Попередня     Головна     Наступна





В лЂто 6494 [986]. Придоша болъгары вЂры бохъмичЂ, глаголюще, яко «Ты князь еси мудръ и смысленъ, не вЂси закона; но вЂруй в законъ нашь и поклонися Бохъмиту». И рече Володимеръ: «Како есть вЂра ваша?». Они же рЂша: «ВЂруемъ богу, а Бохмитъ ны учить, глаголя: обрЂзати уды тайныя, и свинины не ясти, вина не пити, а по смерти же, рече, со женами похоть творити блудную. Дасть Бохмитъ комуждо по семидесятъ женъ красныхъ, исбереть едину красну, и всЂх красоту възложить на едину, та будеть ему жена. ЗдЂ же, рече, достоить блудъ творити всякъ. На семь свЂтЂ аще будеть кто убогъ, то и тамъ», и ина многа лесть, ея же нЂ льзЂ псати срама ради. Володимеръ же слушаше ихъ, бЂ бо самъ любя жены и блуженье многое, послушаше сладко. Но се ему бЂ не любо: обрЂзанье удовъ и о неяденьи мясъ свиныхъ, а о питьи отнудь, рька: «Руси есть веселье питье, не можемъ бес того быти». Потом же придоша нЂмьци от Рима, глаголюще: «Придохомъ послании от папежа»; и рЂша ему: «Реклъ ти тако папежь: земля твоя яко и земля наша, а вЂра ваша не яко вЂра наша; вЂра бо наша свЂтъ есть: кланяемся богу, иже створилъ небо и землю, звЂзды, мЂсяць и всяко дыханье, \100\ а бози ваши — древо суть». Володимеръ же рече: «Кака заповЂдь ваша?». Они же рЂша: «Пощенье по силЂ; «Аще кто пьеть или ясть, то все въ славу божью», рече учитель нашь Павел». Рече же Володимеръ нЂмцемъ: «ИдЂте опять, яко отци наши сего не прияли суть». Се слышавше жидове козарьстии придоша, рекуще: «Слышахомъ, яко приходиша болгаре и хрестеяне, учаще тя кождо вЂрЂ своей. Хрестеяне бо вЂрують, его же мы распяхомъ, а мы вЂруемъ единому богу Аврамову, Исакову, Яковлю». И рече Володимеръ: «Что есть законъ вашь?». Они же рЂша: «ОбрЂзатися, свинины не ясти, ни заячины, суботу хранити». Он же рече: «То гдЂ есть земля ваша?». Они же рЂша: «Въ ЕрусалимЂ». Онъ же рече: «То тамо ли есть?». Они же рЂша: «РазъгнЂвася богъ на отци наши, и расточи ны по странамъ грЂхъ ради наших, и предана бысть земля наша хрестеяномъ». Он же рече: «То како вы инЂх учите, а сами отвержени от бога и расточени? Аще бы богъ любилъ васъ и законъ вашь, то не бысте расточени по чюжимъ землямъ. Еда и намъ тоже мыслите прияти?».

Посемь же прислаша грьци къ Володимеру философа, глаголюще сице: «Слышахомъ, яко приходили суть болгаре, учаще тя прияти вЂру свою, ихъ же вЂра оскверняеть небо и землю, иже суть прокляти паче всЂх человЂкъ, уподоблешеся Содому и Гомору, на ня же пусти господь каменье горюще, и потопи я̀, и погрязоша, яко и сихъ ожидаеть день погибели их, егда придеть богъ судитъ земли и погубити вся творящая безаконья и скверны дЂющия. Си бо омывають оходы своя, в ротъ вливають, и по брадЂ мажются, поминають Бохмита. Тако же и жены ихъ творять ту же скверну и ино пуще: от совкупленья мужьска и женьска вкушають». Си слышавъ Володимеръ плюну на землю, рекъ: «Нечисто есть дЂло». Рече же философъ: «Слышахом же и се, яко приходиша от Рима поучитъ васъ к вЂрЂ своей, ихъ же вЂра маломь с нами разъвращена: служать бо опрЂсноки, рекше оплатки, ихъ же богъ не преда, но повелЂ хлЂбомъ служити, и преда апостоломь приемъ хлЂбъ, рек: «Се естьтЂло мое, ломимое за вы...», тако же и чашю приемъ, рече: «Се есть кровь моя новаго завЂта», си же того не творять, суть не исправили вЂры». Рече же Володимеръ: «Придоша ко мнЂ жидове, глаголюще: яко нЂмци и грьци вЂрують, его же мы распяхомъ». Философъ же рече: «Въистину в того вЂруемъ, тЂхъ бо пророци прорЂцаху, яко богу родитися, а друзии — распяту быти и погребену, а въ 3-й день вскреснути и на небеса взити. Они же тыи пророки избиваху, другия претираху. Егда же сбысться прореченье сихъ, съниде на землю, и распятье прия, и въскресъ на небеса взиде, на сихъ же ожидаше покаянья за 40 и за 6 лЂт, и не 102 покаяшася, и посла на ня римляны, грады ихъ разбиша и самы расточиша по странамъ, и работають въ странах». Рече же Володимеръ: «То что ради сниде богь на землю, и страсть такову прия?». ОтвЂщав же философъ, рече: «Аще хощеши послушати, да скажю ти из начала, чьсо ради сниде богъ на землю». Володимеръ же рече: «Послушаю рад». И нача философъ глаголати сице: «Въ начало створи богъ небо и землю въ первый день. И в 2-й день створи твердь, яже есть посреди воды. Сего же дне раздЂлишася воды, полъ ихъ взиде надъ твердь, а полъ ихъ подъ твердь. А въ 3-й день створи море, и рЂки, и источники, и сЂмяна. Въ 4-й день солнце, и луну, и звЂзды, и украси богъ небо. ВидЂв же первый от ангелъ, старЂйшина чину ангелску, помысли въ себе, рекъ: «Сниду на землю, и преиму землю, и буду подобенъ богу, и поставлю престолъ свой на облацЂх сЂверьскихъ». И ту абье сверже и́ с небесе, и по немь спадоша иже бЂша подъ нимъ, чинъ десятый. БЂ же имя противнику Сотонаилъ, в него же мЂсто постави старЂйшину Михаила. Сотона же, грЂшивъ помысла своего и отпадъ славы первыя, наречеся противникъ богу. Посем же въ 5-й день створи богъ киты, и рыбы, гады, и птица пернатыя. Въ 6-й же день створи богъ звЂри, и скоты, и гады земныя; створи же и человЂка. Въ 7-й же день почи богъ от дЂлъ своихъ, иже есть субота. И насади богъ рай на въстоцЂ въ ЕдемЂ, въведе ту человЂка, его же созда, и заповЂда ему от древа всякого ясти, от древа же единого не ясти, еже есть разумЂти добру и злу. И бЂ Адамъ в раи, видяше бога и славяше, егда ангели славяху. И възложи богъ на Адама сонъ, и успе Адамъ, и взя богъ едино ребро у Адама, и створи ему жену, и въведе ю̀ в рай ко Адаму, и рече Адамъ: «Се кость от кости моея, а плоть от плоти моея, си наречеся жена». И нарече Адамъ скотомъ и птицамъ имяна, звЂремъ и гадомъ, и самЂма ангелъ повЂда имяна. И покори богъ Адаму звЂри и скоты, и обладаше всЂми, и послушаху его. ВидЂвъ же дьяволъ, яко почти богъ человЂка, възавидЂвъ ему, преобразися въ змию, и приде къ ЕвзЂ, и рече ей: «Почто не яста от древа, сущаго посредЂ рая?». И рече жена къ змиЂ: «Рече богъ: не имата ясти, аще ли, да умрета смертью». И рече змия к женЂ: «Смертью не умрета; вЂдяше бо богъ, яко в он же день яста от него, отверзетася очи ваю, и будета яко и богъ, разумЂюща добро и зло». И видЂ жена, яко добро древо въ ядь, и вземши снЂсть, и вдасть мужю своему, и яста, и отверзостася очи има, и разумЂста, яко нага еста, и съшиста листвиемь смоковьнымь препоясанье. И рече богъ: «Проклята земля в дЂлЂхъ твоих, и в печали яси вся дни живота своего». \104\ И рече господь богъ: «Егда како прострета руку, и возмета от древа животьнаго, и живета въ вЂки». И изъгна господь богъ Адама из рая. И сЂде прямо раа, плачася и дЂлая землю, и порадовася сотона о проклятьи земля. Се на ны первое паденье и горкий отвЂтъ, отпаденье ангельскаго житья. Роди Адамъ Каина и Авеля; бЂ Каинъ ратай, а Авель пастухъ. И несе Каинъ от плода земли къ богу, и не прия богъ даровъ его. Авель же принесе от агнець первенець, и прия богъ дары Авелевы. Сотона же влЂзе в Каина, и пострЂкаше Каина убити Авеля. И рече Каинъ: «Изиде†на поле» Авелю, и послуша его Авель, и, яко изыдоста, въста Каинъ и хотяше убити и́, и не умяше, како убити и́. И рече ему сотона: «Возми камень и удари и́». Вземъ камень и уби и́. И рече богъ Каину: «Кде есть братъ твой?». Он же рече: «Еда стражь есмь брату своему?». И рече богъ: «Кровь брата твоего вопьеть ко мнЂ, будеши стеня и трясыйся до живота своего». Адамъ же и Евга плачющася бЂста, и дьяволъ радовашеся, рька: «Се, его же богъ почти, азъ створилъ ему отпасти бога, и се нынЂ плачь ему налЂзохъ». И плакастася по Авели лЂт 30, и не съгни тЂло его; и не умяста его погрести. И повелЂньемь божьимъ птенца 2 прилетЂста, единъ ею умре, единъ же ископа яму, и вложи умершаго, и погребе и́. ВидЂвша же се Адамъ и Евга, ископаста яму, и вложиста Авелия, и погребоста съ плачемъ. Бывъ же Адамъ лЂт 200 и 30 роди Сифа и 2 дщери, и поя едину Каинъ, а другую Сифъ, и от того человЂци расплодишася и умножишася по земли. И не познаша створьшаго я́, исполнишася блуда и всякоя нечистоты, и убийства и зависти, живяху скотьски человЂци. БЂ Ной единъ праведенъ в родЂ семь. И роди 3 сыны: Сима, Хама, Афета. И рече богъ: «Не имать духъ мой пребывати в человЂцЂхъ», и рече: «Да потреблю, его же створихъ, от человЂка до скота». И рече господь богъ Ноеви: «Створи ковчегъ в долготу локотъ 300, а в ширину 80, а възвышие 30 локотъ»: египти бо локтемъ сажень зовуть. ДЂлаему же ковчегу за 100 лЂт, и повЂдаше Ной, яко быти потопу, и посмЂхахуся ему. Егда сдЂла ковчегъ, и рече господь Ноеви: «ВълЂзи ты, и жена твоя, и сынове твои, и снохи твои, и въведи к собЂ по двоему от всЂх скотъ, и от всЂх птиць и от всЂх гадъ». И въведе Ной, яже заповЂда ему богъ. Наведе богъ потопъ на землю, потопе всяка плоть, и ковчегъ плаваше на водЂ. Егда же посяче вода, изълЂзе Ной, и сынове его и жена его. От сихъ расплодися земля. И быша человЂци мнози и единогласни, и рЂша другъ къ другу: «Съзижемъ столпъ до небесе». Начаша здати, и бЂ старешина Неврод, и рече богъ: «Се умножишася человЂци \106\ и помысли их суетьни». И сниде богъ, и размЂси языки на 70 и 2 языка. Адамовъ же бысть языкъ не отъятъ у Авера: той бо единъ не приложися къ безумью их, рекъ сице: «Аще бы человЂкомъ богъ реклъ на небо столпъ дЂлати, то повелЂлъ бы самъ богъ словомъ, якоже створи небеса, землю, море, вся видимая и невидимая». Сего ради того языкъ не пременися; от сего суть еврЂи. На 70 и единъ языкъ раздЂлишася, и разидошася по странамъ, и кождо своя норовы прияша. По дьяволю научению ови рощениемъ, кладеземъ и рЂкамъ жряху, и не познаша бога. От Адама же и до потопа лЂт 2242, а от потопа до раздЂленья языкъ лЂт 529. Посемь же дьяволъ в болшее прельщенье вверже человЂки, и начаша кумиры творити, ови древяны, ови мЂдяны, а друзии мрамаряны, а иные златы и сребрены; и кланяхуся имъ, и привожаху сыны своя и дъщери, и закалаху предъ ними, и бЂ вся земля осквернена. Началникъ бо бяше кумиротворенью Серухъ, творяшеть бо кумиры во имяна мертвыхъ человЂкъ, овЂмъ бывшимъ царемъ, другомъ храбрымъ, и волъхвомъ, и женамъ прелюбодЂицамъ. Се же Серухъ роди Фару, Фара же роди 3 сыны: Аврама, и Нахора, и Арона. Фара же творяше кумиры, навыкъ у отца своего. Аврамъ же, пришедъ въ умъ, возрЂ на небо, и видЂ звЂзды и небо, и рече: «Воистину той есть богъ, иже сотворилъ небо и землю, а отець мой прельщаеть человЂки». И рече Аврамъ: «Искушю бога отца своего»; и рече: «Отче! Что прельщаеши человЂки, творя кумиры древяны? Той есть богъ, иже створи небо и землю». Приимъ Аврамъ огнь, зажьже идолы въ храминЂ. ВидЂвъ же Аронъ, брат Аврамовъ, ревнуя по идолЂх, хотЂ вымчати идолы, а самъ съгорЂ ту Аронъ, и умре пред отцемъ. Предъ симъ бо не бЂ умиралъ сынъ предъ отцемь, но отець предъ сыномъ, от сего начаша умирати сынове предъ отци. Возлюби богъ Аврама, и рече богъ Авраму: «Изиди из дому отца своего в землю, и ню же ти покажю, и створю тя въ языкъ великъ, благословять тя колЂна земьная». И створи Аврамъ, якоже заповЂда ему богъ. И поя Аврамъ сыновца своего Лота, — бЂ бо ему Лотъ шюринъ и сыновець, бЂ бо Аврамъ поялъ братьню дщерь Ароню, Сару. И приде в землю ХананЂйску къ дубу высоку, и рече богъ ко Авраму: «СЂмени твоему дамь землю сию». И поклонися Аврамъ богу. Аврамъ же бяше лЂт 70 и 5, егда изиде от Хараона. БЂ же Сара неплоды, болящи неплодскимь. Рече Сара Авраму: «ВлЂзи къ рабЂ моей». И поемши Сара Агарь, въдасть ю́ мужю своему и влЂзъ Аврамъ к Огари. Зачатъ и роди сына Агарь, \108\ и прозва и́ Аврамъ Измаиломь; Аврамъ бЂ лЂт 80 и 6, егда родися Измаилъ. Посем же заченши Сара роди сына, и нарече имя ему Исакъ. И повелЂ богъ Авраму обрЂзати отроча, и обрЂза и́ въ 8 день. Возлюби богъ Аврама и племя его, и нарече я́ в люди себе, и отлучи я́ от языкъ, нарекъ я́ люди своя. Сему же Исаку възмогъшю, Авраму же жившю лЂт 100 и 70 и 5, и умре и погребенъ бысть. Исаку же бывшю лЂт 60, и роди 2 сына, Исава и Якова. Исавъ же бысть лукавъ, а Яковъ праведенъ. Сей же Яковъ работа у уя своего изо дщери его изъ меньшеЂ лЂт 7, и не дасть ему ея Лаванъ, уй его, рекъ: «Старейшюю поими». И вдасть ему Лию, старЂйшюю, а изъ другоЂ реклъ ему: «Работай другую 7 лЂт». Онъ же работа другую 7 лЂт изъ Рахили. И поя собЂ 2 сестреници, от нею же роди 8 сыновъ: Рувима, Семевона, Львгию, Июду, Изахара, и Заулона, Иосифа и Веньамина, и от робу двою: Дана, Нефталима, Гада и Асира. И от сихъ расплодишася жидове. Ияковъ же сниде въ Еюпетъ, сый лЂт 100 и 30, с родомъ своимъ, числомъ 60 и 5 душь. Поживе же въ ЕюптЂ лЂт 17 и успе, и поработиша племя его за 400 лЂт. По сихъ же лЂтехъ възмогоша людье жидовьстии, и умножишася, и насиляху имъ еюптяне работою. В си же времяна родися МоисЂй въ жидЂхъ, и рЂша волъсви египетьстии царю: «Родился есть дЂтищь въ жидЂхъ, иже хощеть погубити Еюпетъ». Ту абье повелЂ царь ражающаяся дЂти жидовьския въметати в рЂку. Мати же МоисЂева, убоявшися сего губленья, вземши младенець, вложи и́ в карабьицю и несъши постави в лузЂ. В се же время сниде дъщи фараонова Ферьмуфи купатся, видЂ отроча плачюще, взя ѐ и пощадЂ, и нарече имя ему МоисЂй, и вскорми ѐ. Бысть отроча красно, и бысть лЂт 4, и приведе и́ дъщи фараоня ко отцю своему. ВидЂвъ же МоисЂя фараонъ нача любити отроча. Моисий же, хапаяся за шию, срони вЂнець съ главы царевы, и попра и́. ВидЂвъ же волъхвъ, и рече цареви: «О царю! Погуби отроча се; аще ли не погубишь, имать погубити всего Еюпта». И не послуша его царь, но паче повелЂ не погубити дЂтий жидовьских. МоисЂеви же възмогъшю, бысть великъ в дому фараони. Бывшю цареви иному, взавидЂша ему боляре. Моисий же, убивъ еюптянина, обидящаго еврЂянина, бЂша изъ Еюпта, и приде в землю Мадьямьску, и ходя по пустыни и научися от ангела Гаврила о бытьи всего мира, и о первЂмь человЂцЂ, и яже суть была по немъ и по потопЂ, и о смЂшеньи языкъ, аще кто колько лЂтъ былъ, звЂздное хоженье и число, \110\ землену мЂру и всЂку мудрость. Посем же явися ему богъ в купинЂ огнемь, и рече ему: «ВидЂхъ бЂду людий моихъ въ ЕюптЂ, и низълЂзохъ взяти я́ от руки еюпетьски, извести я́ от земля тоя. Ты же иди к фараону, царю еюпетьску, и речеши ему: Испусти Израиля, да три дни положать требу богу. Аще не послушаеть тебе царь еюпетьский, побью и́ всЂми чюдесы моими». Пришедшю МоисЂеви, не послуша его фараонъ, и попусти богъ 10 казний на фараона: 1. рЂки въ кровь; 2. жабы; 3. мышьцЂ; 4. песья мухи; 5. смерть на скотъ; 6. прыщьеве горющи; 7. градъ; 8. прузи; 9. тьма 3 дни; 10. моръ в человЂцЂхъ. Сего же ради 10 казний бысть на нихъ, яко 10 мЂсяць топиша дЂти жидовьски. Егда же бысть моръ въ ЕюптЂ, рече фараонъ МоисЂеви и брату его Арону: «ОтъидЂта въскорЂ». Моисий же, събравъ люди жидовьския, поиде от землЂ Еюпетьски. И ведяше я́ господь путемъ по пустыни къ Черьмному морю, и предъидяше предъ ними нощью столпъ огненъ, а въ день — облаченъ. Слышавъ же фараонъ, яко бЂжать людье, погна по них, и притисну я̀ къ морю. ВидЂвъше же людье жидовьстии, воспиша на МоисЂя, ркуще: «Почто изведе ны на смерть?». И возпи МоисЂй къ богу, и рече господь: «Что вопьеши ко мнЂ? Удари жезломъ в море». Створи МоисЂй тако, и раступися вода надвое, и вънидоша сынове Израилеви в море. ВидЂвъ же фараонъ, погна по них, сынове же Израилеви преидоша по суху. Яко излЂзоша на брегъ, и съступися море о фараонЂ и о воихъ его. И возлюби богъ Израиля, и идоша от моря 3 дни по пустыни, и придоша в Меренъ. БЂ ту вода горка, и возъропташа людье на бога, и показа имъ господь древо, и вложи МоисЂй въ воду, и усладишася воды. Посем же паки возропташа на МоисЂя и на Арона, рькуще: «Луче ны бяше въ ЕюптЂ, идеже ядяхомъ мяса, лукъ и хлЂбы до сыти». И рече господь къ МоисЂеви: «Слышахъ гугнанье сыновъ Израилевъ», и вдасть имъ ману ясти. Посемь же дасть имъ законъ на горЂ СинайстЂй. МоисЂеви въшедшю на гору къ богу, они же, сольявше телчю главу, поклонишася аки богу, ихъ же Моисий иссЂче 3 тысячи. И посемь паки возропташа на МоисЂя и Арона, еже не бысть воды. И рече господь къ МоисЂеви: «Удари жезломъ в камень», рекъ: «Егда и-сего не испустиве воды?». И разъгнЂвася господь на МоисЂя, яко не възвеличи господа, и не вниде в землю обЂтованую сего ради, роптанья онЂхъ ради, но възведе и́ на гору Вамьску, и показа ему землю обЂтованую. И умре Моисий ту на горЂ. И прия власть Иисусъ Навгинъ; сии приде в землю обЂтованую, и изби ХананЂйско племя, и всели в нихъ мЂсто сына Израилевы. Умершю же Иисусу, бысть судья в него мЂсто Июда; \112\ и инЂхъ судий бысть 14, при нихъ же, забывше бога, изъведшаго я́ изъ Еюпта, начаша служити бЂсомъ. И разъгнЂвався богъ, предаяшеть я̀ иноплеменьникомъ на расхищенье. Егда ся начинаху каяти, и помиловашеть их; егда избавяшеть ихъ, паки укланяхуться на бЂсослуженье. По сих же судяше Илий жрець, и по семь Самоилъ пророкъ. И рЂша людье Самоилу: «Постави намъ царя». И разъгнЂвася господь на Израиля, и постави над нимъ царя Саула. Таче Саулъ не изволи ходити в законЂ господни, и избра господь Давыда, и постави царя надъ Израилемъ, и угоди Давыдъ богу. Сему Давыду кляся богъ, яко от племене его родитися богу. Первое нача пророчествовати о воплощеньи божьЂ, рекъ: «И-щрева преже деньница родих тя». Се же пророчествова лЂт 40, и умре. И по немъ пророчествова сынъ его Соломанъ, иже возъгради церковь богу, и нарече ю̀ Святая Святыхъ. И бысть мудръ, но наконець поползеся; царьствовавъ лЂт 40 и умре. По СоломанЂ же царствова сынъ его Ровамъ. При семь раздЂлися царство надвое жидовьско: въ ЕрусалимЂ едино, а другое в Самарии. В Самарии же царьствова Иеровамъ, холопъ Соломань, иже створи д†коро†златЂ, постави едину въ ВефилЂ на холмЂ, а другую въ ЕньданЂ, рекъ: «Се бога твоя, Израилю». И кланяхуся людье, а бога забыша. Таче и въ ЕрусалимЂ начаша забывати бога и покланятися Валу, рекъше ратьну богу, еже есть ОрЂй, и забыша бога отець своих. И нача богъ посылати к нимъ пророки. Пророци же начаша обличати я о безаконьи их и служеньи кумиромъ. Они же начаша пророки избивати, обличаеми от них. РазъгнЂвася богъ на Израиля и рече: «Отрину от себе, призову ины люди, иже мене послушають. Аще согрЂшать, и не помяну безаконья их». И нача посылати пророки, глаголя имъ: «Прорицайте о отверженьи жидовьстЂ и о призваньи странъ».

Первое же нача пророчествовати ОсЂй, глаголя: «Преставлю царство дому Израилева ... Съкрушю лукъ Израилевъ ... И не приложю помиловати паки дому Израилева, но, отмЂтая, отвергуся их», глаголеть господь, «И будуть блудяще въ языцЂх». ИеремЂя же рече: «Аще станеть Самоилъ и МоисЂй ... не помилую ихъ». Паки той же Иеремия рече: «Тако глаголеть господь: Се, кляхся имянемь моимь великомь ... аще будетъ имя мое имянуемо отселе гдЂ в вустЂхъ июдЂйских». Иезикииля же рече: «Тако глаголеть господь Аданай ...: РасъсЂю вы, вся останки ваша во вся вЂтры ... Зане святая моя осквернисте всЂми негодованьи твоими; азъ же тя отрину ... и не имамъ тя помиловати паки». МалахЂя же рече: «Тако глаголеть господь: Уже нЂсть ми хотЂнья у васъ ... Понеже от въстока и до запада имя мое прославися въ языцЂх, на всякомь мЂстЂ \114\ приноситься кадила имяни моему и жертва чиста, зане велье имя мое въ языцЂхъ». «Сего ради дамъ вас на поносъ и на пришествие во вся языки». Исая же великий рече: «Тако глаголеть господь: Простру руку свою на тя, истлю тя, и расЂю тя, паки не приведу тя». И паки той же рече: «ВозненавидЂх праздники ваша и начатки мЂсяць ваших, суботъ вашихъ не приемлю». Амосъ же пророкъ рече: «Слышите слово господне: Азъ приемлю на вы плачь, домъ Израилевъ падеся и не приложи въстати». Малахия же рече: «Тако глаголеть господь: Послю на вы клятву, и проклену благословенье ваше ... разорю, и не будеть в васъ». И много пророчествоваша о отверженьи их.

Сим же пророкомъ повелЂ богъ пророчествовати о призваньи инЂх странъ въ нихъ мЂсто. Нача звати Исаия, тако глаголя: «Яко законъ от мене изидеть, и судъ мой свЂтъ странамъ. Приближается скоро правда моя, изидет ..., и на мышцю мою страны уповають». Иеремия же рече: «Тако глаголеть господь: Положю дому Июдину завЂт новъ ... Дая законы в разумЂния их, и на сердца ихъ напишю, и буду имъ богъ, и ти будуть мнЂ в люди». Исаия же рече: «Ветхая мимоидоша, а новая възвЂщаю, преже възвЂщанья явлено бысть вамъ. Пойте богу пЂснь нову». «Работающимъ ми прозовется имя ново, еже благословится по всей земли». «Домъ мой домъ молит†прозовется всЂмъ языкомъ». Той же Исаия глаголеть: «Открыеть господь мышцю свою святую предо всЂми языки, и узрять вси конци земля спасенье от бога нашего». Давыдъ же: «Хвалите господа вси языци, и похвалите его вси людье».

Тако богу возлюбившю новыя люди, рекъ имъ снити к нимъ самъ, явитися человЂкомъ плотью и пострадати за Адамово преступленье. И начаша прорицати о воплощеньи божьи, первое Давыдъ, глаголя: «Рече господь господеви моему: Сяди одесную мене, дондеже положю враги твои подъножью ногама твоима». И паки: «Рече господь ко мнЂ: Сынъ мой еси ты, азъ днесь родихъ тя», Исая же рече: «Ни солъ, ни вЂстникъ, но самъ богъ, пришедъ, спасет ны». И паки: «Яко дЂтищь родится намъ, ему же бысть начало на рамЂ его, и прозовется имя его велика свЂта ангелъ ... Велика власть его, и миру его нЂсть конца». И паки: «Се дЂвица въ утробЂ зачнеть, и прозовуть имя ему Еммануилъ». МихЂя же рече: «Ты Вифлевоме дома Ефрантовъ, еда не мъногъ еси быти в тысящахъ Июдовахъ? ис тебе бо изидеть старЂйшина быти въ князехъ во Израили, исходъ его от дний вЂка. Сего ради дасться до времяне ражающая родить, и прочии от братья его обратятся на сыны Израилевы». Иеремия же рече: «Сь богъ нашь, и не вмЂнится инъ к нему. ИзобрЂте всякъ путь художьства, и дасть \116\ Иякову отроку своему ... По сих же явися на земли, и съ человЂки поживе». И паки: «ЧеловЂкъ есть: кто увЂсть, яко богъ есть? яко человЂкъ умираеть». Захарья же рече: «Не послушаша сына моего, и не услышю их, глаголеть господь». И ОсЂй рече: «Тако глаголеть господь: плоть моя от нихъ».

Прорекоша же и страсти его, рекуще, якоже рече Исая: «УлютЂ души ихъ! понеже свЂтъ золъ свЂщаша, рькуще: свяжемъ праведника». И паки той же рече: «Тако глаголеть господь ... Азъ не супротивлюся, ни глаголю противу. Хребетъ мой дахъ на раны, а ланитЂ мои на заушенье, и лица своего не отвратих от стыдЂнья ... заплеванья». Иеремия же рече: «ПридЂте, вложимъ древо въ хлЂбъ его, истребимъ от земля животъ его». МоисЂй же рече о распятьи его: «Узрите жизнь вашю висящю предъ очима вашима». И Давыдъ рече: «Въскую шаташася языци». Исаия же рече: «Яко овца на заколенье веденъ бысть». Ездра же рече: «Благословенъ богъ, руцЂ распростеръ свои, спасъ Ярусалима».

И о воскресеньи рекъша, Давыдъ: «Въстани, боже, суди земли, яко ты наслЂдиши во всЂх странахъ». И паки: «Въста, яко спяй, господь». И паки: «Да воскреснеть богъ, и да разидутся врази его». И паки: «Воскресни, господи боже мой, да възнесется рука твоя». Исая же рече: «Сходящеи въ страну и сЂнь смертную, свЂтъ восияеть на вы». Захарья же: «И ты въ крови завЂта твоего испустилъ еси ужники своя ото ръва, не имуща воды».

Много пророчествоваша о немь, еже сбысться все».

Рече же Володимеръ: «То в кое время сбысться? И было ли се есть? Еда ли топерво хощеть быти се?» Онъ же отвЂщавъ рече ему, яко «Уже преже сбысться все, егда богъ воплотися. Якоже бо преже рекохъ, жидомъ пророки избивающимъ, царемъ ихъ законы преступающимъ, предасть я в расхищенье, и въ плЂнь ведени быша во Осурию, грЂхъ ихъ ради, и работаша тамо лЂт 70. И посемь възвратишася в землю свою, и не бЂ у нихъ царя, но архиерЂи обладаху ими до Ирода иноплеменьника, иже облада ими.

В сего же власть, в лЂто 5500, посланъ бысть Гаврилъ в Назарефъ къ дЂвицЂ Марьи, от колЂна Давыдова, рещи ей: «Радуйся, обрадованая, господь с тобою!» И отъ слова сего зачатъ слово божье в вутробЂ, и породи сына, и нарече имя ему Иисусъ. И се волъсви придоша от въстока, глаголюще: «Кде есть рожийся царь жидовескъ? ВидЂхомъ бо звЂзду его на въстоцЂ, и придохомъ поклонитися ему». Услышавъ же се царь Иродъ, смятеся, и весь Ерусалимъ с нимъ, призвавъ книжники и старци людьския, и въпраша их: «Кде Христосъ ражается?» Они же рЂша ему: «Въ ВифлевомЂ жидовьстЂмь». Иродъ же, се слышавъ, посла, рекъ: «Избийте младенца сущая 2 лЂт». Они же, шедше, избиша младенца, \118\ Марья же, убоявшися, съкры отроча. Иосифъ же съ Марьею, поимъ отроча, бЂжа въ Еюпетъ, и бысть ту до умертвия Иродова. Въ Еюпте же явися ангелъ Иосифу, глаголя: «Въставъ поими отроча и матерь его, иди в землю Израилеву». Пришедъшю же ему, вселисяв Назарефъ. Възрастъшю же ему и бывшю лЂт 30, нача чюдеса творити и проповЂдати царство небесное. И избра 12, яже ученикы собЂ нарече, и нача чюдеса велика творити, мертвыя въскрешати, прокаженыя очищати, хромыя ходити, слЂпымъ прозрЂнье творити, и ина многа чюдеса велья, якоже быша пророци прорекли о нЂмь, глаголюще: «То недуги наша ицЂли, и болЂзни подъя». И крестися въ ЕрданЂ от Иоана, показа новымъ людемъ обновленье. Крестившю же ся ему, и се отверзошася небеса, и духъ сходящь зракомъ голубинымъ на нь, и гласъ глаголя: «Се есть сынъ мой възлюбленый, о нем же благоизволих». И посылаше ученики своя проповЂдати царство небесное, покаянье в оставленье грЂховъ. Хотя исполнити пророчество, и нача проповЂдати, яко подобаеть сыну человЂчьскому пострадати, распяту быти и въ третий день воскреснути. Учащю же ему в церкви, архиерЂи и книжници исполнишася зависти, искаху убити и́, и имъше и́, ведоша къ гЂмону Пилату. Пилатъ же, испытавъ, яко без вины приведоша и́, хотЂ испустити и́. Они же рЂша ему: «Аще сего пустиши, не имаши быти другъ кесареви». Пилатъ же повелЂ, да и́ распнуть. Они же, поимше Иисуса, ведоша на мЂсто краньево, и распяша и́ ту. Бысть тьма по всей земли от 6-го часа до 9-го, и при девятом часЂ испусти духъ Иисусъ. Церковная запона раздрася надвое, мертвии всташа мнози, имъ же повелЂ в рай ити. Сънемше и́ со креста, положиша и́ въ гробЂ, и печатьми запечатьлЂша гробъ люди жидовьстии, стражи поставиша, рькуще: «Еда украдуть и́ ученици его». Онъ же въ 3-й день воскресе. Явися ученикомъ, воскресъ из мертвыхъ, рекъ имъ: «ИдЂте во вся языкы, и научите вся страны, крестяще во имя отца и сына и святаго духа». Пребысть с ними 40 дний, являяся имъ по воскресеньи. Егда исполнися 40 дний, повелЂ имъ ити в гору Елевоньскую. И ту явися имъ, благословивъ я́, и рече имъ: «СядЂте въ градЂ ЕрусалимЂ, дондеже послю обЂтованье отца моего». И се рекъ, възношашеся на небо. Они же поклонишася ему. И възъвратишася въ Ерусалимъ, и бяху воину в церкви. Егда кончашася дние 5-десятьнии, сниде духъ святый на апостолы. Приимше обЂтованье святаго духа, и разидошася по вселенЂй, учаще и крестяще водою».

Рече же Володимеръ: «Что ради от жены родися, и на дре†распятся, и водою крестися?». Он же рече ему: «Сего ради, \120\ понеже исперва родъ человЂческий женою съгрЂши, дьяволъ прельсти Евгою Адама, и отпаде рая; тако же и богъ, отместье дая дьяволу, женою первое побЂженье бысть дьяволу, женою бо первое испаде Адамъ из рая; от жены же воплотився, богъ повелЂ в рай внити вЂрнымъ. А еже на дре†распяту быти, сего ради, яко от древа вкушь и испаде породы; богъ же на дре†страсть прия, да древомь дьяволъ побЂженъ будеть, и от древа животьнаго приимуть праведнии. А еже водою обновленье, понеже при Нои умножившемъся грЂхомъ в человЂцЂхъ, наведе богъ потопъ на землю, и потопи человЂки водою, сего ради рече богъ: «Понеже погубих водою человЂки грЂхъ ихъ ради, ныне же паки водою очищю грЂхи человЂкомъ, обновленьемь водою»; ибо жидовьский род в мори очистишася от еюпетьскаго злаго нрава, понеже вода изначала бысть первое; рече бо: «Духъ божий ношашеся верху воды»; еже бо и нынЂ крестяться водою и духомь. Преображение бысть первое водою, яко же Гедивонъ преобрази посемь. Егда приде к нему ангелъ, веля ему ити на мадимьянъ, он же, искушая, рече къ богу; положивь руно на гумнЂ, рекъ: «Аще будеть по всей земли роса, а на рунЂ суша...» И бысть тако. Се же преобрази, яко иностраньни бЂша преже суша, а жидове руно, послЂже на странахъ роса, еже есть святое крещенье, а на жидЂх суша. И пророци проповЂдаша, яко водою обновленье будеть.

Апостоломъ же учащемъ по вселенЂй вЂровати богу, их же ученье мы, грьци, прияхомъ, вселеная вЂруеть ученью их. Поставилъ же есть богъ единъ день, в не же хощеть судити, пришедъ с небесе, живымъ и мертвымъ, и въздати комуждо по дЂломъ его: праведнымъ царство небесное, и красоту неизреченьну, веселье бес конца, и не умирати въ вЂки; грЂшникомъ мука огнена, и червь неусыпаяй, и муцЂ не будет конца. Сица же будуть мученья, иже не вЂруеть къ богу нашему Иисусу Христу: мучими будут в огни, иже ся не крестить». И се рекъ, показа Володимеру запону, на ней же бЂ написано судище господне, показываше ему о десну праведныя в весельи предъидуща в рай, а о шююю грЂшники идуща в муку. Володимеръ же вздохнувъ рече: «Добро симъ о десную, горе же симъ о шююю». Онъ же рече: «Аще хощеши о десную съ праведными стати, то крестися». Володимеръ же положи на сердци своемъ, рекъ: «Пожду и еще мало», хотя испытати о всЂх вЂрахъ. Володимеръ же, сему дары многи вдавъ, отпусти и́ с честью великою.

Въ лЂто 6495 [987]. Созва Володимеръ боляры своя и старци градьскиЂ, и рече имъ: «Се приходиша ко мнЂ болгаре, рькуще: «Приими законъ нашь». Посем же приходиша нЂмци, и ти хваляху законъ свой. По сихъ придоша жидове. Се же послЂже придоша \122\ грьци, хуляще вси законы, свой же хваляще, и много глаголаша, сказающе от начала миру, о бытьи всего мира. Суть же хитро сказающе, и чюдно слышати их, любо комуждо слушати их, и другий свЂтъ повЂдають быти: да аще кто, дЂеть, в нашю вЂру ступит, то паки, умеръ, въстанеть, и не умрети ему в вЂки; аще ли в-ынъ законъ ступить, то на ономъ свЂтЂ в огнЂ горЂти. Да что ума придасте? что отвЂщаете?» И рЂша бояре и старци: «ВЂси, княже, яко своего никтоже не хулить, но хвалить. Аще хощеши испытати гораздо, то имаши у собе мужи: пославъ испытай когождо их службу, и кто како служить богу». И бысть люба рЂчь князю и всЂмъ людемъ; избраша мужи добры и смыслены, числомъ 10, и рЂша имъ: «ИдЂте первое в болгары и испытайте вЂру их». Они же идоша, и пришедше видЂша скверньная дЂла и кланянье в ропати; придоша в землю свою. И рече имъ Володимеръ: «ИдЂте паки в нЂмци, съглядайте такоже, и оттудЂ идЂте въ греки». Они же придоша в нЂмци, и съглядавше церковную службу их, придоша Царюгороду, и внидоша ко царю. Царь же испыта, коея ради вины придоша. Они же сповЂдаша ему вся бывшая. Се слышавъ царь, рад бывъ, и честь велику створи имъ въ той же день. Наутрия посла къ патреарху, глаголя сице: «Придоша русь, пытающе вЂры нашея, да пристрой церковь и крилос, и самъ причинися въ святительския ризы, да видять славу бога нашего». Си слышавъ патреархъ, повелЂ созвати крилосъ, по обычаю створиша праздникъ, и кадила вожьгоша, пЂнья и лики съставиша. И иде с ними в церковь, и поставиша я на пространьнЂ мЂстЂ, показающе красоту церковную, пЂнья и службы архиерЂйски, престоянье дьяконъ, сказающе имъ служенье бога своего. Они же во изумЂньи бывше, удивившеся, похвалиша службу ихъ. И призваша я̀ царя Василий и Костянтинъ, рЂста имъ: «ИдЂте в землю вашю», и отпустиша я̀ с дары велики и съ честью. Они же придоша в землю свою. И созва князь боляры своя и старца, рече Володимеръ: «Се придоша послании нами мужи, да слышимъ от нихъ бывшее», и рече: «Скажите пред дружиною». Они же рЂша яко «Ходихом въ болгары, смотрихомъ, како ся покланяють въ храмЂ, рекше в ропати, стояще бес пояса; поклонився сядеть, и глядить сЂмо и онамо, яко бЂшенъ, и нЂсть веселья в них, но печаль и смрадъ великъ. НЂсть добръ законъ ихъ. И придохомъ в нЂмци, и видЂхомъ въ храмЂх многи службы творяща, а красоты не видЂхомъ никоеяже. И придохомъ же въ Греки, и ведоша ны, идеже служать богу своему, и не свЂмы, на небЂ ли есмы были, ли на земли: нЂсть бо на земли такаго вида ли красоты такоя, и недоумЂемъ бо сказати; \124\ токмо то вЂмы, яко онъдЂ богъ с человЂки пребываеть, и есть служба их паче всЂхъ странъ. Мы убо не можемъ забыти красоты тоя, всякъ бо человЂкъ, аще вкусить сладка, послЂди горести не приимаеть, тако и мы не имамъ сде быти». ОтвЂщавше же боляре рекоша: «Аще бы лихъ законъ гречьский, то не бы баба твоя прияла, Ольга, яже бЂ мудрЂйши всЂх человЂкъ». ОтвЂщавъ же Володимеръ, рече: «ГдЂ крещенье приимемъ?» Они же рекоша: «ГдЂ ти любо». И минувшю лЂту.

В лЂто 6496 [988], иде Володимеръ съ вои на Корсунь, град гречьский, и затворишася корсуняне въ градЂ. И ста Володимеръ об онъ полъ города в лимени, дали града стрЂлище едино, и боряхуся крЂпко изъ града. Володимеръ же обьстоя градъ. Изнемогаху въ градЂ людье, и рече Володимеръ къ гражаномъ: «Аще ся не вдасте, имамъ стояти и за 3 лЂта». Они же не послушаша того. Володимеръ же изряди воа своа, и повелЂ приспу сыпати къ граду. Симъ же спущимъ, корсуняне, подъкопавше стЂну градьскую, крадуще сыплемую перьсть, и ношаху к собЂ въ градъ, сыплюще посредЂ града. Воини же присыпаху боле, а Володимеръ стояше. И се мужь корсунянинъ стрЂли, имянемъ Настасъ, напсавъ сице на стрЂлЂ: «Кладязи, яже суть за тобою от въстока, ис того вода идеть по трубЂ, копавъ переими». Володимеръ же, се слышавъ, возрЂвъ на небо, рече: «Аще се ся сбудет, и самъ ся крещю». И ту абье повелЂ копати преки трубамъ, и преяша воду. Людье изнемогоша водною жажею и предашася. Вниде Володимеръ въ град и дружина его, и посла Володимеръ ко царема, Василью и Костянтину, глаголя сице: «Се град ваю славный взях; слышю же се, яко сестру имата дЂвою, да аще еЂ не вдаста за мя, створю граду вашему, якоже и сему створих». И слышавша царя, быста печальна, и въздаста вЂсть, сице глаголюща: «Не достоить хрестеяномъ за поганыя даяти. Аще ся крестиши, то и се получишь, и царство небесное приимеши, и с нами единовЂрникъ будеши. Аще ли сего не хощеши створити, не можемъ дати сестры своее за тя». Си слышавъ Володимеръ, рече посланымъ от царю: «Глаголите царема тако; яко азъ крещюся, яко испытахъ преже сихъ дний законъ вашь, и есть ми люба вЂра ваша и служенье, еже бо ми сповЂдаша послании нами мужи». И си слышавша царя рада быста, и умолиста сестру свою, имянемъ Аньну, и посласта къ Володимеру, глаголюща: «Крестися, и тогда после†сестру свою к тебЂ». Рече же Володимеръ: «Да пришедъше съ сестрою вашею крестять мя». И послушаста царя и посласта сестру свою, сановники нЂкия и прозвутеры. Она же не хотяше ити: «Яко в полонъ, — рече, — иду, луче бы ми сде умрети». И рЂста ей брата: «Еда како обратить \126\ богъ тобою Рускую землю в покаянье, а Гречьскую землю избавишь от лютыя рати. Видиши ли, колько зла створиша Русь грекомъ? И нынЂ аще, не идеши, то же имуть створити намъ». И одва ю́ принудиша. Она же, сЂдъши в кубару, цЂловавши ужики своя съ плачемъ, поиде чресъ море. И приде къ Корсуню, и изидоша корсуняне с поклономъ, и въведоша ю́ въ градъ, и посадиша ю́ въ полатЂ. По божью же устрою в се время разболЂся Володимеръ очима, и не видяше ничтоже, и тужаше велми, и не домышляшеться, что створити. И посла к нему царица, рькуще: «Аще хощеши избыти болЂзни сея, то въскорЂ крестися, аще ли, то не имаши избыти недуга сего». Си слышавъ Володимеръ, рече: «Да аще истина будет, то поистинЂ великъ богъ будет хрестеянескъ». И повелЂ хрестити ся. Епископъ же корсуньский с попы царицины, огласивъ, крести Володимира, Яко възложи руку на нь, абье прозрЂ. Видивъ же се Володимеръ напрасное ицЂленье, и прослави бога, рекъ: «Топерво уведЂхъ бога истиньнаго». Се же видЂвше дружина его, мнози крестишася. Крести же ся в церкви святаго Василья, и есть церки та стоящи въ КорсунЂ градЂ, на мЂстЂ посреди града, идЂже торгъ дЂють корсуняне; полата же Володимеря съ края церкве стоит и до сего дне, а царицина полата за олтаремъ. По крещеньи же приведе царицю на браченье. Се же не свЂдуще право глаголють, яко крестилъся есть в КиевЂ, инии же рЂша: в Василеве; друзии же инако скажють. Крещену же Володимеру, предаша ему вЂру крестеяньску, рекуще сице: «Да не прельстять тебе нЂции от еретикъ, но вЂруй, сице глаголя:

«ВЂрую во единого бога отца, вседержителя, творца небу и земли», до конца вЂру сию. И паки: «ВЂрую въ единого бога отца нерожена, и въ единого сына рожена, въ единъ святый духъ исходящ: три собьства свершена, мыслена, раздЂляема числомъ и собьствьнымь собьствомь, а не божествомъ, раздЂляеть бо ся не раздЂлно, и совкупляется неразмЂсно. Отець, богъ отець, присно сый пребываеть во отчьст†нероженъ, безначаленъ, начало и вина всЂмъ, единЂмь нероженьемъ старЂй сый сыну и духови; от него же рожается сынъ преже всЂх вЂкъ, исходить же духъ святый безъ времене и бес тЂла; вкупЂ отецъ, вкупЂ сынъ, вкупЂ духъ святый есть. Сынъ подобесущенъ отцю, роженьемь точью разньствуя отцю и духу. Духъ есть пресвятый, отцю и сыну подобносущенъ и соприсносущенъ. Отцю бо отецьство, сыну же сыновьство, святому же духу исхоженье. Ни отець бо въ сынъ ли въ духъ преступаеть, ни сынъ во отца и в духа, ни духъ въ сынъ ли во отець; неподвижена бо свойствия ... Не трее бози, \128\ единъ богъ, понеже едино божество въ трехъ лицах. ХотЂньемь же отца и духа свою спасти тварь, отческихъ ядръ, ихъ же не отступи, съшедъ, и въ дЂвичьское ложе пречистое, аки божье сЂмя, вшедъ, плоть съдушну, словесну же и умну, не преже бывшю, приимъ, изиде богъ воплощенъ, родися неизречьньнЂ и дЂвство мати схрани нетлЂньно, не смятенье, ни размЂшенье, ни измЂненья пострадавъ, но пребывъ еже бЂ, бысть, еже не бЂ, приимъ рабий зракъ истиною, а не мечтаньемь, всячьски, раз†грЂха, намъ подобенъ бывъ ... Волею бо родися, волею взалка, волею вжада, волею трудися, волею устрашися, волею умре, истиною, а не мечтаньемь; вся естьственаа, неоклеветаны страсти человЂчьства. Распятъ же ся, смерти вкуси безъгрЂшный, въскресъ въ своей плоти, не видЂвши истлЂнья на небеса взиде, и сЂде одесную отца, придеть же паки съ славою судити живымъ и мертвым; якоже взиде съ своею ... плотью, тако снидеть ... К симъ едино крещенье исповЂдаю водою и духомь, приступаю къ пречистымъ тайнамъ, вЂрую во истину тЂло и кровь ... приемлю церковная преданья, и кланяюся честнымъ иконамъ, кланяюся древу честному, и всякому кресту, святымъ мощемъ, и святымъ съсудомъ. ВЂрую же и седму сборъ святыхъ отець, иже есть первый въ Никии 300 и 18, иже прокляша Арья, и проповЂдаша вЂру непорочну и праву. Вторый сборъ в КонстянтинЂградЂ святыхъ отець 100 и 50, иже прокляша Макидонья духоборьца и проповЂдаша троицю единосущну. Третий же сборъ въ ЕфесЂ святыхъ отець 200 на Несторья, его же прокленше, проповЂдаша святую богородицю. Четвертый сборъ въ ХалкидонЂ святыхъ отець 600 и 30 на Евтуха и Диоскора, ею же прокляша святии отци, исъгласивше свершена бога и свершена человЂка господа нашего Иисуса Христа. 5-й сборъ во ЦарЂградЂ святыхъ отець 100 и 60 и 5 на Оригенова преданья и на Евагрия, их же прокляша святи отци. 6-й сборъ во ЦариградЂ святыхъ отець 100 и 70 на Сергия и Кура, ихъ же прокляша святии отци. 7-й сборъ в Никии святыхъ отець 300 и 50, прокляша, иже ся не поклонят иконамъ».

Не преимай же ученья от латынъ, ихъ же ученье разъвращено: влЂзъше бо въ церковь, не поклонятся иконамъ, но стоя поклонится, и, поклонився, напишеть крестъ на земли и цЂлует, въставъ простъ, станеть на немь нагами; да легъ цЂлуеть, а вставъ попирает. Сего бо апостоли не предаша; предали бо сут апостоли крестъ поставленъ цЂловат и иконы предаша. Лука бо еуангелистъ, первое напсавъ, посла в Римъ.\130\ «Яко же глаголеть Василий: икона на первый образъ приходит». Паки же и землю глаголють материю. Да аще имъ есть земля мати, то отець имъ есть небо, искони бо створи богъ небо, таже землю. Тако глаголють: Отче нашь, иже еси на небеси. Аще ли по сих разуму земля есть мати, то почто плюете на матерь свою? Да сЂмо ю́ лобъзаете, и паки оскверняете? Сего же преже римляне не творяху, но исправляху на всЂх сборЂхъ, сходящеся от Рима и от всЂх престолъ. На первомь бо сборЂ, иже на Арья в НикЂи, от Рима Силевестръ посла епископы и презвутеры, от ОлексаньдрЂя Офонаси, от Царягорода Митрофанъ посла епископы от себе; тако исправляху вЂру. На второмь же зборЂ от Рима Дамасъ, а от Олексанъдрия ТимофЂй, от Антиохия Мелетий, Курилъ Ярусалимский, Григорий Богословець. На третьем же сборЂ Келестинъ Римьский, Курилъ Олександрьский, Увеналий Ерусалимский. На четвертомь же сборЂ Левонтий Римьскый, Анаталий Царягорода, Увеналий Ерусалимский. На пятомь сборЂ Римьский Вилигий, Евтухий Царягорода, Аполинарий Олександрьский, Домнинъ Антиохийскый. На 6-мь сборЂ от Рима Агафонъ, Георгий Царягорода,Феофанъ Антиохийскый, от Александриа Петръ мнихъ. На 7-мь сборЂ Оньдреянъ от Рима, Тарасий Царяграда, Политианъ Олексаньдрьский, Федоритъ Антиохийскый, Илья Ерусалимский. И си вси со своими епископы сходящеся исправляху вЂру. По семь же сборЂ Петръ Гугнивый со инЂми шедъ в Римъ и престолъ въсхвативъ, и разъврати вЂру, отвергъся от престола Ярусалимска, и Олексаньдрьскаго, и Царяграда и Онтиахийскаго. Възмутиша Италию всю, сЂюще ученье свое разно. Ови бо попове одиною женою оженивъся служать, а друзии до 7-ми женъ поимаюче служать, их же блюстися ученья. Пращають же грЂхи на дару, еже есть злЂе всего. Богъ да схранить тя от сего».

Володимеръ же посемъ поемъ царицю, и Настаса, и попы корсуньски, с мощми святаго Климента и Фифа, ученика его, поима съсуды церковныя и иконы на благословенье себЂ. Постави же церковь в Корсуни на горЂ, идЂже съсыпаша средЂ града, крадуще, приспу, яже церки стоить и до сего дне. Вся же ида мЂдянЂ д†капищи, и 4 кони мЂдяны, иже и нынЂ стоять за святою Богородицею, якоже невЂдуще мнять я мрамаряны суща. Вдасть же за вЂно грекомъ Корсунь опять царицЂ дЂля, а самъ приде Киеву. Яко приде, повелЂ кумиры испроврещи, овы исЂщи, а другия огневи предати. Перуна же повелЂ привязати коневи къ хвосту и влещи с горы по Боричеву на Ручай, 12 мужа 132 пристави тети жезльемь. Се же не яко древу чюющю, но на поруганье бЂсу, же прелщаше симь образом человЂкы, да възмездье приметь от человЂкъ. «Велий еси, господи, чюдна дЂла твоя!». Вчера чтимь от человЂкъ, а днесь поругаемъ. Влекому же ему по Ручаю к ДнЂпру, плакахуся его невЂрнии людье, еще бо не бяху прияли святаго крещенья. И привлекше, вринуша и́ въ ДнЂпръ. И пристави Володимеръ, рекъ: «Аще кде пристанеть, вы отрЂвайте его от берега; дондеже порогы проидеть, то тогда охабитеся его». Они же повелЂная створиша. Яко пустиша и проиде сквозЂ порогы, изверже и́ вЂтръ на рЂнь, и оттолЂ прослу Перуня РЂнь, якоже и до сего дне словеть. Посемь же Володимиръ посла по всему граду, глаголя: «Аще не обрящеться кто заутра на рЂцЂ, богатъ ли, ли убогъ, или нищь, ли работникъ, противенъ мнЂ да будеть». Се слышавше людье, с радостью идяху, радующеся и глаголюще: «Аще бы се не добро было, не бы сего князь и боляре прияли». Наутрия же изиде Володимеръ с попы царицины и с корсуньскыми на ДънЂпръ, и снидеся бе-щисла людий. ВлЂзоша в воду, и стаяху овы до шие, а друзии до персий, младии же по перси от берега, друзии же младенци держаще, свершении же бродяху, попове же стояще молитвы творяху. И бяше си видЂти радость на небеси и на земли, толико душь спасаемыхъ; а дьяволъ стеня глаголаше: «Увы мнЂ, яко отсюда прогоним есмь! сде бо мняхъ жилище имЂти, яко сде не суть ученья апостольска, ни суть вЂдуще бога, но веселяхъся о службЂ ихъ, еже служаху мнЂ. И се уже побЂженъ есмь от невЂгласа, а не от апостолъ, ни от мученикъ, не имам уже царствовати въ странах сихъ». Крестившим же ся людемъ, идоша кождо в домы своя. Володимеръ же радъ бывъ, яко позна бога самъ и людье его, възрЂвъ на небо, рече: «Христе боже, створивый небо и землю! призри на новыя люди сия, и дажь имъ, господи, увЂдЂти тобе, истиньнаго бога, якоже увЂдЂша страны хрестьяньскыя. Утверди и вЂру в них праву и несовратьну, и мнЂ помози, господи, на супротивнаго врага, да, надЂяся на тя и на твою державу, побЂжю козни его». И се рекъ, повелЂ рубити церкви и поставляти по мЂстомъ, идеже стояху кумири. И постави церковь святаго Василья на холмЂ, идеже стояше кумиръ Перунъ и прочии, идеже творяху потребы князь и людье. И нача ставити по градомъ церкви и попы, и люди на крещенье приводити по всЂмъ градом и селомъ. Пославъ, нача поимати у нарочитые чади дЂти, и даяти нача на ученье книжное. Матере же чадъ сихъ плакаху по нихъ, еще бо не бяху ся утвердили вЂрою, но акы по мертвеци плакахся.\134\

Сим же раздаяномъ на ученье книгамъ, събысться пророчество на РусьстЂй земли, глаголющее: «Во оны днии услышать глусии словеса книжная, и яснъ будеть языкъ гугнивых». Си бо не бЂша преди слышали словесе книжного, но по божью строю и по милости своей помилова богъ, якоже рече пророкъ: «Помилую, его же аще хощю». Помилова бо ны «Пакы банею бытья и обновленьем духа», по изволенью божью, а не по нашим дЂлом. Благословенъ господь Иисус Христос, иже възлюби новыя люди, Русьскую землю, и просвЂти ю̀ крещеньем святымь. ТЂмьже и мы припадаем к нему, глаголюще: «Господи Иисусе Христе! Что ти въздамы о всЂх, яже въздаси нам, грЂшником намъ сущемъ? НедоумЂем противу даромъ твоим въздаянья въздати».

«Велий бо еси и чюдна дЂла твоя, величью твоему нЂсть конца. В родъ и родъ въсхвалить дЂла твоя». Реку же съ Давыдомь: «ПридЂте, възрадуемъся господеви, въскликнЂмъ богу и спасу нашему. Варимъ лице его въ исповЂданье». «ИсповЂдающеся ему, яко благъ, яко в вЂкы милость его», яко «избавил ны есть от врагъ наших», рекъше от идолъ суетных. И пакы рцЂмъ съ Давыдомь: «Въспойте господеви пЂснь нову, воспойте господеви вся земля. Воспойте господеви, благословите имя его. Благовестите день от дне спасение его. ВъзвЂстите во языцЂх славу его, въ всЂх людехъ чюдеса его, яко велий господь и хваленъ зЂло», «И величью его нЂсть конца». Колика ти радость! не единъ, ни два спасаетася. Рече бо господь: «Яко радость бывает на небеси о единомь грЂшницЂ кающемься». Се же ни единъ, ни два, но бещисленое множьство к богу приступиша, святымь крещеньемь просвЂщени. Якоже и пророкъ рече: «Въскроплю на вы воду чисту, и очиститеся и от идолъ вашихъ и от грЂхъ ваших». Пакы другий пророкъ рече: «Кто яко богъ отъемьля грЂхы и преступая неправды? Яко хотяй милостивъ есть. Той обратить и ущедрит ны, и погрузить грЂхы наша въ глубинЂ». Ибо апостолъ Павелъ глаголеть: «Братья! Елико нас крестися въ Иисус Христа, въ смерть его крестихомъся; и погребохомся убо с нимь крещеньемь въ смерть; да якоже въста Христос от мертвых съ славою отчею, якоже и мы въ обновленьи житья поидемъ». И пакы: «Ветхая мимоидоша, и се быша новая». «НынЂ приближися нам спасенье... нощь успЂ, а день приближися». «Им же приведенье обрЂтохом вЂрою въ благодать сию, им же хвалимъся и стоимъ». «НынЂ же свободившеся от грЂха, поработившеся господеви, имате плодъ вашь въ священье». ТЂмже долъжни есмы работати господеви, радующеся ему. Рече бо Давыдъ: «Работайте господеви съ страхом, и радуйтеся ему с трепетом». Мы же възопьемъ к господу богу нашему, глаголюще: «Благословенъ господь, иже не дасть нас в ловитву зубомъ ихъ! ... СЂть скрушися, \136\ и мы избавлени быхом» от прельсти дьяволя. «И погибе память его с шюмом, и господь в вЂкы пребываеть», хвалимъ от русьскых сыновъ, пЂваем въ троици, а дЂмони проклинаеми от благовЂрных мужь и от вЂрных женъ, иже прияли суть крещенье и покаянье въ отпущенье грЂховъ, новии людье хрестьяньстии, избрании богомь».

Володимеръ же просвЂщенъ самъ, и сынове его, и земля его. БЂ бо у него сыновъ 12: Вышеславъ, Изяславъ, Ярославъ, Святополкъ, Всеволодъ, Святославъ, Мьстиславъ, Борисъ, ГлЂбь, Станиславъ, Позвиздъ, Судиславъ. И посади Вышеслава в НовЂгородЂ, а Изяслава ПолотьскЂ, а Святополка ТуровЂ, а Ярослава РостовЂ. Умершю же старЂйшему Вышеславу НовЂгородЂ, посадиша Ярослава НовЂгородЂ, а Бориса РостовЂ, а ГлЂба МуромЂ, Святослава ДеревЂхъ, Всеволода Володимери, Мстислава Тмуторокани. И рече Володимеръ: «Се не добро, еже мало городъ около Киева». И нача ставити городы по ДеснЂ, и по Востри, и по Трубежеви, и по СулЂ, и по СтугнЂ. И поча нарубати мужЂ лучьшиЂ от словень, и от кривичь, и от чюди, и от вятичь, и от сихъ насели грады; бЂ бо рать от печенЂгъ. И бЂ воюяся с ними и одолая имъ.

Въ лЂто 6497 [989]. Посемь же Володимеръ живяше въ законЂ хрестьяньстЂ, помысли создати церковь пресвятыя богородица, и пославъ приведе мастеры от Грекъ. И наченшю же здати, и яко сконча зижа, украси ю̀ иконами, и поручи ю̀ Настасу Корсунянину, и попы корсуньскыя пристави служити в ней, вдавъ ту все, еже бЂ взялъ в Корсуни: иконы, и съсуды, и кресты.

Въ лЂто 6499 [991]. Володимеръ заложи градъ БЂлгородъ, и наруби въ нь от инЂхъ городовъ, и много людий сведе во нь; бЂ бо любя градъ сь.

Въ лЂто 6500 [992]. Иде Володимиръ на Хорваты. Пришедшю бо ему с войны хорватьскыя, и се печенЂзи придоша по оной сторонЂ от Сулы; Володимеръ же поиде противу имъ, и срете я̀ на Трубежи на бродЂ, кде нынЂ Переяславль. И ста Володимеръ на сей сторонЂ, а печенЂзи на оной, и не смяху си на ону страну, ни они на сю страну. И приЂха князь печенЂжьскый к рЂкЂ, возва Володимера и рече ему: «Выпусти ты свой мужь, а я свой, да ся борета. Да аще твой мужь ударить моимь, да не воюемъ за три лЂта; аще ли нашь мужь ударить, да воюемъ за три лЂта». И разидостася разно. Володимеръ же приде въ товары, и посла биричи по товаромъ, глаголя: «НЂту ли такого мужа, иже бы ся ялъ с печенЂжиномь?». И не обрЂтеся никдЂже. Заутра приЂхаша печенЂзи и свой мужь приведоша, а у наших не бысть. И поча тужити Володимеръ, сля по всЂм воемъ, и приде \138\ единъ старъ мужь ко князю и рече ему: «Княже! есть у мене единъ сынъ меншей дома, а с четырми есмь вышелъ, а онъ дома. От дЂтьства бо его нЂсть кто имъ ударилъ. Единою бо ми и́ сварящю, и оному мьнущю усние, разгнЂвавъся на мя, преторже череви рукама». Князь же се слышавъ радъ бысть, и посла по нь, и приведоша и́ ко князю, и князь повЂда ему вся. Сей же рече: «Княже! Не вЂдЂ, могу ли со нь, и да искусите мя: нЂту ли быка велика и силна?». И налЂзоша быкъ великъ и силенъ, и повелЂ раздраждити быка; возложиша на нь желЂза горяча, и быка пустиша. И побЂже быкъ мимо и, похвати быка рукою за бокъ, и выня кожю с мясы, елико ему рука зая. И рече ему Володимеръ: «Можеши ся с нимъ бороти». И наутрия придоша печенЂзи, почаша звати: «НЂ ли мужа? Се нашь доспЂлъ». Володимеръ же повелЂ той нощи облещися въ оружие, и приступиша ту обои. Выпустиша печенЂзи мужь свой, бЂ бо превеликъ зЂло и страшенъ. И выступи мужь Володимерь, и узрЂ и́ печенЂзинъ и посмЂяся, — бЂ бо середний тЂломь. И размЂривше межи обЂма полкома, пустиша я́ к собЂ. И ястася, и почаста ся крЂпко держати, и удави печенЂзина в руку до смерти. И удари имь о землю. И кликнуша, и печенЂзи побЂгоша, и русь погнаша по них сЂкуще, и прогнаша я. Володимеръ же радъ бывъ, заложи городъ на бродЂ томь, и нарече и́ Переяславль, зане перея славу отроко тъ. Володимеръ же великимь мужемъ створи того и отца его. Володимеръ же възвратися въ Кыевъ с побЂдою и съ славою великою.

В лЂто 6502 [994].

В лЂто 6503 [995].

Въ лЂто 6504 [996]. Володимеръ видЂвъ церковь свершену, вшедъ в ню и помолися богу, глаголя: «Господи боже! «Призри с небесе, и вижь. И посЂти винограда своего. И сверши, яже насади десница твоя», новыя люди си, им же обратилъ еси сердце в разум, познати тебе, бога истинного. И призри на церковь твою си, юже создах, недостойный рабъ твой, въ имя рожьшая тя матере, приснодЂвыя богородица. Аже кто помолиться въ церкви сей, то услыши молитву его молитвы ради пречистыя богородица». И помолившюся ему, рекъ сице: «Даю церкви сей святЂй Богородици от имЂнья моего и от градъ моихъ десятую часть». И положи написавъ клятву въ. церкви сей, рек: «Аще кто сего посудить, да будет проклятъ». И вдасть десятину Настасу Корсунянину. И створи праздникъ великъ въ тъ день боляром и старцемъ градским, и убогим раздая имЂнье много.

По сих же придоша печенЂзи к Василеву, и Володимиръ с малею дружиною изыде противу. И съступившимся, и не могъ \140\ стерпЂти противу, подъбЂгъ, ста подъ мостом, одва укрыся противных. И тогда обЂщася Володимеръ поставити церковь Василе†святаго Преображенья, бЂ бо въ тъ день Преображенье господне, егда си бысть сЂча. Избывъ же Володимеръ сего, постави церковь, и створи праздник великъ, варя 300 проваръ меду. И съзываше боляры своя, и посадникы, старЂйшины по всЂм градомъ, и люди многы, и раздая убогым 300 гривенъ. Праздновавъ князь дний 8, и възвращашеться Кыеву на Успенье святыя богородица, и ту пакы сотворяше праздник великъ, сзывая бещисленое множество народа. Видя же люди хрестьяны суща, радовашеся душею и тЂлом. И тако по вся лЂта творяше. БЂ бо любя словеса книжная, слыша бо единою еуангелье чтомо: «Блажени милостивии, яко ти помиловани будуть»; и пакы: «Продайте имЂнья ваша и дадите ныщим»; и пакы: «Не скрывайте собЂ скровищь на земли, идеже тля тлить и татье подъкоповают, но скрывайте собЂ скровище на небесЂх, идеже ни тля тлить, ни татье крадуть»; и Давыда глаголюща: «Блаженъ мужь милуя и дая»; Соломона же слыша глаголюща: «Вдаяй нищему, богу в заимъ дает». Си слышавъ, повелЂ всякому нищему и убогому приходити на дворъ княжь и взимати всяку потребу, питье и яденье, и от скотьниць кунами. Устрои же и се, рек яко «Немощнии и болнии не могуть долЂсти двора моего», повелЂ пристроити кола, и въскладше хлЂбы, мяса, рыбы, овощь розноличный, медъ въ бчелках, а въ другых квасъ, возити по городу, въпрашающим: «Кде болнии и нищь, не могы ходити?». ТЂмъ раздаваху на потребу. Се же пакы творяше людем своимъ: по вся недЂля устави на дворЂ въ гридьницЂ пиръ творити и приходити боляром, и гридем, и съцьскымъ, и десяцьскым, и нарочитымъ мужем, при князи и безъ князя. Бываше множество от мясъ, от скота и от звЂрины, бяше по изобилью от всего. Егда же подъпьяхуться, начьняхуть роптати на князь, глаголюще: «Зло есть нашим головамъ: да намъ ясти деревяными лъжицами, а не сребряными». Се слышавъ Володимеръ повелЂ исковати лжицЂ сребрены ясти дружинЂ, рек сице, яко «Сребромь и златом не имам налЂсти дружины, а дружиною налЂзу сребро и злато, якоже дЂдъ мой и отець мой доискася дружиною злата и сребра». БЂ бо Володимеръ любя дружину, и с ними думая о строи земленЂм, и о ратехъ, и о уста†земленЂм, и бЂ живя съ князи околними миромь, и съ Болеславомъ Лядьскымь, и съ Стефаномь Угрьскымь, и съ Андрихомь Чешьскымь. И бЂ миръ межю ими и любы. Живяше же Володимеръ в страсЂ божьи. И умножишася зело разбоеве, и рЂша епископи \142\ Володимеру: «Се умножишася разбойници; почто не казниши ихъ?». Он же рече имъ: «Боюся грЂха». Они же рЂша ему: «Ты поставленъ еси от бога на казнь злымъ, а добрымъ на милованье. Достоить ти казнити разбойника, но со испытомъ». Володимеръ же отвергъ виры, нача казнити разбойникы, и рЂша епископи и старци: «Рать многа; оже вира, то на оружьи и на коних буди». И рече Володимеръ: «Тако буди». И живяше Володимеръ по устроенью отьню и дЂдню.















Попередня     Головна     Наступна


Етимологія та історія української мови:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчани, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.