Попередня     Головна     Наступна





В лЂто 6535 [1027]. Родися 3-й сынъ Ярославу, и нарече имя ему Святославъ.\164\

В лЂто 6536 [1028]. Знаменье змиево явися на небеси, яко видЂти всей земли.

В лЂто 6537 [1029]. Мирно бысть.

В лЂто 6538 [1030]. Ярославъ Белзы взялъ. И родися Ярославу 4-й сынъ, и нарече имя ему Всеволодъ. Семь же лЂтЂ иде Ярославъ на чюдь, и побЂди я̀, и постави градъ Юрьевъ. В се же время умре Болеславъ Великый в ЛясЂхъ, и бысть мятежь в земли ЛядьскЂ: вставше людье избиша епископы, и попы, и бояры своя, и бысть в нихъ мятежь.

В лЂто 6539 [1031]. Ярославъ и Мьстиславъ собраста вой многъ, идоста на Ляхы, и заяста грады червеньскыя опять, и повоеваста Лядьскую землю, и многы ляхы приведоста, и раздЂливша я̀. Ярославъ посади своя по Ръси, и суть до сего дне.

В лЂто 6540 [1032]. Ярославъ поча ставити городы по Ръси.

В лЂто 6541 [1033]. Мьстиславичь Еустафий умре.

В лЂто 6542 [1034].

В лЂто 6543 [1035].

В лЂто 6544 [1036]. Мьстиславъ изиде на ловы, разболЂся и умре. И положиша и́ в церкви у святаго Спаса, юже бЂ самъ заложилъ: бЂ бо въздано ея при немь възвыше, яко на кони стояще рукою досящи. БЂ же Мьстиславъ дебелъ тЂломь, черменъ лицем, великыма очима, храборъ на рати, милостивъ, любяше дружину повелику, кмЂнья на щадяше, ни питья, ни Ђденья браняше. Посемь же перея власть его всю Ярославъ, и бысть самовластець РусьстЂй земли. Иде Ярославъ Новугороду, и посади сына своего Володимера НовЂгородЂ, епископа постави Жидяту. И в се время родися Ярославу сынъ, нарекоша имя ему Вячеславъ. Ярославу же сущю НовЂгородЂ, вЂсть приде ему, яко печенЂзи остоять Кыевъ. Ярославъ събра вои многы, варягы и словЂни, приде Кыеву и вниде в городъ свой. И бЂ печенЂгъ бе-щисла. Ярославъ выступи из града, и исполчи дружину, и постави варягы по средЂ, а на правЂй сторонЂ кыяне, а на лЂвЂмь крилЂ новгородци; и сташа пред градомь. ПеченЂзи приступати почаша, и сступишася на мЂсте, идеже стоить нынЂ святая Софья, митрополья русьская: бЂ бо тогда поле внЂ града. И бысть сЂча зла, и одва одолЂ к вечеру Ярославъ. И побЂгоша печенЂзи разно, и не вЂдяхуся, камо бЂжати, и овии бЂгающе тоняху въ СЂтомли, инЂ же въ инЂхъ рЂкахъ, а прокъ ихъ пробЂгоша и до сего дне. В се же лЂто всади Ярославъ Судислава в порубъ, брата своего, ПлесковЂ, оклеветанъ к нему.

В лЂто 6545 [1037]. Заложи Ярославъ городъ великый, у него же града суть Златая врата; заложи же и церковь святыя Софья, митрополью, и посемь церковь на Золотыхъ воротЂхъ святыя Богородща благовЂщенье, посемь святаго Георгия манастырь \166\ и святыя Ирины. И при семь нача вЂра хрестьяньска плодитися и раширяти, и черноризьци почаша множитися, и манастыреве починаху быти. И бЂ Ярославъ любя церковныя уставы, попы любяше повелику, излиха же черноризьцЂ, и книгамъ прилежа, и почитая ѐ часто в нощи и въ дне. И собра писцЂ многы и прекладаше от грекъ на словЂньское писмо. И списаша книгы многы, ими же поучащеся вЂрнии людье наслажаются ученья божественаго. Якоже бо се нЂкто землю разореть, другый же насЂеть, ини же пожинають и ядять пищю бескудну, — тако и сь. Отець бо сего Володимеръ землю взора́ и умягчи, рекше крещеньемь просвЂтивъ. Сь же насЂя книжными словесы сердца вЂрных людий, а мы пожинаемъ, ученье приемлюще книжное.

Велика бо бываеть полза от ученья книжного; книгами бо кажеми и учими есмы пути покаянью, мудрость бо обрЂтаемъ и въздержанье от словесъ книжныхъ. Се бо суть рЂкы, напаяюще вселеную, се суть исходяща мудрости; книгамъ бо есть неищетная глубина: сими бо в печали утЂшаеми есмы; си суть узда въздержамью. Мудрость бо велика есть, якоже и Соломонъ хваляше ю, глаголаше: «Азъ, премудрость, вселих свЂтъ и разумъ и смыслъ азъ призвах. Страхъ господень... Мои съвЂти, моя мудрость, мое утверженье, моя крЂпость. Мною цесареве царствують, а силнии пишють правду. Мною вельможа величаются и мучители держать землю. Азъ любящая мя люблю, ищющи мене обрящють благодать». Аще бо поищеши въ книгахъ мудрости прилЂжно, то обрящеши велику ползу души своей. Иже бо книгы часто чтеть, то бесЂдуеть с богомь или святыми мужи. Почитая пророческыя бесЂды, и еуангельская ученья и апостолская, и житья святыхъ отець, въсприемлеть души велику ползу.

Ярославъ же сей, якоже рекохом, любимъ бЂ книгамъ, и многы написавъ положи в святЂй Софьи церкви, юже созда самъ. Украси ю̀ златомь и сребромь и сосуды церковными, в ней же обычныя пЂсни богу въздають в годы обычныя. И ины церкви ставляше по градомъ и по мЂстомъ, поставляя попы и дая имъ от имЂнья своего урокъ, веля имъ учити люди, понеже тЂмь есть поручено богомь, и приходити часто къ церквамъ. И умножишася прозвутери и людье хрестьяньстии. Радовашеся Ярославъ, видя множьство церквий и люди хрестьяны, зЂло, а врагъ сЂтовашеться, побЂжаемъ новыми людьми хрестьяньскыми.

В лЂто 6546 [1038]. Ярославъ иде на ятвягы.

В лЂто 6547 [1039]. Священа бысть церкы святыя Богородиця, юже созда Володимеръ, отець Ярославль, митрополитомь Феопемптомъ.

В лЂто 6548 [1040]. Ярославъ иде на Литву.

В лЂто 6549 [1041]. Иде Ярославъ на мазовъшаны, въ лодьяхъ.\168\

В лЂто 6550 [1042]. Иде Володимеръ, сынъ Ярославль, на Ямь, и побЂди я. И помроша кони у вой Володимерь, яко и еще дышющимъ конемъ, съдираху хзы с нихъ: толикъ бо бЂ моръ в коних.

В лЂто 6551 [1043]. Посла Ярославъ сына своего Володимера на Грькы, и вда ему вои многы, а воеводьство поручи ВышатЂ, отцю Яневу. И поиде Володимеръ в лодьях, и придоша в Дунай, и поидоша к Цесарюграду. И бысть буря велика, и разби корабли руси, и княжь корабль разби вЂтръ, и взя князя в корабль Иванъ Творимиричь, воевода Ярославль. Прочии же вои Володимери вывержени быша на брегъ, числомь 6000, и хотящемъ поити в Русь, и не идяше с ними никтоже от дружины княжее. И рече Вышата: «Азъ поиду с ними». И высЂде ис корабля к нимъ, и рече: «Аще живъ буду, то с ними, аще погыну, то с дружиною». И поидоша, хотяще в Русь. И бысть вЂсть грькомъ, яко избило море русь, и посла царь, именемь Мономахъ, по руси олядий 14. Володимеръ же, видЂвъ с дружиною, яко идут по немь, въспятивъся, изби оляди гречьскыя, и възвратися в Русь, всЂдъше в кораблЂ своЂ. Вышату же яша съ извержеными на брегъ, и приведоша я̀ Цесарюграду, и слЂпиша руси много. По трехъ же лЂтЂхъ, миру бывшю, пущенъ бысть Вышата в Русь къ Ярославу. В си же времена вдасть Ярославъ сестру свою за Казимира, и вдасть Казимиръ за вЂно людий 8 сотъ, яже бЂ полонилъ Болеславъ, победив Ярослава.

В лЂто 6552 [1044]. Выгребоша 2 князя, Ярополка и Ольга, сына Святославля, и крестиша кости ею̀, и положиша я въ церкви святыя Богородица. В се же лЂто умре Брячиславъ, сынъ Изяславль, внукъ Володимерь, отець Всеславль, и Всеславъ, сынъ его, сЂде на столЂ его, его же роди мати от вълхвованья. Матери бо родивши его, бысть ему язвено на гла†его, рекоша бо волсви матери его: «Се язвено навяжи на нь, да носить е до живота своего», еже носить Всеславъ и до сего дне на собЂ; сего ради немилостивъ есть на кровьпролитье.

В лЂто 6553 [1045]. Заложи Володимеръ святую Софью НовЂгородЂ.

В лЂто 6554 [1046].

В лЂто 6555 [1047]. Ярославъ иде на мазовшаны, и побЂди я̀, и князя ихъ уби Моислава, и покори я̀ Казимиру.

В лЂто 6556 [1048].

В лЂто 6557 [1049].

В лЂто 6558 [1050]. Преставися жена Ярославля княгыни.

В лЂто 6559 [1051]. Постави Ярославъ Лариона митрополитомь русина въ святЂй Софьи, собравъ епископы.

И се да скажемъ, чего ради прозвася Печерьскый манастырь. Боголюбивому князю Ярославу любящю Берестовое и церковь ту сущюю святыхъ Апостолъ, и попы многы набдящю, \170\ в них же бЂ презвутеръ, именемь Ларионъ, мужь благъ, книженъ и постникъ. И хожаше с Берестоваго на ДнЂпръ, на холмъ, кдЂ нынЂ ветхый манастырь Печерьскый, и ту молитву творяше, бЂ бо ту лЂсъ великъ. Ископа печерку малу, двусажену, и приходя с Берестового, отпЂваше часы и моляшеся ту богу втайне. Посемь же богъ князю вложи въ сердце, и постави и́ митрополитомь в святЂй Софьи, а си печерка тако ста. И не по мнозЂхъ днехъ бЂ нЂкый человЂкъ, именемь мирьскымь, от града Любча; и възложи сему богъ в сердце въ страну ити. Онъ же устремися в Святую Гору, и видЂ ту монастыря сущая, и обиходивъ, възлюбивъ чернечьскый образ, приде в манастырь ту, и умоли игумена того, дабы на нь възложилъ образ мнишьскый. Онъ же послушавъ его, постриже и́, нарекъ имя ему Антоний, наказавъ его и научивъ чернечьскому образу, и рече ему: «Иди в Русь опять, и буди благословленье от Святыя Горы, яко от тебе мнози черньци быти имуть». Благослови и́, и отпусти его, рекъ ему: «Иди с миромь». Антоний же приде Кыеву, и мысляше, кдЂ бы жити; и ходи по манастыремъ, и не възлюби, богу не хотящю. И поча ходити по дебремъ и по горамъ, ища кдЂ бы ему богъ показалъ. И приде на холмъ, идЂ бЂ Ларионъ ископалъ печерку, и възлюби мЂсто се, и вселися в не, и нача молитися богу со слезами, глаголя: «Господи! Утверди мя в мЂстЂ семь, и да будеть на мЂстЂ семь благословенье Святыя Горы и моего игумена, иже мя постриглъ». И поча жити ту, моля бога, ядый хлЂбъ сухъ, и то же чересъ день, и воды в мЂру вкушая, копая печеру, и не да собЂ упокоя день и нощь, в трудЂхъ пребывая, въ бдЂньи и в молитвахъ. Посемь же увЂдЂша добрии человЂци, и приходяху к нему, приносяще же ему, еже на потребу бЂ. И прослу якоже великый Антоний: приходяще к нему просяху у него благословенья. Посемь же, преставльшюся великому князю Ярославу, прия власть сынъ его Изяславъ и сЂде КыевЂ. Антоний же прославленъ бысть в РусьскЂй земли; Изяславъ же, увЂдЂвъ житье его, приде с дружиною своею, прося у него благословенья и молитвы. И увЂданъ бысть всЂми великый Антоний и чтимъ, и начаша приходити к нему братья, и нача приимати и постригати я̀, и собрася братьи к нему числомь 12 и ископаша печеру велику, и церковь, и кЂльи, яже суть и до сего дне в печерЂ подъ ветхымь манастыремь. СовъкупленЂ же братьи, рече имъ Антоний: «Се богъ васъ, братья, совокупи, и от благословенья есте Святыя Горы, имь же мене постриже игуменъ Святыя Горы, а язъ васъ постригалъ; да буди благословенье на васъ перво от бога, а второе от Святыя Горы». И се рекъ имъ: «ЖивЂте же о собЂ, и поставлю вы игумена, а самъ \172\ хочю въ ону гору ити единъ, якоже и преже бяхъ обыклъ, уединивъся, жити». И постави имъ игуменомь Варлама, а самъ иде в гору, и ископа печеру, яже есть подъ новымь манастырем, в ней же сконча животъ свой, живъ в добродЂтели, не выходя ис печеры лЂт 40 никаможе, в ней же лежать мощЂ его и до сего дне. Братья же съ игуменомь живяху в печере. И умножившимся братьи в печерЂ и неимущим ся вмЂстити, и помыслиша поставити внЂ печеры манастырь. И приде игуменъ и братья ко Антонью, и рекоша ему: «Отче! Умножилося братьЂ, а не можемъ ся вмЂстити в печеру; да бы богъ повелЂлъ и твоя молитва, да быхомъ поставили церковьцю внЂ печеры». И повелЂ имъ Антоний. Они же поклонишася ему, и поставиша церковьцю малу надъ пещерою во имя святыя богородица Успенье. И нача богъ умножати черноризцЂ молитвами святыя богородица, и съвЂтъ створиша братья со игуменомь поставити манастырь. И идоша братья ко Антонью, и рЂша: «Отче! Братья умножаются, а хотЂли быхомъ поставити манастырь». Антоний же, радъ бывъ, рече: «Благословенъ богъ о всемь, и молитва святыя богородица и сущихъ отець иже в СвятЂй ГорЂ да будеть с вами». И се рекъ, посла единого от братьЂ ко Изяславу князю, река тако: «Княже мой! Се богъ умножаеть братью, а мЂстьце мало; да бы ны далъ гору ту, яже есть надъ печерою». Изяславъ же слышавъ и радъ бысть, посла мужь свой, и вда имь гору ту. Игумен же и братья заложиша церковь велику, и манастырь огородиша столпьемь, кельЂ поставиша многы, церковь свершиша и иконами украсиша. И оттолЂ почася Печерскый манастырь, имь же бЂша жили черньци преже в печерЂ, а от того прозвася Печерскый манастырь. Есть же манастырь Печерскый от благословенья Святыя Горы пошелъ. Манастыреви же свершену, игуменьство держащю Варламови, Изяславъ же постави манастырь святаго Дмитрия, и выведе Варлама на игуменьство к святому Дмитрию, хотя створити вышний сего манастыря, надЂяся богатьству. Мнози бо манастыри от цесарь и от бояръ и от богатьства поставлени, но не суть таци, каци суть поставлени слезами, пощеньемь, молитвою, бдЂньемь. Антоний бо не имЂ злата, ни сребра, но стяжа слезами и пощеньем, якоже глаголахъ. Варламу же шедъшю к святому Дмитрию, свЂтъ створше братья, идоша к старцю Антонью и рекоша: «Постави намъ игумена». Онъ же рече имъ: «Кого хощете?». Они же рЂша: «Кого хощеть богъ и ты». И рече имъ: «Кто болий въ васъ, акъ же Феодосий, послушьливый, кроткый, смЂреный, да сь будеть вамъ игуменъ». Братья же ради бывше, поклонишася старцю, и поставиша Феодосья игуменом братьЂ числомь 20. Феодосиеви же приемшю манастырь, поча имЂти въздержанье, \174\ и велико пощенье, и молитвы съ слезами, и совокупляти нача многы черноризьци, и совокупи братьЂ числомь 100. И нача искати правила чернечьскаго и обрЂтеся тогда Михаилъ, чернець манастыря Студийскаго, иже бЂ пришелъ изъ Грекъ с митрополитомь Георгиемь, и нача у него искати устава чернець студийскых. И обрЂтъ у него, и списа, и устави въ манастыри своемь, како пЂти пЂнья манастырьская, и поклонъ какъ держати, и чтенья почитати, и стоянье в церкви, и весь рядъ церковный и на тряпезЂ сЂданье, и что ясти в кыя дни, все съ уставленьемь. Феодосий все то изъобрЂтъ, предасть манастырю своему. От того же манастыря переяша вси манастыреве уставъ: тЂмьже почтенъ есть манастырь Печерьскый старей всЂхъ. Феодосьеви же живущю в манастыри, и правящю добродЂтелное житье и чернечьское правило, и приимающю всякого приходящаго к нему, к нему же и азъ придохъ худый и недостойный рабъ, и приятъ мя лЂт ми сущю 17 от роженья моего. Се же написахъ и положихъ, в кое лЂто почалъ быти манастырь, и что ради зоветься Печерьскый. А о Феодосье†житьи паки скажемъ.

В лЂто 6560 [1052]. Преставися Володимеръ, сынъ Ярославль старей, НовЂгородЂ, и положенъ бысть в святЂй Софьи, юже бЂ самъ создалъ.

В лЂто 6561 [1053]. У Всеволода родися сынъ, и нарече имя ему Володимеръ, от царицЂ грькынЂ.

В лЂто 6562 [1054]. Преставися великый князь русьскый Ярославъ. И еще бо живущю ему, наряди сыны своя, рекъ имъ: «Се азъ отхожю свЂта сего, сынове мои; имЂйте в собЂ любовь, понеже вы есте братья единого отца и матере. Да аще будете в любви межю собою, богъ будеть в васъ, и покорить вы противныя подъ вы. И будете мирно живуще. Аще ли будете ненавидно живуще, в распряхъ и которающеся, то погыбнете сами, и погубите землю отець своихъ и дЂдъ своихъ, иже налЂзоша трудомь своимь великымъ; но пребывайте мирно, послушающе брат брата. Се же поручаю в собе мЂсто столъ старЂйшему сыну моему и брату вашему Изяславу Кыевъ; сего послушайте, якоже послушасте мене, да той вы будеть в мене мЂсто; а Святославу даю Черниговъ, а Всеволоду Переяславль, а Игорю Володимерь, а Вячеславу Смолинескъ». И тако раздЂли имъ грады, заповЂдавъ имъ не преступати предЂла братня, ни сгонити, рекъ Изяславу: «Аще кто хощеть обидЂти брата своего, то ты помагай, его же обидять». И тако уряди сыны своя пребывати в любви. Самому же болну сущю и пришедшю Вышегороду, разболЂся велми, Изяславу тогда сущю..., а Святославу Володимери, Всеволоду же тогда сущю у отця, бЂ бо любимъ отцемь паче всея братьи, его же имяше присно у собе.\176\ Ярославу же приспЂ конець житья, и предасть душю свою богу, в суботу 1 поста святаго Феодора. Всеволодъ же спрята тЂло отца своего, възложьше на сани везоша и́ Кыеву, попове поюще обычныя пЂсни. Плакашася по немь людье; и, принесше, положиша и́ в рацЂ мороморянЂ, в церкви святое СофьЂ. И плакася по немь Всеволодъ и людье вси. Живе же всЂхъ лЂт 70 и 6.















Попередня     Головна     Наступна


Етимологія та історія української мови ua_etymology:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчани, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.