Уклінно просимо заповнити Опитування про фемінативи  

[Новгородская первая летопись старшего и младшего изводов. — М.-Л., 1950. — С. 477-481.]



Попередня     Головна     Наступна







СТАТЬИ, НАХОДЯЩИЕСЯ В РУКОПИСИ АРХЕОГРАФИЧЕСКОЙ КОМИССИИ ПОСЛЕ КОМИССИОННОГО СПИСКА НОВГОРОДСКОЙ ПЕРВОЙ ЛЕТОПИСИ.



ПРАВИЛО ЗАКОНЬНО О ЦЕРКОВНЫИХ ЛЮДЂХ, И О ДЕСЯТИНАХ, И О МИРИЛЂХ ГРАДСКЫИХ, И О СУДЂХЪ ИЕПИСКОПСКЫИХЪ.


От самое истинны слышахъ святых апостолъ и отець предания и перваго правовЂрнаго царя Костянтина и всЂхъ цареи христианьскыхъ на всЂхъ соборЂхъ вселеньскых исправлениа о судЂхъ церковныих и о десятинахъ и о всемь священничьскомъ чину, еже уставиша и утвердишя судомъ и съборною апостольскою церковию; иного же основаниа никтоже не можеть положити паче лежащаго. И аще кто \478\ измЂнить се, вЂчнЂи клят†осужены будут и горе наслЂдують. Се же бяше богомъ данныи законъ Израилтяномъ въ всемъ своемъ животЂ и имЂнии: въ девяти частеи имЂаху власть, а десятое богови отдааху.

 А Перед буквой ч написана и соскоблена какая-то буква.

В лЂто 6496 [988], въ ца рство Костянтина и Василия, при патриарсЂ ФотЂи, крестися самъ Володимеръ и всю Русь, и приведе с собою из ГрЂкъ митрополита Леонта, такоже уставъ положи съборнои церкви, съблюдати нераздрушимо всему роду своему заповЂда, по немъ царьствующимъ и клятвами страшьными утверди; и правовЂрнЂи князи /л.265об./ велицЂи тожде приаша готово, а к тому и много приложишя, създавше церковь матери божии архиепископью, и подаваша грады, погосты, села, винограды, землЂ, борти, озера, рЂкы, волости съ всЂми прибыткы, и десятое изо всего царства и княжения. А княгыни ихъ свою многоцЂнную кузнь, порты, злато, камение драгое, великыи женчюгъ, иконы украшены, еуангелиа утварьна, священныя трапезы, съсуды, царскы украсивъше, обогатишя, паче тЂх, от кого ти приали. Писано бо есть въ святыхъ апостолъ правилЂ 29-мь: церковное богатьство нищих богатьство въздраста дЂля сиротъ и старости и немощи и въ недугъ въпадшиихъ, и нищихъ кръмление, и странной чяди прилежание, сиротамъ и убогимъ промышление, и вдовамъ пособие, дЂвицамъ потребы, обидимымъ заступление, въ напастехъ поможение, въ пожарЂ и въ потопЂ, и плЂннымъ свобожение и искупление, въ глад прЂкръмление, у худобЂ, умирающимъ покровъ на гробы и погрЂбания, а церквамъ и манастыремь пустымъ подъятие, живыимъ прибЂжище и утЂшение, а мертвы/л.266./имъ память, того ради на потребу церковную и люди свои давали. А се люди съборныя церкве прЂданы митрополитом и епископомъ: игуменъ, попъ, дияконъ, попадья, поповичеви и кто въ клиросЂ, игумениа, чернець, черниця, проскурниця, паломникъ, лЂчець, прощеникъ, задушьныи человЂкъ, манастыреве, болници, гостинници, странноприимници: то люди церковные, а богадЂлные; митрополитъ или епископъ вЂдаеть между ими суд, или котораа обида, или вражда, или задница; аще будеть иному человЂку с тымъ человЂкомъ рЂчь, то обьчии А судъ. А се церковные суды даны закономъ божиемъ, по правиломъ святыхъ отець, христианьскыми цари и князи въ всЂхъ христианьскыих людЂх: роспусты, смилное, заставание, пошибание, умыкание, промежи мужемъ и женою о животЂ, въ племени или въ сватьст†поимуться, вЂдьство, зелеиничьство, потворы, чародЂяния, влъхвования, урЂканиа на три: бляднею и зелии, еретичьствомъ; зубоЂжа, сынъ отца биеть, или матерь, или дщи, или сноха свекровь, братиа /л.266об./ или дЂти тяжются о задницу, церковная тадба, и иже мертвеци съвлачять, гробы крадуть, крестъ посЂкають, или на стЂнахъ рЂжють, или трЂскы \479\

 АА Написано на полях тем же почерком с выносным знаком, причем или псы написано теми же чернилами, а или поткы написано другими чернилами.

 Б Так в рукописи; писано без перерыва.

изъ креста емлють, въ церкви скотъ или А псы или поткы А без велики нужа кто въведеть, или ино что неподобно церкви подЂеть, или два друга имета ся бити, единого жена иметь за лоно или роздавить, или кого застануть съ четвероногою, или кто молится под овиномъ или в рощении или у водЂ, или дЂвка дЂтя повержеть. Тыя вси суды церковныя даны суть церкви; князю и боляромъ и судиамъ ихъ в тыи суды нЂлзЂ въступатися по пръвыихъ царевъ уряжению и по вселеньскыих святыихъ патриархъ, великиихъ святитель. Аще кто приобидить сии уставъ, тЂмъ не прощенномъ быти от закона божиа, но горе себЂ наслЂдують; а своимъ тиуномъ приказываю суда церковнаго не обидити, и съ суду давати 9 чястии князю, а десятаа святЂи церкви. А кто пообидить сии уставъ Б. От княжя суда от всякого десятаа вЂкша, и с торгу /л.267./ десятаа недЂля, и от всего схода и прибытка и от лова княжя и от всякого стада и от всякого жита десятое въ соборную церковь: царь или князь въ девяти чястехъ, а церкы съборнаа десятую часть. Основания иного никтоже можеть положити паче лежащяго, да вси сограждають на семъ основании. Иже кто расыплеть храмъ божии, расыплеть и того богъ: церкы бо божиа свята есть. Кто измЂнить святыи сии уставъ отечьскыи, горе наслЂдует и клятву.



О МЂРИЛЂХЪ


Градскыя и торговыя и всякаа мЂрила, спуды, извЂсы, ставила от бога исконЂ како установленно святителю блюсти бес пакости, не умалити, ни умножити: за все то ему слово отдати въ день суда великаго, яко и о душахъ человЂчьскыихъ.



ПРАВИЛО СВЯТЫХ ОТЕЦЬ 1655-го СЪБОРА О ОБИДЯЩИХ ЦЕРКВИ БОЖИА И СВЯЩЕННЫА ВЛАСТИ ИХЪ.


Великааго сего нашего града съ пресвятыими архиепископы 100 и 60 и 5 се полагание писаниемъ прЂдаемъ: обидЂвшаа святыя божия церкве и на священныя власти ихъ, даное богу в наслЂдие вЂчныихъ /л.267об./ благъ и на память послЂдняго рода обидящихъ власти тЂми даема, безаконно отъимаа села и винограды, аще ли кто и в сану приобидЂти начнеть, или суды въсхыщати, церковнаа оправданиа, или привълачяюще насилиемъ епископа, и попа и диякона, и всякого просто рещи священничьскаго чина, или манастыремъ данное граблениемъ и насилиемъ отъимаа от нихъ все даное, даемое богови, аще кто изъобрящется се творя, негодование и нерадство творя, и бещиние велие, мятыи святыми \480\ церквами, четверицею да вдасть пакы въспять церковное. Аще ли саномъ гордящиися негодовати начнуть нашего повелЂниа, истинному правилу не покорящеся святыихъ отець, въ каковомъ сану буди въ насъ, или воевода, воеводьства чюждь, или воинъ, воиньства чюждь. Пакы аще велиимъ негодованиемь начнуть негодовати, забывше вышнии страх, облъкшеся въ бестудие, повелЂваеть нашя власть тЂхъ огнемъ съжещи, домы же ихъ святыимъ божиимъ церквамъ въдати, их же обидЂшя. Аще ли же са/л.268./мыи вЂнець носящеи тоя же вины послЂдовати начнуть, надЂющеся богатьст†и благородствЂ, а истоваго неродяще, не отдавающе иже обидЂшя святыя божия церкве или манастыри, преждереченною виною да повинни будуть, по святыхъ же правилЂхъ, да будуть прокляти въ сии вЂкъ и въ будущии.



РУКОПИСАНИЕ СВЯТОГО КНЯЗЯ, КРЕСТИВЪШАГО РУСКУЮ ЗЕМЬЛЮ.


Во имя Отца и Сына и святого Духа. Се азъ князь великыи Володимеръ, нареченныи въ святЂмь крещении Василие, сынъ Святославль, внукъ Игоревъ и блаженныя княгыни Олгы, въсъприалъ есмь святое крещение от греческыихъ цареи Костянтина и Василия и от Фотия патриарха цареградскааго, взяхъ пръвааго митрополита Леона на Киевъ и на всю Русь, иже крести всю Рускую землю святымъ крещениемъ. И по том же, лЂтомъ многымъ минувшемь, създахъ церковь святыя Богородица Десятинную и дахъ еи десятину по всеи землЂ РустЂи и съ княжения въ съборную церковь от всякого княжа суда десятую вЂкшу, а от торгу десятую недЂлю, а из домовъ на всякое лЂто /л.268об./ десятое от всякого стада и от всякого жита чюдному Спасу и чюдьнЂи его матери. И потомъ разгнувше греческыи номоканонъ и обрЂтохомъ в немъ, аже не подобаеть сихъ судовъ и тяжь князю судити, ни боляромъ его, ни судиямъ. И азъ, сгадавъ съ своею княгынею Анною и съ своими дЂтми, далъ есмь тыя суды церквамъ, митрополиту и всЂмъ епископомъ по Русьскои землЂ; а по томъ не надобЂ въступатися дЂтемъ моимъ, ни внучатомъ, ни всему роду моему до вЂка въ люди церковныя, ни въ вси суды ихъ по всЂмъ городомъ и по волостемъ и по погостомъ и по свободамъ, кдЂ ни суть христиане; и своимъ тиуномъ приказываю церковнаго суда не обидити, ни судити безъ владычня намЂстника. А кто въступить на мое дание или сиа суды пообидить, судъ мнЂ и съ тЂмъ пред богомъ, а митрополиту проклинати его съборомъ. А се церковныя суды далъ есмь: роспусты, смилное, заставание, умыкание, пошибание, и промежю мужемъ и женою, и о животЂ, /л.269./ и въ племени или въ сватовьст†поимутся, вЂдьство, зелеиничьство, урЂкания три: блядьнею, зельи, еретичьство; зубоЂжа, или сынъ отца биеть, или матерь, или дщи, или сноха свекровь, или братиа биются, или братьа или дЂти тяжются \481\ о задницу, потворы, чародЂяниа, влъхвованиа, узлы. А се люди съборныя церкве прЂданы митрополитомъ и епископомъ: игуменъ, игумениа, подъ, попадиа, поповичеве, чернець, черниця, диаконъ, диаконоваа, проскурница и кто въ клиросЂ, пономарь, диякъ, и вси причетници церковнЂи и дЂти ихъ, вдовиця, калЂка, лЂчець, прощеникъ, задушьныи человЂкъ, прикладникъ, хромець, слЂпець; кто тыхъ внидеть въ вину, судити ихъ митрополиту и епископомъ, опроче мирян.










Попередня     Головна     Наступна


Етимологія та історія української мови:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчанин, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



 


Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.

Iзборник. Історія України IX-XVIII ст.