Уклінно просимо заповнити Опитування про фемінативи  

[Новгородская первая летопись старшего и младшего изводов. — М.-Л., 1950. — С. 26-36.]



Попередня     Головна     Наступна






 1 В рукописи кые

 2 В Новгородской 4-й летописи бивше мало не до смерти

Въ лЂто 6649 [1141]. Априля въ 1 бысть знамение на небеси дивьно велми: 6 круговъ, 3 около солнця, а кроме солнця другыя 3 великы, и стоя близъ не весь день. Въ то же лЂто придоша ис Кыева от ВсЂволода по брата Святослава вести Кыеву 1; «а сына моего, рече, приимите собе князя». И яко послаша епископа по сына его и много лепьшихъ людии, а Святославу реша: «а ты пожиди брата, /л.21об./ то же поидеши»; онъ же убоявъся новгородьць: чи прЂльстивъше мя имуть, и бежа отаи въ ноць; Якунъ съ нимь бежа. И Якуна яша на ПлисЂ, и приведъше и семо съ братомь его Прокопьею, малы не до смерти 2, обнаживъше, яко мати родила, и съверша и съ моста; нъ богъ избави, прибрьде къ бЂрегу, и боле его не биша, нъ възяша у него 1000 гривенъ, а у брата его 100 гривенъ, такоже и у инЂхъ имаша; и затоциша Якуна въ Чюдь съ братомь, оковавъше и руцЂ къ шьи. И последь приведе я къ собе Гюрги и жены ея из Новагорода, и у себе я дьржа/л.22./ше въ милости. И разгнЂвася Всеволодъ, и прия слы вся и епископа и гость. И сЂдЂша новгородци бес князя 9 мЂсяць: и призваша и-Суждаля Судилу, Нежату, Страшка, оже бЂху бЂжали из Новагорода, Святослава дЂля и Якуна; и даша посадницьство Судилу НовЂгородЂ; и послаша по Гюргя по князя Суждалю, и не иде, нъ посла сынъ свои Ростислав, оже тои преже былъ. Въ то же лЂто въниде Ростислав Гюргевиць Новугороду на столъ, мЂсяця ноября въ 26.

Въ лЂто 6650 [1142]. Епископъ и купьце и слы новгородьскыя не пущаху из Руси, и они не хо/л.22об./тяху иного князя, раз†Святопълка; и въда имъ Святопълка и-своею руку; въротивъся Гюрги, оже пустилъ сынъ свои Новугороду. И услышаша НовЂгородЂ, яко Святопълкъ идеть къ нимъ съ всЂми людьми ихъ, и яша Ростислава, и въсадиша въ епископль дворъ, сЂдЂвъша 4 мЂсяци. Въ то же лЂто въниде Святопълкъ Новугороду, 19 априля; и пустиша Ростислава къ отцю. Въ то же лЂто приходиша Ђмь и воеваша область Новгородьскую; избиша я ладожане 400 и не пустиша ни мужа. Въ то же лЂто приходи Свьискеи князь съ епископомь въ 60 шнекъ на гость, иже и-/л.23./ заморья шли въ 3 лодьяхъ; и бишася, не успеша ничтоже, и отлучиша ихъ 3 лодье, избиша ихъ полутораста.

Въ лЂто 6651 [1143]. Стояше вся осенина дъждева, от Госпожина дни до Корочюна, тепло, дъжгь; и бы вода велика вельми въ Волхове и всюде, сено и дръва разнесе; озеро морози въ нощь, и растьрза вЂтръ, и вънесе \27\

 1 Буква и, кажется, переделана из ю

 2 Можно прочесть также леиву

 3 В строке смольнь и с над г.трокой.

 4 В листе отверстие, существовавшее до того, как был написан текст.

 5 Последняя буква неясна.

 6 На месте буквы л пятно.

въ Волхово, и поломи мостъ, 4 городнЂ отинудь бе-знатбе занесе. Въ то же лЂто оженися Святопълкъ НовЂгородЂ, приведе жену из Моравы, межи 1 Рожествомь и Крещениемь. Въ то же лЂто ходиша Корела на Емь, и отбЂжаша 2 лоиву 2 бити. /л.23об./

Въ лЂто 6652 [1144]. ДЂлаша мостъ вьсь цересъ Волхово, по стороне ветхаго, новъ вьсь. Въ то же лЂто погоре Хълмъ вьсь и церкы святого Илье. Въ то же лЂто испьсаша честно притворы вся въ святЂи Софии НовЂгородЂ, архиепископъ Нифонтъ. Тъгда же даша посадницьство НежатЂ Твьрдятицю. Въ то же лЂто съвЂршиша церковь камяну святЂи Богородици на Търговищи, НовегородЂ. Въ то же лЂто постави мя попомь архепископъ святыи Нифонтъ.

Въ лЂто 6653 [1145]. Стояста 2 недЂли пълне, яко искря гуце, теплЂ велми, переже жатвы; потомь наиде дъжгь, яко не видехомъ ясна дни ни до зимы; и много бы уимЂ житъ и сЂна не /л.24./ удЂлаша; а вода бы больши третьяго лЂта на ту осень; а на зиму не бысть снЂга велика, ни ясна дни, и до марта. Въ то же лЂто утопоста 2 попа, и не да епископъ надъ нима пЂти. Въ то же лЂто заложиша церковь камяну на СмядинЂ, Борис и ГлЂб, СмольньскЂ 3. Томь же лЂтЂ ходиша вся Русска земля на Галиць и много попустиша область ихъ, а города не възяша ни одиного, и воротишася, ходиша же и из Новагорода помочье кыяномъ, съ воеводою Неревиномь, и воротишася съ любъвью 4.

Въ лЂто 6654 [1146]. ПрЂставися въ Руси ВсЂволодъ 5 мЂсяця июля, и сЂдЂ на столЂ его брат Игорь, и сЂдЂ 2 недЂли; и негодовахуть его людье, /л.24об./ и въздаша вЂсть къ Изяславу Мьстиславичю Переяславлю, и приде съ вои, и бишася; и поможе богъ Изяславу, и сЂде Изяслав на столЂ, и Игоря самого яша 5 день по побоищи 5, и порубиша и; а на осень вымолися постричься, и пострижеся. Тъгда же даша посадницьство Костянтину Мукулъцицю, и у НЂжатЂ отьмъше. Томь же лЂтЂ съдЂлаша 4 церкви: святую мученику Бориса и ГлЂба въ градЂ, святого пророка Илье, и святую апостолу Петра и Павла на ХълмЂ 6, и святую безмздьнику Козму и Дамияна.

Въ лЂто 6655 [1147]. На осень ходи Святопълкъ съ всЂю областию Новъгородьскою на Гюргя, хотя на /л.25./ Суждаль, и воротишася на Новемь търгу, распутья дЂля. Томь же лЂтЂ прЂставися зимЂ Костянтинъ посадникъ, и даша Судилови Иванковицю опять. Тъгда же умре Онтонъ игуменъ. \28\

 1 Первая буква стерлась.

 2 Буква а переделана из ъ

 3 В строке роускы и с над строкою под дугой.

 4 Верхняя горизонтальная черта в букве ъ едва заметна.

 5 В рукописи му(ж

 6 В рукописи изяславлявляя

Въ то же лЂто вдаша игуменьство Андрееви по ОнтонЂ. Томь же лЂтЂ убиша Игоря князя Олговиця кыянЂ.

Въ лЂто 6656 [1148]. Бысть дъжгь съ градомь июня въ 27, в недЂлю, и зажьже гром церковь святыя Богородиця въ Звериньци манастырь. Въ то же лЂто ходи архепископъ Нифонтъ Суждалю, мира дЂля, къ Гюргеви; и приятъ и съ любъвью Гюрги, и церковь святи святЂи Богородици великымь священиемь, и новотъ/л.25об./ржьцЂ всЂ выправи и гость всь цЂлъ, и посла съ цьстию Новугороду; нъ мира не дасть. Тои же осени присла Изяслав 1 ис Кыева сына своего Ярослава, и прияша новгородьци, а Святопълка 2 выведе злобы его ради и дасть ему Володимирь. Тои же зимЂ приде Изяслав Новугороду, сынъ Мьстиславль, ис Кыева, иде на Гюргя Ростову съ новгородьци; и мъного воеваша людье Гюргево, и по ВолзЂ възяша 6 городъкъ, оли до Ярославля попустиша, а головъ възяшя 7000, и воротишася роспутия дЂля.

Въ лЂто 6657 [1149]. Иде архепископъ новъгородьскыи Нифонтъ въ Русь, позванъ Изяславомь и Климомь /л.26./ митрополитомь: ставилъ бо его бяше Изяслав съ епископы Русскыя 3 области, не славъ Цесарюграду; а Нифонтъ тако мълвляше: «не достоинЂ есть сталъ, оже не благословенъ есть от великаго сбора, ни ставленъ»; а онъ про то не бързо отрядивъ его, нъ посади и въ ПечерьстЂмь манастыри, дондеже Гюрги придеть. Въ то же лЂто Гюрги приде на Кыевъ 4, позванъ Святославомь Олговицемь, и бишася у Переяславля, и переяславьци сЂдоша на щитЂ, науцениемь Гюргя; и сЂде Гюрги КыевЂ, а Изяславъ бЂжа Володимирю. На то же лЂто идоша даньници новгородьстии въ малЂ; и учювъ Гюрги, оже въ мале /л.26об./ шли, и посла князя Берладьскаго съ вои, и бивъшеся мало негде, сташа новгородьци на островЂ, а они противу ставше, начаша городъ чинити въ лодьяхъ; идоша новгородьци к нимъ на третии день, и бишася; и много леже обоихъ, нъ суждальць бещисла. На ту же зиму придоша Емь на Водь ратью нЂ въ тысящи; и услышавъше новгородьци любо въ 500 съ Водью, идоша по нихъ, и не упустиша ни мужа 5. Тои же нощи бысть знамение въ лунЂ: вся погыбе, въ заутрьнюю пакы напълнися, феурар.

Въ лЂто 6658 [1150]. Приде архепископъ Нифонтъ ис Кыева, пуще/л.27./нъ Гюргемь княземь; и ради быша людье НовЂгородЂ.

Въ лЂто 6659 [1151]. Победи Изяслав съ Вяцеславомь Гюргя у Переяславля, иуля 17. На ту же зиму преставися княгыни Изяславляя 6. Въ то же \29\

 1 Между буквами кые и буквами †оставлено чистое место, вероятно, потому, что в этом месте поверхностный слой листа содран.

 2 Между буквами по и бЂ в листе отверстие.

 3 В строке люи и д над строкой.

лЂто архиепископъ Нифонтъ поби святую Софию свиньцемь всю прямь, извистию маза всю около. Тъгда же създаша 2 церкви: святого Василия и святую Костянтина и матере его Елены.

Въ лЂто 6660 [1152]. Априля 23 загорЂся церкы святого Михаила въ сред Търгу, и много бысть зла; и погорЂ всь Търгъ и двори до ручья, а семо до Славь/л.27об./на, и церквии съгоре 8, а 9-я Варязьская.

Въ лЂто 6661 [1153]. Иде боголюбивыи архепископъ Нифонтъ въ Ладогу, и заложи церковь камяну святого Климента. В то же лЂто съруби Аркадъ игуменъ церковь святыя Богородидя Успение и състави собе манастырь; и бысть крестьяномъ прибежище, ангеломъ радость, а дьяволу лагуба.

Въ лЂто 6662 [1154]. Изгнаша новъгородици князя Ярослава въ 26 марта, и въведоша Ростислава, сына Мьстиславля, априля въ 17. Въ то же лЂто поставиша церковь святого Савы. Въ то же лЂто прЂ/л.28./ставися Изяслав КыевЂ, ноябра 14. Тъгда же иде Ростислав из Новагорода Кыеву на столъ, оставивъ сына Давыда НовегородЂ; и възнегодоваша новгородци, зане не створи имъ ряду, нъ боле раздьра, и показаша путь по немь сынови его. Тъгда послаша владыку Нифонта съ передьними мужи къ Гюргеви по сынъ, и въвЂдоша Мьстислава, сына Гюргева, генваря въ 30. Тои же зиме прЂставися Вячеслав КыевЂ. Тъгда же иде Ростислав къ Чернигову ис Кыева, сЂдевъ Кые†1 неделю 1, и побЂдиша 2 и, прЂльстивъше; и сЂде Изяслав Давыдовиць Кые†/л.28об./ .

Въ лЂто 6663 [1155]. На вьрьбницю въниде князь Гюрги Кыеву и сЂде на столЂ, а Изяслав избежя Давыдовиць Цьрнигову; и прия Гюрги сыновьць въ миръ съ любовью, и волости имъ раздая достоиныя; и бысть тишина въ РусьстЂи земли.

Въ лЂто 6664 [1156]. Выгнаша новъгородьци Судила ис посадницьства, и по том изгнании 5-и день умре; и потом даша посадницьство Якуну Мирославицю. Тои же весне прЂставися архепископъ Нифонтъ, априля въ 21: шьлъ бяше Кыеву противу митрополита; инии же мнози глаголаху, яко, полу/л.29./пивъ святую Софию, пошьлъ Цесарюграду; и много глаголаху на нь, нъ собе на грЂхъ. О семь бы разумети комуждо насъ: которыи епископъ тако украси святую Софию, притворы испьса, кивотъ створи и всю извъну украси; а Пльскове святого Спаса церковь създа камяну, другую въ ЛадозЂ святого Климента. Мьню бо, яко не хотя богъ, по грЂхомъ нашимъ, дати намъ на утеху гроба его, отведе и Кыеву, и тамо прЂставися; и положиша и въ Печерьскемь манастыри, у святЂи Богородици въ печере. В то же лЂто събрася всь град людии 3, изволиша собе епископь поставити мужа богомь избрана /л.29об./ Аркадия; и \30\ шьдъше всь народъ, пояша и из манастыря от святыя Богородиця, и князь Мьстиславъ Гюргевиць, и всь клиросъ святыя Софие, и вси попове городьстии, игумени и церньци, и въвЂдоша и, поручивъше епископью въ дворЂ святыя Софие, дондеже придеть митрополитъ въ Русь; и тъгда поидеши ставитъся. Въ то же лЂто поставиша заморьстии церковь святыя ПятницЂ на Търговищи.

 1 В рукописи по описке зда

 2 В К смоленьску

 3 Можно прочесть также и с Кыева

 4 В рукописи гергия

 5 В рукописи по описке дужину

 6 Буква о переделана, повидимому, из с, а буква ш из ч или т

Въ лЂто 6665 [1157]. Бысть котора зла 1 въ людьхъ, и въсташа на князя Мьстислава на Гюргевиця, и начяша изгонити из Новагорода, търго выи же полъ /л.30./ сташа въ оружии по немь; и съвадишася братья, и мостъ переимаша на Вълхове, и сташа сторожи у городьныхъ воротъ, а друзии на ономь полу, малы же и кръви не прольяша межи собою. И тъгда вънидоста Ростиславиця, Святослав и Давыдъ; и на ту нощь бежа Мьстислав из города. По трьхъ днехъ въниде Ростислав самъ, и сънидошася братья, и не бысть зла ничто же. Тои же веснЂ переставися Гюрги князь КыевЂ, и посадиша Изяслава Давыдовиця кыяне на столЂ. Томь же лЂтЂ преставися АндрЂи, игуменъ святыя Богородидя, и поставиша Ольксу въ него мЂсто. На то же осень зЂло страшьно бысть: /л.30об./ громъ и мълния, градъ же яко яблъковъ боле, мЂсяця ноября въ 7 день, въ час 5 нощи.

Въ лЂто 6666 [1158]. Иде Ростислав Смольску 2 и съ княгынею, а сынъ свои Святослав посади НовЂгородЂ на столЂ, а Давыда на Новемь търгу. Въ то же лЂто, по грЂхомъ нашимъ, моръ бысть въ людехъ многъ, и конь мъножьство помре, яко ньлзЂ бЂше доити до търгу сквозЂ городъ, ни по грЂбли, ни на поле выити смороды; такоже и скотъ помре рогатыи. Том же лЂтЂ ходи Аркадъ Кыеву ставитъся епископомь, и поставленъ бысть от митрополита Костянтина, и приде въ Новъгородъ, мЂсяця септября въ 13 день, /л.31./ на канонъ святого Въздвижения. Томь же лЂтЂ побЂди Мьстиславъ Изяславиць Давыдовиця Изяслава, и прогна ис Кыева 3, и позва Ростислава, стръя своего, Кыеву на столъ. Тои же осЂни поставиша Дионисия игуменомь у святого Георгия 4.

Въ лЂто 6667 [1159]. Иде Мьстислав Кыеву и седЂ Кые†на столЂ. В то же лЂто прЂставися Крстянтинъ, митрополитъ русьскыи, ЦьрниговЂ.

Въ лЂто 6668 [1160]. Прияша новгородьци Ростиславиця Святослава, и поправиша и въ Ладогу, а княгыню въпустиша въ манастырь святыя Варвары, а дружину 5 его въ погрЂбъ въса/л.31об./жаша; и въвЂдоша 6 \31\

 1 Буква о, возможно, переделана из буквы р

 2 В рукописи ладоугоу

 3 Буква а (перед и) неясна.

 4 В строке гра и д над строкой под дугой.

 5 Буква а неясна.

 6 В рукописи по описке наворониша

 7 В рукописи црця с титлом; испр. по КА

Мьстислава Ростиславиця, вънука Гюргева, мЂсяця июня въ 21. Тои же зимЂ въдаша посадницьство НЂжатЂ, и ведоша 1 Святослава въ Ладогу, и оттолЂ бежа въ Смолньскъ. Томь же лЂтЂ, на зиму, побЂди Ростислав Изяслава Давыдовиця у БЂлагорода, и самого убиша, и множьство Половьць паде.

Въ лЂто 6669 [1161]. Уладися Ростислав съ АндрЂемь о Новъгородъ, и вывЂдоста Мьстислава, Гюргевъ вънукъ, седевъшю ему годъ до года без недЂлЂ, а Святослава въвЂдоша опять на всЂи воли его, септября въ 28. Тъгда же отяшя посадницьство у НЂжате, а Заха/л.32./рии даша. Томь же лЂтЂ стоя всЂ лЂто ведромь и пригорЂ всЂ жито, а на осЂнь уби всю ярь морозъ. Еще же, за грЂхы наша, не то зло оставися, нъ пакы на зиму ста вся зима тепломь и дъжгемь, и громъ бысть; и купляхомъ кадку малую по 7 кунъ. О, велика скърбь бяше въ людьхъ и нужа.

Въ лЂто 6670 [1162]. ПрЂставися игуменъ Олькса святыя Богородиця, и поставиша по немь игуменомь Мануила. Томь же лЂтЂ у святого Духа Съшьствия поставиша игуменомь Саву.

Въ лЂто 6671 [1163]. Преставися епископъ новъгородьскыи Аркадии септября въ 19; положиша и съ честью вЂликою въ притворе святыя София. /л.32об./

Въ лЂто 6672 [1164]. Придоша Свье подъ Ладугу 2, и пожьгоша ладожане 3 хоромы своя, а сами затворишася въ градЂ 4 съ посадникомь съ Нежатою 5, а по князя послаша и по новгородце. Они же приступиша подъ городъ въ суботу и не успЂша ничтоже къ граду, нъ большю рану въсприяшя; и отступиша въ рЂку Воронаи. Пятыи же день приспЂ князь Святослав съ новгородьци и съ посадникомь Захариею, и наворопиша 6 на ня, мЂсяця маия въ 28, на святого Еладия, въ четвьрток, въ час 5 дни; и побЂдиша я божиею помощью, овы исЂкоша, а иныя изимаша: пришли бо бяху въ полушестадьсятъ шнекъ, изьмаша 43 шнекъ; /л.33./ а мало ихъ убежаша и ти Ђзвьни.

Въ лЂто 6673 [1165]. Поставленъ бысть Илия архиепископъ новъгородьскыи от митрополита Иоанна, при князи РусьстЂмь РостиславЂ, мЂсяця марта въ 28, на вьрьбницю, и приде Новугороду мЂсяця маия въ 11, при князи Новгородьстемь Святославе, а при посаднице Захарии. Томь же лЂтЂ поставиша церковь святыя Троиця 7 шетициници, а другую \32\

 1 В рукописи пра

 2 В рукописи митрополититъ

 3 В рукописи ру

 4 Так в рукописи; ниже под 6706 г. устерегошася

 5 В К также они

 6 В рукописи не дошедъшедъше

на Городищи святого Николы князь Святослав. Въ то же лЂто ходи игуменъ Дионисии съ любовью въ Русь, и повелено бысть владыцЂ архиепископьство митрополитомь. Тои же зиме бяше сильнъ морозъ. /л.33об./

Въ лЂто 6674 [1166]. Преставися митрополитъ Иоанн КыевЂ. Томь же лЂтЂ заложена бысть церкы камяна святого Спаса на воротЂхъ въ манастыри святого Георгия. Въ то же лЂто, на зиму приде Ростиславъ ис Кыева на Лукы, и позва новгородьце на порядъ: огнищане, гридь, купьце вячьшее; и ту ся разболе самъ, и воротися опять, и преставися на пути; и везоша и Кыеву, и положиша и о святого Федора.

Въ лЂто 6675 [1167]. Седе Мьстислав Изяславиць Кые†на столЂ. На ту же весну заложи Съдко Сытиниць церковь камяну святую мученику Бориса и ГлЂба, при князи Святославе Ростиславици, при 1 а/л.34./рхиепископЂ Илии. Въ то же лЂто приде Костянтинъ митрополить 2 въ Русь. Въ то же лЂто выиде князь Святославъ из Новагорода на Лукы, и присла въ Новъгородъ, яко «не хоцю у васъ княжити». Новгородьци же цЂловавъше святую Богородицю, яко «не хоцемъ его», идоша прогнатъ его съ Лукъ. Онъ же услышавъ, оже идуть на нь, иде Торопьцю, а новгородьци послаша въ Русь 3 къ Мьстиславу по сынъ. Святославъ же иде на Вългу, и въда ему Анъдреи помоць, и пожьже Новыи търгъ, а новотържьци отступиша къ Новугороду; и много пакости творяше домомъ ихъ, и села ихъ потрати. А брат его Романъ /л.34об./ и Мьстиславъ пожьгоста Лукы; а луцяне устерегосшася 4 и отступиша они 5 въ городъ, а ини Пльскову. И съложишася на Новъгородъ АндрЂи съ смолняны и съ полоцяны, и пути заяша, и сълы изьмаша новгородьскыя вьсьде, вести не дадуце Кыеву къ Мьстиславу; а Святослава силою местяце въ городъ, а то слово рекуще: «нЂту вамъ князя иного, раз†Святослава». Новгородьци же того не бережаху и убиша Захарию посадника и Неревина и Несду бириця, яко творяхуть е переветъ дрьжаще къ Святославу. И налезоша собе путь на Вяць/л.35./ка и на Володяря; и иде Даньславъ Лазутиниць съ дружиною Кыеву къ Мьстиславу по сынъ; а Святославъ приде съ суждалци и съ братома и съ смолняны и съ полоцаны къ РусЂ; идоша новъгородьци съ Якуномь противу ихъ, они же, не дошедъше 6, воротишася: не успЂша бо ничтоже. Тъгда же даша посадницьство Якунови; и сЂдеша новъгородци бес князя от Сменя дни до велика дни о ЯкунЂ, жьдуче от Мьстислава сына. На ту же зиму ходи Мьстислав \33\ на Половьце, и победи е, и приведе полонъ въ Русьску землю толь сильно, яко и числа не бяше. Въ то же лЂто /л.35об./ преставися раба божия Анна, игумения святыя Варвара; и поставиша на месте ея Марьмьяну.

 1 Последняя буква неясна.

Въ лЂто 6676 [1168]. Приде князь Романъ Мьстиславиць, вънукъ Изяславль, Новугороду на столъ, мЂсяця априля въ 14, въ въторую недЂлю по велице дни, индикта пьрваго; и ради быша новгородьци своему хотению. Въ то же лЂто ходиша новгородьци съ пльсковици къ Полотьску и пожьгъше волость, воротишася от города за 30 вьрстъ. Тому же лЂту исходящю, на весну ходи Романъ съ новгородьци къ Торопьцю, и пожьгоша домы ихъ, и головъ множьство полониша. /л.36./ Въ то же врЂмя ходиша Ростиславици съ Андреевицьмь и съ смолняны и съ полочяны и съ муромьци 1 и съ рязаньци на Мьстислава Кыеву; онъ же не бияся с ними, отступи волею Кыева.

Въ лЂто 6677 [1169]. Иде Даньслав Лазутиниць за Волокъ даньникомь съ дружиною; и присла АндрЂи пълкъ свои на нь, и бишася с ними, и бЂше новгородьць 400, а суждальць 7000; и пособи богъ новгородцемъ, и паде ихъ 300 и 1000, а новгородьць 15 муж; и отступиша новгородьци, и опять воротивъшеся, възяшя всю дань, а на суждальскы/л.36об./хъ смьрдЂхъ другую, и придоша сторови вси. Въ то же лЂто, на зиму, придоша подъ Новъгородъ суждальци съ Андреевицемь, Романъ и Мьстислав съ смольняны и съ торопьцяны, муромьци и рязаньци съ двема князьма, полоцьскыи князь съ полоцяны, и вся земля просто Русьская. Новгородьци же сташа твьрдо о князи РоманЂ о Мьстиславлици, о Изяславли вънуце, и о посадницЂ о ЯкунЂ, и устроиша острогъ около города. И приступиша къ граду въ недЂлю на съборъ, и съездишася по 3 дни въ четвьртыи же день въ среду приступиша силою и биша/л.37./ся всь день и къ вечеру побЂди я князь Романъ съ новгородьци, силою крестьною и святою богородицею и молитвами благовЂрнаго владыкы Илие, мЂсяця феураря въ 25, на святого епископа Тарасия, овы исЂкоша, а другыя измаша, а прокъ ихъ злЂ отбЂгоша, и купляху суждальць по 2 ногатЂ.

Въ лЂто 6678 [1170]. Бысть дорогъвь НовегородЂ: и купляху кадь ръжи по 4 гривнЂ, а хлЂбъ по 2 ногатЂ, а медъ по 10 кунъ пудъ. И съдумавъше новъгородьци показаша путь князю Роману, а сами послаша къ ОндрЂеви по миръ на всЂи воли своеи. Въ то же лЂто въ/л.37об./ниде князь Рюрикъ Ростяславиць въ Новъгородъ, мЂсяця октябра въ 4, на святого Иерофея. Въ то же лЂто архепископъ боголюбивыи Илия съ братомь Гавриломь създаста манастырь, церковь святыя Богородиця Благовещение. Томь же лЂтЂ прЂставися князь Мьстиславъ Изяславиць, Володимирь вънукъ. Въ то же лЂто прЂставися князь Кые†ГлЂбъ Гюргевиць; и въвЂдоша Володимира Мьстиславиця. \34\

 1 В рукописи иле

 2 В рукописи рюрюкъ

 3 Второе о переделано из ъ

 4 Первое я переделано из р

 5 Внизу на полях другою рукою иосифа

Въ лЂто 6679 [1171]. ПрЂставися князь Кые†Володимиръ, сЂдЂвъ на столЂ. 3 мЂсяцЂ. Томь же лЂтЂ отя князь Рюрикъ посадницьство /л.38./ у Жирослава НовегородЂ, и выгна и из города, иде 1 Суждалю къ Ондрееви; и даша посадницьство Иванку Захарииницю. Въ то же лЂто сЂде на столЂ. Кые†Романъ Ростиславиць. Томь же лЂтЂ иде, на зиму, Рюрикъ 2 из Новагорода, и послаша новъгородьци къ Ондрею по князь; и присла Жирослава посадницитъ съ мужи своими.

Въ лЂто 6680 [1172]. Приде Новугороду князь Гюрги Андреевиць, Гюргевъ вънукъ. Въ то же лЂто заложиша церковь камяну святого Якова въ Неревьскемь коньци. Томь же лЂтЂ выиде Романъ ис Кыева Ростиславиць волею, и сЂ/л.38об./де Михалко Гюргевиць КыевЂ. Томь же лЂтЂ, на зиму, ходи арьхиепископъ новгородьскыи Илия къ Ондрееви, Володимирю, на вьсю правьду. Тъгда же и даша опять посадницьство Иванъкови Захарииницю.

Въ лЂто 6681 [1173]. Иде князь Гюрги Андреевиць съ новгородьци и съ ростовици Кыеву на Ростиславице и прогнаша е ис Кыева, и стояше подъ Вышегородъмь 7 недЂль, и придоша сторови 3 вси Новугороду; а Ярославъ сЂде Кые†Изяславиць. Томь же лЂтЂ святи церковь НовегородЂ Илия архиепископъ новгородьскыи, святую /л.39./ мученику Бориса и Глеба, камяную, въ градЂ, мЂсяця охтября 4 в 14, а другую святого Спаса на воротЂхъ святого Георгия, камяну.

Въ лЂто 6682 [1174]. Убиша Володимири князя Андрея свои милостьници: на канонъ святою Петру и Павлу, в нощь, спящю ему въ Боголюбьмь, и бяше с нимь одинъ кощеи малъ; избивъше стороже двьрьныя, придоша къ сЂньмъ, князю же очютивъше, попадъ мечь и ста у двьрии, боряся с ними, оныхъ же бяше много, а князь одинъ; яко налегоша силою и выломиша двьри и вълЂзоша на нь, и ту и насунуша рогатинами, и ту сконьця животъ свои. И великъ /л.39об./ мятежь бысть въ земли тои и велика бЂда, и множьство паде головъ, яко и числа нЂту; и потом посадиша на столЂ Мьстислава Ростиславиця съ братомь Яропълкомь. Томь же лЂтЂ сЂдЂ Кыеве Романъ Ростиславиць, вънукъ Мьстиславль.

Въ лЂто 6683 [1175]. Выведоша из Новагорода князя Гюргя Андреевиця; а Мьстиславъ сынъ свои посади НовегородЂ. Томь же лЂтЂ въниде самъ въ Новъгородъ, бивъся съ стръемь своимь Михалкомь, и сЂде НовегородЂ; а Михалко седе Володимири, а брата посади Переяславли ВсЂволода. Въ то же лЂто загореся пожаръ от 5 /л.40./ Деигуниць, и съгорЂша церкви 3: святого Михаила и святого Якова и святого Възнесения. \35\ Въ то же лЂто преставися посадникъ НовегородЂ Иванко Захарииниць, и даша Жирославу опять; и концяющюся лЂту тому, выгнаша Жирослава ис посадницьства и даша Завиду Неревеницю.

 1 Последние две буквы неясны.

 2 Буква р переделана из какой-то другой буквы.

 3 В рукописи ии

 4 В рукописи мольньска

Въ лЂто 6684 [1176]. Иде Вълхово опять на възводье по 5 днии. Тои же весне оженися князь Мьстиславъ НовегородЂ 1 и поя у Якуна дъчерь у Мирославиця. И потомь позваша и ростовьци къ собе, и иде Ростову съ дружиною своею, а сынъ остави въ НовегородЂ; и приде Ростову. И въ то врЂмя умьрлъ бяше Михалко; и поиде съ ро/л.40об./стовьци и съ суждальци къ Володимирю, и постави ВсЂволодъ съ володимирьци и съ переяславьци противу его пълкъ, и бишася, и паде обоихъ множьство много, и одолЂ ВсЂволодъ. И възвратися Мьстиславъ въ Новъгородъ, и не прияша его новгородьци, нъ путь ему показаша и съ сыномь съ Святославомь; и пояша новгородьци у Всеволода сынъ собе Ярослав. На ту же зиму иде Мьстислав съ зятьмь съ ГлЂбомь и съ братомь Яропълкомь на Суждаль, и бишася за Калакшею, и ту побЂдиша рязанце, и яша князя ГлЂба и съ сыномь и Мьстислава съ братомь Яропълкомь, порубиша я. То/л.41./и же зиме приходиша вся Чюдьска земля къ Пльскову, и бишася с ними, и убиша ти Вячеслава и Микиту Захарииниця и Станимира Иваниця и инЂхъ, а Чюди множьство избиша. Томь же лЂтЂ постави церковь нову Михаль Степаниць святого Михаила, а другую МоисЂи ДоманЂжиць святого Иоанна УсЂкновение главы на Чюдиньце†улици.

Въ лЂто 6685 [1177]. Преставися ГлЂбъ, князь Рязаньскыи, Володимири въ порубЂ. Въ то же врЂмя слепленъ бысть Мьстиславъ князь съ братомь Яропълкомь от стръя 2 своего ВсЂволода, и пусти я въ Русь; ведома же има слепома и 3 /л.41об./ гньющема очима, и яко доидоста Смольньска 4 и придоста на Смядино въ церковь святую мученику Бориса и ГлЂба, и ту абие съпостиже я божия благодать и святыя Владычиця нашея богородиця и святую новоявленою мученику Бориса и ГлЂба, и ту прозрЂста. Томь же лЂтЂ, осень, погоре Неревьскыи коньць от Иванъковее, и церквии съгорЂ 5. И на зиму приде князь Мьстиславъ съ братомь Яропълкомь въ Новъгородъ, и посадиша новгородьци Мьстислава на столЂ, а Яропълка на Новемь търгу, а Ярослава на Ламьскемь волоце, и тако ся управиша по воли.

Въ лЂто 6686 [1178]. Индикта 10, /л.42./ мЂсяця априля въ 20, преставися князь Мьстиславъ, сынъ Ростиславль, а вънукъ Гюргевъ, и положиша и въ святЂи Софии въ притворе; а брата его Яропълка посадиша НовегородЂ на столЂ. \36\ И зая ВсЂволодъ гость новъгородьскыи, и показаша новгородьци путь Яропълку, и тъгда ВсЂволодъ изгонивъ Новыи търгъ и възя. И тъгда новгородьци послашася по Романа Смольньску, и въниде на сборъ по чистЂи недЂли.

 1 В рукописи гити

 2 Буква л неясна.

 3 В КАТ дати

 4 Вверху на полях другим почерком начертаны поперек листа буквы см и по и г

Въ лЂто 6687 [1179]. Заложи архиепископъ Илия съ братомь церковь камяну святыя богородиця БлаговЂщение, и начя здати церковь маия мЂсяця въ 21, на святую цесарю Ко/л.42об./стянтина и Елены, а коньцяша мЂсяця августа въ 25, на святого апостола Тита 1, а всЂго дЂла церковьнаго зьдания днии 70; и бысть крестьяномъ прибежище. Томь же лЂтЂ прЂставися раба божия Елисава 2, игумения святого Иоанна; и поставиша на мЂстЂ ея Фегнию. Томь же лЂтЂ иде Романъ из Новагорода Смольньску. Тъгда же новгородьци послашася по брата его по Мьстислава въ Русь, и въниде Мьстиславъ въ Новъгородъ мЂсяця ноября въ 1, на святую безмездьнику Къзмы и Дамияна; а на зиму иде Мьстиславъ съ новгородьци на Чюдь, на Очелу, и пожьже всю землю ихъ, а сами отбегоша къ морю, нъ /л.43./ и ту ихъ досыти паде.

Въ лЂто 6688 [1180]. Переставися кънязь Мьстиславъ НовегородЂ Ростиславиць, вънукъ Мьстиславль, мЂсяця июня въ 14, и положиша и въ святЂи Софии у святыя Богородиця. И послаша новгородьци къ Святославу въ Русь по сынъ, и приведоша Володимира въ Новъгородъ, и посадиша и на столЂ въ 17 августа. Тъгда же отяша посадницьство у Завида и въдаша Михалеви Степаницю. Томь же лЂтЂ заложи церковь камяну въ манастыри на воротехъ боголюбивыи архепископъ новъгородьскыи Илия съ братомь Гавриломь у святого БлаговЂщения. /л.43об./ Томь же лЂтЂ, на зиму, иде князь Святославъ ВсЂволодиць, Олговъ вънукъ, из Руск на Суждаль ратью на Всеволода, а сынъ его Володимиръ съ новъгородьци из Новагорода; и съяшася на ВълзЂ устье Тьхвери, и положиша всю Вългу пусту, и городы всЂ пожьгоша, и не дошьдъше Переяславля за 40 вьрстъ, у ВьлЂнЂ у рЂцЂ, ту ся воротиша: ту бо бяху вышли суждальци пълкомь, и угошили около себе твьрдь, и не съмЂша ти 3 пълку; а князь съ новъгородьци посылаху к нимъ, просяце пълку; нъ богъ своею милостью боле кръви не пролья крьстьяньстЂи: сълипали бо ся бяху /л.44./ на мале часу 4, и убиша ихъ новъгородьци нЂ о трьхъ стехъ, а сами сторови вси воротишася; и пояша князя самого въ Новъгородъ, Яропълка посадиша на Новемь търгу; и въниде Святославъ великыи Всеволодиць Новугороду. \37\










Попередня     Головна     Наступна


Етимологія та історія української мови:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчанин, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



 


Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.

Iзборник. Історія України IX-XVIII ст.