Уклінно просимо заповнити Опитування про фемінативи  

[Новгородская первая летопись старшего и младшего изводов. — М.-Л., 1950. — С. 49-59.]



Попередня     Головна     Наступна






Въ лЂто 6713 [1205]. МЂсяць освЂте въ 8 ноции. Того же лЂта присла великыи князь Всеволодъ въ Новъгородъ, рекя тако: «въ земли вашеи \50\ рать ходить, а князь вашь, сынъ мои Святославъ, малъ; а даю вы сынъ свои стареишии Костянтинъ». Тъгда же отяшя посадницьство у Михалка и даша Дмитру Мирошкиницю. Въ то же лЂто приде князь Костянтинъ Всеволодиць, внукъ Гюргевъ, въ Новъгоро/л.72об./дъ, мЂсяця марта въ 20, на святого Герасима; и радъ бысть всь град своему хотЂнию. Въ то же лЂто прЂставися княгыни Всеволожая.

Въ лЂто 6714 [1206]. ПрЂставися рабъ божии Митрофанъ, а мирьскы Михалько, постригься у святЂи Богородици въ Аркажи манастыри маия въ 18, посадникъ новгородьскыи. Въ то же лЂто постави Твьрдислав церковь на воротЂхъ въ Оркажи манастыри Михалковиць, святого Сьмена Стълъпника, иже на ДивнЂи горЂ.

Въ лЂто 6715 [1207]. Поставиша церковь святого Лукы на ЛубянЂи улици, перенесъше съ КолЂня, ВолодаревицЂ и Носовици. Того же лЂта съвьршиша церковь святыя /л.73./ Пятниця заморьскии, августа въ 30. Того же лЂта съвьрши церковь святого ПянтЂлЂимона Федоръ Пинещиниць. Въ то же лЂто прЂставися рабъ божии Парфурии, а мирьскы Прокша Малышевиць, постригься у святого Спаса на ХутинЂ, при игумене Варламе; а покои господи душю его.

Въ лЂто 6716 [1208]. Приде Лазорь, Всеволожь муж, из Володимиря, и Борисе Мирошкиниць повелЂ убити Ольксу Събыславиця на Ярославли дворЂ, и убиша и без вины, въ суботу марта въ 17, на святого Альксия; а заутра плака святая Богородиця у святого Якова въ Неревьскемь конци.

 1 Буква а переделана, из буквы ъ

 2 Можно прочесть также с

 3 В рукописи собоюю

Въ лЂто 6717 [1209]. Идоша новгородьци на Чьрниговъ съ кня/л.73об./зьмь Костянтиномь, позвани Всеволодомь; и придоша на рЂку на Оку, и ту ся скопиша вси вои, а князи рязаньстии и сташа об ону страну ОкЂ, въ помочь Всеволоду. И позва е ВсЂволодъ на обЂдъ, и сЂдоша 6 князь. въ шатрЂ, а ГлЂбъ и Ольгъ у Всеволода въ шатрЂ, и новгородьци. И ту обадиста Володимириця братью свою: «и не ими, княже, вЂры братьи наю, суть на тя съвЂтали съ чьрниговьскыми князи», и тЂмь е облици рязаньстии князи. И Всеволодъ изма е и муж ихъ, и сковавъ, посла е въ Володимирь, а самъ поиде съ новгородци и съ клеветникома на Рязаньскую волость; и приде къ Проньску, и /л.74./ рече: «передаите ми ся». Они же сташа съ князьмь Изяславомь съ третиемь Володимиричемь; кюръ Михаилъ 1 побеже переди ис Проньска. И отъя у нихъ воду, и они передашася; и я княгыню кюръ Михаиловую, товары поима бещисла, а съ Изяславомь миръ възя, и отъидоша сторови. А новгородьци пусти ис 2 Коломна Новугороду, одаривъ бещисла, и вда имъ волю всю и уставы старыхъ князь, егоже хотЂху новгородьци, и рече имъ: «кто вы добръ, того любите, а злыхъ казните»; а собою 3 поя сына своего Костянтина \51\ и посадника Дъмитра, стрелена подъ Проньскомь, а вятьшихъ 7. Новгородьци же, при/л.74об./шьдъше Новугороду, створиша вЂче на посадника Дмитра и на братью его, яко ти повЂлЂша на новгородьцихъ сребро имати, а по волости куры брати, по купцемъ виру дикую, и повозы возити, и все зло; идоша на дворы ихъ грабежьмь, а Мирошкинъ дворъ и Дмитровъ зажьгоша, а житие ихъ поимаша, а села ихъ распродаша и челядь, а скровища ихъ изискаша и поимаша бещисла, а избытъкъ роздЂлиша по зубу, по 3 гривнЂ по всему городу, и на щитъ; аще кто потаи похватилъ, а того единъ богъ вЂдаеть, и от того мнози разбогатЂша; а что на дъщькахъ, а то князю оста/л.75./виша. Того же лЂта привезоша Дмитра Мирошкиниця мьрътвого из Володимиря и погрЂбоша и у святого Георгия въ манастыри, подъле отчя; а новгородьци хотяху съ моста съврЂщи, нъ възбрани имъ архепископъ Митрофанъ.

 1 Так в рукописи, вместо яко

 2 Вероятно, по описке вместо поидЂте. В А поидЂте

 3 В рукописи кость очевидно по описке.

 4 В рукописи моу(ж

Присла Всеволодъ сына своего Святослава въ Новъгородъ, въ недЂлю мясопустную. Тъгда даша посадьницьство Твьрдиславу Михалковицю, и даша дъщкы Дмитровы Святославу, а бяше на нихъ бещисла; и цЂловаша новгородци честьныи хрестъ, око 1 «не хочемъ у себе дьржати дЂтии Дмитровыхъ, ни Володислава, ни Бориса, ни Твьрдислава Станиловиця и /л.75об./ Овъстрата Домажировиця»; и поточи я князь къ отцю, а на инЂхъ серебро поимаша бещисла.

Въ лЂто 6718 [1210]. Новгородьци угонивъше Литву въ Ходыницихъ, избиша съ князьмь Володимиромь и с посадникомь Твьрдиславомь. Того же лЂта ходи Всеволодъ на Рязань, и рече имъ: «поиде 2 къ мнЂ съ сыномь моимь Ярославомь за Оку на ряды»; и переидоша к нему, и ту я изма, и посла пълкы, изма жены и дЂти, а градъ ихъ зажьже; и тако я расточи я по градомъ. На ту же зиму приде князь Мьстислав Мьстиславиць на Тържькъ и изма дворянЂ Святославли, и посадника оковаша, а товары ихъ кого рука доидеть; а в Новъ; городъ присла: «кланяяся святЂи Софии и гробу отця моего и всЂмъ новгородьцемъ; пришьлъ есмь къ вамъ, слышавъ насилье от князь, и жаль ми своея отцины». То слышавъше, новгородьци послаша по нь съ великою честью: «поиди, княже, на столъ»; а Святослава посадиша въ владыцьни дворЂ и съ мужи его, донеле будеть управа съ отцемь. Приде Мьстиславъ въ Новъгородъ, и посадиша и на столЂ отци, и ради быша новъгородьци. И поиде Мьстиславъ съ всемь пълкомь на Всеволода; и быша на ПлоскЂи, и присла къ нему Всеволодъ: «ты ми еси сынъ, а язъ тъбе отець; пусти Святослава съ мужи, и всЂ, е/л.76об./же заседелъ, исправи; язъ гость 3 пускаю и товаръ». И пусти Мьстиславъ Святослава и мужи 4 его, а Всеволодъ \52\ пусти гость съ товары; хресть человаста и миръ възяста; и приде Мьстислав въ Новъгородъ.

Въ лЂто 6719 [1211]. Приде Дмитръ Якуниць из Руси, и съступися Твьрдиславъ посадничьства по своеи воли старЂишю себе: тъгда же даша посадничьство Дъмитру Якуничю. И посла князь Мьстиславъ Дмитра Якуниця на Лукы съ новгородьци города ставитъ, а самъ иде на Тържькъ блюстъ волости, исъ Търожку иде въ Торопьчь, ис Торопця иде на Лукы, и съняся съ новгородьци; а лучяномъ да /л.77./ князя Володимира Пльсковьскаго. Того же лЂта, волею божиею, съвьрши церковь камяну Вячеславъ Прокшиниць, вънукъ Малышевъ, Святых 40; а даи богъ ему въ спасение молитвами святыхъ 40. Том же лЂтЂ бесъ князя и без новъгородьць НовЂгородЂ бысть пожаръ великъ: загорЂся на РадятинЂ улици и съгорЂ дворовъ 4000 и 300, а церквии 15. Того же лЂта, на зиму, мЂсяця генваря въ 22, на святого Климента, и злодЂи испьрва не хотя добра, зависть въложи людьмъ на архиепископа Митрофана съ князьмь Мьстиславомь, и не даша ему правитися, и ведоша и въ Торопьць; онъ же то прия съ радостию, яко Иоанн Златоустьць и /л.77об./ Григории Акраганьскыи, тую же и сь прия печяль, славя бога. Тъгда же бяше пришьлъ, прЂже изгнания Митрофаня архиепископа, Добрына ЯдрЂиковиць изъ Цесаряграда и привезЂ съ собою гробъ господень, а самъ пострижеся на ХутинЂ у святого Спаса; и волею божиею възлюби и князь Мьстислав и вси новгородьци, и послаша и въ Русь ставитъся; и приде поставленъ архиепископъ Антонии и створи полату Митрофаню церковь въ имя святого Антония.

 1 В рукописи иде на

 2 В рукописи къгда. В КА тогда

 3 В рукописи дне с титлом.

 4 Буква ь неясна.

Въ лЂто 6720 [1212]. Ходи Мьстислав на Чюдь, рекомую Търму, съ новгородьци, и много полониша, скота бещисла приведоша. Потом же на зиму иде князь Мьстиславъ съ новгородьци на 1 чюдьскыи го/л.78./родъ, рекомыи МедвЂжю голову, села ихъ потрати; и придоша подъ городъ, и поклонишася Чюдь князю, и дань на нихъ възя, и придоша вси сдрави.

Въ лЂто 6721 [1213]. Въ Петрово говение изъехаша Литва безбожная Пльсковъ и пожгоша: пльсковици бо бяху въ то время изгнали князя Володимира от себе, а пльсковици бяху на озЂрЂ; и много створиша зла и отъидоша.

Въ лЂто 6722 [1214]. МЂсяця февраря въ 1 день, въ недЂлю сыропустную, громъ бысть по заутрении, и вси слышаша; и потом тъгда 2 же змьи видЂша лЂтящь. Том же дне 3 иде князь Мьстислав съ новгородьци на Чюдь на Ереву, сквозе землю Чюдскую къ морю; /л.78об./ села ихъ потрати и осЂкы ихъ възьма 4; и ста съ новгородци подъ городомъ Воробииномь, и Чюдь поклонишася ему; и Мьстиславъ же князь възя на нихъ дань, \53\ и да новгородьцемъ д†чясти дани, а третьюю чясть дворяномъ; бяше же ту и Пльсковьскыи князь ВсЂволодъ Борисовиць съ пльсковици, и Торопьцьскыи князь Давыдъ, Володимирь брат; и придоша сдрави вси съ множьствомь полона. Въ то же лЂто изгони Всеволодъ Чьрмьныи сынъ Святославль, правнукъ Олговъ, внукы Ростиславле из Руси, тако река: «брата моя есте 2 князя повесили вы въ Галици, яко злодЂя и положили есте укоръ на всЂхъ; и нЂту вамъ чясти въ Русскои земли». /л.79./ Того же лЂта прислаша внуци Ростиславли въ Новъгородъ къ Мьстиславу Мьстиславицю: «се не творить намъ Всеволодъ Святославиць части въ Русьскои земли; а поиди, поищемъ своеи отцины». Мьстислав же съзва вЂче на Ярослали дворЂ и почя звати новгородьчв Кыеву на ВсЂволода Чьрмьнаго. Рекоша ему новгородьци: «камо, княже, очима позриши ты, тамо мы главами своими вьржемъ». И поиде князь Мьстислав съ новгородци къ Кыеву мЂсяця июня, на святого Феодора; и доидоша Смольньска, и бысть распря новгородьцемъ съ смолняны, и убиша новгородци смолнянина, а по князи не поидоша. Князь же Мьстиславъ въ вЂче поча звати, они же не по/л.79об./идоша; князь же чЂловавъ всЂхъ, поклонивъся, поиде; новгородьци же, створивъше вЂче о собе, почаша гадати. И рече Твьрдиславъ посадникъ: «яко, братие, страдали дЂди наши и отчи за Русьскую землю, тако, братье, и мы поидимъ по своемь князи»; и тако поидоша и-Смольньска, и постигъше князя, и начаша воевати по ДнЂпрю городЂ черниговьскЂе и възяша РЂчицЂ на щитъ и иные городЂ мнозЂ чьрниговьскыя. И придоша подъ Вышегородъ и начаша ся бити, и одолЂ Мьстиславъ съ братьею и съ новгородьци, и яша 2 князя: Ростислава Ярославиця и Яропълка, брата его, вънука Олгова, а вышегородци поклонишася, /л.80./ отвориша врата, а Всеволодъ ис Кыева выбежа за Дънепрь; и въиде Мьстислав съ братьею и съ новгородьци въ Кыевъ, и поклонишася кыяне, и посадиша Кые†Мьстислава Романовиця, вънукъ Ростиславль. Идоша ис Кыева къ Чьрнигову, и стоявъше 12 дни, възяша миръ, и въземъше дары, придоша Новугороду вси сдрави.

 1 Нижний угол листа срезан еще до того, как был написан текст.

Въ лЂто 6723 [1215]. Поиде князь Мьстиславъ по своеи воли Кыеву, и створи вЂцЂ на Ярославли дворЂ, и рече новгородьцемъ: «суть ми орудия въ Руси, а вы вольни въ князЂхъ». Того же лЂта новъгородьци, много гадавъше, послаша по Ярослава по Всеволодиця, по Гюргевъ вънукъ, Гюргя Иванъ/л.80об./ковиця 1 посадника и Якуна тысяцьскаго и купьць старЂишихъ 10 муж; и въиде князь Ярославъ въ Новъгородъ, и усрЂте и архиепископъ Антонъ съ новгородьци. Того же лЂта князь Ярослав я Якуна Зуболомиця, а по Фому посла по Доброщиниця, по новоторожьскыи посадникъ, и оковавъ потоци и на ТьхвЂрь; и по грЂхомъ нашимъ \54\ обади Федоръ Лазутиниць и Иворъ Новотържьчь Якуна тысяцьскаго НамнЂжиця. Князь же Ярославъ створи вЂчЂ на Ярослали дворЂ; идоша на дворъ Якунь, и розграбиша, и жену его яша; а Якунъ заутра иде съ посадникомь къ князю, и князь повЂле яти сына его Христо/л.81./фора, маия въ 21. Тъгда же на сборъ убиша пруси Овъстрата и сынъ его Луготу, и въвьргоша и въ грЂблю мьртвъ; князь же о томь пожали на новгородцЂ. Того же лЂта поиде князь Ярославъ на Тържъкъ, поимя съ собою Твьрдислава Михалковиця, Микифора, Полюда, Сбыслава, Смена, Ольксу, и много бояръ, и одаривъ, присла въ Новъгородъ; а самъ седе на Търожьку.

 1 Буква п переделана из н

 2 Буква о переделана из ъ

Тои же осени много зла ся створи: поби мразъ обилье по 1 волости, а на Търожку 2 все чело бысть. И зая князь вьршь на Търожку, не пусти въ городъ ни воза; и послаша по князя Смена Борисовиця, Вячеслава Климятиця, Зубьця Якуна, и тЂхъ прия, /л.81об./ и кого послашь и князь прия. А НовЂгородЂ зло бысть вельми: кадь ржи купляхуть по 10 гривенъ, а овса по 3 гривнЂ, а рЂпЂ возъ по 2 гривьнЂ; ядяху люди сосновую кору и листъ липовъ и мохъ. О, горЂ тъгда, братье, бяше: дЂти свое даяхуть одьрень; и поставиша скудельницю, й наметаша полну. О, горЂ бяше: по търгу трупие, по улицямъ трупие, по полю трупие, не можаху пси изЂдати человЂхъ; а Вожане помроша, а останъке разидеся; и тако, по грЂхомъ нашимъ, разидеся власть наша и градъ нашь. Новгородьци же, останъке живыхъ, послаша Гюргя Иванковиця посадника и Степана Твьрдиславиця, ины /л.82./ мужа по князя, и тЂхъ прия; а въ Новъгородъ приславъ Ивора и Чапоноса, выведе княгыню свою к собе, дъчерь Мьстислалю; и потомь послаша Мануилу Ягольчевичя съ последнею речью: «поиди въ свою отцину къ святЂи Софии; не идеши ли, а повежь ны». Ярославъ же и тЂхъ не пусти, а гость новъгородьскыи всь прия; и бысть НовЂгородЂ печяль и въпль. Тъгда же учювъ Мьстислав Мьстиславлиць зло то, въеха въ Новъгородъ мЂсяця февраря въ 11 день, и я Хота Григоревиця, намЂстьника Ярослаля, и всЂ дворяны искова; и выеха на Ярослаль дворъ, и цЂлова честьныи крестъ, а новгородьци к нему, яко с нимь въ животъ и въ смерть: «любо изищю мужи /л.82об./ новгородьстии и волости, пакы ли а головою повалю за Новъгородъ». Ярославу же бысть весть на Тържькъ, и изгошиша твьрдь, а пути от Новагорода все засекоша и рЂку ТьхвЂрцю; а въ Новъгородъ въсла 100 муж новгородьць Мьстислава проваживатъ из Новагорода; и не яшася по то, нъ вси быша одинодушно, и то 100 муж. И посла князь Мьстиславъ съ новгородьци къ Ярославу на Тържькъ попа Гюргя святого Иоанна на Търговищи, и свои мужь пусти: «сыну кланяю ти ся; муж мои и гость пусти, а самъ съ Торожьку поиди, \55\ а съ мною любъвь възми». Князь же Ярослав того не улюбивъ, пусти попъ без мира; а новгородце съзва на поле за Тържькъ, въ мясопустную суботу, вь/л.83./си мужи и гостьбници, измавъ я вся, посла исковавъ по своимъ городомъ, а товары ихъ раздая и коне; а бяше всЂхъ новгородьць боле 2000. И приде весть въ Новъгородъ; бяше же новгородьцевъ мало: ано тамо измано вячьшие мужи, а мьньшее они розидошася, а иное помьрло голодомъ. Князь же Мьстиславъ створи вЂцЂ на Ярослали дворЂ: «и поидемъ, рече, поищемъ муж своихъ, вашеи братьи, и волости своеи; да не будеть Новыи търгъ Новгородомъ, ни Новгородъ Тържькомъ; нъ къде святая София, ту Новгородъ; а и въ мнозЂ богъ, и въ малЂ богъ и правда 1».

 1 В рукописи правд

 2 Между свои и Ярослава вставлено позднее, вероятно, на. Можно прочесть только н. В КАТ на

 3 В строке четвь ы к над строкой под дугой.

Въ лЂто 6724 [1216]. МЂсяця марта в 1 день, въ въторник по чистЂи недЂли, поиде князь Мьсти/л.83об./славъ на зять свои 2 Ярослава с новгородци, а въ четвьрток 3 побЂгоша къ Ярославу прЂступници кресту: человали бо бяху хрестъ честьныи къ Мьстиславу съ всЂми новгородци, яко всЂмъ одинакымъ быти, Володиславъ Завидиць, Гаврила Игоревиць, Гюрги Ольксиниць, Гаврильць Милятиниць, и съ женами и съ дЂтьми. Мьстиславъ же поиде Серегеремъ, и въниде въ свою волость, и рече новгородьцемъ: «идете въ зажития, толико головъ не емлете». Идоша, исполнишася кърма, и сами и кони, и быша вьрху ВълзЂ; осЂле Святослав Рьжевку, городьць Мьстиславль, съ пълкы въ 10 тысящь. Мьстиславъ же съ Володимиромь съ Пльсковьскымь /л.84./ поиде бързЂхъ въ 5 съть: толико бо всехъ вои бяшеть; и пригони, оли побегли прочь; а Ярунъ бяше затворилъся въ градЂ въ 100 и отбися ихъ. И поиде Мьстиславъ и възя Зубьчевъ, и быша на ВозузЂ; и приде Володимиръ Рюриковиць съ смольняны, идоша по ВолзЂ, воююче; и рекоша ему: «княже, поиди къ Торожку». Рече же Мьстиславъ и Володимиръ: «поидемъ къ Переяслалю; есть у наю третии другъ». И не бы вести, кде Ярославъ, въ Торожку ли, въ ТьхвЂри ли. И наехаша на Яруна сторожи за Тьхверью Ярославли; и пособи богъ Яруну, и многы побиша, а иныхъ измаша, а инии убежаша въ ТьхвЂрь. И бы вЂсть у тЂхъ на Ярослава, и поидоша по Волзе, /л.84об./ воююче; и пожьгоша Шешю, и Дубну, и Къснятинь, и все Поволожье. И устрЂте Еремеи от князя Костянтина съ любъвью и съ поклономъ; поидоша къ Переяслалю, воююце. И быша на Городищи на рЂцЂ СаррЂ, у святЂи МаринЂ, въ великую суботу, мЂсяця априля въ 9; приде князь Костянтинъ съ ростовьци, хрестъ цЂловаша. Ярославъ же поиде съ Торожку, поимавъ стареишие мужи съ собою новгородьстии, и молодыхъ изборомъ, а новотържьци вси; и приде Переяславлю и скопи волость \56\ свою всю, а Гюрги свою Володимири такоже, а Святослав такоже; и выиде ис Переяслаля съ пълкы, и съ новгородьци и съ новотържьци. Оле страшно чюдо и /л.85./ дивно, братье; поидоша сынове на отця, брат на брата, рабъ на господина, господинъ на рабъ.

 1 Здесь—пропуск. В Новг. 4-й летописи читаем: отвЂщав же Юрьи: одинъ есмь братъ съ Ярославомъ. И посласта къ Ярославу, глаголюще: пусти мужи новгородци и новоторжци и т. д.

 2 Возможно — описка. В А отвЂщаша

 3 Так в рукописи. Ст. выше под 6717 г.

 44 В А и повязаных; ярославъ же въбЂгъ и т. д.

И ста Ярославъ и Гюрги съ братьею на рЂче ХзЂ; Мьстиславъ же и Костянтинъ и два Володимира съ новгородци сташа на рЂцЂ Липичи; и узрЂша пълкы стояща, и послаша Лариона сочьскаго къ Гюргю: «кланяемъ ти ся; нЂту ны съ тобою обиды, съ Ярославомь ны обида; пусти 1 мужи мои новгородьци н новотържьци и, что еси зашьлъ волости нашеи новгородьскои Волокъ, въспяти; миръ с нами възьми, а крестъ къ намъ цЂлуи; а кръви не проливаиме». ОтвЂташа 2 же: «мира не хочемъ, мужи у мене; а далече есте шли, и вышли есте акы рыбы на сухо». И сказа Лариянъ ту речь Мьстиславу и новго/л.85об./родьчемъ; и рекоша новгородци: «къняже, не хочемъ измерети на конихъ, нъ яко отчи наши билися на КулачьскЂи пЂши». Князь же Мьстиславъ радъ бысть тому; новъгородци же съседавъше съ конь и порты съметавъше, босии, сапогы съметавъше, поскочиша; а Мьстиславъ поеха за ними на конихъ; и сьступися пълкъ новгородьскыи съ Ярослалимь пълкомь. И тако, божиею силою и помочью святыя София одолЂ Мьстиславъ, а Ярославъ вда плеци, и пълкъ его. Гюрги же състоя Костянтину, и узрЂ Ярослаль полкъ побегъшь Гюрги, и тъ вда плече, мЂсяця априля въ 21, на святого Тимофея и Федора и Альксандры цесариця. О, мъного побЂды, братье, бещисльное /л.86./ число, око 3 не можеть умъ человЂчьскъ домыслити избьеныхъ а 4 повязаныхъ; Ярослав въбегь 4 въ Переяслаль, повеле въметати въ погребъ, что есть новгородьць, а иныхъ въ гридницю, и ту ся издъхоша въ множьствЂ. Мьстиславъ же и Костянтинъ и два Володимира съ пълкы поидоша по Гюрги къ Володимирю; и пришьдъше, сташа подъ городомъ; и тои ноци загорЂся городъ и княжь дворъ. И хотЂша новгородьци полести къ городу, и не да имъ князь Мьстиславъ. И бысть заутра, высла князь Гюрги съ поклономъ къ княземъ: «не деите мене днесь, а заутра поиду из города». И иде Гюрги из Володимиря въ Радиловъ Городьчь; и посадиша /л.86об./ новгородци Костянтина въ Володимири на столЂ отни. Костянтинъ же одари честью князи и новгородьци бещисла. Мьстислав же поиде съ новгородьци къ Переяславлю; и не идя къ городу, поима дары; пославъ, поя дъцерь свою, жену Ярославлю, и что живыхъ новгородьць, и что было съ Ярославомь въ полку; и придоша въ Новъгородъ съдрави вси. \57\

 1 В рукописи новородьць

 2 В рукописи в строке милкови и буквы х и ц над строкой под дугой.

 3 В рукописи по описке неяхаша. В А наЂхаша

 4 Буква с переделана из подскобленной буквы х

 55 В строке поуи, а над строкой с под дугой.

О, великъ е, братье, промыслъ божии; на томь победищи Гюргевыхъ и Ярослалихъ вои паде бещисла, а новгородьць 1 убиша на съступЂ Дмитра Пльсковитина, Онтона котелника, Иванъка Прибышиниця опоньника; а въ загонЂ: Иванка поповиця, Сьмьюна Петриловиця, тьрьскаго даньника. /л.87./ Приде Мьстислав въ Новъгородъ, и радъ бысть владыка и вси новгородьци. Тъгда отъяша посадничьство у Гюргя у Иванковиця и даша Твьрдиславу Михалковицю 2.

Въ лЂто 6725 [1217]. Поиде Мьстислав Кыеву, оставивъ НовегородЂ княгыню и сына своего Василия; и поя съ собою Гюргя Иванковиця, Сбыслава Степаниця, Ольксу Путиловиця. Тъгда же поиде Володимиръ въ Новъгородъ своими орудии. И воеваша Литва въ ШелонЂ; новгородци идоша по нихъ и не състигоша ихъ. И поидоша къ МедвЂжи голове съ княземь Володимиромь и съ посадникомь Твьрдиславомь, и сташа подъ городомь. Чюдь же начаша слати съ поклономь льстью, а по НЂмьци по/л.87об./слаша; и начаша новгородци гадати съ пльсковичи о чюдьскои речи, отшедъше далече товаръ, а сторожи ночьнии бяху пришли, а днЂвнии бяху не пошли; а наЂхаша 3 на товары без вЂсти, новъгородци же побегоша съ вЂчя въ товары, и поимавше оружие и выбиша е ис товаръ; и побЂгоша НЂмци къ городу, и убиша новгородци два воеводЂ, а третии руками яша, а коневъ отъяша 700, и придоша сдрави вси. Князь же Мьстиславъ приде въ Новъгородъ без нихъ; и я Станимира Дьрновиця съ сыномь Нездилою и, оковавъ, потоци, и товаръ поима бещисла, и опять пусти. Тои же веснЂ загорЂся мЂсяця маия въ 31 от Ивана от Ярышевиця въ середъ утра, вечьне, /л.88./ и погорЂ до удьния все 4 полъ, не остася ни хорома; а кто бяше въбеглъ въ камяныя божнице съ товары, а ту изгорЂша и сами съ товары; а въ Варязьскои божници изгорЂ товаръ вьсь варязьскыи бещисла; а церквии съгорЂ 15, а у камяныхъ вьрхы огорЂша и притворы.

Въ лЂто 6726 [1218]. Приде князь Мьстиславъ на Тържекъ, и я Борислава Некуришница, и поимавъ товаръ многъ, и пусти 5 и 5. Тъгда же разболЂся княжиць Василии Мьстиславичь на Търожку, и привезоша и въ Новъгородъ мертвъ; и положиша и у святЂи Софии, головахъ у дЂда, въ святЂи Богородици. Того же лЂта заложи архиепископъ Антонии церковь камяну святыя Варвары манастыр. /л.88об./ Съзва Мьстислав вЂцЂ на Ярослаль дворъ, рече: «кланяюся святЂи Софии и гробу отця моего и вамъ; хоцю поискати Галиця, а васъ не забуду; даи богъ леци у отця у святЂи Софии». Новгородьци же много моляхуся: «не ходи, княже»; и не можахуть его уяти, и поклонивъся поиде. Того же лЂта приде \58\ из Володимиря архиепископъ Митрофан, и провадиша и новгородьци къ святЂи богородици БлаговЂщению. Поиде Мьстислав въ Русь; новгородци же послашася Смольньску по Святослава по Ростиславиця, и приде в Новъгородъ мЂсяця августа въ 1. Томь же лЂтЂ ГлЂбъ, князь Рязаньскыи, Володимиричь, наученъ сы сотоною на убииство, сдумавъ въ своемь оканьнЂмь помыслЂ, имЂя поспешника Костянтина, /л.89./ брата своего, и с нимь диявола, юже и прЂльсти, помыслъ има въложи, рЂкшема има, яко избьеве сихъ, а сама приимЂва власть всю. И не вЂси, оканьнЂ, божия смотрения: даеть власть ему же хощеть, поставляеть цесаря и князя вышнии. Что прия Каинъ от бога, убивъ Авеля, брата своего: не проклятье ли и трясение; или вашь сродникъ оканьныи Святопълкъ, избивъ братью свою: онема вЂньць царства, а собе вЂчьную муку. Сь же оканьныи ГлЂбъ Святопълчю ту же мысль приимъ, и съкры ю въ сердци своемь съ братомь своимь. Съньмъшемъся всЂмъ на исадЂхъ на порядЂ: Изяслав, кюръ Михаилъ, Ростислав, Святослав, ГлЂбъ, Романъ; Ингворъ же не приспЂ приехати к нимъ: не бе бо приспело врЂмя его. ГлЂбъ же /л.89об./ Володимиць съ братомъ позва я к собе, яко на честь пирения, въ свой шатьръ; они же не вЂдуще злыя его мысли и прЂльсти, вси 6 князь, кождо съ своими бояры и дворяны, придоша въ шатьръ ею. Сь же ГлЂбъ прЂже прихода ихъ изнарядивъ свое дворяне и братне и поганыхъ Половьчь множьство въ оружии, и съкры я въ полостьници близъ шатра, въ немь же бе имъ пити, не вЂдущю ихъ никому же, раз†тою зломысльною князю и ихъ проклятыхъ думьчь. Яко начаша пити и веселитися, ту абие оканьныи, проклятыи ГлЂбъ съ братомъ, изьмъше мечя своя, начаста сЂчи прЂже князи, та же бояры и дворянъ множьство: одинЂхъ князь 6, а прочихъ бояръ и дворянъ множьство, съ своими дворяны и съ Половчи. Си же /л.90./ благочьстивии князи рязаньстии концяшася мЂсяця июля въ 20, на святого пророка Илии, и прияша вЂньця от господа бога, и съ своею дружиною, акы агньци непорочьни прЂдаша душа своя богови. Сь же оканьныи ГлЂбъ и Костянтинъ, брат его, онЂмъ уготова царство небесное, а собе муку вЂчьную и съ думьци своими. И бысть на зиму, побеже Матеи Душильцевиць, съвязавъ МоисЂиця бириць ябетниць; новгородци же, угонивъше и, яша и ведоша и на Городище, и въиде лжа въ городъ: выдалъ Твьрдиславъ князю МатЂя, и възвониша у святого Николы ониполовици цересъ ночь, а Неревьскыи коньчь у Святыхъ 40, такоже копяче люди на Твьрдислава. И бысть заутра, пусти князь МатЂя, учювъ /л.90об./ гълку и мятежь въ городЂ. И поидоша ониполовици и до дЂтии въ бръняхъ, акы на рать, а неревляне такоже; а загородьци не въсташа ни по сихъ, ни по сихъ, нъ зряху перезора. Твьрдиславъ же, позря на святую Софию, и рече: «даже буду виновать, да буду ту мертвъ; буду ли правъ, а ты мя оправи, господи»; и поиде съ Людинемь концемь и с пруси. И бысть \59\ сеця у городьныхъ воротъ, и побЂгоша на онъ полъ, а друзии въ коньць, и мостъ переметаша, и переехаша ониполовици въ лодьяхъ, и поидоша силою. О, великое, братье, чюдо съвади оканьныи дияволъ; къгда бяше брани быти на поганыя, тъгда ся начяша бити межи собою; и убиша муж прус, а концянъ другыи, а оныхъполовиць Ивана Душильцевиця, брат Матеевъ, а въ /л.91./ Неревьскемъ конци Къснятина Прокопииниця, иныхъ 6 муж, а раненыхъ много обоихъ. Бысть же се мЂсяця генваря въ 27, на святого Иоанна Златоуста, и тако быша вЂча по всю недЂлю. Нъ богомъ дияволъ попранъ бысть и святою Софиею, крестъ възвеличянъ бысть; и съидошася братья въкупЂ однодушно, и крестъ цЂловаша. Князь же Святослав присла свои тысяцькыи на вЂче, рече: «не могу быти сь Твьрдиславомъ и отъимаю от него посадьницьство». Рекоша же новгородьци: «е ли вина его». Онъ же рече: «безъ вины». Рече Твьрдислав: «тому есмъ радъ, оже вины моеи нЂту; а вы, братье, въ посадничьст†и въ князЂхъ». Новгородци же отвЂщаша: «княже, оже нЂту вины его, ты к намъ крестъ цЂловалъ бе/л.91об./з вины мужа не лишити; а тобе ся кланяемъ, а се нашь посадник, а в то ся не вдадимъ»; и бысть миръ.











Попередня     Головна     Наступна


Етимологія та історія української мови:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчанин, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



 


Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.

Iзборник. Історія України IX-XVIII ст.