Попередня     Головна     Наступна





АКАДЕМІЧНИЙ ЛІТОПИС


Опис рукопису



. . .Михаиловичь и сын его Феодорь, розоимани быша по суставом октября 20, и бывшю бо тогды князю Ивану Даниловичю у-в орьдЂ.

B лЂто 6847 [1339]. Убиень бысть князь Алендрь А проньскии от своего брата. Тое же зимы отпущень Товлубии царемь ратью ко Смоленьску, a з нимь князь Иван Коротополь разоньскии, a князь Иван Даниловичь по царову славу Б посла c Товлубием князя Костянтина ростовьского, Феодора фоминьского, a з нимь воевода Александр Иванъвичь, Феодорь Акиньфовичь. И стояще раю В y города немного дни, a города не взяша.

B лЂто 6848 [1340]. Преставися князь великии Ивань Даниловичь во черньцех и во скими марта 31, a положень бысть на Моск†в церкви святого Михаила, княжив лЂт 12. Того же лЂта поиде в одру Г князь Семень Ивановичь со братьею. Тои же осе\л.147об.\ни выиде из орды князь Семень Ивановичь на великое княженье октября 11 ГГ.

B лЂто 6849 [1341]. Князь велики Семень Ивановичь поиде ратью ко Торжьку и князь Ивань, брать его, князь Костяньтинь ростовьскии и вси князи руськие c ними: и князь Костяньтинь суздальскии и Василевичь, князь Василеи ярославьскии и вси князи рускии з ними; и стояще y Торжьку 2 месяца, и змиришася c новогородци и взяша черныи борь. Того же лЂта сЂде в НовЂгородЂ на Городищи на княженье князь Костянтинь Васильевичь суздальскии.

B лЂто 6850 [1342]. Прииде рать литовьская ко городу Можиску Д, посади пожгоша, a град не взяша. Тое же зимы Озбякь царь умре, a сын его ЧенебЂкь сЂде на царство.

B лЂто 6851 [1343]. Князь великии Семень Ивановичь \л.148.\ сперся o Новгородском княженьи со княземь Костянътином и поидоша в орду. И достало княженье Новгородское князю Костянтину Васильевичь.

B лЂто 6852 [1344]. Поиде в орду преосвященныи митрополить Феогность за причеть церквьи, и многу истому приать от царя за вЂру християньскую, и укрепи его бог, выиде на средькрестнои недели.

B лЂто 6854 [1346]. Преставися княгиня Семеновая Настасья в черницах и положена бысть во церкви святого Спаса на МосквЂ. Того же лЂта оженися князь великии Семень Ивановичь y великое княгини Настасие Александровы Мариею, утаяся митрополита, он же не благослови его и посылаше во Царьград благословения просити.

B лЂто 6857 [1349]. Князь великии Семень Ивановичь посла в орду князя Феодора \л.148об.\ ГлЂбовича, a з ним киличеи Феодорь Шюбачеевь и Аминь. И вытягаше князеи литовьскых: Михаила-Корьяда, Семена свислочского и Якшу; и приидени быша на Москву посломь царевым Тутаем. Того же лЂта поиде король нЂмецькии Магнушь рать ко Новугороду и не дошед возя град ОрЂхов. Князь же великии Семень събра воя многы и поиде боронити своеи очины, и доиде Истьчына ДД, и ту состигоша его киличеи из орды. Князь же великии Семен возвратися на Москву слышати царево жалование, a в Новьгород посла брата своего князя Ивана и князя Костянтина ростовьского, и Ивана Окиньховича, a з ними воевода и воя многы. Тое же зимы отняша новгородци ОрЂшок, a немець поимавши \л.149.\ и приведоша на Москву.



А Так в рукописи; в H Александр Б Так в рукописи; в H слову В Так в рукописи; в H ратью Г Так в рукописи; в H орду ГГ B H u C октября l Д Так в рукописи ДД Так в рукописи; в C Сетчина



B лЂто 6858 [1350]. Приидоша послове от литовьского князя Олгидра ко великому князю Семену Ивановичу со многыми дарми, прося мира и живота своеи братьи. Князь же великии воземь мирь на многа лЂта и отпусти Короядову чядь. Тогое же зимы бысть чюдо y гроба святого Петра митрополита: жена нЂкая 2 лЂта без ногу лежала, и бысть прощена.

B лЂто 6860 [1352]. Митрополить Фегность благослови владыку на владычество y Суздаль, и литоргисая в великии четверток. Того же лЂта князь великии Семен Ивановичь поиде ратью ко Смоленьску, и доиде Вышегорода, и ту срЂтоша и послове литовьского князя Олгирда o миру, o смоленьском князи. Князь же великии Семень не остави Олгырдовы \л.149об.\ прозбы, послы его отпустиль \104\ co честию, a сам поиде ко УгрЂ. И срЂтоша и послы смоленьския со челобитием o любви. Князь же великии стоя на УгрЂ неделю и возвратися на Москву, a послы свои посла к Смоленьску.

B лЂто 6861 [1352]. Преосвященныи митрополить Фегность постави АлексЂя архимандрита святого Рожества епископом в Володимери Е, а по своем животЂ благослови его на митрополью, еже и бысть. Тое же зимы преосвященныи митрополить Фегность и князь великыи Семен Ивановичь послаша послы своя во Царьград от великого князя Дементея Двидовича, a Юрьи Воробьевья от митрополита Артемии Королинь, a Михаило Щербатыи. Тои же зимы преставися преосвященныи Фегность митрополить и поло\л.150.\жень бысть на Моск†во церкви святыя Богородици во предЂлЂ. Тое ж весны априля 26 преставися князь Семень Ивановчь ЕЕ, княживь лЂт 12. Того же та Ж после сорочинь князя великого Семена преставися князь Андреи Ивановичь. Того же лЂта приидоша послове си c Царяграда Дементеи и со другы и вынесоша грамоты царевы и патриарши. Повеленно бысть Алексею владыци ити во Царьград на митрополию. Того же лЂта бысть замятня во ЦариградЂ: царя Иоана изьгнаша, a на царство сЂде тесть его, тысячьскии отца его, a царь Иоана бЂжа во Селунь. И рече патриярхь царю: «Не достоить ти согнавь царя». Он же не послушавь патриарха, патриярх же Калисть помянувь слово Христово, иже рече апостолом своим: «Идеже слово ваше приимуть, ту пребываите», и прочая. Возем же \л.150об.\ зль свои изыиде из града во Селунь. Царь же поставивь него мЂсто патриарха Филофея. И бысть трус во ЦариградЂ, 148 полата падоша, a нных ЖЖ множьство двиглося, а по странам град изь снованиа извергошася.

B лЂто 6862 [1354]. Выиде з орды князь Иван Ивановичь и сяде на великом княженьи в Володимери марта 25. Того же лЂта поиде владыка АлексЂи на митрополию. Того лЂта поиде из Литвы в Царьград Романь чернець на митрополию, и выиде, не приняше бо его кияне. Тое ж зимы и осени выиде ис Царяграда Алексеи митрополить на Русь. Того же лЂта оженися князь Михаило Александровичь y князя Костянтина в НовЂгородЂ. Того же лЂта оженися князь Борис \л.151.\ Олгирдовною Фрефиною.

ЛЂто 6864 [1356]. СЂде на княженье на Новгородское князь Андреи Костянтиновичь. Того же лЂта ходивь другыи Алексеи митрополить во Царьград; на ту осень прииде.

B лЂто 6865 [1357]. Прииде посоль ко Олексею митрополиту, зовучи его к собЂ нездравиа ради своего. И поиде митрополить в орду, и проводи его князь велики Иван Иоановичь до Володимеря З. И при их зажжеся свЂща во церкви во святои Богородици во Володимери y иконы y святыя Богородица, юже написа Петрь митрополить августа 18; и воборзЂ отпущень бысть на Русь. Того же лЂта царь ЧинибЂкь взя Мисюрь и посади на немь сына своего БердЂбека на царство, a сам возвратися восвоаси. И разболЂся на пути и от \л.151об.\ привидЂниа возбЂсися и послаша рядци по БердебЂка, он же пришед отца удави, a братью изби, a сам сяде на царство.

B лЂто 6867 [1359]. Преставися князь великии Иоань Ивановичь ноября 13, княживь лЂть 6. Того же лЂта БердебЂкь царь умре, a Кулпа сЂдь на царство и царствова 6 месяць, и убиень бысть от царя Наврось. Ко нему же второе прииде князь великого, сынь Иоанов Дмитриевичь, Иоань Володимерь, князь Андреи Костянтиновичь и брать его князь Дмитри, вси князи рускии. И видЂ царь князя Дмитрия млада узрастомь, и насла на князя Андрея Костянтиновича, дая ему княженье 15 темь ЗЗ. И он же не яс, н съступися брату своему князю Дмитрию Костянтиновичу, a сам поиде на Русь и остави брату своему свиих И бояр на помощь, Стефана Алекса\л.152.\ндровича и иных. И сЂд на великом княжеженьи К Дмитре.

B лЂто 6868 [1360]. Июня 22 выиде из орды князь великии Дмитреи Ивановичь и сЂд на великое княженье. Того же лЂта бысть во князехь ардыньских лесть и убиша царя Науруса и царицю Таидулу, a сами мнози посЂкошася, и сЂде на царство Кидарь. На ту же зимы КК бысть знамение на небеси страшно, яко приходить облаком кровавым во нощех, и се бысть на многи зимы.

B лЂто 6870 [1362]. Князь великии Дмитре Ивановичь московьскии и князь великии Дмитреи Костянтиновичь суздальскии Л и сперся o княженье Новьгородском, и послаша киличея в орду ко царю Мурату, и вынесоша ерлыки и княженье великое Новгородское князю Дмитрею Ивановичу. Того же лЂта ходиша князи московьские ратью, князь вели\л.152об.\кии Дмитреи Иоановичь, Иван Иванович, Володимерь АндрЂевичь на князя Дмитрея галичского, и согнаша его, и княгиню \105\ его иняша. Тое же зимы князь Дмитреи Ивановичь згони c Переяславля князя Дмитрия суздальского.



Е Последпее и переделано из o ЕЕ Так в рукописи Ж Так в рукописи; д. б. лЂта ЖЖ Так в pyкonucu З и переделано из e ЗЗ Так в рукописи; в C лЂтом И Так в рукописи К Так в рукописи КК Так в рукописи Л y переделано из о



B лЂто 6871 [1363]. Князь Дмитреи Ивановичь ходи ратью ко Суздалю.

B лЂто 6873 [1362]. Морь бысть в НовЂгородЂ во Нижнем, на КостромЂ и во Ярославли, и во РостовЂ. Того же лЂта Алексеи митрополить заложи церковь каменую на Моск†Михаилово чюдо. Того же лЂта заложи церковь камену князь Андреи Костянтиновичь в НовЂгородЂ святого Михаила. B солнци аки гвоздие черно, a мъгла 2 месяца стояла. Того же лЂта наеха из Суздали князь великии Дмитрии Костянтиновичь на Новгород, и князь Борис, брат его меньшии, не ступися ему кня\л.153.\женья. Тое же осени Тагаи приходи из Наручади ратью татарьскою на землю Разаньскую и Переяславль пожже. Князь же Олегь разаньскии и Володимерь проньскии собра воя мно[го] и состигоша его, и бысть имь сЂча зла, и поможе бог Олгу и Володимеру, во мале Тагаи утече. Тое же зимы прииде из орды князь Василеи Дмитреевичь, a з ним посол царев Арусманды, и вынесе ярлыкы и великое княженье князю Дмитрию Костянтиновичу. A взя y него силу ко Новугороду на брата на своего на князя на Бориса, a во Суздали собра воя много. И поиде к Новугороду, и доиде Бережца, и ту срЂте брата своего c челомбитием. Он же сяде в НовЂгородЂ, a Борису дасть Городець. Тое же зимы преставися епископ Алексеи суздальскии. \л.153об.\

B лЂто 6874 [1366]. Бысть морь силень на люди. Тое же зимы оженися князь великин Дмитреи М московьскии y великого князя Дмитрея Костянтиновича Евдокию.

B лЂто 6876 [1368]. Князь великии Дмитреи Иоановичь посла рать на князя Михаила тферьского, он же бЂ Н во Литву. Того лЂта князь Андреи полотьскии воева Ховрачь да Родне, a князь Володимерь Андреевичь, пришед ратю, и взя Ржову. Тое же осени Олгидрь, князь литовьскии, и брать его Кестютии, и Михаило тферьскии приидоша ратью к Моск†месяца ноябра и заставу московьскую побЂдиша на СтрошинЂ, князя Семена, Окиньфа и иных многыхь. И стояли y Москвы 3 дни, возвратишася восвоасы, a людеи множество посЂче и полони. Тое же зимы князь Во\л.153.\лодимерь ОндрЂевичь ходи на помочь пьсковичом.

B лЂто 6878 [1370]. По многи нощи быша знамение по небу, яко столпы. Тогда упользну c него С y НовЂгородЂ за святымь Благовещением и засыпа дворы з людми. На ту же зиму ноябра месяца пакы приходи Олгидрь к Волоку. На Николинь день прииде ко Моск†и стоа y города 8 днии и, воземь мирь, возвратися восвоасы.

B лЂто 6879 [1371]. Выиде из орды князь Михаило тферьски на великое княженье и восхотЂ сЂсти во Володимери на столЂ, и не приаша его, a ркучи: «Лжею взял еси княженье». Того же лЂта поиде в орду князь великыи Дмитрея Иоановичь. Того же лЂта обручиша за князя Вълодимера у-в Олгирда дщерь его Олену. Того же лЂта князь Михаило тферьскыи приходить ратью к КостромЂ, \л.154об.\ и не случися ему взяти увернуся, Мологу взя и Углич, и БЂжицкы Верхь. Того же лЂта быша знамения многа и мгла велика, за два сажни не видЂти.

B лЂто 6880 [1372]. Выиде из орды князь великии Дмитреи Ивановичь и посла рать на разаньского князя Олга князя Дмитрея волыньского и c ним силу многу. Князь же Олегь собра воя многы и поиде противу ему, и поможе бог великому князю Дмитрию, a Олегь убЂжа во малЂ дружини, и тогда сяде на княженьи Разаньскии. Тое же зимы князю [Дмитрию] Ивановичу родися сынь, князь Василеи, декабря 30. Тое же зимы оженися князь Володимерь у-в Олгырда.

B лЂто 6881 [1375]. Князь Олегь разаньскыи прииде изгономь на Разань на князя Володимера и согна его, a самь сяде. Тогое же весь ОО князь П \л.155.\



М Д переделано из B Н Так в рукописи; в Н бЂжа О Taк в рукописи; в H снЂг; в C снегь ОО Так в рупописи; в H весны; в С зимы П Далее в рукописи недостает нескольких листов ПП Так в рукописи Р Так в рукописи



. . . прия его князь великыи Витовт. Тогда было Благовещение в понеделок на страстнои недели, a на заутрие поеха митрополит Фотеи на Москву, a в Смоленьску был митрополиту Велик ден, и приех ПП на Москву на святои недели. Того же лЂта погорЂ град МосквЂ, и Смолеск Р такоже погорЂ. Того лЂта месяца июня в 7 день, на память святого мученика Федота, изгибе солнце и еокры луча своя от земля в 4 час дня, во год божественыя литоргия, и звЂзды явишася яко в нощи. Тогда было князю Василью Дмитриевичу 26 лЂт на великом княженьи. Того же лЂта издумавше новгородци, зане не бЂ y них владыки, и положиша написав 3 жребии на престолЂ в имя Самъсона, чернца от святого Спаса c Хутина, и Михаила, игумена святеи Богородици \л.155об.\ ис Колмова. И по съвръшении святеи Богородици и литоргиа и остася на престолЂ Самсонов жребии. \106\ И посадникь Андреи Иоановичь и тысяцки Олекьнсадр РР Игнатовичь сь новогородцки возведоша Самвона С чесно на сЂнн во дом святыя СофЂя месяца августа пять на десять СС день, на память святого Еупла дьякона.

B лЂто 6924 [1416]. По божю попущению князь великии Витовть умыслившу ему по своему хотению, собрав епискуп руския, иже во области его живущии: Феодосии полотско, грек, Исаки чернЂговски и Деонисии луцкии, Харитонь володымерскии, Еуфимии туровскии, и тими епискупы поставив Киеву митрополита Григория болгаринина \л.156.\ Цамвлака месяца ноября 15 день Тое же зимы поеха Самсон на Москву ко митрополиту Фотею в владыки ставитися. Тое же зимы месяца марта 12 день простил бог во церкви святЂи Богородици на Моск†y гроба святого митрополита Петра, чюдотворца руского, нЂкоему человеку нога прикръчена отнюд, и исцЂли y гроба святого Петра. A неделю 2 поста, марта 15, поставиша Самсона во диаконы, августа 3 поста поставлень бысть Самсон попом, a в неделю средохрестную месяца марта 22 день на память святого отца Василья поставлень бысть архиепископом в Новугороду и наречень бысть от митрополита Семеонь. A на поставлении были епископи: Грогории Т ростовъскыи, Митрофань суздальскии, Антония тферьскии, Тимофеи сараискии, Исакии перемыскии при великом \л.156об.\ князи Васильи Дмитриевичи. A приеха в Новъгород месяца априля 16 день в великии четверътокь, и посадникь Иоань Богдановичь и тысящкии ТТ Борис Васильевичь c игумены и попы и дьяконы и всим Новымгородом срЂтоша его честно c кресты, и владыка Семеон того дни свръши божественую литоргию в святеи Софии y своего престола, богом дарованого ему. Того же лЂта воеваша татарове около Киева и манастырь Печерьскии пограбиша и пожгоша. Того же лЂта преставися князь Иоан, князя великого сынь Василеи Дмитриевичь. Того же лЂта бысть в НовЂгородЂ морь великь железою и в ЛадозЂ, и во Руси, и во ПръховЂ, и в ПьсковЂ, и во Торьжку, и в Тфери, и в ДмитровЂ, ипо волостем.

B лЂто 6926 [1418]. Поста У \л.157.\

. . . A Двина ис того жь лЂса течеть на полнощь, и вониде во море Варяжское. И Волга течеть ис того жь лЂса и потече на восток, и вотече во море Хвалишьское 70 уст. И тЂм же может ити Волгою в Болгары и во Хвалисы и на восток во ждрЂбии Симов.

B лЂто 6939 [1430]. Князь велики Витовть Кестутевичь съзваша к собЂ короля полского Владислава, князя великого московского Василя Васильевича и князя великого тферьского Бориса Александровича, и мистра немецьского и пруского, мещера лифлянского, и велиции послы от Иоана, царя царяградского, и от римского цесаря послы приходили, и от индииского Ф короля, и от великого князя Иоана разаньского, и от волоского воеводы послы приходили. И Одоевьскии князи сами приходили, и от Великого Новгорода и от Пьскова, и от ордыньского царя послы быша. \л.157об.\ И тыи короли и велиции князи и послы быша y великого князя Витовта 6 недель на его стравЂ, a на день шло оброку по триста бочекь меду, a ялович по троста ФФ ж, a барановь и вепровь по триста.



РР Так в рукописи С Так в рукописи СС Так в рукописи; в H августа 11 Т Так в рукописи ТТ Так в рукописи У Далее в рукописи недостает несекольких листов Ф Так в рукописи; в H доньского, т. е. датского ФФ Так в рукописи



Князь великии Витовть хотЂль положити на себе коруну, и его неприятели поляне не пропустиша коруны. И разболЂся князь великыи Витовть, и распусти князеи великых и послы царевь со многими дарьми и c честию отпусти. A король польскы Владиславь быеть y великого князя Витовта, и при нем преставися виликыи князь Витовт месяца октября 23 день, на память святого апостола Якова, брата господня. И сяде на великое княженье князь великыи Швитригаило Олгирдовичь на Вилни и на Троцех. И княжи великыи князь Швитригаило 2 годы без дву месяцеи, и при своем \л.158.\ княженьи отпусти смоленьского владыку Гарасима в Царьград на митрополию. И не управляше земли. И Литва же посадиша великого князя Жикимонта Кестуитевича на великом княжены и на Вилни и на Троцех месяца сентября 1 день. И прииде Швитригаило на Полтескь и на Смоленьск, и князи руские и бояре посадиша князя Швитригаила на великое княженье на Руское. И на тую же осень собра силу многу князь великии Швитригаило, и князь великии тферьскии Борись Александровичь дасть ему брата своего, князя Ярослава, со всею своею силою, и поиде на Литву, и не дошед до Вилни за шесть миль и сташа во ОшменЂ, и ту стояше неделю. И князь великии Жикимонть прииде со литовъскою силою, и бысть им бои месяца декабря во 8 день, \л.158об.\ на память святого отца Потапия, в понеделок. И поможе бог князю великому Жикгимонту, и побиша князя великого Швитригаила, a князи рускыи побиша, a иных поимаша: \107\ князя Василья Семеновича иняша, князя Юрья Лыгвеньевича иняша, Федка Одинцевича, пана Дедиголда, воеводу виленьского, няша, a иных много множество побиша и поимаша. Тое же зимы во другыи ряд князь великии Швитригаило собра силу рускую и поиде на Литву, и повоеваше Литовьскою землю множество, и пожгоша, и во полон поведоша. На лЂто же собра силу рускую многу, и мештерь вифлянскии c всею силою своею прииде ко Швитригаилу на помощь, и князь великии тферьскии дасть ему свою силу, и поидоша во Лито\л.159.\вьскую землю. За полторы мили от Вилни ночевал Х в РудоминЂ и поиде ко городу. Не доходя Троков и поверне на Старые Троки, a под Троки стояль на Спасов день, a стоял 4 дни, и поиде от Троковь иекати великого князя Жикимонта и рати литовьское. И стояша в Векъшюшках 4 дни, и поиде на Русь во свою землю. И прииде ко.Креву, и стояша два дни, и взя град Кревь мурованыи и съжже, a люде много посЂкоша и во полонь поведоша, и оттолЂ приидоша во Молодечну. И прииде ко великому князю Швитригаилу вЂсть, что идеть литва погонею, и князь великыи Швитригаило посла на них князя Михаила, киевоского воеводу, a з ним послал инных князеи руских. И побиша пана Петраша Монтикидровича и литву, a иных поимаша на Копачех. И оттоле поиде ко Жа\л.159об.\славлю, и Жаславль возме того же дни и пожже, a людеи много во полон поведоша. И прииде ко Меньску, и возме град МЂнескь и сожже, a людеи многы во полон поведоша, мужи и жены. Иде во свою землю a много зла сотвориша Литовьскои земли. И приидоша в свою землю ко Борисову, и ту изымаша князя Михаила Ивановича Голшаньского на рецЂ не ХХ Березыни, и послаша его ко городу ко Витебьску, и тамо его пове Ц утопити в рЂцЂ в ДвинЂ под градом Витебьском, a няша его невинно. Не доходя Лукомля за милю, в зерехь ЦЦ, мештерь поиде во свою землю, в Лифлянты, a князь велики Швитригаило к Лукомлю, и ту распусти силу свою рускую, князеи и боярь, a сам поиде ко Киеву. И на ту же осень князь великии Жикги\л.160.\монт и собра силу многу литовъскую и ляхи и прииде на Рускую землю, идоша ко Мстиславлю, и сташа под Мстиславлемь месяца октября 26 день, на память святого мученика Дмитрия, во срЂду, и стоаль 3 недели, не возма города поиде в свою землю. На лЂто же собрашася Швитригаило со князи рускими и бояры и зо всею силою рускою поиде на Литву, a мештерь прииде со своею силою на помощь ко Швитригаилом во Бряславли. И божиим повелениемь паде на землю моча велика, ва тым же не можааху во Литовскую землю поити. Князь Швитригаило възвратися во свою землю и распусти силу свою, князеи коарь Ч, a мештерь поиде во свою вемлю, и распусти силу свою, князеи, боярь во Помоцку Ш, сам поиди ко Киеву. И на третее лЂто князь вели\л.160об.\кии Швитригаило сожже Герасима митрополита y Витебьску. И собрася князь великии Швитригаило y Витебьску c рускими князи и со рускими ратьми, и поиде ко Бряславлю, и прииде ко Швитригаилу на помощь мештерь вифляньскии со своею силою. И подуть от Бряелавля по Завельскои земли по Щ Завелью к Вилькомирю. И сам Щ по Ы за Ы великии Жикгимонт не поиде на Швитригаила, и дасть корол 8 сот копеи помочи князю великому Жикгимонту, и князь великии Жикгимонт посла сына своего, князя Михаила, на князя Швитригаила. И князь Михаило прииде со своею силою литовьскою и з ляхи, и бысть им бои со Швитраилом на Семень день на лЂтепроводца, a билися за Вилкомирем рЂце Ъ. И за то бог не пособи Швитригаилу, что сожже митронолита Гераси\л.161.\ма, и поможе бог князю великому Жикгимонту и его сыну, князю Михаилу. И побиша, a иных рукама поимаша. Убили братанича его, князя Жикгимонта Корибутовича, и князя Ярослава Лыгвеньевича, и княая Михаила Болобана Семеновича, Лырвеньевича Ь Голшаньского Ь и князя Михаила вяземъского Лвовича, a иных князеи много избиша и руками изымаша князеи 42.



Х Далее зачеркнутые четыре буквы ХХ Так в рукописи Ц Так в рукописи; в C повели ЦЦ Так в pyкописи; в C озерех Ч Так в рукописи; д. б. боярь Ш Taк в рукописи Щ—Щ Написано на верхнем поле в выносным знаком Ы—Ы Так в рукописи в H князь Ъ Так в рукописи д, 6. на рЂце Ь—Ь В С и князя Данилья Семеновича Голвданьского



На имя изымаша князя Иоана Володимеревича киевьского и брата его князя Феодора Корибутовича и лифляньского мещера самого убиша, и ланмаршалка, и иных кунторов много побиша, и всЂх лифлянт перебиша, a иных руками поимаша, нЂчто ся их мало осташа. И много иных гостеи побиша, ружань и сляжан и чехов, a иных рукама воимаша. После того побитья 3 \л.161об.\ недели спустив и князь великии Жикгимонт, собравь всю свою силу литовьскую и посла сына своего князя Михаила на Русь. И пришед князь Михаило станеть на Рши. И смолняне стрЂтили князя Михаила на Рши, и далися смолняне князю великому Жикгимонту и его сыну, князю Михаилу, и князь Михаило ко Смоленьску не поиде, но поиде отто Рши к Витебьску. И пришед под Витебьску князь Михаило стоял 6 недель и не возма города проч поиде. И после того тое же эимы князь великии Жикгимонт \108\ събра опять всю свою литовьскую силу и паномь Э и послаша ко городу ко Полоцку. И пришедше панове под Полоцком стояли неделю и, не добыв города, проч пошло. И на лЂто полочане и видбляне, не чюя собЂ помочи ниоткуля, и дашася вели\л.162.\кому князю Жикгимону Кестутевичю. И нача князь великии Жикгимонть княжити на великом княжень на Литовьскомь и на Рускомь.





Сказание [о] великом князи ВитовтЂ


Таину цареву таити добро есть, a дЂла великого осп[о]д[а]ря повЂдати добро же есть. Хощю вамь повЂдати o великом князи АлександрЂ, зовемом ВитовтЂ литовъскомь, и иных многых земль град ЭЭ. Но понеже писано есть: «Братия, бога боитеся, a князя жтите». Такоже и аз хощю вам повЂдати o славном господари, но не мощно исповЂдати ни писанию предати дЂла великого господаря. Яко ж бы мощно кому испытати высота небесная и глубина морьская, то ж бы мощно исповЂдати силу и храбрость того славного господаря. Сии князь великии Витовть, бяше ему дръжащю \л.162об.\ великое княженье Литовьское и Руское и иныя многия земли, сопроста рЂку уся Руская земля. Не токмо же вся Руская, но еще жгосподарь Угорьскои земли, зовемы цЂсарь римскыи во велицЂи любви живя c ним. Толбо Ю ми ся Ю увЂри. НЂкогда сущю тому славному господарю, бывшю ему во своем градЂ, зовемь Луческъ Великии, и посла послы своя королю угорьскому, зовемому цесарю римскому, и повелЂ ему бити к собЂ. Он же без всякого отслушания воскори приехал к нему и со своею королицею, и честь велику и дары многи подаваша им, оттоли же y них утръдися любовь велика. Како не почюдимся чести великого того господаря, еже которые земли’на востоцЂ или на западЂ приходяще покланяются \л.163.\ славнону Я господарю, еже есть цЂсарь над всею землею, и тои пришед поклонися славно господарю великому князю Александру, зовемому Витовту. Еще же и турецкии царь честь велику и дары многи подаваше славному господарю благовЂрному же и христолюбивому царю и цариградскому, и тому со ним в велицеи любви живущю. Такожде и Ческое королевьство великую честь дръжащю над славным господарем, еще и доньскии корол велику честь и дары многи подаваше славному господарю великому князю Витовту. В тая же лЂта брать его Ягаилу преддръжащю стол Краковъского королевъства, по лядску же языку зовему тому Владиславу, и тому c ним во велицеи любви живущю. Коли славныи господарь Витовть на которую землю \л.163об.\ гнЂвень бываше и которую землю хотяше казнити, королю же Владиславу всегадда ЯЯ дающю помощь, a иногда саме ему ходящю на помощь. Еще же ини велиции цари восточныи служаху ему зо всими грады своими и со землями, тЂ жь велиции князи нЂмецкии, по нЂмецкому языку зовемии мистрове, еще же господарь земли Молдавьскиа и Басарменьскиа, по власкому языку зовеми въеводы, такоже и господар земли, [по] болгарьскому языку зовемии деиспоты, еще же и инии велиции князи, великии князь тферьски, великии князь разаньскии, великии князь Одоевьскии, Великии Новгород, великии Пьсковь, спроста реку, иже не обрЂтеся в всем Поморьи ни град, ни \л.164.\ мЂста, иже бы не прислухали славного того господаря Витовта. Тые же велиции цари и велиции князи и велиции земли, иже писахом зде ини во велиции любви живуще c ним, a инии крЂпко служаху ему, славному господарю, и честь велику и дары многи, и дани приношаху ему, не токмо по вся лЂта, но и по вся дни. И коли славны господарь великыи князь Александр, зовемыи Витовт, на которую землю бьваше гнЂвень и которую землю хотяше самь казнити или паки сиых своих воевод послати где въсхощеть, и к которому от тых великих земль повелеваше к собЂ быти, и они безо всякого ослушаниа воскоре прихождаху со своеи земли ко нему. И коему господарю нЂ за какую нужю немощно \л.164об.\ быти, и он вся своя рати и си[лы] А посылаше ко ему на помощь и на его службу. Сии же князь велик[и]и Б Александр, зовемыи Витовт, в нелицеи ББ чти и сла†пребываше. Бяше ему нЂколко от своих градовь во единомь нарицаемом КиевЂ, и присылаше к нему велиции ардыньскии князи, прицая В ему под великую службу и просяща y него царя на царьство.



Э Так в рукописи; в C панов ЭЭ Так в рукописи; в C господарь Ю—Ю Так в рукописи; в Сл. таково ми ся Я Так в рукописи ЯЯ Так в рукописи


А Буквы лы оторваны Б Первое и оторвано ББ Так в рукописи; д. б. велицеи В B C полецаяся



Много бо бяше орьдыньскых великих царев служать во дворЂ его; он же даль имь царя, именемь Солтана. Оному же царю, иже бЂ на ордЂ, слышавь яко славньи господарь отпустиль своего слугу на царьство, никако же не смЂ съпретися со славнымь господарем, остави царство и побежи. Сему же Солтану дошедшу \л.165.\ орды и сЂде на царство повелениемь великого господаря вовемаго Витовта, и служаше со великою боязнею славъному господарю. И не по мнози врЂмени гоньзне за животь, инем же стареишинам ардыньскым посла \109\ своя co великими дарыми ко славному господарю и просиша y него иного царя, именем малого Солтана. Сему же малому Солтану сЂдшю на царство никако же не смЂ ослушатися славно Г господаря: где коли ему повелить, и он ту тада кочюеть. И по малЂ врЂмени и тому минувшюся велиции же князи ардыньские никако же не смЂша разгневити славного господаря великого князя Витовта, дабы не от его рукь поставити им царя, и послаша со великого ГГ честию \л.165об.\ и просиша y него иного царя, именем Давлад-ВердЂя. Яко рЂка приходящи всю землю человеки и скоты напаяющися, a сама не умаляющися, такожде и славныи господарь множество цареи Д. Мы же на предреченное возвратимся. Сему же царю Давлад-БердЂю немного время побывшю, и тому мимошедшю. Сим же стареишинам ардыньскымь слышавшим, яко славныи господар близь есть во преждереченном Кие†градЂ, и приидоша сами поклониша славному господарю великому князю Витовту, и дары многы принесоша, и просять y него иного царя именем Магмета. Яко же бо от моря много вод исходящи.

B лЂто 6940 [1432]. Герасим, епископ смоленьскии, поиде ко Цариграду на митропо \л.166.\ лию. Того же лЂта Жикгимонть сяде в ЛитвЂ. Того же лЂта побоище бысть на ОшменЂ.

B лЂто 6941 [1433]. Герасимь митрополить выиде ис Цариграда.

B лЂто 6943 [1435]. Швитригаило Герасима митрополита съжже в Витебьску. Того же лЂта бысть побоище н ДД Вилкомири, множедство побиша князеи и боар и мЂстичов, a иных руками поимаша.

B лЂто 6944 [1436]. B лЂто 6945 [1437].

B лЂто 6946[1438]. B тыи лЂта бысть град Е великь во Смоленьску, по лЂсомь, по дорогамь звЂри ядяше людеи, a в городЂ по улицам пси ядяху людеи мертвых, главы, руки и ноги влачаху пси. Ион ЕЕ люди людеи ели и малых дЂтеи от великого гладу, a в великии пость мясо ели, звЂрину, по волостем, a четвертка ржи была по д†копЂ грошеи. И ме \л.166об.\ таша в скулинци Ж люди емлючи по улицам. Того же лЂта Махметь царь побиль москвич.

ЛЂто 6948 [1440]. Сотворися зло велико в ЛитвЂ, убиень бысть князя ЖЖ великии Жикгимонть во градЂ во Троцех в верьбную неделю перед обЂдом, и бысть мятеж великь y Литовьскои земли. A в то время во Смоленьску дрьжаль воеводство от Жикгимонта пань Андреи Саковичь, и поча приводити к цЂлованию смолнянь: Что же князи литовьские и паны и вся земля Литовьская кого посадять на великомь княженьи, и вань З от литовьского князя не отступати, a ко иному не приступати, a мене вам y себе дръжати въеводою докуль сядеть на Вилни князь великии. И владыка смоленьски Семеон и князи, и бояре, и мЂ\л.167.\стичи, и черныя люди цЂловали пана Андреи на всем на томь Вилни не отступати a пана Андрея дръжа y себе честно воеводою на Смояеньску. И по Велици дни на святои недели во срЂду здумаше смоленяне, черныя люди, кузници, кожемяки, перешевники, мясники, котелники пана Аньдря ЗЗ сослати силою з города, a цЂлование переступили, и нарядилися y зброи, со сулицами, со стрелами и сы косами и со секирами и зазвонили y колокол. Пань же Андреи почал ся радити з бояри смоленскими, и бояре молвили ему: «Вели, пане, дворяномь своим убиратися в зброи, a мы c тобою. Чи лЂпши датися им y руки». И поидоша c копьи н И конехь противу имь. И бысть ступь y Бориса ГлЂба y городи, и избиша много \л.167об.\ черныхь людеи копьи до смерти, a иныа ранены живи остали, и пробЂгоша черныя люди от пана Анъдрея. И тое нощи выеха пань Анъдреи из града и со женою и бояре смоленьские c ним. И послЂ того бысть мятежа велика y Смоленьску. Изымаше смолняне Петрыку, маршалка смоленьского, и утопиша его y ДнепрЂ, и посадиша собЂ воеводою на Смоленьску князя Андря К Дмитриевича Доробужского. Рада же литовьская великого княженья, князи и панове и вся земля, межи Л себе дорадившеся и взяша из Лявь М Казимира королевича на великое княженье Литовьское, и посадиша его co чеетию на столичнем градЂ на Вилни и на всеи Рускои земли. И в то время прииде князь Юрьи Лыгьвеевичь из Нова\л.168.\города в Лит[ву Н. И князь великии] Казимирь кор[олевичь даль ему] отьчину его [Мстиславль. Бояре] же смоленьс[кыи приехали к нему] з Литвы ко С[моленску и черьны]я люди не пустиш[а их y город], они же разехашася по своим селом.



Г Так в рукописи; в C славного ГГ Так в рукописи; e C великою Д B C далее отпущаеть на орду, a в него большало цареи навчено ДД Так в рукописи; д. 6. на Е Taк в рукописи; в C глад ЕЕ Так в рукописи; в C ино Ж Так в рукописи; в C скудильници ЖЖ Так в рукописи З Так в рукописи; в C вамь ЗЗ Так в рукописи И Так в рукописи К Так в рукописи Л и переделано из e М Taк в рукописи; e C Ляховь Н Край листа оборван



И за тым бысть брань ве[лика] межи боярь и черных люде[и. И боя]ся боярь чернья люди пр[и]зваша к собЂ господарем князя [Юрь]я Льгвеньевича. И посла князь Ю[рь]и поимати боарь и поимавше их поковаша и имЂния их подаваль бояром своим. Тое же осени на Филиповы запусть прииде воиско литовьскои к Смоленьску \110\ и стояше полтретьи недели, и посадь и церкви, и манастьри пожгоша, a людеи много множдество посЂкоша, a живых в полонь поведоша, и много зла сотво \л.168об.\ [риша и поидоша] проч.

ЛЂто 6951 [1443]. [Бысть вима лю]та и метелица [безъперестани c м]орозом великим. [И мьроша люди мно]зи по лЂсомь [и по дорогам c вели]кои стюдени. [А снег был] велик велми, за много [лЂта т]акова зима не была и ста[рыи л]юди не запомнять. И тое же [зим]ы поводь была велми вели[ка], во Смоленьску весь посад поня[ла], мало не дошла вода Покров[ск]ои горы О. Тое же зимы преставис[я] архимандрит Анофреи спасскии месяца ген[варя] 23, и проводиша его честно.

ЛЂто 6952 [1444]. Князь великии Борис тферьскии посьлаль воевати земли Великого Новгорода, a воеводах был князь Андреи Дмитриевич. Изьвоеваша волости и за полтритьядцать, и много зла учиниша. Того же лЂта королю полоскому ОО Владиславу, \л.169.\ брату Казимирову, было побоище c турецким царемь, и убиень бысть на том побоищи король угорьскыи и турецкии царь.

ЛЂто 6953 [1445]. Князь великии Казимирь немирень сь великим княземь московъскимь. И пришедше москвичи c татары извоеваше Вяземъскую землю всю. Тое же зимы князь великии Казимирь послал воеводы своих, князеи и пановь, против того воевати Московьское земли. И извоеваше Козелеск, и много зла учиниша москвичомь, и в полон поведоша множдество людеи. Собрашася можаичи за 9000 их и погнаша угоню за литвою. И поможе бог литвЂ, побиша москвичь много, a иных поимаша живыхь, и приведоша ихь во Смоленьск ко великому князю Казимирю. И учиниша панове великому князю \л.169об.\ честь тогда и собЂ. A московьского великого князя тогды не было в земли, ходил к Мурому c татары битися. Тое же зимы преставися смоленьскии владыка Семион месяца марта 3 день на средокрестнои недели, во среду, и проводиша его со честию y святого Спаса, y манастыри. Того же лЂта месяца маиа князь великии московьскии билься c татары, со царьмь сь Магметом и со сыномь его Мамутяком, и побиша москвич, a самого князя великого Василья няли татарове на побоищи и можаиского князя няли, и иных князеи и боярь много поимали. A было тое побоище в Суждали y святого Спаса y манастыри. Того же лЂта Москва выгорЂла, весь город, и имЂниа вся погорЂ, и людеи множество погорЂша, и бысть на Моск†скръбь велика в людех. Того же лЂта перед по\л.170.\кровом ва д†нощи поколибася земля в нощи, аки колыбЂль колибалися храмы. Тогое же осени на Дмитров день царь Махметь и Мамутякь, сынь его, отпустили князя великого Василья московьского на окупЂ, дати на собЂ ему окупа много множество.

B лЂто 6954 [1446]. Князь Дмитреи Юрьевичь Шемяка изымаша брата своего старшего, князя великого московьского Василья Василе П Васильевича, и выимаше ему очи, a сам сяде на великом княженьи на МосквЂ.





ЛЂтописець великих ннязе ПП литовских


Велики Р князь Гедимина Р литовъского 7 сынов было: стареишии Моидивиды, потом Наримонт, потом Олгирд, королевь отець, потом Евнутии, потом Кестути, оцрь С великого князя Витовта, \л.170об.\ потом Рьять, семы Либорть. Моньдевиду же отець дал Карачевь да Слоним, Наримонту Пинескь, Олгирду, королеву отцю, Кревь; да к тому князя Т витебьскии сынов не дрьжаль, приняль его к докцЂ У и Витебь Ф в зяти, a Евнутья осадиль y Вилни на великом княженьи, a Кестутью Трокы, a Корибуту Новгородь, a Любарта приняль володимерьскии князь к дочцЂ в всю землю Волыньскую. Олгирд, королевь отець, a великого князя отець Кестюти были у великого князя y великои милости и в ласцЂ. Князь великии Евнути во большеньст†буда не полюбилься има, и змолвили межи собою братья, князь велики Олгирд и князь велики Кестутии, как бы его оттолЂ высади Х, a никоторому бы межи нихь сЂсти. И змолвивше межи собою \л.171.\ рок учинили, которого бы дни с Ц Вилни пригнати и засЂсти городы под братом, великим княземь Евнутиемь.



О Текст восстановлен no C ОО Так в рукописи П Так в рукописи ПП Так в рукописи Р—Р Так в рукописи С Так в рукописи; в C отець Т Так в рукописи У Так в рукописи; в C дотьце Ф Так в рукописи; в C Витебъскь Х Так в рукописи; в C высадити Ц Так в рукописи в C к



И князь великн Олгирд из Витебьска не поспЂл к тому року к Вилни, a князь великии Кестутеи пригналь к городу к Вилни и вогна во город. И князь великии Евнутии, выскочив, убЂжить в горы, в гури и тамо озябеть в ногы. Немше его привезли ко брату его, ко князю великому Кестутьеви, онь жда брата своего стареишего, великого князя Олгирда, посадить его за сторожею, a противу брата своего, великого князя Олгирда, гонца послал, что уже y Вилни сЂль, a бра[та], князя великого Евнутия, \111\ няль. Стретитъ его гонець y КревЂ, и князя Ч великии Олгирд вборъздЂ Ш поспЂшить боръздЂ Ш и при\л.171об.\едеть ко брату своему ко князю великому Кестутью. Князь великии Кестутии рече брату своему, великому князю Олгирду: «ТобЂ подобаеть великимь князем быти во Вилни; ты стареишии брать, a я c тобою заодно дрьжу». И посадить его на великомь княженьи во Вилни, a Евнутью дали Жеславль. A докончають межи себе князь великии Олгирд, князь великии Кестутии, што братьи все послушнои быти великого князя Олгирда, или которыи волости, то собЂ разделили, a то собЂ докончають — что придобудуть, грады ли или волости, да то дЂлити наполы. A быти има до живота в любви a в великои милости, a правду межи собою на томь никому ни на кого не помысли\л.172.\ти лихом. Также и была Щ до живота в тои правдЂ. Сыновь же было y великого князя Олгирда 12, a y великого князя Кестутья 6 сыновь было. A межи сыновь любили князь Олгирдь князя великого Ягаила и князя Ы великого Кестутья Ы полюбиль великого Витовта, a нарекли при своихь животЂхь, што им быти на их местех, на великих княженьяхь. Они паки, князя великии Витовт, также y великих дружбах были при отцехь своих. Потом паки князь великии Олгирдъвич Э умре, и князь велики Кестутии не оставя брата своего, великого князя Олгирда. Какь и до его живота во одиначест†з ним были, почнеть дрьжати княземь великого Ягаила. И почнеть такь переежда \л.172об.\ти ко старым думам, как и ко бра[ту] Ю перееждати старшему. НЂхто пакь был y великого князя Олгирда паробокь неволныи, холоп, звали его Воидимом. Первое постелю слати и воду давати собЂ пити, и потомь пакь полюбилься был ему, дал ему был Лиду дрьжати. И потомь по животЂ Я великого князя Олгирда д†лЂтЂ и болшеи минуло, князь великии Ягаило поведеть его вельми в высокихь, и дасть за него сестру свою родную, княгиню Марью, што потом была за княземь за Давдомь. Князю великому Кестутью влми А велику нелюбость и жалость учиниль, што братанну его, сестру, за хлопа дал. И был тоть Воидило y великои моци y князя великого Ягаила, почал з нЂмци собЂ \л.173.\ суимы чинити и записыватися грамоты противу великого князя Кестутьа. Ђхот Б пакь был ошькровьскыи В кунтарь, звали его Гуньстыном. Тоть быль кмотрь князю великому Кестютъю, крестиль княгиню Янушеву, дочку его. Тоть повЂдал князю великому Кестютью: «Ты того не вЂдаешь, как князь Ягаило посылаеть к нам часто Воидила, уже записалься з нами, как тебе избавити своих мЂсть, a ему бы ся достало и c сестрою великого князя Ягаила твои мЂста». A князь великии Кестути вЂдал, што князь великии Витовть гораздо живеть со князем великим Ягаилом, и почнеть жаловатися сыну своему, великому князю Витовту: «Ты з ним гораздо живешь, a он уже записалься з нЂмици Г на нас». И князь велики Витовт отвЂчаеть отцю своему: «Не вЂруи тому, ач то \л.173об.\ нЂть, занеже со мною гораздо живеть, ачеи бы мнЂ явил». Потом пакь великое знамение учинилося: князь великии Ягаило дал был Польтескь брату своему, князю Скиргаилу, и они е Д не приняли. И князь великии Ягаило посла рать свою усю литовьску и рускую з братом своим, князем Скиргаилом, к Полоцку. И оттуды мистр лифляньски прииде ратью к Полуцку и оступять город. И князь великии Кестутии опять начнеть жаловатися сыну своему, великому князю Витовту, и проплакивая на князя Ягаила: «За Воидила сестру да мою братаанну, a из НЂмець ми явлено что нЂмци записалися на нас, a се пак третие: c ким ся мы воюем? З нЂмци. И они з ними Полоцка добывають. Уже то проавилося, што они заодно посполь стали на нас з нЂмци». Князь велики \л.174.\ Витовт отвЂчаеть отцю своему, великому князю Кестутью: «Еще тому не довЂряю гораздо». A рекь то князь великии Витовть, a сам поехал к городу Дорогичинити Е. Князь пак великии Кестутию, собрався своею моцью и вженеть в город y Вильню и иметь князя великого Ягаила и з матрью и з братьею, и грамоты тые знаидеть, што з немци писалься, и ко сыну своему гонца пошлеть, к великому князю Витовту ко Дорогичину, что такая дЂла сталася. И гонець тоть наидеть князя великого Витовта, a он уже до Городна приехал з Дорогичина. A князь великии Витовт за одинь день приженеть из Городна ко отцу своему, великому князю Кестютью. Он же рече сыну своему, великому князю Витовту: «Ты мнЂ не вЂриль, a ce тые \л.174об.\ грамоты, что записалися были на нас, но бог нас остерег. Но я князю великому ничего не вчиниль, не рушил есми ни скарбов его a ни стад, a сами y мене y нятьст†ходять, толко за малою сторожею, a отчину его, Витебьскь и Кревь, и вся мЂста, што отець его дрьжаль, тое все ему даю, ни y во что их не уступаюся.




Ч Так в рукописи Ш—Ш Так в рукописи Щ Так в рукописи; в C такоже были Ы—Ы Так в рукописи; в C князь велики Кестути Э Так в рукописи; в C Олгирдь Ю Буквы ту оторваны Я Далее cmepmoe слово


А Так в рукописи Б Так в рукописи; в C некто В Так в рукописи; в C остродски Г Так в рукописи Д Так в рукописи; в C его Е Так в рукописи; в C Дорогичину \112\



A то училь Ж есми стережа своеи головы». То пак князь великии Ягаило правду свою наборздЂ забыль, тамо не пошоль, a наговориль мЂстичи виленьски Ганюилеву чядь, a засЂли Вилни A князь великии Витовт в тое время y Троцех был, и князь великии Ягаило з Витебьска со всими своими приженеть к Вилни. И князь великии Витовт пошлеть к СЂверскому Новугородку ко отцю своему c тою вЂстью. A нЂмци пак прускии услышавше та \л.175.\ а дЂла, и маршалко прускии поиде на помочь ратью к великому князю Ягаилу вельми наборзде. A какь услышавь то князь велики Витовт, что прускии нЂмци к Вилни и Троком идуть, a князь великии Ягаило из Вилни к Троком же идуть ратью сниматися з нЂмци, и онь поидеть c Троковь к Городну c матерью. A как приступить ко Троком князь великии Ягаило, и Троки дадутся ему. И князь великии Кестютии к Городну к сыну своему, тута наидеть и жену свою и пошлеть я к Берести, надЂяся на князя на Януша мозовьского, зятя своего, a сам поидеть во Жемоить, a сына, князя великого Витовта, оставить y ГороднЂ. Князь пак Янушь, зять его, забыв добра и приязни цтя своего и тещи своеи и шюрьи, поиде ратью к До\л.175об.\рогичину, Дорогичинь возма осадить, Мельник возма осадить, Саражь извоюеть, Каменець извоюеть и оступить y Берести тещю свою. Берестья добывь З поидеть проч, осадивь тыи 2 города, Дорогичинь и Мелник. A князь великии Кестютии, събравь свою Жемоитьскую землю и вси рати, и поде к рЂце к Вльи ЗЗ, и князь Витовть, собра свою рать и свои очины, поидеть из Городна противу отца своего и съимутся на Вельи вышши Ковна 2 мили. И тута перевезтся рать и поидуть к Троком, и, пришедше, оступиша Троки. И почюеть князь великии Кестютии, что князь Ягаило из Вилни идеть ратью, a з ним нЂцкая И рать и лифляньская. Ино первое нЂмци обоим неприятели были, и князю великому Кестютью, и князю великому Ягаилу. И се пе\л.176.\рвое: лифляньская рать на помочь приходила князю Скиргаилу к Полоцку, a потом з маршалъком пруекая рать ко Троком приходила, a то вже в третьее лифляньская рать з ним же придила К; то вже ваки Л тые вышли, што c ними заодно стали противу князя великого Кестютья. И выступить на бои князь великии Кестутии и c сыном своим, великим княземь Витовтомь, противу князя Ягаила. И как не съшедшимся полкомь за три или за четыри перестрЂлы, приженуть князи и бояре от князя великого Ягаила до князя великого рати Кестутьевы, почнуть пытати князя великого Витовта, што быхом з ним поговорили. Почнуть говорити великому князю Витовту: «Князь великии Ягаило послаль нась к тобЂ, што быхом \л.176об.\ дръжали свое, a вы бы свое, a бою бы межи нас не было, a кровопролитья бы не учинилося. Ты бы приехал ко брату своему, князю великому Ягаилу, a мы правду даемь, чтобы тобЂ чисто отехати опять y рать свою, чызды М бы межи вас добрыи был конець». И князь великии Витовть отвЂчаль: «Правду y вас беру, штобы також князь Скиргаило сЂмо приехаль, a такоже бы правду даль, и я выеду». И они послали к князю Скиргаилу, и князь Скиргаило такоже правду дал великому князю Витовту, как и они. И князь Витовть поехаль к князю великому Ягаилу и ко его рати, a полкове стоять, межи себе не починали ничего. И князь великии Ягаило учнеть просити великого князя Витовта, штобы «еси межи нас уеднал \л.177.\ и кровопролитья бы не было». И князь великии Витовт правду взял y князя великого Ягаила за отца своего, что отцю его, великому князю Кестутью, зьехався и опять чисто розехатися. A еще рече князь великии Витовть князю великому Ягаилу: «Еще, брате, пошли князя Скиргаила, штобы и онь и я задали быхом правду отцю своему, иж бы ему чисто приехати и опять отехати в рать, a князь бы великии Скиргаило от тебе дал правду». И князь великии Витовт c князем Скиргаилом воедеть ко отцю своему великому от князя великого Ягаила, и князь Скиргаило дасть правду от князя великого и от себе. И князь великии Витовт со отцем своим, великым князем Кестутьем, оба поидуть из рати, надЂяся на тыи правды. И князь великии Ягаило переступивь тыи правды, молвять: «Поедь к Вилни, тамо дончаемь Н въше» Н. Остали. И как \л.177об.\ к Вилни приехав, князя великого Кестютья, дядю своего, оковавь, послали Креву и всадили y вежю, a княза великого Витовта оставили были еще y Вилни. И тамо y Кре†пятое ночи князя великого Кестутъя удавили коморники князя великого Ягаиловы: Прокше, што воду даеть ему, a были инии, Мостевь брать a Кучюкь, a Лисица Жибндяи. Таков конець стался князю великому Кестутью.



Ж Так в рукописи; д. 6. учиниль З B K, P, Рум. не добывши ЗЗ Так в рукописи; д. б. Вельи И Taк в рукописи К Так в рукописи Л Taк в рукописи; д. б. анаки М Так в рукописи; в C ачеи Н—Н Так в рукописи; в C докончаемь



По смерти пакь великого князя Кестутья пошлеть князь великии Ягаило князя великого Витовта y Крев же со женою a велить его твръдо стеречи в комнатЂ. Помщая Воидила, што были \113\ сестру свою за него дали, дву вели на колесЂ разбити, a одно, Видимонта, дядю матки князя великого Витовта, отца брата матки его, што дръжаль Ульяну, потом пакь была за Мониводом, a иныхь \л.178.\ [б]оярь О многих постинали, помщаа того Воидила. Князь пакь великии Витовт сидЂл y Кре†в комнатЂ за твръдою сторожею, a жонцЂ 2 ходили покладывати княгиню в комнату да положивь да вонь поидуть, a сторожи около. То пакь великая княгиня слышавь от людеи: иметь ли князь великии Витовт долже сидЂти, ачь также загадають, как и нашим отцем. И пригадала ему такь: какь поидуть жонки покладывати, ино бы ему однои жонки услакьсти П порьты да выити вонь з другою жонкою, a тои жонцЂ оставити бы в неи в которыхь портЂх выидеть вон. И пакь его научить, и онь, нарядився в одное жонки порты, да и з другою вышоль, да спустился з города да утекь y НЂмци, y Прусы. Сущю же ему y НЂмцах y МарьинЂ градЂ y мистра, \л.178об.\ приехаше к нему мнози князи и бояре литовьскии, он же нача воевати c помочю нЂмецЂкою ПП Литовьскую землю. A князю великому сущю Ягаилу з матерью, з великою княгинею Ульяною, в Витебьску, a брать его, князь Скиргаило, y Литовьскои земли y Троцех. A великому князю Ягаилу и Скригаилу невозможно уже стати противу ему, заню же бо y него сила велика собралася. Тыгды князь Ягаило, перезвав его из НЂмець, и дал ему Луческь зо всею Волыньскою землею, a y Литовскои земли отчину его. Короля Казимира краковьского в животЂ не стало, a сыновь y него не было, толко одна долка Р. И начаша ляхове слати ис Кракова ко князю великому Ягаилу, дабы приняль крещение старого Рима и понял бы y них королеву Ядвигу собЂ жоною и стал бы y нихь \л.179.\ королем y Кракове на все земли Лядскои. Он же, князь великии Ягаило, совЂть сотвори своею матерью, з великою княгинею Ульяною, и з братьею своею, и c всими князьми и бояры Литовьское земли, и поехав Кракову в Лядскую землю. Тамо же сам крестися и брать его, и князи, и бояре Литовьское земли. И взяль за себе королеву Адвигу, и корунован бысть того королевъства коруною. И отолЂ начаша крестити Литву в латыньскую вЂру, и присла арцибискупь бискупа к Вилни в Литовскую землю, и тогда начаша ставити костелы в всеи Литовьскои земли. Тое же зимы королю сущю y Кракове зо всими, князь Аньдреи полоцки прииде з нЂмъци c вифлянты, зо всею латыгалою на Литовъскую землю, и повоевав пожже много мЂсть и сел, градом же в Литовь\л.179об.\скои земли ничто не успЂ, и пакы возвратися восвоясы. Тое же зимы князь СвЂтславь смоленьскыи совЂть сотвори со княземь Андреемь полоцкым: он в Литву, a князь СвЂтъслав к Орши. A на миру много зла сотвориша, хрестияньскии РР мучиша хрестиянь, иж ни на поганьскых ратех слышахом таковых мук мучащи хрестиянь. Збираху и запираху во избах и зажигаху, a другия великия храмы очапы подьнимаху и плЂниковь под стЂны главами кладяху, a иныя жень и дЂти на копья тыкаху, a иныхь мукь над хрестияны, их же срама ради не дисахомь, яко же ни Антиох сирьскии, ни Ульянь законопреступник тых мукь не сотвори над християны, граду же Рши ничто же успЂша и паки возвратися восвояси. Тое же зимы на весну y великии говенна начать Светьславь думати смо\л.180.\леньскими бояры на християньское кровопролитие, аки звЂрие сверЂпии, аки нехрестияне. Поиде ко граду Мъстиславлю и ста y града Мьстиславля, и нача добывати и пороки бити град, a в землю Мстиславльскую вои пусти, и много пролиа крови християньскиа. То же бысть богу мръзко зрЂти: зовущимся хрестияном, a братью свою хрестиянь не человеческии, ни хрестияньскии мучаху. Князь же великии Скиргаило и князь великии Витовт приехавше из Ляхов а С брата своего короля и слыша, яко князь Светьслав смоленьскии и преже бысть под Витебьском, a потом к Орши приходил, a под Мстиславлем стоить, град пороки биеть. И сожалився князь великии Скиргаило, поиде со братьею своею, з великим княземь Витовтом и c Семеном Гугнивымь. И помянуша слово \л.180об.\ божие, еже рече: «Во которую мЂру человек мЂрить, отмЂрится ему, a что посЂеть, то и пожнеть. Мы, рекоша, никего СС зла ему не сотворихом, a он з нами в докончании будучи и преступивь крестное цЂлование и дончание Т a нашю землю воюеть и кровь хрестияскую проливаеть. Мы же на нь идемь, надЂяся на бога и на хрестианьскую силу». И приидоша ко граду Мъстислявлу. A князю Светьславу, стоящю y града и вынявше У пороки града Мстиславль на крестнои недели y пятницю.



О Буква б оторвана П Так в рукописи ПП Taк в рукописи Р Так в рукописи; в C дочка РР B P не по хрестияньскии С Так в рукописи; в C от СС Так в рукописи Т Так в рукописи; в C докончание У B C бивши



A пакь услышавь князь Светслав, што идеть на него князь великии Скиргаило со братьею, он же спольчивь воя своя и поидеть противу им. Яко соступишася полци, бог же по Д[а]в[ы]да пророку слову сотвори, еже рече: «Обратится болезнь на главу его, и на \л.181.\ верх его неправда снидеть». И паки: «Ровь изры и искапа, и впадеся во яму, юже сотвори». Бог же поможе \114\ великому князю Скиргаилу и великому князю Витовту, a князь Светьславь устремися на бЂгь и со своими князьми и бояры Ф смоленьскими, и со своими ратьми. Божьею силою ту немало чюдес сотвориша, избито бысть вои много множество, князеи, боярь. Но и самого князя великого Светьслава убиша, сына же его, князя Юрья, князь великии Скиргаило обрЂтеся y Троцех ФФ много ранена, толко жива суща. И взя его и нача его лЂчити многими лЂкарьствы, и главу ему постриже рань ради, зане много раненьи очаявся бе живота. Князь же великии Скиргаило исцЂливь его от рань и привезе ко граду Смоленьску к матери его, великои княги\л.181об.\ни СвЂтьславли, и посади его на великом княженьи y Смоленьску, занеже была за князем Юрьем дочка стареишее сестры Скирьгаиловы. Отшед же от города Смоленьска князь великии Скиргаило и поидеть во свою землю Литовьскую, и нача княжити y Троцех, a y Вилню прислаль король старосту от себе лядского. A князю великому Витовту тогда дръжащю Луческь и всю землю Волыньскую, a в Литовъскои земли отчину свою мЂль. И бысть емо Х ножно Х, яже преже чего не было в Литовъскои земли, сторонам владЂющим великим княженьемь. Тогда съвЂть сотвори со многими князьми и бояры Литовъскои земли. Тогда бо Скиргаилу отехавшу ко Полоцку и князь велики Витовт прииде в Вилню, хотя \л.182.\ засЂсти, a княгиня великая его Нна Ц бЂ тогда в ГороднЂ. Вилневци же тогда не вдашеся ему, зае Ч же тогда правду дали королю Ш Скиргаилу Ш. Онь же тогда не возма Вилни и поиде к мистру и c своею княгинею, и своими князями, и со многими бояры, и оттоле нача воевати Литовъскую землю з нЂмецкою помочию. И уже узял был Литовъскии земли по рЂку по Велью, a Полтеск град вдася ему. И узрЂ король и князь великии Скиргаило, яко уже невозможно им удръжати земли Литовъскои перед великим князем Витовтъм, c нимецькими силами поиде к Вилни. И стрЂте его князь Скиргаило c братом своим Витовтьм Щ и з литовъскими вои на рецЂ на Вельи y городка, на мЂсти нареченном Икшишькы. И ступившимся полком, и бог поможе великому \л.182об.\ князю Витовту, и побЂжени быша литовъскии вои, и устремишася на бЂгь, и побито бысть их много. A нных князеи и боярь в нятьство поимали: князя Семена ЩЩ Евнутьевича, князя ГлЂба Светославйча смоленьского, князя Василья Э Костянтиновича, князя Ивана Тету, Лва Плакьсича и иных князеи поимано бысть много. Иде князь великии Витовт таки ко граду Вилни c своими воими, и оступить град Вилню, и нача добывати Кривого города, пушиками бити, и взя град Кривыи; тогда же нЂмци убиша князя Коргаила Олгирдовича. A лядскои заставЂ, тогда сущи y Высоком городЂ, не пустиша во град князя Коргаила Ю. Князь же великии Витовт возма Кривыи град и землю извоевав, паки возвратися в НЂмци. Того же лЂта к великому князю Витовту Я. . .



Ф ы переделано из e ФФ Taк в рукописи; д. б. y трупех Х—Х B C ему нужьно Ц Так в рукописи; в C Анна Ч Так в рукописи; в C зане Ш—Ш Так в рукописи Щ Так в рукописи; в C Вигонтомь ЩЩ Далее эачеркнутые буквы Свето Э Так в рукописи в C ГлЂба Ю Так в рукописи; д. б. Витовта Я На этом рукопись обрывается












© Сканування та обробка: Максим, «Ізборник» (http://litopys.kiev.ua)
25.III.2003








Попередня     Головна     Наступна


Етимологія та історія української мови ua_etymology:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчани, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.