Уклінно просимо заповнити Опитування про фемінативи  


Попередня       Головна       Наступна





СКАЗАНІЄ ПРО ІНДІЙСЬКЕ ЦАРСТВО



Аз есмь Иоанн царь и поп, над цари царь, имЂю под собою 3000 цареи и 300. Аз есмь поборник по православнои вЂрЂ ХристовЂ. Царство мое таково: итти на едину страну 10 месяць, а на другую немощно доитти, занеже тамо соткнуся небо з землею. Есть у мене в единой странЂ люди нЂмы, а в ынои земли люди рогаты, а в ынои странЂ люди трепяцдци, а иныя люди 9-ти сажен, иже суть волотове, а иныя люди четвероручны, а иныя люди о шти рук, а иныя у мене земля, в неи же люди пол пса да пол человека, а иные у мене люди в персех очи и рот, а во инои земли у мене люди верху рты великы, а иные у мене люди скотьи ноги имЂюще. Есть у мене люди пол птици, а пол человека, а иныя у мене люди глава песья; а родятся у мене во царствии моем звЂрие у мене: слонови, дремедары, и коркодилы и велбуди керно. Коркодил звЂрь лют есть, на что ся разгнЂваеть, а помочится на древо или на ино что, в тои час ся огнем сгорить. Есть в моеи земли пЂтухы, на них же люди яздять. Есть у меня птица ногои, вьет себЂ гнЂздо на 15 дубов. Есть в моем царствии птица финикс, свиваеть себЂ гнЂздо на нов месяць и приносить от огня небеснаго и сама зажигаеть гнЂздо свое, а сама ту тоже сгараеть; и в том же попелЂ заражается червь, и опернатЂеть, и потом та же птица бываеть едина, болЂ того плода нЂт тои птици, 500 бо лЂт живеть. А посреди моего царства идеть рЂка Едем из рая, в тои рЂцЂ емлють драгии камень акинф и самфир, и памфир, и измарагд, сардик и аспид, тверд же и аки угль горящь. Есть камень кармакаул, тои же камень господин всем камением драгим, в нощи же свЂтить, аки огнь горить. Есть у мене земля, в неи же трава, ея же всяк звЂрь бЂгаеть, а нЂт в моеи земли ни татя, ни разбоиника, ни завидлива человека, занеже моя земля полна всякого богатьства. А нЂт в моеи земли ни ужа, ни жабы, ни змеи, а хотя и воидеть, ту и умреть. Есть у мене земля, в нея же ражается перець, вси людие по то ходять. Опроче всЂх есть у нас море пЂсочное езеро, да николи же не стоить на едином мЂстЂ; отколЂ ветр потянеть, ино поидеть вал, и восходять тЂ валы на брег за 300 верст. Того же моря не преходить никаков человек, ни кораблем, ни которым промыслом. И за тЂм морем не вЂдает никаков человек, есть ли тамо люди, нЂт ли, и с того моря в нашю землю текут рекы многи, в них же рыбы сладкы, и посторонь того моря за 3 дни суть горы высокы, от них течеть рЂка каменна, валится камение великое и малое по себЂ 3 дни. Идет же то камение в нашю землю в то море пЂсочное, и покрывають валове моря того й. Близ тоя рЂкы едино днище есть горы пусты высокы, их же верха человеку не мощно дозрЂти, и с тЂх гор течеть река под землею не велика; но во едино время разступается земля над рЂкою тою, и кто узрЂв да борзо воскочить в рЂку ту, того ради да бы ся о нем земля не соступи, а что похватить и вынесеть борзо, оже камень, тои драгии камень видится, а яже пЂсок похватить, то великы женчюг возмется. Та же рЂка течеть в великую рЂку, люди же тоя земли ходять на устье рЂкы, а емлють драгыи камень четьи и женчюг, а кормять свои дети сырыми рыбами, и понирають в рЂку ту иныя на 3 месяци, а иныя на 4-ре месяци, ищуть камения драгаго. За тою рЂкою едино днище есть горы высокы и толсты, не лзЂ на них человеку зрЂти. И с тЂх гор пылаеть огнь по многым местом, и в том огни живуть черви, а безо огня не могуть жити, аки рыбы без воды, и тЂ черви точать ис себе нити аки шиду, и в тЂх нитех наши жены дЂлають нам порты, и тЂ порты коли ся изрудять, водою их не мьють, вергуть их в огнь, и како разгорятся, ини чисти будуть. Есть у мене во инои странЂ звЂзда именем Лувияарь. А егда поидем на рать, кому хощем болшеи работЂ предати, идуть пред мною и несуть ту 20 крестов и 20 стягов. ТЂ же кресты и стязи велици злати с драгими каменми и с великыми женчюги здЂланы, в нощ же свЂтять аки в день. ТЂ же кресты и стязи идуть на 20-ти колесницах и 6-ти, а у которыя же колесница служать по 100 тысящь конник, а по 100 тысящь пЂшие рати опричь тех, которыя на нас брашно везуть. А коли поидем к нарочиту мЂсту на бои, ини несуть пред мною един крест древян, на нем же изображено господне распятие, того ради да быхом поминали господню страсть и распятие. Сторонь того креста несуть блюдо злато велико, на нем же едина земля; на землю зряще, поминает, яко от земли есми создани и паки в землю поити имамы. А се с другую страну блюдо несуть другое злато, на нем же драгии камень и четеи женчюг, на нь же зряще величается наше господьство. Идуть же пред мною 3 проповЂдници, возглашають велиим гласом. Един вопиеть: «Се есть царь царем, господь господем», а другии вопиеть: «Силою крестною а божиею благодатью и помощию». А третии вопиеть умилным гласом, яко от земли есмы сьтворени и в землю паки поити имамы. И пакы же престанем глаголати. О силЂ же не глаголю, яко же бо рекох.

Двор у мене имЂю таков. 5 ден ити около двора моего, в нем же суть полаты многы златыя и сребреныя и древяни изнутри украшены, аки небо звЂздами, а покровены златом. И в тои полатЂ огнь не горить; аще ли внесуть, в тои час огнь погаснеть. Есть у мене иная полата злата на осмидесять столпов от чистаго злата, а всякии столп по 3 сажени в толстоту, а 80 саженеи в высоту. В тои же полатЂ 50 столпов чистаго злата, на всех же столпех по драгому камени. Камень самфир имать свЂт бел, камень тонпаз аки огнь горить. В тои же полатЂ есть столпа два: на едином столпЂ камень, имя ему троп, а на другом столпЂ камень, имя ему кармакаул, в нощи же свЂтить камень тои драгыи, аки день, а в день, аки злато, а оба велики, аки корчаги. В тои же у мене полатЂ огнь не горить; аще внесуть, то борзо погаснеть; раз†бо тои огнь горить, иде же идеть из древа негнеющаго, имя древу тому шлема. Того мира вливають в паникадила и зажигають, ино тои огнь горить, и тЂм миром в которую версту помажется человек, стар или молод, болЂ того не старЂется, а очи его не болять. Та же полата выше всЂх полат. Верху тЂх полат учинена два яблока златы, в них же вковано по великому каменю самфиру, того ради, дабы хоробрость наша не оскудЂла. Суть бо 4 камени на столпЂх того ради, дабы потворници не могли чаров творити над нами. Есть у мене иная полата злата велика, как очима видети, на столпЂх златых; два велики камени кармакаул в нощи свЂтять в тои же полатЂ у мене.

А обЂдають со мною на трапезЂ по вся дни 12 патриархов, 10 цареи, 12 митрополитов, 45 протопопов, 300 попов, 100 диаконов, 50 пЂвцев, 900 крилосников, 365 игуменов, 300 князеи; а во зборнои моеи церкви служать 300 игуменов да 65, да 50 попов, да 30 диаконов, и обЂдають со мною; а столничають у мене и чаши подають 14 цареи да 40 королеи, да 300 боляр; а поварню мою вЂдають два царя да два короля опроче боляр и слуг. ТЂ же цари и короли быв, да прочь Ђдуть, а иныя приЂжчають.

А еще у мене лежить апостол Фома.

Есть у мене земля, в неи же суть люди, очи у них в челах. Есть у мене полата злата, в неи же есть зерцало праведное, стоить на 4-рех столпЂх златых. Кто зрить в зерцало, тои видить своя грЂхи, яже сьтворил от юности своея. Близ того и другое зерцало цкляно. Аще мыслить зло на своего господаря, ино в зерцалЂ том зримо лице его блЂдо, аки не живо. А кто мыслить добро о осподарЂ своем, ино лице его в зерцалЂ зримое, аки солнце. А во дворЂ моем церквеи 150, ины сътворены богом, а ины руками человеческыми.









За вид.: Сказание об Индийском царстве / Памятники литературы Древней Руси. XIII век. — М., 1981. — С.466-473.

Підготовка тексту Г.М.Прохорова.







Попередня       Головна       Наступна



Етимологія та історія української мови:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчанин, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



 


Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.

Iзборник. Історія України IX-XVIII ст.