Уклінно просимо заповнити Опитування про фемінативи
Начало княженья Изяславля КыевЂ. Пришедъ Изяславъ сЂде КыевЂ, Святославъ ЧерниговЂ, Всеволодъ Переяславли. Игорь Володимери, Вячеславъ СмолиньскЂ. В се же лЂто иде Всеволодъ на торкы зимЂ к Воиню и побЂди торкы. В семь же лЂтЂ приходи Болушь с половьци, и створи Всеволодъ миръ с ними, и возвратишася половци вспять, отнюду же пришли.
В лЂто 6565 [1057]. Преставися Вячеславъ, сынъ Ярославль, СмолиньскЂ, и посадиша Игоря СмолиньскЂ, из Володимеря выведше.
В лЂто 6566 [1058]. ПобЂди Изяславъ голяди.
В лЂто 6567 [1059]. Изяславъ, Святославъ и Всеволодъ высадиша строя своего Судислава ис поруба, сидЂ бо лЂт 20 и 4, заводивъше кресту, и бысть чернцемь.
В лЂто 6568 [1060]. Преставися Игорь, сынъ Ярославль. В семь же лЂтЂ Изяславъ, и Святославъ, и Всеволодъ, и Всеславъ совокупиша вои бещислены, и поидоша на конихъ и в лодьяхъ, бещислено множьство, на торкы. Се слышавше торци, убояшася, пробЂгоша и до сего дне, и помроша бЂгаючи, божьимь гнЂвомь гоними, ови от зимы, друзии же гладомь, ини же моромь и судомь божьимъ. Тако богъ избави хрестьяны от поганыхъ.
В лЂто 6569 [1061]. Придоша половци первое на Русьскую землю воеватъ; Всеволодъ же изиде противу имъ мЂсяца февраля въ 2 день. И бившимъся имъ, побЂдиша Всеволода, и воевавше отъидоша. Се бысть первое зло от поганых и безбожныхъ врагъ. Бысть же князь ихъ Искалъ.
В лЂто 6571 [1063]. Судиславъ преставися, Ярославль братъ, и погребоша и́ въ церкви святаго Георгия. В се же лЂто НовЂгородЂ иде Волховъ вспять дний 5. Се же знаменье не добро бысть, на 4-е бо лЂто пожже Всеславъ градъ.
В лЂто 6572 [1064]. БЂжа Ростиславъ Тмутороканю, сынъ Володимерь, внукъ Ярославль, и с нимъ бЂжа ПорЂй и Вышата, сынь Остромирь, воеводы Новгородьского. И, пришедъ, выгна ГлЂба изь Тмуторокана, а самъ сЂде в него мЂсто.
В лЂто 6573 [1065]. Иде Святославъ на Ростислава къ Тмутороканю. Ростиславъ же отступи кромЂ изъ града, не убоявъся \178\ его, но не хотя противу строеви своему оружья взяти. Святославъ же пришедъ Тмутороканю, посади сына своего пакы ГлЂба, и възвратися опять. Ростиславъ же пришедъ, пакы выгна ГлЂба, и приде ГлЂбъ къ отцю своему, Ростиславъ же сЂде Тмуторокани. В се же лЂто Всеславъ рать почалъ. В си же времена бысть знаменье на западЂ, звЂзда превелика, лучЂ имущи акы кровавы, въсходящи с вечера по заходЂ солнечнЂмь, и пребысть за 7 дний. Се же проявляше не на добро, посемь бо быша усобицЂ многы и нашествие поганыхъ на Русьскую землю, си бо звЂзда бЂ акы кровава, проявляющи крови пролитье. В си же времена бысть дЂтищь вверьженъ в СЂтомль; его же дЂтища выволокоша рыболове въ неводЂ, его же позоровахомъ до вечера, и пакы ввергоша и́ в воду. Бяшеть бо сиць: на лици ему срамнии удове, иного нелзЂ казати срама ради. Пред симь же временемь и солнце премЂнися, и не бысть свЂтло, но акы мЂсяць бысть, его же невЂгласи глаголють снЂдаему сущю. Се же бывають сица знаменья не на добро, мы бо по сему разумЂемъ, якоже древле, «при АнтиосЂ, въ ИерусалимЂ случися внезапу по всему граду за 40 дний являтися на вздусЂ на конихъ рищющимъ, въ оружьи, златы имущемъ одежа, и полкы обоя являемы, и оружьемъ двизающимся; се же проявляше нахоженье Антиохово, нашествие рати на Иерусалимъ. Посемь же при НеронЂ цесари в том же ИерусалимЂ восия звЂзда, на образъ копийный, надъ градомь: се же проявляше нахоженье рати от римлянъ. И паки сице же бысть при УстиньянЂ цесари, звЂзда восия на западЂ, испущающи луча, юже прозываху блистаницю, и бысть блистающи дний 20; посем же бысть звЂздамъ теченье, с вечера до заутрья, яко мнЂти всЂмъ, яко падають звЂзды, и пакы солнце без лучь сьяше: се же проявляше крамолы, недузи человЂкомъ умертвие бяше. Пакы же при Маврикии цесари бысть сице: жена дЂтищь роди безъ очью и без руку, в чересла бЂ ему рыбий хвостъ прирослъ; и песъ родися шестоногъ; въ Африкии же 2 дЂтища родистася, единъ о 4-хъ ногахъ, а другый о двою главу. Посемь же бысть при КостянтинЂ иконоборци цари, сына Леонова: теченье звЂздное бысть на небЂ, отторваху бо ся на землю, яко видящим мнЂти кончину; тогда же въздухъ възлияся повелику; в Сурии же бысть трусъ великъ, земли расЂдшися трий поприщь, изиде дивно и-землЂ мъска, человЂчьскымь гласомь глаголющи и проповЂдающи наитье языка, еже и бысть»: наидоша бо срацини на Палестиньскую землю. Знаменья бо въ небеси, или звЂздах, ли солнци, ли птицами, ли етеромь чимъ, не на благо бывають; но знаменья сиця на зло бывають, ли проявленье рати, ли гладу, ли смерть проявляють.\180\
В лЂто 6574 [1066]. Ростиславу сущю Тмуторокани и емлющю дань у касогъ и у инЂхъ странъ, сего же убоявшеся грьци, послаша с лестью котопана. Оному же пришедшю к Ростиславу и ввЂрившюся ему, чтяшеть и́ Ростиславъ. Единою же пьющю Ростиславу с дружиною своею, рече котопанъ: «Княже! Хочю на тя пити». Оному же рекшю: «Пий». Он же испивъ половину, а половину дасть князю пити, дотиснувъся палцемь в чашю, бЂ бо имЂя под ногтемъ растворенье смертное, и вдасть князю, урекъ смерть до дне семаго. Оному же испившю, котопан же, пришедъ Корсуню, повЂдаше, яко в сий день умреть Ростиславъ, якоже и бысть. Сего же котопана побиша каменьемь корсуньстии людье. БЂ же Ростиславъ мужь добль, ратенъ, взрастомь же лЂпъ и красенъ лицемь, и милостивъ убогымъ. И умре мЂсяца февраля въ 3 день, и тамо положенъ бысть въ церкви святыя Богородица.
В лЂто 6575 [1067]. Заратися Всеславъ, сынъ Брячиславль, ПолочьскЂ, и зая Новъгородъ. Ярославичи же трие, — Изяславъ, Святославъ, Всеволодъ, — совокупивше вои, идоша на Всеслава, зимЂ сущи велицЂ. И придоша ко МЂньску, и мЂняне затворишася в градЂ. Си же братья взяша МЂнескъ, и исЂкоша мужЂ, а жены и дЂти вдаша на щиты, и поидоша к НемизЂ, и Всеславъ поиде противу. И совокупишася обои на НемизЂ, мЂсяца марта въ 3 день; и бяше снЂгъ великъ, и поидоша противу собЂ. И бысть сЂча зла, и мнози падоша, и одолЂша Изяславъ, Святославъ, Всеволодъ, Всеславъ же бЂжа. По семь же, мЂсяца иуля въ 10 день, Изяславъ, Святославъ и Всеволодъ, цЂловавше крестъ честный къ Всеславу, рекше ему: «Приди к намъ, яко не створимъ ти зла». Он же, надЂявъся цЂлованью креста, переЂха в лодьи чересъ ДнЂпръ. Изяславу же в шатеръ предъидущю, и тако яша Всеслава на Рши у Смолиньска, преступивше крестъ. Изяславъ же приведъ Всеслава Кыеву, всади и́ в порубъ съ двЂма сынома.
В лЂто 6576 [1068]. Придоша иноплеменьници на Русьску землю, половьци мнози. Изяславъ же, и Святославъ и Всеволодъ изидоша противу имъ на Льто. И бывши нощи, подъидоша противу собЂ. ГрЂх же ради нашихъ пусти богъ на ны поганыя, и побЂгоша русьскыи князи, и побЂдиша половьци.
Наводить бо богъ по гнЂву своему иноплеменьникы на землю, и тако, скрушенымъ имъ, въспомянутся къ богу; усобная же рать бываеть от соблажненья дьяволя. Богъ бо не хощеть зла человЂкомъ, но блага; а дьяволъ радуется злому убийству и крови пролитью, подвизая свары и зависти, братоненавидЂнье, клеветы. Земли же согрешивши которЂй любо, казнить богъ смертью, ли гладомъ, ли наведеньемъ поганыхъ, ли ведромъ, ли гусЂницею, ли инЂми казньми; аще ли покаявшеся будемъ, в нем же ны богъ велить жити, глаголеть бо пророкомъ намъ: \182\ «Обратитеся ко мнЂ всЂмъ сердцемь вашимъ, постомъ и плачемъ». Да аще сице створимъ, всЂхъ грЂхъ прощени будемъ: но мы на злое възвраща.емся, акы свинья в калЂ грЂховнЂмь присно каляющеся, и тако пребываемъ. ТЂмже пророкомъ нам глаголеть: «РазумЂхъ, — рече, — яко жестокъ еси, и шия желЂзная твоя», того ради «Удержахъ от васъ дождь, предЂлъ единъ одождихъ, а другаго не одождихъ, исше»; «И поразихъ вы зноемь и различными казньми; то и тако не обратистеся ко мнЂ». Сего ради винограды вашЂ, и смоковье ваше, нивы и дубравы ваша истрохъ, глаголеть господь, а злобъ вашихъ не могохъ истерти. «Послахъ на вы различныя болЂзни и смерти тяжкыя», и на скоты казнь свою послах, «то и ту не обратистеся», но рЂсте: «Мужаемъся». ДоколЂ не насытистеся злобъ вашихъ? Вы бо уклонистеся от пути моего, глаголеть господь, и соблазнисте многы; сего ради «Буду свЂдЂтель скоръ на противьныя, и на прелюбодЂица, и на кленущаяся именемь моимъ во лжю, и на лишающая мьзды наимника, насильствующая сиротЂ и вдовици, и на уклоняющая судъ кривЂ. Почто не сдерзастеся о грЂсЂхъ вашихъ? Но уклонисте законы моя и не схранисте ихъ. Обратитеся ко мьнЂ, — и обращюся к вамъ, глаголеть господь, и азъ отверзу вамъ хляби небесныя и отвращю от васъ гнЂвъ мой, дондеже все обилуеть вамъ, и не имуть изнемощи виногради ваши, ни нивы. Но вы отяжасте на мя словеса ваша, глаголюще: суетенъ работаяй богу». ТЂмже «Усты чтуть мя, а сердце ихъ далече отстоить мене». Сего ради, их же просимъ, не приемлемъ; «Будеть бо, рече, егда призовете мя, азъ же не послушаю васъ». Взищете мене зли, и не обрящете; не всхотЂша бо ходити по путемъ моим; да того ради затворяется небо, ово ли злЂ отверзается, градъ въ дождя мЂсто пуская, ово ли мразомь плоды узнабляя и землю зноемь томя, наших ради злобъ. Аще ли ся покаемъ от злобъ наших, то «Акы чадомъ своимъ дасть нам вся прошенья, и одождить намъ дождь ранъ и позденъ. И наполнятся гумна ваша пшеницЂ. ПролЂются точила винная и масльная. И въздам вамъ за лЂта, яже пояша прузи, и хрустове, и гусЂниця; сила моя великая, юже послах на вы», глаголеть господь вседержитель. Си слышаще, въстягнЂмъся на добро, взищЂте суда, избавите обидимаго, на покаянье придемъ, не въздающе зла за зло, ни клеветы за клевету, но любовью прилЂпимся господи бозЂ нашемь, постомъ, и рыданьем и слезами омывающе вся прегрЂшенья наша, не словомь нарицяющеся хрестьяни, а поганьскы живуще. Се бо не погански ли живемъ, аще усрЂсти вЂрующе? Аще бо кто усрящеть черноризца, то възвращается, ли единець, ли свинью; то не поганьскы ли се есть? Се бо \184\ по дьяволю наученью кобь сию держать; друзии же и закыханью вЂрують, еже бываеть на здравье главЂ. Но сими дьяволъ лстить и другыми нравы, всячьскыми лестьми превабляя ны от бога, трубами и скоморохы, гусльми и русальи. Видим бо игрища утолочена, и людий много множьство на них, яко упихати начнуть другъ друга, позоры дЂюще от бЂса замышленаго дЂла, а церкви стоять; егда же бываеть годъ молитвы, мало ихъ обрЂтается в церкви. Да сего ради казни приемлемъ от бога всячскыя и нахоженье ратных, по божью повелЂнью приемлем казнь грЂхъ ради наших.
Мы же на предълежащее паки възвратимся. Изяславу же со Всеволодомъ Кыеву побЂгшю, а Святославу Чернигову, и людье кыевстии прибЂгоша Кыеву, и створиша вЂче на торговищи, и рЂша, пославшеся ко князю: «Се половци росулися по земли; дай, княже, оружье и кони, и еще бьемся с ними». Изяслав же сего не послуша. И начаша людие говорити на воеводу на Коснячька; идоша на гору, съ вЂча, и придоша на дворъ Коснячковъ, и не обрЂтше его, сташа у двора Брячиславля и рЂша: «Поидем, высадим дружину свою ис погреба». И раздЂлишася надвое: половина ихъ иде к погребу, а половина ихъ иде по Мосту; си же придоша на княжь дворъ. Изяславу же сЂдящю на сЂнехъ с дружиною своею, начаша прЂтися со княземъ, стояще долЂ. Князю же из оконця зрящю и дружинЂ стоящи у князя, рече Тукы, братъ Чюдинь, Изяславу: «Видиши, княже, людье възвыли; посли, атъ Всеслава блюдуть». И се ему глаголющю, другая половина людий приде от погреба, отворивше погребъ. И рекоша дружина князю: «Се зло есть; посли ко Всеславу, атъ призвавше лестью ко оконцю, пронзуть и́ мечемь». И не послуша сего князь. Людье же кликнуша и идоша к порубу Всеславлю. Изяслав же, се видЂвъ, со Всеволодомъ побЂгоста з двора, людье же высЂкоша Всеслава ис поруба, въ 15 день семтября, и прославиша и́ средЂ двора къняжа. Дворъ жь княжь разграбиша, бещисленое множьство злата и сребра, кунами и бЂлью. Изяслав же бЂжа в Ляхы.
Посемь же половцемъ воюющим по землЂ РусьстЂ, Святославу сущю ЧерниговЂ, и половцем воюющим около Чернигова, Святослав же собравъ дружины нЂколико, изиде на ня ко Сновьску. И узрЂша половци идущь полкъ, пристроишася противу. И видЂвъ Святославъ множьство ихъ, и рече дружинЂ своей: «ПотягнЂмъ, уже нам не лзЂ камо ся дЂти». И удариша в конЂ, и одолЂ Святославъ в трех тысячахъ, а половець бЂ 12 тысячЂ; и тако бьеми, а друзии потопоша въ Снови, а князя ихъ яша рукама, въ 1 день ноября. И възвратишася с побЂдою в градъ свой Святославъ.\186\
Всеслав же сЂде КыевЂ. Се же богъ яви силу крестную: понеже Изяславъ цЂловавъ крестъ и я и́; тЂмже наведе богъ поганыя, сего же я†избави крестъ честный. В день бо Въздвиженья Всеславъ, вздохнувъ, рече: «О кресте честный! Понеже к тобЂ вЂровах, избави мя от рва сего». Богъ же показа силу крестную на показанье землЂ РусьстЂй, да не преступають честнаго креста, цЂловавше его; аще ли преступить кто, то и здЂ прииметь казнь и на придущемь вЂцЂ казнь вЂчную. Понеже велика есть сила крестная: крестомь бо побЂжени бывають силы бЂсовьскыя, крестъ бо князем в бранех пособить, въ бранех крестомъ согражаеми вЂрнии людье побЂжають супостаты противныя, крестъ бо вскорЂ избавляеть от напастий призывающим его с вЂрою. Ничтоже ся боять бЂси, токмо креста. Аще бо бывають от бЂсъ мечтанья, знаменавше лице крестомъ, прогоними бывають. Всеслав же сЂде Кые†мЂсяць 7.
В лЂто 6577 [1069]. Поиде Изяславъ с Болеславомь на Всеслава; Всеслав же поиде противу. И приде БЂлугороду Всеславъ, и бывши нощи, утаивъся кыянъ, бЂжа из БЂлагорода Полотьску. Заутра же видЂвше людье князя бЂжавша, възвратишася Кыеву, и створиша вЂче, и послашася къ Святославу и къ Всеволоду, глаголюще: «Мы уже зло створили есмы, князя своего прогнавше, а се ведеть на ны Лядьскую землю, а поидЂта в градъ отца своего; аще ли не хочета, то нам неволя: зажегше град свой, ступим въ Гречьску землю». И рече имъ Святославъ: «ВЂ после†к брату своему; аще поидеть на вы с ляхы губити васъ, то †противу ему ратью, не да†бо погубити града отца своего; аще ли хощеть с миромь, то в малЂ придеть дружинЂ». И утЂшиста кыяны. Святослав же и Всеволодъ посласта к Изяславу, глаголюща: «Всеславъ ти бЂжалъ, а не води ляховъ Кыеву, противна бо ти нЂту; аще ли хощеши гнЂвъ имЂти и погубити град, то вЂси, яко нама жаль отня стола». То слышавъ Изяславъ, остави ляхы и поиде с Болеславом, мало ляховъ поимъ; посла же пред собою сына своего Мьстислава Кыеву. И пришед Мьстиславъ, исЂче кияны, иже бЂша высЂкли Всеслава, числом 70 чади, а другыя слЂпиша, другыя же без вины погуби, не испытавъ. Изяславу же идущю къ граду, изидоша людье противу с поклоном, и прияща князь свой кыяне; и сЂде Изяславъ на столЂ своемь, мЂсяца мая въ 2 день. И распуща ляхы на покормъ, и избиваху ляхы отай; и възвратися в Ляхы Болеславъ, в землю свою. Изяславъ же възгна торгъ на гору и прогна Всеслава ис Полотьска, посади сына своего Мьстислава ПолотьскЂ; он же вскорЂ умре ту. И посади в него мЂсто брата его Святополка, Всеславу же бЂжавшю.\188\
В лЂто 6578 [1070]. Родися у Всеволода сынъ, и нарекоша именем Ростиславъ. В се же лЂто заложена бысть церкы святаго Михаила в монастырЂ Всеволожи.
В лЂто 6579 [1071]. Воеваша половци у Растовьця и у Неятина. В се же лЂто выгна Всеславъ Святополка ис Полотьска. В се же лЂто побЂди Ярополкъ Всеслава у Голотичьска. В си же времена приде волхвъ, прелщенъ бЂсомъ; пришедъ бо Кыеву глаголаше, сице повЂдая людемъ, яко на пятое лЂто ДнЂпру потещи вспять и землямъ преступати на ина мЂста, яко стати Гречьскы земли на Руской, а РусьскЂй на Гречьской, и прочимъ землямъ измЂнитися. Его же невЂгласи послушаху, вЂрнии же смеяхуться, глаголюще ему: «БЂсъ тобою играеть на пагубу тобЂ». Се же и бысть ему: въ едину бо нощь бысть без вЂсти.
БЂси бо подътокше на зло вводять; посем же насмисаются, ввергъше и́ в пропасть смертную, научивше глаголати, якоже се скажемъ бЂсовьское наущенье и дЂйство.
Бывши бо единою скудости в РостовьстЂй области, встаста два волъхва от Ярославля, глаголюща, яко «ВЂ свЂвЂ, кто обилье держить». И поидоста по ВолзЂ; кдЂ приидуча в погостъ, ту же нарекаста лучьшиЂ жены, глаголюща, яко «Си жито держить, а си медъ, а си рыбы, а си скору». И привожаху к нима сестры своя, матере и жены своя. Она же в мечтЂ прорЂзавше за плечемь, вынимаста любо жито, любо рыбу, и убивашета многы жены, и имЂнье ихъ отъимашета собЂ. И придоста на БЂлоозеро, и бЂ у нею людий инЂхъ 300. В се же время приключися прити от Святослава дань емлющю Яневи, сыну Вышатину; повЂдаша ему бЂлозерци, яко два кудесника избила уже многы жены по ВолъзЂ и по ШекснЂ, и пришла еста сЂмо. Ян же, испытавъ, чья еста смерда, и увЂдЂвъ, яко своего князя, пославъ к нимъ, иже около ею суть, рече имъ: «Выдайте волхва та сЂмо, яко смерда еста моя и моего князя». Они же сего не послушаша. Янь же поиде сам безъ оружья, и рЂша ему отроци его: «Не ходи безъ оружья, осоромять тя». Он же повелЂ взяти оружья отрокомъ, и бЂста 12 отрока с нимь, и поиде к ним к лЂсу. Они же сташа, исполчившеся, противу. Яневи же идущю с топорцем, выступиша от них 3 мужи, придоша къ Яневи, рекуще ему: «Вида идеши на смерть, не ходи». Оному повелЂвшю бити я̀, к прочим же поиде. Они же сунушася на Яня, единъ грЂшися Яня топором. Янь же, оборотя топоръ, удари и́ тыльемь, повелЂ отроком сЂчи я̀. Они же бЂжаша в лЂсъ, убиша же ту попина Янева. Янь же, вшедъ в град к бЂлозерцем, рече имъ: «Аще не имете волхву сею, не иду от васъ и за лЂто». БЂлозерци же, шедше, яша я́, и приведоша я̀ къ Яневи. И рече има: «Что ради погубиста толико человЂкъ?» ОнЂма же рекшема, \190\ яко «Ти держать обилье, да аще истреби†сихъ, будеть гобино; аще ли хощеши, то предъ тобою вынемЂве жито, ли рыбу, ли ино что». Янь же рече: «ПоистинЂ лжа то; створилъ богъ человЂка от землЂ, сставленъ костьми и жылами от крове; нЂсть в немь ничтоже и не вЂсть ничтоже, но Токъмо единъ богъ вЂсть», Она же рекоста: «ВЂ вЂвЂ, како есть человЂкъ створенъ». Он же рече: «Како?». Она же рекоста: «Богъ мывъся в мовници и вспотивъся, отерся вЂхтемъ, и верже с небесе на землю. И распрЂся сотона с богомь, кому в немь створити человЂка. И створи дьяволъ человЂка, а богъ душю во нь вложи. ТЂмже, аще умреть человЂкъ, в землю идеть тЂло, а душа к богу». Рече има Янь: «ПоистинЂ прельстилъ вас есть бЂсъ; коему богу вЂруета?». Она же рекоста: «Антихресту». Он же рече има: «То кдЂ есть?». Она же рекоста: «СЂдить в безднЂ». Рече има Янь: «Какый то богъ, сЂдя в безднЂ? То есть бЂсъ, а богъ есть на небеси, сЂдяй на престолЂ, славим от ангелъ, иже предстоять ему со страхом, не могуще на нь зрЂти. Сих бо ангелъ сверженъ бысть, его же вы глаголета антихрест, за величанье его низъверженъ бысть с небесе, и есть в безднЂ, якоже то вы глаголета, жда, егда придеть богъ с небесе. Сего имъ антихреста, свяжеть узами и посадить и́, емъ его, с слугами его и иже к нему вЂрують. Вама же и сде муку прияти от мене, и по смерти тамо». ОнЂма же рекшема: «Нама бози повЂдають, не можеши нама створити ничтоже». Он же рече има: «Лжють вама бози». Она же рекоста: «Нама стати пред Святославомь, а ты не можеши створити ничтоже». Янь же повелЂ бити я̀ и поторгати брадЂ ею. Сима же тепенома и брадЂ ею поторганЂ проскЂпомъ, рече има Янь: «Что вама бози молвять?» ОнЂма же рекшема: «Стати нама пред Святославом». И повелЂ Янь вложити рубль въ уста има и привязати я̀ къ упругу, и пусти пред собою въ лодьЂ, и самъ по них иде. Сташа на устьи Шексны, и рече има Янь: «Что вам бози молвять?» Она же рЂста: «Сице нама бози молвять, не быти нама живымъ от тобе». И рече има Янь: «То ти вама право повЂдали». Она же рекоста: «Но аще ны пустиши, много ти добра будеть; аще ли наю погубиши, многу печаль приимеши и зло». Он же рече има: «Аще ваю пущю, то зло ми будет от бога; аще ль вас погублю, то мзда ми будеть». И рече Янь повозником: «Ци кому вас кто родинъ убьенъ от сею?». Они же рЂша: «МнЂ мати, другому сестра, иному роженье». Онъ же рече имъ: «Мьстите своихъ». Они же поимше, убиша я̀ и повЂсиша я̀ на дубЂ: отмьстье приимша от бога по правдЂ. Яневи же идущю домови, в другую нощь медвЂдь възлЂзъ, угрызъ ею и снЂсть. И тако погыбнуста наущеньемь бЂсовьскым, инЂмъ ведуща, а своеа пагубы на вЂдуче. Аще ли \192\ быста вЂдала, то не быста пришла на мЂсто се; идеже ятома има быти; аще ли и ята быста, то почто глаголаста: «Не умрети нама», оному мыслящю убити я̀? Но се есть бЂсовьское наученье; бЂси бо не вЂдять мысли человЂчьскыя, но влагають помыслъ въ человЂка, тайны не свЂдуще. Богъ единъ свЂсть помышленья человЂчьская, бЂси же не свЂдають ничтоже; суть бо немощни и худи взоромь.
Яко и се скажемъ о взорЂ ихъ и о омраченьи ихъ. В си бо времена, в лЂта си, приключися нЂкоему новгородцю прити в Чюдь, и приде к кудеснику, хотя волхвованья от него. Он же по обычаю своему нача призывати бЂсы в храмину свою. Новгородцю же сЂдящю на порозЂ тоя же храмины, кудесникъ же лежаше оцепЂвъ, и шибе имъ бЂсъ. Кудесникъ же, вставъ, рече новгородцю: «Бози не смЂють прити, нЂчто имаши на собЂ, его же боятся». Он же помянувъ на собЂ крестъ, и отшедъ постави кромЂ храмины тое. Он же нача опять призывати бЂсы. БЂси же, метавше имь, повЂдаша, что ради пришелъ есть. Посемь же поча прашати его: «Что ради боятся его, его же се носимъ на собЂ креста?». Онъ же рече: «То есть знаменье небеснаго бога, его же наши бози боятся». Он же рече: «То каци суть бози ваши, кде живуть?», Онъ же рече: «В безднахъ. Суть же образом черни, крилаты, хвосты имуще; всходять же и подъ небо, слушающе ваших боговъ. Ваши бо бози на небеси суть. Аще кто умреть от ваших людий, то възносимъ есть на небо; аще ли от наших умираеть, то носимъ к нашимъ богом в бездну». Якоже и есть: грЂшници бо въ адЂ сут, ждуще мукы вЂчныя, а праведници въ небеснЂмь жилищЂ водваряются со ангелы.
Сиця ти есть бЂсовьская сила, и лЂпота, и немощь, ТЂмже прелщають человЂкы, веляще имъ глаголати видЂнья, являющеся имъ, несвершенымъ вЂрою, являющеся во снЂ, инЂмъ в мечтЂ, и тако волхвуют наученьемь бЂсовьскым. Паче же женами бЂсовьская волъшвенья бывають; искони бо бЂсъ жену прелсти, си же — мужа, тако в си роди много волхвують жены чародЂством, и отравою, и инЂми бЂсовьскыми козньми. Но и мужи прелщени бывають от бЂсовъ невЂрнии, яко се въ первыя роды, при апостолЂхъ бо бысть Симонъ волхвъ, иже творяше волшьствомь псомъ глаголати человЂчьски, и сам премЂняшется, ово старъ, ово молодъ, ово ли и иного премЂняше во иного образ, в мечтаньи. Сице творяше Аньний и Мамъврий, волъшвеньемь чюдеса противу Моисиови, но вскорЂ не възмогоста противу Моисиови, но и Кунопъ творяше мечтанье бЂсовьско, яко и по водам ходити, и ина мечтанья творяше, бЂсомь лстим, на пагубу собЂ и инЂмъ.\194\
Сиць бЂ волхвъ всталъ при ГлЂбЂ НовЂгородЂ; глаголеть бо людемъ, творяся акы богъ, и многы прельсти, мало не всего града, глаголашеть бо, яко «ПровЂде вся»; и хуля вЂру хрестьянскую, глаголашеть бо, яко «Переиду по Волхову предъ всЂми». И бысть мятежь в градЂ, и вси яша ему вЂру, и хотяху погубити епископа. Епископъ же, вземъ крестъ и облекъся в ризы, ста, рек: «Иже хощеть вЂру яти волхву, то да идеть за нь; аще ли вЂруеть кто, то ко кресту да идеть». И раздЂлишася надвое: князь бо ГлЂбъ и дружина его идоша и сташа у епископа, а людье вси идоша за волхва. И бысть мятежь великъ межи ими. ГлЂбъ же, возма топоръ подъ скутом, приде к волхву и рече ему: «То вЂси ли, что утро хощеть быти, и что ли до вечера?». Он же рече: «ПровЂде вся». И рече ГлЂбъ: «То вЂси ли, что ти хощеть быти днесь?». «Чюдеса велика створю», рече. ГлЂбъ же, вынемь топоръ, ростя и́, и паде мертвъ, и людье разидошася. Он же погыбе тЂломь, и душею предавъся дьяволу.
