Уклінно просимо заповнити Опитування про фемінативи  

[Новгородская первая летопись старшего и младшего изводов. — М.-Л., 1950. — С. 530-558.]



Попередня     Головна     Наступна






 6 В К ны

В лЂта шесть тысящь четырЂста деветьдЂсят четьвертаго. Приидоша Болгари вЂры БахмЂчи, глаголюще, яко «ты, князь, еси мудръ, смысленъ, и не вЂси закона; да вЂруи в нашь законъ, поклонися БохмЂту». И рече же Воло /л.27./ димЂръ: «како есть вЂра ваша». Они же рЂша: «вЂруемъ богу, а БохмЂтъ ми 6 учить обрЂзати уды срамныя, а свиньи не ясти, и вина не пити, по смерти же, рече, с женами похоть творити блудную; дастъ бо БохмЂтъ комуждо семъдЂсятъ жонъ красных, избереть едину красну и всЂх красоту възложит на едину и та будЂт ему мужатица; здЂ же достоит, рече, блудъ творити всякъ: \531\

 1 В рукописи батъ с титлом.

 22 В К питье намъ веселье

 3 Слог ва поставлен над строкой.

 4 В квадратных скобках — из К

 5 В рукописи отходы

на сЂмъ свЂте аще кто будеть богатъ, 1 то и тамъ богатъ, аще ли есть убогь здЂ, то и тамъ»; ина многа лЂсть, еже нельзЂ писати срама ради. Володимеръ же послушавше их: бЂ бо самъ любя жены и блуженье много, послушаше и слатко; но се бЂ ему нелюбо обрезание удовъ и о неяденьи мясъ свиных; а о пЂтьи отинудь, рекъ: «в Руси велие 2 пЂтье, 2 не можемъ бес того быти». Посем же приидоша Немцы, из Рима пришедше, глаголюще, яко «приидохомъ от папежа; рек тЂ тако: «земля /л.27об./ твоя земля наша, а вЂра ваша 3 не яко вЂра наша: вЂра бо наша свЂт есть, кланяемся богу, иже створи небо и земьлю и всяко дыханье и звЂзды и мЂсяць, а бози ваши суть древо». ВолодимЂр же рече: «како заповЂдь ваша?» [Они же рЂша:] 4 «пощенье по силе; аще кто пьетъ и есть, все в служьбу божию, рече учитель нашь Павелъ». Рече же Володимеръ Немцемъ: «идЂте опять, яко отци наши не суть сего приали». Се слышавше Жидове Козарьстии, приидоша, ркуще: «слышахом, яко приходиша Болгари, крестьяне, учаще когождо своеи вЂре: крестьяне бо вЂруютъ егоже бо мы распяхом, а мы вЂруемъ единому богу Аврамову, Исакову, Ияковьлю». И рече Володимер: «что есть законъ ваш». Они же рЂша: «обрЂзатися, свинины не ясти, ни заячины, суботу хранити». Он же рече: «гдЂ есть земля ваша». Они же рЂша: «въ ЕрусалимЂ». Онъ же рече: «то тамо ли есть». Они же рЂша: «разьгнЂвался богъ на отци наши, расточе ны по странамъ /л.28./ грЂхъ ради наших, и предана бысть земля наша крестьяном». Онъ же рече: «како вы иных учите, а сами отвержени от бога и расточины. Аще бо богъ любил закон вашь и вы, то не бысте расточены по чюжим землям; егда и намъ тоже мыслите зло прияти». Посем же прислаша ГрЂци к ВолодимЂру философа, сице глаголюще: «слыщахомъ, яко приходили суть Болгари, учаще тя прияти вЂру свою, ихъже вЂра оскверняет землю и небо, иже суть проклятии паче всЂх человЂкъ, уподобльшися Содому и Гомору, на нихъ же напусти богъ каменье горючее, и потопи а, погрязоша: тако и сихъ ожидает день погибелныи, егда приидЂтъ [богъ] 4 судити на земълю и погубить вся творящая безаконие и скверны дЂюще. Си бо омывают оходы 5 свои, поливаше водою, и в ротъ вливают, и по браде мажются, нарицающе БохмЂта; такоже и жены ихъ творят туже скверну /л.28об./ и ино же пущее: от совокупленья мужеска и женьска вкушают». Слышав ВолодимЂръ, плюну на землю и рекъ: «нечисто се есть дЂло».

 11 В К и преда апостоломъ

 2 В К НЯ

 3 В К пръвыи

 4 В рукописи аадамъ

 5 В К и

 6 В квадратных скобках — из К

Рече же философъ: «слышахом и се, яко приходиша от Рима учить васъ вЂрЂ своеи, ихже с нами вЂра малым же развращена есть; служьба же \532\ опреснокы, рекше оплатки, ихже богъ не преда, и повеле хлЂбомъ служити предъ 1 апостоломъ, 1 и приимъ хлЂбъ, и рекъ: се есть тЂло мое, ломимое за вы. Такоже и чашю приимъ, рече: се есть кровь моя новаго завЂта; си же того не творятъ и суть неисправили вЂре». Рече же ВолодимЂръ: «приидоша ко мне Жидове, глаголюще, яко Немцы и ГрЂци вЂруют, егоже мы распяша». Философъ же рече: «въ истину в того вЂруем, тЂх бо пророци прорицали, яко богу родитися, а другии распяту быти и погребену, в третеи день въкреснути и на небеса взыти. Они же ты пророкы избиваху, а другия претираху. Егда же збысться /л.29./ сихъ проречение, снидЂ на землю, и расьпятье приа волею, въскресъ и на небеса взыдЂ; на сих же ожидаа покаанья за четырЂдесятъ и за шесть лЂт, и не покаяшеся; и посла на ны 2 Римляны, и грады ихъ разбиша, и самих расточиша по странамъ, и работают по странамъ». Рече же ВолодимЂръ: «что ради снидЂ богъ на землю и страсть прия такову». ОтвЂщав же, рече философъ: «аще хощеши послушати, да скажю ти изначала, что ради снидЂ богъ на землю». Онъ же рече: «послушаю рад». Нача философъ глаголати сице: «в начале исперва створи бог небо и землю в первыи день. А въ вторыи день твердь, еже есть посреди воды, сего же дни раздЂлишася воды, полъ ихъ взыдЂ, на твЂрдь, а полъ ихъ под твердь. В третеи день створи море и рЂки и источникы и сЂмена. В четьвертыи же день солнце и луну и звЂзды, и украси богъ небо. ВидЂвъ же первое 3 от ангелъ, стареишии десяти чину архань /л.29об./ гильску, и помысли въ себЂ, рекъ: сниду на землю, и прииму землю, и буду подобенъ богу, и поставлю престолъ свои на облацехъ севЂрьских. И ту абие свЂржен с небеси, по немъ спадоша, иже бЂ под нимъ, чинъ десятои, в него мЂсто постави стареишину Михаилъ. БЂ же имя противнику Сотанаил; он же погрЂшивъ помысла своего, и отпад славы первыа, наречеся противьникъ богу. Посемъ же в пятыи день створи богъ киты и рыбы и гады, и птицы пернаты. В шестыи день створи богъ звЂри и скоты, гады земныа, створи же человЂка. В семыи же день почи богъ от дЂлъ своихъ, еже есть субота. И насади богъ раи на въстоце вь ЕдемЂ и въведе человЂка, егоже създа. И заповЂда ясти всякого ему древа, от древа же единого не ясьти, еже есть разумЂти злу и добру. И бЂ Адамъ 4 в раи, не 5 видяше бога, славляше: егда же аггельскаа воинества славляху бога, и онъ с ними /л.30./ [такоже славляше бога]. 6 И възложи богъ сонъ на Адама, и успЂ Адамъ. И взя богъ едино \533\

 1 В рукописи да оу

 2 Слово написано на полях теми же чернилами, но полууставом, переходящим в скоропись. Далее, очевидно, пропуск. В К далее: и абие прельсти змиа; ср. Лавр. летопись

 3 Почерком XVIII в. исправлено на земла

 4 Так в рукописи

ребро у Адама, и створи ему жену и приведе ю къ Адаму, и рече Адамъ: се кость от кости моея, плоть от плоти моея, си наречется жена. И нарече Адамъ имена звЂремъ и пьтицамъ и гадомъ, а самимъ имЂна аггелъ повЂда. И покори богъ Адаму скоты и звЂри и пьтица; обладааше има всЂми, и послушаху его. ВидЂв же дьяволъ, яко почти богь человека, и завидЂвъ ему, преобразися в змию, и придЂ къ ЕвзЂ, и рече еи: «почто не яста от древа, суща посредЂ рая.» И рече Евгакъ змЂи: «рече богъ не имаета ясти; олЂ да 1 смертию умрета. 2». «Видяше богъ, в тои же день яста от него, и отверзостася очи ваю, и будЂта яко богъ, разумЂвающе добро и зло». И видЂ жена яко добро древо вь ядь, и вземъши снесть, и дасть мужеви своему, и яста, и отверзостася очи има; и разумЂста, яко нага еста, и съшиста листвием смоковнымъ препоя/л.30об./сание. И рече богъ: «проклята змиа 3 в делЂхъ твоихъ, и в печали яси въ вся дни живота твоего». И рече богъ: «егда како прострЂта руку и възмЂта от древа животнаго, и живита въ вЂкы». Изгна господь богъ Адама из рая. И сЂде прямо раю плачася горко и дЂлаа земьлю. И прокля господь богь змию 4. И порадовася сотона о проклятьи земля. Се ны первое отпадЂнье, горкои отвЂтъ, отпадЂнье аггелского житья. И роди Адамъ Каина и Авеля; и бЂ Каинъ ратаи, а Авель пастухъ. И принесе Каинъ от плода земныхъ к богу, и не приа богъ даров его; Авель же принесе агнець первенець, и приа богъ дары Авелевы. Сотона же влЂзе в Каина и пострЂкаша Каина убити Авеля. Рече же Каинъ Авелю: «изоидЂвЂ на полЂ». И послуша его Авель. Яко изыдоста, въставъ Каинъ хотяше убити и не умЂяше убити. И рече сотона: «вземъ камень, удари». И вземъ Каинъ удари Авеля брата и уби. И рече богъ Каину: «где есть /л.31./ братъ твои». Он же рече: «егда азъ страж ли есмъ брату моему». И рече богъ: «се кровъ брата твоего въпиетъ ко мнЂ; будеши стЂня и трясаися до живота своего». Адам же и Евга плачющися бЂста, и дьяволъ радовашеся, рекъ: «се, егоже богъ почести, азъ створихъ ему отпасти бога, а се нынЂ плачь ему налЂзохъ». И плакастася по Авели лЂто едино, и не съгни тЂло его, и не умЂяста его погрЂсти. И повелениемъ божьимъ птенца два прилЂтеста: единъ ею умре, а единъ ископа яму, вложи умеръшаго, и погрЂбе. ВидЂвьша же Адамъ и Евьга, ископаста яму, и вложиша Авеля, и погрЂбоста с плачемъ. Быв же Адамъ лЂтъ двесте и тридЂсятъ и роди Сифа и две дщери; и поя едину Каинъ» а другую Сифъ. От того человЂци расплодишася по зЂмли. И не познаша 4 и исполнишася блуда и скарадЂя всякого и убииства и зависти, и живяху \534\ скотьски человЂци.

 1 В К родЂ

 22 В К дЂлаему же ковчегу

 3 Над буквой и было что-то написано и соскоблено.

 4 Так в рукописи.

 5 В рукописи творяще прияша и

 66 В К кумиры во имена

БЂ Нои единъ пра/л.31об./веденъ въ градЂ 1 томъ, и роди три сыны: Сима, Хама и Афета. И рече господь богъ: «не имает духъ мои пребывати в человецехъ сихъ»; и рече: «да потреблю от человЂка и до скота». И рече богъ Ноеви: «сътвори ковчегъ в далготу триста лакотъ, а вь широту пятьдесят, в высоту тридесятъ лакотъ; Египтяни бо локтемъ сажень зовутъ. ДЂлати ему 2 же ковчегъ 2 за сто лЂтъ, и повЂдаша Нои, яко быти потопу и посмЂяхуся ему. Егда здЂла ковчегъ, рече же господь богъ Ноеви: «влЂзи ты и жена твоа и сыно†твои и снохи твоя, и введи с собою по двоему от всЂхъ скотъ и 8 гадъ». Введе Нои, якоже заповЂда ему богъ. И наведе богъ потопъ на земълю, и потопЂ всяка плоть; а ковчег плаваше на водЂ. Егда же посяче вода, и излЂзе Нои и сынови его и жена его; и от сихъ расплодися земля. И быша человеци мнози единогласни, и рЂша другъ другу: «съзиждемъ столпъ до небеси». И начаша /л.32./ съзидати, и бЂ старЂишина имъ Невротъ. И рече богъ: «се умножишася человЂци, помысляху суетнЂ». И снидЂ богъ, размЂси языки на семъдЂсять языкъ и на два. Адамов же язык не отъятъ бысть у Вавеля, тъи бо единъ не приложися к безумью их, рекъ сице: «аще бы богъ человЂком реклъ нЂсть 4 бо съзидати столпъ, то повелелъ бы самъ богъ словомъ, якоже сътвори богъ небо и землю и море и вся видимаа и невидимаа». Того ради сего языкъ не изьмЂнися, и от сего же суть Евъреи. На сем же дЂсять и на единъ языкъ разьдЂлишася и разыдошася по странамъ, и кожьдо своя нравы творяще. 5 По дьяволю наученью, ови рощениемъ вЂроваша и кладяземъ и рЂкамъ, и не позънаша бога. От Адама же до потопа лЂтъ д†тысящи и дьвЂстЂ и четырЂдЂсятъ и два лЂта/л.32об./. А от потопа до разъдЂлЂния языкъ лЂтъ пятьсотъ и двадЂсятъ и девять. По семъ же дьяволъ большее прельщение въверъже въ человЂкы: и начаша кумири творити, ови же древяни, а иныи мЂдяны, друзии же моромяны и златыи и серебърены, и кланяхуся имъ, и пьриводяху сыны, дщери своя, заклаху предъ ними; и бЂ вся земьля осквернена. И начальникъ же бЂ сему кумиротворЂнию Серухъ: творяше кумиротворенью 6 имена 6 мерътвыхъ человекъ, бывъшимъ овЂмъ царемъ, другимъ же храбърымъ, и волъхъвомъ и женамъ прелюбодЂицамъ. Сеи же Серухъ роди Фару, Фара же роди три сыны: Аврама, Нихора и Арона. Фара же творяше кумиры, навыкъ у отца своего. Аврамъ же /л.33./ пришед в умъ, възревъ на небо, и видЂ звЂзды и небо, и рече: «въ истин у то богъ есть, иже се створилъ, а отець мои прельщаа человЂкы».

 1 В рукописи рабоуа; испр. по К

 2 В квадратных скобках — из Лаврентьевской летописи.

 3 В К двЂ

 4 В К от рабу

И рече \535\ Авърамъ: «искрушю богы отца своего». И рече Аврамъ: «отче, почто прельщаеши человЂки, творя кумиры древены. То есть богъ, иже створи небо и землю». И приимъ Аврамъ огнь и зажже кумиры въ храмЂны. ВидЂ же се Аронъ, братъ Аврамовъ, ревнуя по идолЂхъ, хотЂ вымЂтати идолы, и самъ згорЂ ту Аронъ и умре пред отцемъ. Предъ симъ не бЂ умерлъ сынъ пред отцемъ, но отець пред сыномъ. И от сего почаша умирати сынови пред отцемъ. Възлюби богъ Аврама, и рече богъ Авраму: «изыди от дому отца твоего, иди в землю, юже ти покажю, н сътворю тя въ языкъ великъ, и благословять тя колена земная». И створи Аврамъ, яже заповЂда ему. И поя Аврамъ Лота, сыновца своего; /л.33об./ бЂ бо ему Лотъ шюринъ сыновечь; бЂ бо поялъ Аврамъ братню дщерь Ароновню Сару. И приидЂ в землю Хананииску к дубу высоку. И рече богъ къ Авраму: «и семЂни твоему дамъ землю сию». И поклонися Аврамъ богови. Аврамъ бо бяше лЂгъ седмъдесятъ и пять, егда изыде от Фараона. БЂ же Сара неплоды, боляще неплодъствомъ. И рече же Сара къ Авраму: «влЂз и убо к рабЂ моеи». И поимъши Сара Агарь, дастъ ю мужю своему. И влЂзЂ Аврамъ къ АгарЂ, и зачатъ и роди сына Агарь и прозьва Аврамъ Изъмаиломъ. Аврамъ бЂ лЂтъ осмьдЂсятъ и шесть, егда родися Измаилъ. Посем же заченъши Сара, и роди сына, нарече имя ему Исакъ. И повеле богъ обрезати отроча Авраму. И обьрЂза Аврамъ въ-смыи день. И възлюби богъ Аврама и племя его, и нарече я в люди собЂ, и отлучи а от язык, себЂ нарек люди. Сему же Исаку възмогшу, /л.34./ Авраму же живъшю лЂтъ сто и седмъдесятъ пять и умре, и погрЂбенъ бысть. Исаку же жившу лЂтъ шестьдЂсятъ и роди два сына: Исава и Якова; Исавъ же бысть лукавъ, а Ияковъ бо праведенъ. Се же Ияковъ работая 1 у уя своего изъ дщери лЂтъ седмъ, и не да ему ея, рекъ: «стареишюю поими». Вдасть ему Лию стареишую; из другои рекъ ему, «работаи ми другую седмъ лЂтъ». [Онъ же работа другую 7 лЂт] 2 из-д-Рахили. И поя собЂ три 3 сестреници, от нея же роди тридесят сыновъ: Рувима, Семеона, Левгию, Июду, Исахаря, и Заулона, Иосифа, Вельямина; а робуя 4 дву: Дана, Нефталима, Гада, Исара. И от сихъ разсплодишася ЖидовЂ. Ияков же сниде въ Египетъ, сыи лЂтъ сто и тридесятъ, числом шестьдесятъ и пять душь. Поживе же въ ЕгиптЂ лЂтъ сЂмънадесятъ и успе. И поработаше племя его /л.34об./ за четырЂста лЂт. По сих же лЂтЂх възмогоша людие Жидовъстии, и умножишася; насиляхуть имъ ЕгиптянЂ работою. В сихъ же времена родися Моисии в ЖидЂх, и рЂша волсви египЂтъстии царю, яко «родилъся есть в ЖидЂх, иже хощетъ погубити Египет». Ту абие повеле царь \536\ ражающаяся дЂти Жидовьския вмЂтати в рЂку.

 1 В К число

 2 В К низьлЂзохъ

 3 Слог ра поставлен над строкой.

 4 В квадратных скобкахиз К

Мати же Моисеева убояшеся погублениа, вземше младенець, вложи в корабицю, изнесши постави в лузЂ. В се же время изыде дщи фараоня Фемуфии купатися и видЂ отроча плачющися, и взя и пощадЂ, и нарече имя ему Моисеи, въскорми е, и бысть отроча красно. И бысть лЂт четырЂхъ, приведе тщи фараоня ко отцю своему. Видевъ же Моисея фараон, нача любити Моисея фараонъ; Моисеи, хапаяся за шЂю, срони венець с главы цареви /л.35./ и попра и. ВидЂвъ же волхвъ, рече цареви: «о царю, погуби отроча се; оли не погубиши, имаетъ погубити всего Египта». И не послуша его царь, но паче не повеле бити дЂтеи жидовъскихъ. МоисЂеви же възмогшю и бысть великъ в дому фараони. Бывшю же царю иному и завидЂша ему боярЂ. Моисии же уби Египтянина, обидяще Жидовина, бЂжа изъ Египта, приде в землю Мадиамъску, и ходя по пустыни, научися от ангила Гаврила о бытьи всего мира и первомъ человЂцЂ, и яже суть было по немъ, о потопЂ и о смЂшении языкъ, аще кто колко лЂтъ былъ бяше, и звЂздное хожение и числом 1 мЂру и всяку мудрость. Посемъ явися ему богъ в купинЂ огнемъ, и рече ему богъ. «видЂхъ бЂду людии своихъ въ ЕгиптЂ, и неизлЂзохъ 2 изяти я из руку египетскую, извЂсти а от земля тоя; ты же /л.35об./ иди к царю фараону египетьску и рци ему: пусти Израиля, три дни положит требу господу богу; аще не послушаетъ тебЂ царь, побию всЂми чюдесы моими». И пришедшю Моисееви и не послуша его царь. И пусти богъ десять казнеи на фараона: первое рЂки в кровъ, второе жабы, третьее мыши, четвертое пЂсия мухы, пятое. смерть на скоты, шестое прыщеве горющии, седьмое гладъ, осьмое прузи, девятое тма три дни, десятое моръ в человецехъ. Сего ради десять казнеи, яко десять мЂсяць губиша дЂти жидовъски. Егда же бысть моръ въ Египтянехъ, рече фараонъ 3. Моисееви и брату его Арону: «отъидита вскорЂ». Моисеи же избра люди жидовьския и поиде от земля Египетския. И вЂдяше я господь по пустыни къ Чермному морю; и преди идяше пред ними сто/л.36./лпъ огненъ, а во день облаченъ. Слышавъ же фараонъ, яко бЂжать людие, погна по нихъ, яко прогнаша к морю; видевше же людие жидовьстии, и възопиша на Моисея, ркуще: «почто изводи ны на смерть. И възопи Моисии к богу. И рече [господь]: 4 «что въпиеши ко мнЂ; удари жезломъ в море»., И створи Моисеи тако, и разъступися вода на двое и внидоша сынове Израилеви в море. И видЂв же фараонъ, погна по них, сыно†же Израилеви проидоша по суху посреди моря; яко излЂзоша на берегъ, сступися вода о фараонЂ и о воихъ его. И възлюби господь богъ \537\

 1 Так в рукописи.

 2 В квадратных скобках — из К

 3 В К Вамьску

 4 В рукописи продааше; испр. по А

 5 В рукописи начало; испр. по К

 6 В рукописи Фили; испр. по К

 7 В рукописи излию

Израиля. Идохъ 1 от моря три дни по пустыни [и приидоша] 2 въ Меронъ. И бЂ ту вода горька, и възропъташа людие на бога; и показа господь древо, вложи е Моисеи в воду, и осладишася вода. Посем же пакы възропташа на Моисея и на Арона, ркуще: «луче ны бЂ въ Египте, /л.36об./ иже ядохомъ мяса и лукъ и хлЂбы до сыти». И рече господь к МоисЂеви: «слышахъ гугнанье сыновъ Иизраилевъ», и дасть имъ манну ясти. Посем же дасть имъ законъ на горЂ Синаистеи. МоисЂеви же въшедшу на гору к богу; они же сливше телчью главу, поклонишася акы богу, их Моисеи ссЂче три тысящи числомъ. Посемъ пакы възропташа на Моисеа и Аарона, и еже не бысть воды; и рече господь к МоисЂеви: «удари жезломъ в камень». Рекъ: «егда сего испустив водЂ». И разгневася господь на МоисЂя, яко не възвЂличи господа; ни внидЂ в земьлю обЂтованную сего ради, роптанья онихъ ради, но възвЂде на гору на Бемску, 3 и показа ему землю обетованую; и умре МоисЂи на горЂ. И прия власть Исусъ Навъгин; и се придЂ в земьлю обЂтованую, изби Хананеиско племя, и вселися в нихъ мЂсто сыно†Иизраилеви. Умеръшу же /л.37./ Исусу, и бысть судья в него мЂсто Июда; и иныхъ судеи бысть четырЂнадесят, при нихъ же забыша бога, извЂдшаго изъ Египта, начаша служити бЂсом. Богъ разгнЂвася, предааше 4 на расъхищенье иноплеменникомъ. Егда ся начинаху каятися, богъ помиловаше ихъ; егда избавльше я, пакы и уклоняхуся на бЂсослужение. По сих же Илии жрець; посемъ Самуилъ пророкъ; и рЂша людие Самуилу: «постави намъ царя». И разгнЂвася господь на Израиля, и сего постави над нимъ Саула. Таче Саулъ не изволи ходити в законЂ господни, избра господь Давыда, и постави царя надъ Израилемъ. И угоди Давыдъ богу. Сему Давыду кляся господь, яко от племени его родитися богу. Первое нача 5 пророчествовати о воплощеньи божии, рекъ: «и-щрева преже денница родих тя». /л.37об./ Сеи царствова лЂт четырЂдесятъ и умре. И по немъ царствова сынъ его Соломонъ, иже възгради церковъ богу, нарече ю Святаа святыхъ. И бысть мудръ, но на конець поползеся; и царьствова лЂтъ четырЂдесятъ и умре. По СоломонЂ царствова сынъ его Ровоамъ. При семъ раздЂлися царство на двое: Жидовское и въ ЕрусалимЂ едино, а другое в Самарию. Въ Самарии же царствова Еровамъ, холопъ Соломонь, иже створи д†крабьи злати и постави едину въ Вифили 6 на холму, а другую въ ЕнъданЂ, и рекъ: «се бога твоя, Израилю»; 7 \538\ и кланяхуся людие, а бога забыша. Таче въ ЕрусалимЂ забывати начаша бога и поклоняхуся Валу, рекшю ратну богу, еже есть Ареи, и забыша бога отець своихъ.

 1 В рукописи от. В К о

 2 В К служении

 3 В К ины

 4 В рукописи начало. Испр. по К

 5 Так, по описке, вместо праздникы; ср. Лавр. лет. и Новг. 4-ю лет.

 6 В рукописи глаголеть; испр. по К

И нача богъ посылати пророкы; пророци же начаша обличати а о 1 безаконья ихъ и о суженЂхъ 2 кумиръ, они же начаша пророки избивати, обличаеми от нихъ. И разгнЂ/л.38./вася богъ вельми на Израиля, и рече: «отрину и от себЂ, призову ны 3 люди, иже мене слушаютъ; аще съгрЂшит, не помяну безаконья ихъ». И нача посылати пророкы, глаголя имъ: «прорицаите о отверженьи Жидовьстем и о призываньи странъ». Первое же нача 4 пророчествовати Осеи, глаголя: «преставлю дарство дому Израилеву, скрушу лукъ Израилевъ, и не приложю пакы помиловати дому Израилева, но отмЂтаа, отверъгу ихъ», глаголетъ господь, «и будеть блудяще въ языцех». Иеремия же рече: «аще станеть Самуилъ и Моисеи, не помилую ихъ». Пакы тои же Еремиа рече: «тако глаголетъ господь богъ: се кляхуся именемъ моимъ великим въ устЂхъ моих, аще гдЂ будетъ отселЂ имя мое именуемъ въ устЂхъ Июдеискихъ». ИезекЂиль рече: «тако глаголить господь Аданаи: разсЂю вы, вся осътанкы твоя въ вся вЂтры, зане святаа моя оскве/л.38об./рнисте всЂми негодовании твоими; азъ же тя отрину и не имам тя помиловати пакы же». Малахиа рече: «тако глаголетъ господь: уже нЂсть ми хотЂнья у васъ, понеже от востокъ и до запада имя мое прославися въ языцехъ, и на всякомъ мЂсте принесетеся кадила имени моему и жертва чиста, зане велие имя мое въ языцехъ. Сего ради дамъ вы на поносъ и на пришельстьвие въ вся языкы». Исаиа же великии глаголеть: «тако глаголеть господь: простру руку свою на тя, истлю тя, разсЂю вы, пакы не приведуть тя». И пакы то же глаголеть: «възненавидЂхъ праведъникы 5 ваша и начатокъ мЂсяць вашихъ, и суботъ вашихъ не прииму». Пророкъ же Самуилъ рече: «слышите слово господне: азъ приемлю на вы плачь, домъ Израилевъ падеся и не приложи въстати». Малахии же рече: «тако глаголеть господь: пошлю на вы клятву и прокляну благословление ваше, /л.39./ и разорю, и не будет въ васъ». И много пророчествоваша о отверженьи их. Сим же пророкомъ повеле богъ пророчесътвовати о призваньи иныхъ странъ в нихъ мЂсто. И нача звати Исаиа, тако глаголя: 6 «яко законъ от мене изыдеть, и судъ мои и свЂтъ странам. Приближается скоро правда моя, изыдетъ, и на мышцю мою страны уповаютъ». Еремиа рече: «тако глаголетъ господь: положю дому Июдину завЂтъ мои новъ. Дая законы в разумЂньа ихъ, и на сердца ихъ \539\ напишю, и буду имъ богъ, и ти будутъ мнЂ людие». Исаиа рече: «ветхаа мимоидоша, и новаа възвЂщю, преже възвещениа явлено бысть вамъ.

 1 В рукописи работающи

 2 В рукописи глаголя; испр. по К

 3 В рукописи имъ; испр. по К

 4  4 Так в рукописи; в К сли и

 5 В К не мног

 6 Слог ка написан над строкой

 7 В квадратных скобках из К

 8 Так в рукописи

Поите богу пЂснь нову. Работающим 1 ми прЂзоветца имя ново, еже благословится по всеи земли; домъ мои домъ молит†призовется всЂмъ языкомъ». Тои же Исаиа глаголеть 2 «открыет господь мышцю свою святую пред всЂми языкы, узрят /л.39об./ вси конци земъля спасение бога нашего». Давыдъ же: «хвалите господа вси языци, похвалите его вси людие». Таце же богу възлюбивьшу новы люди, рекъ: «имамъ 3 снити к нимъ самъ, явитися человЂком плотию, пострадати за Адамово преступленье». И начаша пророчествовати о воплощеньи божии. Первое Давыдъ, глаголя: «рече господь господеви моему: сяди одЂсную мене, дондЂже положю враги твоа подножию ногама твоима». И пакы: «господь рече ко мнЂ: сынъ мои еси ты, азъ днЂсь родихъ тя». Исаиа рече: «не сеи 4 ли 4 вЂстник, но сам богъ пришед спасет ны». И пакы: «яко дЂтище родися нам, емуже начало бысть на рамЂ его, призовЂться велика свЂта ангелъ, и велика власть его, и миру его нЂсть предЂла и конца». Пакы: «се дЂва а въ чреве приимет и родит, и нарекут имя ему Еммануил». МихЂи рече: «Вифлиоме, домъ Ефрантов, егда немоглъ 5 еси быти в тысущах Июдовах; ис тебЂ бо изыде старЂищина быти въ Израили, исходи 8 его от днии вЂка. 6 Сего ради дасться, до времени рожающиа родит, и прочии /л.40./ [от братия его] 7 обратятся на сыны Израилевы». Иеремиа рече: «се богъ нашь, не вьменится инъ к нему. Изобрете всякъ путь художества и дастъ Иакову, отроку своему. По сих же на земли явися, съ человЂкы поживе». И пакы: «человЂкъ есть; кто увЂсть, яко богъ есть; и яко человЂкъ умираетъ». Захареи рече: «послушаа сына моего. [и не] 7 услышю ихъ, глаголеть господь». Осеи рече: «тако глаголетъ господь: плоть моя от нихъ». Прорекоша же и страсть его, ркуще, якоже рече Исаия: «о, лютЂ [души] 7 их; понеже съвЂтъ золъ свЂщаша, ркуще: свяжемъ правЂдника». И пакы то же рече: «тако глаголетъ господь: азъ ни съпротивлюся, ни глаголю противу, и лица своего не отвратихъ от стыденья и заплеваниа». Иеремиа рече: «приидЂте, вложимъ древо в хлЂбъ его, истребимъ от земля животъ его». Моисии рече о распятьи его: «узрите животъ вашь висяще прямо очима»/л.40об./. Давыдъ же рече: «въскую шаташася языци». Исаия рече: «яко овча на \540\ заколение ведено бысть». Ездра же рече: «благословенъ богъ, распростеръ руцЂ свои, и спасъ Иерусалима». О въскресеньи же его ркоша, Давыдъ же рече: «въстани, боже, суди земли, яко ты наслЂди въ всЂхъ странахъ». И пакы: «въста яко спя господь». И пакы: «да въскреснетъ богъ и разидуться врази его». И пакы: «въскресни, господи боже мои, да възнесется рука твоя». Исаия рече: «сходяща в страну, сЂнь смертную, свЂт въсиа на вы». Захария рече: «и ты въ кро†завЂта твоего испустил еси ужики своя ото рва, не имуща воды».

 1 В рукописи торпЂво; испр. по К

 2 В квадратных скобках — из К

 3 В Новг. 4-й иноплеменника

 4 В рукописи еми

 5 В рукописи сеего

 6 В квадратных скобках — из К

 7 В квадратных скобках — из Т

 8 В тексте описка прозрЂти. Испр. по К

Много пророчествоваше о немъ, еже збысться о немъ все. Рече Володимеръ: «то в кое время збыстья все; и было ли есть се; егда ли то пЂрво 1 хочетъ быти». Онъ же отвЂщав, рече ему, яко уже преже збыстъся все, егда въплотися. Якоже бо преже реко/л.41./хомъ, Жидомъ пророкы избивающимъ и царемъ ихъ законъ преступающимъ, предастъ [я] 2 богъ в расхищение, и въ пленъ введени быша въ Асурию грЂхъ ради ихъ, работаша тамо лЂтъ седмъдесятъ, и посемъ възвратишася на землю свою; не бЂ у нихъ царя, архиереи обладаютъ ими до Ирода иноплеменник, 3 иже облада ими. 4 В сего 5 же власть, в лЂто пять тысящ пятьсотное посланъ бысть Гаврил к дЂвици Марии в Назарефъ, от колена Давыдова, рещи еи: «радуися, обрадованная, господь с тобою». И от слова сего зачатъ Слово божие въ утробе, и роди сына, и нарекоша имя ему Исусъ. И волхвы приидоша от востока, глаголюще: «гдЂ есть царь Жидовескъ; видЂхомъ звЂзду его на въстоцЂ, приидохомъ поклонитися ему». Услышавъше Иродъ, смятеся, и весь Иерусалимъ с ним. И призва книжьникы и старци людьстии въпрошааше: «гдЂ христосъ /л.41об./ ражается». Они же рЂша: «въ ВифлиомЂ Жидовьстемъ». Ирод же се слышавъ, и посла, рекъ «избеите младенца сущаа дву лЂтъ». Они же, шедше, избиша младенца. Мариа, убояшеся, скры отроча; Иосифъ же с Мариею, поимъ отроча [и бЂжа во Египетъ, и бЂ ту до умертвиа Иродова. Въ ЕгиптЂ же явися аггел Иосифу, глаголя: въстани, поими отрочя] 6 и матерь его, идЂ в землю Иизьраилеву. пришедшу же ему, вселися в Назарефъ. Възрастъшу же ему, бывшю лЂтъ тридесятъ, нача чюдеса творити, проповЂдати царство небесное. Избра 12 ученикы собЂ, нарече [имена], 7 и нача чюдЂса велика творити, и мрътвыя въскрешати, прокаженыа очищати, хромымъ ходити, слЂпымъ прозрЂние 8 творити, и ина \541\ многа чюдеса велиа, якоже бЂша пророци прорекли о немъ, глаголюще: «тои недуги наша исцели и болезни подъя».

 1 Последние два слова написаны над строкой

 2 В квадратных скобках — из К

 3 В рукописи гемону и

 4 Можно прочесть выину

 5 В К такоже

 6 В К вместо последних двух слов отместие

И крестися от Иоанна въ Ердани, показаа новымъ людЂмъ обьновление. Крестившюся ему, и се отверзошася чюдеса /л.42./ и небеса, и духъ сходяще зракомъ голубинымъ на нь, 1 глас глаголя: «се есть сынъ мои възлюбленныи, о немже благоизволих». И послаша ученикы своя проповЂдати царство небесное и покаание въ оставление грЂхом. И хотя исполнити пророчество, нача повЂдати, яко подобаетъ сыну человеческому пострадати и расьпяту быти, въ третеи день въсъкреснути. Учащю же ему в церькви, архиерЂи и книжницы исполнишася зависти, искаху убити [и. И] 3 имше вЂдоша к игемону 3 Пилату. Пилатъ же испыта, яко без вины приидоша, хотЂ пустити; они же рЂша ему: «аще сего пустиши, не имаеши быти другъ кесареви». Пилатъ же повеле, да и распнуть. Они же, поимше Исуса, ведоша на мЂсто Краниево, и распяша ту. И бысть тма по всеи земли от шестаго часа до девятого часа, по дЂвятомъ часе испусти духъ Исус. И це /л.42об./ рковнаа запона раздрася на двое, и мертвии въста мнози, имже повеле в раи ити. Снемше съ креста, положиша въ гробе, и печатми запечатлеша гробъ людие Жидовстии, стражие приставиша, ркуще: «да како украдутъ ученици его». Онъ же в третеи день въскресе; явися ученикомъ, въсъкресъ из мертвых, рекъ имъ: «идЂте въ вся языкы и научите вся языкы и вся страны, крестяща я въ имя Отца и Сына и святого Духа». И пребысть с ними четыредесятъ днеи, являяся имъ по въскресении. Егда исполнися денье четыредесят и повеле имъ ити в гору Елеоньскую. И явився имъ, благослови а, рече имъ: «сядЂте въ граде ИерусалимЂ, дондеже послю вы обЂтование отца моего». И се рекъ, възнесъшася на небо. Они же поклонишася ему, и възвратися въ Иерусалимъ, и бяху в церкви выну. 4 Егда скончашася дние пятдесятъ и сниде /л.43./ духъ святыи на апостолы; и приимше обЂтование святого духа, разидошася поучаще, крестяще водою». Рече же Володимеръ: «что ради от жены родися, на древе распятся, и водою крестися». Онъ же рече ему: «сего ради, понеже исперва родъ человЂческыи женою съгрЂши, дьяволъ прельсти Евгу и Адама, и отпаде рая: какоже 5 богъ отъимет егдаже 6 дая дьяволу [женою первое побЂжение бысть диаволу], 2 женою испаде Адамъ изь рая; от жены же въплотися богъ и повеле ити в раи вЂрнымъ. А еже распяту быти, сего ради от древа вкушьше испаде породы; богъ же сего ради страсть приа на древЂ, древомъ дьяволъ побеженъ будЂт, а [от] 2 \542\ древа животънаго приимутъ праведнии.

 1 В К понеже

 2 В рукописи члвкомъ

 3 Слог ди написан над строкой

 4 В рукописи мъ; испр. по К

 5 В квадратных скобках из К

Аже водою обновление: тоже 1 при Нои за умноживъшимся грЂхомъ въ человЂцехъ, и наведЂ богъ потопъ на землю и потопи человЂкы водою; сего ради рече богъ: «понеже /л.43об./ погубихъ человеки грЂхъ ихъ ради, нынЂ же пакы водою очищаютъ грЂси человЂкомъ, 2 объновленьемъ водою»; ибо Жидовьскии родъ в мори очистишася от Египетьского злаго нрава, понеже вода изначала бысть первое; рече: «духъ божии ношаше верху воды, еже нынЂ крестятся духомъ и водою, якоже Гедионъ прообрази, посемъ»: егда придЂ к нему аггелъ, веля ему ити на Мадиамы, онъ же, искушаа, рече богу, положи на гумнЂ руно рекъ: «аще будет суша по всеи земли, а на руне роса». И положи руно; заутра видЂвъ по всеи земли сушю, а на руне роса. И рече: «еще искушаю: аще будЂтъ по всеи земли роса, а на руне суша». И бысть тако. Се же прообрази, яко иностраннии быша суша преже, а Жидови руно; послЂди 3 же на странахъ роса, еже есть святое крещение, /л.44./ на ЖидЂхъ суша. Пророци проповЂдаша, яко водою обновление будетъ. Апостоломъ же учащимъ по вселенЂи вЂровати богу, ихъже учение мы, 4 ГрЂци приахомъ, и вся вселенная вЂруетъ ученью их. Поставилъ же богъ день единъ, в онъже хощетъ судити живымъ и мертвымъ, сшедъ с небеси, и въздати комуждо по дЂломъ его: правЂдънымъ царство небЂсное и красоту неизреченную и веселие бес конца, и не умирати въ вЂкы; а грЂшникомъ мука огьненаа, червь неусыпающии, тма кромЂшняя, муки не будЂтъ конъца. Сице же будЂтъ мука, иже не вЂруютъ господу нашему Исусу христу. мучими будутъ въ огнЂ, иже не крестятся. И се рекъ, показа ему запону, на неи написано судище господне; и показаша ему одесную праведныя в весельи предъидуща в раи, а ошюю грЂшникомъ /л.44об./ мука вЂчная. ВолодимЂръ же въздохнувъ, рече: «добро симъ одесную, зло же симъ ошуюю». Онъ же рече: «то аще хощеши одЂсную стати съ правЂдными, то крестися». ВолодимЂръ же положивъ на сердци своемъ, рекъ «пожду еще мало», хотя испытати о всЂхъ вЂрахъ. Володимеръ же сему дары многы давъ, отпусти и с чесьтию великою.

В лЂта шесть тысящъ четырЂста деветьдесятъ пятого. Съзва Володимеръ бояры своя и старци градьския, и рече имъ: «се приходиша ко мнЂ Болгари, ркуще: приими законъ нашь; посемъ приидоша Немци, и тЂ хваляху законъ свои; и по сихъ [приидоша Жидове]. 5 Се же послЂди же приидоша ГрЂци, хуляще всЂхъ [законы], 5 свои же законъ хваляще, и много глаголаша, сказающе [отъ начала миру; суть же хытро сказающе] 5 \543\ и чюдно слышати ихъ и любо комуждо. И другыи повЂдают свЂтъ /л.45./ быти: аще кто вЂруетъ в нашу вЂру, пакы, умеръ, въстанетъ и не умирати ему въ вЂкы; аще ли въ иныи законъ ступите, то на ономъ свЂтЂ в огни горЂти.

І В К да

 2 Так и в К

 33 В К вразумЂша бывшее

 4 Так в рукописи.

 5 В К храмЂ их

Чада, 1 что ума придасте и что отвЂщаете». И рЂша бояре и старьци: «вЂси, княже, яко своего никъто же хулитъ, но хвалитъ. Аще ли хощеши, то разно испытаи, 2 имаеши у собЂ мужи, пославь, а испытаи ихъ кождо службу и кто и како служатъ богу». И бысть люба речь князю и всЂмъ людемъ. Избраша мужи мудри и смыслЂни числомъ десять и рЂша имъ: «идЂте первое к Болгаромъ, испытаите вЂру ихъ и службу». Они же идоша; и пришедше, видЂша сквЂрная дЂла и кланянье в ропатЂ, и приидоша в землю свою. И рече имъ ВолодимЂръ: «идЂте пакы к Немъцемъ и изглядаите такоже /л.45об./ вЂру ихъ и службу и оттуду идЂте в ГрЂкы». Они же приидоша в Немци, и изглядаша церковь и служебъ ихъ и иссмотрЂша вся извЂстно служебъ ихъ, и приидоша к Царюграду и внидоша к царю. Рече же царь: «испытаите, которые ради вины приидоша». Они же исповЂдаша ему вся бывшаа. Се слышав царь, радъ бысть и честь велику сътвори имъ в тои день. Наутрия же пасла к патриаръху, глаголя сице: «Приидоша Русь пытати вЂры нашея, да пристрои церковныи крилосъ и самъ причинися въ святительские ризы, да видять славу бога нашего». И се слышав патриархъ, повеле съзвати крилосъ, и по обычею створиша празьдникъ, и кадила въжгоша, и пЂнья ликъ съвъставиша. И иде царь с ними в церьковъ, и поставиша ихъ на простъраннЂ мЂсте, показающе имъ церьковную красо/л.46./ту, пЂнья, службы архиереискы, предстоянье дьяконьска, и сказающе служенья бога своего. Они же в разумнЂ 3 быша, 3 и удивишася, но хвалиша ученье ихъ и служение. Призва я царь Василеи и Костянтинъ, ркоша: «идЂта в землю ваю». 4 И отпустиша а здравы с великою честию. Они же приидоша в землю свою. И съзва князь бояры своя и старьци. И рече Володимеръ: «се приидоша мужи, посланнии нами, да слышимъ от нихъ бывьшее». И рече имъ: «скажите предъ дружиною». Они же ркоша, яко «преходихомъ первие к Болгаромъ и смотрЂхомъ, како ся кланяютъ в ропатЂ, стояще без пояса, и, поклонився, сядЂтъ и глядитъ сЂмо и овамо, аки бЂшен, нЂсть веселья у нихъ, но печаль и съмрадъ великъ; нЂсть добръ законъ ихъ. И приидохом же в Немци и видЂхомъ в храмЂхъ 5 службу /л.46об./ творяща, а красоты не видЂхомъ никоея же. Приидохомъ же в ГрЂки, вЂдоша ны, идЂже служатъ богу своему; и не вЂси мы, на небеси ли или на земли есмя были, \544\ нЂсть бо на земли того вида ли и красоты тоя, недоумЂемъ сказати; то вЂмы токмо, и отинудъ богъ съ человЂкы пребываетъ; служба ихъ паче всЂхъ странъ. Мы убо не можемъ забыти красоты тоя; всякъ бо человЂкъ, аще вкуситъ сладка, послЂди горко не приимет; тако и мы не имамъ здЂ жити». ОтвЂщавъ бояре, ркоша: «аще бы лихъ законъ грЂческии, то не бы баба твоа приала Олга, яже бЂ мудреиши всЂхъ человЂкъ». ОтвЂща же Володимеръ, рече: «то гдЂ крещение приимемъ». Они же рЂша: «гдЂ ти любо». И минувшю лЂту.


 1 В рукописи лимЂли

 2 В рукописи ношахо

 3 В рукописи водою и; испр. по К

 4 В рукописи городи

 5 Над строкой буква с под дугой.

 6 В рукописи поста

В лЂта шесть тысящь четыреста деветьдесятъ шестаго. ИдЂ ВолодимЂръ с вои на Ко/л.47./рсунь градъ грЂчесхъ; затворишася корсуняне въ градЂ. И ста Володимеръ об онъ полъ града во лимЂни, 1 вдалЂ града единого стрелища. И боряху крЂпко гражанЂ; ВолодимЂръ же объстояше град. Изнемогаху людие въ градЂ; и рече ВолодимЂръ ко гражаномъ: «аще ся не вдадите, иму стояти здЂ за три лЂта». Они же не послушаша его. Володимеръ же изряди воя своя, и повеле сыпати приспу къ граду. Сим же сыплющимъ, коръсуняне подкопаша стену градъную, крадяху сыплемую перьсть и ношаху 2 собЂ въ градъ, сыплюще посредЂ града; вои же пересыпаху; ВолодимЂръ же стояше. И се мужъ корсунянинъ стрЂли, именемъ Настасъ, и писавъ сице на стреле: «кладязи же суть за тобою от востока, от того вода идетъ по трубе; копавъ, переими». Володимеръ же се /л.47об./ слышавъ, възревъ на небо, рече: «аще ся збудетъ, имам ся креститися». Ту абие повеле копати преки трубамъ и переняша воду; и людие изнемогоша водною 3 жаждею, и предашеся; и внидЂ ВолодимЂръ въ град и дружина его. И посла Володимеръ, рекъ царема Василью и Костянтину, глаголя сице: «се град 4 ваю славны взяхъ; слышю же се, яко сестру имаета дЂвою, да аще ея не дасте за мя, се сътворю граду вашему, яко и сему сътворихъ». Се слышавше царя, печална быста; въздаста весть Володимеру, сице глаголюще: «недостоитъ крестьяномъ за поганыя даяти: аще ли ся крестиши, то царство небесное получиши и сие приимеши, и с нами единовЂрникъ будеши; аще ли сего не хощеши створити, не можемъ дати сестры своея за тя». Се слышевъ Володимеръ, рече посланнымъ от царя: «глаголита 5 царема /л.48./ тако: яко крещюся, яко испытахъ преже днии сих законъ вашь, есть ми любъ, и вЂра ваша и служение, еже ми повЂдаша посланнии нами мужи». Се слышавъ царя, ради быста и молиста сестру свою, именемъ Анну, и посласта 6 к Володимеру, глаголюще: «крестися, тогда послЂве тобЂ \545\ сестру свою». И рече Володимеръ: «да пришедъ съ сестрою вашею и крестятъ мя ти». И послушаста царя и посласта сестру свою и сановникы нЂкиа, прозвитеры. Она же не хотяше ити: «яко в поганыя, и рече, не иду: луче бы ми здЂ умрети». И рЂша еи братия: «егда како тобою обратитъ богъ Русьскую землю в покаание, а ГрЂчеськую землю изъбавиши от люты работы; видЂша бо, колко зла Русь створиша ГрЂком; и нынЂ аще не идЂши, тоже имуть створити намъ». И одва ю принудиша. Она же, вседши в кубару, и цело/л.48об./ вавъши ужики своя с плачемъ, и поеде чрезъ море. И яко придЂ к Коръсуню, излЂзоша коръсуняне с поклономъ и ведоша ю въ градъ и посадиша ю в полатЂ. По божью же строю в се врЂмя разъболЂся Володимеръ очима, и не видяше ничтоже, и тужаше вельми, и не домысьляшеся, что створити. И посьла к нему царица, сице ркущи: «аще хошеши изъбыти болЂзьни сЂя, то въсхорЂ кресьтися; аще ли ни, то не имаши изъбыти сего». Се слышавъ ВолодимЂръ, рече: «да аще се истина будЂтъ, то по истиньнЂ великъ богъ крестьянескъ». И повеле крестити ся. Епископъ коръсуньскии и с полы, огъласивъ, кресьти Володимера.

 1 Буквы пр заклеены.

 2 В К исцЂление

 3 В К вЂруи

 44 Приписано на полях внизу листа тем же почерком, но более светлими чернилами.

 5 Буква м частично соскоблена; можно прочесть мыслена

 66 Приписано тем же почерком, но более светлыми чернилами.

 7 В К и вина

Яко възъложи на нь руку, абие прозърЂ. ВидЂвъ же ВолодимЂръ сие на/л.49./прасное 1 счинение 2 и прослави бога, рекыи: «то перьво увидЂхъ бога истиннаго». Се же видЂвъ дружина его, мнози крестишася въ церькви святого Климента. И есть церковъ та стоитъ в Корсуне на мЂстЂ посреди града, идЂже торгъ дЂютъ корсунянЂ; полата же ВолодимЂря въскраи церкви стоитъ и до сего дни, а царицина за олътаремъ есть и до сего дни. По крещеньи же приведе царицю на браченье. Се же, не вЂдущи право, глаголють, яко крестилъся есть в Киеве, инии же рЂша в ВасилевЂ, друзии же ина сказающе. Крещену же ВолодимЂру, и прия вЂру крестьяньскую, глаголюще сице: «да не прельстятъ тебЂ неции от еретик, но вЂрно, 3 сице глаголя: вЂрую въ единого бога Отца, вседръжителя, творца небу и земли, и до конца вЂру сию. И паки вЂрую въ единого Отца не рожена, и 4 въ едина Сына рожена, 4 и въ единъ святыи Духъ исходяще, три собъ/л.49об./ствена, и сверъшена, мыслема, 5 раздЂляема числомъ собъственымъ, събьством, а 6 не божеством; 6 раздЂляет бо ся нераздЂльно и съвокупляется неразмЂсно. Отець бо богъ Отець присно сыи пребываетъ въ отечьствЂ, свЂтъ не роженъ, безначаленъ, начало вына 7 всЂхъ, единемъ нероженемъ старЂи \546\

 1 Приписано над строкой.

 2 В квадратных скобках — из К

 3 В К же и умьну

 4 В К взалка

 5 В рукописи пропоповЂдаша

 6 В рукописи и; испр. по К

 7 В рукописи преклонше; испр. по К

сыи Сыну и Духови, от него ражаеться Сын преже всЂх вЂкъ, исходитъ же Духъ святыи безъ временЂ и безъ тЂла, и въкупЂ Отець и въкупЂ Сынъ 1 и [вкупЂ2 Духъ святыи есть. Сынъ подобенсущенъ и безначаленъ Отцю, роженьемъ точию разнествуя Отцю и Духу; Духъ есть Духъ пресвятыи, Отцю и Сыну подобносущено и присносущено. Отцю бо отечьство, Сыну же сыновъство, святому же Духу исхоженье; ни Отець бо въ Сынъ или въ Духъ преступаетъ, ни Сынъ въ Отца и Духа, и Духъ въ Сынъ или въ Отець; неполвижима бо своиствия. Не трие/л.50./бози, но единъ богъ, понеже едино божество въ трЂхъ лицЂхъ. ХотЂньем же Отець же и Духъ свою спасти тварь, и отечьскихъ ядръ, иже не отступи, сшедъ в девическое ложесно пречистое, аки божие. сЂмя, вшед в плоть в душевну, словесну именует, 3 не преже бывшю приимъ, взыдЂ богъ въплощенъ, родися неизреченно и дЂвство матери съхраньше нетлЂнно, не смятенье, ни размЂшенье, [ни измЂнениа] 2 пострадавъ, но пребывъ еже бЂ, бысть и еже не бЂ, приимъ рабии зракъ истиною, не мечтаньемъ, всячецкы, развЂе грЂха подобенъ намъ бывъ. Волею бо родися, волею бо заклася, 4 волею вжада, волею трудися, волею устрашися, волею умъре, истиною, а не мЂчтаниемъ; вся естественыа не оклеветанны страсти человЂчества. Распятся и смерьти вкуси безъгрЂшныи, въскресъ въ своя плоти. не видЂвше истълЂниа, на небеса взыде /л.50об./ и седе одЂсную Отца; и приидЂ пакы съ славою судити живым и мертвьтмъ; яже взыдЂ съ своею плотью, тако и снидЂ. К симъ едино крещение исповЂдаю, водою и духомъ исъповЂдаю. Приступаю къ пречистымъ таинамъ, вЂрую въ истину тЂло и кровъ. Приемлю церковнаа предания, и кланяюся честнымъ иконамъ. кланяюся древу честному кресту и святымъ мощемъ и святымъ съсудом. ВЂрую же сЂми съборъ святыхъ отець, иже бысть первыи в НикЂи триста и осмънадЂсят, иже прокляша Арьа и проповЂдаша 5 вЂру непорочную и правую; вторыи же съборъ в КостянтинЂградЂ святых отець и сто и осмъ, иже 6 прокляша Макидонья духоборца и проповЂдаша троицю единосущную; третеи же въ Ефесе святых отець двЂсте на Нестория, егоже прокленше, 7 и проповЂдаше святую богородицю; четве/л.51./ртыи в ХалкидонЂ, святыхъ отець щестьсотъ и тридЂсятъ на Евтухиа и на Диоскора, еюже прокляша святии отци и възьгласивше сверъшена бога, и свершена человЂка господа нашего Исуса христа; пятыи съборъ въ Цариграде святых отець сто \547\ и шестьдесат и пять

 1 В К Аргенова

 2 В К приимаи же

 3 В К легъши

 4 В квадратных скобках — из К

 5 В К тако

 6 В К аще

 7 В рукописи отт

 8 В К Домиинъ

 9 В К Политьянъ

 1010 в К съ иныни

на Агренова 1 преданья, на Евагрия, ихъже прокляша святии отци; шестои съборъ в ЦарЂградЂ святыхъ отець сто и семъдЂсятъ на Сергия и Кура, ихъже прокляша святии отци; седмый съборъ в НикЂи святыхъ отець триста и пятьдесятъ прокляша, иже не покланяются иконамъ. Ни приимаютъ 2 ученья у Латынъ, ихъже ученье разъвращено: влЂзше в церковъ, не покланяются иконамъ, но стоя поклонится, и, поклонивъся, написает крестъ на земли и целуетъ, и ставъ простъ, станет на немъ ногама, да его 3 целуетъ, а вставъ попираетъ. А сего апостоли не проповЂдаша; /л.51об./ предали бо суть крестъ апостоли поставленъ целовати, иконы предаша. Лука бо еваньгилистъ первое посла в Рим написавъ и, якоже глаголеть Василеи: икона [на]  4 первыи образъ приходитъ. Пакы же и землю глаголютъ матерью. Да аще имъ есть земля мати, то отець имъ есть небо: искони створи богъ небо и землю. То како 5 глаголють: оче нашь, иже еси на небесЂхъ. Еще 6 ли по сихъ, разуму, земля [есть] 4 мати: то почто плюютъ на матерь свою, да симъ ю лобзают, а симъ ю оскверьняютъ. Сего же РимлянЂ преже не твиряху, но исправляху на всЂхъ зборЂхъ, сходяще от Рима, от всЂхъ престолъ. На первомъ съборЂ, еже на Арья в НикЂи, от Рима, приде Селивестръ, посла прозвитеры и епископы, от Олександриа Офанасеи, а от Царяграда Митрофанъ посла епископы от себЂ; и тако исправливаху вЂру. На втором же зборЂ: от Рима Димасъ, /л.52./ а от 7 Олександриа Тимофии, от Антиохиа Мелетии и Кирилъ Ерусалимъскии, и Григореи Богословець. На третьем же [сборе]: 4 Келестинъ Римъскии, Григореи Богословець, Кюрилъ Алексанъдриискии, Увеналеи Еросолимъскои. На четвертомъ же: Леонътеи Римъскии, Аноталеи Царяграда, Увеналеи Еросолимъскии. На пятомъ же зборе Римскии ВелЂгнЂи, Евтухии Царяграда, Аполинареи Еросолимъскыи, Деменътеи 8 Антиохиискыи. На шестомъ съборЂ: от Рима Огафон, Георгии Царяграда, Феофанъ Антиохиискыи, ото Олександрия Петръ Мнихъ. На седьмомъ зборЂ: ОндрЂянъ от Рима, Тарасеи Царяграда, ПолЂстиян 9 Александриискыи [Феодоритъ Антиохиискыи], 4 Илья Ерусалимъскыи. СЂ вси, съ своими епископы сходящеся, исправляху. По седьмомъ зборЂ Петръ же Гугнивыи се 10 ины 10 шед в Римъ, престолъ въсхвативъ, и разврати вЂру, и отвергъся престола /л.52об./ еросалимъского \548\

 1 В квадратных скобках из К

 2 В К съглашение

 33 Так в рукописи.

 4 В рукописи рабоботЂнъ, при этом второй слог бо смазан.

 5 В К аще се

 6 В К цесарицыны

 7 В К свершении

и александрииского и Царяграда [и] 1 анътиохииского. [И] 1 възмутиша Италию всю, сЂюще ученье свое разно. Симъже дръжать не въ едино съгрЂшенье 2 вЂру, но разъно: ови попове, единою женою оженився, служат, а другии, и до семи женъ поимаючи, служат; ина же многа [разно] 1 дръжит, ихже блюдися ученью; и пращает грЂхи на дару, иже есть злЂе всего. Богъ да съхранит тя от сего».

ВолодимЂръ же посемъ поимъ царицю и Настаса и попы корсуньскиа, с мощми святого КлимЂнта и Фифа, ученика его, и поима съсуды церковныя и иконы на благословленье собЂ, и постави церковъ в Коръсуне на горЂ, иже сыпаша среди града, крадуща приспу, яже церкви стоитъ и до сего дни. Взя же, идя, мЂдяни д†капици, четырЂ иконы мЂдени, яже и нынЂ стоятъ за святою Богородицею, яко уже не вЂдуще /л.53./ мнять я мраморяны суща. Вдасть же за вЂно в 3 Корсунь 3 град опять царици для, а самъ придЂ к Киеву. Яко придЂ к Киеву, и повеле кумиры испроврещи, и овЂхъ сЂщи, и другиа огневи преда; Перуна же повеле привязати к коневи хвосту и влещи з горы по Биричеву на Ручаи, дванадЂсятъ мужь пристави бити жезлиемъ. Се же не яко древу чюющи, но на поруганье бЂсу, иже прельщаше симъ обьразомъ человЂкы, да възмЂстье и прииметь от человЂкъ. Велии еси, господи, чюдна суть дЂла твоя. Вчера чтимъ от человекъ, днесь поругаемъ. Влекому же ему по Ручаеви къ Днепру, плакахутца его невЂрнии людие, еще бо бяху не приали святого крещенья. И привлекше, вринуша в Днепрь. И пристави ВолодимЂръ, рекъ: «аще гдЂ пристанетъ, то отреваите от берега, дондЂже проидет пороги, проити 3 охабися 3 его». /л.53об./ Они же повеленое створиша. И яко пустиша, проидЂ сквозЂ порогы, изверже вЂтръ на ринь; и оттолЂ прослыся Перуня рЂнь, яко и до сего дни словеть. Посемъ же ВолодимЂръ посла по всему граду, глаголя: «аще кто не обрящется на реце, богатъ или убогъ, или нищь, или работЂнъ, 4 противенъ мнЂ будет». И се слышавше людие, с радостью идяше, радующися и глаголюще: «се 5 бы было не добро, не бы сего князь и боярЂ приали». Наутрия же изыдЂ Володимер с попы церковными 6 и корсуньскими на ДнЂпръ, й снидеся безчисла людеи, и влЂзоша в воду, стояху иные до шеи, друзии же до перьсеи, младии же от берега, друзии же младЂнца дръжаще, свержене 7 же бродяху, попове же стояще, молитву творяху. \549\

 1 В рукописи ставЂти, но буква Ђ перечеркнута и над строкой теми же чернилами знак ``

 2 В квадратных скобках — из К

 33 В рукописи чадЂти

 4 В рукописи възрадуемя

И бяше видЂти твЂрдость на небеси и на земли, толко же душь спасаемыхъ; а дияволъ стоня, глаголюще: /л.54./ «увы мнЂ, яко отсюду прогонимъ есмъ, здЂ бо мняхъ жилище, яко здЂ не суть ученья апостольска, не суть вЂдуще бога, но веселяхуся о службЂ ихъ, еже служаху мнЂ; и се уже побЂжаемъ есмъ от невегласа, а не от апостолъ, ни от мученикъ, не имамъ уже царствовати въ странахъ сих». Крестившемъ же ся людЂмъ, идоша кождо в домы своа. Володимеръ же рад бывъ, яко позна самъ бога и людие его, възревъ на небо, и рече: «боже, створивыи небо и землю, и призри на новыа сиа люди, и даи же имъ, господи, увидЂти тебЂ, истинного бога, якоже увидЂша страны крестьянския; утверди вЂру в нихъ право и несъвратно, и мнЂ помози, господи, на противнаго врага, да, надЂяся на тя и на твою дръжаву, побЂжю козни его». И се рекъ, повелЂ рубити церкви и поставляти по мЂстомъ, идЂже стояше кумири Перунъ и прочии; и постави церковъ святого Василиа /л.54об./ на холму, идЂже стояша кумири Перунъ и прочии идоли, идЂже требы творя князь и людие. И нача ставЂти 1 и по градомъ церкви и попы, и людие на крещение приводя по всЂмъ градом и по селамъ. Пославъ [нача отъимати] 2 у нарочити чадЂ 3 дЂти, 3 даяти на учение книжное; матери же чад сихъ плакахуся по нихъ, еще бо не бяху утвердилися вЂрою, но аки по мертвецахъ плакахуся. Сим же раздаяномъ на учение книжное, сбысться пророчество на Рускои земли, глаголющее: «въ оны дни услышать глусии словеса книжная, яснъ будетъ языкъ гугнивыхъ». Яко не быша преди слышали словесъ книжныхъ: но по божью строю и по милости своеи помиловавы богъ, якоже рече пророкъ: «помилую, его аще хощю помилую»; помилова ны паки банею бытьа и обновленьемъ духа, по изволенью божию, а не по наших дЂлехъ. Благословенъ господь /л.55./ Исусъ христос, иже възлюби новыя люди, Рускую землю просвЂти крещеньемъ святымъ. ТЂмже и мы припадаемъ к нему, глаголюще: господи, Исусе христе, что ти въздамъ о всЂх, яже въздасть ты, грЂшникомъ намъ сущимъ. НедоумЂемъ противу даромъ твоим въздание. Велии еси, господи, чюдна дЂла твоа суть, величестьву твоему нЂсть конца; в родъ и род въсхвалимъ дЂла твоя, ркуще съ Давыдом: «придЂте, възрадуемся 4 господеви, въскликнемъ богу спасу нашему, варимъ лице его исповЂданиемъ, исповЂдающися ему, яко благъ, яко в вЂкы милостъ его; яко избавил ны есть от врагъ наших», ркуще от идолъ суетныхъ.

 1 В рукописи благовЂстит, причем последнее т выносное

 2 В квадратных скобках — из К

 3 В рукописи възвЂстит, причем последнее т выносное

 4 В К просвЂщеня

 5 В К въскроплю

 6 В рукописи грЂкъ

 7 В К не

 8 В К тъи

 9 В рукописи крестихом, причем буква м над строкой.

 1010 В рукописи въстахъ

 11 В К приближение

 12 В рукописи Давыдовъ

 13 В К от

И пакы речемъ съ Давыдомъ: «въспоите господеви пЂснь нову, въспоите \550\ господеви вся земьля; въспоите господеви, благословите имя его, благовЂстите 1 день [отъ дни] 2 спасенья его; възвЂстите 3 въ языцех славу его, и въ всЂхъ людехъ чюдЂса его; яко велии господь, хвалЂнъ зЂло, и ве/л.55об./личеству его нЂсть конца». Колико радости, ни единъ, ни два спасается. Рече бо господь, яко «радость бываетъ о единомъ грЂшнице кающемся»; се же ни единъ, ни два, но бесчисленое многое множество къ богу приступиша святымъ крещениемъ просвЂщеньемъ. 4 Якоже пророкъ рече: «вскоръблю 5 на вы воду чисту, и очиститеся от идолъ вашихъ и от грЂхъ 6 вашихъ». И пакы другыи пророк рече: «кто яко богъ отъемля грЂхы и приступаа в 7 правду; яко хотяи милостивъ есть; то 8 обратит и ущедритъ ны и погрузитъ грЂхы наша въ глубине». Ибо Павелъ глаголетъ: «братья, елико насъ крестися въ христос Исусъ, въ смерть его крестихомся 9 и погрЂбохомся убо с нимъ крещеньемъ въ смерть; да якоже въста 10 христос 10 от мертвыхъ славою отчею, якоже и мы въ обновленье житья поидем». И пакы: «вЂтхаа мимоидоша, се быша новыя; кынЂ намъ приближися /л.56./ спасение; нощь успе, а день приближися; имъже приближися 11 обрЂтохомъ вЂру благодать сию, имъже хвалимся и стоимъ. НынЂ же свобожьшися от грЂха, поработившеся господеви, имаетъ плодъ вашь въ священие; тЂмже долъжьни есмя работати господеви радующеся», Рече бо Давыдъ: 12 «работаите господеви съ страхомъ, и радуитеся ему с трепетомъ». Мы же възопиемъ къ владыце богу нашему, глаголюще: благословенъ господь, иже не дастъ нас в ловитъву зубомъ ихъ. СЂть скрушися, и мы избавлени быхомъ от прельсти дьяволя. И погибе память ихъ с шумом; и господь в вЂкы пребываетъ хвалимъ о 13 рускихъ сыновЂхъ, пЂваемъ в троицы, а дЂмони проклинаемъ от вЂрныхъ человЂкъ и от говеиныхъ женъ, иже приаша святое крещение суть и покаание въ отпущение грЂхомъ, новыи людие, крестьяне /л.56об./ избраннии богом.

ВолодимЂръ же просвЂщенъ самъ и сыно†его; дванадЂсятъ имена их: перьвыи Вышеславъ, вторыи Изяславъ, третеи Святополкъ, четьвертыи Ярославъ, пятыи Всеволодъ, шестыи Святославъ, седьмыи Мстиславь, \551\ осмыи Борисъ, девятыи ГлЂбъ, десятыи Станиславъ, первыинадесятъ Позвиздъ, вторыинадЂсятъ Судиславъ.

 1 Угол страницы в рукописи заклеен.

 2 Часть буквы заклеена.

 3 Буква д над строкой.

И посади Вышеслава в НовЂгородЂ1 Изяслава в ПолотьскЂ, а Святополка в ТуровЂ, а Ярослава в Ростове. Умеръшу же стареишему Вышеславу в НовЂгородЂ, и посади Ярослава в НовЂгородЂ, а Бориса в Ростове, в МуромЂ ГлЂба, Святослава в Деревехъ, Всеволода в ВолодимЂре, Мстиславъ в ТмутораканЂ. И рече ВолодимЂръ: «не добро есть мало городовъ около Киева», и нача ставити го/л.57./роды по ДЂсьЂ и по ВострЂ и по Трубежю и по СулЂ и по СтругнЂ, и нача порубати мужи лутшии от Словенъ и Кривичь и от Чюдеи и от Вятичь, от всЂхъ градъ; бЂ бо рать от Печенегъ; и бЂ бьяся с ними и одоляа имъ.

В лЂта шесть тысящь четырЂста деветьдесятъ седмаго. КрЂстися Володимеръ и вся земля Руская. И поставиша в Киеве митрополита, а Новугороду архиепископа, а по инымъ городомъ епископы и попы и дьяконы; и бысть радость всюду. И приидЂ Новугороду Акимъ архиепископъ Коръсунянинъ, и требища раздруши, и Перуна посече, и повеле волочи Волховомъ, поверзавше оужи, волочаху по калу, бьюще жезьлиемъ; и заповЂда никомуже нигдЂже не приати. ИдЂ пидьблянинъ рано на реку, хотя горонци вести в городъ; оли Перунъ приплы ко берви, /л.57об./ и отрину и шесътомъ: «ты, рече, Перушиче, досыть еси гшлъ и елъ, а нынЂ поплови прочь»; и плы съ свЂта окошное.

В лЂта шесть тысящь четыреста деветьдесятъ осьмаго.

В лЂта шесть тысящь чЂтыреста деветьдесятъ девятого. Посемъ же Володимеру живущу в законЂ крестьяньстЂмъ помысли създати церьковъ святыя Богородица; и пославъ, приведе мастеры от ГрЂкъ. И наченшю ж 1 ему ставити, и яко сконча церковъ, и украси ю 2 честными иконами, и поручивъ ю иерею Настасу Корсунянину; епископы корсуньския пристави служити; и вда ту все, еже бЂ в Корсуни взялъ: иконы и съсуды и кресты.

В лЂта шесть тысящь пятьсотъное. ВолодимЂръ заложи градъ БЂлъгородъ, и наруби въ нь градъ, и много людеи сведе в онь: и бЂ любя градъ тои. /л.58./

В лЂта шесть тысящь пятьсотъ перваго. ИдЂ Володимеръ на Хоръваты.

В лЂта шесть тысящь пятьсотъ втораго.

В лЂта шесть тысящь пятьсотъ третьяго.

В лЂта шесть тысещь пятьсотъ четверътаго. ВолодимЂръ видЂ церковъ свершену, и вшедъ в ню, помолися, глаголя: «господи боже, призри с небеси, и виждь. 3 ПосЂти винограда своего; сверши, еже насади десница твоя, новыя люди своя, имъже обратилъ еси сердце в разумъ познати \552\ тебЂ бога истиннаго. Призри на церковъ сию, юже създахъ недостоиныи рабъ твои во имя рожешиа тя матере приснодЂвыя Мария. Да аще кто помолится въ церкви сеи, то услыши молитву его и отпусти и грЂхи его, молитвы ради пресвятыя». Помоливъшюся ему, рекъ сице: «се даю святеи Богородици сеи от именья моего и от градъ моихъ десятую часть». Положивъ, написавъ клятву /л.58об./ въ церкви сеи, рекъ: «аще кто посудитъ сего, да будЂтъ проклятъ». И вдастъ десятину Настасу Корсунянину. И створи праздникъ великъ в тои день бояромъ и старцем градьскымъ, и убогымъ раздая имЂнья многа.

 1 Буква и заклеена.

 2 В рукописи отбЂшася

 3 Слог ши над строкой.

 4 Слог ва над строкой.

По сихъ же приидоша Печенези к Василеву, и Володимеръ изыде противу имъ с малою дружиною; и съступившимся, не може Володимеръ стерпЂти 1 противу имъ, подъбЂгъ, ста подъ мостъ, едъва ся укры от противныхъ. Тогда обЂшася 2 ВолодимЂръ поставити церковъ Василеве святого Преображенья господня, егда се бысть сЂча. Избывъ же Володимеръ сего, постави же Володимеръ церковъ, и творяше праздникъ вельми великъ: триста берковъскъ меду. Съзва бояры своя и старЂишины 3 своа и посадникы своа /л.59./ по всЂмъ градомъ своимъ, разъдаваше триста гривенъ. убогимъ. И празноваше князь въсьмъ днеи, и възъвращашеся к Киеву на Успение святыя богородица, и ту пакы праздникъ творяше свЂтелъ, съзваше бесьчисленое множество народъ. Видяшет же люди крестьяны суща, радовашед же ся душею и тЂломъ. И тако по вся лЂта творяше. БЂ бо любя словеса книжная. Слыша бо единою евангилие чтомо: «блажени милостиви, яко тЂ помиловани будуть»; и пакы: «продаите имЂнья ваша и дадите нищимъ; не скрываите собЂ скровища на земли, идЂже тля тлить и татие крадуть и подъкопаваютъ», 4 слыша Давыда, глаголюще: «блаженъ мужь милуя и дая». Соломона же слыша, глаголюща: «даа нищему богудаетъ взаемъ». Се слышавъ, повеле всяку нищу и убогу/л.59об./ приходити на дворъ княжь и взимати всяку потребу, питье и еденье и от скотниць кунами. Усътрои же и се, рекъ, яко «немощнии и больнии не могуть долЂсти двора моего»; и повеле пристроити кола, накладъше хлЂбъ, и мясъ, и рыбъ, овощь различныхъ, медовъ в бочькахъ, а в другихъ квасъ, и возити по граду, въпрошати нищихъ, болныхъ, не могуще ходити; тЂмъ разьдаваху на потребу. И се же пакы творяше людемъ своимъ: по вся недели устави пиръ творити на дворе гридници, и приходити бояромъ и гридемъ и соцкымъ и десяцкымъ и нарочитыя мужа, при князи же и без князя. Бывающи на обЂдЂ томъ множество от скота мясъ, и от звЂрины бяше изобило всего. Егда же подпивахуся, начаша. роптати на кня/л.60./зя, глаголюще: «зло есть, намъ ясти древеными лжицами, \553\ а не сребреными». И се слышавъ ВолодимЂръ, повеле исковати лжицы сребърены ясти дружинЂ, сице рекъ, яко «сребромъ и златомъ налЂсти не имамъ дружине, а дружиною налЂзу злато и сребро, якоже дЂдъ мои и отець мои доискашеся злата и сребра дружиною». БЂ бо ВолодимЂръ любя дружину, и с ними думая о строеньи земнемъ и о ратЂхъ и о уставЂхъ земнихъ.

 1 В К с

 2 В рукописи въмЂ Лядьцким

 3 В К АндрЂхломъ

 44 Так в рукописи.

 5 В рукописи развЂе богови; испр. по К

 6 В рукописи володиръ

БЂ бо живя съ князи околними его миромъ, се 1 Болеславам Лядьцким, 2 съ Степаномъ Угорьскимъ, съ Адрихломъ 3 Ческымъ; и бЂ миръ межи ими и любви. Живяше ВолодимЂръ въ 4 странахъ 4 и въ страсе божии, умножшися разбоевЂ5 рЂша епископи ВолодимЂру: «умножишася разбоиници; почто не казниши.» Он же рече: «боюся грЂха». /л.60об./ Они же рЂша ему: «то поставленъ еси от бога на казьнь злымъ, а на милованье добрым; достоитъ ти казнити разъбоиника, съ исьпытаньемъ». ВолодимЂръ же отвергъ вЂры, нача казнити разбоиникы. И рЂша старци и епископи: «рать многа, а еже вЂра, то на оружье и на конЂхъ буди». Рече ВолодимЂръ: «тако буди.» И живяше ВолодимЂръ по усътрою божию и дЂдню и отечьню.

В лЂта шесть тысещь пятьсотъ пятого.

В лЂта шесть тысещь пятьсотъ шестаго.

В лЂта шесть тысещь пятьсотъ седьмаго.

В лЂта шесть тысещь пятьсоть осьмаго. Преставися Малъфридъ. В тоже лЂто преставися РогнЂдь, мати Ярославъля,

В лЂта шесть тысещь пятьсотъ девятого. Преставися Изяславъ, отець Брячиславль, сынъ Володимиръ. 6

В лЂта шесть тысещь пятьсотъ десятого. /л.61./

В лЂта шесть тысещь пятьсотъ первагонадЂсят. Преставися Всеславъ, сынъ Мьстиславль, внукъ ВолодимЂръ.

В лЂта шесть тысещь пятьсотъ вторагонадесятъ.

В лЂта шесть тысещь пятьсотъ третьагонадесятъ.

В лЂта шесть тысещь пятьсотъ четвертагонадЂсятъ.

В лЂта шесть тысещь пятьсотъ пятогонадЂсят. Принесени си въ святую Богородицю.

В лЂта шесть тысещь пятьсотъ шестагонадесятъ.

В лЂта шесть тысещь пятьсотъ седьмагонадЂсятъ.

В лЂта шесть тысещь пятьсотъ осмагонадесятъ.

В лЂта шесть тысещь пятьсотъ девятогонадЂсятъ. Преставися раба божиа Анна, царица Володимеря. \554\

 1 В рукописи отчьня с титлом.

 2 В квадратних скобках — из К

 3 В рукописи отчьне с титлом.

В лЂта шесть тысещь пятьсотъ двадесятого.

В лЂта шесть тысещь пятсотъ двадЂсятъ перваго.

В лЂта шесть тысящь пятьсот двадЂсятъ втораго. Ярославу же в НовЂгородЂ уро/л.61об./комъ дающю Кыеву д†тысещи гривенъ от града, а тысещю в НовЂгородЂ гривенъ роздаваху; и тако даяху вси князи новгородстии, а Ярославъ сего не даяше Кыеву отцу своему. И рече ВолодимЂръ: «чистите путь и мосты мостите»; хотяше бо поити на Ярослава, сына своего; но разболЂся.

В лЂта шесть тысящь пятьсот двадесятъ третьяго. Хотящю итти на Ярослава ВолодимЂру, Ярославъ же посла за море, приведе Варяги, бояся отца своего; но богъ не дастъ дьяволу радости, ВолодимЂру бо разьболЂвшуся, в сеже время бяшет бо у него Борисъ. И Печенегомъ идущимъ на Русь, посла противу имъ Бориса; а самъ боляшеть вельми, в неиже болЂсти скончася мЂсяца июля в пятыинадесятъ день. Умре на Берестовемъ. И /л.62./ потаиша и: бЂ бо Святополкъ в Киеве. И нощию межи клетеи проимавше мостъ, в ковЂр обертевше, ужи свЂсиша и на землю; възложиша и на санЂ, везоша и поставиша у святЂи Богородици, юже бЂ създалъ самъ. Се же увидЂвъ людие, снидошася бес числа; и плакашеся по немъ боярЂ, аки заступника земли ихъ, и убозии, яко заступника и кормителя. И вложиша я в коръсьту мороморену, и скуташа тЂло его с плачемъ блаженнаго князя. Се есть новыи Костянътинъ великого Рима, иже крестивься, и людие его крестишася и своя люди крести: тако се створи подобъно ему. Аще бо преже бЂ в поганьствЂ, на скверную похоть желая, но послЂди же прилЂжа к покаянью, якоже апостолъ вЂщаетъ: идЂже умноживъшися грЂхъ, и ту изобилуется /л.62об./ благодать. Аще бо в невежества етера съгрЂшенья быша, послЂди же разъсыпашеся покааньемъ и милостынями, якоже глаголю: «в нем тя застану, в томъ тя и сужю». Якоже пророкъ глаголетъ: «живу азъ, Аданаи господь, яко не хощю смерти грЂшникомъ, но обратитися имъ от пути вашего злаго». Мнози бо праведнии творяще по правдЂ, вЂдЂ жизуще погибаютъ, но въздати комуждо противу трудомъ и неизреченною радостию же буди улучити всЂмъ крестьяномъ.

О убьеньи Бориса. Святополъкъ сЂдЂ в Киеве по отци, и съзва кыяны и нача даяти имЂнье имъ; они же приимаху, и бЂ сердце имъ не с нимъ их, яко братья их с Борисомъ бяху. Борису же възъвративъшуся с вои и не обретшу Печенегъ, вЂсть придЂ к нему, яко «отець ти умерлъ». И плакася по отцы, вель/л.63./ми любимъ бЂ отцемъ паче всЂхъ, и ста на АлтЂ пришед. РЂша же дружина отечьня: 1 [«се у тебе есть дружина отня] 2 и вои; поиди, сяди в Киеве на столЂ отечьне». 3

 1 В рукописи отчьню с титлом

 2 В квадратных скобках—из К

 3 В рукописи хотя; испр. по К

 4 Буква н недописана; без поперечной черты

 5 В квадратных скобках — из К

Онъ же \555\ рече: «не буди то мнЂ взняти рукы на брата старЂишаго; аще отець мои умре, то сеи ми будет въ отца мЂсто». И се слышавше, разыдошася от него; Борисъ же стояше съ отрокы своими. Святополкъ, иже исполънися безакониа, приимъ Каиновъ смыслъ, посла к Борису, глаголя, яко «с тобою хощю любовъ имЂти, къ отечьню 1 данью придадим ти», а льстя под нимъ, како бы его погубити. Святополъкъ же придЂ нощию к Вышегороду отаи, призва Путшу и вышегородцкыа бояре, и рече имъ: «приаите ми всЂмъ сердцемъ». Рече же ему Путша с вышегородци: «можемъ главы своя сложити за тя». Он же рече имъ: «прияите ми всЂмъ сердцем, /л.63об./ не повЂдающе никомуже, шедше убеите брата моего Бориса». Они же вскорЂ обЂшася ему створите се. О сяковыхъ бо Соломонъ рече: «скоры суть пролити кровъ безъ правды, тЂ бо обЂшаются крови, избирают собЂ злаа; сихъ бо путие суть скончавающих безаконие, и нечестиемъ свою душу отъемлютъ». Посланнии же [приидоша] 2 на АлътЂ нощию, подъступиша близъ, и слышашавъ же [гласъ] 2 блаженнаго Бориса, поюща заутреню: бЂ бо ему вЂсть [уже], 2 яко хотять 3 его погубити. И въставъ нача пЂти глаголя: «слава в вышнихъ богу» и прочая. И кончавъ ексапсалмы и нача пЂти псалтырь, глаголя: «яко обыдоша мя пси мнози и унци тучни и съборъ злобивыхъ осЂде мя. Господи боже мои, на тя уповахъ, и спаси мя, от всЂхъ гонящих мя избави мя». И скончавъ заутренюю /л.64./ и помолися, глаголя, зря на икону на образъ Владычень, глаголя сице: «господи Исусе христе, иже симъ образокъ явися на земли спасениа ради нашего, изволивыи пригвоздити руцЂ на кресте нашихъ ради грЂховъ и приимъ страсть грЂхъ ради наших, тако и менЂ грЂшнаго, сподоби прияти страсть сию; не от противныхъ, но от своего брата; не поставъ ему, господи, в семъ грЂха». И кончавъ молитву, възляже на одре своемъ. И се нападоша на нь, акы дивии звЂрие, около шатра, и насонуша копьи, и прободоша Бориса и слугу его, падшего на немъ. Бяше отрокъ тои Угринъ, именемъ Георгии, егоже князь Борисъ повелику любьляше; бЂ бо възложилъ на него гривну злату велику, в неиже 4 предъ нимъ стоарше. Избиша же ины отрокы Борисовы многы. Георьевы же сему не могоша сняти гривны /л.64об./ вборзЂ с ворота и отсекоша главу его, и тако сняша, послЂди же не обрЂтоша в трупъи телеси его. Бориса же убиша оканнии, ввертЂша в шатЂръ, и възложиша на кола, и повезоша и и еще дышющу ему. УвидЂвъ се оканныи Святополъкъ, [яко] 5 еще дышеть, и посла два Варяга прикончать его. ОнЂма же пришедшима, и видЂша, яко живъ есть еще, единъ ею извлЂкъ мЂчь и пронзЂ \556\ и в сердце.

 1 Последняя буква заклеена.

 2 В К блаженыи

 3 Вторая буква и заклеена

 4 Написано над строкой.

И тако скончася 1 божественыи 2 Борисъ, венець приимъ 3 от христа бога, с ликы 1 мученикъ причтеся, с пророкы и апостолы и съ всЂми святыми въдворяяся, Авраму на лоне почивая. И положиша тЂло его, принесше отаи, в Вышегороде, у святого Василья. Оканнии же убиицы приидоша к Святополку. Сице же имена убиицам, законопреступнымъ: Путша, Талець, Еловичь, Ляшко; отець же /л.65./ у нихъ сотона. Сиции бо слуги бЂси бываютъ; бЂси бо на зло посылаются. Аггелъ убо человЂку не сьтворяет зла, но всегда благое мыслить, паче же крестьяномъ помогаетъ и засьтупаетъ от супротивнаго дьявола; а бЂси всегда на зло ловят; понеже видятъ человЂка богомъ почтена, завидяще ему, на злое скоро слЂми суть. Рече бо богъ: кто идЂтъ прельстить Ахава; и рече бЂсъ: се азъ иду. Тако же и злыи человЂкъ, тщится на злое, не хужее есть бЂса; бЂси бо бога боятся; а злыи человЂкъ ни бога боится, ни человекъ стыдится; бЂси бо креста боятся: а зълыи человЂчъ и креста не боится.

О убьении же ГлЂбове. Святополкъ же оканныи помысли в себЂ, рекъ: «се убихъ Бориса; како убью ГлЂба». И приимъ промыслъ Каиновъ, посла с лестью къ ГлЂбу, глаголя сице: «поиди вборзЂ, отець тя /л.65об./ зовЂть, нездравить вельми». ГлЂбъ же вборъзЂ вседъ на конь, в малЂ дружине поидЂ: бЂ бо послушливъ отцю. И пришедшу ему на Волгу на поли, подчеся конь в ровЂ, и наломи ногы мало. И придЂ к Смоленьску и поидЂ от СмолЂньска зримо. И ста на Смядыни в кораблеци. В се же время пришла бЂ вЂсть къ Ярославу от Предисла†сестрЂ его о отечнЂ смерти. И посла Ярославъ къ 1 ГлЂбу, глаголя: «не ходи, отець ти умерлъ, а братъ убьенъ от Святополка». Се же слышавъ ГлЂбъ, возопи съ слЂзами, плакася по отци, паче же и по брате. И начатъ молитися съ слЂзами, глаголя: «увы мнЂ, господи; луче бы ми умрЂти с братомъ, нежели жити въ свЂте семъ. Аще бо быхомъ видЂлъ, брате, лице твое аггельское, умеръ быхъ с тобою. НынЂ же что створю, азъ умилЂныи, /л.66./ учюженыи от твоея доброты. НынЂ же что ради остахъ азъ единъ, гдЂ суть словЂса твоя, яже ми глагола, брате мои любимыи. НынЂ убо уже не усълышю тихаго твоего наказаньа, да аще еси получилъ дръзновение у бога, молися богу о мнЂ, да и азъ туже смерть бых приялъ. Луче бо ми с тобою умърети, нежели въ свЂте семъ прелЂстнемъ жити». Сице ему молящюся съ слЂзами, стенющи и плачющи и въздыхающю, и часто бога призывающю, а се внезапу приидоша посланнии от Святополка злыя слугы на погубление ГлЂба. Святыи же ГлЂбъ ехаше в кораблеци, и срЂтоша и усть рЂки Смядыни; тогда оканнии оступиша в 4 кораблЂхъ и яша \557\

 11 Написано с выносным знаком на полях тем же почерком и теми же чернилами.

 2 В рукописи необреженьи

 3 В квадратных скобках — из К

корабль ГлЂбовъ и 1 обножиша оружьа. 1 Отроци же ГлЂбови уныша. Оканнии же послании ГорясЂръ повЂле вборзЂ зарЂзати ГлЂба. Поваръ же ГлЂбовъ, /л.66об./ именемъ Туръчинъ, вынятъ ножъ и зареза ГлЂба мЂсяца сентябьриа въ пятыинадЂсятъ день. И принесе ся яко агнець непороченъ на жертву богу въ воню благоухания, жертва словесная, и прият венець от бога и вьшедъ въ небесныя обители, и узре желаемаго брата своего, и радовашеся с нимъ неизреченною радостию. И прияста венца нетлЂнныя, иже улучиста братолюбиемъ своимъ. Се коль добро и коль красно, еже жити братье вкупЂ. Оканнии же убиици възвратишася въспять, якоже рече Давыдъ: «да възвратятся грЂшници въ адъ». ОнЂм же пришедшимъ и повЂдаша имъ Святополку, яко «створихом повеление тобою». Онъ же, слышавъ се, рад бысть, и възнесеся сердце его болма, а не вЂдыи пророка Давыда, глаголюща: «что ся хвалиши о злобЂ силнЂи, безаконие весь день, неправду /л.67./ умксли языкъ твои». ГлЂбу же убъену бывъшу и повЂржену на березе межю двЂма колодома. И сему святому лежащю долго время и не оста в неведении и в небреженьи 2 пребыти отъинудъ, но показа ся овогда столпъ огненъ, овогда свЂща горяща въ дни и в нощи; иногда пЂнья ангельскаа слышаху мимоходящии гостие; инии же ловы дЂюще и скоты пасуще. Се же слышавше и видяще, не бысть памяти ни единому ихъ о взысканьи телеси святаго: ясно бо явися, яко въ СмолЂньски убьенъ, но не вЂдяху, гдЂ положенъ. Тогда помянуша свЂтъ яко видЂша и свЂща в пустыни. И то слышавъше, послаша искати телеси святого съ честными кресты. НалЂзоша, идЂже [бяху видЂли. И привезъше и, и положиша его в ВышегородЂ, идеже] 3 лЂжитъ тЂло брата его Бориса, якоже бЂ лЂпо и честно съ псалмы и пЂсньми. Съвокупльна тЂлома /л.67об./ а душею у владыцЂ всЂхъ царя пребывающе в радости бесхонечнеи въ свЂте неизреченнемъ, подающе целебныя дары Рускои земли, и инЂмъ приходящимъ страннымъ с вЂрою даета исцЂление: хромымъ ходити, слЂпымъ прозрЂние, болящимъ исцеление, окованымъ разрЂшение, темьницамъ отверъзение, печалнымъ утЂха, напастнымъ избавлЂние. Наста заступление Рускиа земли, свЂтилника сияюща и молящеся всегда къ владыцЂ о своихъ людЂх. ТЂм же и мы должни есмя похвалити достоино страстотрьпца христова: радуитася небеснаа жителя, въ плоти аггела быша, единомышленыя служителя, верста единообразна и святымъ единодушьна. Радуися, Борисе и ГлЂбе богомудрая, яко потока точита от кладязя воды животныя, исцелЂниа исте/л.68./каютъ вЂрнымъ людЂмъ. Радуитеся, лукаваго змиа поправше, свЂтозарънаа явистася свЂтила \558\ озаряюще землю Руськую, всегда и тьму отгоняюще, явлься вЂрою неуклонною. Радуися, брата, вкупЂ в мЂстехъ свЂтозарныхъ, в селехъ небесныхъ, въ славе неуведающеи, еяже по достоянию сподобистася. Радуитеся, свЂтлаа звЂзда, заутра въсходящи. Но христолюбивая брата страстотерпца и заступника наша, покорити поганыя под нозЂ княземъ нашимъ, молящеся о нЂхъ къ владыцЂ христу богу нашему мирнЂ пребывати, в совокупьлении и въ здравии, избавляющихъ от усобныа рати, от пронырьства дьяволя, сподобита же и насъ, чтущихъ ваю честное торъжество, въ вся вЂкы до скончанья.

 1 Далее три четверти первого столбца и столбец второй л. 69, а также л. 69 об. оставлены чистыми.

 2 Слог ко написан над строкой.

О убьеньи Святославли. Святополкъ же оканныи, уби Святослава /л.68об./ в горЂ Угорьстеи, бЂжащю ему въ Угры. Начатъ же помышьляти, яко «избью всю братью свою, и прииму власть Рускую единъ»; се помыслиша высокоумиемъ своимъ, а не вЂдыи, богъ даетъ власть, емуже хощетъ; поставляетъ царя и князя вышьшии, емуже хощетъ, богъ дасть. Аще бо коя земля управится пред богомъ, поставляетъ еи царя или князя праведна, любяше судъ и правду, и властеля устрояетъ и судью, правяще судъ. Аще бо князи суть праведни бываютъ в земли, то многа отдаются съгрЂшеньа, аще ли зли и лукави бываютъ, то болшее зло наводитъ бог на землю ту, понеже то есть глава земли. Тако бо Исаия рече: «съгрЂшиша от главы и до ногу, иже есть от царя и до простыхъ людеи»; лютЂ бо граду тому, в нем же князь /л.69./ юнъ, любяи вино пити с гусьльми и с младыми съвЂтникы, сяковыя даетъ богъ за грЂхы, а старыя отъемлетъ. Якоже Исаия... 1









Попередня     Головна     Наступна


Етимологія та історія української мови:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчанин, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



 


Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.

Iзборник. Історія України IX-XVIII ст.