Попередня     Головна     Наступна





В лЂто 6580 [1072]. Пренесоша святая страстотерпця Бориса и ГлЂба. Совокупившеся Ярославичи: Изяславъ, Святославъ, Всеволодъ; митрополитъ же тогда бЂ Георги, епископъ Петръ Переяславьскый, Михаилъ Гургевьский, Феодосий же игуменъ Печерьскый, Софроний святаго Михаила игуменъ, Германъ игуменъ святаго Спаса, Никола игуменъ Переяславьскый, и вси игумени, и створше праздникъ, праздноваша свЂтло, и преложиша я̀ в новую церковь, юже сдЂла Изяславъ, яже стоить и нынЂ. И вземше первое Бориса в древянЂ рацЂ Изяславъ, Святославъ, Всеволодъ, вземше на рама своя, понесоша, предъидущем черноризцем, свеща держаще в рукахъ, и по них дьякони с кадилы, и посемь презвитери, и по них епископи с митрополитом; по сих с ракою идяху. И принесше в новую церковь, отверзоша раку, исполнися благоуханья церкы, воня благы; видЂвше же се, прославиша бога. И митрополита ужасть обиде, бЂ бо нетвердъ вЂрою к нима; и падъ ниць, просяше прощенья. ЦЂловавше мощи его, вложиша и́ в раку камену. Посем же вземше ГлЂба в рацЂ каменЂ, вставиша на сани и, емше за ужа, везоша и́. Яко быша въ дверех, ста рака и не иде. И повелЂша народу възвати: «Господи помилуй», и повезоша и́. И положиша я̀ мЂсяца мая 2 день. И отпЂвше литургию, обЂдаша братья на скупь, кождо с бояры своими, с любовью великою. И бЂ тогда держа Вышегородъ Чюдинъ, а церковь Лазорь. Посем же разидошася всвояси.

В лЂто 6581 [1073]. Въздвиже дьяволъ котору въ братьи сей Ярославичихъ. Бывши распри межи ими, быста съ себе Святославъ со Всеволодомь на Изяслава. Изиде Изяславъ ис Кыева, Святослав же и Всеволодъ внидоста в Кыевъ, мЂсяца марта 22, \196\ и сЂдоста на столЂ на Берестовомь, преступивша заповЂдь отню. Святослав же бЂ начало выгнанью братню, желая болшее власти; Всеволода бо прелсти, глаголя, яко «Изяславъ сватится со Всеславомъ, мысля на наю; да аще его не варивЂ, имать насъ прогнати». И тако взостри Всеволода на Изяслава. Изяслав же иде в ляхы со имЂньем многым, глаголя, яко «Симь налЂзу вои». Еже все взяша ляхове у него, показавше ему путь от себе. А Святославъ сЂде КыевЂ, прогнавъ брата своего, преступивъ заповЂдь отню, паче же божью. Велий бо есть грЂх преступати заповЂдь отца своего: ибо исперва преступиша сынове Хамови на землю Сифову, и по 400 лЂт отмьщенье прияша от бога, от племене бо Сифова суть еврЂи, иже избивше ХананЂйско племя, всприяша свой жребий и свою землю. Пакы преступи Исавъ заповЂдь отца своего, и прия убийство; не добро бо есть преступати предЂла чюжего. В се же лЂто основана бысть церкы Печерьская игуменомь Феодосьемь и епископомь Михаиломь, митрополиту Георгию тогда сущю въ ГрьцЂхъ, Святославу Кые†сЂдящю.

В лЂто 6582 [1074]. Феодосий, игуменъ печерьскый, преставися. Скажемъ же о успеньи его мало. Феодосий бо обычай имяше, приходящю постному времени, в недЂлю Масленую, вечеръ, по обычаю цЂловавъ братью всю и поучивъ ихъ, како проводити постное время, в молитвахъ нощных и дневных, блюстися от помыслъ скверньных, от бЂсовьскаго насЂянья. «БЂси бо, — рече, — насЂвають черноризцем помышленья, похотЂнья лукава, вжагающе имъ помыслы, и тЂми врежаеми бывают имъ молитвы; да приходящая таковыя мысли възбраняти знаменьем крестнымъ, глаголюще сице: «Господи Иисусе Христе, боже нашь, помилуй нас, аминь». И к симъ воздержанье имЂти от многаго брашна; въ яденьи бо мнозЂ и питьи безмЂрнЂ въздрастають помысли лукавии, помыслом же въздрастьшим стваряется грЂхъ». «ТЂмже, — рече, — противитеся бЂсовьскому действу и пронырьству ихъ, блюстися от лЂности и от многаго сна, бодру быти на пЂнье церковное, и на преданья отечьская и почитанья книжная; паче же имЂти въ устЂхъ Псалтырь Давыдовъ подобаеть черноризцем, — симь бо прогонити бЂсовьское унынье, паче же имЂти в собЂ любовь всЂм меншим и к старЂйшим покоренье и послушанье, старЂйшимъ же к меншимъ любовь и наказанье, и образ бывати собою въздержаньем и бдЂньемь, хоженьем и смЂреньем; тако наказывати меншая, и утЂшати я и тако проводити постъ». Глаголеть бо сице, яко «Богъ далъ есть намъ 40 дний сию на очищенье души; се бо есть десятина, даема от лЂта богу: дний бо есть от года до года 300 и 60 и 5, а от сихъ дний десятый день въздаяти богови десятину, еже есть постъ 40-тный, в ня же дни очистисшися душа, празднуеть \198\ свЂтло на Вскресенье господне, веселящися о бозЂ. Постное бо время очищаеть умъ человЂку. Пощенье бо исперва проображено бысть: Адаму первое не вкушати от древа единого; постивъ бо ся Моиси дний 40, сподобися прияти законъ на горЂ СинайстЂй и видЂ славу божью; постомъ Самоила матироди; постившеся ниневгитяне гнЂва божья избыша; постився Данилъ видЂнья велика сподобися, постивъся Илья акы на небо взятъ бысть в пищю породную; постившеся 3 отроци угасиша силу огньную; постивъся и господь 40 дний, намъ показа постное время; постомь апостоли искорениша бЂсовьское ученье; постомъ явишася отци наши акы свЂтила в мирЂ, иже сияють и по смерти, показавше труды великыя и вздержанье, яко сей великый Антоний, и Еуфимий, и Сава и прочии отци, их же мы поревнуемъ, братья». И сице поучивъ братью, цЂлова въся по имени, и тако изидяше из монастыря, взимая мало коврижекъ; и вшедъ в печеру, и затворяше двери печерЂ и засыпаше перстью, и не глаголаше никомуже; аще ли будяше нужьное орудье, то оконцемъ малым бесЂдоваше в суботу ли в недЂлю, а во ины дни пребываше в постЂ и в молитвах, вздержася крЂпко. И приходяше в манастырь в пятокъ на канунъ Лазаревъ; в сей бо день кончается постъ 40 дний, начинаем от перваго понедЂлника наставши Феодоровы недЂли, кончаваеть же ся в пятокъ Лазаревъ; а страстьная недЂля уставлена есть поститися страстий ради господень. Феодосьеви же пришедшю по обычаю, братью цЂлова, и празднова с ними недЂлю ЦвЂтную, и дошедъ велика дне Вскресенья, по обычаю празднова свЂтло, впаде в болЂзнь. РазболЂвшю бо ся ему и болЂвшю дний 5, посемь, бывшю вечеру, повелЂ изнести ся на дворъ; братья же, вземше и́ на сани, поставиша и́ прямо церкви. Он же повелЂ звати братью всю, братья же ударивше в било, и собрашася вси. Он же рече имъ: «Братья моя, и отци мои, и чада моя! Се азъ отхожю от вас, якоже яви ми господь в постное время, в печерЂ сущю ми, изити от свЂта сего. Вы же кого хощете игуменом имЂти собЂ, да и азъ благословленье подалъ бых ему?». Они же рекоша ему: «Ты еси намъ всЂм отець, да его же изволиши самъ, то намъ буди отець и игуменъ, и послушаемъ его, яко и тобе». Отець же нашь Феодоси рече: «Шедше кромЂ мене, нарьцЂте, его же хощете, кромЂ двою брату, Николы и Игната; в прочих кого хощете, от старЂйших и до меншихъ». Они, послушавше его, отступиша мало къ церкви, сдумавше, послаша брата два, глаголюще сице: «Его же изволить богъ и твоя честная молитва, его же тобЂ любо, того нарци». Феодосий же рече имъ: «Да аще от мене \200\ хощете игумена прияти, то азъ створю вам не по своему изволенью, но по божью строенью»; и нарече имъ Иякова презвитера. Братьи же нелюбо бысть, глаголюще яко «Не здЂ есть постриганъ». БЂ бо Ияковъ пришелъ с Летьца с братом своимъ Паулом. И начаша братья просити Стефана деместника, суща тогда ученика Феодосьева, глаголюще, яко «Се сь взрослъ есть подъ рукою твоею, и у тобе послужилъ есть; сего ны вдай». Рече же имъ Феодосий: «Се азъ по божью повелЂнью нареклъ бяхъ Иякова; се же вы свою волю створити хощете». И послушавъ ихъ, предасть имъ Стефана, да будеть имъ игуменъ. И благослови Стефана, и рече ему: «Чадо! Се предаю ти манастырь, блюди со опасеньемь его, и яже устроихъ въ службах, то держи. Преданья манастырьская и устава не измЂняй, но твори вся по закону и по чину манастырьску». И посемь вземше ѝ братья, несоша в кЂлью и положиша на одрЂ. И шестому дни наставшю, болну сущю велми, приде к нему Святославъ с сыномъ своимъ ГлЂбомъ; и сЂдящема има у него, рече ему Феодосий: «Се отхожю свЂта сего, и се предаю ти манастырь на сблюденье, еда будеть что смятенье в немь. И се поручаю игуменьство Стефану, не дай его въ обиду». Князь же цЂловавъ его, и обЂщася пещися манастыремъ, и иде от него. Семому же дни пришедшю, призва Стефана и братью, уже изнемагающю, и нача имъ глаголати сице: «Аще по моемь ошествии свЂта сего, аще буду богу угодилъ, и приялъ мя будеть богъ, то по моемь ошествии манастырь ся начнеть строити и прибывати в нем: то вЂжьте, яко приял мя есть богъ. Аще ли по моей смерти оскудЂвати начнеть манастырь черноризци и потребами манастырьсками, то вЂдуще будете, яко не угодилъ есмъ богу». И се ему глаголющю, плакахуся братья, глаголюще: «Отче! Молися за ны к богу; вЂмы бо, яко богъ труда твоего не презрить». И пресЂдящи братьЂ нощь ту у него, и наставшю дни осмому, въ 2-ю суботу по ПасцЂ, въ час 2 дне, предасть душю в руцЂ божии, мЂсяця мая въ 3 день, индикта в 11 лЂто. Плакашася по немь братья. БЂ же Феодосий заповЂдалъ положити ся в печерЂ, идЂже показа труды многы, рек сице: «В ночь похороните тЂло мое», якоже и створиша. Вечеру бо приспЂвшю, братья вземше тЂло его, и положиша и́ в печерЂ, проводивше с пЂсньми, с свЂщами, честно, на хвалу богу нашему Иисусу Христу.

Стефану же предержащю манастырь и блаженое стадо, еже бЂ совокупилъ Феодосий... такы черньцЂ, яко свЂтила в Руси сьяють, ови бо бяху постници крЂпци, ови же на бдЂнье, ови на кланянье колЂньное, ови на пощенье чресъ день и чресъ два дни, ини же ядуще хлЂбъ с водою, ини зелье варено, друзии сыро. Въ любви пребывающе, меншии покаряющеся старЂйшимъ и не смЂюще пред ними глаголати, но все с покореньемь и с послушаньем великымъ. \202\ Тако же и старЂйшии имяху любовь к меншимъ, наказаху, утЂшающе, яко чада възлюбленая. Аще который братъ въ етеро прегрЂшенье впадаше, утЂшаху, и епитемью единого брата раздЂляху 3 ли, 4, за великую любовь: тако бо бяше любы в братьи той и вздержанье велико. Аще братъ етеръ выидяше из манастыря, вся братья имяху о томъ печаль велику, посылаючи по нь, призываху брата к монастырю, шедше вси кланяхуся игумену, и моляху игумена, и приимаху брата в манастырь с радостью. Таци бо бЂша любовници, и въздержньници, и постници от них же намЂню нЂколико мужь чюдных.

Яко се первый Демьянъ презвутеръ, бяше тако постникъ и въздержник, яко раз†хлЂба ти воды ясти ему до смерти своея. Аще кто коли принесяше дЂтищь боленъ, кацЂмь любо недугом одержим, принесяху в манастырь, ли свершенъ человЂкъ, кацЂм любо недугомь одержим, приходяше в манастырь къ блаженому Феодосью, повелЂваше сему Дамьяну молитву створити болящему; и абье створяше молитву, и масломь помазаше, и приимаху ицЂленье приходящии к нему. РазболЂвшю же ся и конець прияти лежащю ему в немощи, приде ангелъ к нему въ образЂ ФеодосьевЂ, даруя ему царство небесное за труды его. Посем же приде Феодосий с братьею, и присЂдяху у него, оному же изнемагающю, възрЂвъ на игумена, рече: «Не забывай, игумене, еже ми еси обЂщалъ». И разумЂ великый Феодосий, яко видЂнье видЂлъ, и рече ему: «Брате Дамьяне! Еже есмь обещалъ, то ти буди». Он же сомжаривъ очи, предасть духъ в руцЂ божии, Игумен же и братья похорониша тЂло его.

Такъ же бЂ и другый брат, именемь Еремия, иже помняше крещенье землЂ Русьскыя. Сему бЂ даръ дарованъ от бога: проповЂдаше предибудущая, и аще кого видяше в помышленьи, обличаше и́ втаинЂ, и наказаше блюстися от дьявола. Аще который братъ умышляше ити из манастыря, и узряше и́, пришедъ к нему, обличаше мысль его и утЂшаше брата. Аще кому что речаше, ли добро, ли зло, сбудяшется старче слово.

БЂ же и другый старець, именемь МатфЂй, бЂ прозорливъ. Единою бо ему стоящю в церкви на мЂстЂ своемь, възведъ очи свои, позрЂ по братьи, иже стоять поюще по обЂма странама на крилосЂ, и видЂ обиходяща бЂса, въ образЂ ляха, в лудЂ, и носяща в приполЂ цвЂтъкъ, иже глаголется лЂпокъ. И обиходя подлЂ братью, взимая из лона лЂпокъ, вержаше на кого любо: аще прилняше кому цвЂтокъ, в поющихъ от братья, мало постоявъ и раслабленъ умом, вину створь каку любо, изидяше ис церкви, шедъ в кЂлью, и усняше, и не възвратящется в церковь до отпЂтья; \204\ аще ли вержаше на другаго, и не прилняше к нему цвЂтокъ, стояше крЂпок в пЂньи, дондеже отпояху утренюю, и тогда изидяше в кЂлью свою. Се же вида старець, повЂдаше братьи своей. Пакы же видЂ старець се: по обычаю бо сему старцю отстоявшю утренюю, предъ зорями идоша по кЂльямъ своимъ, сь же старець послЂ исхожаше ис церкви. Идущю же ему единою, сЂде опочивая подъ биломъ, бЂ бо келья его подале церкве, видЂ се, яко толпа поиде от воротъ, възведъ очи свои, видЂ единого сЂдяща на свиньи, а другыя текуща около его. И рече имъ старець: «Камо идете?». И рече сЂдя на свинья бЂсъ: «По Михаля по Тольбековича». Старець же знаменася крестнымь знаменьем и приде в кЂлью свою. Яко бысть свЂтъ, и разумЂ старець, рече кЂлейнику: «Иди, впрашай, е ли Михаль в кельи?». И рЂша ему, яко «Да†скочилъ есть со столпья по заутрени». И повЂда старець видЂнье се игумену и братьи. При сем бо старци Феодосий преставися, и бысть Стефанъ игуменъ, и по СтефаиЂ Никонъ, сему и еще сущю старцю. Единою ему стоящю на утрени, возведъ очи свои, хотя видЂти игумена Никона, и видЂ осла, стояща на игумени мЂстЂ, и разумЂ, яко не всталъ есть игуменъ. Тако же и ина многа видЂнья провидЂ старець, и почи в старости добрЂ в манастыри семь.

Яко се бысть другый черноризець, именемь Исакий, якоже и еще сущю ему в мирЂ, в житьи мирьстЂмь, и богату сущю ему, бЂ бо купець, родом торопечанинь, и помысли быти мнихъ, и раздая имЂнье свое требующим и манастыремъ, и иде к великому Антонью в печеру, моляся ему, дабы и́ створилъ черноризцемъ. И приять и́ Антоний, и взложи на нь порты чернецьскыя, нарекъ имя ему Исакий, бЂ бо имя ему Чернь. Сей же Исакий всприятъ житье крЂпко: облече бо ся во власяницю, и повелЂ купити собЂ козелъ, и одра мЂхомъ козелъ, и възвлече на власяницю, и осше около его кожа сыра. И затворися в печерЂ, въ единой улици, въ кельици малЂ, яко четырь лакотъ, и ту моляше бога со слезами. БЂ же ядь его проскура едина, и та же чересъ день, воды в мЂру пьяше. Приносяшеть же ему великый Антоний, и подаваше ему оконцемъ, яко ся выЂстяше рука, тако приимаше пищю. И того створи лЂт 7, на свЂтъ не вылазя, ни на ребрЂхъ не лЂгавъ, по, сЂдя, мало приимаше сна. И единою, по обычаю, наставшю вечеру, поча кланятися, поя псалмы, оли и до полунощья; яко трудяшется, сЂдяше на сЂдалЂ своем. Единою же ему сЂдящю, по обычаю, и свЂщю угасившю, внезапу свЂт восья, яко от солнца, в печерЂ, яко зракъ вынимая человЂку. И поидоста 2 уноши к нему красна, и блистаста лице ею, акы солнце, и глаголаста к нему: «Исакие! ВЂ ес†ангела, а се идеть к тобЂ Христос, падъ, поклонися ему». Он же не разумЂ \206\ бЂсовьскаго дЂйства, ни памяти прекреститися, выступивъ поклонися, акы Христу, бЂсовьску дЂйству. БЂси же кликнуша и рЂша: «Нашь еси, Исакие, уже»; и введше и́ в кЂльицю, и посадиша и́ и начаша садитися около его, и бысть полна келья ихъ и улица печерская. И рече единъ от бЂсовъ, глаголемый Христосъ: «ВъзмЂте сопЂли, бубны и гусли, и ударяйте, ат ны Исакий спляшеть». И удариша в сопЂли и в гусли, и в бубны, и начаша имъ играти. И утомивше и́, оставиша и́ оле жыва, и отъидоша, поругавшеся ему. Заутра же бывшю свЂту и приспЂвшю вкушенью хлЂба, приде Антоний по обычаю ко оконцю, и глагола: «Господи, благослови, отче Исакие!». И не бысть отвЂта; и рече Антоний: «Се уже преставился есть». И посла в манастырь по Феодосья и по братью. И откопавше, кде бЂ загражено устье, пришедше взяша и́, мертва мняще и вынесше положиша и́ пред пещерою. И узрЂша, яко живъ есть. И рече игуменъ Феодосий, яко «Се имать быти от бЂсовьскаго дЂйства». И положиша ѝ на одрЂ и служаше около его Антоний. В си же времена приключися прити Изяславу из Ляховъ, и нача гнЂватися Изяславъ на Антонья за Всеслава. И приславъ Святославъ, в ночь поя Антонья Чернигову. Антоний же, пришед к Чернигову, възлюби Болдины горы; ископавъ печеру, ту ся всели. И есть ту манастырь святое Богородици на Болдиных горахъ и до сего дни. Феодосий же, увЂдавъ, яко Антоний шелъ Чернигову, шедъ с братьею взя Исакия и принесе и́ к собЂ в кЂлью, и служаше около его, бЂ бо раслабленъ тЂломь, яко не мощи ему обратитися на другую страну, ни встати, ни сЂдЂти, но лежаше на единой сторонЂ, подъ ся поливаше, многажды и червье въкыняхуся подъ бедру ему с моченья и с полЂванья. Феодосий же сам своима рукама омываше и спряташеть и́, за 2 лЂта се сотвори около его. Се же бысть дивно чюдно; яко за 2 лЂта лежа си ни хлЂба не вкуси, ни воды, ни овоща, ни от какаго брашна, ни языкомъ проглагола, но нЂмъ и глух лежа за 2 лЂта. Феодосий же моляше бога за нь, и молитву творяше над нимь день и нощь, дондеже на 3-ее лЂто проглагола, и слыша, и на ногы нача встаяти акы младенець, и нача ходити. И не брежаше в церковь ходити, нужею привлечахуть и́ к церкви; и тако по малу научиша и́. И посем научи и́ на тряпезницю ходити, и посажаху и́ кромЂ братьи, и положаху пред ним хлЂбъ, и не възмяше его, но ли вложити в руцЂ ему. Феодосий же рече: «Положите хлЂбъ пред ним, а не вкладайте в рукы ему, атъ сам Ђсть», и не бреже за недЂлю ясти, и помалу оглядавъся кусаше хлЂба, тако научися ясти, и тако избави и́ Феодосий от козни дьяволя. Исакий же всприятъ въздержанье пакы жестоко. Феодосью же преставльшюся, и Стефану в него мЂсто бывшю, \208\ Исакий же рече: «Се уже прелстил мя еси былъ, дьяволе, сЂдяща на едином мЂстЂ; а уже не имам ся затворити в печерЂ, но имам тя побЂдити, ходя в манастырЂ». И облечеся въ власяницю и на власяницю свиту вотоляну, и нача уродство творити, и помагати поча поваром, варя на братью. И на заутреню входя преже всЂх, стояше крЂпко и неподвижимо. Егда же приспЂяше зима и мрази лютии, стояше в прабошнях в черевьях в протоптаных, яко примерзняшета нозЂ его к камени, и не движаше ногама, дондеже отпояху заутреню. И по заутрени идяше в поварьницю, и приготоваше огнь, воду, дрова и придяху прочии повари от братьЂ. Един же поваръ бЂ, такоже бЂ именем тЂм же — Исакий, и рече посмихаяся Исакию: «Оно ти сЂдить вранъ черный, иди, ими и́». Он же, поклонивъся ему до землЂ, шедъ, я ворона и принесе ему предо всЂми повары, и ужасошася и повЂдаша игумену и братьи, и начаша братья чтити и́. Он же, не хотя славы человЂчскыя, нача уродьство творити и пакостити нача ово игумену, ово братьи, ово мирьскым человЂкомъ, да друзии раны ему даяху. И поча по миру ходити, тако же уродом ся творя. Вселися в печеру, в ней же преже былъ, уже бо бЂ Антоний преставился, и совъкупи к собЂ уных, и вскладаша на нь порты чернечьскыя, да ово от игумена Никона приимаше раны, ово от родитель тЂхъ дЂтьскых. Сей же то все терпяше, приимаше раны и наготу, и студень день и нощь. Въ едину бо нощь вжегъ пещь в ыстобцЂ у пещеры, яко разгорЂся пещь, бЂ бо утла, и нача палати пламень утлизнами. Оному же нЂчимъ заложити, вступль ногама босыма, ста на пламени, дондеже изгорЂ пещь, и излЂзе. И ина многа повЂдаху о немь, а другое и самовидець бых. И тако взя побЂду на бЂсы, яко мухы ни во что же имяше страшенья ихъ и мечтанья ихъ, глаголашеть бо к нимъ: «Аще мя бЂсте прелстили в печерЂ первое, понеже не вЂдяхъ козний ваших и лукавьства; нонЂ же имамъ господа Иисуса Христа и бога моего и молитву отца моего Феодосья, надЂюся на Христа, имам побЂдити вас». Многажды бо бЂси пакости дЂяху ему, и глаголаху: «Нашь еси и поклонился еси нашему старЂйшинЂ и намъ». Он же глаголаше: «Вашь старЂйшина антихрестъ есть, а вы бЂсы есте». И знаменаше лице свое крестнымъ образом, и тако ищезняху. Овогда же пакы в нощи прихожаху к нему, страхъ ему творяче в мечтЂ, яко се многъ народъ, с мотыками и лыскарЂ, глаголюще: «Раскопаемъ печеру сию и сего загребем здЂ». Ини же глаголаху: «БЂжи, Исакие, хотять тя загрести». Он же глаголаше к нимъ: «Аще бысте человЂци были, то въ дне бы есте пришли, а вы есте тма и во тмЂ ходите, и тма вы ятъ». И знамена я̀ крестомъ, и ищезнуша. Другоици бо страшахуть и́ въ образЂ медвЂжи; овогда же лютым звЂремь, ово въломъ, ово змиЂ полозяху к нему, ово ли жабы, и мыши \210\ и всякъ гадъ. И не могоша ему ничтоже створити, и рЂша ему: «Исакие! ПобЂдил еси нас». Онъ же рече: «Якоже бЂсте мене вы первое побЂдили въ образЂ ИисусЂ Христо†и въ ангельстЂмь, недостойни суще того видЂнья; но се поистЂнЂ являетеся топерво въ образЂ звЂринЂмь и скотьемь, и змеями, и гадом, аци же и сами есте скверни и зли в видЂнии». И абие погибоша бЂси от него, и оттолЂ не бысть ему пакости от бЂсовъ, якоже самъ повЂдаше се яко «Се бысть ми за 3 лЂта брань си». Потомь поча жити крЂплЂ и въздержанье имЂти, пощенье и бдЂнье. И тако живущю ему, сконча житье свое. И разболЂся в печерЂ, и несоша и́ болна в манастырь, и до осмаго дне о господЂ скончася. Игумен же Иоанъ и братья спрятавше тЂло его, и погребоша и́.

Таци ти быша черноризци Феодосьева манастыря, иже сияють и по смерти, яко свЂтила, и молять бога за сдЂ сущюю братью, и за мирьскую братью, и за приносящая въ манастырь, в нем же и донынЂ добродЂтелное житье живуть, обще вси вкупЂ, в пЂньи и в молитвахъ и послушаньи, на славу богу всемогущему, и Феодосьевами молитвами сблюдаеми, ему же слава в вЂки, аминь.

В лЂто 6583 [1075]. Почата бысть церкы Печерьская надъ основаньемь Стефаномь игуменомь; изъ основанья бо Феодосий почалъ, а на основании Стефанъ поча; и кончана бысть на третьее лЂто, мЂсяца иуля 11 день. В се же лЂто придоша сли из нЂмець къ Святославу; Святославъ же, величаяся, показа имъ богатьство свое. Они же видЂвше бещисленое множьство, злато, и сребро, и паволокы, и рЂша: «Се ни въ что же есть, се бо лежить мертво. Сего суть кметье луче. Мужи бо ся доищють и болше сего». Сице ся похвали Иезекий, царь июдЂйскъ, к посломъ царя асурийска, его же вся взята быша в Вавилонъ; тако и по сего смерти все имЂнье расыпася разно.

В лЂто 6584 [1076]. Ходи Володимеръ, сынъ Всеволожь, и Олегъ, сынъ Святославль, ляхомъ в помочь на чехы. Сего же лЂта преставися Святославъ, сынъ Ярославль, мЂсяца декабря 27, от рЂзанья желве, и положенъ Черниго†у святаго Спаса. И сЂде по немь Всеволодъ на столЂ, мЂсяца генваря в 1 день.

В лЂто 6585 [1077]. Поиде Изяславъ с ляхы, Всеволодъ же поиде противу ему. СЂде Борисъ Черниго†мЂсяца мая 4 день, и бысть княженья его 8 дний, и бЂжа Тмутороканю к Романови. Всеволодъ же иде противу брату Изяславу на Волынь, и створиста миръ, и пришедъ Изяславъ сЂде КыевЂ, мЂсяца иуля 15 день, Олегъ же, сынъ Святославль, бЂ у Всеволода ЧерниговЂ.

В лЂто 6586 [1078]. БЂжа Олегъ, сынъ Святославль, Тмутороканю от Всеволода, мЂсяца априля 10. В се же лЂто убьенъ бысть \212\ ГлЂбъ, сынъ Святославль, в Заволочии. БЂ же ГлЂбъ милостивъ убогымъ и страннолюбивъ, тщанье имЂя к церквамъ, теплъ на вЂру и кротокъ, взоромъ красенъ. Его же тЂло положено бысть Черниго†за Спасомъ, мЂсяца иуля 23 день. СЂдящю Святополку в него мЂсто НовЂгородЂ, сыну Изяславлю, Ярополку сЂдящю ВышегородЂ, а Володимеру сЂдящю СмолиньскЂ, приведе Олегъ и Борисъ поганыя на Русьскую землю, и поидоста на Всеволода с половци. Всеволодъ же изиде противу има на СъжицЂ, и побЂдиша половци русь, и мнози убьени быша ту: убьенъ бысть Иванъ Жирославичь, и Тукы, Чюдинь братъ, ПорЂй, и ини мнози, мЂсяца августа въ 25. Олегъ же и Борисъ придоста Чернигову, мняще одолЂвше, а землЂ РусьскЂй много зло створше, проливше кровь хрестьяньску, ея же крове взищеть богъ от руку ею, и отвЂтъ дати има за погубленыа душа хрестьяньскы. Всеволодъ же приде к брату своему Изяславу Киеву, цЂловавшася и сЂдоста. Всеволодъ же исповЂда вся бывшая. И рече ему Изяславъ: «Брате! Не тужи. Видиши ли, колико ся мнЂ сключи: первое, не выгнаша ли мене и имЂнье мое разграбиша? И пакы, кую вину вторую створилъ бЂхъ? Не изгнанъ ли бЂхъ от ваю, брату своею? Не блудилъ ли бЂх по чюжимъ землям, имЂнья лишенъ быхъ, не створих зла ничтоже? И нынЂ, брате, не туживЂ. Аще будеть нама причастье в РусскЂй земли, то обЂма; аще лишена будевЂ, то оба. Азъ сложю главу свою за тя». И се рек, утЂши Всеволода, и повелЂ сбирати вои от мала до велика. И поиде Изяславъ съ Ярополъкомъ, сыномъ своим, и Всеволодъ с Володимеромъ, сыномъ своимъ. И поидоша к Чернигову, и черниговци затворишася в градЂ. Олег же и Борисъ не бяста. Черниговцемъ же не отворившимся, приступиша ко граду. Володимеръ же приступи ко вратомъ всточнымъ, от Стрежени, и отя врата, и взяша градъ околний, и пожгоша и́, людемъ же вбЂгшим въ дънЂшний градъ. Изяслав же и Всеволодъ слышаста, яко идеть Олегъ и Борисъ противу, Изяслав же и Всеволодъ уранивше, поидоста от града противу Олгови. Рече же Олегъ к Борисови: «Не ходи†противу, не може†стати противу четыремъ княземъ, но посли†с молбою къ стрыема своима». И рече ему Борисъ: «Ты готова зри, азъ имъ противенъ всЂмъ»; похваливъся велми, не вЂдый, яко богъ гордымъ противится, смЂренымъ даеть благодать, да не хвалиться силный силою своею. И поидоста противу, и бывшимъ имъ на мЂстЂ у села на НЂжатинЂ нивЂ, и сступившимся обоимъ, бысть сЂча зла. Первое убиша Бориса, сына Вячеславля, похвалившагося велми. Изяславу же стоящю въ пЂшцихъ, и внезапу приЂхавъ единъ, удари и́ копьемъ за плече. Тако убьенъ бысть Изяславъ, сынъ Ярославль . Продолжене бывъши сЂчи, побЂже \214\ Олегъ в малЂ дружинЂ, и одва утече, бЂжа Тмутороканю. Убьенъ бысть князь Изяславъ мЂсяца октямбря въ 3 день. И вземше тЂло его, привезоша и́ в лодьи, и поставиша противу Городьцю, изиде противу ему весь городъ Кыевъ, и възложивше тЂло его на сани, повезоша и́, съ пЂснми попове и черноризци понесоша и́ в град. И не бЂ лзЂ слышати пЂнья во плачи велицЂ и вопли; плака бо ся по немь весь град Киевъ, Ярополкъ же идяше по немь, плачася с дружиною своею: «Отче, отче мой! Что еси пожилъ бес печали на свЂтЂ семь, многы напасти приимъ от людий и от братья своея? Се же погыбе не от брата, но за брата своего положи главу свою». И, принесше, положиша тЂло его в церкви святыя Богородица, вложивъше и́ в раку мраморяну. БЂ же Изяславъ мужь взоромъ красенъ и тЂломъ великъ, незлобивъ нравомъ, криваго ненавидЂ, любя правду. Не бЂ бо в немь лсти, но простъ мужь умом, не вздая зла за зло. Колико бо ему створиша кияне: самого выгнаша, а дом его разграбиша, и не взда противу тому зла. Аще ли кто дЂеть вы: сЂчець исЂче, то не сь то створи, но сынъ его. Пакы же брата его прогнаста и́, и ходи по чюжей земли, блудя. И сЂдящю ему пакы на столЂ своемь, Всеволоду пришедшю побЂжену к нему, не рече ему: «Колико от ваю прияхъ?», не вдасть зла за зло, но утЂши, рек: «Елма же ты, брате мой, показа ко мнЂ любовь, введе мя на столъ мой и нарек мя старЂйшину собЂ, се азъ не помяну злобы первыя, ты ми еси братъ, а я тобЂ, и положю главу свою за тя», еже и бысть. Не рече бо ему: «Колико зла створиста мнЂ, и се нонЂ тобЂ ся сключи», не рече: «Се кромЂ мене», но на ся перея печаль братню, показая любовь велику, свершая апостола, глаголюща: «УтЂшайте печалныя». По истинЂ, аще что створилъ есть в свЂтЂ семь, етеро согрЂшенье, отдасться ему, занеже положи главу свою за брата своего, не желая болшее волости, ни имЂнья хотя болша, но за братню обиду. О сяковыхъ бо господь рече: «Да кто положить душю свою за другы своя». Соломон же рече: «Братья в бЂдах пособива бывають». Любы бо есть выше всего. Яко же Иоан глаголеть: «Богъ любы есть, пребываяй в любви, в бозЂ пребываеть, и богъ в немь пребываеть». О семь свершается любы, да достоянье имам в день судный, да якоже онъ есть, и мы есмы в мирЂ семь. Боязни нЂсть в любви, но свершена любы вонъ измещеть боязнь, яко боязнь мученье имать. «Бояй же ся нЂсть свершенъ в любви. Аще кто речеть: любьлю бога, а брата своего ненавижю, ложь есть. Не любяй бо брата своего, его же видить, бога, его же не видить, како можеть любити? Сию заповЂдь имам от него, да любяй бога любить брата своего». В любви бо все свершается. Любве ради и грЂси расыпаются. Любве бо ради \216\ сниде господь на землю и распятъся за ны грЂшныя, вземъ грЂхы наша, пригвозди на крестЂ, давъ намъ крестъ свой на прогнанье ненависти бЂсовьское. Любве ради мученици прольяша крови своя. Любве же ради сий князь пролья кровь свою за брата своего, свершая заповЂдь господню.


Начало княжениа Всеволожа в Киеве. Всеволодъ же сЂде Кые†на столЂ отца своего и брата своего, приимъ власть русьскую всю. И посади сына своего Володимера ЧерниговЂ, а Ярополка Володимери, придавъ ему Туровъ.

В лЂто 6587 [1079]. Приде Романъ с половци къ Воину. Всеволодъ же ста у Переяславля и створи миръ с половци. И възвратися Романъ с половци въспять, и убиша и́ половци мЂсяца августа 2 день. Суть кости его и доселЂ лежаче тамо, сына Святославля, внука Ярославля. А Олга емше козаре поточиша и за море Цесарюграду. Всеволодъ же посади посадника Ратибора Тмуторокани.

В лЂто 6588 [1080]. Заратишася торци переяславьстии на Русь, Всеволодъ же посла на ня сына своего Володимера. Володимеръ же, шедъ, побЂди търкы.

В лЂто 6589 [1081]. БЂжа Игоревичь Давыдъ с Володаремь Ростиславичемь мЂсяца мая 18 день. И придоста Тмутороканю, и яста Ратибора, и сЂдоста Тмуторокани.

В лЂто 6590 [1082]. Осень умре, половечьскый князь.

В лЂто 6591 [1083]. Приде Олегъ из Грекъ Тмутороконю; и я Давыда и Володаря Ростиславича и сЂде Тмуторокани. И исЂче козары, иже бЂша свЂтници на убьенье брата его и на самого, а Давыда и Володаря пусти.

В лЂто 6592 [1084]. Приходи Ярополкъ ко Всеволоду на Великъ день. В се же время выбЂгоста Ростиславича 2 от Ярополка, и пришедша прогнаста Ярополка, и посла Всеволодъ Володимера, сына своего, и выгна Ростиславича, и посади Ярополка Володимери. В се же лЂто Давыдъ зая грькы въ Олешьи, и зая у них имЂнье. Всеволодъ же, пославъ, приведе и́, и вда ему Дорогобужь.















Попередня     Головна     Наступна


Етимологія та історія української мови:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчани, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.