Попередня     Головна     Наступна         Передмова





ХМЕЛЬНИЦКАЯ ЛЂТОПИСЬ. (1636-1650 г.)


[Летопись Самовидца по новооткрытым спискам / Под ред. О. И. Левицкого. — К., 1878. — с. 77-81.]




Року 1636 преставися сенаторъ великій Лука Жолкевский, староста хмелницкий, калуский *) и переяславский, въ Переяславлю и похованъ мЂсяца декабря 12. **) Былъ то панъ добрый.

Року 1637, мЂсяца генваря 24 дня, земля тряслась съ суботы на неделю о куроглашении. Въ тотъ часъ жолнЂре стояли въ Хмелнику, стацЂю незмЂрную брали, же ажъ комысЂя была. Въ той же часъ того року Миколай СтогнЂвъ зоставъ старостою и наславъ подстаростого Пудленского. Былъ и то староста не злый. НаЂхавъ августа 25 дня.

Того жъ року неврожай барзо великий, же рвали збоже въ новину. По десять золотыхъ было жито и всякая пашня не таней. ***)



*) Т. е. калюсскій. Калюсъ — м. под. губ.

**) Въ Pamiętn. Alb Radziw. днемъ смерти Жолкевскаго обозначено 10 ноября 1636 г. Т. I, стр. 329.

***) Не таней — не дешевле.



Того жъ року подъ Макушами стоялъ обозъ и великіе шкоды починилъ Доминика зъ Морушъ. /78/

Того жъ року на козаки пошли ляхи на Украину и побили козаковъ пудъ Кумейками.

Того жъ року Хомутовский, войтъ хмелницкий, ходивъ до турокъ въ послехъ. Того жъ року и поселъ турецкий ишолъ черезъ Хмелникъ, и товмачъ кролевский Кадыша лантвЂйта бивъ, а райцы ся поховали: бо злый барзо былъ. И гетманъ Потоцкий старшину провадивъ черезъ Хмелникъ.

Того жъ року о Рождест†Христо†было жито по 16 золотыхъ, а о масницы по десять золотыхъ стало. Въ тотъ часъ Малынка подстаростимъ былъ. Въ Петровщину по двадцать золотыхъ было жито и по 4, просо по 12 и гречка, а овесъ по осмъ золотыхъ; и Ђли люде листъ и лободу, зЂлъе розмаитое. Трудно ся убогому человЂку поживыти, поки до нового. А въ новое тежъ малая была утЂха: житá рвали и за диво единъ щобъ обачивъ хто снопъ жатый: бо тои весны три мЂсяцы не было дожду. Выполнилося пророчество Исаіи, же хоть сто мЂръ хто посЂялъ, ледве одну взялъ. И серпы и косы ковали на оружие, и не дармо земля тряслася: трясли и ляхи козаковъ. На ВкраинЂ рЂки зафарбовалися отъ кры†людскои, повны были болота трупу ляцкого, а повны пали были трупу козацкого по мЂстахъ. Але козаковъ ляхи не достали, бо валечне ся были окопали, и примиръе межъ собою учинили. Але не долго тривало. Гетманъ Потоцкий Скидана поймалъ и знову на козаки черезъ Хмелникъ ишолъ въ другий разъ. Тогды двохъ козаковъ проважоно черезъ Хмелникъ. Павлюка и Лихого Ивана.

Року 1638. Хто що посЂявъ, то рубакъ изъЂвъ, и мало що озимины было. И то рокъ былъ тугій. Еслибъ не ярина, гречки́ и просá, то люде бъ зъ голоду помирали.

Року 1640. Миколай Каменецкий померъ.

Року 1641. Еремей Тисаровский, епископъ лвовский, преставився мЂсяца марта.

Того жъ року врожай великий былъ, и озимина, и ярина. /79/ Въ томъ року Пятницкая преставилася. Року 1641, мЂсяца ноеврия дня осмого Арсеній Желиборский ставъ епископомъ отъ митрополиты Петра Могилы и Косова епископа и Пузыны: три 4-го посвятили въ Луцку. Того жъ року и жолнЂры въ Хмелнику стояли.

Року 1645, октобрия 6 дня, преставився отецъ Андрей, священикъ пятницкий, и братъ его того жъ року Петръ, впередъ его, еднакъ.

Року 1648 незначный приморокъ былъ. Люде барзо упадали, и попадя рождественская того жъ року февраля 11 дня, и отецъ Павелъ Илинъскій и року и мЂсяца того жъ преставився, дня 23. Тогды и мЂсяцъ ся мЂнилъ на Великодне, и то не дармо: бо ляхи заразъ у великий постъ пошли на козаки на Вкраину, и Богданъ Хмелницкій, гетманъ запорозский, побилъ ихъ и обоихъ (гетмановъ) взялъ: перше на Жовтой, где и сынъ гетмана Потоцкого загибъ, а потомъ пудъ Корсуномъ, где и самого уже гетмана Потоцкого и Калиновского, гетмана полного, въ неволю татаромъ поотдавали, мая 16 дня.

Того жъ року и того жъ мЂсяца 30 дня Ивана, сына пана Малынчина, татаре ра(з)сЂкли за Мытникомъ *) на лану панскомъ, и коло Хмелника были, засягли ажъ пудъ Костантиновъ-Старый. Съ тои жъ бойки взятъ былъ панъ Синявский, але выкупился за таляръ сто тысячъ и 20 тысячъ.



*) Мытникъ — нынЂ с. балтс. у. под. губ.



А до орды безъ личбы панятъ пошло, и Хомутовскій, войтъ хмелницкій, взятъ. А козаки за ляхами пошли и мЂста, где ся боронили, поплюндровали, ляховъ и жидовъ стинали, коморы и скрынЂ лупали. Кривоносъ из ыншими полковниками Немировъ, Животовъ, Махновку, Бердычовъ (попустошили). Ледве утекли Вишневецки. У ТулчинЂ много панства погинуло; тамъ и Четвертенскій зъ жоною згинулъ. Въ Полономъ, въ /80/ Костантинови-Старомъ кровъю рЂки плынули. В томъ тежъ и гетманъ притягъ съ потугою великою козаковъ и стоявъ въ Скаржинцахъ нед. 3, а потомъ рушив ся пудъ Пилявцы, и ажъ 13 сентября зъ ляхами потреба была. Были и татаре на помочъ козакомъ, и побили ляховъ, а другіи повтЂкали. Тамъ были повны ставки́ и болота труповъ лядзкихъ. И въ Полщи были великіе шкоды починили. Лвовяне поеднали гетмана и пудъ Замостьемъ ся ажъ вернулъ.

Того жъ року и неврожай былъ, бо на вЂснЂ три мЂсяцы дожду не было. Але ярина добра была, и тымъ же ся толко люде и рятовали.

Року 1649 знову козаки на ляхи ишли полки пудъ Межибожъ, бо тамъ были ляхи, которыи мЂста пустошили: Острополь, Костантиновъ Старый, Летичовъ и Синявку и людій погубили. Але и козаки Межибожъ достали и выпалили и постинали тыхъ, которыи зъ ляхами преставали. И гетманъ у Хмелнику былъ мЂсяца іюня 15 дня, и татаръ безъ личбы: царъ ганъ ишовъ, а зъ нимъ войско незличоное татаръ: крымцы, билогородцы, нагаи; и многіе мЂста поплюндровали, церк†попустошили, невЂсты и дЂвицы псотили, стацЂи незмЂрные брали, кони, быдло и овцы, и много трудности людемъ чинили. А ляхи на Купельскомъ полю стояли. И скоро гетманъ притягъ съ козаками и исъ татары, ляхи утекли до Збаражъ мЂста и тамъ ся окопали у три валы. А гетманъ ихъ облюгъ, бо войско мЂлъ потужное: козаковъ было по пять кроть сто тисячей, а татаръ съ царемъ ганомъ и беемъ было по три кроть сто тисячей. Тамъ ляхомъ было тЂсно; хочъ же и ихъ было много, але велику бЂду тръпЂли, — не тылко худымъ хлопомъ, але и паномъ великимъ сенаторомъ. Былъ панъ Вишневецкій и гетманъ корунный ФирлЂй, и полный Ляскору(н)ский и сынаторства не мало, а шляхты безъ личбы. Але мало не такий голодъ былъ, якъ въ Самаріи. ХлЂбъ одинъ былъ по 6 золотыхъ, по пять, а гарнецъ пива по 4 золотыхъ. /81/ Кони Ђли не толко худые хлопы, але и панове. Будутъ памятати тую експедицЂю въ Збаражъ мЂсти! И якъ ся поткалъ з кролемъ, много люду кролевского стеръ и примиръе взялъ, съ кролемъ ся виталъ гетманъ, заразъ отъ Збаражъ мЂста отступилъ. Безчисленное множество мЂстъ барзо великихъ татаре съ козаками повыймали и шкоды незличоныи починили; въ Литву ажъ засягли. Не душечка загинула, не душечка тежъ и въ орду пошла!

Того жъ року неврожай великий былъ, хиба где падалица зродила жита, где табуры стояли. А ярина была зродила, тилко жъ щепъ зеесла. Неподобная речъ, жебъ коли мышей было болше.

Того жъ року 1649 и намЂстникъ межибозский изъ намЂстничкою згинулъ у Летичеви: татаре постивали псотомъ.

Мало людемъ бЂднымъ было отрады. Наступила дорожнета лихая року 1650. Стало жито по Рождест†Христо†заразъ по два злотыхъ зъ накладомъ, а далей по копи. НЂмцы стали февраля 9, але злыи, же увесь Хмелникъ затрывожили, и рЂдко хто ся одержалъ: всЂ мещане утекли прочъ. А тымъ, що ся зостали, не было мякко, горше одъ татаръ. Людемъ быдло едно побрали, другое покрали, коморы пудкопували, а ледво якая цЂла зостала. Люде, все покинувши, утЂкали.

Того жъ року, мЂсяца априля 9 дня, исъ овторка на середу, земля ся трясла передъ Воскресеніемъ Христовымъ. Жито тогды было по чтыри злотыхъ осмака, просо по три и по 10 осмака, ярь по три, овесь по два.







[Хмельницкая летопись // Летопись Самовидца по новооткрытым спискам / Под ред. О. И. Левицкого. — К., 1878. — с. 77-81.]














© Сканування та обробка: Максим, «Ізборник» (http://litopys.kiev.ua)
11.XI.2004






Попередня     Головна     Наступна         Передмова


Етимологія та історія української мови ua_etymology:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчани, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.