Уклінно просимо заповнити Опитування про фемінативи  


Попередня     Головна     Наступна





КРОИНИКА Ω ПОЧАТКУ И НАЗВИСКУ ЛИТВЫ,
И О КНЗЕХ ЛИТОВСКИХЪ, И О ДЂЛАХЬ ИХЬ, ИЗ СТОРИКОВ ПОЛСКИХЬ И РУСКИХЪ СОБРАННАЯ ПРЕЗ ТОГО ЖЬ ИЕРМОНАХА ФЕΩДОСИЯ САФОНОВИЧА, ИГУМЕНА МИХАИЛОВСКОГО ЗОЛОТОВЕРХОГО, КИЕВСКОГО РОКУ 1673



арк. 365 Аиєпидами Б—Бз Вполову Г обжитых (?) Д кнАзА Е высЂвши арк. 366 зв. Єякъ Ж—Жи арк. 367 З—Зруским кнАзєм арк. 367 зв. Ивладзу І—Івідсутнє ЇЕкзисъ ЙГрансудисъ К—КкраЂну далъ тую ЛзвитАжилъ М—МсЂдЂлъ кнАжачы


Литва маетъ свои початокъ и рожаи от Иафета, сн̃а Ноевого, и от сн̃а Иафетового /110зв./ старшого Гомора, от которого звалися гомори, з грецка звано ихь кимери257 албо цымери258, потомъ цымбриі названныи. Звано ихь непидамиА. По роздЂлениі языковь въ столпотворени тыи сн̃ы Гамеровы, внуки Иафетовы, розмножившися, пошли на полночъ и, пришовши, осЂли в поляхь подле Чорного и Мертвого моря. Потомъ, гды и там, розмножившися, змЂститися не могли, розне розышлися Б—Б своими вождами. Единыи отсЂли тамъ, где Чорное море до Елиспонту 259 вьподаетъ, и иншиі осЂли /111/ вь Фракиї 260, где теперь перекопскиї татарове, Кафа и Крымъ. Тыі от половеня и полонуВ людеи названныи половцами. Иншиї осЂли там, где теперь Волохи, и иншии над Богомъ осЂли. 261—Тыі всЂ народы были потом готами и епидами, ядвЂжами, печенигами и половцами названыи—261. И иншиї засЂли тамъ, где теперь Литва, и над моремъ Прускимъ. А всЂ были военныи и битныи тыи гоморове, камирове албо цымрове. Потом за часомъ, гды в полночныхъ краяхь, где теперь Литва есть /111зв./ и шведове, и прусьь ты обыватели розмножилися для неплодности земли и для часто розливаня ся водъ морскихъ, затопляючихъ местечка и села, цымброве с краевъ полночных, литовских и пруских, личбою триста тысячєи, ведлугь Стрииковского, кромЂ жон и детєи, пошли перше до Францыи и Испаниі, потом оттолъ до Вулох. Там же, гды имъ римляне не хотЂли у себе земли для мешканя указати, они з римлянами моцно билися, и, звитяживши цынброве рымлынъ по килко кротъ значне, тамъ мЂстца были осЂли и мешкали. Силаня и Моилия, /112/ гетманов, збили. Цепиі, гетман, рымскиі, имЂл осмъдесятъ тысячєи воиска рымского. Цимброве все тое воиско збили, ледве, самъ гетман Цепиі з десятма жолнЂрами до Риму утеклъ і в РимЂ от римлян за утрату воиска убитыи зостал. Потомъ, нерыхлими часами от Мария, гетмана римъского, штукою роспестившися вь обфитыхГ краяхъ, цимброве до конца порожены зостали, где разомъ ихь Мариї побил сто и сорокъ тысячеи. Которую поражкою знищены, знову на полночъ вернулися з земли Волоскои року от Рождества Хрства 573 и осЂли на тых же мЂстьцах, з которых пошли /112зв./ были до Волох, то естъ где теперь прусове, шведовє и литва.

ПовЂдают, же тыи цимброве, где тепер естъ Литва, 262—от Литоляна албо Литвона, своего сн̃аД , з которым з Волох пришли, сут, названныи литвою—262. Наиболеи засъ есть тых историков, которыи повЂдают, ижь от Палемона263, кн̃зя рымского, литва названныи и прославилися. То бовЂмъ кн̃зъ римскиї Палемон, кревнымъ будучи Нерона264, цесара римского, албо для окрутенства цесаревого, албо для частых наЂздовъ Атили, цр̃я гунновъ, взявши свою жену и дЂти, и скарбы, всЂль в кораблъ, и з нимъ посполу пятьсотъ значнои /113/ шляхты пошли кораблемъ в море. Морем приЂхали до реки Немна і, вышевшиЕ з коробля, от людеи тых грубых принятыи былъ Палемонъ за кн̃зя, и назвалъ от своеи отчизны римскиі краину тую Ля Италия. Потомъ за часом назвалася тая краина Литва. От того Палемона всЂ кн̃зи литовскиі свои род и линЂю провадять.

Литва первыхъ часовь была знищеная і в силах ослабЂлая. Такжє и киевскиі кн̃зи Литвою владЂли, и для ихь знищеня, не маючи чого лЂпшого за дан брати, от Литвы вЂники и лыка кн̃зи рускиї брали. Потом, уросши в силу болшую, гды през БатЂя, цр̃я татарского, /113зв./ спустошена была земля Руская, выбилася Литва с Руского панства.




Хроніст Мацей Стрийковський. Гравюра XVI ст.Хроніст Марцин Кромер. Портрет.



ПАЛЕМОН, ПЕРВЫИ КН̃ЗЬ ЛИТОВСКИІ, И СН̃Ы ЕГО ТРИ


Палемон, якъ вышеи реклося, был первыи кн̃зъ литовскиі. Тои имЂл трех сн̃овъ албо, илиЄ иншии повЂдають, внуковъ: Борка,

Куноса и Сперу. Тыи три кн̃зи починили себЂ мЂста, от своихъ имен назвавши, тамъ пановали. Боркъ, кнзь, над рекою Юрьею збудовал мЂсто и замокъ, и назвалъ от реки и от своего имени зложеннымъ именемъ Юръборкъ 265, где /114/ естъ Жмод. И самь, понова[л]ъ тамъ вь Жмоди. Кунось, далеи поступуючи, вь дорогои сторонЂ збудовалъ мЂсто и замокъ, и назвалъ от своего имени Куносовъ. I в тои сторонЂ самъ панавалъ.

Спера такжє особливое себЂ мЂсто, Ж—Ж замокъ збудовалъ над рекою Св̃тою, и назвалъ его Великомир266, и там пановал.

Потом умерли два браты, Борко и Спера, которых городы и краины побралъ Кунось. МЂлъ Кунос двох сн̃овъ, Керна и Гибута. Гды умерль Кунос, сн̃ь его Кернъ взялъ себЂ княжение Литовское /114зв./ по обоихь сторонахъ рЂки Вилиї і збудовалъ мЂсто, и назвалъ его Керновъ. В томъ мЂсте столицу своего учинил княжения. ПовЂдаютъ нЂкоторыи, ижь Кернь, кн̃зъ, свои народ назвал литвою от литу, то естъ от рогу. Гибут зас, брат Керновь, вь Жмоди пановал. И знявшися обое братия з людомъ, пошли на Рус і, воевавши около Полоцка и Браславля, с корыстю вернулися додому, где знашли свою землю от инфлянтовъ пошарпаную. Для того и они землю Инфлянскую мечємъ и огнемъ попустошили.

Потомъ, гды умерль Кернъ, сн̃ь его Живибунътъ засталъ кн̃земъ литовскимъ. А по смерти /115/ Гибута сн̃ъ его Мунтвилъ267 застал кн̃земъ жмодскимъ. Тыи кн̃зи З—З давали дан: вЂники и лыка. По смерти Мантвила Викинтъ, сн̃ь его, зосталъ кнземъ жмодскимъ.

Потомь, гды Батиі, цр̃ь татарскиї, пришовши в шестисоть тысячєи татарского воиска, землю Рускую попустошилъ, от которого спустошеня рускиі силы меншиї стали, в тои часъ Живибунть268, кн̃зь литовскии, Викентового сн̃а Ердивила з воискомъ выправил на Рус. Ердивил, переправившися чєрез реку Вилию, взял мЂсто руских кн̃зеи Новгород 269 и тамъ своего княжения учинил столицу. Оттолъ пошовши, над Немном рекою знашол /115зв./ мЂстьце способное и поставил тамъ мЂсто, и назвал Гродно. Потом, на Подляшье пошовши, побралъ спустошениі от Батия мЂста Брестье, Мелникъ и Дрогичинъ под свою властьИ и, побудовавши ихь, людми осадилъ. Заслужонымъ воиска своего гетманомъ подавал Ердивил городы и краины: Екзису І— краину далъ тое—І, где город естъ, от него названное кн̃зиЇ, ГранседилЙ, К—К где Грансъ мЂсто а Кампу — Осмяну.

Потомъ Ердивил татаров заволских зь их цремь Курдасомъ, гды в землю Рускую вьишли и пустошили, под Мозыремъ на рецЂ ОкуновцЂ розгромил /116/ и гвитяжилъЛ. И много дЂль рыцерских доказавши, умерль, зоставивши двохь сн̃овь, Мингаила и Алгимунта.

Мингаило зосталъ кн̃земъ литовскимъ, Алгимунть зас — жмудскимъ. Мингаило теды, сЂдя. чи на столицы от̃ца своего в НовгородЂ Литовскомъ, собравши воиско, пошол на кн̃зеи полоцких. И бывшися з ними под Гродечємъ, звитяжил, взял Полоцкъ и М—сЂлъ княжити—М на НовгородЂ і в Полоцку. Потомъ, зоставивши двох сн̃овъ, Гинвила и Скирмунта, умерль.

По смерти от̃ца своего Мингаила Скирмунтъ кн̃земь зостал на НовгородЂ Литовскомъ, а Гинвилъ на Полоцкомъ сЂлъ княжени. /116зв./ I взял себЂ за жону Марию, кн̃зя тверского дочку, окрестился в рускую вЂру, въ свтомъ крещении названныи Георгиї. Зъ пьсковским кн̃земъ и з смоленскимъ великую провадил воину.

Потомъ, сн̃а Бориса 270 зоставивши, Генвилъ, названныи Георгиі, умерлъ. По смерти кн̃зя Георгия, от̃ца своего, Борис на Полоцкомъ сЂль княжениї. Змуровалъ в Полоцку церковь великимъ коштомъ Св̃тои Софиї, другую Св̃тго Спаса, при тои жє и монастыръ паненскиї в полмили за мЂстом, третию Св̃тых мучєник Бориса и ГлЂба, и иншихь много церквеи и монастыреи поставилъ. До того поставил мЂсто над Березиною рекою и назвал его /117/ от своего имени Борисовъ, и, много доброго учинивши, умерлъ.

По смерти кн̃зя Бориса сЂлъ на Полоцкомъ кн̃жениї сн̃ъ его Василиі Рогволдъ. Тои, вь старости умерши, зоставилъ сн̃а по себЂ ГлЂба и 271—дочку Параскевею—271, которая зостала черницею. А ГлЂб сЂлъ на Полоцком княжениі и, не долго живши, умерль.

Скирмунть, сн̃ь Мингаиловъ, гды княжилъ в ЛитвЂ, Мъстиславъ Романовичъ, кн̃зь луцкии, з рускими воисками собравшися, на него воевал, хотячи Новгородокъ, Брестье, Милникъ, Дрогичинъ, Гродно и инъшиї /117зв./ мЂста рускиї от Литвы себЂ отискати. Которого Скирмунтъ прогналъ, воискомъ литовскимъ и жмодскимъ змоцнившися, і взялъ от него Пинскъ и Туровъ под свою властьН року 1220.

арк. 368 зв. Н владзу ОСкирмунтъ арк. 369 ПРинголтъ арк. 369 зв. РТєвтивила Сзгодишися Т—Тза тымъ Усынами ФТєвтивилову Х—Хза братоубїйство арк. 370 Цшвагромъ ЧІазы, ШІазу арк. 370 зв. ЩКитавра

Потомъ Балаклаи 272, цр̃ь татарскиї, упоминался дани от Скирмунта з Руских земелъ, от него побранныхъ, бо тогды по спустошеню Руская земля, татаромъ голдовала. СкримунтъО поурЂзовал посломъ татарскимъ уши и носы и отправил. Балаклаи, розгнЂвавшися, пришол под Кеданов, землю Рускую пустошачи. Скирнунтъ /118/ его звитяжилъ и самаго цр̃я забилъ. Повсталъ затымъ на руских кн̃зеи Скирмунтъ, воюючи, и взялъ от нихь мЂста Мозыр, Черниговь и Карачевъ зо всЂми ихь приналежностями. И отдалъ тремъ сномъ своимъ тыи три мЂста рускии, Строинатови, Любортови и Писсимонту, в дЂдицтво и умерлъ.






КУКОВОИТЪ


По смерти Скирмонта стриї его Куковоить зостал кн̃земъ литовскимъ и жмодскимъ. И, мешкавши на княжениі лЂтъ много, Гедрусови, зятеви своему, которыи /118зв./ дочку его за жену понялъ, свое княжєние отдалъ и умерлъ.






ГЕНДРУСЪ


Гендрус, бывши литовскимъ кн̃земь и жмодскимъ, мужественно пановал. А, заставши сн̃а по себЂ едного толка Ринголта, зышолъ з сего свЂта.






РИНГОЛТЪ


Ринголть по смерти от̃ца своего зостал кн̃земь литовскимъ и жмодскимъ. Тои першии почал писатися великимъ кн̃зем литовскимъ и рускимъ. На того кн̃зи рускиі розгнЂвавшися, ижь не хотЂл дани /119/ давати, якъ перед тымъ Литва давала, и хотячи свои рускиі мЂста, до Киевского княжения належачиї, побрати и Литву знову в подданство руское зголдовати, Св̃тославь, кн̃зь киевскии, зь Лвомъ владимерскимъ и з Димитром друцкимъ, затягнувши татаръ на помочъ, пошли воиную. А Ринголтъ, собравши литовскии и жмодскии воиска, противъ ихъ пошол и, бившися з ними, звитяжил ихъ над рекою Немномъ под Могилною. Отколъ три кн̃зи, Дмитриі друцкиі, Св̃тослав киівскии и Левь владимерскии, утекли, а иншиї повЂдаютъ, же тамъ побито. Такъ /119зв./ РиндолтъП, звитязство одержавши и иншихь потомъ много звитязствь над прускими крижаками доказавши, сеи животъ оставилъ.




Великий князь Міндовг Гравюра XVII ст.


МИНДОГЪ273


По смерти от̃ца своего Ринголта Миндогь застал кн̃земъ литовскимъ и жмодскимъ року 1240; з прусами, з крижаками славныи провадилъ воины. Потомъ от сн̃овцовь своихъ ТертиилаР274 и Викинта з помочъю воискъ короля руского Даниила Миндогъ былъ такъ барзо утесненыи, ажъ мусил 275—мистра крижацково АндрЂя—275 просити ω помочъ. /120/ А гды ему АндрЂи, не хотЂлъ дати помочи, ажбы окрестился в рымскую вЂру, учинил такъ Мендогь, окрестился. А жебы в вЂре охотне тривал, прислалъ ему 276—папежь Инокентиї—276 корону, и укоронован застал королемъ литовским. Але того жь року знову покинул вЂру рымскую и до паганскихъ забобонов вернулся. Потомъ, зъ кн̃зями рускими змовившисяС, попустошилъ всю землю Мазовецкую и Сендомирскую такъ, ижь поляковъ барзо утиснулъ. Самъ Т—с тымъ—Т Мендогь от Троината 277, своего сн̃овца, гды спалъ, был забытиї зь двома сн̃амаУ, Руклею и Репикасом. /120зв./



Герб Великого князівства Литовського. Гравюра XVI ст.



ТРОИНАТЪ


Троинатъ, забивши своего стриія Мендога, почаль пановати на княжениі Литовъскомъ и Жмодскомъ року 1267. И послаль до Тевтивила, брата своего, кн̃зя полоцкого, абы к нему приЂхал, хотячи з нимъ розделити свое панство. Тевтивилъ, приЂхавши до Троината, хотЂлъ Троината забити за Миндогово забите. Але Тевтивилов боярин Прокипиі ознаимилъ тую раду ТевтивилуФ ТроинатЂ. И такъ Троинатъ упередил, забил Тевтивила, але и самъ Х—за брата убииство—Х згинул, /121/ бо слуги Мендога забитого чтыри, змовившися, идучого до лазни Троината забили и утекли до Воиселка, сн̃а Мендогового, котрыи зосталъ был чернцемъ. И иншиї историкове повЂдаютъ, же самъ Воишелкь 278, чернецъ, сн̃ъ Миндоговъ, на ловахъ Ђздячого забил Троината, мъстячися забоиства от̃ца своего Миндога.






ВОИШЕЛКЪ


Ωбранныи от всЂхь литовских пановь згодне, застал кн̃земь литовскимъ Воишелкъ, чернецъ, але и на княжои /121зв./ одеждЂ клобукъ носил. А зь Шварномъ 279, короля руского Данила сн̃омъ, ШварномЦ, своимъ, в великои будучи приязни, воевали обадва противь Болеслава Вьстыдливого. И Полскую землю ажь до ИлзыЧ попустошили огнемъ и мечемъ, и ИлъзуШ взяли. И часто насылаючи ятвЂжовъ и казаков, Полскую землю пустошили и Мазовшу всю повоевали, ледве, Болеслав и Конратъ мазовецкии, кн̃зи, в замкахъ своих оборонилися. Потом Воишелкъ, кн̃зь литовскиі, от кн̃зя руского Лва, сн̃а короля руского Данила, в ВолодимерЂ, мЂсте волынском, в монастыри Св̃тго Михаила зостал забитыи. /122/






УТЕНОСЬ


По смерти Воишелка Литва обрала себЂ з фамилиї тых же кн̃зеи римскихь, которыи з Палемономъ приЂхали за кн̃зя, Утеноса, гербу КитраваЩ. Которыи з Русъю и з Крижаками Прускими много воинЂ провадивши, умерлъ. Зоставил по себЂ Свинторога, сн̃а своего.






СВИНТОРОГЬ


Року 1268. Свинторгь Утеносовичь по смерти от̃ца своего зосталь кн̃земъ литовскимъ и жмодскимъ, старии, лЂтъ маючи /122зв./ девятъдесять и шестъ. Тои д†лЂта толко выбивши на княжениі Литовским спокоине, умерль, зоставши Гермонта, сн̃а своего.






ГЕРМОНТЬ


Року 1272 по смерти от̃ца своего Гермонтъ СвинроговичьЮ зостал кн̃земъ литовскимъ.




ЮСвинторогович ЯжаданА арк. 371 Ьпалити Аажъ Б—Бзаложилъ мЂсто на своє имА Гєрмωнты, Внємнωго Г повЂдают Д Билигинъ Е Тройдена Єзас повЂдаютъ арк. 371 зв. Ж—Жкотрых по себЂ зоставивши Зславныи ИП виправлено з зночяся Ісилою Ївідсутнє ЙДовмантъ К—Кз ОуцАны Лωт арк. 372 МПско†Нлитовскимъ П текст пошкоджений Опсковскїй арк. 372 зв. П—ПΩлшанскїй а другїй кнАз Рбыти Свзаємъ П текст пошкоджений ТВикинтъ арк. 373




Тои, ведлуг жаднаяЯ от̃ца своего, по смерти его вырубавши лесы великии там, где Вилна река в Вилию вьпадаетъ, училъ мЂсце на трупов кн̃жиих палене, на каторомъ мЂсцу тЂло от̃ца своего Свинторога, убравши в шати наидорожшии, з шаблею его /123/ и з сагадакомъ, а при немь, мертвомь, двох выжловь, ястребовь, соколовъ ево любимых жывых и коня, и слугу отцевого наивернЂишего жывагω спаливь, дровь великую купу наклавъ дубовых. Ведлугь звычаю ихь тогды поганского, бояре в тои огон кидали рисиі и медвежии ногти для того, ижь вЂрили, же маеть нЂякиі бг̃ь наиболшии, на высокии барзо горЂ крутои сЂвши, судити людеи. На которую гору людеи, въставши з мертъвых, не могуть іначеи взыти, толко ногтями деручися рысими и медвежими. Тои звычаи паленя тЂль людцких по смерти, знат, вьзяли от своих первых /123зв./ кн̃зеи римских, бо римлянь и греки, вь паганстве тогды будучи, мЂли звычаи по смерти людцкии тела, палишиЬ и попєл ихь собрявши, в трунах хоронити.

И Литва яжА до кн̃ежения Ягелонового тамь палили своих кн̃зеи тела. И от своего кн̃зя тое мЂсцо звали Свинторога. Потомь кн̃зь Гермонтъ Б—Б воевал з Русю и з Поляками и, немногоВ пановавши в Литве, зишол з сего свЂта. Оставилъ по себЂ двох сн̃овь, Билигина и Трабуса.






ТРАБОСЬ


ПровЂдаютъГ иншии историкове, иж /124/ после Гермонта зостал кн̃земъ литовскимъ ГилигинъД , по немь сн̃ь его Билигин, по Билигине Ромунтъ Билигиновичь, а по немъ Трабось, стрии Ровмунтовых сн̃овь: Наримунта, Довманта 280, Олшана, Гедруса и ДроиденаЕ 281.

Иншии заповЂдаютъЄ, ижь по Гермонте сн̃ь его молодшиі Трабос зосталь кн̃земъ литовскимъ и жмодскимъ, котрии мЂсто, Трабы названое, збудовал на свое имя. Тои пятих сн̃овь мЂль: Наримунта, Довманта, Ольшана, Гедруса и Троидена, Ж—во трих заставши по бЂ—Ж, умер. /124зв./






НАРИМУНТЪ


По смерти Трабоса Наримунтъ зостал кн̃земъ литовскимъ и перенесль столицу свою з Новгорода до мЂста Кернова. Довмантъ взяль княжения Уцянское, Олшана взялъ себЂ удЂломъ от устя Вилны, реки, до Корабля, реки, и збудовал мЂсто, которое назваль Олшаны от своего имени, и его потомьки писалися кн̃зями Олшанскими. Гедрусь збудовал мЂсто и назваль от своего имени Гедруты, и тамъ кн̃жиль. От которого пошли кн̃яжата Гендронцы славьноиЗ. /125/ Троидень взялъ себЂ над ятвЂгами кн̃жение, где теперь называеца Подляшья.

Наримунтъ, пануючи вь Литве а з своими братями зносячисяИ, з Крижаками, з Поляками и з ыншами славныи оправаваль воины. Потомъ, гды умерла жона Довмантова, послаль Наримунтъ свою жону на погреб Довмантовои. Где Довмантъ силиюІ жону своего брата Наримунта взялъ себЂ за жону. За тое Наримунть воиною пришолъ на Довманта, отшукал /125зв./ свою жону. А вьЇ ДовматьЙ К—за яны—К утекль аж до Пскова, и оЛ бьсковян обраныи за кн̃зя, пановаль на БьсковеМ. Потомъ Наримутъ, кнзь литовскии, умерль. Тои Наримунтъ першии быль початкомъ гербу «Погони», то естъ рицера, на коню бЂломъ сидящего, мечь над главою держачаго на кшталтъ гонящего утекающихь.






ТРОИДЕНЬ


По смерти Наримунта Троиденъ, братъ его, зосталь кн̃земъ ли[тов]/126/скимьН. Тое услышавши Довмантъ, кн̃зь пскопскииО, братъ старшии Троиденовь, розгнЂвалься, же его не обрали кн̃земъ литовскимъ. Собраль воиска и, пришовши, взяль славное мЂсто Полоцкъ, и направилъ шести мужиковь на забите своего брата. Которыи мужики идучого з лазни

Троидена забили. Зостался по немъ сн̃ь его Ромунтъ, которыи еще за живота от̃ца своего Троидена окрестился в рускую вЂру /126зв./ и зостал черньцомъ, Лавришомъ албо Лавромъ названны, от которого и монастир Лаврышовскии.

Затым Довмантъ по забитю Троидена воиска зобралъ и пришолъ на Литву, хотячи взяти себЂ Литовское кн̃жение. Але Лавришь, хотячи от него Литву оборонити и помститися забоиство от̃ца своего, зложиль з себе чернечую одежду и, з воискомь литовским пошовши, забилъ стрия своего Довмонта, от которого кн̃зя Довмонта Свирскиі пошли кн̃зи, /127/ иж Довмантъ Свиръ мЂсто заложиль. А по такомъ звитязст†Лавришь, зобравши боярь и панов литовских, подал имь за кн̃зя Витена, маршалька от̃ца своего, чл̃вка рицерского, хотя еще дЂдичи были, его стриечны браты, єдин кн̃зъ П—П Гедроиць, сн̃ы Лаврышовых стриев. Але, иж молодыи борзо были, не сьбособных их судилъ былиР до великого кн̃жения Литовского. А самъ Лавришь пошоль знову /127зв./ до монастиря, от себе поставленного Лавришовского, и тамъ вь черничестве докончиль живота своего.






ВИТЕНЬ АЛБО ВИЧЕНЬ, АЛБО ВИКИНТЪ


Року 1283 Витен зосталь кн̃земъ литовскимь, которои частокроть воеваль землю Рускую, Любелскую и Калискую, и Пруское, и попустошилъ немало. Которому Леско Чорнои, манарха полскии, взае[мне]С значныи давал отпор. Бывалься з Русю, быль мужественныи вь воинах /128/ и немл̃ствии над звитяжеными.

Року 1294 воеваль Витень землю Ленчицкую. Тамъ кн̃зь ленчицкии Казимер, брат Локетковь, противъ Лит†мужественно воюючи, зосталь забыты.

Року 1314 быль голод такъ великии вь Литве, вь Полскои земли през две лЂта, аж родичи дЂтеи, и дЂти родичав своих, позабиваючи, Ђдали. През цЂлыи рок великое было повЂтре, затым /128зв./ умерль Витен албо ВикитенТ, кн̃зъ литовскии, року 1315. НЂкоторыи историкове повЂдаютъ, иж забитыи естъ от Гедимона, своего власного конюшого, за вЂдомостю жоны Витеновы, яко то ВаповскииУ, Гвагвин и Кромер. Иншии зас повЂдаютъ, иж Гедимин 282 быль сн̃ь Витиновь, которы по немъ наступил на панство Литовское.




Великий князь Гедимін. Гравюра XVII ст.


ГЕДИМИН, ВЕЛИКИИ КН̃ЗЬ ЛИТОВЬСКИХЬ ф


Року 1316 Гедимин зосталь кн̃земъ литовскимь. Того жь року /129/ прусове инфланъскии, воискомь немалымъ напавши на землю Жмотскую, попустошили и под свою моць от Литвы взяли. И гетмана Гедимоноваго Госталда поимали, которого Гедимин выкупил. На другии рокъ, собравши Гедимин воиско литовское, възявьши теж себЂ на помочь русь и татар, повоеваль и звитяжилъ прусов, землю Жмодцкую знову себЂ отшукал и з великою славою и корыстъю, от прусовъ набранною, /129зв./ вернулься до Литвы.

УВатовскїй Флитовскій арк. 373 зв. Хдо ЦБрєстА ЧП вписано над рядком Ш—Ши Житомиръ Щвідсутнє Ю—ЮКіωвъ, Яна Рєзань Ьдо АП виправлено з слову арк. 374 Б—Би иншихъ в трωки В—Вгора Г—Г П вписано над рядком Д Лєздєйко Е—Е людєй в томъ мЂстЂ ЄП закреслено ЖмЂсто арк. 374 зв. ЗволостАми И—ИТроки ІП виправлено на Подляшїя арк. 375 ЇкнАженій П текст пошкоджений Йназначєный ККєйстутъ ЛКєйстутову Мдали арк. 375 зв. НСинюю

Потомь року 1320 Гедиминъ з воискомь литовскимъ и жмодцкимъ, и полцкимъ пошоль на кн̃зя владимерского волынского Владимера. Которого, мужественно потыкаючогося, забиль, и Владимер, мЂсто, опановаль. Оттолъ потягнулъ до Луцка. Кн̃зь луцки Левь побЂгъ до зятя своего, кн̃зя бранского Романа. Гедимин Луцкь з всЂмъ кн̃жниемъ взял, литвою осадилъ, вернулъся /130/ на зиму даХ БресяЦ, з БресяЦ на лЂто пошоль на кн̃зя киевского Станислава, монарху руского.

И пришовши, першеЧ опанавал Гедимин Овручии, Ш—Ш оттоль пошол кь Киеву. Вышоль противь Гедимина Станиславь, кн̃зь киевскии, з воискомъ. Ему жь на помочь пришли кн̃зи Олегь переясловски, Левь луцкии и Раманъ брански, котрии всЂ кн̃зи былися крЂпко з Гедиминомъ. Тамь же забытыи /130зв./ зостали от литвы два кн̃зи: Левь луцкии и Олегь переясловскои, иЩ а Станиславъ, кн̃зь киевскии, и Раман бранскии ушли на Резанъ. И такъ Гедиминь взялъ Ю—Ю силоюЩ Белогородку, Каневь, Черкасы, Бранскъ, Переясловь и Слеповоротъ, аж до Путивьля опоновалъ и посадилъ на Киове от себЂ намЂсника, Миндогова кн̃зя Олшанского, сн̃а Олши.

Станиславь, кн̃зь киевскии, быль з народу первых кн̃зеи, Рурика, Трувора и Синевса. /131/ И гды от Гедимона ушоль реназарьЯ, даль ему кн̃зь резанскои дочку свою Ωльгу в малженьстьво и кн̃жение свое Резанское отдал тому ж Станиславу.

Будучи самъ барзо старыи, Гедимин зас, вернувьшися з Руси деЬ Кернова въ Литву, збудоваль мЂсто славное Троки 283, и з Кернова до Троковъ перенеслъ столицу кн̃жения Литовъского. А для того назваль мЂсто «Троки», же нимъ мЂсто Троки збудовалъ, ловами бавячися, много /131зв./ барзо ловуА самь Гедимин и его дворАне лисыць, заицовь, куниць Б—инших троки—Б навязали от Кернова пятъ миль.

Потомъ знову поЂхалъ на ловы тамъ, где Вильна река вь Вилию впадаетъ, и на горе, тогды названнои Кривая гора, забылъ Гедиминь своею рукою великого тура, звЂра. Оттоль тоя гора Турова гора, иначеи ЛысаяВ—В названа. Тамъ же змордованы Гедиминь заснулъ на инъглискахь, где кн̃зе тЂло по смерти палено. /132/ И сплючи, во снЂ видель волка желЂзного, Г— выючого, в которого волка—Г в чере†сто волковъ выло Голосъ ихь на весь свЂтъ росходилъся. Очнувьшися, сказаль своим дворяномъ сонъ и выкладу его потребоваль. Розныи розне выкладали, а не згадали. Аж ЛезденкоД , попъ литовскии старшии погански, выложилъ, иж волкь железныи, выючи, мЂсто на семъ мЂсцу значитъ моцное, а волки, вь чреве его выючи, значатъ Е— люде людеЄ в томъ мЂцо—Е славных /132зв./ на весь свЂтъ. И радиль попъ, абы Гедиминъ на томъ мЂсцу збудовалъ мЂсцоЖ. И такъ Гедимин збудоваль тамъ на Туровои горе единъ замокъ, а другии нижше на ровнине, где Вильна река вь Вилию вьпадаетъ, а при тых замках и мЂсто славьное, року 1322, которое мЂсто назвалъ Вильня от реки Вильни. З Троковъ перенесль свою столицу до Вилна, а Лездеику, старшому попу /133/ и вещькови, давши много богатства и маетъности, назвал его Радивиль, же радиль Вилно збудовати. Отколь кн̃зи Радивилови пошли. Бо и самъ Лездеико не простого былъ роду, которого кн̃зъ Витенесь нашоль в лЂсе, а иньшии повЂдаютъ, вь орловомъ гнезде, иньшии правятъ — вь колисце, и яко сн̃а его выхавал.

Потомъ Гедимин Полскую наЂхаль и землю Калискую и Сарадцкую попустошиль, и чиниль часты наЂзды, /133зв./ пустошачи Полскую, много военъ точиль з Прускими и Їфланскими Крижаками.

284—Року 1325 за Владиславаго Локетъкового сн̃а—284 Казимира, кролевича полского, за прозбою кроля Локетъка, отдаль Гедиминъ свою дочку, а з нею отдал з Литвы вязневъ полских дватцат и чтыри тысячи. Потомъ Гедимин з Локеткомъ пошоль воевати Прусовь. И добываючи мЂста Фринъбурьга285, стрелою раненыи, умерьлъ. До Вильна припроважен, /134/ поганъскимъ обычаемъ спалены был року 1329.

МЂль Гедимонъ седмъ сновъ, которыи за живота своего роздилилъ панъство: Монивиду, старшому, даль Керьновъ и Слонимъ з волястимиЗ, Наримунтови — Пинскъ з всЂмъ; Олгерьдови 286 — Крево, мЂсто, до реки Березны, Кереступови 287И—И з Жмодьскимъ кн̃ежениемъ, з Гродномъ и Ковном до ПодляшаІ, Корнатови — /134зв./ Новъгородок з всею волостью, Явьнутови, молодшому, которого над инших любиль, даль столицу кн̃жения Литовьского Вильно, Любартови, которыи мЂль за собою дочку кн̃зя владимерского, волынского Владимера, даль мЂсто Володимерь и Луцкъ на Волыню, яко дЂдичовы тых кн̃жен[...]Ї. Ольгерьдъ и Кеистутъ, живучи з собою вь стислои а нероздельнои любви, по смерти от̃ца своего змовилися выгнати брата Явьнута з столицы Виленскои. Постановили /135/ и день незначеныиЙ, на которыи Ольгерьдь гды не приспЂлъ, и сам КеньстуютъК несподеване убЂгь до Вилне, и утекаючого брата Янута поималь, и до везяня отдаль, ознаимиль тое Ольгерьду. Гды приЂхалъ до него Олъгерьд, даваль Ольгерьду КенстутъК Вилно, а Ольгерьдь не хотель брати, щастъю тое КенстутовеЛ приписуючи, же онъ взялъ. Такъ любилися, же единъ другому устоповаль, аж ледьве /135зв./ упросиль Кеистутъ, жебы Ольгерьдь Вильно взяль, столицу. Иньшею частъю Явънутовою обадва ровно, Кеистуть зь Ольгерьдомъ, поделилися, а Янутови виделиМ кн̃жение Заславское.




Ольгерд. Гравюра XVII ст.


ΩЛЬГЕРЬДЬ


Року 1330 Ωльгерьд Гедиминовичь зосталь кн̃зем литовъскимъ, а Кеистутъ, братъ его, жмодцкимъ, троцкимъ и подляцким. И зобравши воиска литовьскии на помсту забитого от крижаковъ /136/ ωт̃ца своего Гедимона, пошли на Крижаковь Ифлянскихь и пруских, и попустошили барзо землю Крижатцькую такъ, аж мусили крижаки великими подарьками и уступенемъ нЂкоторих мЂстъ Ольгерьда поеднати. Потомъ року 1331 Ольгерьдъ з воискомъ литовскимъ, з Кориотавичами, кн̃зями новгородцкими, пошоль на татарь на СилънеюН Воду и, минувьши Черкасы, сподкаль великую орьду. Тамъ крепъко бивьшися з татарами, /136зв./ убиль трох цариковь татарьских, Котлубаха, Качебеикерия и Деметра, ωрьды татарьскии розгромиль, много бобиль, иньших в неволю побраль. Оттоль пошоль на Подолье, и котрии пановали на Подолъю татарове от спустошеня БатЂевого, тых инших прогналь, иньших бобиль, и кн̃зем Кориатовичемъ, сн̃овьцомъ своимъ, Алеξандру, Костянътину, Федору и Юрью, Подолье отдаль въ державу. Которыи опустЂлыи побудовали мЂста Бакоту, Смотричь, Каменець, такьже Браславъ, ВиньвицуО, /137/ Межибожь, Хмелникъ, Тремьбовль и иньшии.

ОВЂницу Пкн̃женїє РПолское арк. 376 зв. СКєйстута ТТиатрика УКєйстутомъ Фсмєрти Х—Хегω Цволостю ЧКєйстуту ШОстродомского арк. 377 Щ—ЩКєйстут з войскомъ своимъ нєсподЂванне ЮВилно арк. 377 зв. ЯКрєва Ь—Ьбєзбородый

Знаи тежь о томь, иж Гедиминовичи всЂ, кроме единого Кеистута, ωкрестилися вь рускую вЂру. И самъ Ольгерьдь, взявьши кн̃зя витебьского единачку, дочку Юлияну, себЂ на жону, окрестилъся вь рускую вЂру, и взяль по неи себЂ за посагь кн̃яжениемъПВитебьское. Костяньтину, сн̃у Кориятовому, внуку Гедиминову, кроль полскии Казимерь, сенатореве обЂцали кролевьство ПолкоеР пустити по своеи /137зв./ смерти, жебы толко вь лядцкою з рускои вьпуступиль вЂру. Але онь и кролевства не хотЂль, и вЂры не отступил для кролевьства. Тое Стрииковъскии пишетъ.

Ольгерьдь з Юльяною, перьшою своєю жоною, княжною вытебскою, мЂль шести сн̃овь, котории всЂ в рускую вЂру покрестилися. Перьшии, и старьшии, быль Владемер, которыи мЂль кн̃яжение Киевское; тои сплодиль сн̃а Олелька, то ест Алеξанъдра, котории збудоваль Слуць, мЂсто, и продокъ быль /138/ фамилеи кн̃зеи Слудцких Олелковичовь. Другии сн̃ь Ольгерьдовъ, Івань Зездевитъ, котории дерьжалъ землю Подолскую; третеи — Семионь Линегвенеи, кн̃зь мстиславскии; четвертыи — Андреи Вигуньтъ, кн̃яжилъ на Трубьческу; пятыи — Константинъ, кн̃яжилъ на Чернигове и Чортореиску, продокъ кн̃зеи Чортореиских; шестыи — Феодорь Сангушко, продокъ кн̃зеи Коширских, Ковельских Сангушковъ. Пишетъ Стриковскии, /138зв./ иж року 1573 видель самь Стриковскии образь вь Витебску на замку, вь цр̃кви Ольгерда и его кн̃гини Июлияны, посполу намалеваныи.

По смерти кн̃егини своеи Июлияны взялъ Ольгерьдь у кн̃зя тверского дочку Марию, з тоею мЂлъ дванатцатъ сн̃овъ: Ягела 288, которыи потомъ королемъ зосталь полским, Скиргела, Свиндригела, Бориса, Корибута, з которого кн̃зи Въшневецки родь свои провядять, /139/ Вигунта, Коригела, Наримунта, Лянгвила, Любарта, АндрЂя и Бутава. З тых всЂхь от̃ць наибарзЂи любил Ягела, того по себЂ кн̃земъ литовскимъ за позваленемъ брата своего КенстутаС назначилъ. Кеистут мЂл шесть сн̃овъ: Витолда, ПатринаТ, Товтевила, Сигисда албо Жигманта, Воидата и Довгота. А яко Олгердъ с КеискустомУ, такь ихь сн̃ы Ягело с Витолдомъ в великои зь собою любви мешкали. /139зв./





ЯГЕЛО, ВЕЛИКИИ КН̃ЗЬ ЛИТОВСКИІ


По смертаФ от̃ца своего Олгерда Ягело зостал великимъ кн̃земъ литовскимъ за позволениемъ стрия своего Кеистута. Был у Олгерда простого роду хитрыи и довцыпны слуга на имя Воидило, тои былъ пивничимъ первЂи, а потои постелничимъ и секратором Олгердовымъ. По смерти Олгерда Ягело Олгердовичъ в ровнои ласце, якь и от̃цъ, Х—Х мЂлъ Воидила и отдалъ за него сестру свою родную Марию, а в посагу за нею мЂсто Лиду зъ всею властъюЦ. /140/ Тое КеистутъЧ было немило, о чомъ довЂдавшися Воидило и боячися, абы през Кеистута не пришол в безчєстьє, намовилъ Ягела потворами на Кеистута, же Ягело за его радою учинил змову зь прусами на стрия своего Кеистута. В томъ Кеистутъ остереженыи от 289—контора остродубскогоШ—289, призвалъ сн̃а своего Витолда, ознаимил ему Ягелову хитрую на его с прусами змову. Витолдь от̃цу своему порадил, абы тому о ЯгелЂ уданю не вЂрил. Але гды Ягело воиско литовское зъ пруским /140зв./ посполу послал на 290—Андрея Горбатого, сн̃а Кеистутового—290, з Витебска хотячи его выгнати, заразъ Щ—Щ напал на Былно Ю. ПервЂи, своихь немало в мЂсто гостеи до Вылно выславши, поновал Вилно. Тамъ же знашол листы становныи змовы з пруссами Ягеловы и указал сн̃у своему Витолду, Ягела з маткою его поималъ, Воидила291, прелесника Ягелового, казалъ повЂсити. Витолдъ, маючи любов кь Ягелу, и просил отца своего Кеистута, ижъ выпустиль Ягела и далъ ему его /141/ отчизну Крево, мЂсто з волостъю, і Витебское княжение, матки его отчизну.

Потом Кеистутъ пошол з Вилня з воискомъ на Корибута к СЂверскому Новгородку, сваволю его хотячи ускромити. Тым часомъ Ягело, прибЂгши, опановал Вилно през 292—змову старшими виленскими мещанами—292, также и Троки. ДовЂдавшися того, Кеистутъ от Новгородка пошол з воискомъ под Троки. Ягело з прускими крижаками вышолъ против Кеистута. И, не биючися з Кеистутом, послал Скиргела, брата /141зв./ своего, еднаючи Кеистута і Витолда и просячи до себе на розмову о покои. Кеистутъ, не зычачи кровопролития приятелского, пришол з сн̃омъ Витолдомъ, а Ягело, хитро звязавши Кеистута, казал заправадити до Крева, и тамъ его удавлено. Витолда зас послал до Вилня, потомъ з Вилня послалъ до КореваЯ и приказал также удавити. Нимъ удавлено, позволил Егело 293—Витолдовои женЂ—293, княгни, на ночъ толко з двома паннами ходити. Княгиня, довЂдовшися, /142/ ижь хотятъ Витолда удавити, гды пришла на ночъ убрала Витолда вь еднои панны своеи одежу, а панну в Витолдову одежу, которую в вязеню зоставши, Витолда за собою выпровадила в паненскои одежи, и не познано его, бо был Ь—без бороды—Ь. Такъ ушол, з Коревы, мЂста, Витолдь до Мазовши, оттолъ до Прусов. Потом, гды Ягело воевал на Дрогичин и на Сураж, Витолдь, пришовши, зь прусами, повоевал Литву і взялъ Троки, котрое мЂсто осадивши нЂмъцами, пошол /142зв./ знову до Прусь. А Ягело любо знову добылъ Троковъ, биючися крЂпко, еднакъ, абы болеи Витолдь Лит†не шкодил, призвалъ его зь Прусъ, потаемне еднаючи, и под сумленемъ обЂцалъ ему покои, цЂлостъ, здоровъя и Подляшъе. Витолдь, увЂривши Ягеловому сумленю, приЂхал зъ Прус. А Ягело, рад тому будучи, дал Витолдови Гродно, Брестъе, Дрогичинъ, БЂлско, Мелникъ, Сураж, Каменецъ, Волковскъ і всЂ Подляшъе. Литовскиі лЂтописцы пишут, ижь дал тогды Ягело Витолдови Волын и Подляшъе. /143/

Року 1386 Ягело, обранныи от пановь полских на кролевство, взял Едвигу, дочку кроля полского Людвика, за жону, окрестился в полскую вЂру и зосталъ кролемъ полскимъ. О том ширеи начитаешъ въ кроиницЂ о кролехъ полскихъ.




Князь Скиргайло. Гравюра XVI ст.


СКИРГАИЛО, ВЕЛИКИИ КН̃ЗЪ ЛИТОВСКИЇ


Ягело, зоставши кролемъ полскимъ, дал княжение Литовское Скиргаилу 294, брату своему.

арк. 378 АСкиргайло арк. 378 зв. Б—Бмнωго ВЯгела Г з арк. 379 Д Кейстутовича Е ВЂницу арк. 379 зв. Єсну Ж—Жпо Звиногородъ З—Звідсутнє ИЖигимунтовича Іпрєз арк. 380 ЇСвидригайла Йданныи Кнад арк. 380 зв. Лвідсутнє МВитолдъ

И гды зосталъ КиргаилωА кн̃земъ литовскимъ, Витолдь высоко- /143зв./ умныи того не улюбилъ. Пошол до Прусь и с пруссами часто наезжалъ на Литву, и пустошилъ литовскиі мЂста і волости, хотячи самъ зостати кн̃земъ литовскимъ. А гды барзо докучали прусы з Витолдомъ частыми воинами и пустошенемъ ЛитвЂ, и Виленскиі Нижшиі замокъ спаленъ, и братъ Ягеловъ кролевскии Коригело от прусов былъ стятыи, и Троки спалены, и иншиї зацныи мЂста попустошены, кролъ Ягело, ужалившися такъ великого Литвы спустошеня, послал Генрика, сн̃а Семовитового, кн̃зя мазовецкого, потаемне до Витолда, абы успокоилъся /144/ от наезжанъя Литвы, отчизны своеи, жебы, оставивши Прусы, Ђхалъ до Литвы, обЂцуючи Витолдови цЂлостъ его здоровя и княжение Литовское. Витолдь теды, увЂривши кролеви Ягелови, стриечному брату своему, пошол, з Прусь, набравши Б—Б добра з собою і в неволю прусовь, мЂсто, в котором мешкалъ, спалилъ, приЂхалъ до Вилня і вдячне от короля ЯгелоВ въ Вилно принятыи.





Великий князь Вітовт. Гравюра XVI ст.


ВИТОЛДЬ АЛЕξАНДЕРЪ, ВЕЛИКИЇ КН̃ЗЪ ЛИТОВСКИ


Року 1392 Витолдъ285 зосталъ /144зв./ великимъ кн̃земъ литовскимъ. Гды еще былъ в Прусахъ Витолдъ, послал зь Гьданска дочку свою Софию296 моремъ до Москвы и отдалъ в молженство великому кн̃зю 297—Василю московскому—297, митрополитъ Киприянъ звенчалъ. Свидригаило298 и Скиргаило, заГ княжиния Литовского зсажены, родныи братия, не улюбили того, ижъ Витолдь, ихь сн̃овецъ, над ними старшенство взял, воину поднесли на Витолда.

Свидригаило, яко не потужныи пошолъ до Прусь и з прусами воевал и пустошил землю Литовскую, и самаго Вилня през два мЂсяцы добывалъ моцно, /145/ ледве оборонили, и вернулся до Прусь з великою корыстъю. А Скиргаило, багатщи и потужнЂиши будучи, также повсталъ воиною против Витолду, ажъ Ягело, крол, з Полскои до Литвы приЂхавши, поедналъ Скиргаила з Витолдомъ. ОбЂцал Витолдь дати Скиргелови Киівское княжение. А хотячи Витолдь тую обЂтницу зъистити и себЂ богатства набыти, упоминалъся у Корибута Дмитра, продка, кн̃зеи Вышневецкихь и Збаразских, кн̃зя сЂверского, и у Владимера, продка кн̃зеи Слуцкихъ Олгердовичов, стриев своихъ, такжє и до Федора Кориотовича, /145зв./ кн̃зя подолского послалъ, абы ему тыи три кн̃зи присягли на подданство и данъ до Литвы абы давали.

Кн̃зи Олгердовичи киевскиі и сЂверскиі, ближшими себе знаючи быти до княжения Литовского по своемъ от̃цЂ, кн̃зЂ литовскомъ ОлгердЂ, нижли Витолда КостеитовичаД , кн̃зя маловецкого, отказали Витолду ближними себе быти до княжения Литовского, а не до отдаваня дани. Витолдъ теды з воискомъ перше пошолъ на Карибута и, звитяживши Карибута, взял от него до Литовского своего /146/ княжения Новгородокъ з СЂверским княжениемъ и Бранскъ, а Карибутови далъ на Волыню Браславъ, ВниицуЕ , Соколецъ и Кремянецъ. Потомъ самъ кн̃зъ Дмитръ Корибутъ збудовалъ мЂста Вышневецъ и Збаражъ, которого сн̃ъ былъ на кролевство Ческоє обранныи.

Потомъ пошол Витолдь на кн̃зя киівского Владимера навеснЂ і, взявши вперед Овручии и Житомиръ, мЂста, до Киева належачиї, отдал Скиргаилу, стриеви своему. /146зв./ Оттолъ пошолъ к Киеву. Владимеръ тежъ споткалъ его з воискомъ своимъ. Затымъ пришли послы от короля полского, брата родного Владимерового, на змо†з Витолдомъ будучого, поеднали Владимера з Витолдомъ. Дал Витолдь Владимеру, продку кн̃зеи Слуцких, кн̃зю киевскому, Копылъ з волостями великими, почавши от Копыля и от того мЂстца, где Немен-река починается, ажь до того, где Случъ-река вь Днепръ впадаетъ. А Скиргаилу дал Киевъ. Еднакъ же потомъ знову Казимерь Ягеловичъ, зоставши великимъ кн̃земъ /147/ литовскимъ, вернулъ Киевь сн̃аВ сего Владимера Алеξандру албо Алелку, от которого кн̃зи Слуцкиї Олелковичъ называются, и при Копылю его в вЂчность заховалъ. А Скиргаило, братъ Владимєровь родныи, взял от Владимєра з Киевомъ Каневъ и Черкасы Ж—под Звиногородомъ—Ж. Але, немного на Кие†пановавши, зъ трутизны умерль. И инши З—и инши—З историі повЂдаютъ, же от подданныхъ забитъ і в печерах киевских похованъ. На его мЂсце Витолдъ посадилъ в КиівЂ Івана ЖмигунтовичаИ, /147зв./ кн̃зя Олшанского.

Потомъ Витолдъ пошол на Подоле, на кн̃зя Феодора Кориатовича, поималъ его и послалъ до Вилна до везяня, а самъ побралъ мЂста Смотрячъ, Браславлъ, Чирвоногород, Бакоту, Скалу, Каменецъ і всЂ мЂста подолскиї, которыї Кориятовичи держали преІ лЂтъ шездесятъ и чтыри, от Алгерда, стрия Витолдового, имъ наданныи. Которыї мЂста подолскиї потомъ Видолтъ Ягелови за певную суму пустил. ПовЂдаетъ Стриїковскиї, же сто лЂтъ и рокъ держала Литва Подоле.

Свидригаило /148/ зас, братъ родныи Ягелавъ, кроля, ушовши до Крижаковь, наЂзжалъ з ними на Литву и барзо пустошилъ. Которого спустошеня ужалившися, Ягело и послал до Свидригаила, поеднавши его, призвал зъ Прус, далъ ему з Витолдомъ Подоле и нЂкоторыи мЂста полскиє. Которыї взявши, Свидригаило не долго сидЂлъ спокоине, знову поставши на Ягела, кроля, и на Витолда, ушол до Прус і воевалъ Литву. Потом знову СвидригаилоЇ поеднал кролъ Ягело, и дали ему Новгородокъ, Стародуб и Бранскь, але рихло и оттолъ побЂгь до Москвы, попаливши ему мЂста /148зв./ далныиЙ. За што Витолдъ из московским великимъ кн̃земъ Василемъ точилъ воину.

Воевалъ тежь Витолдь з татарами два разы и звитяжилъ ихъ значне на Дону. Много барзо взялъ татаров з женами и з детми в неволю, и едныхъ послалъ Ягелови, королеви, а других осадилъ в Лит†подК Вокою рекою, которыі и до сего дн̃я тамъ достатне мешкаютъ. Потом знову Витолдъ, гды пошол з воискомъ и з многими кн̃зями и панами на татар, і в тои чась над татарми пановалъ цр̃ь подлого роду, але мужественныи и щасливыи, 299—Темир Аксакъ—299, которыи /149/ мЂль воиска татарского дванадцатъ сотъ тысячєи, которыи и турецкого цр̃я Баезета 300, и з нимъ двЂсте тысячєи турковь звитяжилъ, и самого Баезета, цр̃я, возил у желЂзнои клЂтце, з того Темиръ Аξака, цр̃я татарского, гетманомъ Егидою 301 и зь его татарским воискомъ зишолся Витолдъ, Псиолъ реку перебывши. Тамъ жє в Поляхъ Дикихь, от мнозства татаров звитяженыи, ВитолдьЛ утеклъ, а кн̃зеи его и пановь, і воиска немало побили татарове. Тамъ братия родныи Ягела, кроля, кн̃зи АндрЂи и Дмитриї Корибут зъ сн̃ами, и иншиї кн̃зи /149зв./ литовскиї, і воеводове полскиї побиты зостали.

Потомъ кн̃зъ ВитолкъМ, много воен з Прусами и з Москвою поднявши, зишол з сего свЂта. Былъ Витолдь мужественныи военникъ, кохался вь трезвости, воду толко пивал, а иншого жадного хмелного не заживал напою. I вь еденню заховал мЂрностъ, часу не травилъ дармо такъ иж и гды Ђль за столомъ, отправовал справы, и был щодробливыи, и своих держалъ под великимъ страхомъ. Жилъ лЂтъ осмъдесят вЂку своего, умерлъ 302—року 1430, мц̃а сентаврия—302 вь Троках. /150/

арк. 381 Нзосталъ Оод (?) ПКамєнєцъ Ргрозити СБучацкого Т—Тжєбы тєды нє ωтдавалъ ПодолА арк. 381 зв. Упапєж арк. 382 ФСвидригайла Хз Свидригайломъ ЦСвидригайло ЧприхилАєтсА ШКєйстутовича ЩЖигмунта Ю—ЮЖигмунтъ Кейстутович арк. 382 зв . Я—ЯбЂглый помагалъ Свидригайлу ЬПодолА А—Ана пєрєпра†БрЂцЂ В—Вз Г всЂми Д Корибутовичъ П текст пошкоджений


Грюнвальдська битва. Гравюра XVI ст.


СВИДРИГАИЛО, ВЕЛИКИЇ КН̃ЗЬ ЛИТОВСКИЇ


Гды кролъ Ягело отправлялъ погреб Витолдови в Вилню, приЂхалъ Свидригаило зь множествомъ пановь литовскихъ и рускихъ до Вилня и засталъН великимъ княземъ литовскимъ за позволениемъ брата своего родного, кн̃зя Ягела. А панове подолскиї, особливе Бучацкиї, зь иншими змовившися, и имъ дошла вЂдомость доО Дивгерта, воіводы виленского, о смерти Витолдовои, которыи воівода от Витолда /150зв./ справовал Подолемъ, пришовши под Каменець, вызвали з Каменца Давгерта на приятелскую розмову. А гды вышол, они его поимали и КамецьП, Смотричъ, Скалу, Червоногород з болшою частъю Подоля от Литвы взяли. Того довЂдавшися, великии кн̃зь литовскиї Свидригаило зараз кроля Ягела почал лаяти и при немъ будучимъ поляком розмаитыми окрутными смертми грошитиР, если бы ему не отдали Подоля. И страж моцною над кролемъ поставил. Корол, будучи за стражєю килка недЂл /151/ Свидригаиловою, мусил ему обЂцати Подоле вернути. И послалъ о томъ зь своими листами Тарла Заклику на Подоле до бучацкого старосты в Каменець, абы кн̃зю Михаилу БабЂ, от Свидригаила з Тарлом, посланному, отдалъ Подоле.

Тое услышавши, полскиі панята Андреи Тенчинскиї и 303—Николаи Древицкии—303 написали листъ свои до БуцкогоС, ознаимуючи, ижь кролъ по неволи уступуетъ Подоля, Т—Т Бучацкии але абы поимал Тарла и Бабу. Тои листъ, у воисковую свЂчю улепивши, дали Тарлу, жебы отдал /151зв./ Бучацкому, тыи слова мовячи: «Если не хочешъ заблудити, шукаи зь урядомъ всЂмъ в тои свечи свЂтлости». Тарло, ничого не розумЂючи, привез до Каменца и отдалъ свечю и листъ кролевскиі Бучацкому. Думавши около свечи долго, розломалъ свечю Бучацкии и, з неи листъ вынявши, гды прочитал, зараз Тарла и Бабу поималъ и за сторожею заховалъ. А самъ моцнЂи замки почал крепити подолскиі.

Поляки, зневаги кроля своего Ягела хотячи помьститися и з неволи вызволити, собрали воиско на Свидригаила. До того попаУ Мартинъ Пятыи прислал /152/ з листами, посла до Свидригаила ω Ягела, и такъ Свидригаила короля Ягелω перепросиль и выпустиль з-за старожи.

А скоро кроль з Литвы поЂхаль до Полскои, Свидригаило, з воискомь пошовши, Виницу, Скалу, Браславль и Червоногородок взял; на Подолью надто буриль волости Лвовьскиі и Тремьбовльскии. Кроль Ягело, нарадившися з сенаторами, послаль до Свитригаила, абы вернуль Полскои мЂста подолскиі, которыи /152зв./ побраль, обЂцуючи з нимь за тыи мЂста битися. На тое отказаль Свидригаила, же еще Каменець и все Подоле хочеть отшуковати, бо тое здавна кн̃зи литовскии держали выгнавши татарь з Подолъя за Олъгерда Поднесль теды кролъ Ягело воину на СвитригаилоФ и, пришовши на Волынь, добывалъ Луцка. А гды поляки не могли Луцка добыти, учиниль кроль Ягело ЗвидригаиломХ примире до Стритения Гс̃дня. А тым /153/ часомь волохи, затягненныи от Свидригаила, Подоле воевали окола Каменца и инде, котрих поляки прогнали потом.

Обачивши король Ягело, иж ЗвидригаилаЦ до вЂчного примиря не прихиляяетьцяЧ поты, аж бы ему Подоле все и часть Волыня отдали поляки, послаль до 304—Жигмунта Кеистовича Ш—304, сн̃овца своего, брата Вытолдового, которы в тои чась кн̃яжилъ на СтародубЂ, абы приЂхаль и взяль кн̃ежения Литовское, обЂцуючи ему на Свитригаила /153зв./ помагати. Послалъ теж Ягело до пн̃овь литовских тихо, абы ЖимунгмунтаЩ за кн̃язя приняли. И так панове литовскии, збунтованньии от посла кролевского, приняли Жигмунта Кеистутовича за кн̃зя.






Ю—ЖИГМУНТА КЕИСТУТОВИЧА—Ю


Року 1432 Жигмунтъ Кеистутовичь зосталъ великимь кн̃земь литовскимь. Свидригала, вь тои чась вь Ошмяне будучи, отстережении, побЂгъ до Смоленска /154/ и, от них приняты, Литву воевалъ. Затымь полотчане и ковляне, і Русь вся приняли его за кн̃зя, бо их добростью своею себЂ прихиляль и рускои вЂры держалься, маючи з собою жону, кн̃зя тверского дочку. До того Федко альбо Феодорь, кн̃зя Озтроскии, в дЂлах рицерьских Я—бЂгныи по ногамъ Свидригаила—Я, и отняль все Подоле от поляковь. И гды пришли поляки заежджати ПодолеЬ з волохами /154зв./ и з басарами, тои же кн̃зь Острозскии А—ни перепреве—А, на Мораве вЂцеБ много побиль поляковь.

Потомь Свидригаила, собравши воиско руское В—В Тверского кн̃ежения от своего тестя, зь Северского кн̃жения и з инших, пошолъ на Литву, повоеваль и пополиль Вилно, Троки, Обое, Крево, Лиду, иншии многии мЂста з ихь семиГ волостями. А з другои стороны кн̃зъ Федко Корибутови[ч]Д /155/ Збаразскии и кн̃зь Нось Брестъя Литовского и Мелника достали. Свидригаило теж досталь Витебска, кн̃зя витебского Семиона Ольшанского, поимавши, казалъ утопити, а митрополита Герасима 305 спалити. Жигмунтъ засъ Кеистутовича в тои чась з жоною і зь сн̃омь ховалься.

Потомь умерль крол Ягела року 1434, Свидригаило мешкаль на Витебскомь кн̃жении. Потомъ Свидигаило, собравши воиско, /155зв./ воеваль на Жигмунта, кн̃зя литовского. ЖимугиунтъЕ пощастилося, же свитяжиль Свидригаила и выгнал его з Литвы, и Руское отнялъ от него кн̃жение.

Е Жигмунту арк. 383 ЄЛингвєнєвича Жзачим ЗДавгєрдомъ ИкїєвлАнина ІжолнЂровъ ЇДавгєртомъ ЙнедЂлєю Кпочты арк. 383 зв. Лсвоими МкнАжимъ Н—Нвписано в кінці розділу ОСвидригайло Пкнзєй арк. 384 Р—Рзосталъ кролємъ полским Свідсутнє арк. 384 зв. Тзабрала арк. 385 УОстрωзского Фтатарскою арк. 385 зв. Хчитаючому Цзаволских П текст пошкоджений Чстаршїй Швєликимъ ЩГєрєи Юоколо ЯСлуцка арк. 386 Ьпєрєкопскою

Тымь щастьемь поднесеныи, Жигмунть, великиі кн̃зь литовскиі, умыслил кн̃зе, пн̃авь преднЂиших выгубити, а своимъ холопомъ их кн̃жения подавати, жебы такъ безпечне и ведлогь своеи пановалъ воли, а тыхъ кн̃зе, которыи были Свидригаилу /156/ приязныи, и иньших не боялься. I так поималъ Юрья ЛнигвеневичаЄ, кн̃зя мстиславского, также и 306—кн̃зя Олелька Владимеровича—306 з кн̃егинею его и з сн̃ами на Копилю, побраль их всЂ кн̃жии волости, а самых ωтослаль довязаня. ЗатымьЖ кн̃зь Івань Чарторыискиі, внукь Ольгердовь, а брат стрынныи кн̃зя Олелька Копылского альбо Слуцкого, боячися того ж /156зв./ припадку, зь ОльгердомъЗ, воеводаю виленскимь и зь Лелюсомь, воеводаю троцкимь, змовивьшися, намовили Скобеика, кновьлянинаИ, шафара, конюшого Жимугмунтоваго, жебы згубити Жигмунта. Сприсягшися, так учинили: послали до Трокъ, где быль в тои чась Жигмунтъ, триста возъ сЂна, якобы данинного для кн̃жих кони конюшему Скобеику, а в кождомь возЂ, вь сЂне, по два /157/ жольвьнЂровьІ зброиных. Самь зас кн̃зь ЧарторЂискии Івань з ДивгертомъЇ и Лелюсомъ, воеводами, вночи пред ЦвЂтную дн̃люЙ приЂхали под Троки и, над озЂромъ подчтыК зоставивьши, вьишли рано вь замокь з килкадесятми слугами, и ходили незначне, 307—якъ воеводы—307 до замку. До Жигмунта рано никого не пусковано, бо бываль маркотныи308. МЂль кн̃зь Жигмунтъ у себЂ /157зв./ медведицу, змалу выцвеченную, которая вмЂсто собаки лежала подле его ложа. И гды выходила на дворь, знову приходячи, драпнула ногою, и пускано еи. Того дня в нд̃лю, скоро сл̃нцо почало всходити, вышла медведица з покою кн̃яжого и ходила по замку. Для того ж в тои чась кн̃зь Чортороискои Івань з своимЛ, замокъ тихо казавши зачинити, пришоль до двереи кн̃яжого покою и драпнуль, якь медведица. Отчи/158/нено двери, и кн̃зь Івань з своими и з Скобеикомь, конюшимь кн̃яжильМ, вскочили до впокою. До того з возовь сЂнных выскочили жольнЂре. Кн̃зь Івань взял Жигмунта за горло, а Скобеико вилами желЂзными удариль пана своего, Жигмунта, вь голову такъ, аж мозокъ з кровю на стЂну выскочиль. Упалъ былъ Славко, вЂрныи Жигмунтовь, на пн̃а, ратуючи, але его окномъ выкинул /158зв./ Чорторыискии, и тамь шию зламаль. А кн̃зя Жигмонта, вложивьши на сани мертвего, упхнули вь озеро.

Того ж року была великая зима, потомъ великиі моръ, затым и голодь такии, иж люде людеи Ђли.

Того ж року Исидор 309, митрополитъ киевскии, принявши унЂю на соборе Флореискомъ, приЂхалъ быль до Руси розмножати унЂю. Але его русь, поимавши, побрали у него все добро и до вязеня всадили, /159/ з которого онь утекль.

По забитю кн̃зя литовьского Жигмунта Н—СвидригалаО вьишоль вь Луцкъ і там сЂль на кн̃яжении. Кн̃зеП теж и пановъ, от Жигмунта—Н посаженых, повыпускано з вязяня, и кождыи з них пошолъ на свое кн̃жение.






310—КАЗИМИРЪ ЯГЕЛОВИЧЬ—310, ВЕЛИКИИ КН̃ЗЬ ЛИТОВСКИІ


По забитю Жигмунта Кеистутовича Казимир Ягеловичъ обранныи зостал /159зв./ великимь кн̃земъ литовскимъ и усмириль бунты вь Смоленску. Потомъ року 1442 воеваль з Москьвою, Кишку гетманомъ пославши.

Того ж року кн̃зю Олельку альбо Алеξандру Владимеровичю отдаль Киовъ, яко его власную очизну. А Свидригаилу, стриеви своему, потвердиль Луцкъ з всею волостъю на Волыню.

Потомъ року 1444, гды крол Владиславлъ, сн̃ъ Ягеловъ, полскии /160/ и венгерскии, забитыи былъ под Варною, братъ его Казимирь, великиї кн̃зь литовскиї Р—і венгерскиї забитыи был—Р.

Року 1452 кн̃зъ Свидригаило умерлъ в Луцку, а мЂсто Луцкъ подал ЛитвЂ, которыи зараз Литва і взяла.

Року 1453 Махометъ311, цр̃ь турецкиї, взялъ мЂсто цр̃еи грецких славноє, столицу Константинополъ, за цр̃я грецкого Палеолога 312, штурмомъ, где и самъ Палеологь, цр̃ь, былъ забитыи. И помогль туркомъ до того взятъя нЂякиї Гертуся 313, /160зв./ здраица, панъ грецкиї, которыи, до турков утекши, показалъ имъ имъС способъ штурму, и где были снаднЂиши мЂстца до взятъя Констянтинополя. Которого потомъ цр̃ь Махометъ далъ розчвертовати.

Року 1455 кн̃зъ киівскии и копылскиї Олелко Володимеровичъ, внукь Олгердовъ, умерлъ, зоставилъ двох сн̃овь: Семиона и Михаила. Семион взял Киовъ, а Михаило — Копылъе.

Року 1479 великии кн̃зь московскии 314—Іван Василевичъ—314 през воину взялъ от Литвы Великии Новгород, з которого мЂста самого золота, серебра и перил /161/ вывез до Москвы триста возовъ, а иншихъ статковъ без числа. Такъ же и иншиї побралъ мЂста, которыи была Литва забралиТ, и многих кн̃зеи под свою побралъ державу, самъ з голду татарского мужєственно выбившися.






АЛЕξАНДЕРЪ, ВЕЛИКИЇ КН̃ЗЬ ЛИТОВСКИИ


Року 1492 Алеξандеръ315, сн̃ь Жигмунтовъ, внукъ Ягеловь, зосталъ великимъ кн̃земъ литовскимъ.

На початку року 1493 великиї кн̃зь московскиї Іван Василівичъ отнялъ от Литвы Вязму, /161зв./ Хлепенъ, Месчоскъ, Люботескъ, Мъсченско, Серпоховъ и иншиї многиї мЂста сЂверскиї. Алеξандеръ, кн̃зъ литовскиї, не могучи противъ стати, послал послы великиї к великому кн̃зю Івану Василівичю и учинил з ним примире, і взялъ у него за себе дочку Елену.

Потом року 1499 Іван Василівичъ, великии кн̃зь московскиї, знову воевал на зятя своего, великого кн̃зя литовъского Алеξандра, за тое, же своеи жонЂ, а дочцЂ великого кн̃зя московского Алеξандерь не постоновил церкви в замку /162/ Виленскомъ, якъ обЂцалъ, и упоминаючися границъ земли Московскои своеи по реку Березину. Тогды взял великиї кн̃зъ московскиї Черниговъ, Стародубъ, Новгородокъ-Северскии и Рильскъ з иншими мЂстами и волостями, побилъ литовскии воиска и много па̃новъ побралъ в неволю, межи которыми взяль и 316—Костянтина, кн̃зя ОстразкогоУ—316, гетмана литовьского, и держаль во оковахь, руки оловомъ заливши. Тогды ж и Путивль москва /162зв./ взяла.

Потомь року 1501 великии кн̃зь литовскии Алеξандеръ зосталь кролемь полскимь былъ и великимь кн̃земъ литовскимъ. И на пришлы рокь учиниль з своимъ тестемь, великимь кн̃земъ московскимь, примире. Того ж часу и Костянтин, кн̃зь Острозскии, ушоль з Москвы, а иншии повЂдаютъ, же сЂмь лЂт быль вь МосквЂ.

Року 1505 Іван Васильевичъ, великиі кн̃зь московскии, преставилъся мц̃а ноеврия. Быль /163/ монарха наищаслившии по Владимире Мономасе, бо онь досконале выбилься з татарскои неволи, которую его продкове терпЂли. ПовЂдаютъ, ижь великии кн̃зи московскии, под данью зостаючи татарскогоФ, гды посель от царя татарского приЂджаль, мусил самь великии кн̃зь з боярами выходити и его спотикати, и кобылие молоко з кубкомъ /163зв./ ему, сЂдячему на коню, подносити. Тлумачови, читаючамиХ листы, наівыборнеишии соболи, футра до сЂданья подстилаль, а самъ стояль и, на коленах стоячи, слухаль читаня листовъ. Сеи теды великиі кн̃зь Івань Васильевичь не толко з такои неволи татарь заволски[х]Ц выбивалься, але много и самых татарь под свою державу подбилъ: казанских, пермскихъ, /164/ сибирских, яполских 317, угорских. Завольскии краины аж до мора КаспЂского, по-московску Хвалинского, зголдоваль, з Шведами, з Инфлянтами и з Финляндами щасливе воеваль, от Литвы семъдесятъ мЂстъ з Великимь Новьгородомъ отняль, страшныи быль всемь народомъ, піанства вь Моск†заборонилъ. МЂль сн̃овь пят, /164зв./ Василия, Юрия, Дмитрия, Семиона и АндрЂя, а едну дочку Елену, которую отдаль за Алеξандра, кн̃зя литовского, потомъ кроля полского. По смерти Івана Васильівича зосталь сн̃ь его страршииЧ Василеи великииШ кн̃земь московскимъ.

Того ж року Махмет-Гереи, царевичь татарскии, и брат его Батеи-КереиЩ из татарами барзо попустошили отколоЮ ЛуцкаЯ, Новьгородка, Минска, Полоцка, Витебска, цр̃кви и моностьри пополили, полону людеи /165/ самых до сто тысячеи з Литвы и зь Руси в свою землю вьвели. Знову року 1506 татарове на Подолю людеи тысячеи зо сто взяли.

Потом року 1507 кроль Алеξандеръ, великиі кн̃зь литовскии, захорЂлъ. Тымъ часомъ татарскиі царевичи Бати-Кереи, солтань, и Бурнас, солтанъ, з перекопкоюЬ ордою пришли под Слуцкъ, пустошащи, оттоль — под Новьгородокь. Которих /165зв./ татарь, собравшися, литовскиі па̃навеА побили. Вь битве самои погибло татарь тысячеи дватцат, иншии потонули, утекаючи. Вьзявши о томъ звитяжст†новину, барзо хории кроль Алеξандер пожегналься з тымъ свЂтомъ вь Вилню, там же и похованъ, вЂку своего чтыридесят четвертого. Был великимъ кн̃земъ литовскимъ лЂт чтыринатцат, а кролемъ полским лЂтъ чтыри. /166/

Апановє Бопавскїй ВкнАженїє Г—Г відсутнє сЂлъ арк. 386 зв. Е оборонца ЄшлАхту ЖЛвовскомъ Зпобрал арк. 387 Ибогатоє ІмЂста Ї—ЇПскова портоваА плывєтъ. МЂсто арк. 387 зв. Йоуставичных КдЂлъ арк. 388 ЛЛитовскую М1524 Н1526 О—О7 днА, жилъ вЂку своего лЂтъ седмъдесАтъ. Положєнъ в монастыру прпдбных ωтєцъ АнтонїА и ФєωдосїА Пєчєрском кїєвском, в цркви УспенїА Пр̃стыА Бц̃ы, на правом боку, под столпомъ правого крилоса.






ЖИГМУНТЪ, ВЕЛИКИИ КН̃ЗЬ ЛИТОВСКИИ


По смерти Алеξандра вь Вилню Жигмунтъ318, братъ родныи Алеξандровь, кн̃зь глоговскии и опаскиіБ, обранныи на Великое князствоВ Литовское. Панове теж полскии, сеимъ въ Пютръкове учинивши, обрали г—того ж—Г Жигмунта Першого на кролевство Полское и, припровадивши з Вилня до Кракова, укороновали /166/ року 1507, и всемьД на столицы кролевскои.

Потомъ року 1508 кн̃зь Костянтинъ Острозкии, славныи гетмань литовскиі, з Москвы вышол, бывши вь Моск†през сЂмъ лЂт, пишет такъ Стриковскии, взятыи в неволю до Москвы на воинЂ року 1500 за кроля Алеξандра. Тои кн̃зь Костянтин ст̃обливе жилъ вь православии, обрьницаЕ великиі вЂры православныі, многокротне татаровъ побивал /167/ и, з кождымь неприятелемъ мужественно потыкаючися, славныи одержоваль звитязтва.

Того ж року кн̃зь Михаль Глинскиі забил Яна Заберезинского, маршалка литовского, за тое, иж Забрезинскиі обявилъ быль кролю Жигмунту, же Глински зрадливе старалься зостатъ великимь кн̃земъ литовским. А забивши Забрезинского, Глинскии побунтаваль з собою шляттуЄ рускую і по/167зв./брал под себе мЂста Туров, Мозыр, Кричов, Гомел, Оршу и Мьстиславъ, около Слуцка и Копыля огнемъ и мечемъ незносилныи починил шкоды и зо всЂми скарбами поддался великому кн̃зю московскому Василю Івановичю. От которого взявши воиска, пошол под Минскъ и Смоленска хотЂл достати, але гды кролъ Жигмонтъ зь своим воиском и з татарми против Глинского притягнулъ, давши битву, примире взял з великим кн̃земъ московскимъ Василемъ Івановичем.

Року 1509 319—Богдан, воевода волоскии—319, вбЂгши в Подоле, много огнемъ и мечємъ /168/ попустошилъ, Галича и Лвова добывал. Не добывши, великиі скарбы з церквеи и з костеловь на предмЂстью МосковскомЖ бралъЗ, Рогатинъ, мЂсто зацное, спалилъ и много такъ скарбое, яко и людеи в полонъ забравши, до Волох заправадилъ. Корол Жигмунтъ пустилъ свое взаемъ воиска з Миколаемъ, воеводою краковскимъ, которыи попустошилъ немало в земли Волоскои. Потом, за порадою брата своего Владислава, короля венгерского, учинил Жигмунтъ з Богданом, господаремъ волоскимъ, примире.

Того ж року /168зв./ 320—Василиї Івановичь—320, великиі кн̃зъ московскиї, мс̃ца октоврия взялъ от Литвы Пьсков, великое богатствоИ свое, мЂсто мурованое, на четыре части розделеное, посрединЂ мЂстоІ того река. Ї—Ї Пьсковь от Великого Новгорода лежитъ миль 36, от Риги милъ 60, от Нарвы и от Івангорода, и от Великих Лукъ — миль 40.

Року 1511 Юрыи, кн̃зь Слуцкии, з Немировичомъ, воеводою, за Киевомъ татаров плюндруючих осмъ тысячєи побилъ на смертъ, ледве старшиі ихь з малымь воискомъ утекли.

Року 1512 татарскии цр̃ь перекопскии, /169/ з дватцатъ и пятма тысячами впавши в Подолье и на Волын, попустошил. Жигмунть послалъ свои воиска противъ егω, которыи за особливую справою и отвагою кн̃зя Острозского Костантина Івановича, гетмана великого, под Вышневцемъ наголову побили татар, ледве самъ цр̃ь з малою дружиною утеклъ. Там же цариков зятъ и три царики забитыи зостали.

По тои воинЂ поляки покинули грубыи обычаи старыи, сукнЂ долгиї з долгими над голову колнЂрами /169зв./ откинули, волосы почали високо стригьти, которыи перед тымъ долгиї носячи, заплЂтовали; пития збытного и бесЂд уставичныЙ перестали, а в трезвости кохалися, яко и сам крол Жигмунтъ.

Року 1514 великиі кн̃зь московскиї Василеи Івановичъ, з великимъ барзо воискомъ пришовши под Смоленскь, маючи з собою арматы джялК триста, взялъ славное мЂсто и крЂпкое Смоленскъ, которое от Витолда взятое было през сто лЂтъ под владзою литовскою. И роспустивши своего Ђздного воиска Василиї Івановичъ /170/ осмъдесят тысячєи, ажь до Вилня попустошилъ землю Литовскую. Тогды ж кн̃зь Михаилъ Глинскиї хотЂлъ зрадою от Василия Івановича оторваться и пристати знову до Жигмунта, але постереженыи, окованыи от великого кн̃зя Василия Івановича, отослан на Москву.

Затымъ Жигмунтъ, крол полскиї і великиі кн̃зъ литовскиї, притягнувши до Литвы, сталъ в БорисовЂ. Оттол воиска свои полскиї и литовски выправилъ з кн̃земъ Костянтиномъ Острожскимъ и з иншими гетманами /170зв./ против воиску московскому, въ осмидесять тысячеи будучему, з которымъ под Оршею зышовшися, кн̃зъ Костентинъ и иншиї розгромили воиско московское, самого гетмана Івана АндрЂевича Челядина и инших немало кн̃зеи, и зацныхь началныхъ московскихь поимали. Великиї кн̃зь Василиі, въ Смоленску будучиї на тотъ час, осадивши воискомъ своимъ Смоленскь крЂпко, и пошолъ на Москву. А воиска кролевскиї, любо с-под Орши вернувшися, Смоленска добывали, ничого не вскуравши, отишли. Крол зась кн̃зя Острозского Костантина, значне в Вилню принявши, за тое звитязство /171/ гоине ударовалъ и до Острога отпустил. Тымъ тежь часом цр̃ь татарскиї 321—Минди-Кереи—321, от Жигмунта на помочъ затягненныи, немалую шкоду в волостяхъ учинил Московскихъ.

Потом знову великиї цр̃ь Василеи Івановичъ, по килка крот находячи, пустошилъ землю МосковскуюЛ, ажъ року 1520М взял примире з Жигмунтом.

Року 1520 уродился Жигмунту сн̃ъ Жигмунтъ Августь, которыи потом в девяти лЂтахъ возросту своего, року 1529, былъ обранныи на Великое княжение Литовское и поднесенныи /171зв./ в замку Виленскомъ.

Року 1533Н кн̃зъ Костантинъ Івановичъ Острозскиї, воівода троцкиї, гетман великиї литовскиї, великои побожности и мужєства славныи звитяжца, преставился мс̃ца августа О—О.









Попередня     Головна     Наступна


Етимологія та історія української мови:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчанин, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



 


Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.

Iзборник. Історія України IX-XVIII ст.