Попередня     Головна     Наступна





РОЗДЂЛЪ ОСМЫЙ О ТЕСТАМЕНЬТЕХЪ.



АРТЫКУЛЪ 1.

Хто можеть и не можеть о речахъ своихъ рухомыхъ тестаментъ чинити.


Уставуемъ, ижъ кождый маеть мЂти моцъ о речахъ своихъ рухомыхъ тестаментъ чинити, кромъ тыхъ парсунъ нижей описаныхъ, которые парсуны ижъ подлЂ права не мають ничого вольного, для того тестаментомъ никому ничого отдати не могуть: наипервей дЂти лЂтъ зуполныхъ не маючіе, законники будучи въ законЂ не привильеваномъ, принемши и потвердившися въ законЂ, сынове зъ отцемъ недЂльные окромъ речей набытья своего властного або выслугъ, бо тежъ въ чужую моцъ поданые, то естъ тотъ кого бы кому выдано зъ его статки, шаленые, кацеры, невольники, отъ розуму отходячіе, а вЂдьже тые, коли къ собЂ прійдуть, моцны тестаментъ свой чинити, такъ тежъ и чти отсужоные не могуть тестаментовъ чинити.






АРТЫКУЛЪ 2.

О тестаментехъ на речи рухомые на имЂнъя набытые, якъ маютъ чинены быти.


Коли бы хто на речы рухомые або на имЂнье набытое хотЂлъ тестаментъ чинити; тогды таковый будь здоровъ або форъ, коли бы только былъ при доброй памети, моцомъ будеть речы свое и имЂнье набытое таковое отказовати, кому хочеть такъ духовнымъ парсунамъ яко и свЂцкимъ, призвавшы къ тому врядъ земскій судью подсудка писара каплана, а гдЂ бы вряду иЂти не могъ, ино передъ трема свЂдками вЂры годными можеть тестаментъ чинити. А коли сам потомъ умретъ, а тую волю свою остатнюю смертью потвердить, хотя бы и печати не приложилъ; таковый тестаментъ маеть при моцы зостати, только бы по смерти его не омЂшкали тестаменту передъ нами Господаремъ або передъ врядомъ земскимъ оповЂдати на рокохъ першыхъ судовыхъ. Пакли бы хто учиненью тестаменту живъ зосталъ, вольно таковому тестаментъ свой колько кроть хочеть отмЂнити, а остаточный тыхъ двохъ тестаментовъ смертью потвержоный врядовнЂ учиненый въ кождого права при моцы зостати маеть. А именье набытое тестаментомъ яко рухомую речъ кождый можеть записати, коли хочеть, нижли хтобы хотЂлъ имЂнье набытое на церковь записати маеть тымъ обычаемъ: которые кольвекъ духовные будуть тое имЂнье держати, мають съ того имЂнья службу земскую служити конно збройно водле уставы и уфалы земское. И вже отъ того часу уставуемъ, хто записалъ имЂнье на костелъ, тогды съ того имЂнья потомужъ маеть быть служба, яко и первей бывало. А а вЂдже тые свЂдки, которые при справованью тестаментовъ бывають, мають въ собЂ слова, которые слышать отъ того, хто тестаментъ чинить, правдиве до тестаменту казати вписовати и выразити значнЂ безъ кождого охиленья, тежъ и тотъ, хто тестаментъ чинить, маеть меновите кождую речъ у тестаментЂ докладати.






АРТЫКУЛЪ 3.

О сведкахъ, которые мають быти при справованью тестаментовъ.


Тежъ уставуем, при тестаментЂ мають быти три свЂдки вЂры годныхъ и неподойзреныхъ, про то тые свЂдки нижей менованые быти не мають: наипервей тые, которые тестаментовъ своихъ чынити не годни, тежъ невЂсты и екзекуторове або опекунове того тестаменту, такъ тежъ и тые, которымъ въ томъ тестаментЂ што будеть описано. А вЂдже если бы ся приходило кому тестаментъ на войнЂ и въ дорозЂ и въ дому а у пригодЂ, або не могли бы трехъ свЂдковъ мЂти; тогды колко можеть быти, только бы вЂры годни, а при таковыхъ можеть тестаментъ чыненъ быти, нижли скоро по вчыненью маеть тотъ тестаментъ объявленъ быти передъ нами Господаремъ або передъ судомъ земскимъ на первыхъ рокохъ судовыхъ, а на войнЂ передъ гетманомъ альбо хоружымъ повЂтовымъ, а тые свЂдки присегою своею мають тотъ тестаментъ потвердити. А трафитъ ли ся таковый тестаментъ чынити въ чужія земли; тогды тестаментъ маеть быти объявенъ передъ тымъ врядомъ, гдЂ ся пригодить, а пріЂхавшы до того панства и вказавшы отъ оного вряду выписъ, предсе маеть передъ врядомъ земскимъ оповЂдати, яко вышей описано.






АРТЫКУЛЪ 4.

Ни хто не можеть невольнику своему ничого записати, вольнымъ не вчынившы.


Уставуемъ, ижъ кождый якого кольвекъ стану невольнику своему, не вчинившы его на передъ вольнымъ, ничого тестаментомъ записати не может, абы его первей вольнымъ учинилъ. А вЂдьже тестаментомъ ижъ каждымъ листомъ явнымъ можетъ невольника своего вольнымъ учынити, а учинившы, тымъ же тестаментомъ можеть ему што рухомого водлЂ воли своее записати.






АРТЫКУЛЪ 5.

Кождый слуга путный и мЂщанинъ мгъстъ неупривилъеваныхъ, и тежъ человЂкъ простый якъ маетъ тестаментъ чынити.


Уставуемъ, ижъ кождый съ таковыхъ людей воленъ тестаментъ чынити о речы свое рухомые и описати третюю часть маетности своее всее кому хочеть, а д†части тыхъ же рухомыхъ речей маеть зоставити дитяти въ дому своемъ, для отслугованя съ тое земли свое, на которой сЂдить; а не будеть ли мЂти дЂтей ино предсе тые д†части маетности его маеть зостати въ дому его ку службЂ оного пана, на чыей земли сЂдить. А естли бы дЂти будучи вольные, а хотЂли прочъ пойти, тогды тую д†части маетности вземшы мають пойти прочъ, только землю мають пану своему подати и съ жытомъ засЂянымъ и съ хоромами съ тымъ всимъ, съ чымъ будеть тую землю пана своего на службу взялъ.






АРТЫКУЛЪ 6.

Если бы тестаментъ въ чомъ не былъ достаточнЂ справованъ.


Коли бы въ которомъ тестаментЂ якимъ незначнымъ або якимъ закрытымъ письмомъ который артыкулъ въ немъ былъ написанъ, або тежъ на мЂстцу значномъ або на датЂ было скробано, тогды таковый тестаментъ маеть быти никчемный; а гдЂ бы на мЂстцу мало потребномъ было скробано не ку шкодЂ сторонЂ, тогды шкодить не можеть. Такъ тежъ хто бы хотЂлъ бурить тестаментъ, а если бы въ въ одномъ або въ кольку артыкулехъ былъ нарушонъ, а иные вси поряднЂ водлЂ статуту справлены; тогды однымъ або колько артыкуловъ всего тестаменту касовать не можеть. Такъ тежъ о записехъ всякихъ на кождую речъ розумЂно и сужено быти маеть.






АРТЫКУЛЪ 7.

Причыны для которое отецъ сына можеть отъ имЂней выдЂлити або отдалити.


Уставуемъ ижъ съ причинъ тыхъ, гдЂ сынъ кгвалтовну руку поднесетъ на родичовъ, альбо имЂнье за жывота зъ рукъ отцовскихъ кгвалтовнЂ отыйметь. Другая кгды значную кривду вчынить родичу, альбо которымъ обычаемъ на горло стоитъ. Третяя кгды сынъ або дЂвка правнЂ не для Речы Посполитое а зе злостью або зъ ненависти стоитъ на горло родичу або матцЂ. Четвертая кгды часъ потребы рукоемства, або взятья зъ везенья, ку постановенью своей руки на рокъ въ речы, кгды идетъ о горло отцу або которому кольвекъ, речъ отмовялъ або зборонялсе взяти. Пятая кгды дЂвка нерядные учынки чынить, чыстость свою ображаючы, а родичы малженства и вЂна ее не забороняли, а въ той нерядности передъ лЂты двадцатма и петма въ малженство не пошла, а нерядности своее уживати хотЂла; тогды родичове могутъ отъ имЂнья выдЂдичыть, а то для того, ажъ ихъ послушна быть и въ малженство пойти не хотЂла. Шестая кгды родичовъ опущаютъ взешстью розумовъ ихъ. Семая коли бы родичовъ въ непріятельскихъ рукахъ будучыхъ окупити або чымъ иншымъ вызволити не хотЂли, маючы имЂнье и маетность въ рукахъ своихъ. Осмая кгды упорнЂ кацерства не слЂдують, або ку вЂрЂ Хрестіянской пристать не хотятъ. А вЂдже и за тыми причынами первей жадныхъ записомъ а ни тестаментомъ выдЂдичити не можеть, ижъ бы тые причыны або которою зъ нихъ передъ врядомъ оповЂдалъ и до книгъ записалъ.






АРТЫКУЛЪ 8.

О человЂку слЂпомъ.


Если бы се тежъ пригодило человЂку слЂпому тестаментъ чынити, таковый при тестаментЂ своемъ маеть мЂтъ осмъ свЂдковъ а не мнЂй, при таковыхъ свЂдкохъ тестаментъ подлЂ права справованый маеть быти и за слушный принятъ.















Попередня     Головна     Наступна


Етимологія та історія української мови ua_etymology:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчани, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.