Попередня     Головна     Наступна





РОЗДЂЛЪ 4-Й О СУДЬЯХЪ И О СУДЂХЪ *.



АРТЫКУЛЪ 1.

О выбиранью судей въ повЂтЂ.


Уставуемъ, ижъ въ тыхъ повЂтЂхъ, которые суть нижей росписаны, и въ кождомъ таковомъ повЂтЂ, гдЂ еще до сихъ часовъ не обраны, зособна мають быти судья подсудокъ и писаръ, которые такъ и тымъ обычаемъ мають быть выбираны и на таковые уряды установлены. На первей маемъ мы Господаръ часъ певный зложити и то листы нашими по всихъ таковыхъ повЂтехъ ознаймити, гдЂ въ кождомъ повЂтЂ княжата панове рада наша, также рицерство и шляхта вси, хто кольвекъ якого стану будетъ тамъ имЂнья свои мЂти, зъЂхатися мають до двора, которій на посродку того повЂту будетъ, и тые которые ся зъЂдутъ не ждучи никого, хтобы въ повЂтЂ имЂнье маючи пріЂхати не хотЂлъ, ку тому року мають выбрати зо всее шляхты того повЂту братьи своее на кождый врядъ таковый, на судейство чотырохъ людей добрихъ, на подсудство другихъ чотырохъ, на писарство третихъ чотырохъ людей добрыхъ, цнотливыхъ, ростропныхъ въ пра†у мЂстныхъ**, роду шляхецского, въ томъ повЂтЂ добрЂ оселыхъ, не иное вЂры только Хрестіянское; и выбравшы ихъ, тыхъ выбраныхъ черезъ листы свои намъ Господарю ознаймити мають, а мы съ тыхъ всихъ дванадцати особъ выберемъ трехъ до того повЂту на врядъ земскій, на

судъ судою и подсудка и писара.



* Это заглавіе взято изъ третьей редакцій статута; въ рукописи же второй редакціи заглавіе раздЂла не написано.

** Замість слів «у мЂстныхъ» має бути «умЂстныхъ».



Которіе отъ насъ выбраные и потверженые на першыхъ рокохъ судовыхъ передъ повЂтовымъ воеводою, або въ небытности воеводиной передъ кашталяны, а въ земли Жомоитской передъ старостою Жомоитскимъ, при зобранью шляхты, што ихъ тамъ въ томъ часЂ будеть, маеть судья подсудокъ и писаръ присегнути тыми словы:


Я присегаю Пану Богу во Троицы единому, ижъ въ томъ повЂтЂ водлЂ Бога справедливе подле права и статуту сего писаного Великого Князства Литовского, водлугъ жалобы и отпору, ничого не прикладаючи ани уймуючи, буду сознавати и записы пріимовати, не фолкгуючи высокимъ и подлымъ станомъ на достойностяхъ и на врядехъ седячимъ, на богатого ани на вбогого, на пріятеля кровного заховалого, ани на непріятеля, на тутошнего, не на гостя не смотречи, не съ пріязни не зъ вазни не зъ боязни не за посулы и дары, ани сподеваючися на потомъ дарованья и якого нагороженья, и не радечи сторонЂ, а ни боячися казни помсты и погрозокъ, але самого Бога и его светую справедливость и право посполитое и сумнЂнье свое передъ, очима маючи, тежъ роковъ николи не омЂшкиваючи, кромъ великое правдивое и зложное хоробы; а якъ то справедливе присегаю Богу, такъ ми Боже помози; а естли несправедливе,— Боже ми не поможы.


А писаръ земскій маеть по Руску литерами и словы Рускими вси листы и позвы писати, а не иншымъ языкомъ и словы, и такъ маетъ писаръ присегати.


Я, N, присегаю Пану Богу въ Троицы единому на томъ, ижъ справедливе водлЂ Бога и того права писаного и подлугъ мовенья и споровъ сторонъ, ничего не прикладаючы ани уймуючы, у суду записовати и радити судьи и подсудку вЂрнЂ и справедливе, подлЂ сознанья сторонъ и споровъ на судехъ и освЂдченья и оповЂданья судового и сказанья судового, и въ книги судовые вписовати буду а пилновати и догледовати, абы подлЂ сее присеги моее справедливе были вписованы, не маючы баченья на высокіе а ни подлые станы на достойностяхъ седячыхъ, на богатого, ани на вбогого на пріятеля кровного заховалого, ани на непріятеля, на тутошнего, ани на гостя, не съ пріязни не зъ вазни не за посулы и дары, а не боечыся вазни и помсты и погрозокъ, не ждучы нагороженья, але самого Бога и его светую справедливость и право посполитое передъ очима маючы, и сумнЂнье свое добрЂ а побожнЂ справуючы, такъ ми Боже поможы.


А потомъ, кгды бы который съ тыхъ на початку и знову отъ насъ теперъ выбраные умеръ, судья, подсудокъ, або писаръ, а трафило се бы то въ небытности нашой; тогды тые, которые на тыхъ урядЂхъ зостануть, мають о томъ дати знати воеводЂ своему, а въ земли Жомоитской старостЂ Жомоитскому; а воевода маеть черезъ листы свои старостамъ врадникамъ и шляхтЂ того повЂту, а староста Жомоитскій тивуномъ шляхтЂ и всякого стану оное Жимоитское земли обывателемъ часъ зложити, на который зъЂхавшися вси станы оного повЂту и до такового двору нашого, яко вышей описано, мають на мЂстце того умерлого чотырохъ особъ таковыхъ же, яко и первымъ выменено, обрати и намъ черезъ листы свои отворотные за печатью воеводиною ознаймить; а мы потомъ съ тыхъ чотырохъ одного, который се намъ видЂти будеть, выбравшы на мЂстцЂ того умерлого судьи подсудка або писара, которого съ тыхъ въ тотъ часъ потребовати будуть, не отволочнЂ установити. А гдЂ бы на судство обрали подсудка або писара земского; тогды на тое мЂстце тамъ же за разомъ на тотъ врядъ обобравшы къ намъ послати мають; а тотъ, кому тотъ врядъ дамо, потомъ на першыхъ рокохъ судовыхъ будеть повиненъ первей на мЂстцу тамъ передъ тымъ воеводою або кашталяномъ и передъ старостою оного суду такъ, яко вышей описано, присегнути, тожъ потомъ врядомъ своимъ владнути и справавовати. И такъ мають вжо вЂчными часы въ повЂтехъ около выбранья тыхъ врядниковъ справоватися и заховати.






АРТЫКУЛЪ 2.

О моцы и владности судей, ижъ кождый и кождого стану повиненъ передъ нами становитися, и о томъ, хтобы передъ насъ не сталъ.


Тежъ уставуемъ и даемъ моцъ вЂчными часы, звирхностью владности нашое господарское съ прозволеньемъ пановъ радъ нашихъ и всихъ становъ всихъ земль того панства нашого Великого Князства Литовского, тымъ врядомъ повЂтовымъ въ кождымъ повЂтЂ судьи и подсудку на роки зложоные позывати передъ себе, судити и справовати всихъ пановъ радъ духовныхъ и свЂцскихъ, княжатъ, пановъ хоруговныхъ, шляхту и бояръ о земскіе речы зъ имЂней однако одностайно, хто одно кольве въ томъ повЂтЂ имЂнья свои мЂти будеть, жадного не выймуючы ани зъ суду имене ихъ не выпущаючы, кромъ насъ Господара и врядниковъ зъ имЂней нашихъ, а не ихъ имЂней, тыхъ они судити не могуть, толко мы Господаръ, або тотъ кому то подъ часомъ воли нашое злецымъ. А хто бы кольвекъ маючи имЂнье свое въ томъ повЂтЂ передъ ними се становити не хотЂлъ на часы певные, яко то нижей на своемъ мЂстцу постановлено, за позвы не хотЂлъ, або и ставшы съ початку а до конца розсудку и сказанья ихъ не слухаючы прочь отъ суду отышолъ, не хотечы быти права послушнымъ; на таковые хто кольвекъ будеть, такъ высокого яко и низшого стану, даемъ моцъ зуполную оному вряду земскому судьи и подсудку, ижъ мають подле сего права и артыкуловъ нижей о томъ постановеныхъ и написаныхъ поступокъ и сказанье и отправу чинити противъ кождому, яко хто у во што упадетъ, ажъ до остатнего стопня права. Нижли тотъ судъ земскій толко тыхъ артыкуловъ судити не маеть и моцы мЂти не будеть, которіе нижей у артыкулЂ двадцатомъ суть описаны и замковому суду злецоны обычаемъ и способомъ о поступкахъ описанымъ. А выписы и листы судовые маеть писаръ рукою своею подписывати а не выдавати сторонЂ, ажъ передъ судьею и подсудкомъ вычтетъ первей нижли до книгъ уписавши.







АРТЫКУЛЪ 3.

О пересудахъ судьи подсудку або писару.


Тежъ уставуемъ, ижъ кгды бы судъ земскій и которій же кольвекъ врядъ нашихъ кому што на комъ присудилъ; тогды отъ презыску того, хто зыщетъ, судья и подсудокъ мають брати отъ копы одному грошу, и съ того пересуду судьи два грошы а подсудку третій грошъ. Нижли што се дотчыеть, долгу хтобы платити не хотЂлъ, ажъ за позвы съ права; тогды не тотъ пересудъ платити маеть, хто зыщетъ свою суму, але тотъ, хто позычилъ а безъ права заплатити не хотЂлъ, таковый самъ долги и пересудъ платити повиненъ будетъ, окромъ долковъ по умерлой руцЂ. А што се дотычеть того, хто се отъ кого оттяжетъ; тогды памятного яко отъ великое такъ и отъ малое речы не повиненъ дати большей только чотыри грошы. А писару земскому и кгродскому такій доходъ: отъ кождыхъ позвовъ по грошу, за вписованье въ книги грошъ, отъ выпису съ книгъ грошъ, и оповЂданья крывды писарю грошъ, а отъ судовыхъ листовъ и выписовъ за кождый позовъ, кгды отсужонъ будеть, по два грошы; а черезъ то яко вышей описано, бы тежъ наиболшей письма и працы было и речъ наиважнЂйшая, писари не мають больше брати отъ листу паркгаминового, естли сторона потребуеть съ привЂсистыми печатьми, за працу писару дванадцать грошей, а паркгаменъ шнуры и воскъ сторона будеть повинна дати.






АРТЫКУЛЪ 4.

О возныхъ присезЂ и врядЂ ихъ.


Уставуемъ, хотечи мЂти, абы въ пра†земскомъ завжды порядокъ и справа обычайнЂ шла, даемъ моцъ, абы воеводове въ кождомъ повЂтЂ судовомъ, гдЂ книги лежать, а староста Жемоитскій тамъ въ той земли Жомоитской возныхъ выбирали пострыгали уставляли тежъ шляхту людей добрихъ вЂры годныхъ цнотливыхъ оселыхъ въ томъ же повЂтЂ, такъ много яко бы ихъ потреба указовала водлЂ повЂту и шырокости его а потребы людской, а принявшы отъ его присегу въ рейстра свои вписовати и листы свои таковымъ вознымъ давати мають, и присега имъ маеть быти выдана тыми словы:

Я, N, присегаю Пану Богу въ Троицы Единому на томъ, ижъ будучи мнЂ вознымъ маю вЂрнЂ и цнотли†и побожнЂ на томъ врядЂ заховатися, позвы справедливе относити и отдавати тежъ правдиве зозновати то, на што буду посланъ, кгвалты бо и огледавши и раны правди†до книгъ врядовыхъ сознавати, и все иншое справовати, што належытъ врадови моему, не за посулами ани пріязнью ани за непріязнью ани за боязнью, одно водлЂ Бога и светое справедливости, такъ ми Боже поможы.— А завжды возный посланый зъ уряду што кольвекъ справовати будеть, при кождой таковой спра†мають мЂти при собЂ сторону двохъ шляхтичовъ, о которіе не возный але сторона старатися и ихъ собЂ набывати маеть.






АРТЫКУЛЪ 5.

Справа и врадъ возного.


А то врядъ возного: позвы носити и ими позывати, хотя безъ вЂдомости врядовое, и рокъ складати водлугъ старого обычаю, а заповЂдити ижъ бы отъ права не уЂжджали, свЂдкомъ водлЂ сказанья у суду присегу выдавати, при освЂдченью всякомъ быти, увязывати зъ выроку и съ првданья судьи и подсудка за листы ихъ, а кгвалты розбои раны головщызны оглядывати и до книгъ врядовыхъ, отъ которого вряду будеть посланъ, сознавати, и завжды маеть мЂти при собЂ при кождой таковой спра†двухъ шляхтичовъ для подпору вызнанья и свЂдецства своего, а вЂдже бои грабежы и крывды раны и иншые шкоды тымъ подобные меншые а не крывавые, которые самъ одинъ и безъ стороны шляхты огледати и безъ посланья врядового на то Ђхати можеть, однакожъ безъ жадного омЂшканья то все до книгъ врядовыхъ маеть сознати, а сознане возного въ книгахъ такъ будеть моцно, яко бы самъ возный очевисто сталъ. А гдЂ бы возный до книгъ не доЂхавшы и сознанья не вчынившы умеръ, а не было бы то въ книгахъ; тогды оная шляхта сторона и по смерти оного возного маеть стати и подперети сознанья его. А гдЂ бы возный што кольвекъ такового непристойнаго справовалъ, албо ижъ бы неправди†сознавалъ, альбо врядомъ своимъ ку шкодЂ которое стороны фальшовалъ, шафовалъ за якою жъ кольвекъ причиною; тогды за доводомъ ничымъ только горломъ маеть быти каранъ. А што се дотычеть доходу возному, отъ кого што маеть брати, то естъ коли гдЂ на которую справу поЂдеть, тогды отъ мили по грошу у въ одну сторону, а што назадъ поЂдеть, за то ничого брати не маеть; а если мили не поЂдеть, только на мЂстцы позвы дастъ огледывати кгвалту ранъ або прислухиватисе чого будеть предсе, ему отъ того грошъ, а отъ свЂдченья грошъ; а гдЂ на увязованье поЂдеть зъ тыхъ же людей, въ которые се увязывати будеть, зъ службы по грошу брати маеть, а съ пустовщызны таковое, которую пашуть, по пол-грошу, а отъ пол-службы а отъ сумы пенезей отправуючы се отъ копы по два пенези брати будеть.






АРТЫКУЛЪ 6.

Хто бы возного за посланьемъ и за листы вряду замкового и земского на справтъ сбилъ, або листы въ него отнемшы содралъ.


Уставуемъ тежъ, хто бы возного на спра†за листы воеводъ вряду замкового або повЂтового збилъ, або листы отъ него отнемшы содралъ, и тымъ врядъ не учтилъ; тогды тотъ за доводомъ слушнымъ маеть возного навезати совито водлЂ стану его, а не замку албо у дворЂ повЂтовомъ шесть недЂль седЂти, а сторону которую бы при возномъ сбито маеть также за слушньшъ доводомъ навезати водлЂ стану, якого будеть.






АРТЫКУЛЪ 7.

Абы особы врядовые сами судили а нихто иншый на ихъ мЂстцу.


Уставуемъ, абы судья и подсудокъ сами черезъ себе ани черезъ свои намЂстники суды и роки отправовали, окромЂ того еслибы который зъ нихъ самъ захоралъ, альбо бы тежъ свои власные потребы мЂлъ; тогды маеть человЂкомъ добримъ, цнотливымъ, вЂры годнымъ, и въ пра†умЂстныхъ шляхтою такъ же въ томъ повЂтЂ оселомъ, мЂстце свое засадити. А вЂдьже тотъ судья або подсудокъ, который се форымъ мЂнилъ быть, на другихъ рокохъ подъ тою жъ присегою, которую на врядъ свой присегалъ, маеть повЂдити, ижъ правдиве немоцонъ былъ, а не ку зволоцЂ права а ни ку чыей шкодЂ тою се форобою вымовлялъ. А гдЂ бы судья або подсудокъ безъ правдивое и обложное немоцы роковъ судовыхъ омЂшкивалъ, а то бы се колко кроть показывало, таковый врядъ свой тратить. А писаръ можеть подписка, або одного або и двохъ або колко ему будеть потреба, при собЂ мЂти, а пилнЂ самъ завжды догледати, абы вЂрнЂ а правди†не проволокаючы але за разомъ до книгъ записывано было, а гдЂ бы се што такового въ пра†отъ нихъ мылило, неповинна будеть шляхта подписковъ смотрЂти, але на самомъ писару за оною помылкою шкоды своее доходити мають. А гдЂ быхмо зъ тыхъ врядника земского судью подсудка або писара на справы земскіе або въ посельст†послали; тогды до зверненья того маемъ злетити и засадити мЂсце его человЂкомъ добримъ, шляхтичомъ въ томъ же повЂтЂ оселымъ; а тотъ маетъ первей въ томъ же повЂтЂ на рокохъ першыхъ передъ урядомъ замковымъ на томъ присегнути, ижъ до зверненья оного врядника справедливость людскую правдиве отправовати будеть.






АРТЫКУЛЪ 8.

О судьяхъ, якіе мають быти обираны.


Уставуемъ, ижъ на тые вряды яко на судейство на подсудковство и писарство не мають быти выбираны духовные особы, а ни старостове державцы, а ни тивунове того повЂту, а ни хоружые и ни хто таковый, хтобы въ томъ повЂтЂ нашомъ врядникомъ былъ; але таковые и такъ мають быти выбираны яко вышей описано.






АРТЫКУЛЪ 9.

Яко и при комъ позвы позыватися мають, и якъ и гдЂ то освЂдчыти, и што возному за проЂздъ давати.


Тежъ хтобы на кого позвы взялъ и тыми позвы позывати его хотЂлъ, тогды позвы колько ихъ будеть, маеть очевисто давати и позывати можеть очевисто при костелЂ у суду и на кождомъ мЂстцу, гдЂ бы кольве его зостати и найти могъ, черезъ возного; а гдЂ бы ихъ очевисто дати не могъ, тогды на имЂнью того, съ которого се крывда дЂеть, маеть положыти въ дворЂ томъ, або у ворота уткнути; а естьли въ томъ имЂнью, съ которого кривда дЂеть, двора оного пана не было и ку жадному двору того пана оное имЂнье не прислухало, яко то бываетъ села данники на Руси и инде въ томъ панст†нашомъ, тогды тые позвы предсе што до наиблизшаго двора тое волости оного пана несены и въ ономъ дворЂ, яко о томъ вышей описано, врядовнЂ покладаны быти мають, и рокъ, который за тыми позвы зложыть, маеть на обоихъ позвехъ написати, абы и позваная и поводовая сторона року вЂдоми певны и пилны были. А кгды бы возный писати не вмЂлъ; тогды будеть повиненъ оного позванья сознанье на письмЂ подъ печатью своею дати и на рокохъ судовыхъ передъ врядомъ земскимъ сознати, которое сознане за слушное у права принято быти маеть.






АРТЫКУЛЪ 10.

О печати нашой господарской земской и тежъ о печатехъ врядовыхъ, которими што печатано маеть быти.


Тежъ мы Господаръ даемъ подъ гербомъ того панства нашего Великого Князства Литовского, погонею, печать до кождого повЂту, тую печать писаръ земскій присяжный въ себе самъ а не хто иншый ховати маеть, которою печатью и подъ тытуломъ нашимъ позвы мають быти печатованы а выдаваны, а иншые никоторые листы выписы и сознанья кромЂ только самихъ позвовъ тою печатью не маеть быти печатовано; але будуть печатованы всякіе листы того вряду земского судовые выписы и сказанья печатьми судьиною подсудковою, а подписованы рукою того жъ писара земского.






АРТЫКУЛЪ 11.

О книгахъ земскихъ, въ кождомъ повЂте гдЂ будутъ хованы.


Уставуемъ тежъ, хотечы то мЂти, и приказуемъ, абы въ кождомъ таковомъ повЂтЂ, гдЂ судъ земскій будеть, въ замку альбо у дворЂ нашомъ, судья подсудокъ и писаръ земскій посполъ зъ шляхтою выбрали збудовали и патрыли таковое мЂсто, гдЂ бы завжды книги земскіе безпечнЂ отъ всякое пригоды были захованы. А кгды роки ихъ сужоны будуть, по выволанью роковъ мають книги еще не мней тры дни лежати, при которыхъ быти мають не отъЂждаючы судья подъсудокъ и писаръ для сознанья и выписовъ бранья и для иншыхъ потребъ шляхецскихъ; а разъЂжджаючися мають тые книги вложыти и заховати въ скриню моцную за трема замками, отъ которыхъ одинъ ключъ будеть у судьи другой у подсудка а третій у писара, а печатьми своими запечатовати мають. А передъ роками тотъ урядъ яко судья такъ подсудокъ и писаръ за три дни мають пріЂхати и списати въ реестръ позвы для того, хто кого первей позвалъ, абы тежъ тотъ а не иный былъ первей сужонъ. А кгды зъ реистру тры разы вызовуть, а не отзоветца тотъ кого волають; таковый маеть быти сказанъ, яко бы не сталъ. Тымъ же обычаемъ и поводовая сторона маеть розумЂно быти, ижъ волавшы сторонъ одного дня и другого, а третего дня волавшы, сторона не уставаючая року маеть быти сказана за нестанье свое.






АРТЫКУЛЪ 12.

Хто бы за позваньемъ позвы на першые другіе и третіе роки не сталъ безъ причыны слушное.


Уставуемъ тежъ, хто бы будучы позванъ на першыхъ рокохъ не сталъ, и причины слушное нестанья своего у суду не оповЂдалъ; таковый маеть сторонЂ на другихъ рокохъ, первей нижли у судъ уступитъ, заплатити нестаного копу грошей, а суду дванадцать грошей, то естъ судьи осмъ грошей а подсудку чотыри грошы. А гдЂ бы о тое жъ на другіе роки также будучи позванъ у права не сталъ; тогды сторонЂ маеть заплатити три рубли грошей, а суду двадцать и чотыри гроши. А естли бы также на третихъ рокохъ судовыхъ о тоежъ будучы позванъ у права не сталъ; таковый вжо въ речи своей упадываеть и тую речъ, о которой былъ позванъ на тые три роки судовые, вЂчиЂ тратитъ; а судъ на таковомъ упорномъ тое о што позванъ будеть шкоды и наклады правные сказати маеть. А гдЂ бы сторона позваная ставшы на рокохъ третихъ упоромъ своимъ тыхъ винъ за нестанье свое платити не хотЂла; тогды о што позвана будеть въ речи своей упадываеть такъ, яко бы и на вси роки не стала, а судъ маеть на таковомъ упорномъ тое, о што былъ позванъ, сказати.






АРТЫКУЛЪ 13.

Хто бы за хоробою або за послугою нашою земскую за позвы стати не хотЂлъ.


Тежъ уставуемъ, хто бы былъ позванъ на роки судовые першіе другіе и третіе, а зашла бы его хороба, або послуга наша земская и припалые потребы земскіе, або сеймъ вальный, або тежъ повЂтрее моровое, для которыхъ бы на тыхъ трехъ рокахъ судовыхъ стати не могъ; тогды за таковымъ нестаньемъ яко нестаного платити такъ и речы тратити не маетъ, нижли особъ суду и сторонЂ маеть дати знати: если жъ бы послуга наша земская або потреба тежъ припала земская, тогды черезъ листы наши и пановъ радъ нашихъ, если бы хороба, тогды листомъ своимъ отворонымъ черезъ у моцованого пріятеля або слугу своего, а сеймъ и повЂтрее моровое то само собою кромъ обсыланя вымовляеть. А вЂдже тотъ, который се форобою закрываеть, потомъ на першыхъ рокохъ за припозванемъ стороны поводовое маеть се отприсегнути, яко правдиве былъ немоцонъ, а если бы присегнути не хотЂлъ, тогды въ речы своей опадываеть. А если бы на третихъ рокохъ за форобою не сталъ, тогды на тыхъ третихъ рокохъ маеть судъ земскій послати до него вознаго и при немъ двохъ шляхтичовъ, передъ которыми тотъ форый на томъ маеть присегнути, ижъ по вси тые роки форъ былъ и за тою форбою стати не моглъ; а кгды присягнеть, на онъ часъ отъ всихъ винъ вышей описаныхъ будеть воленъ, а кгды бы присегнути не хотЂлъ, таковый оный выны маеть платити. И хотя бы предсе форъ былъ, вжо будеть повиненъ самъ черезъ себе або черезъ умоцованого своего на четвертыхъ рокохъ на конецъ усправедливитися не вымовлячисе форобою. Пакли жъ бы и въ четвертыхъ рокохъ черезъ умоцованого усправедливитися не хотЂлъ, тотъ вжо въ речы той, о которую позванъ, упадываетъ и вЂчнЂ то сказано быти маеть.






АРТЫКУЛЪ 14.

Хто бы кого позвавшы на роки судовые, самъ безъ слушное причины не сталъ.


Уставуемъ тежъ, хто бы кого позвавшы ку праву, а будучы стороною поводовою, безъ слушныхъ причинъ, яко вышей о позваномъ описано, и не даючы о собЂ причины слушное суду и сторонЂ знати не далъ, и самъ съ доводомъ своимъ не сталъ; тогды оному позваному, гдЂ бы хотЂлъ его о то другій разъ позвати, маеть первей за нестанье свое справу и накладъ его заплатити, тожъ потомъ о свое мовити. А пакли бы и другій разъ позвалъ о тую жъ речъ, и самъ же и повторе не сталъ; тогды тую речъ, о што позвалъ, тратитъ, а позваный тотъ, хто року и права за позвы пилнуеть, вжо отъ того часу о што позванъ на вси пришлые часы будеть воленъ *.



* Въ трет. ред. стат. прибавлено: «Ведже и обмова тая, причинами статутовыми, хоробою, або службою нашою Господарскою и земскую, сторонЂ поводовой немаетъ большъ ити и служити, только на своихъ рокохъ. А если бы сторона» и пр.



А если бы сторона поводовая ставшы и у право уступившы, маючы споръ зъ стороною обжалованою на пра†зъ якихъ припалыхъ причынъ, о которыхъ передъ правомъ не вЂдала, а брала се еще на якій иный доводъ, которого на тотъ часъ ку праву на судЂ зъ собою мЂти не могла, або о немъ не вЂдала, а просила бы на отложене на другіе роки судовые; тогды судъ маеть того допустити, а тымъ речы своей не тратить, а на другихъ рокохъ судовыхъ естли бы самъ не сталъ, або доводу не ставилъ, тогды речъ свою тратитъ. Такъ тежъ и сторона позваная если бы на тыхъ рокохъ и за такъ короткимъ часомъ ему за позвы зложонымъ не могла правди†за якою слушною причиною пристойною и вЂдомою листовъ або заводцы мЂти, и брала бы се въ таковыхъ рокохъ и артыкулехъ на другіе роки; тогды судъ маеть ей того допустити, а вЂдьже на тыхъ другихъ рокохъ будеть повинна зо всимъ готова быти, и то передъ судомъ яснЂ показати, ижъ тотъ рокъ собЂ одержала и впросила не на проволоку якую сторонЂ поводовой, але ижъ безъ того быти не могло. А гдЂ бы се то у суда показало, ижъ неслушнЂ ку кривдЂ и проволоцЂ сторонЂ противной таковый рокъ хто собЂ одержалъ, маючы то мЂти на першыхъ рокохъ; таковый повиненъ сторонЂ шкоды, которые за отволокою его принела, на чомъ присягнеть, платити будеть.






АРТЫКУЛЪ 15.

Хто бы кого черезъ судъ або еднане ку праву позвалъ.


Уставуемъ, хто бы съ кимъ мЂвшы право и утратившы которую речъ на пра†або еднаньи, а по судЂ зъеднавшы о то за се его до права позвалъ, и по пра†тое жъ речы за се знову искалъ и того доходилъ; таковый будеть повиненъ заплатити сторонЂ семь копъ грошей, судьи д†копе грошей, а подсудку копу грошей, а тотъ судъ и единанье предсе при моцы зостати маеть.






АРТЫКУЛЪ 16.

Ижъ въ позвЂхъ нихто не маеть ни на кого речей неучтивыхъ писати и образливыхъ доброй славЂ.


Уставуемъ тежъ, ижъ въ позвЂхъ нашихъ земскихъ тые, которые ихъ беруть, не мають писати речей доткливыхъ ку почтивости; а гдЂ бы позвалъ такъ, тогды на такіе позвы сторона позваная ставшы не повинна отповЂдати, ажъ се онъ на другихъ рокохъ на позвЂхъ своихъ поправить, нижли што се дотычеть наЂздовъ домовыхъ, кгвалтовъ бЂлымъ головамъ, выжоги, разбоевъ и иныхъ злочынствъ, которые артыкулы на врядъ нашъ замковый судъ а не земскій належать, о то каждый подлЂ учынку такового можеть въ позвехъ меновите написати.






АРТЫКУЛЪ 17.

Хто имЂнья свои въ розныхъ повЂтехъ маеть, а доколка судовъ розныхъ зъ имЂней розныхъ на одны роки за разомъ будетъ позванъ.


Уставуемъ, естли бы хто съ подданыхъ нашихъ въ розныхъ повЂтехъ имЂнья свои мЂлъ и до розныхъ судовъ былъ позванъ, а роки бы на одинъ часъ въ тыхъ повЂтЂхъ, до которыхъ естъ до суду позванъ, притрафили; тогда маеть въ томъ повЂтЂ стати, до которого естъ о большую речъ припозванъ. А вЂдже сутяжымъ своимъ маеть черезъ листъ свой и черезъ возного и шляхту людей добрихъ стороннихъ и суду повЂтовому, у которого се не становитъ, о собЂ дати вЂдати, ижъ для лепшое и большое речы, о которую естъ позванъ до иншого повЂту, тамъ не становится; а однакожъ съ тыхъ книгъ, у которого се суду становилъ, взявшы выписъ на другихъ рокохъ маеть показати передъ судомъ, у которого се не становилъ, иже се правдиве болшою справою вымовлялъ, тогды нестанного неповиненъ будеть платити. А вЂдже на третихъ рокохъ не маеть се болшою справою вымовляти, але се повиненъ становити и въ отказЂ быти яко на завитомъ року, естли не самъ черезъ себе, тогды черезъ умоцованого своего подъ утратою тое речи, о которую позванъ; а предсе оного суду, гдЂ первей и повторе се становилъ, маеть выписъ передъ урядомъ показати.






АРТЫКУЛЪ 18.

Што бы се стало пры бытности нашой и при дворЂ нашомъ, которимъ обычаемъ то маеть сужоно, а хто бы черезъ заказ * утъхалъ; о гостяхъ чюжоземцахъ.


Уставуемъ тежъ, гдЂ бы при бытности нашой господарской въ томъ панст†нашомъ Великомъ Князст†Литовскомъ, гдЂ кольвекъ будучи намъ дворомъ нашимъ, учинилъ хто кому кгвалтъ бой раны або якую шкоду; тогды тотъ обвиненый учинившы то при дворЂ нашомъ не маеть се повЂтомъ вымовляти, ани позвы брати и ими се закрывати. Але заразомъ черезъ дворенина нашого будеть повиненъ передъ нами або передъ тымъ урядомъ нашимъ дворнымъ Великого Князства Литовского родичомъ, кому то отъ насъ злецоно будеть, заповЂданый, ставшы усправедливитися передъ урядомъ нашимъ кождому тутъ же и тутошнимъ правомъ безъ року, только за заказомъ, не вымовляючи ани закриваючисе правомъ своимъ. А пакли бы которому чужоземцу при насъ Господары, або хотя и въ небытности нашой, въ которомъ мЂстЂ або подъ которымъ урядомъ у котораго тубылца сталсе кгвалтъ бой разбой зраненье отнятье кгвалтовное маетности его, што кольвекъ съ тыхъ поменныхъ речей; тогды обвиненый въ тыхъ речахъ безъ позву, а мЂщанинъ и простый человЂкъ безъ року, не проволокаючы ничымъ повиненъ усправедливити за заказомъ передъ нами и передъ воеводами врядники нашими замковыми и дворными, а мЂщанинъ мЂшкаючы подъ правомъ Майдеборскимъ передъ мЂскимъ урядомъ. А естли бы хто съ подданыхъ нашыхъ на жалобу гостиную былъ заповЂданъ, а прочъ уЂхалъ; тогды на имЂнье его зъ листомъ нашимъ дворенинъ нашъ маеть быть посланъ, або врядъ замковый маеть послати зъ листомъ своимъ, хотя бы его на имЂнью не было, предсе тотъ листъ на имЂнью его маеть быти положонъ и рокъ зложонъ, ку праву за д†недЂли стати, а онъ наконецъ не вымовляючисе будеть повиненъ на тотъ часъ стати и усправедливити, а гдЂ бы предсе на тотъ день ему зложоный не сталъ, тогды маеть быти то на немъ, о што жалоба естъ, водле доводу сказано и отправа дана.



* Въ подлин. пропущено: заказъ.








АРТЫКУЛЪ 19.

О тыхъ, которые не маючы въ томъ повЂтЂ або врядЂ нашомъ осЂлости и тамъ, пріЂхавшы зъ стороны або зъ иного повЂту, збытокъ учинилъ.


Тежъ уставуемъ, ижъ хто кольвекъ зъ иное земли чужоземецъ або хтожъ кольвекъ неосЂлый въ томъ панст†нашомъ Великомъ Князст†Литовскомъ, пріЂхавшы въ который кольвекъ повЂтъ, гдЂ осЂлости не маеть, або подъ врядъ и до мЂстечка нашого, учынилъ тамъ кому кгвалтъ бой раны шкоду и якій же кольвекъ збытокъ; тогды тамъ же а негдЂ индей на врядЂ нашомъ замковомъ, або гдЂ бы замку не было, въ дворЂ нашомъ сужонъ и сказованъ быти маеть и оправа на немъ чынена. А вЂдже естли бы въ другомъ повЂтЂ по недалеку осЂлость свою мЂлъ або пана, кому служыть, повЂдилъ; такового зъ осЂлости его або передъ его паномъ, кому служыть, правомъ ужывати маеть; а однакожъ слуга панскій неосЂлый, вчынившы кгвалтъ и зраненье, маеть задержанъ быти на замку або на врядЂ двора нашого, а оный о собЂ маеть дати знати пану своему, а гдЂ бы панъ справедливости не вчынилъ, о то самъ до вряду позваный отповЂдати повиненъ, а позывати о то до вряду замкового.






АРТЫКУЛЪ 20.

Што мають судити воеводове старостове державцы, и о ихъ позвехъ.


Уставуемъ тежъ, хотечы мЂти и даючы моцъ, абы воеводове, старостове и державцы нашы, кождый въ повЂтЂ и врядЂ своемъ, судили и справовали и позвы свои давали о тые артыкулы меновите тутъ описаные: то естъ о наЂздъ кгвалтовный на домы шляхецскіе, кгалтъ въ мЂстехъ нашихъ, о пожогу и разбои по дорогахъ, о квалтоване паненъ и невЂстъ, о злодЂйство, о фалшъ, о голову шляхецкую, яко вышей написано о нихъ. А въ не бытности ихъ намЂсники ихъ зъ судьею замковымъ присяглымъ осЂлымъ мають судити и моцъ мЂти будуть справовати и кончыти подле права и сего статуту всему панству нашому Великому Князству Литовскому отъ насъ даного. А гдЂ бы хто на горячомъ учынку тыхъ вышъ мененыхъ артыкулъ которого жъ кольвекъ стану былъ пойманъ, тогды тотъ безъ позву маеть быть сужонъ; а пакли бы заразомъ на горячомъ таковомъ учынку не былъ пойманъ, тогды вжо позвы ку праву маеть быти припозванъ, а позву таковому не маеть быти рокъ дальшый отъ поданя только за д†недЂли. А если бы за тыми позвы на рокъ стати не хотЂлъ, тогды врядъ тотъ о томъ намъ маеть дати знати черезъ листъ свой, а мы тому не фолькгуючы, безъ всякое проволоки, и откладанья на иншый часъ, але заразомъ взявшы о томъ отъ того вряду нашого вЂдомость, такового обвиненного и вряду нашого непослушного маемъ зъ земли панствъ нашихъ Великого Князства Литовского казати выволати, и не маемъ ему на тое выволане поднесенья чынити и давати, ажъ бы се первей зъ стороною жалобливою росправилъ.






АРТЫКУЛЪ 21.

О судъи замковомъ.


Уставуемъ, ижъ воеводове, старостове и вси державцы замковые и дворовъ нашихъ повЂтовыхъ мають зособна кождый зъ нихъ на врядЂ своемъ выбрати человЂка доброго шляхтича въ томъ же повЂтЂ осЂлого прысяглого, который уставичнЂ повиненъ будеть посполу зъ урядомъ замковымъ судити и справовати вси речы судовые, которые замку або вряду нашому приналежати будуть. А если бы што недойзрЂньемъ ихъ на томъ урядЂ въ спра†ихъ поблудило; тогды за отозваньемъ стороны на таковыхъ врядниковъ, яко намЂстника своего и судью замкового и писара, воеводове старостове и державцы повЂтовые съ тымъ вышейописаными врядниками своими замковыми справедливости учынити не хотЂлъ, або сами суду своего справедливости его на пра†уближенье чынили; тогды таковый врядъ нашъ маеть передъ насъ листомъ нашимъ позванъ быти, на который рокъ тотъ врядъ нашъ маеть передъ нами за листомъ нашимъ самъ албо черезъ умоцованого своего стати, а мы на томъ року таковому укривжоному безъ отволочную справедливость учынити маемъ. А рокъ таковому позванью, естли будемъ въ здЂшнемъ панст†нашомъ Великомъ Князст†Литовскомъ, чотыри недЂли, а если въ КорунЂ Польской, тогды осмь недЂлъ складанъ быти маеть.






АРТЫКУЛЪ 22.

Роки завитые въ которыхъ речахъ мають быти складаны.


На первей хто кого позоветь о заставу ку бранью пенезей, хотя сторона позваная не станеть, предсе судъ не маеть откладати на дальшые другіе роки, але на першомъ року яко на завитомъ, первей выслухавшы доводы стороны поводовое, маеть сказанье и ввязане стороне поводовой дати, а взявшы отъ него пензи при врядЂ и при книгахъ судовыхъ мають быти положоны до того часу, ажъ сторона позваная ихъ возметь. Другое о отнятье имЂней и выбитье спокойного мЂшканья. Третее о слугу якогожъ кольвекъ стану, або человЂка невольника, который бы, пану своему шкоду учынившы, втекъ прочъ до кого и найденъ былъ въ него и припорученъ ему або враднику его, а онъ бы зъ нимъ справедливости не чынилъ, а если онъ на томъ року не станеть; тогды судъ за доводомъ слушнымъ стороны поводовое маеть сказанье вчынити, и того зъбЂга ему присудити, не откладаючы на другіе роки и дальшый часъ. Четвертое о мыто мостовое и гробелное и перевозы шляхецскіе всякихъ становъ, кгды хто на комъ або подданомъ чіемъ неслушнЂ возметь, маеть позваный на першомъ року яко на завитомъ стати; а естли же не нестанеть, тогды сторонЂ жалобливой нестаньемъ у вину впадываеть, яко около мытъ мостовыхъ и гребленыхъ неслушныхъ вышей описано естъ; а если бы то врядники або мытники наши вчынили, тогды зъ мытниковъ подскарбій земскій зъ урядниковъ нашихъ мы Господаръ справедливость чынити маемъ. Пятое хто бы Ђзами або млынами, гатьми, мостами рЂки портовые гамовалъ, проходу або дороги слушные не вчынившы, а то тымъ бы се кому шкода стала; таковый будучы позванъ на першомъ же року яко на завитомъ маеть се становити; а пакли бы не сталъ, тогды судъ земскій маеть сказанье вчынити и съ заплаченьемъ шкодъ, а средсе суду въ таковыхъ млынахъ або Ђзохъ и мостахъ зъ уряду дороги и пропусты направены и волно вчынены будуть. Шостое если бы хто добровольне записалъ и рокъ въ листЂ своемъ ознаймилъ, а не вчынилъ бы тому досыть; тогды за позвы на першомъ року яко на завитомъ естьли не станеть, во все упадываеть водлЂ листу або запису своего, асудъ вжо (маеть) отправу вчынити подлугъ листу жадныхъ роковъ не складаючы. Семое о раздЂлъ имЂней и маетности всякое межы братьею и сестрами и близкими, также черезъ позвы маеть быть рокъ завитый тымъ обычаемъ и на поручники, а поручнику зъ истцомъ, по комъ ручыли, маеть быти завитый рокъ.






АРТЫКУЛЪ 23.

О сбиванью позвовъ.


Уставуемъ, тежъ хто кого позвы позоветъ, а сторона бы позваная ку тому се року не знала; тогды сторона поводовая позву и року маеть доводити выписомъ съ книгь сознанья возного, а естли бы не довела, тогды позваная сторона не повинна отповЂдати. Къ тому тежъ и на таковые не повинна отповЂдати, если бы хто значнЂ и меновите чого у поз†не написалъ и не доложылъ; а еще тежъ неповинна отповЂдати на таковый позовъ, который бы былъ скробанъ, и не мають таковые позвы мЂстца мЂти, которые бы были скробаны, а звлаща естли бы се одинъ съ другимъ не згожалъ въ датЂ або въ чомъ кольвекъ, албо ижъ въ немъ не было даты написано. Над то постерегаючы того, абы хитростью якою для збитья позву, проволокаючы кому право самъ позваный, маючы позвы въ рукахъ своихъ, скробалъ и даты направовалъ, уставуемъ, ижъ кгды бы таковый позовъ отъ обжалованого на пра†былъ положонъ; тогды сторона поводовая маеть вознымъ на него довести, ижъ ему далъ позовъ цЂлый и не скробаный въ датЂ и во всемъ згодливый, а по таковомъ доводЂ позваный повиненъ ему отповЂдати. А иными никоторыми прычинами позвы не могуть быть сбиты, а вины заплатити поводовой сторонЂ копу грошей а судови дванадцать грошей. ВЂдже въ позвЂ, гдЂ бы одинъ артыкулъ былъ збить причинами вышей описаными; тогды предсе на другіе артыкулы правные сторона повинна отповЂдати.






АРТЫКУЛЪ 24.

О позвЂхъ, якъ долго трывати мають.


Уставуемъ тежъ, ижъ кождые позвы вряду земского трывати далЂй и въ моцы своей быти не мають, только на одны роки судовые, передъ которыми ихъ взято, и для того тые речи, на которые се тыми позвы позывати будеть, у въ оныхъ позвехъ меновите мають быти описаны.






АРТЫКУЛЪ 25.

Хто бы кого отъ суду земского съ повЂту своего до иного права вызвалъ.


Уставуемъ хотечы мЂти, абы нихто никого о речъ суду земскому належачую до иного права замкового и ни до которого иншого отъ своего повЂтового земского суду не смЂлъ вызывати, а хто бы кого до суду замкового або комисарского и до которого кольвекъ иного вряду и суду, кромъ артыкуловъ вышей мененыхъ суду замковому або дворному належачыхъ, вызвалъ; тогды позваный не повиненъ ни передъ кимъ се становити и таковыхъ позвовъ послушнымъ быти, але еще тотъ, хто позвы взялъ и ими позывалъ, за то ижъ мимо судъ свой смЂлъ то учынити, маеть заплатити судьи копу грошей, подсудку полкопы грошей, а сторонЂ тры рубли грошей, окромъ того хто бы записомъ своимъ отступуючы повЂту своего въ якій иншый судъ доброволнЂ подалъ.






АРТЫКУЛЪ 26.

О таковыхъ, которые не маючы въ повЂтЂ осЂлости кого бы тамъ осЂлого позвалъ.


Тежъ уставуемъ, кгды бы хто не маючы въ которомъ повЂтЂ осЂлости, другого кого тамъ осЂлого позвалъ, а шло бы имъ обудвумъ объ одну речъ, тоть позваный осЂлый може заразомъ не отповЂдати и въ право се не вдавати, ажъ бы се оный противникъ его неосЂлый тамъ поддалсе и обовязалсе, тежъ ему въ той речы, кгды жъ объ одну речь идетъ, тамъ жо въ его повЂтЂ отповЂдати и всправедливити не беручы се до своего повЂту; а кгды се подъ то поддастъ и на то обовяжетъ, тогды предсе оный позваный за тыми жъ позвы на онъ же часъ напередъ будегь повиненъ ему се усправедливитися.






АРТЫКУЛЪ 27.

О рокохъ, на которыхъ судья подсудокъ и писаръ зъЂжджатися мають и позваные передъ ними повинни се становити.

Тежъ уставуемъ, ижъ судъ земскій маеть быти три кроть до году, то естъ три роки судовые, на которомъ се будуть повинни судья подсудокъ и писаръ на одно мЂстце до замку або двора нашого, которые мЂстца вышей суть описаны, зъЂжджатися, а тамъ мЂшкати д†недЂли, если много справъ, а если меншъ справъ, тогды поки росправять и розсудять, а позваные и поводовые будуть повинни передъ ними се становити, а обычаемъ и способомъ нижей въ особливыхъ листцахъ и артыкулехъ описанымъ. Роки мають быти сужоны: первые отъ святое Троицы Рымского свята, и на завтрей се въ понедЂлокъ почнуть; другіе въ осень на день Светого Михайла Рымского жъ свята, и также на завтрее почнуть; третіе зимЂ по Божъемъ Нароженью, о трехъ кролехъ святЂ Рымскомъ, которые на завтрее тежъ судитисе на завтрее зачнуть; червертые въ другомъ году также на день Святое Троицы Рымского свята и на завтрее се почнуть. А судья подсудокъ писаръ маеть суды справовати и на судЂхъ сЂдЂти кождого дня отъ поранку до не испорное годины, а позвы судити поряднЂ зъ реестру не гледечы на особу и нефолкгуючы въ томъ никому, але который первей позвалъ, тотъ на первей сужонъ быти маеть, а которые се на тые роки позвали, тыхъ всихъ на початку роковъ писаръ повиненъ въ реестръ вписати и зъ реестру до права волати будеть. А вЂдже подъ тымъ часомъ роки сужоны быти не мають, наипервей естли бы соймъ вальный Великого Князства Литовского былъ зложонъ, тогды передъ соймомъ за чотыри недЂли роки судомъ устати мають; другое естлибы тежъ листы военные зашли, ино для готованья на войну за шесть недЂль не мають быти роки сужоны, а вЂдже естли бы въ томъ часЂ на войну не выЂхали, тогды на потомъ предсе мають роки за тыми жъ позвы и подъ таковою жъ моцъю сужоны быти; третее естли бы, чого Боже уховай, въ томъ повЂтЂ повЂтрее моровое было, а то бы значнЂ показовало, подъ такимъ часомъ также роки не мають быти сужоны, а по томъ часЂ, яко повЂтрее моровое оминеть, маеть врядъ въ томъ повЂтЂ, гдЂ судъ есть, роки выволати, а тые, которымъ бы была потреба, мають се справовати за тыми жъ позвы своими на другихъ рокохъ, которіе по томъ повЂтрею выволаные близко припадати будуть.






АРТЫКУЛЪ 28.

О позвЂхъ и о року, якій за позвы будеть складанъ, а кождый жалобу свою меновите маеть на позвтъ описати, и о збиванью позвовъ.


Тежъ уставуемъ, ижъ хтобы до кого мЂлъ якое дЂло о крывду албо о якую кольвекъ речъ, тотъ маеть отъ писара земского того повЂту позвы взяти подъ печатью нашою, отъ насъ тому повЂту даною, и въ тыхъ же позвЂхъ жалобу свою достаточнЂ и меновите выписати, а чого въ поз†не доложыть, на то сторона позваная отказывати неповинна. ВЂдже гдЂ бы сторона сама хотЂла собЂ позвы написати; тогды кгды принесеть готовые написаные водлЂ права, писаръ, отъ него взявшы доходъ свой грошъ, записовати ихъ будеть повиненъ, и тыми позвы передъ кождыми роками судовыми мають се позывати, даючы ихъ очевисто и кладучы на имЂньяхъ ихъ, съ которыхъ се кривда дЂеть. А кого очевисто позовуть, рокъ чотыри недЂли, а кому на имЂнью положать, шесть недЂль маеть быти складанъ, не отъ даты позву въ немъ описаное, але отъ того часу и дня яко на имЂнью положоны будуть, а меншые и близкіе роки не мають быти за позвы складаны. А пакли бы хто на першыхъ рокохъ судовыхъ не сталъ; тогды на другихъ и на третихъ рокохъ позвовъ и артыкуловъ въ немъ описаныхъ ничымъ сбивати не можеть, ани будеть мочи, але повиненъ будеть отказовати, естли бы тежъ хто кому грабежъ могуть вчынилъ, ино о грабежъ позывати передъ роки за д†недЂли.






АРТЫКУЛЪ 29.

Которые бы се дЂели якіе кривды отъ врядниковъ слугъ и подданныхъ чыихъ кольвекъ.


Уставуемъ, естли бы тежъ княжатомъ панятомъ радомъ духовнымъ и свЂцкимъ, шляхтЂ и кому кольве съ подданыхъ нашыхъ, имъ самымъ бояромъ слугамъ людемъ отъ врядниковъ, слугь бояръ и подданыхъ также князскихъ, пановъ радъ, пановъ хоруговныхъ, шляхты кривды якіе кольвекъ въ чомъ дЂели; тогды маеть сторона жалобливая (взявшы) листь нашъ господарскій або отъ суду земского повЂтового, въ которомъ оный и имЂнья ихъ будеть, Ђхати зъ вознымъ до того пана, отъ чыего врядника и бояръ слугь и людей кривды кому се дЂяти будеть, справедливости просечы и жалобы своее реестръ маеть дати. А гдЂ бы самыхъ пановъ въ тыхъ имЂньяхъ ихъ не было, ино врядниковъ ихъ, абы они на слугь бояръ люДей пана своего справедливость чынили. А рокъ праву не маеть быти далшый отъ нихъ покладанъ одно д†недЂли. Если бы панове сами такъ и врядники ихъ права дати и справедливость вчынити не хотЂли; тогды сторона жалобливая маеть позвы отъ суду земского взяти по того пана, съ чыего будуть имЂнья кривды дЂяти, и позвы на роки судовые его позвати, абы самъ сталъ и тыхъ, отъ кого се кому кривда будеть дЂяти, поставилъ. А вЂдже въ небытности того пана въ томъ мЂньи не маеть его сторона жалобливая нигдЂ индей шукати, але на томъ жъ имЂнью позвы положыти маеть; а судъ земскій повЂтовый будеть повиненъ межы ними того досмотрЂти и справедливость вчынити. А гдЂ бы позваный самъ або черезъ умоцованого своего стати и тыхъ врядниковъ бояръ и слугъ людей своихъ, кому вина дана, поставити не хотЂлъ; тогды судъ повиненъ ку таковымъ непослушнымъ заховатисе водлугь сего статуту, яко о томъ въ томъ же судейномъ роздЂлЂ у артыкулЂ двадцатомъ естъ описано. А если бы тотъ панъ и хтожъ кольвекъ самъ або врядники ихъ комужъ кольвекъ у кривдахъ ихъ рокъ справедливости зложылъ, а на року зложономъ справедливости вчынити не хотЂлъ безъ слушное правное причыны; тогды такового пана и слугь судъ земскій въ томъ судити маеть, а онъ тому, кому обЂцавшы справедливость учынити, а не вчынилъ, за разомъ у суда сторонЂ рубль грошей заплатити маеть. А вЂдже если бы се то показало на правЂ, ижъ тотъ панъ чынилъ оному справедливость слушную, але онъ ее упоромъ своимъ не принялъ и на ней не переставалъ, и отъ того суду земскому притягнулъ; тогды тотъ того рубля грошей платити не повиненъ будеть, але еще тотъ упорный самъ оному тотъ рубль грошей тутъ же заразомъ у суда заплатити маеть. Отъ того часу панъ шляхтичъ яко листовъ нашихъ або врядниковъ ихъ о учынене справедливости обнесенъ будеть, и такового урядника слугъ и подданныхъ его въ тотъ часъ тамъ застато очевисто и припоручоно было и то доведено; тогды тотъ оного врядника и слугъ и подданыхъ своихъ маеть у вЂдомости мЂти, и за позвы повиненъ будеть ихъ въ суду земского на року зложономъ становити. А вЂдже если панъ при прошеню права врядника слуги и подданого своего у вездЂ имати и до вряду близшого притягнувшы, если бы неосЂлый былъ, правомъ зъ нимъ обыходити, а панъ его въ томъ боронити не маеть.






АРТЫКУЛЪ 30.

Яко стороны у суду заховатися мають за позвы.


Тежъ уставуемъ, хотечы то мЂти, абы у суду жалобы отпоръ поряднЂ безъ сваровъ и непотребного забавенья и проволоки шли, такъ уставуемъ, ижъ напередъ сторона поводовая не чынечы жалобы, але вмЂсто жалобы маеть дать на пра†позовъ чести и позву своего слушнымъ доводомъ подпирати, а сторона позваная маеть на тотъ позовъ яко на жалобы отказывати и справоватися. Въ которомъ спорЂ если бы сторона поводовая што противъ него услышала, на што бы размышленье потребовала; тогды судья отступленье и пораду зъ ее пріятяли маеть допустати, а будеть ли повторей таяжъ сторона взычанья часу на порадку просити, и того судьи повторе боронити не мають, также тежъ и обжалованой сторонЂ по два-кроть одного дня толко яко и поводовой сторонЂ размышленя на часъ не маеть судъ боронити, а болшъ того свару и споровъ и отволокъ судъ не маеть допущати. А кгды вжо на обЂ сторонЂ справу свою передъ судомъ выповЂдять, а судья съ подсудкомъ потребовали сами собЂ въ томъ розмышленья; тогды мають первей сторонамъ поменути, абы все, што бы на пра†покладати и отказовати мЂли, мовити и учинити. А кгды вжо то все учинятъ и писаръ то спишеть тогды; вжо надъ то стороны ничого большей прикладати не будуть мочы, ани судъ того пріймовати и писати казати не мають, але судья и подсудокъ мають ся намышляти. Если бы того дня або завтрей розмыслитися не могли, и до третего дня то все взяти на поряду и розмышленье могуть, а третего дня вжо судъ конечное сказанье будеть повиненъ чинити водлугь жалобы и отпору сторонъ, ничого не прикладати ани выймовати. А въ томъ часЂ кгды судья и подсудокъ намышляютца, стороны естли бы хотЂли взяти собЂ на вгоду и еднанье, тогды того они имъ допустити мають. А мы, Господаръ воеводове и врядники наши судья и подсудокъ и судъ замковый або дворный и нихто иный ничого съ головы и зъ умыслу своего судити и сказовати не мають и не будугь мочы, только водле статуту сего, яко въ немъ стоить выображоно.






АРТЫКУЛЪ 31.

О заступованью въ суду одному за другого.


Тежъ уставуемъ, хотечы мЂти абы такъ было на вси потомные часы, ижъ коли бы хто кого другого о которую колвекъ речъ въ суду заступилъ; тогды тотъ вжо будетъ повиненъ самъ безъ жадныхъ позвовъ, на тотъ часъ за тою жъ жалобою зъ суда не сходечы, за него отказовати и усправедливитися. А заступованье инакшое не маеть быти только очевистое, у права ставшы заступити, не черезъ листы и прокураторы. А гдЂ вжо очевисто у права ставшы заступить; тогды позваный або обжалованый отъ того воленъ, а поводовая сторона будеть о томъ съ тымъ заступцею мовить, и речи свое на немъ доводить листы и выписы и оповЂданье, и все тое право и доводъ, которіе поводовая сторона противъ обжалованое стороны въ томъ пра†мЂла, маеть противко тому заступцы ити и у права мЂстце мЂти такъ яко противъ обжалованому; и мы заступцу за имя обжалованого будемъ розумЂти, и заступца не маеть собЂ до повЂту ани до суду своего належачого откладати и брати, але повиненъ будеть самъ або при собЂ маючы прокуратора того жъ часу, скоро заступитъ, отказывати и до конца усправедливитися.






АРТЫКУЛЪ 32.

О злеценью речы и отдаванью моцы инымъ за себе у права мовити.


Уставуемъ тежъ, ижъ кгды бы хто за позвы або на которомъ року припаломъ не могъ на пра†быти, такъ за хоробою яко и за иными нЂкоторыми прычынами и потребами своимы; тогды прокуратора або умоцованого своего можеть у мЂсто себе у права мЂти. А вЂдже умоцованый або прокураторъ инакшый иначей установленъ и у права пріймованъ быти маеть, абы ему очевисто злецылъ речъ свою передъ врядомъ которымъ кольвекъ, тымъ земскимъ або замковымъ, и съ того вряду выписъ съ книгъ маеть взяти. А княжата панове рада и панове хоруговные врядники наши шляхты, которіи суть печатей значныхъ, могуть въ речахъ потребахъ своихъ прокураторовъ и умоцованыхъ до права слати зъ листы своими отвороными, припечатовавши ихъ печатью своею и рукою своею власною подписавшы, хто писати умЂеть; за таковыми листы умоцоваными и выписы врядовыми судъ прокуратору маеть допустити у права мовити и справовати, а который бы самъ писати не умЂлъ, тогды передъ врядомъ маеть до книгъ сознанье вчынити. А гдЂ бы тежъ хто зъ шляхты вряду близкости або за хоробою своею до вряду Ђхати и порученья прокуратору очевисто передъ врядомъ сознаньемъ своимъ дати не могъ; тогды тежъ таковый можетъ листомъ отворонымъ до вряду прокуратора умоцованого послати и ему речъ свою злецити, въ которомъ листЂ при печати своей маеть о приложенье печатей шляхтича вЂры годного просити, тогды таковый листъ, въ которомъ поменившы речъ, о што идетъ, остатокъ на позовъ указати зыскъ и трату доложити, и такъ вжо за нимъ прокураторъ моцный у права быти маеть.






АРТЫКУЛЪ 33.

Хтобы самъ не могъ, або не умЂлъ у права мовити.


Уставуемъ тежъ, хто бы очевисто у права стоечы не могь або не умЂлъ самъ мовити або речы своее справовати, поручылъ устнЂ кому иному речъ свою мовити; тогды таковому злеценья инакшого листовного не будеть потреба, але судья злеценемъ устнымъ маеть его за моцного приняти, хотя и неосЂлого. Къ тому кгды бы хто, не могучы самъ справовати речы своее у суда и не вмЂючы мовити, прокуратора потребовалъ; тогды судъ повиненъ ему зъ уряду прокуратора дати, и казати прокуратору отъ него мовити, а речъ его справовати. А въ вображенью маестату нашого господарского обЂцуемъ прокуратора обвиненой сторонЂ дати. За се будеть повиненъ судъ зъ ураду дати прокуратора, и дармо казати ему мовити отъ убогихъ сиротъ и вдовъ немаетныхъ и тымъ тежъ, которыи бы або за пріязнью або тежъ убозтвомъ своимъ прокуратора мЂти и сами речы своее за недостаткомъ своимъ въ суду справовати не могли.






АРТЫКУЛЪ 34.

О прокураторохъ, якіе мають быти и якихъ тежъ судъ маеть пріймовати.


Уставуемъ тежъ, ижъ о имЂнья и всякіе иные речы лежачые рухомые не маеть быти прокураторомъ жаденъ чужоземецъ и неосЂлый у Великомъ Князст†Литовскомъ; а вЂдже кому идетъ о горло о честь, въ таковой речы можеть собЂ прокуратора чужоземца и неосЂлого мЂти и отъ себе установити. А судья подсудокъ и писаръ такъ тежъ и тые, которые только духовные имЂнья держать, прокураторовать не мають; а однакожъ и тые вси вышъ помененые въ речахъ своихъ властныхъ сами черезъ себе и чрезъ прокураторовъ своихъ справовати могуть.






АРТЫКУЛЪ 35.

О каранье фальшывыхъ и подступныхъ прокураторовъ, и къ тому ижъ волно сторонЂ прокуратора своего у права подперети, и самому мовити, и другого прокуратора на его мЂстце установити.


Уставуемъ тежъ, ижъ кгды бы который прокураторъ поднявшысе кому речъ его мовити и справовати, а вывЂдывшисе на немъ тое справы и листовъ его огледавшы, выдалъ его въ томъ сторонЂ противной, або до тое стороны его противное присталъ, и отъ него за се напротивко тому, кому се первей обЂцалъ и поднялъ речы мовити, а то бы на него якимъ явнымъ и слушнымъ доводомъ доведено было; тогды таковый, естли есть шляхтичъ, честь тратить, а не шляхтичъ горло тратитъ. А хтобы тежъ у права стоечы хотЂлъ отставити прокуратора, а самъ свою речъ мовити, або другому прокуратору речъ свою злецити; то ему вольно будеть.






АРТЫКУЛЪ 36.

Причыны нестанья прокураторовъ, ижъ то имъ и сторонамъ ихъ шкодити не маеть.


Тежъ уставуемъ, ижъ кгды бы прокураторъ передъ роком права не могучы сторонЂ своей о форобЂ своей дати знати, ижъ бы иншого на его мЂстце послала, або Ђдучы вжо на дорозЂ рознемогсе форобою обложною, такъ же бы самъ на рокъ до суду быти не могь; тогды то яко сторонЂ той, чыю справу на себе взялъ въ речахъ тыхъ, такъ тежъ и прокуратору ничого шкодити не маеть, а хотя бы третіе роки остатніе або рокъ завитый былъ, предсе ничого тратити не будеть. А вЂдже прокураторъ въ той форобЂ скоро се рознехожеть, маеть до вряду близшого о собЂ дати знати, и потомъ врядовнЂ тое форобы довести, а обмогшысе потомъ на першыхъ рокохъ будеть повиненъ присегнути, ижъ правдиво за обложною форобою на тотъ часъ становитисе не могъ. Такъ тежъ слуги посланые отъ пановъ, которыхъ бы на роки до суду пославыхъ въ дорозЂ фороба великая и обложная зашла, по тому жъ будуть повинни заховатисе яко вышей описано. А вЂдьже естли бы прокураторъ або посланецъ и слуга таковый о форобЂ своей дати вЂдати и присегчы на другихъ рокохъ учинити не хотЂли; тогды судъ не дбаючы о таковыхъ вымовкахъ ихъ, сказанье маеть чынити ведле сего статуту. Такъ тежъ если бы хто кольвекъ хотечы кому шкоду учынити, а прокураторъ се учинилъ и листы отъ него подъ печатью его справилъ, а тогды бы ему сторона не поручыла, а за тымъ што кому утратилъ; таковый судъ не маеть быти держанъ, а тотъ прокураторъ, хто бы то учынилъ, ничимъ иньшъ только горломъ маеть быти каранъ.






АРТЫКУЛЪ 37.

Чого прокураторъ безъ стороны своее справовати не можеть.


Тежъ уставуемъ, ижъ прокураторъ за моцъю жадныхъ записовъ и никоторого вызнанья ни отъ кого не маеть у суду чынити и пенезей записаныхъ брати и съ нихъ квитовати, не маючы при собЂ стороны своее. А вЂдже естли бы хто не иогучы або не поспЂючы до вряду по пенези Ђхати, а хотЂлъ черезъ кого иного тые пенези брати и квитовати; тогды иначей не можеть и не маеть только черезъ такового прокуратора або слугу своего, кому особливою на то моцъ и порученье листомъ своимъ подписанымъ рукою своею дасть, або передъ врядомъ близшымъ поручыть, и выписомъ того вряду моцнымъ его на та меновите учынить, таковый моцный можеть пенези брати и моцъ мЂти будеть квитовати.






АРТЫКУЛЪ 38.

Ижъ нихто съ бронями передъ судъ приходити не маеть.


Уставуемъ тежъ грозно приказуючы, абы нихто съ подданыхъ нашихъ княжатъ пановъ радъ, почоншы отъ вышшого ажъ до нижшого стану, яко сами панове такъ и слуги ихъ при панахъ своихъ и безъ пановъ пріятель за пріятелемъ, не смЂлъ въ зброяхъ кафтанахъ и съ такими бронями, то естъ съ древомъ зо щепомъ зъ ручницою зъ лукомъ и съ кушою и зъ иными всякими, до суду замкового земского приходити и при собЂ мЂти; а вЂдже кордъ и мечъ то при собЂ мЂти можеть и носити. А который бы черезъ сее росказанье наше важылсе съ таковыми бронями передъ судъ прійти, таковый (въ подл. пробЂлъ) и ознайменемъ вряду нашого маеть намъ Господару заплатити дванадцать рублей грошей, а предсе судъ его справы не маеть до того часу, поки будеть съ таковою бронею до суду приходити. А если бы предсе упоромъ своимъ не хотЂлъ отъ себе таковое заказаное брони отложити и тамъ зъ нею у суду былъ; тогды судъ заховуючы сторону жалобливую послушную, а другая бы сторона противная чынила сему росказанью нашому, досыть маеть подлЂ права поступокъ сказанье напротивко упорному учынити, такъ яко бы тежъ и въ пра†не стоялъ.






АРТЫКУЛЪ 39.

Хто бы кого передъ правомъ словомъ або рукою сегнулъ, попхнулъ, або ранилъ.


Тежъ уставуемъ, коли хто будучы стану шляхецскаго, стоечы передъ судомъ уступившы речы своее, одинъ на другого словами се неучтивыми торгнулъ; тогды за то маеть зъ сказанья того суду вмЂсто вины сЂдети не замку близшомъ шесть недЂль. А естли бы пхнулъ або рукою ударилъ, а хотя бы и не вдарилъ; тогды маеть заплатити сторонЂ вмЂсто навезки дванадцать рублей грошей, а за вину сЂдЂти шесть недЂль. Пакли бы корда меча або шабли и якое кольвекъ брони безъ слушное причыны добылъ, хотя бы и не ранилъ; таковый руку тратитъ, кгды бы ранилъ, тогды ничымъ иншымъ только горломъ маеть быти каранъ. А вЂдже хто бы свовольнЂ далъ причину кому словы и рукою початокъ учынилъ, а тотъ бы у въ оборонЂ примушоный початкомъ его брони своее добылъ, ранилъ и забилъ; такій таковое покуты и каранья не повиненъ терпЂти. А хто бы тежъ кольве ранившы кого передъ судомъ утекъ, таковый маеть быти зъ земли выволанъ.






АРТЫКУЛЪ 40.

Хто бы на судЂ судью подсудка и писара такъ вряду земского яко и замкового зсоромотилъ, збилъ, ранилъ, або забилъ.


Уставуемъ тежъ, если бы хто кольвекъ пришедшы до суду замкового або земского словы доткливыми сла†и почтивости его зсоромотилъ; таковый за то виненъ будетъ на замку близшомъ шесть недЂль у везенью сЂдЂти. А если бы ранилъ або забилъ; таковый маеть горломъ каранъ быти, а головщына близкимъ зъ имЂнья его маеть быти плачона, вЂдже обвиненый въ такихъ речахъ позванъ быти маеть передъ насъ Господара, а коли зъ суда такъ найдетсе, тожъ въ томъ по судЂ зъ выроку нашого такъ каранъ быти маеть.






АРТЫКУЛЪ 41.

О томъ, гдЂ бы судья подсудокъ и писаръ такъ замковый яко и земскій седечы кого на судЂ зсоромотилъ, або се на него рукою торгнулъ.


Тежъ уставуемъ, ижъ кгды бы хто съ того вряду нашого такъ замкового яко и земского, сЂдечы на судЂ, кого словы неучтивыми зсоромотилъ; тогды маеть о то позвы нашими передъ насъ позванъ быти, и будеть ли то на него слушнымъ доводомъ переведено, тогды маеть на замку нашомъ шесть недЂль сЂдЂти. А естли бы судья подсудокъ и писаръ самъ квалтъ мЂстцу нашому и суду учынилъ, а кого ранилъ або забилъ, тогды маеть быти каранъ горломъ, а близкимъ зъ имЂнья его головщызна плачона быти маеть.






АРТЫКУЛЪ 42.

Если бы хто, на роки пріЂхавшы до суду земского або замкового, кого другого часу роковъ зранилъ, кгвалтъ або шкоду якую кому учынилъ.


Уставуемъ тежъ, естли бы хто, на роки пріЂхавшы до суду земского або замкового, и часу того поколь роки будуть, кому заступившы на господу кгвалтъ або находку вчынившы, кого зранилъ и притомъ якую кольвекъ шкоду учынилъ, а шкодный того жъ часу утекъ се до суду и то обжаловалъ; тогды судъ замковый и земскій або дворный нашъ господарскій тамошній обжалованого будеть повиненъ вознымы обослати, абы онъ не зъЂжджаючы прочъ передъ судомъ сталъ и обжалованой сторонЂ се справилъ, который безъ позву виненъ будеть стати и того жъ часу на тыхъ же рокохъ справитисе. А пакли бы не росправившысе зъЂхалъ; тогды за непослушенство маеть до суду заплатити три копе грошей, а сторонЂ жалобливой другую три копе грошей, а заплатившы маеть стати яко на завитомъ року и сторонЂ се усправедливити. А пакли бы на першыхъ рокохъ яко на завитомъ не сталъ, або и ставшы въ отказЂ быти не хотЂлъ; тогды судъ замковый або дворный, не чынечы жадное проволоки сторонЂ жалобливой, такъ о зраненье яко и о вси шкоды сказанье на тыхъ першихъ рокохъ учынити маеть.






АРТЫКУЛЪ 43.

Ижъ позваный не маетъ розрывати права речми непотребными.


Уставуемъ, если бы позваная сторона, будучы у права, а отступившы отъ позву, сторонЂ поводовой што такового нового задала, або тежъ зъ стороны до того се правомъ своимъ приповЂдала, хотечы право розорвати а проволоку вчынити; таковой сторонЂ то у суда ити не можеть, маеть судъ отложыти то на сторону, а предсе сторонЂ поводовой справовати чынити водле позву, о то о што позвано, и то кончыти и сказанье чынити водле права. А въ таковыхъ новоприпалыхъ речахъ, естли будуть суду земскому приналежати, судъ маеть имъ казати, абы се о то знову на иншые роки позвали. А естли бы се што такового межы ними о почтивость дотыкало; судъ маеть имъ обЂма сторонамъ рокъ передъ нами Господаремъ станью зложыти, которого будеть сторона обжалованая потребовати, и черезъ выписъ съ книгъ рокъ намъ Господару ознаймити, на который рокъ зложный обЂ д†стороне безъ жадныхъ позвовъ мають се передъ нами Господаремъ становити.






АРТЫКУЛЪ 44.

Яко братью недЂлную або вчастниковъ, то есть себровъ, позывати.


Уставуемъ, если бы колко братьи або вчастниковъ держали адно имЂнье себреное, люди тяглые або подданые, а кому бы се кольвекъ отъ того имЂнья людей кривда дЂела въ рухомыхъ речахъ, а они бы яко зъ себе такъ и съ таковыхъ людей справедливость чынити не хотЂли; тогды жалобливая сторона листъ врядовый черезъ вознаго также врядовнЂ посланого на томъ имЂнью положыти маеть, абы се той жалобной сторонЂ справедливость стала. А если бы се той жалобной сторонЂ справедливость не стала; тогды усихъ учасниковъ о то передъ судъ позвы позвати маеть ни на томъ же имЂнью позвы положыти, а хотя бы се оные учасники не зъЂхали, тогды судъ на рокахъ судовыхъ будеть сказанье подлЂ права на имЂнью чынити подлугъ того, яко о томъ о рокохъ судовыхъ написано.






АРТЫКУЛЪ 45.

Ижъ врядниковъ нашихъ зъ ихъ врядовъ нихто судити немаеть одно мы сами Господаръ.


Тежъ уставуемъ, ижъ врядниковъ нашихъ, то естъ воеводъ старостъ державецъ замковъ и дворовъ нашихъ и тивуновъ зъ ихъ врядовъ, которые отъ насъ держать, кому бы кольвекъ кривда се дЂяла або видЂла, не маеть ихъ нихто судити одно за позвы нашими мы сами Господаръ. Але зъ имЂней своих я если бы кому якую кривду учынили; тогды передъ судомъ земскимъ будуть повинни становитися и отповЂдати.






АРТЫКУЛЪ 46.

О мЂщанехъ и о людехъ нашихъ и кривдахъ ихъ отъ шляхты.


Уставуемъ, если бы хто съ княжатъ пановъ шляхты всякого стану акъ и съ подданыхъ ихъ учынилъ кривду якую кольвекъ мЂщаномъ нашимъ мЂстъ нашихъ, гдЂ права Майдеборскаго не мають, такъ тежъ и людемъ имЂней нашихъ господарскихъ; таковыхъ о учыненье справедливости воеводове старостове и державцы наши мають сами або врадники ихъ, разъ обослати листомъ своимъ, а гдЂ бы его на имЂнью не было, тогды возный маеть листъ на имЂнью его положити, абы самъ зъ себе и съ подданыхъ своихъ справедливость учынилъ. А если за тымъ першымъ обосланьемъ справедливости не вчынилъ, врядъ нашъ маеть у суду земского позвы взяти и таковыхъ позвати на роки судовые, которые въ томъ повЂтЂ будуть, который на первшыхъ рокохъ яко на завитомъ року подъ страченьемъ права маеть стати и подданыхъ своихъ поставити; а судъ маеть, яко съ тымъ самимъ паномъ, такъ и съ поддаными его, отъ которыхъ бы ся мЂщаномъ або людемъ нашимъ кривда дЂела, яко на завитомъ року справедливость учынити, и справа въ чомъ бы противъ мЂщанъ и людемъ нашымъ стали винни, кождый грабежъ, на чомъ доводъ слушный учынять, зъ навезкою казати заплатити.






АРТЫКУЛЪ 47.

О мЂщанехъ права Майдеборскаго.


Тежъ уставуемъ, если бы которому зъ мЂщанъ нашихъ права Майдеборскаго которая кривда дЂела отъ князей пановъ земянъ, а они бы сами доброволнЂ усправедливити не хотЂли; тогды такового кождого мЂщанинъ маеть до суду земского повЂтового позвати, и далей поступовати противко ему подлЂ поступку права и статуту земского.






АРТЫКУЛЪ 48.

О учасникохъ, яко мають близкости имЂнья доходити лежачого.


Тежъ о речъ сполечную, которую жъ кольвекъ вси учасники весполъ у права мовити и се доходити мають, а одинъ безъ другого самъ чынить а ни ку кривдЂ иншыхъ учасникохъ своихъ никоторое речы сполечное притягивати не можеть. А вЂдже естли бы иншые участники вси посполу которое речы сполечное у права доходити а ни о ней мовити не хотЂли; тогды тотъ, который доходить всхочетъ, маеть о то припозвати оныхъ участниковъ своихъ на роки судовые передъ врядъ повЂтовый, въ которомъ оные участники его осЂлостями своими будуть, а въ небытности ихъ самыхъ, тогды позвы на имЂньяхъ ихъ положыти, складаючы рокъ очевисто чотыры недЂли, а заочнЂ шесть недЂль. А хто бы съ таковыхъ участниковъ за першыми позвы не сталъ, тогды того другими позвы о тое жъ на другіе роки позвати; а естли бы и за другими позвы на другихъ рокохъ не сталъ, тогды и въ третее яко на завитый рокъ позвати; а гдЂ бы за третими позвы и на третихъ рокохъ судовыхъ яко на завитомъ року хто не сталъ, тогды вжо оный вчастникъ, который речи сполечное доходити усхочеть, самъ одинъ можеть доходити и безъ иныхъ вчастниковъ, а позваный будеть повиненъ вжо ему самому, хотя бы иншыхъ учасниковъ не було при немъ, отказовати. И иншые вчастники, которые бы и за третими позвы передъ урядомъ становити не хотЂли; тые позваного, если правъ зосталъ, о тежъ напотомъ у право поволокати а ни на немъ того доходити не мають, а ни тежъ учасника своего, которій бы того дошолъ, частей своихъ у права доходити не могуть, и кгды жъ вже отъ того за непослушенствомъ и нестаньемъ своимъ черезъ трои роки отпали, выймучы таковыхъ учасниковъ, до которыхъ бы за троими позвы для далекого отъЂханья яко по чужыхъ сторонахъ по рыцерству и наукахъ ихъ, а вЂдомость о таковомъ позванью ихъ подлЂ доводу слушного ихъ и узнанья судового прійти не могла. А вЂдже абы небытностью таковыхъ учасниковъ тотъ участникъ, который бы того доходити хотЂлъ, для продлуженья напотомъ не шкодовалъ, а если бы добрЂ оселый иожеть самъ одинъ того доходити, описавшысь позваному на осЂлости своей; а естли бы того права отсужонъ былъ, ино вжо оные учасники его повторе на немъ того жъ права поискивати а ни доходити не мають, и естли бы поискивали и хотЂли, тогды онъ самъ отъ нихъ у права заступовати боронити своимъ накладомъ маеть и повиненъ будеть.






АРТЫКУЛЪ 49.

О заповЂди и о заруки о речъ сужоную.


Тежъ уставуемъ, хто бы на комъ правомъ што презыскалъ, то естъ имЂнье люди або земли якіе жъ кольвекъ кгрунты лежачые; тогды маеть ему въ то увязанье справа дано быти, а зарука зъ уряду заеть быти положона, абы тотъ, хто на пра†упустилъ въ то се черезъ тое не вступовалъ и увязыванья не боронилъ. А пакли бы увязыванья не допустилъ албо се по ввязыванью въ то вступовалъ; тогды тую заруку зъ уряду положоную маеть платити половицу на насъ Господара а половицу сторонЂ жалобливой, а вЂдже зарука болшая не маеть быти только водле важности тое речы, о што идеть, а тотъ, кому што присужоно, предсе то маеть держати.






АРТЫКУЛЪ 50.

Хто бы послЂ права и присяги того жъ искалъ, што передъ правомъ утратилъ.


Тежъ уставуемъ, если бы хто чого искалъ, а пустилъ бы его на присегу, або тежъ съ права была бы ему всказана присяга, а онъ бы присегнулъ а потомъ бы онъ што его обжаловалъ, хто бы колвекъ тое жъ речы на немъ и чого жъ кольве, што правомъ утратившы, у другое того искалъ, менуючы ижъ бы несправедливе присегнулъ, и хотЂлъ на того, который присягнулъ, доводити; тогды таковый доводъ водлЂ права не маеть ему быти допущонъ, але ижъ по присезЂ тоежъ речы искалъ, которую у права утратилъ, маеть чотыри недЂли на замку нашомъ сЂдети, а шкоду оправити, на чомъ слушный доводъ сторонЂ укажетъ и учинитъ. А гдЂ бы ничого такового не примовляючы словы не соромотечы только речы сужоное у другій разъ искалъ; тогды сЂденья не будеть повиненъ, только маеть шкоду платити, на што слушный доводъ учинитъ.






АРТЫКУЛЪ 51.

О свЂдкохъ, якіе мають быти у права пріймованы.


Уставуемъ тежъ, ижъ на всякую речъ въ кождого суда свЂдки мають быти вЂры хрестіянское и таковые, которые привильями нашими до того припущоны суть, люди добрые вЂры годные и неподойзреные. ВЂдже судья первей, нижли сторонъ або свЂдковъ ку свядецству припуститъ, маеть ихъ розважыти, абы паметали на Пана Бога и на справедливость его и почтивость свою.






АРТЫКУЛЪ 52.

О доводЂхъ и отводЂхъ.


Уставуемъ, ижъ кгды бы судья, выслухавшы жалобы и отпору сторонъ, скажетъ которой кольвекъ сторонЂ поводъ або отводъ, а оная сторона на оный часъ, которій мЂла доводити або отводити, не доводила або ся не отведетъ, таковая речъ свою тратить. А вЂдже если бы сторона заразомъ которого свЂтка ставити не могла, тогды судъ до завтрея отложити можетъ и маеть, а то вже будеть подъ страченьемъ права рокъ завитый. А доводъ и отводъ на всякую речь маеть быти наипервей черезъ письмо, черезъ свЂдки, а то суть наипевнЂйшые и накгрунтовнЂйшые доводы будуть, теды доводъ и отводъ черезъ присегу кому письма або свЂдковъ не достанетъ, такъ тежъ черезъ певные знаки, яко о кождомъ доводЂ таковомъ зособна естъ нижей описано.






АРТЫКУЛЪ 53.

Которые ку свЂдЂцству мають быти припущоны.


Уставуемъ тежъ, ижъ ку свЂдецству не мають быти прыпущоны тые, которые суть правомъ переконаны, што тамъ же передъ правомъ тотъ, хто ему наганитъ, доводити маеть, а если не доведеть, тогды ку доводу припущонъ быти маеть. Ку тому не мають свЂдчыти невольники слуги за пановъ ани тежъ противъ пановъ, шаленые, то естъ которые розуму не мають, потомужъ свЂдками быти не мають одинъ другому, которимъ сполнЂ вину дадутъ, або помочниками ихъ будуть.






АРТЫКУЛЪ 54.

О свЂдкохъ, которымъ бы хто што ку нимъ хотЂлъ мовити.


Если бы сторона противная хотела ку свЂдкомъ што мовити и ганити имъ, тогды тутъ же заразомъ передъ правомъ и первей нижли ихъ ку свЂдЂцству або ку присязЂ припустять, ку нимъ мовити и на ихъ доводити не уступуючы съ права то учынити. А гдЂ бы на которого свЂдка што велъ, а не довелъ; тогды маеть того свЂдка навезати водлугъ стану его; а переведетъ ли, тогды тотъ свЂдкомъ свЂтокъ быти не можеть, а сторона поводовая на того мЂстце иншого свЂдка маеть поставити; а пустившы свЂдковъ ку свядецству, тогды вже по свядецст†къ нимъ правнЂ ничого мовити не можеть.






АРТЫКУЛЪ 55.

На своихъ свЂдкохъ по правгь ни хто ничого искати не можеть.


Уставуемъ, хто бы въ якой кольвекъ речы передъ правомъ выдалъ свЂдковъ, а тые свЂдки противъ ему самому посвЂдчыли; тогды онъ на тыхъ свЂдкохъ по пра†и свядецст†того поискивати и до права ихъ позывати не маеть.






АРТЫКУЛЪ 56.

СведЂцствомъ двохъ або трехъ свЂдковъ маеть сторона речъ свою одержати, и хто бы тежъ оставившы доводъ, пустилъ стороне на присегу.


Тежъ уставуемъ, ижъ сторона поводовая речы своее маеть доводити трема або двома свЂдкома людьми вЂры годными а неподойзреными, бо если бы свЂдковъ не мЂлъ, тогды и зъ двома свЂдками вЂры годными и неподойзреными, при которыхъ двохъ свЂдкохъ въ недостатку третего самъ маеть присегнути, и тымъ речъ свою одержати, а вЂдже не о честь не о кгвалтъ а ни о наЂздъ домовый, и тежъ гдЂ бы не шло сторонЂ обжалованой о горло, такъ тежъ и о землю, на што особливе на мЂстцахъ своихъ доводы суть написаны. А хто бы оставляючы доводъ добровольнЂ, свЂдковъ пустилъ сторонЂ на присегу о которую кольвекъ речъ; тогды тая сторона, кгды се добровольнЂ за присегу возметъ и присягнетъ, маеть речъ свою одержати, а если присягнути не хочеть, речъ свою тратитъ.






АРТЫКУЛЪ 57.

О доводехъ листовныхъ.


Могутъ тежъ быти доводы листовные, то естъ записы на имЂнья и иные выписы, або оповЂданья съ книгъ канцляреи нашое, съ книгъ судовыхъ земскихъ замковыхъ, и черезъ церокграфы подъ печатьми и съ подписаньемъ руки власное, яко о томъ шырей нижей на мЂстцы своемъ естъ написано, бывають тежъ доводы черезъ певные и не отменные знаки, яко о томъ о кгвалтехъ и границахъ меновите и значнЂ нижей написано.






АРТЫКУЛЪ 58.

О коліисыяхъ нашихъ господарскихъ, въ которихъ речахъ мають быти даваны.


Уставуемъ тежъ, ижъ листы наши комисейные ко вчынкомъ справедливости только въ тыхъ речыхъ мають быти даваны, одно о границахъ межы имЂньями нашими шляхецскими и выкупованье имЂней нашихъ господарскихъ; а иншые речи вси яко шляхта межы собою, такъ и вси панове духовные и свЂцкіе мають ся справовати передъ судомъ нашимъ земскимъ.






АРТЫКУЛЪ 59.

О роки заплаттъ пенежной.


Тежъ уставуемъ, ижъ кождой заплатЂ пенежной съ права сказаной мають быти роки заплатЂ судовнЂ положоны: петма и десятма копамъ грошей чотыри недЂли, а петмадесятъ копамъ грошей шесть недЂль, а сту копамъ грошей дванадцать недЂль, а тисечы копамъ роки зложыти на кождую чверть лЂта по сту копъ грошей, поколь тую тисечу копъ грошей заплатитъ; а если бы на тые роки не заплатилъ, тогды въ той сумЂ маеть быти во имЂнье его увязованье дано, нижли если бы се хто листомъ своимъ записалъ, на который рокъ заплатитъ, тогды тотъ виненъ водлугъ листу своего на рокъ въ листЂ описаный платити, а судъ таковому жадныхъ роковъ складати не маеть.






АРТЫКУЛЪ 60.

О полюбовномъ суду.


Уставуемъ тежъ, кгды судьи полюбовные кому презыскъ судовъне взыскали и листы того взысканья сполу обЂ д†стороне подъ печатьми своими дали, а тотъ бы водлЂ суда ихъ того держати и тому досыть вчынити не хотЂлъ; тогды тотъ листъ маеть быть положонъ передъ судомъ земскимъ, а судья вгленувшы въ оный листъ маеть его заховати при моцы и отправу дати. А гдЂ бы се судъ полюбовный показалъ розный; а таковый судъ мають се припозвати передъ врядъ земскій, а тамъ на конецъ собЂ справедливости доходити.






АРТЫКУЛЪ 61.

О отзыванью изъ суда до насъ Господара.


Уставуемъ тежъ, коли бы ся кому съ подданныхъ нашихъ сказанье у суду земского або замкового або подкоморого не водлЂ права видЂло, такъ поводовой якъ и отпорной сторонЂ; тогды будетъ кождыи тыхъ сторонъ такъ поводовой яко и отпорной волно по сказанью судовомъ отозвати до насъ Господара. А вЂдже тотъ, хто отзываеть, не маеть суду словъ суровыхъ мовити при отозвЂ, одно тымъ словы: пане судья! тое сказанье твое видитъ ми се не водлЂ права, одзывамсе съ тымъ до Господара его милости. А по одзыванью поки ся передъ нами стороны правомъ розопруть, судъ отправы чинити не будеть; а мы Господаръ отозвы судити маемъ и будемъ съ паны рады нашими здЂшними Литовскими и въ границахъ того жъ панства нашого Великого Князства Литовского и въ земляхъ того панства будучы. А за границою яко нихто ни кого позывати не маеть такъ и апелевати не мають быти вольно; а хотя бы се и вызвали и апелевали за границы Литовскіе изъ земли того панства; тогды и мы Господаръ такихъ речей судити не маемъ и на врядЂ нашомъ не допустимъ отправовати, а тотъ, который вызоветъ сторону за границу заплатити маеть вызваному дванадцать рублей грошей.






АРТЫКУЛЪ 62.

О отозвехъ, гдЂ бы колько братьи або вчастниковъ позвали кому ку праву, а потомъ отозвавшысе отъ суду по сказаньи естли бы одинъ зъ нихъ зъедналсе, а другіе, которіе се не еднали, могуть отозву пильновати.


Тежъ уставуемъ, если бы колько вчастниковъ стороною поводовою або отпорною будучы мЂли съ нимъ право о якую кольвекъ речъ, а сказанье бы противъ нихъ вышло, въ чомъ бы они видечы собЂ кривду и до насъ Господара отозвавшысе, одинъ зъ нихъ або два зъ стороною зъедналисе кромъ участниковъ, а потомъ бы другая сторона отъ позву хотЂла тымъ быти права, отбиваючы тыхъ, съ которыми се не еднала, для того ижъ иншые вчастники ихъ зъедналися и зъ апеляцыи выступили; тогды таковый упоръ у права не маеть быти пріймованъ, одно тые, которые ся нееднали, могутъ отозву пильновати, и сказанье маеть быти чынено, бо тые, которые се зъеднали, зуполную моцъ отъ участниковъ ку тому праву ку еднанью мЂли.






АРТЫКУЛЪ 63.

О чомъ отозву судъ допустити не маеть.


Напередъ хтобы кому описался и обвезалъ въ чомъ листомъ своимъ або на врядЂ вызналъ, а таковый записъ найденъ бы слушный и врядовный, а тотъ, хто ся опишеть, не пріймуючы сказанья апелевати хотЂлъ, проволоку чынечы, тому отзовъ ити не маеть. А также тежъ нихто не маеть отзывати збиваючы позовъ скаженьемъ року и иными припалыми речами причынами, але по сказанью головное речы о што позвано маеть апелевати. Такъ тежъ и таковому не маеть быти допущоны отзовъ, хтобы ся ку чому самъ доброволнЂ зналъ.






АРТЫКУЛЪ 64.

За апеляцыями рокъ завитый маеть быти складанъ, и о томъ хто бы неслушнЂ апеловалъ.


Уставуемъ, ижъ отозвовъ або апеляцылмъ отъ уряду рокъ завитый маеть быти покладанъ, пры бытности нашой въ тутошнемъ панст†нашомъ Великомъ Князст†Литовскомъ чотыры недЂли, а въ небытности нашой въ здЂшнемъ панствЂ, ино по пріЂханью съ Коруны Польское а по въЂханью въ границы Великого Князства изъ земль ему належачыхъ, также чотыри недЂли, а кгды намъ будучы въ КорунЂ Польской отзовъ быти не маеть. А хто не слушнЂ противъ правъ отзоветца, а мы Господаръ сказанье судовое потвредимъ, тогды тотъ оному, противъ которому ся отозвалъ, маеть шесть копъ вины грошей заплатити, а платы пожытки або доходы, которые бралъ по отозвЂ, зъ навезкою маеть за слушнымъ доводомъ, въ томъ часЂ держачы тое, што право идетъ чинилъ и бралъ, маеть ускаржоному вернути для тое прычыны, абы ся нихто упорне и въ чужомъ корыстЂчы надъ право ку проволоцЂ сторонЂ своей противной не отзывалъ.






АРТЫКУЛЪ 65.

Которого часу отъ суду земского и замкового отзовъ до насъ Господара маеть быти.


Уставуемъ, естли бы ся кому сказанья отъ суду земского и замкового видЂла кривда; таковый маеть того жъ часу отъ суду не отходечы отозватися обычаемъ вышейменованымъ, нижли большей ку помоцы собЂ не брати ничого и прикладати не маеть, только тые што было передъ судомъ першымъ, отъ которого апеловалъ, а если бы того дня въ пра†стоечы не отзывалъ, а хотЂлъ бы на завтрее въ томъ ся отозвати, такову апеляцыя не маеть быти допущона.






АРТЫКУЛЪ 66.

О давностяхъ земскихъ.


Хто бы о имЂне лежачое давность земскую десеть лЂтъ у молчанью былъ не позывалъ ани листовъ упоминальныхъ не бралъ, уставуемъ, ижъ таковый о то вЂчнЂ молчати маеть; а хотя жъ бы се и поминалъ и ку праву позывалъ и въ року стоялъ, а речы до конца не довелъ, а потомъ также отъ даты листовъ або позвовъ давность земскую десеть лЂтъ промолчалъ и не впоминался, таковый вжо о таковое имЂнье вЂчнЂ молчати маеть.







АРТЫКУЛЪ 67.

О отправахъ речей сужоныхъ.


Уставуемъ, ижъ кождоя отправа речы сужоное маеть быти плачона на роки земскіе, яко вышей описано, а по выйстью роковъ гдЂ бы ся заплата не стала; тогды судъ земскій маеть возного послати и при немъ двухъ шляхтичовъ земянъ, которые отправу вчинити мають на имЂнью его водлЂ статуту и шацунку нижей описаного, и положыти закладъ на листЂ увяжчомъ такъ великій, яко о самую речъ идетъ. А естлибы о тотъ урядъ дбалости мЂти увязанья поступити не хотЂлъ; тогды урядъ земскій маеть отослати до уряду замкового або дворного, а сторона поводовая маеть оного противного припозвати до уряду замкового на д†недЂли яко на завитой рокъ. И кгды доведетъ сторона поводовая такового впору и не послушенства его; тогды врядъ замковый, гдЂ воевода будеть, ино воевода, або стороста, або державца сами особами своими, а въ небытности ихъ, ино намЂстники ихъ зъ рамени нашого господарского винни будуть всю шляхту того повЂту обослати, и день зложывшы съ ними ся рушыти, и моцно яко што первей у суду земского сказано такъ и въ закладехъ у во имЂнья того непослушного увезати, которое заруки половица сторонЂ поводовой быти маеть, а другая половица на насъ Господара. А гдЂ бы еще повторе тотъ же за позваньемъ до кгроду а рамени и звирхности вряду нашого господарского спротивилсе; тогды врядъ замковый, того се всего достаточнЂ выведавши, намъ Господару листомъ своимъ маеть ознаймити, а мы Господаръ съ канцляреи нашое листы роскажемъ выдати по всему панству нашому Великому Князству Литовскому, и за горло его поймавшы, съ права гдЂ ся въ томъ виненъ покажетъ, ничымъ иншымъ только горломъ карати роскажемъ. О речъ сужоную о заруки тые жъ воеводове старостове и державцы судовые и ихъ врядники тымъ обычаемъ, яко вышей описано, на имЂньяхъ таковыхъ упорныхъ взрушеньемъ повЂту отправовати моцно мають; а шляхта за обосланьемъ старостинскимъ будуть повинни збройно яко на войну на таковое увязанье и за се на поиманье такового противника нашого Ђхати, выймуючы съ того пановъ радъ и врядниковъ нашихъ дворныхъ. А который бы шляхтичъ, будучи въ дому своемъ, а на таковую потребу нашу за старостою рушитися и Ђхати не хотЂлъ; тогды таковый за доводомъ слушнымъ старостинымъ виненъ будеть намъ Господару двадцать и чотыри рубли грошей заплатити, а за отправу возному, колько кроть поЂдетъ, отъ копы по пол-гроша яко вышей описано, а замковому увяжчому потому жъ, яко и передъ тымъ бывало, отъ кождое копы по шести грошей, которые увяжчое маеть быти взято на виноватомъ. А который бы врядъ такъ земскій яко и замковый по выстю року заплатЂ зложоного сторонЂ жалобливой отправы дати не хотЂлъ и зволокъ то до чотырохъ недЂль; тогды тотъ судъ будеть повиненъ сторонЂ жалобливой вси шкоды и наклады, што по выйстью року зложономъ въ томъ шкодовати будеть, на што слушный доводъ учынить, подлугъ права самъ платити и отправовати.






АРТЫКУЛЪ 68.

На имЂнью лежачомъ отправа сумы пензей.


Уставуемъ тежъ, кгды бы отъ суду нашого господарского або тежъ отъ суду замкового земского было послано увязати за якую суму присужоную; тогды возный зъ уряду приданый, маючы при собЂ шляхту и людей добрыхъ стороннихъ, маеть увезати за кождою двадцать копъ службу людей потому жъ и уволоку осЂлую, а за десеть копъ грошей въ пол-службы або въ пол-волоки, потомужъ и въ землю пустовскую, а за копу грошъ въ моркгъ земли погною, а простого поля тотъ же моркгъ за петдесятъ грошъ, а сеножати моркгъ, пол-копы грошъ *, а земли лесное, которая бы се годила на пашню, за сорокъ грошъ моркгъ, а бобровое земли моркгъ за двадцать грошей, а пожытки пущы озера и рЂки водле важности ихъ.



* Въ трет. ред. стат. «а сеножати моркгь пятдесятъ грошей».







АРТЫКУЛЪ 69.

О кгвалтовное выбитье спокойного держанья.


Тежъ уставуемъ, хтобы кого выбилъ съ спокойного держанья такъ изъ имЂня яко и отнятьемъ людей кгрунтовъ; тогды оный выбитый того жъ часу, а надалЂй въ чотырохъ недЂляхъ отъ выбитью, маеть припозвати того, хто выбилъ его, до вряду замкового на рокъ завитый на д†недЂли. А кгды доведетъ держанья своего оного кгвалтовного и упорного а безправного выбитья стороны своее противное; тогды врядъ замковый або дворный судовый маеть всказати ему кгвалтъ и шкоду зъ навезкою, и черезъ возного положывшы закладъ на листЂ своемъ, яко тая речъ, съ которою выбитъ, стоитъ, маеть за се выбитому пустить въ держанье. И пакли бы сьпротивилъ и не поступилъ возному увязанья и боронилъ самъ черезъ себе або черезъ врядниковъ и черезъ кого жъ кольвекъ; тогды врядъ противъ тому повиненъ самъ Ђхати, повЂтъ рушывшы, и далей поступовать, яко о томъ ширей у артыкулЂ шестдесятъ осмомъ вышей сего роздЂлу есть описано. Потомужъ хто бы се кому листомъ своимъ передъ врядомъ описалъ и обовезалсе, што колвекъ выполняти, а тому досыть не вчинилъ, увязанья моцно боронилъ, а было бы въ листЂ записЂ доложоно моцного увязанья за листы нашими або врядовыми; тогды такжо врядъ замковый зъ рамени нашого противъ таковому заховатися маеть.






АРТЫКУЛЪ 70.

О подкоморыхъ и о ихъ врядЂ.


Уставуемъ, ижъ въ кождомъ повЂтЂ подкоморый присяглый и осЂлый въ повЂтЂ томъ, которого мы Господаръ дамо, и маеть быти подкоморый на томъ урядЂ до живота своего, яко и иные врядники земскіе. А напервей нижли тымъ рядомъ справовати будеть, маеть присегу на тотъ врадъ свой учинити тыми словы: Я. Н. присегаю Пану Богу всемогущему въ Троицы Единому, ижъ на врядЂ томъ земскомъ подкоморскомъ, который зъ ласки изъ рукъ его королевское милости беру, его Королевской милости Господару своему милостивому вЂренъ буду, справуючи тотъ врядъ вЂрне и справедливе, такъ судъ моемъ подкоморскомъ, яко тежъ и при сыпованью границъ ничого большей на томъ врядЂ не постерегаючы одно справедливости светое, и не даючыся ни въ чемъ уводити а ни приязьнею ани даромъ, также справы мои подкоморскіе на всемъ вЂрне справуючы, и споры зъ обудву сторонъ зъ усказаньемъ черезъ мене учиненымъ пильнЂ до книгъ своихъ судовыхъ уписуючы, такъ ми Боже помози.





Врядъ подкоморого.


По всякихъ розницахъ земленыхъ и граничныхъ за одосланьемъ отъ суду земского маеть подкоморый моцъю звирхности нашое а владзы уряду своего давати позвы по стороны подъ именемъ и печатью своею, и рокъ завитый складати на выЂздъ на кгрунтъ за чотыри недЂли на всякіе розници земленые або граничные, и выЂхавшы и огледавшы выводовъ права листовъ и знаковъ граничныхъ и свЂдковъ, чіе листы лЂпшые и знаки граничные явнЂйшые и свЂдки слушнЂйшые будуть, тую сторону ку доводу маеть припустити, и выслухавшы доводу подлЂ статуту маеть кгрунтъ певный сказати, и границы копцы знаки граничные учинити, и на то листы суду своего подъ печатью и съ подписомъ руки своее дати. А гдЂ бы зъ обЂюхъ сторонъ вывода правного на письмЂ або тежъ и знаковъ граничныхъ явныхъ и слушныхъ не было; тогды поводовая сторона при жалобЂ своей маеть быти ку доводу припущона. Тежъ, абы право ведучы о кгрунтъ певный або о розницы граничные зъ однымъ, не мЂлъ отъ кого иного зъ стороны переказы въ томъ правЂ, яко се то придавати звыкло отъ околичныхъ сусЂдовъ границами и межами прилеглыхъ ку тоиу кгрунту, о который право идетъ, для того сторона поводовая або жалобная маеть околичныхъ сусЂдовъ на тотъ же выЂздъ позвы подкоморого притягнути ку пригледанью выводу при постановенью границъ, ку тому жъ ачъ кождый рокъ выЂзду подкоморого на кгрунтъ маеть быти завжды завитый. А вЂдже гдЂ бы которая сторона тотъ же часъ и рокъ або форобою правдивою зложона была, або иншую справу передъ инымъ врядомъ мЂла; тогды съ тыхъ прычинъ маеть быти вольна отъ того року, а вЂдже о форобЂ своей естли се передъ рокомъ придеть, маеть въ часъ урадови подкоморого и сторонЂ ознаймити, абы того року не пильновано; а подкоморій повиненъ будеть на иншый часъ переложыти, за которымъ переложенемъ на другомъ року сторона, которая на першомъ року не стала, повинна будеть наипервей водлЂ статуту сумнЂньемъ и присегою своею правдивое форобы довести, и потомъ зъ стороною противною росправу судовную наконецъ приняти, а около большое справы, которую бы передъ инымъ врядомъ мЂли, маеть довести свЂдецствомъ.






Справа Урядовая.


По суду подкоморого естли бы за присуженьемъ кгрунту и границъ шло о якіе колвекъ шкоды; тогды о то маеть быти отосланье за се до того жъ суду земского, отъ которого справа на судъ подкоморого пришла. А апеляцыя або отзовъ отъ подкоморого маеть быти до насъ Господара. А вЂдже ажъ по сконченью справы судовое за которымъ отозвомъ мають быти властные отъ насъ Господара на кгрунтъ комисаре въ ономъ же повЂтЂ осЂлые, а звлаща кашталянъ оного повЂту, а гдЂ бы оного повЂту каштеляна не было, тогды маршалокъ повЂтовый и зъ иными комисари, передъ которыми будеть повиненъ подкоморій справы суда своего оказати; а они моцни будуть судъ подкоморого и границы, естли бы въ чомъ выкрочилъ, поправити, або тежъ, если добрЂ судилъ, при моцы зоставати. А хто бы тежъ безъ причыны слушное отъ суду подкоморого отзовъ учынилъ, тотъ потомъ за высланьемъ комисаровъ нашихъ въ томъ дознаныхъ повиненъ заплатити вины на врядъ подкоморого д†копе грошей и шкоды сторонЂ нагородити подлЂ слушного доводу. ГдЂ бы тежъ розницы въ кгрунтахъ придалися на границы сполной дву повЂтовъ; тогды не одинъ который подкоморій але оба два зъ обудву повЂтовъ на такій кгрунтъ певный выЂхати мають. Заплата подкоморому маеть быти отъ кождого нарожного копца по двадцати и чотыри грошій Литовскихъ, а отъ посреднихъ копцовъ отъ кождого по дванадцати грошей. А вЂдже копцы одинъ отъ другого не мають близшіе чинены одно черезъ три шнури волочные, окромъ того гдЂ бы се граница закривеная придала и частыхъ копцовъ потребовала, а гдЂ бы тежъ копцовъ потреба не была, одно прогоненье межи было, тогды отъ таковое межи отъ кождыхъ трохъ шнуровъ волочныхъ дванадцать грошей.






О коморникохъ.


А ижъ бы отправа всякихъ справъ, вряду подкоморого належачыхъ, омЂшканья и затрудненья никоторого не пріймуючи, але тымъ снадней кромъ вшелякое проволоки и продолженья скутокъ, а конецъ свой пріймовала.

Про то въ кождомъ повЂтЂ подкоморый ку помочи своей маеть обрати одного або тежъ и двохъ коморниковъ, шляхтичовъ въ повЂтЂ осЂлыхъ людей годныхъ и статечныхъ, которые на рокохъ судовыхъ передъ кашталяномъ або маршалкомъ повЂтовымъ и передъ врядомъ земскимъ або дворнымъ мають присегу таковую жъ, якую самъ подкоморій, на врядъ свой коморницкій учынити; а потомъ кождый зъ нихъ по особну за сланьемъ подкоморого, гдЂ бы самъ подкоморый на которой спра†быти не могъ, тую всю моцъ и владность зуполную мЂти мають и будуть яко самъ подкоморый.




















Попередня     Головна     Наступна


Етимологія та історія української мови ua_etymology:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчани, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.