Попередня     Головна     Наступна





ВІЛЕНСЬКИЙ ЛІТОПИС


Опис рукопису



У великого князя Кгедимина литовского 7 сынов было: старшии Монтивид, потом Нарамонт, потом Олкгирд, потом Евнутии, потом Кестутии, потом Кориат, семыи Люборт. Монтивиду отець дал Карачев и Сло\л.437об.\нимь, a Нарамонту Пинеск, Олкгирду, корелеву отцу, Крево; да к тому князь витебскыи сынов не дръжал, принял ко дочце в Витебеск. Евнутя осадил в Вилни на великом княженьи, a Кестутю дал Трокы, a Корьяту Новгородок, a Люборта принял волынскыи князь в всю землю Волынскую. Олкгирд, королев отець, a великого князя Витовта отець Кестутии бьтли y великои милости и в ласце. Князь великыи Евнутии в большиньст†буда не полюбился има, и змовилися межи собою братя, князь великыи Олкгирд и князь великыи Кестутии, как бы им его оттолЂ высадити, a которому бы промежу их сЂсти. И смовивши межу собою и рок учинили, которого бы дня к Вилни пригнати и засЂсти город под братом, великым княземь Евнутьемь. Князь великыи Олкгирд А c Витебьска не поспЂл к тому року к Вилни, a князь великыи Кестутеи пригнал к городу к Вилни и въгнал \л.438.\ в город. И Князь великыи Евнутии выскочил и убЂжал в горы и в дол и тамо озябе в ногы. И емше его привели к брату его, к князю великому Кестутю. Он жда брата своего старшого, великого князя Олкгирда, посадить его за сторожею, a противу брата своего, великого князя Олкгирда, пошлеть гонца, што вже в Вилни сЂл, a брата своего, великого князя Евнутя, инял. И стретить его гонець y КревЂ, и князь великыи Олкгирд борздЂи поспешить ехати к брату своему, ко князю великому Кестутю. И князь великыи Кестутии рече брату своему, великому князю Олкгирду: «ТобЂ подобаеть княземь великым быти y Вилни, старшии брат, a я c тобою заодно живу». И посади его на великом княжени y Вилни, a Евнутью дали Жаславль. A доконча оть межи себе князь великыи Кестутии, што брати своеи послушным быти великого князя Олкгирда, a то собЂ въпЂвнять: што придобудуть, горы Б или волости, да то дЂлити наполы. A быти има до живота y любви и y вели \л.438об.\ кои милости, a присягли промежи собою, што никому межи их зла не помыслити. Такоже и были по реченнои правдЂ и до своего живота. Сынов же было y великого князя Олкгирда 12, a y великого ккнязя В Кестутя 6 сынов было. A межи всих сынов своих любил великыи князь Олкгирд князя великого Якгаила, и великыи князь Кестутии полюбил великого князя Витовта. И нарекли при своих животех, што им быти на своих мЂстЂх, на великых княженьях. Они пак, князь великыи Ягаило и князь великыи Витовт также y великых дружбах были при отцех своих. Потом пак князь великыи Олгирд умре, и князь великыи Кестутии, не оставя слова брата своего, великого князя Олкгирда, так и до своего живота у-в одинацст†c ним были, почнеть дръжати князем великым в Вилни сына, князя Якгаила, и почнеть также приеждати \л.439.\ к старым думам, как и к брату приеждивал к старшему. НЂхто пак y великого князя Олкгирда холоп Воидило. Пръвое был пекарцом, a потом уставил его постелю собЂ слати и воду давати собЂ пити, потом пак полюбился ему велми, и дал был ему Лиду дръжати, и повел его y великых. Потом по животЂ великого князя Олгирда д†лЂтЂ болши ль было, князь великыи Ягаило поведеть его велми y высокых и дасть за него сестру свою родную, княгиню Марью, што потом была за князем Давыдом. Князю Кестутю великую нелюбов и жалость вдЂлал, што братанну его, a сестру свою, за холопа дал. И был тои Воидило y великои моци y великого князя Ягаила, и почал в нЂмьци собЂ соимы чинити и записыватися грамотами противу великого князя Кестута. НЂхто пак был острозкыи кунтур, звали его Гунстыном. Тои был кмотр князю великому Кестутю, крестил княгиню Яну\л.439об.\шеву, дочку его. Тои повЂдал князю великому Кестутю: «Ты того не вЂдаешь, как князь великыи Ягаило посылаеть к нам чясто Воидила и уже записался c нами как тебЂ избавити своих мЂст, a ему ся бы достало и c матерью ВВ великого князя Ягаила твои мЂста».



А Так в рукописи Б Так в рукописи; в C град В Так в рукописи ВВ Так в рукописи; д. б. сестрою



Князь великыи Кестутеи вЂдал, што князь великыи Витовт горазда живеть c князем великым Ягаилом, и почнеть жаловатися сыну своему, великому князю Витовту: «Ты c ним гораздо живеш, a он уже записялся c нЂмци на нас». И князь великыи Витовт рек отцу своему: «Не вЂруи тому, зан же c мною гораздо живеть, ачеи \86\ бы ми явил». Потом пак явидося великое знамение: князь великыи Ягаило дал был Полтеск брату своему, князу Скиргаилу Г, и они его не приняли. И князь великыи Ягаило пошлеть рать Д свою всю литов\л.440.\скую и рускую и з братом своим, c князем Скиргаилом, к Полоцку, и оступять город. И князь великыи Кестутии опять почал жаловатися сыну своему, великому князю Витовту, и проплакивая на князя Ягаила: «За Воидила сестру свою дал, a мою братанну, a з НЂмциявлено, што нЂмци записалися на нас, a се пак третие: c кимь ся мы воюем? C нЂмци. A они c ними Полоцка добывають. Уже то проявилося, што они заодно певно стали на нас c нЂмци». И князь великыи Витовт рекл отцу своему, великому князю Кестутью: «Еще тому не довЂряю гораздо». A рекл то великыи князь Витовът и поехал к городу Дорогичину. Князь великыи пак Кестутею, събравъся c вс[и]миЕ вои своими, и вженеть y Вилню, и иметь великого князя Ягаила и c матерыо его и з братьею, и грамоты наидеть, што снЂмъци записалися, и к сыну своему \л.440об.\ гонца пошлеть, к великому князю Витовту к Дорогичину, што тая дЂла сталася. И гонець тои наидеть великого князя Витовта y ГороднЂ, и князь великыи Витовт за один день з Городна приженеть к отцу своему, великому князю Кестутью. Он же рекл сыну своему, великому князю Витовту: «Ты мнЂ не вЂрил, a се тыи грамоты, што записалися на нас, но бог нас остерег, ино я великому князю Ягаилу ничого Ж не вдЂлал, не рушил есми ни скарбов его, ни стад, a сами y мене y нятст†ходять за малою сторожою, а З отчин, a отчину З его, Витебск и Крево и вся мЂста, што отець его дръжал, a тое все ему даю, ни в што не въступаюся. A то вдЂлал есми стерега головы свеи И. И почул есми, што на мене ИИ лихо мыслять». И князь великыи Ягаило урадовался \л.441.\ велми приезду князя великого Витовта, и правду дасть князь великыи Ягаило великому князю Витовту и дяди своему великому князю Кестутю, што николи противу ему не стаяти, a завсе y его воли быти. И князь великыи Кестутии отпустил его з братею его и з матерью его, и c всим скарбом его. И князь великыи Ягаило поедеть до Крева, a князь великыи Витовт проводить его до Крева, a Ягаило поедеть c Крева к Витебьску. A как сЂд князь великыи Кестутии y Вилни, пошлеть два человекы к Полоцку, одного человека y рать, a другога к городу. И полочане урадовалися и кликнули на рать, и люди ратныи отступили К от князя Скиргаила и пошли к Вилни к велику КК князю Кестутю. И князь Скиргаило поидеть y НЂмци y Лифлянты c малыми слугами. Князь пак великыи Кестутии поедЂть к Северьскому Новугородку на князя Ко\л.441об.\рбута, a сына своего, великаго князя Витовта, оставил y Вилни. A ида к СЂверскому Новугородку велить Воидила обесити, a князю великому Ягаилу c Витебска поити было c ним же. То пак великыи князь Ягаило правду свою въборзЂ забыл, там не пошол и наговорил мЂстичи виленскыи и Ганулеву чадь засЂсти Вилню. A y тот час князь великыи Витовт y Троцех был, и князь великыи Ягаило c Витебска c всими людми своими приженеть к Вилни. И князь великыи Витовт пошлеть к СЂверскому Новугородку к отцу своему c тою вЂстыо. A нЂмци пак и прусы услышавши тая дЂла, и маршалко прусскыи поиде на помочь ратю великою князю Ягаилу въскоре. A как услышавши то князь великыи Витовт, што прусы и нЂмци к Вилни и к Троком идуть, a князь великыи Ягаило з Вилни к Троком же идеть ратю c нЂмци сниматися, a он поедеть c Тро\л.442.\ков к Городну c матерью. A как приступить к Троком князь великыи Ягаило, и Трокы дадуться ему. И князь великыи Кестутии сына своего и жену свою в ГороднЂ наедеть и пошлеть ее к Берестью, надЂяся на князя Януша мазовецкого, зятя своего, a сам поиде y Жомоить, a сына своего, великого князя Витовта, оставил y ГороднЂ. Князь пак Януш забыл добра и приязни цтя своего и тещи и шурьи своеи, поидеть ратю к Дорогичину, Догочин Л възмЂть и Мелник осадить, Сараж, Каменець извоюеть, и оступить в Берестьи тещу свою. Берестья нЂ добыл поиде проч, осадив тыи два городы, Дорогичин и Мелник.



Г Далее стерто несколько букв, видны следы y Д Приписано c выносным знаком внизу листа Е После c стертая буква Ж Первое o переделано из e З—З Так в рукописи И Так в рукописи ИИ Второе e переделано из a К Так в рукописи КК Так в рукописи Л Так в рукописи



A князь великыи Кестутии събрав всю свою жомоить, поиде к рецЂ Велии, и князь великыи Витовт, събрав всю свою рать отчины своеи, поиде из Городна напротиву отца своего, и съимуться на Вельи вышеи Ковна д†мили. И ту перевезЂться рать и поидуть к Троком и, пришедши, оступять Трокы. \л.442об.\ И почуеть великыи князь Кестутеи, што великыи князь Ягаило з Вилни идеть ратю, a c ним немецкая рать и лифлянскаа. Ино первЂи нЂмци обоим неприатели были, князю великому Кестутю и князю великуму Ягаилу. A ce пръвое: лифлянскаа рать на помочь приходила князю Скиргаилу к Полоцкому, a потом c маршалком прускаа рать к Троком приходила, a што вже лифлянская \87\ рать третие c ним же приходила; то вже знакомитыи вышли, што c ними заодно стали противу великому князю Кестутю. И выступить великыи князь Кестутеи и c сыном своим, великым князем Витовтом, противу великого князя Ягаила. И еще не съшедшимся полком за три или за четыри стреленя, и приженуть князи и бояре от князя великого Ягаила до князя великого рати КестутевЂ, почнуть пытати великого князя Витовта, што быхмо c ним поговорили. \л.443.\ Почнуть говорити великому князю Витовту: «Князь великыи Ягаила послал нас к тобЂ М, штобы еси уднал нас c отцем своим М, што быхмо держали свое, a вы свое, a бою бы межи нас не было и кровопролитя. Ты бы приехал к брату своему, к великому князу Ягаилу, a мы тобЂ на том правду даем, што тобЂ чисто опять y воиско свое отехати, ачеи бы межи вашеи милости што доброго сталося». Князь великыи Витовт рекл им так: «Правду y вас бЂру, штобы також князь Скиргаило y мое воиско приехал, a такеж бы правду дал, a я выеду». И они послали к ккязю Скиргаилу. Такеж правду дал великому князю Витовту, как они правду дали. И князь великыи Витовт поехал к князю великому Ягаилу в его воиско, a гуфы стоять, промежи себе не починаа ничого. И князь великыи Ягаило почнеть просити великого князя Витовта: «штобы еси промежи нас уеднал, a кровопролитья бы не было». И князь великыи \л.443.\ Витовт правду взял y великого князя Ягаила за отца своего, што отцу его, великому князю Кестутью, съехався отять Н чисто розехатися. A рекл великыи князь Витовт князю Ягаилу: «Еще, брате, пошли до князя Скиргаила, штобы он и я дали быхмо правду отцу своему, иже бы ему чисто приехати и опять отехати y рать, a князь бы Скиргаило от тебе дал правду». И князь великыи Витовт c князем Скиргаилом уедеть к отцу своему, великому князю Кестутю, y воиско и дасть правду отцу своему, от князя великого и от себе. И князь Витовт c отцемь своим, c великым князем Кестутем, оба поидуть и з воискы, надЂяся на тыи правды. Князь же великыи Ягаило переспупив О свои слюб и правду, мовить: «Поедь П к Вилни, и тамо докончаемь». A в том воиска ничего не починали и оставили. A как \л.444.\ к Вилни приехав, князя великого Кестута оковавши и послал к Креву и всадили y вежу, a князя великого Витовта оставили еще y Вилни. И тамо в Кре†пятое нощи князя великого Кестутя удавили коморникы князя великого Ягаиловы: Прокша, што воду давал ему, a БЂлик Мостев брат, a Кучук, a Лисица Жибенътяи. Такова смерть пригодилася князю великому Кестутю. По смерти пак великого князя Кестута пошлеть великыи князь Ягаило князя великого Витовта y Крево и c женою, a велить его твердо държати y комнотЂ. Помщая Воидила, што был эа него сестру свою дал, дву велЂл на колесЂ розбити, одного, Видимонта, дядю маткы великого князя Витовта. Он, брат маткы его, што дръжал Ульяну, потом была за Монивидом; a иных бояр много постинали, помщая того Воидила. Князь пак великыи Витовт седЂл y Креве y комнатЂ за твердою [с]торожою Р, a жонцЂ д†ходили \л.444об.\ покладывать князя y комноту, положив да вон идуть, a сторожи около. То пак великая княгини слышав от людеи: иметь людеи великыи князь Витовт должеи сЂдЂти, аль пак также изгадають над нимь, как и над отцемь его. И пригадала ему так: как жонкы приидуть покладать, ино ему одное жонъкы порты ускладши да выити вон и з другою жонкою, a тои жонце остати y нее, y которое портех вышол. A так его научить. И он так вдЂлаеть, да и спустился з города и утек з города в НЂмци и y Прусы. Бывшу же ему в НЂмцех и y МаринЂ градЂ y мистра, приехаша к нему мнози князи и бояре литовъскыи, он же почял воевати Литовскую землю, a c помочю немецкою. A князь великыи Ягаило c матерью, великою княгинею Ульаною, y Витебску, a брат его, князь Скиргаило, y Литовскои земли y Tpoцех. A князю великому Витовту С \л.449.\ чясто воючи Т Литовскую землю, a великому князю Ягаилу и Скиргаилу невъзможно им стати противу ему, занеже бо в него събралася великая сила. Тогда князь Агаило перезвав его c НЂмци и дал ему Луческ c всею Волынскою земьлею, a y Литовскои земли y отчинЂ его. Короля Казимира кроковского в животЂ не стало, и сынов в него не было, только одна дочка Ядвига. И почали ляхове слати c Кракова к великому князю Ягаилу, абы принял крещение старого Рима и понял бы в них королевну Ядвигу и стал бы в них королем в Крако†и на всеи Лядскои земли. И он же, великыи князь Ягаило, почал ся радити c матерью своею, княгинею Ульяною, и c братею, и c всими князи и бояры Литовское земли, и поехал к Кракову, в Лядскую землю. Тамо ся крестил [и] У братя его, и мнози бояре Литовское земли.



М—М Нanucaно на поле тем же почерком u теми же чернилами c выносным знаком Н Так в рукописи О Так в рукописи П Так в рукописи Р Бумага, где была буква С, вырезана С Далее листы рукописи перепутаны Т Так в рукописи У Чернила выцвели



И понял за себе \88\ королевну Ядвигу, [и к]орунован Ф того королевства \л.449об.\ коруною. И оттолЂ почал крестити Литву y латынскую вЂру, и прислал арцибискуп бискупа к Вилни в Литовскую землю, и тогда начяша стави Х костелы в всеи Литовъкои ХХ земли. Тое же зимы корол[ю] Ц бывшу y Крако†c всими князми литовскыми, князь АндрЂи полоцкыи приидЂ c нЂмци c лифлянты, c всею латыголою на Литовскую землю и, повоевав, много пожже мЂст и сел, градом же в Литовскои земли ничого не вчини и пакы възвратися в свояси. Тое же зимы князь Святослав смоленьскыи совЂт c княземь АндрЂемь полоцкым сътвори: он в Литву, a князь Святослав ко Рши. И миру много зла учини, хрестианы не человечьскы мучиша, ниже ни на поганых ратех слышахом такых мук. И збираху бо их и запираху y своих избах и зажигаху, a другыи великыи хра[м]ы Ч \л.445.\ очапы поднимаху и христиане под стЂну главами кладаху и зажигаху, a иныи жоны и дЂти на колье тыкаху, и иных мук над хрестианы, их же срама ради не писаху, яко же ни Антиох сирскыи, ни Улиан преступник такых мук не сътворил над хрестианы, граду же Рши ничого не успЂша и пакы възвратишася в свояси. Тое же зимы на весну y великыи пост начя Святослав думати c смоленьскыми бояры на хрестианское кровопролите, акы сверЂпии звЂрие, яко не хрестиане. И поиде к граду Мстиславлю, и ста y града Мстиславля, и поча добывати град, опорокы бити град, a в землю Мстиславскую уступи, много пролитиа крови хрестианское. Бысть богу мерзко зрЂти: зовущимся хрестианы, a братю свою хрестианы не человечьскы мучишя. Князь же великыи Скиргаило и князь великыи Витовт приехаша из Ляхов от брата сво[ег]о Ш короля и слышаше, яко князь \л.445об.\ Святослав смоленскыи преже был под Витебьском, a потом ко Рши приходил, a под Мстиславлем стоить опорокы бьеть. И зъжалився великыи князь Скиргаило, поиде з братею своею, c великым князюмь Витовтом и c Костянтином, и c Корбутом, и c Семеном и c Локвенем. И помяну слово божие, иже рече: «В нюже мЂру мЂрите отмЂрится в нем, a што сЂете, то и пожнете. И рекошя: «Мы ему никоего зла не сътворишя, a он c нами y докончании буда и переступив хрестианьское цЂлование нашу землю воюеть, и кровь хрестианьскую проливаеть. Мы же поидем на нь, надЂяся на бог и на крестную силу». Приидоша к граду Мстиславлю. A князю Святославу стоявшу y града и вынемши Щ порокы град Мстиславль на стростнои недели в пятницу, a как услышав князь Святослав, што идеть на н[ег]о Э \л.446.\ великыи князь Скиргаило и з братею, и он исполъчив воя своя, и поиде противу им. Яко исътупишася полци, бог же по Давыда пророка слову сътвори, иже рече: «Обратися болЂзнь его на главу его, и на връх его неправда его снидеть». И пакы. «Ров изрыи и ископав, и впадеся в яму, юже сътвори». Бог же поможе великому князю Скиргаилу и князю Витовту, a князь Святослав побЂже c всими князми и c бояры смоленскыми. Божею силою туто немало избито бысть рати, и множество князеи и бояр. И самого великого князя Святослава убиша, сына же его, князя Юрья, князь великыи Скиргаило обретЂ y трупех много ранена, толко жива. И взят его, и нача лечити многы лЂкарьствы, и главу ему постриже, зан же мно ЭЭ ранен и отчаял собЂ живота. Князь же великыи Скиргаило, исцЂлив его от ран и привезе к матери его, великои княгини Святославли, и посади его на веком Ю княженьи в Смоленску, зан же бысть за княземь Юрьем дочка старшеи сестры Ск[ирг]аиловы Я. Отшед же от града Смолен\л.446об.\ска великыи князь Скиргаило и поиде y свою землю Литовьскую, и нача жити в Троцех, и в Вилню прислал король старосту лядского. A князь великыи Витовт тогда дръжал Луческ и всю землю Волыньскую, a в Литовскои земли, y очинЂ его. Бысть ему нужно, иже чого перед тым не было y Литовскои земли, старонам владЂючим великым княжньемь. Тогда совЂт сътворишя c многыми князми и паны Литовское земли. Тогда бо Скиргаилу отехавшу к Пололоцку А, и князь великыи Витовт приеде y Вилню, хотя ю засЂсти, a княгиня его великаа Анна в ГороднЂ. Вилневци же тогда не вдашася ему, зане бы тогда правду дали королю Скиргаилу. Он же тогда не озем Вилни и поде к мистру и c своею княгинею, и c своими князми, и боары и оттоле начят воевати Литовскую землю c нЂмци. Уже взял был Литовское земли по рЂку Велью, и Подтеск град дасться ему. И узри король и князь великыи Скиргаило Б, \л.447.\ яко уже не могуть удръжати земли Литовское перед великым князем Витовтом, и князь великыи Витовт c немецкыми силаки поиде к Вилни.



Ф Чернила выцвели Х Так в рукописи ХХ Так в рукописи Ц Буква ю оторвана Ч Место, где была буква м, проедено молью Ш Место, где были буквы ег, проедено молъю Щ Так в рукописи; в C бивши Э Место, где были буквы ег, проедено молью ЭЭ Так в рукописи Ю Так в рукописи; д. 6. великом Я Место, где были буквы ирг, проедено молью


А Так в рукописи Б Далее незаполненное место на пять букв



И стрЂти его Скергаило и з братом своим Вигонтом и c литовскыми вои на рецЂ на Вельи, y городка, на мЂстЂ нареченом Веикулишкы. И съступившемься \89\ полком, и бог поможе великому князю Витовту, и побЂжени быша литва, и побЂгла, и цобито их множество. A иных князеи и панов много поимали и в нятство дали: князя Семена Евтутеевичя, князя ГлЂба Святославичя смоленьского, князя Василья Костянтиновичя, князя Ивана Тету, Лва Плаксича и иных князеи иоимано было много. И поиде великыи князь Витовт к граду Вилни c всими своими вои, и оступи град Вилню, и почя добывати Кривого города, пушками бити, и добыл; тогда же нЂмци убишя князя Коргаила Олкгирдовичя. A лядскои заставЂ, тогда бывъшу [у Вы]соком В городе, и не пустиша \л.447об.\ y город князя Коргаило ВВ. Князь же великыи Витовт озма Кривыи город и землю звоевал и вернеся y НЂмци. Того же лЂта к великому князю Витовту y Немци, в Марьинград, приидоша послы c Москвы от великого князя Василя Дмитреевича, прося дочкы великого князя Витовта за великого князя Васильа Дмитреевича. Князь же великыи Витовт дасть дочку свою, княжну Софю, и отпусти ю з Марьинаграда, и c нею посла князя Ивана Олкгимонтовичя из града Данска. И поидоша корабли за море, и приидоша ко граду Пьскову, они же велику честь въздаша им, проводиша их c честью до Великого Новагорода Г. Новгородци же пакы им честь въздашя, проводиша их c честью до града Москвы к великому князю Василью Дмитреевичу. Князь великыи посла противу им c честью братю свою: князя Володимера АндрЂевичя, князя Юрья, князя Д АндрЂя Дмитреевича и иных князеи бор Е много. СтрЂтошя великую княжну Софью c великыми честми. Тогда же священномитрополит Киприан c епископы c всЂм [священнич]искым Ж \л.448.\ чином срЂте честно c кресты пред городом Мосъквою. И сътвори брак честен, и вЂнчает великого князя Василья Дмитреевичя и c великою княжною Софьею, и бысть брак чуден зЂло и чьсти достоен, и бысть веселье много. Мы же на преднее възвратимься. Князю же буда y мистра в НЂмцех, y МаринЂ градЂ, и присла к нЂму король посла з братом своим князем [С]киргаилом З, a рек: «Болше, брате, не теряи земли Литовское, отчины нашее и свое, поиди к нам y мир и в великую любов братскую, възми собЂ княжнье великое y Вилни, стол дяди своего, великого князя Олкгирда, и отца своего, великого князя Кестута». Князь же великыи Витовт совЂт сътвори c князми своими, c князем Юрьем Наримонтовичом БЂльскым и c княземь Иваном Олкгимонтовичом, и поиде y Литву и сяде в градЂ Вилни на столЂ дяди своего, великого князя Олкгирда, и отца своего, великого князя Кестутя. И ради ему вся земля Литовьская и Русская. Князь Корбут Олгирдовичь начя в непослушенст†быти y великого князя Витовта, и начат збирати вои свои, и поиде противу. Князь же великыи Витовт посла вои свои, [Вас]иля И Бореиковичя и Кгинивила \л.448об.\ противу ему, и ступишася вои на мЂсто на НедокудовЂ, и побежени быша вои князя Корбута, и почаша бЂгати, и побито их много. Сам же князь великыи Корбут бежи в Новъгородок К и ополчися, ту же бе и княгини его и дети. Князь же великыи Витовт събра вси вои свои и самь поиде к Новогородку и Новгородок озма и князя Корбута и княгиню его и дЂти в няцство посла. Преставися княгини великаа Олкгердоваа. Король же великыи приказа град Витебск соколничему своему Федору ВеснЂ. A князю Швитриилу Л тогда младу бывшу, и начя Федорь Весна владЂти градом Витебьском и всею землею приказанием короля Ягаила. Князь же Швитригаило не можаше тръпЂти, што Федор Весна градом володЂеть, a его не послушан, он же Феодора уби, a город Витебск засяде. Бысть же королю Ягаилу великаа жалость o том, и писа грамоту брату своему, великому князю Витовту, иже бы его жалости месть сътворил. Князь великыи Витовт понял c собою Скиргаила, и съвъ[купи М воиско \л.449.\ великое литовское и при]де к граду Витебску [на князя] Скиригаила. И прииде к граду Друцку, друц[кыи] же князи стрЂтоша его и удариша чолом y службу. И оттуду поидуть к \л.450.\ граду Рши. Ршане же затворишася в градЂ и боронишася два дни, и удаша град. И оттуду поиде к граду Витебску на князя Швитригаила. Князь же Швитригаило затворися в градЂ, и нача великыи князь Витовт добывати града; ту же прииде на помоч смоленскыи великыи князь Юрьи Святославичь c всЂми смоленскыми силами и удари чолом велиму Н князю Витовту y службу. И начяша твердо добыти града Витебска, пушкы поставиша. Витъбляне не утръпЂша, начаша даватися великому князю Витовту. Князь же великыи Швитригаило выиде вон из града и удари чолом великому князю Витовту. Князь же великыи Витовт озма град Витебьск [по]иде пак к ЛитвЂ.



В Место, где были буквы y Вы, проедепо молъю ВВ Так в рукописи; д. б. Витовта Г Последнее a залито чернилами Д Далее три буквы стерты Е Так в рукописи Ж Mecmo, где были буквы священнич, проедено молью З Буква C оторвана И Место, где было написано слово, проедено молью; видны следы букв иля К Далее стертое слово Л Так в рукописи М Далее часть листа истлела; частично сохраниешиеся буквы даны в скобках, некоторые слова восстановлены no K u P Н Так в рукописи



Тое же зимы велик[ыи к]нязь Витовт \90\ поиде взмя [земл]ю Подольскую. A князю Владимиру Ол[гирдович]ю, тогда бывшу в КиевЂ, и [не всхотЂ] покоры сътворити вели[кому О \л.450об.\ князю Витовту, и п]риде великы князь Витовт [и взя]. . . место Вручии и приеха [к нему] князь Владимир. Того же лЂта на осень князь в[елик]ыи Витовт сведе его c Киева и дасть ему Копыль, a на Киеве посадить князя Скиргаила. Сам великыи князь Витовт поиде на Подрль[ск]ую землю, a князю Скиргаилу повелЂ ити c Киева к Черкасом и к Звинигороду. Князь же великыи Скиргаило божею помочю и великого князя Витовта повелЂнием възял Черкасы и Звинигород и възвратися пакы к Кыеву. То ж княжащу ему в КиевЂ, бысть же нЂкто чернець Фома Изуфов, дръжа намЂстницство от митрополита y святои Со[фЂи на] митрополичом дворЂ. Въ[схотЂвшу] же князю Скиргаилу ехати [за Днепр y ловы, то]и же Фома [позвал его на пир]. Князю же Скиргаилу, [будучи ему на пиру, аз же] того не вЂм, зане же [бЂх тогда млад, но нЂции] глаголют — тои Фома дал [князю Скиргаилу] зелье отравное пити. [И c того пиру князь Скиргаило поЂхаль] за Днепр к М[илославичом] П . . .



О Часть листа истлела. Слово u буквы восстановлены no K u P П Нa этом рукописъ обрывается; л. 450 об. почти целиком не поддается прочтению; здесь передается текст так, как он напечатан в т. XVII ПСРЛ















© Сканування та обробка: Максим, «Ізборник» (http://litopys.kiev.ua)
25.III.2003








Попередня     Головна     Наступна


Етимологія та історія української мови ua_etymology:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчани, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.