Уклінно просимо заповнити Опитування про фемінативи  


Попередня     Головна     Наступна





ЛІТОПИС АРХЕОЛОГІЧНОГО ТОВАРИСТВА


Опис рукопису



. . .тилася, которую называют святая Прикседы, a по-руски Поросковея, которои же y Риме и костел збудован на имя еЂ святое, и там же еЂ и положили. A брат еЂ, князь ГлЂб полоцкии, y молодых летех своих княживши y Полоцку немного лЂт, и умре, и положон был y святое Софеи y Полотцку со отцем своим y одном гробе. A полочане почали потом справоватися за се как y Beликом Новегороде и Пъскове, a пана над собою не мЂли. И возвратимся воспят.





О княжати Скирмонте


Скирмонту же княжучи на Новегородцы князь Истислав луцкии и пинскии почнет валку и c князем Скирмонтом, хотячи его выгнати з отчизны своеЂ, и з Беретя А, и з Мелника, з Городна и з Новагородка. И Скирмонт пошлет послов своих до великого князя литовского, што вышол ис Китавруса до Живинбудя, просячи его, абы помоч дал ему напротивку руси. Князь \л.43об.\ великии Живинбуд литовскии пошлет ему на помоч сына своего старшого Куковоитя и со всими силами напротиву Мстислава, князя луцкого и пинского. И на сеи стороне реки Яселды поразит князь Скирмонт князя луцкого и пинского наголову, и всю раду рускую, толко князь Мстислав в мале дружине ледва сам утечет в город Луцкои. A князь великии Скирмонт возмет город Пинеск и город Туров. И возгласи Русь великим плачем, иж так окрутне вси суть побиты от безвЂрное литвы. И князь великии Скирмонт сына великого князя литовскаго Живинбудева Куковоитя честовавши и обдаривши безчисленое множество золота, сребра и борздыми конми, и отпустил, почтив, до отца его, до великого князя Живинбудя литовскаго. И коли Куковоит приидет до отца своего Живинбудя, и мало при отцы своем побывши, и по\л.44.\том великии князь литовскии и жомоитскии Живинбудь умре, a сын его Куковоит сЂл на великом княжени Литовском и Жомоитском.





О цари заволзком Булаклаи


Будучи в тот час царем заволским именем Булаклаи, и прислал послов своих до великого князя Скирмонта, штобы ему выходы его дал и баскаки его ховал по тым городом по тому, как c тых городов хоживал за предков его, князеи руских. Князь великои Скирмонт под тое ся поддати не хотЂл, и тым послом его носы, губы, уши казал поврезывати и до него отпустил. И тот час на лето собравшися з многими силами, ордами татарскими, и пошол на Рускую землю, и много зла y Рускои земли учинил. A князь великии Скирмонт, собравши вси воиска свои, и поткал его на границы своеи в Коидонове, и поразил того царя и всю рать татарскую и побил, и самого царя убил, \л.44об.\ и звитежством великим пошол на Рускую землю, и взял город Мозыр и Чернигов, Стародуб, Карачев, и зо всими силами в целости, звитежство одержавши, вернулся назад. Имел князь великии Скирмонт трех сынов: старшии Тронята, другии Люборт, третии Писимонт.





О трех сынех Скирмонтовых


Князь великии Скирмонт y великои старости своеи умре, a сын его Люборт сяде на Карачове и назовется князь караченскии Б, a Писимонт на Турове сядет, a Тронята на Новегородцы; и пановали на тых городех много лет. Возвратимся воспят.



А Так в рукописи Б Так в рукописи.





О матери Куковоитове и o самом КуковоитЂ


B тых летех мати князя великого литовского и жомоитского Куковоитява Поята умре y великои старости своеи. Князь великии Куковоит, милуючи матку свою, и учинил болвана образом еЂ, чинячи еи память, и поставил \л.45.\ того болвана именем матки своеи Пояты вышеи озера Жосли, которыи же образ фалили и за бога мЂли тую Пояту. И потом тот болван згинул, и на том месцы выросли липы, и тыи липы хвалили и за бога их мели на имя тое Пояты аж и до сего дня. A затым князь великии литовскии и жомоитскии y великои справедливости, милуючи подданых своих, \92\ и сам Куковоит умре. И зоставил по собе сына на великом княжени Литовском и Жомоитском Утенуса, которыи же сын, милуючи отца своего, великого князя Куковоитя, и учинил болвана на память отца своего и поставил его на горЂ однои над рекою Светою недалеко Дивилтова, которого ж фалили и за бога его мЂли. И потом того В болвана згинул В, гаи вырос и люди тым фалили и прозвали его имянем пана своего Куковоитя.





О цари заволском КурдасЂ


Троняте пануючи на Новегородцы, в тот час царь заволскии \л.45об.\ Курдас повстал з многими силами татарскими на Рускую землю. И князь Тронята збереся з братею своею, c князем Писимонтом туровским a c князем Любортом карачевским, и со всЂми силами, и к тому обослалися князи рускими, c князем Семеном Михаиловичем друцким и c князем Давыдом Мстиславичом хуцким Г, и С[вя]тославом киевским. И совокупившимся им c одного, пошли противу царя Кердуса и всее рати его заволскои. И поткалися з ним за Мозыром не рецЂ Окуневци, и вдарилися полки межи собою, и учинили бои лют от поранку ажь до вечера, и поможет бог великому князю Троняте и князем руским, иж царя Кирдася и все воиско наголову побили, ледва сам царь y мале дружине утек. И в том бою убили двух братов князя Тронятиных: князя Писимонта туровского a князя Люборта карачевского, a князя Семенова сына друцкого Михаила, a князя Давыдова сына луцкого \л.46.\ Андрея, и иных бояр много убили. И князь великии Троята, звитежство одержавши и добытку великого, золота и сребра и каменя, и жемчугу, и шат дорогих набравши, отоиде восвояси, a князи рускии также во своя грады отидоша. И пануючи князь Тронята не мало лЂт и умрет, и зоставит по собе сына Ринкголта Д на великом княжени Новгородском Олкгимонта Д. И Олкгимонт княжив не мало, и умре, и зоставит по собе сына Ринкголта на великом княжени Новгородском. И княжачи Ринкголту не мало лЂт на Новегородцы и на многих городех руских, и учинят змову межи себе князи рускии, почати валку против великого князя Ринкголта, a хотячи его согнати з отчизн своих, городов руских, наипервеи Святослав киевскии a Лев володимерскии, a Дмитреи друцкии. И собравшися вси три полки своими, и пошли против великого князя \л.46об.\ Ринкгвилта, и узяли тыи рускии князи татар на помоч собе от царя заволского неколко тысяч. И князь великии Ринкголт поткал их на реце Немне на Могилнои, и вчинил з ними бои лют, и билися межи собою велми крепко, почонши от поранку уж до вечера самого. И поможе бог великому князю Ринкголту, иж князеи руских и всю силу их и орду татарскую наголову поразил и сам звитежством одержавши, з великим веселием и добытком злата и сребра, и великим набытем скарбов, и возвратился восвояси. И пришед до Новагородка, и рознеможеся, и умре без плоду; тот ся доконал род княжати римского Палемона. A иныи поведают, рекучи: и тот Ринкголт, пришодши з оного побоища до Новагородка, и был y Новегородцы и уродил трех сынов, и зоставит по себе на великом княженю Новгородском Воишвилка, и сам умре. Ино далеи o том Воишвилке и не пишет. Тому конец \л.47.\





О княжати литовском Швинторозе, сыне УтенусовЂ


По смерти Ринкголто†[панове] ДД, жалуючи господаря своего прирожоного, и узяли собе господарем князя литовскаго и жомоитского, сына Утенусова c Китаврасу, Швинтрогамло Е. Княживши Швинтрогу на Новегородцы и на руских городех, и отец его, князь великии литовскии и жомоитскии Утенус, умре, и сын его Швинторог по смерти отца своего начнет княжити на Великом княжестве Литовском и Жомоитском, и Новгородском, и Руском. И уродил Швинторог сына Кгирмонта. И оберет собе великии князь Швинторог месцо на пущи велми хорошо подле реки Вели, где река Вилня упадывает y Велю, и просил сына своего Скирмонта, абы на том месцы было жглищо учинено, где бы его мертвого сожгли. И приказал сыну своему, абы по смерти его на том месцы, где бы его зжог, и всих князеи литовских и знаменитых бояр \л.47об.\ сожено было, и штобы вжо нигде инде телеса мертвых не были сожены, толко там, бо и перед тым жыгали тела мертвых на том месцы, хто где умрет. И приказавши тыи слова сыну своему Скирмонту, великии князь Швинторог и умре.



В—В Так в рукописи; в P a потом тот балван згнил и там гаи вырос Г Taк в рукописи; в P u K Луцким Д—Д Так в рукописи ДД Добавлено редакцией С Так в рукописи \93\







О великом князе Скирмонте


Великии князь Скирмонт зостал по отцы своем на Великом князьстве Литовском и Жомоитском, и Руском. И подлуг отца своего приказаню на том месцы, на усти реки Вилни, где y Велю упадывает, вчинил жглищо, и там же тЂло отца своего сожег, и коня его, на котором еждивал, и шату его, которую ношивал, и хорта его зъжог. И от тых часов прозвано Швинтрогоро и на имя того великого князя. И коли которого великого князя литовского албо пана сожжоно тело, тогды при них кладывали когти рыси або медвежи для того, иж веру тую мели, иж судныи \л.48.\ день мел быти, и так знаменали собе, иж бы бог мел приити и седети на горЂ высокои и судити живым и мертвым, на которую будет гору трудно взыити без тых ногтеи рысих або медвежих, и для того тыи ногти подле тых кладывали, на которых мели на тую гору лезти и на суд до бога ити. A так, ачколвек поганыи были, a вжиж потом собе знаменали и в бога одного вЂриля, иж судныи день мел быти, и вЂрили з мертвых востаню и одного бога, которыи мает судити живым и мертвым.





О мужах латынских Ж как пришли в Жомоить


И пануючи великому князю Скирмонту, и собралися мужи латыголове, которыи седели над берегом морским, окияном морем, и пришли в землю Жомоитскую, и шкоды многии починили, и кровопролитя в людех жомоитских от них много стало. И князь Скирмонт, собравшися c силами своими и поиде на них \л.48об.\ в землю их, и их самих выстинал, и инших в полон вывел, и землю их пусту вчинил. И в тот час по выехани великого князя Скирмонта зь земли Латынголские пришли немцы з-зо моря до тое же земли Лотыголские, и тую же землю заселили, и паны тое Латыголское земли называлися Выфлянты. И потом многии лЂта пановал князь великии Скирмонт, зоставит двух сынов, Трабуса a Коликина, и Трабус начнет княжити на земли Жомоитскои, a Коликгин на земли Литовскои З и Рускои. Княжил много лЂт и умре. И почнет потом княжити сын его Роман. И по малом часу умре князь великии Тробус, дядя князя Романов И. Княжити князь великии Роман на земли Литовскои и Жомоитскои и Рускои. И Роман уродил пять сынов: старшыи Наримонт, другии Довмонт, третии Голша, четвертыи Кендрус, пятыи Трокгент.





О пяти сынЂх Романовых


По смерти великого князя Романа \л.49.\ начнет княжити сын его старшии Наримонт, и учинит город Кернов, и знесет з Новагородка столец до Кернова, и начал княжити, и назовется великии князь литовскии и новгородскии и жомоитскии. A братя его Довмонт сядет на отчизне своеи, на Утене, и назовется князем утенским. A третии брат его, Голша, перешод реку Велю, и нашол гору красну межи горами над рекою Вилнею y мили от устья реки Вели ИИ, где упадывает y реку Велю, против Раконтишок, и учинил город, и назовет его именем своим, Голша. И немного бывши там, ездечи оттоле в ловы в пущу за десять миль от того города своего, наидет гору красну и ровнинами великими беблячную К и обфитостями наполненую, и сподобалося ему там, и он и там поселился, и на тои горе учинил город над рекою Корабсем Л, и перенесетца оттоле, и там начнет княжити, и назоветца князем Голшанским. И пятыи брат, Троидень, \л.49об.\ мешкал при брате своем, великом князе Наримонте. И доведолся великии князь Наримонт, што же князь М ятвезкии измерли, a люди их без господаря мешкают. И князь Наримонт поидет на них и они не противячися поддалися и поклонилися ему, и он, оставивши Н им господарем Н и вземши их, дал брату своему Троиденю за вдел.



Ж B Рум. О Латыгалских З к переделано из другой буквы И B других летописях далее и начнет ИИ B K Вилни К B K облеглую; в P объляглую Л B К, P Кораблем М Так в рукописи Н—Н Так в рукописи



И князь великии Троидень наиде гору красну над рекою БЂбрею, и сподобалося ему там велми, и зарубит город, и назовет его Раигород, и прозовется князем ятвезским и доновским. И будучи ему там на кнежени, велии валки чинил з ляхи и з русю и з мозовшаны, и завжды зыскивал, и над землями их силныи окрутенства чинил, што ж вышеи описует y рускои кроинице, иж горшии был тым землям и окрутнеишии на них, нижли Антиох сирскии и Ирод ерусалимскии, и Нерон римскии, так был окрутныи и валечныи. Князь же великии Наримонт поимет жену y лифлянского реченого Флядрыи, \л.50.\ дочку его, и брат его Довмонт в того же Флядра другую дочку его. И немалыи час живучи, рознеможеся жена князя Домонтова утенского и умре. Князь великии Наримонт, слышав смерть невестки своеи, жаловал велми, и будучи сам немощен, и послал жену свою до брата своего Домонта, жалуючи жалости его. И коли приехала жена Наримонтова \94\ до Устены О, жалуючи деверя своего, князя Домонтя, князь Домонт, видевши невестку свою, возрадовался велми, a рек так: «МнЂ было жоны искати, a ce мне бог жону дал». И понял ее за себе. И в том стала великая брань и росторжка межи братею, великим князем Наримонтом и князем Домонтом. Князь великии Наримонт, видечи жалость свою великую, иж брат его жену его за себе кгвалтом взял, и обослал братю свою, князя Кгедроитя, и князя Голшу, и князя Троиденя, \л.50об.\ и тестя своего Фладра вифлянского. И собравшися з братею и со всими людми своими, и потягнув на брата своего, князя Домонта, и обогнал его y городе Утене. И поразумел князь Домонт, што не мог ся ему оборонити, и просил горожан своих, абы не подали ему города, поколь бы он прошол воиско Наримонтово. И сам спустился з города, и прошедши воиско, и побежит и приидет к городу Пскову. И мужи псковичи, видевши его мужа честна и разумна, и узяли его собе господарем и назвали его великим князем псковским. И Наримонт, узявши город Утеню, княжил на Кернове и на Новгородцы, и на Жомоити, и Давмонт на Пскове, и обадва немалыи час княжили. И Троиден пак поимет жену y княжати мазовецкого дочку, и мел з нею сына, реченого Римонта. И коли сын его Римонт доростал лЂт своих, и отец его Троиден дал его \л.51.\ для наученя языка руского до Льва Мстиславича, которыи заложил город во имя свое, Львов. И мешкаючи Римонту y князя Лва, навчился языку рускому, и сподобалася ему вера християнская и окрестился, и вразумел, иж тот свет ничого не есть, и отпустивши свет пострыгся y чернцы, и названо имя ему Лаврыш. И будучи y чернцох, пришол до дядка своего Наримонта и просил его, абы ему дал y Новгородском повете месцо на пущи подле реки Немна, где бы собе монастыр збудовати мел, и он ему допустил. И он собе там монастыр збудовал, и поставил напервеи церков святого Воскресения, и оттоле прозвано Лаврышов монастыр. И будучи ему y монастыри, дядко его умрет, и панове литовскии и жомоитскии взяли великим князем Троиденя. И пануючи великому князю Троиденю, и князь великии \л.51об.\ Довмонт, пришодши зо Пскова, возмет город Полтеск и имет княжити на Пскове и на Полоцку. И жаль было ему того велми, иж брат его меншии осЂд панства y Литве, и почал o том мыслити, как бы его o смерть приправити. A в тых часех Троиденю пануючи, змерли ему обадва брата, князь Голша и князь Кедрус. A з оное вышеиписаное вазни князь великии Домонт направил шесть мужиков на брата своего Троиденя забити, где ж он шол безпечне з лазни, и тыи мужики его зрадне забили. A сам Домонт, собравшися з людми своими псковскими и полоцкими, и потягнул до Литвы, хотячи быти князем литовским и жомоитским. И реченныи чернец Лаврыш, по-литовски зовемыи Римонт, a по-рускии Василеи, жалуючи смерть отца своего великого князя Троиденя, оставивши чин черне\л.52.\ческии и пришол до панов, собравшися со всими силами литовскими, и потягнул противу Домонта, хотячи помстити кров отца своего. И ополчившися c полки своими, и поткалися з Домонтом над озером, и сшедшимся им c полки своими c обу сторон, и был межи ними бои и сЂча не мала зрадная П аж до вечера, и поможе бог Лаврышу, и все воиско дяди своего Домонта поразил и самого убил, и город Полтеск взял. И возвратившися к столцу отца своего до Кернова, и рек паном: «Кды мнЂ бог дал помстити кров отца своего, a я света того отрекся и взял есми на себе чорную ризу, господаръства не хочу. Возмите собе господаря, кого воля ваша будет. A вед же ражу вам: ачколвек есть братя моя, Голшын сын Олкгискимонт Р, a Кердов сын Кгинвил. Ино еще малы суть, не годятся на панство, бо дядко мои Наримонт, коли сел на Великом \л.52об.\ княжестве Литовском, герб свои Китаврус зостави братии своеи, a собе уделал герб — человека на кони з мечом, a то знаменуючи через тот герб пана дорослого, хто бы мог боронити мечом отчизны своея. Про то берите собе господаря доброго, хто бы мел боронити того панства, Великого княжества Литовского. И так ми ся видит, иж бы к тому годныи был Витены, которыи был маршалком y отца моего». И панове не хотели переступити рады a воли господаря своего прирожоного, сына великого князя Троиденява, вчинили так: видечи мужа мудрого a годного Витеня, которыи же был з рожаю a c поколеня Колюмнов, з ыменя держаного в Жомоити, реченого Аирякгола, взяли его собе великим князем литовским и жомоитским. Ехал через именя его Аирякголу и узрял оного Витеня еще малым младенцом, и вбачил оное \л.53.\ дитя обличем хорошр и возросту подобного, и взял его к собе. И был y него коморником, и будучи в коморе кождую реч чудне a рядне панскую ховал и справовал. И он, бачечи цноту его и доброе заховане, учинил его y себе маршалком, и был y него милостником и всяким справам городным С справцою был узятым, a затым \95\ по смерти его взят есть на Великое княжество Литовское. И тут скончался род c Китаврассов a начало великое княжене Витенево, род великих князеи литовских c поколеня a з роду Колюмнов.



О Так в рукописи; д. 6. Утены П Так в рукописи; д. б. 3 рана Р Буквы кги написаны над строкой С Так в рукописи; в Рум. годным







О великом князи Витеню


И будучи великому князю Витеню на великом княжени Литовском и Жомоитском, и Руском, и пановал много лет, аж до старости своеи во-в покои, и родился ему сын Кгиндимин. И потом умре великии князь Витеня, а по нем сел на великом княжени Литовском и Жомоитском, и Руском вышеиреченныи сын \л.53об.\ его Кгиндимин.




Начало княжене великого Т князя Кгиндимина на князстве Литовском и Жомоитском, и Руском.



О великом князи Кгиндимине


Будучи великому князю Кгиндимину по смерти отца своего Витеня на Великом княжьстве Литовском и Жомоитском, и Руском, и седячи на столцы отца своего y Кернове. И пануючи ему немного лет по смерти отца своего, повстали против его немцы, прусы и лифлянты, и втегнули з великим множеством людеи своих в землю Жомоитскую, хотечи ее собе отсести. И князь Кгиндимин воскоре не поспЂ собрати воиска своего против немцов и послал наистаршого гетмана своего з малыми людми на город Куносов, и вмоцняючи его от немцов, a тот был гетман на имя Кгаштолт з рожаю c Колюмнов. И немцы того гетмана его обогнавши, и тот город облегли, и з великих дел всего збили, \л.54.\ и того гетмана c того города звели и в полон повели, и землю Жомоитскую посели. И князь великии Кгидимин вчинит умову з немцы от ТТ того гетмана своего, и дал за него тритцать тисяч золотых. A на другии год, собравши вси свои силы литовскии и рускии, потягнул на Немцы. A немцы, вифлянты и прусове, и жомоить c собою вземши, и поткали великого князя Кгидимина на рецЂ на ОшмЂне, на сеи стороне Жеимов две мили. И поможе бог великому князю Кгидимину, иж немцов всех наголову поразил, a жомоить от немцов отступили, и приступили к господарю своему прирожоному Кгидимину, иж немцов поразили и побили все воиско немецкое. И ту ж, звитежство одержавши над немцы и жомоить к собе взял, и пошол c тыми силами и з жомоитю y землю Немецкую, и взял город Тилжу a другии Ракгнету, и инших \л.54об.\ городов много побрал, и землю спустошил усю и в полон повел, и невымовное множество кровопролитие в Немцох учинил звитежство одержавшы, и з великим веселием восвояси отиде.





О великом князи Кгиндимине и o битве c князем Владимером володимерским


И впокоивши землю Жомоитскую от немцов, и пошол на князи рускии, и приде напервеи к городу Володимеру. И князь Владимер володимерскии, собравшися c людми своими, и вчинит бои лют c князем великим Кгидимином. И поможе бог великому князю Кгидимину, иж князя Володимера володимерского убил и рать его всю побил, и город Володимер возмет. И потом поиде на князя Лва луцкого. И князь Лев услышал, што князя Володимера литва убила и город Володимер узяли, и он не смел противу его стати, и побежит до князя Рвоегана У, до \л.55.\ зятя своего, к Брянску. A князи и бояре волынскии били челом великому князю Кгиндимину, абы в них пановал и господарем y них был, a земли их не казил. И князь великии Кгиндимин, укрекрепивши УУ их присягою и оставивши наместников своих y них там, и начне княжити.



Т к переделано из другой буквы ТТ B P o У Так в рукописи; в Р, Рум. Романа УУ Так в рукописи



A потом на зиму шол до Берестья и з Берестья вси воиска свои роспустил, a сам y Берестьи зимовал. И скоро Велик день минул, и он, собравши вси силы литовскии и жомоитскии, и рускии, и поиде на другои недели по Велице дни на князя Станислава киевского, и пришед возмет город Оуручеи и город Житомир. И князь Станислав киевскии, обославшися c князем Олгом переяславским и c князем Романом брянским, и c князем волынским, которого князь великии Кгиндимин выгнал з Луцка, и собралися вси y великом множестве людеи своих руских, и поткалися вси c князем великим \л.55об.\ Кгиндимином на рецЂ на Рпени под Белым городом, y шести милях от Киева. И вчинили бои и сЂчу велику, и поможе бог великому князю Кгиндимину, и побет усих князеи руских наголову, и воиско их все побитое на месцу зостало, и князя Лва луцкого, князя Олга переяславского убил, и в мале дружине Станислав киевскии з Романом брянским утекут до Брянска, a князь великии \96\ Скиндимин Ф остуиит Белгород. И горожане видечи, иж господарь их з воиска побег, a воиско все наголову поражоно, и они, не хотечи противитися воиску так великому литовскому ФФ. И затым князь великии Кгиндимин пошол со всими силами своими до Киева и обляже город Киев, и кияне почалися ему боронити. И лежал князь великии Кгиндимин под Киевом месяц, a затым здумали межи собою горожане киев\л.56.\скии, иж моцы великого князя не могли терпети болши того без господаря своего, великого князя Станислава киевского. И вслышали то, иж Станислав утек от Кгиндимина и воиско господаря их побито, a в них нет зоставы никоторое, a князь их ни зоставил. И они, змовившися одномысленнЂ, поддалися великому князю Кгиндимину, и шедши з города со кресты игумены и попы и дьяконы, и ворота городовыи оттворили, и стретили великого князя Кгиндимина честно, и вдарили ему челом, и поддалися служити ему, и присягу свою великому князю Кгиндимину на том дали, и били челом великому князю Кгиндимину, штобы от них отчизны их не отнимал. И князь Кгиндимин при том зоставил и сам честно y город Киев уехал. И слышали то пригородки киевскии, Вышегород, Черкасы, Канев, Путимль, \л.56об.\ Слеповрод, што кияне передалися з городом, a господаря своего слышали, иж втек до Брянска, a силу его всю побиту, и вси пришли до великого князя Кгиндимина и c тыми вышереченными пригородки киевскими подалися служити, и присягу на том дали великому князю Кгиндимину. И переяславляне слышали, иж Киев и пригородки киевскии подалися великому князю Кгиндимину, a господарь их князь Олг от великого князя Кгиндимина убит, и они, приехавши, и подалися з городом служити великому князю Кгиндимину, и присягу свою на том дали. И князь великии Кгиндимин, узявшы Киев и Переяславль и вси тыи вышеиречешши пригородки, и посадил на них князя Миндовгова сына Олкгимонта, великого князя Олшанского, a сам з великим веселием y Литву возвратися.





О князи Станиславе киевском, \л.57.\ которого выгнал князь Кгиндимин с Киева


B тот час будучи князю Станиславу киевскому y Брянску, выгнаному от великого князя Кгиндимина, и прислал ему князь резанскии Иван, будучи y старости своеи, дросячи его, абы до него ехал и дочку y него понял, именем Олгу, бо сына не мел, толко одну дочку, и по смерти его, абы был великим князем резанским. И князь Станислав до него ехал, и дочку y него понял, и по смерти его был великим князем резанским. A князь великии Кгиндимин, прогнавши князеи руских и от немец землю свою упокоивши, и пановал много лЂт во-в покои.





О великом князи Кгиндимине, как Троки зарубил и Вилню


И некоторого часу поехал князь великии Кгиндимин со столца своего Кернова в ловы за пять миль за реку Велю, и наиде в пущи гору красну, дубровами и ровнинами обляглую, и сподобалося ему велми, и он там поселился, \л.57об.\ и заложил город, и назове имя ему Троки, где ныне Старыи Троки суть, и c Кернова перенес столец свои на Троки. И в малых часех поехал после того князь великии Кгидимин в ловы от Троков за четыре мили, и наиде гору красну над рекою Вилнею, на которои наиде зверя, великого тура, и убьет его на тои горЂ, гдЂ нынЂ зовут Туря гора. И велми было позно до Троков ехати, и станет на луцЂ на Швинторозе, где перших великих князеи жигали, и обначовал. И спящу ему там, сон виде, што ж на горе, которую звали Кривая, тепер Лысая, стоит волк железныи велик, a в нем ревет, как бы сто волков выло. И очутився от сна своего и рече ворожбиту своему, именем Лиздеику, которои был наиден у-в орлове гнезде, и был тот Лиздеико y князя Кгиндимина ворожбитом навышшим, потом попом поганским: «Видех деи сон дивныи», и сповЂда \л.58.\ ему все, што се ему у-во сие видело. И тот Лиздеико рече господарю: «Княже великии, волк железныи знаменует — город столечныи тут будет, a што в нем унутри ревет, то слава его будет слынути на весь свЂт». И князь великии Кгиндимин назавтрее ж, ае отеждаючи, послал по люди и заложил город один на Швинторозе Нижнии, a другии на Кривои горЂ, которую нынЂ зовут Лысою, и наречет имя тым городом Вилня. И збудовавши городы перенесет столец свои c Тров Х на Вилню, и учинит первшим воеводою y Вилни гетмана своего Кгаштолта c Колюмнов, которои ся народил c Кумпя, которои был поиман от немцов на Куносове. И княжил великии \97\ князь Кгиндимин много лЂт на княжестве Литовском и Руском, и Жомоитском, и был справедливыи, и много валк мевал, a завжды зыскивал, и паном фортунливе, аж до старости великое своеи. \л.58об.\



Ф Так в рукописи ФФ B P далее: и передалися з городом князю Кгидимину, и прысягу вчинили служыти к Великому князству Литовскому Х Так в рукописи; д. б. Троков







О великом князе Кгиндимине и o осми сынех его


И будучи великому князю Кгиндимину при старости своеи, и сплодил 7 сынов, осмую дочку, именем Ганну, которую дал до Ляхов в малженку сыну Казимирову Владиславу Локетку, кол Ц писано от божего нароженя 1320 году. И будучи великии князь Кгиндимин y великои старости своеи, и при своем животе розделил усих сынов своих, и пяти сынов своих посадил на вделех, то всть старшого сына Монтивида на Карачове да на Кониме Ч, a Наримонта на Пинску, a Олгирда на Креве, a к тому князь витебскии сынов мел Ш толко Щ, и он за него дал дочку свою и принял его в землю Витебскую. Коряту дал Новгород, Люборту дал Володимер и Луческ, и землю Волынскую. A тых двух сынов своих посадил на великих князствах: Евнутя на столцы своем на Вилни и на Великом князстве Литовском, a Кестутя на Троцех и всеи \л.59.\ земли Жомоитскои. И розделивши их сам почесне умре. И пануючи Кестутю на Троцех и на Жомоити, и вслышал девку на Полонде, именем Бирюту, которая ж девка богом своим подлуг обычаю поганского пошлюбила чистость ховати, и сама была хвалена от людеи за богиню. И приехал там князь Кестутеи сам, и сподобалося ему велми, иж была велми красна тая девка и розумна, и просил ее, абы была ему малжонкою, и она не хотела зволити, и отказала ему, иж «я пошлюбила богом своим чыстость ховати до живота своего». И князь Кестутеи взял ее моцно c того месца и провадил ее до столца своего y великои почесности до Троков. И обославши братю свою, учинил великое веселе з братею своею, и понял тую панну Бирюту собе за жону. И ездечи князю Кестутю от Троков за милю, и сподобалося ему месцо велми подобно межи озер, \л.59об.\ и он там поселился, и город заложил, и нарече имя ему Троки Новыи, и перенесе столец свои на Новыи Троки з Старых Троков. A вед же сын его Витовт родился y Старых Троцех, и на том месцы, где се Витовт родил, сам по смерти отца своего Витовт и костел заложыл y Звестование матки божои, мнихи уставил закону того ж, што y Кракове есть кляштыр светого Авгуштына на Стынцу. Навротися воспак.





О князи Олкгирде и о Кестути


По смерти великого князя Кгиндимина князь Олкгирд a князь великии Кестутеи бели Э межи собою y милости и y великои ласце, a князь великии Евнутеи межы их был y болшинстве, княжил на Вилни. И не полюбилося князю Олкгирду Евнутеи, и змовили межы собою братя: как бы его ссадити з Вилни и одному бы межи них сести на Вилни. И змовивши межи собою вделали рок — \л.60.\ которого дня наехати на Вилню и засести город под братом своим, князем великим Евнутем. Также князь великии Олкгирд з Вибска Ю борздо приспел, a князь великии Кестутеи угнал y город, a князь великии Евнутеи со страху выбежит з города з Вилни, утек в гуры бос и там узябнет y ноги. И нявши его, привели до брата и посадили за сторожею. Тогды князь великии Кестутеи речет брату своему, великому князю Олкгирду: «Тобе годится быти, брате, князем великим на Вилни; a тыи Я межи нами старшая братя, c тобою заодно живут» Я. И садят его на Вилню на великое князство, a Евнутию дали Жеславль. A змовет межи собою князь великии Кестутеи a князь великии Олкгирд, што всеи брати послушнои быти князь А великии Олкгирд А, a тыи, што придобудут собе городов або волостеи, то наполы поделити, a быти им и до смерти y великои \л.60об.\ милости и в ласце Б, и присягу собе на том дали, не мыслити за В межы их никому ни на кого. Также были в тои справедливости, аж до живота своего. Великого ж князя Олкгирда сынов было 12, a y великого князя Кестутя сынов было 6. A межи собою любили сынов своих князь великии Олкгирд князя великого Олкгирда Г, a князь великии Кестутеи князя великого Витовта. И змовили межи собою: «По нашом животе тыи будет Д на Великом князстве Литовском княжити».



Ц Так в рукописи; в Р, Рум. коли Ч Так в рукописи; в Р, Рум. Слониме Ш Так в рукописи; в P не мЂл Щ Так в рукописи; в Р, Рум далее дочку Э Так в рупописи; в Р, Рум. были Ю Так в рукописи; д. 6. Витебска Я—Я В Р ты межи нами старшыи брат, я c тобою заодно жыву


А—А Так в рукописи; в P великого князя Олькгирда Б a переделано из e В Так в рукописи; в Р, П зла Г Так в рукописи; в P Якгеила Д Так в рукописи



И князь пак великии Витовт таке ж y великои милости были зь Якгоилом при отцех своих. Потом князь великии Олькгирд умре. A князь великии Кестутеи, не хотечи шлюбу брата своего изменити, князя великого Олкгирда, посадит братонича своего на Вилни князем великим Якгоилом Олкгирдовича. \98\ Нехто пак был перед тым \л.61.\ в князя великого Олкгирда паробок неволныи, холоп, звали его Воидилом. Перво был пекарем y князя великого Олкгирда, потом дал собе постелю слати ему и воду собе пити давати, потом пак полюбился был ему, и дал ему Лиду держати и повел его в добрыя дни. И потом, по животе князя великого Олкгирда, князь великии Якгоило повел Воидила велми высоко, и даст за него сестру свою княгиню Марю, што была за князем Давыдом. И князь великии Якгоила князю великому Кестутю, дядку своему, во всем великую жалость Е учинил, братонну его, a сестру свою за холопа отдал. И был тот Воидило y великои моцы y князя великого Якгоила, и почнет тот Воидило з немцы соимы чинити и листы ся записивати, a стояти притив Ж великого князя Кестутя. НЂхто был пак кунтар лифлянскии, звали его Авгуштыном. \л.61об.\ Тот кунтар лифлянскии князю великокому З Кестутю споведал: «Ты того не видаешь, што великии князь Якгоило посылает к нам частокроть Воидила и вжо записался c нами, как мает тебе избавити городов, a ему бы ся достало и его женою, сестрою князя великого Якгоила». И и князь великии Кестутеи ведал тое, што князь великии Витовт гораздо живет c князем великим Якгоилом, и почнет Кестутеи жаловахися сыну своему Витовту, рекучи: «Ты з ним гораздо живеш. Якгоило вже записался з немцы на нас». И князь великии Витовт рече отцу своему, великому князю Кестутю: «Верь И тому, отче, того межи нами нет, заню ж Якгоило живет со мною гораздо». Потом пак учинилося великое знаме: даст великии князь Якгоило Полтеск брату своему Скиргаилу, и полочане приняти его не хотели на Полтеск. И князь великии Якгоило К \л.62.\

. . . и з матерю своею и поидет к Городну, a князь великии Якгоило приступил к Троком и трочане Л не далися ему Л. И князь великии Кестутеи борздо к городу придет к сыну своему и тут наидет жену свою и пошлет ее к Берестю, надеючися на мазовецкого, зятя своего, князя Януша, a сам князь великии Кестутеи поидет в Жомоить, a самого Витовта оставит y Городне. Тогды князь Янушь мазовецкии, забывши добро и приязни тьстя своего, князя великого Кестутя, и поиде воиском к Дорогычыну, и Дорогычин возмет и осадит, a Сараж звоюет и подступит под Бересть, и Берестя не вземши поидет проч и осадит Дорогычин и Мелник. И князь великии Кестутии, собравши свою жомоитскую силу и многии люди и поидет под Троки, и приидет к рецЂ Вилни М, a князь великии Витовт, собравши рать по своеи отчизне, поидет з Городна на помоч отцу своему, и \л.62об.\ соимутся на Вилни ММ воиска вышеи Ковна две мили. Тут воиско Кестутево перевезли и поидут к Троком и оступят Троки. И приидет вЂсть князю великому Кестутю, што князь великии Якгоило идет з Вилни великим воиском, a c ним немец[кая ра]ть Н и лифлянская. Ино перед тым нЂмцы были на обе стороне неприятели, князю бо великому Якгоилу перед тым лифлянтъская рать ходила на помоч князю Скиргаилу полоцкому, a потом з маршалком О немецким пруская рать приходила, a то ужо третии раз лифлянская рать третии раз приходила c ним, a к тому знаи П мест П, што з ним заодно стоят против князю великому Кестутю. И выехал на битву и князь великии Кестутеи з сыном своим, князем великим \л.63.\ Кестутем Р и Р Витовтом потом против великого князя Якгоилу. Еще ся воиска не снели за три або за чатыри стрелбища, a на тых мест приженут князи и бояре от великого князя Якгоила до великого князя Кестутя. И почнет пытати князя великого Витовта, штобы з ним поговорил. И начнут говорити князю великому Витовту: «Князь великии Якгоило послал нас к тобе, штобы еси нас еднал со отцем своим, што бых мели свое, a вы свое, битвы бы и кровопролития не было межи нас, а ты бы приехал до брата своего, князя великого Якгоила, a мы тобе присягу дадим, што тобе чисто опять во свое воиске отехать, ачеи бы меж нас добрыи конец стался». A князь великии Витовт отказал: «Присягу y вас беру, \л.63об.\ a д[о н]ас С также штобы [Скир]гаило приехал, a присягу бы дал, я к [вам] еду. И они послали к князю Скир[гаилу, и] приехал князь Скиргаи[ло и п]рисягу дал князю Витовту. Князь вели[кии] Витовт поехал до князя вели[кого Я]кгоила и к его воиску, a полки [сто]ят, ничого межи с[об]ою не почи[наю]т С.



Е Буквы ть переделаны из других букв Ж Так в рукописи З Так в рукописи И Так в рукописи; д. б. не верь К Далее в рукописи недостает несколъких листов Л—Л Так в рукописи; в B Трокы дадуться ему; в P и трочане подалися ему М Так в рукописи; в П Вели ММ Так в рукописи; в Р, П Вельи Н Буквы, кая ра стерлись О Буква o написана неясно П—П Так в рукописи; в P знаки есть Р—Р Так в рукописи С—С Буквы, взятые в квадратные скобки, почти не поддаются прочтению; текст передается так, как он напечатан в т. XVII ПСРЛ



И князь Якгоило начнет просити Витовта, рекучи: «Брате милыи, заеднаи нас, штобы не было кровопролитя». И князь Витовт присягу взял y князя Якгоила, што отцу его, князю великому Кестутю, з Якгоилом зъехатися и опять чисто розехатися. И еще князь великии Витовт \99\ рече князю Якгоилу: «Пошли, брате, еще ко князю великому Скиргаилу, што он дал присягу великому князю Кестутю, отцу нашому, иж бы ему было приехати \л.64.\ чисто и [опят] за ся [от]ехати [и] дал бы нам при[сягу] от тебе». Князь Скиргаило со кн[язем] со В[ито]втом приидут ко князю великому Кестутю, [и при]сягу Т Скиргаило князю вел[ико]му Кестутю от князя великого Я[кга]и[ла] и от себе. Князь великии Витовт [с кня]з[е]м великим Кестутем отцем обадва поидут y в[о]иско Якгоилово на тыи присяги надЂючися. И князь Якгоило тыи присяги преступил и рек так: «Поидем до Вилни и там докончаю своее правды». В том воиска ничого не починили, оставили. И как до Вилни приехавши, так князь великии Якгоило князя великого Кестутя, дядю своего, оковавши, до Крева послал, усадил y твержу, a князя великого Витовта оставили были y Вилни. И там y Крева князя великого Кестутья \л.64об.\ удавили пятое ночи князя Якгоиловы коморники: одного звали Прокошою, што ему воду давал, a другии был Местеев брат a Кучок, a Лисица Жебентяи. A так ся конец стал князю великому Кестутю.

По смерти князя великого Кестутя пошлет князя великого Витовта князь велики Якгоило y нятство до Крева и з жоною, велит твердо стеречи, a тое помщиваючися Воидила. Князь великии Витовт седел y Креве за сторожою в комнате, a жонкам двема прозволено было ходити до комнаты, и княгиню з ним посадили, a положивши их вон выходят, a сторожа завжды около была. И княгиня великая Витовтова слышала от людеи, што князь Витовт долго мает седети c нею и змыслила собе, \л.65.\ как жон У нас мают покладати, тогды тобе одное жонки плате ускладши, выити вон з другою жонкою, a тои жонце остатися бы с нею у коморе. И Витовт, послухавши жоны своее порады, и выидет вон з другою жонкою, и спустится з города, ивтечет до НЂмец к вистру Ф до Марьина городка. A сторожы тое видели, не догадалися, домнимали жонка вышла з жонкою. И князю великому Витовту, там мешкаючи в Немцех, приехали там князи многие и бояре литовские, н почнет воевати Витовт землю Литовскую c помочю немецкою. A в тот час князь великии Якгоило и в матерью своею был y Витебску, a брат его Скиргаило был y Троцех. И князь великии Витовт повоевал много земли Литовское, a князь великии \л.65об.\ Якгоило и брат его Скиргаило не могли стояти против великого князя Витовта, занеже y Витовта сила болшая была. Тогды князь великии Якгоило препросит князя великого Витовта и даст ему Луческ со всею землею Волынскою и c Подольем, a [в] Литве отчизна его. И князь великии Витовт покору свою учинил перед старшим братом своим Якгоилом, принял Луческ Великии со всею землею Волынскою.

И потом короля польского Владислава в животЂ не стало, a сына жадного не мел, толко одна дочка была y него, на имя Едвига. И почали поляхи Х часто слати послы из Кракова ко князю великому Якгоилу, рекучи, штобы принял крещение старого Риму a понял в них королевну Едвигу собе женою \л.66.\ и стал бы в них королем y Кракове, на всеи земли Ядскои Ц. И князь великии Якгоило раду собЂ учинил со своею матерью, c княгинею Уляною, и з братею своею, и со всЂми князи и бояры Литовское земли, и поЂхал до Кракова, y Полскую землю. Там же сам крестился и братя его, князи и бояре. И понял собе королевну Ядвигу, и корунован был. И оттоля почали крестити литву y лядскую вЂру, и прислал арцыбискуп бискупа до Вилни на Литовскую землю, и o тых мест почали костелы ставити по всеи земли Литовскои. Тое ж зимы Ч королю будучи y Kpaкове со всими князи и бояры литовскими.





О князи Ондреи полоцком


Потом пак сталася новина: приидет князь Андреи полоцкии и з воиском немецким з вифлянты, со всею латыгою Ш, и воевали \л.66об.\ и пожгли много мест и сел, a городом литовским ничего не чинили ШШ и вернулся во свою землю. Тое же опять зимы князь Светослав смоленскии учинит собе раду и сонм c князем АндрЂем полоцким: князь Андреи y Литву, a Светослав к Орше. И зехавшыся много лиха християном учинили, не по-християнскии a ни по-человЂческии мучили людеи и милостивно Щ, имаючи запирали у-в ызбах, зажигали, a инших людеи под стену головами клали, ланцуги великими поднимаючи хоромы, и з заду люди жгли, a иных жонок и мужиков и малых деток на коле тыкали, a иных мук не мочи выписати, которые муки християном чинили. Таких мук ни Антиох, ни у Э законопреступник тыи поганцы таких мук над християны не чинили, a городом не могли ничого не вчинили и верну\л.67.\лися опят y свою землю.



Т B Ольш. и дал присягу У Так в рукописи; в P жонъки; в K жонки Ф Так в рукописи; в P, K мистру Х Так в рукописи Ц Так в рукописи; в P Лядскои; в K Лядкои Ч Буквы и u ы переделаны из других букв Ш Так в рукописи; в P латыгалою ШШ B P вчынили; в A латыголою Щ Так в рукописи в P, K немилостиво З Так в рукописи; в P Ульянь \100\







О князи Святославли смоленском


Тое ж опят зимы великого посту почал мыслити князь Светослав смоленскии з бояры, и поидут к Мстиславлю, и станут под городом, города добывати. Мстиславскую Ю пошлют воиско и много кровопролитья сталося над християны. И милостивыи бог тогда не хотЂл терпЂти, што братю свою кровь християнскую так не по-християнскии мучат.





О князи Скиргаиле и князи великом Витовте, как пошли на князя Светослава смоленсково


И тогды князь великии Скиргаило и князь великии Витовт поЂхали з Ляхов от брата своего, князя великого Якгоила, и слышали, што князь Светослав смоленскии был под Витебском, a потом к Оршы приходил, a под Мстиславлем стоял, города добывал. И змовилися князь Скиргаило a князь \л.67об.\ великии Витовт з братею своею, c князем Констянтином и c Корбутом, и князем Семеном Лынквеничом, и рек так: «Боже вышнии, помози нам на неприятели наши, a што хто сеесть Я, то и жнет. Мы зла никому не вчинили, он c намиу докончании будучи ив твердои присяге, и переступил свою присягу и нашу землю воюет, и кровь християнскую проливает. И поидет А братя на него, надЂючися на бога и на свою справедливость». И поехали борздо ко Мстиславлю. И князь Светослав, стоячи под Мстиславлем и добываючи город, услышал, што идет на него Скиргаило c князем великим Витовтом и з братею своею и, собравши воиско свое, поидет против их. И как полки ступилися и начнут битву, и бог поможе по пророка Давыдову слову, реченому: «Обратися \л.68.\ болЂзнь его на главу его, на верх его неправда его снидет». И потом рече: «Ров изрыи ископаи, впадеся в яму, юже сотвори». Поможет бог святыми словесы князю великому Витовту и Скиргаилу и их брати поразити великого князя Святослава, и сам Святослав побежит c своими князи и бояры смоленскими. И тут немало учинилоея диво, убито множество князеи и бояр. И самого князя Светослава убили, и сына его, князя Юря, зрубили. И князь Скиргаило князя Юря Светославовича от ран выгаил и привез его к городу Смоленску и к матери его, княгине Святославовои, и посадит его на великом княжени Смоленском. И сами пошли проч князь великии Витовт c князем Скиргаилом y свою землю Литовскую.

И почнет княжити Скиргаило на Троцех, a до Вилни прислал тот час \л.68об.\ корол полскии старосту своего, лядского пана. A князь великии Витовт тогды держал Луческ и всю вемлю Волынскую, a в Литовскои земли тогды отчызну мЂл свою. И стало Витовту смутно велми и жалость великая, иж перед тым Литовскои земли державцы чужого не бывало, и многим волостем литовским прислухаючим ему. Тогды Витовт учинит собе раду со многими c княэи и бояры литовскими. A Скиргаило тогды ехал к Полоцку, a князь Витовт поехал до Вилни, хотечи Вилню засести. Князя Витовта тогды не хотЂли упустити y Вилню, оли ж бы королю Якгоилу дали правду и Скиргаилу. Витовт тогды не взял Вилни, и поидет до Немец и к мистру c своею княгинею и своими князи и бояры, и з немецкою силою оттоле почал воевати \л.69.\ Литовскую землю. И вжо князь Витовт Литовское эемли половину узял, по реку Велю, и Полтеск город подался ему. И узнал тое князь Скиргаило, иж не могут противу Витовта стояти и Литовское земли одержати, и поидет князь великии Витовт и з немецкими силами до Вилни. И стретит его князь Скиргаило з воиском на рецЂ на Вели y городка. И сступилися воиска, и вдарилися, и поможе бог великому князю Витовту, и побегут воиско Скиргаилово, и побито их много, a иных живых поимано. И повели князеи и бояр: князя Семена Евнутевича, князя ГлЂба Святославовича, князя Ивана Илвовича и иных князеи много поимали. И поиде князь великии Витовт к Вилни з великим воиском, оступят город Вилню и почнут напервеи Кривого городка добывати, и розбили \л.69об.\ пушками Кривыи город, и Скиргаилова брата Оликгирдовича. A короля полского была зостава лядская на Высоком городе, и не пустили князя Витовта y город. И князь Витовт Кривыи город уземши и землю Литовскую звоевавши, опят вернулся y Немцы.



Ю Так в рукописи; в Рум, a в землю Мстиславскую смоленскии Я Так в рукописи; в Сл, сееть; в C посееть А Так в рукописи; в О поидуть






Князь Витовт княжну свою отдал за московского князя Василя Дмитровича


Того же лЂта князю великому Витовту послы пришли от великого князя московского Василя Дмитреевича. Князь великии Витовт дал княжну свою Софию за князя Василя Дмитреевича, \101\ отпустил ее з Марина городка, a c нею послал князя Ивана Олкгимонтовича со Кданска. И пошли со княжною y великих кораблех морем, и приехали ко Пскову. И псковичи им великую дали честь и проводили их до Великого \л.70.\ Новаграда. Також и новгородцы им великую честь давали до Москвы великому князю Василю Дмитреевичу. A князь Василеи послал им против братю свою: князя Ондрея Владимеровича да князя ОндрЂя Дмитреевича и иных князеи и бояр. И стрЂтили княжну Софию c великою честью. Тогды был з ними священныи Киприян Митрополит со многими владыками и архимандриты, и игумены, и со всЂми священники. И стрЂтили ея честно со кресты перед Москвою, и был збор великии, и венчаня ся стало, и было чести и веселя досыти, иже не может выписати.





О князи Витовте, как король польскии Якгоило прислал до него, просячи его


Также князю Витовту, будучи в Немцох y мистра, y Марином городку, прислал к нему корол полскии Якгоило, рекучи ему: \л.70об.\ «Брате милыи, болши того не кази земли Литовское, не пустоши отчины своее и нашое, a поиди к нам y еднане и y великую братскую приязнь, возми собЂ княжене великое Вилню и сяди на столцы дяди своего, великого князя Олкгирда, и великого князя Кестутя, отца своего». И князь великии Витовт, услышавши, учинит собЂ раду c князми своими и c паны своими литовскими, князем Юрьем Наримонтовичом Белским и князем Иваном Олкгимонтовичом, и c тыми радился и поидет y Литву, и сядет на великом княжени Литовском на Вилни. И были ради уся земля Литовская и Руская. A князь Корибут Олкгирдович нешто почнет на то радити и не в слушности быти князя велико Б Витовта, и почнет воиско свое збирати. И сступилися воиска \л.71.\ на мЂсте на Докудове, и сталося битва, и побежит воиско Кориботово, и побито их много. И сам Корибут убежит y Новгородок, и тут была княгиня и дЂти его. И князь великии Витовт, опять собравши воиско, и оступит городок, и взял, a князя Корибута и княгиню его и дЂти его y нятство узял. И потом княгиня Олкгирдовоя умерла, и корол полскии прислал Витебска держати соколничого своего Федора Весну. A князь Швинтригаило был молод, и будет Федор Весна держати Витебеск c приказаня короля Якгоила. И Швинтригаило не мог терпЂти, што Федор держит Витебск не з его бослушенства В, и князь Швинтригаило город Витебск засЂл и Федора убил. Была ж королю Якгоилу в том жалость великая, и писал до брата своего Витовта, \л.71об.\ иж бы он тое помстил. И князь Витовт узял собою Скиргаила и брал Г воиско великое литовское и поидет к городу Витебску на князя Швинтригаила. И напервеи Витовт поидет ко Друцку, и друцкии князи стретили Витовта з великою честью и вдарили ему челом y службу. Оттоле князь великии Витовт приидет к Оршы, и оршане затворилися в городе два дни, и потом город узяли. И от того Витовт приступил к городу Витебску, и князь Швинтригаило затворился y городе Витебску, и почал Витовт города Витебска добывати, и тут же приидет на помоч князю Витовту князь Юри Светославич смоленскии, и вдарит челом князю великому Витовту y службу. И почали твердо добывати города, и витбляне не могли терпЂти и \л.72.\ далися Витовту. Князь Швинтригаило выидет вон з города и вдарит челом князю Витовту. И князь Витовт взем город Витебск и осадит, и сам поидет до Вилни.



Б Так в рукописи В Так в рукописи д, б. послушенства Г Так в рукописи в P, K собрал






Как князь Витовт Подоле извоевал


Тое же опят весны поидет князь Витовт к Подолю, a князь Володимер Олкгирдович тогды был y Киеве и держал, и не хотЂл покоритися князю Витовту. И князь великии Витовт, шодши, взял город Житомир. И приидет к нему князь Володимир. И князь Витовт Киев от него отнял и ему дал Копыл, a на Киеве оставит Скиргаила. И сам Витовт поидет на Подолскую землю, a Скиргаилу велел князь великии Витовт поити к Черкасом c Киева и к Звинигороду. И князь Скиргаило божиею помощию и князя Витовтовым приказанем узял Черкасы и Звинигород и вер\л.72об.\нулся до Киева. И будучи князю Скиргаилу y Киеве, и бысть нЂхто y Киеве Фома чернец Изуфов, держал наместницъство от митрополита y святыя Софеи. Тогды князь Скиргаило усхочет ехати y ловы за Днепр, и Фома тот почнет просити на митрополеи двор на честь, и князь Скиргаило до него ааехал. И тот Фома дал князю Скиргаилу зелье отравное пити, и князь Скиргаило того не вЂдаючи. \102\ И c того пиру поехал y ловы за Днепр к Млостловичом Д, и там y ловех разболЂлся наканунЂ крещения, y четверг, и на тых мест до Киева приехал немочен, и болЂл 7 днеи и умер y ceреду. И кияне вси понесли его на головах, священницы поюще отходныя пЂсни, со свЂщами, из города Киева до святыя Богородица Печерские, и положон \л.73.\ князь Скиргаило чудныи и добрыи подле гроба святаго Феодосия Печерскаго. И князь великии Витовт послал князя Ивана Олькгимонтовича на Киев, a князя ГлЂба Святославовича отпустил Е к Смоленску Е. A князю Юрью Ж Святославовичу седечи на Смоленску будет непослушон великого князя Витовта, и князь Витовт послал к нему послы o исправу, и он ся того не справил. И князь великии Витовт со всими силами поидет к Смоленску на князя ГлЂба Святославовича. Как приидет к Смоленску, так ГлЂб подастъца ему з городом Смоленском. И князь Витовт даст Смоленеск князю Василю Бораковичу, a князю ГлЂбу даст город Полныи З, a сам поидет y Литву. Тое же зимы князь Витовт пошлет князя Семена Лынкговича со многим воиском смоленским на князя Олга резанского, и они, \л.73об.\ ехавши, много множество спустошили Резанские земли и опят вернулися y свое княжество Литовское. A тогды была зима велми люта. Тое ж зимы на весну приехал князю великому Витовту князь великии Василеи Дмитреевичь московскии до Смоленска y великии пост. И учестил его князь великии Витовт, и многии коштовныи дары подает: ланцуги золотыи, соболми и камками дорогими, сосуды золотыми и бахматы. И даровавши его размаитыми дарми и порты жемчугом сажеными, и оксамиты многоцЂнными, и гиншты y золотых седлех и зброех, и отпустил к Москве з великою честью, a сам поЂхал до Литвы.





О Подолскои земли


Опят отселе почнем. Коли князь Олкгирд пошол y поле з литовским воиском и побил татаров, татарских князеи, Качея И. . .



Д Так в рукописи; в Сл. Милославичомь; в Р, K Милославовичом; в Ольш. Миславичом Е—Е B K отпустил князь вЂликыи Витовт к Смоленску, a князю Юрью СвЂтославовичу дасть князь вЂликии Витовт Жославлъ город Ж B K ГлЂбу З B P, К Полоный И На этом рукописъ обрывается















© Сканування та обробка: Максим, «Ізборник» (http://litopys.kiev.ua)
25.III.2003







Попередня     Головна     Наступна


Етимологія та історія української мови:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчанин, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



 


Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.

Iзборник. Історія України IX-XVIII ст.