Попередня     Головна     Наступна         Передмова

ДНЕВНИКЪ СИМЕОНА ОКОЛЬСКАГО.
1638.

[ЛЂтопись событій въ Югозападной Россіи въ XVII вЂкЂ составилъ Самоилъ Величко. Т. IV. Приложения. К., 1864. — С.183-296.]

КОПІЯ ДІАРІУША
ЕКСПЕДИЦІЕЙ ВОЕННОИ
одъ ихъ милостей пановъ гетмановъ коронныхъ и рицерства полскаго зъ козаками ребелЂзуючими отправленой въ року 1638, а описаной презъ велебнаго отца Симона Околскаго. Въ Крако†до друку (подана), року 1639.

I.

КОНТИНУАЦІЕИ ДІАРІУША ВОЕННАГО

ЧАСТЬ ПЕРВАЯ.

РАЗДЂЛЪ 1.

О важномъ опатреню гиберни и становискъ войску коронному по тогорочной викторіей надъ Павлюкомъ и своволенствомъ козацкимъ.

Завше високій въ радЂ былъ Плютархъ, меновите еднакъ in apophtegmatis dac mu dank, *) а звлаща где острожнимъ гетманомъ припоминаетъ зъ якою увагою становиска назначати рицерству маютъ.

*) Онъ заслуживаетъ признателностъ.

Принадлежитъ имъ не тилко въ чолЂ, але и въ тилу голови мЂти бистрое око; въ правду на уконтентоване жолнЂра досить ока въ голо†цЂлное указати ему становиско, иле зась смотрЂти на безпечность корони и славу гетманомъ призвоистую, на обид†сторони око потребное: Ясне велможній его милость панъ Краковскій, великій Гетманъ ко-/188/ронній, яко звикле зъ великою увагою, такъ и теперъ, для безпеченства gрунтовного рЂчи посполитой и усмиреня зачатого пожару, становиско за ДнЂпромъ преднЂй опатрити ясне велможному его милости пану воеводЂ брацлавскому, гетманови полному коронному полЂцилъ; частю же нЂчого шкодлившого быти не можетъ, яко непріятелемъ, би найподлЂйшимъ, гордити, ащожъ говоритимемъ о непріятелю лежачомъ въ самой отчизнЂ, которій, gди хочеть, снадно быти и въ великой лЂчбЂ може и достатечнимъ въ армату военную, и при малой оборонЂ, хворостЂ, болотЂ; [Не хотячи залЂцаетъ козаковъ.] не заразъ естъ улякненого серца, частю ижъ непріятеля еднакого завше стерегтись треба, а звлаща которій татарскіи военніи сили перестриваетъ и переходитъ. не страхается голоду, зЂми и вшелякихъ невчасовъ, але тежъ незмордованою працею своею понекондъ потужнихъ нЂдерлянскихъ батарій, парапетовъ, валовъ и шанцовъ доходить и на бистрой водЂ до чужоземскихъ обичаевъ, фортеловъ и селъ морскихъ, прикрими *) чолнами своими приступаетъ; частю ижъ непріятельскіе сили барзЂй витончени быти не могуть **), яко данними становисками въ релЂей ****) адверсаровъ, а звлаща въ той релЂгіи, бо яко зъ натури суть непріятелями народи грубіи, погане — христіяномъ, а не своей релЂгіей, такъ праве Русинъ ПоляковЂ.

*) Въ подлинникЂ Окольского сказано: płytkiemi czołnami т. е. плоскими суднами.

**) Въ подлинникЂ Окольскаго здЂсь слЂдуетъ фраза: i wszystkie kupy swawolne prędzej rozerwane — и всЂ своевольные отряды скорЂе разсЂяны.

***) Въ под. Окол.: въ колоніи противниковъ.

Прето gди ложиско за ДнЂпромъ жолнЂро†въ ложиску козацкимъ назначатъ, где ихъ суть жони, дЂти, пасЂки, бидло, футори и инніи достатки, барзЂ и своеволного звоевати нЂхто не можеть и, ежели ся тамъ знову скупить и, на Господа Бога своего не помнячи, на подданство и подъ часъ присягу учиненую, уже тамъ въ запалЂ забойца, забиваючи, не будетъ грЂшити, а забитій вЂчне згинетъ, не тилко теди въ томъ бистрее око мЂлъ ясне велможній панъ Краковскій, але праве /189/ арgумеgитъ *) такъ становиска порядне споряжаючи, бо тимъ и въ цилости отчизнЂ, и достоинству его королевской милости, пану нашому милостивому, и покое†рЂчи посполитой, и сла†жолнерской, и силамъ поганскимъ при УкраинЂ кочуючимъ, вчесне забЂжалъ, **) (гдЂ Панни Маріи претекстомъ нЂякихъ привилеовъ и якогось писма якоби именемъ всего стану РЂчи посполитой одъ когось себЂ даного Гданскъ претендовалъ и общихъ . . . . . . себЂ подъ утратою горла затягаючи), роздЂлилъ войска коронніи его милость панъ Краковскій, и, осадивши жолнЂрствомъ заднЂпре и предднЂпре, опатривши и шляхи при ДнЂпре, становиска другимъ ротамъ и преднимъ въ Полши и ку Прусомъ ближше, аби были сторожею отчизни, показати рачилъ, а ясне вельможному его милости, пану ваеводЂ Брацлавскому, колледзЂ въ войнЂ и покою, диспозицію далшую Украини, замисловъ и обостреня хлоповъ на отчизну и пановъ своихъ подалъ въ диспозицію, которій, росправивши ихъ мосцовъ пановъ рицерство зъ подъ ВеремЂевки и ИрклЂева до дому, козаки реестровіи въ послушенст†зоставивши, жолнеровъ по становискахъ розсадивши, на мЂстцу своимъ родного себЂ, его милость пана СтанЂслава зъ Потока Потоцкаго, воеводича Брацлавского, ротмистра его королевское милости полковникомъ зоставилъ, якожъ вЂрнЂйшого зоставити не могъ и такимъ способомъ и чуле опатрнимъ становискомъ чимъ болшую часть людей заховалъ въ веселости.

*) Подражалъ аргусу, съ величайшею бдительностію сторожилъ.

**) Въ оригиналЂ Околь. слЂдуютъ слова: Aże zachodił rumor niemały i pewny nowego buntu w Prusiech, gdzie dominium maris, pretextem niejakich przywilejow i jakiegoś pisma, jakoby imieniem status communis regni od kogoś sobie danego, Gdańsk pretendował i obcych tutoruw sobie, etiam submissione colli zasięgając, classicum insonabat. — А такъ какъ распространилась достовЂрная молва о новомъ возмущеніи въ Пруссіи, гдЂ городъ Данцигъ заявилъ притязанія на господство надъ моремъ подъ предлогомъ какихъ-то привиллегій и какого-то документа; кЂмъ-то ему выданнаго, будтобы отъ имени штатовъ королевства, и, заискивая иностранныхъ покровителей, и преклоняя передъ ними главу, затЂвалъ морскую войну, то.... /190/

РАЗДЂЛ 2.

Що былъ за емолюментъ рЂчи посполитой за занятемъ становискъ жолнЂро†назначонихъ.

Найдуется нЂякаясь ассимиляція доброго медика до чулого гетмана, бо якый доброго медика естъ урядъ у хорого и термЂнъ, такое естъ оффиціумъ гетмановъ чулихъ, яко бовЂмъ овіи слабостъ здоровя хорого, такъ они цЂлость отчизни тримають и заховують; училъ того Демостенесъ, даючи раду хоримъ: треба приложити великой пилности въ рекуперованю здоровя. МЂлъ теди учинити, якожъ и учинилъ немалий емолюментъ отчизнЂ и рЂчи посполитой таковий становискъ ординансъ, не тилко бовЂмъ рекуперовали покой утрачоной въ УкраинЂ обивавателЂ, о кторимъ не одному повонтпити приходило, а звлаща входячи въ поселенія внутреніе своеволнихъ Козаковъ, которіи тилко брегъ ДнЂпру по той сторонЂ жолнЂро†позволити на становиско и то тилко до Роси рЂки на умыслахъ позволяли. И не тилко такимъ становискомъ тиранство надъ дворами, персонами, маетностямй шляхецкими, гдЂ уже себЂ за розисланемъ кііовихъ региментовъ сила обЂцовали, усмирили, не тилко аппаряти костелніи розшарпаніи и келЂхи светіи костеломъ одискали и отдали *) и подъ мечъ кари и юстицію гетманомъ, княжатамъ и паномъ власнимъ поотдавали, але тежъ за такою окказіею становискъ, ихъ мосць рицерство жадному свиволенству, не тилко купитися, але и въ злихъ замислахъ ширитися не допускали.

*) Въ ориг. Окол. слЂдуетъ фраза: nie tylko turbatorów ojczyzny i buntowników wyszpiegowali — не толко розыскали нарушателей спокойствія въ отечест†и мятежниковъ.

СидЂлъ такъ каждій свавольній /191/ козакъ, смотрячи на жолнЂра такъ покорно, яко не сидить покорне волкъ, gди въ яму впадеть, и услуговалъ, и встидался и дружину проклиналъ. Може хтось себЂ dogma Julii Cesaris tu za proklama ważyć, ktory libro 2 de bello civili pisze: qui incolumes non potuerunt resistere, non resistent perditi. Ale niech obaczy, że to on de bello civili *) (написалъ) ale in servili bello, где яко въ персонахъ грубянство, такъ in gerendis bestialitas маеть поважнЂйшее мЂстце и вшелякая конфузія хлопская, уже иначей писати и розумЂти потреба и не такъ далеко розумомъ, яко шаблею и каркомъ власнимъ справи рисовати, где иначей parta tueri не есть рЂчъ можна.

*) Въ ориг. Окол. слЂдуютъ слова: w którym najdzie się nie tylko zdrowy, ale i jasny i pod czas uzyteczny ojczyznie rozum, — въ которой бываетъ здравый и ясный разумъ, по временамъ полезный для отечества.

Болшъ за занятемъ становискъ и то емолюментъ не благій, але великого въ гетманахъ ихъ мосцЂ поваженя годніи: всЂ козацкіи преднЂйшіи мЂстца, уходи, фортифЂкаціи отъ ДнЂпра до шляховъ молдавскихъ, а оттуду ку Запорожю и въ поля дикіи произдрЂли жолнЂромъ и помЂрили такъ, ижъ що самъ правній козакъ старожитній вЂдалъ, а за то полковництва, старшинства отбЂралъ въ нагороду, то уже леда чура жолнЂрскій на УкраинЂ во внутренностехъ осЂдлостей козацкихъ тогожъ свЂдомъ и повЂстъ, и покажетъ. Хятрость военная аще не перемЂнится, а будетъ потребна, нестрашна, написалъ незлЂ Касіодоркъ; а наконецъ тую рЂчъ добрую однесъ рЂчЂ посполитой спораженой такъ гиберни, ижъ початкомъ новой седиціей заразъ на початку забЂгли и онее персами своими на тихъ мЂстъ зносити охотне почали, до чого за одлеглимъ становискомъ не толко трудно имъ было (бы) приступити, але и барзо не безпечно; и такъ рицерству коронному, якоби въ дому утарчку якую, вшелякую навалу суровую легко зносити приходило, бо если тое бываеть, ижъ трепещетъ сердце, приходячи до подканя, яко то de re militari libr. 2 Veget. mowi, теди далеко болшей трепещетъ той, которого spes omnis refugii, presidii, ab ad-/192/versalio vel iam cognita, vel pene adempta est. Кто абовЂмъ лЂпшій надъ того, такъ о силахъ своихъ, яко о непріятельскихъ судити будетъ моглъ, а за тимъ хто надъ него вщелякой викторіи прудшей сподЂватися можеть? Самъ я себЂ Геркулесъ, самъ я себЂ Cesar.

РОЗДЂЛЪ 3.

Яко за резолюціею зЂми, славута козацкій, ДнЂпръ много отухи своеволству придалъ.

[Фортель литовскій противъ непріятеля.] Не единъ себЂ способъ обЂраетъ военникъ на поконане силъ непріятелскихъ: литевскіи княжата давніи кгди не могли подолати моци решской *) всЂ достатки подданихъ своихъ на миль шестьдесятъ и далЂй, до варовнихъ замковъ болшъ казали звозити и людъ тамъ переносити, а gди войска непріятельскіи наступовати мЂли, поля зеленіи пожаромъ, а огражденіе мЂстъ а весей Вулкано†офЂровали; gди тамъ непріятель вторгнулъ, запустившися далеко. аби пожари и пустинЂ минулъ, зголоженій и струженій, яко би звоеваній, не найдуючи травъ и живности, одходилъ, а подчасъ въ землЂ своей о спустошеніи великомъ презъ Литву, авЂжи **} одержалъ.

*) Въ ориг. Окол. rzeskiej, производное отъ слова rzesza — толпа — rzesza niemiecka, называлась у польскихъ писателей — германская имперія т. е. толпа германскихъ владЂтелей, — здЂсь въ этомъ именно смыслЂ употреблено слово rzeski, которое должно понимать — германскій.

**) Въ ориг. Окол. awizy т. е. извЂстіе, предостереженіе.

Стриковскій килкохъ королевъ при прускихъ мистрахъ такъ звоеванихъ спо-/193/минаеть, другіи, индей мЂрячи, а индей бючи, скоро зносили адверсаровъ, другіи, надЂю въ мурахъ и въ окопахъ, въ живности и въ стрЂлбЂ кладучи, непріятеля воевали; и много инихъ способовъ такъ въ полЂтиковъ, яко и въ марціалЂстовъ обачити можешъ; але козаковЂ, такъ надъ Дономъ, яко надъ ДнЂпромъ живучому, надЂя и отуха вшелякая есть вода, рЂка, болото и прето ДнЂпръ славутою, [ДнЂпръ славута.] то естъ гутою, або кузнію назвали, а Донъ — панемъ, Донъ; где козакъ води не маетъ, болота, або яру згинувъ. При томъ много доказуетъ, безъ того — глухій, нЂмій, нЂчого не умЂеть и якъ муха гинеть и для того зЂма, же ся уже копати не може и водою уходити, естъ ему сроgій непріятель, и если воевати прійдетъ, лихая то у него пора, але весна, лЂто, и почасти осЂнь, то его хлЂбъ, скарбъ и достатки и вшелякая фортуна. Gди ся теди роспливати рЂки и ДнЂпръ зачиналъ, такую отуху имъ учинилъ, ижъ умерлую и подъ Кумейками загребленную славу воскресити и оживити замыслили. [Остранинъ и Скиданъ на Запорожю старшими обрани.] Прето, обравши себЂ на Запорожу Остранина за старшого и при немъ Скидана, зъ посередъ себе, до козаковъ Донскихъ, о помощъ просячи, виправили, потомъ до монастировъ и мЂстъ, козаки слинучихъ, писма и листи розислала поповъ, чернцовъ до Подоля, Покутя и Волиня, аби анЂмовали и коммововали на войну, ужили, которіи зъ тимже поселствомъ и до шляхти релЂгіеи грецкой приходили, наветь и черницъ на тое заживали, [Отъ Дону и Крыму помочи потребуютъ.] а наконець до Криму посли свои виправили, подали кондицію, ижъ всю Украину поддамо, ижъ що колвекъ теперъ достанемо мЂстъ, замковъ, именемъ его доставати будемо; ово згола не тилко всякій подвизали камень, але тежъ, би могли, до Плютона вислати о помощъ, пораду кого, противъ пана своего, маестато†и рЂчи посполитой, теди би были вислали, биле тилко могилою притисненую силу козацкую презъ ясне велможного его милости пана Миколая Потоцкого, гетмана полного коронного такъ рокъ (sic), якимъ способомъ виратовали. До такой отухи ламане ліодовъ на ДнЂпрЂ и рЂкахъ презъ наступуючую весну сваволенство приводило, але, /194/ пилне око на тое маючи, его милость панъ полковникъ на мЂстцу гетманскомъ зоставленій, воможній панъ Станиславъ Потоцкій, gди ему много новинъ до непокоя обвЂщаючихъ приносять, нЂчого иншого по ввесь часъ не мислилъ, тилко въ отриманной побЂдЂ якъ поступати, що и показалъ на томъ региментЂ всему рицерству и свЂту, яко зъ прогресу далшого снадно обачити каждій можетъ.

РОЗДЂЛЪ 4.

О рушеню зъ Запорожа своеволнихъ Козаковъ.

РозумЂлъ, въ Запорожу будучій, козакъ, ижъ, на влости Украинской розгощеній, жолнеръ латво прійдетъ въ побЂжденіе, яко АннЂбалъ военній нЂкогда пришелъ, ubi Annibalis virtus campanis deliciis emolita est *). Подобно, пане Козаку! не такіе беванди и фрукти видаваеть компанЂя якіе влость Украинска: брага, горЂлка, медъ, водынайцетводъ (sic) **), пивище зъ дрожчами — делЂціи Украинскіи. Не мЂлъ на чомъ жолнЂръ отмЂнитися, але рачей мЂлъ на чомъбися до военной праци загартовалъ. Рачей то на сердцахъ, мЂсто делЂціи якихъ, вичитати для невчасу сроgого было ***).

*) Въ ориг. Окольского слЂдуютъ слова: M. Claudius Marcellus, ad Nollam facto proelito, docuit, Anibalem posse superari — Маркъ Клавдій Марцеллъ, доказалъ сраженіемъ при НолЂ, что и Анибалъ можетъ быть побЂжденъ.

**) Не понятное слово это употреблено въ подлинникЂ Окольского и въ переводЂ Величка.

***) Въ ориг. Окол. слЂдуютъ слова: Persequar inimicos et conterram et non reventar, donec consummam eos — Буду преслЂдовать и губить враговъ и не возращусь, пока не уничтожу ихъ.

[Остранинъ війшолъ зъ Запорожя.] Війшолъ теди уже зъ Запорожя /195/ Остранинъ, яко би то ужъ огромне, страшне, незвычайно стало, же при арматЂ приспособленой, же досить мають обЂцаннихъ ратунковъ, много околичне видятъ себЂ добре зичачихъ, а рЂчи посполитой здрайцовъ: едни порохи готуютъ, другіе людей, тіи гроши, тіи провіянтъ; уже шпиталь свой Терехтемировъ опатрили, уже имъ монастиръ Межигорскій applaudet, уже пещери голдують, уже на водахъ переходи готовіи, уже до Остранина: veni, vide, vince, то естъ: прійди, обачъ, звитяжи рЂки: Псолъ, Сула, Старець и ДнЂпръ отуху односять; смотрячи теди на тое Остранинъ ліондомъ и чолнами ку влостямъ приступаетъ, але, вспоминаючи на ексорбитанцію передъ собою старшихъ, вздригнувся и на сагайдаку своемъ реgулу Веgеціуша написалъ *): (тримайся тепла) [О чтирохъ гетманахъ предъ Остраниномъ.] ВсЂ тобЂ тіи обЂтницЂ добріи, але найлЂпша надъ все жити: гетмановалъ Наливайко, гетмановалъ Подкова, гетмановалъ КосЂнскій, гетмановалъ Павлюкъ и тоею волностію якою я теперъ; если тежъ и менЂ наконецъ быти на палю яко онимъ **) (теди ти естесь жабою и критися въ болотЂ) привести теди всЂхъ, але самого тилко одвести — вся теди мисль его и рада таемная ***). Уже виходилъ зъ поль и до влости входилъ таемно и украдкомъ, аби о нимъ невЂдано, gдижъ въ малой еще купЂ былъ, але, лучшій надъ него будучи, его милость панъ полковникъ, взявшй предъ тимъ здоровую отъ коллеgовъ раду, аби ростропностю раднихъ охоту до битви въ жолнЂру заострилъ, давши о томъ небезаеченству вЂдомость, его милость панъ гетманъ полній коронній, аби въ томъ имбуатъ воинство пилно, збрЂлъ къ СрЂбрной, [Промислъ Остраниновъ] хотячи его еще во полю застати,

*) Въ ориг. Окольского: Sis callidior quam fortior — предпочитай хитрость храбрости.

**) Въ ориг. Околь.: tedyć melius est być żabą i kryć się in palude, quam in palo dać wystawić — и такъ лучше быть лягушкою и прятаться въ лужЂ, чЂмъ дозволить посадить себя на колъ.

***) Въ ориг. Околь. слЂдують слова: ...była, curare quid retro, quam ante — ...была, стараться больше о отступленіи, чЂмъ о движеніи впередъ.

але онъ, перестереженій, ку Кремен-/196/чуко†во влость впадши, на конЂ здобувшися, Кременчукъ, Хороль, Омельникъ злупивши, загнавши зъ собою, ку ГолтвЂ, мЂсту князя его милости ЕремЂя обернулъ и тамъ замкнулся и уфортифЂковалъ. [Въ Голт†Остранинъ.]

РОЗДЂЛЪ 5.

О наступованю ку Голт†войска коронного зъ его милостю пономъ воеводичомъ Брацлавскимъ, полковникомъ енеральнымъ.

Ижъ непріятель замкненій въ мЂстЂ мало не такъ есть безпечній, яко риба въ матнЂ, не хотЂлъ той окказіей омешкати его милость панъ полковникъ, але, персвадуючи рицерству *), анЂмовалъ ихъ до прудкого наступованя, и поневажъ тамъ уже ввойшолъ непріятель, за зближенемъ войска полского анЂ суплементъ якій, анЂ сердце такъ гордее и смЂлее, долго въ хлопЂ быти не можетъ, а скоростю нашою можетъ быти розорваніи.

*) Въ ориг. Околь. слЂдуютъ слова: quod homini non potest dari majus, quam gloria, laus et aeternitas: — что величайшіе дары для человЂка — это слава, хвала и вЂчность.

Въ томъ такъ ся охотно ставило его милости пану полковнико†рицерство, ижъ нЂgди охотнЂйше быти не могло — безъ контроворсіей, омешканя и вшелякого респекту, не хотячи вЂдити того, же ихъ заслуги крвавіи презъ килка лЂтъ не тилко не доходятъ, але и прислуга и страта подъ Кумейками и Боровицею жадной имъ контентаціей не принесла, и то были готови и горла свои при достаткахъ остатнихъ положити, аби въ тимъ борзЂй освЂдчили готовность службъ своихъ отчизнЂ и короле†его милости, пану своему /197/ милостивому и рЂчи посполитой. Але то дивна въ той охотЂ ихъ милости пановъ рицерства была, ижъ еденъ другого на пляцъ и окказію потреби упережалъ и, первше небезпеченства аби бралъ. просилъ: еднихъ ку тому стимуліовала омешкана подъ Кумейками потреба, аби то надградили, другихъ анемовала первшая слава, аби до слави — слави придавали. Мило вспомнЂти прешліи праци и фатиgи, мовитъ Сенека, а якожъ не будеть мило, gди за високую працу несмертельною памятію кого оздобять и домъ его вивишшаютъ? щасти Боже такее рицерство! нехай корона полская ними здобится, нехай при несмертелной сла†обфити нагороди и контентаціи одъ маестату его королевской милости и рЂчи посполитой одбираютъ, нехай приступають до обронцовъ отчизни ротмистровства, полковництва *) на оздобу домовъ и фамилЂй своей осягають, будучи такъ убезпеченій уже его милость панъ полковникъ и уконтентованій такъ великою охотою, уживаеть ихъ мосцовъ, аби въ томъ ему и радою, и полковниковъ, и иннихъ рейментаровъ, въ небытности власнихъ войску, опатрили, назначивши теди зъ посродку себе ихъ за полковники: поручика его милости пана воеводи подолскаго — Блазеіовского, поручика его княжацкой милости ЕремЂя, пана Длотовскаго, поручника его милости марграбія, старости гродецкого, пана Владислава Ташицкого; подавши стражництво ротмистро†чулому, обозницство пану КохановЂ, спЂшно ку Голт†зъ арматою коронною и салдатескою нЂмецкою обернули, аби тамъ кровію своею и шаблею на каркахъ козацкихъ вирисовали, що написалъ Духъ Святій. Proverb, 16: не есть рЂчъ слушная учинити кривду невинному **). [ПоспЂхъ войскъ полскихъ до Голтвы.]

*) Въ ориг. Околь. слЂдуютъ слова: i po innych wojskowych honorach, hetmaństwa — а послЂ другихъ военныхъ почестей, гетманства.

**) Въ подлинникЂ Окольск. слЂдуютъ слова: nec percutere principem, qui ecta judicat. — и поражать вождя, судящего по справедливости. /198/

РОЗДЂЛЪ 6.

О уфортифЂкованю Голтви отъ Остранина и козаковъ.

[КрЂпость Голтвы.] Кому памятна козацкая на Кумейкахъ, clades, мусить домисливатися великой на Голт†учиненой фортификаціей. Кромъ теди самой оборони мЂстца, бо мЂсто Голтву обходить Псіолъ рЂка и Хоролъ съ другой сторони, а тая рЂка Псіолъ есть въ болотЂ, яко ДЂжа въ Волохахъ, обляла мЂсто въ семи-циркулъ, а за водою лЂси и въ томъ семи-циркули мЂсто *) единъ тилко мостъ отъ замку презъ воду есть, надъ тими зась рЂками предъ мЂстомъ суть глибокіи яруги и хрости. До такой оброни валъ за палями усипали, брами затарасовали моцно и закопали, въ замку тожъ учинили, предъ замкомъ и мЂстомъ, отъ рЂки до рЂки кинули валъ потужній, а передъ валомъ могилу на шанцъ потуажній обратили, аби, gди войско наступить, бо ни откуду инуду наступовати не могло, тамъ свои сили обращали а до мЂста не доходили, тисячами на вали позаводили человЂка, гарматою щанцъ опатрили; [Остранинъ возкомъ укрЂпилъ Голву. Заклинаня.] сотнями башти и брами обваровали, чаровницъ и чаровниковъ, аби инкантаціи на прохи, стрелбу, повЂтре и огонь чинили, по високихъ дахахъ, аби упатровали, розсадили. Щожъ мнЂ о той фортецЂ скажете? уже бимъ я реклъ, що Акисъ, лацедомонскій князь, поусмотрЂвши нЂgдись на Коринфяновъ мури високіи и башти мовилъ: що то за невЂсти замкнулися? даючи якоби знати, ижъ дЂлному муже†муровъ не треба, онъ самъ муромъ и валомъ есть, але лЂпше реку: твои то одважніи перси,

*) Въ подл. Околь. слЂдуютъ слова: ...osadzone, ma zamek potężnie palami tak obwarowany, że jako i miasto — ...построено, въ немъ замокъ, крЂпкимъ палисадомъ окруженный, и подобно городу...

цнотливій жолнЂру полскій таковіи вали и фортификаціи славять и /199/ оповЂдають. ВЂдоми суть не едною експедиціею уже сили твои, сили лве, перси твои, перси зъ твердой скали мармуровой скованіи; уступають мури, сиплутся вали, нищіють окопи, где тилко наступуешъ, для тогожъ незвичайнихъ способовъ, працовитыхъ фортификацій противъ себЂ шукають и шукати не престають, бо волЂ съжаловати щастя, а нежели бити звитяженимъ и встидитися.

РОЗДЂЛЪ 7.

О угрунтованю обозу коронного подъ Голтвою.

Розніи народи рознихъ на войнахъ фортификацій въ обозахъ заживають, але жолнеръ полскій коронній, ижъ пра†весь есть зобраній зъ домовъ шляхетскихъ и крвЂ, обози тежъ свои такъ фортифЂкують: шишакъ зъ шишакомъ, шаблю зъ шаблею, бокъ зъ бокомъ, копито зъ копитомъ ставляють, а при томъ наслЂдують по великой части Артура, кроля Британіей, который головною шаблею обозъ отачалъ, которую gалЂбурнумъ gлядіумъ звалъ, ижъ нею рознихъ непріятель на войнЂ чтириста сЂмъдесять мужей забилъ, долгою копіею полки въ немъ дЂлилъ, а на тарчи своей образъ пренайсвятейшой панни, которой обозъ свой отдавалъ, носилъ. ПЂхота, яко то голота, звикла болшъ себЂ при арматЂ полской якій окопокъ становити и то для пришанцованя до стрЂлби, которыи кинувши и тутъ валокъ отъ рЂки до рЂки и шанцовъ три предъ нимъ учннили, добре обваровали, [Промислъ Поляковъ подъ Голтвою.] а его милость панъ полковникъ, споряженій уже видячи обозъ и на мЂстцахъ назначенихъ коругви, мостъ на рЂцЂ ПсолЂ готовати казалъ и по-/200/чалъ, вислалъ подъслухи, засадилъ пляцовую стражу, послалъ по язикъ свЂжій, положене непріятеля и мЂстца упатровалъ и шпЂgовалъ, хотячи для утрешного, мая 6 експериментъ учинити, а же часу дня того еще збувало, учинилъ пробу его милость панъ полковникъ, запровадивши на другую сторону Псіола рЂки пЂхоти нЂмецкой два регименти: его милости пана обозного БЂгановскаго и его милости пана капитана нЂмецкого, который по ономъ великомъ богатиру Жолковскомъ, рейментъ собЂ отданій мЂлъ [ПримЂчаніе Величка.] (Въ двохъ рейментахъ онихъ за Псіолъ виправленихъ, любо не вспоминаетъ списателъ сего діаріуша, велебній Симонъ Околскій личби товариства, знать встидаючися написати правди, для побЂди отъ войска Остраниноваго надъ ними ставулой, однакъ я въ рукописномъ козацкомъ лЂтописцу вичиталемъ тое, ижъ было товариства въ двохъ помененнихъ рейментахъ полскихъ девять тисячь и осмъсомъ), реестровихъ при пану Иліяшу, полковнику старшимъ килка тисячей и его милости пана Мелецкого хороговъ, [Початокъ битвы.] обратити ихъ ку замко†казалъ и ку мосту; внетъ шаинцц кинули рейменти и въ нихъ замкнулися, а Иліяшъ, яко добрій юнакъ, зъ товариствомъ своимъ скочилъ по мосту, аби моглъ браму убЂгти, але навалностю стрЂлби зраженій и самъ постреленимъ зосталъ; а они въ томъ огонь подъ мостъ, подложивши, огнемъ его знесли, еднакъ не малую тамъ конфузію въ немъ справили, омилную надЂю свою розумЂючи зъ такой жолнера охоти и своихъ нарушеня, щось иншого зачинали мислити, еднакъ тое все ночъ розирвала и замкнула, день утрешній тое укажетъ, що Prov, и написалъ Богъ нашъ: презъ мене кролеве кролюють. /201/

РОЗДЂЛЪ 8.

Росправа жолнЂра коронного зъ Остраниномъ у Голтви

Военне досить до расправи зготовался его милость панъ полковникъ, але мЂетъ много той предъ адверсаромъ, который себЂ поле до потреби обЂраетъ и тамъ адверсара чекаетъ, зъ малой албовЂмъ тамъ рЂчи шванковати тому, которому поле не есть по руцЂ, прійдетъ; болшъ ежели будетъ еденъ наступовалъ конемъ, а другой будетъ наступовалъ яромъ, болотомъ, хмистомъ; еденъ явне и открыто, другій скрито и скрадаючися, уже тамъ фортуна едному певнЂйша. А ежели зъ самихъ тилко шанцовъ стрЂлбого ручною доходитися пріидетъ, тому конецъ ажъ зъ витворною приходить. ПостерЂгалъ тое и видЂлъ на око его милость панъ полковникъ войска коронного, ижъ драпЂжство мислять и здраду уста ихъ глаголють, прето осторожнимъ казалъ быти, и рейментомъ засаженимъ въ белюардахъ, и реестровимъ, а чулость обозовимъ прекладалъ, мостъ чимъ прудшей кончити наказовалъ, [Остраниновъ промислъ.] вислали теди ночю Остраниновыхъ чрезъ Псолъ и лЂси килка тисячей и еднимъ ку рейментомъ ити росказали тихо, а дороги колодами и голями деревними заваляти, аби ихъ конми не псовали, другимъ ити по яругахъ, вертепахъ казали противъ обозо†коронному, двома сторонами и до дня зачинати зъ НЂмци научали. СмотрЂтежъ прошу якій маеть торъ свой хлопска война: за нЂзащо у нихъ есть трактатъ, лучше побЂжденну быти, нежели безчестно побЂдити; не учинили бы они того, що уважніи гетмани и рейментари чинять. Сарматовъ на хлЂбъ запросивши Луціушъ Pius consul, справедливій райца, ужилъ ихъ и до такого аффекту хлЂбомъ приведлъ, ижъ Римо†поддалися, услишавъ то римскій сенатъ и заволавши его, казалъ /202/ ему сокирою утяти шію, мовячи: Римяне ошукати непріятеля не хотели, бо спросна рЂчъ здраздливе звитяжити, але въ хлопской войнЂ то слава. Наступуючи еднакъ справою ку мЂсту и козацкимъ валомъ и здрадомъ ихъ, его милость панъ полковникъ коронній зъ ручной стрЂлби и дЂлъ до козацкихъ шанцовъ випустить, [Война у шанцахъ подъ Голтвою.] тожъ учинять и тіи въ шанцахъ; они озвавшися, оразъ ночно висланіи козаки почнутся оголашати ку рейментомъ, а реймента ку нимъ, зъ мушкетовъ и арматовъ козаковъ зносячи, великую въ нихъ шкоду учинили. Розюшоній козакъ, якъ недвЂдь на пшоли такъ они на НЂмцовъ, барзЂ густЂй и тяжшеи зъ за дубовъ и колодъ наступовалъ, але не преламанаго сердца елЂоро†̀мцЂ, до самаго неспору зносячи непріятеля, ажъ имъ на остатокъ олова не стало, преціе еднакъ, аби въ руцЂ непріятельскіи не приходили, волЂли до едного единъ на другомъ умЂрати [ПримЂчаніе Величка.] (и такъ сталося свЂдительствуетъ лЂтописецъ козацкій, же при нестаню олова, нестало и обоихъ тихъ рейментовъ нЂмецкихъ, чого отецъ Околскій, складачъ сего діяріуша не виразилъ для жалю, чили для встиду зъ такъ значного людей своихъ упадку, бо зъ девяти тисячъ и осми сотъ товариства, въ помененнихъ двохъ рейментахъ бывшаго, заледво зъ полтораста человЂкъ живихъ до своего обозу, ни зъ чимъ, въ еднихъ тилко кошуляхъ приволоклося). Смотри короно на слуги твои, любо чужоземскіи, яко за цЂлость, здоровье твое и гоноръ твой границЂ кровю обливають и славу твою печатають, щасте въ отчизнЂ своей отпустивши, коронЂ полской щастя шукали и то щасте познали, аби при сла†твоей найяснейшій кролю пане нашъ милостивій мЂли високіи свои вспомненя, былъ тебЂ тамъ не малій оршакъ людей зоставленій, поневажъ мосту такъ прудко выставити не поспЂшили, але въ такъ густомъ лЂсЂ блатномъ, колодъ повномъ, ратунку имъ додати не могли, умЂрали теди тамъ яко великие люде, яко зацніи рицерЂ, яко високіи баронове, о которихъ Демостенесъ подобно писалъ: которіи на войнЂ гинуть, между звитяжцями полЂчени мають быти. Въ еденъ же разъ, gди войско коронне наступовало ку /203/ валомъ и зносили ихъ всЂ посилки, зъ онихъ яровъ и лЂсовъ, вышедши козаки, въ тилъ войску зашли, до которихъ корогви gди нЂкоторые обернулися, въ доли и лЂси яко до ямъ якихъ утЂкали; пало тамъ козаковъ около двохъ тисячей и нашихъ по части, [Шкода у компанЂи полской. Уступлене Поляковъ отъ Голтви.] а то найзалостнЂйша, же компанЂи погинули и зноситися; для неспособнаго до войни конной мЂстца (не могли) и назадъ дня третого отвернути мусЂли. Я бымъ радъ научитися, чому въ такъ справедливой войнЂ и за волЂю кроля его милости и рЂчи посполитой зачатой, такъ острій отъ Бога початокъ станулъ. Не разумЂйте, аби презъ тою острость, Остранина мЂлъ Богъ виславяти, бо дальшіи сукцесса войни его, утЂчка и конецъ нещасливий иначей то показують, алЂ мнЂмаю, ижъ то учинилъ на томъ початку Богъ для двохъ рЂчей, первая ижъ много было зъ одлеглнхъ пановъ, которіи тую хлопскую войну легко собЂ клали и хлопство козацкое за овчаровъ або сЂчкаровъ своихъ судили, а за тимъ доброму жолнЂро†и гетманомъ слави уймовали; показалъ теди первшою тою утарчкою Богъ, ижъ любо межъ козаками не машъ жадного княжати, сенатора, воеводи, зъ которими ся въ потребЂ жолнЂръ галасовалъ, але еднакъ таковіе суть хлопи, же, кгдиби права не заграждали, противъ посполитихъ учиненіи, яко предъ тимъ было, налЂзли би ся и такъ годніи, аби ихъ и КвЂнціушови ЦЂнцЂнатови, которій отъ плуга на урядъ былъ возваніи а ТЂмЂстоклЂви подобними називано, а не тилко рицерство и гетмановъ ихъ милостей уражала та мова, але и Бога. которій зъ ними при горсти малой pro regno воевалъ и прето хотЂлъ, же то такъ не блага была война, людемъ показати; [Не плоха война зъ козаками.] другая Богъ указовалъ ижъ поданихъ война такъ бываеть сроgая, ижъ gди гору свою возмуть, Богъ тилко самъ погамовати оную можеть, псують права, рвуть *) (потугу зносять) пановъ,

*) Въ под. Окол.: swą potągą — своимъ могуществомъ.

зрушають корлевства, бо у нихъ не трудна есть не тилко о тайніи пуинали и о вшелякій накладъ и здраду, але и до мантн-/204/ки (sic) войну подносятъ. О чомъ кроткими слови, але ретелними его королевская милость въ писаніи своемъ до его милости пана гетмана полного коронного барзо святобливе виразилъ. Служебничіи войни царствамъ тяжкіи и небезпечіи и такую въ знесеню своволенства прислугу тутъ кладемо, ижъ годная есть несмертелной слави и нагороди неошацованой. Доткнулъ того и навижшій король: Лука 11: всякое царство раздЂлившееся на ся запустЂваетъ. Ухиляючи теди Богъ охоти жолнЂрской, а на часъ отволочаючи тую ихъ веселую смЂлость, пустилъ руборемъ на ихъ замисли завзятіи, а якъ бы пожаловалъ годнихъ кари, кgиби за оборотомъ неба не прійшолъ на нихъ часъ згризливой, tempus edax, gдижъ самое зло о Божой муцЂ забиватися мусить. Любо и жолнЂрская диспозиція на войну маеть быти неледа яка, але яко въ псалмЂ 58 выражено: державу мою тебЂ сохраню Господи.

РОЗДЂЛЪ 9.

Потреба кровю виписана цнотливого рицерства коронного у Голтви.

Хорогвъ ясне велможнаго его милости пана воеводи краковскаго. Товариство его милости пана воеводи подолского. Его милости пана полковника Его Королевской милости. Его милости пана Вихровскаго, мечника Галицкого. Его милости пана Петра Потоцкого, воеводича брацлавского. Его милости пана Казановского. Его милости пана Бориславского. КомпанЂя его милости пана Бегановскаго обозного. И изъ инихъ хороговъ много товариства таковую войну и потребу кровю печатовали. /205/

Нагробокъ цному рицерству коронному.

Iest plac, iest żołnir, tryumph nastąpuie

Cne serce, dobre tu się deklaruie

Żyie, umiera, odnosi koronę

Bog tego y krol nie rzuci na stronę.

Нагробокъ чужоземскому.

Zwiedzieć obce narody, y nauki dostać,

Godna rzecz, większa ich dzielnosci sprostać

Przeszlismy Niemce, Prusy, Litwę, Rus, Koronę,

Panstwa Polskiego, Hołtwo swiadcz, day nam obronę.

Tu są wszczepione serca, siły, męztwa nasze

Zrodzą się tam Niemcy, gdzie się rodzą potasze.

Нагробокъ козакомъ реестровимъ.

Saletrą palilismy, saletrą stawamy,

Z takiey naszey zabawy ten pożytek mamy,

Jż wierni bylismy, nie wstyd nas iuż będzie,

Daiąc pokłon Krolowi, upadniemy wszędzie.

ЛЂтописецъ козацкій.

[Прибавленіе Величка.] Хоча и при концу девятого сего роздЂла, предъ нагробками композиторъ сего діаріуша, отецъ Околскій положилъ такое слово, что и изъ инихъ корогвей много товариства таковую войну и потребу кровю печатовали, однакъ не виразилъ того именно, колко власне тамъ подъ Голтвою полского пропало жолнЂра, чи то ни мЂлъ о томъ певной реляціи, чили околЂла была ему на тотъ часъ рука его, же не написалъ правди тоеи, ижъ подъ Голтвою, отъ войска Остранинового козацкого, (которого всего на тотъ часъ ищислялося на дванадцять тисечъ) забито Поляковъ розного gатунку, то есть товариства значного, пахолковъ и ліознихъ полчварти тисячи злишкомъ, кромъ козаковъ реестровихъ, бо по отходЂ войскъ полскихъ отъ Голтви, знайшлося въ шанцахъ полскихъ, около Голтви починеннихъ, и по иннихъ рознихъ мЂстцахъ, ярахъ и долинахь, не погребеннихъ труповъ полскихъ на три тисячи, а погребеннихъ, исчисляючи могилки, явилось на пятсотъ злишкомъ, по единому тилко человЂку рахуючи въ могилцЂ. /206/

II.

ЧАСТЬ ВТОРАЯ.

ПРОGРЕСЪ ВОЙНИ ПО ГОЛТВЯНСКОЙ ДО ПОТРЕБИ ПОДЪ ЛУБНАМИ.

РОЗДЂЛЪ 1.

О уступленю отъ Голтви.

На доброй консулціи gди проgрессъ военній ставаеть, д†рЂчи тамъ суть на оку: внійти и винійти надарится, бовЂмъ подъ часъ же винійти умЂти щасливЂй ся поведетъ нЂжели находити. Отколь за диктеріумъ писмо святое (взято): утЂкаючій знову будетъ битися. Здоровою радою одъ Голтви одведши войско, его милости панъ полковникъ ку Лубнямъ удался, где тежъ Остранинъ индуковати мислилъ найбарзЂй. Былъ то день одинадцятій мая и, вишедши въ поле ожидалъ день и другій немаль, ежели зъ фортелю Остранина вивабить, але зъ разу твердо сидЂлъ, gди далЂй поступилъ его милость панъ воеводичь, зъ войскомъ удавъ своимъ, ижъ сромотно уйшовъ, а оттуль рачей рушитися ку Лубнямъ, где суть шляхи и средокъ товариства, где живность, и скуплене людей, и оборона есть, нежели туть мешкати; обЂцовалъ себЂ много и своимъ за /207/ онимъ блисненемъ ошуковаючой фортуни у Голтви и пра†реестръ добродЂйства формовалъ и на трохъ мужахъ становилъ, аби, яко свЂтъ земскій ови три мужи на трое дивидовали: всходъ зъ Gреціею дали были АнтонЂушовЂ, Африку ЛепЂдовЂ, заходъ и волоскую землю ОктавЂушовЂ, такъ, они уже Украину дЂлили: едному Переяславль, другому Кіевъ, третему Волинь, отъ которихъ би други бенефЂція брали, оддавали. Станулъ теди миль чтиринадцять одъ Голтви его милость панъ воеводичъ и тамъ ся обозомъ подъ Лубнями надъ рЂкою Сула уgрунтовалъ, оттуду послалъ до Бару и на Покуте яко найпрудшей вЂдомости до ихъ милостей пановъ гетмановъ. Заледво отправилъ почту, ажъ дають вЂдомость, ижъ Остранинъ рушился зъ Голтви и змЂряеть ку Лубнямъ; [ВЂдомость, же Остранинъ зъ Голтвы ку Лубнямъ рушилъ.] ради гостямъ жолнЂре готуються на банкетъ пріймовати, витати ребеллЂзаита и кривоприсяжцовъ, охотни беруть лЂпшую отуху и надЂю и каждою окказіею зближеня ея ку обозо†болшей надЂею остратся. ВсЂ тіи, що приходили для зламаной присяги, для подношеня руки на пана, не люде, але тЂнь людей были, а за тимъ добре себЂ рицерство тушити мЂло.

РОЗДЂЛЪ 2.

О наступованю Остранина подъ ЛубнЂ.

Уже мЂлъ не малій задатокъ Остранинъ до наступованя, бо не толко вислалъ Скидана ку ЧигриновЂ, где козацтва чолнЂйшого естъ обориско то есть загорода, [Путивлецъ въ помощь Остранину.] але взялъ былъ певную вЂдомость, ижъ ему на помощъ килка полковъ заразъ надходитъ: еденъ ему провадилъ Путивлецъ и виборного пра†/208/ въ своей волЂ и въ бунтахъ, между которими Дунскій козакъ цвЂчоній на войну приходилъ; [Другій Шекеравій] другій провадилъ Шекеравій; иншіи полки зъ той сторони (отъ) Кіева — Солома и другіи збЂрали, ово згола лЂчба не малая бокомъ къ нему приходила. Една рЂчъ неgрунтовная у нихъ и небезпечна завше: до войска поповъ своихъ не припускають, а за тимъ мало о Богу мислять, але, яко безрозумніи, въ силЂ своей дуфають, а попъ повЂдЂлъ би имъ що Богъ зъ Паралипоменона 25 до войсковихъ вождовъ: ежели маешъ уфность въ великости войска, Богъ тя зтлумить, Богъ даеть побЂду на войнЂ, Богъ даеть звитязство. Gгди уже отъ обозу коронного есть въ милЂ, або полтори, видить, же ему нЂчого не прибуваеть людей значно, анЂ онихъ полковъ не видить, хочъ ся около Лубень быти повЂдають; далЂй наступовати треба, але ему щось не смачно, казалъ теди горЂлки дати и по квартЂ албо ковшо†до старшины на добре сердце випилъ зъ другими, мовячи: милостивій пане воеводо, старосто, судя, теперь же такъ будемо ся витати, поспЂшайможъ ку нимъ. Властна та мова, якая была Каимова, gди на рЂзь виводилъ (Авеля), реклъ Каимъ до Авеля, брата своего: війди въ поле и, gди війшли въ поле, забилъ Каимъ Авеля брата своего. Такъ Остранинъ, зведши много реестровихъ, притиснувши убозшихъ, загнавши зъ мЂстъ, зъ селъ по неволЂ невиннихъ людей, шубъ, срЂбра, коней, здобичи вшелякои имъ по вигранной наобЂцовавши, потомъ, gди ихъ до потреби приведлъ, gди обачилъ же уже тисячми лежать, мяса досить и стерву, самъ утЂкати отъ нихъ мислилъ. Справивши теди и опатривши добре таборъ, наступовалъ подъ ЛубнЂ, гдЂ его, его милость панъ воеводичъ и полковникъ генералній войска короыного зо всею компанЂею охотно чекалъ. А gди ся уже въ плацу затримовалъ таборъ, повипрагавши конЂ, колеса до колесъ чепилъ; поле аби дано, у его милости пана полковника коронного въ труби, въ бубни ударено. МЂй уфность цній жолнЂру, милость отчизни нехай тя вспЂраеть, жаль деспектовъ маестату Короля Его милости пана нашого мило-/209/стивого нехай силъ додавають; наступай, маешъ справедливую — и поганинъ иначей судити не будеть.

РОЗДЂЛЪ 3.

крвавій конгресъ войскъ короннихъ и запорозскихъ.

[Битва подъ Лубнями] Станувши войска на плацу военномъ, и едни ся зичливимъ мЂстцомъ, другіе прешлою фортуною тЂшачи и до силъ анЂмуючи, почнуть до себе зъ арматокъ и стрЂлби густой потрави пресилати. Не ровна то рЂчь въ правдЂ была, gди еденъ за зослоною, за возми и привалкомъ мужества доказуеть, другіе открито пЂхото албо конно, але то на болшую славу, на указане незморщенного сердца кр†шляхецкой было. Далеко болшей о томъ жолнЂру, которій окопи, стрЂлбу, вали проникаеть, безъ валовъ и окоповъ, розумЂти високо треба. Наступовалъ потужно его милость панъ полковникъ, беручи въ томъ помЂръ частью зъ прешлой викторіей его милости пана гетмана полного коронного, родного своего подъ Кумейками, частю зъ ради полковниковъ своихъ и положеня мЂстца, частю зъ урожоной индустріей, которую взялъ весполъ зъ кровю зъ валечного добродЂя своего родича и зацного дому ихъ милостивыхъ пановъ gрабевъ Терновскихъ зъ Тернова. Натиралъ теди на таборъ, набЂгалъ на стрЂлбу, отачалъ войскомъ, козакомъ реестровимъ до своихъ фортелевъ улейgрадовъ (sic), аби ихъ не ражено, удатися казалъ, зъ килка сторонъ теди натираючи, мордовалъ ихъ сили, мЂшалъ замисли, оборочалъ якъ въ котлЂ, много що разъ разивши стрЂлбою, гордіи ихъ мисли о землю ударялъ: прериваній таборъ ледво ратують, але то еднакъ не безъ нарушеня нашого войска, зраженя коней и забитя /210/ много. Чекають еднакъ, усилуютъ много и моцно надъ кимъ декретъ свой. Богъ укажетъ и кому викторію подасть. Уже ся тое игриско добре кровю облило, уже взяло часу зъ полудня (добре), уже неспори минають, а еще Марсъ въ своей порЂ стоить, знову, заведши рейменти насправнЂйше мЂстце, аби лавою таборъ вдолжъ порушити могли, а хоругви импетъ свой ку нимъ аби рушали росказалъ, и такъ Марсъ зъ Сатурномъ ажъ до смерку бало in белло отправовали, нощъ gди надходить, вЂнцемъ непріятеля оточено, але ижъ нощъ темная стала и людъ змордованій по части, мнЂмали коронніи, ижъ нощъ оная осторожностю и въ покою знійдеть, а дня утрешного сЂмнадцатого мая на снЂданя запросити, але Остранинъ, которій былъ зъ тою фантазіею зъ Голтви війшолъ, [Остранинъ утЂкаетъ зъ подъ Лубень.] ижъ ся тилко мЂлъ въ полю присмотрЂти войску и страхомъ все справити, а не бити, той же ночи мЂстцемъ несподЂванимъ, блотами и багнами уйшолъ *). Уже была фантазЂя змЂнилася голтвянская Остранино†въ томъ конgрессЂ крвавомъ, потреба была еще, аби надъ нимъ зъ другими усипано могилу, алежъ его срожшій страхъ чекаеть: паль острая, або висока шубеница, яко между лотри найболшому. ПовЂдаеть писмо святое 4 Reg: Охозіяшъ кроль, gди себЂ надламалъ карку зпадши зъ гори, послалъ до Веелзевула о пораду, идЂте порадтеся Веелзевула ежели живъ буду. Кеди уже надламалъ карку, самъ пойшолъ Остранинъ до Веелзевула, утЂкаючи по мЂстЂ, бабъ чаровницъ питалъ, если жити будетъ, о тое ся въ ЛохвицЂ по потребЂ той, а потомъ въ МиргородЂ, уходячи, питалъ. Нужднику! чекають тебе кайдани и муки, не утече хочъ ся проволоче.

*) Въ подлинникЂ Окольскаго слЂдуютъ слова: Ale poczekać bylo do jutra, ażebyś był to otrymał, co Marcellus consul ad Venusium otrzymał był. Wyszedł przypatrzyć się obozowi Anibelowemu; wnet straż postrzeże, oskoczy, zabije; usypałci mogiłę nad nim Anibal. — Нужно тебЂ было дождаться утра, для того чтобы постигла тебя участь, подобная участи консула Марцела при Венузіи. Онъ вышелъ разсмотрЂть лагеръ Анибала, но тотчасъ былъ примЂченъ стражею, окруженъ и убитъ — Анибалъ-же насыпалъ надъ его тЂломъ могилу. /211/

РОЗДЂЛЪ 4.

Що 16 мая по ушествіи Остранина учинено.

Три рЂчи потребніи суть по кождой розгромленой въ войску христіанскомъ: напредъ аби Господу Богу, которій силъ додаеть на войнЂ и ради, по оной виграной и отриманю пляца, всЂ весполъ дяковали. Учинили то христіанстіи жолнЂре и кождій Господу Богу вота шлюбленіи, аби утверждалъ при мши святой, або отдавалъ; зачалъ абовЂмъ Богъ декретъ свой на томъ то пляцу зъ Остраниномъ и надъ всЂмъ своволенствомъ виконивати и расчитивати Proverb. 14: справедливость албовЂмъ подносить народи, грЂхъ зась мЂзернихъ чинить. Другая: товариство побитое, яко обокъ зъ собою на войни будучее, одни до гробовъ проводили, другіи in depozytum отдавали, другіи ратунки офЂръ за нихъ куровали: бо ежели завзятость непріятельская звитяжаеть людзкость и цноту, ижъ ихъ гребемо; далеко болшей зичливости звичай и звязокъ христіянства мЂетъ насъ къ тому возбуждати. Третяя консулту учинено, що далЂй чинити? пустити утЂкающимъ золотій мостъ чили не давати купитися, але кончити сили его. Рада станула аби за нимъ слати. аби остатня гирша не была первой. И вислалъ его милость панъ полковникъ: его милости пана Гижицкого ромтистра, [Погоня за Остраниномъ.] его милости пана Павловского, его милости пана Казанового — хорогви и регетровихъ килко сотъ, которіи вишедши за обозъ шляхомъ за имъ, аби стороною ити, радячи собЂ рекли, аби на всЂ сторони мЂти око зъ многихъ причинъ и не могли лЂпше радити. Добра рацЂя зъ нЂба натягненой мудрости. /212/

РОЗДЂЛЪ 5.

Реестръ кровю писаній подъ лубнями мужества жолнЂра коронного.

Хороговъ ясне велможного пана КанцлЂра коронного.

Хороговъ его милости пана гетмана польного коронного.

Хороговъ его милости пана старости ВиннЂцкого.

Хороговъ его милости пана Хростовского.

Хороговъ его милости пана Гижицкого.

Хороговъ его милости пана воеводы ЧернЂговского.

Хороговъ его милости пана старости Трембовелского.

Хороговъ ГелЂяша Четвертенского.

Хороговъ его милости пана Мелецкого.

И много инного товариства зъ подъ рознихъ хороговъ такій рестръ крвавій писали.

III.

ЧАСТЬ ТРЕТЯЯ.

О НАСТУПОВАНЮ И ПОБИТЮ ПУТИВЛЦА.

РОЗДЂЛЪ 1.

Кгди дорогу по Остранину его милость панъ Гижицкій зъ компаніями себЂ злЂценими взялъ, нЂмъ его милость панъ полковникъ войска коронного рушилъ обозъ и войско, вислалъ двохъ коморниковъ за его милостю паномъ Гижицкимъ, аби подъ Миргородомъ убЂжалъ мостъ; они gди спЂшать, постерегуть войско и, болшей о непріятелскомъ нежели о своимъ розумЂючи, назадъ обернутся ку его милости пану полковниковЂ, которого не застали, а онъ килка короговъ его милости пана гетмана полного коронного, хороговъ козацкую и хороговъ свою (отправлялъ), где имъ неяко ординансъ ку СпЂкороду давалъ. Тамъ gди вЂдомость дадуть о войску, близко подшедши подъ войско зъ двома хоругвами, почали *) конейктуровати, же непріятель.

*) Въ подл. Околь: obscurorum conjecturam ex evidentibus colligere — заключать по извЂстнымъ даннымъ объ неизвЂстныхъ.

Вишлетъ о язикъ, которыи пилнуючи /214/ходу и способовъ рейментаровъ войска, познали ретелно, же непріятель: постаравшися теди о язикъ, привели до его милости пана полковника, [Путивлецъ зъ инними въ помочъ Остранину.] которій повЂдалъ же Путивлецъ, Мурка и РЂпка вождове, людь виборній и добріи стрЂлци есть между ними; Донцовъ пятсотъ, другіи суть отъ границъ запорозскихъ, іедуть Остранино†на помощъ. Прето росказавши хорогвамъ онимъ ихъ забавляти, випровадити що прудшей войска поспЂшилъ; задерживалъ тамтую навалу козацкую его милость панъ Комаровскій, поручникъ его милости пана гетмана полного коронного зъ его милостю паномъ Творіянскимъ, поручникомъ его милости пана полковниковимъ до толь, ажъ войско коронное наступило. Щасти Боже и дай войску твоему тую погоду.

РОЗДЂЛЪ 2.

Наступоване войскъ короннихъ ку ПутивлцевЂ.

При оборонЂ и на добромъ оку заставивши обозъ, его милость панъ воеводичъ війшолъ шикомъ въ поле противъ непріятелевЂ; сердце въ товарист†дрижить, еще не натЂшилися зъ оногдашной забави зъ собою, але утЂхи до утЂхи (прибуваетъ); доброму абовЂмъ жолнЂровЂ, которому не страшна есть непріятелска шабля и навала, утЂшнЂйша рЂчь быти не можетъ, яко виходить на пляцъ рицерскій зъ непріятелемъ отчизни и покою посполитого. И не мовлю для того, ижъ власне то есть жниво жолнЂра аби aequitatem боронилъ, бо Александеръ Северусъ казалъ былъ въ обозахъ своихъ волати: що тобЂ не мило другому не зичъ, але жеби въ рЂчи самой показалъ тое, же есть жолнЂромъ правдивимъ, а иначей показати того не мо-/215/жеть, едно gди жадной окказіей военной не омешкиваеть и на плацъ ку непріятеле†веселЂй нЂжли въ танецъ виходить; такъ охотно и весело виходило рицерство, любо не вытхнувши себЂ, ку ПутивлцевЂ. Обачивши войско Путивлець опустилъ крило, розумЂлъ бовЂмъ, ижъ то все, що его забавляли и былъ отчасти смЂлій, ово еднакъ скоро осипавшися, смЂлшимъ зоставалъ; то еднакъ ихъ не тЂшило, же безъ води станути мусЂли, уфали еднакъ, ижъ ея приткнути въ порадцЂ не трудно имъ будетъ. Але слабо собЂ тушилъ, gди на войну до ГерманЂей виходилъ Александеръ Северусъ; една ворожка и значна такъ ему ворожила: не уфай къ мощи войска твоего, звЂтязства не будешъ мЂлъ. Я, gди сроgую фортуну надъ Путивлцемъ вижду, въ той зачатой потребЂ, якъ бимъ въ зверцадлЂ видЂлъ: не сподЂвайся викторіей, не дуфай въ жолнЂру: — и проиграти мЂлъ и власнее товариство такъ ему зготовало; ведлугъ злой вЂри, зле ему сталося.

РОЗДЂЛЪ 3.

Друга потреба подъ Лубнями зъ Путивлцемъ.

[Битва подъ Лубнями зъ Путивлцемъ.] Кгди Путивлець наступаючіи видить хоругви коронніи, не понижился, не тилко далъ знати, ижъ есть ребелЂзантомъ, але заострилъ охотнаго жолнЂра на ся. Таборъ, въ которомъ уфалъ, такъ угрунтовалъ: вози густо споивши, оглоблЂ на кшталтъ списовъ обернулъ, аби и до колясъ самихъ приступъ не былъ. Окопъ кинулъ, а in figuram ovalem таборъ спорадилъ; много мЂлъ зъ янчарками стрЂлцовъ и добрихъ. Обигналъ его его милость панъ воеводичъ около правЂ, аби если перервати не прій-/216/де табору, принамнЂй зтруждени, безъ престанку силуючися, уставати, а за тимъ уступовати поля мусели. Сроgа то рЂчь была до такъ великой деспераціей впровадити непріятеля, где подъ часъ отважній здоровъемъ доказуетъ, але на потужного, звязлого и огнистого — огнисто тежъ наступовати потреба было. Зо всЂхъ пра†сторонъ въ таборъ мЂрено, бито (бо) въ щиримъ полю и ровнинЂ перешкоди не было. Малая потичка не великую приносить славу. Не омешковалъ тежъ и непріятель, але прибЂгаючихъ ку таборо†богатировъ и персами своими и конскими, борзЂй нЂжли якими таранами розбливаючихъ таборъ, сроgо и густо разили. Долго зъ обохъ сторонъ еднакая битва трвала: частю для справи таборской и доброго стрЂлца, частю для що разъ жившого натартя рицерского и звлаща тамъ, где небезпечно стати было. ВибЂрала курява очи, порохъ нЂтилъ прагнене, солнце витискало сили, безъ спочинку зъ працею години бЂжать, а преціе чоло войни чоломъ зъ обохъ сторонъ и крокомъ пляцу не уступують. Але gди наклоненіе солнца зачинаеть, наклоняется и война. Обачили ребеллЂзанти, же за прійстемъ ночи пріидеть и смерть, будучи въ праци безъ посилку, але еще и того по собЂ знати не дають. Пало не мало въ таборЂ: раннихъ и пострЂляннихъ много есть, немалое зтенкане людей и коней найдуется въ таборЂ и у нашихъ значна того часточка, еднакъ квЂтнеть война. Наступуй еднакъ потужній полковнику, недайся ледаякому щастю турбовати, въ дому зацномъ Потоцкихъ поточніи справи и валніи точилися, бачить тое каждій, где колвекъ окомъ на погранични краи поиздрить. Знось, наступи и тріумфуй надъ непріятелями отчизни и его королевской милости, пана нашого милостивого ласки kontemptorami. *) ПовЂдаетъ Hesychius о мужехъ знаменитихъ, ижъ Eratosthenem прозвано было другою лЂтерою грецкою — вЂта, ижъ большимъ (близокъ) и во всякомъ родЂ военного искуства другой былъ *);

*) Т. е. пренебрегающими.

*) Въ ориг. Околь. eo, quod summis proximus in omni genere disciplinae secundus teneret. Въ рукописи Величка переведено съ пропусками.

вижу я, велможній пол-/217/ковнику, ижъ по ясне велможномъ гетманЂ полномъ теперъ мЂсте тримаешъ, естесь постъ альфа — вЂта. Прето ежели онъ билъ и зносилъ непріятеля, того тобЂ уже бити и зносити, яко на его мЂстцу будучому, за щастемъ его королевской милости пана нашого милостивого и превагою твоею того непріятеля приходить. Хто беззаконіе сЂеть, пожнеть злая: фурЂя та хлопская имъ же будеть на взгарду. Наступовалъ его милость панъ полковникъ, преломилъ сили и шики сваволніи; просять милосердія, удаются до покори, нарЂкають на свои несщасніи справи, присяги обЂцують. [Упокоряется Путивлецъ Полякамъ.] Але въ томъ погамовавши шаблЂ свои, на око обступленихъ, отступити не хотЂли и ночъ цЂлую на пилнЂйшомъ оку, научени справою остраниновою, онихъ мЂли и до дня пришлого додержали. Однось новину шнЂgу остранино†и его злому товариству, ижъ ему уже правую руку оттято, gди такого люду купу и зъ рейментарами утратилъ, однось, же и око стратилъ, бо, за такою вЂстію, не сегодня обачить такого юнака, однось, же и голову стратилъ, бо себЂ щиршаго надъ нихъ зналЂзти не моглъ, однось, же и душу стратилъ, бо тая невинная кровъ о помсту на него волаеть до неба.

РОЗДЂЛЪ 4.

Суплекаціи войска путивлцового и резолюція ихъ.

Ясне велможній мосцЂ пане полковнику войска его королевской милости коронного, пане нашъ милостивій!

Упадаемо до ногъ вашои милости мосцЂ пану нашому милостивому, ми утрапленіи найнижшіи слуги и подножкове; подъ тіи нещасніи бунти и своволенство не моглисмо потра-/218/фити, где кинутися, сила насъ такихъ нещаснихъ слугъ и подножковъ короля его милости, пана нашого милостивого знайдовало, чуючи такое писане вашей милости пана и добродЂя нашого пошлисмо были до старшого, полковника войска его королевской милости запорозскаго, ГелЂяша Караимовича, ажъ насъ не потЂшная и не пожитечная вЂдомость стрЂтила у перевозовъ, же Остранинъ листи заелалъ такіи свои, еслиби не мЂли де него пойти, огнемъ и мечемъ хотЂлъ насъ казнити; за грЂхи наши смертельніи мусЂло намъ такъ статися, жесми невинніи люде пошли, мЂновите то насъ найгоршая споткала невиннось, жесми увЂрили листо†остраниновому, въ которомъ писалъ, же уже трактати дойшли зь велможностю вашою, нашимъ милостивимъ паномъ и добродЂемъ и росказалъ вашъ мость до себе ихати, аби въ купЂ войско было, а меновите до реестровъ. Ми невинніи люде сидЂли дома, а кгди грЂхъ стался якійсь, якъ крилами налетЂлисми на кровъ, которой сила мусЂло вилитися зъ людей невиннихъ, присягаемо на Богъ живій; жесмо не на войну ишли и не мислили и руки подеймовати на кроля его милости пана нашого милостивого и на рЂчъ посполитую и противко вашой милости, милостивого пана и добродЂя. УлЂтуйся ясне велможній милостивій пане и добродЂю надъ нами, невинними людми, не дай намъ всЂмъ погинути и кр†невинной болшей ся лити, которая кровъ невинная волаетъ до пана Бога, бо въ томъ не наша воля была, але тихъ, которіи недавно зъ Запорожя війшли, намъ мешкаючимъ на самомъ краи зъ обохъ сторонъ, але отъ Запорожцовъ меновите, которіи частокроть прохожаются. На тое милосердіе нехай будеть вашои милости ясне велможного милостивого пана, нехай бисми ся до домовъ своихъ вернули и Господа Бога за щасливое пановане вашей велможности просили и до Остранина не мислимо ити. Змилуйся милостивій пане, рачъ насъ пустити до домовъ своихъ, а зъ домовъ своихъ готовисми на услугу вашей милости, нашого милостивого пана и старшого своего пана полковника, которій намъ естъ /219/ доданій зъ росказання его королевской милости и ихъ милостей пановъ гетмановъ короннихъ и вашей милости, милостивого пана нашого. И тое тежъ вашей милости, милостивому нашому пану ознайменуемъ, же старшогосми собЂ нинЂшного дня упросили — Ивана Василевича, которій на тое праводить, аби до ногъ упасти вашой милости, милостивому нашому пану и старане хоче мЂти, жеби и Остранинъ зъ своею компанЂею упалъ до ногъ; о що и повторе и подесяте упадаемо до ногъ вашой милости, милостивого пана нашого о милосердній ратунокъ. Дано зъ окопу ве сроде.

Ясне велможности вашой, а намъ милостивому пану найнижшіи подножкове

Иванъ Василіевичъ.

На такіи суплЂки, таковій респонсъ отъ его милости пана полковника одержали.

Не тилко зъ того смЂлаго. проgрессу нашого и руки поднесенія на Его Каролевскую милостъ, пана нашего милостиваго и войско его познати то, зъ якою интенціею, и куды, и на що есте ишли, але изъ самаго того писанія вашого, жесте волЂли гултая Остранина, а нЂжели Кроля Его милости, пана нашего милостиваго и его полковника слухати, за що негодны есте и милосердія; едно ажь такъ часто присите, поневажь отступилисте старшину, которая васъ тутъ привела, а инихъ обиралисте себЂ, я учиню оное зъ вами, але за таковими кондиціями: первая, абисте старшину давную видали, то естъ: Путивлца и РЂпку, другая абисте заразъ на службЂ при ГелЂяшу полковнику зостали, вЂрность присягою затвердивши.

Отписують козаки: ижъ то суть люде невинніи, Богомъ свЂдчимо, болшъ то суть въ службЂ Его королевской милости и потомъ волно ихъ взяти будеть, а РЂпка, раннимъ барзо будучи и подданимъ вашей милости, милостиваго пана нашого зъ Кременчука, въ рукахъ будеть на службЂ; заразъ оставатися не можемо, бо много хорихъ маемо и забитихъ, одвезши ихъ /220/ до дому, за полъ тижня ставимося вашей милости, милостивому пану нашему, где роскажешъ. Але его милость панъ полковникъ иначей до милосердія не приступовалъ, прето они на завтре, 19 мая, оджаловавши Путивлца и РЂпки, [Путивлецъ и РЂпка отдани Полякамъ отъ своихъ.] одислали ихъ его милости пану полковнико†и такъ милосердіе найдовалн. Памятна мнЂ есть наука кролевой Молошовъ, которая зъ Греціей утекаючого Темистоклеса, аби его быль король ей принялъ подъ оброну и давніи ему неприязности отпустилъ, такъ короля просити научила, gди король ворочатися будеть зъ произдки, заступи ему въ брамЂ, а возми сина его на руцЂ, а поднесши его противъ нему мовъ такъ: презъ того сина прошу тебе, прійми, отпусти, не видавай. Учинилъ тое Темистоклесъ и ласку одержалъ. То учинили казаки: за свое сваволенство годны были смерти, але же ихъ научено, аби для милосердія Путивлцемъ заслонилися, випровадили нуждника и отдали: нехай твоя голова за всЂ наши голови, прощай насъ сподару.

РОЗДЂЛЪ 5.

О ВисЂченю табору Путивлцового.

[За Путивлцемъ и его войско пропало.] Кгди отдавши старшину, зъ его милостю паномъ воеводичомъ посланніи козаки о далшее милосердіе просячи, розмовляются, а рицерство оточеніи таборъ войскомъ, на себе поглядаючи и подъ хорогвами много товариства своего для зряненя и забитя не видять, коней своихъ позабиванихъ много подъ таборомъ бачать, жалемъ великимъ здятіи, до гнЂву побудилися и, впадши до табору, всЂхъ вистинали и такъ не тилко надъ Путивлцемъ, але и надъ всЂми своволними кривди Его короле-/221/вской милости и своей зомстилися. ВъправдЂ и непріятеле†доховати треба вЂри, а звлаща gди интенція рЂчи посполитой не инная была, толко ускромити козаковъ, але не вигладити. И подобно въ томъ и нЂякіе его милости пана полковника коронного будеть разумЂлъ не ушановане, але дати мЂстце мусить и жале†не утоленному жолнЂрскому при такой нуждЂ и шкодЂ; або тежъ то туго справу прійдеть самому Богу и Его диспозиціей приписати, которій суровій гнЂвъ на кривоприсяжцовъ и турбаторовъ покою посполитого оглашаеть: не ровняйся зъ людми злими и не хоти быти зъ ними Proverb. 24. Болшъ и такая справа, аби были до домовъ пошли, яко напиралися, не малую би трудность принесла была, поневажъ Остранинъ зъ войскомъ былъ, готовій ку запорозскимъ границамъ, а gди ихъ такъ знесено, страшнЂйша рЂчъ сталася всему непріятелевЂ. АннЂбало†незвитяженому кгди предъ очи и обозъ кинено голову брата его Аздрубаля, обачивши збитое войско и брата голову, сердце и сили отъ него отступили. Такъ gди Остранино†кинуть предъ очи Путивлца и такъ много головъ, Шикиравого голову, и Скадана, и иннихъ бунтовниковъ прійдеть на него перепастница подъ литки и утЂкати мусить, чого сподЂватися и по ОстранинЂ за такимъ такъ чолнихъ козаковъ побитъемъ: «Се злое предъ лицемъ Господнимъ» Jud. 3. Чистимъ полемъ уже обернули хорогви ку обозовЂ, аби за Остраниномъ поступили; на путь правій да наставить васъ Господь!

РОЗДЂЛЪ 6.

Реестръ печатаровъ потреби зъ путивлцемъ.

Хороговъ его милости пана Каменецкого.

Д†хорог†его милости пана марграбіого, старости Гродецкого. /222/

Хороговъ его милости пана Вишневецкого ЕремЂя.

Хороговъ его милости пана Вишневецкого Александра.

Хороговь его милости пана старости Ляцкорунского.

Хороговъ его милости пана Павловского.

Хороговъ его милости пана Загоровского.

Хороговъ его милости пана Гдалинского.

Хороговъ его милости пана Мочарского.

Хороговъ его милости пана Коморовского.

И много инного товариства зъ подъ рознихъ хорогвей, такъ квартіалнихъ яко и панскихъ, тую зъ Путивлцемъ потребу печатовали.

Нагробокъ рицерству коронному.

Jak śliczne słonce sprosna ziemia tłumi,

Tak szlachecką krew chłop nikczemny gromi.

Patrz servilia bella co umieią:

Mężnie się potykasz, a oni śmieią;

Stań senatorze wysoko zrodzony!

Smielszy chłop będzie y nieukorzony;

Nam Bog na niebie uchyli zasłony,

Zniesie ecclypsim y da wieczne trony.

Bo dla oyczyzny y Boga samego

Padniem na placu bez żołdu wszelkiego. /224/

IV.

ЧАСТЬ ЧЕТВЕРТАЯ.

О НАСТУПОВАНЮ ЗА ОСТРАНИНОМЪ.

РОЗДЂЛЪ 1.

Осторожность его милости пана полковника по отриманомъ звитязствЂ.

[Осторожность Поляковъ по виграной.] Для осторожного житя и поступку въ справахъ вшелякихъ хвалебного, права, даного себЂ, зъ пилностю стражи перестерЂгали, между которими правними правилами мЂли тежъ и тую едну регулу, даную отъ Кронида: хто въ домъ дЂтемъ своимъ мачуху приведеть, той не чести, але безчестія достоинъ, яко домаганой незлагоди причинца. Остре право то еднакъ въ христіянст†не маетъ уваги, анЂ мЂстца, бо и Евангеліей право и юридика свЂцкая загородила тимъ дессенсіомъ. Еднакъ до полковниковъ и рейментаровъ войскъ отвернутися можеть. Той, которій есть на мЂстцу гетмановъ, такъ острожнимъ быти маеть, яко отець, пилнуючій вшелякого припадку синовъ своихъ, /225/ аби яко за отчимомъ домъ, такъ за нимъ войско не упало. ПерестЂрегалъ его милость панъ полковникъ вшелакой оказіей противной, [Полскіе чати розослани.] отдавши теди Господу Богу дяки, послалъ на чату его милости пана Хростовского ку ДнЂпро†долному, въ другую его милости пана Длотовского, частю аби забороняли купъ, частю аби зкупленнихъ розгромили. Вишедши на чату въ килку сотъ коней, нижей Сокирной подъ ЕремЂевкою засталъ сто тридцяти сваволенства панъ Хростовскій, [Подъ ЕремЂевкою знайдено козаковъ 130 и знесено мая 22.] которіи, постерегши людъ, до двохъ халупъ замкнулися и боронили, дойщолъ ихъ панъ ротмистръ и огнемъ знеслъ 22 мая; оттуду отшедши, а видячи прейсте волнее, вислалъ зъ половину чати ку Кіеву, Захаріяша и ЗалЂского реестровихъ 25 мая, а самъ ку Терехтемирову поступилъ, обигнавши береги надъ ДнЂпромъ чатою, взяли вЂдомость, ижъ по за ДнЂпромъ есть щось сваволенства, але тутъ не маешъ, принесли и то, ижъ у Терехтемирова мають пепереправоватися, [Чати полскіе по надъ ДнЂпромъ.] дойшли и того, же князь Вишневецкій ЕремЂй зъ людомъ немалимъ уже переправился презъ ДнЂпръ; одислалъ тую вЂдомость до его милости пана полковника коронного, а самъ до Терехтемирова поспЂшилъ 6 іюня, напавъ на людъ козацкій ниже Терехтемирова, [У Терехтемирова промислъ военній.] которій до гори водою ишли, тамъ ся зъ ними галасовалъ день цЂлій, боронячи перейстя; гинули якъ бестіи, але еднакъ, конно берегомъ ходячи, трудно было заборонити, и самого пана Длотовского мало тамъ зъ самопалу не назначено. Вернулся зъ чати и засталъ князя его милости ЕремЂя, 7-го іюня, зъ людомъ своимъ и князя его милости ДомЂнЂка и зъ людомъ ей милости паней канцлириной, [Посилокъ войскъ зъ полски прибилъ до обозу.] зъ людомъ ей милости паней конюшиной, прійшолъ подъ обозъ коронній и осмого іюня до обозу входилъ, которое его прійсте такъ велце милее было зтруженому рицерству, ижъ якоби ангелъ якій зъ неба до нихъ, отъ Бога посланій, пришедъ, не потреба тамъ было питати: кто естесь, чи жолнЂръ, чи шляхтихъ, кто яко пріехалъ, але дивоватися потреба было, смотрячи на шляхту родовитую и достатнюю, досвЂдченого жолнера: ишла изда усарская не преламанихъ /225/ силъ, ишли козаки арматніи, ишли сагайдачніи, ишло пЂхоти виборной гуфцами не сотнями, ишолъ зъ ними той, которій умЂлъ радЂти *), въ маломъ тЂлЂ великихъ силъ и неулякненого сердца, которому найнебезпечнЂйше мЂстце иgриско было. Дають такую повагу его княжеской милости въ справахъ военнихъ и рицерство коронное и чужоземскіи войска, а надто ясне велможній его милость панъ воевода Брацлавскій и гетманъ. Прето такой зичу слави въ далшомъ проgрессЂ вашой княжой милости, аби тое писано о вашой княжой милости, со apud Carionem de Alcibiade piszą: Alcibiadis fuit excellens ingenium, fortitudo, industria ef felicitas in praeliando tanta, ut semper ea pars, cui adfuit, vicerit.

*) Въ подлин. Околь: Qui his omnibus imperare noverat — который умЂлъ всЂми ними распоряжаться.

РОЗДЂЛЪ 2.

Компутъ войска, которее пришло подъ ЛубнЂ зъ княземъ его милостю Вишневецкимъ ЕремЂемъ.

Его милости пана воеводи краковского усарЂ: панъ полковникъ Брозовскій, панъ Гризовскій, панъ Чорній, подстаростій бЂлоцЂрковскій; козаки, панъ Островскій и д†другихъ хоругвей; пЂхоти чотириста, Зазновицкій, драгуновъ сто. Людъ ей милости паней Канцлириной, которихъ проводилъ панъ хорунжій брацлавскій, Дикъ — чотириста. Людъ князя его милости Владислава ДомЂника Острожского, конюшого коронного: полковникъ его милости Хоецкій. Людъ князя его милости Вишневецкого: драгуновъ 100, козаковъ двЂстЂ, Венgровъ сто, Украинскихъ людей тисяча, арматъ шисть. Ей милости паней конюшиной коронной Вишновецкой зъ паномъ стражникомъ: уса-/226/ра 100. Панъ Дубенскій Еразмъ и козацкій панъ Барановскій — пЂхоти 200. УсарЂ: Хороговъ его милости пана Адама Калушовского. Его милости пана АндрЂя ЧерамЂнского 100. Его милости пана СтанЂслава Горского 100. ПятигорцЂ: пана.Чечеля Семена 100, пана Ивана Вороновского 100. Пана АндрЂя Русиновского 100, пана АндрЂа Олдаковского 100. Козаки: Пана Прилуцкого 200, пана Стефана Липского 200, Татаровъ двЂстЂ. Драгуновъ съ капитаномъ Петерсаномъ 200. ПЂхота: его милости пана Дубовского 100, пана АндрЂя Севлюка 100. Пана Ляgевнецкого 100, пана Лукаша Венgрика 100. Арматъ 6 зо всЂмъ оппаратомъ военнимъ.

РОЗДЂЛЪ 3.

Новина зъ обозу и до обозу отъ гетмановъ ихъ милостей.

[О знесеню Путивлца зъ немалимъ ущербомъ короннихъ.] Дня 24 мая, чинячи досить повЂреному себЂ урядовЂ, его милость панъ полковникъ коронній въ томъ пляцу военномъ, одислалъ вЂдомость о Путивлцу ихъ милостемъ паномъ гетманомъ и о немаломъ нарушеню короннихъ, але, ижъ таковая битва, иначей не умЂетъ, толко зъ обохъ сторонъ уражати, дали ихъ милость панове гетмани коронніи тую надЂю войску: напередъ его милость панъ краковскій, ижъ ся уже зъ Полши на Подоле обертаетъ; другая, ижъ его королевская милость потребуеть по его милости пану гетману полномъ аби, до войска на Украину, яко напрудшей поспЂшилъ, для забЂженя купомъ своволнимъ; третая, ижъ рЂчъ посполитая для рицерства много учинила на сеймЂ, чверть даровано, банЂціи позношено, донатіумъ постреленнимъ и заплату всЂмъ въ остатнЂхъ /227/ дняхъ августа обмислено, на що все его королевская милость унЂверсалъ рицерству дать таковій рачилъ:

Владиславъ четвертій зъ Божой ласки, король полскій, великій князь Литовскій, Рускій, Прускій, Мазовецкій, Жмудскій, Инфляндскій, Смоленскій, ЧернЂговскій и Шведскій, Готфскій и Вандалскій дЂдичній ,король.

ВсЂмъ вобецъ и кождому зъ особна, кому тое вЂдати будеть належало, меновите: полковникомъ, ротмистромъ, капитаномъ, поручникамъ и всЂмъ стану рицерского людемъ, на службЂ нашей и рЂчи посполитой будучимъ, вЂрно намъ милимъ, ласку нашу королевскую. ВЂрне намъ миліи! за прибитемъ пословъ вЂрности вашой на сеймъ близко прешлій, вирозумЂвши постулата всего войска до насъ принесенніи, на то, що колвекъ до уконтентовання вЂрностей вашихъ нележало, охотносмы, за зезволенемъ всЂхъ, на права рЂчи посполитой присмотруючися, при офЂрованню далшой всему рицерству ласки нашой, позволили, зоставуючи въ службЂ вЂрность вашу, которая почалася первого марта, окончитися маетъ первого сентеврія, наполинаючи при томъ и мЂти тое по вЂрностяхъ вашихъ хотячи, абисте ся вЂрность ваша при вшелякой скромности, безъ утяженя людей убогихъ заховали, а перестерЂгаючи артикуловъ военнихъ, жадной до ускаржаняся причини недавали, що ми, яко инніи прислуги, отъ вЂрностей вашихъ мило принявши, онимъ ласку нашу панскую, въ подаваючихся окказіяхъ, офЂруемо. Данъ зъ Варшави. Дня 5 мая, року 1638 панованя королевствъ нашихъ: полского и шведского 7. Владиславъ король.

Iоанъ Гембицкій С. К. М.

Уконтентованіи такимъ писаніемъ отъ ихъ милостей пановъ гетмановъ короннихъ и его королевской милости пана своего милостиваго, цнее рицерство и синове коронніи, пра†всЂхъ трудовъ и небезпеченства непріятелского позапамятували и, якобы отживленіи якою найкоштовнЂйшою алхимитскою вод-/228/кою, новіи сили взяли и, ку непріятеле†сили заостривши, службу его королевской милости пану своему милостивому и рЂчи посполитой цЂле и кровю освЂдчали; и нЂgди инной нагороди не мЂлесь сподЂватися цній военнику и обронцо корони полской по такъ много ласковымъ и добротливомъ пану и королю милостивомъ и при уважномъ сенатЂ его, би толко твоя была персеверанція, помЂръ часовъ узнавши, въ кроку своемъ задержоватися, за которою все доброе и жолнЂро†идетъ, о которой и самъ Бернардъ святій въ епистоліи 169 такъ мовить: терпЂти подъ часъ такъ есть пожитечно, ижъ нЂчого пожитечнЂйшого быти не можетъ; жолнЂро†кинешъ на сторону тую цноту терпЂнія и почеканя и прислуга твоя не возметь слушной нагороди и мужество твое не сдержить подобной слави.

РОЗДЂЛЪ 4.

О наступованю за Остраниномъ ку СпЂкороду и взятю Шекеравого

[Іюня 10 зъ подъ Лубень рушило войско полское ку Остранину.] Кгди надъ сподЂване, за волею знать Бозскою, на кару сваволенства, а славу войскъ короннихъ, Путивлець зъ людомъ упрятненіи, заразомъ его милость панъ полковникъ, знесшися зъ ксіонженцемъ его милостю Вишневецкимъ и инними старшими надъ людми паньскими, обернулъ ку СпЂкороду сподъ Лубень 10 іюня, бо Остранинъ хотЂлъ всЂ сили обернути ку обозови, пришедши одъ Лукомля на тую сторону ку СпЂкороду, виправилъ былъ Гиравого, полковника своего подъ обозъ и на инніи сторони чати потужніи, самъ въ малой купЂ на /229/ ШпЂкородЂ зоставши. Не малій то ероръ былъ у Остранина, знать ижъ Богъ нань бичъ готовилъ, же ся такъ барзо злегчилъ. ПриспЂшить полкъ коронній передъ войскомъ: хороговъ его милости пана Четвертенского, его милости пана Мелецкого, его милости пана Казановского ку СпЂкороду, задержують ажъ войска наступять, о полуднЂ учинять ассалтъ, але, видячи себе въ щуплой горсти для розысланя на чати, (Остранинъ) боронячися ку ночи, [Остранинъ до Лукомля уступилъ.] уйшовъ ночю до Лукомля, ачъ Богу сЂющій не злагоди между братіею *) есть неблагопріятенъ.

*) Въ подлин. Околь. слЂдуютъ слова: a temże słowem nazwać i principes regni — а подъ этимъ словомъ можно разумЂть первенствующихъ въ государст†(т. е. дворянъ).

Наступилъ, за уступленемъ Остранина зъ пляцу немалій полкъ зъ Шикеравимъ своеволнихъ подъ обозъ, а ижъ въ ночи прійшолъ, [Шекеравій на его мЂстце прибылъ зъ чати.] для лЂпшого розезнаня що за обозъ и людъ, одшедши отъ своихъ для гуку, на дуба впялся и такъ присмотрувался. Постерегли того реестровіи козаки и, прискочивши, взяли и князю его милости Вишневецкому отдали, [Шикеравій взятъ въ руки Поляковъ.] былъ то давній козакъ, свЂдомій моря и бунтовъ принципалъ; много умЂлъ здрадъ и чаровъ на повЂтря, на стрЂлбу, але кому идеть на погибель и ворожка не допоможе; тЂшило то немало реестровихъ, же его достали и, якоби уже самого мЂли Остранина, такъ контентовалися. Людъ, которій былъ зъ Шекеравимъ — до полтори тисячи, [Шекеравого залЂцене. Войско Шекеравого.] видячи же стратили марне старшого, о себЂ почали радитися, ушедши на певніи болота и хворости, [Промислъ надъ нимъ Поляковъ.] засЂклися и нЂякіи заслони починили, а кгди ихъ тамъ въ ночи козаки добували реестровіи, не врадивши имъ, отступили; на завтрее 11 іюня наступають драгуни князя его милости Владислава ДомЂника Острогского и барзо великій импетъ учинять на засЂченихъ, приходить инна пЂхота ку нимъ и такъ козакомъ ліонтами докучили, ижъ, зъ пляцу уступуючи, въ далшіи болота поухожали, а же на нихъ що разъ наступовали, съ обохъ сторонъ пасти мусЂло: полеглъ тамъ великій иджинЂръ и капитанъ его милости князя ДомЂнЂка, [Ущербокъ Полякамъ.] полегло немало такъ оффЂцеровъ, яко и пЂ-/230/хоти, [Погоня за Шикеравцами.] а же наступовати за непріятелемъ треба было и то бто росказане его милости пана полковника, бо и тіи роспрошени Шекеравого мЂли зъ себе кари, (sic) поневолЂ имъ кватеръ позволеній былъ, за которимъ своеволній козакъ утЂкати, охочій жолнЂръ за непріятелемъ наступовати часъ мЂлъ; наступуючи теди за непріятелемъ розними дорогами на купи, стягаючіися ку ОстраниновЂ, [У Александровки битва.] напали а меновите у Александровки, где и товаришъ добрій его милости Гижицкого — Микулинскій запечатовалъ и инніи того снЂданя скоштовали, любо то болшей завше своеволнихъ людей ку себЂ чортъ притягалъ. Вислалъ теди передъ войскомъ его милость панъ полковникъ коронній килка хороговъ зъ его милостю паномъ Gдержинскимъ, ротмистромъ за Остраниномъ ку Лукомлю, а меновите для переправи у мосту на рЂцЂ СулЂ. Догонила чата своеволнихъ, опановала мостъ, [Чата полская утЂкала.] але ижъ малая горсть на купу тисячами козаковъ, уступити мусЂли отъ мосту и заледво уйшли на ЛубнЂ, а ижъ наступовало войско коронное тимъ же торемъ и передъ ними полкъ упережалъ, опановати мостъ усиловали, але козаки, додержати не могучи, огонь положили подъ мостъ и запалили, еднакъ такъ жартко ся люде его милости пана Казановскаго, его милости пана Гижицкого, его милости пана Коморовского, увіяли, ижъ отгромили мостъ и угасили; наступовало теди войско и переходило, [Остранинъ ку Жолнину уходить.] а Остранинъ ще прудшей ку Жолнину уходилъ, еднакъ охотнЂйшій жолнЂръ его утЂчкою зостаючи, охотнЂй наступовалъ и догонило его войско нижей жолненскихъ млиновъ, которого и до дня пришлого додержали тамъ, що Господь Богъ покажеть и справити будеть рачилъ, мощно, и мудре, и мЂрно зносити. /231/

V.

ЧАСТЬ ПЯТАЯ.

О ПОТРЕБЂ ЗЪ ОСТРАНИНОМЪ ПОДЪ ЖОЛНИНОМЪ И ЗЪ ГУНЕЮ.

РОЗДЂЛЪ 1.

Уже перестережоное будучи подъ СпЂкородомъ рицерство, ижъ уже утренки не чекаетъ Остранинъ, але хочетъ самимъ ухожденіемъ змордованое рицерство и надъутленои конЂ доконувати, ажби погоду усмотрЂлъ, [Битва зъ Остраниномъ.] барзо рано попередять ихъ и, въ спра†станувши, до неба о помощъ восхтнули, и о таборъ козацкій ударилися, наступовали тамъ такъ горячо хорогви такъ кварцЂяніи, яко панскіи, ижъ не розизнати было, хто певнейшимъ былъ наступовати, за ровнимъ сердцемъ, едностайнимъ мужствомъ, зъобополною охотою, не смотрячи шкоды, урази, смерти, розирвали таборъ, моцно скрепленій и огнемъ, рогатинами добре обостреній, дотолъ ажъ болшую половину розирвали, арматъ осмъ и порохи опановали, [Таборъ взятъ.] таборъ, якъ пустинею /232/вскрозъ переходили. Остранинъ, обачивши гвалтъ и упадокъ свой, презъ рЂку Сулу вплавъ перейшовъ, при едномъ бунчуку толко зоставши. Щасливий заправди початокъ дня того тринацятого, але Богъ еще викторію задержалъ, чили ижъ еще доситъ справедливости не сталося, чили на ихъ еще упомненіе, чи що таковаго при томъ розриванію табору бозскій маестатъ образило, не розумЂю о томъ такъ далеце, але розумЂю, ижъ необичайное загнанеся за утекающими, що не тилко щуплело войско короное, але и допустило часу, аби ся запертіи въ таборЂ позостали, а ти, въ диспирацію впадши, за наступованіемъ за собою, аби знову до табору и исправи пришли, що когда сталося, учинилась такъ крвавая потреба зъ обохъ сторонъ, ижъ срожшая быти не могла; полегло великаго тамъ сердца люду немало, [Шкода въ Полякахъ.] между которими давній и добрЂ заслуженій поручникъ его милости пана Миколая Гербурта, каштеляна каменецкаго, старости скалского — панъ Билина, его милости пана марграбіого поручникъ — панъ Владиславъ Ташицкій *), полегло такъ много товариства, такъ рицерства кварціалнаго яко и панского, ижъ веловЂко†жаль и перомъ онихъ вспомнити (недопускаетъ) **)

*) Въ подлинникЂ Окольскаго слЂдуютъ слова: poległ porucznik, wojsku koronnemu dóbrze świadomy jego mosci pana Bałabana, starosty trembowelskiego, pan. Wróblewski.

**) Въ подлин. Околь. слЂдуютъ слова: Patrzcie proszę, jako pomieszaną sprawą czoła swego i wojska, do srogiej rezoluciej przyszli, ktorych ani tytuły szlacheckie, ani dygnitarstwa godne, ani szerokie jakie domy, familje, majętności do tego upomnieć nie mogły, tylko hardość chłopska, niejaki pretext wolności, a uchrona zdrowia. Trudnoż tych do postanowienia sejmowego nachylić, według upomnienia ich mościów panów hetmanów i woli jego królewskiej mości pana naszego miłościwego, jako się w pisaniu swojem z Baden oświadczał, których nie rozum, ale upor przy swawoleństwie na szańc razi i skupiwa. — Взгляните-же до какой они ужасной рЂшимости пришли, послЂ переворотовъ, произшедшихъ въ войскЂ ихъ и въ предводителяхъ; они уже не удерживаются почтеніемъ къ шляхецкому званію, къ высокимъ должностямъ, къ стариннымъ родамъ, и къ богатымъ помЂстіямъ, ихъ руководитъ единственно дерзость мужицкая, какая-то мнимая свобода и желаніе безопасности. Потому то и трудно убЂдить ихъ повиноваться сеймовому постановленію, какъ этого желали Гетманы и Король, (изъявившій это желаніе въ посланіи своемъ, присланномъ изъ Бадена); ибо ихъ не разумъ, но упорство, удерживаетъ и подстрекаетъ къ своеволію. /233/

усиловали еднакъ такъ потужно ихъ милость панове рицерство, аби ихъ доставати, але они, нового себЂ старшого обравши, [По Остранину учинили себе старшихъ козаки Дмитра Гуню.] Дмитрия Гуню, при которомъ такъ суровій себЂ Марсъ станцЂи записовалъ, до ночи тривали и въ ночи таборъ около табору кинули. Зайшла нощъ, gди тое утишила; въ день чотирнадцатій знову зачалася война, [Знову битва.] шанци засажаеть князь его милость Вишневецкій ЕремЂй, самъ себе не шануючи, приводитъ своихъ до охоти, дають огня досить, рицерство короное кровю братіи и шляхти побуждено, наступаетъ въ такъ великомъ теди сердцу и силЂ шляхецкой; пригасла смЂлостъ хлопская, [Козаки просять милости.] просять о милосердіе, аби толко до нихъ послано для розмови усилують. Задержить руку его милость панъ полковникъ и сили князя его милости милосердія позволять, пошлютъ имъ его милости пана Дика, хоружого брацлавскаго зъ его милостю паномъ обознимъ князя его милости ЕремЂя, которій тамъ пріехавши, [При такихъ кондиціяхъ.] подали имъ кондиціи покою козаки: 1) аби Еліаяша Кораимовича полковника вЂрного и найпервейшаго реестровихъ козаковъ самошестого видано; 2) аби имъ новіи хорогви дали, 3) аби имъ армату, взятую подъ Кумейками вернено, 4) аби имъ того конфЂрмовано на старшинство, кого они захотять, а потомъ трактовати далЂй будуть. На тое речеть его милость панъ хоружій: вшакъ ви естесте которіи о милосердіе просите, не войско короннее, а чемужъ такъ гардо поступуете. Не дали болшей говорити его милости пану ДиковЂ, але ему скоро отъихати казано, потимъ зпитають: якъ вашу милость зовуть. Речеть: Дикъ. [Отправа пословъ полскихъ зъ обузу козацкого.] ЗдумЂвшися, рекли: Дикъ, идижъ, щоби дикованя зъ тебе небыло, и заледво на стрЂленіе зъ лука отъ окопу ихъ отъихалъ, випустили за нимъ зъ два тисяча стрЂлби, где подъ конюшимъ коня забито. Уважтежъ гардость хлопскую и правду. Уважне на тое сеймъ коронній поизрЂлъ быль, але до того трудно приспособити буйволоватую шію, которая збороняеться роботи власной и доколь не принаглишъ и не примусишь, немного справишъ, еднакъ такой смЂлости додала окказія тая хлопомъ, ижъ дано имъ певную вЂдомость же Скиданъ, [О Скидану вЂдомость у козаковъ.] которого вислалъ былъ Остра-/234/нинъ до Черкассъ для суккурсу и аппарату военного болшого, уже переправуется презъ ДнЂпръ и тоейже ночи мЂетъ до нихъ приходити, якожъ и прибывалъ. ВЂдалъ о томъже его милость панъ полковникъ и вислалъ чтири хорогви квартіалніи козацкіи зъ ЕлЂяшомъ и реестровими, кгди моцно его потикали, gди ся одсунувъ отъ ДнЂпра, чолни при ДнЂпрЂ зоставлени и стражу надъ ними, посекли, попсовали. [ВЂдомость у Поляковъ гетманахъ ихъ зъ войсками къ нимъ идучихъ.] Пришла въ томъ вЂдомость до обозу, ижъ его милость панъ гетманъ полній прибылъ ку Кіеву, дороги позаступованіи отъ небезпеченства очистилъ, людей гроно: полковниковъ и ротмистровъ за нимъ идеть, а за нимъ скоро его милость панъ краковскій, которій уже зближился ку Подолю, наступуеть, дойшло то вЂдати и свиволенству, прето, аби не чекати пристя гетманского едни радять, другіи еще щастя спробовати при СкиданЂ зичать. [Знову битва зъ Гунею и Скиданомъ Поляковъ.] Шистнадцятого теди іюня знову его милость панъ полковникъ, знесшися зъ княжескими и панскими людми, о таборъ ударить людъ свЂжій и змордованій, досить маючи пороховъ и людей острости, добуваеть, рицерство въ чулости своей и сердцу не звитяженимъ (наступаетъ, многихъ козаковъ) зражено, прето о себЂ радити почали и о мЂстцу оборонЂйшомъ промишлювати, [Скиданъ раненъ. ] а Скиданъ между забитими знайденій живъ, до Чигирана одосланій, але внетъ тое винюхали реестровіи, бо и смокъ не будетъ смокомъ, ажъ смока згризеть, вислано килка хорогвей зъ реестровими на чату, аби тамъ Скидана шпЂgовано, где и чолни козацкіи, познаходивши, порубали и попалили. [Не престаеть война.] Дня 17 не престаеть его милость панъ воеводичъ кончити неприятеля, виславши на чату ку Терехтемирову и монастирю его милости пана Хростовского ротмистра, которій на завтре зъ передною стражою ихъ стрелялся и, нападши на чолны ихъ гултайскіи, оніи порубалъ, потопилъ, самихъ, змордованихъ алтернатою, псовати и топити не преставалъ и любо волали милосердія, уже за першимъ своимъ поступкомъ негодни его были, але годніи, аби были мечемъ виглаждени. [Гетманъ полскій копно прибилъ въ Переяславль.] Гди такъ щоденна утарчка за прихожденіемъ сваволенства множится, дадуть знать 10 іюня, ижъ комонникомъ его милость панъ гетманъ, армати и кулЂ и инніи тяжари зоставивши подъ /235/ Кіевомъ, до Переяславля прибЂжалъ. Увеселился велце жолнЂръ коронній и людъ князя его милости зъ княземъ ІеремЂемъ миле пріймовалъ новини, [Новее войско козацкое.] але своеволній козакъ, которій прибалъ до монастира того дня въ полтретЂ сотъ чолновъ, а тисячи Ђзди, розсипался розно, а Гуна въ своемъ обозЂ, [Гуня ушовъ зъ войскомъ до мЂсца обороннЂйшого.] gди тое услишалъ, ночю, мостъ себЂ скоятивши, къ устю Старца рЂки, где въ ДнЂпръ впадаеть, уйшедлъ зъ войскомъ. МЂстце обороннее то есть, мЂло окопъ готовій здавна, gди на томъ мЂстцу, яко намъ Себестеяновичъ поведилъ козакъ, передъ тимъ былъ обозъ, где тежъ доставалъ козаковъ князь его милость Вишневецкій, староста черкаскій, якожъ и теперь тамъ найдовано остроги старосвЂцкіи; мЂетъ тое мЂстце досить води, дровъ и паши для коней и берегъ ДнЂпру безпечній, которое теперъ такъ есть уфортефиковане и внутръ и отъ поля, [МЂстце оборонное козакомъ.] ижъ брама ихъ завше оттворена бывала; дивовался тамъ не еденъ индженЂръ праци и доброй инвенціей грубого хлопа, смотрячи на укрунтованіи вали, шанци, батеріи, заслони, бо хочажъ би войско воронное бистростю коней и вспанялостю сердцъ преникало было ихъ долини, перекопи земніи, дири, а персами ламали дубовніи ихъ палЂ и густіи коли, привалки и вали мужне перейшли, еще болшихъ силъ потреба было и новой отваги зажити *).

*) Въ поддин. Околъск. слЂдуютъ слова: ...opanowawszy ich wały, zażyć na to, aby ich wewnątrz dostać miano. — ...для того, чтобы, завладЂвши валами взять укрЂпленія внутри оныхъ находящіяся.

Але не дивъ, же такой заживали праци, gдижъ десперати казусъ учинять и великого богатира. и силного мужа, а до того gди надъ собою видЂли гримящую руку Вишняго, которій, боронячи помазанца своего, его королевскую милость маестату, на каждомъ пляцу сромотне имъ гинути, сромотнЂй уходити росказовалъ; не вЂдаючи теди, що чинити таковіи обороти, не такъ для наступованя, яко для своего заслоненя чинили, яко то частніи суплЂйки ихъ, жаданя милосердія показують. Такимъ способомъ поступовалъ себЂ онъ ребелЂзантъ великій пану своему, [Прикладъ зъ Атеніона на козаковъ.] Атеніонъ пастухъ, которій на пана своего зрадливую и бережную /236/ поднесши руку, окрутне его замордовалъ и, виламавши съ турми вязнЂ, взялъ на себе пурпуру и срЂбній кій взялъ въ руки; потомъ зобравши gмЂнъ хлопства, веси, мЂетечка, замки, найзжалъ, лупилъ, видиралъ, которого такъ не тилко фортуна пЂстовала, ижъ два крати зражалъ войска преторовъ, а два кратій обозъ одибравъ. Але ижъ то память несправедливости была, которую завше Богъ ображался, докладаеть Флорусъ Liber III, ижъ подалъ его Богъ на вЂчную ганбу: анЂ великость хлопства, анЂ оборони твердость, анЂ стрепЂтъ армати, анЂ сприсяженіи на злое замисли нЂчого его ратовати не могли. Наступилъ на него АквЂріусъ Императоръ и такъ войскомъ оточилъ, ижъ дати отпору не могли, а послишавши, ижъ на нихъ наступовати не хочетъ, толко зморенихъ голодомъ, живо взявши, доперо карати, устрашени караня строgостю, которого слушне сподЂвалися, сами себе забивали и отъ рукъ своихъ гинули, а оного вожда, видираючи его себЂ жовнЂре и вЂкторесъ, въ рукахъ розшарпали, тогожъ сподЂватися было и тому рейментаро†новому, ГунЂ зъ его своволнимъ козакомъ; не маешъ горшой неслушностЂ яко тихъ, которіи, барзо согрЂшаючи, мняться бити добріе, але не утече мужіе хочъся одволоче, лучне Господь хочъ не скоро.

РОЗДЂЛЪ 2.

Кто есть той Гуня, рейментаръ своволнихъ козаковъ по Остранину.

[О старшинахъ козацкихъ.] Удавають козаки, що реймента подносять и волають до купи, ижъ кождий старшина у нихъ леда хто и не дають ему доброго слова, gди на нихъ падаеть нещасте, а то для того чи-/237/нять, аби дЂлность, gди обачуть въ немъ якую постороніи, много о ихъ войску розумЂли, а еслиби нещасте припало на него, аби его висвободити латвЂй могли, а себе оборонити. Еднакъ кто на старшинство войздрить, мусить признати, ижъ не леда шевлюга на тое обирается або не леда херавца (sic) между собою обЂрають и звлаща кгди руку на пана своего и его гетмани и жолнЂра подносять. Уже теди старшій надъ сваволенствомъ не толко маеть бити нЂ чти не вЂри, гди поривается хлопъ и подданій на пана своего и короля, але тежъ маеть быти и отважного на каждомъ пляцу здоровя, аби о паль не приходилъ. [Гуня. Кумейская война.] Гуня той мЂлъ у нихъ и передъ тимъ немалое имя, бо и подъ Кумейками такъ рокъ (sic) онъ зъ остаткомъ войска и зъ парою арматъ, ночю билъ уйшедлъ ажъ до Боровице, где былъ ся знову зъ Павлюкомъ злучилъ, а оттоль зъ Скиданомъ уйшолъ былъ на Запороже, [Гуня зъ Павлюкомъ и изъ Скиданомъ на Запорожю.] где они козаки на Зопорогахъ взяли его себЂ за старшого. Той зневажилъ и посланаго на Запороже его королевской милости, Мелецкого, той и реестровихъ здеспектовалъ былъ и обЂцовалъ на влость винійти за первшою реполюціею ДнЂпра. [Гуня до Калги Султана писалъ зъ Запорожя.] Учинилъ и то, же смЂлъ писати и виправити посли до солтанъ Калги, татарского гетмана, поддаючися ему, яко то листу того копія, зъ Криму до его королевской милости присланая, показуеть.

Велможній милостивій султанъ Калга

пане, пане нашъ Милостивій!

[Листъ Гуни та до Калги Солтана, желаючи о посилокъ войска.] Служби наши рицерскіи залЂцаемо пилно милостивой ласцЂ нашей царской, пана нашого милостивого, зичачи здоровя доброго и во всемъ фортуннаго повоженія отъ Господа Бога всемогущаго Вашей Царской Милости на часы долгіи. На славу и на пріязную обЂтницю Его Царской Милости и вашой, нашого милостиваго пана зъ нами заховати; теди и ми, заховуючи пріязнъ вЂрную зъ Вашою милостю, милостивымъ /238/ паномъ нашимъ, посилаемо умислне до вашой милости пана нашого милостиваго товаришовъ двохъ нашихъ: Гришка ГорЂлого и АндрЂя Ожеженка, просячи и жадаючи Вашей Царской Милости, аби ваша милость ласкаве учинити рачили, а намъ войска своего прислати рачили на посилокъ, бо непріятелЂ наши певне идуть на насъ, хотячи насъ зносити, за що ми повинни будемо вашей Царской Милости отслуговати на каждую потребу и росказане вашей Милости, где толко ваша Милость роскажешъ и войску вашей милости, еднаково здобуватися и перевозъ готовій безпечній будеть. О що пилно и повторе просимо Вашей Милости, а ежели то будеть ласка нашой милости, товариства не бавячи, рачь до насъ отправити. Отдаемо притомъ служби наши рицерскіи милостивой ласце вашой милости. Данъ на Запорожу 26 февраля, року 1638.

Вашой Царской Милости во всемъ слуги поволніи Дмитро Тимошевичъ Гуня, гетманъ войскъ его корол. милости Запорозскихъ.

[Гуня окопался на устю Старца.] Той Гуня. немалую пробу мужства взявши, такъ цного жолнЂрства, яко своихъ, подъ Жолниномъ потомъ на устію Старца ставши, зъ войскомъ окопався, а барзо оттоль грозилъ, але охотного рицерства коронного тамъ досить дознавалъ. ПамятнЂй бовЂмъ было, що великій гетманъ (Макавей до своихъ мовилъ): отъ словесъ мужа неправедна не убойтеся, слава бо его гной и червіе есть.

КанцлЂрЂ войни Жоднинской.

[Число Поляковъ подъ Жолниномъ побитихъ одъ козаковъ.] Поручникъ усарскій его милости пана каменецкого Гербурта (панъ Билина). Поручникъ его милости пана марграбЂ старости гродецкого усарскій. Владиславъ Ташицкій. Поручникъ его милости пана старости трубовелского, его милости пана Балабана — Вробловскій. Товариства съ подь иннихъ хорогвей барзо много, также зъ подъ усарскихъ хорогвей его милости пана воеводи подолского. Его милости воеводи чернЂговского, стражника коронного. Печатовали тую войну и панскіе люде и шляхта на ординаціяхъ осажона. Зъ людей князя его /239/ милости ДомЂнЂка, конюшого коронного. Зъ подъ хорогви его милости пана Броновского, пана Добринского хоружого забито. Забито: пана Островского, пана Стадницкого, пана Ремчицкого, пана Мучинского, пана Приборовского, пана Зелязовского, челяди пяти; пана Грохолского пострелено, пана Лаского, пана КрасносЂлского ранено. Зъ подъ хорогви пана Калушовского челядника зъ армати забито *). Чуровского, Козицкого пострелено. Зъ подъ хорогви Прилуцкого, самого ротмистра пострелено и килко козаковъ забито. Зъ подъ хорогви пана Олдаковского самого пана ротмистра забито. Зъ подъ хорогви Русиновского: Чарняховского, Стрелницкого, Михарицкого, Белецкого постреляно. Зъ людей князя его милости ЕремЂя немало людей забито и постреляно. Зъ людей ей милости паней канцлериной не еденъ помнить козацкую войну. Зъ людей ксіонжни Вишневецкой конюшиной не безъ шкоди вернули.

*) Въ подлин. Околь. слЂдують слова: pana Szczurowskiego, pana Rokickiego postrzelono.

Нагробокъ шляхтЂ коронной.

Niewiem zkąd mesiesz przewisko Żołninie twoie,

Od rzeki, czy od ptaka, lecz ci to oboje

Nowym przezwiskiem żołnierz Niemiec dziś zatłumił,

Gdy rospustę kozacka pod tobą rozłomył.

Żołnin od żołnirza y zołdata iuż będzie

Zwany u Polszcze, u Rusi, w Ukrainie wszędzie.

Bo nietak bystro Żolnin swe krople w Dniepr toczy,

Jak bystro się rospędzał żołnierz we dnie, w nocy;

Bezecnego kozaka z Hunią z ostrym w pola

Goniąc, siekąc zbiegałych, wszystkich niszcząc zgoła.

J żołna choc upstrzona iest z natury slicznie,

Patrz pióra gdy swe rostrzmi. Lecz nie tak rozliczne

Farb swych pokazac może, iako dziś zmalował

Pola twoie, szlachecką Bog krwią uhaftował.

Nie trawę, ale szkarłat, gdyż słonce łaskawe

Oko cnym iuż podało, nieprzyiaznym zwadę

Dawać będą pola twe xiążency Żołninie,

Gdyż tych co krwią skropili, sława w niebie słynie.

VI.

ЧАСТЬ ШЕСТАЯ.

О ПРИСПЂШЕННЮ ЕГО МИЛОСТИ ПАНА ГЕТМАНА ПОЛНОГО КОРОННОГО КУ ОКОПОВЂ НА СТАРЦУ.

РОЗДЂЛЪ 1.

[У ГунЂ толко осмъ арматъ. Гетманъ полній коронній до окопу Гуниного при6илъ.] Кдги ся спЂшно уходилъ Гуня зъ арматою своею, осмію арматъ, до валовъ и окопу надъ Старцемъ одъ Жолнина, дня 22 іюня входить до окопу и тЂшится мнемаючій, ижъ такъ споро короное войско не поспЂшить за ними и чась будуть мЂли уфортификованя своего; але надъ все ихъ мнемане тогожъ дня комоникомъ одъ Кіева подъ вали его милость панъ гетманъ полній короній прибудеть и позосталому козаковЂ, которій еще въ вали билъ не вточился, далъ битву; въ маломъ томъ часЂ охотное товариство много на пляцу шаблею положили, всЂ ихъ пра†замисли помЂшали; и здрожно себЂ оминова-/242/ти почали. А gди ся старшина дивуетъ, же такъ скоро за ними наступили, раніи козаки дають знати, ижъ гетманъ полній самъ; [Боязнь козацка.] постерегли тое по томъ и по хорогвахъ, але уже озябліи серца въ нихъ бити зачали; щожъ прошу инного на сваволенство падати мЂло надъ страхъ, боязнь о викоренене свое, за прійстемъ его милости пана гетмана (полного). [Похвала гетману.] Пришедлъ гетманъ той, що шаблею острою усмЂрилъ козаки подъ Кумейками, той що старшого запорозского усмЂрилъ у Боровици, той що голдовниками и плугатарами списалъ, [Погрозка діарушисти.] учинилъ и присягою обовязалъ тисячу юнаковъ украинскихъ, той пришолъ своеволніи и кривоприсяжцЂ Богу и королевЂ! и вЂдаете о томъ, ижъ для щегулной надъ нимъ стражи и ласки Божской, суровшіи писма надъ кумейскіи на каркахъ вашихъ кровію и шаблею запишеть, усмирить и звитяжить *).

*) Въ подлин. Окольск. слЂдуютъ слова: et vos non stipendiarios sed aratores regis faciet. — И сделаетъ васъ п