Попередня     Головна     Наступна

[ПОЗА ЦИКЛАМИ]

* * *

Христос єсть глава, той гла†уды —

честною кровію искупленны люди.

Возри, колико разнствуют з собою,

коль несогласны уды со главою.

Глава в терніи, уды в рожах ходят —

Христос страсть терпит, люди роскош плодят.

Обы роскошны уды студ позвали, |арк.78.|

небы под тернєм мякких рож желали.

* * *

Камо, сладкій Ісусе, съ крестом грядеши

на гору ли Голгоθу, да себе распнеши?

Аз тя скверными в сердцу мыслми распинаю,

сердце моє скверноє Голгоθу бысть знаю.

На Голгоθу сердца ми, Христе, поспЂшися,

да тя не распинаю, в сердцу ми распнися.

* * *

Взем грЂх міра, носиш крест, аз смЂю просити,

сам неси грЂхи моя, мнЂ дажд крест носити.

* * *.

Воистинну тяжек крест, но грЂх мой тяжчайшій —

грЂх мой понеси, Христе, мнЂ дажд крест легчайшій.

* * *

Не крест то тебе, Христе, во странное время

сице долу преклони, грЂхов моих бремя.

* * *

Что всує на выю ти уже возложенно,

на волную ли муку дабы тя влеченно?

Не требЂ єсть влещи тя, волею грядуща,

на мя се вложи уже, ити немогуща,

Да аще и не хощу, влечеши з собою,

бым вкупЂ сораспялся, Христе мой, c тобою,

* * *

Почто глава в терніи изволи ходити?

не достоя[й]ше ли єй злат вЂнец носити? |арк.78зв.|

Достоя[й]ше, но понеж Христос єсть червленна

рожа, власною крові(ы)ю в страстєх обагренна,

А при рожЂ обычнЂ терніє бываєт,

тЂм взял терн, да, як рожа, в терніи процвЂтаєт.

* * *

ВЂм, почто, Ісусе мой, в Єгипет грядеши —

да вся єгипетскія ідолы сотреши.

Єгиптом ми єсть душа, a ідолы — страсти,

в мой Єгипет вшед, вели идолом упасти.

* * *

«ГдЂ, о мати, твоєго подЂлась отрока?» —

«В серце и в ложих людій, сущих без порока».

* * *

«Дажд ми сосца, сосца дажд, о благая мати!» —

«И сосца и сердце зволь, сыну мой, пріяти.» —

«О, коль сладок ми, мати, сосец твой дражайшій!» —

«О, коль благ ми єси ты, сыне мой сладчайшій!» —

«Усладила мя єси, мати, твоєго сына.» —

«Ты ми єси, сине мой, вес сладость єдина».

* * *

«Востани, славо моя», — яко рекл бог до сына;

кто з нас не признаєт, же добра новина.

Бо хот єго на три дни во гробЂ сховано,

предся, яко послушний сын, рекл: «Встану рано» |арк.79.|

* * *

До каменнаго гробу, Христе, не кладися,

в окамененном сердцу моєм положися.

ВЂм, же єст твердЂйшеє над діямент-камень,

которого не скрушит желЂзо ни пламень.

Єднак, як діямент кровію ся крушит

козлею, так и моє сердце, скоро внушит

Тебе, агнца, внутр себе, чаю, же ся може

съкрушити кровію твоєю, мой боже.

* * *

Двигаєш, о Христе мой, сам крестноє бремя,

облившися кровію въ страстноє время,

Извол мене приняти вмЂсто киринея,

бым тяготы допомогл тебЂ нести сея.

* * *

В особах подорожных, кгды, тро[й]це святая,

гостиш у Авраама, тылко припадая,

АВРААМ c Саррою к снЂди тебе просить,

ин же никто к тебЂ свою прозбу вносить,

Моля в дом свой гостити; прето я, негодный,

любо в добродЂтели и сам єсм голодный,

Прошу тя, изволь вны(і)йти в дом душа моєя,

всего будет обилно з милости твоєя. |арк.79зв.|

* * *

В матернєм чревЂ, нЂбы во мрачной темници,

игралес, Іоанне, кгди твои зЂницы

Єще, нЂбы в зерцалЂ, узрЂша прекрасну

матер божію, матер свЂта, свЂщу ясну.

Играй нынЂ сугубо вышедши з темници,

гды юж лицем ко лицу зрят твои зреници

Д†свЂщи, двоє солнца, матер и отрока,

иже тя благословить, зарю без порока.

* * *

Аки плод нЂкій красен, лице твоє, боже,

на обрусЂ оставил єси нам; єго же

ЗдЂ дух наси(ы)щаєтся, єгда нань взыраєм,

дажд нам, да ся и в небЂ єго насыщаєм.

* * *

Ужас на лице, творче мой, тя зрЂти,

много на нем ран, како ми стерпЂти?

Понесый раны толикія, Христе,

изми ж мя от ран грЂха, о пречисте.

* * *

На хребтЂ твоєм, Христе, грЂшници дЂлаша

и лице ти чистоє лютЂ окаляша.

ГрЂшный аз душу мою окалях грЂхами,

дажд ю омыти сердца моєго слезами. |арк.80.|

* * *

О, кто не усумнится, зря толики раны,

за грЂхи всего міра в лице Христу даны.

Призыраяй на лице господа твоєго

буди терпЂти готов всЂм сердцем для него.

* * *

Множество ран, о Христе, на лици носиши,

много на сердцу мене терпЂти учиши,

Раны на лицу твоєм всяко ми ползуют,

язвы на сердцу моєм понеже врачуют.

* * *

Лице ти, Христе, что тако язвенно?

солнце ли аки мраком покровенно?

Солнце да свЂтить, темность разганяєт,

твоє же лице и во тмЂ сіяєт.

* * *

Образом сый человЂк, єдинородній сыне,

образ мя твой обнови, боже мой єдине.

* * *

НынЂ образ твой вижду, потом же тя живу

дажд в небЂ вЂчне зрЂти, пречистую дЂву.

* * *

Зря тя пресвЂтла, Христе мой, сти(ы)ждуся,

како аз темный лицу ти явлюся,

Но ты иссопом єгда окропиши,

мя премЂншася воскорЂ узриши. |арк.80зв.|

* * *

Не убоюся и в нощи падежа:

дЂва пречиста добра ми надежа.

И посред тмы та, аще єст со мною,

засвЂтит солнцем, звЂздами, луною.

* * *

О зачатій божіаго сына

радуйся, дЂво, чистая, єдина.

Аз же о тебЂ радоватися буду,

Єгда печали тобою избуду.

* * *

Сердце ми, Христе, аду єсть подобно,

страстєм, яко бЂсом, жилище удобно.

Сей ад разорша ражденими страсти,

воскреси душу, не дажд єй болш пасти.

* * *

Божія сына родиши без мужа,

ногами главу попираєш ужа;

Ужа грЂховна снЂдаєт мя жало —

сіє попери, бы мя не снЂдало.

* * *

Пред рождеством неврежденна,

Во рождествЂ; хощеш знати,

По рождест†паки чиста,

Матерєм и дЂвам слава,

На руку же имать сына

ДЂво, чистоту ми дати

ДЂва богу соблюденна

Кто сія єсть дЂва-мати?

Сице всегда дЂва иста.

ВЂнцы увЂнчанна глава. |арк.81.|

Мати-дЂва та єдина.

Изволь, храни же мя, мати.

* * *

C орудіи страстными в сердци сЂдиши,

Ісусе мой, да тЂми грЂхи мои казны(и)ши.

Казни грЂхи, но мене пощади самаго,

да аз, злый, єдинаго тя знаю благаго.

* * *

Почто тебЂ связанны, Ісусе мой, руцЂ?

да не возбраниши ли ся мучителем в муцЂ?

Ни! Но да грЂшнаго мя не казниши, боже;

любов тя твоя ко мнЂ связати возможе.

* * *

Увы мнЂ, сыне, увы мнЂ, сладшайшій

Ісусе, увы, свЂте мой дражайшій!

Коли без милости тя окровавленно,

тебЂ тЂло, мнЂ сердце уязвленно.

ГдЂ тя, о чадо, имам положити,

и сама без тя не могущи жити?

Да умру и аз, и во єдином гробЂ

тЂлеса наша положатся обЂ.

* * *

ИдЂже творяшеся желЂзо от блата,

тамо дЂва вселися, дражайшая злата, |арк.81зв.|

Да людєм жестокіє нравы умягчаєт

и желЂзні(ы)є к богу сердца обращаєт.

* * *

Обуреваємым ти(ы) пристанище, мати,

ты не гнушаєшися болных посЂщати.

Ты и мои немощи покрывати вЂси,

тобою прогонятся и страсти и бЂси(ы).

* * *

На персєх ношу твою икону святую,

МАРІЄ, обых тя носил в сердци самую.

* * *

БОГОСЛОВЕ, умоли слова воплощенна,

да не будет ми душа адом поглощенна.

* * *

Образ пасти(ы)ра добра, иже своя овца

пасет добрЂ, храняя от адского ловца,

Благословит рукою, усты мір вЂщаєт,

во книгу пишет, под кров свой всЂх вомЂщаєт.

* * *

Се образ предобраго пастыря, смотрЂте,

а яже то сам творит, сія вы творЂте.

Усты мір всЂм глаголет, а благословляєт

рукою, никого же он не озлобляєт.

* * *

ОбЂд в небЂ ты яси, боже благодати,

изволь от столу твоєго крупици нам дати. |арк.82.|

* * *

K Златоусту бренными устнами молюся,

да от бренія моих грЂхов избавлюся.

* * *

Образ дЂвы Марія яже усмотрЂла.

тройцу трема окнами еле иже имЂла.

C кровію излитою за Христа смЂшенный,

сице та дЂва внійде в чертог украшенный.

* * *

Варваро, от варварска храни нас находа,

храни и от воздушных во время исхода.

* * *

Образ добра воина, до смерти страдавша,

за любов господа си, на раны ся вдавша,

Иже ребром збоденным явися ревнитель

Христовои страсти, и бысть врагов побЂдитель.

* * *

В позорах древле копій ношаху,

ими же в перстень тироны лучаху.

Кто в большій перстень может улучити,

яко ДИМИТРІЙ, в горнєм крузЂ жити?

* * *

ДАНІИЛ преподобный на столпЂ стоящи,

Авксентій же во своєй пещерЂ сЂдящи,

Здалече зряхуще, како оного Сімеона

аггели до горнєго несяху Сіона. |арк.82зв.|

С[вятому] м[ученику] Севестіану

Зрите, что добрій сей страдалец дЂєт,

за господа си души не жалЂєт.

СтрЂлами имать тЂло устрЂленно,

любовію же сердце уязвленно.

Под трупюю голову

Глава єсм, но нЂсм глава, ибо єсм безгласна,

уст, языка не имам, зрЂнію ужасна.

Очес и ушес кромЂ єсм ли убо что же?

бЂх иногда єже бЂх, нынЂ же ничтоже.

Преподоб[ному] Герасиму

При ИорданЂ Герасим живяше,

лев же оному, акы раб, служаше,

Плотскія в себЂ укротивый страсти,

силен и звЂры, яко овцы, пасти.

Преподобному Євстратію Печерскому

кто может Христу сице быть подобный,

яко Євстратій преподобный?

Христос бысть за ны на крестЂ распятый,

за него же взаєм распят ся Євстратій. |арк.83.|

* * *

Величковского

Аз благ всЂх глубина, Живот зачах званным Котрій люди мною Райска собираєт, Умне феникс Христе, Шествуй щедротами,

ДЂвая єдина. Ісуса избранным. На обЂд покою Тунє учреждаєт. Отче царю чисте, Матерє молбами.

Того ж

Со см богом де жл

Н о п нас ст блюсти буде

[Co святим богом добре жити, люде,

наш он покой, нас свято блюсти буде] ¹.

¹ Розшифровка упорядників.

* * *

Орн.

Бдит матка, кгды сын єя, Христос, спочиваєт,

померкшу солнцу ясно то луна сіяєт.

Но почто ся Іоан при нем даєт зрЂти? —

прилична єст где слову, там и гласу быти.

* * *

Вижд: како єсть божія к нам любов премнога,

яко не мы истинно возлюбихом бога,

Но он нас возлюби и посла на смерть сына,

да наша очищенна сице будет вына.

* * *

«Что, сыну мой, спя, во снЂ душею видиши?

Чему бдящей матери твоєй не явиши?» —

«Крестноє вижу древо, аггелом явленно —

тым в страстєх моих сердце будет ли пронзенно?» |арк.83зв.|

* * *

Тому ж

НынЂ, мати, на лонЂ храни сына спяща,

донелЂ не зриш єго на крестЂ висяща.

Ото аггел тяжкій одр, крест, во снЂ являєт,

на тым новый Соломон в смерть уснути маєт.

Святому Игнатію

НЂкогда Даніил, в ров между лвы воверженный,

яко снЂдь горка, оттол прошед неврежденный.

Игнатій, єгда от лвов снЂденный бываєт,

плястр то сладкій богу ся на стол прекладаєт.

От Патерика слово XIX о смотреніи

Отца Макарія брат нЂкій вопрошаше:

«Како, отче, спасуся?» — Он же отвЂщаше:

«Буди мертв, ни досаждай и славы блюдися,

и во всем ты житій, яко мертв, вмЂнися,

СлЂп, глух, нЂм, нечувствен будь, тако ся спасеши,

єгда, живя богови, мірови умреши».

Там же. Рече авва Пімин

Создати инЂм храм, свой разорити,

кую ползу си непщуєши быти?

От святаго Ніла. Глава LVIII

lєp. Димит.

Брат вопроси отца. |арк.84.|

«Падох блаженне, что творити маю?» —

«Востани, чадо». — «Но втажде впадаю». —

«От тЂх же встани.» — «Паки падох зЂло». —

«Паки востани, остави зло дЂло.» —

«То докол будет сицевыя брани?» —

«До скончанія, по падежи встани,

Єлико паднеш, толико потщися,

от паденія встани, не лЂнися.

Да всегда встающ богом обрЂтенный,

в чесом обрЂтен, в том будеш сужденный».

От Патерика, глава XIII

lep. Димит.

Два брата в пустынЂ єдиной пребываху

и по ХристЂ ся много оба подвизаху,

Но єдин подвижен бысть множайшими труди(ы),

другій обрЂташеся в трудЂх косен всюды.

И вселися в него бог. Рци, ради коєя

вины первому не дал благодати сея?

Та вина, яко богу проста сердца дЂло

угоднЂйшоє, неже многотрудно тЂло.

От того ж, глава XCVII |арк.84зв.|

Свят нЂкто, сЂдя мног час, пребыт во восторзЂ,

по сем востав, паде ниц, плакаше надолзЂ.

Ученик вины плача отца вопрошаше,

он же, сЂдя и плача, не отвЂщаваше.

Стужившу ученику отвЂща рыдая:

«Бых, — рече, — восхищенный до божія рая,

Тамо нЂких от мірян внутр видЂх вселенных,

многих же инок рая внЂ сущих лишенных.

* * *

Рыдал би єси, аще вЂдать бы возможно,

яко сего мЂсяця умреш непреложно.

Время весма безвЂстно, ты же ся смЂєши,

невЂдый, аще єдин день сей поживеши.

* * *

Полунощ Христа вяжет, Утреня в лице плюєт, Будет бок девятый, Сумрак провождаєт

Котрый грЂхи мажет. Первый коронуєт. Ждет вечерня снятий. И в гроб полагаєт.

ВЂрши сЂмдесяти и двом апостолом

Седмдесят двох апостол имена святыя,

аще кто не вЂсть, убо да увЂсть, суть сія:

Іаков, брат господень; Клеопа избранный; |арк.85.|

Симеон, сын Клеопы, в чин апостолск званный;

Θаддей, едеска князя з струпов очистивый;

Ананія же, Павла верховна крестивый;

Стефан первострадалец и Филип діакон,

истолковавый красно каженику закон;

Прохор, Никанор, Тимон, Пармена, Варнава,

благ вЂстник Марко, Сила, и єго же слава;

в благовестіи Лука и Силуан мирный,

Крискент, Крисп и Єпенет и Андроник вЂрный;

Аліплій, Урван, и Стахій, Апеллій послушный,

Апполос, Аристовул, Наркис благодушный.

Іродіон провидец, Аггав, Руθ избранный;

Асцисрит, Флегонт, Єрмин, Патров богоданный;

Ірма, Лин, и Гаіє, і Філолот c ними,

Лукій, і Ассон, по сем и Сосипатр c тЂми;

Тертій, Ераст, и Кифа, Сосθень в тойжде славЂ,

Тихин, и Єпафродит, Марко, свой ВарнавЂ;

Ісус, наречен Іуст; Климент, и Артема,

Онисифор, Куарт, Карп, со ними же трема;

Євод, Аристарх; Марко, Іоан реченный; |арк.85зв.|

Филимон, Зина и Пуд, Трофим посЂченный,

Онисим, и Фортунат, Тимоθей, Тит славный,

Єпафрас, Архіпп, Кондрат, Олим православный;

Ахилла, Діонисій, и по смерти чудный;

а Симеон Нігер лик кончит многотрудный.

Седмдесят двох апостол, их же молитвами,

Боже, милостив буди над грЂшними нами.

Николая з апостол, апостата бывша ¹,

и Димаса, нынЂшній вЂк сей возлюбивша,

Такожде и Фіггела c Єрмогеном, в новой

благодати противных науцЂ Христовой,

З седмидесят апостол лика извергаєм,

в молитву и помощ тЂх мы ² не призи(ы)ваєм.

Яко ниже в соборных празднуєм Іюду

лстиваго, но Матθія честна чти[м] повсюду.

¹ Перед цим рядком в рукопису стоїть закреслений заголовок, писаний кіновар’ю: «Отцу Николаю», бо це — продовження попереднього вірша.

² «Мы» надписано вгорі кіновар’ю.

О преподобном ЄфpемЂ стихи .

Ясмен

Моисей о Ізраили єгда ся моляше,

бог в столпЂ облачнЂ к нему глаголаше.

Єфрем о Василіи усердно ся молит,

да бог єго молитвЂ, каков єст изволит. |арк.86.|

Абіє столп огненый єму ся являєт,

и, каков єсть Василіи, глагол извЂщаєт.

О преподобном Лаврентіи Печерском

lєp Дим

Лаврентіи преподобный над духи нечисты

имЂ власть, и принуди бЂса исповЂсти,

Яко в ЛаврЂ тридесят святых отцов бяше,

от них кождо словом бЂса изгоняше.

Co иньми же всЂми бЂси брань творяху,

а ко пещерЂ ниже приступить смЂяху.

ТЂм, кто хощеши от них себе ¹ свободити,

потщися часто ко пещерЂ приходити.

¹ Слово «себе» дописано зверху.

Преподобному Антонію Печерскому

В Любечу народился, бога возлюбивый,

и у меты зань весь мір Антоній вмЂнивый

В Святую Гору пойде, горняя мудрствуя,

приближитися к богу зЂло усердствуя,

В отчество пришед, отец духовен бысть чадом,

обители устроив по различным градом,

В КієвЂ, в ЧернЂго†и в Любечу, камо

плотски рожден, духовнЂ инЂх роди тамо. |арк.86зв.|

А найпаче в Кієви, инок собрав лики,

авва им бысть, показа подвиги толики:

Ископав пещеры, в них погребеся живо,

мертв міру, жив богови, таков мертвец диво;

Таже на живот преиде, c пещернай темници,

идеже лицем к лицу зрят бога зЂници.

И єго же любил єсть, того видит ясно,

а о нас єго молить дерзновенно гласно.

Ієр. Димит.

Ина стиxи преподобному [Антонію Печepcькому]

Кто тако єсть древнему Мойсею подобный,

якоже сей Антоній преподобный?

Моисея от вод рЂчных знаєм быти взята,

от волн мірскіх избра бог Антонія свята.

Он Ізраилю даде закон на скрижалЂ,

сей російским иноком быст образ вначалЂ.

Он от Синайскои гори(ы), а сей от Аθона,

закон вручи, ведущ в рай горняго Сиона.

Он бЂ израилтяном плЂнным избавитель,

сей от плениц грЂховных всЂм нам свободитель.

Он сотре фараона, изби Амалика, |арк.87.|

сей же єсть побидитель дЂмонскаго лика.

Тамо образ дЂвыя явися во купинЂ,

здЂ сама дЂва в чудах сіяєт донынЂ

Тамо ізраилтяном камень даде воду,

здЂ міро дают главы російскому роду.

Моисеови Аарон дЂл пособство даше,

сему же Θеодосій помощ в трудах бяше.

Он жезлом, сей же крестом творил чуда многа,

оба множество людей ведяху до бога.

Весели ся, Россіє ¹, многих святых мати,

се ти єсть вторый Моисей благодати.

І. С. Явор.

На образ всЂх преподобніх печерских,

в коло с[вятаго] креста

написанных на стинЂ

в церкви честнаго креста

Над ближнею пещерою

Єгда господь наш распят на ГолгоθЂ бяше,

тогда мало при крестЂ єго кто стояше,

Точію з Іоаном пречиста мати,

прочіи потщашася от страха бЂжати.

НынЂ же, о, коль мнози окрест креста сташа:

всЂ тыи, иже Христу себе сораспяша. |арк.87зв.|

Антоній, Θеодосій, а с ними толико

преподобных печерскіх, звЂзд в небЂ єлико.

всЂ, вземше крест свой, спЂшно за Христом пойдоша,

распнєшеся ² со страстми, мирови умроша,

нынЂ же со Христом живут, з аггели спЂвають,

а тЂлом при сем храмЂ Крестном почивають.

¹ У рукопису — «Россію».

² У рукопису — «распєншеся».

Над дверми,

до святои пещери воводящими

Увидите, як господь удивляєт,

преподобных сих чудесмы вславляєт.

Рая херувим хранит, а та — мЂста,

над херувимов честнЂйша невЂста.

Сокровища здє лежать многоцЂнны,

святых печерских тЂлеса нетлЂнны.

Кто хощеш быти богат в благодати,

з вЂрою тщися сЂмо притЂкати.

Христос зраненый

На хребтЂ твоєм, Спасе, грЂшници дЂлаша,

сами ран достойныи — тебЂ раны даша.

Аще толь многи даны безгрЂшному раны,

коль многи сами будуть грЂшныи караны! |арк.88.|

На Христову главу страстную

Зайде доброта твоя, сладчайшій мой свЂте,

в Остром тернію кровію очервленній цвЂте.

Ланиты заплеванны, уста желч пріяша,

власы терзаны, очи слезы изліяша.

Аще и муками ти лице помраченно,

аще и желчію тя, Христе, огорченно,

Обаче тыми єси, паче всЂх краснЂйшій

и паче всЂх сладостей ти(ы) ми любезнЂйшій.

Ко МагдалинЂ, плачущой у ног Христовых

Глагол грЂшнаго

Уступи, Магдалино, от Христову ногу,

мнЂ дажд мЂсто, аз имам о грЂсєх скорб, многу.

Уже твои слезами грЂхи очищенны

и беззаконія ти уже отпущенны.

Аще аз валяюся во грЂховной тинЂ,

аз хощу у ног єго искати простинЂ.

Уступи ми, о жено, от ногу Христову,

да і аз милость єго обрящу готову.

Уже ты их довольно слезами омочила, |арк.88зв.|

и прощеніє твоим грЂхом получила.

Аз єще хощу єму упасти на нозЂ,

и, яко грЂшник болшій, рыдати намнозЂ.

Уступи, Магдалино, возлюблша не лестнЂ

Христа, и припадшая к єго святЂй плеснЂ.

Уже ты до сытости сердце усладила,

лобзанієм любезним тому угодила.

Аз хощу к любимому мнЂ припасти богу

и лобизать усердно чисту єго ногу.

ОтвЂт Магдалинин грЂшникови

ВсЂм щедр єсть господь наш, всЂх вмЂщаєт нетЂсно,

всЂх пріємлет, всЂм рад, всЂх любить, вЂжд извЂстно:

Аще бы з всего міра зде притекли люде,

у ног Христа моєго не тЂсно им буде.

ВкупЂ убо со мною ног єго имися,

аз о моих, ты о своих грЂсєх молися.

* * *

Не жити, єже ясти;

но ясти, єже жити

Не того ради жити, єже пресыщати

утробу и многія брашна поглощати, |арк.89.|

Но толико точію ясти, дабы тЂло

возмогло житіє си соблюдати цЂло.

Не жити, єже пити;

но пити, єже жити

Не того ради жити, єже випивати,

мЂры полны во чрево, як в делву, вливати,

Но єдинощи токмо испій или дважды,

дабы, в тЂлЂ живущи, не умер от жажды.

* * *

В дре†три рЂчи маєм уважати: само древо c коренем, листє и овоц — образ вЂры, надежды и любви. Древо c коренем маєт подобенство з вЂрою. Як бо вЂм, где не маш дерева, там не может быт лист, анЂ овоц, так, где не маш вЂры, там не маш надЂи и любвЂ. НадЂя подобенство маєт з листом — лист єго не отпадет. Овоц — з любовію: плод духовный любы. Кгды человЂк смертелным грЂхом образит бога, на тот час одну ти(ы)лко тратит рЂч — овоц, то єсть любов, а лист и корень, то єсть надежда, и вЂзра при нем зостаєт. Дерево садовоє хоч часом не зародит и не маєт на собЂ жадного овоцу, гды єднак видимо, же маєт лист, то єще надЂємся, же на пры(и)шлый албо на третій рок может зародити; |арк.89зв.| але гды уже на дере†и листу не обачим, же юж усхнет дерево, то на тот час жадного не сподЂваємся з него плоду, жадной утЂхи: человЂк грЂшный маєт ли вЂру, яко корень, а надЂю, яко лист неодпадлый(ій), єще о нем не вонтпити, же прійде такоє лЂто ласки божой, в котороє зародит древо, то єст человЂк грЂшній позищет овоц любве, а при ней и иных добродЂтелей; але єсли кто и лист надЂй стратит чрез отчаяніє, и корень вЂры усушит — о, юж там не обачиш жадного овоцу.

* * *

Сердце сосуд убо мал єсть, но в нем пріяты бывають вся вещи — тамо бог, тамо аггелы, тамо живот и царство, тамо небесныя грады, тамо сокровища благодати. Святый Макарий.

* * *

Како ты услышан быти от бога желаєши, понеже сам себе не слышиши? Хощеши, да бог памятствуєт о тебЂ, єгда молитися, — ты же сам о себЂ не помниши. Святый Кипріян. Воспомянен в книзЂ, глаголемой «Мір c богом», лист 428.

* * *

Стоя посредЂ, сЂмо и овамо

смотрю и не вЂм, обрящуся камо:

здЂ сладкій Іисус язвою питаєт,

здЂ сосець дЂвич млеком напаяєт.

* * *

Каков Василій, Єфрем молитствует — |арк.90.|

небо огненным столпом извЂствуєт.

Ho и сам Єфрем столп огненный бяше —

пламенем любве божія горяше.

О убогом и богатом, молящимся в церкви

Два внійдоста во церков, но не єдинако:

ов простЂ имать к богу сердце, ов опако.

ПростЂ к Христу ум вперен нища и убога;

разсЂян имущаго стяжанія многа.

Бог же сам вЂсть когождо сердечныя бездны:

тщи у него богати(ы), нищи небезмездны.

ТебЂ оставлен нищій, милосердє боже,

ты му част, ибо в мирЂ не имат ничтоже;

Ньсть сокровищ, в них жебы сердце углубити,

и что ино, раз†тя, имать возлюбити?

Убо, єгда предстоит в молебну годину,

возносит ум и сердце к тебЂ єдину.

Не тако богатый, но разнствовати зрится,

аще и прилЂжно здЂ молитися мнится:

В дому злато и сребро, разлычні(ы)я служби(ы),

тамо дЂла, овамо пировні(ы)я дружбы, |арк.90зв.|

Всюду же прілпе сердце, ум имать мысль многу,

убо усты молится, нЂсть же сердца к богу.

На покров богородици. Іо. арх.

Се єсть всемогущая, всемогая мати,

всЂм требующим может, хощет дати.

ВсЂ к ней, як к всемогущой матери, тецЂте,

всЂ во всЂх своих нуждах отраду берЂте.

Як всЂм милосердія двери отверзаєт,

так и ризою от всЂх бЂд всЂх покри(ы)ваєт.

Покрывай нас, о мати, ризою своєю

и сподоби нас зайти и в небо под нею.

Чистая голубица крилЂ простираєт,

як чадолюбна мати, птенцев покрываєт.

Широкую одежду на себЂ имЂєть,

да всЂх прибЂгающих к себЂ пріодолЂєт.

ВсЂ к тебЂ притЂкаєм, о божая мати,

всегда хотяще в твоєм кро†пребывати.

Покрывай нас в жизни сей от всякаго злаго

и введи нас, свЂте наш, в небесноє благо.

Ширшим облака мір свой, дЂво, покрываєш |арк.91.|

покровом; гды надежду сына изявляєш.

Изявы и нам, вЂрным, во грЂхах рожденным,

милость сына; покровом от грЂх свобожденным.

Пишущему стихи

Труда ¹, сущаго в писаніи, знати

не может, иже сам не вЂсть писати.

Мнит, быти легко писанія дЂло:

три персти пишуть, а все болить тЂло.

* * *

Царю небесный, наш утЂшителю,

душе истинный, всЂх содержителю,

иже сый везде (2) ², и вся исполняяй,

вся совершаяяй (2).

Сокровище благ щедрій подателю,

жизни вЂчныя всЂх нас создателю,

прійди от вышних (2) к нам и в нас вселися,

а веселися (2).

И очисти ны от всякоя скверны,

сохраняя нас, яко же крин в терни,

и спаси, боже ³, (2) от бЂд душа наша,

тобо власть ваша (2). |арк.91зв.|

¹ У рукопису явно помилково «тогда»; зверху пізнішим почерком (Івана Васильовича Величковського?) виправлено на «труда».

² Позначка «(2)» — авторська вказівка на те, що попередня фраза має співатися двічі; отже, по-двічі мають співатися фрази: «иже сый везде», «вся совершаяяй», «прійди от вышних», «а веселися:», «и спаси, боже», «тобо власть ваша», «нынЂ и прЂсно», «без конца сущій».

³ У рукопису помилково — «блже».

ТебЂ честь сполна co отцем и сыном,

богу, во тройци божест†єдином,

нынЂ и прЂсно (2) и во вЂк грядущій,

без конца сущій (2).

На xмЂль Величковского стихи

Щось бозкого до себе пан ХмЂль закраваєт,

бо смиренных возносить, вынеслых смиряєт.

Вышшіє суть головы над всЂ члонки тЂла,

а ноги теж в низкости смиренны до зЂла.

Леч пан ХмЂль, кгды до кого в голову вступаєт —

голову понижаєт, ноги задираєт ¹.

Бытія, XV

Ною обнажившуся сын ся Хам ругаєт,

Сим же сын со Афетом нагость покрываєт ².

¹ У рукопису було: «а ноги задираєт»; «а» закреслено кіновар’ю, певне, щоб витримати тринадцятискладник.

² У рукопису було «покрывают»; «ю» — кіновар’ю виправлено на «є», певне, щоб зберегти риму.

* * *

Цар Давид гуслы держить, не всує играєт,

славу богу и тЂмы из уст воздаваєт.

* * *

На крестЂ мой сладчайшій Ісус протяженный —

лук то на стрЂляніє вижу напряженный;

Пять язв в нем — суть то пять стрЂл, готовых караты;

но на кого, Христе мой, будеши стрЂляти? |арк.92.|

На врага ли? То аз враг, на мя сія стрЂлы

испусти, дабы ся в сердце моє ся унзили.

ТЂми сладцЂ язвенный грЂху умрЂт мушу,

ты же в любов плЂнииши сердце ми и душу.

* * *

Призри на лице Христа твоєго Ісуса,

єже сам изобрази, прилож до убруса,

На желаніє вЂрно царя Агавара,

єму же посла вмЂсто многоцЂнна дара.

Мнози царіє прежде желаша то зрЂти,

но не могоша сего дара получити.

Блаженная очеса царя православна

се зде зряще и в небЂ узрят бога явна,

В трех лицєх єдинаго царя над царами,

єго же зрЂти царск єсть вЂнец над вЂнцами.

* * *

В столпЂ облачном к людєм глаголавый

столпа огненна вожда огнЂм давый.

K столпу каменну от тЂх привязася,

за добродЂйство от злых злЂ воздася.

K древу вяжут лозу винограда,

инако лозу божественна сада — |арк.92зв.|

K столпу каменну лютЂ привязаша,

плоть, яко грозд здрЂлу нещадно рЂзаша.

* * *

Незлобіє господнє в ярость премЂнися,

понеже церков єго купли наполнися.

Вервом гонит торжников з дому молитвенна,

да не будет з куплею молитва смЂшенна.

О, аще бы я†зде пришел єси, Христе,

изгнал бы и отсюду всЂх таковых исте.

* * *

Торжников, иже входят на молитву к богу,

не молби(ы) же, но куплю содЂвают многу,

Друг к другу бесЂдуєт, что где купил бяше,

что предал, что приобрЂл, торг добр имЂяше,

ТЂх бы всЂх єдни(ы)м бичем изгнати

из церкве — молитвы єст зде мЂсто, не купли гадати.

* * *

МЂста торжников в церкви зря опроверженны

от господа, и вся вон купли изверженны,

Убойся, человЂче, в церков входящій

и не молящійся, но c други молвящшій:

Да не постраждеши ты лютЂйшоє горе —

опровержет тя господь c домом, з мЂстом вскоре, |арк.93.|

Святому Дамаскину вЂрши

І

Вышнею благодатію во сытость упоєн,

глубиною мудрости обилно исполнен,

О благодати горней Дамаскин мудрствуєт,

благодатному орлу в слЂд путешествуєт.

V

Іоан Дамаскин, цЂл душею святою,

от икономах же быв усЂчен рукою,

От матере ся слова паки исцЂляєт

и, пиша имя сына, єя прославляєт.

VIII

Святый Іоан Дамаскин, з богом начиная

и споспЂшеством духа книгу скончевая,

З сыном матери божой хвалу возсылаєт,

пЂснословити и нас всегда научаєт.

* * *

Ілія, Сидонскую страну шествующе,

прійде в дом єдиноя жены, сЂтующе,

Яко сын єя умре; но он ревность к богу

имЂя, печаль в радость премЂниши многу:

Абіє язык удом мертва прилагаєт

и так сумантяниня сына воскрешаєт.

* * *

Петру, до Іопіи в проповЂдь пришедшу, |арк.93зв.|

предлагают сродници дЂвицу умершу,

C плачем сЂтующе; но он, ради многа

народа предстояща, молитствуяй бога,

Внезаапу Тавиθу мертву воскрешаєт

и сим чудом в вЂрЂ народ утверждаєт.

* * *

Павел, єгда Христова закона учаше,

премнози ся народы к нему сохождаше.

Случися до помощи протязати слова;

тогда он от трикратна мертв спаде покрова.

Павел, хотя паче мір в вЂрЂ утвердити,

потщался тЂмжде словом мертва воскресити.

* * *

Спасеніє Христос на крестЂ содЂявый,

тоєжде Андреєви в образЂ давый.

Христос въ Іюдеи закона учаше,

Андрей в кієвских горах благодать вЂщаше.

Христос тамо изволи на крестЂ страдати,

Андрей здЂ креста благость водрузи сіяти.

Раки Величковского

* * *

Анна пита мя я мати панна.

Анна дар и мнЂ сЂнь міра данна.

Анна ми мати и та ми манна. |арк.94.|

* * *

Марія | Євва

Со мною жизнь не сЂнь смерти,

мною жити не умерти.

На образ пресвятои богородици, ветху и некраснЂ начертанну

Ветха єсм на иконЂ, но в будущом вЂцЂ

достойніи узрят мя младу в дЂвиц лицЂ.

Некрасна начертанна здЂ — в небЂ краснЂйша,

паче звЂзд и мЂсяца и солнца свЂтлЂйша.

* * *

Латвый, трудный, пріємый, острый єстес з себе,

c тобою жить не могу, трудно и без тебе.

На образ юноши красящагося, ему же смерть тайно вослЂдуєт

Не зЂло, о, юноше красный, веселися,

кто татски вослЂд тебе ходит, обозрися.

Се тя смерть прежде часа в гробЂ хощет мЂти,

вЂсть коса и красныє пожинати цвЂти.

На образ старца, держащаго клепсидру

Всує, старче, клепсидрным пЂском измЂряєш

дни твоя и толико єще жити чаєш,

Не вЂси, минуту ли преживеши цЂлу, |арк.94зв.|

много єст пЂска в гробЂ, a нЂсть жизни тЂлу.

Нагробок

Хто-колвек схочет на мой образ поглядати,

знай, жем был муж болЂзній, мусит то признати,

През 12 лЂт ледвом коли з ложа вставал,

бо мя уставичный бол до него приковал,

Але мя смерть з тых болев миле розвязала,

бо моя душа завше до бога вздыхала,

Хто-колвек теды схочет добре умирати,

мене за образ смерти нехай схощет знати.

* * *

НЂсть, иже укриєтся пред тобою, смерти!

О горе! Цар или раб — должен єсть умерти.

Ты всяку твар движиму в гробЂ полагаєш,

нища c князи на суд равну поставляєш.

О смерти, кол ти страшну косу дано в руцЂ!

блажен, єго же вЂчной не предаси муцЂ!

* * *

Всякому ся родившу потреба умерти,

смерть c престола может и царя в гроб уперти,

Муж силный, десницею сокрушаяй брани,

а от смертнои косы сам не уйдет раны. |арк.95.|

ВократцЂ глаголюще: смерть вся погубляєт,

блажен, иже во сердци память смерти маєт.

* * *

Зри изображеніє видимаго вЂка —

таковый єсть по смерти образ человЂка:

Безчестен, безславен, неимЂяй доброты —

нЂсть нЂкоєя в гробЂ славы нЂ лЂпоты,

Смерть всЂх соравниваєт, нища и убога,

о смерти, кол твоя власть над всЂми єсть многа!

ЧеловЂк во юности подобен єсть кри(ы)ну,

єго же увядаєт злачный образ выну.

Коса смертна, аки цвЂты, посЂкаєт

всякаго человЂка и в гроб вомЂтаєт.

Смерть, як уж, в том ся младом крыєт вертоградЂ —

жій опасно, се ти гроб в сем предлежит садЂ.

* * *

ЧеловЂк, яко трава; дніє єго, яко цвЂты —

днесь цвЂтет, утро маєт посЂченный быти.

Коль кратко дніє наши нам возсиявают,

понеже з цвЂтом полным нагле увядают.

* * *

Кто єсть, иже поживеть и не узрит смерти? —

нЂсть ни єдин. Всяк рожден должен єсть умерти. |арк.95зв.|

Младых, аки селні(ы)є крыны, смерть взрываєт,

силных, аки в ЛиванЂ кедры, посЂкаєт.

Яко в младосилном, так и в старЂлым вЂку,

умирати всегда прилично человЂку.

Kто на чуждая pад, то и сам уловлен бываєт

Злый злЂ страждает; образ сей тоє нам являєт:

всяк ловяй чуждая, сам уловлен бываєт.

Кто не хощет, аки кот, злоблен би(ы)ти,

ащесь силнЂйшій, менших не хтЂй озлобити.

Бойся многих, кто многим былесь страшен зЂло,

зло творящіи страждут злЂ за своє дЂло.

Многих бо гризайя, сей кот сам гризен бываєт,

воистинну всяка злость злЂ ся скончеваєт.

Над тайною вечерою стихи

Єгда сЂтовен глагол вслух Христос предаде,

сын Заведеов слезен на перси припаде,

Рек: «Кто, Христе, кто, Спасе, имат тя предати,

учеником, Ісусе, изволи сказати».

* * *

Архи Се спаситель міра c небеси прійде,

з ¹ человЂколюбія на землю снийде. |арк.108зв.|

¹ У рукопису «за».

Епитафион

Бог наш, тройца, отец и сын и святый дух, во єдинст†покланяєми(ы)й, о нем же живем и движемся и єсмы. |арк. 109.|

В лЂто от созданія міру 7023, а от рождества сына божія 1526.

Преставися благовЂрный и христолюбивый, яснеосвецоный и велможный князь Константин Иванович Острозкій, во всей Русси славен сый, роду князей руских, воєвода Троцкій, гетман Великаго Князтва Литовского, сый во мужест†храброслывучий, и преодолЂл и побЂдил помощію всесилнаго бога супостат кролевства Полского. Он же от млада и до старости c вЂрою служащи, не мало великих битв побивал, всЂх 60, а болших три, на БЂлой Церквы, у Орши, у ДнепрЂ и ГолшаницЂ-рЂцЂ. Єще и в вязеню великом 7 лЂт сидЂл; потым от государя отцем би(ы)л назван. Живот сей скончил у 70 лЂт, з великою жалостю и плачем людским.

ЗдЂ же бысть погребенно тЂло єго в лаврЂ преподобных отец наших Антонія и Θеодосія Печерских.

Гроб же сей выбієн бысть сыном єго, благовЂрным князем Константином, во святом крещеніи Василієм, Острозким, воєводою Кієвским, маршалком земли Волынскои, старостою Володимерским, и на памят єго поставися. Року 1579 мЂсяца августа 6.

Як преставися, до сего року 1693 чинит лЂт 167, а нагробку лЂт 114. По смерти в лЂт 50 и три поставися. |арк.109зв.|

Нагробок яснеосвецоному Константину Константиновичу, князю Острозкому

Яснеосвецоноє Константин Константинович, во святом крещеніи нареченный Василіє,

княжа Острозкій,

в житии и по одходЂ з свЂта сего, ради єго святобливости, зристе годну єсть именовати

муж бозкій.

От государей королей воєвода Кієвскій, маршалок землЂ Волинскоє, староста Володимерскій

именован,

во благочестіи же святыя каθолическія соборнія апостолскія церкви яко столп непоколЂбим от всЂх

свЂдЂтелствован.

Славнаго роду росийскаго, греческаго закону вЂру, в ней же и родися, соблюде до конца,

надежду имЂя в день заплаты от господа вышняго сподобитися нетлЂннаго вЂнца.

Ревнуя бо поревнова великому Костантину цару, он же всЂх |арк.110.|

обще ходотай бысть крещенія,

сице и сей Константин божественными писмени славенскими и книгами, подвиги и скарбы своими роду росийскому зычил

просвЂщенія.

В ОстрозЂ, богоспасаємом градЂ, отчизнЂ своєй, преставися, успе о господЂ в церкови великой замковой

и положен

до зготованных обителей вЂрным божіим отыйде минуючого вЂка сего єсть

свобожден.

Родися во градє своєм Туровє лЂта божія нароження 1527. Преставися лЂта божія нароженя 1608, имЂя житія своєго лЂт 81.

Попередня     Головна     Наступна