Попередня     Головна     Наступна

ЗШИТОК 1

* * *

|арк.14зв.|

Не согришай, ото бог-сердцевидец видит. |арк.15.|

аггел, стоя, твоими злостями ся бридит,

Смерть грозит, непріятель душный оскаржаєть,

совЂсть гризеть, а пекло уста отверзаєть.

* * *

Як око там, где мило, быстро поглядаєт,

и як рука, где болить, там ся дотикаєт,

Так сердце моє в тебЂ утопаєт, боже,

яко в скарбЂ, котрого тать красти не може.

В бЂдах ты мнЂ отрада, в скорбєх ты утЂха,

уповающу на тя не набавиш смЂха.

Ты мнЂ сердце, ты душа, ты уфность, ты смЂлость,

ты мнЂ всяка любезность, ты здоровя цЂлость. |арк.43.|

БЕСЂДА ЧЕЛОВЂКА С БОГОМ

ЧеловЂк к богу

О многомилостиве боже Ісус Христе,

иже многія ради любве ко нам исте

Сошел и воплотился єси з чиста чрева, |арк.43зв.|

яко да спасеши всЂх, иже вреди Єєва.

И паки, Спасе, тунє спаси мя, молю тя,

по благодати твоєй самой да узрю тя.

Аще бо от дЂл спасеши мя, нЂсть се

благодать и дар, но долг паче, кто не вЂсть се.

ОтвЂт божій к человЂку

Истинну глаголеши, яко любве ради

сніидох и воплотился, хотя вам отради,

Но понеже снисках вас кровію своєю,

многим трудом и постом, волею своєю,

Не подобаєт же ли и тобЂ страдати

по мнЂ, взирая на мя, труд за труд воздати?

Се ли долг, а не любов моя, яко сущи

господь ваш, страдах за вас, вездЂ власть имущи?

НЂсть ли се дар, яко аз, за вас, вседержитель,

исполних всяку правду и всю добродЂтель?

Не подобаєт же ли, дабы и вы дЂла

благія исполняли мнЂ взаєм до зЂла?

Без поту хлЂб временный снЂсть от вас никтоже, —

a небесных благ тунє хощеши, небоже? |арк.44.|

Труждайся, пости, не спи, рыдай, не лЂнися,

хощеши ли спастися — до трудов потщися.

НЂсть се благодать и дар, но долг паче, тако

глаголеши. Но рци ми, должен єсм ти како?

Сего ли ради должен, яко сотворих тя?

или яко во кро†моєй искупих тя?

Ты паче должен єси, аще правду вЂси,

и исповЂдуєши, но праведен нЂ си.

Вся правда твоя яко руб єст поверженный,

аще бы не был єси моєю спасенный.

Аще же аз, господь ваш, толико страдати

изволих, колко должны вы мнЂ послЂдовати?

ЧеловЂк к богу

Єй многій в щедротах и неизреченный

во милости, многія любве исполненный,

ВЂруя в мя, рекл єси, о Христе, жив будет

во вЂки, сирЂч смерти вЂчныя избудет.

Аще убо в тя вЂра грЂшных нас спасаєт

и от вЂчныя смерти сама избавляєт:

Се вЂрую, спаси мя, вЂрую, усердный, |арк.44зв.|

яко ты єси творец милосердный.

ТЂм же вЂра вмЂсто дЂл мнЂ да вомЂнится,

з вЂры, не от дЂл, милость твоя да явится.

Не взыщеши дЂл отнюд, бы мя оправдили,

но вЂра моя всЂх дЂл да превышшит сили.

Та вмЂсто всЂх дЂл моих благих да довлЂєт

и отвЂщати во всем за мя та да смЂєт.

Та да покажет мя от сылы своєя

сопричастника славы вЂчныя твоєя.

ОтвЂт божій ко человЂку

О многоглаголиве невЂжо! Не вЂси,

яко и в тЂх словесєх оправданный нЂ си.

Без вЂры невозможно спастися нікому —

то истинна. Но вЂра не поможет злому,

Аще при вЂрЂ добрых дЂл не исполняєт,

апостола моєго слыши, что вЂщаєт:

ВЂра без дЂл мертва єсть, якоже и тЂло

не движется без душЂ. ВЂру живить дЂло.

ВЂра и добродЂтель, суть то двоє крыла,

на двоих тЂх вся висить спасенія сила. |арк.45.|

Не может єдним крилом птица поднестися,

невозможно самою вЂрою спастися.

Должна птица обЂма крилома лЂтати,

должен человЂк вЂру и дЂла стяжати.

ВЂруєши, яко аз єсм вседержитель,

вЂруй же, яко красна в вЂрЂ добродЂтель,

И вЂра красна в дЂлєх, не красно без вЂры

дЂло, и вЂра без дЂл не красна без мЂры.

Яко же скот без шерсти, и нива без класов,

и древо без отраслій, и глава без власов,

Лампада без єлея и без душЂ тЂло,

тако и вЂра без дЂл некрасна всецЂло.

ТЂм при вЂри покажи свою добродЂтель,

тогда аз возлюблю тя, бог твой и содЂтель.

ЧеловЂк до бога

О Христе мой и боже! Остави мнЂ, яко

черв сый, прах же и пепел, дерзнух рещи тако.

ИстиннЂє тако реку, яко ниже в вЂрЂ

совершен єсм, господи, соблюдих в той мЂрЂ.

Обаче невЂрію помози моєму |арк.45зв.|

сам по милосердію многому твоєму,

Да бых, аки горчично зерно стяжал вЂру

и исполнил добрых дЂл святых отец мЂру.

ЛЂнив єсм, тЂм же, Спасе, ты мя сам укрЂпи мя

и во добродЂтелєх быти утверди мя,

Да не похитит мене сатана воскорЂ

и похвалится о мнЂ во своєм соборЂ,

Єже отторгнути мя от руки твоєя,

огради мя бронею милости своєя,

Но или хощу, или не хощу, спаси мя,

хощет душа, не хощет плоть страстна, но ты мя

И нуждею привлеци, предвари воскорЂ,

ибо скоро погибох во гриховном морЂ.

Невоздержанієм си, ах, в ад вселихся

вмЂсто рая, от тебе єгда удалихся.

ТЂм же, яко Иону, оттуду воскорЂ

извлеци, погруженна во грЂховном морЂ.

Ты бо бог мой, от чрева матерє моєя,

тЂм же сам, по множеству милости твоєя,

Сподоби мя, господи, днесь тя возлюбити, |арк.46.|

якоже прежде сего возлюбих грЂшити.

И паки работати тебЂ, господевЂ,

распятому нас дЂля волею на древЂ,

Якоже поработах прежде врагу льстиву,

найпаче же послужу тебЂ незлобиву,

Господе†моєму, боговЂ, ХристовЂ,

во всяком благом дЂлЂ, и в мыслЂ и в словЂ,

Дондеже єсмь во вся дни живота моєго,

благость милосердія славящи твоєго,

Всегда нынЂ и присно и во вЂк грядущій

без конъца сущій.

Попередня     Головна     Наступна