Уклінно просимо заповнити Опитування про фемінативи  


Попередня     Головна     Наступна





СУПРАСЛЬСЬКИЙ ЛІТОПИС


Опис рукопису



Избрание лЂтописания изложено въкратце


Сказание o вЂрных святых князеи руських.

Первое како крести Рускую землю святыи правъвЂрныи князь Владимер киевъски и всея Руси, наслЂдникь благовЂрному царю Костентину, иже самь крестися и люди навчи вЂровати во светую троицю, отца и сына и святого духа А. Потомь поиде в Словенскую землю, на реце на КлязмЂ постави город именемь Владимер, во свее Б имя ветшано город и постави, и зборную церков святую Богородицю дрЂвяную, и спомь осыпа, и стави церков, и крести люди, и посади \л.3об.\ намЂсники, и иде в Киев. И минув много лЂть, и потомь други приде князь Владимер Манамах ис Киева жь во Володимерь град и постави церков камену святого Спаса y Златых врать, a самь поиде в Киев. По неколицех лЂтЂхь приде сынь его Юръи Долгоруки, велики князь киевъски и всея Руси, и постави церков святого Юря каменую, и поеха во Киев.

B лЂто 6605 [1097]. Поиде князь великии АндрЂи христолюбивы в град Вълодимер и постави каменую церков, первое святую Богородицю боголюбивы Юревичь Долгоруки, и покрыв Златые t врата. И потомь минуло 10 лЂт и заложи святую Богородицю съборную церков камену \л.4.\ в граде Вълодимери об едином вЂрсЂ месяца мая в 8 день на паметь святого апостола ИаонаВ Богуслова. И постави горъд и осыпа спомь камену церков и Золоты врата доспЂи и княжи 20 лЂть и осмь, a княгини его больгарини держяше к нему злую мысль Г князь Боголюбскы от своих бояр от Кучькевичев. И по немь ис Киева жь приде брать его Михалко на великое княжение в град Володимер и мсти обиду брата своего, Кучковичи поби. A княжил одно лЂто, a преставися в Володимери. Потомь на третее лЂто приде Вълодимерь c Киева. Князь великыи ДмЂтреи Всеволъд и мсти кров брата своего АндрЂя, Кучь \л.4об.\ ковичи поби, a иных бояр за Юръвым изыма и поби. Сии же князь велики пристави святеи Богородици съборнои 4 верхы и позолоти, святого ДмЂтрея на своемь дворЂ постави и позолоти, a княгини его Мара Д два Ориева Д, дщи ческого княжя, постави церков камену святую Богородицю в новъм манастыри. И бысть в него сынов 6: первы Ярослав, вторыи Иоан стародубъскыи, трети Костентинь ростовъскыи, четьвертыи Святослав, нареченыи Гаврил юревъскыи, постави святого Юръя и самь бяше мастер; ттои же и Воздвижение постави в Володимери, да тогды взя город, a пошол по Омосов день. Пятыи АндрЂи суздалъскыи, \л.5.\ шесты князь велики володимерскыи, постави церков святую Богородицю сборную в Сюиждали, a другую в Володимери камену церков o три верхи Рожество святой Богородици; тои же на ЗгЂ Е c Костеньтиномъ, братомь своим, бися; на того Ботыи царь приде и сугна на СЂти на рецЂ. A Кыдешьшую церков постави Борись Михальковичь, сынь брата АндрЂева Всеволожя, и сына город Кидешьку, тои же Городець на ВолъзЂ. Потомь прииде на великое княжение князь Володимер из Новагорода из Великого князь АндрЂи Боголюбскыи ЕЕ.

От Адама до потопа лЂт 2000 и 200 и 40 и 2. A от потопа до Оврама лЂт 1000 и 80 и 2. От Аврама до исхожения Моисеева лЂт 500 и 2. От схождения до Давыда лЂт 601. От Давыда \л.5об.\ и от начала царьства Саламона до пленения ерусолимского B лЂто 400 и 48. От пления Ж до Алксандра B лЂто 300 и 10. A от рожесьтва Христова до Костентина цара B лЂто 18. От Костентина царя до Михаила B лЂто 500 и 42.

B лЂто 6362 [854] З. Начал земли Рустеи.

B лЂто 6366 [858]. Михаил царь изыде c вои своими брегом и морем на болгары, болгары же видивши, иже не могоша стати противу ему и просися креститися и покорилися грекомь.

B лЂто 6367 [859] И. Имяху дань варязи изь заморя на чюди и на словянех, и на мери, и на всих кривичех от мужа по К били велыци К. От казар имяху дань на полянех и на сивярянех и на вятичех по бЂле векше от дыма.



А Над словом несколько стертых букв; видны следы букв ен Б Так в рукописи В Так в рукописи Г B других легпописях далее: и тако убиень бысть Д—Д B Новг. 1 Мария Шварнова Е Так в рукописи; д. б. ГзЂ ЕЕ Так в рукописи; д. б. Александр Невскыи Ж Taк в рукописи; д, 6. пленения З B рукописи ≠SВЄ исправлено no Н И B рукописи 6067 К—К Так в рукописи; в H по бЂлЂ верици \37\




A ce зачало рускых князеи.

B лЂто 6370 [862]. Восташа кривича и словяне, \л.6.\ и мера, и чюдь на воряги, изгнаша их за море и не даша им дани, и начаша сами владЂти, и грады ставити, и не бЂ в них правды, и въста род на род, и бысть межи их рать велика. И рЂша сами в собЂ: «Поищемь князя собЂ, што владел нами и судил бы во правду». И послаша зо море ко варягомь, к руси, сице бо зовяхуся к Русью, И рЂша им вся: «Земля наша добра и велика есть, изобилна всимь, a нарядника в неи неть, то нынЂ поидете к намь княжити и владЂти нами». И зобрашася из Немець три браты и c роды своими, и поняли изь собою дружину свою. И пришед стареши Люрикь сел в Новегороде, a Синеусь, брать его, на БЂлеозере, a Триур, брать их, во Зборце, и начаша воевати всуде. И от тех \л.6об.\ варягь прозвася Русь и земля Руская. И под двою лЂть Синеусь и брать его Триур умре, и приня всю власть в Руси Лирикь, и роздая грады мужемь своимь. И быша перви насильници в Киеве варязе, в Новегороде словяне, в Полоцьку кривичи, в Ростове мЂря, на БЂлеозере весь, в Муроме мурома, a всими обладаша Люрикь. И бЂста в него два мужа, Асколод и Дирь, и спросистася y него ко Царюграду c родомь своимь. И поидоста по Днепру, и узриста на горе градокь маль и вопросиста: «Чии есть градокь си?» И рЂша имь ту сущи: «Были суть три браты: Кии, Щекь, Хорив, иже соделаша сии град и згибоша, мы же седЂмь, плачати дань роду их, къзаром». Асколъд и Дирь седоша во граде и владоша ими. \л.7.\ Люрикь княжи в НовЂгороде. И бысть ему сынь Игор, мужь мудрь и храбр; в него воевода Олег.

B лЂто 6377 [869]. Крещена бысть земля Болгарская при цари Василъи, сыну Михаилове.

B лЂто 6000 триста 87 [879]. Предасть Л княжение Л свое Олъгови, яко от рада М ему сущи, и сына его Игора, бЂ бо мал еще дЂтескь.

B лЂто 6389 [881] ММ. Поиде Олегь, поимь Игора, из Новагорода и приде ко Смоленску, и при Н град, и посади в немь мужи свои. Оттоле поиде по Днепру и приде к горамь Киевъскимь. Увидель Олег, яко Осколод и Дир княжиста во Киеве, и бЂ Олегь мнящися мимоиды c малою дружиною в ладях. И посласта ко Исколоду и Диру: «Яко гости есмо угоръския, идемь во Грекы, Олга князя, Игора княжича; придете к намь к родомь своимь». Они же придоста \л.7об.\ едины. Приемь Олегь Игоря на руцЂ си, и рече ко Осколоду и Диру: «Вы не есть князи, a ни княжого роду, но азь есми князь, a ce есть сынь Люриков Игор». И повели убити их, и погребоша Асколода, идеже Угорьское, идеже есть дворъ Олминь, a Дирова могыла, и за святою Ириною во Киеве. И сЂд Олиг княжити в Киеве и надо всею Рускою землею, a словяномь и кривичемь и меряромь дани наложи, a от Навагорода по триста гривен. И многы ины страны притягну ко Руси и принуди к собЂ и древляны, и возложи дань по чернои куници. Князь же Олегь приведе Игорови жену изо Опскова именемь Олъгу, и живе Игор со Ольгою лЂт 43.

Сиже и список въкратце. От первого лЂта Игорева до первого лЂта Святославля, до первого лЂта Ярополча лЂт 28. A княжил \л.8.\ Ярополкь 8 лЂт, a Володимер 37. От крещения болгарского до приложения книгь, до крещения Рускои земли лЂт 92. B 9-е лЂто княжениа Володимерова крещена бысть Руская земля, A от крещения Вълодимерова до смерти лЂт 28. От крещения до убиения Бориса и ГлЂба, до пренесения мощемь лЂт 57. От первого до второго принесения лЂт О и до взятия Киевьского лЂт 87. До Кольковъского бою лЂт 20. A Святополкь Оканны 3 лЂта княжи и бияся c Ярославомь. A Яръслав княжи 40 лЂт, a Володимер Яръславичь 4 лЂта. Того же Вълодимера Ярославичь сыновЂ: Мстислав, Ярополък, Вечеславо, Всеволод, Юръи, АндрЂи. Всеволожи Ярославича сынове: Володимер Манамахь, Ростиславь, Ярополък. Юръи Володимировичь сынове: Ярослав, Ростислав, АндрЂи Боголюбски, Михалко, Всеволод, \л.8об.\ Святослав, ГлЂб, Мстислав, Борись, АндрЂя Боголюбского сынове: Изяслав, Мстислав, ГлЂб. Всеволодя Юревича сынове: Костентина, Борись, Юри, Федор, Ярослав, ДмЂтреи, Гавърил, Василеи, Святослав, Владимер, Иоан. Юръя Всеволожича сынове: Всеволод, Владимер, Мстислав. Ярослава Всеволодича сынове: Федор, Василеи, Алксандр, АндрЂи, Афанасеи, Костентин. Адександра Ярославича сынове: Семион, Данило, Иоан, ЯндрЂи. A Семиона Ивановича сынове: Василеи, Костентин, Данало П, Михаило, Иоан, Симион, Иона ПП Ивановича сынове: ДмЂтре, Иоан.



Л~Л Так в рукописи; в H Умре Рюрик и прЂдасть княжие М Так в рукописи; д. б. рода ММ B рукописи 6089; исправлено no H Н Так в рукописи; д. б. прця О Так в рукописи; д. б. лЂт 23 П Так в рукописи ПП Так в рукописи



Игореви же ходящи по Олгови. Иде Олег на Греки, a Игоря остави в Киеве. Поя же множество варягь и словен, и чюдь, и кривичи, и меру, и поляны, \л.9.\ и сиверу, и древляны, и радимачи, \38\ вятичи, хорваты, дулепы и тиверци. И со всимы вои поеде Олег на конех и в караблех, бЂ числомь караблеи 2000. И придоша ко Царюграду, и грекы затвориша грады. Изыде Олег ис карабля и повели извьлещи карабли на брег, и повоева окол грады, и много зла сотвори греком: и многы полаты разбиша и церкви раскопаша, якы прах, и елико зла сотвориша, и не мощи языку человеческу изрещи. И по сих повели Олег своею мудросътию съделати колеса, и бывшю покусну вЂтру, и поидоша в караблех по полю ко граду. Видивши же греки силу и их многую, убояшася и выслаша ко Олгови из града: «Не погуби нас, имем ти ся по дань». И встави Олг вои свои, и вынесоша греци брашно и вино, и не прия его, бЂ устроено \л.9об.\ c травою Р. И убояша греци, и рекоша: «НЂсть сеи Олег, ино святыии РР Домитреи послан на ны». И заповеда Олег дан давати на два тисечи караблеи по 12 гривен на мужа, a в карабли по 40 муши, и яшася греци по семь. И створи Олег мЂр c царема грецькыма, c Леоном и Олксандром, и за ряд положиша: «Яже приходить от наших земль, да будуть неврежены ничим, a месячьное възмуть на шесть месяцеи хлЂба и вина, и мяс, и овъща колко хочють, a поидуть домов, озмуть y цара брашна на дорогу, якори, ужа, елико потребно». И яшася греци по се, рекуще: «Приходящеи русь да вЂдають y старшего папы С, и пошлеть царь и пишеть имена их, и тогда възмуть мЂсячьное первыи кияне, черниговци, и приясловци и прочих ваших град, и входять в \л.10.\ град однеми враты c церкви СС мужем без оружия. И мужи творять куплю елико хотячь, не платячи вина ни в чем». Царь Леон и Алксандр и сътвориша мЂр со Олгом и яшася пон. И приде Олег ко Киеву ко Игору, несущи со събою злато и паволокы и въсякое узарочие.

B лЂто 6420 [912]. Посла Олего поистроити мЂра и положити ряд межи Грекы и Русью. И царь Леон построи мЂра и утверъди съписанием, еже непреступну быти мЂру их, и отпусти послы рускыи и почтив их. И живяше Олег мир имЂя c всими. И по сих помену Олег конь свои, на немь же волъхов кудесник не вЂли ездити, рекуще, яко «от того ти есть смерть». И призва Олег конюхи свои, и рече им: «КдЂ есть кон он?». Они же рекоша: «Умерл». И приеха Олег видети \л.10об.\ головы коня, ажь и кость огнила. A вступи Олег на голову коневу, рекучи: «От сего л было мнЂ умерети». И абие из головы змия вкуси Олега, и умре Олег. И бысть всих лЂт княжениа его лЂт 33.

B лЂто 6421 [913]. Нача Игор княжити по ОлъгЂ, и древляны заратишася c Игоремь. Иде Игор на древляны и победи я и дань възложи на них болши Олговы. И по сих Игор ходи на грекы и не одоли их, но отбежа в мале дружине. И по сих Игор събра всю свою силу, натяже Т и печениги, и поиде на грекы. Они же, слышавши безьконечну его силу, послаша ко Игору: «Не ходи на них, a возми дань, яко жь Олег». И бЂ Игор на Дунаи, пришедшимь посломь греческым, и створи c нимь мир \л.11.\ и по миру Олгову, и посла мужи свои к Раману построити мЂра, и устроиша мир, яко же и Олгов.

По сих же рекоша дружина Игорева: «Яко Свинтель издобылся всего, a мы не тако; нынЂ поиди на древляны и взложи на них дань». И вземь дань поиде домов. И отпустив дружину, пакы поиде к нимь. И слышавши дрЂвляне, яко Игор и опять идеть к ним, и здумавши, и убиша Игоря, и погребен бысть y Корстеня города во Дверехь ТТ.



Р Так в рукописи; в H c отравою РР Так в рукописи С B Ипатьев. y святого Мамы СС B Н царевым Т В Н наят же ТТ B H ДеревЂх



Олга же би в Киеве c сыномь Святославлемь, малым сущимь. РЂша же древляне: «Убихомь князя Игоря руского, и нынЂ поимем жену его Олгу за князя нашего». И послаша послы своя, лучших муж, ко Олзе. Олга же приклика ихь, яко во лодьяхь в яму воверженым быти имь, а по иных по лучших \л.11об.\ посла, глаголющи: «Яко любя ми есть рЂчь ваша, но прислЂте ко мнЂ лучьших ваших». И темь пришедшимь, и она и тех повели измытися, и зажжени быша, и изгориша. Сама же поиде во Деревъскую землю, пришедши посла послов своих, глаголющи: «Ваши послы за мною идуть з нашими мужьми, a вы пристроите меду много, яко иду перви, идеже вы убисте мужа моего Игоря, и створу тризну мужю своему». Пришедь же Олъга ко гробу мужа своего, и плакала по немь, и повели изьсыпати могилу велику над нимь, и мед повели понести, a древлянь поити, и оттрокомь своимь пити на нихь. Яко упишася, и повели Олга постинати всих, и посекоша их 5000, a сама поиде ко Киеву. И по сихь Олга со сыномь своимь Святославом \л.12.\ поиде древляны и победи ихь, a ины убегоша y город, и Олга ста y города, и они бияхуся крЂпко. Ольга же рече имь: «ДадЂте ми дань невелику: из двора по три голуби и по три въроби». Они же ради быша и даша. Она же повели нощию зажещи свещи и лепляти к гулубемь и воробиемъ, и пусти на градь, и град зажгоша, a сами изьсекошася. \39\

B лЂто 6455 [947] У. Иде Олга ко Новугороду и устави по Мсте и погосты, и дани, и оброкы, и ловища, и возвратися ко сыну своему в Киев. И по сих иде Олга во Грекы и крестися, царь самь крести ю. Яко хоте царь Иоан поняти ю, она же рече: «Аще y вась y крящянех, яко свои дщери поимати?» И посрамлень бысть царь от нея и отпущена бысть в Киев, повчившися y патриярха. Князь же сынь ея Святослав, возмужав и бысть \л.12об.\ храбрь велми, и приклони под свою руку многи земли.

B лЂто 6478 [970]. Придоша новгородци ко Святославу во Кыев просиша в него сына, и пусти к нимь. Бяше сынове Святославлии: Яръполкь, Олегь, a Володимер а Ф Малуши, ключници Олъжины. Рече Святослав новгородцемь: «Ажь бы дошель моих детеи к вамь». Ярополк отречеся и ГлЂб. Рече Добрыня новгородцемь: «Просите Володимеря», бЂ бо и Малуша сестра Добрыни, a отець им Малко любеченин. И рекоша новъгородци к Святославу: «Даи же нам Володимер». И рече вамь Х: «Ото вы есте». И пояша новгородци Володимера к собЂ. Иде Вълодимер со Добрынею, воием своимь, к Новугороду.

B лЂто 6485 [977]. И бысть ему брань со братомь своимь Олгом, и победи Олга, и побЂже в град y Дручи Ц, \л.13.\ спаде з мосту в ров и ту искончаша. Се же сотвориша от Ярополька, брата его, яко хоте его перво того убити, и приня власть его Ярополъкь; y Ярополка же жена Ч грекыни бЂ и бЂ была прежде Ч.

B лЂто 6481 [973]. Нача княжити Ярополк в Киеве. Черницою Ш. Отець бо его Святослав дасть ю за Ярополька, красоты деля лица ея. Слышав же се Володимер в Новигороде, яко Ярополк убил есть Олга, и убоявся бЂже за море. Ярополк посадникы посади своя в НовЂгороде.

B лЂто 6488 [980]. Приде Волъдимер c поряги Щ к Новугороду, и рече посадникомь Ярополъчимь: «Идете ко брату моему и рцете ему: «Владимер идеть на тя, въспе \л.13об.\ ваи противу». И сЂде в НовЂгороде, и посла к Рогволоду полоцькому: «Хощю поняти дщер твою жену собЂ». Он же рече ко дщери своеи: «Хощеши ли за Волъдимера?» Она же рече: «Не хощю розути робичища, но Яръполка хощю». БЂ бо Рогволод пришел и замория, имЂ бо власть свою в Полъцку. И придоша оттроци Вълодимеровы и поведаша ему всю рЂчь Рагнедину Э, дщери Рогволидовы, князя полоцького. Володимер собра воя своя многы, вяряги и словены, кривичи, чюдь, поиде на Рогволода. B ce же врЂмя хотяху Рогнеду вести ко Ярополъку. И приде Володимер на Полотескь и уби Рогвилода и сына два, a дщер его РогнЂд поя же \л.14об.\ ну и поиде на Ярополка. И приде Володимер ко Киеву c вои многыми, и не може Ярополк стати противу, но затвориша в Киеве c лодми Ю и со Блюдом воеводвою, и и стояше Владимер открывся на Дорогчи. Владемер же посла ко Блуду, воедво Я Ярополчю, c лестию, глаголя: «Поприя ми, аще убию брата своего, имЂти тя в отца иму мЂсто, и многу честь возмеши от мене; не азь убо начал изьбивати, но он; азь того убояхся, придох на се». И рече Блуд кь посломь Владимировымь: «Азь буду тобЂ в срдци и во приязьнь». И мысляше убити Ярополька, князя своего. «Яды, рече, хлЂб мои, възвеличи на мя лесть», и мысляше князю бежати, a к Володимеру посылаше веляше ко граду приступати. И рече Блуд ко Ярополку, князю \л.14об.\ своему, лестию: «Кияне шлются к Володимеру, рекучи: «Приступаи ко граду, яко предамо ти Ярополъка; побЂгни из града». И послуша его Ярополък, побЂже из града и затвориша в граде на уст Ръси, a Владимер вниде в Киев. И оседе Ярополка в граде. И бЂ глад велик, и рече Блуд ко Яръполъку: «Видеше ли колко воя брата твоего: намь их не перебити, но сотвори мир c братомь своимь». И рече Ярополк: «Буди такь». И посла Блудь ко Въдимеру А: «Яко изьбыстся мысль твоя, приведу к тобЂ Ярополка, пристроися и уби его». Володимир же то слышав, вниде во двор теремыи отень и сЂде ту и c вои и c дружиною своею. И рече Блуд \л.15.\ ко Ярополку: «Поиди ко брату своему и рци ми ему: «Что ми вдаси, то я приму». И поиде Ярополкь, и рече ему Вяряжько: «Не ходи, княже, убиють тя, побегни в Печениги, убо приведеши воя». И не послуша его. И приде Ярополкь к Володимеру, и яко полЂзе в двери, и подняста два варяга мечима под пазусЂ, Блудо же затвори двери, не дасть никому вънити своимь. И тако убиень бысть Ярополкь. Варяжько же побЂже c двора, и побЂже, и бежа в Печенигы, и много воева на Водимера Б и c печениги, и ледва привади его Владимер, заходив кротько.



У B рукописи 6055 Ф B H от Х B Новг. 4 им Ц Так в рукописи; д. б. Вручаи Ч—Ч B Новг. 4 еже бо была пр еже черничою Ш Это слово должно быть в конце предыдущего абзаца Щ Так в рукописи; д. б. воряги Э Буквы не приписаны тіад строкой Ю Так в рукописи д. б. людми Я Так в рукописи; д. 6. воеводЂ


А Так в рукописи Б Так в рукописи



Володимер же заляже жену брятню грекыню, и бЂ непразна, от нея же родися Святополкь. От прежнего корени бо плод золь бываеть, \л.15об.\ понеиже \40\ была чершщою В, другое же Владимер заляже ю не по кряку Г, прелюбодЂець бо бЂ. ТЂмь же отець не любляше, бЂ бо от двою отца: Ярополка и Владимера. И нача княжити Володимер в Киеве, и постави кумЂры на холми вне двора теремьного: Перуна дрЂвена, a главу ему сребряну и усь злать, и Хорса, и Дажба, и Дисьтриба, и Семаргия, и Мокошь. И жьреху им и нарицаху их богы, и прожаху Д сыны свои и дщери, и оскверниша земля Руская кровъми. Ино преблагыи бог не хотя смерти грЂшьникомь: на том холми нынЂ церкви стоять, еже и послед скажемь. Вълодимер же посади воя своего \л.16.\ Добрыну во НовЂгороде, и пришед Добрыня в Новъгородь, и постави кумЂра Перуна над рекою Волхвомь, и жряху люди навгородсти, яко богу. И бЂ бо Владимер побежень похотью женскою, и бяше ему водимая Рогнеда, яже посади на ЛыбЂди, от нея же родиша четыры сыны: Изяслава, Мстислава, Яръслава, Всеволъдя и д†дщери; a от грекыны родися Святополк, a от чехыны роди Вышеслава, a от другои Родислава и Станислава, a от болгарини роди Бориса и ГлЂба. A наложеници бЂ в него в Вышегороде ДД, в БЂлегороде 300, на Берестове. И бЂ не сыть блудомь, приводя к собЂ мужеския жены и девици рястляя, и бЂ бо женолюбець, яко жь и Соломонь; бЂ бо y Соломона жень семьсоть, наложьниць 300. Мудр же бЂ, \л.16об.\ a наконець избезумися. A сеи же невЂиглас наконець обрЂте спасение.

ЛЂто 6489 [981] Е. Иде Володимер к ляхомь и взя грады их, Перемышль, Червень и иныя грады. B семь же лЂте вятичи победи и возложи на них дань.

ЛЂто 6496 [988] ЕЕ. Иде Володимерь на Корьсунь, градь греческы, c вои. И затворишася корсуняне во граде. Изнеможеху керсунянЂ во граде гладомь. И рече им Володимер: «Аще ся не выдасте, стояти имамь здЂ за три лЂта». И симь не покорившимся. Повели Володимер приспу сыпати к городу, и они докопавши сЂни Ж градскую крадаху персть и носяху собЂ во град, сыплущи посреде града. И се мужь коръсунянинь, именемь Анастась, стрели, написав сице на стрелЂ: «Кла \л.17.\ дези, яже суть за тобою на востоце, ись того вода идеть трубою во град». Володимерь же возрель на небо: «Аще се изъбудется, то самь кресщуся». То пакы потокы вели копати вопрекы, и переняли воду. Изнемогоша людие жажьдею водною и предашася. Вниде во град и дружина его. И посла Владимер ко царема Василию a Костонтину: «Сеи град ваю сильныи взях и слышу, ако сестру имаете двою, коли еи не дасте за мя, и створю граду вашему, яко же и сему». И се слышавши царие, и посласта к Володимеру, глаголющи: «Яко недостоино хрестяномь за паганыя давати, аще ся крестиши, то и се получиши и царьство небесное примеши, и c нами единовЂрень будеши, аще ли сего \л.17об.\ не сотвориши, не имаемь дати сестры своеи зя тя». Рече же Владимер к посломь: «Яко азь хощю креститися, испытах преже сих днеизаконь вашь». И се слышавши царие ради быша, и умолиста сестру свою Анну, и посласта ю к Володимеру, и сановникы некия, и прозвитери. Яко приде ко Корсуну, изыдоша корсуняне со поклономь, и уведоша ю во град, и посадиша ю в полате. По божию же строению в то врЂмя разболишася y Володимера очи, и не видети ничто же, и тужиша велъми, и не домышляшеся что сотворити. И посла к нему царица, рекучи: «Аще хощеши избыти болезни сея, въскоре крестися, аще ли ни, то не имаеши исцелити». \л.18.\ Си слышав, Володимер рече: «Да се истыньна будеть, то и поистине великь бог хрестяньскы». И повели крестити себе. Епискупь же руськы c попы царичыными крести его, и яко возложи на него руку, и абие прозри. И видив же се Володимер напрасно исцеление, и прослави бога: «То первое увидих, прослави бога исьтинъного». Сии же видивши дружина его, мнози крестишася, крестишася во церькви. По крещени же приведе царицю на брачьное. НЂци бо не вЂдающи глаголють, яко крестися в Киеве, ини же рекоша во Васильве, но не бысть тако.

Володимер же поима царицю Анну и Настаса, и попы корсуньскыя, и мощи святого Климента, и сосуды церковныя, иконы собЂ \л.18об.\ на благословение, взя же четыры З иконы и мЂдяны З. Вда же за вино грекомь град Коръсун, a самь приде ко Киеву. И повели кумиры избити, a иных огневи предати, и посла по всему граду, рекучи: «Яко аще кто заутра не явится на рецЂ, багаты или и нищи, противень ми будеть». Се слышавши людие c радостию идяху креститися. По сих же Владимер старшего сына Вышеслава посади в Новегороде, Святослава И в Полоцку, Святополка в Турове, Ярослава в Ростове.



В ц переделано аз ч Г B Н браку Д B H привожааху ДД B H 300 в Вышегороде Е B рукописи 6089 ЕЕ B рукописи 6499 Ж B H стЂпу З—З B H и 4 кони мЂдяны И B H Изяслава



И умершу Вышеславу, посади Ярослава в НовЂгороде, a Бориса в Ростове, ГлЂба в МуромЂ, Святослава во Деревех, Всеволода во Володимере, Мстислава Тумутароканю, \л.19.\ Станислава во Смоленъску, Судислава во Пскове, a самь сЂде в Киеве и во прочих \41\ градех. И заложи град Киевь во болшии, и нача ставити городы по ДеснЂ и по Днепру, и по Остри, и по Требежю, и по Сули, и по прочиим рекамь, яже и нынЂ суть.

B лЂто 6497 [989] ИИ. Крестився Володимер и взя y Фотия патриярха первого митрополита и Киеву Леоня, a к Новугороду архиепискупа Якима корсунина, а по инымь градом епискупы и попы и диякони.

B лЂто 6523 [1015]. Хотящи Володимеру ити на Ярослава, сына своего, к Новугороду. Ярослав же посла за море и приведе варягы, бояся отца своего, но бог не дасть дияволу радости: в то врЂмя Володимерь разболися, \л.19об.\ еже и вмре месяца июля в 15 день. Святополькь сЂде в Киеве по отци своем. Борису же възвратившуся c воины и не доиде Киева, и ту его уби на Лте Святополъкь лестию. И потом лестью посла по ГлЂба, глаголя: «Отець тя зоветь». Приложи и сего убити на Смядине y Смоленьску. И по сих уби Святослава, бежаща в Угры.

B лЂто 6524 [1016]. Поиде Ярослав на Святополка и была сЂча велика, и обломилася дружина Ярополча на леду, a Святополкь побЂже в Ляхы, Ярослав сяде в Киеве.

B лЂто 6525 [1017]. Приде Болеслав со Святополкомь на Ярослава и c ляхы. Ярослав же совокупив русь и варяги, и словени приде противу им, приде же в Полыню К и сташа об реку \л.20.\ Буг. И победи Болеслав Ярослава, и вниде в Киев c Святополком. Ярослав же бежа к Новугороду, и новъгородци яшася по нем, идоша на Святополка, и Святополкь бЂжи в Печенигы.

B лЂто 6527 [1019]. Придь Святополкь c печениги на Ярослава, и Ярослв Л собра вои множество, изыде противу сему на Олте, идеже уби Святополкь Бориса. И рече Ярослав: «Кров брата моего въпиеть к тобЂ, владыко, и мсьти кров праведного сего». И рече: «Братия моя. Аще тЂломь отшла еста отсуду, но молитвою помозЂте ми, на противного сего убЂицю». И бысть сЂча зла, яко же не бысть в Руси, и бысть к вечеру одоли \л.20об.\ Ярослав, a Святополкь бЂжя. Мнози бо видиша ангели, помогающи Ярославу. И нападе страх на Святополка, побЂже никымь же гонимь. И нача их на носилех носити, и прибегоста, и прибегоша к Берестью. Онь же глаголаше: «ПобЂгните со мною, яко женуть по нас». И не можаше терпЂти на единомь мЂсте, прибежаль Лядску землю гоним божиим гнЂвомь. И прибЂже во пустыню межи Чехы и Ляхи, и ту испроверзе животь свои оканны.

B лЂто 6529 [1021]. Приде Брячислав, сынь Изославль, на Новъгородь, и в полонь веде самих, имене их разграби, и поиде ко Полоцьку. И то слышав Ярославь c Киева 7 днеи посьтиже и победи его, a навгородцем воро \л.21.\ ти их со имЂниемь.

B лЂто 65[45] [1037] ЛЛ. Совершень бысть град Киев. B то же лЂто създа Ярослав святую Соофию. B то же лЂто свещана бысть церкви святая София в Киеве.

ЛЂто 6547 [1039] М. Священа бысть церкви святая Богородица, юже созда Володимер, отець Ярославль.

B лЂто 6549 [1041] Н. Посла Ярослав сына своего Владимера на Грекы, даль ему воя многа, идоша во лодяхь. Грекы же, видивши воя многы, и нача погрузяти чесны кресть со мощами во мори, и възмутися море, и карабли потопы многи. Володимер же поиде ко Киеву в мале. Тои же осени Ярослав дасть сестру свою за Казимера, и ходи Ярослав двоижьды на мазовшаны. Сеи же Казимер вдасть сестру свою \л.21об.\ за Изаслава, сына Ярославля.

B лЂто 6553 [1045]. Заложи Володимер, сынь Ярославл, святую Богородицю в НовЂгороде.

B лЂто 6555 [1047]. Иде Ярослав треитее на мозовшаны и победи их, и князя уби их би Моислава, и покори землю ту Казимеру.

B лЂто 6558 [1050]. Священа бысть церкви святая София на Воздвижене повелением князя Ярослава и сына его Володимера.

B лЂто 6562 [1054]. Преставися князь великыи Ярослав, жиль лЂт 76.

B лЂто 6581 [1073]. Основана бысть церкви Печерская игуменомь Федосиемь.

B лЂто 6582 [1074]. Преставися игумень печерскыи.

B лЂто 6745 [1237] О. Божим попущениемь придоша c восточьныя страны безьбожьны татаро \л.22.\ ве со царемь Батыемь на землю Резаньскую лЂсомь.



ИИ B рукописи 6467 К B Новг. 4 Волыню Л Так в рукописи ЛЛ После Ф (500) две стертые буквы-цифры, восстановлены no H М B рукописи 6047; исправлено no H Н B рукописи 6049; исправлено no И О B рукописи 6645; исправлено no H. Киноварная буква-цифра после ≠S (6000) зачеркнута, после нее поставлена буква П (80), затем ХМЄ (645)



И пришедше сташа станомь первое y Онузи, и взяша ю, и оттоле послаша послы своя, жену черодицю и два мужа c нею ко князем резанскымь, просящи в них десятины во всемь: в князех и в людех и в конех десятое, во бЂлых десятое, \42\ во въроных десятое, во бурых десятое, во рыжих десятое, в пЂгих десятое. Князи же резанскые Юри Новогоров П, брата Р его Олега Иновогоровичь и муромьскы, и пронскы князи, не пустяче ко городом своимь, выехавше противу имь во ВоронЂже, и рекоша: «Коли нас не будеть всих, и то ваше будеть все». И оттоле пустиша С их ко Юръеву во Володимер. И почаша воевати землю Резанскую, поплениша и до Проньска, \л.22об.\ a из Володимера пустиша их оттоле в Татары. Послаша же князи резанскыя ко Юрью, князю Володимерьскому, просячи помочи или самому поити. Юрьи жь самь не иде, ни послуша князи резаньскых молбы, но хоте самь особЂ брань творити. A иноплеменници град осьтупиша Резань декебря СС в 16, a в 21 взяша и и пожьгоша все, a кьнязя Юря уби и князеи то всих, и поидоша на Коломьну. A Всеволодь Юрьевичь и Романь Иновгоровичь идоша противу имь. A из Володимера Юрьи посла во сторожехь воеводою ЕрЂмЂю ГлЂбовича, и сняся со Всеволодемь и Романом. Оступиша их татарове y Коломнь, пригониша их к надолобомь, и ту убиша князя \л.23.\ Романа и воеводу ЕрЂмая Т, a Всеволод бежа ко Володимеру, a москвичи к Москве. И татарове узяша Москву, и воеводу Филипа Нянька убиша, a князя Юрья Володимировича яша, и люди изьбиша. Они же кровоядьцы придоша к Володимеру и сташа февраля в 3 день. A володимерци затворишася со сыньми Юръевыми и со Всеволодемь, и Мстиславомь, и воевода бЂ в них Петр Ослятев. Володимерцомъ же не творящимся, a татарове приехавши ко Златымь воротамь, водящи со собою Володимера Юрьевичь, a начаша глаголити: «Ес ли во граде Юрьи, князь Юрьи?» Володимерци же пустиша на них по стрелЂ, и они противу пустиша \л.23об.\ на град на Златые ворота. И рекоша татарове вълодимерцомь: «Не стреляите». И показаша имь Володимера, рекути: «Знаете ль сего княжича?» БЂ бо уныль лицемь, изнемогь бедою от нужьда. Всеволод же и Мьстиславь стояста на Золотых воротех и познаста своего брата. О умиленное видиние и слезь достоино. И вси гражане, видивши, плакахуся. И они, зли, отшедше от Златых вороть и объехавши весь город, и сташа станы на зреимЂ, a ныи отшедше взяша Суздаль и люди избиша, a иных приведоша во станы своя к Володимеру. И в суботу мясопустную и начаша нарежяти лесы ТТ . . . и всю странну, и городы поимаша; и до Торжьку нЂсть мЂста такова ни се \л.24.\ ла, игдЂ бы не повоевали. A на всеи Сузьдальскои земли и Ростовскои взяша городов 14, опрочеи погостов и сель великых, взяша во единь месяць фераль У. A князь Юрьи отбежаль на Волгу со сыновци своими, c Валькомь и Всеволодомь и Володимиремь. И сташа на СЂти станомь и ждуча к собЂ брата Ярослава и Святослава со полькы, a Жирославу Михаиловичю приказаль воеводити в дружине своеи. И приде ему вЂсть, Володимир же взять бысть, a церкви позьжены, a епискупы и княгини со детьми и со внучаты огнемь искончашася, a сыны твои Всеволода и и Мстислава и Володимира внЂ города убиша, люди вси избиша.

B лЂто 6746 [1238] УУ. Посла князь Юрьи \л.24об.\ Дорожа на сторожу в 3000 муж, и прибежал Дорожь, и рече: «Княже, больше нас окол». Юрь жь всЂдь на конь со братомь Святословамь и со сыновци, и со Валкомь, и со Всеволодомь, и со Володимеромь, и нача ставити полкы около себЂ. И внезапу приступиша кровопротели хресьтянскыя на СитЂ, и ступиша обои полци, и бысть брань велика. Разгневаниемь божимь побегоша наши перед иноплеменникы. И ту убиень бысть великыи князь Юрьи Всеволодичь володимерскы, a Висилька Ф Костеньтиновичь яша и ведоша со великою нужею до Шаръского лЂса, и сташа станомь, и нудиша много погани к воли их быти. Онь же не пови \л.25.\ нуся повелению их, не убояся грозы их, брашна же и пития их не приималь. Абие немилостивыми плотуядьци убиень бысть. Сии же злоба случиша марта в 4. Епископь же Куриль идяша со БЂлаозера, и пришед на мЂсто, идеже убиень бысть князь Юри, въземь тЂло его мертво, принесе во Ростов, и положено бысть во церкви святыя Богородици; Василеику же убиену бывшю и повержену на лесЂ. Увидель же епископ Куриль, принесе во Ростов и княгиню его. И бЂ плачь великь во всемь городе Х, рыдание невтолимо, и жалосныя слезы изливани быша, яко вода много безьмЂрна.



П Так в рукописи д. б. Ингваров Р Так в рукописи; д. б. брат О Буквы сти приписаны над строкой тем же почерком, но другими чернилами СС Так в рукописи Т Так в рукописи ТТ Далее в рукописи пропуск. B H далее говорится o взятии татарами Владимира У Так в рукописи УУ B рукописи вместо ψ (700) стоит П (80) Ф Так в рукописи Х Написано на поле с выносным знаком



Понеиже красень бЂ лицемь и умиленымь образомь, милостивно возирая ко всимь, паче мЂры храбрь, \л.25об.\ на ловех вазив и сердцем легокь, до всих ласкавь. А кто в него служиль, хлЂбь его ель, a чашю пиль, то за любовь его не може служити никому же, но желаху вся дни живота своего по своемь господари; презлишь бо слуги своя любляше, мужество в нем живяше, правда же истинна c нимь ходиста; бЂ бо всему хитрь и седе в дрбрых днех и на отчемь престолЂ. \43\ Ha все Ц церковни чинь от вЂры чисты имЂющи очи к церковным и нищим и печальнымь быль, яко отець чадолюбивь. Темь же не погреши надежи своеи, o вЂру хрестянскую постреда; не только до крови, но и до слезного, и до последного издыхания ни покориша сыроядьцемь безьдушьнымь, и не послуша ласкания \л.26.\ их, еще ему обещеваху, и возлюбиша бо имь оканнымь красоты деля лица его, и того деля многу муку приносяху ему, да быша имь повинуль, ово грозою и мукою, ово же ласкаюче его и дарми и ризами безьценьнымы. Правдива же душа его изволи паче не к тому, не токмо ризь ценных съвлечеша, но и плоти стругание и кости, ино оли же и да самых мозгов изряднеи же душю в руци божи конечьнымь покаяниемь.

И мы же напред возвратимься. Онемь бо измаилтяномь, попленившимь всю Рускую землю, городы и волосьти и села, приложиша пакь еще ко Торжьку ити. И придоша на святои недели, и биша порокы по две \л.26об.\ недели, изнемож град, a з Новагорода не бЂ помощи. И взяша град на средокрестнои недели. Гониша оканнЂ Серегереньскымь путемь дольни до Игнача креста, a все людие секуще акы и траву, и не доидоша Навагорода за сто версть, a Новъгород бог заступиль молитвами святого Кирила, епископа алксандрЂиского, и всих святых. Воспятишася y Игнача креста и поидоша назадь останки пленящи, и придоша ко Козельску, сущю же в немь князю младу Василию. Уведавши же се оканни устремишася на него, бежаше люди во городь, потомь крЂпкодушьни, и не бЂ возможьно взяти града. Козляне же совЂть сотвориша не вдатися Батыю: «Аще князь нашь мал \л.27.\ есть, но умремь за него». Татаром же биющимься и приняти хотящимь город, разбившимь стЂны градныя возыдоша на валь, козляне же ножи резахуся c ними. Изъшедшимь изь города изьсЂкоша праща их и огню предаша, и нападоша на полкы их, и убиша от татар 4000, сами же изьбиены быша. Батыи же взя город изби всих, не пощади отрокь до ссущих млеко. A o князи Васильи невЂдомо есть; иныи глаголаху яко во крови утопль есть, понеиже маль бЂ, 12 лЂт. И оттудо в татарех не смеяху назвати города того Козелескь, но зваху его Злыи город, понеиже бишася псем Ч недель. И убиша от татарь сыны сыны темничи три. Татарове же \л.27об.\ искавши их и не могоша знаити во множестви трупь мертвых. Батыи же нача посылати на городы рускыя и взя город Пеяславль Ш копиемь и Чернигов оружиемь прияша, бивъшимь со княземь и Мстиславомь ГлЂбовичемь. И Батыи победи я, меташе бо каменем полтара перестрЂла, a камень можаху 4 мужи сильни подняти, и побеженъ бысть Мстислава, и множество вои его избиша, и город запалиша огнемь, a пископа остави жива и ведоша и к Глухомь.

B лЂто 6746 [1238] Щ. Оженися князь Александрь Невъскыи во ПолотцЂ y Брячислава.

B лЂто 6748 [1240] Э. Некто от западныя \л.28.\ страны, иже нарочются слуги божи, от тех приде в Новъгород и хотя видети възрасть Александрьв дивъныи. И видель Андрияшь князя Александра, и к своимь возовратися, рече: «Прошед страны и языки, не видих такова ни во царехь царя, ни во князех князя». Се слышаль король части Римьския от полунощьныя страны таковое мужество Алксандрово и помыслиль в собЂ, шетаяша безумиемь своимь, и «поиду пленю землю Алксандрову». И собра силу многу, свЂя Ю со княземь их и со бискуки своими, и мурмане, и сумо, и емь, и наполни карабли многи волков Я своих, и приде в рЂку во Неву, и сташа на уст Ижеры, и хотя восприяти Лядогу \л.28об.\ и Новъгоръдь, и всю область Новогородскую. И посла послы розгордЂвься ко Алеандру: «Аще можеши противитися мнЂ, то есмь здЂ уже, пленю землю твою». Александро слышавь словеса си и велми силно разгоряся сердцемь, и приде на него y мале дружине июля 25, имеяше велику вЂру ко Борису и ГлЂбу. БЂ бо некто мужь, стареишина во земли Жиръскои А, именемь Пелгусеи. Поручена же ему бысть стража морская, восприять же святое крщение, и живя посреде роду своего поганого, и наречено бысть имя ему Филипь. И живяше богоугодно, во среду и в пятокь пребываше во алчьбЂ, тем же сподоби его богь видинию \л.29.\ страшному. УвЂдаль силу ратных, иде противу князю Алксандру, и споведа ему едину радостьныма очима, да и скажеть имь станы обрЂте бо их. Стоящю ему при краи моря, стрегущи обою пути. И пребысть всю нощь во обьдЂниих, яко же нача восходити солнце, и услышавшимь Б страшны по мору, и види насад гребущь, и посреди насада стоящи Бориса и ГлЂба в одежах червенах, и бЂста рукы дерьжащи В на рамех, гребци же седящи акы во молни одЂни.



Ц B H весь Ч B Н по 7 Ш Так в рукописи Щ B рукописи 6646 Э B рукописи 6648 Ю Ђ переделано из o Я B H плъков


А B H Ижерьскои Б B H услыша шум В дерь приписано над строкой



Рече Борись: «Брате ГлЂбе. Вели грести, да поможеве сроднику нашему Александру». И видель же Певгусеи таковое видиние и таковое слышание, стояше трепетень, дондеже отиде насадь \л.29об.\ изо очию его. Потомь же скоро поехаль ко князю Александру, исповеда ему радосныма очима, яко же види и слыша. И рече ему князь: «Сего не рци \44\ никому», a самь тщися наехати c нашими. B 6 час дни бысть сЂча велика над Г римьляны, изби множество их, и самому королеви возложи печать на лици острымь своимь копием. И зде же явишася в полку Александрове 6 мужеи храбрых, иже мужствоваше c нимь крипко. Гаврил же ОлексЂевичь. Сии наехаль на шенеку и видель королевича мчаща под руку, и зьЂхав по дскы до самого карабля, по неи же хожьдаху. И втекши в карабль предь ним, и пакы обращься свергоша его c ко \л.30.\ нем y море. Божиею волею и посреди полку их, и ту убиень бысть их воевода Спиридон и епископ их. И другыи же навгородець Избыслав Якуновичь. Сии наЂхаль, многажьды бишася единым торопомь Д, и торопомь посече много, не имЂя во сердци Е, и паде от руку его неколко; вси дивишася силЂ его и храбрости. Трети же Ияков полочанинь, ловъчи y князя и бЂ; си наЂхаль на полкь c мечемь и мужествовал отыиде, и хвали его Ж князь. Четвертыи же навгородець, Миша иминемь. Си пЂшь со дружиною своею натече и погуби три карабли римьлянинь. Пятыи от молодых его, Сава и именемь. Си наехаль шатерь великыи златоверхи, и подсече столпь вели \л.30об.\ ки шатеры, и паде шатер, и полци Александровы, видевъши падение шатра того, и возрадовашася. Шесты от слугь его, Ратмир именемь. Си биша пЂшь, и отступиша его мнозги, он же от многих не изнеможе воскорЂ, но мужествовав на них крЂпько, последе же изнеможе от многих рань и скончаша. Навъгородцов же убиша всих 20 мужь и c ладожены. Бысть же чюдо тогда: победи Алексаньдрь карабли, a они об онь поль реки Ижеры, идеже не бЂ проходно полку Александрову, и здЂ обретоша множество мертвых, избиеных от ангель божиих. Останкы их побежа, a трупия мертвых своих болших накладша муж 3 карабли \л.31.\ и потопишася на мори, a прочих ископавши яму и вметаша в ню безьчислЂное3 множество, a иным мнози узвени И бывши, отбегоша конечень. Ростиславь же смоленскы и Мстиславичь сЂде в Киеве, Даниль же брать его Михаилов еха нинь ИИ ять его, и вдасть Киев в руци Дмитрови обедержати противу иноплеменникъ татарь. Тогда приде Батыи ко Киеву многим множествомь сылы своя окружи град, и оступи сила татарская, и бысть во обдержани велице. И бЂ Баты y города, и отроци его обеседаху, и не бЂ слышати граду скырыпания тележьного и множества К велблуд вои, резания глас стад его К.



Г B конце слова ъ переделан из ь Д B H топором Е B Новг. 4 далее страха Ж Над e полустертая буква x З ь переделан из o И B Н язвьни ИИ B H на нь К—К B Новг. 4 множства рвенья велоблуд его и ржания от глас стад конь его



И бЂ силна земля Руская ратных. Яша же та \л.31об.\ тарина в них, именемь Товруль, и тои исповеда всю силу их, яже бяху y них сильныя воеводы: Урду, Баидар, Бирюи, Кадань, Бечьнь, Менгуи, Кююкь, иже воротися вЂдав смерть канову, И бЂ кань от рода его, ино бЂ воевода его первыи СебЂдяи богатыр, Бурундаи багатыр, иже взя Больгарскую землю и Суздальскую, иных безь числа воевод, ихь же не мощьно воместити здЂ. Постави же Батыи и порокы ко городу и Киеву подле ворота Ледяцкая, ту же непрестанно бикщимь день и нощь и выбиша стены, и ту бЂшо ломь купеиныи, и щитомь скопание, и стрылы омрачиша свЂть. Побежаемымь бывшимь гражяномь, и Дмитрееви \л.32.\ крЂпко храбровавши, и вызыдоша татарове на стены избиеныя, стрежаху день и нощь. Гражане же оградиша другии град около святыя Богородици. Наутрие же придоша на ня, и бысть брань межи има обоих велика зЂло, людемь же возбегьшимь на церков и на коморы церковныя и c тавары своими, о[т] тяжести же провалишася комары церковныя, и приять бысть Киевь на Николинь день. Дмитра же изведоша язвена, не убиша его мужества ради. Батыи же воземь город и слышавъши o Даниле, яко во Угрех есть, и поиде самь ко Володимеру, и приде к городу Колодезну, и постави порокы 12 не могы розбити стены, и нача перемовливати люди, они же, послу \л.32об.\ шавше совЂта его и предани быша, избиени быша. И приде ко Каменьцю, и не могы разбити стены их Зяславлю и зять я. И приде ко Кременьцю, видель же Кременець город тверъдь Данилов, яко невозьможьно прияти и отыде от него. И приде к Володимеру, и взять я, такоже и град Галичь, иныи городы многи, имь же нЂсть числа. Дмитрееви же, тисячькому Данилове, рекши Батыю: «Не мози страпити во земли сеи много, врЂмя ти есть уже на угры поити, аще ли умедлиши, земля есть велика и силна, соберутся на тя и не пустять тя во земьлю свою». Противу же рече ему, види бо землю Рускую гибнущи. Баты же послушав совЂта Дмитрова, \л.33.\ иде во Угры. И корол же Беля и Коломан стретоша наи на рецЂ на Солонои. Бивъшися обоимь полком, побежяша угры, и гнаша до рекы Дуная и стояша по побЂде 3 лЂта, и воеваша до Мольдавы и по озером, и возьвратишася во свою землю. \45\

B лЂто 6749 [1241] Л. Родися князю Александрю сынь Василеи. И приЂха Алксандр в Новъгород, и за Копоръю немець избиша.

B лЂто 6750 [1242] М. Иде Алксандрь ко Батыю цару, и Олег резаньскыи иде ко канови. A Баты слышаль мужество Алксандрово и возлюби и отпусти со честию.

B лЂто 6754 [1246] Н. Ездиль Александрь второе ко Батыеви и отпущен бысть со честию.

B лЂто 6755 [1247] О. Убиень бысть во ордЂ князь Михаило черниговъскы \л.33об.\ и Феодорь, бояринь его, от Батыа за вЂру хрестянскую сентября 23.

B лЂто 6761 [1253] П. Воева князь Александрь c новгородци.

B лЂто 6766 [1258]. Бысть число на всю Рускую землю царьства Батыева.

B лЂто 6771 [1263] Р. Преставися князь Александрь Ярославичь, княжив 10 лЂт во Володимери.

B лЂто 6788 [1280]. Кирил митрополить крыл церков оловомь святую Богородицю во Володимери.

B лЂто 6793 [1285] С. Заложена бысть камена церкви на Твери святы Спась и освещана бысть в лЂто 6798.

B лЂто 6791 [1283]. Поставлень бысть Максимь, митрополить греческыи, на трети год ко Суздалию.

B лЂто 6811 [1303]. Приставися князь Данило московскыи марта 4, a княжив \л.34.\ лЂт 11.

B лЂто 6813 [1305]. Князь Михаило тверскыи Ярославичь и приде изо орды, и сЂде на великомь княжени, и ходи к Москве и взя со Даниловичомь мирь. Тои же зимы приставися во Володимери Максимь митрополить декебра в 16. Того же лЂта выеде князь Михаило изо орды тверскы на великое княжение.

B лЂто 6814 [1306]. Поставлень Петр митрополит в Рускую землю, приехав на Сузьдаль в лЂто 6817.

ЛЂто 6818 [1310]. По крещени поеха просвещени митрополит Петр ко Брянску; в то же врЂмя приде ратью татаръскою князь Василеи на Святослава бряньского. Митрополит же Петр рече Святославу: «Поделися, \л.34об.\ сыну, княжениемь своимь со братаничемь Василиемь». Святослав же надияся на свою силу: «Брянци, господине, не пустять мя, хотять за мене свои головы положити». И не послуша слова митрополича, ни помену же, яко же рече писание: «Сынь ослушливь приимь месть, надЂющи бо ся силе своеи погибнуть». Сии убо Святослав выехав во силе тяжьце польдни противу рати, и потькнуша межи собою копия. Брянци же, повергоша оружия, от Святослава бежаша, князя выдаша. Святослав же бивъся и з своимь дворомь, и убиень бысть. Митрополить же затворися во церкви и цел сохранень бысть от такового нахожьдения паганых, яко же рече: «Избавлю \л.35.\ избранного моего оружия люта и сохраню воходы его».

B лЂто 6823 [1315] Т. Князь великыи Михаило ходив во орду c Петромь митрополитомь, понеиже тогды ТТ царь умьре. Азьбяк сЂде на царьстви и обирменись, и во борздЂ отпусти Петра митрополита на Русь.

B лЂто 6823 [1315]. Поиде в орду князь Юрьи Даниловичь c новогородци. Того же лЂта выеде изо орды князь великы Михаило, a c нимь посол Таитимир, и много сотвори насилия земли во Новъгородскои, и взя Торжокь февраля в 10 день.

B лЂто 6824 [1316]. Придоша новъгородци со Афанисиемь ратию в Торжок, князь же великы Михаило собра воя много и поиде к великому Новъгороду ратию. \л.35об.\ И стремися путемь незнаемымь на Ловот, и не вспЂв ничтоже. A бывшимь во польку томь много зла подя, a иныи пЂши придоша.

B лЂто 6825 [1317]. Выде изо орды Юри Даниловичь на великое княжение, a c нимь посол Ковады, и поиде ратию к Тьфери, и вси князи руския c нимь. Князь же Михаило собра воя многы, и поиде притиву ему, и бысть имь сЂча велика на поли Беретневе 22 декября. Помозе бог князю Михаилю.

B лЂто 6826 [1318]. Выде Кокча на Русь и повЂси 100 и 20 человековь y Костромы, и шед ратию, взя ратию Ростов и позжже. Тои же зимы мор бысть на люди на Тфери. Того же лЂта уби царь Избокы князя Михаила тферъскаго.

B лЂто 6830 [1322]. Выиде из орды князь Ивань Даниловичомь, a c нимь Охмыль, и много хрестянь посекоша, \л.36об.\ a иных положиша У, и город Ярославль пожьгоша. Того УУ же лЂта выиде изо орды князь Дмитреи Михаиловичь тферскы и сЂде на великое княжение.



Л B рукописи 6649 М B рукописи 6650 Н B рукописи 6654 О B рукописи 6655 П Буква П (80) очень нечетко переделана в ψ (700) Р Буква-цифра а (1) переделана из П (80) С B рукописи 6703 Т B H это событие датируется 1313 (6821) годом, что более достоверно ТТ B Н Токта У B H полониша УУ Перед того стертая буква и



B лЂто 6833 [1325]. Поидоша во орду князь Дмитреи великыи Михаиловичь и князь великыи Юри Даниловичь в розморъи, и убиень бысть во орде князь великыи Юрьи Даниловичь повелениемь \46\ князя Дмитрея великого Михаиловичь тферъского. Того жь лЂта сверши бысть церькви святы Федор во Тфери Иваномь, игуменомь царигородскымь.

B лЂто 6834 [1324]. Убиен бысть князь великыи Дмитреи Михаиловичь тферскы во орде АзбЂкомь.

Того жь лЂта заложена бысть церкви на Москве святая Богородица соборная княземь Иваномь Даниловичомь. Того же лЂта сяде на великое княжение \л.36об.\ князь Алксандро Михаиловичь. Тои же зимы приставися Петрь митрополить, пас церков 20 лЂт.

B лЂто 6835 [1327]. Выде царев посоль изо орды Шевъкаль на Тферу. Того же лЂта священа бысть церкви святая Богородица Московская августа 15. Toro жь дни убиша Шевъкала на Тфери. Того жь лЂта поставлень бысть Фегнасть митрополить на Русь гречинь. Того жь лЂта князь Ивань Даниловичь поиде во орду. Тои же зимы рать бысть татарская на Тферы и на Кашине, и выде 5 темников, a воевода Федорьчюкь, a c нимь князь Ивань Даниловичь московскы, a князь Алксандро Васильевичь сузьдальскы, и вси князи рускыя c ними. Взяша Тферь и пожгоша, а князь Алксандро бЂжаше \л.37.\ во Псковь.

B лЂто 6836 [1328]. Седе на великое княжение князь Ивань Даниловичь, и бысть во дни его тишина велика. Того лЂта выиде Фегнасть митрополить на Русь.

B лЂто 6840 [1332]. Бысть глад по всеи земли.

B лЂто 6841 [1333]. Князь великыи Иоан Даниловичь. Того жь лЂта приставися князь Алксандро создальскыи Ф.

B лЂто 6842 [1334]. Создана бысть церкви на Москве камену святого Михаила, того жь лЂта священа бысть сентября 20.

B лЂто 6846 [1338] ФФ. Убиень во орде князь великии Александро Михаиловичь и сынь Феодоровь, розмани быша по суставомь октябрия 20. Бывшю убо тогда князю Иоану Даниловичь во орде.

B лЂто 6847 [1339]. Убиень бысть князь Александро пронскыи от своего брата. \л.37об.\ Тои жь зимы отпущень Товлюби царемь ратию ко Смоленьску, a c нимь князь Ивань Коротополь резаньскы, a князь Иоан Даниловичь по цареву слову посла c Товлюбиемь князя Костентина ростовского и Ивана друцького, и Х Федора фоминьского, a c ними воевода Алксандро, Федор Акиньфичь. Стояша ратию y городе немного дни, a города не взяша.

B лЂто 6848 [1340]. Приставися князь велики [Иван] ХХ Даниловичь в чернцех и во скыме марта 31, a положень бысть на Москве во церкви Михаила святого, княжив лЂт 12. Того жь лЂта поиде во орду князь Семень Ивановичь со братиею своею. Тои же осени выиде из орды князь Семень Ивановичь на великое княжение \л.38.\ октебра 1.

B лЂто 6849 [1341]. Князь великы Семенъ Ивановичь поиде ратию ко Торъжьку и князь Ивань, брать его, и Костентинь ростовскыи, и князь Костентинь сузьдальскыи, и Васильевичь, князь Василеи Ярославовичь, и вси князи рускыя c нимы; стояша в Торжьку два месяца и смиришася c новогородци и взяша черныи бор. Того жь лЂта сЂде в Новегороде на Городищи на княжени князь Костеньтинь Васиельвичь Ц суздальскыи.

B лЂто 6850 [1342]. Приде рать литовская ко городу Можаискому, посады ЦЦ Пожьгоша, a города не взяша. Тои жь зимы царь Озбякь умре, a сынь его Чанебякь сяде на царьство.

B лЂто 6851 [1343]. Князь великыи Семень Ива \л.38об.\ новичь сопреся o Новогородскомь княжени со княземь Костентиномь и поидоша во орду. И досталося княжение Новъгородское князю Костентину Ивановичю.

B лЂто 6852 [1344]. Поиде во орду преосвящены митрополить Фегнасть за причеть церковны, и многу стому приять от цара за вЂру хрестяньску и въкрепи его бог, выде на средохрестнои недЂли.

B лЂто 6854 [1346]. Приставися княгина Семеновая Настасья во черницах и положена бысть во церкви святого Спаса на Москве. Того же лЂта оженися князь велики Семень y Федора Святославичь Евпракьсию. Того же лЂта князь велики Семень отсла княгиню свою на Волокь отцю ея Ч Феодору. \л.39.\



Ф Так в рукописи ФФ B рукописи 6843 Х Далее cmepmoe слово князь ХХ B рукописи нет Ц Так в рукописи ЦЦ B рукописи поса посады Ч я переделано из и



B лЂто 6856 [1348]. Оженися Семень Ивановичь y великыя княгини Настасьи Олексанодровы Мариею, утаяся митрополита, онь же не благослови его и послаше во Царьгород благословения просити.

B лЂто 6857 [1349]. Князь великыи Семень Ивановичь посла во орду князя Федора ГлЂбовича, a c нимь кылычеи Федор Шубачев a Иминь. Вытягаше князеи литовъскых: Михаила-Кораида, Семена свислоцького и Якшю; и приведени быша на Москву посломь царевым Татуемь. Того жь \47\ лЂта поиде король немецькы Магнушь к Новгороду ратию и не дошед взя город Орехов. Князь великыи Семень собра воя многи и поиде боронити своея отчины, и доиде Сетчина, и ту состигоша его киличеи \л.39об.\ изо орды. Князь же великыи Семень возовратися на Москву слышати царево жалование, a Новъгород посла боронити князя Ивана и князя Костеньтина ростовъского, и Ивана Акиньфовичь, a c ними воевод и воя многи. Тои же зимы отяша новгородци Орехов, a немець поимаша и приведоша на Моськву.

B лЂто 6858 [1350]. Приидоша послове от литовъского князя Олирда кь Ш ко Ш великому князю Семену Ивановичю со многыми дарми, прося мира и живота своеи братьи. Князь великыи воземь мирь на многа лЂта и отпусти Коръадову чадь. Тои жь зимы бысть чюдо y гроба святого Петра митрополита: жена некая д†лЂте безь ногу ле \л.40.\ жаше, и бысть прощена.

B лЂто 6860 [1352]. Митрополить Фегнасть благослови владыку Данила на владычьство во Суздаль, и литоргисяя великыи четвертокь. Того жь лЂта князь великыи Семень Ивановичь поиде ратию к Смоленьску, и доиде Вышегорода, ту стретоша послове литовъского князя Олгирда o миру о Щ Смоленску князи Щ. Князь же велики Семень не остави Олгирдовы прозбы, послы его отпусти со честию, a самь поиде ко УгрЂ. И стретоша послы смоленьскые c челомьбитиемь o любви. Князь же великыи стоя на Угри нелюди Ы и возовратися на Москву, a послы своя посла к Смоленьску.

B лЂто 6861 [1353]. Преосвящены митрополить \л.40об.\ Фегнасть постави АлексЂя архимандрыта святого Рожества епископа во Волъдиме Э, а по своем животи благослови его на митрополию, еже и бысть. Тои же зимы преосвященыи митрополить Фегнест и князь великыи Семионь Ивановичь послаша послы своя в Царьгород от великого князя Деменьтия Давыдовича a Юрьи Воробъевь, a Михаило Щербаты. Тои же зимы приставиша преосвященыи Фегнесть митрополить и положень бысть на Моск†во церкви святыя Богородици во предели. Тои же вЂсны приставися князь великии Семень Ивановичь апреля 26, княжив 12 лЂт. Того жь лЂта после сорочинь после князя великого Семена приставися князь АндрЂи Ивановичь. Toro жь лЂта придоша послове изь Царигорода ДементЂй c другы и \л.41.\ вынесоша грамоты цареви и патриярши. Повелено бысть АлексЂю владыце во Царьгород ити на митрополию. Того жь лЂта бысть замятна во Царигороде: царя Ивана изгнаша, a на царьство сяде тесть его, тисячькыи отца его, a царь Иоан бежа в Селунь. И рече патриярхь царю: «Не достоить ти царьствовати изгнав царя». Онь же не послушаль патриаръха. Патрияръхь же Калист поменул слово Христово, иже рече апостолом своим: «Идеже слово ваше примуть, ту пребываите прочие Ю». И вземь жель ЮЮ свои изыиде из града в Селунь. Царь же постави в него мЂсто патриярха Филофия. И бысть трусь во Царигороде, 100 и 50 и полат падоша, и иных множество двигнулося, и по странамь грады изь основания изьвергошася.

B лЂто 6862 [1354]. Выде изо орды князь Ивань \л.41об.\ Ивановичь и сяде на великомь княжени во Володимери маръта 25. Того жь лЂта ОлексЂи владыка на митрополию поиде. Того жь лЂта приде исо Литьвы Романь чернець на митрополию и выиде, оне Я приняша его кияне. Тои же зимы и осени выиде из Царягорода ОлексЂи митрополить на Русь. Того жь лЂта оженися князь Михаило Александровичь y князя Костеньтина новъгородского. Того жь лЂта оженися князь Борись Ольгирдовною Огрифиною.

B лЂто 6864 [1356] ЯЯ. Сяде на княжени на Навъгородском князь АндрЂи Костентиновичь. Тои же зимы убиень бысть Алексеи Петровичь, тысяцькыи князя великого Иоана. Того жь лЂта ходиль други Алексеи митрополить во Царьград, \л.42.\ и на ту осень приде.

B лЂто 6865 [1357]. Приде посоль изо орды от царици Таидулы ко АлексЂю митрополиту зовути его к собЂ, нездравия ради своего. И поиде митрополить во орду, и проводи его князь великии Иоан Ивановичь до Володимера. И при нихь зажьжеша свеща во церкви святы Богородици в Володимери, во иконы святои Богородици, юже написа Петрь митрополить августа 18; и воборзде отпущень бысть на Русь. Того же лЂта царь Чанебекь взя Мисур и посади намь А сына своего Беръдебека на царьство, самь возьвратися восвояси, разьболися на пути от видения, и збесися. И послася рядци по Бердебека, он же пришед отца удави, a братию изби, a самь сяде на царьство.



Ш—Ш Так в рукописи Щ—Щ Так в рукописи Ы Так в рукописи; очевидно, д. б. неделю Э Так в рукописи; в А Володимери Ю B H и прочяя ЮЮ B H жезл Я Так в рукописи; в A не ЯЯ B рукописи 6860


А Так в рукописи; д. б. на немь



B лЂто 6867 [1359]. Приставися князь \л.42об.\ великыи Иоан Иоановичь ноября 13, княжив 6 лЂт. Того жь лЂта Бердибекь царь умре, a Кульп сяде на царьство, и царьствова 6 месяцеи, и убиень \48\ от царя Науруса. По Кульпе же прия царьство Нарусь и царьствова. K нему же второе приде князя великое, сынь Иванов Дмитреевичь, Иоань Володимерь, князь АндрЂи Костеньтиновичь и брать его князь Дмитреи, и вси князи рускыи. И види царь князя Дмитрея уна возрасьтомь, и насла на князя АндрЂя Костентиновича, и дая ему княжение великое 15 лЂтом. Онь же не яся, соступиша брату своему князю Дмитрею Костентиновичь, a самь поиде на Русь и остави брату своему всих бояр на помочь, Стефана Александро \л.43.\ вича и иных. И сяде на великомь княжени Дмитреи.

B лЂто 6868 [1360]. ИІоня 22 выде изо орды князь великы Дмитреи Ивановичь и сяде на великое княжение. Того жь лЂта бысть во князех ординьскых и лестью убиша царя Науруса и царицю Таидулу, и сами мнози посекоша, и сяде на царьство Кыдыр. На ту же зиму бысть знамение на небеси страшно, яко же приходити облакомь крывавымь в нощех, и си бысть на многи лЂта.

B лЂто 6870 [1362]. Князь велики Дмитреи Иоановичь московъскыи, князь велики Дмитреи Костентиновичь сузьдальскыи и сопреся o княжении Новъгородскомь, и послаша киличеи во орду ко царю Мурату. И вынесоша \л.43об.\ ерлики и княжение великое Новгородское князю великому Дмитрею Ивановичь. Того жь лЂта князи смоленьскыи АА ратию, князь великыи Дмитреи Иоановичь, Иаоань АБ Ивановичь, Володимер АндрЂевичь на князя Дмитрея галицького, и согнаша его и княгиню его, и яша. Тои же зимы князь Дмитреи Ивановичь и согни c Преясловля князя Дмитрея сузьдальского.

B лЂто 6872 [1364]. Князь Дмитреи Ивановичь ходи ратшо к Суздалию.

B лЂто 6873 [1365]. Мор бысть в НовЂгороде в Нижьнемь и на Кастроме, и во Ярословъли, и в Ростове. Того жь лЂта Олексеи митрополить заложи церков камену на Москве святого Михаила Чюдо. Того жь лЂта \л.44.\ заложи церков камену князь АндрЂи Костентиновичь в НовЂгороде святого Михаила. Того жь лЂта бысть знамение во солнци, аки гвоздие черно, a мгла 2 месяци стояла. Того жь лЂта приставися Андреи Костентиновичь. Того жь лЂта наеха изь Суздала князь велики Дмитреи Костентиновичь на Новъгород, и князь Борись, брать его менши, не ступися ему княжения. Тои жь осени Тагаи приходи из Наручады ратию татаръскою на земьлю Рускую и Переяславль пожже. Князь Олегь резаньскыи и Володимер пронскыи собра воя многа и состигоша его, и бысть имь сЂча зла, и поможе бог Олгу и Володимеру, во мале Тагаи утече. Тои же зимы приде изь орды князь Василеи Дмитровичь, \л.44об.\ a c нимь посоль царев Арусьмаиды и вынесе ярълыкы и великое княжение князю Дмитрею Костентиновичю. Онь же ступися князю Дмитрею Костентиновичю. И взя в него силу к Новугороду на брата своего на князя Бориса, a в Сузьдали събра вои многи. И поиде к Новъгороду, и доиде Борежьца, и ту стрЂте брат его со Б лобычиемь Б. Он же сяде в НовЂгороде, a Борису дасть Городець. Тои же зимы приставися Олексеи, епископ сузьдальскыи.

B лЂто 6874 [1366]. Бысть мор силень y Моск†на люди. Тои же зимы оженися князь великыи Дмитреи московъскыи y великого князя Дмитрея Костентиновича Евдокиею.

B лЂто 68 \л.45об.\ 76 [1368]. Князь великыи Дмитреи Ивановичь посла рать на князя Михаила тъферьского, онь же бежа y Литву. Того жь лЂта АндрЂи полоцскыи воева Хорвачь да Ронед В, a князь Володимер, пришед ратию, взя и Ржову. Тои же осени Олигрд ВВ, князь литовъскыи, и брать его Кестути, Михаило тферскыи и придоша ратию ко Москве месяца ноября и заставу московскую бедиша Г на Страшине, князя Семена ки ГГ Окинфа и иных многих. И стояли y Москвы три дни и возовратишася восвояси, a люди множьство посекоша и полониша. Тои же зимы князь Володимер ОндрЂевичь ходи на помочь псковичем.



АА Так в рукописи; в A московъские АБ Так в рукописи Б—Б Так в рукописи; д. б. c челобитиемь В B H РоднЂ ВВ Так в рукописи Г B H побЂдиша ГГ Так в рукописи; д. б. и



B лЂто 6878 [1370]. По многи нощи быша знамения по небу, яко стольпы. Тогда уползну снегь в Новегороде за святымь Благовещеньем, засыпа дворы \л.45об.\ и c людми. На ту же зиму ноября месяца паки приходи Олгирдь к Волоку. На Николинь день приде к Моськве и стоя y города 8 дни и, вземь мир, возовратися восвояси.

B лЂто 6879 [1371]. Выиде изо орды князь Михаило тферьскыи на великое княжение и восхоте сести во Володимери на столе. Не прияша его, рекучи и: «Лжею взал еси княжение». Того жь лЂта обручи за князя Володемеры y Ольгирда дщерь его Олену. Того жь лЂта князь Михаило тферьскыи и приходи ратию к Костроме, и не случшна ему взяти увернуся, Мологу взя и Угличь, \49\ и Бежическыи Верхь. Того жь лЂта быша знамения многа и мгла велика, за два сажени не видити.

B лЂто 6880 [1372] Д. Выде изо орьды князь великыи Дмитреи Ивановичь \л.46.\ и посла рать на резанского князя Олга князя Дмитрея волынского и c нимь силу многу. Князь же Олгь собра вои многи, поиде противу ему, и помозе бог великому князю Дмитрею, a Олегь вбежа в мале дружине, и тогда сяде на княжени Резанскомь Володимер проньскыи. Тои же зимы князю Дмитрею Ивановичь родися сынь, князь Василеи декабря 1 ДД. Тои же зимы оженися князь Володимер в Олъгирда.

B лЂто 6881 [1373] Е. Князь Олегь резаньскы приде иззгономь на Резань на князя Володимера и согна его, a самь сяде. Тои жь зимы князь Михаило тферъскыи подвел Ж рать литовскую втаи на град Переяславль, князь Кестутия дя З князя \л.46об.\ АндрЂя полоцьского Олгирдовича по пасце на друго недели во въторокь. Посады пожигоша, a град не взяша, a людеи множество плениша. A князь Михаило в то врЂмя взя Дмитров изгономь. Того жь лЂта Михаило князь взя Торъжокь. Того жь лЂта Олгиръдь, князь литовъскыи, поиде ратию к Москве. Слышаль же князь великыи Дмитреи Ивановичь, собра вои многи приде противу ему, ему стретоша y Любуцьку. И стояху прямо собе, a промежи их ров круть, нелзе снятися обоимь полькомь. И взя мирь мижи собою вечьныи.

B лЂто 6883 [1375] И. Родися князю великому Дмитрею Ивановичю сынь, князя Юрья, во Переяславли, и крести его игумень Сергеи. Того же лЂта князь великыи Дмитреи Ивановичь собра вои \л.47.\ многи поиде ратию к Тфери, a c нимь тесть его, князь великыи Дмитреи Костеньтиновичь, . и брать его, и вси князи руськыи на Михаила Александровичь. И пришед остопиша Тферь, a князь Михаило затворися в городе, и стояль князь великыи в города в Тфери 5 недель и вси приделы Тьферьскыи и повоеваша. Князь же Михаило тферьскыи види знеможение града и людии множество во полоны ведомы, посылаеть владыку своего Епифания и бояр своих, моление от миру. И князь великыи Дмитреи Ивановичь не восхоти видети разорение града, емьлеть мирь глубокь и со княземь Михаиломь Александровичом тферъськымь.

B лЂто 6884 [1376] К. Посла князь \л.47об.\ велики Дмитреи Иоановичь князя Володимера АндрЂевичь ратию ко то Ржове, и стоя во городе неделю, посады пожже, a града не взя. Тои же зимы выиде из Царяграда митрополить Киприянь, и не прия его князь великыи Дмитреи Ивановичь, он же шед на Киев. Тои же зимы приехали от митрополита 2 протодиякона, Юръи a Иоан, и a c Олексеею митрополить.

B лЂто 6885 [1377] Л. Приставися Алексеи митрополит февраля 12. Того жь лЂта умре князь великы литовъскыи Олгирдь, и сяде по немь сынь его менши Ягаило.

B лЂто 6886 [1378] М. Посла Мамаи Багьчич рать на великого князя Дмитрея Ивановича. Поиде противу ему \л.48.\ и перееха за реку Оку, и сретошася y рекы y Воложи. Татарове же приехаша . на сю страну и поидоша на них c копьи, и удари на них со одину страну Тимофеи, окольничи князя великого, a и со другу страну князь Данило проньскыи, a сам князь великыи в лице. Татарове же повергоша оружия и побегоша за реку, a наши опосле биючи, и побиша множество их без числа, иных потопиша в реци. И бысть нощь, не видети за ними гонити за реку, a утро мгла велика. И князь же велики поиде следом их и обрете y поли повержены вежи их, и тавара в них множество, a самих не обретоша. Князь велики възвратися. Тои же осени приде царь Мамаи \л.48.\ на землю Резанскую. Князь Олегь прибежа за реку Оку. Татарове же град Переяславл пожгоша, a волости поимаша, и людеи множество посекоша, и инных полониша, и възвратишася. B лЂто 6887 [1379]. Поиде на митрополшо Михаило игумень в Царьград, намесникь митрополичи. Того жь лЂта ходи князь Володимерь АндрЂевичь на Литву и ко Стародубу, a c ним Андреи полоцьки. Того жь лЂта поиде во Царьград священыи епископь Деониси сузьдальскыи в судех Волъгою ко Сараю.

B лЂто 6888 [1380] Н. Безьбожныи царь Мамаи собра воя многа и всю свою силу безьбожьну татарскую, и всю землю Половецьскую и рать поима нова, \л.49.\ фрязи и теркаси, и со всими поиде c ними на князя Дмитрея Ивановича.



Л B рукописи 6080 ДД B A декабря 30 Е B рукописи 6081 Ж B конце слова буква ъ переделана киноварью из ь З B Н да И B рукописи 6083 К B рукописи 6084 Л B рукописи 6085 М B рукописи 6086 Н B рукописи 6088



И собра вои многа, и противу его поиде за свою отчину и за святыя \50\ церкви. И перееха за Оку, поведаша ему Мамая за Дономь, и ждуща к собЂ на помощь рати литовъскои. Князь же великыи поиде за Донь, и ту стретоша полци за Доном на усть Непрявы. Бысть сЂча люта черес весь день сентября 8, и падоша множество безьчислено от обоих странь, множество излише, яко же не бысть в Руси николи же в Рускуи НН земли. И поможе бог великому князю Дмитрею Ивановичь, a Мамаевы полци погансти побегоша, a наши за ними, биючи и секучи безь милости поганных, и гнаша их до рекы до Мечи, и ту множество изьбиша, a иныи в рецЂ истопоша, \л.49об.\ имь же не бЂ числа. И утече Мамаи во свою землю не во мнозе силе. A князь великии стояль на побоищи и жалуа по своих, яже ту побиены быша мнози, имь же не бЂ числа, и дерзновение, храбрость показаша по православнои вЂри. B них же убо бЂяша не мало князеи рускых и боярь великих, и много многжество христоименитых людеи безь числа от остра меча падоша. Имь же буди вечьная паметь, богу же нашему слава, показавшему своему достоянию крепькое воеводьство и победа на паганныя. Князь же великыи Дмитреи Ивановичь воспять во свою отчину на Москву и со своею побЂдою. И поведаша князю великому Дмитрею Ивановичь, что же \л.50.\ князь Олегь резаньскы послаль на помочь Мамаю свою силу, a сам на реках мосты переметаль. И князь въсхоте послати на нь свою силу. И се приЂхали к нему бояре резаньскыя и поведаше ему, што князь Олегь поверга свою землю и побежаль со княгинею и со детьми и со единомысленнымы своими. И молиша много князя великого, абы на них рати не пустиль и не послаль, и радишася О в него. Князь великыи не осьтави слова их, и поиде во свою землю. И собра останочьну свою силу, и на Резани посади свои намесници. Тои же осени прибегьль Мамаи во свою земьлю и собра останочьну свою силу, и восхоте паки изгономь поити на великого князя Дмитрия Ивановича \л.50об.\ на Руську землю. И приде ему весьть, што жь идеть на него царь Такьтамышь ис Синеи орды, онь же поиде противу ему. И стретоша польци обои. И абие Мамаевы князи, съсЂдыие П c кони, биша челомь царю Тактамышу, Мамаи же, то видевь, и побежЂ со единомысленики своими. Царь же посла за нимь воя свои, a самь шед, взя Мамаеву орду и царици, и улусь весь побра, и багатьство Мамаево разьдели другомь своимь. И оттуду отпусти послы ко князю великому Дмитрею Ивановичю и со всими князи руськими поведа имь свои приход, какь врага своего Мамая их враги победи. И самь шед сед на Воложескомь царьствии. Князи же руськыя послов его отпустиша со честию и зь дары, и за ними \л.51.\ и за ними ПП отпустиша свои киличеи и во орду со многими дарьми к царю. Тои же зимы приде на Русь Киприянь, митрополить киевъскыи и всея Руси, и приять его князь великыи и c честию великою.

B лЂто 6800 девеносто [1382]. Август 14. Родися князю великому сынь, князь АндрЂи, и крести его игумень Феодор симоновъскыи. Того же лЂта безбожьны царь Такьтаимышь собра воя своя многи безьчислено поиде ратию на великого князя Р Дмитрея московского и на всю Рускую землю. И князь великыи не ста противу ему, но соЂха во свои град на Кострому. Царь же Тактамышь перешед Оку взя град Серъпоховь, и потомь Москву. Си же зло сътворишася.

B лЂто 6891 [1383] \л.51об.\ месяца августа 23. И самь ста под градомь, и воя своя раснустиль во своя С предЂлы Московъскыя, и тогда взяша град Переяславл, и многа зла сотворися: овии мечю и оружию предаша безьчисленое множесьтво, овыи же y полон поведоша, плениша немилостивно от великых и до меньших, от мужеска полу и до женска. И прочь идя взя град Коломьну, a Киприять митрополить бяше тогда в Тфери.

B лЂто 6891 [1383]. Князь великыи Дмитреи Ивановичь выслал Киприяна ис Москвы; быстъ мятежь во митрополи.

B лЂто 6892 [1384]. Месяца марта 25 князь резаньскыи взя Коломну. Того жь лЂта родися князю великому сынь, князь Петь\л.52.\р.

B лЂто 6896 [1388]. Месяца мая 19 дольгонощеи преставися князь вилики Дмитреи Ивановичь. Того же лЂта князь Василеи, сынь его, сяде на великомь княжени во граде Володимери. Месяца мая князь великыи Дмитреи Ивановичь посла во оръду сына своего, князя Василия.

B лЂто 6893 [1385] СС. Поминь митрополить поиде во Царьград.

B лЂто 6894 [1386] . Приде на Русь Киприянь митрополить.

B лЂто 6895 [1387] Т. Князь велики Дмитреи Ивановичь ходиль ратию к Великому Новугороду о кресщении про то, что же взяша новъгородци посадници Кострому и Нижьни Новъгород.



НН Так в рукописи О Первое a переделано из o П сЂдь приписано над строкой ПП B рукописи и за ними дважды Р Ha поле c выносным знаком Володира С Так в рукописи; д. б. вся СС B рукописи 6093 Т B рукописи 6095 \51\



Не дошель князь великыи и за петьнадцать версть, и добиль челомь владыка Алексея со новъгородци, и взял 8000 рубь \л.52об.\ [ло]вь и черныи бор, и вси старины княжии. Тогожь году князь великыи Ягаило Олгирдивичь литовъскыи Ђхаль женитися во Угорскую землю ко королу, и тамо женивъся и крестивъся в латыньскую вЂру. Оттоле начаша Литва крестися в латыньску вЂру. Того жь лЂта князь Олег резаньскы взяль Коломну. Того жь лета бысть мор силень во Смоленьску. Того жь лЂта приде изо оръды князь Василея Дмитреевичь от цара Тактомоша генваря 19.

B лЂто 6896 [1388]. Приде изь Цараграда Пуминь митрополить y другое ряд на Русь, и постави владыкою Иоана ко Великому Новугороду месяца геньвара 17 день, на паметь святого Антония, митрополитомь Пуминомь при благовЂръномь вели \л.53.\ комь князи Дмитреи Ивановичь. Того жь лЂта приставися князь великы Дмитреи Ивановичь, месяца мая 19 на 5 по пасце во среду, в 2 часа нощи.

B лЂто 6897 [1389]. Митрополить Пуминь соиде c митрополъи таино безь вести поиде во Царьград. Того жь лЂта приеха в Новъгород князь Семен Лыгвены Олгирдовичь на пригород на ВспЂние святыя Богородици. Того жь лЂта уехаль князь Василеи Дмитреевичь за Яикь. Того жь лЂта приставися Диониси митрополитъ в Киеве.

B лЂто 6898 [1390]. Приставися Пуминь митрополить во Цариграде, a Киприянь митрополить приде изь Царяграда на Русь. Того жь лЂта сяде на великомь княжени князь Василеи Дмитревичь, a прихо \л.53об.\ диль посоль царев именемь Улань, тои его посади на великомь княжени.

B лЂто 6899 [1391]. Ђзьдиль Киприянь митрополить во Великыи Новъгород, a c нимь владыка резаньскыи.

B лЂто 6900 [1392]. Женилься князь великы Василеи Дмитреивичь, поня за себе дыцерь Витовтову, князя великого Витовта, Софиею. Того жъ лЂта ходиль князь великыи Василеи Дмитревичь во орду царю ко У Ктатымышу, и выиде изо орды на великое княжение, и ходи под Виликыи Новъгородокь ратию. И взяль город за себе, a князи и княгини в полон поведе, a князь Семень во орду побежаль. Того жь лЂта поеха князь Семень Ольгирдивичь в Литву ко братии своеи.

B лЂто 6901 [1393]. Ходиль князь великы y дру \л.54.\ гое во орду, и даль ему царь Новъгородцкое княжение и Муром, и Мещеру, и Торусу, a Бектуть царевичь взяль Ведьку Ф. Того жь лЂта приставися князь Борись Костентиновичь. Того жь лЂта князь великии Василеи Дмитреевичь послал дяду своего, князя Володимера ОньдрЂевичь, и брата своего, князя Юрья Дмитревича, ратию на Торьжокь, и много повоеваша Новъгородьскых волостеи, и Торъжокь взяша.

B лЂто 6902 [1394]. Приездиль в Новъгород князь Андреи Ольгирьдовичь полоцькы.

B лЂто 6903 [1395]. Бои бысть царю Темирь-Тиклую со Тактамышемь, и прогна Такьтамышя y Литву, a самь сяде на царьство. Того жь лета попущениемь божиимь некиих, грехь \л.54об.\ ради наших, . изыиде горды и суровыи и безьчеловечьныи, да сице реку и не имы вида человеча, но увесь меръзокь и безьобразень и немилостив, от восточьныя страны, иже ото Агары рода Темерь, зЂло убо дышущи, зЂло убо хваляся на христяны и на овъцы Христовы паствы, паче же на самое Христово имя.

Того жь лЂта приде князь великыи Витовът ко Смоленьску, a преже промечи Х слава Х: «На Темирь-Туклуа идя». И выеха к нему князь Глебь Святославичь не во мнозе; онъ же честив и дарив его любовию, отпусти, рекьше к ним, «дабы есте выЂхали вси князи братьни ко мне c любовию по опасу. Слышаль есми, что ж промежи вас неодинотъство, недружьба велика, \л.55об.\ каково будеть межи вами слово или какова пря, и вы на мене сошлетеся, акы на третии. Азь вас право сужю». И тако сотвори над ними облесть, и вызва их изь града лестию, аки право судити хотя, и разьделити имь отчину по жребию. Они же вЂру яша словесемь его, и выехаша к нему со дары, и вси брати Святославичи и вси князи смоленьскыя, дондеже не оста ни одинь во граде, но со бояры своимы. Онь же поимав их, всих князеи смоленьскых, и посла их во свою землю Литовъскую, a самь посады пожьже и люди многи полони, и такь все княжение Смоленьское узял на себе, и намисника своего посади, князя Ямонта a Василия Бореикова. Се порвое Ц взятие Смоленьское месяца \л.55об.\ сентября 28 день, y вольторокь. A князь Юри Святославичь быль в то врЂмя на Резани y цтя своего, во Олга Ивановичь.

Того жь лЂта во осень князь Семень сузьдальскыи приде ратию к Новугороду Нижьнему, a c нимь царевичь Яньтакь Ч, татарь тисяще, a c ними Володимерь Даниловичь a Григореи Володимировичь, Иоан Лихор.



У ко приписано над строкой Ф Так в рукописи; д. б. Вятку Х—Х B H промче слова Ц Так в рукописи Ч a переделано из другой буквы \52\



И бысть имь бои. И то слышаль князь великыи Василеи Дмитровичь, събра рать многу и посла брата своего и c нимь силу многу и посла Ш брата своего Ш. Он же, шед, взя град Больгары Великы и град Жюкотинь, и град Козан, и град Керменчюк, и всю землю их повоева, и много бесермени татар избиша, и всю Татарьску землю пьлениша, и воеваль 3 месяци и възвра \л.56.\ тися со многою победою и користию во земьлю Рускую.

Тои же зимы князь велики Витовът послаль рать на землю Резанскую. Литва же повоеваше землю Резанскую, отидоша.

B лЂто 6904 [1396]. Киприянь митрополить постави Григория епископомь Ростову и Ярославлю, и БЂлуозеру, и Угличю полу, и Стигу Щ, и Молозе. Си же Григореи 15 лЂт бысть епископу Ростову.

B лЂто 6905 [1397]. Князь Василеи московскыи Э Ивановичь и Патрикеи Наримонть приехаше в Новъгород, и прияше их новъгородци.

B лЂто 6906 [1398]. Бысть поище Ю князю великому Вятовту c Тимер-Куклуемь царемь. Князь же великии Витовъть Кестутевичь литовъскыи собра воя много безчислено, и царь Такь \л.56об.\ тамышь c нимь своимь дворомь, и литва, и немьци, и ляхи, и жемоить, татарове и волохи, и поляне, ис нимь бЂ князеи Я, и бысть сила ратьных многа зЂло. И всими сими полькы вооруживься поиде на царя Темир-Кукляя. И похвалися на орду Витовъть, глаголаше: «Поидемь, попленимь землю Татаръскую, победимь царя Темрь-Кукляя и возмемь царьство его, посадимь царя Тактамыша, и он мя посадить на всю землю Руськую, и потомь на всемь». И поидоша татар воевати. B то же врЂмя приспЂ Темирь-Куклуи царь со многими полъки ратьными и со князми своими ординскыми. И стретошася c Витовтомь во поли на рецЂ на Воръсклии, и бысть бои великь месяца августа \л.57.\ 12, в второкь, и надолзе велми биющимься имь, и попусти бог татаромь. Князь же великыи побЂже во мале дружине. И царь Темир-Кукли тогда приде ко граду ко Киеву, и въза c града окупь 3000 рублев литовъскых, и силу свою роспусти по Литовъскои земли, и воеваше татарове даиже и до Великого Луцька, и много зла сотвориша земли Литовъскои, и отыде во свою землю. A ce имена избиеных князеи литовъскыхь: князь АндрЂи полоцкыи Олигирдовичь, брать его Дмитреи бряньскыи, князь Иоан Дмитровичь Кындырь, князь АндрЂи, пасынокь Дмитреев; князь Иоань Евлашековичь, князь Иоан Борисовичь киевъскии, князь Глеб Святославичь смоленскыи, князь Лев Коръ \л.57об.\ ядовичь, брать его князь Семень, князь Михаило Подберезькы и брать его князь Олександро, князь Михаило Даниловичь, брать его князь Дмитреи, князь Феодор Патрыкиевичь волыньскыи, князь Ямонтовичь, князь Иоан Юревичь Бельскыи, князь Выспытко краковъскыи.

B лЂто 6907 [1399]. Приставися князь великии Михаило тферьскыи во мнишьком чину.

B лЂто 6908 [1400]. Сяде на великое княжение в Тфери князь Иоан Михаиловичь. Того жь лета бысть знаминие н[а] небеси и помрачение во солнци, и тма бысть, и явися серп на небеси, и явися солнце крываво и луча испущая месяца октобрия.

B лЂто 6909 [1401]. Князь Юрьи Святославичь да князь Олег резаньскыи придоша ко Смоленьску, a в граде во Смолен \л.58.\ ску бысть метежь и крамола: ови хотяху Витовъта, a друзии оттича, князя Юря. Князь же Юрьи съслався со смолняны и со горожаны. Смолняне же не могуще терпЂти насилия от иноверных ляхов и прияша князя Юрья, и град ему оттвориша. A князь Романь дебряньскыи ту бЂ. И тогда от Витовъта убиень бысть нужьною смертию, a княгиню его и дети его отпустиша, a намесници Витовътовы поимаша, и боярь, которыи не хотели отчита, князяЮрья, или браньскых и смоленьскых, тех всих посекоша. A князь великии Витовьть тои же осени приходиль ко Смоленску на князя Юрья и сьтоя много днеи под Смоленьскомь, и не взя города поиде во свою землю, возма перемирие. A во Смоленьсце \л.58об.\ крамола бысть, людие посекоша, и мор бысть на люди.

B лЂто 6910 [1402]. Во великое говение месяца марта знамени бысть на небеси: явлъшюся во вечерьную зару на западе звезда велика аки копЂинымь А образомь явльшеся, верьху же ея яко луча сияше, иже на востоце восходящи, на западе лЂтнемь явлынеся, юже видихомь все говение великое в пятьницю великую. Идяше та же звезда весь день пред слнцемь, вси ми видихомь ея идуще.



Ш—Ш Над этими словами киноварные черточки, очевидно означающие, что слова лишние Щ Так в рукописи; д. б. Устьюгу Э B H смоленьскыи, что соответствует действительности Ю Так в рукописи; д. б. побоище Я B H князеи 50


А Ђ переделано из o



Того жь лЂта ходи князь Родиславь Ольгирьдовичь резаньскыи на Брянескь ратию, и стретоша его князи литовъскыи, Лыгвыны да Алксандро Патрикеевичь стародубьскыи, и бысть имь бои \53\ y Любуцка, и помозе бог княземь литовъскымь, и по \л.59.\ биша рать резаньскую. И ту изимяше князя Родислава и приводаша его нужею к великому князю Витъвту, и сковаша его, и всадиша его в темницу. И бысть в таковои нужи во истоме 3 лЂта, доньдеже взя на немь окупь 2000 рублевь и отпусти его.

B лЂто 6911 [1403]. Повелениемь Витовътовымь приде Лыгвена ратию ко Смоленску граду и ко ВязмЂ, и Вязму взя, a князя Иоана Святославичь, изыимань, и приведе ко Витовъту. Того жь лЂта посла рать на своего брата y Кашин Б на князя Василья, и князь Василеи побежа на Москву. И смири их князь Василеи Дмитриевичь московъскыи.

B лЂто 6912 [1404]. Приеха владыка новгородскыи Иоан благосло \л.59об.\ влень от митрополита Киприяна c Москвы во Новьгород, a бывь на Москве польчетверта года. Того жь лЂта князь великии Витовъть со Олъгиръдовичи, c Коръбутомь и Лугвенемь, и со Швертигаиломь, и со всею силою, и приде ратию ко Смоленьску, a князь Юрьи затворися во граде со всими смольняны. Витовът же весну всю стоял, колко бивъся и тружавься и не може его выстояти, и пушьками град бив, бЂ бо град Смоленескь велми твердь, 7 недель быль под нимь. Потомь по Велице дни ступи прочь, по В зажиемь В и по волостемь по Смоленьскымь многа зла сотвориша. Князь же Юрьи со княземь Василиемь c московъскымь выеха изь города не во мнозе и з бояры, a княгиню \л.60.\ свою c бояри . остави во Смоленьску и приказа имь ждати себе на перъвыи рок и на други и на третии, a самь приеха на Москву, и биль челомь князу великому Василию Дмитровичь служити, даютися ему самь со всимь своимь княжениемь. Князь же великыи не прия его княжения Смоленьского, не хотя изменити Витовъту. Егда бысть князь Г Юрьи Г на Москве, a в то врЂмя Витовът собра силу многу и ста y Смоленьска. Гражане же не могуще терпЂти во граде голоду от изнеможения всякого истомы града, Смоленескь предаша Витовту. Се бысть последное пленение пленение Д Смоленьску от Витовта, во Петрово говение, месяца июня 26 день, во четверътокь. И тако Витовъть \л.60об.\ взя град и все Смоленское княжение за себе, a княгиню Юрьевую изыма и посла в Литовьскую землю, a князеи смоленьскых поимавь посла в Литовъску землю, и боярь, которыи хотели добра князю Юрью, a техь разьведе и расточи, a иных премучи. A во СьмоленстЂ посади свои намесникы, a ляхомь дасть град предежати Е я; по Е князя Юрья посла на возыскание его. И князь Юръи то слышав и своимь сыномь, княземь Федоромь, сожалися во горести душа и побежавь c Москвы во Великии Новъгород, и тамо новъгородци прияша его c миромь. Того жь лЂта приставися князь Василеи сузьдалскыи.

B лЂто 6913 [1405]. Князь Василеи великы посла рать в Татаръская мЂста \л.61.\ на возыскание князя Семена сузьдальского, дабы его кдЂ самого обрел и княгиню или дети его, или боярь, крыяше бо ся бЂгая в Татарьская мЂста на Ж возыскание князя Семена Ж. A воевода бяше князя великого Иоана Июда АндрЂевичь и Федор ГлЂбовичь. И наехаша княгиню Семеновую княгиню Александру в Татарскои земли на мЂсте, нарицаемемь Чиберча, и ту изымаше ю y святого Николы, a церковь ту поставил З некоторыи бесурменинь, именемь Хазибавая.



Б B конце слова ъ переделан из ь В—В B Н a по зажитьем Г—Г князь 10 написано по стертым буквам Д Над вторым словом пленение черточки, очевидно означающие, что слово лишнее Е—Е B H предръжати, a по Ж—Ж Над этими словами зигзагообразная черта З B конце слова ъ переделан из ь



Они же абие имьше и ограбиша, и приведоша ю на Москву со детьми. И пребысть ту на дворе Белувутове, дондеже князь Семень покоривъся и помирися, занже тогда бяше во ординьскых странах. \л.61об.\ И слыша, што княгиню его изымав и со детьми, и казну его взяша, и сослався c великымь княземь, и вниде в покорение. И приЂха изо орды на Москву князь Семень, добиль челомь великому князю Василию, взя мир поЂха c Москвы князь Семень и c княгинею и со детьми на Вятку, но болень. Сы пребыль на ВятькЂ 5 месяцеи и преставися князь Семень Дмитьреевичь сузьдалскы. И се убо 8 лЂт по ряду служил в орде, добиваяся своеи отчины, и служиль четыремь царемь: первому Такьтамышу, другому Аксаку, третему Темирь-Кутлую, четвертому ШанебЂку, и не обретая покоя ногама своима, и не вспЂ ничтоже. Того жь лЂта \л.62.\ бысть на Москве чюдо: в дому Тутромове от иконы святыя Богородици и святого чюдотворца Николы изыиде миро изо образа.

Того жь лЂта князь великыи Витовъть взя виною на миру псковскыи городокь Коложе, a Псковскую крестную грамоту присла в Новгород, и стоя под Вороничемь и отыиде, волости повоеваль. Псковичи жаловалися Новугороду на Витовта про литовъскую воину.

B лЂто 6914. Князь великыи Василе Дмитреевичь разверзе мирь из великомь княземь Витовтом за псковичи, и ходи противу Витовта, и воевашася межи себе. \54\

Того жь лЂта приставися преосвященыи Киприянь, митрополить киевьски и всея Руси, месяца \л.62об.\ сентября 15 на нощь, a пас церков божию 30 лЂт без полутретя месяца. Во 16 день проводиша в город, нешоша на головах. A епископи служаше над ним И: Григореи, епископ ростовъскыи, Митрофань, епископ суздалъскыи, Ларион, епископ колименьскыи. Архимандрити, игумени и весь свещеничскы чинь, пЂвши нагробное, и положиша в изьборънои церкви святыя Богородици.

Тои жь осени отеха князь Юръи К смоленськыи из Новагорода на Москву, и князь великыи дасть ему Торжок, и он ту уби служящего ему князя Семена Мстиславича вяземьского и его княгиню Уляну уязви, бо ся оканнымь своимь похотениемь на его подружие. Она же предобрая мужелюбица мужескыи \л.63.\ и воспротивися ему, и, воземьши ножь, удари его y мысцу на ложи его. Он же воскоре возярився, самь князя ея уби, a самои руце и нози повели осечи и врещи в рЂку. И бысть ему во грехь неисцелень и во студ великь, и за то побежа во оръду и тамо умре. Того жь лЂта Ђздил князь Петр Дмитриевичь в Новъгород на пособ Л на Литву, и бысть в Новегороде 10 днеи.

B лЂто 6915 [1407]. Бысть знамение на ПоръхЂ: иде кров от иконы святыя Богородици. Того жь лЂта князь Костентинь Дмитриевичь иде ратию на немьци и c псковичи, и много зла сотворилося Немецкои земли, многых посекоша и полонися, и взяша немецькыи град Порх. A новгородци просися \л.63об.\ в князя великого Витовта князя Лыквеня, и да имь; и даша ему новгородци три городы. A князь великыи Василеи Дмитриевичь воеваша изь великимь кияземь Витовтомь, и лихва взя Одеев М, a y Вязми стояла рать московская; и не взяша Вязмы, и мир взя князь великии со Витовтомь. A Булать-Берд и согна ШанибЂка из царьства, a самь сяде на царьство его.

B лЂто 6916 [1408]. Приде князь Костентин в Новъгород Великыи во великого князя мЂсто, на Городище. На ту осень приде ратию ЕдЂи Н ко Москве месяца ноября 23 день, в пятьницю, и стоя месяць y города, и окуп взя 3000 рублев, a городы побрал Переясль О, Юръев и Дмитрев, \л.64.\ a прочая волости повоева до П Феръского П рубежа.

B лЂто 6917 [1409]. Ходи Анфиль Р на Больгари ратию, и тамь около его обиша рать татарове, a самого изымаше. Того жь лЂта взяша псковити мир псковскимь повелениемь и со великимь княземь Витовътомь и c нимьци.

B лЂто 6918 [1410]. Приде из Царяграда Фотеи митрополить, поставлень на всю Рускую землю, родомь гречинь. Поставлень патрияръхомь Матфеимь при цари Мануиле, и приде на Москву при великомь князи Васили Дмитриевичь на Великь день. Того жь лЂта приставися С князь Володимер АндрЂевичь месяца мая во 14 день. \л.64об.\ Того жь лЂта князь Данило Борисовичь Нижьнего Новъгорода и c татары взя столни город Володимер и чюдотвореную икону святыя Богородици, злато обраша, ина многа зла сотворися. Того жь лЂта постави Фотеи митрополить епископа на Резань Сергия Озакова и потомь c месяць постави епископа на Коломну, игумена ярославского.

Ha ту осень бысть побоище королу Ягаилу, именемь Владиславу, и князю великому Витовту Кестутевичь c немьци и c пруси во Прусъкои Т земли, межи городы Дубровны и Остреда. И убиша мистра и маршалка, и кундуры побиша, и всю силу их немецкую побиша, и грады немецькыя пограбиша, но толко три грады не дашася королу Витовту ТТ.



И B конце слова ъ переделаи нa ь К ъ переделан из ь Л B конце слова ъ переделан из ъ М B H Одоев Н B H Едигеи О B II Переяславь П—П B H и до Тферьского Р н переделапо из л С После приставися буквы вели, зачеркнутые киноварью Т ъ переделан из ъ ТТ B H королю и Витовту



И бысть тои осени \л.65.\ ходиша на три побоища c немьци ляхом и лихве, но немЂць избиша, a во въсих побоищех много кресщань падота и литвы и ляхов. A стояша под Маръинымь городомь 8 недель и взяша Марина города два охобня, a вышнего не взяша, и ходиша по Немецькои земли по другои на десять недели. На ту зиму месяца генваря поеха митрополить Фотеи на Тферь игумена ильиньского. A быша во жребеи Парфени, федаровъскыи игумень, Антонеи, игумень илинскыи, москвитинь. И служиль владыка Митрофань суздальскыи по митрополичю слову и благословению в соборнои церкви во светомь Спасе. И отслуживь обедню, таки в ризах взяль одинь жребии и принесь к митрополиту ту будущи князю великому \л.65об.\ Ивану Михаиловичь и всимь княземь и бояремь, и распечатавши жреби, и обретеся жреби Антонеев; не хотевъшимь тферичемь поставлень бысть епископомь.

B лЂто 6919 [1411]. Родися князю Лыгвену сынь Ярослав на Котюри и наречень в крещени Феодор. Того жь лЂта князь велики Василеи Дмитриевичь отпустиль дщер свою княжну Анну во \55\ Царьград за царевича Иоана Мануиловича. Того жь лЂта поеха Фотеи митрополит У во Литву и тамо на Киеве постави Савостияна владыку ко Смоленьску.

B лЂто 6920 [1412]. Месяца сентября 8 в Луцьку Великомь постави епископа Турову, Иевхимия. От Галича поиде \л.66.\ к Москве месяца августа 1. Того жь лЂта ходи во орду князь великыи Василеи Дмитреевичь ко царю Зивиде солтану, Тактамышеву сыну, a князь Иоань тферьскыи в то же лЂто был во орде [у] того жь царя при великомь князи Василии Дмитриевичь. Того жь лЂта приде изо орды за недЂлю до Филипова говЂина.

B лЂто 6922 [1414]. Погоре град Тферь и посад Ф весь. Того жь лЂта приде изо орды князь Ярослав в Литву. На ту же зиму поставлень бысть Анбросеи епископом на Коломну. Того жь лЂта сотворися знамение во очене Х князя ОндрЂя Дмитриевича в Колочи: от иконы святыя Богородици явися чюдо, много прощение слепым \л.66об.\ и хромымь и раслабленымь, еже не може умь человечи сказати. И на Москьву приходила святая тая икона месяца августа 15, и оттоле на Коломне и паки на Москву, и от Москвы y Можаескь. Тогда быль Цамьвлак на Москве. Того жь лЂта родися князю великому сынь Васили.

B лЂто 6923 [1415]. Повоеваше татарове Елеческую землю и оттоле запустела. Тои же зими Ђзьдиль митрополить в Литву, во Сьмоленсце остави свою казню, a самь ездиль во Городень к великому князю Витовту, и не приняль его князь великыи Витовт. Тогды был Благъвещение в понедЂлек на страснои недели. На завтрее поеха митрополит на Москву, a в Смоленъску \л.67.\ быль митрополиту Великь день, и приЂха на Москву на светои недели. Того жь лЂта погоре град Москва, и Смоленескь такоже погоре. Того жь лЂта месяца июня в 7 день, на паметь святого мученика Федота, изьгибе солнце и сокры и луча своя от земля в четвертыи час дни, в год божественыя литоръгЂя, и зьвезды явишася яко в нощи. Тогда было князю великому Василию Дмитреевичю 26 лЂт на великомь княжени. Того жь лЂта содумаша новъгородци ХХ, не было в них владыки, и положись написав 3 жребеи на престолЂ во имя Самьсона, черънца от святого Спаса со Хутиня, и Михаила, игумена со Хутина от святого Михаила со Ковороды, и Лва, игумена и святеи Богородици \л.67об.\ с Колмова. И по свершени святои литоръгии и остася на престоле Самьсоновь жеребеи. И посадникь Ивановичь Ц и АньдрЂи Ц, тисяцьскыи Александр Игьнатьевичь со новгородци возводоша на синЂ Ч чесно Самьсона Ч в домь святоя Софьи месяца августа в 11 день, на паметь святого Еумьпла диякона.

B лЂто 6924 [1416]. По божию попущению князь великыи Витовть умышливъши ему по своему хотению, собрав епископи руския, иже во области его живущи: Феодосии полоцькои, гречинь, Исакии черъниговъскы, Деонисеи луцькыи, Харатонь володимеръски, Евхимеи туровъскыи, и теми епископи постави Киеву митрополита Ш Григория болъгарани Цамивлика \л.68.\ месяца ноября 15. Тои же зимы поеха Самсон на Москву к митрополиту Фотию во владыки ставитися. Тои же зимы месяца марта 12 день простиль бог во церкви святыя Богородици на Москве y гроба святого митрополита Петра, чюдотворъца руского, некоему человеку нога прикорчена отьинудь, и исцели y гроба святого Петра. B недЂлю 2-ю поста, марта 15, поставися Самьсона во дияконы, в суботу 3-ю поста поставлень бысть Самьсонь попомь, в неделю средехрестную поставлень бысть епископомь Новугороду и наречень бысть от митрополита Семион. A на поставлени были епископи: ростовскы Геворгеи a Митрофань суздальскы, Антонеи тьферскыи, Тимофи сараиски, \л.68об.\ Исакии премьскыи при великомь князи Василии Дмитреевичь. A приеха в Новгород месяца апреля во 16 день во велики четвертокь, и посадникь Иоан Богдановичь, и тисяцьки Борись Васильевичь со игумены и попы, и дияконы, и всимь Новгородомь сретоша честно со кресты, и владыка Семион того дни соверши божественую литоргию во светеи Софи y своего пристола, богом дарованному ему. [Т]ого ШШ жь лЂта воеваше татарове около Киева и манастырь Почерьскыи пограбиша и пожгоша. [Т]ого Щ жь лЂта приставися князь Иоан, князя Васильа Дмитреевича ЩЩ сын. Того жь лЂта бысть в Новегороде мор силень железою и в Ладозе, и в Руси, и в ПорховЂ, и вь Пско†Э, и в Торжьку, \л.69.\ и в ТферЂ, и в ДмитровЂ, и по волостем.



У B конце слова ъ переделан из ь Ф B конце слова ъ переделан из ь Х B H очинЂ ХХ ъ переделан из o Ц—Ц B H и A АндрЂи Иоановичъ Ч—Ч B Н Самсона честио на сЂни Ш Далее два слова, зачеркЂутые киноварью, a затем стертые ШШ B рукописи ого Щ B рукониси ого ЩЩ Буквы Дмитре написаны на поле c выносным знаком Э П написано над строкой \56\



B лЂто 6926 [1418] Ю. Поставлен бысть епископомь Ростову Дионисии Фотием Я, митрополитомь киевскыи и всея Руси. Того жь лЂта князь Дашько Федоровочь, сынь Острожкага, такою казнию взя град Кременець. Во велики четвертокь послаль преже себе дву человеков, Дмитрея да Илъю, a c ними соговоряся: «Предаитеся служити Кондрату Прусу, воеводе кременьскому, егда же азь приду ко городу, и вы узводь оттнете, a мость положите». Они же, приехавъши, уверилися воеваду, и прия их любовию, a того в них не разумЂ и ни позна. И Дашько приЂха ко городу ночи в 9 человекь ЯЯ, a тыи его совЂтышци y городе взвод отсекоша \л.69об.\ и мост положиша, и Дашько со други своими веха А в город, Кандрата воеводу убили, a приставов королевыхь и Витовътовыхь посекль, a князя Шьвитригаила из зелезь выпустиль, седЂвъшего С польдевета года. И оттоле поиде Швитригаило во Угры, a взяль Луцеск, a y волынскых боярь отлучиль полтараста конеи. Toro жь лЂта бысть в Новегороде усобица промежи хрестянь, и человекь некоторыи, именемь Степанко изымаль бояриня Данила Ивановичь Божина и держа его, вопияше: «О друземь, пособъствуите ми на злодея сего». И людие же видивъши вопл его, влачаху его на вече, биюще мало не до смерти, и, совещавъше пришедь, вкинуша его в реку \л.70.\ c мосту. И переняль его рыболов, и бысть жив, a они того рыболова домь розграбиша. Изыма бояринь того Степанка и хотя творити отмщение, и за то сташа черънь со однои стороны, a co другои стороны бояре. И учинися пакости людемь много, и владыка Семион, не хотя кровопролития видети во хрестянехь, облекься в ризах, и весь избор иде со владыкою на мЂсто, и тако нача владыка благословъляти на вси страны крестомь, и плакати нача самь, и весь народ нача презывати: «Господи, помилуи», и нача самь плакатися. И видя святителя плачющеся и молящеся, и утишися от брани народ светителевым молениемь, и разыидошася кожьдо в домы своя. \л.70об.\ Того жь лЂта убиень бысть Анфань и сын Нестер на Вятке от Михаила Расъсохиня.

B лЂто 6927 [1419]. Съльяша колоколь Володимери и в Ростове.

В лЂто 6928 [1420]. Поеха митрополить Фотеи в Литву месяца июня l, a c нимь владыка Амьбросеи и наехаль великого князя Витовъта в Новегородце. Тогды был посол царев Филантропонь гречинь. Того жь лЂта поиде митрополить ко Киеву, и в Слуцьку, крестил князя Семен Алекьсандровичь, и во Мозири вернул митрополита князь велико. Того жь лЂта бысть митрополить в Галичи.

B лЂто 6929 [1421]. И во Лъвове, и во Волидемери приЂхаль волторъникь, в канон Рожества Христова, a y \л.71.\ Вилни быль на Крещение. И оттоле поехаль ко Борисову и ко Друцьку и к Тетерину. И в Мьстиславли был y князя Семена Лыгвенина, и в Смоленсте быв и зборовал В при князи Семени Ивановичи, и приЂха на Москву во великое говЂино.

B лЂто 6933 [1425]. Поставлень бысть епископомь Новугороду Евфимеи месяца октября. Тогда приставися Михаило Федоровичь в черънцех. Того жь лЂта по изборе y волъторъникь 5 час нощи приставися благовЂрныи князь Василеи Дмитриевичь месяца февраля 27 день. Тои же зимы отеха князь Юрьи в Галичь во великое говение. Того жь лЂта Ђздиль митрополить на Кострому и в Галичь ко князю Юрью, и пакы на Кострому и во Володимер \л.71об.\ к празнику, a из Володимера на Моськву.

B лЂто 6934 [1426]. Бысть мор на Тфери и на Москве, и посылаль митрополить архимандрита Иону и со иконою Пречистою на Тъфер Петровою. И на ту осень бысть мор на Моск†силень. И на ту осень еха князь велики Василеи Василъевич Г на Москву и тамо жили до Рожества Христова. A митрополить Ђха во свое село Бисеровское, и оттоле поЂха во Володимерь, и тамо имь быль Велик день, a на Москву приЂхали по ТроиценЂ дни. Того жь лЂта паки поЂха митрополит Д во Волидемери и тамо имь был Е Велик день и на празникь в город ЕЕ божественыя служьбы. И бысть преполохь татаръскыи, c великою нужею едьва свершися божествену литоръгию. \л.72.\



Ю B рукописи ≠SAOKS Я В конце слова ъ переделан из ь ЯЯ B Сл час


А e приписано над строкой другим почерком Б Ђ переделано из o В B конце слова ъ переделаи из ь Г B конце слова ъ переделан из ъ Д B конце слова ъ переделан из ь Е B конце слова ъ переделан из ь ЕЕ B H год



B лЂто 6935 [1427]. Князь велики был в Курчевскомь и c матерью. A по Воздвижени поЂха митрополить на Москву и бысть y великого князя, обедал в Курчевъского, и оттоле ко Илинскому, a князь велики y Красное село. И тои нощи приставися Ивашько Галтяв сын, и князь великыи и тута не обедаль во Илиньскомь со митрополитомь, и оттоле поЂха митрополить на Москву, a князь великыи в Кжелю, занже на Москве почалься мор злЂи первого. Тои же осени преставишася во Володимеричи, князь Ярославь и потомь князь Василеи, и потомь князь Семень, во чрнцех Сава. \57\

Тои же осени быль митрополить на Брашеве и на Коломне, а по Рожест†ездиль в Литву, и соЂзьдиль во семь недЂль в Литву и з Литьвы. \л.72об.\ Тои же зимы преставися князь Петрь Дмитреевичь месяца февраля.

Река Днепр течеть y море Понешьскои, и Днепрь течеть из Оковского лЂса и потече на полудень. A Двина ис того жь лЂса течеть на польнощь, и вниде во море Вяряжьское. И Волга течеть ись того же лЂса и потечеть на востокь, и течеть во море Фалишькое Ж 70 устьи. Темь же можеть ити Волгою в Болгари и во Хвалыси и на востокь во жреби Симонов.

B лЂто 6939 [1430] ЖЖ. Князь велики Витовть Кестутевичь созваша к собе короля польского Владислава, князя великого московского Василия Васильевичь и князя великого тферъского Бориса Александровича, и мистра немецького и пруского, мистра лифанского, и велици послы \л.73об.\ от Ивана, царя царигородского, и от римьского цесара приходили, и от донского короля послы, и от великого князя резанского Иона, и от волоского воеводы послы приходили. Подоевъскыя З князи сами были, от Великого Новагорода и отто Опскова, и ото ординского цара послы были, и оты иных князеи и земль послы были. И тыи короли и велици князи и послы быша y великого князя Витовта 7 недел на его страве, a на день шло оброка по триста бочок меду, a яловиць триста, a баранов и вепров по триста. Князь велики Витовът хотель на себе положити коруну, и его не приняли И поляне, не пропустиша коруны, и за тымь не положи на себе каруны. И разбалися князь велики Витовть, \л.73об.\ и роспусти князеи великих и послы царевы со многими дарми и c честию. A король польскыи Владислав и бысть y великого князя Витовта, и при немь приставися велики князь Витовт К месяца октября 23, на паметь святого Якова, брата господня. И сяде на великое княжение князь велики Швитригаило на Вилни и на ТроцЂх. И княжи велики Швитригаило 2 годы без дву месяцеи, и при своемь княжении отпусти смоленского владыку Герасима во Царьград на митрополию. И не въправляше земли. И Литва же посадиша великого князя Жигимонта Кесьтутевичь на великое княжение на Вилни и на Троцехь месяца сентября 1 день. И приде Швитригаило на Полотескь и на Смоленескь, и князи руськыи и бояре посадиша князя Швитригаила \л.74.\ на великое княжение на Руское. И на ту же осень собра силу многу князь велики Швитригаило, и князь велики тферъскыи Борись Александровичь дасть ему брата своего князя Ярослава, со всею силою своею, и поиде на Литву, и не дошед до Вилни за шесть миль и сташа в Ошмении ту стояша неделю. Князь велики Жигимонт приде c литовъскою силою, и бысть имь бои месяца декабря в 8 день, на паметь святого отца Потапия, в понедЂлокь. И поможе бог великому князю Жигмонту, и побиша князя великого Швитрагаила, a князи руськи побиша, a иных поимаша: князя Юрья Лыкгьвеневичь иняша, князя Василия Семеновича яша и князя Федора Одиньцевича иняша, пана Дедиголда яша, воеводу виленьского, a иных множсьтво \л.74об.\ побиша и поимаша. Тои же зимы во друбыи Л град Л князь велики Швитригаило собра силу многу руськую и поиде на Литву, и повоеваша Литовъскои земли множество, и пожьгоша, и полонь поведоша. На лЂто жь согбра силу многу рускую, и мештер лифанскыи со всею силою своею и приде ко Швитригаилу на помощь, и князь велики тьферьскы дасть ему свою силу и поидоша в Литовскую землю. За полътары мили от Вильни начоваль в Рудомени и поиде к городу, и не доходя Троков, и поверъне на Старыи Троки, a под Троками стояль на Спасов день, a стоял 4 дни, и поиде от Троков искати великого князя Жигомонта и рати литовскои. И стояша во Векшюшьках 4 дни, и пои\л.75.\де на Русь во свою землю. И приде ко Креиву, и стояша два дни, взяша Креиво мурованны и сожже, a людеи много посекоша и в полон М поведоша, и оттоле придоша к Молодечьну. И приде к великому князю Швитригаилу вЂсть, што жь идеть литва погонею, и князь велики Швитригаило посла на них князя Михаила, киевъского воеводу, a и c нимь посла иных князеи рускых. И побиша пана Петраша Монкирдовича и литву, a иных поима на Копачех. И оттоле поиде ко Жеславлю, и Жеславл возме того же дни, пожьже, a людеи много в полон поведоша. И придоша ко Смоленску Н, и возме град МенЂскь и сожже, a люди многи в полон поведоша, мужи и жены.



Ж Буква Θ переделана из ХВ ЖЖ Так в рукописи; Витовт умер в 1430 г. З B Н и Одоевьскыи И B H неприатели К B конце слова ъ переделан из ь Л—Л Так в рукописи; д. 6. другыи раз М B конце слова ъ переделан из ъ Н Так в рукописи; в Н и A Меньску



Иде во свою землю a многа зла сотвориша Литов\л.75об.\скои земли. И придоша ко Борисову, и ту изымаша князя Михаила Ивановичь Голшенского и на рЂце на Березине, и послаша его ко городу к Витебьску, a тамо повели его втопити в рЂце во Двине под городом под Витебском, a няша его невинно. Не доходя Лукомьля \58\ за милю, в озерех, мештер поиде во свою землю, в Лифянты, a князь велики Швитригаило к Лукомлю, и ту роспусти вои свои, князеи и бояр, a самь поиде ко Киеву. На ту же осень князь велики Жигомонт собра силу многу литовъскую и ляхи и приде на Литовъскую НН землю, и сташа под Мстиславлемь месяца октября 26 день, на паметь святого мученика Дмитрия, во сроду, и стояль три недели, не възма города поиде во свою \л.76.\ землю. На лЂто жь собрашася Швитригаило со князи руськими и со бояры и со всею силою рускою поиде на Литву, a мештер и своею силою приде на помощь Швитьригаилу, и соняша Швитригаиломь во Брясловли. И божиим повеление паде на землю моча велика, за тым не можаху в Литовскую землю поити. Князь Швитригаило возовратися во свою землю, a мештерь во свою землю, и распусти силу свою, князеи и боярь в Полоцьку, a самь поиде ко Киову. На третее лЂто князь велики Швитьригаило сожьже Герасима митрополита y Витебску. И собраша князь великы Швитригаило y Витебъску со рускими князми и со руськими ратьми, и поиде ко \л.76об.\ Брясловлю, и ту во Брясловли приде ко Швитригаилу на помоч мещер лифянски со всею своею силою. И поидуть от Брясловля по Завелъскои земли по Завелию к Вилкомирью. Самь князь велики Жигимонть не поиде на Швитригаила, и дасть корол 8 сот копеи помочи князю великому Жигимонту, и князь велики Жигимонт посла сына своего, князя Михаила, на князя Швитригаила. И князь Михаило приде со всею силою литовскою и c ляхи. и бысть имь бои со Швитригаилом на Семень день лЂтопроводца, a бися за Вилькимириемь реце О. И за то бог не пособе князю Швитригаилу, што сожьже митрополита Герасима, и поможе бог великому князю Жигимонту ОО и его сыну, князю Михаилу. И поби \л.77.\ ша П князя Швитригаила и всю силу его, и многих князеи побиша, a иных рукама поимаша. Убили братанича его, князя Жикгимонта Корбутовича, и князя Ярослава Лыгвенича, иных князеи много побиша, и князя Михаила Болобана Семеновича, и князя Данилья Семеновича Голшаньского, и князя Михаила Р вяземьского Воловича Р, и иныхь князеи много побиша, a руками изымаша князеи 40 и 2. На имя изымаша князя Ивана Володимеровича киевъского и брата его князя Федора Корбутовича, a лифяньского местера самого убиша, и ланьмаршалка, иных куторов много побиша, и всих лифянт перебиша, a иных живых переимаша, нечто ся их мало остало. И много иных госте перебиша, \л.77об.\ рукужань и сляжянь и чехов, a иных рукама поимаша. A после того побития 3 недели спустя князь велики же Жикгимонт собра всю свою силу литовскую и посла своего сына князя Михаила на Русь. И пришедь князь Михаило станеть на Рши. Смолняне стретили князя Михаила на Рши, и далися смолъняне князю великому Жикгимонту и его сыну, князю Михаилу, и князь Михаило к Смоленьску не поиде, но поиде ото Рши к Витебьску. И пришед под Витебьскь князь Михаило стояль 6 недел и не взя города прочь поиде. И после того тои же зимы князь велики Жикгимоть собра опять всю свою литовъскую силу и панов и послаша к городу к Полоцьку. И пришед панове под Полоцькомь стояли неделю \л.78.\ и, не добыв города, прочь пошли. И на лЂто полотяне и видбляне, не чюя собе помощи ниоткуля, и дашася князю великому Жикгимоньту Кестутевичь. Нача князь велики Жикгимонть княжити на великомь княжении на Литовъскомь и Рускомь.

Таину таити цареву добро есть, a дела велика господаря поведати добро жь есть. Хочю вамь поведати o великомь князи Александри, зовемемь Витовъти литовскомь и рускомь, иных многих земль господарь. Но по неи же по писаному есть: «Братие, бога боитеся, a князя чтите». Такоже и вамь хощю вамь азь поведати o славномь томь господари, но не мощьно исповедати ни писанию предати дЂла великого князя. Яко \л.78об.\ же бы мощно С кому испытати высота небЂсная и глубина морская, тоже бы исповедати мощьно сила и храбрость того славного господаря. Сии князь велики Витовт Т, бяше ему держащи великое княжение Литовское и Руское, иныя многия земли, сопроста реку вся Руская земля. Не токмо же Руская земля вся, но и еще жь господарь Угорьскои земли, зовемыи цесарь римьски и ТТ велицеи любви живяще c нимь. Тол У би ми ся У увирило. Неколи будущи тому славному господарю, бывъши ему во своемь Ф граде, зовемыи Луческь Велики, и посла послы своя королю угоръскому, зовемому цесару римьскому, и повели ему бьтти к собЂ.



НН B H Руськую, в A Рускую О Так в рукописи; д. б. на реце ОО т переделано из o П по приписано над строкой Р—Р B II Михаила вяземьского Лвовича С B Сл Не мощно Т B конце слова ъ переделан из ъ ТТ Так в рукописи; д. б. y У—У Так в рукописи; в Сл таково ми ся Ф e написано no cmepmoй букве, за ней еще o



Он же безь всякого ослушания въскоре приЂха \л.79.\ к нему и своею королицею, и честь велику и дары многи подаваше ему, и оттоле в них утвердися велика любов. Како не почюдимься чести великого господаря, еже которыи земли на восьтоце или на западе приходяще поклоняются славному, \59\ еже есть царь над всею землю, и тои пришед покьлонися славному господарю великому князю Александру, зовему Витовту. Еще же и турускы ФФ царь честь велику и многи дары и подавши. Славному господарю, благовЂрному же и христолюбивомо царю царигородьскому, и тому c нимь во велицеи любви живущи. Такожь и Ческое королевъство великому честь держащи над славьнымь господаремь, и еще же и донскыи \л.79об.\ король велику честь и дары многи подавши славному господарю великому князю Витовту. B та же лЂта брату его Ягаилу держащи стол Краковского кролевъства, по лядцькому языку тому зовему Владиславу, и тому c нимь во велици любви живущи. Коли сълавныи господарь Витовъть на котору землю гневень бываше и котору землю хотяше казнити, королу же Владиславу всегда дающи помощь. Еще же ины цари усточни служахуть ему. Такожь великии князь московскыи во велицеи любви живяше c нимь, и еще же иныи князи велици немецькыи служахуть ему со всими городы своими и со землями. Ти же велици \л.80.\ князи немецки, по немецькому языку зовемому мистрове, еще Х же господарь земли Мольдавскои и Босарабъския, по власкому языку зовемем воеводы, такожь осподарь тои земли Болгарскои, по болгарскому языку зовемыя дЂиспоты, и еще жь иныи велици князи, велики князь тферьскии и великии князь резанскыи, и великии Одоевъскыи, и Велики Новгород, и великии Псков, сопроста реку, иже не обретеся во всемь Помори ни град, ни мЂсто, иже бы не приходили к славному господарю Витовъту. Тии же велици господари вЂлици земли велици князи. И еще же писахом зде иныи во велици любви живущи c нимь, a ини крипко служахоть ему, славному господарю, и честь велику и дары великы, \л.80об.\ и дани многи приносяхуть ему, не токмо по вся лЂта, но и по вся дни. Коли славныи господарь великыи князь Александро, зовемыи Витовт, на которую землю бываше гневень и которую землю хотяше самь казнити или пакы силнехь вои своих воевод посадити, послати гдЂ восхощеть, и которому от техь великых земль повеливаше к собЂ быти, и они безь всякого ослушания воськоре прихожаху к нему и со своея земли. И коему господарю за которую нужу немощьно быти, и он всю свою рать и силу посылаше на помощь и на его служьбу. Сии же великыи князь Александро, зовемыи Витовъть, во великои чести и славе пребываше. Бяше ему неколко от своих \л.81.\ городов во велицемь граде Киеве нарицаемемь, и прислашеся к нему велици ординьскыи князи, полецаяся ему под великую ХХ служьбу, и просяще y него царя на царьство, Много бяше бо ординьскых великых цареи служаху во дворе его; он же даль имь цара, именемь Салтана. Оному же царю, иже бЂ на орде, слышав яко славны господар отпустил своего слугу на царьство, никако же не сми сопротивитися со славным господаремь, остави царьство и побЂже. Сему же Солтану дошедши орды и сяде на царьство повелением великого осподаря зовемого Витовта, и служаше c великою боязнию славному господарю. Не по мнозе времени согна за живот, инымь же стареишинамь ординскым послаша послы своя c великими дарми ко славному господарю и просися y него \л.81об.\ иного царя; он же даль имь иного царя, именемь малого Солтана. Сему же малому Солтану шедшю на царьство некако же не сми ослушатися славного господаря: кдЂ коли ему повелить, и он ту тогда кочюеть. И по мале времени тому минувъши велици же цари ординьски никако же не сьмеяше разьгневати славного осподара великого князя Витовта, дабы не от его руки поставити имь царя, и послаша c великою честию и просися y него царя. Он же да имь иного царя, именемь Давлад-Бердия. Яко же река пресходящи всю землю человеческыи скоты пояющи, a сама не вмалящися, такожь и славны господарь и множество цареи отпущаеть на орду, a в него большало цареи навчено. И мы же на первореченое возвратимься. Царю сему Давлад-Бердию немного время побывши и тому мимо шедшю. \л.82.\ Симь же стареишинамь ординским слышавшимь, яко славныи господарь близь есть, во прежьдереченомь граде Киеви, и придоша сами, и поклонисяша ему, славному осподару великому князю Витовту, и дары многи принесоша, и просять y него цара, он же даль имь царя именемь Магнета. Яко жь бо от моря множество вод исходящи.

B лЂто 6940 [1432]. Герасимь, епископ смолескы, поиде ко Царюграду на митрополию. Того жь лЂта побоище бысть во ОшменЂ.

B лЂто 6941 [1433]. Герасимь митрополить выиде изъ Цараграда.

B лЂто 6943 [1435]. Швитригаило Герасима митрополита сожьже во Витебьску. Того жь лЂта бысть побоище на Вилькомири, множество побиша князеи и бояр и местичев, a иных руками поимаша.

B лЂто 6944 [1436]. \л.82об.\ B лЂто 6945 [1437] Ц.



ФФ Так в рукописи; в Сл турецькии Х щ переделано из ж ХХ y переделано иа o Ц B рукописи 6045



B лЂто 6946 [1438]. B тыи же лЂта бысть глад великь во Смоленску, по лесомь и по дорогамь звЂри ядяше люди, a в городе и по улицамь пси ядаху люди, мертвых \60\ главы и руки и ноги влачаху пси. Ино и люди елико от малых детеи от великого гладу, a во великое говение мяса Ђли, звирину, по волостомь и по селомь, a четвертка жита тогды была под две копе грошеи. И меташа во скудильници людие емьлющи по улицамь. Того жь лЂта царь Михаило Мет побил москвичь.

B лЂто 6948 [1440]. Сотворися зло велико в ЛитвЂ, убиень бысть князь велики Жикгимонть в Литви во граде Троцех во вербную неделю перед обедомь, и бысть метежь великь в Литовьскои земли. A в то врЂмя в Смоленску держал воеводство от Жикгимонта пань Андреи Саковичь, и поча приводи \л.83.\ ти ко целованию смолнянь: «Что ж князи литовъски и паны, вся земля Литовъская, кого посадять на Вильни на великомь княжени, и вамь от Литовьскои земли не отступати и великого князя литовъского, a ко иному не приступати, a мене вамь в себе держати воеводою во себе доколе сядеть на Вилни князь великыи». И владыка смоленскыи Семион и князи, и бояре, и местичи, и черныя люди целовали пана АндрЂя на всемь томь Вилни не отступати и пана АньдрЂя держати в себе честно воеводою на Смоленску. И по Велице дни на святои недели в среду здумаша смолняне, черныя люди, кузнеци, кожемяки, перешевники, мясьники, котельники пана АндрЂя \л.83об.\ согнати силою c города, a целование переступили, и наредилися во изброи и со луками ЦЦ, и со стрелами Ч, и c косами, и зь секЂрами Ш, и зазвонили в колокол. Пан же АндрЂи почал ся радити со бояри смоленскими, ж бояре ему молвили: «Вели, пане, дворяномь своимь убиратися y зброи, a мы и c тобою. Чи лепшеи датися имь в руки». И поидоша c копи противу их на конех. И бысть имь ступь y Бориса ГлЂба во городе, избиша много черных людеи копии до смерти, a иныи ранены живы остали, и побегоша черныа люди от пана ОндрЂя. И тои нощи выеха пан Андреи из города со женою и бояре смоленскыи c нимь. И после того бысть метежь великь во Смоленску. Изымаше смолняне Петрыку, \л.84.\ маршалка смоленского, и утопиша его во ДнепрЂ, и посадиша собЂ воеводу в Смоленску князя АндрЂя Дмитриевичь Дорогобужького. Рада же литовъская великого княжения, князи и панове и вся земля, дорадивъшися и взяша из Ляховь Казимера королевича на великое княжение Литовское, и посадиша его со честию на стольнечьномь граде на Вилне и на всеи Рускои земли. И в то время Щ приде князь Юри Лыньгвеневичь из Новагорода в Литву, и князь великии Казимир королевичь даль ему отчину его Мстиславлю. Бояре же смоленскыи приехали к нему из Литвы ко Смоленску, и черьны люди не пустиша их y город, они же розьЂхалися по своемь селомь. \л.84об.\ И за тымь бысхь бран велика межи бояр и черных людеи, и бояся бояр Ы черныя люди призваша к собЂ оспадаремь князя Юря Лигвенивича. И посла князь Юрьи поимати бояр, и поимаша боярь, и поковаша их, имЂние их подаваше бояремь своимь. И тои же осени на Филоповы ЫЫ запуски приде воиско литовское ко Смоленску и сьтояша полтрети недели, посады и церкви, и манастыри пожьгоша, a людеи много множество посекоша, a живых в полон поведоша, к многа зла сотворися, и поидоша прочь.

B лЂто 6951 [1443]. Бысть зыма люта и метилица безьперестани c морозом, и мьроша люди мнози по лесомь и по дорогам c великои студени. A снегь был великь велми, за многа лЂта тако не за \л.85.\ помнятъ. Тои же весны поводь была велика во Смоленску, весь посад понела, мало не дошла вода до Покровскыя горы. Тои же зимы приставися архимандрат Анофреи спаськи месяца сентября Э 23, и проводиша его честно.

B лЂто 6952 [1444]. Князь велики Борись тверскыи и посылаль повоевати земли Великого Новъгорода, a воеводах был князь Андреи Дмитриевичь. Извоеваша волостеи за польтретядцать волостеи, и многа зла учиниша. Того жь лЂта королю полскому Владиславу, брату Казимирову, было побоище со турскимь царемь, и убиень бысть на томь побоищи корол угорскыи и турскыи царь.



ЦЦ Буквы ук написаны по стертому месту Ч ла приписапо над строкой Ш Ђ переделано из другой буквы Щ Далее стертое слоео Ы B конце слова ъ переделан из ь ЫЫ Так в рукописи Э B A ген[варя] Ю На листе 85 об. позднейшие записи на польском и латинском языках



B лЂто 6953 [1445]. Князь велики Казимер немЂрень со великимь княземь Ю \л.86.\ московскимь. И пришед москвичи c татары извоеваше Вязимьскую землю всю. И тои же зимы князь великыи Казимерь послал воевод своих, князи и панов, противу того воевати Московъскои земли. Извоеваша Козелескь и Вереи, и Колугу, и Можаеськь, и много зла учиниша москвичем, и во полон поведоша множество люди. Собрашася москвичи за 500 их и погьнаша в погоню за литвою, и догнавши и бившися c литвою. И поможе бог литви, и побиша москвичь, и много их поимаша живых, и приведоша ихь во Смоленескь ко виликому князю Казимеру. И учиниша тогды великому князю честь и собЂ. A московъского виликого князя не было тогды в земьли, ходиль к Мурому \л.86об.\ c татари битися. \61\

Тои же зимы приставися смоленскы владыка Семионь месяца марта 3 на средокрестьнои недели, в середу, и провидиша со честию y святого Спаса, во манастыри. Того жь лЂта месяца мая князь велики моськовскыи бился c тотари, со царемь Магметемь и со сыномь его со Мамутякомь, и побиша москвичь, a самого князя великого Василия иняли татарове на побоищи и можаиского иняли князя Ивана, и иных князеи и бояр много поимаша. A было то побоище в Сождали y святого Спаса y манастыри. Того жь лЂта Москва выгоре, весь город, и иминия вся погоре, и людеи множество погориша. И бысть на Москве скорб велика во людех. Того жъ лЂта перед покровомь за две недели поколи \л.87.\ башася земля в нощи, яко колыбель колибалися храмины. Тои жь осени на святого Дмитра день царь Махметь и Мамутакь, сынь его, отпустили князя великого Василия московского на окупе, дати на собе ему окупа много множество.

B лЂто 6954 [1446]. Князь Дмитреи Юръевичь Шемяка изымаша брата своего старъшего, князя великого московъского Василия Васильевича, и выимаша ему очи, a самь сяде на великомь княжени на Москве.





ЛЂтописець великых князеи литовъскых


Великого князя Кедмина литовъского было сынов 7: стареши Монвид, \л.87об.\ потомь Наримонт, Олигоръд, королев отець, потомь Евнутеи, потомь Кестути, отець великого князя Витовта, потомь Корият, седмыи Люборт. Монтивиду даль отець Корачев да Слонимь, Наримонту Пинеск, Олгирду, королеву оцу, Крево; да к тому князь витебскыи сынов не держаль, приняль его к дотьце, Витебъскь в зяти. Евнутия осадиль во Вильни B на великомь княжени, a Кестутию Троки, Коръяту Э Новъгородок, a Люборта принял володимеръскыи князь к дотьце во Володимер и в Луцеськь и во въсю землю Волыньскую. Олгирд, королев отець, a великого князя отець Кестути были во великои любви и милости и в ласце. \л.88.\ Князь велики Евнутеи во болшенсьтве будя не полюбился има, и смовили межи собою братия, князь велики Олгирд и князь велики Кестучи, какь бы его оттоле высадити, a некоторому бы межи их сести. И смолвилши межи собою рокь учинили, которого бы дни к Вилни пригнати, засести город под братомь, великимь княземь Евнутиемь. A князь велики Ольгирдь к Вилни из Витебьска не поспел к тому року, a князь волики Кестутеи пригналь ко городу Вилни и вогна в город. И князь велики Евнутеи, выскотив, убежить во гуры, тамо озябеть в ноги. Немше его привезли ко брату его, ко князю великому Кестутию, он же жда брата своего \л.88об.\ старшего, великого князя Олигрда, посадити его за сторожею, a противу брата своего, великого князя Олигорда, послал гонца, что иже во Вилни сель, a брата, князя великого Евнутия, инял. Стретиль гонець во Креве, и князь велики Олъгирдь борздо Б поспешить и борздо пошпешить Б ко брату своему, великому князю Кестутию. И князь великыи князь Кестути рече брату своему, великому князю Олигрду: «ТобЂ подабаеть княземь великимь быти во ВилнЂ; ты стареши брать, a я c тобою заодно живу». И посади его на великомь княжени Вилни, a Евнутию даль Ижеславль. A докончають межи себе князь Кестутеи велики и велики князь Олгирд, што братии \л.89.\ всеи послушну быти князя великого Олгирда, или которыи волости, то собЂ розьделили, a то собЂ докончають — что придобудуть, град ли или волости, да то делити наполы. A быти имь до живота в любъви, во великои милости, a правду межи себе на томь дали не мыслити лихомь никому же никого же. Такоже были и до живота своего в тои правде. Сынов же было y великого князя Олгирда 12, a в князя великого Кестутия сынов 6 было. A межи всих сынов любили князь Олгирд князя великого Ягаила, и князь велики Кестути полюбиль князя великого Витовта, и нарекли при своих животех их, што имь быти на их мЂстех, на великих \л.89об.\ княжених. Они пакь, князь велики Витовт, гакже во великои дружьбЂ были при отцех своих. Потомь пакь князь велики Олгирдь умре, и князь велики Кестути не остави брата своего, великого князя Олгирда. Какь до его живота в одинотьстве c нимь были, почнеть держати княземь великим во Вилни сына его, князя великого Ягаила. И почнеть пакь приезьдити ко старымь думамь, какь ко брату приЂзьчиваль ко стареишему. Некто пакь был y великого князя Олгирда В паробокь неволны, холоп, звали его Воидиломь.


А ъ переделано из ъ Б—Б Так в рукописи В Буквы Олгир написаны по стертому месту



Первое был пекаромь, потомь вставили его постелю слати и воду давати собЂ пити, и потомь \л.90.\ пакь полюбилъся быль ему, даль был ему Лиду держати и повель был его в добрых. Потомь по животе великого князя Олигрда д†ли лЂте минуло, князь велики Ягаило поведеть его велми во \62\ высокых, и дасть за него сестру свото родную, княжьню Марию, што потомь была за княземь Давыдомь. Князю великому Кестутию велми нелюбость учиниль и жалость, што братанну его, a свою сестру, за холопа даль. И быль тоть Воидило y великои моци y великого князя Ягаила, почаль со немьци собе соимы чинити и записыватися грамотами противу великого князя Кестутия. Некто пань быль, остродски кунтор, звали его \л.90об.\ Гунстыномь. Тот был кмотр великому князю Кестутию, крестиль княгиню Янушевую, дщерь его. Тоть поведаль князю великому Кестутию: «И ты того не вЂдаешь Г, какь князь великии Ягаило посылаеть к вамь ГГ часто Воидила и уже записалься c нами, какь тебе изьбавити своих месть, a ему бы ся достало и со строю Д великого князя Ягала твои мЂста». Князь велики Кестутеи вЂда, што князь велики Витовт ДД гораздо живеть со князем великимь Ягаиломь, и почнеть жаловатися сыну своему, великому князю Витовту: «Ты c нимь горазьдь живешь, онь вже записаль ся на нас со немьци». Князь велики Витовът рече отцу своему: «Не ве \л.91.\ руи тому, ачь того неть, зань же со мною гораздо живеть, ачеи бы мне явил». Потомь пакь учинилося великое знамение: князь великии Ягаило даль быль Полтескь брату своему Скиригаилу, и они его не приняли. И князь великии Ягаило послеть рать свою всю литовскую и рускую со братомь своимь, князем Скригаилемь, и к Полоцьку, и оступять город. И князъ велики Кестути опят начнеть сыну своему, великому князю Витовту, жаловатися и проплакивая на князя Ягаила: «За и Воидила сестру даль, мою братанну, a из Немець ми явлено, что немьци записалися на нас, a се пак третее: c кимь мы ся воюемь? \л.91об.\ С немьци. Они c ними Полоцька добывають. Уже то проявилося, што они на нас полно стали c немьци». И князь велики Витовт отвечаеть отцю своему, великому князю Кестутию: «Еще того не доверяю гораздь». A рекл то князь великыи Витовт, a самь поехал к городу Дорогичину. Князь пакь великы Кестутеи, собрався своею моцию и вженеть во город во Вилню, иметь князя великого Ягаила и со братиею и c матерью, и грамоты и надеть, што з немьци записался, и ко сыну своему гонца послеть, к великому князю Витовту к Дорогичину, што такая дЂла сталася. И гонець тоть наидеть князя великого в Городне, онь вже до Городна приЂхал Е з Дорогичина. \л.92.\ A князь великы Витовъть за одинь день приженеть из Городна ко отцю своему Кестутию. Онь же рече сыну своему, князю виликому Витовту: «Ты мнЂ не вЂриль, a ce тые грамоты, записалися были на нас, но бог нась остерегл. Но я князю великому Ягаилу ничего не вчинил, не рушив есмо ни скарбов его, ни стад, a сами y мене не в нятстве ходять, толко за мамою сторожею, a отчину его, Ведбескь и Крево, и вся мЂста, што отець его держаль, то все даю ему, ни y во что их не вступаюся ЕЕ. A то вчиниль есми стерега своеи головы почюв, што на мене лихо мыслить». И князь великыи Ягаило Ж великому Витовту и дяди своему, великому князю Кестутию, што \л.92об.\ николи противу его не стояти, a вьсе y воли его быти во всемь. Князь великыи Кестути отпусти его со матирию и со братию, и со скарбы, и со всимь его. И князь великыи Ягаило поиде Креиву. Князь великы Витовт ЖЖ проводить его до Креива, и князь великыи Ягаило поидеть ис Крева ко Витебску. A какь сяде князь великыи во Вилни, Кестутеи пошлеть 2 человекы к Полоцьку, одного y рать, a другого к городу. И полочане возрадовалися, кликнули на рать, и люди ратьни отступили от Скиригаила и пошли к Вильни к великому князю Кестутию. A князь Скиригаило пошель y Немьци y Лифянты c малыми слугами. И князь пакь великыи Кестутеи пои \л.93.\ деть ко Сверскому З Новгородку, а И князя Корбутия, a сына своего, князя виликого Витовта, оставиль в Литве. A идя ко Сиверскому Новугородку велить Воидила обесити, a князю К вели всему К и Ягаилу c Витебска поити жь было c нимь. То пакь великыи Ягаило правду наборзде загубиль, тамь не пошель, a наговориль местить Л великых Л и Ганулеву чадь, и засели Вилну. A князь великии в товрЂмя Витовт М во Троцох быль, и князь великии Ягаило из Витепска со всими прижинеть к Вилни. И князь великы Витовт М пошлеть ко Сиверскому Новгородку ко отцю своему c тою вестию. A немци пакь прускии услышавши тая дЂла, и маршалко прускыи поидеть ратию к велико \л.93об.\ му князю Ягаилу велми наборзде. A как услышав то князь великы Витовть, что пруски немьци к Вилни и к Трокомь идуть, a кьнязь великыи Ягаило из Вилни ко Трокомь же идеть ратию сниматися c нимци, онь поидеть ко Городну и со Троков со матерьею. A как приступили ко Трокомь князь великыи Ягаило, и Трокы дадутся ему. И князь великыи Кестутеи к Городну ии Н к сыну своему, туто наидеть и жену свою и пошлеть еи ко Берестию, надияся на князя Януша мазовского, зятя своего, a самь поидеть во Жемоить, a сына, князя великого Витовта, оставить в Городне.



Г Ђ переделано из ы ГГ Так в рукописи; д. 6. намь Д Так в рукописи; д. 6. сестрою ДД B конце слова ъ переделано из ь Е B конце слова ъ переделан из ь ЕЕ Первоначалъно встаю, затем ю переделапо в и и дописано аюся Ж B B далее урадовался велми приезду князя великого Витовта и правду дасть ЖЖК B конце слова ъ переделан из ъ З Так в рукописи И Так в рукописи д. б. на К—К Так в рукописи; д. б. князю великому Л—Л Так в рукописи; д. б. местичь виленских М B конце слова ъ переделан из ь Н Так в рукописи; д. б. идеть \63\



Князь пакь Янушь, зять его, забыв добра приде князю великому Ягаилу. И се пе\л.94.\ръво: лихвянты . рать на помощь приходили князю Скиригаилу к Полоцьку, a потомь c маршалкомь пруская рать к Трокомь приходила, a то вже в третие лихвиняская рать и c нимь же приходила; то уже знакы тые вышли, што c нимь заодно стояли противу великого князя Кестутия. И выступить на бой князь великы Кестутеи со сыномь своимь, княземь великимь Витовтомь, противу великого князя Ягаила. И какь нешошедшимься полькомь за три или за четыры стреления, приженуть князи и бояре от князя великого Ягаила до князя великого рати Кестутееви, почнуть пытати великого князя Витовта, што быхомь поговорили c нимь. Почнуть говорихи \л.94об.\ великому князю Витовъту: «Князь великыи Ягаило послаль нас к тобЂ, штобы еси уедьналь нась со отцемь своимь, што быхомь держали свое, a вы бы свое, a бою бы межи нась не было, a кровипролития не вчинолося О. Ты бы приЂхал ОО ко брату своему, князю великому Ягаилу, a мы правду даемь, штобы тобЂ чисто отехати в рать свою, ачеи бы межи вась быль добрыи конець». Князь великыи Витовт отвещаль: «Правду y вась беру, штобы такоже князь Скиригаило семо приЂхаль, a такоже бы правду даль, и я выеду». И они послали ко князю Скиригаилу, и князь Скиригаило такожь правду дал великому князю Витовту, какь и оны. Князь велики Витовт поЂхаль к ве \л.95.\ дикому князю Ягаилу и к его рати, a полкове стоять, межи собою не починають ничего. И князь великиы П Ягаило почнеть просити великого князя Витовта, «штобы еси межи нас уеднал и кровопролития бы не было». И князь великыи Витовть правду взяль в него, y князя великого Ягаила за отца своего, што отцю его, великому князю Кестутию, съехався и опять чисто розьЂхатися. A еще рече князь великыи Витовть князю великому Ягаилу: «Еще, брате, пошли Скригаила, штобы онь a и я a въчинили быхомь правду отцю своему, иже бы ему чисто приходити и опять отЂхати в рать, a князь бы Скригигаило от тебе дал правду». И князь велики Витовт со князем Скригалом \л.95об.\ придуть ко отцу своему, ко князю великому Кестутию, в рать, и дасть правду отцю своему от князя великого Ягаила, и князь Скиригаило правъду дасть от великого князя Ягаила и от себе. И князь великыи Витовт со отцемь своимь, великимь княземь Кестутиемь, обадва поЂде в рать ко Яглу ПП, надияся на тыи правды. Князь же великыи Ягаило переступил, молвить: «ПоЂдь кь Вилни, тамо докончаемь». A в томь, ничего не починавши, остали. И какь к Вилни поЂхали, князя великого Кестутия, дяду своего, оковав, ко Креву послали и всадили во вежю, a князя великого оставили Витовъта еще во Вилни. И тамо во Креиве пятои нощи князя великого Кестутия удавили коморникы князя великого \л.96.\ Ягаилавы: Прокша, што воду даваль ему, a были ины, Мостев брат a Кучюкь a Лисица Жибентяи. Таков конець стался князю великому Кестутию.

По смерти пакь князя великого Кестутия пошлеть князь великыи Ягаило князя великого Витовта во Креиво же и со женею и велить его твердо стерети во комьнате. Помщая Воидила дву велЂли на колесе розбити, одного, Видимонта, дядю матки князя великого Витовта, отчня брата матки его, што держал Уляну, потомь пакь была за Монвидомь, a иных бояр много постинал, помщая того Воидила. Князь пакь великыи Витовт седель во Креиве за твердою сторожею в камьнате, a жонце д†ходили покла \л.96об.\ дывати княгиню в камнату, положив да вон поидуть, a сторожи около. То пакь великия княгини слышавъши от людеи: иметь ли князь великыи Витовът должеи седЂти, ачеи также изгадають, как и над отцемь. И пригодила ему такь: как поидуть жонки покладати, но бы ему однои жонъки всклати порты да выити вон со другою жонкою, a тои жонцЂ остати бы в него. И он, наредивъся в однои жонкы порты, да за дрогою вышель, да испустится из города, утечеть во Немьци, y Пруси. Сущю же ему в Нимцах в Марине городЂ в мистра, и приЂхаша к нему многи князи и бояре литовъскыи, он же нача воевати c помочью немецькою Литовскую землю. A князю велико \л.97.\ му сущю Ягаилу со матерью своею, великою княгинию Уляною, во Витебьску, a брать его, князь Скиригаило, в Литовскои земли y Троцехь. A великому князю часто воющи Р Литовъскую землю, a великому князю Ягаилу и Скиригаилу невозможьно вже стати противу его, зан же бо y него сила велика собралася.



О Так в рукописи ОО B копце слова ъ переделан из ь П Так в рукописи ПП Так в рукописи; д. б. Ягаилу Р Так в рукописи; д. б. воюющи



Тогда князь велики Ягаило, перезвав его co Немець, и даль ему Луческь со всею Волыньскою землею, a в Литовъскои земли отчину его. Короля Казимира в животе не стало, сынов в него не было, толко одна дочка, именемь Ядвига. И начаша \64\ ляхове слати c Кракова ко князю великому Ягаилу, дабы приняль крещения старого Рима и понял бы в них кролевну \л.97об.\ именемь Ядвигу собЂ женою и сталь бы в них кролемь во Кракове на всеи земли Лядскои. Он же, князь великыи Ягаило, змовилися из своего РР материю, и c великою княгинию Ульяною, и со братиею своею, и со всими князи и бояре Литовския земли, и поЂхав Кракову, в Лядску землю. Тамо же самь крестися и братия его, и князи, и бояре Литовския земли. И поняль за себе кролевну Ядвигу, и коруновань бысть того короловства коруною. И оттоле начаша крестити Литву в латынскую вЂру, и присла арцибискупа к Вилни в Литовскую землю, и тогда начаша костелы ставити по всеи Литовъскои земли. Тои же зимы будущи королю во Кракове со всими князь \л.98.\ ми литовскыми и бояре литовськими, князь АндрЂи полоцькыи приде c немьци лифянты и со всею латыною С на Литовску землю и повоевал, пожьже много мЂсть и сел, градом жи Литовския земли ничего не вспЂи, и пакь возовратися восвояси. Тои же зимы князь Свецьслав смоленскыи совет сотвори со княземь АндрЂемь полоцькымь: он в Литву, a князь Светислав ко Орши. На миру много зла сотвориша хрестянемь, не человЂческы и ни хрестянскыи мучиша хрестянь, иже ни в поганых ратех то не слышах таковых мукь мучаще хрестянь. Сбираху и запираху во изьбах и зажигаху, a другии велики храмы очепы подимаху \л.98об.\ и плЂнников под стены кладаху главами и зажигаху, a иныя жены и дЂти на коле тыкаху, a иных мукь над хрестяны, их же скаредно не писахомь, яко же ни Онтиох сирскыи, ни Улъян законопреступьныи тех мукь не сотвори над хрестяны, граду же Орши ничего не вспЂша и пакы возовритися восвояси. Тои же зимы во великое говееие нача СвЂтослав думати со смоленъскыми бояри на хрестянское кровопролитие, яко свЂрипие звЂрие, аки не хрестяне. Поиде ко городу Мстиславлу и сташа y града Мстиславля, и нача добывати и порокы бити град, a в землю Имстиславскую вои пусти, и много пролития крови хрестянскыя. То же бысть богу мерзко зрЂти: \л.99.\ зовущимься хрестянемь, a братию свою хрестянь не человеческы, ни христянскы мучаху. Князь же велики Скиригаило, князь великыи Витовът приехавши з Ляхов от брата своего короля, слышав, яко князь Святослав смоленскы преже бысть под Витебском, a потомь к Орши приходил, a под Мстиславлемь стоить, град порокы биеть. И сожалився князь великыи Скиригаило, поиде со братию своею, со великымь княземь Витовтомь и Костентиномь, и c Корбутомь, и со Семеном Лынгвенемь. И поменуша слово божие, еже рече: «В нюже мЂру человекь мерить, отмирится ему, a что посееть, то и пожьнеть. Мы, рекоша, никоего зла ему не сотворихомь, a онь c нами в докончани буда, пересту \л.99об.\ пив крестное целование и докончание, нашю землю воюеть и кров хрестяньскую проливаеть. Мы же идемь на него, надЂемься на бога и хрестянскую силу». И придоша ко граду Мстиславлю. A князю Святославу, стоявши y города и бивши порокы град Имьстиславль на страснои недели в пятьницю, яко услышав князь Святослав, яко идеть на него князь Скиригаило и со братиею, он же испочи Т воя своя и поиде противу имь. Яко иступишася полци, бог же по Давыда пророка слову сотвори, еже рече: «Обратися болезнь на главу его, и на верхь его неправда снидеть». И пакы: «Ров изрыв ископа, и впадеся в него, еже сотвориль». Бог поможе великому князю Витовту, a князь Свято \л.100.\ слав устремися на бЂгь и з своими князми, и со бояри смоленскыми, и своими ратьми. Божиею силою ту немало чюдо сотворися, избито бысть вои много множество, князеи и бояр. Но и самого князя великого Святослава убиша, сына же его, князя Юря, князь великы Скиригаило исцелив его от ран и привезе его ко городу к Смоленску и к матери его, великои княгини Святославли, и посади его на великомь княжени Смоленскомь, зан же бысть за княземь Юремь дщи стореи У сестры Скирагаилевы. Отшедши от города Смоленского князь вликыи Ф Скиригаило и поиде во свою землю Литовскую, и нача княжити во Троцех, a во Вилню послаль корол старосту своего лядского. A князю великому Витовту тогды держащю \л.100об.\ Луческь и всю землю Волынскую, a в Литовскои земли отчину свою. И бысть ему нужьно, ижь чего преже не бывало в Литовскои земли, сторонамь владЂющьмь великимь княжениемь. Тогда свЂть сотвори со многими князьми и бояры литовскими. Тогда бо Скиригаилу отехавши к Полоцьку, князь велики Витовт приде к Вилни, хотя засести, a княгиня великая бЂ Анна тогьда y Городне. Вилневци же тогда не вдашася ему, зане бЂ тогда правду дали королу Скиригаилу. Он же тогда не возма Вилни и поиде к мистру и зь своею княгинею, и со своими князьми, и со многими боярми, оттоле нача воевати Литовску землю c немецькою помочю ФФ.



РР Так в рукописи С Так в рукописи; д. б. латыголою Т Так в рукописи; д. 6. исполчи У Так в рукописи д. б. старшеи Ф Так в рукописи ФФ После второго o стертая буква; буква ч надстрочная



И уже взяль был Литовскои земли по Велию реку, a и Полътескь \л.101.\ вдася ему. И узриль корол \65\ и князь великыи Скиригаило, яко вже невозьможьно удержати земли Литовъскыя пред великимь княземь Витовтом, и c немецькими силами поиде к Вилни. И стрете его Скиригаило со братомь своим Вигонтомь и c литовскими вои на реце на Вели y городка, на мЂсте нарицаемЂ Веищушкы. И ступивъшимься полком, и бог поможе великому князю Витовту, и побежени быша литовъски вои, и устремишася на бег Х, и побито бысть много их. Иных князеи и бояр в нятьство поимали: князя Семена Евнутеевича, князя ГлЂба СвЂтославовича смоленского, князя Глеба ХХ Костентиновичь, князя Ивана Тету, Лва Плакьсича, иных \л.101об.\ князеи изымано бысть много. И поиде князь . великыи Витовт таки к городу Вилни со своими воими, и оступять город Вилню, и нача добывати Кривого города, пушками бити, и взя город Кривыи; тогда же немьци убиша князя Скиригаила Олъгирдовичь. A лядскои заставе, во Высоком городе тогда сущи, и не пустиша во градь князя Коргаила Ц. Князь же великыи Витовть возма Кривы город и земли извоевал, пакы возвратися в Немьци. Того же лЂта к великому Витовту в Немьци, в Маръинь город, придоша послы изь города Москвы от великого князя Василия Дмитриевича, прося дьщери князя Витовтовы за великого князя Василия Дмитриевича. Князь \л.102.\ великыи Витовт дасть дщер свою, княжьню Софию, отпусти ея из Марина города, a c нею посла князя Ивана Олигимонтовича из града Данска. И поидоша во карабли за море, и придоша к граду Пскову, они же великы чти воздаша имь и проводиша их со честию до града Москвы к великому Василию Дмитреевичь. Князь же великыи Василеи посла противу ему со честию братию свою, князя Володимера АндрЂевича и князя АндрЂя Дмитреевича, иных князеи и бояр много.

На весну князь великыи Витовът иде и възя землю Подолскую. A князю Володимеру Олгирдовичю, тогда бивши в Киеве, и не всхоте покоры учинити и челомь ударити вели \л.102об.\ кому князю . Витовту. Тои же весны князь велики Витовт ЦЦ поиде взя град Житомир и Вручии, и приЂха к нему князь ВолидемЂр. Того жь лЂта на осен князь виликии Витовт выведе его ис Киева и дасть ему Копыл, a на Киеве посади Ч князя Скиригаила. Самь же князь великыи Витовт поиде на Подольскую землю, a князю Скиригаилу повели ити ис Киева ко Черъкасомь и ко Зенигороду ЧЧ. Князь же Сккиригаило божиею помощию, великого князя Витовта повелениемь взя Черкасы и Звинигород и возовратися пакы ко Киеву. Ту же паки княжящи ему в КиевЂ, бысть же нехто Фома, чернець Изуфов, держа намЂснитство от митрополита y святои Софои на митрополи \л.103.\ чиемь дворе. Посхотевшю же князю Скиригаилу ехати за Днепро в ловы, тои же прежереченыи Фома нача звати его на пир на митрополичи двор Ш. Князю же Скиригаилу сущю y него на пиру, азь же того не свЂмь, зан же бЂх тогды млад, но нецеи глаголють, иже бы тот Фома дал Щ князю Скиригаилу зелие травное пити. И c того пиру князь Скиригаило такь поЂхаль за Днепр к Милолавичемь ЩЩ и тамо разболися. Канонь канона Крещения, в суботу, вха Э в город во Киев болень, болев 7 днеи, преставися в среду. И понесося на главах его священници, поюще пЂсни отходные, c свещами, из града Киева ко свети Богородици Печерскои. И положень бысть чюдныи князь Скиригаило, добрыи, наречены во светомь крещени Иоан, подле гроба святого Федосия Печеръ \л.103об.\ ского. Князь же велики Витовът услышав, ижь князь Скиригаило преставися, и посла князя Ивана Олъгимонтовичь ко Киеву, и да ему держати Киев. Мы же над пререченое возвратимься.

Какь выеде из Немець князь велики Витовт на великое княжение, такь отпусти нятъца своего, князя ГлЂба Святославлича, ко Смоленску на великое княжение, a князю Юрью Святославичю вда город Рославль. Князю ГлЂбу седящи во Смоленсте и нача не в послушани быти великому князю Витовъту. Князь же виликыи Витовт послы своя слаша o справлении, онь же не всхоте исправитися. Тогда князь велики Витовт поиде со всими силами ко городу Смоленску, тако вдасть \л.104.\ ему ГлЂб и з градомь Смоленскымь. Князь же великы Витовт вда град Смоленескь держати князю Манту Ю и Василию Бореиковичю, a князю ГлЂбу вдасть город Полоны.



Х B конце слова ъ переделан из ь ХХ B B Василья Ц Так в рукописи; д. б. Витовта ЦЦ B конце слова ъ переделан из ь Ч Далее зачеркнутые буквы на ЧЧ Так в рукописи Ш B конце слова ъ переделан из ь Щ B конце слова ъ переделан из ь ЩЩ Так в рукописи Э Так в рукописи Ю B K Яманту



Самь же князь великы Витовът возовратися в Литовскую землю. На ту же зиму посла князя Семена Лынгвена со многими ратьми и смоленьскыми ратми на князя Олга резанского. И сплениша многое множество Резанскыа земли, и возвратишася c побЂдою восвояси. Тогда же бЂ зима велми студена. Тои же зимы на весну приЂхал князь же великыи Василеи Дмитреевичь московскыи ко чьщю своему, виликому князю Витовту, во Смоленескь во великое говЂние. И учти князя великого Витовта \66\ многими дарми: чепьми золотыми и поясы золотыми, и соболми, \л.104об.\ камками и суды златыми, и бахматы. И князь же великыи Витовт зятя своего, великого князя, учти и удари разьличьными дарми: сажеными порты и дорогими оксамиты, и многоценными камъками, и гиншьты во седлех золотых снастех, чюду достоиных, и отпусьти ко граду Москве c великою честию, a самь поЂде к Литви.

Коли господар был на Литовскои земли князь великы Олгирд и, шед в поле c литовъскимь воискомь, побиль татаров на СинЂи воде, трех братов: князя Хочебия ą Кутлубугу Я a Дмитрея. A то си три браты, татарскыа князи, отчичи и дедЂчи Подолскои земли, a от них завЂдали втамони a боискаки, приезьдяючи от них утамонъв, имывали ис Подолъ \л.105.\ скои земли дань. A брать великого князя Олгирдов держав Новъгородн А Литовскыи, князь Коръять, a в него были четыри сыны: князь Юръи a князь Александро, князь Костентин, князь Федор. Ино тыи княжятя Коръятевечи три браты: князь Юръи a князь Александр, князь Костентин и князь Федор со князя великого Олгирдивым презволениемь и c помочию Литовския земли пошли в Подолскую землю. И тогды в Подолскои земли не быль ни один город ни деревомь рубленого, a ни каменем будованого. И тогды тые княжята Корятовичи пришли в Подолскую землю от татар, и боскакомь выхода не почали давати. И на первое нашли собЂ твержю на рецЂ на Смотрити, a в другомь мЂсте были \л.105об.\ черници в горе, и в томь мЂсте наредили город Бакоту. И ловячи в ловех пригодилося имь так: угонили много оленеи в тот остров, кдЂ нынЂ Каменское мЂсто лежить. И посекши лЂсь город муровали Каменець, a ис того вси Подолски городы умуровали и всю землю Подолскую осели. И затымь [узнал] АА полскы король Казимир Локотъковичь Б, што их три браты Корятовичи на Подольскои земли, a люди мужьныи, и он прислал ББ к князю Костентину кглеитовныи листы, со великою тверъдостию и прося его, штобы к нему приЂхаль. A умыслив тое собЂ и своими паны, што в него сына не было, толко была одна дочька, захотель за него дочку дати. И князь Костентин на клегиитовных листех к польскому \л.106.\ королу Ђздил, и там какь ся ему посмотрЂло, не похотел к тои вЂре приступити, и опять на тых же листЂх В отехал Г до Подолъскои земьли и на своемь господарьстве умерл. A князя Юръя волохове взяли его собЂ воеводою и тамо его окормили, a князя Александра татарове убили. A здЂ брать четверьтыи, князь Федор Корятовичь, Новгородок держал. И услышал то князь Федор, што братии его в Подолскои земли не сьтало в животе, и он, шед во Подолскую землю, засел Подолскую землю. A в тыя лЂта князь великыи Витовт господаремь стал на Литовскои земли, и Подолъская земля не хотела была пошлушна быти князя великого Витовта и Литовскои земли, \л.106об.\ как же пред тым послушна была. И кьнязь великыи пошел со всими силами литовскыми к Подолию. И то вслышал князь Федор Корятовичь, выбегл ис Подолскои земьли ко Угромь, a городы осадил волохи, и вгорскыи князь Федору помочь дал. A князь велики Витовът первое пришед ко Брясловлю, и выма Брасловл пришел ко Соколцю, и Соколець вынял, и пришел ка Кеменцю в ночи, и Каменца добыл, a потомь Смотричь выняль и Сколу, и Черленыи городокь, и вси городы позаседал. И воеводу князя Федора, што на тых городех, на имя Нестиса, вынел, и по всимь городомь князь великыи Витовт свои старосты посажаль. A добыл литовскими силами, \л.107.\ a никто ему ни c которых сторон не помогали. Тогда пак корол почаль просити князя великого Витовта, рекучи: «Милыи брате, дал тобЂ бог, добыл еси Подольскои земли, учини ми тую честь, даи ми Подолъскую землю». Князь велики Витовт Д дал Подолскои земли половину королю y двадцати тисячех, дал Каменець a Смотричь, и Скалу, a Черъленыи городок, a Бокату, a на иных на всих Подолскых землях и городех князь велики Витовт свои старосты посажал, на Брясловли я на Соколци и на Беници. A корол в тые городы во двадцати тисячех пану Спытьку заставил, и коли князь великии билъся на татаръскомь побоищи, a пань Спытко приходил на помочь великому \л.107об.\ князю Витовту, и тогды пана Спытька убили татарове, a пани Спытковая стала вдовою, a дЂти малы. И корол почал присылати великому князю Витовту, рекучи, што «еси намь [дал] ДД половицю Подолъскои земли во двадцати тисячех пЂнезех, мы дали были во двадцати ж тисячех пану Спытьку, и пани Спытьковая вдовЂла, a дЂти малы, a от тар Е земли тои некому боронити.



Я На поле другим почерком и другими чернилами Котлубугу


А Так в рукописи АА B рукописи узнал нет Б Так в рукописи ББ B конце слова ъ переделан из ь В Ђ переделано из и Г B конце слова ъ переделан из ь Д B конце слова ъ переделан из ь ДД B рукописи нет Е Так в рукописи; д. б. татар \67\



Отдаи двадцать тисячеи пЂнезеи, a городы опять побери за себе». И князь великыи послал королу Ж сорок тисячеи на имя паномь Немиром a Дмитриом Василъевичемь, луцькым бояринемь, a городы своя опять поимал за себе и старосту своего посадил, дворенина своего Грановского. A под Грановскимь дал пану Петру \л.108.\ Монтикигрдовичь З, a под паномь Петром дал пану Дидикгоилду. Потомь дал пану Дидикглду Смоленеск, a пану Долъкгирду Подолье дал. Пан же Долъкгиръд старостил на всих тех городех на Подолъи и до великого князя Витовта смерти, a как князя великого Витовта в животе не стало и, приЂхавши ляхове, пана Долъкгирда из города ис Каменца созвали на раду к собЂ и до рады не допустивши самого иняли и огьрабили, и Каменець засЂли, и все тое забрали, што Подолъскои земли держать И. . .



Ж Буквы оролу написаны по стертому месту З После монти стоит точка И На этом рукопись обрывается















© Сканування та обробка: Максим, «Ізборник» (http://litopys.kiev.ua)
25.III.2003








Попередня     Головна     Наступна


Етимологія та історія української мови:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчанин, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



 


Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.

Iзборник. Історія України IX-XVIII ст.