Попередня     Головна     Наступна

Глава 15

Ω КНЯЖЕНИЇ В КИЕВЂ КН̃ЗЯ ЯРОСЛАВА ИЗЯСЛАВИЧА, /152/ Ω ВОИНЂ НА ЛЯХОВЪ, Ω ПОШАРПАНЪЮ КИЕВА I ВСЂХЬ ДУХОВНЫХЬ, И СВЂЦКИХЬ, Ω ВОИНЂ ЧЕРНИГОВСКОГО КН̃ЗЯ ЗЪ ОЛГОМЪ И Ω ЗАБИТЪЮ КН̃ЗЯ АНДРЂЯ ЮРЬЕВИЧА БГ̃ОЛЮБСКОГО, И ПОХВАЛА ЕГΩ

Пришовши Ярославъ Изяславичь в Киевъ, сЂль на столицы ωт̃ца своего. В тои же чась Казимерь Вторыи, названыи Справедливыи, кн̃зь полскиї, пришовши з воискомъ на границы рускиї, под часъ междособнои воины кн̃зеи рускихъ взял быль Брестъе Литовское, которое на тотъ часъ было под державою Рускою. Але кн̃зи рускиї, поеднавшися з собою, не толко Брестъе Литовское, пошовши з воискомъ своимъ, отшукали, лечъ и никилка замковъ лядскихь взяли.

Потомъ рыхло Св̃тославъ, кн̃зъ черниговскиї, послал къ Ярославу, /152зв./ упоминаючися обЂтницы, жебы ему Ярославъ давалъ половину приходовъ з Киевского княжения, и мовячи, же: «Я ни ляхь, ни венгрикъ, але едного дЂда естесмо внуки». На тое отказал Ярославъ: «Ты своимъ княжениемъ, а я своимъ кантентуимося». А Св̃тославъ, лакомствомъ опанованыи, пришовши з воискомъ, ωблеглъ в Кие†Ярослава. Звопивши, Ярослав побЂглъ до Луцка, Св̃тославъ зас, вишовши в Киевъ, взялъ Ярославову жену зь сыномъ молодымъ и з рицерствомъ, и зъ скарбами, и з собою заправадил до Чернигова, пустыи Киевъ ωставивши. ^120—Ярославъ, послышавши, ижь Киевь пустъ стоитъ, пришолъ знову з Луцка^—120 з воискомъ до Киева и, вшовши в Киевъ а давши причину киевским обывателемъ, якобы они Св̃тослава на его /153/ подмовили, ^121—мещан киевскихъ^—121 и митрополита, и игуменовъ, и чернцовъ всЂхь, и черниць, и попов зо всего пообдираль добра, и на выкупление жены своеи и сн̃а податки вложилъ на киян, ^122—а иншихъ запрадовал^—122. ^123—Потомъ пошолъ з воискомъ под Черниговь на Св̃тослава з Ростиславичами и тамъ, облегши Св̃тослава, учинилъ з нимъ примирьє^—123.

Тогды ж Олгь Св̃тославичь воевал Черниговскую волость, але Св̃тославъ, кн̃зъ черниговскиї, змирившися зь Ярославомъ, пошол на Олга, попалилъ его волости и, много ему злого учинивши, вернулся кь ЧернЂгову.

Того жъ року преставился кн̃зь Св̃тослав Гургиевичъ, генваря 11 дн̃я. Барзо добрыі весь вЂкь свои в болезни проводилъ, и положенъ в Суздали, в церкви Пресветої /153зв./ Бд̃цы, въ епископиї.

Того ж мсца 19 дн̃я кн̃зъ муромскиї преставился, и положенъ в Муроми в церкви, которую самь змуровалъ.

Року 6683-г^Е убиенъ быстъ великиї кн̃зъ суздалскиї АндрЂи Гургиевичъ албо Юрьевичь Бг̃олюбскиї, внукъ Володимера Маномаха, от своихь. Якимъ Куцковичь, любимыи его слуга, и Петръ, Кучковъ зятъ, албо ключникь кн̃зев, и инши з ними, дватцат чл̃вков, в признакь св̃тыхъ апостолъ Петра и Павла, попившися в княжомъ погребЂ і вночи, пришовши к ложницы кн̃зя АндрЂя, розбили двер.

Кн̃зъ кинулся на них до меча св̃тго Бориса мученика, которыи мЂлъ у себе, але не нашол, бо ключникъ его Албань потаи вынялъ того дн̃я, и такъ, якъ могучи, боронячогося кн̃зя своего шаблями сЂкли, аж упал /154/ на землю. Ωни, за умерлого его покинувши, отишли, а кн̃зъ, еще живъ, пришовши к себЂ, пошолъ, стогнучи, з ложницы в сЂни, бо былъ силенъ. Що постерегши забоицы, прибЂгши, добили кн̃зя а, от него побЂгши, забили Прокопия, любимагω его, розграбили весъ скарбъ великиї кн̃зя АндрЂя, болшеє прибравши себЂ множество на тое драпЂзство, а кн̃зя такъ покинули, и того за неприятєля своего почитаючи, кто бы его хотЂлъ ховати. Ажъ единъ его слуга вЂрныи Кузма, киевленинь, зь плачемъ взявши тЂло князево, положил у притворъ церковномъ, и лежал два дн̃и непогребенныи в притворЂ. Потомъ, ожалившися, Арсениї, игуменъ кузмодемянскиї, из крылошанами бг̃олюбскими отпЂли погребение над кн̃земъ, и тЂло егω /154зв./ положили в церкви, вь гробЂ каменномъ. А мещане бг̃олюбскиї дворь княжеи вь городЂ его Бг̃олюбЂ розграбили и кн̃язевых дворянъ и мечников позабивали, и домы ихь розграбили, тое жь і вь иншихъ волостехь, і в самомъ Володимери чинили.

^124—Гды тое мало утешилося^—124, володимерскиї духовныи и свЂцкиї пошли до города Бг̃олюба і взялі тамъ тЂло кн̃зя АндрЂя, и з плачемъ великимъ, и з честью принесши в Володимеръ, положили егω в церкви Златоверхои Пресвятои Бц̃ы, которую самъ предивне змуровалъ. Тои бовЂмъ кн̃зь, побожныї барзо будучи, тую церковъ Рождества Пресвятои Бд̃цы посреди города Владимера дивнымъ коштомъ, ровнаючуюся Саломоновои церкви Св̃тая св̃тых, великую змуровалъ такъ, же всЂ, в тую церковъ приходячиї, /155/ барзо удивлялися и взирати долго на стены еЂ и на ωбразы за свЂтлостъю великою немогли, бо стЂны всЂ и столбы церковныи от низу до верху были ωкованы золотомъ, иконы такъжє всЂ золотомъ ωкованы, розными каменми дорогими и свЂтячимися высажоны, такъ тежъ трои двери церковныи з золотыми бляхами рознымъ каменемъ сажеными учинил, пять верховъ на тои церкви позолотив, сосудов церковных вшелякихъ, золотых и сребреныхъ, великими перами и розными дорогими каменми саженыхь, ^125—три тысячи^—125 в тои церкви учинил, запоны тежъ барзо дорогиї подавалъ и коморы церковныи таким жє способомъ приоздобилъ, ωлтари и престолы от самого злата чистаго з рознымъ каменемъ дорогимь в тої же церкви /155зв./ построил. Еще до Киева послал был робити золотыи самыї двери до тоеи же церкви такиі, яки бы на весь свЂтъ за диво были. До того и иншихь много церквеи и монастыреи постановилъ и всЂмъ инокомъ, и инокинямъ, і всЂмъ духовнымъ великиї давал приходы. ^126—В церкви всегды з очии его, молячогося, слезы текли^—126. Самъ свЂчи пред образомъ зажигалъ, убогимъ, не толко к нему приходячимъ, обилно давалъ, але и по мЂсту Ђсти и пити возити казал, за што все Гсдъ Бг̃ь ему царство небесноє даровалъ. Поставилъ теж былъ кн̃зь АндрЂи город каменныи и назвалъ его Бг̃олюбь, от Володимера такъ далеко, якъ Вышъгород от Киева. В которомъ городЂ Бг̃олюбъ и забит естъ. /156/

Глава 16

Ω КНЯЖЕНИЮ ЯРОПОЛКА В ВОЛОДИМЕРИ, А МЬСТИСЛАВА В РОСТОВЂ, Ω ВОИНЂ КН̃ЗЯ ЧЕРНИГОВСКОГО ЗЪ ОЛГОМЪ, Ω КНЯЖЕНИЇ В КИЕВЂ РОМАНА И Ω ВЫГНАНЮ КН̃ЗЕИ ЯРОПОЛКА И МЪСТИСЛАВА, Ω ПОСАЖЕНЬЮ НА СТОЛИЦЕ ВЛАДИМЕРСКОИ КН̃ЗЯ МИХАЛКА

По смерти кн̃зя АндрЂя ростовцы, суздалцы и переясловцы, зъЂхавшися в мЂстЂ Володимери, подумавши, же сн̃ь АндрЂевъ мал у НовгородЂ, а боячися сусЂд, кн̃зеи муромскихъ и резанскихь на себе, послали в Рус до Ростиславичовъ, просячи себЂ Мьстислава и Ярополка на княжение, и застали Ростиславичовъ у черниговского кн̃зя Св̃тослава. Тамъ же были и Михалко Гургиевич, і Всеволод, братия его, всЂ теды тыи четыри поЂхали /156зв./ вь дружбЂ. А гды приЂхали на Москву, ростовцы не возлюбили того и рекли Михалку: «Ты пожди на Моск※. А Ярополкь поЂхалъ до Переясловля. Михалко зас, не слухачи^Є ихь, вьЂхалъ в город Володимерь и заперлься. Дружина бовЂмъ владимерская поЂхала на споткане Ярополка и, пришовши зь Ярополком володимерцы и ростовцы, и муромцы, и резанцы кь Володимеру, добывали Михалка и много попустошили, и попалили ωколо города. З города билися крЂпко. Потомъ владимерцы рекли Михалку в городЂ: «Албо мирися, албо промышляї о себЂ». Теды Михалко знову выЂхаль в Русь, а Ростиславичовъ сподкали сь крестами и роздЂлили волость Ростовскую, Ярополка посадили в Володимери. Володимерцы его ласкаве приняли, не на Ростиславичов бовЂмъ володимерцы воевали, але от ростовцов боронилися, /157/ которые володимерцовъ холопами своими звали и мЂсто пожечи хотЂли. Мьстислава у Росто†кн̃земъ на столЂ ωт̃цемъ посадили. И оженився Ярославъ в Володимери, понявши дочку кн̃зя витебского Всеслава.

СЂвши Ростиславичи на Ростовскомъ княжениї, давали староства дЂтским рускимъ и, молоды будучи а слухаючи бояръ, не толко людемъ тягостъ чинили, лечь и з церковных маетностеї на себе корысть брали, и з самои церкви Володимерскои Бд̃цы сребро и золото, от АндрЂя, кн̃зя, наданое, себЂ брали.

Тогды ж родился кн̃зю Гургиеви АндрЂевичю сн̃ь Ωлегь, нареченныї вь светомъ крещениї Павелъ.

Потомъ знову Олгъ Св̃тославичъ, затягши Ростиславичовъ, шуриновь своихь, на помочъ, воеваль на Св̃тослава, кн̃зя черниговского, брата своего, и попалили Лутаву /157зв./ и Моровскъ. Затымъ, примирившися под присягою, вернулися. Олгь, ворочаючися, около Стародуба занявши товарь, погналъ да^Ж Новгорода-Северскогω. За що розгнЂвавшися, Св̃тославъ з Чернигова пошолъ на Олга къ Новгороду. Там же Олга угнавши в город, дружины его иншихъ побили, иншихь поимали Св̃тославовы и ωстрогь около города пожгли, ажъ мусилъ Олгъ примирья просити. Которое под присягую учинивши, Св̃тославь ωтишолъ до Чернигова.

Тогды ж кь своимъ братом пришолъ зъ Смоленска Романъ на помочь тут же. А Ярославъ, кн̃зь киевскиї, розумЂючи, ижь Ростиславичи з умыслу Романа призвали, абы в Киевє на столицы посадити, поЂхалъ з Киева до Луцка. Для того жъ Роман сЂлъ на столицы киевскои.

Року 6684-г^З Михалко і Всеволод, /158зв./ братъ его, Гургиевичи пошли с Чернигова, взявши от Св̃тослава черниговъского сн̃а его Владимера, на Ярополка кь Володимеру мЂсту, до княжения своего брата АндрЂя. А гды пришли до Кучкова, то есть до Москвы, туть споткали и себЂ на помоч Гурга АндрЂевича з володимерцами, имъ зычливыми, а на полоне¹²⁷, на Белехове зь Ярополкомъ, княземъ владимерскимъ, и з Мъстиславомъ, братомъ его, споткавшися, билися крЂпко. И звитяжениї Ярополкь и Мъстиславъ побЂгли: Мьстислав к Новугороду, а Ярополкъ до Резани. Михалко зас зъ Всеволодам^И, братомъ своимъ, ударовавши Владимера Св̃тославича, отпустили до ωт̃ца, до Чернигова, а сами вьЂхали в Володимерь на княжение, зъ честъю великою приняты. И сЂль Михалкω на столицы от̃ца своего в Володимери. /158зв./

До которых кн̃зеи жоны ихь, Михалкову и Всеволодову, Св̃тославъ послалъ изь Олгомъ из Чернигова. ДовЂдавшися ω томъ всемъ ГлЂбь, кн̃зъ резанскиї, послал сн̃овца своего противъ Олга. И гды зышлися на СвЂрЂлцЂ, Олгь Св̃тославичъ звитяжилъ сн̃овца ГлЂбового, шурина своего, которыї самъ ледве утеклъ, а инших многихь поимали.

Глава 17

Ω ЗВИТЯЖЕНИЮ ΩТ ПОЛОВЦОВ КН̃ЗЕИ РУСКИХЪ, Ω УСТУПЕНЮ РОМАНА З КИЕВА И Ω КНЯЖЕНИЇ В КИЕВЂ СВ̃ТОСЛАВА, А В ВОЛОДИМЕРИ ВСЕВОЛОДА, Ω ПОИМАНЮ ΩТ НЕГО КН̃ЗЯ РЕЗАНСКОГО ГЛЂБА, Ω ОСЛЕПЛЕНЮ МЪСТИСЛАВА И ЯРОПОЛКА

Року 6685-г^І /159/ пришли половцы в Рускую землю и взяли шестъ городовъ, и берендичовъ, и пошли под Ростовецъ. Романь, кн̃зъ киевскиї, противъ ихъ послалъ брата своего з сынами своими Ярополкомъ и Борисом, з которыми знялся в дорозЂ и Давыд, братъ Романовь. И нашовши под Ростовцемъ на половцовъ, почали битися крЂпко, але от половцовъ звитяжены, ледве убЂгли в Ростовецъ. А половцы, много людеи и боярь поимавши, в полонъ з собою повели.

Того жь року поЂхалъ Св̃тославъ, кн̃зъ черниговскиї, з воискомъ къ Киеву и послал сн̃а своего Олга кь Мъстиславу, къ Треполю, жебы ωтступилъ ωт едности Ростиславичов, що Мьстислав и учинил, вышол против Олга, якобь з нимъ битися, и впустилъ его до Триполя. Тое почювши, Роман з Киева выЂхал вь БЂльгород, а Св̃тославь вьЂхал в Киевъ и послал къ БЂлъгороду воиско на Романа, /159зв./ але ничего ему не учинили. Ростиславичи засъ, злучившися, мыслили ударити всею силою на Светослава. Што услышавши Св̃тославъ, не дождавши половцовъ, по которых был на помоч себЂ послалъ, побЂгль з Киева через Днепръ на устью Лыбеди, и много тыхъ, которыї з нимъ бЂгли, потонули^Ї. А половцы, под Торцескомъ пустошачи, людеи в полонъ брали. Ростиславичи, ужалившися Рускои земли, абы Св̃тослав половцомь не казалъ пустошити, дали Св̃тославу Киевъ. И пошолъ Роман з Киева до Смоленска, а Св̃тославъ сЂль на столицы киевскои.

Умерь потомь Михалко, которыи на Воладимерское княжение хоры былъ вьЂхалъ, і взялъ его княжение братъ его Всеволод. А Мьстислав, кн̃зъ ростовскиї, за поводомъ ГлЂба, кн̃зя резанского, хотЂл выгнати Всеволода з Володимера. Собравше^Й /160/ воиско резанское и половцовъ на помочъ, пошол на Всеволода, але Всеволод зь своимъ воискомъ, давши поле, звитяжилъ Мъстислава и зараз пошол на ГлЂба. А ГлЂбъ з своими воисками и з половцами пошол под Володимеръ. Всеволод, к Резани приходячи, услышал, ижъ ГлЂбь пошол под Владимеръ, вернулся за ГлЂбомъ до Володимера, а подкавшися зъ ГлЂбомъ и з половцами въ своемъ княжениї Володимерскомъ, Всеволод моцнω бился и поразилъ воиско своих неприятелеи, половцов позабивал, самаго ГлЂба, кн̃зя резанского, поималъ. И приЂхавши до Володимера з зьвитязством славно, всадилъ в порубь ГлЂба. Такьже Мъстислава и Ярополка поимавши, всадил в поруб. Причиняючися кн̃зъ киевскиї и черниговскиї Св̃тослав, присылал епископа черниговского Порфирия зъ иншими кь Всеволоду, /160зв./ абы с поруба кн̃зя ГлЂба выпустил. Але непущеныи кн̃зь ГлЂбъ в порубЂ умерлъ июня 30-г дн̃я, а Мъстислава и Ярополка, ослепивши в неволЂ, з поруба казалъ пустити.

Глава 18

Ω КНЯЖЕНИЇ МЬСТИСЛАВА РОСТИСЛАВИЧА В НОВГОРОДЂ, О ВОИНАХЪ И О СМЕРТИ ЕГО, Ω СМЕРТИ КТИТОРКИ МОНАСТЫРЯ КИРИЛСКОГО, О ВОЕВАНЮ АГАРЯН И ПОЛОВЦОВ НА ПЕРЕЯСЛОВЛЬ И О КНЯЗЕХЪ НОВГОРОДЦКОМЪ И ЧЕРНИГОВСКОМЪ

Року 6686-г^К упросили себЂ новгородцы Мьстислава Ростиславича на княжение. Которыи гды приЂхал /161/ к Новъгороду, спотканыи ωт епископа и от всЂх духовныхъ, и свЂцких честно, и поклонившися Гсду Бг̃у в церкви Св̃тои Софиї, сЂлъ на столицы ωт̃ца своего. По маломъ часу, порадившися з дружиною своею, собравши воиско, пошол на Чудскую землю, з которои земли погане прибегали и пустошили Новгородскую землю. Долго стоячи Мъстиславъ в Чудскои земли, много волостеи ихь попустошилъ и пожоглъ, и людеи, и товару множество в полон побравши, вернулся к Новугороду. НавеснЂ знову Мьстиславъ з воискомъ своимъ пошол к Полоцку на Всеслава, зятя своего, о тое, же Всеславъ ходиль к Новгороду еще пред княжениемъ Мъстиславовымъ, и взял з Новгорода иеросалимъ церковныи и начиня церковныи, /161зв./ и погость единь завел за Полотскь. Тое теды все хотЂль Мьстиславъ у Всеслава ωтшукати. А гды пришол на свои Луки, Роман, братъ его, зь Смоленска Всеславу послалъ сн̃а своего на помочъ, а до брата Мъстислава послал, жебы не воевал на своего.

Теды Мъстиславъ, не хотячи брата старшого Романа гневити, послухал і вернулся до Новгорода.

Пришедши в Новгород^Л, захорЂлъ и приказал своего сн̃а Борису Захаревичю, а братиї своеи, Рурику и Давыду, волость свою на руцы отказал, и преставился кн̃зь Мьстислав Ростиславичь июня 13-г дн̃я, и положенъ в НовЂгородЂ в тои же грабницы, гдЂ лежитъ Владимеръ, сн̃ь великого кн̃зя киевъского Ярослава Владимеровича. Был сеи кн̃зь Мьстиславъ богобоязныи, духовныи чин барзо чтил /162/ и любилъ манастыри, и иноковь, и надовалъ достатне, также и убогихь; на воинахъ крЂпокъ, за свою отчизну, землю Рускую, готовъ умерти смертию за хрестиянъ, очищение грЂхов быти почиталъ и с мучениками царствование.

Того ж року Св̃тослав за Всеволода, среднего сн̃а своего, взяль за жену дочку Казимера, кн̃зя полского. Тогды ж Всеволод Гургиевичь за Владимера Свтославича далъ свою ^М—брату Анну^—М, дочку Михалкову. Того жъ лЂта преставилася княгиня резанская ГлЂбовая. Того ж року преставилася княгиня Всеволожовая в КиевЂ, взявши на себе черническую схиму, и положена в Кие†у св̃тго Кирила, ^Н—Н и монастыр при тої цр̃кви черничеи учинила, в которомъ и сама умерла.

Потомъ Кончакъ, кн̃зъ агарянскии, з воиском агарянскимъ в Рускую землю пришовши под Переясловлъ, /162зв./ многих хрестиянъ позабивали, а инших многих в плЂнъ побравши ωтишли. После ихъ пришли под Переясловлъ половцы и воевали. Услышавши о них Св̃тославъ, будучи тогды ниже Триполя, пошол з князями рускими на половцовъ за Сулу, и стояли подле городища Лукомля. Тое почювши, половцы побЂгли вь свою землю, а кн̃зи рускиї розышлися.

Того ж часу преставился Ωлгь Св̃тославичъ, генваря 16-г дн̃я, и положили его в церкви Св̃тгω Михаила, а Игорь, братъ его, сЂль в НовЂгородЂ-СЂверскомъ на его мЂстцу. Кн̃зъ зас Ярославъ Всеволодичь сЂль в Черниго†и отдал свою дочку за Владимера ГлЂбовича в Переясловлъ. Того ж року родилася у Всеволода дочка, нарекли еи имя вь светомъ крещениї Пелагия, а княжеє Збыслова. /163/

Глава 19

Ω ПОГОРЂНЬЮ КИЕВА, Ω ПОИМАНЮ КН̃ЗЯ ГЛЂБА, СН̃А СВ̃ТОСЛАВОВОГО, ОТ ВСЕВОЛОДА, Ω ОТЂЗДЂ СВ̃ТОСЛАВА З КИЕВА, О КНЯЖЕНИЇ РУРИКОВОМ В КИЕВЂ, Ω ДАВЫДОВОМЪ ВЬ СМОЛЕНСКУ, Ω ЗВИТЯЗСТВЂ ВСЕВОЛОДОВОМЪ НАД СВ̃ТОСЛАВОМЪ, Ω ВОИНЂ СВ̃ТОСЛАВА З ДАВЫДОМЪ И О ПРИИТИЮ ^о ЕГО КЬ КИЕВУ

Року 6688-г^П в Кие†погорЂло много дворов и церквеи, и Св̃тая София погорЂла, Тогды ж Св̃тославъ послаль сн̃а своего ГлЂба в Коломну резанскую на помочь резанскимъ кн̃земъ и Раману, зятеви своему, Там же поимал ГлЂба Всеволод и, оковавши, послал его до своего мЂста Володимера и дружину его поималъ. /163зв./ За що розгнЂвавшися Св̃тославъ, за Ростиславичами, которых себЂ за ворогов мЂлъ, не моглъ зараз ити на Всеволода, помысливь Давыда поимати, а Рурика выгнати з Руси. А гды Давыд Ђздилъ по Днепру в лодцЂ, ловы чинячи, ударилъ на товары Давыдовы Св̃тославъ. Давыд зась, вЂрячи присязе Св̃тославовои, ему учиненои, не сподевался того по немъ. Але услышавши воину, вбЂгь в лодю з княгинею і вьЂхалъ в Вышгород. А Св̃тославъ, не нашовши Давыда, убоялся, же Ростиславичов зачепил, не смЂль до Киева поЂхати, але поЂхалъ до ЧернЂгова.

Рурикь Ростиславичь, послышавши, ижь Св̃тославь поЂхалъ къ Чернигову, вьЂхалъ в Киевъ и сЂль на столицы от̃ца своего и дЂда и привелъ к себЂ братию свою Ярославовичов, /164/ Всеволода и Ингвара, и галицкое воиско с Тудоромъ Олговичемъ. А Давыда, брата своего родногω, послал кь брату старшому Роману вь Смоленскь, але ему сказано в дорозЂ, же Романъ умерлъ. Теды Давыд скорЂи з плачемъ поЂхалъ вь Смоленскь. И гды приЂхаль, епископъ смоленскиї Костянтин зь всЂми духовными споткалъ его сь кресты. И сЂль въ Смоленску на столицы ωт̃ца своего и дЂда и поховал брата своего Романа в церкви Пресвятои Бд̃цы вь Смоленску.

Сеи кн̃зь Романь был бг̃обоязливъ, возростомъ высокъ, правдивыи ко всЂмъ, незлопамятливъ. Ωт смолнянъ многи досады принял, а не отдавалъ имъ зло за зло. Манастыри и иноков барзо любилъ и давалъ имъ всякое доволство, также и к нищимъ мл̃стив. Збудовал церков каменную Св̃тго Иоанна і всякою оздобою от золота /164зв./ и сребра, и дорогого каменя приоздобил.

Св̃тослав засъ, собравши воиско, з братиею своею и з половъцами, зоставивши в Черниго†для осторожности Игора зъ Ярославомъ, пошол на Всеволода, кн̃зя владимеръского, отшуковати сн̃а своего ГлЂба, и оставивь половину воиска з братиею, а половину взяль з собою. А гды пошол и споткавъ в дорозЂ сн̃а своего Владимера, кн̃зя новгородского, з воискомъ новгородскимъ, з которымъ знявшися, прошол^Р в землю Суздалскую. Тамъ жє сподкалъ его Всеволод, кн̃зь владимерскиї, з воисками суздалскими, с резанскими и муромскими на ВленЂ рецЂ, и през д†недЂли через реку билися, и звитяжили Св̃тослава, и людеи, и товары ихь побрали, а инших побили. Там жє поимали Игора Мирославича, и послал Св̃тославъ попа своего з ыншими кь Всеволоду, просячи, абы з нимъ могль зъитися /165/ на розмову, иже бы сн̃а его ГлЂба вернулъ. Але Всеволод, побравши Св̃тославовыхъ пословъ, послал до Владимера.

Ωбачивши такиі гнЂвь Всеволодовъ на себе, Св̃тославъ пошол скорЂи назад, а Всеволод, своихь пославши, станы его побралъ и многих поимал, за самымъ зас Св̃тославомъ з млсрдия своего не казал гнатися. Св̃тославъ, выходячи з Суздалскои земли, сожогь Дмитрев город и ωттол брата своего Всеволода и Олга, сн̃а своего, и Ярополка отпустиль в Рус, а самъ зь сыномъ Владимеромъ пошол кь Новьгороду.

Ярославъ и Игорь, зоставленыи от Св̃тослава в ЧерниговЂ, надумавши, пошли къ Дюртеку з половецкими кн̃зями, Кончакомъ и Кобяком, Всеволода, Игорева брата, и Ωлга Св̃тославича зоставивши в ЧерниговЂ. Давыд, кн̃зь смоленскиї, тое послышавши, въехал^С вь Дюртекъ на оборону посполу з ГлЂбом /165зв./ Рогволодичемъ и бился зъ Игоромъ, и зь Яславом^Т. Потомъ приЂхавъ и Св̃тославъ под Дюртекъ, к нему ж пришли на помочь кн̃зи Брячислав з Витепска, братъ его, Всеславь з Полотска и литва з нимъ, Всеславъ Микуличь з Лагоиска, АндрЂи Володшичь и сн̃овецъ его Изяславь, и Василко Брячиславичъ. Ω которых услышавши, Давыд побЂгь вночи кь Смоленску з Дюртека, а Св̃тославъ, пожогши острог около Дюртъска, через Рогачевь пошол кь Киеву Днепромъ. Ω томъ послышавши, Рурикъ вышолъ з Киева в БЂлъгород.

Глава 20

Ω СВ̃ТОСЛАВОВОМ ПОВТОРНОМЪ КНЯЖЕНИЇ В КИЕВЂ, О БИТЮ^У ПОЛОВЦОВЬ ΩТ РУРИКОВЫХ ВОИСКЪ И О ЗГОДЂ РУРИКА ЗЪ СВ̃ТОСЛАВОМЪ, О ВЫПУЩЕНЬЮ З ВЯЗАНЯ ГЛЂБА СВ̃ТОСЛАВИЧА, Ω ПОБИТЪЮ ^Ф—Ф И О СМЕРТИ ПОЛИКАРПА, ИГУМЕНА ПЕЧЕРСКОГΩ /166/

Св̃тославъ въЂхал в Киевъ и сЂль знову на столицы. А Игора з половцами послал лежати по Долобску. Рурикъ, тое увЂдавши, послал з Триполя Мъстислава Владимеровича з чорными клобуками и Лазаря, гетмана, зь своими молодыми, и Бориса Захаревича сь Зъдеславомъ Жирославичомъ на половцы. Лежали половцы неосторожне, але ихь чорныї клобуки и Игора остерегли. И гды пришол на половцовъ Мъстислав, чорныи клобуки на половцовь скочили і взяли товару ихь мало, а половцы до их кинулися, ^Х—а чорные клобуки стерлися^—Х, а Мьстислав з дружиною, розумЂючи, же чорных клобуков звитяжили, побЂгь и самъ с чорными клобукамн. Але Лазаръ, гетман Руриковъ, зъ своими и зь иншими князями самъ кинулся на половцовъ, за ним і всЂ его воиска. Такъ звитяжили половцовъ и инших побили, другихь поимали, и иншиї, утекаючи, потонули /166зв./ в Чорторыї. Там же убили кн̃зя половецкогω Козла Отоновича и Елътута, Кончакова брата, а двоих Кончановичовь^Ц поимали и Тутура, Бякову¹²⁸ и Кунячука. Игор з Кончакомъ утеклъ до Чернигова, а гетман Лазорь ^Ч—Ч звитязствомъ приЂхал к Рурику из полономъ.

Рурикъ еднакъ, будучи млсрдь и не хотячи кровопролития християнского, любо и звитяжилъ Св̃тославовых, еднакъ поеднался зъ Св̃тославом і поступил ему Киева, а себЂ взял Рускую землю всю, на що и присягли себЂ зъ Св̃тославомъ. Жаловал Рурик барзо на Мъстислава, мовячи ему: «Пер†Триполъ отдалъ еси Олговичомъ зрадою, а тутъ першиї утеклъ еси, не бьючися, з половцами. Еднак намъ Богь помогль и без тебе на поганъ».

Того ж часу Всеволод, кн̃зь владимерскиї и суздалскиї, выпустиль сн̃а Св̃тославова ГлЂба зъ оковь, любячи Св̃тослава, и далъ за меншого сн̃а Св̃тославова /167/ свестъ свою.

Тогды ж новгородцы выгнали из Новагорода Владимера Св̃тославича, кн̃зя своегω. Року 6689-г^Ш княгиня Олгова, сестра Всеволодова, нареченная в черническомъ образЂ Ефросиния, преставилася, и положена в церкви Пресвятые Бд̃цы Золотоверхои в Володимери.

Року 6690-г^Щ кн̃зь киевскиї Св̃тославъ оженил двохь сн̃овь: за ГлЂба взялъ Руриковну, а за Мъстислава — Всеволодову свестъ.

Того ж року Всеволод Гургиевичъ, взявши у Св̃тослава на помочъ себЂ сн̃а его Владимера, пошол на Болгары суднами по ВолзЂ и, пришовши кь острову, названному Сады, устие Цевци, тутъ судна з бЂлоозерским полкомъ и зъ Фомою Назоковичомъ зоставили, а сами на конехъ приЂхали к Великому городу Сребреных Болгаръ. В томъ городЂ болгары зачинилися. Тамъ ж, гды кн̃зи молодыї кинулися къ баштЂ, застрелили /167зв./ болгары скроз башту Изяслава ГлЂбовича под серце и ледве живого взяли. Зь иншихь зас городовь болгарскихъ околичныхь собравшися болгары пять тысячеи, едныи насадами, другиї конми пошли на рускиї воиска. А рус, взявши Бг̃а на помоч, скоро на нихь ударили, звитяжили ихь и утекаючихь болгаровъ сЂкли, и иншии болгары, в судна убЂгаючи, потонули, тысяча ихъ помощию Бж̃иею.

Изяславъ от устреленя преставился, и, повезши с собою тЂло его, положили в церкви Пресвятои Бд̃цы в Володимери.

Того ж году преставился игумен печерскии Поликарпь ,и, погребши его, братия печерская не могли згодитися, ωбираючи себЂ игумена.

Потом, собравшися в церковъ, отправили молебенъ, просячи Пресвятои Бд̃цы, абы имъ указала игумена. По молебнЂ всЂ згодне нарекли попа Василия /168/ на Щековици и, пославши, просили его, абы был Печерскому манастырю игуменомъ. Ωнь покорне отповЂдилъ: «Мыслилемъ чернцомъ быти, але не игуменомъ». И привели его в монастырь Печерскиї ¹²⁹ в пятницу, а в недЂлю, приЂхавши митрополить Никифоръ в Печерскии манастырь з Лаврентиемъ, туровскимъ епископом, и з Николаемъ, полотскимъ епископом, и зь всЂми игуменами, постригь Василия, попа, в чернцы и поставилъ игуменомъ Печерского манастыря.

Глава 21

Ω СЛАВНОМЬ ЗВИТЯЗСТВЂ ПО КИЛКА КРОТЪ КН̃ЗЕИ РУСКИХЪ НАД ПОЛОВЦАМИ, О ПОГОРЂНЬЮ МЂСТА ВСЕГО ВЛАДИМЕРА, Ω ПОИМАНЮ ИГОРА ОТ ПОЛОВЦОВ И Ω ЕГО СВОБОЖЕНЬЮ /168зв./

^130—Року 6691-г^Ю февраля 3-г дн̃я^—130, первои недЂли поста, Кончакъ, кн̃зъ половецкии, зъ ГлЂбомъ ТирЂевичомъ и з половцами пришли на Рус къ Дмитрову. Противъ ихь кн̃зъ Св̃тославъ и Рурикъ, пославши своихь сн̃овь з воискомъ къ Игору, казали ему Ђхати на половцовь. А Игоръ, поЂхавши з воискомь на половцов, за великою з дожду поводю не могь половцовъ достигнути, утекли, немного ихь поимали, и иншиї, утекаючи, добытокъ свои потопили.

Того жъ року преставился епископь полотскиї Диωнисиї, и поставлено Николая, гречина, епископомъ, которого Всеволод Гургиевичь, кн̃зъ суздалскиї, не принялъ. Послал, просячи Св̃тослава ω Луку на епископство, смиренного игумена манастыря Св̃тго Спаса на БерестъвЂ, и за поступлениемъ Св̃тослава /169/ мусиль митрополитъ Никифоръ Луку епископом поставити, и кь Полоцку его послано.

Того ж часу былъ пожар великиї в Володимери, апрЂля 13 дн̃я, погорЂль мало не весь город. Двор княжеи згорЂль и церквеи тритцатъ и двЂ, и соборная церковъ Пресветои Бд̃цы вся згорЂла, верхи золотыї, и што было от золота и сребра, и камениї дорогихь, в неи все погорЂло.

Того жъ року Св̃тославъ, кн̃зь киевскиї, з Рурикомъ Ростиславичомъ порадившися, послали кь и иншим кн̃земъ рускимъ, жебы з ними пошли на половцы. И собралися к нимъ Св̃тославичи, Мьстиславъ и ГлЂбь, і Владимерь ГлЂбовичь з Переясловля, Всеволод Ярославичь з Луцка з братомъ Мъстиславомъ, и Романовичь Мьстислав, и Изяслав Давыдовичь, и Мъстислав городунскиї, Ярослав, /169зв./ кн̃зъ пинскиї, з братомъ ГлЂбомъ, и от Ярослава галицкого помочъ. ВсЂ тыи кн̃зи пошли на половцы. И гды пришол вперед Вьладимерь з воискомъ, половцы от него побЂгли. Потомъ кн̃зь половецкии Кобякъ, обачивши, же Владимерь ωт нихь вернулся, ударилъ на него, але кн̃зъ Св̃тославъ, зъ иншими приспЂвши, побилъ половцовъ, и иншихь посЂкли, других поимали рускиі воиска. Тут же поимали кн̃зя половецкого Кобяка Корлыевича з двома сынами, ^131—Зая Билюковича^Я и Товла^Ь з сыномъ и брата его Бокмиша, Ωсалука, Барака, Содвака Колубичского, а Казаря Колотановича убили, Торскла^А—131 и инших без числа посЂкли и поимали, и такъ звитязствомъ славно вернулися.

Тогды ж Игорь Св̃тославичъ от своеи волости звитяжилъ и прогналъ половцовь.

Того жъ часу Владимерь, сн̃ь Ярослава /170/ галицкого, выгнаныи от ωт̃ца своего, пришол къ Игору Светославичю, зятю своему. Которогω Игорь принявши з честъю и державши его у себе д†лЂта любовне, на третее лЂто поедналь его зь ωт̃цемь его, и пославъ с нимь сн̃а своего, зятя Рурикова, Св̃тослава кь ωтцу его в Галичь.

Тогды жь Городецъ^Б город весь погорЂлъ ωт Перуна.

Того жъ року посвещена церковъ Св̃тго Василия в Кие†на Великомъ дворЂ, генваря 1-г дн̃я, от Микифора, митрополита, и от епископа гургиевского.

Року 6692-г^В безбожныи Черкакъ¹³², кн̃зь, зъ множєствомъ половцовъ, маючи зъ собою бЂсурманина, маючого огонь живыи, пришовши в Рускую землю, хотячи тымъ огнемъ попалити и зпустошити, сталь на ХоролЂ. Тое увЂдавши, Св̃тославъ з Рурикомъ и з Владимеромъ ГлЂбовичомъ, и з Мъстиславомъ Романовичомъ пошли на половцов /170зв./ и, розбивши ихь, звитяжили, и утекаючого Черканка мнишицею поимали, такъже и бесурманина, огонь живыи маючого, и звитязствомъ из-с полономъ ^Г—Г вернулися. А за иншими половцами вьслЂд послали и побили поганых половцовъ, и вежи ихь, и кони побравши, приЂхали до домов. И пошолъ Св̃тославъ в Вятичи къ Карачєву для збираня воиска на все лЂто, хотячи имъ на половцы.

Року 6693-г^Д Игоръ Св̃тославичъ, приЂхавши з Новгорода, взялъ з собою брата своего Всеволода зъ Трубецка и Св̃тослава Олговича, сн̃овца своего з Рилска, и Владимера, сн̃а своего з Путивля, и от Ярослава черниговское воиско, хотЂль такжє, якъ и Св̃тославъ, достати славы и пошол на половцы. Переправившися через Дон реку, мыслячи ихь з грунту вывернути, але половцы, /171/ великимъ множествомъ собравшися, вышли противъ Игора и, бившися, все воиско руское побили, Игора ранивши, поимали, и иншихь з нимь кн̃зеи всЂх поимали. До тогω, свое звитязство розширяючи, половцы пришли под Переясловль. З Переясловля, даючи имъ отпорь, Владимерь ГлЂбовичъ ранен в трох мЂсцахъ засталь, а половцы взяли город Римовъ и иншиї городы над Сулою попустошивши, з великимъ полономъ в свою землю вернулися. Потомъ Игора Лавар, половецкого роду чл̃вкъ, гды сторожи, которые стерегли Игора, попилися, выкраль и вывес^Е з половецкои неволи. И приЂхалъ Игоръ до Новгорода, з Новгорода до Чернигова, а з Чернигова до Киева /171зв./ къ Св̃тославу. И были ему всЂ ради.

Року 6694-г^Є Св̃тославъ Всеволодичь постарался, же освещена стала цр̃ковъ Бл̃говЂщения в ЧерниговЂ, которую ωнъ поставилъ. Року 6695-г^Ж сказано Св̃тославу, ижь половцы вышли в Русь блиско ^133—з—на столицы,^—З—133 на Бродинском бродЂ. И поЂхаль Св̃тославъ з Рурикомъ и з Владимеромъ ГлЂбовичомъ, кн̃земь переясловскимъ, комонно без возовъ. Половцы, о них услышавши, от сватов своих, черных клобуков з Св̃тославового воиска, з полономъ побЂгли, а кн̃зи, за ними бегучи, не могли Днепра переЂхати, бо уже на веснЂ лед был попсовался, и такъ вернулися.

Тамъ же захорЂлъ Владимеръ, и принесли его вь его город Переясловлъ, и тут /172/ преставился. И положенъ в церкви Св̃тго Михаила в Переясловли. Был Владимеръ силен в воинЂ и рад наперед выскаковати. ДружинЂ своеи богатство роздаль.

Того ж року умерь Борисъ, сн̃ь кн̃зя Всеволода, и положен в церкви соборнои Пресвятои Бд̃цы ^И—И в Володимери подле Изяслава.

И знову часто воевали половцы по Руси и в волости Черниговскои. Для того знову Св̃тославъ з Рурикомъ и з воисками своими пошли на половцовъ по Днепру, и поимали половцовъ, коториї сказали, же половецкии воиска стоятъ у ^134—Глубокого лЂса^—134. Св̃тослав теды з Рурикомъ намовляли кн̃зя черниговского Ярослава, абы з ними ишол на половцов, але Ярослав не пошол, ижь далеко было до половцовь, ^І— и тиї^—І для того и ωни вернулися.

Тогды ж /172зв./ преставился кн̃зь вышгородскиї Мъстиславъ, и положенъ в Киевє в церкви Св̃тго Феодора в манастырЂ. Того жь року Иерусалим взяли безбожныи сарацыны.

Глава 22

Ω СМЕРТИ КН̃ЗЯ ГАЛИЦКОГО ЯРОСЛАВА, О ЗЛАМАНЮ ПРИСЯГИ ГАЛИЧАНЪ, Ω КНЯЖЕНИЇ В ГАЛИЧИ ВЛАДИМЕРА, О ЕГО ВЫГНАНЪЮ И О ПОДСТУПНОМ КНЯЖЕНИЇ РОМАНА, О ВЫГНАНЮ РОМАНОВОМЪ, О КНЯЖЕНИЇ АНДРЂЯ, КОРОЛЕВИЧА ВЕНГЕРСКОГΩ, В ГАЛИЧИ И О ВЯЗЕНЮ КН̃ЗЯ ВЛАДИМЕРА В ВЕНГЕРАХ, А О ПОСАЖЕНЮ В ВОЛОДИМЕРИ РОМАНА /173/

Того ж року преставился бл̃говЂрныи кн̃зь галицкиї Ярославъ, ωктоврия 1 дн̃я, и положен в церкви Пресвятые Бд̃цы. Быль тои кн̃зь мудрь и рЂченъ языкомъ, бг̃обоязливъ^Ї, иноковъ любилъ и чтиль, и давалъ барзо милостину великую иноком и странным, и убогимъ. А умираючи, три дн̃и плакал и роздавалъ млстиню. И отказаль Галичъ сн̃у своему меншому Олгу, а Премышль старшому сн̃у Владимеру. БарзЂи любилъ Ωлга, бо Владимерь его не слухал. Галичане на томъ ему присягли Ωлга мЂти за кн̃зя, але по смерти его зламали присягу, Олга выгнали, а Владимера собЂ взяли. И побЂглъ з Галича Олгь вь Ωвручев к Рурику, а Владимерь сЂлъ на столЂ от̃ца своего в Галичю.

Тоеи жъ осени родился у Рурика сн̃ь Дмитрии, а княжеє имя ему Владимер. НавеснЂ Рурикь взял у Всеволода суздалского Верхуславу, дочку, за сн̃а /173зв./ своего Ростислава, осмь лЂть маючую, и взял за нею много злата и сребра. Тогды ж родился сн̃ь Всеволоду, и нарекьли ему имя дЂдово Юрьи.

Потомъ Св̃тославъ з Рурикомъ, с^Й сватомъ своимъ, послал Романа Изедиловичъ ¹³⁵, гетмана, з чорными клобуками, и побрали за Днепромъ вежи половецкии, бо половцы сами пошли тогды къ Дунаю.

Року 6696-г^К Владимер галицкиї за сн̃а своего старшого взялъ дочку у Романа Мьстиславича, кн̃зя володимерского, а себЂ Владимерь взяль за жену попадю, з которою мЂл сн̃овъ двохъ, и зле самъ жил, в пьянст†и нечистотЂ, у галичан на свою нечистоту отимаючи жоны и дочки. Послышавши тое Роман, кнзъ владимерскиї, же зле з галичанами живет Владимер, почал галичаном радити, абы Владимера выгнали, а его приняли. Призволили на тое галичане /174/ ^Л—и присяглися^—Л з Романомъ. А не хотячи ^М—якь не^—М Владимера выганяти, такъ штучне поступили: пришовши, рекли Владимеру: «ТебЂ ничого не мыслим злого, але попади не хочемъ кланятися, убиемь еи». То рекли, вЂдаючи, же попади Владимер не отпустить. То услышавши, Владимерь набралъ з собою скарбу и жону, и дЂти взялъ, и поЂхалъ з дружиною к венгерскому королю. А галичане отняли ωт него сн̃а его и^Н жону Романовну и послали по Рамана.

Роман, отдавши брату своему Всеволоду мЂсто Володимер и присягши, же не маетъ от него знову брати Володимєра, поЂхалъ и сЂль в Галичи. А Владимерь, кн̃зь галицкиї, упросилъ короля венгерского з воискомъ себЂ на помочь. И гды корол з Владимеромъ приходил к Галичу, Раман, убоявшися и зобравши добыток Владимеровъ, з Галича побЂгь до мЂста Володимера. Але Всеволод, запершися вь Володимери, /174зв./ не пустил его в мЂсто. Теды Роман, пустивши жену до Овручева з галичанками, самъ побЂгь до Ляховъ о помочь, ^О—але, одержавши^—О тамъ помочи, побЂгь до тестя своего Рурика вь БЂльгород. Крол засъ венгерскиї, вьшовши в Галичь, не посадиль Владимера, але посадил в Галичю сн̃а своего АндрЂя. А Владимеру, хотяи присягь былъ, не толко не дал ему его отчизны Галича, але, взявши его зъ собою, в Венгерахъ всадилъ до вязеня.

Романъ знову, взявши у Рурика сн̃а его з воискомъ и з гетманомъ Славном Борисовичом, пошол к Галичю, лечь венгерове и галичане посланных вперед от Рамана под Пленскомъ многих поимали, а иншиї ледве поутекали. Для того Роман, отпустивши Рурикова сн̃а, самь поЂхалъ к Казимеру, лядскому кн̃зю, о помочь. И, пришовши под Володимер з ляхами, брата своего Всеволода хотЂль добывати. А не могучи ничого ему учинити, отпустил ляховъ, /175/ а самь пошоль знову до Рурика. И даль ему Рурик Торцьскиї, якь^П брату его Всеволоду послал з грозбою. И такъ Всеволод, убоявъшися Рурика, уступилъ Роману Володимєра, а самъ поЂхал до Белза.

Глава 23

Ω НЕЗГОДЂ И ПОЕДНАНЮ РУРИКА З СВ̃ТОСЛАВОМ, Ω ЗАБИТЪЮ РОСТИСЛАВА ПОД ГАЛИЧЕМЪ, Ω ВЕНГЕРСКИХ ЗБЫТКАХЬ ВО ГАЛИЧИ, Ω ВЫЇТЮ КН̃ЗЯ ВЛАДИМЕРА З ВИТЯЗАНЯ ВЕНГЕРСКАГО И О ПОСАЖЕНЬЮ ЕГО В ГАЛИЧИ

Року 6697-г^Р кроль венгерскиї прислал къ Светославу, обЂцуючи его сн̃у Галичь ωтдати, и послал Св̃тослав сн̃а своего ГлЂба. Але гды Рурикъ тое увЂдал, /175зв./ послал за ними Св̃тослава Владимеровича, гнЂваючися на Св̃тослава, же без его вЂдома послал сн̃а. Св̃тославъ, зышовшися з Рурикомъ и поеднавшися, же ^С—С митрополитъ ихь обоихь до того приводить, абы гонилися ^С—С от чюжоземцов, свои рускиї Галичь отняли, пошли ωбое на Галичь, але на^Т дорозе отповЂдЂли^У Галича межи собою, не згодившися, не идучи до Галича, знову вернулися.

Тогды ж галичане прислали кь Ростиславу Берлядниику, зовучи его на Галицкое княжение. Ростиславъ, урадовавшися, поЂхалъ от Давыда з Смоленска до Галича і взялъ два городы в Галицкои волости. Лечь галичане не всЂ згодилися на Ростислава, бо которыи при кролевичю венгерскомъ были, тыї держалися кролевича, а о тои думе о Ростисла†не знали. Послышавши кролевич /176/ о РостославЂ^Ф, же на него идеть, казал всЂмъ галичаномъ, жебы ему присягали, и мусили всЂ присягати. А присягши кролевичю, ошукали Ростислава. Гды пришолъ Ростислав, не здалися ^Х—ему якь сподЂвался^—Х, але, ранивши Ростислава барзо, збили з коня и ледве живого внесли в Галичь, и хотЂли ^Ц—Ц его за кн̃зя приняти. Лечь венгери, тое постерегши, трутизну до его раны приложили, и от того умерь. I положили его въ ^Ч— монастырЂ, в церкви Св̃тго Иоанна^—Ч. Венгери зас, разумЂвши^Ш, же галичане под ними подступь чинят, хотячи себЂ руского кн̃зя, почали галичан утесняти и отімати у нихь добро и дочки на свою похот, и въ избахь, и в церквах кони ставити. Тогды галичане почали жаловати по Владимеру, своемъ кн̃зю.

Року 6698-г^Щ преставился /176зв./ кн̃зъ Св̃тополкъ Гургиевичь, шурин Руриков, апрЂля 19-г дн̃я, и положенъ в церкви Св̃тго Михаила Золотоверхового, которую поставил прадЂд его, великиї кн̃зь Михаиль Св̃тополкъ. Тогды ж преставился епископъ бЂлагородскии Маξим, а Рурикъ вмЂсто его казал’ поставити епископомъ ωт̃ца своего духовного АндрЂяна, игумена Св̃тго Михаила Выдубецкого.

Того жь року Владимерь, кн̃зь галицкии, седЂвши д†лЂти у вЂзеню, и^Ю убили короля венгерского, перенявши сторожовъ, которые его стерегли, и упевниши ихь обЂтницами, з ними жь утеклъ з вязеня до кроля немецкого. Крол немецкии, увЂдавши, же Владимерь есть сестренецъ великого кн̃зя суздалского Всеволода, з честью послал его къ Казимеру, королю лядскому, жебы /177/ ему далъ помочь до Галича, обЂцалъ бовЂмъ кролю давати на рокъ по д†тысячи гривенъ сребра. И такъ Владимер, взявши ωт Казимера помочь, пришол к Галичю. И споткавши его галичане, радосно приняли, а кролевича венгврского выгнали. И сЂл Владимер на столицЂ ωт̃ца своего. Послал теж кь Всеволоду, вуеви своему, кн̃зю суздалскому, поддаючися ему цале и просячи, абы ему был оборонцею. Всеволод, принявши его прозбу, послалъ ко всЂмъ рускимъ кн̃земъ и кь лядскому королю, абы под его сестричичомъ Владимером не шукали Галича, што ему всЂ под присягою обЂцали. Такъ Владимер почал в Галичи спокорне^Я княжити.

Тогды ж Св̃тослав, кн̃зъ киевскиї, женил внука своего Давыда /177зв./ зь Игоровною. Из Рурикомъ порадившися, примире учинили з половцами, а сами, на устъю Тясмени ловами погЂвшися^Ь, вернулися.

Глава 24

Ω ЗВИТЯЗСТВЂ РОСТИСЛАВА РУРИКОВИЧА НАД КУНДИЕЮ, КН̃ЗЕМЬ ТОРЦЕСКИМЪ, И ОТТОЛ КИЛКАКРОТНОМЪ ЗНАЧНОМЬ ОТ НЕГО ПОБИТИЮ ПОЛОВЦОВ, И Ω СМЕРТИ СВ̃ТОСЛАВА КН̃ЗЯ КИЕВСКОГО

^136—Потомь Рурикь жаловался Св̃тославу на Кунду^—136, торцеского кн̃зя. Св̃тославъ, услыхавши^А Рурика, призваль Кунда и казал ему присягнути. Кунда, присягнувши и за великиї встыд тую присягу /178/ себЂ маючи, затягнулъ ТоглЂя, кн̃зя половецкого, з половцами себЂ, хотячи своего сорома помьститися над Св̃тославомъ. И пришовши половъцы в землю Рускую, взяли Чюрнаевъ, ωстров Св̃тославовъ, дворы пожьгли и людеи побрали, и легли по селамъ. Тогды Св̃тославъ не был в Киевє, з братиею за Днепромъ раду чинилъ, а Рурик до Овручева поЂхалъ, зоставивши сн̃а своего Ростислава вь Торцескомъ. Половцы поЂхали были к Боровому, але, послышавши Ростислава в Торцескомъ, не смЂли ити далеи, вернувшися, воевали по Руси.

Тогды лЂпшиї мужи межи чорными клобуками пришли к Ростиславу Руриковичю, радячи ему ити на половцовь, воюючих землю Рускую. Ростиславь, приставши до ихь рады и Ростислава Владимеровича з собою позвавши, напаль на вежи /178зв./ половецкии в ЛузЂ Днепровскомъ^Б, побрали вежи и стада, и жоны ихь, и дЂти. Пришедши половцы, гды не обачили своих вежеи и добытковь, и жон, и детєи, погнали за Ростиславомъ и, догнавши, напали третьего дн̃я и кн̃зи половецкии, и три Колдичи, и Кабан¹³⁷, и Урусовичи ωбадва, и

БЂгьбарсь, и Кочаевичовь¹³⁷ чтыри. Ростислав, обачивши мнозство половцовь, призвавши Гс̃да Бг̃а на помочь, поскочиль зъ своими стрелцами, з чорными клобуками. ^В—В Поимали шестъсоть половцовъ, а иншихь многихь побили, поимали были чорныи клобуки и Кобана, кн̃зя половецкого, которыи гды имъ ωкупь ωбЂцал, без вЂдомости Ростислава ωтпустили его. Ростислав з тымъ славнымъ звитязствомъ поЂхал ко от̃цу своему Рурику во Овручовь, але не застал вь ОвручевЂ, бо ωтЂхалъ быль Рурикъ /179/ на Литву и былъ в тои чась в Пинску. Для тогω вернулся Ростиславъ до Торцеска.

Половцы знову, собравшися, пошли на Русь Ростиславлею дорогою, на которых Св̃тославь поставилъ сн̃а своего ГлЂба в КаневЂ. И скоро пустилися половцы на товарь, ГлЂб ихь, у товару заскочивши, иншихь побилъ, и иншиї, утекаючи, в Роси потонули, и Кунда, вож^Г половцовь, утеклъ.

Року 6700^Д послал Рурикъ до половцов по Кунда, и привезли его половцы к Рурику. Которыхь Рурикъ, обдаривши, отпустил, а Кунду при себЂ задержал и далъ ему город на Руси, Дверинъ, жебы болше не водил половцовъ на Рускую землю.

Того ж року кн̃зь суздалскии Всеволод ωбновивь церковъ в Володимери Пресветои Бд̃цы і в Суздали учинил якь новыї цр̃кви. И родился у него сн̃ь, нарекли ему имя /179зв./ ωтцево Дмитрии, а княжее Владимер, имя дЂда Маномаха Владимера. Року 6701-г^Е Св̃тославъ, порадившися з Рурикомъ, послал по половцы, по Бурчевичи, а Рурикъ послалъ по лукоморскиї половцы, зовучи ихь на примире. И сами пошли къ Каневу чинити с половцами примирье. А гды половцы приЂхали противъ Канева, потребовали, абы Св̃тослав з Руриком на ихь сторону Днепра Ђхали. А кн̃зи, постерегаючи своеи чести, же того не бывало, казали половцомъ, жебы ведлугь звычаю они жь^Є кн̃земъ приЂхали. Лукоморскиї хотЂли, але Бурчевичи не хотЂли. И такъ, не учинивши примиря, розЂхалися. На которых Рурикъ хотЂль ити зимою, але Св̃тославь дорожиною хлЂба отмовил тую дорогу, радячи своеи земли стеречи, а не на половцы ити.

Потом /180/ чорныи клобуки, приЂхавши, радили Ростиславу, жебы ишолъ на половецкиї вежи з ними. Улюбивши тую раду Ростиславъ, не кажучи ωт̃цу, пошоль з ними в Торцескъ и, призвавши к себЂ Мьстиславича с Триполя з Жирославичомъ Здеславомъ, приЂхал на Ивлю, реку половецкую. Тамъ поимал сторожов половецкихь, ωт которых увЂдавши, ижь половцы далеко от своихъ вежеи и от стад лежат, на розсвЂте ударилъ на нихь Ростиславъ и розбилъ ихъ, княжичев ихь и иншихь значных наимал, людеи и стад без числа набравши, вернулся до Руси. И пришолъ Ростиславъ звитязствомъ къ ωт̃цу Рурику вь Ωвручевъ. От него упросившися, поЂхал кь стрые†своему Давыду вь Смоленскъ зъ звитязствомъ, оттоль к тестю Всеволоду в Суздалъ, где /180зв./ передержавши его Всеволод всю зиму с радостью и обдаривши его и дочку свою многими дарами, отпустил от себе зь честью.

Тогды ж родился у Давыда, смоленского кн̃зя, сн̃ъ, и нарекли ему имя Феωдоръ, а княжее — Мьстиславъ.

Тоеи жь зимы воевали половцы ^Ж—понад [Д]непромъ^—Ж, и^З Св̃тославъ з Рурикомъ стояли у Василева, стерегучи земли своеи. Оттоль поЂхалъ Св̃тославъ в Карачевъ, а Рурикъ вь свою волостъ. ^138—И хотЂль поїти з братиею своею, зь Ярославомъ, зъ Игоромъ и з Всеволодомъ, на резанскихь кн̃зеи^—138 за волость. Послаль теды до Всеволода, кн̃зя суздалского, о помочъ на резанскихь кн̃зеи. А гды не учиниль Всеволод по воли его, захорЂвши Св̃тославъ, поЂхал з Корачева до Киева, и в ВышгородЂ, поклонившися мощемь¹³⁹ св̃тых мученикъ ^—139 Бориса и ГлЂба^—139, приЂхал в Киевъ. Тут взялъ вЂстъ, же приЂхали по ГлЂбовну Евфимию, /181/ внуку его, за цр̃евича. Послал против тыхъ сватовь киян значныхь. Самь зас, болшею хоробою зняты, казавши себе в чернцы постричи и по Рурика пославши, преставился на концы мсца июля. Поховали его во от̃чномъ мнстрЂ Св̃тго Кирила. Был Св̃тославъ мудръ, чистоту любилъ, иноковъ и свещенников шановалъ и давал имъ, всЂмъ нищимъ обилно млстиню.

Глава 25

Ω КНЯЖЕНИЇ РУРИКОВОМЪ В КИЕВЂ, О ЗГОДЂ ЕГО ЗЪ ВСЕВОЛОДОМЪ, КН̃ЗЕМЬ СУЗДАЛСКИМЪ, Ω ПОВСТАНЮ КН̃ЗЯ РОМАНА НА РУРИКА И О ПРИМИРЮ ИХЬ, О ЗГОДЂ КН̃ЗЕи ЧЕРНИГОВСКИХЪ З РУРИКОМЪ О ВОЛОСТЪ ИЗЬ БРАТОМЪ ЕГО ДАВЫДОМЪ /181зв./

Рурикь приЂхаль кь Киеву, и стрЂтил его митрополитъ, и всЂ игумены со кресты, и всЂ кияне. И сЂль на столицы ωт̃ца своего и дЂда.

Року 6703^И приЂхаль Давыд, брать Руриковь, зь Смоленска к Рурику. И частоваль его Рурик в КиевЂ, и сн̃ъ его Ростиславъ в БЂлегородЂ, также и кияне, и подавали ему дары многиї. Потомъ Давыд ихь частовалъ и ^І— великую милостыню у мнстри пороздавал^—І иноком и нищимъ. Тое жь учинилъ и чорнымъ клобукомъ. И нарадившися з Рурикомъ о Рускои земли и о своемъ племени, отЂхалъ вь свои Смоленскь.

Того ж року преставился кн̃зь Всеволод Мьстиславичь, принявши иноческиї чинь, и положили ^Ї—Ї епископь владимерскиї и игумены в церкви Пресвятые Бд̃цы в Володимери.

В тои же час прислал Всеволод, кн̃зь суздалскиї, упоминаючися у Рурика, жебы /182/ и ему далъ частъ в Киевскомъ княжениї, якъ і иншои молодшои братиї подовал, особливе потребовал себЂ Торцъска, Триполя, Корсуня, Канева и Богуславля. Рурикь, ижь даль былъ уже зятеви своему Роману тыи городы и присягь не брати у него ихь, не хотЂль ломати присяги и Всеволоду не давал. Але гды ему погрозилъ воиною Всеволод, радился Рурикь ω томъ митрополита Никифора. Митрополитъ, не хотячи кровопролития братиї о волости, разрЂшилъ Рурика ωт клятвеннои присяги. И Романъ для того жь позволилъ Рурику, жебы ему даныї городы взялъ и ωтдалъ Всеволоду, а ему б иншиї ^Й—далъ. И такъ учинил Рурикъ: взявши у Романа^—Й Торцъскиї, Треполе, Каневъ, Корсунь и Бг̃уславль, отдалъ Всеволоду, и на томъ присягли. Всеволод далъ Торцскии Ростиславу Руриковичю, зятю своему, а в ыншихь городахъ своихь старость поставил. /182зв./

Ωбачивши Романъ, же Всеволод Ростиславу Руриковичю его Торцъскъ далъ, розумЂлъ, же Рурикъ, змовившися зь Всеволодомъ, для сн̃а своего ωтнялъ волости у него. Не хотячи и волости иншої за свою ωт Рурика взяти, послалъ кь Олговичомъ, ^К—К кь Ярославу Всеволодичю, кн̃зю черниговскому, егω на Киевъ вабючи. Тое увЂдавши, Рурикъ послал, ωзнаимуючи Всеволоду суздалскому, к Роману такьже послал, обличаючи его. Роман, тестя своего убоявшися, побЂгь до Казимеровичовь в Лядскую зе̃млю, просячи ихъ ω помочь. Они, отповЂдавши Роману, ижъ стриемъ своимъ Межкою маютъ завод, перше его на Межку позвали, обЂцуючи ему помочи, уходивши Межку. Роман з радостию пошол з ними на Межку, але Межка поразил барзо Романа и руси много побилъ, и ляховъ. А самъ Роман, утекши кь Казимеровичомъ, послалъ до Рурика, /183/ виннымъ даючися и просячи о прабачене. И митрополита Микифора^Л просил ω причину до Рурика. За причиною теды митрополита и иншихь отпустил Роману вину Рурикъ и, принявши его, казал ему присягнути. А гды присягнулъ, далъ ему Полоны и ^140—м—потриарха корсунского^—М—140.

Потомъ Рурикь, змовившися зь Всеволодомъ суздалскимъ, сватомъ своимъ, и з Давыдомъ, братомъ своимь, послали кь Ярославу, кн̃зю черниговскому, и кь всЂмь Олговичомъ, жебы имь присягли на томъ, ижь не маютъ ихь ωтчизны, Киева и Смоленска, под ними искати и под ихь потомъками, и под всЂмъ ихь Владимеровымъ племенемъ по ДнЂпръ, толко Ярославу. ОтповЂдали Всеволоду Ярославь Олговичи, же: «Под Рурикомъ и под Давыдомъ Киева и Смоленска не будемъ нскати, а по ихь смерти — кому Бг̃ь дасть». За тое Всеволод розгнЂванныи, же не обЂцали под ихь потомъками не искати, хотЂл на них воину /183зв./ поднести. Чого убоявъшися Олговичи, послали з Чернигова кь Всеволоду игумена Дионисия зъ иными, призволяючи ^Н—Н всю его волю, а къ Рурику послали, жебы имъ присягнулъ на них не воевати. На що присягнулъ Рурикъ. Ярославь теж зь Олговичомї присягь под Рурикомъ и Давыдомъ ихь ωтчины не искати. А Рурикь, из Всеволодомъ и з Давыдом поеднавшисъ, поЂхалъ вь Овручевъ.

Тоеи ж зимы тряслася земля по всеи области Киевскої, не толко деревяныї, лечь и мурован и домы и церкви колыхалися. И рекли духовныи, ижь тое на кровопролитие и на падене людемъ трясене.

Тогды ж преставился кн̃зь Изяслав Ярославичь меншиї, и положили его в церкви Св̃тго Феодора подле от̃чого гроба.

Того жь часу преставился кн̃зь туровскиї ГлЂбь Гургиевичь, шуринъ Руриковь, мсца марта. Привезли его до Киева и, споткавши /184/ тЂло его митрополитъ и всЂ игумены, положили в церкви Св̃тго Михаила Золотоверхогω.

Глава 26

Ω ВОИНЂ ЯРОСЛАВА, ЧЕРНИГОВСКОГО КН̃ЗЯ, ЗЬ КН̃ЗЕМЪ СМОЛЕНСКИМЪ ДАВЫДОМЪ, ТАКЪЖЕ Ω КНЯЗЕЇ РУРИКА I ВСЕВОЛОДА ВОИНЂ ПРОТИВ ЯРОСЛАВА И О ЗГОДЂ ИХЬ И ГНЂВЕ, Ω СМЕРТИ ДАВЫДОВОИ, ЯРОСЛАВОВОИ, И Ω МУДРОВАНЮ ^о ЦЕРКВЕИ и СТЂНЫ В ВЫДУБЕЦКОМЪ МАНАСТЫРЂ ОТ РУРИКА, КН̃ЗЯ КИЕВЬСКОГΩ

Потомъ кн̃зь чернЂговскиї Ярославъ Всеволодичь з братею своею, зъ Олговичами, приступивши присягу, з Рурикомъ учиненную, гды Рурикь вь Овручо†был, послаль Ωлга Св̃тославича, сн̃овца своего, къ Витепску /184зв./ на зятя Давыдова, которыи, не доЂхавши Вытепска, воевалъ землю Давыдову Смоленскую. Послышавши тое, Давыд послалъ ^141—Мъстислава Руриковича^—141, сн̃овца своего, и Ростислава Володимеровича, и князича резанского ГлЂба, зятя своего, з воискомъ, другои недЂли поста, а сн̃Ђгь тогды был великъ. Которыи, споткавшися, ударили на Олговича, и розбилъ Мъстиславъ Олговича, и побЂгь за нимъ. Тутъ жє полотскиї кн̃зи, которыи пошли на помочь Олгу, побЂгли в тылъ за Мъстиславомъ и ударили на его полкь ззаду, и розбили. А Мьстиславъ, не знаючи о томъ его людемь^П погромЂ, прогнавши Ωлга, вернулъся до своихъ и, разумЂючи, же за ним его полкь цЂлъ, вьЂхаль в полкь неприятелеи своих полотчань, которыї его поимали. Що обачивши, Ростиславь и ГлЂбъ пошли вь Смоленскъ.

^142—Ωлгь, ^Р—Р /185/ у кн̃зя у торцского^С выпросивши себЂ Мьстислава^—142, послалъ въ Черниговъ къ стриїеви своему Ярославу, ознаимуючи ω поиманью Мьстислава, сн̃а Рурикова, и вабячи Ярослава на Давыда смоленского в такъ погодныи час. Ярославь рад, послухавши, хотЂл ити зь Олговичами, але Рурикъ з Овручого прислав кь Ярославу его присягу, которую зламалъ, оповЂдаючи, же зараз хочеть ити на ЧернЂговь, если ωн поидеть на Смоленскъ. Тое послышавши, Ярослав не поЂхал на Давыда смоленского, але послал до Рурика, вымовляючи себе, а Давыда виннымъ чинячи, же Давыд, от его посланных кь Вытепску перенявши, от себе посланными воисками громилъ. На што отповЂдил Рурикъ, Ярослава виннымъ чинячи, ижь, якъ мовитъ, тебЂ уступивши Витепска, послалъ къ Давыду, ω томъ ωзнаимуючи: «А ты, /185зв./ послов тыхь поверненя не дождавшися, послалъ, и сн̃а моего поималъ и держишъ».

Року 6704-г^Т Рурикь послалъ кь Всеволоду суздалъскому, жалуючи на Ярослава и просячи его, абы Ђхал воиною з нимъ против Ярослава. Всеволод обЂцал Ђхати, еднакь казал, абы Рурикъ вперед Ђхалъ. И такъ Рурикь, зь своею братиею и зь дикими половцами поЂхавши, почал воевати Черниговскую волостъ. Ярослав, тое обачивши, послал^У до Рурика, просячи, жебы поганомъ хрстиян не казал воевати, отдаючи ему сн̃овца^Ф его Мъстислава без окупу. Просил и о тое, абы его з Давыдомъ и зь Всеволодом поедналъ. Рурикъ обЂцал перестати на него воевати, толко вперед послати хотЂл къ Всеволоду и потребоваль волного от Ярослава послом своимъ приЂзду, бо Ярославовы люде залегли /186/ были всюду по дорогах^Х. Ярославъ зас, разумЂючи, ижъ Рурикъ хочетъ слати къ Всеволоду, намовляючи его и Давыда против его, чого Рурикъ не мыслив, не дал волнои посломъ Руриковымъ дороги. Для того з собою не згодилися.

Того ж року умерлъ кн̃зь Всеволод Св̃тославичъ, межи всЂми Олговичами мужественнЂиши и добрЂиши, и положили его в церкви Пресвятые Бд̃цы в ЧерниговЂ.

Тых же часов Роман Мьстиславовичъ, зять Руриков, которому вину его отпустилъ Рурикъ на причину митрополита Никифора, преступивши присягу, помагаючи Олговичом на Рурика, послал свое воиско в Полонное, жебы оттол воевали Давыдову, брата Рурикова и сн̃а Рурикова Ростислава, волостъ. Послышавши ω том Рурикъ, ижь Романовы полки воюють волости брата его и сн̃а, послалъ к Володимеру галицкому, /186зв./ абы пошол на Романа. Учинилъ такъ Владимер, пошовши з Галича, воевалъ^Ц и пожегль волость Романову около Перемышля. ^143—А Мъстиславъ, сн̃ь Руриковъ, з Киева пошовши, также Романову волость повоевал^—143 и попалилъ около Каменца, и, помьстивъшися кривды, вернулися до домовъ.

Потомъ Всеволод суздалскиї з Давыдом смоленскимъ, пришовши в волость Ярослава черниговского, волости его воевалъ и попалил^Ч, и город Вястки^Ш144 взяли. Ярославъ пошол против ихь з братиею своею и з сыновцами, и с половцами, ^145—Давыда Ярославича заперши в ЧерниговЂ^—145 и инши городы позапиравши, и по рекам казавши и^Щ мосты подсекати. И сталь самь на своем ПодлЂси, и послалъ кь Всеволоду, повЂдаючи, же: «Я яко присяглецъ^Ю, такь по воли твоеи чиню. Не ωтнимаи у мене моего, але в любви своеи /187/ мене заховаи». ^146—Всеволод почалъ думати зь Ярославомъ и зъ Олговичами о примирю^—146, чого Давыд не хотЂлъ, мовячи, же: «То вороги Руриковы и мои, и обецалес Рурику на них помагати, и ему о своемъ походе дати знати, а такъ не учинилесь». Лечъ Всеволод не послухалъ Давыда, казал толко Ярославу, жебы отдалъ ^147—Мъстислава Руриковича^—147, свата его, Ярополка зас жебы з зе̃мли выгналь, а Романа Мьстиславича, которыи ему помагал, жебы отпустил. Учинилъ тое Ярославъ и присягь еще на том Всеволоду под Рурикомъ Киева, а под Давыдомъ Смоленска не искати. Затымъ примире з собою взяли, ^Я—Я половцовъ отпустили, к Рурику теж послал Всеволод, о томъ примирю ознаимуючи. Рурикъ, розгнЂвавшися барзо на Всеволода, ижь ему не ознаимилъ, гды ишол на Ярослава и на Олгавичов, /187зв./ его вороговъ, же не звоевавши ведлугь своеи обЂтницы тыхь вороговъ, з ними без его взял примире, отнялъ от Всеволода городы свои, которыи ему былъ подавалъ, и братиї своеи знову пороздавал.

Тоеи жь зимы выгнали новгородцы з Новгорода Ярослава Владимеровича, кн̃зя своегω, и просили себЂ сн̃а у Всеволода суздалского. Он имъ не далъ. Теды у Ярослава черниговского упросили сн̃а его меншого себЂ на Новгордское княжениє.

Тогды жь Романь Мьстиславичь пошол на ятвиги, которыї его волость воевали, и вышовши в землю ихь, ^Ь—Ь и пожегль. Ятъвиги поутекали вь свои ^148—скрытыї мЂстъца^—148, а Роман з корыстью и з полономъ вернулъся додому.

Року 6705^А кн̃зъ смоленскиї Давыд Ростиславичь, братъ /188/ Руриков, почалъ изнемогати тЂломъ и принялъ иноческиі чинъ, которого здавна желал. На егω смотрячи, и княгиня его также постриглася инокинею. Княжение свое отдалъ Давыд сн̃овцу своему Мъстиславу Рамановичю, а сн̃а своего Костянтина послал до Киева кь Рурику, брату своему. Самъ зас, барзЂы зболЂлыи хоробою, казалъ себе нести до манастыря Св̃тых мученикъ Бориса и ГлЂба на Смядиню. Там же, помолившися Гсду Бг̃у со слезами і в руцЂ его предаючи дш̃у свою, ^149—преставился апрЂля 23 дн̃я^—149. Епископь смоленскиї Семиωн зъ всьми игуменами и з свещенниками и сн̃овець его Мъстиславь з боярами поховали тЂло Давыда, кн̃зя, в церкви Св̃тых мученикъ Бориса и ГлЂба, от от̃ца его поставленои. Былъ кн̃зъ Давыд возростомъ средниї, лицемъ пенкныи, побожныи, св̃тителеї и игуменов, /188зв./ и весь чинь духовныи барзо шановал, монастыри и иноковь любилъ, и давал вшелякиї потребы, также и мирскиї цр̃кви и свещенниковь дарилъ. КрЂпокъ на воинЂ, скарбовь великихь не збиралъ, дружинЂ и военнымъ роздавалъ, добрых миловалъ, а злых карал. Церковъ дивную Св̃тго архистратига Михаила поставил, которую образами коштовными, золотомъ, сребромъ, перлами и каменми дорогоцЂнными красилъ такъ, ижь тої церкви на полночных странахь ровнои не было. До которои церкви завсегды ходилъ и в неи со слезами молился, грЂхов прощения у Гсда Бг̃а просячи. И было княжения его вь Смоленску лЂтъ осмнатцатъ, а от рождения его лЂтъ шестъдесять без трох.

Того ж року Рурикъ поставилъ церковъ каменную /189/ Св̃тых Апостол в БЂлЂгородЂ, епископию. И приЂхавши ^Б—с Киева^—Б, мсца декабрия 6 дн̃я осветиль тую церковъ през митрополита Никифора и епископа тоеи жь церкви Андрияна, и през епископа юревского, і вшелякою оздобою церковною приоздобилъ. Созвалъ теж и инъшихъ духовных, архимандрита и игумена печерского Василия и Моисея, игумена Св̃того Михаила Выдубецкого, и иншихь игуменовъ и черноризцовъ^В, и свещенниковь, частовалъ всЂхь достаткомъ великим и, ударовавъши, отпустилъ. Потомъ тои же кн̃зъ Рурикъ, названныи вь св̃томъ крещениї Василиї, поставилъ в Кие†церковъ каменную на Новом дворЂ Св̃тго Василия, во имя свое, и осветил через того жь митрополита, и чєрез тых же еп̃ископов.

Того жь року генваря 1-г дн̃я ^Г—Г у Всеволода, ^Д— августа /189зв./ 8-г дн̃я^—Д, родился сн̃ь, и назвали его Иωанъ, и радостъ была великая в Володимери.

Року 6706^Е преставился кн̃зь черниговскии Ярослав Всеволодовичъ. Епископъ теды черниговскиї и игумены, и сн̃овцы его положили тЂло его в черниговскои епископиї, в церкви Св̃тго Спаса, и сЂлъ на мЂстцу его на столицы черниговскои кн̃зъ Игорь Светославичъ.

Того жь лЂта родилася дочка у Ростислава Руриковича, и назвали еи Ефросиния, и сталася радостъ великая в Кие†и в ВышгородЂ. Того ж часу Рурикь ωтдалъ дочку свою Всеславу в Резан за Ярослава ГлЂбовича.

Того ж лЂта кн̃зь Рурик заложил стену каменную под церковью Св̃тго Михаила на Выдубичи у Днепра для подпоры церкви, мс̃ца июля 10 дн̃я в суботу, року ωт змурованная /190/ тоеи цр̃кви сто адинатцатого. Сеи кн̃зь Рурик пятыї былъ от Всеволода, которыи то Всеволод церковь тую Св̃тго Михаила в манастырЂ Выдубецкомъ поставилъ. Всеволодъ родиль Владимера, Владимерь родил Мъстислава, Мьстиславь родилъ Ростислава, а Ростислав родил Рурика. Докончалъ Рурикъ тую стену мс̃ца сентябри 24-г дн̃я. Того ж року и приЂхалъ вь манастырь Выдубецкиї с своею Хр̃столюбивою княгинею Анною и зь сн̃ами своими Ростиславомъ, и з Володимеромъ, и з дочкою Предиславою, и с снохою Ростиславовою, и поставилъ кутю в церкви Св̃того Михаила. И бл̃годаривши Гсда Бг̃а, и помолившися, частовал в трапезЂ игумена Моисея и братию, и всЂхь, /190зв./ которыї тогды зышлися. Игумен зас зь всею братиею, бл̃годаренъ такъ великои ласки, похвалилъ Гсда Бг̃а и подяковал значне кн̃зю Рурику, многолЂтного ему со всЂмъ домомъ молячи здоровъя и державы его ωт Гсда Бг̃а утверждения и спасения.

Глава 27

Ω КНЯЖЕНИЇ КН̃ЗЯ РОМАНА В ГАЛИЧЮ, О ЕГО МУЖЕСТВЂ И О ВОЕВАНЮ НА РУРИКА И НА ЛЯХОВЬ, И О ПОБИТЪЮ ЛИТВЫ ПРЕЗ ОЛГОВИЧОВЪ

Року от Рождества Хрства 1198-р преставился Владимеръ, кн̃зъ галицкиї, и поховань /191/ в Галичу. По смерти его Роман, кн̃зъ володимерскиї, опановалъ его столицу галицкую за помочью Леска БЂлого, кн̃зя полского. А маючи гнЂв давныї на Рурика, кн̃зя киевского, за тое, ижь Рурикъ половцовъ приводилъ на Рус, собравши воиско галицкое и владимерское, пошол на Рурика до Киева и помалъ его. Рурикъ зс страху просилъся в чернцы, и ^Є—є поволилъ^Ж Романь постричи Рурика в чернцы и жону его, княгиню, в черницы казалъ постричи, а двох сн̃овъ Руриковых, Ростислава и Владимера, завезлъ з собою до Галича.

Такь, гды отЂхалъ кн̃зь Романъ з Киева до Галича, Св̃тославъ Мъстиславичь въЂхал в Киевъ и хотЂлъ в Киевє княжити. Романъ, кн̃зъ галицкиї, того довЂдавшися и самь хотячи зватися самодержцемъ всея Росиї, якож такъ /191зв./ и писался, пришол до Киева и выгнал Св̃тослава Мьстиславича, а млсрдие свое показуючи кь сн̃омъ Руриковымъ, Ростислава Руриковича ^З—посадил на киевскои столицы и Владимера Руриковича^—З пустиль волно, а^И самъ вернулся до Галича.

И сидячи на столици галицкои, з початку ласкавымъ показался, а потомъ барзо тяжкиї был галичаномъ, розмаите ихь мардуючи, а панов рускихь губилъ многихь, скарбы ихь отбираючи и оное присловъе мовячи, ижь: «Никто безпечне не можетъ меду поживати, поки пчол не побиеть». Ωттолъ многиї собралъ скарбы и иншиї^І, кн̃земь рускимъ страшен был и ихь до своего привел послушенства, Литву и ЯтвЂжовъ часто воюючи, под свое послушенство руское подбилъ. А поневажь Литва часто от него з подданства выбивалася, якъ люде /192/ паганскиї и неспокоиныї, до роботъ ихь быдлячих примушалъ, запрягаючи, якь конеи и воловь, казал ими робити. Самодержество киевское в Галичю себЂ учинил.

Потомъ кн̃зь Роман, пошовши противъ Леска, кн̃зя полского, пошол на землю Любелскую и Сендомирскую, тамъ же много побуривши и попаливши мЂстъ, своими ωсадил людми рускими, а самъ, много ляхов в полон набравши, вернулся до Галича. Другого знову року великиі воиска собравши рускиї, до того литвы и ятвЂговь много получивши^Ї, пошол на Лядскую зе̃млю, грозячи не толко Лядскую землю зъвоевати, али и имя лядское выкоренити. Гды вышол в Лядскую зе̃млю, переправившися через Вислу, положилъ свои воиска д†ми^Й ωт Сендомира. /192зв./ Там же ляхи зъ своимъ кн̃земь Лескомъ и з его братомъ Кондратомъ притягнули и великую воину сточили Кн̃зъ Роман, свое воиско добро^К шукаючи^Л и потЂшаючи, крЂпко билъ ляховъ и своихь поддержевалъ, аж гды коня под Раманомъ забито, звопили^М рускиї воиска и почали мешатися. Тамже и самого кн̃зя Романа забито. Леско, кн̃зь полскиї, взявши тЂло Романово, казалъ его якъ кн̃зя и приятеля своего честно в СердомЂру поховати. Потом рускиї кн̃зи, упросивши тЂло кн̃зя своего Романа, поховали в Володимири.

Былъ тои кн̃зь галицкиї Роман^Н мужественныи, половцовъ часто бил и звоевал быль такъ, якъ и Владимеръ Монамах, страшен имъ былъ барзо. Также Литву и ЯтвЂговь былъ в подданство подбилъ руское. Тому /193/ кн̃зю Роману вЂники, лыка и шкуры звЂриныї вмЂсто дани Литва давала. И оралъ литвою, запрягаючи ихь, якь нигдыс и киівскиї кн̃зь Романъ, якъ пишуть гисториковє. Зосталися по смерти кнзя Романа два сн̃ы его, Данило в четырех лЂтахъ и Василко въ двух лЂтах. Послышавши о смерти кн̃зя галицкого Романа, литва, прибравши жмоди и ятвЂговъ, учинили себЂ Зивибунда з Монтвилом гетманами и, великим воискомъ собравшися, пошли на Рускиї княжения зъ своихь лесныхь мешканиї. Переправившися през Вилию, Новгородскиї волости вперед побурили, потомъ едныї около Луцка и Владимера пустошили, палили волости и монастыри, и церкви, другиї ωколо Пинска пустошили, потом /193зв./ около Мозыра пустили загоны. Ωлговичи, кн̃зи черногородскиї^О, обачивши такъ великое от литвы спустошенъе Руси, собравши воиско руское, пошли на паганцовъ тых литву и казали имъ засЂчи в лесах дорогу, куды мЂли з полономъ ити. Литва, о томъ довЂдавшися, инуды гнала полон, а Олговичи, за ними спЂшно погнавши, громили ихъ. И гды литва в поляхь смоленскихь кошом стала, напали на них Олговичи з рускимъ воискомъ, и билися крЂпко обои воиска. Еднакъ же Олговичи едны полки свои вь очи поставивши, а другиї з тылу заведши, литву, якъ градомъ, зпереду и с тылу стрелами ωкривши, розогнали, ажъ мусили литва утекати. Которых утекаючих /194/ рускиї воиска много посЂкли, і иншиї, през реку плынучи, потонули, остатокъ в лЂсы свои звычаиныи и^П мешканя поутекали. А Олговичи, литву наголову збивши и полон рускиї увесь отгромивши, зь славнымъ звитязствомъ и з корыстью великою, и з полоном до своихь княжениї вернулися.

Глава 28

Ω ЗВАДАХ О КНЯЖЕНИЕ ГАЛИЦКОЕ, О КНЯЖЕНИЇ ВЛАДИМЕРОВОМЪ В ГАЛИЧЂ И О ВЫГНАНЪЮ ЕГО, ТАКЪЖЕ Ω КНЯЖЕНИЇ АЛЕξАНДРОВОМЪ В ВОЛОДИМЕРЂ, Ω ЗБЫТКАХЬ ВЕНГЕРОВ В ГАЛИЧЂ, Ω ВЫГНАНЮ ИХЬ И О ПРИНЯТЮ ВЛАДИМЕРА /194зв./

Ω Галицкое княжение по Романовои смерти многиї вадилися, потомки Романовы себЂ, а киевскиї и черниговскиї князи себЂ того княжения достати хотячи. Рурикъ, кн̃зь киевскиї, которыи былъ от страху Романа постригьлся у чернцы, оставивши черничеи чинъ, собравши рускии воиска и половцовъ на помочъ затягши, пошол Галича доставати, а бояре галицкиї і володимерскиї з воиском поткали Рурика у Микулина, над Сиретомъ рекою. Тамъ же билися крЂпко весъ денъ. Тамъ много галичан і володимерцовъ поранено, и мусили вернутися в Галичъ, за которыми Рурикъ вьслЂд пришолъ кь Галичю и не могь ничого учинити Галичу, ани галичане могли з Руриком /195/ зсылатися, бо перед тымъ видЂлся кролъ венгерскиї зъ ятровию своею в Сановцы, зь княгинею Романа забитого, и принял Данила Романовича вь свою ωпеку, якъ милого сн̃а своего. Для того своих венгеровъ поставилъ на засадЂ в Галичи: Мокия Великого СлЂпоокаго и Корочуна, Волопта, сн̃а его Витомира и Благиню со многими венгерами. Тамъже под Галичемъ под двомя князями половецкими Сутоевичами, под Котяномъ и Сомогором, позабивано конии и самых мало не поимано. З тоеи причины Рурикъ, ничого не змогши, вернулъся до Киева.

Потомъ галичане привели до Галича Кормиличичов, которых кн̃зъ Роман забитыї загнал был на заточение /195зв./ зо^Р тое, ижь ему не были вЂрныи, але были приязни Игору. И за порадою тыхъ Кормиличичов, галичане, призвавши Владимера, посадили у себе на столицы галицкои, а Романа другогω посадили въ ЗвенигородЂ. Княгиня Романа забитого, тое увЂдавши^С, взявши свои дЂти, побЂгла до мЂста Володимера. Владимерь засъ, посаженыи на столицы галицкои, хотячи Романово племя выгубити, поспешаючим ему на тое и галичаномъ послалъ попа з Галича до володимерцовь, мовячи: «Если мнЂ не выдасте Романовичовъ и не приимете к себЂ на княжение брата моего Св̃тослава, не остоится город вашъ от мене». Володимерцы хотЂли /196/ забити посла попа, которого оборонили Смончукъ и Микифоръ^Т, мовячи: «Не годитъся посла забивати!», а учинили тое, хотячи мЂсто отдати.

УвЂдавши тое, княгиня Романовая, порадившися зь дядкомъ, кн̃земъ Мъстиславом, побЂгла до Ляховъ вночи. Дядко взялъ Данила и з нимъ вышол з мЂста, а меншого сн̃а Василка, з кормилицею взявши, попь вывел з мЂста дирою. И гды пришли до кн̃зя полского Леска, не помянулъ Леско вражды Романовы, же на него воевал, з великою честию принялъ княгиню Романову з детми, якь свою кровь, мовячи, же: «Диявол з зависти вкинулъ былъ Роману со мною вразду, завидячи нашеи любви». Тогды жъ послалъ /196зв./ Леско, кн̃зъ полскиї, Данила Романовича до короля венгерскогω з цосломъ своимъ Вячєславомъ Лысымъ, мовячи такъ до короля: «Я не поминаю зла Романова, же на мене воевал, а тобЂ другь былъ Роман, и ты присягъ ему мЂти любовъ кь его племяни. Прето теперъ, гды племя Романова выгнанω зъ своеи земли, поидЂмо ωбадва и отдаїмо Романову племени ωтчество ихъ». И такъ королъ, жалуючи того барзо, взяль к себЂ Данила, старшого сн̃а Романова, а кн̃зъ полскии Леско взялъ к себЂ княгиню Романову и сн̃а меншого Василка.

Потомъ по немаломъ часЂ Роман, кн̃зь звенигородскиї, з Володимеромъ, братомъ своимъ, кн̃земъ галицкимъ, завадилися /197/ и поЂхавши кн̃зъ Роман до Венгерь, взялъ венгеровъ на помочъ. З которыми пришовши, выгнал з Галича Володимера, и побЂгь Владимеръ до Путиеля.

Того жъ часу Александеръ, сн̃овецъ Романовъ, затягь себЂ на помочъ кн̃зя полского Леска и брата его Кондрата и пришол з ними и з множествомъ ляховъ к Володимеру. Отворивши имъ башты, володимерцы приняли Александра, сн̃овца Романового, а ляхи спустошили город весь Володимеръ. Ледве упросилъ Александеръ останокъ людеї и церковъ Пресвятои Бд̃цы, же не^У розбили. И жаловалися володерцы^Ф, и рекли: «Если бы з ляхами не былъ сродникъ кн̃зя ихь Романа и если бы не присягли имъ ляхи на спокоины вход вь ихь мЂсто, и Буга имъ не попустили бы переити». Поимали ляхи кн̃зя /197зв./ Св̃тослава и повели з собою, а Алеξандерь сЂль на столицы володимерскои и взялъ у него Леско дочку.

Того жъ часу приЂхали берестяне къ Леску, просили у него Романова сн̃а Василка молодого себЂ на княжение, и дал имъ Леско. Которого берестяне, якъ самогω великого Романа, споткали с радостию и приняли за кн̃зя. Потомъ Алеξандеръ сЂлъ в БЂлзЂ, а Ингвару пустилъ Володимеръ, але ижь не любили бояре Ингвара, за порадою Лесковою знову Алеξандеръ взялъ Володимеръ. Княгиня зась, Романова Лескови мовила, ижъ Алеξандерь ωтчину нашу, всю землю держитъ, а сын мои толко едно Берестъе маетъ. И такъ за порадою Леска Алеξандеръ взялъ себЂ /198/ Угровскъ, Верещикъ^Х, Столпъ, Комовъ, а Василкови Романовичю далъ Белзъ.

Потом кролъ венгерскиї АндрЂи, довЂдавшися о непокою в Галичю и ω выгнаню през Романа Владимера, послалъ до Галича Бенедикта з венгерами, и поимали Романа. Послалъ Романа Венедиктъ до Венгеръ, а самъ сЂль в Галичи и барзо галицких бояръ и мещан мордовал, і вшетеченства великиї з чюжими жонами, зъ инокениями и з попадями чинил, якь другиї антихристъ дЂлалъ.

Пришол былъ на Бенедикта къ Галичю Мъстиславъ з Пересопницы, але ничого не доказал. Для того нЂякиї Илья Стефановичъ возвелъ на могилу Галичину ихъ, реклъ жартомъ: «Уже еси княже на могилЂ /198зв./ Галичинои поседил, то такъ і в Галичи княжилъ еси». И вернулъся Мьстиславъ в Пересопницу.

Того ж часу Роман утеклъ з Венгеръ и сЂль у ЗвенигородЂ, а галичане, далеи не могучи окрутенства Бенедиктового терпЂти послали къ своему кн̃зю Владимеру, просячи у него прощения, что противъ его согрешили, и просили его, ^150—жебы пришолъ на свою столицу галицкую^—150 і выбавилъ ихь от Венедиктова суровъства. Владимерь, послухавши, пошол з воиском кь Галичу. ^151—Услышавши ω томъ^—151 Бенедикть, ^151—а видячи незычливость к себЂ галичан^—151, побегь з Галича до Венгеръ. Владимер, принятыи з радостию ωт галичанъ, сЂль в Галичи, а Св̃тославъ в Перемышлю сЂлъ, сн̃у своему Изяславу /199/ дал Теребовлъ, другого сн̃а своего Всеволода послалъ з дарами до венгерского кроля. Тогды ^Ц—Ц Данило Рамановичъ^Ч был в Венгерах. Крол венгерскиї хотЂлъ свою дочку, малодую барзо, за Данила, такжє дЂтинныи лЂта маючогω, отдати, бо у себе не мЂлъ сн̃а.

Того ж року забитъ былъ Филипъ Великиї, цесар рымскиї.

Глава 29

Ω ПОСАЖЕНЪЮ КН̃ЗЯ ДАНИЛА РОМАНОВИЧА НА СТОЛИЦЫ ГАЛИЦКОИ, Ω МАТЦЂ ЕГО, КНЯГИНЂ РАМАНОВОЇ Ω ВЫГНАНЮ ЕГО ЗЬ ГАЛИЧА И О СЂДЂНИЮ НА ЕГО МЂСТЦУ МЪСТИСЛАВА, И Ω НЕЗИЧЛИВОСТИ КН̃ЗЯ АЛЕξАНДРА КЪ РОМАНОВИЧОМЪ /199зв./

Потомъ порадившися Игоревичи и нашовши на бояръ галицких, побили ихь, Юрия Витановича, Илью Стефановича^Ш и иншихь многих боярь убили, личбою пятъсотъ. И иншиї розбЂглися: Владиславь Кармиличъ и Судислав, и Филипъ побЂгли до Венгеръ и, знашовши тамъ у короля венгерского Данила Романовича, просили, абы кролъ венгерскои^Щ пустил его до Галича, жебы якь отчичъ ωт Игоровичов з ними отнялъ Галичъ, свою отчизну. Кролъ з любовию послалъ Данила ¹⁵² и великого двоироскогω Пота, поручивши ему гетманство над всЂмъ воискомъ, ^153—и Всеволод з нимъ^—153, и Петръ Туровичъ, Бянко, Мика Бородатыї, Потахорот, Мокянъ, Тибрецъ, Мароцил /200/ и иншиї многиі значныї. Пришли Перше, под Перемышль и рекль Владиславъ къ премышляномъ: «Для чого маетє умирати за ваших кн̃зеи и старшихь? Тыи побили вашихъ отцовъ и братиї, скарбы ваши побрали и дочки ваши за слугь поотдавали, и отчизну вашу пришелцы завладЂли?». Тыми словами до жалю побуждены, перемышльцы здали городъ Перемышль и кн̃зя перемышльского Св̃тослава поимали. Ωт Перемышля пошли до Звенигорода, звенигородцы зъ кн̃земъ своимъ Романомъ крЂпко з ними билися, не толко к мЂсту, але ни къ острогу мЂстьскому не припустили.

В тои же час Василко, кн̃зь белзъскиї, послалъ на помочъ брату /200зв./ Данилу великого Вячеслава Толстого, Мирослава, Демъяна, Вротислава и иных бояръ з Белза с воискомъ. От Леска тежъ, полскогω кн̃зя, Судиславъ Бурнатовичъ з великимъ воискомъ, ωт Пересопницы зас Мъстиславъ НЂмыї з многимъ воискомъ, такжє Алеξандерь з братомъ ωт Володимера з воискомъ, а Ингвар з Луцка и з Дорогобужа, и з Шумска послал сн̃а своего з воискомъ. Тутже пришли половцы Роману на помочь, и сточили битву великую. Тамъ Мыка зкололъ Тобаша половецкого и голову ему оттялъ. Половцы, тое обачивши, крЂпко налегали на венгеры такъ, же, ледве припавши, ляхи и русъ переправися зь кн̃земъ через реку Лютую, и вернулися половцы вь свои станы. Видячи Роман зъ кн̃земъ Даниломъ /201/ великиї воиска, вышолъ з мЂста шукати помочи ωт кн̃зеи рускихъ. И гды былъ в Шумску, поимали его Земникъ з Чухомою и привели вь стан къ кн̃зю Данилу и кь гетманомъ венгерским. Послалъ теды кн̃зъ Данила и венгеры къ звенигородчаномъ, мовячи: «Кн̃зь, ваш поиман уже, здаитеся!». Они, не вЂрячи, не здавалися, а гды провЂдали певне, здалися кн̃зю Данилу звенигородцы.

Оттолъ кн̃зь Данило со всЂми воисками пошолъ къ Галичю. Владимерь, кн̃зь галицкии; зь сн̃омъ своимъ Изяславомъ побЂгь з Галича, и гналися за нимъ до Незды. Тамъ з ними Изяслав бился, и ωтняли от него кони добрыї, и вернулися кь Галичу. Тогды бояре Вячеслав владимерскиї и Владиславь галицкиї, и всЂ бояре владимерскии и галицкиї, и гетманове венгерскиї посадили /201зв./ в Галичю Данила на столицы от̃ца егω Романа, в церкви Пресвятои Бд̃цы. Королъ венгерскиї АндрЂи з любви своеи, которую мЂлъ къ Роману, посадилъ сн̃а своего^Ю, которогω и себЂ за сн̃а взялъ был, на столицы галицкои. В тои же час и княгиня Романова приЂхала къ Галичу видЂти сн̃а своего Данила. Поиманных зас кн̃зеи Романа, Ростислава и Свтослава хотЂли венгерове везти до Венгеръ своему королю, але галичане просили венгеровъ, абы ихъ повЂшали. Венгерове, прозбою и великими подарками ωт галичан примушены, дали имъ повЂшати мсца сентябрия.

Гды так Даниил пановал на Галичи, молод барзо, и матки своеи не позналъ. По часЂ /202/ галичане выгнали матку кн̃зя своего Данила з Галича. Кн̃зь Данило, плачучи по матцЂ, и самъ хотЂль за нею поЂхати. ПрибЂгши Алеξандеръ, тивун шумавинскиї, похватил за повод коня Данилового. Добывши Даниилъ меча, тялъ на его и ранилъ коня под нимъ. Матка, у сн̃а своего Данила взявши мечъ, упросила его, же остался у невЂрныхъ галичан, а сама пошла къ другому сн̃у, Василку, вь Белзь. Выгнали еЂ галичане зъ ωклеветания Владислава, которыи имъ сказал, же якобы княгиня сама Галичемъ хочетъ рядити.

Которого княгининои^Я выгнаня король венгерскиї барзо жалуючи, гды зима настала, самъ з воискомъ пришолъ кь Галичу и привелъ ятров свою, /202зв./ княгиню Романовую, и володимерскихь боярь. ^154—Призвалъ тежь з Луцка кн̃зя Ингвара^—154 и инших кн̃зеи, з которыми порадившися, ω зневагу ятрови своеи реклъ имъ: «Владиславь уже кн̃земъ чинится на Галичи, ятровь мою выгнавши». Поималъ теды Владислава и Судислава, и Филиппа, старшихь бунтовниковъ, и мучити ихь казал барзо. Судиславъ многимъ золотомъ ωткупился, а Владислава, оковавши, казал корол за собою вести до Венгеръ.

Тогды ж Волод з братомъ Ярополкомъ утекли в Пересопницу кь Мъстиславу. Тамъ звели Мъстислава, же пошол з воискомъ къ Бузку. ГлЂбь зась, под Ковинь выбегши з Бузка, з ним Иванко Станиславичъ и братъ его Збыслав, /203/ прибЂгли до Галича, ознаимили княгини Романовои, же: «Воиско идеть на Галичъ, и галичане хочютъ васъ зрадити, изменити». Тое послышавъши, княгиня зъ сн̃омъ своимъ, кн̃земь Даниломъ, и з Вячеславомъ Толстымъ побЂгла до Венгеръ, а Василко з Мирославомъ побЂгь до Белза. Мьстислав зас, вышовши, сЂлъ в Галичи. Для тогω королъ венгерскиї готовать казал воїско до Галича Тымъ часомъ Алеξандеръ, кн̃зь вышменованныи, Романовичом будучи неприязныи, упросилъ кн̃зя Леска, полского монарху, которыи, пришовши, отнял у Василка Романовича Белзъ и дал Алеξандру. Бояре, того не улюбивши, пошли зъ кнземъ своимъ Василкомъ в Каменець. /203зв./

Глава 30

Ω ВОИНЂ КОРОЛЯ ВЕНГЕРСКОГО НА ГАЛИЧЪ И О ПОСАЖЕНЮ НА СТОЛИЦЫ ГАЛИЦКОИ КОРОЛЕВИЧА КОЛОМАНА

Королъ венгерскиї пустилъ Владислава, абы ишолъ з воискомъ на Галичъ. Тои, собравши великое венгерское воиско, пошолъ на Галичъ и сталъ в монастырЂ ЛесовЂ. Бояре невЂрныї хотЂли его убити, толко ж самую жону его забили, а шурин его ледве утеклъ. Тамъ жє и патриарху авликииского, и многих иншихь побили венгеровъ и нЂмъцов, ажъ самъ королъ рушился. Тогды многих галичанъ побили, а другиї розбЂглися. /204/ Владиславъ поЂхалъ вперед, кь Галичю. УвЂдавши великое воиско королевское, Мъстиславъ побЂгь з Галича, а Владиславъ, вьЂхавши в Галичъ, сЂлъ на столицы.

Кн̃зь Данило, засъ, ^155— которого крол хотЂлъ знову в Галичу посадити на столицы, видячи неприязнъ к себЂ галичан^—155, отпросился от короля и пошол з маткою своею до Ляхов, которого кн̃зъ полскиї принял с чєстъю. Оттол пошолъ Данило в Каменецъ. Братъ его Василко и всЂ бояре споткали з великою радостию. Тых часовь в Кие†Всеволод, кн̃зъ, сЂль на столицы, которыи великую мЂлъ любовь к Романовичемъ. Потомъ Мъстиславь, кн̃зъ пересопницкиї, знову пошолъ къ Галичю.

А кн̃зъ полскиї Леско, взявши Данила з Каменца, маючи любовь к нему, такжє взялъ Алеξандра з Володимера, Всеволода /204зв./ з Белза, всЂ с своими полками, у Данила тежъ всЂ его ωт̃ца рицери были крЂпки и многиї, пошолъ кь Галичу, хотячи Данила в Галичю посадити. Ярополкь и Волод зачинилися в Галичи, а Владиславъ вышол з венгерами, з чехами, з галичанами противъ Леска и стал на рецы Бобрицы. УвЂдавши о томъ, Леско послалъ на него свои воиска лядскиї з рускими, которыи, зъ Владиславомъ крЂпко бившися, много его воиска побили, самъ Владиславъ утеклъ. Данило еще тогды молод былъ, еще толко на коню почал сЂдЂти. Леско еднакъ не взялъ Галича, але пошолъ и повоевал ωколо Требовля и около Моклекова, а^Ь Збараж и Ковеи^А взяли ляхи, и з полономъ, и з корыстью вернулся Леско додому. А Данило и Василко помочью Леска взяли у Алеξандра Холмъ¹⁵⁶ /205/ и Перемышль и тамъ з маткою своею княжили.

Король венгерскиї, ^157—розгнЂвавшися на Леска за тое, ижь воевалъ на Галичъ и на его, Владислава^—157, пошол на него. А Леско выправил своихь пословъ до короля, мовячи: «Не добре то, ижъ твои боярин Владиславъ княжитъ на Галичу, возми дочку мою за сн̃а своего Коломана и кн̃земь его посади в ГаличЂ». Учинилъ такъ кролъ венгерскиї, взялъ Лескову дочку за своего сн̃а и послалъ сн̃а своего в Галичъ. Которыи, приЂхавши до Галича, ωтослалъ Владислава на заточение, в которомъ и умерль, и сн̃овь его ни единъ кн̃зь не принялъ, а сын кролевскиї сЂл на столицы галицкои. Леску засъ далъ крол Премышлъ и Любячевъ. Леско тежь послал къ Алеξандру, жебы Романовичомъ отдалъ Володимерь. А гды /205зв./ не послухал Алеξандеръ, взялъ от него силою Леско и посадилъ Романовичовь в Володимери. Потом знову кроль отняль у Леска Перемышлъ и Любячевь. Леско того сорому не терпячи, послал къ Новгороду, къ Мъстиславу, жебы сЂл на Галичи.

Глава 31

Ω ПОВТОРНОМЪ МЪСТИСЛАВОВОМ КНЯЖЕНИЇ

НА ГАЛИЧЂ И Ω ЗНАЧНОМЪ БГО НАД ВЕНГЕРАМИ И НАД ЛЯХАМИ ЗВИТЯЗСТВЂ

Мьстиславь, послухавши Леска, пошол к Галичу, а Судиславъ и галичане послали до Данила Романовича, жебы ишол до ихъ Галича на княжению. /206/ Пошол былъ Данило, але упередилъ его Мъстиславь до Галича. Венгеры утекали, а Мъстиславь сЂлъ на столицы в Галичи. По часЂ немалом взялъ Данило дочку у Мъстислава, Анну, з которою мЂвь потомки, сн̃ы и дочки: сн̃ь Ираклиї, другыї Левъ, третиї Роман, четвертыї Мъстиславъ Роверко, а иныи в молодости померли. Потом поЂхалъ Даниилъ кь Мъстиславу в Галичь, ускаржался пред нимъ на Леска, мовячи, иж отчину мою держитъ. ΩтповЂдилъ Мьстислав: «Сн̃у! Не могу на Леска за его любовъ ко мнЂ повстати. Иншого собЂ помочника шукаї». Даниил, вернувьшися домовъ, пошолъ з братом и взял Берестье, и Угровескъ, и Верещин, и Столпъ, Комов и всю Украину. За што барзо розгнЂвался Леско на Данила, и гды весна настала, пошли ляхи /206зв./ на Данила воеватъ и воевали по Бугу. Даниилъ пославъ противъ ихъ Гаврила Душковича, Семена Олуевича и Василка Гавриловича з воискомъ, и билися крЂпко з ляхами до Сухои Дороги. Звитяжили ляхов, наимали неволниковь и вернулися зъ славою в Володимер къ Данилу. Тогды ж едного толко зъ всегω воиска Данилового забито, Быстинича, и над нимъ крестъ поставили на Сухои ДарозЂ^Б. А ляхов много побито, и гнали за ними русь до реки Вепра. Леско, розумЂючи, ижь за порадою Мъстислава галицкого взяль Данило Берестье, послалъ къ королю венгерскому, мовячи: «Не хочю части мЂти в Галичи, которыи пустилем^В был Мъстиславу, отдаи Галичъ /207/ моему зятю!».

^Г— Корол теды и Леско послали воиска^—Г з Коломаномъ, сн̃омъ кролевскимъ, а зятемъ Лесковымъ. И гды пришли кь Перемышлю, Роман тогды, держачи старшинство, выбегь с Перемышля. Мьстиславь засъ былъ зъ кн̃зями рускими и черниговскими і послалъ противъ венгеръ и ляхов Дмитра, Мирослава и Михаїла ГлЂбовича з воискомъ под город. Гды ударили на нихъ з ляхами венгеры, звитяжили Дмитра, застрЂлили дяка Молзу и убили Михалка Солулу, знявши з него три ланцуги золотыї, отсЂкли его голову и принесли к Коломану. Мъстиславъ, не могучи з венгерами битися, просилъ Данила, зятя своего, и Алеξандра, жебы заперлися в Галичи и венгеровъ не пускали. Данилъ теды заперлъся, а Алеξандерь /207/ не смЂлъ. Тогды княгиня Романовая постриглася в черницы.

Потомъ пришолъ Коломанъ под город, венгеры и ляхи зточили на Крававомъ БродЂ великую воину. Упал на нихь великиї снЂгь и, не могучи стояти, пошли за Рогожину, на Мъстислава, и прогнали его з земли. Мъстиславъ наказал до Данила, жебы за нимъ вышолъ з Галича. А гды вышол з городу Даниилъ зь своими, гналъ за нимъ Витовичъ Владиславъ и моцно напиралъ. Але Даниилъ показалъ свое мужество, бившися весъ ден и всю ночъ, прогналъ ихь і в денъ св̃тго Димитрия, зъ возов взявши кормъ, покрепилися и похвалили Бг̃а и св̃тго Димитрия. Оттол пришли ниже Кучелемина и лодями, которыи зъ Олешия пришли, перевезлися черезъ /208/ Днестрь. Тамъ же покрепившися рибою і виномъ, Даниилъ приЂхалъ кь Мъстиславу, которого Мьстиславъ з похвалою принявши, далъ ему великиї дары и коня своего борздого и послалъ его в Волимерь^Д . А самъ пошолъ половцовъ на помъсту сорома своего затягати.

Тых же часов кн̃зи литовскиї, ^158—Живибунтъ и Довятдорь, Спрунковичь, Миндогь и иншиї, также и жмодскиї кн̃зи Ердивилъ, Викинтъ Арусковичь^—158, Кинтибуд и иншиї прислали послов до княгини Романовои и до сн̃овъ еЂ, кн̃зя Данила і Василка, з покоемъ. А сн̃ы княгини Романовои учинили зъ кн̃зями литовскими покои, але ляхи пакостъ чинили кн̃земъ Романовичомъ. И такъ Романовичи, на нихъ литву затягнувши, много барзо ляхов побили. /208зв./ Потомъ вышол з венгерами многими Филя Гордыи, которыї собЂ тое прислове мовилъ: «Единъ камен можетъ много горшков побити», а другая того жь Фили мова: «Острыи мечу, борздыи коню, многая Руси ^159—звитязство готово^—159». Але Бг̃ь не стерпЂль его гордости: где звитязства сподЂвался, тамъ забитъ былъ.

Потомъ от кн̃зя Данила в тои же час и Алеξандерь, кн̃зь, отступилъ ωт Данила и Василка Романовичовъ и присталъ до Леска, кн̃зя полского, ^160—и до Коломана венгерского. и до Фили^—160, зычачи Романовичомъ всего злого.

Тымъ часомъ пришол Мъстиславъ з половцами, а Филя Гордыї вышолъ з Галича з венгерами, з ляхами, галицкими боярами и з Судиславомъ, тестемъ своимъ, противъ Мъстислава, зоставивши /209/ Коломана в Галичи, где и вежу на церкви Пресвятои Бд̃цы учиниль, з которои бы стрелянω. За що Пресвятая Бд̃ца Филю скарала. Лескω теж пошолъ на кн̃зя Данила кь Щекареву, боронячи ему ити на помочь Мъстиславу, тестеви своему. Межи тымъ Конрад приЂхалъ былъ мирити тестя з Даниломъ, але, познавши хитростъ Лескову, не казалъ Данилу Ђхати кь Леску. Филя воиско свое шикобал^Е , сподЂваючися, ижь никто противь его не остоится. В тои чась пришолъ на него Мьстислав з половцами, и учинили великую битву. Бившися крЂпко, звитяжилъ Мъстиславъ венгеров и ляховь з Филею, которыи Филя был слугою ^Є—добры инымъ^—Є пред тымъ. А гды венгеры и ляхи утекали пред Мъстиславомъ, много ихь барзо, утекаючихь, побито. Мьстислав /209зв./ зас пришол кь Галичю, и гды билися под баштою мЂскою, безводемъ змореныи галичаня здалися и отдали город Мьстиславу. Тамъ же приЂхалъ кь Мъстиславу кн̃зъ Даниилъ, и была радость великая. И^Ж венгеры и ляхи всЂ побиты зостали, и иншихь поимали, а иншиї, утекаючи, побЂгли^З. Потомъ приведено кь Мъстиславу Судислава, которому Мъстиславь ничого злого не учинилъ, увЂривши его покорнымъ словомъ, и далъ ему Звенигород.

А Данилъ с Василкомъ повоевали ωколо Белза и около Червена такъ, же и сами забивалися тамъ люде: боярин боярина, простыи чл̃вкь простого забивалъ вночи. Белзяне тую ночъ злую назвали, камен на камени ледве остался, ажь самъ Мъстиславъ, умилосердившися, реклъ Данилу: «Пожалуи брата Алеξандра, перестан его волостъ знищати!». И такъ Даниилъ ωтступилъ ωт Белза и пошол до Володимера./210/

Гды Даниилъ з Василкомъ, кн̃зи, пановали, в тыї часы были в Володимери епископы тыи: Иоасафъ, епископъ зъ Светои Горы, после его епископъ Микифоръ^И, названыи Станило, которыи былъ перед тымъ слугою у Василка, по немь Козма, кроткиї, епископь.

Потомъ кн̃зъ Даниилъ збудовал город великиї¹⁶¹ Холмъ. Тогды выбралъ Даниил зь клироса цр̃кви Пресвятои Бд̃цы Владимерскои Иоанна епископом и поставил его вмЂсто Иосифа вугровского, которыи взышол на столицу митрополитанскую, и стала епископия вь ХолмЂ. /210зв./

Попередня     Головна     Наступна