князь же Рязаньскыи Юрьи затворися въ градЂ с людми; князь же Романъ Инъгоровичь ста битися противу ихъ съ своими людьми.

 1 На нижнем поле листа другим почерком и чернилами помоги

 2 Между словами москвичи же и ничегоже оставлено чистое место, около половины строки, причем лист протерт; возможно, первоначально было написано какое-то слово и выскоблено. В КАТ после москвичи же написано побЂгоша

Князь же Юрьи Володимирьскыи тогда посла ЕремЂя въ сторожихъ воеводою, и сняся с Романомь; и оступиша ихъ Татарове у Коломны, и бишася крЂпко, и прогониша ихъ к надолобомъ 1, и ту уби/л.122об./ша князя Романа и ЕремЂя, и много паде ту съ княземь и съ ЕремЂемь. Москвичи же ничегоже 2 не видЂвше. Татарове же взяша градъ мЂсяца декабря въ 21, а приступили въ 16 того же мЂсяца. Такоже избиша князя и княгыню, и мужи и жены и дЂти, черньца и черноризиць, иерЂя, овы огнемь, а инЂхъ мечемь, поругание черницамъ и попадьямъ и добрымъ женамъ и дЂвицамъ пред матерьми и сестрами; а епископа ублюде богъ: отъЂха проче во тъ годъ, егда рать оступи градъ. И кто, братье, о семь не поплачется, кто ся нас осталъ живыхъ, како они нужную и горкую смерть подъяша. Да и мы то видЂвше, устрашилися быхомъ и грЂхо/л.123./въ своихъ плакалися съ въздыханиемь день и нощь; мы же въздыхаемъ день и нощь, пекущеся о имЂнии и о ненависти братьи. Но на предлежащая възвратимся. Тогда же Рязань безбожнымъ и поганымъ Татаромъ вземшемъ, поидоша къ Володимирю множство кровопролитець крестьяньскыя кръви. Князь же Юрьи выступи изъ Володимиря и бЂжа на Ярославль, а въ Володимири затворися сынъ его Всеволодъ съ матерью и съ владыкою и со всею областию своею. Безаконьнии же Измаильти приближишася къ граду, и оступиша градъ силою, и отыниша тыномь всь. И бысть на заутрье, увидЂ князь Все/л.123об./володъ и владыка Митрофанъ, яко уже взяту быти граду, внидоша въ церковь святую Богородицю, и истригошася вси въ образъ, таже въ скиму, от владыкы Митрофана, князь и княгыни, дчи и сноха, и добрии мужи и жены. И яко уже безаконьнии приближишася, поставивше порокы, взяша град и запалиша и огнемь, в пяток преже мясопустныя недЂли. И увидЂвше князь и владыка и княгыни, яко зажженъ бысть градъ, а людье уже огнемь кончаваются, а инии мечемь, вбЂгоша въ святую Богородицю и затворишася в полатЂ. Погании же, отбивше двьри, зажгоша церковь, \76\ наволочивше лЂса, и издвушиша вся: ти тако скончашася, предавше душа сво/л.124./я господеви; инии же погнашася по Юрьи князи на Ярославль. Князь же Юрьи посла Дорожа въ просокы въ 3-хъ 1000-хъ; и прибЂжа Дорожь, и рече: «а уже, княже, обишли нас около». И нача князь полкъ ставити около себе, и се внезапу Татарове приспЂша; князь же не успЂвъ ничтоже, побЂже; и бы на рЂцЂ Сити, и постигоша и, и животъ свои сконча ту. Богъ же вЂсть, како скончася: много бо глаголють о немь инии. Ростовъ же и Суждаль разидеся розно. Оканьнии же они оттолЂ пришедше, взяша Москву, Переяславль, Юрьевъ, Дмитровъ, Волокъ,. ТфЂрь; ту же и сынъ Ярославль убиша.

 1 В рукописи вся вся

 2 Справа в листе небольшая трещина, существовавшая до того, как был написан текст, и следы подшивки.

 3 Здесь пропуск; в Софийской 1-й летописи и не плачеться

ОттолЂ же придоща безаконьнии, и оступиша Торжекъ на сборъ чистои недЂли, /л.124об./ и отыниша тыномь всь около, якоже инии гради имаху; и бишася ту оканнии порокы по д†недЂли, и изнемогошася людье въ градЂ, а из Новагорода имъ не бы помочи, но уже кто же собЂ сталъ бЂ в недоумЂнии и страсЂ; и тако погании взяша градъ, и исЂкоша вся 1 от мужьска полу и до женьска, иерЂискыи чин всь и черноризьскыи, а все изъобнажено и поругано, горкою и бЂдною смертью предаша душа своя господеви, мЂсяца марта въ 5, на память святого мученика Никона, въ среду средохрестьную. Туже убьени быша Иванко, посадникъ новоторжьскыи, Якимъ Влоуньковичь, ГлЂбъ Борисовичь, Михаило Моисиевичь. Тогда же ганя/л.125./шася оканьнии безбожници от Торжку СерегЂрьскымъ путемь оли и до Игнача 2 креста, а все люди сЂкуще акы траву, за 100 верстъ до Новагорода. Новъгородъ же заступи богъ и святая великая и зборная апостольская церкы святая Софья и святыи Кюрилъ и святыхъ правовЂрныхъ архиепископъ молитва и благовЂрныхъ князии и преподобьныхъ черноризець иерЂискаго сбора. Да кто, братье и отци и дЂти, видЂвше божие попущение се на всеи Русьскои земли 3. ГрЂхъ же ради нашихъ попусти богъ поганыя на ны. Наводить богъ, по гнЂву своему, иноплеменьникы на землю, и тако съкрушеномъ имъ въспомянутся къ богу. Усобная же /л.125об./ рать бываеть от сважения дьяволя: богъ бо не хощеть зла въ человЂцЂхъ, но блага; а дьяволъ радуется злому убииству и кровопролитию. Земли же сгрЂшивши которои, любо казнить богъ смертью или гладомь или наведениемь поганыхъ или ведромь или дъждемь силнымь или казньми инЂми, аще ли покаемся и в нем же ны богъ велить жити, глаголеть бо к намъ пророкомь: обратитеся ко мнЂ всЂмь сердцемь вашимь, постомь и плачемь, да еще сице створимъ, всЂхъ грЂхъ прощени будемъ. Но мы на злая възврашаемся, акы свинья валяющеся в калЂ грЂховнЂмь присно, и тако пребываемъ; да сего \77\ ради ка/л.126./зни приемлемъ всякыя от бога, и нахожение ратныхъ; по божию повелЂнию, грЂхъ ради нашихъ казнь приемлемъ.

В лЂто 6747 [1239]. Оженися князь Олександръ, сынъ Ярославль в НовЂгородЂ, поя в ПолотьскЂ у Брячьслава дчерь, и вЂнчася в Торопчи; ту кашю чини, а в НовЂгородЂ другую. Того же лЂта князь Александръ с новгородци сруби городци по ШелонЂ.

В лЂто 6748 [1240]. Придоша СвЂи в силЂ велицЂ, и Мурмане, и Сумь, и Ђмь в кораблихъ множьство много зЂло; СвЂи съ княземь и съ пискупы своими; и сташа в Не†устье Ижеры, хотяче всприяти Ладогу, просто же реку и Новъгородъ /л.126об./ и всю область Новгородьскую. Но еще преблагыи, премилостивыи человЂколюбець богъ ублюде ны и защити от иноплеменьникъ, яко всуе трудишася без божия повелЂния: приде бо вЂсть в Новъгородъ, яко СвЂи идуть къ ЛадозЂ. Князь же Олександръ не умедли ни мало с новгородци и с ладожаны приде на ня, и побЂди я силою святыя Софья и молитвами владычица нашея богородица и приснодЂвица Мария, мЂсяца июля въ 15, на память святого Кюрика и Улиты, в недЂлю на Сборъ святыхъ отець 630, иже в ХалкидонЂ; и ту бысть велика сЂча СвЂемъ. И ту убиенъ бысть воевода ихъ, именемь Спиридонъ; а инии творяху, яко и пискупъ убьенъ бысть ту же; и множество /л.127./ много ихъ паде; и накладше корабля два вятшихъ мужь, преже себе пустиша и к морю; а прокъ ихъ, ископавше яму, вметаша в ню бещисла; а инии мнози язвьни быша; и в ту нощь, не дождавше свЂта понедЂльника, посрамлени отъидоша.

 1 В КТ менши

 2 Буква у переделана из какой-то другой буквы.

Новгородець же ту паде: Костянтинъ Луготиниць, Гюрята Пинещиничь, НамЂстъ, Дрочило Нездыловъ сынъ кожевника, а всЂхъ 20 мужь с ладожаны, или мне 1, богь вЂстъ. Князь же Олександръ съ новгородци и с ладожаны придоша вси здрави въ своя си, схранени богомь и святою Софьею и молитвами всЂхъ святыхъ. Того же лЂта взяша НЂмци, медвЂжане, юрьевци, вельядци с княземь Яро/л.127об./славомь Володимиричемь Изборьско. И приде вЂсть въ Пльсковъ, яко взяша НЂмци Изборьскъ; и выидоша пльсковичи вси, и бишася с ними, и побЂдиша я НЂмци. Ту же убиша Гаврила Горислалича воеводу; а пльсковичь гоняче, много побиша, а инЂхъ руками изъимаша. И пригонивше подъ городъ, и зажгоша посадъ всь; и много зла бысть: и погорЂша церкы и честныя иконы и книгы и еуангелия 2; и много селъ попустиша около Пльскова. И стояша подъ городомь недЂлю, но города не взяша; но дЂти поимаша у добрыхъ мужь в тали, и отъидоша проче; и тако быша безъ мира: бяху бо перевЂтъ держаче с НЂмци пльсковичи, и подъвели ихъ Тве/л.128./рдило Иванковичь съ инЂми, и самъ поча владЂти Пльсковомь с НЂмци, воюя села новгородьская; а инии пльсковичи вбЂжаша в Новъгородъ с женами \78\ и с дЂтьми. В то же лЂто, тои же зимы выиде князь Олександръ из Новагорода къ отцю в Переяславль съ матерью и с женою и со всЂмь дворомь своимь, роспрЂвъся с новгородци. Тои же зимы придоша НЂмци на Водь с Чюдью, и повоеваша и дань на нихъ възложиша, а городъ учиниша в Копорьи погостЂ. И не то бысть зло, но и Тесовъ взяша, и за 30 верстъ до Новагорода ганяшася, гость биюче; а сЂмо Лугу и до Сабля. Новгородци же послаша къ Ярославу по князя, и дасть имъ сына своего АндрЂя. Тогда же сдума/л.128об./вше новгородци, послаша владыку с мужи опять по Олександра; а на волость Новгородьскую наидоша Литва, НЂмци, Чюдь, и поимаща по ЛугЂ вси кони и скотъ, и нелзЂ бяше орати по селомъ и нЂчимь, олна вда Ярославъ сына своего Александра опять.

В лЂто 6749 [1241]. Приде Олександръ князь в Новъгородъ, и ради быша новгородци. Того же лЂта поиде князь Олександръ на НЂмци на городъ Копорью, с новгородци и с ладожаны и с КорЂлою и съ Ижеряны, и взя городъ, а НЂмци приведе в Новъгородъ, а инЂхъ пусти по своеи воли; а Вожанъ и Чюдцю перевЂтникы извЂша.

 І Внизу на полях другим почерком и чернилами богъ намъ п

В лЂто 6750 [1242]. Поиде князь Олександръ с новгородци и с братомь АндрЂемь и с низовци на Чю/л.129./дьскую землю на НЂмци и зая вси пути и до Пльскова; и изгони князь Пльсковъ, изъима НЂмци и Чюдь, и сковавъ поточи в Новъгородъ, а самъ поиде на Чюдь. И яко быша на земли, пусти полкъ всь в зажития; а Домашь Твердиславичь и Кербетъ быша в розгонЂ, и усрЂтоша я НЂмци и Чюдь у моста, и бишася ту; и убиша ту Домаша, брата посаднича, мужа честна, и инЂхъ с нимь избиша, а инЂхъ руками изъимаша, а инии къ князю прибЂгоша в полкъ, князь же въспятися на озеро, НЂмци же и Чюдь поидоша по нихъ. УзрЂвъ же князь Олександръ и новгородци, поставиша полкъ на Чюдьскомь озерЂ 1, на /л.129об./ Узмени, у ВоронЂя камени; и наЂхаша на полкъ НЂмци и Чюдь и прошибошася свиньею сквозЂ полкъ, и бысть сЂча ту велика НЂмцемь и Чюди. Богъ же и святая Софья и святою мученику Бориса и ГлЂба, еюже ради новгородци кровь свою прольяша, тЂхъ святыхъ великыми молитвами пособи богъ князю Александру; а НЂмци ту падоша, а Чюдь даша плеща; и, гоняче, биша ихъ на 7-ми верстъ по леду до Суболичьскаго берега; и паде Чюди бещисла, а НЂмець 400, а 50 руками яша и приведоша в Новъгородъ. А бишася мЂсяца априля въ 5, на память святого мученика Клавдия, на похвалу святыя Богородица, в суботу. Того же лЂта НЂмци прислаша с поклономь: «безъ князя что есмы зашли /л.130./ Водь, Лугу, Пльсковъ, Лотыголу мечемь, того ся всего отступаемъ; а что есмы изъимали мужии вашихъ, а тЂми ся розмЂнимъ: мы ваши пустимъ, а вы наши пустите»; и таль \79\ пльсковьскую пустиша и умиришася. Того же лЂта князь Ярославъ Всеволодичь позванъ цесаремь татарьскымь Батыемь, иде к нему въ Орду.

 1 После слова Спаса было что-то написано теми же чернилами и крестом зачеркнуто другими чернилами.

В лЂто 6751 [1243]. Преставися рабъ божии Варламъ, а мирьскы Вячеславъ Прокшиничь, на ХутинЂ у святого Спаса 1, мЂсяца маия въ 4; а погребенъ бысть заутра, въ 5, на память святыя Ирины, архиепископомь Спиридономь и игуменомь Сидоромь, при князи АлександрЂ. Того же мЂсяца въ 18, на память святого мученика Александра, явися знаменье /л.130об./ въ Пльско†у святого Иоана в манастыри, от иконы святого Спаса надъ гробомь княгыниномь ЯрославлеЂ Володимирича, юже уби свои пасынокъ в МедвЂжи головЂ: иде мюро от иконы по 12 днии, наиде 4 вощаници яко въ стькляницю; и привезоша в Новъгородъ д†на благословение, а въ Пльско†оставиша д†собЂ. Но, господи, слава тобЂ, давыи намъ недостоинымъ и грЂшнымъ рабомъ своимъ таково благословение; на тя уповаемъ, господи вседержателю, яко призираеши на нас убогыхъ своею многою милостью, человЂколюбче. Того же лЂта, мЂсяца августа въ 16 преставися рабъ божии Стефанъ, посадникъ новгородьскыи, Твердиславичь, внукъ Михалковъ, в недЂлю, въ 1 час ночи, /л.131./ на память святою Павла и Ульяны, въ притворЂ святыя Софья, идеже Аркадии и Мартурии архиепископа лежита; посадничавъ 13 лЂт безъ 3 мЂсяць.

В лЂто 6752 [1244]. Преставися княгыни Ярославляя, постригшися у святого Георгия в манастыри; ту же и положена бысть, сторонь сына своего Федора, мЂсяца маия въ 4, на память святыя Ирины; наречено бысть имя еи Ефросинья.

В лЂто 6753 [1245]. Воеваша Литва около Торжку и БЂжици; и гнашася по нихъ новоторжци съ княземь Ярославомь Володимиричемь и бишася с ними; и отъяша у новоторжцевъ кони, и самЂхъ биша, и поидоша с полономь проче. Погониша по нихъ Явидъ и Ербетъ со тфЂричи и дмитровци, и Яросла/л.131об./въ с новоторжьци; и биша я подъ Торопчемь, и княжици ихъ въбЂгоша в Торопечь. Заутра приспЂ Александръ с новгородци, и отяша полонъ всь, а княжиць исЂче или боле 8. И оттолЂ новгородци въспятиша; а князь погонися по нихъ съ своимь дворомь, и би я подъ Зижьчемь, и не упусти ихъ ни мужа, и ту изби избытокъ княжичь; а самъ поима сына своего из Витебьска, поЂха в малЂ дружинЂ, и срЂте иную рать у Въсвята; и ту ему богъ поможе, и тЂхъ изби, а самъ приде сдравъ и дружина его.

В лЂто 6754 [1246]. ПоЂха князь Олександръ в Татары.

В лЂто 6755 [1247]. Преставися рабъ божии Костянтинъ Вячеслаличь, а чернечьское имя Анкюдинъ; и положенъ бысть честно у /л.132./ святого \80\ Спаса на ХутинЂ.

ЛЂта 6756 [1248].

В лЂто 6757 [1249]. Преставися архиепископъ новгородьскыи Спиридонъ, и положенъ бысть честно въ святои Софьи.

В лЂто 6758 [1250]. ПриЂха князь Олександръ изъ Орды, и бысть радость велика в НовЂгородЂ.

В лЂто 6759 [1251]. ПриЂха Кюрилъ митрополитъ в Новъгородъ и ростовьскыи епископъ, Кюрилъ же именемь, и поставиша архиепископа новгородьского Далмата. Того же лЂта наидоша дъждеве и поимаша вси рли и обилия и сЂна, и мостъ снесе вода на Волхо†великыи; и на осень би морозъ обилье, но останокъ избыися. Господу бо богу попущающю за грЂхы наша ово гладъ, ово рать и ины всякыя казни; но, о милосердие его великое, и терпить о насъ, ожидая пока/л.132об./яния, якоже самъ реклъ есть: не хощю смерти грЂшнику, но обращения животу его; и оставляеть намъ останкы на оживление наше.

В лЂто 6760 [1252]. ПогорЂ Славно от святого Ильи до Нутнои улици.

 1 Между буквами п и с в листе небольшое отверстие, существовавшее до того, как был написан текст.

 2 В листе небольшая прорезь и следы подшивки.

В лЂто 6761 [1253]. Воеваша Литва волость Новгородьскую, и поимаша с полономь, и угониша ихъ новгородци с княземь Васильемь у Торопча; и тако мьсти имъ кровь христьяньская, и побЂдиша я, и полонъ отьимаша и придоша в Новъгородъ здрави. Того же лЂта придоша НЂмци подъ Пльсковъ и пожгоша посадъ, но самЂхъ много ихъ пльсковичи биша. И поидоша новгородци полкомь к нимъ из Новагорода, и они побЂгоша проче. И пришедше новгородци в Новъгородъ, /л.133./ и покрутившеся идоша за Нарову, и створиша волость 1 ихъ пусту; и КорЂла такоже много зла створиша волости ихъ. Того же лЂта идоша съ пльсковичи воеватъ ихъ, и они противу ихъ поставиша полкъ, и побЂдиша я пльсковичи силою креста честнаго: сами бо на себе почали оканьнии преступници правды; и прислаша въ Пльсковъ и в Новъгородъ, хотяще мира на всеи воли новгородьскои и на пльсковьскои; и тако умиришася. Того же лЂта, на зиму, выбЂже князь Ярославъ Ярославичь из НизовьскоЂ земли, и посадиша его въ ПльсковЂ.

В лЂто 6762 [1254]. Добро бяше христьяномъ.

В лЂто 6763 [1255]. Выведоша новгородьци изъ Пльскова 2 Ярослава Ярославича /л.133об./ и посадиша его на столЂ, а Василья выгнаша вонъ. И то слышавъ Олександръ, отець Васильевъ, поиде ратью к Новугороду. Идущю Олександру съ многыми полкы и с новоторжьци, срЂте и Ратишка с перевЂтомь: «поступаи, княже, брат твои Ярославъ побЂглъ». И поставиша новгородци полкъ за Рожествомь христовомь в конци; а что пЂшца, а ти сташа от святого Ильи противу Городища. И рекоша меншии у святого Николы \81\ на вЂчи: «братье, ци како речеть князь: выдаите мои ворогы»; и цЂловаша святую Богородицю меншии, како стати всЂмъ, любо животъ, любо смерть за правду новгородьскую, за свою отчину. И бысть въ вятшихъ свЂтъ золъ, како побЂти меншии, а князя въвести на своеи воли. /л.134./ И побЂжа Михалко из города къ святому Георгию, како было ему своимь полкомь уразити нашю сторону и измясти люди. УвЂдавъ Онанья, хотя ему добра, посла по немь втаинЂ Якуна; и увЂдавше черныи люди, погнаша по немь, и хотЂша на дворъ его, и не да Онанья: «братье, аже того убиете, убиите мене переже»; не вЂдяше бо, аже о немь мысль злу свЂщаша самого яти, а посадничьство дати Михалку. И присла князь Бориса на вЂче: «выдаите ми Онанью посадника; или не выдадите, язъ вамъ не князь, иду на городъ ратью». И послаша новгородци къ князю владыку и Клима тысяцьского: «поЂди, княже, на свои столъ, а злодЂевъ не слушаи, а Онаньи гнЂва от/л.134об./даи и всЂм мужемъ новгородьскымъ». И не послуша князь молбы владычни и Климовы. И рекоша новгородци: «аже, братье, князь нашь тако сдумалъ с нашими крестопереступникы, оно имъ богъ и святая Софья, а князь безъ грЂха». И стоя всь полкъ по 3 дни за свою правду; и въ 4-и день присла князь, река тако: «аже Онанья лишится посадничьства, язъ вамъ гнЂва отдамь». И лишися посадничьства Онанья, и взяша миръ на всеи воли новгородскои. И поиде князь в город, и срЂте и архиепископъ Далматъ со всЂмъ иерЂискымь чиномь, съ кресты, у Прикуповичь двора; и вси радости исполнишася, а злодЂи омрачишася: зане христьяномъ радость, а дьяволу пагуба, яко не бысть /л.135./ христьяномъ кровопролития велика. И сЂде князь Олександръ на своемь столЂ. В лЂто то же даша посадничьство Михалку Степановичю.

В лЂто 6764 [1256]. Придоша СвЂи, и Ђмь, и Сумь, и Дидманъ съ своею волостью и множьство и начаша чинити городъ на НаровЂ. Тогда же не бяше князя в НовЂгородЂ, и послаша новгородци в Низъ къ князю по полкы, а сами по своеи волости рослаша. Они же оканьнии, услы. шавше, побЂгоша за море. В то же лЂто, на зиму, приЂха князь Олександръ, и митрополитъ с нимь; и поиде князь на путь, и митрополитъ с нимь; и новгородци не вЂдяху, кдЂ князь идеть; друзии творяху, яко на Чюдь идеть. Идоша до Копорьи, /л.135об./ и поиде Александръ на Ђмь, а митрополитъ поиде в Новъгородъ, а инии мнози новгородци въспяти. шася от Копорьи. И поиде съ своими полкы князь и с новгородци; и бысть золъ путь, акыже не видали ни дни, ни ночи; и многымъ шестникомъ бысть пагуба, а новгородцевъ богъ сблюде. И приде на землю Ђмьскую, овыхъ избиша, а другыхъ изъимаша; и придоша новгородци с княземь Олександромь вси здорови. Тогда же князь поиде в Низъ, поима послы новгородьскыи ЕлеуфЂрья и Михаила Пинищинича, а сына своего Василья посади на столЂ. \82\

В лЂто 6765 [1257]. Приде вЂсть изъ Руси зла, яко хотять Татарове тамгы и десятины /л.136./ на НовЂгородЂ; и смятошася люди чересъ все лЂто. И къ госпожину дни умре Онанья посадникъ, а на зиму убиша Михалка посадника новгородци. Аще бы кто добро другу чинилъ, то добро бы было; а копая подъ другомь яму, сам ся в ню въвалить. Тои же зимы приЂхаша послы татарьскыи съ Олександромь, а Василии побЂже въ Пльсковъ; и почаша просити послы десятины, тамгы, и не яшася новгородьци по то, даша дары цесареви, и отпустиша я с миромь; а князь Олександръ выгна сына своего изъ Пльскова и посла в Низъ, а Александра и дружину его казни: овому носа урЂзаша, а иному очи выимаша, кто Василья на зло повелъ; всякъ бо злыи злЂ да погыбнеть. /л.136об./ Тои же зимы убиша Мишю. Тои же зимы даша посадничьство Михаилу Федоровичю, выведше из Ладогы; а тысячьское Жироху даша.

 1 Вероятно, описка; в К новоторжьци

В лЂто 6766 [1258]. Придоша Литва с Полочаны къ Смоленьску и взяша, Воищину на щитъ. Тои же осени приходиша Литва к Торжьку, и высушася Новоторжьку 1; и по грЂхомъ нашимъ повергоша Литва подъсаду: овыхъ избиша, а инЂхъ руками изъимаша, а инии одва убЂжаша, и много зла бысть въ Торжьку. Тои же зимы взяша Татарове всю землю Литовьскую, а самЂхъ избиша.

В лЂто 6767 [1259]. Бысть знамение в лунЂ, яко ни знамения не бысть.. Тои же зимы приЂха Михаило Пинещиничь из Низу со лживымь посольствомь, /л.137./ река тако: «аже не иметеся по число, то уже полкы на Низовьскои земли»; и яшася новгородци по число. Тои же зимы приЂхаша оканьнии Татарове сыроядци Беркаи и Касачикъ с женами своими,. и инЂхъ много; и бысть мятежь великъ в НовЂгородЂ, и по волости много зла учиниша, беруче туску оканьнымъ Татаромъ. И нача оканьныи боятися смерти, рече Олександру: «даи намъ сторожи, ать не избьють нас». И повелЂ князь стеречи их сыну посадничю и всЂмъ дЂтемъ боярьскымъ по ночемъ. И рЂша Татарове: «даите намъ число, или бЂжимъ проче»; и чернь не хотЂша дати числа, но рЂша: «умремъ, честно за святую Софью и за до/л.137об./мы ангельскыя». Тогда издвоишася люди: кто добрыхъ, тотъ по святои Софьи и по правои вЂрЂ; и створиша супоръ, вятшии велятся яти меншимъ ло числу. И хотЂ оканьныи побЂжати, гонимъ святымь духомь; и умыслиша свЂтъ золъ, како ударити на городъ на ону сторону, а друзии озеромь на сю сторону; и възъбрани имъ видимо сила христова, и не смЂша. И убоявшеся, почаша ся возити на одину сторону къ святои Софьи, рекуще: «положимъ главы своя у святои Софьи». И бысть заутра, съЂха князь с Городища, и оканьнии Татарове с нимь; и злыхъ свЂтомь яшася по число: творяху бо бояре собЂ легко, а меншимъ зло. И по/л.138./чаша Ђздити оканьнии по улицамъ, \83\ пишюче домы христьяньскыя: зане навелъ богъ за грЂхы наша ис пустыня звЂри дивияя ясти силныхъ плъти и пити кровь боярьскую; и отъЂхаша оканьнии, вземше число, а князь Олександръ поЂха послЂ, посадивъ сына своего Дмитрия на столЂ.

 1 После букв на ка в листе небольшое отверстие, существовавшее до того, как был написан текст.

Того же лЂта, на канунъ 1 Бориша дни, бысть мразъ великъ по волости; но господь не хотя мЂста сего святои Софьи оставити пуста, отврати ярость свою от нас и призрЂ окомь милосердия своего, кажа нас на покаяние; но мы грЂшнии акы пси обращаемъся на своя бльвотины, не помышляюще казни божия, яже на ны приходить за грЂхы наша. /л.138об./

В лЂто 6768 [1260]. Бысть тишина все лЂто.

В лЂто 6769 [1261]. Поби владыка новгородьскыи Далматъ святую Софью всю свинцемь. Того же лЂта мЂсяца ноября въ 8, на сборъ святог,о Михаила, сгорЂ церкы святого Василья, а дворовъ добрыхъ 30; а на заутрье на Славко†улици сгорЂ церкы святого Дмитрия, а дворовъ добрыхъ 50.

В лЂто 6770 [1262]. Срубиша новгородци городъ новъ, а с Литвою миръ взяша. Того же лЂта съгорЂ от грома церкы святого мученика Бориса и ГлЂба: горазда бо бяше и лЂпа. Того же лЂта, въ осенинЂ, идоша новгородци съ княземь Дмитриемь Александровичемь великымь полкомь подъ Юрьевъ; бяше тогда и Костянтинъ князь, зять Александровъ, и Ярославъ, брат Алекса/л.139./ндровъ, съ своими мужи, и Полотьскыи князь Товтивилъ, с ним полочанъ и Литвы 500, а новгородьского полку бещисла, толко богъ вЂсть. И бяше град твердъ Юрьевъ, въ 3 стЂны, и множьство людии в немь всякыхъ, и бяху пристроили собЂ брань на градЂ крЂпку; но честнаго креста сила и святои Софьи всегда низлагаеть неправду имЂющихъ: тако и сии град, ни во чтоже твердость та бысть, но помощью божиею одинымь приступлениемь взятъ бысть, и люди многы града того овы побиша, а другы изъимаша живы, а инии огнемь пожжени, и жены ихъ и дЂти; и взяша товара бещисла и полона; а мужа добра застрЂлиша с города, и Петра убиша Мя/л.139об./сниковича. И приде князь Дмитрии в Новъгородъ со всЂми новгородци съ многымь товаромь. Того же лЂта постави чернець Василии церковь святого Василия, а богъ его вЂсть, своимь ли или Борисовымь Гавшинича; но подаи, господи, имъ отдание грЂховъ, и Василии святыи. Того же лЂта поиде князь Олександръ в Татары, и удержа и Берка, не пустя в Русь; и зимова в ТатарЂхъ, и разболЂся.

В лЂто 6771 [1263]. Приде князь Олександръ ис Татаръ велми не здравя, въ осенинЂ, и приде на Городець, и пострижеся въ 14 мЂсяца ноября, на память святого апостола Филипа. Тои же ночи и преставися; и везоша \84\ и въ Володимирь, и положиша и въ манастыри у святои Богородици Рожества; /л.140./ и снемшеся епископи и игумени съ митрополитомь Кюриломь и со всЂмь ерЂискымь чиномь и с черноризци и со всЂми суждалци, пагребоша и честно мЂсяца того же въ 23, на святого Амфилохия, в пятох; даи, гослоди милостивыи, видЂти ему лице твое в будущии вЂкъ, иже потрудися за Новъгородъ и за всю Русьскую землю. Того же лЂта в Лит†бысть мятежь, богу попущьшю на нихъ гнЂвъ свои: въсташа сами на ся, и убиша князя велика Миндовга свои родици, свЂщавшеся отаи всЂхъ. Того же лЂта роспрЂвшеся убоици Миндовгови о товаръ его, убиша добра князя Полотьского Товтивила, а бояры полотьскыя исковаша, и просиша у полочанъ сына Товтиви/л.140об./лова убити же; и онъ вбЂжа в Новъгородъ с мужи своими. Тогда Литва посадиша свои князь в ПолотьскЂ; а полочанъ пустиша, которыхъ изъимали с княземь яхъ, а миръ взяша.

В лЂто 6772 [1264]. Выгнаша новгородци князя Дмитрия Александровича, сдумавше с посадникомь Михаиломь, зане князь еще малъ бяше; а по Ярослава послаша, по брата Александрова, во ТфЂрь сынъ посадничь и лучшии бояры.

 1 Буквы ваюш. едва заметны, частью восстанавливаются по догадке.  2 В листе трещина, существовавшая до того, как был написан текст, и следы падшавки: проколы.

В лЂто 6773 [1265]. Посадиша в НовЂгородЂ на столЂ князя Ярослава Ярославича мЂсяца генваря въ 27. Того же лЂта бысть мятеж великъ в Лит†божиемь попущениемь на нихъ: не тераяше бо господь богъ нашь зрЂти на нечестивыя и поганыя, видя ихъ проливающа 1 кровь христьяньскую /л.141./ акы воду, и ины расточены от них по чюжимъ землямъ; тогда господь въздасть имъ по дЂломъ ихъ. Бяше у Миндовга, князя литовьского, сынъ, имя ему Воишелгъ; того избра господь поборника по правои вЂрЂ: шедъ бо в гору Синаискую от отца своего и от рода своего и от поганыя вЂры своея, позна истиньную вЂру христьяньскую 2, и крестися во имя Отца и Сына и святого Духа, и научися святымъ книгамъ, и пострижеся въ мнишьскыи чинъ въ Святои горЂ; и пребывъ тамо 3 лЂта, поиде в землю свою къ отцю своему. Отець же поганъ сы, ласкаше его остатися вЂры христьяньскыя и чернечьства и прияти княжение свое; он же въоруженъ силою крестьною, не хотЂ и слышати ласкы отда своего, /л.141об./ ни прЂщения его не убояся, но ишедъ от отца, Сгради собЂ манастырь въ христьянехъ, и ту пребываше, славя святую Троицю, Отца и Сына и святого Духа. По убиении же отца своего, не хотящю ему сего створити, но богу попущьшю на нихъ, на поганую Литву, за христьяньскую кровь, вложи сему въ сердце, соимя съ себе ризу, обЂщася богу на 3 лЂта, како прияти риза своя, а устава \85\ мнишьскаго не остася; съвкупи около себе вои отца своего и приятели, помоливъся кресту честному, шедъ на поганую Литву, и побЂди я, и стоя на земли ихъ все лЂто. Тогда оканьнымъ възда господь по дЂломъ ихъ: всю бо землю ихъ оружиемь поплЂни, а по христьяньскои земли веселие бысть всюда. /л.142./ Тогда вбЂгоша въ Пльсковъ съ 300 Литвы с женами и с дЂтми, и крести я князь Святьславъ с попы пльсковьскыми и съ пльсковичи; а новгородци хотЂша ихъ исЂщи, но не выда ихъ князь Ярославъ и не избьени быша.










Попередня     Головна     Наступна




Шевченківські читання в cпільноті ua_kobzar:

Борис Грінченко:   Ми певні, що в українській літературі з’явиться ще багато діячів, рівних Шевченкові талантом, але не буде вже ні одного рівного йому своїм значенням у справі нашого національного відродження: будуть великі письменники, але не буде вже пророків. . . . )



Якщо помітили помилку набору на цiй сторiнцi, видiлiть її мишкою та натисніть Ctrl+Enter.