[Новгородская первая летопись старшего и младшего изводов. — М.-Л., 1950. — С. 442-454.]



Попередня     Головна     Наступна








лл. 19—20. 6495—6496 гг.



 1 Слова пославъ испытаи отъ нихъ коихъ написаны на месте каких-то соскобленных букв.

 2 В рукописи коихъждо. Так и в Р. Испр. по К.

Въ лЂто 6495 [987]. Созва Володимиръ боляры своя и старцы градския, и рече имъ: «се приидоша ко мнЂ Болгаре, рекуще: приими законъ нашъ; посемъ приидоша НЂмцы, и тЂ хваляху законъ свои; по сихъ приидоша Жидове; сии же Грецы послЂ приидоша, хуляще всЂхъ законы, свои же хваляще, и много глаголаше, сказующе отъ начала миру; /л.19об./ суть же хитро сказающе, и чудно слышати ихъ и любо комуждо; и другии свЂтъ повЂдаютъ быти: да аще кто вЂруетъ въ нашу вЂру, тои паки, умеръ, востанетъ, и не умирати имутъ вовЂки; аще ли въ инъ законъ ступите, то на ономъ свЂтЂ во огнЂ горЂти. Да что ума предасте, и что отвЂщаете». И рЂша боляре и старцы градстии: «княже, ты вЂси, яко своего никто же не хулитъ, но хвалитъ; аще ли хощеши гораздно испытати, то имаши у себе мужи; пославъ, испытаи 1 отъ нихъ когождо 2 службу, и кто како служитъ богу». И бысть люба рЂчь князю и всЂмъ людемъ; и избраша у себе мужи мудры, смысленны, числомъ десять, и рЂша имъ: «идите первое къ Болгаромъ, и испытаите вЂру ихъ и службу». Они же идоша; и пришедше, видЂша ихъ скверная дЂла \443\

 1 В рукописи отнюдъ. Испр. по Т.

 2 На полях написано 988

и кланение въ ропатЂ, и приидоша въ землю свою. И рече имъ Владимиръ: «идите паки къ НЂмцемъ и соглядаите такожде, и оттуду идите въ Греки». Они же приидоша въ НЂмцы, и соглядаша церковь и службу ихъ; и приидоша къ Царюграду и внидоша къ царю. Рече же царь: «испытаите, коея ради вины приидоша къ намъ». Они же, испытавше, повЂдаша вся бывшая. Сия слышавъ царь, радъ бысть и честь велику сотвори имъ въ тотъ день. Наутрия же посла къ патриарху, глаголя сице: «приидоша Русь пытати вЂры нашея; да пристрои церкви и крылосъ, и самъ причинися въ святительския ризы да видятъ службу бога нашего». И сия слышавъ патриархъ, повелЂ созвати крылосъ, и по обычаю сотвориша праздникъ, и кадила вожгоша и пЂния ликъ составиша. И иде царь съ ними въ церковь; и поставиша я на пространнЂ мЂстЂ, показующе имъ церковную красоту и пЂния и службы архиереиски и предстояние диаконъ, и сказающе служения бога своего. Они же вразумЂша бывшее, удивишася и похвалиша служение ихъ. Призваша же царь Василии и Константинъ, рекоша: «идите въ землю вашу»; и отпустиша я съ честию и съ дары великими. Они же приидоша въ землю свою. И созва князь /л.20./ боляры своя и старцы, и рече Володимиръ: «се, приидоша мужи, посланнии нами; да слышимъ отъ нихъ бывшее». И рече имъ: «скажите предъ дружиною». Они же рекоша, яко «приходихомъ первое къ Болгаромъ, смотрихомъ како кланяются въ ропатЂ, стояще безъ пояса, и поклонився, сядетъ и глядитъ сЂмо и овамо, аки бЂшенъ, и нЂсть веселия у нихъ, но печаль и смрадъ великъ, и нЂсть добро законъ ихъ. Приидохомъ же въ НЂмцы, и видЂхомъ во храмЂ ихъ службу творяща, а красоты не видЂхомъ никоея же. Приидохомъ же въ Греки, и введоша насъ, идЂже служатъ богу своему, и не свЂмы, на небеси ли или на земли есмы были; нЂсть бо вида того на земли или красоты тоя, недоумЂемъ бо сказати; то и вЂмы токмо, и отинудь 1 богъ съ человЂки пребываетъ; есть служба ихъ паче всЂхъ странъ. Мы не можемъ забыти красоты оныя; всякии бо человЂкъ, аще вкуситъ сладкого, послЂди горести не прииметъ: тако и мы не имамъ здЂ жити». И отвЂщавше же боляре, рекоша: «аще бы лихъ законъ греческии, то не бы баба твоя Ольга прияла его, яже бЂ мудрЂиши всЂхъ человЂкъ». ОтвЂщавъ же Володимиръ и рече: «то гдЂ крещение приимемъ». Они же рЂша: «гдЂ ти любо». И минувшу лЂту.

В лЂто 6496 2. [988] Иде Володимиръ съ вои на Корсунь, градъ греческии; затворишася корсуняне во градЂ. И ста Володимиръ об онъ полъ града въ ЛименЂ, вдале града единаго поприща; и боряхуся крЂпко граждане. \444\ И рече Володимиръ ко гражданомъ: «аще не вдастеся, имамъ стояти за три лЂта».




лл. 20 об. —21. 6496 г.


 1 Так и в Т. В К братья

 2 В рукописи глаголати. Так и в Р. Испр. по К.

И рече Володимиръ: «да пришедши крестятъ мя, и съ сестрою вашею единовЂрникъ хощу быти». И абие послушаста цари и посласта сестру свою и сановники нЂкии и пресвитеры. Она же не хотяше ити: яко «въ поганыя, рече, иду; лучши бы ми здЂ умрети». И рЂша еи брата 1: «егда како тобою обратитъ богъ Рускую землю на покаяние, а Греческую землю избавиши отъ лютыя работы; видЂши бо, колико зло сотвориша Русь Грекомъ; и нынЂ аще не идеши, тоже имутъ сотворити намъ»; и едва ю принудиша. Она же, всЂдши въ кубару, и цЂловавши ужики своя съ плачемъ, и поиде чрезъ моря. И яко прииде къ Корсуню, излЂзоша корсуняне съ поклономъ, и введоша ю во градъ, и въ полатЂ н> посадиша. По устроению же божию въ сие время абие разболЂстася у Владимира очи, и ничто же видяще, и тужаше вельми, и не домышляше, что сотворити. И посла къ нему царица, сице рекуще: «аще хощеши избыти болЂзни сея, то паки уже вскорЂ крестися; или не крестишися, то не имаши избыти сего». Се слышавъ Володимиръ, рече: «да аще се истина будетъ, то по истинЂ великъ /л.21./ богъ христианскии»; и повелЂ креститися. Епископъ корсунскии съ попы, огласивъ, крести и Володимира; яко возложи руку на нь, абие прозрЂ. ВидЂвъ же се Володимиръ незапное исцЂление, прослави бога, рекии: «то перво увидЂхъ бога истиннаго». Се же видЂвши дружина его, мнози крестишася. Крестися же въ церкви святаго Василиска; и есть церкви та стоящи в КорсунЂ на мЂстЂ посредЂ града, идЂже торгъ дЂютъ корсуняне; полата же Володимиря вскраи церкви стоитъ и до сего дне, а царицына за олтаремъ есть и до сего дне. По крещении же приведе царицу на брачение. Се же не вЂдуще право, глаголютъ 2, яко крестился есть въ КиевЂ, инии же рЂша въ ВасилЂвЂ, друзии же инако сказующе.




лл. 23—23 об. 6496 г.


И се рекъ, повелЂ рубити церкви и поставляти по мЂстомъ, идЂже стояше кумиры; и постави церковь святаго Василия на холмЂ, идЂже стояше кумиры Перунъ и прочии, идЂже требы творяху князь и людие. И начаша ставити по городомъ церкви и попы, и людие къ крещению приводя по всЂмъ градомъ и селомъ. И пословъ нача посылати о нарочиты чадЂ дЂти имати, даяти на учение книжное; матери же чадъ своихъ плакахуся по нихъ, еще бо не бяху утвердилися вЂрою, но аки по \445\ мертвецЂхъ плакахуся. Симъ бо дЂтемъ разданномъ суще на учение книгамъ, сбыстся пророчество на Рускои земли, глаголющее: «во оны дни услышатъ глусии словеса книжная, ясенъ будетъ языкъ гугнивыхъ». Яко не бЂ прежде слышали словесъ книжныхъ, но по божию строению и по милости своеи помиловавыи ихъ богъ, яко рече пророкъ: «помилую его же аще хощу, помилую»; помилова ны паки банею бытия и обновлениемъ духа; по изволению божию, а не по нашимъ дЂломъ. Благословенъ господь Иисусъ христосъ, иже возлюби новыя люди, Рускую землю просвЂти святымъ крещениемъ. Велии еси господи и чудна дЂла твоя, и величеству твоему нЂсть конца; въ родъ и родъ восхвалимъ дЂла твоя, рекуще /л.23об./ съ Давидомъ: приидите возрадуемся господеви, воскликнемъ богу спасу нашему, исповЂдающеся ему, яко благъ яко въ вЂкъ милость его; яко избавилъ ны есть отъ врагъ нашихъ, рекуще, отъ идолъ суетныхъ. Колико ти радости: ни единъ ни два спасается. Рече бо господь, яко «радость бываетъ о единомъ грЂшницЂ кающемся». Се же ни единъ, ни два, но безчисленное множество ко господу приступиша, святымъ крещениемъ просвЂщены. Яко же пророкъ рече: «воскроплю на вы воду чисту, и очиститеся отъ идолъ вашихъ и отъ грЂхъ вашихъ».



л. 39. 6641—6643 гг.


Въ лЂто 6641 [1133]. Бысть знамение въ солнцЂ предъ вечернею. Въ томъ же лЂтЂ, на зиму, иде Всеволодъ съ новгородцы на Чюдь и взя городъ Юрьевъ на память св. Никифора, февраля въ 9-и день.

 1 Буквы ся переделаны из каких-то других букв.

Въ лЂто 6642 [1134]. Почаша молвити о суздалстеи воинЂ новгородцы, и убиша мужи своя и свергоша съ моста въ субботу пянтикостную. Въ томъ же лЂтЂ ходи Всеволодъ съ новгородцы, хотя брата своего посадити въ СуздалЂ, и возвратишася на ДубнЂ назадъ, а Изяславъ тогда иде къ Киеву; и раздрася вся земля Руская. Въ томъ же лЂтЂ порубиша новгородцевъ за моремъ въ Дони. И паки въ то же лЂто, на зиму, иде Всеволодъ на Суздаль ратию, и вся Новгородская область, мЂсяца декабря въ 31 день; и восташа дние злии: мразъ, вьялица, страшно зЂло. И бишася на ЖданЂ горЂ, и многа зла сотворися 1: и убиша посадника новгородскаго Иванка, мужа храбра зЂло, и Петрила Микулича, и много добрыхъ мужъ, а суздаледъ болши; и сотворше миръ, и приидоша назадъ. И пустиша митрополита Киеву.

Въ лЂто 6643 [1135]. Ходи Мирославъ посадникъ изъ Новагорода мирити киянъ с черниговцы, и прииде, не успЂ ничто же: сильно бо взмяклася земля Руская. Ярополкъ зваше къ себЂ новгородецъ, а черниговскии \446\ къ себЂ; и бишася, и поможе богъ Ольговичю 1 съ черниговцы, и многи кияне изсЂче, а другия изымаша рукама, мЂсяца августа.



лл. 54 об. — 55, 6723-6724 гг.


 1 В рукописи ольговичь. Так и в Р. Испр. по К.

Того же лЂта князь Ярославъ ятъ Якуна Заболомича, а по Фому посла по Доброщинича, по новоторжскии посадники, и оба поточи на Тферь. Князь же Ярославъ сотвори вече на ЯрославлЂ дворЂ; и идоша на дворъ Якунъ и разграбиша и, и жену его яша; а Якунъ заутра иде съ посадникомъ къ князю, и князь повелЂ яти сына его Христофора. И тогда же убиша пруси Острата на сборъ, и сына его Луготу, и ввергоша и въ греблю мертва; князь же о томъ на новгородцы пожали. Того же лЂта поиде князь Ярославъ на Торжокъ, поимя съ собою Твердислава Михаиловича, Микифора, Полюда, Сбыслава, Симеона, Олексу, и много боляръ, и одаривъ, присла въ Новъгородъ, а самъ сЂде на Торжку. Тои же осени много зла сотворися: поби мразъ обилие по волостемъ, а на Торжку все цЂло бысть. И зая князь рожь на Торжку, не пусти въ городъ ни воза; и послаша по князя Семена Борисовича, Вячеслава Климятинича, Зубца Якуна, и тЂхъ прия, и кого послаше и князь прия. А въ НовЂгородЂ зло бысть вельми: кадь ржи купляху по 10 гривенъ, и овса по 3 гривны, а рЂпы возъ по 2 гривны; ядяху люди соснову кору и листъ липовъ и инии мохъ. О, горе тогда, братие, бяше, дЂти своя даяху одерень; и поставиша скудельницу, и наметаше полну. О, горе бяше, по торгу трупие и по улицамъ трупие, и не можаху псы изъядати человЂкъ, но и по полю лежаху; а Вожане помроша, а останокъ ихъ разыдошася; и тако, по грЂхомъ нашимъ, разыдеся власть наша и градъ нашъ. Новгородцы же, останокъ живыхъ, послаша Юрья Иванковича посадника, Степана Твердиславича и иныхъ мужеи по князя, и тЂхъ прияша; а въ Новгородъ приславъ Ивора Чапоноса, и выведе княгиню свою къ себЂ, дщерь Мстиславлю; и потомъ послаша Мануилу Яглечевича съ послЂднею рЂчию: «поиде въ свою отчину къ святЂи Софии; или не идешъ, а нашъ, княже, повержеши ны». Ярославъ же и тЂхъ не пусти, а гости новгородскии вся прия; и бысть въ НовЂгородЂ печаль и вопль. /л.55./ Тогда же услышавъ Мстиславъ Мстиславичь зло ето, поиде въ Новъгородъ мЂсяца февраля въ 11-и день, и изыма Хота Григориевича, намЂстника Ярославля, и вся дворяне искова; и пришедъ на Ярославль дворъ; и цЂлова честныи крестъ, а новгородцы къ нему, яко съ нимъ въ живогь и въ смерть: «любо изыщутъ мужи новгородстии волости, паки ли свою голову положу за Новъгородъ». Ярославу же бысть вЂсть на Торжекъ, и изгониша твердь, а пути отъ Новагорода засЂкоша, и \447\ рЂку Тверцу; а въ Новъгородъ посла 100 мужъ новгородцевъ Мстислава провадити изъ Новагорода; и не яшася по то, но вси быша единодушно, и 100-то мужъ. И посла князь Мстиславъ съ новгородцы къ Ярославу въ Торжекъ попа Юрья св. Иоанна съ Торговища, и свои мужи пусти: «сыну, кланяюся ти; мужи мои и гости пусти, а самъ съ Торжку поиди, а со мною любовь возми». Князь же Ярославъ того не учини и не улюби, пусти попъ безъ мира, а новгородцы созва на поле, вси мужи и гостебницы изымавше, и искова и вся, посла по своимъ городомъ, а товаръ ихъ раздая и кони; а бяше всЂхъ новгородцевъ 2000. И прииде вЂсть въ Новъгородъ; бяше же новгородцевъ мало: а меншии они разыдошася, а иные помре гладомъ. Князь же Мстиславъ сотвори вече на ЯрославлЂ дворЂ и рече: «поидемъ, поищемъ мужеи своихъ, а вашеи братии, и волостеи своихъ; да не будетъ Новыи торгъ надъ Новымъгородомъ, ни Новъгородъ подъ Торжкомъ; но гдЂ святая София, ту и Новъгородъ; а во мнозЂ богъ, и въ малЂ богъ и правда.

 1 На полях написано 1216

Въ лЂто 6724 1. [1216] МЂсяца марта въ 1-и день поиде князь Мстиславъ на зятя своего на Ярослава съ новгородцы, а къ Ярославу побЂгоша преступницы кресту: цЂловали бо бяху крестъ честныи къ Мстиславу, со всЂми новгородцы, всЂмъ единако быти.



лл. 67 об. — 71. 6748—6753 гг.


Яко же древле царица Южская приходи къ Соломону, хотя слышати премудрость его; такоже сии, именемъ АндрЂяшъ, видЂвъ князя Александра, и къ своимъ возвратися и рече: «проидохъ страны и языки, не видЂхъ таковаго ни въ царЂхъ царя, ни въ князЂхъ князя». Се же слышавъ король части Римския, отъ полунощныя страны, таковое мужество князя Александра, и помысли въ себЂ: «поиду, рече, пленю землю Александрову». И собра паки силу велику, СвЂя съ княземъ и съ пискупы своими, и Мурмане и Сумъ и Ђмь, и наполни корабли многи зЂло полковъ своихъ, и подвижися въ силЂ велицЂ, пыхая духомъ ратнымъ, и прииде въ рЂку въ Неву, и сташа усть Ижеры, шатаяся своимъ безумиемъ, хотяще восприяти Ладогу и Новъгородъ и всю область Новгородскую. /л.68./ И посла послы, загордЂвся, къ князю Александру въ Новгородъ, тако рекъ ему: «аще можеши противитися, то се уже есмъ здЂ, и пленю землю твою». Александръ же слышавъ словеса ихъ, разгорЂся сердцемъ, и вшедше въ церковь святыя Софии, падши на колЂну предъ олтаремъ, нача молитися со слезами: «боже хвальныи и праведныи, боже великии и крЂпкии, боже превЂчныи, сотворивыи небо и землю, и постави предЂлы языкомъ, и повелЂвыи жити, не преступая въ чюжую часть»; \448\ но восприимъ псаломскую пЂснь, и рече: «суди, господи, обидящимъ мя и побори борющияся со мною, приими оружие и щитъ, стани въ помощь мнЂ». И скончавъ молитву и воставъ поклонися архиепископу; архиепископъ же Спиридонъ благослови его и отпусти. Онъ же, исходя изъ церкви, утирая слезы, и нача укрЂпляти дружину свою, и рече: «не въ силахъ богъ, но въ правдЂ, помянемъ пЂснословца Давида; сии во оружии, и сии на конЂхъ, мы же во имя господа бога нашего призовемъ; тии спяти быша и падоша». И иде на нихъ въ малЂ дружинЂ, не сождався бо со множествомъ силы своея, но уповая на святую Троицу. Жалостно слышати, яко отецъ его Ярославъ честныи и великии не бЂ вЂдалъ та;<оваго востания сына своего, честнЂишаго и драгаго Александра; ни оному бысть послати когда вЂсти къ отцу своему, уже бо приспЂша ратнии; тЂмъ же паки многи новгородцы не совокупилися бяху, понеже ускори поити князь. И прииде на ня въ недЂлю на соборъ святыхъ отецъ 630, иже въ ХалкидонЂ, на память святыхъ мученикъ Кирика и Улиты, и святаго князя Володимира, крестившаго Рускую землю, имЂя велику вЂру ко святымъ мученикомъ къ Борису и ГлЂбу. И въ тое время бЂ нЂкто мужъ старЂишина въ земли Иж,ерскои, именемъ Пелгусии, поручена же бЂ ему стража морская; восприятъ же святое крещение, и живяше посредЂ рода своего, погана суща, и наречено бысть имя его во святомъ крещении Филипъ. Живяше бого/л.68об./угодно, въ среду и въ пятокъ пребывая во алчбЂ, тЂмъ же сподоби его богъ видЂнию страшну. Скажемъ вкратцЂ: увЂдавъ силу ратныхъ, иде противъ князя Александра, да скажетъ ему станы: обрЂте бо ихъ. Стоящу же ему при краи моря, стрегущу обою пути, и пребысть всю нощь во бдЂнии; якоже нача восходити солнце, и услыша шумъ страшенъ по морю, и видЂ носадъ единъ гребущь; посредЂ же стояща Бориса и ГлЂба въ одеждахъ червленыхъ, и бЂста руки держаща на рамЂхъ кождо коему, грЂбцы же сЂдяху аки молнию одЂяни. Рече же Борисъ къ брату своему ГлЂбу: «абие вели грЂсти спЂшно, да поможемъ сроднику своему Александрови на невЂрныя языки». ВидЂвъ же Пелгусии таковое видЂние и слышавъ таковыи дивныи и грозныи гласъ отъ святыхъ мученикъ Бориса и ГлЂба, мнЂ же паки стоящу трепетну, и велии страхъ обдержаше мя, дондеже носадъ отъиде отъ очию его. Потомъ же паки поидоша скоро Александръ князь; онъ же видЂвъ его радостныма очима, исповЂда ему единому, якоже видЂ и слыша. Князь же глагола ему: «сего не рцы никому же». ОттолЂ потщася находити на ня въ 6 часъ дни; и бысть сЂча велика надъ Римляны: изби множество безчисленно ихъ, и самому королеви возложи печать на лице острымъ своимъ копиемъ. Къ тому же здЂ паки явишася въ полку Александро†6 мужъ храбрыхъ, и мужествоваша съ нимъ крЂпко.

 1 Так и в Т. В К по дскЂ

 2 Текст испорчен. В Т бЂяше. В К нь сице дЂтии поимаша

Первыи именемъ Олексичь Гавриилъ; сеи наскочивъ на шнеку и видЂ королевича, мчаща подъ руку, и исшедъ \449\ на коня подъ 1 доски до самого корабля, по неи же схождаху, и втекоша предъ нимъ въ корабль, и они паки обратився, и свергоша его съ конемъ съ доски въ море, божиею же силою отъ тЂхъ изыде неврежденъ, и въ другии паки наскочи на нихъ, и бися крЂпко съ самимъ воеводою посредЂ полку ихъ; и ту убиенъ бысть воевода ихъ Спиридонъ, и пискулъ ихъ такоже убиенъ. Другии же новгородецъ, именемъ Сбыславъ Якуновичъ, сии, наЂхавъ, многажды бияшеся единЂмъ топоромъ, не имущи бо страха въ сердцы, и паде нЂколико отъ руки его, и подивишася силЂ его и храбрости. Третии же Яковъ полочанинъ, ловчии бЂ у князя сии, наЂхавъ на полкъ съ /л.69./ мечемъ, и вельми мужествовавъ, и похвали его князь. Четвертыи новгородецъ, именемъ Миша, сии пЂшъ съ дружиною своею натече, и погуби 3 корабля римлянъ. Пятыи отъ молодыхъ его, именемъ СавасЂи, сии наЂхавъ шатеръ великии златоверхии и подсЂче столпъ шатерныи, и полцы Александровы видЂша падение шатра и возрадовашася. Шестыи отъ слугъ его, именемъ Ратмиръ, сии бися пЂшъ, и оступиша его мнози; онъ же отъ многихъ ранъ паде, и тако скончася. Сия же вся слышавъ отъ господина своего Александра и отъ иныхъ, иже въ то время обрЂтошася въ тои сЂчЂ. Бысть же въ то время чюдо дивно, яко въ древняя дни при Езикии царЂ, егда прииде Сенахиримъ царь Асириискии на Иерусалимъ, хотя плЂнити святыи градъ, и внезапу изыде ангелъ господень и изби отъ полка Асирииска 185 тысящъ, и заутра восташа, обрЂтоша мертва трупия; такоже бысть при побЂдЂ АлександровЂ, егда побЂди корабли об онъ полъ рЂки Ижеры: идЂже не бЂ проходно полку Александрову, здЂ обрЂтошася многое множество избиенныхъ отъ ангелъ божиихъ, останокъ же побЂже, а мертвыхъ трупие, останокъ своихъ вящшихъ мужъ накладше корабли 3, и потопишася на мори, а прочимъ ископавше ямы, и вметаша ихъ безчисленно, а инии мнозиязвлени быша; новгородцевъ же ту паде всЂхъ 20 мужъ и съ ладожаны, или менши, богъ вЂсто. Князь же Александръ съ новгородцы приидоша вси здравы во свояси, сохранены быша богомъ и святою Софиею. Того же лЂта взяша НЂмцы медвЂжане, юрьевцы, вельядцы съ княземъ Ярославомъ Володимиричемъ Изборскъ. И прииде вЂсть въ Плесковъ, яко взяша НЂмцы Изборскъ, и выидоша плесховичи вси и до души; и бишася съ ними, и побЂдиша я НЂмцы. Туто же убиша Гаврилу Гориславича воеводу и плесковичь, гонящеся много побиша, а иныхъ рукама изымаша, и пригонивши подъ городъ и зажгоша посадъ весь, и много селъ потравиша около Плескова. И стояша подъ городомъ недЂлю, но города не взяша; но толико бЂжаше 2 дЂти поимаше у добрыхъ мужъ въ таль, и абие прочь отъидоша. И тако \450\ быша безъ мира; сии бо плесковичи /л.69об./ перевЂтъ держаще съ НЂмцы, и подвелъ ихъ бяше Твердила Ивановичь съ иными, и самъ поча владЂти Плесковымъ съ НЂмцы, воюя села новгородская; а инии плесковичи вбЂгоша въ Новъгородъ съ женами и съ дЂтьми. Того же лЂта, на зиму, выиде князь Александръ изъ Новагорода къ отцу Переяславлю съ матерью и съ женою и со всемъ дворомъ своимъ, распрЂвся съ новгогодцы. Тои же зимы приидоша НЂмцы на Водь с Чюдью, и повоеваша и дань на нихъ возложиша, а городъ учиниша въ Копорье погостЂ, И не то бысть зло, но и Тесово взяша, и гоняхуся за 30 верстъ до Новагорода, гостеи биюще; а сЂмо Лугу и до Сабля. Новгородцы же послаша къ Ярославу по князя, и дастъ имъ сына своего АндрЂя. Тогда же сдумавше новгородцы, послаша владыку съ мужи опять по Александра; а на волость Новгородскую наидоша Литва, НЂмцы, Чюдь и поима по Луги вси кони и скотъ, и нЂлзЂ бяше орати по селомъ, зане же конеи не бяше, и дастъ Ярославъ сына своего Александра опять.

Въ лЂто 6749 [1241]. Прииде Александръ князь въ Новъгородъ, и рады быша новгородцы. Того же лЂта поиде князь Александръ на НЂмцы на городъ Копорье, съ новгородцы и съ ладожаны и съ КорЂлою и со Ижеряны, и взя городъ, а НЂмцы приведе въ Новъгородъ, а иныхъ пусти по своеи воли; а Вожанъ и Чюдь перевЂтниковъ извЂша.

 1 На полях написано 1242

 2 В рукописи зажатия. Так и в Р. Испр. по Т.

Въ лЂто 6750 1 [1242]. Поиде князь Александръ съ новгородцы и съ братомъ АндрЂемъ и съ низовцы на Чюдскую землю на НЂмцы въ зимЂ, въ силЂ велицЂ, да не похвалятся, рекуще: «укоримъ словенскои языкъ ниже себе»; уже бо бяше Псковъ взятъ, и тиуни ихъ посажени. И князь Александръ зая вси пути до Пскова, и изгони князь Псковъ, и изымавъ НЂмцовъ и Чюдь, и, исковавъ их, поточи въ Новъгородъ, а самъ поиде на Чюдь. И яко быша на земли, пусти полкъ весь въ зажитиа 2; а Домашъ Твердиславичь и Кербетъ быша въ розгонЂ, и убиша ту Домаша, брата посаднича, и иныхъ съ нимъ убиша, а иныхъ рукама поимаша, а друзии къ князю прибЂгоша въ полкъ. Князь же возвратися на озеро; НЂмцы же /л.70./ и Чюдь поидоша по нихъ. УзрЂвъ же князь Александръ и новгородцы, поставиша полкъ на Чюдскомъ озерЂ, на УзменЂ, у Воронья камени; и наступиша озеро Чюдское: бяше бо обоихъ множество. Бяше бо у Александра князеи множество храбрых; яко же древле у Давида царя сильни крЂпци; такоже мужи Александровы исполнишася духа ратна, и бяху убо сердца имъ аки львомъ; и рекоша: «о, княже нашъ честныи и драгии, нынЂ приспЂ время положити главы своя за тя». Князь же Александръ, воздЂвъ руцЂ на небо, и рече: «суди, боже, и разсуди прю мою отъ языка велерЂчна. Помози ми, господи, \451\ яко же древле Моисеови на Амалика и прадЂду моему Ярославу на окаяннаго Святополка». БЂ бо тогда день суботныи, и восходящу солнцу; и наЂха полкъ НЂмцы и Чюдь, и прошибошася свиньею сквозЂ полкъ, и бысть ту сЂча велика НЂмцамъ и Чюди, трескъ отъ копеиного ломления и звукъ отъ мечнаго сЂчения. Яко и морю померзшу двигнутися и не бЂ видЂти льду; покрыло бо бЂ все кровию. Се же слышахъ отъ самовидца, и рече ми, яко видЂхъ полкъ божии на воздусЂ пришедшии на помощь Александрови. И побЂди я помощию божиею и святыя Софии и святыхъ мученикъ Бориса и ГлЂба, еюже ради древле крови пролияша; и НЂмцы ту падоша, а Чюдь даша плещи; и гонящися били на 7 верстъ по льду до Соболического берега; и паде Чюди безъ числа, а НЂмцовъ 500, а иныхъ 50 рукама яша и приведоша въ Новъгородъ. А бишася апрЂля въ 5, на похвалу святыя Богородицы, въ суботу. ЗдЂ же прослави богъ Александра предъ всЂми полки, яко Иисуса Навина у Ерихона. Они же рекли: «имемъ Александра руками»; и сихъ дастъ ему богъ въ руцЂ его, и необрЂтеся противникъ ему въ брани никогда же. Возвратився же Александръ со славною побЂдою: бяше бо полона множество въ полку его, и ведяху ихъ подлЂ кони, иже именуются божии ритори. Яко приближишася ко граду Пскову князь Александръ, абие срЂтоста ихъ /л.70об./ со кресты игумены и попове въ ризахъ, и народъ многъ предъ градомъ, и поюще славу своему господину князю Александру: «пособивыи господи кроткому Давиду побЂдити иноплеменники, и вЂрному князю нашему оружиемъ крестнымъ свободити градъ Псковъ отъ иноязычныхъ рукою Александровою». О невЂгласи псковичи, аще и се забудите до правнучатъ Александровыхъ, уподобитеся Жидомъ, ихъ же препита господь въ пустыни крастели печены, и си всЂхъ забыша бога своего, изведшаго изъ работы египетския. И начаша слышати имя Александрово по всЂмъ странамъ, и до моря Хупожского, и до горъ Аравитскихъ, и об ону страну моря Варяжскаго, и до самого Рима. Того же лЂта послаша НЂмцы съ поклономъ, тако рекоша: «что есмъ зашли безъ князя вашего, Водь, Лугу, Плесковъ, Лотыголу мечемъ, того ся всего отступаемъ; а что есмя изымали мужъ вашихъ, а тЂми размЂнимся: а мы ваши мужи пустимъ, а вы наши пустите»; и таль плесковскую пустиша, и умиришася. Того же лЂта князь Ярославъ Всеволодичъ позванъ царемъ татарскимъ, и поиде въ Татары къ Батыеви воеводЂ татарску.

Въ лЂто 6751 [1243]. Явися знамение въ Плеско†у святаго Иоанна въ монастырЂ, мЂсяца маия въ 18 день, отъ иконы святаго Спаса надъ гробомъ княгининымъ ЯрославлЂи Володимерича, юже уби свои пасынокъ въ МедвЂжеи головЂ: иде миро отъ иконы по 12 дни, и натече мира 4 вощаницы яко въ сткляницу; и привезоша въ Новъгородъ д†на благословение, а въ Плеско†оставиша себЂ двЂ. Того же лЂта \452\ мЂсяца августа въ 16-и день преставися рабъ божии Стефанъ посадникъ новгородскии Твердиславичь.

 1 На полях написано 1244

 2 На полях написано 1245

 3 Здесь в рукописи пропуск.

 4 Цифра 0 переправлена из какой-то другой цифры.

Въ лЂто 6752 1. [1244] Преставися княгиня Ярославля, постригся у святаго Георгия въ монастырЂ; ту же и положена бысть по сторонЂ сына своего Феодора, маия въ 4.

Въ лЂто 6753 2. [1245] Уби царь Батыи въ ОрдЂ князя Михаила Черниговскаго и воеводу его Феодора, мЂсяца сентября въ 8 день. Сице убо бысть убиение ихъ. Бысть нахождение /л.71./ поганыхъ Татаръ на землю Рускую. Ови убо затворяхуся во градЂхъ; Михаилу же держащу тогда Киевъ, сице приидоша послы отъ царя Батыя; онъ же видЂвъ словеса лести ихъ, повелЂ я избити, а самъ побЂжа въ Угры съ домашними своими; инии же бЂжаша въ дальнюю страну, а инии крыяхуся въ пещерахъ и въ лЂсЂхъ, мало отъ тЂхъ остася. ТЂхъ же не по колицЂхъ временЂхъ осадиша во градЂхъ и сочтоша я въ число, и начаша на нихъ дань имати. Се же слышавъ князь Михаилъ, возврати людие, иже бяше разбЂглися на чужую землю; и приидоша на свою землю. Татарове же начаша нуждую 3 Батыеви глаголюще имъ: «не подобаетъ вамъ жити на земли кано†и БатыевЂ, не поклонившися има»; мнози же, шедше, поклонишася. Обычаи же имЂяша Батыи кановъ: аще кто приидетъ и поклонится ему, не повелЂ предъ ся вести, но приказано бяше волхвомъ вести я сквозЂ огнь и поклонитися кусту и огневи; а иже что съ собою принесоша цареви, отъ всего того взымающе волхвы и вметаютъ е во огнь, таже предъ царя пущаху съ дары. Мнози же князы съ боляры своими идяху сквозЂ огнь и кусту кланяхуся, идоломъ ихъ, славы ради свЂта сего, и прошаху кождо ихъ власти. Они безъ возбранения даяху, да прельстятъ я славою свЂта сего. Преподобному же князю Михаилу пребывающу въ Черниго†и видя много прельщающася славою мира сего, посла богъ благодать и даръ святаго духа на нь: вложи ему въ сердце ити предъ царя Батыя и обличити его прелесть, имъ же льститъ христианы.




лл. 73-74. 6753 [1245] — 6761 [1253] гг.


Бысть же убиение ихъ мЂсяца сентября въ 20 4 день. Тогда же паки приидоша къ князю грозному Александру послы отъ папы великаго Рима: тако рече папа нашъ: «слышано бысть въ нашеи странЂ про /л.73об./ твое державство, яко же глаголютъ князя честна и дивна; такожъ и грозна; еще бо и земля твоя велика есть; сего ради прислахъ къ тебЂ отъ 12 кардиналу \453\ два хитрЂишая, Галда и Гемонта, но послушаеши учения ихъ». Князь же Александръ, сдумавъ съ своими хитрецы, списа къ нему и рече: «отъ Адама и до потопа, а отъ потопа даже до раздЂления языкъ, до начала Авраамия, а отъ раздЂления языкъ, отъ Авраама даже до проития Иизраиль сквозЂ море, отъ исхода сыновъ Иизраилевыхъ до умертвия Давида царя, отъ начала царства Соломоня до Августа, отъ начала Августа до Рождества христова, отъ Рождества христова до страсти Воскресения, и отъ Воскресения же его на небеси возшествие, и сице рекохъ и до царства Константинова, и до 1-го собора и до 7-го сии вся добрЂ свЂдаемъ; и отъ васъ учения не приимемъ». Они же возвратишася во свояси.

 1 В рукописи испадете. Так и в Р. Испр. по К.

 2 В рукописи боги. Испр. по Т.

 3 Здесь в рукописи пропуск.

О преставлении князя Александра. Како речемъ и скажемъ. О горе тебЂ, бЂдныи человЂче, како можеши сказати и написати кончину господина своего, како не испадета 1 зЂницы вкупЂ со слезами, како ли не разсЂдЂся сердце отъ многия туги, отца бо человЂкъ можетъ забыти, а господина своего князя добра и правдива не мощно есть забыти, да аще бы мощно, то съ нимъ бы во гробъ влЂзлъ, сице бо онъ пострадавъ къ богови 2 крЂпко. Митрополитъ же Кирилъ глагола къ людемъ: «чада моя, разумЂите, яко заиде солнце земли Суздальскои». Иереи и диаконы, черноризцы, нищии, богатии, и вси людие мнозии вопияху, глаголюще: «уже погибаемъ». Святое же тЂло его понесоша ко граду Володимерю. Митрополитъ же купно съ чиномъ церковнымъ, князи и боляре, и весь родъ, малии и велиции, стрЂтоша у Боголюбивемъ со священными /л.74./ кадилы. Отъ множества же народа изгнЂтахуся 3 честнЂмъ одрЂ тЂло его. Бысть же плачь велии и кричание и туга, яко же нЂсть бывала, токмо земли трястися. И положиша его въ Рождест†святыя Богородицы мЂсяца ноября въ 23. Бысть же тогда чюдо дивно и памяти достоино: егда же вложиша святое тЂло въ раку, икономъ же Савастиянъ митрополита Кирила приступль и хотя разняти руку его, да вложитъ митрополитъ грамоту душевную; онъ же самъ, яко живъ суще, распростретъ руку свою и взя грамоту отъ руки митрополита; приятъ же ужасть велия, егда отъ раки отступиша. Се же бысть проповЂдано всЂмъ отъ Кирила митрополита и отъ иконома его Савастияна. Се же слышавше, братие, кто не дивится о семъ, яко тЂлу бездушну сущу, привезену отъ дальнихъ странъ въ годъ зимныи; тако прослави угодника своего, иже много трудися за Новъгородъ и за Плесковъ и за всю землю Рускую животъ свои отдая.

Въ лЂто 6760 [1252]. ПогорЂ Славно отъ св. Илии и до Нутнои улицы. \454\

 1 На полях написано 1253

 2 На полях написано 1263

Въ лЂто 6761 1. [1253] Повоеваша Литва волость Новгородскую, и поидоша съ полономъ; и угониша ихъ новгородцы съ княземъ Василиемъ у Торопца. И тако мсти ихъ кровь христианская, и побЂдиша я, и полонъ отъяша, и приидоша здравы вси. Въ то же лЂто приидоша НЂмцы подъ Псковъ и пожгоша посадъ, и самихъ многихъ псковичъ биша. И поидоша новгородцы полкомъ къ нимъ изъ Новагорода, и они побЂгоша прочь; и пришедше новгородцы въ Новъгородъ, и покрутившеся идоша за Норову, и сотвориша волость ихъ пусту; и КорЂла такоже много зла сотвориша волости ихъ. Того же лЂта идоша со псковичи воевати ихъ, и они поставиша противу ихъ полкъ, и побЂдиша ихъ новгородцы съ плесковичи силою креста честнаго; сами бо на себе почали окаяннии преступницы правды; и прислаша во Псковъ и въ Новгородъ, хотяще мира на всеи воли новгородскои и на плесковскои, и тако умиришася.












Попередня     Головна     Наступна




Шевченківські читання в cпільноті ua_kobzar:

Борис Грінченко:   Ми певні, що в українській літературі з’явиться ще багато діячів, рівних Шевченкові талантом, але не буде вже ні одного рівного йому своїм значенням у справі нашого національного відродження: будуть великі письменники, але не буде вже пророків. . . . )



Якщо помітили помилку набору на цiй сторiнцi, видiлiть її мишкою та натисніть Ctrl+Enter.