Уклінно просимо заповнити Опитування про фемінативи  


Попередня     Головна     Наступна





ПІВДЕННО-РУСЬКІ ЛІТОПИСНІ ОПОВІДАННЯ ПРО ПОХІД ІГОРІВ.






Літописні оповідання про похід Ігорів р. 1185.


Літописи зберегли згадку про цей похід.

Найповніше та найдокладніше оповідає за нього Київський Літопис (Іпатськ. сп.); І. П. Хрущов вже давно зіставив був це оповідання з „Словом” (О древне-русск. историч. повестях и сказаниях XI и XII в. Київ, 1878, сс. 196 — 212). До цього оповідання прилучається коротенька звістка в Густинському літопису (П. С. Р. Л. II, р. 1843), що трапляється в списках, які мало різняться один од одного. Оповідання південної традиції переказує скорочено „Кроника” Тодосія Сафоновича, р. 1672, у розділі 21-му. Мабуть, чи не з південного переказу скориставсь і Татіщєв у своїй „Истории Российской” (кн. III, р. 1774, сс. 261 — 272): його оповідання і планом, і змістом, і окремими висловами збігається з Київським Літописом.

Другу групу становлять розмірно коротенькі звістки, що їх подають північні літописи — Лаврентієвський сп., Літописець Переяславля-Суздальського, Новгор. 4-й, Софійський літ. та ин. Оповідання ці різняться не тільки фактичними деталями, ба й виставляють инші мотиви для походу: в Іп. Ігор мотивує похід, кажучи: „не дай богъ на поганыЂ Ђздя ся отрещи, поганы есть всимъ намъ обечь ворогъ”, у північних оповіданнях цьому відповідає: „мы есмы ци не князи же? Поидемъ-такы же собЂ хвалы добудемъ”, себ-то громадський мотив замінено на приватний. Можна гадати, що обидва, і південне, і північне оповідання мали спільне джерело, тільки-ж кожен передав його в своєрідній обробці.

Далі подаємо тексти з південного оповідання в його обробках, починаючи від Іп. сп., кінчаючи „Историей” Татіщєва.















І. Київський Літопис (Іпатський Список) 1).


(арк. 222 зв.) Въ лЂто 6693 (1185) СъдЂя Господь спасение свое, дасть побЂду князема Рускыма, Святославу Всеволодичю и великому князю Рюрикови Ростиславичю мЂсяца марта въ 1 день; угадавша же Кончака бЂжавша, посласта по немь Кунтъугдыя въ 6000, тот же гнавъ самого не обрЂте, бяшеть бо тала стопа за Хороломъ. Святославъ же и великый князь Рюрикъ побЂду пріемша молитвами святою мученику Бориса и ГлЂба, и поидоша кождо во свояси, славяще Бога во ТроицЂ, Отца и Сына и Святого Духа.

Князь же Ярославъ Черниговьскии не шелъ бяше с братомь, со Святосла || (арк. 223)вомъ, молвяшеть бо тако: „азъ есмь послалъ к нимъ мужа своего, Ольстина Олексича, а не могу на свои мужь поЂхати”. ТЂмь же отречЂся брату своему Святославу. Игорь же молвяшеть Святославлю мужеви: „не даи Богъ на поганыЂ Ђздя ся отрещи: поганы есть всимъ намъ обечь ворогъ”. По том же гада Игорь с дружиною, куды бы могъ переЂхати полкы СвятославлЂ. Рекоша ему дружина: „княже, потьскы не можеши перелетЂти; се приЂхалъ к тобЂ моужь от Святослава в четвергъ, a самъ идеть в недЂлю ис Кыева: то како можеши, княже постигнути”. Игореви же бяшеть не любо, оже ему тако молвять дружина, хотЂ же Ђхати полемь перекъ, возлЂ Сулу; и бяшеть серенъ великъ, акоже вои не можахуть зрЂима перейти днемь до вечера тЂмь никуда же не може пути собЂ налЂсти Ђхати по СвятославЂ.

ТоЂ же веснЂ князь Святославъ посла Романа Нездиловича с Берендици на поганЂЂ ПоловцЂ. Божиею помочью взяша вежЂ ПоловецькЂи, много полона Ή конии мЂсяца априля в 21 на самыи велик день. Тогда же Святославъ князь иде въ ВятичЂ Корачеву орудЂй дЂля своихъ.

В то же время Святославичь Игорь, внукъ Олговъ, поЂха из Новагорода мЂсяца априля въ 23 день во вторникъ поимя со собою брата Всеволода ис Трубечка и Святослава Олговича, сыновця своего изъ Рыльска, и ВолодимЂра сына своего ис Путивля, и у Ярослава испроси помочь Ольстина Олексича, Прохорова внука с Коуи Черниговьскими и тако идяхуть тихо, сбираюче дружину свою, бяхуть бо и у нихъ кони тучни велми.



1) П. С. Р. Л. II, 1908 p., за сп.. Іп., Хл., Поґ., Єрмол. /336/



Идущимъ же имъ к Донцю рЂцЂ в годъ вечернии, Игорь же возрЂвъ на небо и видЂ солнце, стояще яко мЂсяць, и рече бояромъ своимъ и дружинЂ своеи: „видите ли, что есть знаменне се?” Они же узрЂвше и видиша вси, и поникоша главами; и рекоша мужи: „княже се есть не на добро знамение се”.

Игорь же рече: „братья и дружино, таины Божия никто же не вЂсть, а знаменню творЂць Богъ и все||(арк. 223 зв.)му миру своему; a намъ что створить Богъ, или на добро, или на наше зло — а то же намъ видити”. И то рекъ, перебреде ДонЂць.

И тако приида ко Осколу и жда два дня брата своего Всеволода: тотъ бяше шелъ инЂмь путем ис Курьска. И оттуда поидоша к СалницЂ. Ту же к нимь и сторожеви приЂхаша, ихже бяхуть послалЂ языка ловитъ. И рекоша приЂхавше: „видихомся с ратнымы, ратници ваши со доспЂхомъ Ђздять; да или поЂдете борзо, или възворотимся домовь, яко не наше есть веремя”.

Игорь же рече с братьею своею: „оже ны будеть не бившися возворотитися, то соромъ ны будеть пущеи смерти. Но како ны Богъ дасть”. И тако угадавше, и Ђхаша чересъ нощь.

Заутра же пятъку наставшу, во обЂднее веремя усрЂтоша полкы ПоловЂцькиЂ, бяхуть бо до нихъ доспЂлЂ, вежЂ своЂ пустили за ся, а сами, собравшеся от мала и до велика, стояхуть на оной сторонЂ рЂкы Сюурлія, и ти изрядиша полковъ 6, Игоревъ полкъ середЂ, а по праву брата его, Всеволожь, а по лЂву Святославль, сыновця его; на передЂ ему сынъ ВолодимЂрь и другий полкъ Ярославль, иже бяху с Ольстиномъ Коуеве; а третии полкъ на переди же, стрЂльци, иже бяхуть от всихъ князии выведени.

И тако изрядиша полкы своя, и рече Игорь ко братьи своей: „братья, сего есмы искалЂ, а потягнемь”. И тако поидоша к нимъ, положаче на БозЂ упование свое. И яко быша к рЂцЂ ко Сюурлию и выЂхаша ис ПоловЂцькихъ полковъ стрЂлци и пустивше по стрЂлЂ на Русь, и тако поскочиша. Русь же бяхуть не переЂхалЂ еще рЂкЂ Сюрлия. Поскочиша же и ти Половци силы ПоловЂцькии коториЂ же далече рЂкы стояхуть. Святослав же Олговичь и ВолодимЂрь Игоревичь и Ольстинъ с Коуи и стрЂлци потькоша по нихъ, а Игорь и Всеволодъ по малу идяста, не роспустяща полку своего; переднии же ти Русь биша Ђ имаша 1). ПоловцЂ же пробЂгоша вежЂ, и Русь же дошедше вежь и ополонишася, друзии же ночи приЂхаша || (арк. 224) к полкомъ с полономъ. И яко собрашася Половци вси, и рече Игорь ко братома и к мужемь своим: „се Богъ силою своею возложилъ на врагы наша побЂду, а на нас честь и слава. Се же видЂхомъ полкы ПоловЂцькии, оже мнози суть; ту же ци вся си суть совокупили. НынЂ же поЂдемы чересъ ночь; а кто поЂдЂть заутра по насъ, то ци вси поЂдуть, но лучьшии коньници переберуться, a самЂми какъ ны Богъ дасть”.



1) Хл. Поґ. „передній же розбиша и имаша”. /337/



И рече Святославъ Олговичь строема своима: „далече есмь гонилъ по Половцехъ, а кони мои не могуть. Аже ми будеть нынЂ поЂхати, то толико ми будеть на дорозЂ остати”. И поможе ему Всеволодъ, яко же облечи ту.

И рече Игорь: „да не дивно есть разумЂющи, братья, умрети”.

И облегоша ту.

СвЂтающи же суботЂ начаша выступати полци Половецкии, акы борове. ИзумЂшася князи Рускии, кому их которому поЂхати, бысть бо ихъ бещисленое множество.

И рече Игорь: „се, вЂдаюче собрахомъ на ся землю всю, Кончака и Козу Бурновича, и Токсобича, Колобича, и Етебича и Терьтробича”.

И тако угадавше вси сосЂдоша с коний; хотяхуть бо бьющеся доити рЂкы Донця; молвяхуть бо: „оже побЂгнемь — утечемь сами, а черныя люди оставимъ, то от Бога ны будеть грЂхъ, сихъ выдавше. Но или умремь, или живи будемь на единомь мЂстЂ”.

И та рекше, вси сосЂдоша с конЂй и поидоша бьючеся. И тако Божиимъ попущениемь уязвиша Игоря в руку и умртвиша шюйцю его. И бысть печаль велика в полку его: и воеводу имяхуть [и] тотъ напереди язвенъ бысть.

И тако бишася крЂпко ту днину до вечера, и мнозии ранени и мертви быша в полкохъ Руских; наставши же нощи суботнии и поидоша бьючися. Бысть же свЂтающе недЂлЂ возмятошася Ковуеве в полку [и] побЂгоша. Игорь же бяшеть в то время на конЂ, зане раненъ бяше; поиде κ полку ихъ хотя возворотити к полкомъ. УразумЂв же, яко далече шелъ есть от людий, и соимя шоломъ погънаше опять к полкомъ того дЂля, что быша познали князя и возворотилися быша. ||

(арк. 224 зв.)И тако не возворотися никто же, но токмо Михалко Гюрговичь, познавъ князя, возворотися, не бяхуть бо добрЂ смялися с Ковуи, но мало от простыхъ, или кто от отрокъ боярьскихъ, добрі бо вси бьяхуться идуще пЂши, и посреди ихъ Всеволодъ не мало мужьство показа.

И яко приближися Игорь κ полкомъ своимъ, и переЂхаша поперекъ и ту яша единъ перестрЂлъ одале от полку своего. Держим же Игорь видЂ брата своего Всеволода крЂпко борющася и проси души своей смерти, яко дабы не видилъ падения брата своего. Всеволодъ же толма бившеся, яко и оружья в руку его не доста; и бьяху бо ся идуще в кругъ при езерЂ. И тако во день святого вокресения наведе на ны 1) Господь гнЂвъ свои, в радости мЂсто навзде на ны плачь и во веселья 2) мЂсто желю на рЂцЂ Каялы.

Рече бо дЂи Игорь: „помянухъ азъ грЂхы своя пред Господемь Богомъ моимъ, яко много убииство, кровопролитье створихъ в землЂ крестьяньстЂи, яко же бо азъ пощадЂхъ хрестьянъ, но взяхъ на шитъ городъ ГлЂборъ у Переяславля. Тогда бо не мало зло подъяша безвиньнии хрестьани, отлучаеми — отець от рожении своих, братъ от брата,



1) X. П. на ны; Іп. — на ня.

2) Іп. во веселье, X. П. въ веселіа. /338/



другъ от друга своего, и жены от подружии своихъ и дщери от материи своихъ, и подруга от подругы своея, и все смятено плЂномъ и скорбью тогда бывшюю. Живий мертвымъ завидять, а мертвий радовахуся, аки мученици святЂи огнемь от жизни сея искушение приемши; старцЂ порЂвахуться, уноты же лютыя и немилостивыя раны подъяша, мужи же пресЂкаеми и расЂкаеми бывають, жены же осквЂрняеми. — И та вся створивъ азъ, рече Игорь; не достойно ми бяшеть жити. И се нынЂ вижю отмЂстье от Господа Бога моего. ГдЂ нынЂ возлюбленыи мой братъ? ГдЂ нынЂ брата моего сынъ? ГдЂ чадо рожения моего? ГдЂ бояре думающеи? ГдЂ мужи храборьствующеи? ГдЂ рядъ полъчныи, гдЂ кони и оружья многоцЂньная? Не ото всего ли того обнажихся и связня преда мя в рукы безаконьнымъ тЂмь? Се возда ми Господь по безаконию моему и по злобЂ моей на мя, и снидо || (арк. 225)ша днесь грЂси мои на главу мою. Истинен Господь и прави суди его зЂло. Азъ же убо не имамъ со живыми части. Се бо нынЂ вижю другая мучения вЂньца приемлюще; почто азъ единъ повиньныи не прияхъ страсти за вся си? Но владыко, Господи Боже мой, не отрини 1) мене до конца, но яко воля твоя Господи, тако и милость намъ, рабомъ твоимъ”.

И тогда кончавъшюся полку розведени быша, и поиде кождо 2) во своя вежа. Игоря же бяхуть яли Тарголове, мужь именемь Чилбукъ, а Всеволода брата его ялъ Романъ Кзичь, а Святослава Олговича Елдечюкъ въ Вобурцевичехъ, а Володимера Копти в Улашевичихъ. Тогда же на полъчищи 3) Кончакъ поручися по свага Игоря, зане бяшеть раненъ.

От толикихъ же людии мало ихъ избысть нЂкакомъ получениемь: не бяшеть бо лзЂ бЂгаючимъ утечи, зане яко стЂнами силнами огорожени бяху полкы ПоловЂцьскими; ноітхуть Русь 4) съ 15 мужь утекши, а Ковуемь мнЂе, а прочии в морЂ истопоша.

В тоже время великыи князь Всеволодичь Святославъ шелъ бяшеть в Корачевъ и сбирашеть от вЂрхъних земль вои, хотя ити на Половци к Донови на все лЂто. Яко возворотися Святославъ и бысть у Новагорода СЂверьского и слыша от братьи своей, оже шли суть на Половци утаившеся его и не любо бысть ему.

Святослав же идяше в лодьяхъ, и яко приде к Чернигову и во тъ годъ прибЂже БЂловолодъ Просовичь и повЂда Святославу бывшее о ПоловцЂхъ.

Святослав же то слышавъ и вельми воздохнувъ, утеръ слезъ своихъ и рече: „о люба моя братья и сыно†и мужЂ землЂ РускоЂ! дал ми бяше э) Богъ притемніти поганыя, но, не воздержавше уности, отвориша ворота на Русьскую землю. Воля Господня да будеть о всемь. Да како жаль ми бяшеть на Игоря, тако нынЂ жалую болми по ИгорЂ, братЂ моемь”.



1) Х. П.; Іп. отригни.

2) Х. П.; Іп. когождо.

3) Х. П. Єрмол.; Іп. полъчи.

4) Іп.; X. П. но наших Руси.

5) X. П.; в Іп. немає. /339/



По сем же Святославъ посла сына своего, Олга, и Володимера в Посемье. То бо слышавше возмятошася городи Посемьские, и бысть скорбь и ту || (арк. 225 зв.)га люта, якоже николи же не бывала во всемь Посемьи и в НовЂгородЂ СЂверьскомъ, и по всей волости Черниговьской: князи изымани и дружина изымана и избита. И мятяхуться, акы в мутви, городи воставахуть, и не мило бяшеть тогда комуждо свое ближнее, но мнозЂ тогда отрЂкахуся душь своих, жалующе по князихъ своихъ.

По сем же посла Святославъ ко Давыдови Смоленьску, река:

„рекли бяхомъ поити на Половци и лЂтовати на ДонЂ, нынЂ же Половци се побЂдилЂ Игоря и брата его съ 1) сыномъ. А поеди, брате, постерези землЂ РускоиЂ”.

Давыдъ же приде по Днепрю, придоша же ины помочи и сташа у Треполя, a Ярославъ в Черниго†совокупивъ вои свои стояшеть. Поганыи же Половци побЂдивъше Игоря с братьею, и взяша гордость велику, и съвокупиша 3) всь языкъ свои на Рускую землю.

И бысть у нихъ котора; молвяшеть бо Кончакъ „поидемъ на Киевьскую сторону, гді; суть избита братья наша и великий князь нашь Бонякъ”. А Кза молвяшеть: „поидем на Семь, гдЂ ся осталЂ жены и дЂти: готовъ намъ полонъ собранъ, емлем же городы 31 без опаса”. И тако раздЂлишася на двое.

Кончакъ поиде к Переяславлю и оступи городъ;' и бишася ту всь день. Володимеръ же ГлЂбовичь бяше князь в ПереяславлЂ, бяше же дерзъ и крЂпокъ к рати; выеха из города и потче 4) κ нимъ и по немь мало дерьзнувъ дружины5), и бися с ними крЂпко, и обьступиша и мнози 6) ПоловцЂ. Тогда прочии видивше князя своего крЂпко бьющеся, выринушася из города и тако от'яша князя своего, язьвена суща ') треми копьи. Сии же добрый -Володимеръ язвенъ и 8) труденъ въЂха во городъ свои и утре мужественаго поту 9) своего за отчину свою.

Володимеръ же слашеть ко Святославу и ко Рюрикови и ко Давыдови и рече имъ: „се Половьци у мене, а помозите ми”. Святослав же слашеть ко Давыдові a Давыдъ стояшеть у Треполя со Смолняны. СмолнянЂ же почаша вЂчЂ дЂяти рекуще: „мы пошли до Киева, даже бы была рать, билися быхомъ; намъ ли иноЂ рати искати | (арк. 226) то не можемь, уже ся есмы изнемоглЂ. Святослав же съ Рюрикомъ и со инЂми помочьми влегоша во ДнЂпръ противу Половцемь, a Давыдъ возвратися опять со Смолняны.



1) Дод. з Х. П.

2) Х. П.; Іп. скупиша.

3) Х. П.; Іп. „елминъ же горды”.

4) Іп.; X.П. потече.

5) X. П.; Іп. дружинЂ.

6) Х. П.; Іп. мнозии.

7) Х. П.; Іп. сущи.

8) Дод. з X. П.

9) Х. П.; Іп. поути.

10) Х. П.; Іп. заборолЂ. /340/




То слышавше Половци и возвратишася от Переяславля, идущи же мимо приступиша к Римови. Римовичи же затворишася в городЂ и возлЂзъше на заборола 10), и тако Божиимъ судомъ летЂста д†городници с людми. Тако к ратнымъ и на прочая гражаны найде страх, да которЂи же гражанЂ выидоша изъ града и бьяхуть ся ходяще по Римьскому болоту, то тЂи избыша плЂна; a кто ся осталъ в городЂ, a тЂ вси взяти быша.

Володимеръ же слашеться ко Святославу Всеволодичю и ко Рюрикови Ростиславичю, понуживая ихъ к собЂ, да быша ему помоглЂ; они же опоздишас 1) сжидающе Давыда [съ] Смолняны. И тако князЂ РускиЂ опоздишася и не заЂхаша ихъ. Половци же вземше городъ Римовъ и ополонишася полона и поидоша во свояси. Князи же возворотишася в домы своя, бяхуть бо печални, и со сыномъ своимъ ВолодимЂромъ ГлЂбовичемъ, зане бяшеть раненъ 2) велми язвами смертьными, и хрестьянъ плененыхъ от поганыхъ.

И ce Богъ казня ны грЂхъ ради нашихъ наведе на ны поганыя, не акы милуя ихъ, но насъ казня, и обращая ны κ покаянью, да быхом ся востягнули от злыхъ своихъ дЂлъ; и симъ казнить ны нахожениемь поганыхъ, да некли смиривошеся воспомянемь ся от злаго пути.

A друзии ПоловцЂ идоша по онои сторонЂ к Путивлю — Кза у силахъ тяжькихъ — и повоевавши волости и[хъ] и села ихъ пожгоша. Пожгоша же и острогъ у Путивля и возвратишася во свояси.

Игорь же Святославличь тотъ годъ бяшеть в Половцехъ и глаголаше: „азъ по достоянью моему восприяхъ побЂду от повеления твоего, владыко Господи, а не поганьская дерзость обломи силу рабъ твоихъ. Не жаль ми есть за свою злобу прияти нужьная вся, ихже есмь приялъ азъ”.

Половци же аки стыдящеся воевъдства его и не творяхуть ему [пакости] 3), но приста||(226 зв.)виша к нему сторожовъ 15 от сыновъ своихъ, a господичичевъ пять, то тЂхъ всихъ 20, но волю ему даяхуть: гдЂ хочеть, ту Ђздяшеть и ястребомъ ловяшеть, а своих слугъ съ 5 и съ 6 с нимь Ђздяшеть; стороже†же тЂ слушахуть его и чьстяхуть его, и гдЂ послашеть кого, бесъ пря творяхуть повелЂное им.

Попа же бяшеть привелъ из Руси к собЂ со святою службою, не вЂдяшеть бо Божия промысла, но творяшеть ся тамо и долъго быти. Но избави и Господь за молитву хрестьяньску, им же мнозЂ печаловахуться и проливахуть 4) слезы своя за него.

Будущю же ему в Половцехъ тамо ся налЂзеся мужь родомъ Половчинъ, именемь Лаворъ; и тотъ приимъ мысль благу и рече „поиду с тобою в Русь”. Игорь же исперва не имяшеть ему вЂры, но держаше мысль высоку своея уности; мышляшеть бо емше мужь и бЂжати в Русь; молвяшеть бо: „азъ славы дЂля не бЂжахъ тогда от дружины, и нынЂ неславнымъ путемь не имамъ поити”.

С нимъ бо бяшеть тысячьского сынъ и конюший его, и та 5) нудяста и глаголюща: „поиди, княже, в землю Рускую, аще восхощет 6) Богъ, избавить тя”. И не угодися ему время таково, какого же искашеть.



1) X. П.; Іп. он же опоздися.

2) X. П.; Іп. ранъ.

3) Дод. з Єрмолаев. сп.

4) В Іп.дод. „же”.

5) X. П.; Іп. тоу.

6) X. П.; Іп. восхощь. /341/



Но якоже преже рекохомъ, возвратишася от Переяславля Половци; и рекоша Игореви думци его: „мысль высоку и не угодну Господеви имЂешь в собЂ: ты ищеши няти мужа и бЂжати с ними 1), а о семь чему не разгадаешь, оже приедуть Половци с воины. А се слышахомъ, оже избити им князя и васъ и всю Русь; да не будеть славы тобЂ, ни живота? Князь же Игорь приимъ во сердцЂ съвЂтъ 2) ихъ, уполошася приЂзда ихъ и возиска бЂжати. Не бяшеть бо ему лзЂ бЂжати в день и в нощь, иже 3) стороже†стрежахуть его. Но токмо и веремя таково обрЂтЂ в заходъ солнца. И посла Игорь к Лаврови конюшого своего, река ему: „перееди на ону сторону Тора с конемь поводнымъ” — бяшеть бо свЂчалъ с Лавромъ бЂжати в Русь.

В то же время Половци напилися бяхуть кумыза, а и бы при вечерЂ || (арк. 227). Пришедъ конюший, повЂда князю своему Игореви, яко ждеть его Лаворъ. Сей же вставъ ужасенъ и трепетенъ и поклонися образу Божию и кресту честному, глаголя: „Господи сердцевидче, аще спасеши мя, владыко, ты недостоинаго!” И возмя на ся крестъ и икону и подоима стЂну и лЂзе вонъ ; сторожем же его играющимъ и веселящимся, а князя творяхуть спяща.

Сии же пришедъ ко рЂцЂ и перебредъ и всЂде на конь; и тако поидоста сквозЂ вежа.

Се же избавление створи Господь в пятокъ в вечерЂ; и иде пЂшь 11 денъ до города Донця, и оттолЂ иде во свои Новъгородъ, и обрадовашася ему. Из Новагорода иде ко брату Ярославу κ Чернигову, помощи прося на Посемье. Ярослав же обрадовася ему и помощь ему да[ти] обЂща.

Игорь же оттолЂ Ђха ко Киеву κ великому князю Святославу, и радъ бысть ему Святославъ, такъ же и Рюрикъ сватъ его.







Див. повний текст літопису:

Літопис руський за Іпатським списком (ПСРЛ, Т. II)








Попередня     Головна     Наступна


Етимологія та історія української мови:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчанин, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



 


Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.

Iзборник. Історія України IX-XVIII ст.