Димитрій Туптало
Стихи предословныя к господу нашему Ісусу Христу
Ісусе, мой сладчайшій и преблагій Боже,
кто благодарити тя достойно возможе,
Яко изволил єси страсть и смерть подяти
и кров свою нещадно о нас изліяти?
Обаче должны єсмы воздавати славу
тебЂ, давшему за нас душу си избаву.
Начинаєт же сице:
Страсть Ісуса моєго з жалем размышляю
и из глубины сердца сице возываю...
ВЂнец
гла†церковной Ісусу Христу от звЂзд дванадесят,
от молитв чрез праздники єго дванадесят
1
Спасенія нашего ради въплощенный,
Ісусе, дажд, да буду во плоти спасенный.
2
ОбрЂзаніє плоти пріємый пречистой,
дажд, да страсть ся обрЂжет плоти ми нечистой.
3
СтрЂтенный и пріятный старцем, ждущим смерти,
дажд и мнЂ, непріємшу тебе, не умерти.
4
Крестивыйся во Ієрдани, явлей в БозЂ тройцу,
дажд, крещисуся мнЂ, да чист явлю ти ся творцу.
5
Преображенія свЂт явлей на ΘаворЂ,
дажд ми зрЂти тя в свЂтЂ на небеси горЂ.
6
В Ієрусалим на царство вшедый на осляти,
смири ж плоть мою, внійди в душу царствовати.
7
Страдавый за грЂшных, мертв быв и погребенный,
дажд, да буду ко страстєм грЂха умерщвленный.
8
С побЂдою въскресый от мертвых тридневно,
дажд ми побиждати смерть грЂха повседневно.
9
Со славою на небо вознесыйся в тЂлЂ,
дажд таможде возыйти мнЂ о твоєй силЂ.
10
Низпославый от отца, духа, в тройчном свЂти,
утЂшеніє дажд ми духовно имЂти.
11
Образ твой оставлей нам нерукотворенный,
дажд, да лицем к лицу зрак узрю божественный.
12
Воздвиженієм крестным и днесь и в суд страшный
воздвигни мя от всЂх бЂд, да не паду страстный.
Сим вЂнцем вЂнец всего лЂта,
от благости самаго создателя свЂта.
За сей вЂнец в временной жизни молитвенный
цар Неба вЂнец в НебЂ даст вЂчно царственный.
ВЂнец Богородици от звЂзд дванадесят, от молитв
чрез праздники єя дванадесят
1
Зачатая без грЂха, о Божія мати,
Молю, дажд ми безгрЂшно житіє зачати.
2
Рожденная от ветхой утроби неплодной,
дажд души ми неплодной быти доброплодной.
3
Воведенная во церков, в трех лЂтєх, в дар тройци,
дажд ми входом во церков вход в храм вышній творци.
4
Заченшая Спаса в день благовЂщанія,
благовЂсти зачатый мнЂ день спасенія.
5
Рождшая Бога-сына при дЂвст†печати,
дажд, да буду печатлЂн в сына благодати,
6
Очищенія закон творша в стрЂтеніи,
очисти мя, стрЂтенна в беззаконіи.
7
Стоявшая при крестЂ душею язвленна,
дажд ми о крестЂ мысль от сердца сокрушенна.
8
В успеніи безсмертном воставшая к сыну,
дажд ми от сна грЂховна воставати выну.
9
Положеніє ризы чтущу ми твоєя,
облеци душу нагу в благодать єя.
10
Положеніє чтущу пояса твоєго,
препояши ми немощ силою от него.
11
Покрывающа вЂрных честным омофором,
прійми мя под твой покров зде и к вышним двором.
12
Похвалная с побЂды даной над каганом,
дажд побЂду над бЂсом и над бЂсурманом.
Сим вЂнцем благословен вЂнец всего лЂта,
от благости матерє несозданна свЂта.
За сей вЂнец в временной жизни молитвенный,
царици Неба помощ даст вЂчно царственный.
ВЂнец от дванадесят звЂзд аггелскім силам, от
молитв к ним о помощ нам к добрым дЂлом
1
Архистратиже Божій святый МИХАИЛЕ,
кто, яко Бог, о сем ми дажд внимати цЂле.
2
ГАВРІИЛЕ, дажд радость, по бозЂ кто, яко
Богородица, крЂпко внимати ми тако.
3
РАФАИЛЕ, настави на стезю спасенну,
слЂпотЂ дажд душевной цЂлбу божественну.
4
СЕРАФИМИ, огнем мя любве раждезЂте,
да всЂм сердцем возлюблю Бога, помозЂте.
5
ХАРУВИМИ, свЂтом мя разума о БозЂ
просвЂтите, да узрю свЂт в горнєм чертозЂ.
6
ПРЕСТОЛИ, исправте мя правду исполняти,
да в суд страшный возмогу одесную стати.
7
ГОСПОДСТВІЯ, плоть мою духу покарайте,
да, раб, волю господню творю, понуждайте.
8
СИЛЫ, Вышняго силу явЂте в мнЂ чудну,
оживЂте умершу душу мою блудну.
9
ВЛАСТИ, сподобЂте мы над бЂсом побЂды,
да мною не владЂють властей темных бЂды.
10
НАЧАЛА, да над страстьми ум мой началствуєт,
наставте тако, да грЂх во мнЂ не царствуєт.
11
АРХАНГЕЛЫ, мнЂ тайны спасенны вЂщайте,
глас архаггелскій, на суд зовущ, в мысль влагайте.
12
АГГЕЛИ, храняще на земли живущих,
молю, сохранЂте мя от всЂх бЂд грядущих.
Сей вЂнец кто приносить аггелом ко славЂ,
приймет неувядающ вЂнец своєй главЂ.
Будет з аггелами зрЂти лице Бога выну,
кто в молитвах не презрит когождо их чину.
ВЂнец от дванадесят звЂзд святой ВарварЂ, от
молитв к ней о крайнем доброи смерти дарЂ
1
Варваром родителем рожденная дЂво,
терна злаго цвЂт благій, себе явлша живо,
Варваро, черна в титлЂ, красна в вЂрЂ, в дЂлЂ,
дЂл злых варвар храни мя на душЂ и тЂлЂ.
2
В высокой верЂ ради красоты тЂлесной
храненная, ближайша красотЂ небесной,
Дажд ми горЂ имЂти сердце сохраненно,
небеси достойными дЂлы украшенно.
3
Три окна повелЂвша в банЂ сотворити,
свЂт троичный вожделЂвша сердцем чистым зрЂти,
МнЂ память, ум и волю, душевны три силы
твори, троицы угодны, мысльми, словы, дЂлы.
4
О твердЂйша над камень отца, тя гонивша,
в отверзшемся каменЂ, дЂво, себе скрывша,
Мене в твердом покро†твоєя молитвы
сокрый от гонящія вражія ловитвы.
5
Отец-варвар тя в нечесть влекл за власы главы,
а Бог-отец союзом любве — к вЂнцу славы.
Подножіє Господнє землю отираху —
твои власи да отруть мя от грЂхов праху.
6
Яко єлей, носяща кров многих ран в тЂлЂ
и жженіє огненно в нем, яко в свЂтилЂ,
Вніиде, мудрая дЂво, к Господню чертогу,
въведи тамо и мене мольбами ко Богу.
7
В темници свЂтом міра Христом посЂщенна,
врачем души и тЂла от ран исцЂленна,
Дажд ми в темном сем свЂтЂ Господа предзрЂти,
ран грЂховных и смертной тми в души избыти.
8
За Христа ссавша дЂвы сосца преблаженна,
дЂвически ти сосца лютЂ отсЂченна,
Но благодать и славу вишній Сіон мати
даде ти; дажд ми тЂх вкушати.
9
Обнаженна безстудно водима по градЂ,
покров свЂтлый аггелскій имЂвша в отрадЂ,
И моєй души нагой, Христова невЂсто,
одЂяніє брачно дажд имЂти чисто.
10
Предасть же отец на смерть чадо: сіє явЂ
отец-варвар на твоєй мечем списа главЂ;
Но небесный отец ти дал жизнь безконечну,
юже и мнЂ умоли чрез твою смерть мечну.
11
Отец плотскій дерзал ти плоть и кров отяти,
а Христос ти плоть и кров дал свою даяти;
Да без тЂх невозможет всяк чтый тя умерти,
молю и аз тя о сей дар при моєй смерти.
12
Блажен град Кієв, хранящ святоє ти тЂло,
єже больни[ы]х врачуєт и хранит в нем цЂло.
Хранима тЂлом в храмЂ вожда сил небесных,
с ним мя всЂх бЂд душевных храни и тЂлесных.
Сице кто богомудру Варвару вЂнчаєт,
побЂды на безбожных варваров да чаєт,
На болЂзнь — цЂлбы, на смерть — готовости дара
сподобить вЂнчанная сим вЂнцем ВАРВАРА.
ВЂнец от дванадесят звЂзд архіерейскій, от дЂл,
чрез них же молим єст пастыр миррейскій
1
От рожденія чудный, в купели стоявый,
от сосец в среду и в пяток себе воздержавый,
Николає, подажд ми от грЂхов востати,
в воздержаніи постном тя наслЂдовати.
2
Трех дЂв златом, втай данным, от скверн сохранивый,
милостію пред троичным божеством служивый,
Удиви во мнЂ милость, скверны очищая,
любов ко Богу, и ближнему, и к врагом влагая.
3
Путешествіє ко гробу Христову творивый,
морю кротость, жизнь мертвецу тогда возвративый,
Скажи ми путь, да с Христом терпя спогребуся,
укроти страсть, дажд, да жив Богови явлюся.
4
До церкви к молбам утрним первый шед, избранный
на сан пастирский судом вышняго вЂнчанный,
Помози к молбам тЂм же мнЂ утреневати,
да ускору в чертозЂ вышнем ся вЂнчати.
5
За исповЂданіє догмат христіянских
страдавый во узилищах от царей поганских,
Дажд, да буду союзом Христовым плЂненный,
а от уз царствующа грЂха раздрЂшенный.
6
Сокрушивший идолов поганских божници,
при царЂ КонстантинЂ изшеді[ы]й с темницы,
Помози ми крушити гриховныя нравы,
да будет в мнЂ храм токмо Христу, царю славы.
7
Арія злочестива єресь побЂдивый,
в Никеи Христа-Бога честь правословивый,
Помози ми бисовску прелесть побЂждати,
правовЂрными дЂлы Бога прославляти.
8
Неправедно сказанни[ы]х на смерть свободивый,
цареви Константину во снЂ ся явивый,
Мене, праведным судом достойна умерти,
явлся сердцу, в злЂ спящу, избави от смерти.
9
Явлся во снЂ купцеви, в залог злато давый,
призвав з житом здалече, в гладЂ град питавый,
Напитай и мнЂ душу, не житопродавца,
но уснувша на крестЂ брашном животдавца.
10
Во успеніи ти смертном аггелов видЂвый,
с ними же в жизнь безсмертну духом возлетЂвый,
Дажд ми, во грЂсех спящу, в чувст†жизнь кончити,
радующся и о мнЂ зрак аггелскій зрЂти.
11
По успеніи твоєм миро источаяй,
от мощей ти и гроба многих исцЂляяй,
Многи раны мнЂ, грЂшну, исцЂли, молюся,
твоим миром милости исцЂлен спасуся.
12
От востока на запад чтем тя пренесенна,
да зрить запад в восточной вЂри тя спасенна,
Моли той святой вЂрЂ сохраненной быти,
в ней до запада смертна мнЂ спасенно жити.
Сице кто Мирликійска пастира вЂнчаєт,
в благословеніи мир ликуя взымаєт,
ВЂнчаніє милости от него испросит,
в нуждах тЂла и души отраду относит.
В року тысяча шестсот осмдесятом,
декамврія по дню пятнадесятом,
Пред четвертком, днем НИКОЛЫ святаго,
в нощ знаменія звЂзднаго страшнаго
В монастырЂ то Николском списася,
типом в Печерском Кієвском издася.
ВЂнец звЂзд дванадесят Христовой денницы, Предтечи
святому, з молб дванадцяти
1
Зачатый от неплодных в концу ветхой сЂни,
в началЂ благодати, благостинЂ,
Іоанне, дажд за мя глас к Богу-слову,
да начну днесь измЂну дЂл злых в благость нову.
2
Взыгравыйся в матернем чре†освященный,
от матере Божія в твоєй посЂщенный,
МнЂ в печалєх грЂховных от матерня чрева
умоли, да отраду дасть вторая Євва.
3
Рождеством ти радости многих исполнивый,
родителска языка узы раздрЂшивый,
Гласе слова, рожденна от отца пред вЂки,
пригласи мя на радость с небесными лики.
4
Удаливыйся з дЂтска на труд[ы] в пустыню,
растый тЂлом и духом во всяку святыню,
Не удали растущой помощи твоєя,
отпусты я в плод благих дЂл души моєя.
5
Ризу остру от власов велбуждых имЂвый,
пояс тверд от ременя на чреслЂх носивый,
Тако зраком велбуда в узкость врат входити,
в жизни горнєй грядущу дажд ми плоть смирити.
6
СнЂдь акриды, верх зелій и мед дивый лЂсный
имЂвый, проходя путь к жизни вЂчной тЂсный,
Тако ни ядшій сластно, ни пивый сикери,
и мнЂ постну готовость дажд к агнчей вечери.
7
Покаянія дЂлом и словом учивый,
Христу готовляя путь многих крестивый,
В покаяніи и мнЂ дажд слезы излити
и к души моєй Христу путь уготовити.
8
Въ ІєрданЂ Ісуса безгрЂшна крестивый,
руку, к ногам не смЂвшу, на главу сложивый,
Сію простри в помощ мнЂ, в грЂхах погруженну,
и омый ми от всЂх зол душу осквернену.
9
Отверзшимся небесем глас отца слышавый,
сына в тЂлЂ, в голуба зрацЂ дух познавый,
Дажд, да и мнЂ не будет Небо затворенно,
да будет ми и троично зрЂніє явленно.
10
Се агнец Божій, вземляй грЂхи всего мЂра,
сим крещшимся данная, яко спасет вЂра,
Крестителю, сіє всЂм показавый явЂ,
дажд ми от грЂх изяту быти в агнчей славЂ.
11
УСЂКНОВЕНІЄМ ти всечестныя главы,
отсЂченны да будуть нечестій ми нравы,
З Христом, Церкви главою, живый непресЂчне,
дажд с тЂмжде и з тобою и мнЂ жити вЂчне.
12
ОбрЂтенієм главы твоєя трикратным,
пред троическим лицем мя сотвори приятным,
Треблаженна ти глава, от Тройци вЂнчана,
да будет же часть твоих блаженств и мнЂ дана.
Сим вЂнцем кто вЂнчаєт Іоанна главу,
в вЂнцу жизни той пріймет благодать и славу.
Седм даров и пять талант за звЂзды таковы
тому в руцЂ Господней, с ним сущей, готовы.
ВЂнец от дванадесят звЂзд страстєм Христовым, от
молб к страдавшому в вЂнцу терновым
1
ІСУСЕ, за тридесят сребрников проданный,
им же єст искуплен мір, от тройци созданный;
В честь тройци заповЂди дажд десят хранити,
умом, словом и дЂлом: з грЂх ся искупити.
2
ІСУСЄ, в вертоградЂ пот крове изливый,
прискорбен быв до смерти, трижди ся моливый,
Дажд ми слезы в молит†к Тройци изливати,
в скорбєх противу грЂха и до крове стати.
3
ІСУСЕ, страждый в узах на руках и раму,
от уз адскіх подая свободу Адаму,
Дажд, да буду от плениц грЂховных свободен,
а не к тому раб грЂху, но тебЂ угоден.
4
ІСУСЕ, на судищи бієнный з ланиту,
за безстудіє моих уст студом покрыту,
Дажд ми на праведном ти судЂ непостидно
зрЂти неотвращенно лице свЂтовидно.
5
ІСУСЕ, из риз твоих на страсть совлеченный,
им же от страданія грЂшник покровенный;
Дажд ми, обнаженному, з незлобны одежды,
ризи спасенны вЂры, любве и надежды.
6
ІСУСЕ, язв премного при столпЂ терпЂвый
и тЂм же столпом немощ нашу укрЂпивый,
Столп той крЂпости щитом тисящ ми имущій
дажд, да будет з бЂд мірских в Небо мя ведущій.
7
ІСУСЕ, тернов вЂнець носивый ужасный,
в нем кровію багрен быв, аки рож цвЂт красный,
Молю тя, да грЂховный терн мнЂ не унзаєт
и сЂмени слов твоих в мнЂ не подавляєт.
8
ІСУСЕ, осужденный бывый на смерть крестну,
тогда сущу безчестну, нынЂ зЂло честну,
Дажд ми, грЂшнику, лютой смерти жало стерти,
не пасти в безчестнЂйшій суд вЂчныя смерти.
9
ІСУСЕ, крест носивый на гору Голгоθу,
бремя тяжко господу силам Саваоθу,
Дажд ми легкоє бремя в[с]лЂд тебе носити,
в силЂ креста твоєго к небу восходити.
10
ІСУСЕ, за наш дерзк грЂх кресту пригвожденный,
на горку смерть желчію со отцом нужденный,
Призвозди ми плоть страхом, не дажд в грЂх простерти,
да не вкушу горкія з горем адским смерти.
11
ІСУСЕ, душу твою за нас положивый,
разлученієм єя нас совокупивый,
Дажд и моєй душЂ, от тЂла разлученной,
тебЂ, Богови, быти присовокупленной.
12
ІСУСЕ, пят язв болших — в ребрах, в руку, в ногу —
пріємый, за пять чувств, в нас согрЂшших ти Богу,
ТЂх язв пятми таланта пять приобрЂтенны,
моя чувства да будуть вЂчно ти врученны.
Сице кто страсть вЂнчаєт Христа, Церкве главы,
за терніє пріємша честный вЂнец славы,
Пріймет не терн грЂховный, на землЂ клятвенный,
но в небЂ вЂнец вЂчных лЂт благословенный.
ВЂнец [Христу], исплетенный от звЂзд дванадесяти,
во его вертоградном моленіи просіявших
1
Зри, человЂче, како Бог возлюби тебе,
Егда твоея ради любве даде себе
На смерть. НынЂ ко Отцу сія отвЂщает,
Яко на раны готов, аще нЂсть зла знает;
Не устрашися своей жизни оставити,
Дабы тя могл от смерти вЂчной избавити.
2
Преклонивше колЂнЂ Ісус ко молитвЂ,
Бодрствует, человЂче, о твоей ловитвЂ,
Дабы тя могл от сЂти вражей исхитити,
В ней же тя враг душевный хотЂ поглотити.
Ты же твое серце к нему и колЂнЂ
Приклони, да будешы в руцЂ его нынЂ.
3
Во вертоградЂ Христос егда приклонися
Ко молитвЂ, се аггел с небесе явися,
Приносяще к нему в руцЂ своей чашу,
Дабы творил ко Отцу жертву за жизнь нашу,
4
Вся словом сотворивый нынЂ упадает
Во вертоградЂ Христос, с небеси желает
Помощи. Како тяжко грЂховное бремя,
Еже на Христа вложи Адамово племя!
5
Напаяется земля усохшая нынЂ
Кровию, аки дождом: егда наединЂ
Молитствует Христос, паде пот крвавый от тЂла
На землю, дабы вмЂсто терній крынЂ мЂла.
6
Огнь грЂха в человЂка враг во вертоградЂ
Райском воверже, иже плода вкуси в садЂ,
Сей огнь Бог и человЂк егда угашает,
Во вертоградЂ потом тЂло изливает.
7
Во вертоградЂ Христос потом излияся:
Пот от крове Авеля на нем показася;
Но егда пот во каплех крове истЂкает,
ЧеловЂка от скверны Христос измывает.
8
Чашу приносит аггел Христу в вертоградЂ,
Егда о своих овец он бодрствует стадЂ.
Твоя, человече, милость Христа распалила,
Но Отчая чашею любов укрЂпила.
9
Тако истинная любов творит: человЂка
Хотяще в любви мЂти, устави от вЂка
Зань умрЂти. Вся дает, вся и оставляет,
Егда тебе погибша к себЂ обрЂтает.
Остави, человЂче, вся суетства нынЂ,
Да обрящет тя Бог твой во страждущем сынЂ.
10
Благословится земля, проклятая нынЂ,
Егда Бог преклонился ко ней на колЂнЂ;
Но и человЂк, земля, благословеніе
Пріят, за его-бо Бог страждет спасеніе.
11
Паде человЂк, паде и Бог на колЂнЂ,
Дабы тя, упадшаго в беззаконной сЂнЂ,
Воздвигл к себЂ на лоно. Ты же, грЂхов бремя
Отвержше, внемли себЂ спасен[н]ое время.
12
Хотяще смоковницу паки украсити
Иссохшую цвЂтами, зде потом кропити
Землю начат; но дабы сія окропила
Роса всЂх сердца, милость Христа усушила.
[ВЂнец Христу страждущаму] от звЂзд дванадесяти,
во страданіи просіявших
1
ДЂлают, но зло дЂло на хребтЂ Ісуса
ГрЂшници, егда его паче над Іруса
Обнаженна у столпа сЂкут розги тЂло,
Страждет сія, человЂче, любяще тя зЂло.
2
Достойна бієнію Ісуса предаша
Сего ради, понейже вины не познаша,
В нем жадноя; но страждет, дабы всЂх нас вины
ГрЂховныя избавил, яко своя сыны.
3
Вянет лоза: се лозу к столпу привязаша,
Егда во вертоградЂ дЂлаты начаша
Рабы злыи; добрыи рабы винограда
К сердцу привяжут божественна сада.
4
Язвы пріят у столпа Ісус привязанный,
Язвам нашим во врача со небесе данный.
К сему врачу прибЂгни, кождо уязвленный
ГрЂхами человЂче! Будеш улЂченный.
5
ОдЂваяй вся свЂтом, ризы крином селным
Даяй, се нынЂ сам єст цЂло обнаженный:
Христос тя, человЂче, свЂтом оздобити
Хощет, точію грЂхи изволь оставити.
6
Привязанный у столпа Христос пріят раны,
Кров тако излияти возлюбивый за ны.
НЂст болЂзн, яко болЂзн, юже ты терпиши,
Христе мой! ЧеловЂку врачевство твориши.
7
ДЂлателіе злыи к столпу привязаша
Ісуса, вмЂсто земли тЂло ископаша,
Кров Христова неплодну егда окропила
Землю, во плодоносну паки претворила.
8
Сотворивый вся словом нынЂ мЂєт руцЂ
Присвязанны ко столпу. Давый себе муцЂ
Христос тя от работы хощет свободити
ВЂчноя, человЂче: дает ся крЂпити.
9
Беззаконныи к столпу Христа привязаша,
Не внимающе тых благ, от него же взяша:
Се бо им от работы даде столп огненный
Во вожда нынЂ от них у столпа биенный.
10
Иногда во огненном столпЂ глаголати
Изволил ко евреом Христос; зде вязати
Даде себе ко столпу, нЂчто отвЂщавый,
Недостоин-бо словес господних род жвавый.
11
Сладкую от камене источивый воду
Иногда іюде[о]м, нынЂ сего ж роду
Племя к столпу каменну Христа привязати
Дерзнуло, хотяще зло за благо воздати.
12
Егда камен о камен кто ли ударяет,
Скоро огнь во молніях от них воскрешает;
Но у каменна столпа мысленный той камень,
Ісус, біен, от него любве горит пламень.
ВЂнец от звЂзд дванадесяти, во страданіи от вЂнца
терноваго восіявших
1
Се агнец Божий, грЂхи вземляй всего мира,
Увязе во терніи, яже ради пира
Райска земля израсти. Внимай, яко вина
ГрЂх твой єст, человЂче, и агнцу кончина.
2
Іже златыми вЂнцы всЂх царей вЂнчаєт,
НынЂ терновый вЂнец на себе пріймаєт:
Тако Творец любимый созданію даде
Вся, сам, обнищавше, во терніи сЂде.
3
Небесноє в терніє сЂмя упадаєт —
Христос, но в достойные плоды прозябаєт:
Егда бо от сЂмене сего процвЂтают
ЦвЂты, тогда тернія грЂхов увядают.
4
ПроцвЂтает в терніи крин небесна сада,
Рукою дЂлателя райска винограда
Насажденный, єгоже терніє покрыло
Сіє, єже от сердца грЂшных возраст мЂло.
5
Достоин єст дЂлател мзды всегда, своєя,
Обаче мзду воспріят злу от іюдея
Христос, сей-бо дЂлател в єго виноградЂ
НынЂ в терновой зрится вЂнчанный оградЂ.
6
Подножію ног твоих — земля, но израсти,
Христе, терніє тебЂ, им же главу бодсти
Дерзнули іюдеє. Ах! Поруганіє,
Егда Творца тернієм вЂчна созданіє!
7
Сей ест цар. ИзыйдЂте, Ієрусалима
Дщери, зрЂти, его же видЂсте очима
Входяща в Ерусалим. О жалю причина
Тяжкого, егда зрится такова отмЂна!
Прежде царя нынЂ же разбойника знают!
Судіи погибшии всЂх жизн убивают.
8
Исполненны тернія грЂхов тя вЂнчают
Терніем, Христе! БолЂзн в сердцу умножают
Твоєм. Ты же, Христе мой, вся сія терпиши,
Да человЂка болЂзни вЂчноя лишиши.
9
Грозд винный Ісус егда дозрЂ в вертоградЂ,
ЗрЂте, в коей нынЂ єст от еврей отрадЂ!
Сіи от него вино егда истачают,
Тернієм весма єго острым избождают.
10
От неплодныя земли егда пожинает
Терніє Христос грЂхов, кончину вЂщает
Жатвы, понейже вЂнец терновый на главу
Пріят, емуже даде злый род во неславу.
11
Чесо беззаконныи тернієм вЂнчают
Ісуса, егда на смерть люту осуждают;
Но паче недостойных хотяй попалити
Огнь — Ісус, и се начат в терніи горЂти.
12
Се з небесного гумна клас зЂло обфитий
Израсте в неоранной землЂ плодовитый,
Егоже плод хотяще враги умалити,
Тернієм его острым начаша давити.
ВЂнец от дванадесяти звЂзд, от бремене крестнаго
просиявших
1
Аки вторый Ісаак, истинный грядеши,
Христе, крест твой воспріем, да ня нем пожреши
Себе жертву во воню благоуханія
Отцу твоєму грЂшна ради созданія.
2
Ісусе уязвленный, градеши, мой, камо,
Крест воспрі[и]мше зЂло тяжчайшый на рамо?
На Голгофу ли, да тя сіи распинают,
Иже тебЂ Голгофу, сердце своє, знают?
3
Рекл еси, дабы, вземше крест, послЂдовали
ТебЂ, Христе, и мира вси ся отрицали.
Ты же кому со крестом послЂдуеш нынЂ?
Аз тя, Христе, принудих в моей грЂшной винЂ.
4
Пріемше крест, восходит Ісус на Голгофу,
Аки Авел, принести хотяй Саваофу
Жертву: ему же в сердцу огнь любве палает,
Имъже на крестЂ в жертву Отцу согаряет.
5
Благо всЂм даяй, іго сам воспріят, бремя
На раму свою тяжко, страсти твоей время
Егда прийде, Христе мой! Вся словом носиши;
Наша грЂхи пріємше, ах! зЂло стениши.
6
Ах! ГрЂховное бремя како отяготЂ
ра рамЂ твоем, Христе, егда ти восхотЂ
Нас 1...
ТЂм изшедше на мало, жалуйте за сію
Дерзость вашу. Се и аз молитву пролЂю
Ко Господу за вами, дабы призрЂ на ны
И желаемоє дал врачевство на раны.
1 Далі в рукописі бракує аркуша.
ВЂнец от звЂзд дванадесяти, от [распятаго Христа]
на дре†крестном всему миру просіявших
1
Истинное Ісус наш ста солнце во чинЂ
На крестЂ, да просвЂтит в подземной глубинЂ
ВсЂх бывших, иже єго усердно желают,
НынЂ радости своей начало взырают.
2
Простре Ісус на крестЂ руци собирати
ВсЂх ко себЂ, кто его, Творца, хощет знати.
О неизреченная, Христе, любов в тебЂ,
Егда, страждущій, чада собЂраєш к себЂ!
3
На крестноє вознесен Ісус знаменіє,
Дабы пріят по дЂлех успокоеніе.
ДЂлал еси, Ісусе, но паче дЂлали
На хребтЂ твоем злыи, иже тебе знали
Истинна наслЂдника отча винограда.
Се нынЂ ложе мЂєш от райскаго сада.
4
ИстЂкает на крестЂ кров от ребр Ісуса.
НынЂ на истиннаго взырайте Іруса,
Іже, хотяще вся нам сокровища дати,
Ребра, руцЂ и нозЂ даде ископати,
5
Создавый землю и вся, небо, яко кожу,
Пропинаяй, пропятый сам на крестном ложу.
Но зрЂте: не слезами свою омочает
Постелю, рЂку крове от ран истачаєт.
6
Распятому Ісусу рану отверзают
Во ребрах: нЂст ли имат порока, взырают,
В сердцу. Аще нЂчто же, іудею, зриши,
Обаче невЂрствіем очеса слЂпиши.
7
Распятый новый Адам, ветха избавити
Хотяй Адама вины, же дерзнул вкусити
Возбраненнаго яблка. Ах! сладкояденіе!
Тя ли ради претерпЂ наше спасеніе?
8
Возшел еси, Ісусе, на крестноє древо:
Сіє ли сЂдалище имаши царево?
Но паче тя истинна роду являєши
Пастыря, егда овца свышше взыраєши.
9
На древо тя крестноє, Христе, вознесоша,
РуцЂ, нозЂ и ребра тебЂ прободоша,
Злату грывну тя, Христе, царя вЂков, знают,
ВмЂсто каменій драгих гвоздми украшают.
10
От тебе в пяти тысящ пятми насыщенны
ХлЂбы людіе, но род, зЂло развращенный
Еврейский пят ранами, Христе, хлеб тя краєт:
Смыслов пяти не имий зло дЂло дерзает.
11
Простер еси, Ісусе, на крест твои руцЂ,
Егда вся совершенна в твоей горкой муцЂ;
Лук напрягл еси, Христе, стрилу тя твориши,
Да темныя вовЂки враги побЂдиши.
12
НынЂ юже престани, сердечныя брани,
На Ісуса распятаго взырающе раны:
Сей бо єст знаменіе блаженна покою,
Сим небо примирися вовЂки с тобою.
* * *
Христос есть глава, той гла†уды —
Честною кровію искупленны люди.
Возри, колико разнствуют з собою,
Коль несогласны уды со главою.
Глава в терніи, уды в рожах ходят —
Христос страсть терпит, люди роскош плодят.
Обы роскошны уды студ познали,
Небы под тернєм мякких рож желали.
* * *
Камо, сладкій Ісусе, съ крестом грядеши?
На гору ли Голгоθу, да себе распнеши?
Аз тя скверными в сердцу мыслми распинаю,
Сердце моє скверноє Голгоθу бысть знаю.
На Голгоθу сердце ми, Христе, поспЂшися,
Да тя не распинаю, в сердцу ми распнися.
Взем грЂх міра, носиш крест, аз смЂю просити,
Сам неси грЂхи моя, мнЂ дажд крест носити.
Воистинну тяжек крест, но грЂх мой тяжчайшій —
ГрЂх мой понеси, Христе, мнЂ дажд крест легчайшій.
Не крест то тебе, Христе, во странноє время
Сице долу преклони, грЂхов моих бремя.
Что всує на выю ти уже возложенно,
На волную ли муку дабы тя влеченно?
Не требЂ єсть влещи тя, волею грядуща,
На мя се вложи уже, ити немогуща,
Да аще и не хощу, влечеши з собою,
Бым вкупЂ сораспялся, Христе мой, с тобою.
* * *
Почто глава в терніи изволи ходити?
Не достоя[й]ше ли єй злат вЂнец носити?
Достоя[й]ше, но понеж Христос єсть червленна
Рожа, власною крові<ы>ю в страстєх обагренна,
А при рожЂ обычнЂ терніє бываєт,
ТЂм взял терн, да, як рожа, в терніи процвЂтаєт.
* * *
ВЂм, почто, Ісусе мой, в Єгипет грядеши —
Да вся єгипетскія ідолы сотреши.
Єгиптом ми єсть душа, а ідолы — страсти,
В мой Єгипет вшед, вели идолом упасти.
* * *
«ГдЂ, о мати, твоєго подЂла-сь отрока?» —
«В сердце и в ложих людій, сущих без порока».
* * *
«Дажд ми сосца, сосца дажд, о благая мати!» —
«И сосца и сердце зволь, сыну мой, пріяти». —
«О, коль сладок ми, мати, сосец твой дражайшій!» —
«О, коль благ ми єси ты, сыне мой сладчайшій!» —
«Усладила мя єси, мати, твоєго сына». —
«Ты ми єси, сине мой, вес сладость єдина».
* * *
«Востани, славо моя», — яко рекл Бог до сына;
Кто з нас не признаєт, же добра новина.
Бо хот єго на три дни во гробЂ сховано,
Предся, яко послушний сын, рекл: «Встану рано».
* * *
До каменнаго гробу, Христе, не кладися,
В окамененном сердцу моєм положися.
ВЂм, же єст твердЂйшеє над діямент-камень,
Которого не скрушит желЂзо ни пламень.
Єднак, як діямент кровію ся скрушит
Козлею, так и моє сердце, скоро внушит
Тебе, агнца, внутр себе, чаю, же ся може
Съкрушити кровію твоєю, мой Боже.
* * *
Двигаєш, о Христе мой, сам крестноє бремя,
Облившися кровію въ страстноє время,
Извол мене приняти вмЂсто киринея,
Бым тяготы допомогл тебЂ нести сея.
* * *
В особах подорожных, кгды, Тро[й]це святая,
Гостиш у Авраама, тылко припадая,
АВРААМ с Саррою к снЂди тебе просить,
Ин же никто к тебЂ свою прозбу вносить,
Моля в дом свой гостити; прето я, негодный,
Любо в добродЂтели и сам єсм голодный,
Прошу тя, изволь вны<і>йти в дом душа моєя,
Всего будет обилно з милости твоєя.
* * *
В матернєм чревЂ, нЂбы во мрачной темници,
Игралес, Іоанне, кгди твои зЂницы
Єще, нЂбы в зерцалЂ, узрЂша прекрасну
Матер Божію, матер свЂта, свЂщу ясну.
Играй нынЂ сугубо вышедши з темници,
Гды юж лицем ко лицу зрят твои зреници
Д†свЂщи, двоє солнца, матер и отрока,
Иже тя благословить, зарю без порока.
* * *
Аки плод нЂкій красен, лице твоє, Боже,
На обрусЂ оставил єси нам; єго же
ЗдЂ дух наси<ы>щаєтся, єгда на нь взыраєм,
Дажд нам, да ся и в небЂ єго насыщаєм.
Ужас на лице, творче мой, тя зрЂти,
Много на нем ран, како ми стерпЂти?
Понесый раны толикія, Христе,
Изми ж мя от ран грЂха, о пречисте.
На хребтЂ твоєм, Христе, грЂшници дЂлаша
И лице ти чистоє лютЂ окаляша.
ГрЂшный аз душу мою окалях грЂхами,
Дажд ю омыти сердца моєго слезами.
О, кто не усумнится, зря толики раны,
За грЂхи всего міра в лице Христу даны.
Призырая на лице Господа твоєго
Буди терпЂти готов всЂм сердцем для него.
Множество ран, о Христе, на лици носиши,
Много на сердцу мене терпЂти учиши,
Раны на лицу твоєм всяко ми ползуют,
Язвы на сердцу моєм понеже врачуют.
Лице ти, Христе, что тако язвенно?
Солнце ли аки мраком покровенно?
Солнце да свЂтить, темность разганяєт,
Твоє же лице и во тмЂ сіяєт.
* * *
Образом сый человЂк, єдинородній сыне,
Образ мя твой обнови, Боже мой єдине.
НынЂ образ твой вижду, потом же тя живу
Дажд в небЂ вЂчне зрЂти пречистую дЂву.
Зря тя пресвЂтла, Христе мой, сти<ы>ждуся,
Како аз темный лицу ти явлюся,
Но ты иссопом єгда окропиши,
Мя премЂншася воскорЂ узриши.
* * *
Не убоюся и в нощи падежа:
ДЂва пречиста добра ми надежа.
И посред тмы та, аще єст со мною,
ЗасвЂтит солнцем, звЂздами, луною.
* * *
О зачатіи Божіаго Сына
Радуйся, дЂво, чистая, єдина.
Аз же о тебЂ радоватися буду,
Єгда печали тобою избуду.
* * *
Сердце ми, Христе, аду єст подобно,
Страстєм, яко бЂсом, жилище удобно.
Сей ад разорша ражденими страсти,
Воскреси душу, не дажд єй болш пасти.
* * *
Божія сына родиши без мужа,
Ногами главу попираєш ужа;
Ужа грЂховна снЂдаєт мя жало —
Сіє попери, бы мя не снЂдало.
* * *
|
Пред рождеством неврежденна, Во рождествЂ; хощеш знати, По рождест†паки чиста, Матерєм и дЂвам слава, На руку же имать сына ДЂво, чистоту ми дати |
ДЂва Богу соблюденна Кто сія єсть дЂва-мати? Сице всегда дЂва иста. ВЂнцы увЂнчанна глава. Мати-дЂва та єдина. Изволь, храни же мя, мати. |
* * *
С орудіи страстными в серци сЂдиши,
Ісусе мой, да тЂми грЂхи мои казны<и>ши.
Казни грЂхи, но мене пощади самаго,
Да аз, злый, єднаго тя знаю благаго.
Почто тебЂ связанны, Ісусе мой, руцЂ?
Да не возбраниши ли ся мучителем в муцЂ?
Ни! Но да грЂшнаго мя не казниши, Боже;
Любов тя твоя ко мнЂ связати возможе.
* * *
Увы мнЂ, сыне, увы мнЂ, сладчайшій
Ісусе, увы, свЂте мой дражайшій!
Коли без милости тя окровавленно,
ТебЂ тЂло, мнЂ сердце уязвленно.
ГдЂ тя, о чадо, имам положити,
И сама без тя не могущи жити?
Да умру и аз, и во єдином гробЂ
ТЂлеса наша положатся обЂ.
* * *
ИдЂже творяшеся желЂзо от блата,
Тамо дЂва вселися, дражайшая злата,
Да людєм жестокіє нравы умягчаєт
И желЂзні<ы>є к Богу сердца обращаєт.
Обуреваємым ти<ы> пристанище, мати,
Ты не гнушаєшися болных посЂщати.
Ты и мои немощи покрывати вЂси,
Тобою прогонятся и страсти и бЂси<ы>.
На персєх ношу твою икону святую,
МАРІЄ, обых тя носил в сердци самую.
* * *
БОГОСЛОВЕ, умоли Слова воплощенна,
Да не будет ми душа адом поглощенна.
Образ пасти<ы>ра добра, иже своя овца
Пасет добрЂ, храняя от адского ловца,
Благословит рукою, усты мір вЂщаєт,
Во книгу пишет, под кров свой всЂх вомЂщаєт.
Се образ предобраго пастыря, смотрЂте,
А яже то сам творит, сія вы творЂте.
Усты мір всЂм глаголет, а благословляєт
Рукою, никого же он не озлобляєт.
* * *
ОбЂд в небЂ ты яси, Боже благодати,
Изволь от столу твоєго крупици нам дати.
* * *
К Златоусту бренными устнами молюся,
Да от бремія моих грЂхов избавлюся.
* * *
Образ дЂвы Марія яже усмотрЂла.
Тройцу трема окнами еле иже имЂла.
С кровію излитою за Христа смЂшенный,
Сице та дЂва внійде в чертог украшенный.
* * *
Варваро, от варварска храни нас находа,
Храни и от воздушных во время исхода.
* * *
Образ добра воина, до смерти страдавша,
За любов Господа си, на раны ся вдавша,
Иже ребром збоденным явися ревнитель
Христовои страсти, и бысть врагов побЂдитель.
* * *
В позорах древле копіи ношаху,
Ими же в перстень тироны лучаху.
Кто в большій перстень может улучити,
Яко ДИМИТРІЙ, в горнєм крузЂ жити?
* * *
ДАНІИЛ преподобный, на столпЂ стоящи,
Авксентій же во своєй пещерЂ сЂдящи,
Здалече зряхуще, како оного Сімеона
Аггели до горнєго несяху Сіона.
С[вятому] м[ученику] Севестіану
Зрите, что добрій сей страдалец дЂєт,
За Господа си души не жалЂєт.
СтрЂлами имать тЂло устрЂленно,
Любовію же сердце уязвленно.
Под трупюю голову
Глава єсм, но нЂсм глава, ибо єсм безгласна,
Уст, языка не имам, зрЂнію ужасна.
Очес и ушес кромЂ єсм ли убо что же?
БЂх иногда єже бЂх, нынЂ же ничтоже.
Преподоб[ному] Герасиму
При ИорданЂ Герасим живяше,
Лев же оному, акы раб, служаше,
Плотскія в себЂ укротивый страсти,
Силен и звЂры, яко овцы, пасти.
Преподобному Євстратію Печерскому
Кто может Христу сице быть подобный,
Яко Євстратій преподобный?
Христос бысть за ны на крестЂ распятый,
За него же взаєм распят ся Євстратій.
Святому Игнатію
НЂкогда Даніил, в ров между лвы воверженный,
Яко снЂдь горка, оттол прошед неврежденный.
Игнатій, єгда от лвов снЂденный бываєт,
Плястр то сладкій Богу ся на стол прекладаєт.
От Патерика слово XIX о смотреніи
Отца Макарія брат нЂкій вопрошаше:
«Како, отче, спасуся?» — Он же отвЂщаше:
«Буди мертв, ни досаждай и славы блюдися,
И во всем ты житіи, яко мертв, вмЂнися,
СлЂп, глух, нЂм, нечувствен будь, тако ся спасеши,
Єгда, живя Богови, мірови умреши».
Там же. Рече авва Пімин
Создати инЂм храм, свой разорити,
Кую ползу си непщуєши быти?
От святаго Ніла. Глава LVIII
Брат вопроси отца
«Падох блаженне, что творити маю?» —
«Востани, чадо». — «Но втажде впадаю». —
«От тЂх же встани». — «Паки падох зЂло». —
«Паки востани, остави зло дЂло». —
«То докол будет сицевая брани?» —
«До скончанія, по падежи встани,
Єлико паднеш, толико потщися,
От паденія встани, не лЂнися.
Да всегда встающ Богом обрЂтенный,
В чесом обрЂтен, в том будеш сужденный».
От Патерика, глава XIII
Два брата в пустынЂ єдиной пребываху
И по ХристЂ ся много оба подвизаху,
Но єдин подвижен бысть множайшими труди<ы>,
Другій обрЂташеся в трудЂх косен всюды.
И вселися в него Бог. Рци, ради коєя
Вины первому не дал благодати сея?
Та вина, яко Богу проста сердца дЂло
УгоднЂйшоє, неже многотрудно тЂло.
От того ж, глава XCVII
Свят нЂкто, сЂдя мног час, пребыт во восторзЂ,
По сем востав, паде ниц, плакаше надолзЂ.
Ученик вины плача отца вопрошаше,
Он же, сЂдя и плача, не отвЂщаваше.
Стужившу ученику отвЂща рыдая:
«Бых, — рече, — восхищенный до Божія рая,
Тамо нЂких от мірян внутр видЂх вселенных,
Многих же инок рая внЂ сущих лишенных.
* * *
Рыдал би єси, аще вЂдать бы возможно,
Яко сего мЂсяця умреш непреложно.
Время весма безвЂстно, ты же ся смЂєши,
НевЂдый, аще єдин день сей поживеши.
* * *
|
Полунощ Христа вяжет, Утреня в лице плюєт, Будет бок девятый, Сумрак провождаєт |
Котрый грЂхи мажет. Первый коронуєт. Ждет вечерня снятый. И в гроб полагаєт. |
ДЂянія святых апостол
1
Апостоли святыи в собраніи бяху,
обЂщанны силы свыше ожидаху;
И се в день пятдесятный шум велій бываєт,
дух свят в языцєх огненных схождаєт.
Діянія, II (1 — 4)
2
Петр со Іоанном хромца бЂдна устрабляют,
в милостины мЂсто нозЂ утверждают.
Діянія, III (1 — 7)
3
Ананія часть цЂны села утаил єсть,
прочеє пред апостол ноги положил єсть.
Петр, духом лжу мужа увидЂв, обличаєт,
он, пад, издше, и женЂ тожде ся случаєт.
Діянія, V (1 — 10)
4
Стефан свят каменми убієн биваєт,
Савл рыз страж на дЂло то соизволяєт.
Діянія, VII, 58; VIII, 1
5
Філип євнуха вЂрЂ правды научил єст,
и [з]сЂвши с колесници, во пути крестил єст.
Діянія, VIII (39)
6
Савл иде в Дамаск христіан искати,
на различни муки оны предаяти.
Но бысть глас: «Савле, Савле, что мя гониши?»
Он же: «Господи, что ми творити велиши?»
Діянія, IX (3 — 7)
7
Петрови плащеница с небесє свЂсися,
притчею не презрЂти еллин наставися.
Корнилієв посланник єго приглашаєт,
он, шед, самаго и весь дом єго крещаєт.
Діянія, X (11 — 48)
8
Петр всажден во темницу, средЂ стражей спаше,
церков о нем молитву прилЂжно творяше.
Аггел єго возбудил, от уз свободил єсть,
провед мимо д†стражи, церкви возвратил єсть.
Врата желЂзна сама себе отверзоша —
сіє молитвы вЂрных у Бога могоша.
Діянія, XII (4 — 10)
9
Павел хрома рожденна в ЛистрЂх исцЂляєт,
народ Єрмія Бога быти єго вмЂняєт.
Варнаву паки Діа жреци пріидоша,
телци има на жертвы тучны приведоша.
Но Павел с Варнавою того возбраняєт,
єдинаго Бога быти Творца всЂх вЂщаєт.
Діянія, XIV (8 — 15)
10
На МилитЂ-остро†при огни сЂдоша,
иже си сокрушившу кораблю спасоша,
Єхидна Павла в руку усЂкнула бяше,
человЂкоубійцу всяк єго непщеваше.
Єгда же, отрас ю во огнь, без вреда явися,
от несмысленных еллин за Бога вмЂнися.
Діянія, XXVIII (1 — 7)
ВЂрши сЂмдесяти и двом апостолом
Седмдесят двох апостол имена святыя,
Аще кто не вЂсть, убо да увЂсть, суть сія:
Іаков, брат Господень; Клеопа избранный;
Симеон, сын Клеопы, в чин апостолск званный;
Θаддей, едеска князя з струпов очистивый;
Ананія же, Павла верховна крестивый;
Стефан первострадалец и Филип діакон,
Истолковавый красно каженику закон;
Прохор, Никанор, Тимон, Пармена, Варнава,
Благ вЂстник Марко, Сила, и єго же слава;
В благовестіи Лука и Силуан мирный,
Крискент, Крисп, и Єпенет, и Андроник вЂрный;
Аліплій, Урван, и Стахій, Апеллій послушный,
Апполос, Аристовул, Наркис благодушный.
Іродіон провидец, Аггав, Руθ избранный;
Асцисрит, Флегонт, Єрмин, Патров богоданный;
Ірма, Лин, и Гаіє, і Філолот с ними,
Лукій, і Ассон, по сем и Сосипатр с тЂми;
Тертій, Ераст, и Кифа, Сосθень в тойжде славЂ,
Тихин, и Епафродит, Марко, свой ВарнавЂ;
Ісус, наречен Іуст; Климент, и Артема,
Онисифор, Куарт, Карп, со ними же трема;
Євод, Аристарх; Марко, Іоан реченный;
Филимон, Зина и Пуд, Трофим посЂченный,
Онисим, и Фортунат, Тимоθей, Тит славный,
Єпафрас, Архіпп, Кондрат, Олим православный;
Ахилла, Діонисій, и по смерти чудный;
А Симеон Нігер лик кончит многотрудный.
Седмдесят двох апостол, их же молитвами,
Боже, милостив буди над грЂшними нами.
Николая з апостол, апостата бывша,
И Дамаса, нынЂшній вЂк сей возлюбивша,
Такожде и Фіггела с Єрмогеном, в новой
Благодати противных науцЂ Христовой,
З седмидесят апостол лика извергаєм,
В молитву и помощ тЂх мы не призи<ы>ваєм.
Яко ниже в соборных празнуєм Іюду
Лстиваго, но Матθія честна чти[м] повсюду.
[Вірші на Апокаліпсис]
1
Іоанн в остров Патмос єлма заточися,
сын человЂч в восторзЂ оному явися,
ИмЂяй седмь 1 звЂзд в руцЂ и меч испущенный
из уст, между свЂтилник седмію ставленный.
Апокаліпсис, І (9 — 16)
1 У рукописі число позначено цифрою («З̃», тобто «7»).
2
Бог-отец на престолЂ сЂдяше проявленный,
двадесят и чети[ы]рми старци[ы] окруженный,
Іже, єгда звЂріє чети[ы]ри пояху
пресвятоє пЂніє, ници припадаху,
ВЂнци своя под нозЂ Господни кладуще,
«Достоин єси, Боже, взяти честь» — зовуще.
Апокаліпсис, IV (2 — 11)
3
Єгда агнцем печать шеста рЂшена бяху,
с луком, с мечем, с мЂрилы яздци исхождаху.
Смерть с косою, вслЂд єя огнен ад идяше,
души под престолом, звЂзд спаденіє бяше.
Апокаліпсис, VI (12 — 13)
4
Єгда седмая печать агнцем разрЂшъшися,
от четырех аггелов премЂнно трубися,
Всяк глас горе новоє міру возвЂщаше:
по первой, кров, град и огонь на землю падаше;
По втором, огненная гора низвалися;
по третієм, звЂзда пелын в воды низпустися;
По четвертом, в свЂтилЂх тма свЂт помрачаще,
єще ин «Горе, горе, горе!» — вопіяше.
Апокаліпсис, VIII
5
Воструби аггел пятій — звЂзда низвалися
и бездны з дымом пругов множество пустися,
Смертно язвящих воды; также вострубил єсть
шестый и на ЄфратЂ-рЂцЂ разрЂшил єсть
Четверицу аггелов, готовых изыйти,
третію часть человЂков во мирЂ избыти.
Апокаліпсис, IX (1 — 15)
6
Лицем солнечный аггел в облак облеченный,
на гла†дуга, столпы низу утвержденный.
Богом кленется, яко время се кончаєт,
Иоанну книжицу єже снЂсти даєт.
Апокаліпсис X (1 — 9)
7
Єнох со Ілією будут прорЂщати
в конци вЂков и люди к Богу увЂщати.
Змій-антихрист иматся в СіонЂ убити,
но в день третій хощет Господь оживити;
Речет «ВзыйдЂте сЂмо и будете взяти
на небо зрящим врагом яко мужи святы».
Апокаліпсис, XIII
8
ЗвЂр лют грядет из моря, злых сонм знаменуєт,
первая антихриста глава изявляєт;
Ин из земли исходит со агнчими рогами,
оба будут хулы ригати устнами.
:Сей лжепророк огнь сведет, люди убоятся,
не писанніи в небЂ звЂрем поклонятся.
Апокаліпсис, XVI 1
1 Зміст цього вірша ближчий до XVII глави «Апокаліпсиса».
9
Град великій Вавилон огнем согоряєт,
скоро, яко жерновный камень, упадаєт.
Плачут єго царіє, купцы, художници,
рибаріє и дЂвы и корабленницы,
Яко прибытков своих не могут стяжати
никто, ясти в нем и ликовати.
Вавилон же сонм людій злочестивых являет,
их же погибель в конци вЂков ожидаєт.
Апокаліпсис, XVIII
10
Аггел змія связанна в бездну вовергаєт,
єгда Христос дЂмоню силу укрощаєт.
Той по тысящи годищ паки разрЂшится,
ибо во антихрЂстЂ зЂло укрЂпится,
Соберет безчисленны на всю церков рати,
но судія воскорЂ казнь хощет воздати.
Апокаліпсис, XX (1 — 10)
11
Ієрусалим новый наконец явися
Іоанну святому и зЂло свЂтися
Небесными красоты; нЂсть лЂт описати
доброты єго ниже помыслов отбяти.
В том Бог людем си вЂрным жилища готуєт,
сам в неприступнЂй сла†вовЂки царствуєт.
Апокаліпсис, XXI (10)
О преподобном Лаврентіи Печерском
Лаврентій преподобный над духи нечисты
ИмЂ власть, и принуди бЂса исповЂсти,
Яко в ЛаврЂ тридесят святых отцов бяше,
От них кождо словом бЂса изгоняше.
Со инЂми же всЂми бЂси брань творяху,
А ко пещерЂ ниже приступить смЂяху.
ТЂм, кто хощеши от них себе свободити,
Потщися часто ко пещерЂ приходити.
Преподобному Антонію Печерскому
В Любечу народился, Бога возлюбивый,
И у меты зань весь мір Антоній вмЂнивый
В Святую Гору пойде, горняя мудрствуя,
Приближитися к Богу зЂло усердствуя,
В отчество пришед, отец духовен бысть чадом,
Обители устроив по различным градом,
В КієвЂ, в ЧернЂго†и в Любечу, камо
Плотски рожден, духовнЂ инЂх роди тамо.
А найпаче в Кієви, инок собрав лики,
Авва им бысть, показа подвиги толики:
Ископав пещеры, в них погребеся живо,
Мертв міру, жив Богови, таков мертвец диво;
Таже на живот преиде, с пещернай темници,
Идеже лицем к лицу зрят Бога зЂници.
И єго же любил єсть, того видит ясно,
А о нас єго молить дерзновенно гласно.
На образ всЂх преподобніх печерских, вколо
с[вятаго] креста написанных на стинЂ в церкви Честнаго креста
Над ближнею пещерою
Єгда Господь наш распят на ГолгоθЂ бяше,
Тогда мало при крестЂ єго кто стояше,
Точію з Іоаном пречиста мати,
Прочіи потщашася от стража бЂжати.
НынЂ же, о, коль мнози окрест креста сташа:
ВсЂ тыи, иже Христу себе сораспяша.
Антоній, Θеодосій, а с ними толико
Преподобных печерскіх, звЂзд в небЂ єлико.
ВсЂ, вземше крест свой, спЂшно за Христом пойдоша,
Распнєшеся 1 со страстми, мирови умроша,
НынЂ же со Христом живут, з аггели спЂвають,
А тЂлом при сем храмЂ Кресном почивають.
1 У рукописі — «распєншеся».
Над дверми, до святои пещери воводящими
Увидите, як Господь удивляєт,
Преподобных сих чудесмы вславляєт.
Рая херувим хранит, а та — мЂста,
Над херовимов честнЂйша невЂста.
Сокровища здє лежать многоцЂнны,
Святых печерских тЂлеса нетлЂнны.
Кто хощеш быти богат в благодати,
З вЂрою тщися сЂмо притЂкати.
Христос зраненый
На хребтЂ твоєм, Спасе, грЂшници дЂлаша,
Сами ран достойныи — тебЂ раны даша.
Аще толь многи даны безгрЂшному раны,
Коль многи сами будуть грЂшныи караны!
На Христову главу страстную
Зайде доброта твоя, сладчайшій мой свЂте,
В остром тернню кровію очервленній цвЂте.
Ланиты заплеваны, уста желч пріяша,
Власы терзаны, очи слезы изліяша.
Аще и муками ти лице помраченно,
Аще и желчію тя, Христе, огорченно,
Обаче тыми єси, паче всЂх краснЂйшій
И паче всЂх сладкостей ти<ы> ми любезнЂйшій.
Ко МагдалинЂ, плачущой у ног Христовых
Глагол грЂшнаго
Уступи, Магдалино, от Христову ногу,
МнЂ дажд мЂсто, аз имам о грЂсєх скорб многу.
Уже твои слезами грЂхи очищенны
И беззаконія ти уже отпущенны.
Аще аз валяюся во грЂховной тинЂ,
Аз хощу у ног єго искати простинЂ.
Уступи ми, о жено, от ногу Христову,
Да і аз милость єго обрящу готову.
Уже ты их довольно слезами омочила,
И прощеніє твоим грЂхом получила.
Аз єще хощу єму упасти на нозЂ,
И, яко грЂшник болшій, рыдати намнозЂ.
Уступи, Магдалино, возлюблша не лестнЂ
Христа, и припадшая к єго святЂй плеснЂ.
Уже ты до сытости сердце усладила,
Лобзанієм любезним тому угодила.
Аз хощу к любимому мнЂ припасти Богу
И лобизать усердно чисту єго ногу.
ОтвЂт Магдалинин грЂшникови
ВсЂм щедр єсть Господь наш, всЂх вмЂщаєт нетЂсно,
ВсЂх пріємлет, всЂм рад, всЂх любить, вЂжд извЂстно:
Аще бы з всего міра зде притекли люде,
У ног Христа моєго не тЂсно им буде.
ВкупЂ убо со мною ног єго имися,
Аз о моих, ты о своих грЂсєх молися.
* * *
Стоя посредЂ, сЂмо и овамо
Смотрю и не вЂм, обрящуся камо:
ЗдЂ сладкій Іисус язвою питаєт,
ЗдЂ сосець дЂвич млеком напаяєт.
* * *
Каков Василій, Єфрем молитствуєт —
Небо огненным столпом извЂствуєт.
Но и сам Єфрем столп огненный бяше —
Пламенем любве Божія горяше.
О убогом и богатом, молящимся в церкви
Два внійдоста во церков, но не єдинако:
Ов простЂ имать к Богу сердце, ов опако.
ПростЂ к Христу ум вперен нища и убога;
РазсЂян имущаго стяжанія многа.
Бог же сам вЂсть когождого сердечныя бездны:
Тщи у него богати<ы>, нищи небезмездны.
ТебЂ оставлен нищій, милосердє Боже,
Ты му част, ибо в мирЂ не имат ничтоже;
НЂсть сокровищ, в них жебы сердце углубити,
И что ино, раз†тя, имать возлюбити?
Убо, єгда предстоит в молебну годину,
Возносит ум и сердце к тебЂ єдину.
Не тако богатый, но разнствовати зрится,
Аще и прилЂжно здЂ молитися мнится:
В дому злато и сребро, разлычні<ы>я служби<ы>,
Тамо дЂла, овамо пировні<ы>я дружбы,
Всюду же прілпе сердце, ум имать мысль многу,
Убо усты молится, нЂсть же сердца к Богу.
Бытія, XV
Ною обважившуся сын ся Хам ругаєт,
Сим же сын со Афетом нагость покрываєт 1.
1 У рукописі було «покрывают»; «ю» кіновар’ю виправлено на «є», певне, щоб зберегти риму.
* * *
Цар Давид гуслы держить, не всує играєт,
Славу Богу и тЂмы из уст воздаваєт.
* * *
На крестЂ мой сладчайшій Ісус протяженный —
Лук то на стрЂляніє вижу напряженный;
Пять язв в нем — суть то пять стрЂл, готовых караты;
Но на кого, Христе мой, будеши стрЂляти?
На врага ли? То аз враг, на мя сія стрЂлы
Испусти, дабы ся в сердце моє ся унзили.
ТЂми сладцЂ язвенный грЂху умрЂт мушу,
Ты же в любов плЂниши сердце ми и душу.
* * *
Призри на лице Христа твоєго Ісуса,
Єже сам изобрази, прилож до убруса,
На желаніє вЂрно царя Агавара,
Єму же посла вмЂсто многоцЂнна дара.
Мнози царіє прежде желаше то зрЂти,
Но не могоша сего дара получити.
Блаженная очеса царя православна
Се зде зряще и в небЂ узрят Бога явна,
В трех лицєх єдинаго царя над царами,
Єго же зрЂти царск єсть вЂнец над вЂнцами.
* * *
В столпЂ облачном к людєм глаголавый
Столпа огненна вожда огнЂм давый.
К столпу каменну от тЂх привязася,
За добродЂйство от злых злЂ воздася.
К древу вяжут лозу винограда,
Инако лозу божественна сада —
К столпу каменну лютЂ привязаша,
Плоть, яко грозд здрЂлу, нещадно рЂзаша.
* * *
Незлобіє Господнє в ярость премЂнися,
Понеже Церков єго купли наполнися.
Вервом гонит торжников з дому молитвенна,
Да не будет з куплею молитва смЂшенна.
О, аще бы я†зде пришел єси, Христе,
Изгнал бы и отсюду всЂх таковых исте.
Торжников, иже входят на молитву к Богу,
Не молби<ы>же, но куплю содЂвают многу,
Друг к другу бесЂдуєт, что где купил бяше,
Что предал, что приобрЂл, торг добр имЂяше,
ТЂх бы всЂх єдни<ы>м бичем изгнати
Из церкве — молитвы єст зде мЂсто, не купли гадати,
МЂста торжников в церкви зря опроверженны
От Господа, и вся вон купли изверженны,
Убойся, человЂче, в церков входящій:
И не молящійся, но с други молвящшій:
Да не постраждеши ты лютЂйшоє горе —
Опровержет тя Господь с домом, с мЂстом вскоре.
Святому Дамаскину вЂрши
I
Вышнею благодатію во сытость упоєн,
глубиною мудрости обилно исполнен,
О благодати горней Дамаскин мудрствуєт,
Благодатному орлу в слЂд путешествуєт.
V
Іоанн Дамаскин, цЂл душею святою,
От икономах же быв усЂчен рукою,
От Матере ся Слова паки исцЂляєт
И, пиша имя Сына, єя прославляєт.
VIII
Святый Іоан Дамаскин, з Богом начиная
И споспЂшеством духа книгу скончевая,
З Сыном Матери Божой хвалу возсылаєт,
ПЂснословити и нас всегда научаєт.
* * *
Ілія, Сидонскую страну шествующе,
Прійде в дом єдиноя жены, сЂтующе,
Яко сын єя умре; но он ревность к Богу
ИмЂя, печаль в радость премЂниши многу:
Абіє язык удом мертва прилегаєт
И так сумантяниня сына воскрешаєт.
* * *
Петру, до Іопіи в проповЂдь пришедшу,
Предлагают сродници дЂвицу умершу,
С плачем сЂтующе; но он, ради многа
Народа предстояща, молитствуяй Бога,
Внезаапу Тавиθу мертву воскрешаєт
И сим чудом в вЂрЂ народ утверждаєт.
* * *
Павел, єгда Христова закона учаше,
Премнози ся народы к нему сохождаше.
Случися до помощи протязати слова;
Тогда он от трикратна мертв спаде покрова.
Павел, хотя паче мір в вЂрЂ утвердити,
Потщался тЂмжде словом мертва воскресити.
* * *
Спасеніє Христос на крестЂ содЂявый,
Тоєжде Андреєви в образЂ давый.
Христос въ Іюдеи закона учаше,
Андрей в Кієвских горах благодать вЂщаше.
Христос тамо изволи на крестЂ страдати,
Андрей здЂ креста благость водрузи сіяти.
* * *
ИжЄ в РунЂ инОгда прообразованна,
Милости сОтворшего НАс всЂХ здЂ написанна,
Душею И МыслИю Ту книжку пРІЙмЂте,
САми єй Внимающе И другим проЧтЂте.
* * *
«Книга отверзеся, яже есть живота»
(Апокалипсис, 20)
Аще кая писмена испытати требЂ,
Хотящим живот вЂчный з тЂх стяжати в небЂ,
Житій святых найпаче требЂ чести книгу
И в благом животдавца труждатися игу.
Живот и животдавец, сам Ісус, творити
Начат, житіем своим первЂе учити:
Тако и всЂ святыи житіем учиша,
ДЂлами своих житій книгу сочиниша,
Во трудех от юности до кончины бяху,
Алфа нам и омега тако прописаху.
Слово Божіе живо в них бЂ и дЂйственно,
Сіе писменам Книги Житій их свойственно.
И едина іота не бЂ оставленна,
Вся десять заповЂдей от них исполненна.
Ісуса распятаго мудрость их бЂ знати,
Пять язв его з мудрыми дЂвы размышляти.
Пять словес умом тако чтуще глаголаша,
Аки пять книг Моисеа в єдину собраша
Книгу Житій, своими дЂлы исправленну,
Юже ее зде зрЂти есть типом отверзенну.
В ней же бытіе святых подвижное в мірЂ
И исход смертный живших в дЂлотворной вЂрЂ.
И левитскія жертвы служба преходяща,
Дух сокрушен и сердце Богу приносяща.
И числа сил и даров, данных святым многа,
Исчитаемых лучше з числом звЂзд от Бога.
И второзаконіе жизни второй вЂчной
Пишется их, что в книзЂ Моисейской приличной.
Но не по вЂтхой сЂни, в новой благодати
По книзЂ сей и жити требЂ и читати.
Тако чтый сію Житій Книгу есть блаженный,
С Книги Живота вЂчна не будет сотренный.
* * *
ИзсохшЕ нам се РуцЂ орОси, о мати
Маріє, ОбильНАя в водаХ благодати,
Душам, палИМИам сТРастИ огнем, свишше чашу
Студенои подАждь ВодИ, пеЧаль видя нашу.
О иконЂ чудотворной Ил[л]инской ЧернЂговской
Тысяча шЂстьсот шестьдесят второг року,
яко Христос родися от чистаго боку,
В монастыру ИллЂнском икона плакаше
ДЂвы, да и человЂк не скачет являше,
Аще не бы ДЂвая слез до Сына за ны
приносила, имЂли быхом многи раны;
Но яко видЂ слезы, и Бог ужалися,
тЂм же и бысть, яко враг от нас удалися.
Всує слез Мати Твоя да не истачаєт,
запрЂти, скиθ християн да не погубляєт.
Аще и в самой церкви татарове бЂша,
но обаче иконы сея не видЂша,
Уже и ко самому дерзнуша престолу,
и вся иконы в церкви поверзоша долу,
Єдин обаче образ ДЂвы у пророка
во всЂх приключившихся избит без порока.
Братія вся от страха в пещеру бЂжаша,
юже трудолюбієм своим содЂлаша,
Тамо же ходотайством присно ДЂвы здравы
пребиша, хваляще ю, яко матер славы,
Дверми до них татаре прійти не могоша,
бо непроходиму двер — ДЂву — обрЂтоша.
Множества чудесєм образ сей содЂловаєт,
не исходить тощ, кто в нем вЂру полагаєт;
Глухим слух отверзаєт, хромим даєт ноги,
безумних умудряєт, чуда творить многи.
БЂсноватих без числа присно свобождаєт,
недужних возставляєт, слЂпих просвЂщаєт,
И коим ли недугом кто изнемагаєт,
притЂкая ту, тунє цЂлбу почерпаєт.
ТЂм вси до Ил[л]инской ДЂвицы тецЂте,
спасет от бЂд, точію «Помилуй!» рецЂте.
Іл[л]инская ДЂвице, внегда сама за ны
плачеши, Сын твой будет милосердний на ны;
Ты плачеши ач за ны, мы возвеселимся,
єгда от всяких скорбій и бЂд свободимся.
Имаши манастир Ил[л]инский и лишше,
о чом радоватися дано тебЂ свышше;
Имаши, игумене, в чесом ся хвалити
со всею братією и радостен биты,
Єгда благоизволи Бог твоєго вЂку
даровати благодать людєм си велику.
Зосим Марією здЂ болшею ся хлюбить
явЂ, яко со старцем Бог Марію любить,
Им же образом пчели до улій лЂтають,
сице ко ДЂвы чистой вси да прибЂгають;
Царіє к ней да текуть, она им корона
по временной вЂчная горняго Сіона.
Тысяща щит у ДЂвы, гетмане, спЂшися,
даст вобЂду воинству, токмо помолися.
Не косны много, кождий во своєй потребЂ
бЂжи ко ней, будеши воистинну в НебЂ.
Стихи на страсти Господни
ОтмЂна зЂло страшна, отмЂна напрасна,
ах, глаголом, зрЂнію и слуху ужасна.
Царь неба и всей земли, творец всего міра,
от лютЂйшаго лютым предаємый звЂра,
От Юды треклятаго и юдейским полком,
агнец пренезлобивый кровожадным волком,
Прискорбен єст душею, видя смерти чашу,
плачет крывавым потом, ах, за злобу нашу;
На землю нося грЂхи наши упадаєт,
На небо возвед очи, «Отче!» восклицаєт.
Но нЂст му гласа «Сей єст сын мой возлюбленный»,
не на Фавор бо, но на Голгофу веденный,
НЂсть Петра, гляголюща «Добро нам здЂ быти,
токмо Юда съ вои, ищущими убити;
Тот єго, в нем же лсти нЂсть, лестно лобызаєт,
Тако звЂрообразным жидом предаваєт.
Єго же, веригами связанна, влекоша
По пути и неправым судіам вдадоша.
Єго же неправедно на смерть осудиша,
и по премногих муках на крест пригвоздиша.
Се всяк зри орудіа убийства и муки:
вервь, бич, столп, копіє, желЂзныє руки
Зри, коль злЂ и безчестно за тя пострадавый,
иже тебе славою, честію вЂнчавый.
Зря же сія, восплачи, воздхни, умилися,
каменію бездушну поне вподобися.
Камень, творца умерша зряще, разпадеся,
Земля, ужасу полна, зЂло потрясеся,
Всяка тварь измЂнися и страхом объята,
Ты на крест, муки зряще, ина с креста снята.
Припади и лобызай в гробЂ положенна,
цЂлуй сердцем и усты за тя уморенна.
И вы сЂмо прійдЂте, младыи отрóки,
подробну орудіа пріймЂте жестоки.
Пріємши, пречистому тЂлу предъидЂмо.
Отрок 1-й
Се аз со смиренієм припадаю первы,
и честныя усердно воспріємлю вервы.
Отрок 2-й
С тобою аз воинску воспріємлю руку,
яже первая творцу нача творить муку.
Отрок 3-й
МнЂ бич и розгу взяти повелЂте,
Отрок 4-й
МнЂ со усердієм столп, молю, дадЂте.
[Отрок] 5-й
Аз, поклонся, пріємлю вЂнец сей терновый,
им же бЂ увЂнчанный царь юдейский новый.
[Отрок] 6-й
Я же дадеся Богу поругáнну,
съ страхом пріємлю трость, за скипетр дáнну.
[Отрок] 7-й
Гвозды, ими же руцЂ и нозЂ пронзенны
Ісусовы, пріємлю четверочисленны.
[Отрок] 8-й
Млат, Христа пригвоздивый ко кресту болезно,
с любызанієм вземше, понесу любезно.
[Отрок] 9-й
Аз трости преклоняю главу ми смиренну,
сладцЂ пріємлю желчъю с отцом исполненну.
[Отрок] 10-й
Дражайшую от злата, честнЂйшую сребра,
беру копіє, Христу прободшоє ребра.
[Отрок] 11-й
Аз дерзаю крестноє по вас нести ложе,
на нем же почил єси, творче мой и Боже.
Ab suos 1.
1 Для своїх (лат.). — Ред.
Пріимше, пречистому тЂлу пред идЂмо,
славя, погребеніи пЂснь всЂ воскликнЂмо:
«Благообразный Іосиф» etc.
[Отрок] 1-й
Внимай, о человЂче всяк благочестивый,
что сотвори юдейскій совЂт нечестивый.
Нощи сынове в нощи Христа яша,
сими немилосердно вервами связаша.
Горе! Связали агнца, незлобива суща,
за тя, о человЂче, на жертву идуща.
СдЂлали на небеси с вервов сЂти, птéнца
уловиша, дЂвыя пречистой первенца,
Єгоже пеленами мягко повивала,
воинска рука верхом твердЂйшим связала.
Вяжется іесъсеов цвЂт сред огорода,
вяжется пречистаго клас Маріи плода.
О, злый Юдо, на Господа ты вервь возлагаєш,
скоро на твоєй выи сам верва дознаєш.
Рекл єси: «Не пріємлю от человЂк славу,
Христе, днесь безчестіє превзыйде ти главу.
Ты власть имЂєш вязати, рЂшити;
почто дал єси себе так уничижити?
Ах, влекут немилостно воинове люти;
сЂмя благословенно падаєт на пути.
В нощ из Єгипта Ізраиль имже изведеся,
Тот Ізраилем в нощи узом предадеся.
О Ісусе, вервами днесь лютЂ связáнный,
да аз ти к люб†буду всегда привязáнный.
[Отрок 2-й]
У первосвященника предста Ісус Анны,
немилостно рукою сею привитанный.
Єго же свято лице, як солнце, сіяєт,
синостію желЂзна рука потемняєт,
Кротко-молчаливаго звучно ударяєт,
проречет ли «За что мя бієш?», искушаєт.
Всего тЂла молчалив Бог язвы ношаше,
ибо та одеждою прикрыти можаше.
ПресвЂтлаго же лица крыти невозможно,
єгоже та рука, ах, уязви безбожно.
Пять имать перстов, пять ран болших презначаєт,
прежде времени в лице гладко начертаєт.
Нива блага Христос єст — так церков вЂщаєт,
орет рука желЂзна, смерту уязвляєт.
Краєуголн желЂзом ударяєт камень
темный народ, да єго осіяєт пламень
Не видящий истинны, ослЂплен злобою,
поиска ту руками, понужден собою.
О, сладчайший Ісусе, животе всей жизни,
подал єси ланиту на вся укоризны.
Лица ти пресвятаго не возбранил бити,
не возбрани нам в небЂ лице твоє зрЂти!
[Отрок] 3-й
Рука лице Христово поорала зЂло,
бич и розга все свято поорали тЂло.
Ореш, злобо жидовска, но не будеш жати,
ми же оттоль небесный хлЂб будем вкушати.
Казниш благодЂтели, в коєм нЂсть преступства,
Учиш вЂчну премудрость, з своєго си глупства.
Не твоєю силою стоит обнаженный,
но любовію за себе любящих разженный.
Кто ту злости жидовской подаде пораду,
Яко сладкому горку сотвори прохладу.
Ах, не знать пречистаго за язвами тЂла,
углЂбают бич, розги, увы, в плоть до зЂла.
Уже и пресвятыя видятся в нем кости,
яже вся исчетоша з лютой своєй злости.
От верху главы честной до святую ногу
Не оставили мЂста цЂла Христу Богу.
Зри умом, человЂче, на Божія сына,
како в чистой си крови стоит по колЂна,
РцЂ со умиленієм: увы, Божій слове,
За грЂх мой дражайшая кров твоя исплове,
За мя, неблагодарна, горе, увы, горе,
разлися, крове пречиста, аки Чермно море.
Погрузивый во мори 1 фараона роги,
потопи в твоєй крови наша грЂхи многи;
Нас же преведи чистых в землю обЂщанну,
в небесных селеніах всЂм уготованну.
1 На полі: «понтЂ».
[Отрок] 4-й
Столп твердый, глава Церкви, Христос, Бог названный,
к сему намилостивно столпу привязанный.
Тщи благословеніє от святую руку,
яже созади вяжут на болшую муку.
Древле в день столп облачен, в нощи же огненный,
был вождом, єгда бяше от плЂна веденны
Ізраили; нынЂ же он столпом плЂни Бога,
єгда к нему привяза. О, коль злоба многа!
Преведе их по суху, они же бродити,
в крови Бога съдЂлали, хотяще убити.
Прійди сЂмо, Іюдо, им же омочися
хлЂб в солило и снЂден, крове Христа впися.
Порази Христа камен уже не в пустыни,
пи убо кров, не воду. О немилостыни!
О како, земле, с столпом непоколЂблешся,
зрящи творца мучима, что не потрясешся?
Люд, иже древле в столпЂ глас от Бога слыша
да не слышит, кровію уста заградиша.
На столпах Соломон-царь кедровых царствуєт,
царь небесный к каменну привязан бЂдствуєт.
О, сладкій наш Ісусе, мудрый Соломоне,
о, прелюбезный Христе, крЂпчайшій Сампсоне,
Изрини столп сей, побій твоя враги,
да погибнит милости твоєй вовЂк наги.
[Отрок] 5-й
Єгда бяше от столпа Ісус отрЂшенный,
разумЂ, яко страстей уже свобожденный.
Но поняже терн в главу глубоко унзаєт,