Уклінно просимо заповнити Опитування про фемінативи  


Попередня     Головна     Наступна




Початок: Віршовий полемічний комплекс 80 — 90-х років XVI ст.



ІЗ КИЄВО-МИХАЙЛІВСЬКОГО ЗБІРНИКА




УПАДОК САТАНЫ І АДА


/Арк.89./

Ты, мрачноє княжа, Сатано лукавый,

трепещи оного, иже тя поправый,

Рыдай горци съ ним, преисподний Аде,

разорити тебе уже господь гряде.

Не радуйся, аще и смерти въкусить,

ибо твою главу силою съкрушить.

Тогда души святых мусиш испустити,

єгда прийдет твои врата съкрушити /Арк.89зв./

Господь силам, цар славы, твоя же побЂда,

сам здЂ пришол спасти людского народа.

Плачите, прочеє жидовскоє племя,

богопротивное невдячноє имя.

Почто вЂровати Христу не тщите[с]я,

ибо огнем вЂчным в гнЂви истлитеся.







МОЛИТВА ДО ХРИСТА


О Христе преблагий, милостив нам буди,

силою твоєю блюди твоя люди.

Въ вЂри и правдЂ тобЂ послужити

и благодать твоя миру даровати,

Разбойнику за вЂру рая отверзаєш,

блудниць и мытарей з грЂхов оцищаєш.

Тому вси вЂрнии величиє дайте,

славу и похвалу весело спЂвайте.







УТЂХА СИОНА ЗЕМНАГО ХРИСТОС


Радуйся зЂло, сионова дщери,

и отверзи свои прекрасныя двери.

Тому, иже к тобЂ покорне въєждъжаєт

на жребяти ослЂ и врага смиряєт.

Чудо въ чудесєх, о великий боже,

и кто твои судбы исповЂсти може.

Ибо яко чловєк на осля всЂдаєш. /Арк.90./

A якъ бог идолы сильно сокрушаєш,

и ими прелщеных к собЂ призываєш,

Яко чловєк на земли труды въсприємлеш,

а на небесЂ ангели на службу приємлеш.

На престолЂ седиши сый на херовЂмех,

въ троици божества славим в серафимех.

ЗдЂ малыи дЂтии осанна спЂвають,

а там ся въ вышних страшно удивляють

Небесныя силы, иже тя предстоять,

отца и сына и святый дух немолчено славять.

Град бо Ієрусалим тебе ожидаєт,

отца же небо со собою маєт.

И кто ж не трепещет пред тобою стати,

и како възможе страх твой истерпити.

Ибо смоковницу усхнути сотвори

иже тобЂ плода сия не сотвори,

Єгда възалкася на пути идущий

къ Єрусалиму здЂ на земи сущий.

И жидове сиє бЂдно пострадали,

иже тобЂ благих приплодов не дали

І, як смоковница сухая, зостали,

от твоєго ж царства въ вЂки отпали./Арк.90зв./

Не дай же нам, цару, сего пострадати,

да въ вЂри тобЂ будем работати,

И нас милостиве милостью покажи

и род християнский въ вЂки ублажи.

Ты бо и на земли, ты паки и в небЂ,

и свЂт и свЂтила работають тобЂ.

Превеликих доров нас єси сподобил,

и от сЂтей вражих чловєка свободил.

И въстокъ и запад нехай тебе славять,

і юг же и сивер вЂчно да похвалять.







О ЛИКОВАНИЮ ВСЕЙ ТВАРИ [I]


Да играєт нынЂ и небесная твар,

приходить бо вЂчный къ Сионови цар.

Вы же всЂ вЂрныє господа витайте,

и послушность єму чистую подайте.

Священици з людми п[ок]лон приносЂте,

и старци и дЂвы богови служЂте.

Они бо кровию прачи знаменали,

мы же знамениє крестноє приняли.

Они преходили от страны въ страну,

а мы з невЂрия въ вЂру избранну.

Они через море сухо преведени,

a мы от идолов к богу присвоєни./Арк.91./

Псалмы бо и пЂсни и воня и цвЂты

приносими дЂтми временными лЂты

Ісусу — чловєку, богу и цареви,

архиєрею же и всим господеви,

Єго же в покори жребя подымуєт,

къ Єрусалиму на муку шествуєт,

Ведучи з собою своя ученики,

там смерти въкусил за вся человЂки.

Єму же жидове крест уготовали

и терновым вЂнцем c копиєм витали.

Оцтом и желчию сего напояли,

и святоє лице єго заплевали.

Забывши оного иже манну брали

въ гладной пустыни мало єго знали.

ГдЂ сладкая вода ѝм c камени зышла,

а твердая злоба до серца ѝх пришла,

Ибо спаса нашего на дре†роспяли,

єго же якъ царя языци приняли.

Како предста Пилату, агнче незлобивый,

неправедно судим єдин справедливый.

Раны и гвоздиє студ же и досаду

прияти терпиши от єврейска роду.

Моляся къ отцу о твоих убийцах,

офЂруєш себе о словесных овцах /Арк.291зв./

Въ єдино стадо сих совокупити,

и от тмы къ свЂту всЂх повыводити.

Велия ти милость на нас излияся

и благодать твоя миру даровася.

Разбойнику за вЂру рая отверзаєш,

блудниць и мытарей з грЂхов оцищаєш.

Тому, вси вЂрниѝ, величиє дайте,

славу и похвалу весело спЂвайте.







О ЛИКОВАНИЮ ВСЕЙ ТВАРИ [II]


Да играєт нынЂ и небесная твар,

приходить бо вЂчный къ Сионови цар.

Вы же всЂ вЂрныє господа витайте,

и послушность єму чистую подайте.

Священици з людми, поклон приносЂте

и старци и дЂвы, богови служЂте.

Мудрость сый и сила от отча състава

святей єго церкви и пастыр и глава.







О ДОБРОТИ СЫНА БОЖИЯ


Єго же Виθлиом дЂвою породил,

и Назарет-мЂсто юного въскормил,

Того бо Іоан Предотеча крестил,

он же єго руци и воды освятил.

Тому послушенство море учинило

и от словес єго волны укротило.

Многи бо и чудны єго даровитства,

неизреченыи нами величества.

СлЂпыи бо свЂтлость в него получили,

и разслабленыи им ся улЂчили.

Иже на ФаворЂ божество объявил,

и на крестЂ главу святую преклонил.

Или яко винець благовонны цвЂтов,

наказуючи нас спасеных обЂтов,

Поєлику даров бог ти подаровал,

на лучшую славу собЂ уподобал,

Быти опекуном спасения многим,

старцем и отроком, богатым и убогим,

Потолику болше въ любви источник

быти желаєши, богови ученик.

Господеви своєму вЂрно подражая,

въ дни же и в нощи сему работая,

З духовными отци възрадуйся денес

яко господь отцем ражаєтся Христос,

Отець и владыка, пастыр и младенець,

иже уготовить и вам оный вЂнець,

Єго же в царстви вЂрным подаруєт,

идЂже з святыми вЂчно господьствуєт,

Bo многии лЂта в того благодати,

нехай вам даруєт благоденствовати,

душею и тЂлом купно здравствовати,

Істинными сердци сего вам желаєм,

и благолЂпными голосы витаєм,

Любезно слышати уха наклонЂте,

худости нашоя словеса приймЂте, /Арк.93зв./

Бог бо, цар наш, з дЂвы плотию исходить,

възлюбленый Христос от небес проходить,

Нам же праздновати сия позоставил,

съ ангелы купно абы и вас прославил,

Тому славу всюды вся твар во[с]пЂваєт

и царество єго въ вЂки трываєт,

Благодарениє богови, иж пришол к нам,

архангелский голос приймЂте въ ум,

И благословЂте и сердци и умы,

бога славимаго ангелскими умы,

Абы услышали и небеса и небес

радость, которую спаситель нам принес,

Єгда благоизволил на землю вступити,

и первоє пророчство в собЂ совершити,

Въсприємля тЂло нашого существа,

и прославил силу своєго божества,

О чудо велиє и паче преславно,

невидимый ангелом со нами быст явно.

Подобаше убо тобЂ, о владыко,

иже проникаєт бездны твоє око.

Въ рабиєм образЂ на земли пожити,

и въ крайней нищетЂ людем послужити.

Ни ходатай, ни ангел, но ты сам спаситель,

сын и слово божиє и мира створитель.






* * *

/Арк.88./

Пришол єси от ада Адама возвати,

И племени єго рай подаровати.

ВЂримо, яко ты истинна и живот,

О тобЂ святый дух Давыдом въпиєт.

Бог господь явися нам и благословеный,

Грядый въ слЂд єго на путь освященый.

Твоє бо божество въ плоти нетлЂнно

И господьство съ ним присно неизмЂнно;

Ангелския силы ниже разумЂли

И въ мысли своєѝ сего не имЂли.

Небо удивися, земля устрашися,

Єгда ты, преблагий, на земли явися.







О РОЖДЕНИИ ОТЧИМ СЫНА БОЖИЯ

.

/Арк.93зв./

Єго же безлЂтно отець порожаєт,

И въ пророцєх святый дух о нем въспЂваєт

З безлЂтного безлЂтный, плотный и безплотный.

Бог неописаный, господь неизреченый,

Сый бЂ и пресущий нами вЂруємый,

Сущий от сущаго, иже свЂт от свЂта,

ИзмЂряя вЂки и съдержа лЂта,

Отцеви и духу бозством съєдинен,

Треипостасного собства нераздЂлен

Им же бо бог пребый яже небу прият

И нашого своистова въ онЂх въприят.

СъвЂт прежде вЂчный хотя исполнити,

Отчую же волю паки съвершити.

І тЂми єстество наше обожити,

От дЂвы чистоя мир възсияти.

Сему свидЂтели и небо и земля,

Ангели и люде сугубоє имя.

НынЂ породися желаємый Христос

З [м]атере под лЂты въ обЂщаный час.

«Род же єго кто исповЂсть?» — Ісайа глаголет,

Аввакум же рече: «Бог от юга прийдет».

Царествие вЂчно Даниил вЂщаєт,

Давыд преже денница бытность повЂдаєт.

О нем всЂ пророцЂ свЂдецство давали,

И патриархове увидЂти ждали.

ЗвЂзда и цариє єму послужили,

Па[с]тыриє чудо c ними увидЂли.

Ангели пЂсни их преславно въспЂли.

Вифлиоме, играй в Христово рождество,

И славися съ нами оного божество,

Утроба дЂвыя небо вомЂстила.

Єя же вышнєго сила осЂнила.

На небесЂ слово отцу порожаєт, /Арк.94./

А на земли дЂвыя чрево издаваєт

Бога невидима видимого сына

От духа святого и млеком питана.

Іже собЂ дЂвая и богови мати,

Смирению раба з духа благодати

ГорЂ свидЂтели три възсиявають.

ДолЂ же вЂрою оних почитають.

Устами вашими да благословите,

И нам похвалити c вами подадите.







О ДЂВСТВЂ И ЧИСТОТЂ


Предивная ангелом дЂвичства чистота,

благопокорная чловєком доброта.

Понеже всЂ страсти и побЂждаєт смЂле,

подобная Христови обитая в тЂле,

духовными дары сия исполнена,

спасителем нашим присно възлюбленна.

Иже в молодости блуда отбЂгали

и цЂломудреный бисер притяжали,

Просветили души євангелским свЂтом,

украсили себе их духовным златом.

Такий съ ангелы богу преставаєт

от мира и плоти себе удаляєт.

Блаженыє дары святыє прыймують

тЂло въ работу духови дарують, /Арк.94зв./

И богови живо себе офЂрують,

О преподобная всесвЂтьлая радость,

обфито родячи ангелскую сладо[с]ть.

Благодати свЂтьлость, разуме избранный,

господем Исусом нашим въображеный,

Іже нам сияєш, як злато въ мЂри,

въспаляя души горячестю вЂры.

Род же того потомства многород бываєт,

плоды безсмертия присно умножають.

Бога собЂ отцем истиным имЂють,

и съ ангелами съродство имЂють,

Духом благодати суще порожени,

и млеком церковным сии въспитани.







РОД ДУХОВНЫЙ


Зачатиє нетлЂно и ниже от плоти

у вЂри възрастши жителствують святи

Єдиного възраста старости нЂ мають

паче въ юности всегда преспЂвають.

Из них же премудрость обилно исходить,

и души многиѝ Христови приводить,

Иже попирають прелести суєту

и Христову гонять вЂчную красоту.

Сия нетлЂниєм присно украшена,

многоцЂнных благих зЂло исполнена. /Арк.95./

О всечестный розуме, кто ти є подобный,

обитая в небЂ и богу угодный.

Твоє преподобиє тамо представаєт,

идЂже обитель дух святый мЂваєт.

Никогда же бЂсове тебе одолЂють

и, якъ сЂно огня, скоро отпадають.

Веселися пустыни, ижес породила,

без болЂзни чада многии́ сплодила.

Благии отрасли тамо възрастоша,

им же и ангели честно послужиша.

ДЂ[в]ства рачители и житиєм святи

превыше єстества ангели въ плоти.

Святобливость ими оздобу мЂваєт,

иже Христос царством в небесЂ вЂнчаєт.

Хто ж такую радость познати возможе?

такий иже дЂвство съхранити може,

Іж было тЂло церковь господеви,

чистоє житиє богу и цареви.

Иже свЂтом и огнем так ся называєт,

святых просвЂщаєт, грЂшных попяляєт.

Внимай, боголюбче, и сия розумЂй,

и за терпениє и надЂю имЂй.

Бог ти свою благость нынЂ подаровал

и апостолами истинно знаменал.

Славными вЂщаньми оповЂда дЂвство,

и такъ от Христа приймеши блаженство.

Смиреномудриє въ съвЂсти прийми,

и цЂломудрия одежу въсприйми.

Уготови твой сосуд дары въсприяти,

незлобия красоту и дух благодати.

Родоумность душЂ богатно въздаси,

точию Христови чистоту принеси

Съ дЂвами мудрыми у чертог Христови,

и єлея любви собЂ уготови.

Єго же витати и царествовати,

чистои без змазы скоро шествовати,

СвЂщу въспаливши присно, и потьщися,

въ нощи и во дни срЂсти вготовися.

Грядет бо въскори на землю от небес,

дабы тебе от земля ко отцеви принес.

И яко приѝмеши сия истяжати,

никогда же въсхощи себе възвышати.







ДОСТОЙНОСТЬ ЧИСТОТЫ


/Арк.95зв./

Яко велий єси, тако и смирися,

и даже до смерти съ враги борися,

ПобЂждай, доколи живеши въ тЂли,

дабы тебе сиѝ не преодолЂли. /Арк.96зв./

И тобою были всегда побЂждени,

єгда имЂєши тако огражени.

Смыслы и молитву и горячесть вЂры,

по сих достигнеши ангелскоя мЂры.

Познаєши себе тогда разумЂти,

и добронадежно богатество имЂти.

Не злато и бисер ниже многоцЂнны,

камений пресвЂтлых и ризы измЂнны.

Иже бо преходни паче же и тленни

и цЂною своєю бывають куплени.

Но благодать духа источник живота,

и разноличная божия доброта.

Когда раздаєтся, тогда умножиться

єще и сторично приусугубится,

Яко же бо аромат въздух наполняєт

и существом єго честно благоухаєт,

Тако душа блага любов простираєт,

о земных небрегши, небесных желаєт.

І єлеом милости суще въспалена,

добродЂяниєм и преукрашена.

Сим же малым внимая болших получиши,

єгда себе и иных тако обучиши.

Слыши c писания истинную мову,

честных трудов плод славен за любов Христову.







ДОСТОЙНОСТЬ ДЂВСТВА


/Арк.96зв./

Красную то доброту пророк называєт,

кому ся благодать в души изливаєт.

Ибо временная видимого тЂла,

аще бы вышшую уроду имЂла.

КрасотЂ душевной зровнати не може,

иже увянути въ вЂки не може.

По сем же даруєт ангелскую славу

и одежить в ризу нетлЂния нову.

Аще бо честни суть камыки въ златЂ,

и людскиє роды кохаються в цнотЂ,

многоцЂнны бисери цариє мЂвають

дары любезными собЂ посылають

и свои полаты свЂтьло украшають.

Но нЂсть сия ничтоже къ онЂм достойна,

яко доброта душЂ, Христу благовонна,

Которая чисто в тЂли пробываєт,

славу и похвалу въ вЂки приймаєт,

Перед лицем божим всегда жителствуєт,

чудный голос єго съ ангелы чуєт.

Рачителю дЂв[с]тва, добродЂтель храни

и плотолюбиє в телеси умори.

Превыше мирная съдЂлайся книга,

и тако станеши тогда близ бога.

Дорогий то клейнот и цЂны не маєт,

иже убо себе сей бога познаєт.









[БЕСІДА СТАРЦЯ З МОЛОДИКОМ]


[Молодик] /Арк.97./

ДоколЂ в пустыни, старче, се живеши,

да житиє твоє и мнЂ изречеши,

чего ради быст ти тако присЂдЂти,

чаєши ли когда и Христа видЂти.



[Старець]

Духовноє чадо, Христу възлюбленный,

разумЂй и вънми глагол ми смиреный,

иже отвЂщаю опасно слышати

о житии моєм извЂстно познати.



[Молодик]

Сего ради пытаю, отче преподобне,

твоєє святыни житиєм незлобне,

почто остависте мирскую красоту

и невидимую ищете доброту.



[Старець]

Христа величаю душею и тЂлом

въ дни же и в нощи съ разумом цЂлым,

єгда бо от мира сего устранихся,

тогда и вседушно Христу прилЂпихся.

Яко мертвый суще всегда въ сей плоти

навыкаю бога съ ангелы пЂти,

аще и в немощи бЂдний работаю,

но въ силЂ духа богу пробываю.

Молю отийти вас неже испытати,

не дЂйте мя, старца, много глаголати.

Молчания хощу себе обучити,

не достоить же ми тайну объявити. /Арк.97зв./

Прости, бога ради, бЂгу въ пустыню

упросити бога о єго простиню.



[Молодик]

Когда убо отець отринути волить,

любимого сына призрЂти изволить,

но и молбу єго любить услышати

и въ всЂх печалєх скоро утЂшати.

НынЂ и вы мене сына въмЂнЂте,

въ юности моєй сего сподобЂте,

ползовати душу или ревновати.

ангелски въ плоти c вами обитати.

Не остави плачу моєго въсує,

нехай моя душа за вами шествує

къ безмолвию же и уєдинена,

живуще Христови грЂху умертвенна.

Отче, отче, слыши, слезам моим внуши.



[Старець]

Увы, увы, сыну, зЂло ми стужисте,

ибо не навыкох вы нас понудисте

чину молчания тако разоряти,

грЂшный неже дерзну много глаголати,

вЂси Христа на земли како здЂ поживый,

въ бЂдах и скорбєх многотерпеливый

ниже храма стяжа, ниже подклонити

имЂ камо главы єго опочити,

в нищетЂ же своєй нищих обогатил, /Арк.98./

Ирод человЂчий къ нему обратил.

Тогда въсияла нищета въ мЂри,

и вбози взяли богатество в вЂри,

єгда прелестныя любви поплевали,

тогда вмЂсто здЂшних в небесЂ прияли.

Паче словес, чадо, дЂлы увЂрися,

а от сего мира скоро устранися,

любов бо до бога роскоши минаєт,

скорби надеждею к нему покрываєт,

удалися от мира богу приближати

и по вся дни тому хощи послужити.

Изложи плотскую работу въскори,

и съдръжи себе Христовы покори.

І євангелиєм господь завЂщаєт

и нас єго любов к собЂ ожидаєт.

Стяжания поверзи и горняя гони,

и волю и мысли богови повини,

душу молитвою частою украшай,

и о бозЂ себе повсегда утЂшай,

ума въ неволю предати блюдися

и святым житиям зЂло поучися,

многоочим буди на вражия сЂти

и єго лукавства внимай зрозумЂти, /Арк.98зв./

твердым пощениєм тЂло обуздавай,

въ снЂ же и в нощи бодрости заживай,

не множи словеса инЂх ниже суди,

и от скверных мыслей своє сердце блюди.

ЗрЂти и слышати грЂха не похоти,

и всЂ твои чувства по бозЂ обрати.

Мнозии бо звани, но не всяк трудиться,

нудяйся за Христа сей воцарится.

Печалий житейских въ душу не влагай,

творити благая о бозЂ возмагай,

Христовы словеса на сердцу печатай,

и правосудиє оного памятай.

Муки же и смерти некогда забуди,

и въ плачи твоє житиє пребуди.

Бояться бЂсове, аще ты скорбиши,

паче же за грЂхи и сих устрашиши.

СмЂющася Христа ни єдин не видЂ,

плакавшого часто о чловєчой бидЂ.

Любимиче, того в собЂ въображай,

и страстей грЂховных в тобЂ не примножай.

Не мощно бо грЂхов грЂхами избыти

и даров духовных в душу придобыти.

Іже кромЂ бога зЂло єст ти вредно,

но и пострадати сотворить тя бЂдно.

Блюди, блюди, опасно царским путем ити, /Арк.99./

ибо въсхощеши господу престати,

аще бо в законЂ грЂшити повчишся,

сугубоє муки виновен явися.

Должен буди бога яко сын любити,

и чистую совесть єму съхранити.

Достоин бо дЂлатель и мзды ожидати,

святых своѝх господь обЂща вЂнчати.

Не подпрязи себе избирати сласти

да не останеши въ грЂховней власти.

Многи чрева ради жизни удалени,

иже поста ради были бы блажени.

Буди же въздержник от всякоя скверны,

и не уродиши противному вины.

Палай и усердиєм пЂти твоєму творцу,

слави непрестанно всесвятую тройцу.

Молитву же святых на помощ примоли

и дЂву чистую з вЂрою умоли,

и ѝх молитвами ко богу являйся,

грЂха исповЂсти никогда срамляйся,

чистою душею твори богу службу,

противися крЂпци на вражию дружбу.

О мири молися, c ним же ся не слагай

и от любви сего воскори убЂгай. /Арк.99зв./

Къ Исусу молитву, яко сладо[сть], люби

и тЂло подвигом в молит†потруди,

смертныя же любы хотяй стяжати,

и о жизни вЂчной себе утЂшати,

Христос, твой учитель, за тебе пострадал

и житиєм єго тобЂ образ подал.

ТлЂнноє бо житиє тобЂ єсть гостина

и красота єго яко паучина.

уныниє душЂ бодростю отсылай,

и враги и други любовно ущедряй.

Паче божих волей своя не постави,

ниже хотЂния твоєго состави,

ибо и ангели воли их не творять

и во дни и в нощи милость єго молять.







КРАСОТА ПОСТА


О прекрасный посте, християном любость,

тобою приємлем от господа милость.

Ты даєши крЂпость вЂ[р]ным на суєту

и приближаєши в Христову простоту

шествовати путем праведным б[е]згрЂшно

скорым течением на высоту спЂшно

от земля, к небесЂ яснЂйшаго свЂта. /Арк.100./

Которы[и] на свЂти въ вЂчна[я] лЂта

угодники богу, здЂ бывшии c нами,

поємлЂте и нас шествовати с вами.

Велиє блаженство сего о[жи]даєт,

иже чисто зрЂти господа желаєт.







ГОСПОДЕВИ ПОХВАЛА


Мы же что въздамо оному цареви,

спасителю всЂх нас, своєму господеви.

Недостойни суще оного святыни

прияти вЂчноє єго благостыни.

Мира не требуєт, но лежить въ гробЂ

ниже потребуєт марноє оздобы,

вже бо нетелесно c нами жителствуєт,

съ отцем и духом вЂчно царествуєт.







СЛАДОСТЬ ХРИСТА ЖЕЛАТИ


Нехай ми хто подаст милую прохладу

въсприяти Христа сладчайшого меду,

устами и серцем того поживати,

и пречистых таин з вЂрою прияти.

Бог ми, ты, о Христе, помощ и оброна, /Арк.100зв./

и от всяких врагов твердая заслона,

укрЂпи мя тобЂ вЂрно работати,

на грЂха и врага мужественно стати.







ХРИСТОС НАШ ЖИВОТ И ЗАСТУПНИК


Пресладкий Исусе, ты мы єси живот,

удали от мене тот душевный потоп,

которого на нас дявол напущаєт

и злостями єго лукавно прелщаєт,

твою же ми любовь низпосли богатно,

абым ишол к тобЂ путем неизвратно,

яко же святыє к тобЂ приходили,

и надежу свою в тебе получили.

Где ты нынЂ живеш съ святам ти отцем,

буди душЂ моєй пастыром и ловцем.

Къ тебЂ въпию, услыши мя нынЂ,

прилучи гр[Ђ]шнаго твоєй благостинЂ.

Не отрини мене въ время напасти,

не дай же ми тебе въ вЂки отпасти.

Исполни радости мене оскорблена,

нехай душа моя будет умиленна,

увидЂти тебе въ святых ти градєх

въ вЂчной радости свЂтовидных садєх.







УСТЫ СВЯТЫХ ЄГО ЯВСТВЕННО ЗАЛЂЦАЛИ


/Арк.101./

НеотмЂнным словам вЂруйте правдиве,

спЂшЂтеся к нему прийти потщасливе,

любящих бо єго приємлет умилно,

хто євангелиє исполняєт вЂрно,

чисто и без [з]мазы трываючи в тЂли,

якъ к нему святыє усердиє мЂли,

марно того свЂта буйство въмЂнили

и до вЂчных жилищ мысли прилучили

и скорбей забывши съ Христом ликують,

идЂже ангели світло жителствують.

И мы приходЂмо з молитвою в пости,

умертвивши въ нас грЂховныя страсти,

покорЂмо духу плотеския мысли

и тако станемся, яко живыя гусли,

Псалтыр десятострунен, сугубыя чувства

поюще богови того величества.

От словес своих или оправдишися,

или осудишися. Слово ваше да бываєт въ благодать

солию растворено, сырЂч розумом

духовным, єже отсікаєт гнилость

плотскоя мудрости.




* * *

/Арк.101зв./

НынЂ слава божия на з[ем]ли сияєт

и небесным світом мир ся просвЂщаєт.

Языки погане Христа вже познали

и въ плоти бога люде оглядали.

Слыши нынЂ новый избранный Израилю,

ибо до вас слова пророчиѝ мовлю.

Преславная мовлено о божиєм градє,

Христу насажденый, о священый саде.

Велебный пастырский в духовенст†сане

и всЂ, им же нынЂ сладость в сердцу стане,

Пречудныє пЂсни спЂвайте устами,

и ангелы з неба прилучатся з вами.

Осанна въ вышних царество господнє,

иже цареству на[дъ] всими народнє.

Благословен грядый на службу Христовы

и покланяється честному крестови.

Запитайте к[а]жды[й] отроков сионских

и въкусим вЂрно сладостей пророцских.

Хто сия научи младечую душу,

иже провЂщають вЂчную радость нашу?

Яви бо, яко цар о царЂ написал,

великий он Давид, єму же дух вЂщал, /Арк.102./

Христови цареви свидітелство вЂрно,

яко раб же пану съ гласом покорно.

Отцу, рече, младенчих хвалу совершаєш

ты, который всяческим въ вЂки владЂєш.

Обоєго мира творець и съдЂтель,

нового Израиля любый утЂшитель.

Але како м[о]щно въкратцЂ вЂщати,

єго же нас небо научаєт знати?

Мы же, плотескоє създаниє сущи,

въсхотЂмо умы на высоту тещи.

И тамо навыкнем, яже наша худость

вмЂстити не може премирную мудрость.

І море и небо и земле и бездно,

хвалЂте господа съ ангелы згодно.

Хвали, Єрусалиме, з твоѝми гражаны.

и бога твоєго, Сионе ізбранный,

проповЂж народом и въскликни земли,

князя іюдова c почтою приємли.

Сионская горо, пути приготови

до Єрусалиму єхати Христови.

Ангели и люде, видЂте желайте,

Бог господь явися нам славно въспЂвайте.







ДО ЛЂНИВЫХ


ЛЂнивыє, любЂте Христу работати

и от нынЂ лЂности себе удаляти,

СмотрЂте дявола, како не лЂнится,

а вас, яко птицу, половити тщится.

Злокозный мысливець заставляєт сЂти,

въ дни же и в нощи, и зЂмЂ и в лЂти.

Вы же убЂгайте от такого лову

и до бога вашу наклонЂте главу,

Роскошей и пыхи будте отчужени

и, яко вЂрныє, будете блажени.







ЛИКОВАНЄ ВЄРНЫХ СВЯТЕЙ ТРОИЦИ


Благослови, святый царь, нынЂ ликовати,

духовную лучу слышащим приймати. /Арк.107зв./

Отче безначалный, сыну же родитель,

Христе, сыну єго, живота податель

И съ духом святым царствуйте безлЂтно,

всесвятая тройце, в сла†пребогатно.

Озарив мысли нам от небес святыни

всегда прославляти твоя благостыни,

НЂсм убо достоин по немощи моєй,

но уразуми нас по милости своєй

Въ дусЂ словеса со страхом изрещи

и к тобЂЂ]рою в небеса притещи.

Іже невымовне царствуєш над нами,

на небесЂ живый и на земли c нами.

ВънмЂм нынЂ святая святому принести,

святЂйшому святых голосы възнести;

ВсЂ любителиє Христа преблагого,

услышЂте дары владыки своєго.

Да предстанет c нами мудрости источник

апостол Іоан, небесный вЂнечник.

РЂка богословиѝ, небесныи уста,

любезный Христови и вЂры красота.

На ясном позори у Христова свЂта,

открыти на земли вышнєго совЂта.

Іже бЂ исперва без телесЂ слово,

свЂт от свЂта и въ плоти божество Христово. /Арк.108./

И слово бЂ у бога нам свидЂтелствуєт,

и бог бЂ слово ясно извЂствуєт.

Въ нЂдрєх сый отчиих пред вЂки родися,

второє же на земли з матерє явися.







ЯВЛЕНІЄ БОГА ВО ПЛОТИ


Безплотныє ангели удивлени сему,

желающе от небес приникнути єму.

Славу яко єдинородна видЂша въ тЂли,

радость въскресения женам извЂстили.

Явися свЂт истинный, вЂрныє, ликуйте,

ангелскому житию себе приготуйте.

НынЂ землю небом Христос сотворяєт,

цвЂтокрасным свЂтом ново поновляєт.

Ибо исполнена ангелскими лики,

благословен господь от ныни и въ вЂки.

Ступайте на высоту жития святого,

на тЂсную стезю пути преблагого.

Понеже царствуєт бозством и въ плоти

Христос несмертелный у новом животЂ.

ВидЂх, мовить писмо, въ плоти ходяща,

смиренного Христа и на кре[с]ти висяща.

ЧловЂчеством пострадал и бозством побЂдил

бЂсовскоє царство и вЂрных свободил.

Радуются нынЂ и небеса небес,

иже сын къ отцу чловЂчество принес. /Арк. 108зв./

А иже въ шату духа облечени

и въ крещении святом просвЂщени,

Духовныѝ купцЂ, куплю сотворЂте,

Христовы таланты усердно приймЂте,

И приплоды духа єму принесЂте,

должноє же єму з лихвою отдайте

И от него платы з радостию чайте.







ОСТОРОЖНОСТЬ ОТ ЄРЕСИ


Любезный народе христианских полков,

писмо оглашаєт в вас живущих волков,

Кламливоє вЂры єретицких дЂтей.

УтЂкайте от нея, якъ дяволих сЂтей.

Проклят бо имЂяй съ онЂми дружбу,

бога отлученый дяволу на службу.

Іже святых таѝн приялисте чашу,

наклонЂте бого†пилно любов вашу.

Не мещЂте святого свиниям топтати,

не мозЂте Христа два кроть роспинати,

Нечистого пянства бЂгайте, молю вас,

да не приѝдет помста от вышнего на вас.







ЧАДОНАКАЗАТЕЛЄМ [I]


Чада ваши бога боятися дайте,

пилно же и сами страх єго познайте.

Святым писаниєм вас упоминаєм

и божию волю вам оповЂдаєм. /Арк. 109./

Єсли мы умолчим, камень возопиєт,

a непокоривых гнЂв божий побиєт.

ПослЂдуйте святым отцем вашим,

которых житиє єст прикладом нашим,

Же они потомству не скарб набивали,

толко им страх божий на память давали.

В божиєй руцЂ нынЂ препочили

и милости єго себе прилучили.

Сиє богатество над злато любЂте,

и тама доспЂти бога помолЂте.







ЧАДОНАКАЗАТЕЛЄМ [II]

/Арк. 116зв./

Чада ваши бога боятися дайте.

пилно же и сами страх єго познайте.

Святым писаниєм вас упоминаєм

и божию волю вам оповЂдаєм.

На увЂрениє хулным єретиком,

а на веселиє вЂрным человЂком.







ПОХВАЛА РОЖЕСТВУ ХРИСТОВУ

/Арк. 109./

О дЂво святая, так єсь ся почтила,

без сЂмени мужа Исуса породила,

Ты єго прияла во пречисти руци,

он же тебе приял въ будущом вЂци.

Имя єго святоє всегда да святится

иже свЂт от свЂта преже вЂк родится.

Вселенная сие нынЂ въспЂваєт,

бозством человєка Христос обожаєт. /Арк. 109зв./

Рожденый под лЂты, яко сам изволи,

абы нас откупил смертноє неволи.

От всЂх родов избра пресвятую дЂву,

из нея же процвило спасениє миру.

Приход єго царєм звЂзда показуєт,

иже въ нищетЂ вертеп въсприймуєт.

Ангели c пастырми хвалу воспивають,

цариє c подарки главы поклоняють,

Тую радость пророки нам оповЂдали,

которую мы нынЂ вЂрою прияли.







ХРИСТОС-МЕСИЯ


НынЂ пришол месия, откупитель свЂта,

иже въплотися в послЂдняя лЂта.

Ширей славу єго c писма услышЂте,

к тому похвалу и любов принесЂте.

Поситил бо и нас на низкости земли,

и подаровал нам рая въ едемЂ.

Абы пред ним всегда чести набывало,

и от вЂрных людей примирє давали.

Никто же бо мовить на небо възшедый,

но иже на землю от небес пришедый,

Одесную отца и ангел превыш[ай]ше,

в величест†єго видЂти ближайше.

Иже принял звытяжство и врага наступил

и страшною помстою противным заплатил.







ХРИСТОС, ЧЛОВЄК НЕБЕСНЫЙ, ЗЕМНОГО ЧЛОВЄКА ОБНОВЫЛ

/Арк. 135./

Первый бо был Адам земляный и перстный,

паки вторый Адам господь сънебесный,

От крови и плоти земноє єстество, /Арк. 135зв./

небесного бытность божиє существо,

Аще и въ мири плотию смерть приял,

но яко бог чловєка от ада въсприял.

И славится превыше начала и власти,

выкупивши род наш з бЂсовскоя лести.

Повстани, Адаме, в падении твоєм,

и радуйся въ вЂки в спасители твоєм.

Тоѝ ти сыном по плоти Исус Еммануил,

иже тя от земля на небо примЂнил.

От твоєго боку Євва была взята,

c котороє грЂх, сия бысть проклята.

И c тоє ж сЂмени бысть святая дЂва

з дому Давыдова родителя мЂла,

Абы долг заємный за нас заплатила,

и чистою дЂвою млоденца родила,

Нового Адама въ плоти под лЂты,

им же сотворены небесныи свЂты.

ИдЂже никогда темность не постоить

и лик ангелеский со страхом предстоить.

Бог бо бЂ безстрастен и страсти не приял

и человЂчеством на крестЂ пострадал.

I въстал от гроба, къ отцу сънийдет, /Арк. 136./

такожде судити со страхом нас прийдет,

У нетлЂнном тЂли люд росправовати,

святых от грЂшников розно роздЂляти,

Абы убогатил свЂтом славы єго,

которую маєт у отца своєго.

Благословен такий господеви буди,

иже прославитися на праведном судЂ.

Съ Христом умерши, з ним же и явится,

иже c ним распятся, сей и прославится.

Посрамится тогда Кайафа и Пилать,

и всЂ мучители c плачем будуть кричать

З горким нареканьєм на своє суровство,

иж позыскали им вЂчноє проклятство.

БезмЂрную славу и свЂтлости святых

побачивши в небесЂ съ Христом, усЂх тых

И того истинно угодникми будем,

єгда в сем житии без грЂха пребудем.







НА ИДОЛЫ


Идолская прелести, и ты вже попрана,

и з многобожиєм от Христа изгнана,

Єгда царство єго над нами трываєт,

тогда дЂмон з вами, якъ прах, ищезаєт,

Сам носим был смирено на руках дЂвици,

иже всяческая держить въ десници.

У великий нищетЂ повитый и въ яслєх /Арк. 111./

удивляємый, иже въ ангелских мыслєх.

НевЂрныє іюдеи, что вас ослЂпило,

вам бо сиє отроча даровано было.

На свЂдецство на вас будуть и пророки,

коли прийдет наш господь въ остатнии вЂки.

Вы бо пред Пилатом того отверглися,

и царества єго купно отреклися,

І тым обачите идучого з небес,

который родився от дЂвици у вас.








НА ИРОДА

/Арк. 111./

О Ироде безумный, гдЂ нынЂ царствуєш,

єще ли ся на Христа [злостиве] готуєш,

З незлобивых дЂток крови про[ли]вая,

и немилостивно смерти предавая.

ГорЂє бо дявола такоє убийство

зготовало тобЂ вЂчноє проклятство.

Царество земноє хотяше хранити,

и сласть грЂховную дерзаєш творити,

Главу Предтечеву мечем усЂкаєш,

и кров пророчую з него проливаєш.

Той же живет в радости въ вЂки у Христа,

a тобЂ въздана праведная помста.







РАДОСТЬ РОЖЕСТВА ХРИСТОВА

/Арк. 111./

Премирная радости, ввесь мир услаждаєш,

от земля на небо людей призываєш.

Чотырма рЂками з райскоя породы

церков наполняєш животноя воды, /Арк. 111зв./

Абы пили купно оноя быстрины,

селениє земноє чотыри краины.

От въсток и запад, сивера и юга,

єдиными усты прославляли бога.

Радуймо ж ся духом, христолюбный роде,

восточноя церкви сыны и отроде.

Съ ангелы нынЂ духовно празднуймо,

святых отцев наших вЂрно подражаймо.

Да будемо годне бога отцем звати,

и єго сыновество праведно приняти.

Величаймо царицю, по рожест†дЂву,

живую по смерти, въ вЂки нетлЂнну.

Богу и цареви себе покорЂмо,

єще же и дары єму принесЂмо,

ВЂру, яко злато, любов, яко ливан,

покору, як змирну, к ней же єси позван.

Моя достойно уста не могуть сказати,

небесну славу вам услух подати,

Солнце бо сия[єт] къ ясности дневи

и мЂсяць въ нощи свЂтлостьми своими.

Процвитаєт земля различными цвЂты,

издають плод древа бЂгущими лЂты.

Паче всЂх сих возсия народ ієссеов,

и насладил мира плод Іоакимов.

Из них же по плоти Христос породися,

им же наше тЂло в нетлю обновися.

Но приѝмЂте вкусити животного древа,

дЂвичого Сына, божиєго Слова.






* * * /Арк. 1113./

Єсли бых был красномовный ангелского гласу,

не может ми стати розуму и часу

Небесную славу достойно повЂдать

и языком людским ку похвале сказать.

Токмо поручаю мой убогий розум

отцу премудрости, да даруєт ми ум.

Єго же єсть престол превышайши небес,

имя єго страшно по вселенной у нас.

Ангелския полки в послугу предстоять

и не отреченно того волю творять.

Премногоє число звЂзднои красоты

бЂг свой отправують дивными оброты,

Хотениєм єго стежками их ходять

и красоту зарей от средних зводять.

Абы всякои твари бога повЂдали,

на землі и мори пути знаменали.

Всемирноє солнце сияниєм свЂтить,

чтыричастным кругом з нощи дне освЂтить.

Праведнаго соньца волю пополняєт,

и на поднебесной землю ввеселяєт.

C ними же и луна тако послЂдуєт,

темности и свЂта дЂлность фикгуруєт.

Іх же єсть създатель бог непостижимый,

в свЂти неприступном и въ вЂки живый /Арк. 113зв./

Скудель о здателю мовити не вмЂєт,

и чловєк о бозст†мыслити не смЂєт,

ВсЂ бо писменики, людЂ того свЂта,

не научилися за всЂ тыє лЂта

Бога всесилного славу исписати

и невидимоє лице оглядати.

Яко єретики тым нас потваряють

и благочестиє наше ображають,

Мовячи, иж боство у фарбах найдуєм

и несписанного на дре†малюєм.

БогоцЂлователми так нас намЂнили,

a предвЂчность Христову, бЂдни, затаили.

А пытаєм ли их о продкости отцев

и по апостолєх их законодавцов,

Никогда их вЂры начала наскажуть

и смрадом невЂрства сами ся помажуть.

Похвала бо отцем их святыє справы,

иж чистую вЂру дЂтєм доховали.

Отшедши от тЂла, с памятию живуть

и въ наслЂдницєх так навЂки слынуть,

Іж им вЂру, якъ злато чистоє, вручили,

Абы их и внуков сея научили.

Церков въсточная так нас научаєт

и якъ дЂтей єи к собЂ присвояєт.







О ВОСКРЕСЕНИИ ХРИСТОВОМ

/Арк. 114./

Вонности аромат[а] книжного читанья,

духовная касия красного спЂванья

НынЂ благоухають, як райскии цвЂты,

засвЂтивши на нас небесныє свЂты.

БерЂмо потЂху в души свои нынЂ,

иж бысмо витали в том ЄрусалимЂ,

У котором Христос вЂчно царествуєт

и нам со собою житиє готуєт,

И[ж] веселилися повстанью из мертвых

и сопричитани до ангелов святых.







О ЧЕСТИ ВОСКРЕСЕНИЯ


Похвала дьня сего ширипты золотыми

на сердецах вЂрных тростьми духовными

Ізъображениєм ангелского гласу

препрославлена єсть къ вЂчному часу.

Христос въскрес из мертвых з радостью такою,

которая пречестьнЂй людского покою,

Но и превышаєт всЂ радости в людєх,

дивна и сияєт у великих чудєх.







О ЧУДАХ ГОСПОДНИХ


Земля потрясеся, мертвии въстають,

камень разсЂдеся, стражи обмирають,

Церковная завЂса дЂлится надвоє,

солнце же и луна в темности обоє. /Арк. 114зв./

На крести бо плотию Христос умираєт,

обоженим божеством ада разоряєт.

НынЂ праотцеве въ рай въведени,

и вражия силы крестом сокрушени.

Яко чловЂк въ гробЂ себе полагаєт,

а яко бог нетлЂнно паки въставаєт

Чудо въ чудесєх, о великий боже,

и хто твоѝ судбы исповЂсти може.

З дЂвы ся раждаєш и дЂвство храниши.

От гроба въстаєш и ниже вредиши,

Но печати цЂлы тако зоставляєш,

живых же и мертвых радости сполняєш.

Вчора мертвый въ гробЂ тЂлом суботствова,

a нынЂ мирови живота дарствова.

Вчера тебе дЂвая c плачем погрЂбаєт,

Никодим, Іосиф миром помазаєт

и въ плащеницу смертну обвиваєт.

НынЂ уже зрить тя къ отцу грядуща,

жива и нетлЂнна, яко бога, суща.

О великий цару, кто тебе възбудил,

єгда єси тамо и въ ад нисходил.

Каково же тЂло увЂри мя мало,

твоє пречестноє от гроба въстало.

Єго же ни камень, ни стЂны удержать,

ниже растлЂния єго не повредять. /Арк. 115./

Животе всяческих, милостив нам буди,

въстаниєм твоим спаси твоя люди,

и грЂшнаго мене c ними не забуди.







О крестЂ господнєм


Знамениє твоє крест животворящий,

царєм и народом, як солнце, свЂтящий,

Оружиє на враги и наша ограда,

пред ним ищезаєт бЂсовская зрада,

Сердца люде[й] вЂрных увеселить значне,

коли єго узрять на небесЂ зрачне,

На котором распято спасителя Христа,

иже нынЂ от гроба со славою въста.

Въ день великого страшливого суду

на погибель грЂшником людского народу,

На потЂху вЂрным киот скарбу своєго,

як царскую ложницу, камень гроба єго

Церкви ієрусалимскои увЂрити рачил,

абы кождый вЂрный милость єго бачил.







O РАДОСТИ СИОНЯН


Сионския дЂти, гуслями вдаряйте

и чистыми умы бога прославляйте,

Ангелскоє пЂниє Христови спЂваймо

и євангелиєм сердца ввеселяймо.

ЦвЂты животного древа нынЂ процвЂтають, /Арк. 115зв./

плоды безсмертия вам уготовляють.

Новый Ієрусалим годне украшено,

єго же праведным давно вготовано.







О ВОИНАХ ДУХОВНЫХ


Въины божии, на грЂха въюйте,

добродЂтель свою в силЂ уготуйте,

Иж бысте убили врага супостата,

да отворятся вам небесная врата.

А пытаєм ли их о продкости отцев,

и по апостолєх ѝх законодавцов.

Никогда их вЂры начала наскажуть,

и смрадом невЂрства сами ся помажуть.

Похвала бо отцем их святыє справы,

иж чистую вЂру дЂтєм доховали.

Отшедши от тЂла, с памятию живуть,

и въ наслЂдницєх так навЂки слынуть,

Іж им вЂру, як злато чистоє, вручили,

абы их и внуков сея научили.

Церков въсточная так нас научаєт

и, як дЂтей єи, к собЂ присвояєт.







СВЂДЕЦСТВО НЕБЕСНОЄ

/Арк. 117./

Яко же въпиєт голос отцев з неба,

который был над сына до всего народа.

Сын мой, възлюбленыи, того послушайте

и духа святого на нем познавайте,

Которого миру з себе выливаю,

з моєго существа къ вам посылаю.

Отца, сына и духа свята вызнавайте,

троицу несъзданну всЂ исповЂдайте,

Іже триє один бог церков вызнаваєт

и євангелиєм так нас научаєт.







НА АРІАНЕ


Чого єретици вмЂстити не могуть

и въ недовЂриє до темности идуть.

Не три боги, но один, в царстви нероздЂлный,

въ трєх ипостасєх нами почитаный.

Іже сый преже сый, конца не имуще,

всяческая и всЂх дланю съдержаще.

Въ велицей сла†у престола єго

ангелския силы славять тр[о]истого.

Там страх, а не хулу, згодне прославляють,

премирныя лики немолчно спЂвають.

Наша убо свЂтлость в темность не злучона, /Арк. 117зв./

єретицкая же злоба обличена,

Иже неистовством стояти навыкла,

бо от бЂсовского совЂта проникла.

З нечистого сердца смЂлоє блюзнЂрство,

кривоумЂниє, явноє шаленство.

Уста их высокии слова розширяють,

a языки долЂ, як змЂи, ползають.







НА ЧРЕВОУГОДНЫХ


Хитро дявол половил тых, угодных собЂ,

храняще на згубу своєй старой злобЂ.

За пост на роспустность подаєт им волю,

блуди, мовить, якъ хоч, на то я позволю.

Не шукай же пастыров грЂхи оцищати,

я вас в вълю мою буду наставляти.

Хот тя Христос откупил, a ты минЂ служи,

я тым похвалюся, моє ярмо вложи.

Понуряйся знову а крестом ся брыди,

я c тобою и ты нероздЂлно ходи.

Я тебе приведу тамо обитати,

где многии бЂси будуть тя витати.

В широкости пекла там же обитаєш

и мою зычливость на тот час познаєш.

Толко смЂле хули на церков святую,

намножай єресь от них проклятую.

Праотець ваш Ари[й] тым ми ся подобал,

а я єго к собЂ в товарыство принял.







ЗРАДА ЄРЕТИКОМ


Явная то зрада Христа отступити /Арк. 118./

и чревобЂсиєм врагу угодити.

Никто же бЂ освящен препитавый чрево,

но и безплодный єсть, як гнилоє древо.

Благодати святыє постом доступили

и святого духа дары получили.

На тот час бЂсове триумфы мЂвають,

кгды православного въ єресь уловляють,

БЂсовскому князю радости приносять

и о помоч єго конечную просять,

Абы єго лестью болшей уловити

и своєму почту присовокупити.

Не терпять бо сами в мучении быти,

але християнов тамо загорнути,

Абы въ день судный тым ся похвалити

и нашу дослойность тамо потлумити.

ПобЂди, владыко, дЂмонская полки

и погуби от нас зловидныя волки.







О КНЯЗЮ ТМЂ


Князь темности, фалшивоє науки учитель

и скверного грЂха отець и любитель,

Моє, мовить, властво нынЂ́ мира сего

и вси роскошници широкости єго,

Як лев, рыкая, тщится поглотити,

єретическия души половити.

Але тамо хула з ними погибаєт,

а покаяння дЂмон възбраняєт. /Арк. 118зв./







О ЛЖЕУЧИТЕЛЄХ


Лжеучителиє науки новоє,

дЂти Ариєвы вЂры проклятоє

Явная то плЂва з пшеници Христовы,

которыє в геєнЂ горЂти готовы.

Иже бо безстудне на Христа дерзають

и скверными словы єго ображають,

Єже Христу бозство лгуще утаити,

єдино честности зъ отцем отлучити,

Пламень невЂрия вмЂсто росы хладу

набавил души их спасенного гладу.

На вЂчную згубу так ся затвердили,

врази креста Христова святых путь згордили.







О ЛЖЕПРОРОКОХ


Познавайте, иж то суть лживы пророки,

которыє повстали въ остатнии вЂки.

Абы кламствами их и вас полови[ли],

народ православных собою згоршили.

Отца облычають, духа похуляють,

сына от божества они отдЂляють, /Арк. 119./

и тако невЂрством своим погибають.

ГдЂ жъ оная свЂтлость от них отступила,

иже крещениєм оних породила.

Тройческого свЂта лучу отринули

и себе в невЂрство, бЂдни, низринули.







О ТЕРПЂНИИ ГОСПОДНЄМ


О владико благий, доколЂ терпиши

и въ незлобии себе съдержиши,

Не хотяще оних скоро погубити

и хулы вражия силою убити?

Суще земля и порох, о тобЂ шемрають,

a вЂчноє муки собЂ набывають.

Почто бо ангели тебе не вмолили,

єгда з сатаною себе отлучили,

Но въскори спали от твоєя славы

и тако погнани, якъ бурею плЂвы?

І як твои судове нам неизслЂдимы,

так и оним муки будуть нестерпимы.

Нехай же заплаты сея ожидають,

иж Христа и церков, бЂдни, отступають.

Титулом Христовым злости их покрыли,

a истинны єго и любви забыли.

Єсли мы умолчим, камень възопиєт,

а непобожников гнЂв божий побиєт.







О ЛЖЕУЧИТЕЛЄХ

/Арк. 119зв./

ВЂрою бо бога видЂти сказують,

а уста хулныє пики отверзають.

Но страшливый ангел изсЂчет им шии

и имаєт въврЂщи, гдЂ лютыє змЂи,

Абы вже по смерти отрады не мЂли

и мзду мучения въ вЂки терпЂли.

Увы, увы, бЂднЂ, тамо позостати,

съхрани мя, спасе, ниже сих позвати,

Лучше извлещися грЂховноє шаты,

не ожидаючи за злости заплаты.

Бога ся не боять, людей не стыдятся,

святым писаниєм ниже покорятся.

Набожными себе в людєх ославили,

а злобою грЂха души помазали.

T[ь]мами наказаний спасти их не може,

иж их смерть, якъ злодЂй, чого не дай, боже,

Пожреть, над надЂю долго[го] живота,

абы з вЂтром пошли их марныє лЂта.

Злотистыє гробы Христос называєт,

наполнены смраду сице укоряєт.

Плачеви достойна такого надЂя,

зычу каятися усердиєм і я.

Богатым и нищим, молодым и старым,

вЂрны[м] и невЂрны[м], простым и премудрым,

Да даруєт вам бог страх въ серца ваши,

любезнии отци и братия наши.







ПОКОРА ХРИСТОВА


В зверцало покоры Христовы смотрЂте,

а на доброть єго нынЂ вспомянЂте.

Зоставивши ритором широкий мовы,

оповЂдаємо короткими словы.

Богатество туне оноє измЂте,

Спас[ениє] своє любовно приймЂте,

Иж бог, от всЂх богатший, възлюбил нищету,

и, цар всего мира, вбогую простоту.

Слуги въ небесЂ оного зоставил

и себе, якъ раб, нас наради умалил.

Погиблоє овча, нас на рамо вземлет

и за наши грЂхи раны въсприємлет.

Якоє ж то невЂрство людей непобожны[х],

иж отмЂтаються дарований божих.







БОГОЛЮБЦЄХ

/Арк. 120./

Любители божии, радости приймайте,

а по всей вселенной вслух оповЂдайте.

Сыновством навышший вас укорунуєт,

a безсмертным царством во вЂчности даруєт.

БудЂте терпливи въ всЂх утрапеньях,

носЂте крест Христов на ваших раменах.

Сторичная заплата вас всЂх ожидаєт,

здЂ же благость и бЂда въскори минаєт.

Зрадить не одного роскошного мужа /Арк. 120зв./

дочасноє добро a вЂчная нужа,

Страшливого пекла огонь негасимый

и лютого караня судя справедливый.

Въскори познаєм ровную заплату,

святых велию славу a грЂшных утрату.







НА НОВОВЂРЦИ


О нововЂрнии, дармо смятетеся

и от безумия не умудритеся,

зловЂриєм своим в духу сквернитеся.

Не приємлете бо божию премудрость,

ниже вмЂщаєте тройческую свЂтлость.

Почто ся хвалите, силнии во злобЂ,

бездЂлнии суще в словесной оздобЂ,

ПорЂваючися на божию истность

и на Христа-спаса оную предвЂчность?

Им же премирныя чины сотворены,

небо, земля и море купно утвержены.

Вы бо, земля и порох, бозства не спытуйте,

истинную науку зъ апостол почуйте.

Явлен бог єст въ плоти и оправдан въ духу,

забудЂте вашу оную науку,

Которая въ вас єресь породила

и на святого духа хулу умножила.

Ариє безумны[й], тварью глаголаше,

[єдинородного бозства низлагаше], /Арк. 121./

Єго же ангели страхом въспЂвають

и от славы єго лица закривають.

РецЂте о собЂ, ким вы сотворени

и душа же c тЂлом якъ совокуплени.

ВъпросЂте отца, како сына родил,

и сына, от него како ся породил.

Писания о сем никто же состави,

а єдиносущный въ троичной славЂ.







ДЕРЗОСТЬ ЗЛОЄ ЄРЕСИ

/Арк. 121./

Аще бо ангели дерзати не смЂють

ниже таких споров родити умЂють,

Каковы, створеньє, на здателя сами

мовите суєтство вашими устами,

Иже отца з сыном бозством раздЂляти

и духа святого тварю глаголати.

Самопосланныє, себе погамуйте,

и благоумия розумы приймуйте

НезмЂноє безумство скоту ся ровнати,

от свЂта Христова ко тмЂ утЂкати.

Яко же ангели, Богу покорЂться,

хулениє ваше з вами сокрушиться,

Єже быти вамо нечисту сосуду

и внЂ извержену къ вЂчному студу,

Где Ариє, старый Іюда, предатель,

Несторий и Самосат плевелосЂятель. /Арк. 121зв./

Дайте в серцах ваших обитель Христови,

не послЂдуючи хитрому змЂєви,

Да не испадете, якъ з неба въ бездну.

иже изнуристе жизнь вашу безмездну.

Зготовите себе небесному свЂту,

Христовому полку и новому вЂку.

Покайтеся, а он прияти желаєт,

умылными словы вас упоминаєт.







УПОМИН[АНИ]Є


Оставите корабль, невЂрия полный,

которого бурить всегда вЂтр грЂховный,

Да тишинЂ Христовой явитеся нынЂ,

сподобить вас Христос своєй благостинЂ.

Не отрЂвайтеся, якъ згнилыє члонки,

от тЂла Христова з бЂсовскими полки.

Не знаєте себе, ким вы сотворени,

и души и тЂлеса присовокуплени.

Десницею того, о нем же устами

своєго безумства молвите хулами.

Соборы святыє духом написали

и на вЂки и нам такожде предали,

Абысте вЂрныи сполности не мЂли

и єретицкии сЂти розумЂли,

Co ними же любви всегда отбЂгали

и божия враги такъ их называли. /Арк. 122./

Бездну исчерпати когда неудобно,

тобЂ же, чловєче, сиє неподобно,

МЂряти высоту небесного круга

и зчитати лЂта безлЂтного бога.

Мала бо єст капля из моря єдина,

и мир увесь у бога, яко паучина.

Єгда возвысишся, тогда и падеши,

а божиих судеб ниже изречеши.







ВЕСЕЛИЄ ПРАВОВЂРНЫМ

/Арк. 137зв./

ВсЂ благовЂрныє, слухи приготуйте,

матери и дщери, духовно ликуйте,

Юноши и дЂвы, веселость приймуйте,

славу дЂвы чистои умилно почуйте.

До неє же послан Христов въєвода

на потЂху всего людского народа,

Іж єй благовЂстил зачатиє Христа

до Назарету, жидовского мЂста,

абы была духу святому невЂста.

МногоцЂнный бисер дЂвичая цнота,

и дорожшая єст всякого клейнота.

Непорочная же была удивлена,

словесы ангела тогда увЂрена.

«Прийди, — мовить, — господи, до мене витати,

въ заєм же тЂла въ мнЂ въсприяти».





Продовження комплексу: Із Загоровського збірника









ПРИМІТКИ



Із Києво-Михайлівського збірника


Вірші з рукописного збірника першої третини XVII ст., який належав бібліотеці Києво-Михайлівського монастиря, а нині зберігається у ЦНБ АН УРСР, Петров (Мих.), № 484 (1738), арк. 88 — 144 (докладніше див.: «Віршовий полемічний комплекс 80 — 90-х років XVI ст.», с. 25 — 56 цього видання)

Публікації: Перетц, т. 1, ч. 1, с. 82 — 84 (уривок вступу і два вірші); Щеглова С. А. Вирши праздничные и обличительные на ариан конца XVI — начала XVII в. Спб., 1913.

Подається за публікацією С. В. Щеглової з уточненнями, зробленими за рукописом і згідно з принципами, прийнятими для цього видання.


Упадок сатаны і ада. Тексти: І — арк. 89 — 89 зв.; II — арк. 102 — 102 зв. Істотних розходжень між текстами не виявлено.


Молитва до Христа. Тексти: 1 — арк. 89 зв.; II — арк. 102 зв.; III — арк. 103 («УтЂха Сиона земнаго...»). Істотних розходжень між текстами не виявлено. Рядки 5 — 8 цього вірша ідентичні рядкам 41 — 44 вірша «О ликованию всей твари» [І].


УтЂха Сиона земнаго Христос. Тексти: I — арк 89 зв. — 90 зв.; II — арк. 91 зв. — 92 зв.; III — арк. 103 — 104; IV — арк. 105 — 106. Істотних розходжень між текстами не виявлено. Рядок 9 («и ими прелщеных к собЂ призываєш») у тексті IV закреслено.


О ликованию всей твари [І]. Тексти: І — арк. 90 зв. — 91 зв.; II — арк. 104 — 104 зв. Рядки 41 — 44 ідентичні рядкам 5 — 8 вірша «Молитва до Христа»; рядки 1 — 6 ідентичні рядкам 1 — 6 наступного вірша «О ликованию всей твари» [II]. Істотніші різночитання: рядок 5: текст І — плон, текст II — плод, «О ликованию всей твари» [II] — поклон; рядок 7: тексті — прачи, текст II — праци, можливо, треба пращи; рядок 12: текст І — a мы, текст II — мы. Після шостого рядка, здається, щось пропущено.


О ликованию всей твари [II]. Арк. 92 зв. Рядки 1 — 6 ідентичні рядкам 1 — 6 попереднього вірша.


О доброти сына божия. Арк. 92 зв. — 93 зв. Після рядка 59 («сын и слово божиє и мира створитель») аркуш обрізано й частину тексту втрачено. Закінчення вірша — рядки 60 — 61 — міститься на арк. 88 і повторюється на арк. 112. На арк. 88 в рядку «Пришол єси от Ада Адама возвати» слова от Ада пропущено; відновлюємо їх за текстом на арк. 112. Інших істотних розходжень між текстами не виявлено.


О рождении отчим сына божия. Тексти: І — арк. 93 зв. — 94; II — арк. 112 — 112 зв. Істотних розходжень між текстами не виявлено. У тексті І після дев’ятого рядка («Треипостасного собства неразделен») аркуш обрізано. В 14-му рядку слово съвершати виправляємо на съвершити; в 19-му рядку слово затере читаємо і виправляємо на з матере.


О дЂвст†и чистотЂ. Тексти: І — арк. 94 — 94 зв.: II — арк. 139 — 139 зв. Істотних розходжень між текстами не виявлено. У 15-му рядку офЂрЂют (рукопис) виправляємо на офЂрують.


Род духовный. Тексти: І — арк. 94 зв. — 95 зв.; II — арк. 139 зв. — 140 зв. У 35-му рядку тексту І слово вЂщами виправляємо за змістом і, відповідно до тексту II, на вЂщаньми. Інших істотних розходжень між текстами не виявлено.


Достойность чистоты. Тексты: І — арк. 95 зв. — 96; II — арк. 140 зв. — 141. У 17-му рядку тексту І: умножиться, в тексті II: раздається. Інших розходжень між текстами не виявлено.


Достойность дЂвства. Тексти: І — арк. 96 зв.; II — арк. 141 — 141 зв. Істотних розходжень між текстами не виявлено. У тексті І заголовок вірша обрізано, подаємо його за текстом II.


[Бесіда старця з молодиком]. Тексти: І — арк. 97 — 99 зв.; II — арк. 142 — 143 зв. Заголовка в обох текстах бракує. У тексті І після 119-го рядка («и от любви сего воскори убЂгай») аркуш обрізано. У 12-му рядку в тексті І: невидуюму, в тексті II: невидмую; виправляємо на невидимую. Істотних розходжень між текстами не виявлено.


Красота поста. Арк. 99 зв. — 100. Після 8-го рядка («Который на свЂти в вЂчная лЂта») аркуш обрізано.


Господеви похвала. Арк. 100. У п’ятому рядку не виправляємо на но.


Сладость Христа желати. Арк. 100 — 100 зв. Після шостого рядка («и от всяких врагов твердая заслона») аркуш обрізано.


Христос наш живот и заступник. Арк. 100 зв. Після 18-го рядка («въ вЂчной радости свЂтовидных садєх») аркуш обрізано.


Усты святых єго явственно залЂцали. Тексти: І — арк. 101; II — арк. 144. 18-й рядок в обох текстах попсовано (текст І: «или ослудишися слава ваша да бываєт в благодат», текст II: «или осудилися слава ваша да бываєт въ благодати»). Виправляємо за змістом: «или осудишися слово ваше да бываєт въ благодать».


«НынЂ слава божия на земли сияєт...» Тексти: І — арк. 101 зв. — 102; II — арк. 144 зв. Заголовок зрізано в обох текстах. Рядки 27 — 44 вірша ідентичні з віршем «Обоєго мира творець и съдЂтель...» (арк. 88 — 88 зв.). У 24-му рядку в тексті І: бъ, в тексті II: раб. Інших істотних розходжень між текстами не виявлено.


До лЂнивых. Тексти: І — арк. 107; II — арк. 109 (цей текст закінчується рядком: «Злокозный мысливець заставляєт сЂти»); III — арк. 132 зв.; IV — арк. 134 зв. (цей текст закінчується так само, як текст П). Інших істотних розходжень між текстами не виявлено. Таким чином, по суті, маємо дві редакції цього вірша: перша — тексти І і III, друга — тексти II і IV.


Ликоване верных святей тройци. Тексти: І — арк. 107 — 108; II — арк. 133 — 133 зв. Істотних розходжень між текстами не виявлено.


Явленіє бога во плоти. Тексти: І — арк. 104 — 104 зв.; II — арк. 133 — 133 зв.; III (починаючи з 21-го рядка: «А иже въ шату духа облечени...») — арк. 116 — 116 зв.; IV (той самий, що і III) — арк. 126 — 126 зв. Істотних розходжень між текстами не виявлено. У 20-му рядку в текстах І і II: принєсть. Виправляємо за змістом на принес.


Осторожность от єреси. Тексти: І — арк. 104 зв.; II — арк. 116 зв.; III — арк. 126 зв.; IV — арк. 134. Істотних розходжень між текстами не виявлено.


Чадонаказателєм [І]. Тексти: І — арк. 108 зв. — 109; II — арк. 134 — 134 зв. Істотних розходжень між текстами не виявлено.


Чадонаказателєм [II]. Тексти: І — арк. 116 зв. — 117; II — арк. 126 зв. — 127. Істотних розходжень між текстами не виявлено.


Похвала рождеству Христову. Тексти: І — арк. 109 — 109 зв.; II — арк. 134 зв. — 135. Перший рядок у тексті І: «О дЂво святая, так єсь ся почтила...»; у тексті II: «О дЂво святая, так нас почтила...». У третьому рядку в тексті II пропущено во. У 13-му рядку в обох текстах читається: придох; виправляємо на приход. Інших істотних розходжень між текстами не виявлено.


Христос-месия. Тексти: І — арк. 109 зв.: II — арк. 135. Істотних розходжень між текстами не виявлено.


Христос, чловєк небесный, земного чловека обновыл. Тексти: І — арк. 110 — 110 зв.; II — арк. 135 зв. — 136. У тексті II бракує останнього рядка («єгда в сем житии без грЂха пребудем»); подаємо його за текстом І. Інших істотних розходжень між текстами не виявлено.


На идолы. Тексти: І — арк. 110 зв. — 111; II — арк. 136 — 136 зв. У 12-му рядку в тексті І: вЂки, в тексті II: лЂта. Інших істотних розходжень між текстами не виявлено.


На Ирода. Тексти: 1 — арк. 111; II — арк. 136 зв. Істотних розходжень між текстами не виявлено. У другому рядку слово злосливе вставлено публікатором С. О. Щегловою на пропозицію В. М. Перетца (пор.: Перетц В. Н. Историко-литературные исследования и материалы. T. 1. Ч. l, c. 84)


Радость рождества Христова. Тексти: І — арк. 111 — 111 зв.; II — арк. 137 — 137 зв. У 12-му рядку тексту І подражаймо закреслено. Інших істотних розходжень між текстами не виявлено. Початок вірша надрізано. Слово ввесь у першому рядку прочитано гіпотетично. 26-й рядок («издают плод древа бЂгущими лЂты») теж надрізано.


«Єсли бых был красномовный ангелского гласу...». Тексти: І — арк. 113 — 113 зв.; II — арк. 123 — 123 зв.; III (починаючи рядком 37-им — «А пытаєм ли их о продкости отцев...») — арк. 115 зв. Істотних розходжень між текстами не виявлено. Заголовок зрізано.


О воскресении Христовом. Тексти: І — арк. 114; II — арк. 115 зв. — 116; III — арк. 124; IV — арк. 125 зв. — 126. У тексті І заголовок зрізано. У текстах II та IV третій і четвертий рядки мають риму: райский цвЂт — свЂт; восьмий рядок («и нам со собою житиє готуєт») у цих текстах пропущено. Інших істотних розходжень у текстах не виявлено.


О чести воскресения. Тексти. І — арк. 113 зв.; II — арк. 115 зв. — 116; III — арк. 124 — 125 зв.; IV — арк. 125 зв. — 126 У текстах II і IV бракує заголовка. Інших істотних розходжень між текстами не виявлено.


О чудах господних. Тексти: І — арк. 114 — 115; II — арк, 116 — 116 зв.; III — арк. 124 — 124 зв.; IV — арк. 126 — 126 зв. Істотних розходжень між текстами не виявлено.


О крестЂ господнєм. Тексти: І — арк. 115; II — арк. 125. Розходжень між текстами не виявлено.


О радости сионян. Тексти: І — арк. 115 — 115 зв.; II — арк. 125 — 125 зв. Розходжень між текстами не виявлено.


О воинах духовных. Арк. 115 зв і арк 113 зв. Рядки 5 — 16 цього вірша ідентичні з рядками 37 — 38 вірша «Єсли бых был красномовный ангелского гласу...» (арк. 113 зв.).


СвЂдецство небесноє. Тексти: І — арк. 117; II — арк. 127. У шостому рядку тексту І: къ вам, тексту II: къ вам по вам. Інших істотних розходжень між текстами не виявлено.


На аріане. Тексти: І — арк. 117 — 117 зв.; II — арк. 127 — 127 зв. Істотних розходжень між текстами не виявлено. У 18-му рядку плЂзають виправляємо за змістом на ползають.


На чревоугодных. Тексти: І — арк. 117 зв.; II — арк. 127 зв. — 128. Розходжень між текстами не виявлено.


Зрада єретиком. Тексти: І — арк. 117 зв. — 118; II — арк. 128. У тексті І бракує заголовка. Істотних розходжень між текстами не виявлено.


О князю тмЂ. Тексти: І — арк. 118 — 118 зв.; II — арк. 128 зв. У тексті І бракує заголовка. Інших розходжень між текстами не виявлено.


О лжеучителєх. Тексти: 1 — арк. 118 зв.; II — арк. 128 зв. Розходжень між текстами не виявлено.


О лжепророках. Тексти: І — арк 118 зв.; II — арк 128 — 129 зв. Істотних розходжень між текстами не виявлено. Сьомий — десятий рядки в тексті І закреслено. Далі принаймні один рядок в обох текстах пропущено.


О терпЂнии господнЂм. Тексти: І — арк. 119; II — арк. 129 — 129 зв. Розходжень між текстами не виявлено.


О лжеучителєх. Тексти: І — арк. 119 зв.; II — арк. 129 зв. — 130. Істотних розходжень між текстами не виявлено. Заголовка в тексті I бракує. У другому рядку в обох текстах: пики, виправляємо на паки.


Покора Христова. Тексти: І — арк. 120; II — арк. 130 Заголовок у тексті І зрізано. Істотних розходжень між текстами не виявлено.


О боголюбцєх. Тексти: І — арк. 120 — 120 зв.; II — арк. 130 зв. Розходжень між текстами не виявлено.


На нововЂрци. Тексти: І — арк. 120 зв. — 121; II — арк. 130 зв. Розходжень між текстами не виявлено.


Дерзость злоє єреси. Тексти: І — арк. 121 — 121 зв.; II — арк. 131 — 131 зв. Розходжень між текстами не виявлено.


Упомин[ан]є. Тексти: І — арк. 121 зв. — 122; II — арк. 131 зв. — 132. Розходжень між текстами не виявлено.


Веселиє правовЂрным. Текст: арк. 137 зв. — 138.










Див. також:

Опис та фрагменти віршів: В. П. Колосова. Віршовий полемічний комплекс 80 — 90-х років XVI ст.


ВІРШОВИЙ ПОЛЕМІЧНИЙ КОМПЛЕКС 80 — 90-Х РОКІВ XVI СТ. Українська література XIV-XVI ст.

Із Києво-Михайлівського збірника. Українська література XIV-XVI ст.

Із Загоровського збірника. Українська література XIV-XVI ст.


Вірші із Києво-Михайлівського рукописного збірника 80 — 90-х років XVI століття. Переклав В. Шевчук

Полемічні вірші із Загоровського збірника 80-90-х рр. XVI ст. Переклав В. Шевчук










Попередня     Головна     Наступна


Етимологія та історія української мови:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчанин, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



 


Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.

Iзборник. Історія України IX-XVIII ст.