Попередня     Головна     Наступна





РОЗДЂЛЪ ВТОРЫЙ О ОБОРОНЂ ЗЕМСКОЙ



АРТЫКУЛЪ 1.

О повинности яко вси обыватели Великого Князства литовского чынитъ мають.


Уставуемъ тежъ съ призволеньемъ радъ нашихъ зуполныхъ и всЂхъ становъ подданныхъ панства нашого Великаго Князства, ижъ кождый князь и панъ дховный и тежъ дворянинъ бояринъ и вдовы кождые и иные станы, и татарове наши, такъ мЂщане мЂстъ нашихъ, маючи земское имЂнье и лЂта зуполные маючы, часу потребы зъ нами и потомками нашими або при гетманохъ нашихъ винни будуть сами особами своими войну служыти и выправовати на службу военную, коли бы кольвекъ была потреба водлЂ уфалы земское соймовъ нашихъ Великаго Князства, якая на онъ часъ будеть потреба оказовати *, то естъ и похожыхъ зъ имЂней зъ людей, яко будетъ потреба, отчызныхъ выслужоныхъ и купленныхъ. А вдовы и сироты и дЂти лЂтъ зуполныхъ не маючи мають выправовати водле важности имЂней своихъ, а тымъ обычаемъ; маеть быти выправа пахолка зо всимъ на добромъ кони, што бы конъ стоялъ наименшей осмъ копъ грошей литовскихъ, а на немъ сукня цвЂтная, панцеръ, прилбица, мечъ, павеза древо съ прапорцемъ цветнымъ. А который бы бояринъ або мЂщенинъ не мЂлъ въ своемъ имЂнью людей такъ много, яко устава будеть, тотъ самъ предсе маеть Ђхати и служити; такъ тежъ которій не маеть пЂшо ити зъ ручницою або зъ рогатиною, а на мЂстцу наименованомъ черезъ листы наши або гетмана нашого великого маеть ся очевисто каждый становити и датися написати и ошафовати гетману нашому великому на тотъ день, которій черезъ насъ або черезъ гетмана нашого къ тому попису будеть положонъ и выволанъ. А коли бы было колко братьи недЂленое; тогды братья мають межы себе годнЂйшаго лЂтъ дорослыхъ выбравшы послати, который зъ имЂнья недЂленого маеть войну служыти тымъ же обычаемъ, яко вышей описано. А хтобы отъ насъ Господаря держалъ якое имЂньЂ нашо въ заставЂ; тогды тотъ не повиненъ будеть выправовати на войну. Хочемъ тежъ мЂти и уставуемъ, абы подданые нашы вси мЂщане ку валной потребЂ зъ иншыми людьми нашими войну служили, або зъ дозволеньемъ нашимъ водлЂ постановеня нашого на войну выправовали. А хто бы кольвекъ съ тыхъ подданыхъ нашихъ шляхты и рыцерства всякаго стану, также маючы имЂнье земское, войны не служылъ, або пріЂхавшы на рокъ постановеный не пописалъ, а хотя бы и пописался, а шыфу не ждалъ, або и шыховавшы се безъ воли нашое або отъ гетмана нашого великого прочъ поЂхалъ; тотъ имЂнье свое все тратитъ подъ тымъ обычаемъ, яко бы войны не служылъ. И для того жъ кождого гетмана великого мы Господаръ обЂцуемъ тотъ урядъ (т.е. гетманство) годнымъ и досвЂдчонымъ людемъ народу шляхецкого родичомъ стародавнымъ тутошнего панстдемъ Великого Князства Литовскаго давати, и тое мЂстце засаживати.



* Трет. ред. стат.: «зъвлаща кгдыбы рушенье посполитое было, т.е. яко зъ людей отчизныхъ».








АРТЫКУЛЪ 2.

О постановеню обороны земское только на соймЂ.


ОбЂцуем и уставуемъ вЂчными часы быти держано, ижъ кгды будеть потреба противко которого непріятеля нашого обороны земское сему панству нашому Великому Князству Литовскому, албо валка вести; тогды мы сами Господаръ або и съ паны радами нашими не маемъ ани будемъ мочы того учынити, ани серебщызны и поплату никоторую установляти, ажъ первей соймъ великій вальный зложывшы въ томъ панст†нашомъ Великомъ Князст†Литовскомъ, на которомъ за росказаньемъ и листы нашими будуть повинни вси княжата и панове рады духовные и свЂцскіе, маршалки и иные врядники земскіе и дворные, панове хоруговные, послы земскіе повЂтовые зъЂхатися; тежъ на онъ часъ на соймЂ великомъ валномъ зо всими радами нашими и зо всими княжаты и паняты и зо всимъ рыцерствомъ порядою а позволеньемъ ихъ маемъ таковые речы становити а не иначей. А вЂдьже гдЂ бы отъ котораго непріятеля нашого якое прудкое уторгненье было въ се панство наше Великое Князство; тогды и безъ сойму толко за листы нашими, а въ небытности нашой за листы пановъ радъ нашихъ гетмана нашого великого мають вси князи и панове подданые нашы, войны павинны, на часъ и мЂстце назначоное Ђхати, яко на кгвалтъ, и то зъ милости Речы Посполитое боронечы собЂ жоны и дЂтей маетности отчызны своее.






АРТЫКУЛЪ 3.

О невызволенье листы нашими, и тежъ кого волно вызволити.


Тежъ уставуемъ, ижъ мы не маемъ жаднаго зъ войны отъ службы земское такъ словнымъ росказаньемъ яко и презъ листы наши вызволити изъ войска отпущати, такъ тежъ и гетманове наши не будутъ мочы вызволити и зъ войска отпущати, кромъ тыхъ врядниковъ нашихъ и слугъ, которихъ мы Гоеподаръ на онъ часъ для послугъ нашихъ и справъ земскихъ зоставимъ, а вЂдже и тые почты свои водле можности имЂней ихъ винны слати и выправовати. А што се дотычеть старостъ и державецъ украиныхъ, тые часу вальки также повинни зъ имЂней своихъ у войско, яко иншые шляхта, почты свои ку службЂ земской выправовати и становити. А сами они, звлаща тые, которіе быхмо у войско листы нашими и панове рады або гетманъ нашъ не казали ити, таковые почты свои, што зъ урядовъ своихъ новинни, становити мають.






АРТЫКУЛЪ 4.

О имЂнья заставныя, хто зъ нихъ службу земскую служити маетъ.


Тежъ уставуемъ, если бы который шляхтичъ або панъ хто закупитъ и въ держанью будеть, службу земскую съ того заступовати маеть. Нижли если бы тотъ собЂ на записЂ заставномъ обваровалъ; а тотъ, хто заставитъ, тымъ описомъ своимъ въ то бы се подалъ, ижъ самъ съ того имЂнья службу земскую служыти маеть; а онъ хто закупилъ въ томъ воленъ будеть. А вЂдже хто за такимъ обычаемъ, естли бы тотъ, хто закупуетъ, мЂлъ оселости и можетъ службу земскую самъ служыти, а кгды бы оселости яковое и можности не могъ мЂти; тогды предсе тотъ, хто закупуетъ и вжываетъ, самъ съ тое закупли маеть службу земскую служыти.






АРТЫКУЛЪ 5.

О Хоружыхъ.


Хоружества всихъ земляхъ и повЂтехъ Великого Князства тымъ радомъ и способомъ мають быти захованы, ижъ мы Господаръ хоружыхъ нашыхъ не маемъ уставляти толко людей зацныхъ добрыхъ ростропныхъ можныхъ и осЂлыхъ о повЂтЂ томъ. А хоружый, и гдЂ будеть хоруговъ держати, маеть на собЂ мЂти зброю добрую и гелмъ албо прильбицу и бронь, а конь абы былъ подъ нимъ добрій, а хоруговъ самъ хоружый въ гуфЂ своемъ на шыху и ку потребЂ маеть держати, и статечнЂ се въ томъ врядЂ на потребахъ нашихъ земскихъ маеть заховывати водлугъ цноты и повинности на хоружихъ належачое; а хорогвы мають имъ даваны быти за скарбу нашого подлугъ давного обычаю; а хоружые земскіе и дворные мають быти подлугъ стародавного обычаю захованы.






АРТЫКУЛЪ 6.

О збиранью и тягненью шляхтЂ на войну.


Тежъ мы Господаръ для поряднЂйшаго тяготенья на войну, абы въ томъ шкода не была людемъ, такъ уставуемъ, ижъ гдЂ за потребою земскою будетъ отъ насъ и пановъ радъ албо гетмана всей земли росказано на войну Ђхати; и тогды хоружый, давшы вЂдомость о томъ шляхтЂ, каждый у своемъ повЂтЂ, маеть выЂхати самъ у поле и казати до себе всимъ повЂтикомъ своимъ за тры дни передъ тегненьемъ съ повЂту зъЂхатися; а они будуть повинни и до войска къ нему не вымовляючыся Ђхати въ томъ часЂ и на тое мЂстце, яко имъ отъ насъ дано и назначоно будеть, съ почты своими яко на войну служыти повинни зъЂхатися. И тамъ же хоружому собравшыся зъ ними и маючы о кождомъ зъ нихъ добрую вЂдомость и печу посполу маеть тягнути зъ ними до каштеляна, давшы о собЂ первей знати, гдЂ бы се мЂли ку нему стегнути; и тамъ съ каштеляномъ зъЂхавши се хоружый оный повЂтъ шляхту отдати и оповЂдати каштеляну и ознаймити маеть, если все сполна албо и хто есть... А гдЂ въ которомъ повЂтЂ каштеляна нЂтъ ино до маршалка, которій въ томъ таковую жъ моцъ мЂти будеть яко каштелянове. И кгды вжо и къ каштеляномъ стягнутца хоружыя и зъ шляхтою, тогды вси споломъ подъ каштеляновою або маршалковою справою тягнути мають до воеводы того воеводства; и тягнувшыся зъ нимъ кашталянъ або маршалокъ съ хоружымъ мають здати и оповЂдати шляхту воеводЂ, кого нЂтъ, а за чимъ гдЂ. Вже вси тые якъ панове воеводове и кашталянове и маршалкове и съ хоружими мають тягнути на мЂстце отъ насъ и пановъ радъ нашихъ назначоное, або гетману гдЂ росказано будеть, и у въ одномъ мЂстцу завжды при воеводЂ становитися а не порозну, будучы въ послушенст†и спра†пановъ воеводъ своихъ. А въ томъ тягненью воевода маеть того съ пильностью стеречи и боронити повиненъ, абы повЂтники его никому никоторое шкоды въ дорозЂ и на станЂ стоечы ни въ чомъ не чынили, але собЂ и конемъ своимъ за пенези торгомъ а не уставою живность куповали; а который бы надъ заказъ смЂлъ кому которую шкоду учинити, тогды воевода або кашталянъ, поки до пана гетмана не дотягнуть, мають имъ съ таковыми справедливость учинити и отправу на винномъ и на маетности его самъ заразомъ не проволокаючы дЂлати, а повЂтники шляхта будеть у его повинни во всемъ томъ яко вышей описано послушни быти, а противъ непослушнымъ и противнымъ также повинни заховатися и карати ихъ мають, осадившы о немъ право, и што с права заслужытъ, то втерпитъ.






АРТЫКУЛЪ 7.

Уси шляхта повЂтовые повинни становитися подъ хороговью повЂтовою.


Хочемъ тежъ мЂти и приказуемъ грозно, абы вси подданые наши будучы на войнЂ нигдЂ се индей не шыховали ани становили особами своими и съ почты, одно подъ хороговью своею повЂтовою, въ которомъ суть повЂтЂ осЂлыми, кромъ особного росказанья гетманского. А если бы которій зъ нихъ служылъ въ которого пановъ радъ, нашихъ, або до врядниковъ або, тежъ всякого иного; ино и тотъ будеть повиненъ подъ хороговью на мЂстцу установити брата або кревнаго своего або такъ добраго шляхту якъ самъ, абы съ тымъ мЂстца неопустилъ, а ни се омЂшкалъ, подъ страченьемъ имЂнья своего. А княжата, понята, хоруговные маршалки, врядники наши земскіе и дворные, тые маютъ се становити на мЂстцахъ своихъ подлугъ стародавного обычаю.






АРТЫКУЛЪ 8.

О шляхтЂ, которые у разныхъ повЂтЂхъ имЂнья мають.


Уставуемъ, которые шляхта подданые наши мають въ розныхъ повЂтехъ имЂнья свои, таковый маеть въ томъ повЂтЂ, въ которомъ будеть наиголовнЂйшее имЂнье мЂти зо всихъ имЂней своихъ отчызныхъ выслужоныхъ купленыхъ и жониныхъ, самъ стати и почтъ своей ставити.






АРТЫКУЛЪ 9.

О духовныхъ, якъ маютъ службу земскую служыти.

Уставуемъ тежъ и духовные зъ имЂней своихъ свЂцкихъ и костелныхъ наданыхъ, съ которыхъ служба земская военная бывала до сихъ часовъ, такжо зъ имЂней своихъ отчызныхъ купленыхъ и закупленыхъ шляхецскихъ, войнЂ повинныхъ, службу земскую служыти мають тымъ же обычаемъ, выправуючы съ тыхъ имЂней своихъ почетъ повинни при немъ слать за свою особу человЂка доброго шляхтича водлЂ уфалы земское сеймовое.






АРТЫКУЛЪ 10.

Абы се по шыхованю не розъЂджали до домовъ своихъ.


Тежъ уставуемъ, ижъ кождый подданый иашъ пописавшысе, и по шыху обычаемъ вышей описанымъ съ тыми жъ конми и зброями, съ которыми се шыховалъ, при насъ або при гетманЂ нашомъ повиненъ будеть войну служыти а на тыхъ же коняхъ и съ тыми зброями, ажъ до зуполнаго роспусченя зъ войска нашого. А которій бы кольвекъ подданый нашъ, хотя и пописавшыся, а безъ воли и вЂдомости гетманское зъ войска прочъ отъЂхалъ або, што почту своего повинного отпустилъ до дому; таковый имЂнье тратитъ, яко бы войны не служылъ. А если бы тотъ што пенези бравшы, а былъ бы человекъ неосЂлый, а то тежъ учынилъ, таковый кождый честь свою тратитъ такъ, якобы зъ войны утекъ. А на пописЂ маеть кождого коня гетманъ нашъ въ шерсть написати и петно, которое будеть на кони, въ рестръ намалевати. А станъ свой павЂтники на войнЂ при хоружомъ у въ одномъ мЂстцу мають мЂти а не розно.






АРТЫКУЛЪ 11.

Которіе для немоцы своее на войну Ђхати не могуть.


Уставуемъ тежъ, если бы которій шляхтичъ зъ Божъего допущенья былъ немоцъю обложоною хоръ, за которую на службу земскую Ђхати не могъ, а не мЂлъ бы сына дорослаго; тогды маеть ся оповЂдать хоружому своему, въ котораго есть повЂтЂ, а опричей трема шляхтычами, которые немоцы его очыма своими огледавшы и то маютъ намъ або гетману нашому оповЂдати подъ сумненемъ своимъ, а выздоровЂвшы тотъ немоцный предсе будеть повиненъ безъ отступу на потомъ передъ тымъ хоружымъ присягнути, ижъ для правдивое и обложное немоцы не могъ на тую послугу земскую Ђхати, а почотъ свой зъ имЂней на войну пред се послати повиненъ. А панове рады княжаты и панове иные вси врядники наши, которые подъ хороговью повЂтовою не стояли; таковые у форобЂ своей пред се тымъ обычаемъ водлЂ уфалы земское и важности имЂнья своего почотъ выправовати на войну, и по зъЂханью зъ войны безъ отпуску на томъ передъ гетманомъ присегнути повинни, яко были правдивыми. А вЂдже подъ часомъ войны таковый, хто обложною хоробою немоцонъ, маеть оповЂдатися намъ Господару, а въ небытности нашой и гетману нашому; а хто бы кольвекъ изъ становъ большихъ яко и меньшихъ въ таковой речи присегнути не хотЂлъ, тотъ имЂнье свое тратитъ на насъ Господаря.






АРТЫКУЛЪ 12.

О сынехъ заступованъю войны одинъ за другого.


Тежъ уставуемъ, хто бы съ подданыхъ нашихъ изъ шляхтъ будучы самъ здоровъ, а мЂлъ сына дорослого лЂтъ осмнадцати а не нижей, а тотъ сынъ не былъ бы зъ нимъ дЂленый, або и подЂленый, а былъ бы годенъ ку службЂ военной; тогды таковый сынъ можеть за отца войну служыти съ почтомъ отца своего. А вЂдже то естъ и таковый отецъ сына своего весполокъ зъ сусЂды своими трема шляхтичами маеть привести до хоружаго своего, въ которомъ повЂтЂ есть, и ему оповЂдати; а хоружый, узнавшы его годного ку службЂ военной, при кашталянЂ маеть его гетману нашому оповЂдати; а гетманъ нашъ будеть повиненъ таковаго ку попису и ку службЂ нашой пріяти.






АРТЫКУЛЪ 13.

Хто бы замЂшкалъ, на рокъ положоный до войска не пріЂхалъ.


Уставуемъ тежъ, если бы хто замЂшкалъ року отъ насъ, або отъ пановъ радъ нашихъ положоного, а до войска се не поспЂшалъ, або на року се гетмана нашого не постановилъ безъ слушное причыны; тогды таковыхъ огурныхъ и непоспЂшныхъ гетманъ великій у въ особливый реестръ маеть казати писати, и доложывшы того якъ который долго мЂшкалъ; а тые вси такимъ способомъ караны быти мають, ижъ панъ гетманъ маеть ихъ послати на границу, або тамъ гдЂ того потреба Речы Посполитое розумЂти будеть, а они тамъ совитымъ почтомъ, а ве двое такъ много яко змЂшкали, тамь заслуговати будуть повинни.






АРТЫКУЛЪ 14.

О таквомъ, хтобы зъ битвы утекъ.


Уставуемъ тежъ, хто бы первей разъ зъ битвы утекъ, таковый имЂнье тратитъ; пакли тежъ и другій разъ зъ битвы утекъ, таковый за слушнымъ доводомъ отъ гетмана черезъ вырок нашъ господарскій почтивость свою тратитъ.






АРТЫКУЛЪ 15.

О тыхъ, которые на войнЂ коней зброй и броней кому иному позычають.


Тежъ уставуемъ, хтобы кому на войнЂ будучы у войску позычылъ коня зброй торчы древа и всякое броны, а то бы на него переведено; отъ того таковый статокъ увесь черезъ гетмана нашого до рукъ нашихъ забранъ быти маеть. А кгды бы се тотъ же у другій разъ тогды пустилъ; таковый яко омылный слуга Речы Посполитое горло тратитъ.






АРТЫКУЛЪ 16.

По чому отъ попису брати.


Уставуемъ, абы гетианове наши не казали болше брати отъ попису войска писаромъ своимъ, только по пол-грошу отъ коня, то за працу ихъ въ тотъ часъ коли войско наше зъЂжджается; а коли войско нашо маеть быти роспущоно, тогды не маеть гетманъ ани писаръ отъ попису ничого брати подъ ласкою нашою Господарскою. А панъ гетманъ зъ реестру войско роспустити маетъ.






АРТЫКУЛЪ 17.

О старшыхъ, которые надъ людомъ войска нашого послани бывають


Тежъ уставуемъ, которые бы были послани отъ насъ Господара або отъ гетмановъ нашыхъ старшымъ надъ частью людей войска нашого въ розные стороны водлЂ потребы, абы тыхъ всихъ старшихъ вси кождого стану, которіе подъ чіею справою послани будуть, были послушни. А старшие оные справцы, роспущаючи людей, и такъ же ся яко панъ гетманъ заховывати мають.






АРТЫКУЛЪ 18.

О хоружыхъ, абы земянъ дома не осажывали а ни отпущали.


Уставуемъ тежъ и приказуемъ, абы хоружые нашы не мЂли жаденъ зъ нихъ земенина дома осажывати и отпущати, а естли бы который земенинъ дома зосталъ, а хоружый бы того передъ гетманомъ не повЂдилъ и втаилъ, а то бы на него было переведено, ижъ то умыслнЂ оставилъ; тогды таковый хоружый врядъ свой тратить.






АРТЫКУЛЪ 19.

О сторожы военной.

Тежъ уставуемъ, ижъ кгды бы жолнеровъ не было у войску нашомъ; тогды сторожу вси повинни держати войско Великого Князства Литовского, кгдыжъ то не чыя иншая потреба и безпечность, одно ихъ властная.






АРТЫКУЛЪ 20.

О наЂздъ на домъ и гумна на войнЂ шляхецкіе.


Уставуемъ, хтобы на войнЂ будучы одинъ другому на домъ або на гумно наЂжджалъ, або ставы и сажовки волочылъ; тогды тотъ, который на домъ и на гумно будетъ поЂждчати, маеть кгвалтъ и шкоду платити зособна на кождое наЂханье. Такъ тежъ и по дорозЂ Ђдучы, хтобы кому на домъ и на гумно наЂхалъ, а бралъ, або ставы и сажовки выловилъ, або якіе шкоды починилъ; тогды маетъ кгвалтъ и шкоды платити за слушнымъ доводомъ.






АРТЫКУЛЪ 21.

О стацыи, на войнЂ кому бы не доставало.


Уставуем, кому бы съ подданныхъ нашихъ будучы на войнЂ и лежечы войскомъ на одномъ мЂстцу стацыи на самого або на кони его не доставало; таковый маеть зъ вижомъ гетманскимъ Ђхати и взяти съ потребу жывности на себе и на кони, и заплатити водлугъ уставы отъ насъ або гетмана нашого на тотъ часъ положоное водлугъ урожаю; нижли дрова мають брати волно, гдЂ стояти будуть, але домовъ розбирати, плотовъ жечы, становъ и сажовокъ волочыти ани спущати, жытъ яринъ умыслнЂ не травити ани топтати не мають. А хтобы таковый шкоду учынилъ, тотъ шкоду совито маеть платити; а хтобы на збожьяхъ и на яринахъ обозомъ умыслнЂ положылъ и шкоду вчынилъ, такового маеть панъ гетманъ карати водлЂ шкоды и выступу его; а хтобы тежъ маючы стацыю у себе у въ обозЂ досыть, а предсе не вжываючы, иншое собЂ найдовалъ и за вижомъ бралъ, таковый то што озметъ, тому, у кого взялъ, совито ворочати або платити маеть.






АРТЫКУЛЪ 22.

О бранью вижа на стацыю отъ гетмановъ.


Тежъ уставуемъ, хотечы мЂти * на войнЂ, кому бы для недостатку стацый вижа была потреба; тогды гетманъ нашъ виненъ будеть вижа придавати на скупованье стацый. А вижомъ его вижованое не маеть быти давано на милю по грошу, одно жъ на кгвалты бои и тому, хтобы на шкоду свою бралъ вижа, таковымъ вижованое маеть быти давано по грошу на милю, и если на мЂстцу не Ђдучы нигдЂ мили, также по грошу мають давати.






АРТЫКУЛЪ 23.

О кгвалтъ або о находъ военный у въ обозЂ.


Тежъ уставуемъ, если бы хто будучы на службЂ нашой одинъ другого умыслнЂ або оборочаючы або обычаемъ звады наЂхалъ ** або на станъ кгвалтомъ, кого забилъ або ранилъ, а было бы на него переведено; тотъ горло тратитъ. А если бы не ранилъ, але умыслиЂ своволиЂ нашедшы ударилъ, а хотя и не ударилъ *** ; такового панъ гетманъ карати маеть водлЂ баченья своего.



* Въ третьей ред. Стат. «ижъ будучи».

** Въ третьей редак. Стат. «або нашолъ на обозъ».

*** Тамъ же «але словы неучъстивыми соромотилъ, або шкоду якую учинилъ».







АРТЫКУЛ 24.

О людехъ пенежныхъ, якъ маютъ съ имЂней своихъ службу земскую служыти.


Тежъ уставуемъ, хтобы кольвекъ съ подданныхъ нашыхъ пенези наши бралъ, таковые за пенези наши особами маютъ въ гуфЂ пенежномъ становитисе, а зъ особы своее людей годныхъ шляхецскихъ съ почты подъ хоруговью повЂтовою, або тамъ, здавна гдЂ мЂстце свое мають, становити; абы за тые пенези, которые въ ротмистровъ, служба земская зъ имЂней ихъ не гинула.






АРТЫКУЛ 25.

О чужоземские прибылые люди, якъ се мають заховать въ тегненью.


Уставуемъ тежъ, ижъ людей прибылыхъ такъ обчыхъ яко и сусЂдныхъ заграничниковъ пріймовати и вести до панства нашого Великого Князства Литовского и черезъ тое панство маемъ, ижъ за вЂдомостью и радами радъ нашихъ Великого Князства. ВЂдже тые люди прибылые яко тежъ и тутошніе жолнере не мають иншыми дорогами и до иншого мЂстца стягнути и на лежахъ се роскладати, одно тамъ гдЂ мы Господаръ або гетьманъ великій тогожъ Великого Князства ознаймитъ, а лежу роспишетъ; а дорогъ изъ лежъ ихъ отъ насъ и отъ гетмана Литовского даныхъ и ознайменыхъ они Ђздити въ пицованье нигдЂ не мають, але тамъ въ дорозе на ночлегохъ и на лежахъ и зъ сторонъ жывность звезеную они торгомъ або уставою, яко мы зъ радами нашими уфалимъ або гетманъ въ небытности нашой установитъ, маютъ куповати. А порядокъ до данья тое живности и цЂну также мы зъ радами нашими сегожъ панства въ онъ часъ уфалимы водлЂ потребы.






АРТЫКУЛ 26.

О шкоды въ тяненью о жолнеровъ такъ тубылцовъ яко чужоземцовъ.


Тежъ уставуемъ, ижъ гдЂ бы люди пенежные жолнерскіе драби прыбылые изъ иншихъ панствъ и тубылцы ку потребЂ нашой земской того панства нашого тягнули, которые спорные на мЂстца имъ зложоные и назначоные, або на земли нашой украйнной, тогды шкоды ни которіе никому не мають чинити ани на домъ ани на гуина и оборы шляхецскіе наЂжджати и собЂ зъ нихъ брати не мають; але жывность собЂ и всякіе потребы за пенязи купити мають цЂною, або водлугъ уставы, кгды быхмо уставу нашу таковымъ людемъ пенежнымъ учинили, а кгвалтомъ ничого ни въ кого не мають брати. ВЂдже въ таковомъ тягненью за вижы нашими або гетманскими або за врядовымъ, гдЂ бы ити, и зъ селъ подданныхъ своихъ духовные и свЂцскіе стацый на дорогЂ завозити и провадити не хотЂлъ; тогды уставою нашою платечы мають брати. А хтобы зъ нихъ на домъ або на обору и на гумна шляхецскіе такъ духовныхъ яко и свЂцскихъ для стоянья и для бранья стацый наЂхалъ, або нашолъ кгвалтомъ; таковые горло тратять, а шкода маеть быти плачона исъ статку его. И такъ о тотъ кгвалть яко и оные шкоды, которіе бы ся комужъ кольвекъ отъ жолнеровъ и отъ драбовъ въ тягненью безъ гетмана стали, рохмистрове и зъ старостами або державцами нашими, подъ которого повЂтомъ або врядомъ то ся станеть, мають справедливость и отправу каранье заразъ не откладаючи чинити, водле сего права и статуту тогожъ Великого Князства Литовского. Кгды бы ротмистръ таковыхъ збытныхъ и шкодниковъ за обсыланьемъ старость и державецъ не ставилъ и справедливости каранья и нагороженья вдЂлати не хотЂлъ; тогды тые врядники наши намъ Господару або гетману нашому мають оповЂдати або дати знати; а мы або въ небытности нашой гетманъ нашъ ротмистровъ таковыхъ, противныхъ статутови и уфалЂ земской, везеньемъ, а выступниковъ шкодниковъ таковыхъ водлЂ выступу ихъ карати маемъ, яко вышей есть о томъ написано. ВЂдже сесь артыкулъ и постановенье наше статутовое за границахъ або на мЂстцахъ при даванью пенезей маемъ казати служебнымъ, оповЂдати для того, абы се не вЂдомастью не вымовляли.






АРТЫКУЛЪ 27.

О блудяги на войнЂ.


Уставуемъ о блудяги, абы кождый у войску нашомъ въ тегненью не смЂлъ коня блудяги держати въ себЂ только черезъ ночь а мЂстцу до третего дня, але тогожъ часу маеть его вести до гетмана нашого. А хтобы держалъ далЂй нижли черезъ ночь таковый конь за злодЂйство маеть быти поличонъ; такъ тежъ и кождую речъ знашодшы нести маеть до гетмана. А гетманъ нашъ не маеть казати отъ блудяги брати болшей толко отъ коня по грошу, а о иншые рЂчы, въ обозЂ закликати, а то, што нашолъ маеть, до пана гетмана отдавати.






АРТЫКУЛЪ 28.

О указанью а пописованью шляхты повЂтовое у воеводствахъ або у староствахъ головныхъ.


Уставуемъ тежъ мы Господаръ и приказуемъ, всихъ радъ нашихъ Великого Князства Литовского, вЂдаючи того потребу часу покою, роскажемъ и рокъ листы нашими ознаймимъ всимъ обывателемъ Великого Князства всякого стану, яко хто водлугъ уфалы земское служыти войну повиненъ, абы оказывали и пописовалисе въ повЂтЂхъ судовыхъ оного дня. А мають ся оказовати и пописовати передъ воеводами, а въ земли Жомоитской ино передъ старостою Жомоитскимъ, а индей передъ головными старостами, а хто въ розныхъ повЂтЂхъ имЂнья маеть, тотъ при головнЂйшомъ имЂнью иншыхъ имЂней своихъ почотъ показовати и пописовати мають; а тые воеводове и старостове головные въ тотъ часъ свое почты показовати и пописовати мають, якъ которые се тамъ для попису и оказованья изъЂдуть, тые жывность собЂ не уставою але торгомъ куповати иають, а отъ того попису у тыхъ, которые се тамъ зберуть и укажугь, не мають ничого брати.






АРТЫКУЛЪ 29.

Яко на войнЂ повинные у войску отъ гетмана далеко становитисе не мають.


Уставуемъ тежъ, абы нихто не смЂлъ далЂй мили отъ гетмана нашого у войску становитися, але такъ яко имъ водлЂ потребы часу панъ гетманъ раскажетъ.














Попередня     Головна     Наступна


Етимологія та історія української мови:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчани, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.