Уклінно просимо заповнити Опитування про фемінативи
Глава 1-я
Ω ВОИНЂ КН̃ЗЯ КИЕВСКОГО ИЗЯСЛАВА З КН̃ЗЕМЪ СУЗДАЛСКИМЪ ГУРГИЕМЪ АЛБО ГЕОРГИЕМЪ, СН̃ОМЪ ВЛАДИМЕРА МОНОМАХА, И О ЗВИТЯЖЕНЪЮ ИЗЯСЛАВА ОТ ГУРГИЯ, И О КН̃ЖЕНИЇ ГУРГИЕВОМЪ НА КИЕВЂ
арк. 76 ЦНовгорода арк. 76 зв. ЧстоАли Ш—Шшто сА оучинитъ ЩП 1149-г арк. 77 Ю—Ювідсутнє арк. 77 зв. ЯІзАславомъ арк. 78 Ьзвонпивши
Изяславъ, призвавши Давыдовичов, ознаимил имъ, же хоче ити на Гургия, стрия своего, за свою кривду, и имъ казал, абы ведлугь присяги своеи за нимъ ишли и знялися з нимъ на ВолзЂ. /99/ Они обЂцали ити. Теды Изяслав, зоставивши в Киевє брата своего Владимера, а сына своего Мъстислава в Переясловли, пошол к брату своему Ростиславу в Смоленскъ и, тамъ зышовшися, веселилися и дары себЂ подавали. З Смоленска пошол Изяславъ до Великого Новгорода, а брату своему Ростиславу казал с полками ити по ВолзЂ и зыитися з нимъ на устью Медведицы. И гды пришол Изяслав до НовгородкаЦ, сын его Ярославъ, кн̃зь новгородскиї, и новгородцы с великою радостию сподкали. И частовал Ярослав великим достаткомъ от̃ца своего Изяслава и при немъ будучих, и новгородцы своих, Назавтрее, собравши новгородцов и плесковичов, реклъ имъ Изяслав: «Присылалъ ко мнЂ сын мои Ярослав і вы всЂ, скаржачися, же мої /99зв./ стриї Гургиї чинит вамъ великие ωбиды. Для того я, оставивши свое княжение, пришол к вамъ и хочю поити на Гургия». Новгородцы всЂ рекли: «Ты нашъ кн̃зъ, всЂ з тобою ради на него поидемъ!» И такъ пошли зъ Изяславомъ всЂ новгородцы зо всЂми силами, и плесковичи, и корели.
И, пришовши Изяслав на Волгу, стал на устъю Медведицы и тут дождалъ брата Ростислава. А Давыдичи не пришли, алє стоячиЧ у своих Вятичах, ждучи, Ш—што учинится—Ш межи Изяславомъ и межи Гургиемъ. А Изяслав, за тое на них жалосныи, дожидался пословъ своихь, которых был еще з Смоленска къ Гургию послалъ, а не дождавшися, пошли к Гургиевы городы і волости его попустошили, и много корысти и полону набрали. /100/ Але же рЂки ωт Вербнои недЂли почали уже рушатися, надумавшися Изяславъ з братомъ Ростиславом, розышлися. Ростислав пошолъ до Смоленска зъ своими, а Изяславъ до Новгорода Великого.
Року 6657-гЩ Изяславъ з Новгорода пришол до Киева и сказали ему, же Ростислав Гургиевичъ твои ворогь, без тебе намовил был на тебе киянъ и берендичъ. Если бы Бг̃ь ωт̃цу его помогь, мЂлъ поимати твоего брата и жону твою, и сн̃а твоего, и послати ихъ къ своему ωт̃цу. Изяслав послал Ростислава, а самъ стоял тогды противь Св̃тго Михаила у Вудубичи вь ωстровЂ. Гды до него тамъ Ростислава привезли. Хотяї Ростиславъ того запирался, яко невдячника его безчєстно, с четырма слугами толко, послалъ его Ю—къ ωтцу его—Ю Гурьгию, /100зв./ а его дружину и товаръ казал себЂ побрати. УвидЂвши сына своего Ростислава Гурьгиї выгнанного ωт Изяслава, жалосныи, собрал воиско великое и пошол на Изяслава к Вятичемъ. Ω чомъ довЂдавшися Изяслав от Володимера Давыдовича, почалъ воиско збирати и послал кь Владимєру и къ Изяславу Давыдовичемъ, жебы ведлугь своеи присяги ишли з нимъ на Гургия, а они обЂцали поити. Послал тежь и къ Св̃тославу Олговичю, жебы ведлугь своеи присяги ишол з нимъ, але ωнь не пошол иЮ послал послы свои до Гургия, и самъ пошовши, з Гургиемъ зышолся. Гургиї теж послал до Давыдовичовь, абы з нимъ ишли на Изяслава, которые ему отказали, ижь: «Ты намъ присяглесь /101/ былъ помагати, а гды Изяслав наши волости пустошилъ, не далесь намъ помочи, для того и мы к тебЂ не идемъ, а звлаща же присяглисмо, Изяславу з нимъ быти».
Затымъ Гуръгиї пошол к БЂливежамъ, где не дождавшися никого ωт Изяслава, знявшися тутъ з множествомъ половцовъ, пошол под Переясловлъ. Изяславь зас послалъ по брата своего Ростислава, кн̃зя смоленского, и самъ з киевълянами и з воискомъ пошол против Гургия, и сталъ у Витичева, и тот знялься зъ ИязяславомъЯ Давыдовичемъ и з братомъ своимъ Ростиславомъ. Тут же перешли ДнЂпрь, а в Переясловли был тогды Владимеръ, братъ Изяславовь, и Ярополкъ Мъстиславичъ, /101зв./ на которых вперед половцы з Гургиевыми полками прибЂгши, били до Переясловля. Изяславъ з своими поспешил до Переясловля и, пустивши своихъ, отбили половцов и полки Гургиевы от Переясловля. А самъ Изяславъ з своими стал над Трубежомъ. Гургиї тежъ от Стракова рано пришол и сталъ над другои старонЂ Трубежа з своимъ воискомъ, і послал до Изяслава, мовячи: «Попустошилес мое панство, даи моему сн̃у за то Переясловлъ, а болеи крови хрстиянъское не проливаи». Але Изяславъ не хотЂлъ тогω учинити, хотяи ему епископъ и иншиї радили, абы примире з Гургиемъ учинил. Не слухаючи рады лЂпшеи, Изяславъ переЂхал за Трубешъ. Там жє /102/ справивши воиска зь обЂихь сторон, Изяславовы и Гургиевы билися крЂпко, долго, ажь переясловцы, зрадивши Изяслава, Гургия за кн̃зя себЂ нарекши, побЂгли. Тымъ вьзвопившиЬ, Изяславовы полки почали отступати, а Гургиевы на них з половцами наступати и ихь забивати, и хватати. Што видячи, Изяславъ самь побЂгь на Каневь и самотретъ прибЂгь до Киева. А изь Киева, взявши жону, дЂти и скарбы, побЂгь на Волынъ до мЂста Володимера.
Назавтреє 71—Гургиі, сынъ Владимера Маномаха—71, вьишол в Переясловлъ. Тамъ три дн̃и перебывши, пошол и пришол до Киева, и, з радостию приняты, сЂлъ в Кие†на столицы от̃ца своего, и Давыдичи ему /102зв./ поклонилися. И посажал Гургиї сыновъ своихь: старшого Ростислава в Переясловли, АндрЂя в ВышгородЂ, Бориса в БЂлагородЂ, ГлЂба в КаневЂ, 72—Василка в СуздалЂ—72.
Глава 2
Ω ДРУГОИ И Ω ТРЕТЕИ ВОИНЂ ИЗЯСЛАВА С ГУРГИЕМЪ И Ω ВЫГНАНЮ З КИЕВА ГУРГИЯ, И О СЂДЂНЮ ВТОРОМЪ ИЗЯСЛАВА НА СТОЛИЦЫ КИЕВСКОИ, И О ВЗАЕМНОМЪ ДРУГОМЪ ВЫГНАНЮ З КИЕВА ИЗЯСЛАВА, И Ω КНЯЖЕНИЇ ВТОРОМЪ ГУРГИЯ В КИЕВЂ
Изяславъ з Володимера, збираючи воискω, послал до кн̃зя полского Болеслава и брата егω Генрика /103/ подарки великиї и просил ихь себЂ на помочь, также и Владислава, ческого кроля албо венгерского, на Гургия. Которыи всЂ, з воисками великими до Изяслава притягнули, и стали под Чемерином. Ω томъ взявши вЂдомостъ Гургиї ωт Вячеслава, з своими воисками и з половцами пошол з Киева напротив ихъ и пришол к Вячеславу 73—в Пересопницу на Волынъ—73. Изяславъ з Володимера пошол к Луцку, где три дни пребывши, пришол до Чемерина и сталъ вкупЂ з лехами и з венгерами. Затым пришла вЂдомостъ до Болеслава и до Генрика, же прусы на Лядскую землю идутъ. Для того Болеслав з Генрикомъ хотЂли помирити Изяслава з Гургиемъ и з Вячеславомъ, послали к ним, радячи, /103зв/ абы яко хрстияне и едного роду будучи не проливали болше крови, але абы помирилися, кожды на своемъ зостаючи, обЂцуючи Гургию, же Изяслав будетъ мЂстами Володимеромъ и Луцкомъ контентоватися. ΩбЂцали Гургиї и Вячеславъ з своимъ сыновцом Изяславомъ помиритися и без ихь. И такъ ляхи и венгеры до своихь ωтишли, а Изяславъ пошол до Володимера.
Але Гургиї, гды 74—отишли ляхи и венгеры, и чехи—74, не позволивши того, чого Изяславъ от него потребовалъ и хотячи его мЂста побрати, пошол со всЂми силами под Луцкъ и облеглъ Луцкъ зъ Вячеславомъ, братом своимъ, вкупЂ и з сынами своими Ростиславом и АндрЂемъ, и моцно штурмовалъ до Луцка, где /104/ был Владимеръ, братъ Изяславов. Затымъ Изяславъ з Володимера з своимъ воискомъ пошол на Гургия и на Вячеслава, стриевъ своихъ, а кн̃зь галицкии Владимер, сватъ Гургиевь, перенялъ его, хотячи з любви своеи Изяслава з Гургием и з Вячеславомъ поеднати. Изяслав теж и просил Владимера, абы ихь поедналъ. И так 75—Владимер из сынами Гургиевыми упросил—75 Гургия, же з Изяславомъ учинилъ примире. А 76—Изяслав присягь Гургиеви, ижъ от того часу не мЂл быти противным—76. Затымъ Гургиї отишол до Киева.
77—Потомъ Изяславъ, з жалости забывши присяги—77, собрал воиска свои и чорных клабучцовъ, пошол знову з потугою на Гургия к Киеву и, пришовши, бился /104зв./ моцно з Гургиемъ такъ, ижь Гургиї утеклъ за ДнЂпръ в Острьскиї Городокъ, а Изяславъ звитязствомъ в Киевъ вьЂхал, от киевленъ честно принятыї. И поеднавшися з Вячеславомъ, стриемъ своимъ, сЂль на столицы киевскои, якъ ωт̃ца его шануючи, и пошол Вячеслав до Вышгорода, а Изяслав сн̃а своего послалъ добывати Переясловля. Тымъ часомъ Гургиї послалъ до Давыдовичов и къ Св̃тославу Олговичю, и къ Св̃тославу Всеволодичю, и затягнул ихъ на помочь себЂ. А зь Галича Владимер тому жъ Гургиеви пошол на помочъ. Изяслав, призвавши сн̃а своего Мьстислава, з берендичами, з нимъ и з братомъ своимъ Владимеромъ пошол первЂи /105/ противъ Володимера галицкого къ Звенигороду, зоставивши в Кие†на столицы стрия своего Вячеслава. Тут жє пришли кь Изяславу и чорныє клабуки. А гды зближился Владимер галицкии, ωбачивши Изяславовы полки, же болшее воиско галицкого Владимера, мало бившися з ними, за Стугною верхъ Олшаницы уступати почали и розбЂгатися. Для того и самъ Изяславъ побЂгь до Киева. Тогды жъ и Гургиї з Давыдовичами и зъ Олговичомъ, и з Всеволодичомъ наА Днепрь пришол. А Владимер галицкии з сеї стороны наступал.
арк. 79 зв. Анад Б—Бв ночи арк. 80 Встолицы Г П 1151-г арк. 81 торковъ
ВсЂхь тых устрашившися Изяславъ, з Киева Б—Б поЂхал на Волын до Володимера мЂста и, розгневанныи, послал брата /105зв./ своего
Владимєра до зятя своего, до короля венгерского, о помочъ просячи на Владимєра галицкого. 78—Крол венгерскиї Стефан самь з великим воискомъ пошол до Галича. Где вышовши Владимерь, бился з венгерами, але не змогши, побЂгь до Перемышля. А крол венгерскиї и там его барзо притиснул такъ, ажъ мусил примиря просити. Изяславъ не призволялъ на примире—78, але крол, великими подарками передорованныи, за прозбою своих духовныхъ Изяслава з Владимєромъ помирил, а самъ отишол до Венгеръ.
Того ж часу Св̃тослав Олговичь перенес брата своего Игора от Св̃тго Семиона з Киева и положилъ в ЧернЂго†в цр̃кви Св̃тго Спаса. /106/
Глава 3
Ω ДАЛШОИ ВОИНЂ КН̃ЗЯ ИЗЯСЛАВА МЪСТИСЛАВИЧА З ГУРГИЕМЪ, Ω ВЫГНАНЪЮ ВТОРОМЪ З КИЕВА ГУРГИЯ И Ω ТРЕТЕМЪ СЂДЂНЇ ИЗЯСЛАВА НА СТОЛИЦЬВ КИЕВЪСКОИ И Ω ЗНАЧНОМЪ ЗВИТЯЗСТВЂ ИЗЯСЛАВОМЪ НАД ГУРГИЕМЪ
Знову Изяславь послал брата своего Владимера до короля венгерского, просячи о помочь на Гурьгия. И гды привел венгерское воиско Владимер доИзяслава, зараз 79—Изяслав з братомъ своимъ, з венгерами и з воискомъ рускимъ пошол до Киева—79. Што услышавши, Владимерь галицкиї пошол за Изяславомъ з своим воискомъ на помочь Гургиеви, але Изяслав, днемъ и ночью поспешаючи, приЂхал несподЂване под БЂла /106зв./ город. Наперед Владимерь, братъ Изяславовъ, прибЂгь к БЂлугороду, а кн̃зъ Борис, сн̃ь Гургиевъ, подпиваль з своими в БЂлегородЂ. И почювши воиско Изяславово, выбегъ з БЂлагорода до Киева, даючи знати ωт̃цу своему ω ИзяславЂ, а Владимеръ Изяславу далъ знати, жебы поспЂшал в БЂлъгород. Где гды пришол, бЂлагородцы з радостию приняли Изяслава якь своего кн̃зя и з нимъ пошли на Гургия до Киева. 80—Гуръгиї, услышавши ω томъ несподеване, ничого не могучи порадити, не готовъ будучи, утеклъ за ДнЂпрь до Городка Остръского—80. А кияне вышли на сподкане Изяслава и з великою радостью его приняли.
81—Року 6659-гГ сЂлъ знову Изяслав на столицы—81 /107/ от̃ца своего и дЂда. Услышавши Владимерь галицкиї, которыи за Изяславом ишол Гургиеви на помочъ, же Гургиї з Киева выбегь, а Изяслав в Киевє сЂль, вернулся до Галича.
Того же року преставился Ростиславь Гургиевичь в Переясловлю, и положили его вь цр̃кви Св̃того Михаила в Переясловли. Изяславъ с Вячеславомъ, стриемь своимъ, сЂвши в КиевЂ, достатне венгеровъ ушановалъ и, ударивши, отпустили до Венгерь. А за ними послал Изяславъ до короля венгерского сн̃а своего Мъстислава з великими подарками, дякуючи ему за помоч и обЂцуючи взаемъ ему, где треба, помагати. И знову просил его о венгеры себЂ против Гурьгия на помочъ. Гурьгиї зас зъ Остра до Чернигова /107зв./ послал, Давыдовичов зовучи себЂ на помочъ и Св̃тослава Олговича. Св̃тославъ теды заразь поЂхалъ къ Гургиеви и Давыдичи обадва чолнами, але 82—Изяславъ Давыдичъ поЂхал къ Изяславу киевскому до Киева—82, а Владимер Изяславичь до Гургия. А Изяслав, кн̃зь киевскиї, послал 83—до своего брата Ростислава—83, которыи пришол к нему в Киевъ з Смаленска з воискомъ. Гургиї теды з Давыдовичемъ, Олговичомъ и зь сн̃ами своими, и зь множествомъ половцовъ зъ Ωстра, пошол чолнами на Изяслава къ Киеву, а Изяслав з Ростиславомъ, братомъ, выправили своих в чолнахъ и билися крЂпко на устью Десны водою и сухомъ.
Потомъ 84—Гургиї зъ своими, идучи Днепром мимо /108/ сторожи, ωборонною рукою—84 низше Киева сталъ, там жє переправилися вперед половцы, потом и Гургиї зъ своими на киевскую сторону Днепра. А Изяславъ зь своими пришол до Киева и тут за валомъ роспорядилъ полки Вячеславовы и братов своихь, и печениговъ, и турковъД , и чорных клобучцов, и киянъ, которыи всЂ за него были готовы умирати. Тут же ждалъ Гургия. Вячеслав посылалъ до Гургия брата своего, абы пошол до своего княжения в Суздалъ, а не проливал крови рускои своеи. А Гургиї, не слухаючи, пришол зъ своими воисками над Лыбед и учинили битву великую зъ Изяславом над Лыбедю зь обоих сторонъ.
В томь часЂ пришла вЂдомостъ до Гуръгия, /108зв./ же Владимерь галицкии идетъ ему на помочь. 85—А Изяславу пришла вЂдомостъ от Св̃тослава, сн̃а его—85, же ведетъ к нему великое венгерское, воиско. Теды Гургиї ωтступил ωт Киева кь БЂлъгороду, хотячи знятися з Владимеромъ галицкимъ. Але Гургия в БЂлгогород не пустили, мовячи: «Наш кн̃зь Изяславъ». Ωттолъ пошолъ Гургиї мимω Василевъ через Стугну и, перешовши Рудецъ Малыи, туть сталъ. А Вечеслав и Изяславъ, и Ростислав з воискомъ на них крЂпко наступили. Ωттолъ кь Великому Рутови Гургиї зъ своимъ воискомъ поступилъ. Изяславъ, видячи, жє ωтходять, пустилъ за ними своих стрелцов и полки всЂ, которыї гды почали барзо налегати, /109/ биютъчися, половцы почали утекати, за нимъ Олговичь, а потомъ самъ Гургиї побЂгь. Которыхь утекаючих Изяславово воиско едных забивало, других имало, половцовъ многих побили и кн̃зеи ихъ поимали. Тут же забито и Владимера Давыдовича, и Изяслава, кн̃зя киевского, ранено. Привезено къ Изяславу кн̃зя Вьладимєра Давыдовича забитого, над которым Изяслав плакалъ з братомъ его и, взявши тЂло, братъ его, Изяславъ Давыдовичъ, повезлъ до ЧернЂгова и тамъ поховал 86—в церкви—86, а самъ сЂлъ на столицы. Гургиї убЂгъ у Переясловлъ, Св̃тославъ зас побЂгь к Новгороду, а Владимерь галицкии з Дорогобужа вернулся /109/ къ Галичю. Изяслав, такъ значное звитязство ωдержавши, з Вячеславомъ весело въЂхали в Киевъ.
Потомъ Вячеславъ и Изяславъ пошли под Переяславъ, и тамъ Гургия моцно добывали, биючися, и притиснули такъ, же ажь Гургиї мусилъ имъ присягнути на томъ, ижъ не мЂлъ болеї Киева под ними шукати, але на свое княжение до Суздаля поити. И такъ учинилъ, пошолъ з Переясловля Гургиї до Суздаля, а Изяславъ з Вячеславомъ отишли до Киева.
Глава 4
Ω ПОБИТЪЮ ВЕНГЕРОВЪ ПРЕЗ ВЛАДИМЕРА, КН̃ЗЯ /110/ ГАЛИЦКОГО И Ω ВОИНЂ НА НЕГО ИЗЯСЛАВОВОИ З ВЕНГЕРАМИ, Ω ПРОГНАНЮ ГУРГИЯ ОТ ВОЕВАНЯ ЧЕРНИГОВСКОГО И О СМЕРТИ НАГЛОИ КН̃ЗЯ ГАЛИЦКОГО ВЛАДИМЕРА
Тых часовъ провадилъ венгеровъ сн̃ь Изяславовъ до Киева ωтцу на помочь. И гды сталъ з ними у Сапогина, тамъ венгеры попившися, крЂпко спали. Владимер галицкии довЂдавшися, напал на нихъ пьяных, позабивал, иншихь поималъ. А сн̃ь Изяславов венгеров не добудившися, самъ 87—до Киева до ωт̃ца прибЂгь—87. Тогдыж Изяславъ Давыдовичь поеднался з Св̃тославомъ Олговичомъ за его прозбою и ωтдал ему его отчизну, а самъ свою держалъ в ЧернЂговЂ. /110зв./Того ж часу полотчане Рогволда Борисовича кн̃зя своего инявши, послали к Минску, а Св̃тослава Олговича за от̃ца себЂ приняли. Року 6660-гЕ Изяслав, кн̃зь киевскиї, зь Изяславомъ Давыдовичомъ и зъ Св̃тославомъ Всеволодичемъ 88—пожгли Городокъ Ωстрь Гургиевъ—88 и церковь Св̃тго Михаила верхь деревом нарубленыи згорЂль. Тогды ж Изяслав з Киева послалъ свои полки89 кь венгерскому королю, абы ишол на Владимера галицкого за тое, же венгеров от его посланных, побилъ. Крол венгерскиі для помъсти побитых своихъ пришол з великим воискомъ под Галичъ, Туды ж Изяславъ з Киева з своимъ воискомъ пошол, взял тежъ /111/ идучи из Володимера, у брата своего Св̃тополка его людеи и пришол до короля венгерского под Галичь. Тамъже Владимеръ з ними зточил битву, але звитяжены знову до Премышля побЂгь и в Перемышлю от венгеровъ зтиснены, просил у кроля примиря. Изяслав на тое не призволялъ, ажь Владимер напросил арцыбискупа венгерского и иных духовныхь, же кроля упросили, ижь Изяслава не хотячого привелъ до того, абы з Владимеромъ примире учинил. И присягь Владимерь, же мЂлъ Изяславу городы его Бузкь, Шумскъ, Тихомлъ, Выгошевь, Гноиницу 90—и инши—90 отдати и з нимъ за едно быти. И такъ розышлися в покою кролъ до Венгеръ, а Изяслав до Киева. Але Владимер не додержал /111зв./ присяги.
Е П 1152- г арк. 83 Єприслалъ арк. 83 зв. ЖГацкого ЗП 1153-г ИП 1154-г арк. 84 Ізапусты арк. 84 зв. ЇВсеволодичемъ Й—Йи з Стославомъ ІзАславичєм КП 1155-г арк. 85 ЛПорсы арк. 85 зв.М—М П вписано над рядком НСуждал Овідсутнє П—П6664 (1156)-г арк. 85 зв. — 86 Р—Р див. Вступ, таблицю на с. 25
Того ж року Гургиї собрал воиско з сн̃ами своими, з ростовцами и з суздалцами, зъ Ярославичами, кн̃зями резанскими, и з половцами и, притягнувши под Черниговъ, моцно добывал мЂста, на вежи штурмуючи. Послышавши ω томъ, Изяслав з своимъ воискомъ на оборону пошол под Черниговъ. И еще тылко до Моровска пришол, взявши ω немъ вЂдомостъ половцы, зараз устрашившися, розбЂглися. Затым и Гургиї ωтишолъ от Чернигова и пошол до Новгорода Великого, и тамъ зоставивши сн̃а Василка, самъ поЂхалъ к Суздалю, а Изяслав, идучи за Гургиемъ, пришол до Новгорода и почал быти на НовгородЂ. Теды з Новгорода приславЕ Св̃тослав Олговичъ з Василкомъ Гургиевичомъ, просячи Изяслава /112/ о премиръе. Изяславъ не хотЂль миритися, але же уже весна надходила, и рЂки пускатися починали, примирился. И присягь ему Олговичъ. И такъ Олговичъ поЂхалъ вь свою волость, Василко къ от̃цу в Суздалъ, Андреи Ростиславичь до Смоленска къ своему от̃цу, а Изяславъ до Киева выправил.
Потомъ Изяславъ сн̃а своего Мъстислава на половцовъ, которыї з воискомъ рускимъ бурил краЂны Половецкии и, наметы ихь з таборами побравши и хрстиянь з неволи ихь великое множество выпровадивши, з корыстъю великою, и з полоном людеи и стад, якъ звитяжца, славно и весело до от̃ца до Киева приЂхал.
Того ж часу послал Изяславъ Петра Борисовича до Володимера галицкогоЖ, /112зв./ мовячи: «Чему не отдаешь мнЂ волости, которыи побралес мои, а целовалес, присягаючи крестъ, же мЂлес отдати». Владимер реклъ: «Малыи я крестъ целовал». ОтповЂдилъ Петрь, посел Изяславовъ: «Не смЂися! Хотъ малъ крстъ, але сила его велика!». Реклъ ему кн̃зь: «Ђдъ прочъ от мене!». И гды отЂзжалъ Петръ, засмЂялся Владимеръ и реклъ: «Ωн русин, що всЂ волости Рускиї посЂдаетъ», И на том жє мЂстцу знову реклъ: «Кто мя барзо ударил вь плечи?». И не могь ωттоль поступити, ажь понесли его на горницу, и тоеи ж ночи Владимер, кн̃зъ галицкии, преставился. И поховали его честно, а Ярослав, сн̃ъ его, на столицы от̃ца своего сЂлъ в Галичю. /113/
Глава 5
Ω ВОИНЂ ИЗЯСЛАВОВОИ НА ЯРОСЛАВА, КН̃ЗЯ ВЛАДИМЕРСКОГО, Ω СМЕРТИ ИЗЯСЛАВОВОИ И Ω КОРОТКОМЪ ДВОИХ КН̃ЗЕИ, РОСТИСЛАВА МЪСТИСЛАВИЧА И ИЗЯСЛАВА ДАВЫДОВИЧА, КНЯЖЕНИЇ НА КИЕВСКОИ СТОЛИЦЫ
Року 6661 -гЗ Изяслав пошолъ з воискомъ на Ярослава галицкого, сн̃а Володимерового, мьститися на немь ωт̃ца его неприязни, а з нимъ пошол сн̃ь его Мьстислав и Давыдовичовы полки, и Володимер, братъ его, з Дорогобужа, и други брат его Св̃тополкь з Володимера, і Владимер АндрЂевичъ з Берестя. И пришол Изяслав под Теребовлъ. Ярослав, /113зв./ кн̃зь галицкии, услышавши, тое, вышолъ з галичанами противъ Изяслава, але жє был единакь, просили его галечане, жебы пошол в Галичъ для безпечности своего здоровя, шлюбуючи ему, же будутъ щире сами за его здорове и за отчизну битися. Подкалися теды галичане зъ Изяславовымъ воискомъ над рекою Сновомъ и моцно з ωбоих сторон билися, бо обои Русь были. А потомъ обои воиска, за звытяженных себе разумЂючи, розышлися.
Року 6662-гИ преставился Св̃тополкъ Мъстиславичъ, кн̃зь володимерскиї, у Корцу91, братъ Изяславов родныи, и послал Изяславь на его мЂстце сн̃а своего Ярослава на княжение Володимерскоє. /114/
Того жь року преставился великиї кн̃зь киевскиї Изяславъ Мъстиславичь, внукь Владимера Маномаха, на запустьІ Филиповы, и поховали его в церкви Св̃тго Феодора в монастыре ωт̃ца его. По смерти Изяслава братъ его Ростиславъ, кн̃зь смоленскиї, пришовши до Киева, ωт киянь з радостию принятыи, сЂлъ на столицы киевскои и стрия своего Вячеслава якъ ωт̃ца своего шановалъ, а Св̃тославу, сестричичю своему, далъ Туровъ и Пинскъ.
Того жь року преставился Вячеслав, сн̃ъ Володимера Маномаха, и поховал ω Ростислав в цр̃кви Св̃тои Софиї тамъ, где лежитъ Ярославъ, а скарбы Вячеславовы всЂ пороздавалъ на монастыри, на церкви и на шпитали. /114зв./ Погребши стрия Ростиславъ и собравши воиско, з князями, з Св̃тославомъ ИзяславичемъЇ92 Й—Й пошол под Черниговъ на Изяслава Давыдича за тое, же по смерти Изяслава, брата его, хотЂль Давыдичь Киевъ опановати. Изяславъ теж Давидовичь призвал на помочь ГлЂба Гургиевича и половцовъ много, которыи гды выступили против Ростислава, устрашился множества ихь Ростислав и, мало бившися, послалъ до Изяслава Давыдовича, примиря просячи. И поступил Изяславу Давыдичу Киевь, а сынцу его Мъстиславу Переясловлъ. Што слышачи, Мъстислав Изяславичъ, которыи держалъ Переясловль, побЂгль прочь и иншиї за нимъ кн̃зи и дружина. /115/ За которыми половцы гонячи, многих поимали и посЂкли, села, церкви и монастыри попустошили. Ростиславъ пошолъ до Смоленска, а Мьстислав Изяславичь, взявши жену свою в Переясловли и што могь взяти, побЂгь з тымъ до Луцка, а Изяславь Давыдовичь, звитяжцею зоставши, приЂхалъ в Киевъ и сЂлъ на столицы.
Глава 6
Ω КНЯЖЕНИЇ ТРЕТИИ РАЗЪ КН̃ЗЯ ГУРГИЯ АЛБО ГЕОРГИЯ НА СТОЛИЦЫ, И ШТО ДЂЯЛОСЯ ПРИ ЕГО КНЯЖЕНИИ, И Ω СМЕРТИ ЕГО
Року 6663-гК притягнулъ кн̃зь Гургиї з воиском кь Киеву. Немного ему противившися, Изяслав /115зв./ Давыдовичъ поступилъ Киевъ и пошолъ до Чернигова, а Гургиї вьЂхал до Киева и, принятыи з честъю ωт киевлень, сЂл знову на столицы ωт̃ца своего Владимера Маномаха, а сн̃овь своихь такъ поделилъ: АндрЂеви далъ Вышьгород, Борису Туров, ГлЂбу Переясловль, а Василкови ПурсыЛ93.
94—Тогды ж Ростислав Мьстиславичь и Св̃тославъ Всеволодичь взяли примире з Гургиемъ—94. Того ж часу половцы, пришовши, воевали Порсы Василковы, але Василко, собравшися з своими полками и з берендичами, половцовъ побил, а иншихъ поимал и з корыстью, и з полономъ славно вернулся.
Потом Гургиї послал свое воиско на Мьстислава Изяславича, /116/ которымъ Изяславичь, устрашеныї, з Пересовпницы, где на тои часъ мешкал, вишолъ в Луцкъ. А гды и там воиско Гургиево пришло, з Луцка пошол в Лядскую землю.
Тогды ж Владимеръ Мьстиславичь М—и Ярослав Изяславич—М примирилися з Гургиемъ.
И пошол Владимерь к Володимеру, а Ярославъ кь Луцку.
Также зь Изясловомъ Давыдовичемъ и з Св̃тославомъ Олговичемъ примире взявши Гургиї, Изяславу дал Корческъ, а Олговичю дал Мозирь. Того ж року Андреи Гуртиівич пошол з Вышгорода в СуздалъН без воли ωт̃чеї иО взялъ з Вышъгорода образь Пресвятои Бд̃цы, принесенныи з Царигорода. Которыи образъ оковавши, украсивши, поставил в Володимери мЂсте за Москвою. Тоеи жь зимы Мьстислав Гурьгиевъ, /116зв./ сн̃ь, женился з Петровною Михаиловичовою, а ГлЂбь, сн̃ъ того ж Гургия, поняль себЂ за жену дочку Изяслава Давыдовича П—П. /117/
О—Тогды ж—О Мъстиславъ Изяславичь поЂхал на стрия своего Владимера к Володимеру городу, поималъ жену его и матку и пославь до Луцка, а стриї его Владимер утеклъ къ Перемышлю, а оттолъ побЂгль в Угри к королю, к зятю своемуР—Р.
Тогды ж з Царигорода пришоль митрополитъ Костянтин з потриаршескимъ бл̃гословениемъ и Клима, без бл̃гословения патриаршего бывшего митрополита, сь епископы извергли с престола.
СП 1157- г ТП 1158-г арк. 86 зв. У—У и Ф—Фдив. Вступ, таблицю на с. 25 арк. 88 ХЮрєвича ЦПєнтикωстную арк. 89 ЧНєвлскую ШП 1159-г Щ—Щвторого днА арк. 89 зв. Юроку Як арк, 90 Ьторцы арк. 90 зв. Аза що
Року 6665-гС пошол Гургиї з Киева з зятемъ своимъ, Ярославомъ галицкимъ, и зь сынами своими, и з Володимеромъ АндрЂевичемъ, и з берендичами ко Володимеру на Мъстислава Изяславича, хотячи мЂсто Володимер Владимеру АндрЂевичу отискати, /117зв./ бо на томъ ωт̃цу его и ему был присяглъ.
И знявшися зъ Ярославомъ галицкимъ и з Володимером Мъстиславичомъ, которыи з Венгерь был вернулся, стояль Гургиї под Володимеромъ десятъ дн̃иї, ωблегши, и билися крЂпко, и кровопролития много сталося. А же не хотЂлъ Мьстислав Изяславичь здатися Гургиеви, Гургиї, не хотячи болшого кровопролития, отступил от Володимера и пошол к Киеву, і, идучи, дал Владимеру АндрЂевичю Дорогобужъ и Пересопницу, и всЂ городы Погоринскиї, а сн̃у своему Борису даль Туровъ.
Того ж часу привелъ Гургиї кн̃зя Івана Ростиславича, названого Берлядника, окованого, хотячи его выдати Ярославу галицкому, зятю своему, которыи /118/ прислалъ былъ по Берлядника кн̃зя Св̃тополка и Коснятина СЂреславича.
Але гды за Берлядникомъ причинялся митрополитъ з духовными, знову его Гургиі ωкованого послал до Суздаля, а Изяславъ Давыдичъ, перенявши Берлядника, взялъ его к себЂ 95—до Чернигова—95 и свободил от тоеЂ беды.
Року 6666-гТ Изяслав Давыдичъ, змовившися з Ростиславомъ Мъстиславичомъ и зъ Мъстиславомъ Изяславичомъ, и з Романом, сн̃омъ своимъ, пошол был на Гургия, але киянє, приЂхавши, ознаимили ему, же Гургиї уже преставился, и просили его на княжение Киевское.
Преставился Гургиї, кн̃зь киевскиї, мс̃ца маия 15 дн̃я, и поховали его в Киевє в монастырЂ /118зв./ Св̃тго Спаса. У—УДомъ его в Кие†красныи и за Днепромъ двор, названныи Раи, розграбили, такъже и двор Василка, сн̃а его, а суздалцовъ по городомъ забивали, товари ихь грабячи.Ф—Ф
Глава 7
Ω КНЯЖЕНИЇ КН̃ЗЯ ИЗЯСЛАВА ДАВЫДОВИЧА В КИЕВЕ, Ω ПОСАЖЕНЮ В ВОЛОДИМЕРИ КН̃ЗЯ АНДРЂЯ ГУРГИЕВИЧА АЛБО ИРЕВИЧАХ , Ω КНЯГИНЂ ГЛЂБОВОИ И О НАДАНЪЮ ЕИ ПЕЧЕРСКИЇ МОНАСТИР, О КН̃ЗЂ РОГВОЛДЂ И Ω ВЫГНАНЮ ИЗЯСЛАВА ДАВЫДИЧА З КИЕВА
Изяславъ Давыдичъ, кн̃зъ черниговскиї, вшол в Киевъ мс̃ца маия 19 дн̃я в недЂлю ПентикостъЦ /119/ и сЂль на столицы киевскои, а сн̃овца своего Св̃тослава Владимеровича оставилъ в ЧернЂговЂ. И приЂхавши Св̃тославъ Олговичь зъ Св̃тославом Всеволодичемъ, хотЂль взяти Черниговъ, але его Володимеровичъ не пустиль, ажь Изяслав Давыдич з Киева, змирившися зь Олговичомъ, дал ему Чернигов, а Всеволодичю Новгород и, присягши себЂ, ωтишол Изяславъ до Киева. Тогды ж Изяслав, поЂхавши до Киева, учинилъ покои с половцами.
Того жь року ростовцы, суздалцы и володемерцы АндрЂя Гургиевича взяли себЂ за кн̃зя, маючи к нему любов, же былъ къ всЂмъ добръ и богобоязен. Сеи по смерти ωтца своего монастыри и церкви украсилъ и докончалъ церковь Св̃тго Спаса каменную, ωт от̃ца его заложенную Самь теж заложил /119зв./ каменную Пресвятые Бд̃цы в Володимери великим коштомъ, всЂ верхи золотомъ украсил и епископию тутъ уставилъ, и Володимер город болшиї учинилъ.
Того жъ року выгнали новгородцы Мьстислава Гургиевича, а Св̃тослава Ростиславича посадили в НовЂгородЂ. Тогды жъ Изяславъ, хотячи Владимеру Мъстиславичю достати Турова и Пинска, з ним и зь Ярополкомъ АндрЂевичомъ, и зь Ярославомъ луцкимъ, и з Рурикомь Ростиславичомъ, и з галичанами, и з смолянами пришол к Турову на Ярославича и попалилї села около Турова, а берендичи около Пинска, и билися крЂпко з Турова. Гургиї Ярославич посылал къ Изяславу о примире, але Изяславь /120/ не примирился, лечъ хотЂл его з Турова выгнати. И стоявши под Туровомъ недЂл десять, а не доставши, же кони в таборах Изяславовыхъ моромъ барзо здыхали, мусил ωтити знову до Киева, ничого не справивши.
Того ж року, мс̃ца генваря в третиї денъ, преставилася блаженная княгиня ГлЂбова Всеславича, дочка Ярополка Изяславича, и положена в Печерскомь манастырЂ сь кн̃земь своимъ въ гробЂ в головах св̃тго Феодосия. Тая бовЂмъ княгиня великую любов мЂла кь Пресвятои Бд̃цы и кь св̃тому Феωдосию, ревнуючи от̃цу своему и мужу, ωт̃ць бовЂмъ еи Ярополкъ все свое дал в Печерскиї монастыр: 96—НевласкуюУ волость—96 и Деревенскую, и Луческую, и около Киева. /120зв./ А ГлЂб, кн̃зь еи, за живота своего дал шестъсотъ гривен срЂбра, а пятдесятъ гривен золота, а по его смерти княгиня дала сто гривенъ сребра, а пятдесятъ золота, а по своеи смерти отказала княгиня пятъ селъ зъ челядю, и все дала и до повоя.
Року 6667-гШ преставился кн̃зь Борис Гургевичь, маия Щ—въ 2 д.,—Щ и положили его в церкви Св̃тых мучєникъ 97—Бориса и ГлЂба—97, ωт его ωт̃ца поставленои, где было становище св̃тых мученикь.
Того ж року Рогволодь Борисовичъ, взявше у Св̃тослава Олговича полкъ, пошол шукати себЂ волости, поневаж братия его взяли его волостъ ωт него немилостивно. И приЂхавши кь Слуцку, послал къ другоичаном, которыї /121/ з великою честъю и радостъю его вь свои город приняли, готовыми ωказуючися битися за него, а ГлЂба Ростиславича выгнали и двор его разграбилї. А он пришолъ кь от̃цу Ростиславу в Полоцкъ. Чого жалаючи, ωт̃цъ Ростиславъ з Всеволодомъ и з Володаремъ, и з всею братиею своею пошол на Рогволода къ Друтску. И бившися крЂпко зъ ωбоих сторон, учинили Ростиславъ з Рогволодомъ примире под присягою. И ωтишолъ Ростислав вьсвояси.
Того жь часуЮ, змовившися полочане на своего кн̃зя Ростислава ГлЂбовича, присягу свою, к нему учиненную, занедбавши, таемне послали кь Рогволоду, просячи, абы имь простилъ, же его выдали были ГлЂбовичомъ и двор его /121зв./ розграбили, и жебы тое присягою потвердилъ, ωбЂцуючи ему, своего кн̃зя Ростислава поимавши, выдати. А гды имь Рогволод присягь, они кн̃зя своего хотЂли поимати, на слово к себЂ просивши, але кн̃зъ, остереженныи перше, сЯ нимъ, маючи под сукнею оружие, пришол, для того ωни его не смЂли имати. А потомъ, взявши свои полкъ, много злого учинил Полотскои волости и пошол к МЂнску, к брату своему Володареви. А полотчане, пославши по Рогволода, приняли его с честью. И сЂль на столицы ωт̃ца своего в Полотъску.
Потомъ Рогволод, собравши воиско и взявши ωт Ростислава Мьстиславича двоих сн̃овъ на помочь, Романа и Рурика, зь смолянами, /122/ з новгородцами и зъ плесковичами пошол на Ростислава къ Минску и пришол къ Изяславлю на Всеволода. Всеволод, надЂючися на стародавную любов Рогволодову, выЂхалъ к нему и поклонился. А Рогволодъ, его принявши, ωтдалъ Изяславлъ Брячиславу яко отчину его, а Всеволоду далъ Стрижевъ. Ωттол пришолъ к Минску, где, стоявши десятъ дни, учинил примире з Ростиславомъ, и ωбадва присягнули себЂ, а 98—Володимеръ не присягал—98, хотЂль в лясехь под Литвою жити. И отишолъ Рогволод додому.
Потомъ Мъстиславъ Изяславичъ з помочью Владимера и Ярослава галицкого з Володимера пошол на кн̃зя киевского Изяслава Давыдовича. Изяслав, тое услышавши, зъ своимъ /122зв./ воискомъ пошол против ихь, пославши сн̃овца своего по половцы. А гды пришолъ Изяславъ к Василеву, тутъ сн̃овецъ его привел, к нему половцовъ барзо много на помочь. Тымъ часомь Мъстиславь з братиею своею вышолъ в БЂлъгород. З Василева пришовши Изяслав кь БЂлогороду, стоял дн̃и дванадцат99, хотячи, абы Мьстислав выступил з БЂлагорода, але не ишол Мъстиславъ, еще и берендичи Изяславовы зраду учинили, и турцыЬ послали вночи в БЂлгород къ Мъстиславу, ωбЂцуючи ему передатися, если обЂцуетъ имъ городы подавати. Што гды Мъстислав ωбЂцал, берендичи з турками кинулися якобы быти на БЂлъгород и передалися Мъстиславу. Ωбачивши тую зраду, Изяслав /123/ зъ сн̃овцомъ своимъ Св̃тославомъ Владимеровичомъ побЂгь на Вышгород, ωттолъ к Вятичемъ і взялъ Вятичи под Св̃тославомъ, кн̃земь чернЂговскимь, же не ишол на помочь, ни сн̃а не пустилъ. ЩоА разгнЂванныи Св̃тославъ боярь Изяславовых, жоны и товары поималъ. А половцы с-под Белагорода утекли, которых берендичи и гургевцы много побили и в Роси потопили. Мьстислав зас Изяславичъ зъ Владимеромъ и зь Ярославом въЂхалї в Киевъ, и побралъ Мъстиславъ скарбы великиї Изяславовы, и челяд, и товар, и кони, и послал все тое до Володимера, города своего.
Бзгодилися арк. 91 В—Вв Г П 1160-г Д пєрвого Е пєски ЄЯрополчомъ Жторковъ арк. 91 зв. З—З А арк. 92 Ипослышавши ІВощижу ЇП 1161-г арк. 92 зв. Йпозолотивъ арк. 93 КВсєволодичємъ П виправлено з Всеволодомъ ЛП 1162-г арк. 94 МбєрєндЂАми Нторками
Потом Мьстислав послалъ з братиею до Ростислава, стрия своего, къ Смоленску, абы принял столицу /123зв./ ωт̃ца своего киевскую. А Ростислав знову послалъ къ Мъстиславу, обЂцуючи приити, если щире его приимутъ и за от̃ца будутъ мЂти, и жебы Климъ не был митрополитомъ, але Костянтинъ, от патриархи благословенныи. Мьстислав, щире столицу обЂцуючи Ростиславу, не хотЂлъ Костянтина, а потомъ згодивися6 ωбадва, абы ни тои, ни сеи не былъ митрополитомъ, але 100—иного ωбирати—100. И приЂхал Ростиславъ до Киева.
Глава 8
Ω КНЯЖЕНИЇ РОСТИСЛАВА МЬСТИСЛАВИЧА В КИЕВЂ, Ω ПОБИТЪЮ ЗНАЧНОМЪ ПОЛОВЦОВЪ И Ω ВОИНАХЪ ИНШИХ КН̃ЗЕИ МЕЖИ СОБОЮ, НАИБАРЗЂ /124/ Ω ВОИНАХЪ ИЗЯСЛАВА ДАВЫДОВИЧА, ТУТ И О ЗМУРОВАННОЮ ЦЕРКВИ КОШТОВНОИ В—В ВОЛОДИМЕРИ ЗА МОСКВОЮ
Року 6668-г Г Ростиславъ Мьстиславичъ сподканыи от киян, з честью сЂль на столицы ωтца своего и дЂда в Киевє мс̃ца апрЂля 12 дн̃я, на самое свЂтлое Воскресение Хр̃ство. Того ж лЂта, маия 1Д дн̃я, Ростиславъ просилъ к себЂ Св̃тослава Олговича и, з нимъ зъЂхавшися, радостно частовал его и даровалъ Св̃тославу соболи, горностаи, куны чорныЂ, пессыЕ , бЂлые волки и рыбиї зубы, а назавътреє Ростислава Св̃тослав частовал и даровал ему пардуса и два кони борздыї зь оковаными сЂдлами, и розЂхалися.
Тогды жъ /124зв./ Олегь Св̃тославичъ побивъ половцовъ и Санту, половецкого кн̃зя, згубилъ. Такъже и Ростиславъ з Киева послал Гурга Нестеровича в насадахъ на берлядники, которыї Олеше взяли были и, погнавши ихъ, у Дциня побили и полонъ побрали.
Того ж часу Владимер АндрЂевичъ и Ярославъ Изяславичъ зь галичанами половцов побили межи Мураневомъ и ЯрополчамъЄ и много полону взятого отбили.
Потомъ Рогволод з полодчанами ходивъ на Ростислава ГлЂбовича кь Смоленску. Послал тежь Ростиславъ Мъстиславичь з Киева Рогволду на помочь турковьЖ шестъсотъ, але тыи з нендъзы знову пЂши вернулися, а Рогволодъ, ставши под Смоленскимъ шестъ недЂлъ, учинил миръ под присягою з Ростиславомъ, вымогши /125/ тое, же Ростислав Володушу з поруба, а Брачислава з желЂзь выпустилъ. Того жь року Изяслав Давидовичь з Вырева з половцовъ множествомъ пошол кь ЧернЂгову на Св̃тослава Олговича и пожегль сел много, и людеи повоевалъ за рекою з половцами.З—З Св̃тослав Ωлговичъ зъ сн̃овцемъ своимъ и з Св̃тославомъ Всеволодичемъ, и з Рурикомъ, упросивши себЂ з Киева у Ростислава на помочъ Ярославича и Изяславича і Владимера АндрЂевича, з галицкою помочью вышовши з Чернигова, половцовъ побили, посЂкли, иных поимали и иншиї розбЂглися. Што обачивши, и самъ Изяславъ побЂглъ до Вырева, за которымъ погнавшися Св̃тослав, попалил волостъ около Вырева и, много злого учинивши, вернулися /125зв./ до домовъ.
Тоеи жь зимы Изяслав з половцами ходил на Смоленскую волость и, много повоевавши, половцы иных людеи посЂкли і иных много барзо в полон побравши, вернулися.
Ωттолъ Изяславъ, пославши кь Гургиевичю АндрЂеви, взялъ у него дочку за сновца своегω Св̃тослава і, взявши у него на помочь сн̃а его Изяслава, со всЂмъ его полкомъ и з муромъскою помочью пошол кь Св̃тославу Володимеровичю, сн̃овцу своему, на оборону, которого вь Увъщех облегли били Св̃тославъ Ωлговичъ и Св̃тослав Всеволодичъ, и Рурик, и иныї кн̃зи. Тыи кн̃зи, послушавшиИ, ижъ идетъ на нихъ Изяслав Давыдичь и Изяслав АндрЂевичъ, учинили примире зь Св̃тославомъ Володимєровичомъ и вернулися до домовъ. /126/ Послышавши ωбадва Изяславы, также вернулися: АндрЂевичъ кь ωт̃цу своему вь Ростов, а Изяславъ Давыдовичь до Вятичь. Тогды жь АндрЂевну понялъ за себе Св̃тослав Володимеровичъ.
Знову Св̃тославъ Олговичъ и обадва Всеволодичи, и Рурикь с киевскимъ полкомъ, и Олегь Св̃тославичъ, Роман з Смоленска и Всеслав з Полоцка, и Костянтинъ СЂрославичъ з галичаны пошли на Св̃тослава Володимеровича къ ВещижуІ и, стоявши около его десятъ недЂл, учинили з нимъ примире для того, же Володимеровичь присягь Св̃тослава мЂти за от̃ца и во всемъ слухати, и отишли.
Того ж часу Мъстиславь Изяславичь зъ иншими кн̃зями /126зв./ ходилъ на Гургия Ярославича къ Турову, а, ничого не змогши, вернулися.
Року 6669-гЇ новгородцы, учинивши раду, послали къ своему кн̃зю Св̃тославу Ростиславичю, абы сн̃а своего з Нового Торгу вывелъ, мовячи: «Не можемъ двух кн̃зеи у себе терпЂти». Выгажаючи имъ, Св̃тославъ отослалъ сн̃а своего к Смоленску, але новгородцы знову, тымъ не контентуючися и самого Св̃тослава поимавши, розграбили его двор и дружину, самого послали в Лагоду за сторожею многою, а княгиню его в монастыр. Чого довЂдавшися от̃цъ его в Киевъ Ростислав, наимавъ новгородцовъ и казал накидати в погребъ, в которомъ умерло ихъ четырнатцатъ. /127/ ДовЂдавшися Ростислав, же в погребЂ задыхаются, ужалившися, казал ис погреба розвести по городомъ. А новгородцы послали кь АндрЂеви Гургиевичю, просячи у него сн̃а на княжение Новгородское, але имъ не дал сн̃а, давал брата своего Мъстислава. Которого гды ωны не хотЂли, уже бовЂмъ у них ωнъ княжилъ, даль имъ АндрЂи сн̃овца своего Мьстислава Ростиславича, а Св̃тославъ ушол на Полоцкъ з везаня. Ωттолъ его Рогволод отправадил кь Смоленску.
Того ж року кн̃зь АндрЂи Юрьевичъ докончалъ цр̃ковъ Пресвятые Бд̃цы в Володимери 101—за Москвою—101 и украсив еи дивно иконами и сосудами, и каменемъ дорогимь, и верхи еи позолотилЙ, паче иных церквеї украсивь. 102—О котром украшениї болеї /127зв./ по смерти кн̃зя АндрЂя нижеї будетъ—102.
В тои же час погорЂль Ростовъ и церкви, и соборная церковъ Пресвятои Бд̃цы великая и дивная, яковои не былω и не будетъ.
Тогды ж Рогволод ходил к Минску на Ростислава ГлЂбовича и з нимъ примире учинилъ.
Потомъ Ростиславъ з Киева послал кь Св̃тославу в Черниговъ з любви, жебы к нему прислал Олга, сн̃овца своего. И послал его Св̃тослав, и утЂшался Ростиславъ зъ Олгомъ, и частовалъ егω, а завистныї люде, хотячи братию звадити, перше Ωлгу налгали, якобы его Ростислав хотЂлъ, поимати и повезти до Киева, потомъ тое жъ и Св̃тославу сказали, и 103—якобы Ростислав и сн̃ъ его АндрЂи хочютъ Изяславу Черниговь отдати—103. За тое /128/ розгнЂвавшися Св̃тославъ, отступил от Росстиславовы любви и зьедночился зъ Изяславомъ. Затым Изяславъ зъ ВсеволодичемъК и з братиею, и з Олгомъ, и з половцами пошол до Переясловля, росказуючи ГлЂбу, зятю своему, абы з нимъ ишол з Переясловля на Ростислава, але ГлЂбъ не слухал, не ишол. А гды Изяславъ тамъ д†недЂли стоялъ, довЂдавшися того Ростиславъ Мьстиславичъ, з многими воисками пошол з Киева на Изяслава. Услышавши тое, Изяславъ побЂгль от Переясловля, и половцы розбЂглися.
Того ж року з Цр̃игорода пришол до Киева Феωдорь митрополитъ, по которогω посылалъ Ростиславъ. /128зв./
Глава 9
Ω ВОЕВАНЮ КН̃ЗЯ ИЗЯСЛАВА ДАВЫДОВИЧА З РОСТИСЛАВОМЪ, КН̃ЗЕМЪ КИЕВСКИМЪ И Ω ЗАБИТЮ ИЗЯСЛАВА, Ω ВОИНАХЪ КН̃ЗЕИ ПОЛОТЦКИХЪ И ИНШИХЪ КН̃ЗЕИ И Ω ПРИМИРЮ РОСТИСЛАВА ЗЪ МЪСТИСЛАВОМЪ
104—Потомъ зимою—104 знову Изяслав, собравшися зъ Всеволодичами и зь Олгомъ, и зъ многими половцами, пришол къ Киеву и почал Киева добывати. А Ростиславъ зъ АндрЂевичемъ крЂпко отбивался, и стала такъ великая сЂча, же якобы то страшныї суд починался. И почав звитяжати Изяславъ, уже бовЂмъ половцы ухватовалися у город, пробиваючи пали. И побЂгли берендичи, /129/ и почала дружина радити Ростиславу, жебы пошол до БЂлагорода и тут бы дождалъ братиї и иное помочи. Ростислав послухалъ и пошол до БЂлагорода, а Изяслав вьЂхал в Киевь. И сталося знамение на небЂ: мЂсяцъ зменился, и згинула свЂтлость, и стался чорныи весь, потомъ кривавыи, потом половина жолта, половина зелена, и два рицери, в мЂсеце секучися, едному кров з головы ишла, а другому молоко. И рекли всЂ: «Знакъ то княжои смерти». И пошол Изяслав з Киева под БЂлъгород на Ростислава и стоял четыре недЂли под БЂлъгородомъ.
Тогды ж року 6670-гЛ пошол Мъстислав зъ Володимера зь своими и зъ помочъю галицкою, и Рурикъ /129зв./ з Торческа зь Владимеромъ АндрЂевичомъ и з Василкомъ Гургиевичомъ, и з берендичамиМ, з куями, з туркамуН, и з печенигами, знявшися у Котелницы зъ Мъстиславомъ. Пришли под БЂлгород на помочъ Ростиславу черныї клобуцы, ωт Изяслава пущеныи, побЂгли вперед смотрЂти воиска Мъстиславового. Постерегши воиска новыї великиї, сказали Изяславу, и зараз Изяславъ устрашився, побЂгь от Белагорода, и половцы побЂгли. Ростиславъ, вышовши з БЂлгорода, привитался з братиею. Турцы и инши з воиска побЂгли за Изяславом, которыи Изяславовых людеи били и имали много утекаючихь, а Изяслава догнали /130/ вь ωзера, вь борокъ вьеждаючи, ударил его Борнегевичъ в голову шаблею, а другиї уколол въ стегно. Такъ упавши Изяслав з коня, умерлъ марта 6-г дн̃я, и послали его в Киевъ къ Св̃тому Симиону в монастыръ, в КомаревомъО концы, а оттолъ послали къ Чернигову. И тамъ его з плачем сховалъ Св̃тославъ в церкви ωт̃ца его, Св̃тых мученикъ Бориса и ГлЂба. 105—А Ростислав знову сЂлъ в КиевЂ.—105
ОКопыревомъ (?) ПП 1163-г РП 1164-г СП 1165-г арк. 96 Т—Т и УГургїєвичъ ФП 1167-г ХприсАгою ЦП 1168-г арк. 97 Чвідсутнє Швыливанемъ Щдванадцатю Юбратїй Язоставивши Ьпочалъ
Того ж року взяли новгородцы Мьстислава Ростиславича к себЂ на княжение знову, а Гургиева внука Мъстислава выгнали от себе.
Тогды ж преставился кн̃зь Иωанъ Ростиславичъ, названныи Берлядникъ. Тогды ж и кн̃зь резанскиї Владимерь, сн̃ь Свтославов, /130зв./ внукъ Ярославовъ, преставился.
Тогды жъ часу Рогволдъ з полотчанами приходил на Володаря, але Володаръ, з литвою выскочивши з города вночи, побилъ ихь и поималъ многω. А самъ Рогволдь побЂгь вь Слуцкъ, ωтолъ в Дюрютескъ, а къ Полотску не смЂлъ ити, жє много полотчанъ при немъ пропало. Для того полотчане посадили у себе Василковича.
Того ж часу Мьстиславъ Изяславичь, на стрия своего Ростислава розгнЂвавшися, поЂхалъ з Киева. Для того ж Давыд Ростиславичъ, Мьстиславовых старость з Торческа побравши, привел до Киева, а Ростислав послалъ сн̃а своего Мьстислава в БЂлъгород, 106—вь Мъстиславовъ город.—106 /131/
Потомъ Мьстислав Изяславичь пошол з Володимера под Переясловлъ, зовучи Владимера АндрЂевича на Ростислава, которыи гды, присяги додержаючи, не пошол на Ростислава, Мъстиславъ вернулся додому.
Того жь часу Св̃тославъ Олговичь и обадва Всеволодичи присягли Ростиславу.
Того ж року АндрЂи Юрьевичъ, кн̃зъ, выгнал з Суздаля Леона, епископа, и братию свою, Мъстислава и Василка, и двох сн̃овцовъ своихъ Ростиславовичов, хотячи самодержцемъ быти в Суздалскомъ княжениї. А Леона для того выгналъ, же ему не позволилъ от Воскресения Хрства до НедЂли всЂхь св̃тых вь среды и вь пятницы Ђсти мяса.
Тогды ж учинил примире /131зв./ Ростислав з Гургиемъ Ярославичомъ. На которогω Гургия пришовши, половцы, взяли вежи многиї и по Роту, и Воивора забили, которыи Изяслава забилъ, а чорны клабуцы, погнавши за половцами, побили ихь и полон отняли, и многихъ поимали, з ними жъ и двох княжичев взяли.
Потомъ Рурикъ и Св̃тополкъ Гургиевичъ, туровскиї кн̃зъ, и Свтославъ Всеволодичъ з братомъ Ярославомъ и зь Олгомъ Ярославичомъ, и з Володимеровичомъ, и с кривскими кн̃зи пошли на Володимера Мъстиславича къ Слуцку. Владимеръ, силу ихь великую обачивши, уступил имь Слуцка и пошол до Киева к брату Ростиславу. Ростиславь его принявши, /132/ далъ ему Триполъ зь иншими чотырма городами.
Тогды жь Гургиевичи, Мъстиславъ і Василко з маткою, пошли къ Цр̃игороду, и дал Василку цр̃ь над Дунаемъ четыре городы, а Мъстиславу далъ волостъ Оскалавы.
Року 6671 -гП Ростислав учинилъ примире з сыновцемъ107 своимъ Мъстиславомъ Изяславичомъ и вернулъ Мьстиславу БЂлгород и Торцескъ, а за Триполье отдаль ему Каневь. Учинилъ тежь Ростислав миръ з половцами и взял дочку кн̃зя половецкого БЂлуковну за Рурика, сн̃а своего.
Того ж року преставился Феодорь, митрополить, на которого мЂсце пришол з Грециї митрополит Иωань в Киевъ. /132зв./
Глава 10
Ω СМЕРТИ КН̃ЗЯ ЧЕРНИГОВСКОГО И О НЕЗГОДЂ ЗА ПОДЂЛЪ ЕГО КНЯЖЕНИЯ, Ω ВОИНЂ КН̃ЗЕИ ВЫТЕБСКОГО И ПОЛОЦКОГО И О СМЕРТИ КИЕВСКОГО КН̃ЗЯ РОСТИСЛАВА
Року 6672-гР преставился Св̃тославъ, кн̃зъ чернЂговскиі, февраля вь 5 д., и поховаль его Олгь, сн̃ь его, в ЧернЂговЂ. ДовЂдавшися о томь Св̃тославъ Всеволодич послаль з Новагорода кь Олгу до ЧернЂгова, потребуючи себЂ Чернигова, и поеднался з нимъ. Ωлгъ пустилъ ему Черниговъ, а Св̃тославъ Всеволодичъ далъ Ωлгу Новгород, и присягь на томъ Св̃тославъ, же мЂлъ братомъ Олговымъ Игору и Всеволоду волости дати, але потомъ не дал.
Того ж року преставился /133/ кн̃зь Изяславъ, сн̃ь кн̃зя АндрЂя, и, плакавши по немь, ωт̃ць его АндрЂи з братом Мьстиславом положил в церкви Пресвятые Бд̃цы в Володимери ωктоврия 8-г дн̃я.
Року 6673-гС Давыд Ростиславичъ сЂль у Витебску, а Роману, Вячеславову внуку, далъ Ростиславъ Василевъ и Краснъ. Дочку тежь свою Агафию отдалъ за Ярополка Изяславича. Тогды ж Василкω Ярополчичъ много половцовъ поимал и побил, Т—Т стада и скарбы ихь побралъ. Того ж року преставился кн̃зъ Ярославъ ГургиевьУ и, плакавши по немъ АндрЂи, брать его, положил в церкви Пресвятыя Бд̃цы в Володимери марта 12-г дн̃я.
Року 6675-гФ преставился Владимеровичъ вь Вщижи, внукь Давыдовичовь. Тогды ж Олгъ завоевался зь Св̃тославомь /133зв./ Всеволодичемъ за тое, же Св̃тослав волости Володимеровичю Всеволоду не далъ ведлугь своеї ωбЂтницы, але давъ лЂпшую волость своему брату, а сн̃а посадилъ во Въщижи. Олгу и Ростиславъ помагати былъ почалъ, лечь гды Олгь захорЂлъ барзо, радилъ ему Ростиславъ, жебы зъ Св̃тославомъ помирился. И учинилъ Олгъ примире зь Св̃тославомъ под присягоюХ, за що Св̃тославъ далъ Олгу четыре городы.
Того ж року Володарь ГлЂбовичь пошол къ Полотску. З Полотска Всеслав Василковичь с полодчанами вышовъ противь его, але гды зненацка ударил на Всеслава, побилъ и поимал много полотчань, а Всеслав побЂгь к Вытебску. Володарь зась вьишол в Полотскъ и, присягши себЂ взаемъ з полотчана- ми, пошол къ Витебску, /134/ там же почали битися. А гды Давыд и Роман пришли Всеславу на помочь, Володаръ утеклъ, и, многих ево людеи поимавши, Всеславь послалъ к Полотску.
Тогды ж Ярославъ, кн̃зь галицкии, за сн̃а своего Владимера взялъ дочку у Св̃тослава108 Всеволодича Болеславу, а Ярославъ Изяславичъ взялъ дочку у Гургия Ярославича Малфриду за сн̃а своего.
Того жь року Олгь Светославич звитяжилъ Боняка половецкого и половцов побиль.
Року 6676-гЦ пошол Ростислав к Новугороду для того, же новгородцы зь сн̃омъ его Св̃тославомъ зле жили, и, пришовши к Чернигову109, тамъ з зятемъ Олгомъ и з своею дочкою частовался и далъ имъ дары многиї. Ωттол былъ в Смоленску у зятя Романа и там, радосно /134зв./ ωт всЂхъ сподканыи и приняты, и ударованыї, пошол кь Новугороду и захорЂлъ в дорозЂ, а Св̃тославъ з новгородцами споткалъ Ростислава, от̃ца, в Луках. Тут же присягли новгородцы Ростиславу, же до смерти мЂли сн̃а его за кн̃зя мЂти, и взявши Ростиславъ ωт сн̃а своего и ωт новгородцовь дары великиї, казал себе хорого вести до Киева и приказалъ, если бы в тои болезни умер, жебы его поховано во ωтчои церкви у Св̃тго Феодора в Киевє, а если бы Гс̃дь Бг̃ь его ωт болезни воздвигнулъ молитвами Пресвятои Бд̃цы и св̃того Феодосия, то обЂцал постричися в Печерскомъ манастыре и мовилъ попу своему духовному Семиωну: «Даси Бг̃у отвЂть, же не позволяешъ мнЂ постричися вь чернцы». Бо еще послышавши /135/ о смерти Св̃тослава, черниговского кн̃зя, просил Поликарпа, игумена печерского, о келию, просячиЧ, хотячи постричися. МЂль тежь кн̃зь Ростиславъ тои звычаи, же през весь пость великии кождои недЂли причащался пречистых таин Хрстовых, зъ стогнанемъ и зь вниманемъШ слез многих покорне стоялъ в церкви всегды. И в кождую суботу, и в недЂлю брал игумена Поликарпа з дватцатьюЩ братиюЮ к себЂ и, служачи имъ, кормиль ихь самъ, а в суботу Лазореву всю братию печерскую частовал, великую любовъ маючи къ Пречистеи Бд̃цы и ко св̃тому Феодосию Печерскому, и завше мовлял Поликарпу, игумену: «Хочю оставити княжение и постричися, знаючи великую заплату, иноком /135зв./ зготованную, якъ цр̃ь Костянтинъ реклъ: «Если бымъ вЂдалъ за живота заплату инокомъ зготованную такъ великую, якъ тепер вижу по смерти, зоставшиЯ цр̃скиї вЂнецъ, стал бымъ инокомъ».
Потомъ Ростислава барзо печалъ изнемагати и призвалъ к себЂ свешенника, абы отходную молитву над нимъ учинилъ, а самъ, поднесши ωчи и руки в небо пред ωбразомъ Хр̃стовым и Пресветои Бд̃цы молился со слезами и, молячися, преставился мс̃ца марта 14-г дн̃я. И привезши его до Киева, положили вь гробЂ в церкви Св̃таω Феωдора вь ωтцевомъ манастырЂ. /136/
Глава 11
Ω КНЯЖЕНИЇ В КИЕВЂ МЪСТИСЛАВА ИЗЯСЛАВИЧА И НЕЗГОДЂ ВЛАДИМЕРА МЬСТИСЛАВИЧА З НИМЪ, Ω ЗВИТЯЗСТВЂ ЗНАЧНОМЪ МЬСТИСЛАВОВОМЪ и ИнШИх КН̃ЗЕи НАД ПОЛОВЦАМИ И О ВЫГНАНЮ МЬСТИСЛАВОВОМЪ З КИЕВА
АП 1169- г БП 1170-г арк. 99 ВБориславича П правлено арк. 99 зв. Г—Г відсутнє Д—Д з арк. 100 Е драпезство ЄКїевском
Року 6677-гА, по смерти Ростислава, кн̃зя киевского, Мьстиславъ Изяславичъ, з воисками пришовши к Киеву і взявши примире з Володимером Мъстиславичемъ, братомъ Ростиславовым, и з Руриком, и з Давыдомъ, сн̃ами Ростиславовыми, ω подЂл волостеи присягли себЂ на тое. Вышол в Киевь Мьстиславъ Изяславичь мс̃ца маия 19-г дн̃я и сЂлъ на столицы ωт̃ца своего и дЂдов своих. Зараз Владимерь почал мыслити на Мьстислава. /136зв./ Которая его мысль, гды ωбявилася Мьстиславу, поЂхалъ Мъстиславъ до Печерского манастыря, за нимъ приЂхалъ и 110—Владимеръ до Печерского жь и оправдовался—110, повЂдаючи Мьстиславу, жє ωклеветали его в тои мысли завистники: «А я тобЂ мышлю доброе». Мьстислав мЂл хотя и свЂтки на тую его мыслъ, положил еднакъ тое на Бг̃а. Владимеръ Мъстиславу присягь, же ему доброе мыслитъ, и ωтЂхал в Котелню.
Знову рыхло Владимерь Мьстиславичь, присягу зломавши, другиї раз почал на Мъстислава замышляти. Пристали кь его думЂ Чагровичи, Чекман, Тошман и Манучан, знялся з берендичами, але ни братия его, ни дружина не хотЂли к нему пристати. Видячи берендичи, же своих никого на помочъ не маетъ /137/ Владимер, а обЂцалъ имь, же будутъ братия з нимъ, почали на самого Владимера стреляти, же ихь ωшукаль, и побили егω дЂтъскихъ, совЂтниковь. Владимер видячи, же зле, побЂгь до Дорогобужа, лечь АндрЂевичъ не пустилъ его в Дорогобужь, мость на Горини роскидавши, а ωн вернулся на Радимичи кь АндрЂю, кь Суздалю, и тои его не пустилъ, мовячи: «Иди в Резанъ кь своему от̃чичу ГлЂбу». И пошол тамъ, а жона его осталося у ВсеволожЂ, у ГлуховЂ. Мьстиславъ, разгнЂвавшися на Владимера, матку его отогналъ от себе, которая пошла до Чернигова.
Того ж року, зламавши присягу, новгородцы почали промышляти 111—о своемь кн̃зЂ Мъстисла†РостиславичЂ—111, сказавши ему тое: дружина его радили, абы ωн тежъ ω собЂ промышлял.
Року 6678-гБ /137зв./ Мъстислав Изяславичь, кн̃зь киевскии, собравши братию свою, кн̃зеи рускихъ, почалъ имъ радити, жебы перестали Рускую свою землю губити междусобною воїною, а жебы на неприятелеи, Рускую землю пустошачихь, на половцов и на гречиниковъ силу свою ωбернули. Подобалося тая рада всЂмъ кн̃земь, и пришли всЂ з воисками своими до Киева: Рурикь и Давыд, Всеволодичи Св̃тославъ и Ярославь 112—з Чернигова—112, Олгь Св̃тославичь и братъ его Всеволод, Ярослав з Луцка, Ярополкь, Мьстиславь Всеволодичь, Св̃тополкь Гургиевичъ, ГлЂб с Переясловля и братъ его Михалко и инши многиї. В суботу Крестопоклоннои недЂли, марта 2-г дн̃я, пошли всЂ з Киева. Тамъ же на дорозЂ захорЂль Ярополкь Изяславичъ, брать Мъстиславовь, и послалъ Мъстиславь /138/ до Поликарпа, игумена печерского, и до Данила, своего попа, жебы Ярополка, если умретъ, поховали в церкви Св̃тго Феωдора. Преставился теды Ярополкъ марта 7-г дн̃я, и поховали его в церкви Св̃тго Феодора, а кн̃зи з Киева ишли девятъ денъ. ДовЂдавшися ω них, половцы побЂгли, покинувши жоны и дЂти, і все свое на качовискахь. За которыми кн̃зи рускиї скорЂи погнавшися, побрали ихь вежи на У гли рецЂ, а самых, догнавши у Чорногω лЂса, и иншихь позабивали, других поимали, и гонили за ними, и инши, за Ворсклу бьютчися и хрстиян отбивши, попускали, а половцовь, жон ихь и детеи, и челяди, и стад ихь такь много наимали, же всему воиску на подЂлъ доволи стало. Руских людеи толко двух забито, /138зв./ а третего поимано. И такъ з великою радостию вернулися вси кн̃зи и пришли до своихъ домовь на самое Воскресение Хрство.
Потом, знову собравшися, кн̃зи ходили на греченниковъ и розбили ихь.
Почалася за тымъ ненавестъ от кн̃зеи на Мъстислава такимъ способомъ. Слуги Петра и Нестора БорисовичаВ покрали кони вь стадЂ Мъстиславовомъ, на которых и петна свои положили. 113—3а тое Мъстислав на Борисовичов ωзлобился—113. Ωни Давыду и Рурикови налгали на Мъстислава, якобы имъ злое мыслитъ.
И гды Давыда и Рурика просил на честъ Мъстиславъ, не пошли, повЂдаючи ему злую егω на них мыслъ. И хотяи Мъстислав имъ присягь, же ничего имъ злаго не мыслитъ, еднакъ ωт того часу не было ихь серце правое з нимъ. /139/ Знову Володимерь АндрЂевичь просил волости у Мъстислава. Отказалъ ему Мьстислав, же: «Недавно взялесь от мене волости и присяглесь мнЂ». За що Владимерь, розгнЂвавшися, пошол къ Дорогобужу. Такъже АндрЂи Гургиевичь, кн̃зь суздалскиї, не мЂл кь Мъстиславу любви. Тогды жь прислали новгородцы кь Мъстиславу, просячи сн̃а его к себЂ на княжение, и далъ имъ Романа. Для того еще болшая вражда на Мъстислава от всех кн̃зеї повстала.
А такъ всЂ братия, змовившися под присягою, на Мъстислава Изяславича пошли к Киеву, АндрЂи Гургиевичъ албо Юрьевичь з ростовцами Г— не был тои на тои чась под Киевомъ, толко з Суздаля выправилъ сн̃а своего Мъстислава—Г з сузъдалцами и зь володимерцами, и иншихь кн̃зеи адинатцать: и Борис Жидиславичь, ГлЂбъ /139зв./ з Переясловля, 114—Роман Ростиславичъ, Гургиевичь Д—Д Смоленска—114, Владимер АндрЂевичь з Дорогобужа, Рурик зъ Овручого, Давыд з Вышгорода и братъ егω Мъстиславъ, Олегь Св̃тославичъ и Игор, братъ его, і Всеволод Гургевичь, и Мьстислав, вн̃укъ Гургиевъ. Мьстислав, послышавши тое, послал былъ кь сн̃у своему в Новгород Михалка, але его под Мызаремъ Рурикъ и Давыд поимали. 115—И зышлися кн̃зи в ВышьгородЂ,—115 и, пришовши к Киеву, слали под манастыремъ Св̃тго Кирила в суботу Федорову, а на другои недЂли ωблегли Киевъ и билися крЂпко з обоих сторон. Але Мъстиславъ, не могучи противъ всЂхь здолЂти, побЂгь з Киева на Волын кь Володимеру мЂсту, на свое первое княжение. А Мъстислав АндрЂевичъ з другими князями, добывши Киіва, /140/ жону Мьстиславову и сн̃а его поималъ, и мЂсто Киевъ розграбилъ: не толко мещанъ грабили, але и цр̃кви Бж̃иї, и манастыръ Св̃тои Софиї, и иншиї манастыри всЂ подрали, и сосуды, ризы и образы, і всЂ зь цр̃квеи и з монастыреи побрали без милости, и многихь позабивали и попалили, наибарзеи смоляне и суздалцы, и черниговцы. Тогды ж и Печерскиї мнстрь обдирали и запалили, але потомъ угасился ωгонь и ускормлено было трапезствоЕ .
Глава 12
Ω ПОСАЖЕНЮ КН̃ЗЯ ПЕРЕЯСЛОВСКОГО ГЛЂБА НА КНЯЖЕНИЕ КИЕВЪСКОЕЄ , Ω СМЕРТИ ВЛАДИМЕРА АНДРЂЕВИЧА, Ω ПОДНЕСЕНЬЮ ВОИНЫ МЬСТИСЛАВА НА ГЛЂБА КИЕВЪСКОГО, Ω ЕГО УТЕКАНЮ, Ω ВАСИЛКУ ЯРОПОЛЧИЧУ И О ЗЛОСТИ ФЕДОРЦА, ЕПИСКОПА РОСТОВСКОГΩ /140зв./
Мьстиславъ АндрЂевичь, в тот часъ выправленыи зь Суздаля от от̃ца своего, всея Росиї самодержца АндрЂя Боголюбского, першее мЂстъце межи князями держачи, посадилъ на столицы киевскои стрия своего ГлЂба, кн̃зя переясловского. А ГлЂбь, сЂвши на столицы киевскои, далъ Переясловлъ Владимеру, сн̃у своему. 116—Мьстиславъ засъ Изяславичь, призвавши брата Ярослава з галичанами на помочь, пошолъ 116—з Володимера—116 къ Дорогобужу на Владимера АндрЂевича и, облегши Дорогобужь, билися крЂпко. Самъ Владимерь в городЂ лежалъ хорыи. Еднакъ же города не достали, Шумскъ и иншиї городы поздавалися Мьстиславу, а инши повоевавши и попаливши городы, Мъстислав вернулся додому.
По егω отходЂ преставился кн̃зъ Владимерь АндрЂевич генваря 28-г дн̃я, и привезли его 116—з Дорогобужа—116 /141/ до Вышъгорода. И послалъ кн̃зь ГлЂба з Киева Поликарпа, игумена печерского, и Семиона, игумена Св̃тго АндрЂя, приказавши, абы ωни доправадили тЂло до Киева, а самъ поЂхалъ до Городка за Днепрь, ωттолъ до Переясловля. И такъ припровадивши тЂло Владимерово до Киева, игумени и чернцы, и свещенници, и кияне положили честно в монастырЂ Св̃тго АндрЂя февраля 15-г дн̃я.
Владимеръ засъ Мъстиславичъ, зостаючи в Полонномъ, скоро послышалъ о смерти Владимера АндрЂевича, пришоль к Дорогобужу. И гды егω не пустили в Дорогобужь, послалъ кь Св̃тославови и кь дружинЂ в Дорогобуж, обЂцуючи присягнути на тои, же ни имь, ни княгини не мает ничого злого чинити, и ни сел, ни иного чого еи /141зв./ не брати, и присягьнул. А они пустили его в город. Але приступилъ присягу свою, вшовши в Дорогобуж, нестатечныи: назавтреє села и скарбь вес АндрЂевичов от княгини, ятрови своеи, побралъ и самую княгиню выгналъ з Дорогобужа. А ωна, взявши сн̃а, пошла през Ωвручовъ до Вышгорода.
ЖП 1172 -г арк. 101 Згаличанъ Иторками арк. 101 зв. Імужєствєнный Їбитный Йвідсутнє арк. 102 зв. КДєсАтинной ЛПолоному М—Мк Нпомсту Овідсутнє Ппозабивали арк. 103 Ртой арк. 103 зв. СродилсА
Року 6680-гЖ Мъстислав Изяславичь, взявши Ярослава и Владимера Мъстиславича, и Всеволодовича, и Св̃тополка Гургиевича, и галичавьЗ з берендичами и з туркамиИ, пришол къ Триполъю. Оттол пошовши, вьшол в Киевъ і взялъ з братиею в Киевє рады. З Киева зас пошол изь киянами кь Вышгороду, и бился Давыд з Вышгорода крЂпко зь Мъстиславомъ, маючи помочь от ГлЂба, его воиско и половцовъ, и берендичов, і БастЂівых людеи. /142/ Мьстиславъ сталъ под боромъ. Затымъ при Ярославичахъ галицкихь над воискомь галицким зостаючиї Костянтинъ змысливъ листъ от Ярослава и повЂдал Мъстиславу, же: «Болше пяти дн̃еи з тобою не буду стояти». И пошли от Мъстислава галицкиї полки додому. Сказано тежь Мьстиславу, же и самъ кн̃зь киевскиї ГлЂбь з половцами идет на него, чорниї тежь клобуки ωшукивали Мьстислава. Видячи тое все на себЂ, Мьстислав, порадившися зь своими, пошол от Вышгорода и ωт Киева второи недЂли по ПасцЂ на Волын до Володимєра и, гнавшися за нимъ половцы, стали за Василевом у седелниковь. А Василко Ерополчичъ з Михаїлова ударил на нихь рано, але половцы з седелниками дружину его побили и иншихь поимали, /142зв./ а самъ ледве, ушолъ вь свои город. За тое ГлЂбъ, розгнЂвавшися з Рурикомъ и з Мьстиславомъ, и з Давыдомъ на Василка, пошли къ Михаилову, где, змирившися з Василкомъ, пустили его къ Чернигову, а город его Михаиловь сожгли и гребли роскопали.
Того ж року преставился кн̃зь Св̃тославъ Ростиславичь на Волоцы, воюючи Новгородскую волость. И положили его вь Смоленску вь епископиї честно, в церкви Пресвятои Бд̃цы. Был сеи кн̃зъ на воинахь мужественныхъІ и битвыиЇ, до того побожныи, скарбовь не збиралъ великихь, роздавалъ еднω дружинЂ, другое манастыремъ, иноком и церквам, барзо любилъ и чтил духовныхъ.
Тогды жь родился сн̃ь у Мъстислава АндрЂевича, и назвали его Василєи.
Того ж року Федорца, /143/ епископа ростовского, звержено и послано в заточение Которыи то епископъ Федорецъ барзо был злыї, села у людеи ростовскихь ωтималъ и добытки грабил, вь заточения ωтсылалъ не толко простых людеи, але и свещенниковъ, иЙ иноков, иЙ игуменов, бороды ωбрЂзывалъ и головы, очи выпаливал, языки урЂзывалъ, на стЂнах роспинаючи, немилостивно билъ, митрополиту киевскому не хотЂл послушенства отдавати, 117—за що его кн̃зь АндрЂи Юрьевичь барзо строфовал—117. А гды не хотЂль упамятатися, ωтослалъ его до Киева кь митрополиту Костянтину. Митрополитъ за всю тую злость и за непослуженство к нему Федорца, епископа, ωтослал в заточение вь Песиї ωстровъ. И тамъ ему языкъ отрЂзали, и руку правую отсЂкли, и очи выняли за его злости и блюзнЂрьства. /143зв./
Глава 13
Ω ДВОЯКОМЪ ЗНАЧНОМЪ КН̃ЗЯ КИЕВСКОГО ГЛЂБА НАД ПОЛОВЦАМИ ЗВИТЯЗСТВЂ, Ω ВОИНЂ КН̃ЗЯ АНДРЂЯ ЮРЬЕВИЧА З НОВГОРОДЦАМИ, Ω СМЕРТИ КН̃ЗЯ ГЛЂБА И Ω КОРОТКОМЪ ПО ЕГО СМЕРТИ КНЯЖЕНИЇ В КИЕВЂ ВЛАДИМЕРА
Того ж року множество половцовь великое пришли в Рускую землю и надвое розделилися: едны пришли под Переясловлъ, другиї под Корсунь. И послали ωбое до кн̃зя ГлЂба в Киевъ, абы, з ними зьЂхавшися, примире учинилъ и присяглъ имъ, а они ему. ГлЂбь, принявши ωбоихъ поселство, перше пошол к тымъ половцомъ, которыї были под Переясловлемъ, охороняючи /144/ Переясловля, же Владимерь ГлЂбовичь, кн̃зъ, в Переясловли малъ былъ, дванатцати лЂтъ, и, приЂхавши до Переясловля, учинил з тыми половцами примире и удоровал ихь. А тыи половцы, которыї под Корсуномъ стояли, послышавши, жє ГлЂбъ до переясловскихь половцовь поЂхалъ, а к нимъ не Ђхалъ, зараз, не чекаючи к себЂ ГлЂба, за Киевъ пошли и, приЂхавши кь городу, Пресвятои Бд̃цы ДесятилноиК ПолономъЛ и М—М сЂчомъ попустошили села, людеи всЂхь и быдло в полон брали. ГлЂбь засъ, учинивши з половцами переясловскими примире, пошол за Днепръ къ другимъ половцомъ, к Корсуню, и будучи на Перепитовскомъ поли, послышаль, же с-под Корсуня пошли уже половцы и за Киевомъ воюютъ, /144зв./ хотЂль на них самъ поити, а гды ему не порадили ити, послалъ брата своего Михалка, далъ ему сто переясловцовъ и полторы тысячи берендичовъ. Михалко, взявши на помочъ
Пресвятую Бд̃цу, за еи маетности на помъстьН, погналъся за половцами и перше сторожу половецкую триста чл̃вкъО, взявши языка, побивалиП, потомъ, довЂдавшися, ижь семъ тысячъ недалеко половцовъ, которыхъ постерегши Михалковъ гетман Владиславь, кинулся на них з воискомъ, побиль ихь и полон отнялъ свои. Затымъ, на вес полкъ половецкии наЂхавши, билися крЂпко зь обоих сторон. Там же половцы копиями ранили кн̃зя Михалка вь стегно и в руку, еднак же рускиї люди з берендичами /145/ половцовъ многихь побили, полторы тысячи ихь поимали. А кн̃зь ихь з немногими утеклъ. Михалко засъ, звитяживши половцовъ и полон людеи рускихь отнявши, вернулся з радостию до брата своего ГлЂба.
Того жь року преставился кн̃зъ Мьстислав Изяславичь в Володимери на Волыни, августа 19-г дн̃я, и положили тЂло его в церкви Пресвятои Бд̃цы вь епископиї, которую самь змуроваль в Володимери.
Тогды ж пошли кь Новгороду на Романа Мъстиславича Роман Ростиславичь з братом своимъ Мъстиславомъ. З ними ж кн̃зь Андреи послал сн̃а своего Мъстислава зо всЂмъ своимъ воискомъ и з ростиславскими, и з суздалскими, и з резанскими, и з муромскими князями, и гетмана /145зв./ своего Бориса Жирославича з безчисленнымъ воискомъ. ВсЂ тыи пришовши, около Новгорода пожгли села и волости, людеи и иншихь сЂкли, и иншихь в неволю брали. Пришовши къ Новьгороду, моцно его добували, а новгородцы крЂпко боронилися. По долгомъ ωблеженью стал голод в воиску кн̃зя АндрЂя такъ, ижь в великиї постъ конину или, кони ихь здыхали. Для того, ничого не учинивши Новгороду, мусили вернутися до домовъ, пЂши ледве дошли. Пресветая Бд̃ца
Новгород ωборонила, з которои ωбраза пред воиною тоею видЂли слезы текучиї.
По томъР воинЂ пришла вЂсть к Роману Мьстиславичю, же его ωт̃ць умерлъ, и порадили ему дружина его, жебы уступил з Новгорода /146/ къ брату Владимеру. И такъ ωнъ учинил, а Андреи на его мЂстце далъ Великиї Новъгород Рурику Ростиславичю. Рурикъ, приказавши свою волостъ брату Давыду, сЂлъ самъ в НовЂгородЂ.
Того жъ року радилсяС у Игора сн̃ъ, и назвали его Владимеръ, а на крещениї дано имя Петрь.
Потомъ пришли половцы и много под Киевомъ сел попустошили и побрали в полон, людеи и быдла барзо много. В тои чась кн̃зь киевскиї ГлЂбь, хориї, послал по братиї своихъ, по Михалка и по Всеволода, и послалъ ихъ за половцами, і Владислава з ними, гетмана, з берендичами и з туркамиТ. И они, рыхло побЂгши, догонили половцовъ над рекою Богомъ и, бившися крЂпко, побили половцовъ и инших поимали, полон руских людеи и стада отбили, и сами звитязствомъ вернулися до Киева.
Того ж часу преставился /146зв./ кн̃зъ ГлЂб Гургеевичь, внукъ Владимера Маномаха, княжилъ на Кие†д†лЂта. Был добрыи, присяги николи нє ламаль, манастыри и иноковъ любилъ и чтилъ барзо духовныхъ, и нищимъ милостиню великую давалъ. Положили его в Кие†в монастырЂ Св̃тго Спаса, генваря 20-г дн̃я, тамъ, где и от̃цъ его лежить.
Тторками арк. 104 Упошолъ П виправлено з пошолъ Ф—ФПришовши до Кїєва ХП 1174-г арк. 104 зв. ЦАндрЂєвой Ч—Чабы ишолъ П так у тексті Ш—Шк Кїєву ЩП правлено арк. 105 Ювыωрувати ЯП виправлено з вмовит Ьале
АП вписано над рядком арк. 106 БМихна
По смерти ГлЂба послали Давыдъ и Мъстиславъ по стриїя своего Владимера къ Дорогобужу, зовучи его на Киевское княжение. Послухавши ихь, Владимерь посадиль сн̃а своего Мъстислава в Дорогобужу. Самъ, не кажучися Ярославу и Мъстиславичомъ, которым присягль былъ, пришолъУ до Киева Ф—Ф кн̃зь Владимеръ, сЂлъ на столицы мс̃ца февраля 15-г дн̃я. Княжения его не мило было кн̃зю суздалскому АндрЂю, казал ему: «Жебы ты Роману Ростиславичю уступил Киева». /147/
Тымъ часомь послаль кн̃зь Андреи сн̃а своего Мъстислава на Болгори, з нимъ же кн̃зи муромскиі и резанскиї послали сн̃овъ своихъ, при которыхъ Борись Жидиславичъ былъ гетманомъ над воисками. И зненацка вбЂгши в Болгары, взяли шесть селъ и город, в которых мужеи высекли, а жонъ и детеи, и добытки в полон побрали. И пошли з корыстью до своеи земли, за которыми хотяи болгаре гналися, еднакъ ихь не догнали.
Тогды ж преставился кн̃зь Мъстиславъ АндрЂевичъ, марта 28-г дн̃я, и положили его в церкви Пресвятои Бд̃цы в Володимери, ωт его ωт̃ца АндрЂя змурованои. Того ж року вышол Рурикъ з Новагорода, на его мЂстце новгородцы себЂ упросили у кн̃зя АндрЂя сн̃а его Юрья на княжение. А Рурикь, гды ишол до Смоленска, народился у него сн̃ь, и нарекли /147зв./ имя ему княжеє Ростислав, а в св̃томъ крещениї Михаилъ, и далъ ему ωт̃ць его Лучинъ, мЂсто, в которомъ ωн родился, и церковь Св̃тго Михаила на томъ мЂстцу поставили.
118—Року 6682-гХ маия 1-г дн̃я преставился кн̃зь киевскии Владимерь, и положили его в церкви Св̃тго Феωдора в Киеви, вь от̃чомъ манастырЂ. Княживъ в Киевє мсцовъ осмъ—118, много бЂд поднялъ, утекаючи пред Мъстиславомъ, сн̃овьцомъ своимъ, в Галичь, в Венгеры, в Резан і в Половцы за тое, же присягу свою ламалъ.
Глава 14
Ω КНЯЖЕНИІ В КИЕВЕ РОМАНА, О ЗВИТЯЗСТВЂ КН̃ЗЯ ИГОРА НАД ПОЛОВЦАМИ И КН̃ЗЯ РОМАНА НАД ЛИТВОЮ И ЯТВЂГАМИ, О ВЫГНАНЮ РОМАНА З КИЕВА И Ω КНЯЖЕНИЇ РУРИКА В КИЕВЂ, И О ВОИНЂ НА ЕГО АНДРЂЕВΩЦ /148/
По смерти Владимера прислал кн̃зь суздалскиї АндрЂи кь Ростиславу, мовячи: «Поневажь нареклъ еси мене ωт̃цемъ, даю Роману, брату вашему, Киевъ». Послали теды по Рамана къ Смоленску, Ч— абы ишолъ абы ишолъ—Ч на Киевское княжение, и пошоль з Смоленска. Гды пришол Романъ Ш—в Киевъ—Ш, поткали его сь кресты митрополитъ и всЂ игумены, и духовныї, и свЂцкии, и сЂлъ на столицы ωт̃цовъ своихь мс̃ца июля 1 дн̃я, а Ярополку, сн̃ови своему, отдалъ Смоленскъ. Того ж часу у Св̃тослава Всеволодича в Черниго†родился сн̃ь Ростиславь, вь светомъ крещении нареченныи Иоаннь. На початку княжения Романова зараз половцы почали пакость чинити по Руси и, зобравши воиска, в ден св̃тго Петра кн̃зь Игорь Св̃тославичь поЂхал в поля за Ворсклъ /148зв./ и, поимавши языка половецкого, довЂдался, же половцы пошли под Переясловлъ. ПереЂхал теды Ворскль у Лтявы и поЂхалъ до Переясловля, где, зъЂхавшися з половцами, ударил на них. А половцы, не могучи опертися Игорови, покидали все, що под Сребренымъ воюючи побрали, сами утекли. И иншихь, догоняючи, Игорови рецарство побили, и поимали живыхьЩ много. И такъ з корыстью и звитязствомъ вернулися.
Тых же часто литва зь язвЂгами, люде лЂсниї, собравшися силою сполною, вьбЂгли вь княжение Рускиї и побрали великиї корысти, волости попустошивши. ДовЂдавшися ω томъ, кн̃зь киевскии Роман з корыстъю ихь, утекаючихъ, догналъ з своимъ воискомъ и, розбивши ихь, корысти ωт нихъ отгромилъ и много литвы и язвЂжов поималь, и, запровадивши /149/ ихь до Киева, вязенемъ морил, и, якь воловъ, окованых вь плуги запрегаючи, казал ими поля орати, поля и карчи на новинах вырыватиЮ. Тамже литва, вь плугахъ ходячи, научившися руского языка, мовили, еще тягнучи вь плугу: «Романе, Романе! Худымъ живишся, литвою ωрешъ!». 119—Ωттолъ и в прислове тая мова вышла межи людми—119.
Потомъ кн̃зь АндрЂи послалъ к Ростиславичомъ, жебы ему выдали Григория Хотовича и Степанца, и Олеска Св̃тославца, поневаж они, мовитЯ, уморили брата моего ГлЂба, и намъ всЂмъ сут вороги. Але они не выдали. Теды казал за тое Роману з Киева, Давыду з Вышгорода, а Мъстиславу з БЂлагорода Ростиславичомъ ити до Смоленска и Смоленскомъ делитися, а Михалку, брату своему, даетъ АндрЂи Киевъ. Роман з Киева пошол до Смоленска, /149зв./ а Михалко самъ не пошол вь Киевъ, аЬ послалъ брата своего Всеволода и сыновца Ерополка. Ростиславичи зас три, Рурикь, Давыд и Мъстиславъ, на АндрЂя розгнЂвавшися, же брата ихь Романа вывел з Киева и имъ кажетъ вон ити, приЂхавши вночи в Киевъ, на похвалу Пресвятые Бд̃цы поимали Всеволода Гургиевича и Ярополка, Гургиева внука, і Владислава, гетмана, ляха, и Михна, и иных. И дали Рурику братия Киевъ. Рурикъ теды, з великою честию приняты, сЂлъ на столицы от̃цовъ своихь в КиевЂ.
Того ж року Св̃тославъ Всеволодичъ заложилъ церковь каменнуюА Св̃того Михаила в ЧерниговЂ, на княжомъ дворЂ.
Тогды ж Владимеръ, сн̃ь Ярослава, кн̃зя галицкого, от от̃ца прибЂгль з маткою в Луцкъ до Ярослава. А Ярославъ, боячися ωтца его, послал Владимера к Михалку вь Торцескиї /150/ зъ его маткою, бо Михалко былъ братъ матєри Вьладимеровои, княгинЂ ΩлзЂ, а оттолъ Св̃тослав, тесть его, позвалъ ихь в Черниговь.
Потомъ АндрЂи, кн̃зъ суздалскиї, знову послалъ до Ростиславичов МихкаБ, жебы Рурикь ишолъ до Смоленска, а Давыд и Мъстиславъ жебы и в земли Рускои не были, ижь не послухали его и не выдали ему тых, которых от нихь потребовалъ. Мьстислав теды, яко з молодости смЂлиї и, кромЂ Бг̃а, никого не боячися, взявши посла АндрЂева, казал голову и бороду ему ωбстригти и реклъ: «Мовь АндрЂеви, по любви мы тебе до сего часу мЂли за ωт̃ца, а поневожъ ты с такими речми прислалесъ к намъ не якъ кь кн̃земъ, але якъ къ твоимъ подручнымъ и къ простымъ людемъ, такъ и мы тобЂ отказуемъ: што замыслилес, тое дЂлаї, а Бг̃ь з нами на тебе». АндрЂи, обачивши такое свое /150зв./ безчестие на своемъ послЂ и услышавши от негω Мьстиславову ωтповед, барзо розгнЂвался и собрал великиі воиска ростовцовь, суздалцов, володемерцовъ, переясловцовВ, белоозерцовъ, муромцовъ, новгородцов и резанцов, пятдесятъ тысячєї, и послалъ з ними сн̃а своего Гургия албо Юрья и гетмана своего Бориса Жидиславича, и то сказалъ имъ, жебы Рурика и Давыда з панства выгнали, а Мъстислава жебы к нему привели. А гды пошли тыї всЂ воиска, мусилъ з росказаня АндрЂева, под нимъ будучи, и Роман з Смоленска пустити воиско свое. К нимъ тежь прилучилися кн̃зи полотскиї, туровскиї, перскиїГ , городенскиї, и Олговичи з Чернигова тут же к нимъ пришли, и Гургиевичи, Михалко и Всеволод, и было всЂхь кн̃зеи болше дватцати, собралося на Ростиславовичовь. Межи ими всЂми наистаршеи и гетман кн̃зь Св̃тославъ /151/ Всеволодичъ. Ростиславичи зас не запиралися в Киевє, але кожды вь своемъ городе: Рурикъ в БелъгородЂ заперлъся, Мьстиславъ з воиском Давыдовымъ в ВышгородЂ, а Давыд поЂхал до Галича къ Ярославу, просячи его ω помочь.
ВП вписано над рядком арк. 106зв. Г пинскїи Д Ростиславовичов Е П 1175-г
Кн̃зи зас, от АндрЂя посланныї, пришли в Киевъ, где набравши еще и киянь, пошли под Вышгородъ. Там жє Мъстиславъ, з Вышгорода выехавши з своими полками, бился крЂпко з тыми кн̃зями молодшими и, бивъшися, розышлися. Потом на другиї ден всЂми силами приступати почали къ Вышгороду, але имъ давал Мъстиславъ зь своими добрыї ωтпоръ, и такъ стояли кн̃зи девятъ недЂлъ под Вышгородом. Тымъ часомъ пришол з своею потугою Ярослав галицкиі, себЂ княжение Киевское хотячи взяти /151зв./ ωт Олговичовъ, которыи от ЯрославовичовД к себЂ присвоивали. Такъ Ярославъ знесся о Киевъ з Ростиславичами, которыї гды ему Киевъ обЂцали подати, сталъ Ростиславичомъ на помочь, а Олговичъ пошол з воискомъ своимъ под БЂлъгородъ на Рурика. Тое инши всЂ кн̃зи обачивши, ижъ Ярославъ на них з Ростиславичами, боячися, абы и Олговичь з тыми на них не знялся, поневажъ от нихъ поишолъ вночи, побЂгли от Вышгорода за Днепрь з соромотою Бж̃иимъ попущениемъ, а Ростиславичи Бг̃у, защитнику своему, дякуючи, и Ярославу давши мЂстъце старшинства, отдали ему Киевъ.