Попередня (початок КРОИНИКИ О ЗЕМЛИ ПОЛСКОИ)    Головна     Наступна

ЯГЕЛО ВЛАДИСЛАВ^І—І

Року 1386 Ягело, великиї кн̃зь /43зв./ литовски, з братами своими Борисом, Звидригаиломъ и Витолдом, свЂтло вьЂхалъ до Кракова февраля 12-г дн̃я, от всЂхъ вдячне и з радостью приняты. Впроваженыи ^Ї— до Кракова^—Ї, до кролевои в замокъ, дн̃я 14 февраля зь своими братами окрестилъся, і Владиславом назван. I Великое княжение Литовское, Жмудское и Руское, Подолское, якъ обЂцал, прилучилъ и присягою подтвердилъ. Того жь дн̃я і венчался з королевою Ядвигою. Зараз в пость великии поЂхалъ до Великои Полскои и тамъ розрухи всЂ успокоил. Потом поЂхал до Литвы зь множеством панов полских и з архиепископом^Й гнезненским, /44/ ^К—з ним жє Семовитъ мазовецкии и Конрад алесницкиі, кн̃зи^—К. И приЂхавши до Вилня, справиль тое, же Литва и Жмод окрестилася. Там же, подавши справоване княжения Литовского Витолду, вернулся до Полскои и просто пошол на Слонскь воевати. Тамъ, побравши мЂста, вернулся додому.

Умерла затымъ Ядвига, і взялъ Ягело за себе Анну Венгерску^Л, дочку ^М—М граби цилииского. Потом по килкакроть самъ из братомъ Витолдомъ воевал з прусами моцно и звитязства над ними одержовал. Умерла потом другая жона Ягелонова, /44зв./ і взялъ третию жену, старую Гелжбету Грановскую, дочку Отона з Билцы^Н, воеводы сендомирского. Тых жє часовь, повЂдаетъ БЂлскии, ижь Витолдь взял Киевъ под Владимеромъ, кн̃земъ киевскимъ, и татаровъ громилъ. Але другим разом от воискъ Темерляна, валечного цр̃я татарского, был розграбленныи^О и розбиты року 1398. Тои Темерлян, повЂдаютъ, страшен былъ всему свЂту, мЂвал по дватцатикротъ^П сто тысячеи воиска, Азию, немал всю посЂль былъ, Баезета, цесаря турецкого, звитяжил і в желЂзнои клЂтцЂ возил. На него вьступуючи, всЂдал на коня. /45/ Гды которого мЂста добывал, едного дн̃я седЂль под бЂлымъ наметом, значачи свою ласку, если здадутся, другого дня под червоннымъ наметом, значачи за упоръ кровопролитиє, третего — под чорнымъ, значачи всего мЂста спустошеня и знищене.

Три жоны гды поумирали Ягеловы, всЂ без потомства, ^367—взял Ягело четвертую — ^Р—Р Софию^—367, дочку кн̃зя киевского, которая уродила ^С—С сновь Владислава и Казимера. Потомъ кролъ Ягело, состарЂвшися, умерлъ, зоставивши двох сн̃овь, Владислава и Казымєра, и похованъ в КраковЂ.^Т—Т /45зв./

ВЛАДИСЛАВЬ ПЯТЫИ

По смерти Ягелона^У Владислава Владиславъ, сн̃ь его, року 1434 зостал кролемъ полскимъ. А гды Жигмунть, цесарь рымскиі, крол венгерскиі и ческиї, умерлъ, за прозбою панов венгерских крол Владиславь поЂхал до Венгерь, і в мЂсте венгерскомъ БудЂ ^368—кролемъ венгерскимъ укоронованъ^—368 року 1440. Потом року 1443 Владиславь пошолъ на турковъ воевати и мЂста турецкии^Ф, которыи турчинъ былъ позабиралъ, отобралъ. Потом ^369—Иоанна Гунцада^Х—369, воеводу седмигроцкого^Ц, з воискомъ /46/ выправивши, турковь моцно побилъ. Потомь башу, от турецкого цесаря посланного для обороны Македониї з незличонымъ воискомъ, такъ збил, же самъ Амурать ³⁷⁰, цр̃ь турецкиі, боячися, послал послы до Владислава, потребуючи покою, отдаючи ему всЂ мЂста турецкии^Ф. Крол Владислав учинил з цр̃ем турецкимъ покои, на которыї обое себЂ и присягли. Затымъ посел папежскиї Юлиан, кардиналъ, приЂхал и радил кролю Владиславу, абы тои покои з цр̃емъ турецким розорвалъ и жебы з ними, и з иншими монархами хрестиянскими /46зв./ ишол на турчина, всЂхъ хрестиян неприятеля и именем папежа розрешилъ короля от присяги. Крол, послухавши посла папезскаго, року 1444 з воисками пошол на Амурата, цр̃я турецкого. Што послышавши Амурать, и дивуючися нестатку присяги хрстиянскои, великиї зь Язиі собрал воиска, до того удаючи^Ч, же присяги ламане ихъ побиеть. ^Ш—Ш у Варны, мЂстечка и озера подле берега Чорного моря, зтолчилъ потужную воину зь королемъ Владиславомъ. Там жє много барзо хрестиянского турчинъ побил воиска, где и самъ кролъ Владислав естъ /47/ забитыи. Кролевалъ в Полскои десять лЂть, а в Венгерскои земли чтыри лЂта, вЂку своего^Щ дватцатъ первого року забитъ.

КАЗИМЕР ЧЕТВЕРТЫИ

По забитю кроля Владислава аж на четвертыи рокь Казимерь, брат его родныи, великиї кн̃зь литовскиі, обраныи зосталь кролем полскимь року 1447. На другии рокь Петрь, господарь волоскиі,/47зв./ присягь кролю на послушеньство и дань давати, и просиль о помоч на Богьдана, брата своего, що крол и учиниль. ^371—Року 1454 прусовь^Ю—371, утискь великиі маючи от крижаковь, прислали пословь до Козимера, поддаючися ему вь опеку. Того ж року кроль Казимерь взяль себЂ ^372—за жону Елжбету^—372, дочку^Я Албрихта, цесара, ^Ь—Ь которого^А уродила ему потомь сыновь^Б—Б Владислава, ^В—а послЂ его^—В Казимера, по них еще чтырохъ. /48/

Потомь кроль Казимерь Ђхаль на Крижаковь воевати. Зпочатку поляки под Хоиничимъ^{Г 373} зламали воиска крижаковь, але потомь крижаки звитяжили, также мало и самь кроль не упаль имь вь руки. Знову потомь кроль, собравши болшиі воиска, воеваль Крижаковь. Кн̃зь ихь, не маючи свомь^Д жолнЂромь чимь платити, до часу даль имь славное мЂсто Мариеньбурьбь^{Е 374}, которое они кролю Казимеру продали из сЂ въсемъ /48зв./ нарядомь отдали. За що ижь^Є кн̃зь розгнЂванныи, и попустошил нЂкоторыи мЂста кролевскиі. Кроль тежь, роздражненныи, такь моцно воеваль крижаковь, же ледве и самь кн̃язь ^Є—є утекль. Затымь року 1466, гды крол Казимерь мЂсто крижацкое столечное Хоиняку^Ж добыль, за порадою посла папезского ^375—учиниль з крижаками пакои^—375. И от того часу кн̃жение Поморское, Михаиловская /49/ теж и Хелминская^З земля до Полскои есть прилучена, за которыи сто и осмьдесять лЂть з крижаками воевали поляки.

Литва тежь часто докучали кролю и хотЂла оторватися для того, же имь обЂцаль, Ђдучи з кн̃ежения Литовского на кролевстьво Полское, отдати Луцкь и Подоле, а не отдаваль, бо поляки того не допускали, повЂдаючи, же Казимерь Великиі Подоле през мЂчь себЂ взялъ/49зв./.

А Литва повЂдала, же по спустошеню Подоле^И от татарь, гды сылы рускиі ослабили, Литва, татарь выгнавши, опановала Подоле. И хотЂла Литва, откинувьшися от поляковь, обрати себЂ за кн̃зя ^376—Симона Алелковича^—376, кн̃зя киевского, продка кн̃зеи Слудцких, до чого^І поводамь были Гастолдь, свекорь его, и Георгии, кнзь Острозс[кии]^Ї. Затягали и татарь на спустошене Подоля. Але кроль тое утишиль ласкою, обЂтницами своими./50/

^Й—Тыхь же часов^—Й Івань Василівичь, великиі кн̃зь московскиі, взялъ под Литвою Новьгород-Литовскии.

Потомь Казимерь, много воень отправивши и пн̃ство свое добре зспорядивши, умерль вь Литве, вь Гродне. МЂль ^К—К Казимерь сыновь шесть, а дочокь семь: Владислава, котории зосталь кролемь венгерским и ческимь дЂдичнымь по матце своеи ЕлжбЂте, которая была родная сестра Владислава³⁷⁷, кроля ческого; небожничика^Л Казимира;/50зв./ Альберто^М Яна^Л, которыи по смерти от̃ца своего Казимера^Л быль кролемь полскимъ; Алеξандра, котрии зосталь великимь кн̃земь литовскиммь^Н Жигмунта, которыи быль кн̃зем глоговскимь, и Фридирика, которыи зосталь бискупомь краковскимь, ^О—О познанскимь.

ЯНЬ АЛБЕРДЬ АЛБО АЛБРИХТЬ

Року 1492, по смерти Казимира, сн̃ь его Янь Албрихть зосталъ кролемъ полскимъ. До которого /51/ турки прислали, примирья жадаючи, и учинилъ з ними примире до часу. Потом року 1494-г кроль Албрихть з братомъ своимъ Владиславом, кролемъ ческимъ и венгерскимъ, в мЂстЂ ЛивочЂ учинил раду: злучивши воиска обоихь кролевъствъ, ити на турка.

Турокъ, довЂдавшися того, знову назначилъ посла до Олберта о покои. Тымъ часомъ великии кнзь московскии Іван Василевичъ, ударивши на Литовскиі краи, взялъ мЂсто і^П Вязму, Хлевин^Р, Мещок, Любоцкъ, Мчєнскъ, Серпуховъ и инших сЂверских /51зв./ много мЂсть. Алеξандерь, кн̃зь литовскии, не могучи ничого противъ московского почати, през послы свои просил примиря и одержал. Але якъ Новьгород, такьжє и тыі^С всЂ мЂста, котрых^Т побралъ, кн̃зь великиї московскиі при себЂ задержалъ, толко вязневъ выпустивъ, и отдалъ^У свою дочку Елену за кн̃зя литовского Алеξандра, брата Олбрихтова.

Затымъ року 1497-г, собравши воиска великии з Полскои, з Литвы, з Мазовши и з Прусь, Олбрихтъ ^Ф—Ф пошол на турка. Але вперед хотЂлъ ^378—Стефана, господаря волоского ^—378, зогнати /52/ з панства его, а тамъ посадити брата своего. И пришовши до Лвова, послал до Стефана, абы ему на турковь помог воевати. ОбЂцалъ тое Стефан и живности воиску кролевскому, а сходитися нижеи Дунаю з воискомъ его ^Х—Х.

Але гды довЂдалъся Степан^Ц о замыслахъ Олбрехта и обачил, иж ко^Ч Сача†тягнеть, послалъ послы до кроля Албрихта, абы на его не воевал, якь замыслилъ, жебы того не жаловалъ. Еднакъ крол Албрихтъ того не послухалъ. МЂль кролъ, еще во Лво†идучи, недобрыи знаки, /52зв./ бо еден ^379—шляхтичь Сропскиі,^—379 в голову зышовши, кричал: «На свое лихо идут наши!» Кон ^Ш—Ш под королемъ добрыи упал и издохъ, гды выезжал зе Лвова, перун едного шляхтича внаметЂ зь дванатцатьми конми забилъ. Крол Олбрихть, ни на що не дбаючи, облегль Сочаву, але за порадою брата своего, кроля венгерского и ческого Владислава, учинилъ примире зь Стефаномъ. До того и захорЂвши, вернулся до Полскои. А пошовши през Буковину, волоскимъ мЂстамъ и селамъ воиско полское великую чинило шкоду. /53/ За що розгнЂвавшися, волохи ударили з Буковины на полскиі воиска. Там жє прибЂгь и самъ Стефан, господарь, з великимъ своимъ, и з татарскимъ воискомъ, и барзо збилъ воиска полскиі, и значныхъ пановъ позабивалъ много барзо, і в полон побралъ. А оручи поляками, насЂялъ жолудиовъ, де поросли дубы великиї. И тая дуброва Лядскою дубровою называетьца, недалеко от мЂста волоского, Ботушаны названого.

Року 1494 было тепло такъ великое, жє в енгевару^Щ и вь февралю квитнули дерева, але вь марцу от мороза /53зв./ посьхли^Ю. Другого року подле Кракова ^Я—Я жена уродила дитя зь ужемъ посполу, которыи ужь дитину моцно гризь. Другая жена уродила быка зь двома головами: една голова на звычаиномъ мЂсцу, а другая голова на хвостЂ, хвость былъ на хрибтЂ, а ногь сЂмь на правомъ боку мЂлъ.

Потомъ року 1498^Ь Степан^А, зь своимъ воискомъ вбЂгши в Подоле, великиі починилъ шкоды, много мЂсть попалилъ, людеи без числа едных побили, другихъ в неволю волохи и татаре побрали.

^Б—БЦр̃ь зас і великиі кнзь /54/ Іван Васильевичъ, розгнЂвавшися на Алеξандра, кн̃зя литовского, за границу и за тое, же ЕленЂ, дочцЂ Івана Василевича, а своеи женЂ ^В—В Алеξандеръ не хотЂль в Вилню церкви змуровати, воевал моцно Литву і взялъ мЂста Бранскъ, Чернигов, Стародуб, Новьгород-СЂверскиі^Г и иншии мЂста. Кн̃зь литовскиї Алеξандерь ^Д— не хотЂлъ^—Д гетмана кн̃зя Костянтина Острозского и Миколая Радивила, и иншихъ воевати москву, але ихь воиска москва збила и ихъ самыхь, поимавши, до вязеня посажала. /54зв./ ^Е— Кн̃зя Острозского вь оковах, заливши оловомъ, держала^—Е, ажь мусилъ великому кн̃зю московскому на то присягнути, на чом кн̃зь великиі хотЂль.

Тоеи жъ осени москва весь СЂверь взела и СапЂгу, поимавши, в^Є вязеня всадила.

Року 1500 великиї кн̃зь Іван Василевичъ ^{Ж—Ж 380—} Дмитрия, сн̃а своего^—380, послал на Литву, которыі около Смоленска великиї починилъ шкоды, и Литвы побиль немало.

Потомъ року 1501 крол Олбрехтъ до Торуня поЂхалъ. Там же, захорЂвши, умерлъ, ^З—З вЂку своего чтыридесят первого року; кролевал^И осмъ лЂть и мЂсяцеи осмъ. /55/

АЛЕξАНДЕРЪ

Року 1501 Алеξандеръ, кн̃зь великии литовскїи, по смерти брата своего Олбрихта зосталъ кролем полскимъ. И змуровалъ в Крако†церковь рускую для Елены, царевны московскои, жоны своеи, где еи рускиі свещенники отправовали набоженство, бо она лядскои вЂры барзо не любила.

Року 1503 Стефан, волоскии воевода, вбЂгши^І в Покутъе, барзо попустошилъ и под свою взял владзу. /55зв./ Крол Алеξандерь, собравши воиско, волохов выгналъ з Покутя, а звлаща, же самъ Стефанъ в тои часъ хорыи был.

Потом року 1504 умерлъ Стефан, господар волоскии. Был барзо валечныи и сщасливыи в воинахъ, турковъ раз поразилъ сто тисячєи потом и по килкокротъ звитяжилъ, также татар, ^381—Матияша, кроля венгерского^—381, и Олбрихта, кроля полского, значне звитяжилъ. Звали его волохи Кара-Богдан, то естъ ««Дорогиї Богдан».

Року 1505 татаре в Лит†много попустошивши^Ї, /56/ самых неволников сто тысячєи побравши.

Того ж року и умерлъ цр̃ь московскии Іван Василевичъ. Валечныи был и сщастливыи, выбился з неволи татар, с^Й килка ордь ихь себЂ под моць і в подданство подбилъ, шведовъ, инфлянтовъ ^К—и филяндовъ^—К щасливе звитяжал, от Литвы болше семидесятъ мЂсть под свою владзу подбилъ. Страшныи былъ всЂм близким народомъ, пьянства в Москве заборонилъ. Зоставил по себЂ пять сн̃овъ: Димитрия, Василия, Юрия, Семиона и АндрЂя, а дочку едну Елену, которая за королемъ /56зв./ полскимъ Алеξандромъ была.

Потом кролъ Алеξандерь поЂхал до Литвы и захорЂлъ. Тымъ часомъ вбЂгли татаре до Литвы, сорокъ тысячєи, и спустошили^Л. Крол хорыи, самъ не могучи Ђхати, послал против татаръ Кишку, гетмана, з воискомъ, которыи тых татар погромилъ и розбилъ. О чом послышавши, крол Алеξандеръ з радостью свои живот скончилъ року 1506, ^М—М и похован в Вилню. Кролемъ был чтыри лЂта. ^Н—Н

ЖИГМУНТЪ ПЕРВЫИ

Року 1507, по смерти кроля Алеξандра, брать его Жигмунтъ Казимеровичъ, /57/ великии кн̃зь литовскиї и^О глоговскиї, опавскиї и зосталъ кролем полскимъ. Той^П Речъ Посполитую двигнул^Р.

З волохами, которыї Покуте под собою держати усиловали и, наезжаючи, пустошили, и самы^С Лвовь розобрали^Т, валечне по килкакроть биючися, ихъ звитяжал. Там жє тотаровь, в панство кролевскоє вбЂгаючихь и пустошачих, збивал и прогонялъ, зь цр̃емъ московскимъ великиї точил воины.

За Жигмонтова панованя ^382—великии кн̃зь московскои Василии^{—382 383—}взялъ Пъсковъ, такжє /57зв./ року 1514 взялъ Смоленскь^—383, мЂсто, которое Витолдь, кн̃зь литовскии, пред стома лЂтами взялъ был под москвою. До того зь прускими мистрами мЂвалъ Жигмонъть воины, и звитяжаны от короля такъ, ажь ^384—року 1525 прускиї мистрь бридебурскии^У в Крако†кролю присягнулъ^—384 и, габить покинувши, законнычии, свЂцкимъ зостал кн̃земъ.

Року 1530 Жигмунтъ ^Ф—Ф Августь, вЂку своего року десятого, сн̃ь Жигмунтовъ, за живота от̃ца своего коронован на кролевство Полское. /58/

^385—Року 1502^Х Петрь, воевода волоскиї^—385, воевалъ Покутье и, много шкоды починивши, самъ от полского воиска звитяженъ зостал. Взяли поляки пятдесятъ штукъ арматы и тысячю неволниковъ волоскихь.

Року 1533 умерль великии кн̃зь московскии Василии, зоставивши ^386—сн̃а Івана^—386 в чотырох лЂтах. Которого ^387—опекун, Овчина^—387 з воискомъ московскимъ зимою далеко в Лит†пустошилъ^Ц вь осмнатцати миляхъ от Вилня.

По том лЂтЂ поляки Стародуб взяли з-под московскои державы./58зв./

Року 1538 поляки, впавши^Ч до Волоскои земли, корысти побрали немалыи. Господар волоскиі, зобравши дватцатъ тысячеи воиска, Подолье пустошилъ и гетмана полногω Сенявского з воискомъ збил, взялъ много корысти і в неволю поляков, болше, тысячи побрал значныхъ и подлыхь. ^388—Того ж року цр̃ь турецкии^—388 Волоскую землю под свою моць подбил.

Потом року 1548^Ш крол Жигмунтъ Первыи, впавши в хоробу, старыи, вЂку своего року 81 умерлъ, /59/ и похованъ в Крако†^Щ—Щ 26 июля.

При семъ королю ^Ю—нЂякии Яковъ Мелстинскиі з Брезины, мЂста, учинился Хрстом. К нему пристал Петрь Заторскии, мещанинъ краковскии, и иншиі, учинилися апостолами. И много людеи ошуковали, але вь едном селЂ, гды ихь познано шалбЂрство, шукали ихь бити. Тои теды, што Хрстомъ звался, рекль до Петра: «Петре! Уже приходить мнЂ чаша страты». Петрь рекль: «И мнЂ, вижу, Гсди». Рекль Хртос: «Мушу окном /59зв./ уходити». Реклъ Петрь: «И я вьслЂд тебе иду, не оставлю».

И такь побЂгли, а люде селскиі, киями ихь доганяючи, мовили: «Прорцы намъ, Хрсте, гдЂ тыи кии росли»^—Ю.

ЖИГМУНТЪ ^Я—Я АВГУСТЪ

Року 1549^Ь, по смерти от̃ца своего Жигмунта Первого, Жигмунтъ Августь застал королемъ полским, справовал ростропне і валечне панство Полское.

^389—Року 1558 Іванъ Василевичъ, цр̃ь московскии, /60/ до Ифлянь^А з великими воисками притягнувши^—389, в повЂте Дерпском^Б мечемъ и огнем попустошилъ і великиї взялъ полон, Нарву, крижацкое мЂсто, спалилъ і вес тои повЂть спустошилъ. Инфлянтове шездесятъ тысячеи червонных золотыхъ посылали цр̃ю, окупуючи себЂ покои, але их цр̃ь не взял.

Потомъ добыл цр̃ь Дерпта мЂста, тамъ великии скарбы и неволниковь, зацнЂишихъ пановь и подлыхь мнозство^В, побралъ. /60зв./ И^Г Инфлянты, и иншиї под опеку кроля Жигмонта поддалися, за которых крол з цремъ розне^Д точил воины и не скончилъ.

Потом року 1563 Іван Василевичъ, цр̃ь московскии, з великою потугою под Полоцкь пришовши, взял мЂсто Полоцкь през штурмы.

Тамъ же много побрал скарбовь незличоныхь, воеводу полоцкого з женою і владыку взял до Москвы. Самых ^390—неволников литвы взял в неволю осмьдесять тысячєи, ведлугь Гвагвина^—390, а поляков /61/ служилыхь отпустил волно. И посадивши воеводу Шуиского в Полоцку з великимъ людом, самъ цр̃ь отишол до Москвы.

Року 1564-г москва добывала мЂста Езерища. Станиславь Паць, на мЂстцу воеводы вытебского зостаючи, собравши жолнЂровь з Витебского повЂту, отогнал былъ москву от Езерищь. А^Е потом тое мЂсто Езерища москва взяла и около Красного Городка все попустошила и попалила. И иншиі выводы^Є з Москвою воины, /61зв./ на которых наперемЂну одержовал звитязства.

Потом року 1568-г Жигмунть Августь, зобравши воиско великое барзо, пошол на Москву и пришол под Радоцковичи. А хотЂль оттол ити на Москву з тоеи причины, якъ повЂдаеть Белскиі, ижь ^Ж—Ж был^Г нЂякиі москалъ, родомъ Козловь, которыи в Лит†оженился. Тои ходилъ в поселст†от короля до цр̃я московского и, пришовши з Москвы, сказал королю, иж панове московскиї хотять поддати цр̃ство Московское кролю, толко бы /62/ поишол под Москву. Для того крол знову послал того жь Козлова таемне до панов московских о том же. Чого довЂдавшися, цр̃ь московскиі Козлова на кол вьзбилъ. Крол тєжь, тое услышавши, роспустилъ воиско свое и пошол назад. Потом посылалъ крол до цр̃я московского послы. Црь не принял вдячне тых пословь и конеи, в подарку приведеныхъ, казал порозсЂковати, а самихь отпустил послов. За тым москва пришла под Витебскь./62зв./ Шереметъ, Василии Бутурлинъ и Григореи Саборовь з воискомъ стояли два дн̃и, запалили вь двох мЂстьцах мЂсто и, набравши корысти, отишли.

Потомъ року 1571 крол Жигмунтъ Августь, пославши свои послы до Москвы, постановил зь цр̃емь покои на три лЂта.

И року 1572, захорЂвши, кролъ ^З—З умерлъ вь КнишинЂ^И, ^І— на границы литовскои, июля 7^—І. Был кроль Августь Жигмунть покои любячии, а ухиляючися от воен, бо при матцЂ змалу до семънатцати лЂть /63/ в пещотЂ і в роскоши мешкал, не цвиченыи до военных речєи. Был еднакъ мудрыи, умЂлъ килка языковь. ^Ї—ЇЖе не зоставилъ ^Й—Й потомства, было по его смерти интеррегнумъ болше року.

ГЕНРИКЬ^К—К

По смерти кроля Жигмунта Августа послы были от розных монарховъ до сенату полского, жалуючи смерти кролевскоє и самыхъ себе иншиї заленцаючи, а иншиї за другими причиняючися на кролевство. Такжє и з Полскои ЂздЂли /63зв./ послы, покои земли Полскои у монархов потвержаючи. И не рыхло, ажь року 1574, обранныи Генрикь, андегавенскии и борбенскиі ^л кн̃зь, приЂхал до Полскои, зостал кролемъ полским, ^391— брать кроля француского^—391. Але не долго былъ на королевст†Полскомъ, бо потом, гды пришли до короля Генрика листы от матки о смерти брата его, кроля французского, радился сенаторов, што бы мЂлъ чинити, жебы могь и дЂдичное Французское королевство одержати. Ωни отложили тое до сеиму, обЂцуючи /64/ его тамъ выправити, але ижь матка до его питала такъ: «Гды бы до днеи двадцати не приЂхал до Франциї, теды утратитъ кролевство Французкое». Для того, не чекаючи сеиму, само-осмъ, первои в ночъ годины выбегль з двора своего королевского, через ночь прибЂгъ до Освецыма, оттол за границу бЂгь, з коня не зседаючи. И приЂхавши до Франциї, в РемосЂ коронованыи, зостал королемъ французкимъ. До него любо посылали сенаторове, взываючи на кролевство /64зв./ Полское, еднакъ до Полскои не поЂхалъ, любо хотЂлъ посполу и Полское кролевство держати.

Для того сенаторове зь шляхтою, учинивши сеимъ, приняли ^392—Анну, кролевну^—392, за королевую полскую, памятаючи на добродЂиство дому Ягелового, а Стефана Баторого, кн̃зя семигродского, за мужа еи, а себЂ за кроля и пана.

СТЕПАН^М БАТОРЫИ

Року 1576-г, апрЂля 18^Н, з Семигродскои земли кролъ Стефан въЂхаль /65/ вь Краковь і во второкъ Проводныи взяль шлюб с кролевною, и каронованныи зостал кролемъ полскимъ. ^393—Гданщане в рихломъ часЂ кролеви ребелризовали^—393. С которыми крол самъ под Кданскомъ^О долго воину мЂлъ, и много так кролевских, якь и кданских людеи погинуло, бо кданщане крЂпко воевали, ажь по долгои воинЂ килко кн̃зеи решскихъ, особливе саскихъ^П і врандебурскихъ^Р, ледве през пословъ своих гдансчанъ с кролемъ поеднали.

В тои жє часъ, /65зв./ гды крол вь^С Кданскомъ воины точилъ, цр̃ь московскиї всЂ Инфлянты под свою моць взялъ, воиною на них пошовши. О которыи гды послы кролевскиї, от короля посланыи, пред цр̃емъ мовили, и слова цр̃ь не далъ мовити и ни щЂм ихъ отправилъ.

По згоде кроля из кданщанами ^394—Іван Подкова^—394, козакъ запорожскиї, братъ природныи Івоины ³⁹⁶, бывшого гсдря великого, от того, жє подковы ломал, Подковою названны, и тои от пановь волоскихь взыванныи на волоское воеводство яко дЂдичъ, /66/ собравши казаковь, поЂхаль на Волоское гсдрство и, звитяживши ^395—Петра, воеводу волоского^—396, вь поли с его воискомь, сЂль на гсдрствЂ^Т Волоскомь. Але потомь рихло, убоявьшися, же ^397—цр̃ь турецкии^—397 и крол мЂль на его за злЂ, зьЂхавши з гсдрства за порадаю воеводы брацславского, упевьненыи ласкою от него кролевскою, поЂхаль до кроля, и любо кролеви осмь дЂль подороваль, еднакь всажены быль до вязяне^У, потомь стятыи. /66зв./

Потомь кроль Стефан з сенаторами на сеимЂ ^398—ухвалили першиі раз трибуналь^—398 вь Велкополскои, вь Петрькове, и в Малои Полскои, вь Люблине. На тои дх̃внымь не мило было, аж постанавлено, жебы на трибунальскомь суде шесть дх̃вных, а шесть свЂтцких особь было, а при болшои части згодныи декрет абы бываль.

Потомь король Стефан, собравши воиска немалыи, ходиль под Полоцкъ, где любо не мало воиска и свою стратилъ, бо москва /67/ з Полоцка крЂпко борониласа, еднакь же наостатокь здали кролю Полоцкь року 1579. Потомь Туровьль и Соколь достела^Ф поляки, взяли з Сокола мЂста Шеремета і Бориса Шеина, воеводов, и Суску^Х, мЂсто, взяли. В тои же чась Костянтинь, кн̃зь Острозскии, Чернигова добывал, але ижь моцно борониласа^Ц з мЂста, не добиль.

Знову ^399—року 1580 кроль Стефанъ, учинивши гетманомь великимь Яна Замоиского^—399, канцлЂра, пошоль противь противь^Ч цр̃я /67зв./ московского и добыль Великихь Лукь, мЂста зацного московского, также Торопець и Невель взяли, потомь Езерища. Оттоль поЂхаль кроль до Варшавы на сеимь.

Потомь року 1581 третии разъ кроль ^Ш—Ш пошоль з воискомь на Москву и, пришовши, вьзяль Остров. Оттоль пришоль под Псковь, мЂсто великое, красное і богатое, вь котором тогды были чтыри воеводы, Васил, Івань Шуискии, трети Хоротинь, четвертыи Плещеівь. Которое /68/ мЂсто облегши, поляки штурмами добывали и подкопами, але тое все ничиго не учинило, бо крепко з городу^Щ боронили и билися. Также под монастирь Псковьскиі, где суд^Ю вечери^Я, чинили поляки и нЂмьцы штурмы, але стратили. Затымь ^Ь—Ь декаврия, 11 дн̃я, кроль отЂхал от Пскова до Вилня, зоставиши под Псковомь гетмана з воискомь. Там же еще билиси з москвою /68зв./ часто, але и полякомь уже потомь докучали^А зима, бо была тяжкая, мерзло их немало, и холод быль, и голод, Потомь послы, з обоихь сторонь назначеныи, зЂхалися, и так стало поеднане: цр̃ь кролеви пустиль Инфлянты, а кроль цареви вернул Великиі Луки, Заволочье, Невель, ^Б—Б иньшии мЂста, опроч Полоцка и до него мЂста належныхь. Новьгородок теж и Терпить^В отдал полякомь. Заразь теды /69/ гетмань коронны оттягнулъ от Пскова з воискомь, и поприсягли себЂ монархове тое примирье.

Року 1582, за Григория Тринатцатого, папежа, ^400—в календору десят дн̃еи помкнули^—400 назад римляне и всЂмь своимь костеломь тое предали.

Року 1583 кроль свою сыновицу Гризелю, брата своего ^401—Христофора Баторого^—401, воеводы семигродцкого, ^г—г отдаль за Яна /69зв./ Замоицкого, канцлЂра и гетмана коронного, великимь коштомь з дивами стравил^Д веселе.

Року 1584 умерь царь московскиі Іван, ^Е—Е зосталъ ^402— царемь^Є Федоромь^—402.

Потомь року 1585 до папежа выправиль кроль посла о воине знову з Москвою, грошеи просячи на вспоможене до тоеи воины. Послал и до Венгерь о помочь и сеимь назначиль о тоеи ж воине. Але, не дочекавши сеиму, умерль того ж року 1586, ^Ж—Ж декаврия вь дєн 12, в Гродне. ^З—З /70/

По смерти кроля Стефана Баторогω року 1587 Жигмуять Четвертии^И, кролевичь сведскиі^І, зостал кролемъ полскимъ, и укоронованыи.

Року 1596-г был собор в Берестью собранныи, на которомъ соборе митрополитъ киівскиї Михаилъ Рагоза, Ипатии ⁴⁰⁴, прототрониі, епископъ владимерскиї и брескиї, Кирил Терлецкиы, еξархь, епископ луцкии и острозскиї, Ермоген, архиепископ /70зв./ полоцкии і витебскиї, Иоан Гоголъ, епископъ пинскиї и туровскиї, Дионисиї Зберозскиї, епископь холмъскии и белзьскиї, православными будучи, учинили унию албо зьедночене ^Ї—Ї костеломъ рымскимъ и поддалися под послушенство папЂ рымскому ^405—Клеменсу Осмому^—405.

Алє тоеи униї панове римскии и шляхта. также и духовныи рымскии^Й не приняли.

Року 1597 Наливаико, гетман запорозскии, воиско зобравши, Литву плюндровал, шляхту забивал, униї не любячи. На которого гетманъ корояныи Жолковскии ⁴⁰⁶ з воиском полскимъ пошовши /71/ на УкраленЂ^К з ним воину сточилъ, розгромилъ, а самого Наливаика взявши на Солоницы под Лубнями, привез до Воршавы. Тамь же в Варша†^407—Наливаика на мЂдянои роспаленои кобыле спалено^—407.

Року 1599^408—швецкии губеркатор^—408 албо намЂсник, стриї кроля Жигмунта, выказалъ напослушенство^Л кролеви и КоронЂ Полскои. Для того самь крол Жигмунть з воискомъ ходил до Шведскои земли и знову привернулъ шведов до подданства.

Року 1600 Мигалъ ⁴⁰⁹, /71зв./ господар мултанскиі, змовившися зь шведами, повставши противь кроля, посЂл^М землю Волоскую. Гсдрь волоскии утеклъ до Полскои, а Мисаль^Н воевал около Каменца-Подолского. Тогды жь и кардинала папезского забито. Затымъ Замонскиі, гетмая коронныи, зь иншими панами собравши, що могли, воиска полского, далеко менше, ниж Мигалевого, бо Мисалевого^О воиска было болше пятидесять тисячеи, пошли до Волохь и учинили битву з Мигалемъ, розгромили воиско Мигалева^П. Самъ Мигалъ утекль, а поляки з звитязствомъ и з великою корыстью вернулися до Полскои, до двохсотъ /72/ корогвеи мултянского воиска привезли и по костелахъ позавЂшовали на вЂчную памят.

^410—Року 1604 Дмитрия^—410, котриі повЂдал себе быти царевичемъ, с Полскои кн̃зь Ружинскиї проводилъ до столицы на царство Московское. Нимь он пришолъ, нЂкоторыи ему приязныи маскали убили ^411—цр̃я своего власного Феодора Борисовича и его царицу Марию Годунову^—411, а Димитрея того приняли за цр̃я. Которыи не был правдивым царевичемъ Димитриемъ, але былъ Гришко Отрепевъ, зъдраица, змислилься /72зв./ царевичемь, царствовал и^Р цЂлыи на Москве. Привел ему з Полскои Мнисковну за жону, але в рокъ, познавши его баламутню в царскихь палацахь^С, того ^412—Гришка, цр̃я, бояре, простыи люде московскиї забили^—412. И тыхь поляковь, коториї при нем были, побили, а зацьнЂишихъ оттослали до Полскои. А посадили в^Т Моск†на царст†^413—Василя Івановича^—413.

^414—Року 1605-г ксионже^У судерманское^Ф, стриі кроля Жигмунта, с подданства кролевского выламався, ^Х—Х учинился кролем шведским^—414 и, з воискомъ своимъ переправившися, наЂхал на Инфлянты и посЂл а Ригу /73/ облегль. Крол Жигмунтъ, того не терпячи, зобрал воиско за справою гетмана литовского Холкевича^Ц, пошол против шведовь под Ригу. Тамъ же кролеви прибылъ ксенжь курделянское^Ч зь своим людомъ на помочъ, зточивши битву зь шведами, шведов розгромили и побили, и самого гетмана шведского забили, а^Ш шведовь девять тысячєи побито, а иншиї вь ДвинЂ, реце, потонули, утекаючи. А коториї попереплывали, от посполства побиты, и поиманных значныхъ было немало, корогвеи шведскихъ десят взято. Самыи вождь, /73зв./ стриї королевскии, раненыи, ледве с килкама корогвами утеклъ.

^415—Року 1611, ^Щ—Щ июля 5, крол Жигмунтъ взял от Москвы Смоленскь. Тых же часовь забунтовавшися, москали^Ю цр̃я своего Василя Івановича, роду Шуискихъ, постригли^—415 и отдали его з братом его, кн̃земъ Димитриемъ Івановичем Ляхом. А кролевича полского ^416—Владислава обрали^—416 и просили себЂ у кроля Жигмунта за цр̃я, на що кролевичю и присягли. I Владиславь Жигмунтовичь, кролевичь, писался обраннымъ цр̃емъ московским, а поляки, ^Я—Я от короля посланныи, обняли царствующи город^Ь Москву, в КитаигородЂ мешкали. Потом в рокъ, в великиї /74/ постъ, приходилъ Жолковскии, гетман коронныи, з воискомь полским и литовскимъ на помоч своим, зостаючим вь столицы, бо уже на нихъ збиралася москва, и, шкоды немало учинивши москве, воиска полскии отишли. Три роки поляки держали царство Московское и мешкали вь столицы, ^417—а на четвертыи рокъ^—417 кн̃зи и бояре московскии, собравши немалое воиско, пришовши к Москве в ден св̃тго великомученика ^А—А Дмитрия, взяли Московское царство, Китаигород, поляковь выбили, и посадили на сталицы^Б цр̃я Михаила Федоровича, /74зв./ роду Романовых.

^418—Року 1615 Желковскии, гетмань коронныи, и иншиі панове ходили до Волохь^—418. Там же татарове розгромили воиско полское на Цыцори, гетману Жолковскому голову оттяли и казали, абы сн̃ь его пред воиском татарским возил голову. А иншихъ панов побравши, отослали ^419—цесарю турецкому^—419, особливе кн̃зя Корецкого, Струса и инших много.

^420—Року 1619 кролевичь Владислав^—420 з великимъ воискомъ ходил до Москвы и^В на Покров пресвятои Богородицы добывал самои столицы, от Орбацкои, ^Г—Г Тверскои башты крЂпко биючися. А потом мсца декабрия учинил з Москвою /75/ примире в ^Д— ден св̃тго Миколы^—Д.

Року 1621 ^421—быль в Киеве Феофанъ^—421, патриарха иерусалимскиі, посветил Иова Борецкого на митрополию Киівскую, Исаию Копинского — на архиепископию Смоленскую, Исакия Борискевича — на епископию Владимерскую, Аврамия Стагонского — на епископию Туровскую. Того ж року цесар турецкиі Османь поднесь воину против КоронЂ Полскои. Крол Жигмунтъ послал сн̃а своего, королевича Владислава, против турка з воискомъ, самъ з посполитым /75зв./ рушенемъ остался, збираючи болшеє^Е воиско. Владиславъ, кролевичь, переправившися за Днепръ^Є, стал под ХотЂнемъ у Волоскои земли и окопався. Цр̃ь самъ турецкии, маючи воиска девяткротъ сто тысячєи, ишол до Волохь через Дунаи, воиско его переправлялося сорокъ днеи и сорокъ ночиї. Вперед пришол Каракашь-баша и дал битву полякомъ под ХотЂнемъ, в которои бит†згинуло турковь четырнатцат тысячєи. Тымъ часом пришол и самъ цр̃ь турецкии. Натягло тежь и казацкое воиско з гетманом Сагоидачным. Поляки розне /76/ подезьдами, герцами и чатами урывали воиска турецкии, а казаки вночи тихо пробилися аж до самого цр̃я турецкого намету. Цр̃ь перестрашенныи з намету утеклъ, тым часом козаки много турковь позабивали, зачим стривожился барзо и цр̃ь, і все егω воиско. Почюли тежь, же и крол самъ з великим воискомъ уже до Лвова пришол и идеть противь турковь, отколъ в туркахъ болше прибыло тривоги.

До того стал голод великии в воиску турецком, шмат хлЂба куповали /76зв./ по червонному золотому, бо где пошли на здобычь хлЂба, всюды ихь воиска полскии и казацкии громили и побивали. Для того цр̃ь турецкии учинил з королем Жигмунтомъ примире вЂчное. I вернулся цр̃ь турецкии назад, а крол и воиска полскиї з веселемъ отошли до Полскои, хвалячи Бг̃а. Турковь пропало воиною и голодом пятькротъ сто тысячєи. За што розгнЂвавшися, панове турецкиі цр̃я Османа тятивою удавили, ^422—а стрия его посадили на царствЂ^—422. Такъ, шукаючи чюжого, Османъ свое ^Ж—Ж з душею згубил навеки./77/

Року 1630 ^423—гетман казацки Тарас^—423, собравши воиска, збунтовался на поляковъ. Против которого гетманове коронныи з воисскомъ пошли и под Переясловлем воину точили. Тамъ немало полского воиска козаки побили, золотую короговь усарскую^З за Днепром у Бору всю збили. Потом учинили примире, Тарас с казаками кролеви на послушенство присягь, а крол имъ тое воеване пробачилъ.

После тоеи воины того жь року восени морь барзо великии былъ по всеи УкраинЂ,/77зв./ почался мц̃а июля, а скончился на концу мсца декаврия,

Того жъ року ^424—навеснЂ умерь Иωвъ Борецкии^—424, митрополитъ киевскиі, похован в монастырЂ Михаиловском Золотоверхомъ.

Року 1632 кроль Жигмунтъ умерлъ, кролевал сорокъ лЂтъ и пятъ./78/

ВЛАДИСЛАВЪ ЧЕТВЕРТЫИ

По смєрти короля Жигмунта року 1633-г Владиславь Четвертыи, сн̃ь Жигмунта, короля, обранныи зостал королемь полскимъ, укоронованныи на кролевство. Тогды жъ и ^425—Петрь Могила^—425, воеводичь волоскиї, архимандрить печерскиї, посвещеныи на митрополию Киевьскую. ^И—И Которому кроль Владиславь отдаль церковь столечную митрополитанскую Св̃тои Софиї, манастырь Выдубецкии, Св̃того Спаса церковь в Печерском местечку и Десятиннои Бд̃цы ^І—І зь слободою СофЂискою. Которыи всЂ церкви унияты держали през лЂть, ^Ї—Ї и опустЂли были до конца, ажь Петрь Могила, митрополить, от короля Владислава ωдержавши, тыи всЂ цр̃кви ^Й—Й /78зв./ пооправлял коштомъ и манастырь единЂ Пресветои Софиї, а в Выдубецкомъ другиї побудовалъ, такьже и манастырь Братскиї в Киеве розширилъ, а колегиумъ фундовалъ.

^426—Року 1634-г^—426 король Владиславь под Смоленском Шеина з московскимъ воискомъ великимъ, которыи Смоленска добывалъ, звоевал. Которыї гды примиря просили, учинил крол з ними примире, а риштунокъ весь военныи побравши, безбронныи Шеина з воискомъ московскимъ доброволне отпустилъ.

Року 1637-г гетман коронныи Потоцкии з воискомъ полским ходил на казаков за ихь бунты и ^К—К декабрия, 6-г дн̃я, ^427—под Боровицею^—427 розгромилъ.

А потом знову навеснЂ року 1638-г, ^к—к маия 8-г дн̃я, тои же гетман Потоцкии ходил з воискомъ полскимь на казаков. И билися под Старцемъ /79/ з казаками, учинили з козаками покои.

^428—Пан Кисел^—428 и иншиї панове присягнули козаком именемъ гетмана коронного, же над ними не ^Л—Л мъститися, а казаки вЂрностъ поприсягли кролю и Речи Поспалитои. А после тоеи присяги, взявши Павлюка, гетмана казацкого, в Варша†стратили, а Кизима, киевскогω сотника, изь его сн̃омъ и зь иншими в Кие†на пали позбивали. И постановили поляки, абы болше шести тысячеи казаков реестровых не было, и гетмана абы казаки себЂ не обирали, але кого имъ крол подасть, и полковники над козаками абы поляки были, а на Запорожье полками ходити на залогу, перестерегаючи, жебы якиї бунты з козаковь не починалися.

Року 1639-г гетманъ коронныи,/79зв./ пан краковскиї Кодакь⁴²⁹ ωсадил.

Року 1643-г ^М, ^Н—Н иануариа 1-г дня, преставился Петрь Могила, митрополитъ киевскиі, оборонца великиї и умножителъ православия. Похован в церкви великои Печерского манастыря. По его смерти зосталъ митрополитомъ Селиверстръ Косовь. ^430—Року 1648-г Богдан Хмелницкии зь Чигирина пошолъ на Запороже^—430 и зь татарскимъ мурзою Тогаи-беемъ сьприсягься противь полякомъ. Гетманове каронныи Потоцкии и Калиновскиї выслали комысара Шемберка з козаками реестровыми а с частю полского воиска Потоцкого, каштеляна, и сами за нимъ гетманове пошли. Гды пришли Потоцкии и Шемберко близко Запорожя, казаки /80/ реестровыи передалися и посполу сь Хмелницкимъ и зъ татарами стали против поляковь. Обачивши Потоцкиі и Шемберко, з полскимъ воискомъ почали уходити, але Хмелницкии з козаками и з ордою, догонивши ихь на Жовтых Водохъ, у Княжого Баираку, розбили и Шемберка зь иншими взяли в неволю, а Потоцкого, раненого^О, на Запорожье отослали, там же и умерлъ. Тое дЂялося в пость великиі.

Гетманове обадва коронныи, то послышавши, Чигиринъ выпаливши, уступили под Корсунь, стали противъ Стеблева за рекою Росью, тогды ж и Корсунь спалили. Хмелницкии з казаками и зь татарами за гетманами вьслЂд пошли, от Стеблева в мили розбили все воиско полское, обоих гетмановь коронныхъ и иншихъ немало панов /80зв./ татарове в неволю побрали после Вознесения Гсдня, которыи потомъ з неволи повыкуповывалися.

Тогды ж зараз кн̃зь ИеремЂяш Вышневецкии з воискомъ своимъ з-за ДнЂпря уступилъ и на сеи сторонЂ Днепра, под Прилукою, розгромилъ казаковь полку Уманского и иншихь. А Кривонось, полковникь Хмелницкого, пришовши в четыредесять тысячех козаковь до Полонного, где было много шляхты и люду посполитого, взялъ мЂсто Полонное, побил шляхту, которыі не могли утечи, и жидовъ великое мнозство выстиналъ. А кн̃зь Вишневецкиї пошолъ до полскихь мЂстъ.

Того жь часу полковникь Ганджа з немалым воискомъ казацкимъ пошол под Тилчинъ, в котором мЂсте вся шляхта воеводства Браславского была заперлася,/81/ и кн̃зь Четвертенскиї Іванъ з ними ж заперлъся. ^П—П Ганджа теды моцно Тылчина добывалъ. Шляхта зь Тылчана жадала примиря. Ганджа з ними примиря учинилъ, потребовал, еднакъ^Р, того, абы ему жидовъ выдано. И так шляхта выдала жидовь всЂх зь всею ихь маетностью. ^П—П Ганджа жидовь всЂхь казалъ выстинати, а маетъности ихь себЂ побралъ и отишолъ ωт Тилчина. После него рыхло другиі полковникъ Хмелницкого, Ωстапъ Иванскиі, пришол до Тилчина зь своимъ полкомъ, добылъ замку Тилчинского, шляхту, которая в томъ замку была, выбилъ, где и кн̃зь Четвертинскиї Иоань, православныи, был забитыи, а княгиню его до Умани взято в неволю. Хмелницкии потомъ рушился з воискомъ,/81зв./ стал на Паплинцахъ.

Того ж лЂта крол Владиславь в мЂсте литовскомъ, в^С Вилню, умерлъ. Послышавши Хмелницкиі о смерти короля Владислава, ревне плакалъ зь иншими своими, жалуючи такого монархи, бо кролъ ^431—Владиславь барзо былъ добротливыи Руси и зычливыи^—431.

Потомъ Хмелницкии, потягнувши з воискомъ, сталъ на Пилявцахъ. Противь его пришло все воиско полское, тысячеи з^С шездесять, з гетманомъ Фирлеемъ. Туды ж зь своими людми пошли и князевє Вишневецкии⁴³², и Домникь⁴³³, такьже и иншиі панове, и притиснули были козаковь, крЂпко на них напираючи такъ, ижь и утЂкати были иншиї почали. Але ижь реиментарове полскогω воиска, ФирлЂи и кн̃зи, также и иншиї панове, /82/ межи собою незгажалися, кожды свое гонячи, козаковь не звитяжили. До того приспЂли шесть тысячеи тотаровь Хмелницкому на помоч, от которых полякове^Т взявши языка о томь, же и самъ ханъ идетъ Хмелницкому на помочъ, обоз весь и скарбы свои покинувши, рементарове и панове розбЂглися, куды кто могль уходити, и все воиско полское за ними. Тамъ же барзо много скарбовь и людеи казаки и татарове набрали.

Оттол Хмелницкии и хан зь своими воисками потягли подо Лвовь. Идучи, много татарове мЂстъ и сел попустошили и^С палили, и людеи в неволю побрали. Подо Лвовомъ ставши, много барзо шкоды начинили, а лъвовяне сами перееднали Хмелницкого, давши ему много скарбу. Оттолъ пошол Хмелницкии зь ханом /82зв./ под Замостъе, всюды пустошачи і в неволю людеи татарскую беручи. Гды Замостья добывали, и замостьяне многимъ скарбомъ от Хмелницкого откупилися. А чаты козацкии тым часомъ и татарскиї ажь за Выслою попустошили. За тымъ зима надишла, теды Хмелницкиі и ханъ з великою барзо корыстью скарбовь повернулися додому.

ЯНЪ КАЗИМЕРЪ⁴³⁴

Року 1649-г Янь Казимерь, братъ родныї кроля Владислава, ωбранныи на королевство Полское, вышол зь кляштора, покиновши габитъ мнискиі, зосталъ укоронованныї /83/ кролемъ полскимъ и зараз почалъ на веснЂ высылати воиска полскиї противь Хмелницкогω. А Хмелницки, собравши свое воиско и татарское взявши на помочь, пошолъ до Полскои, притягнувши под Збаражь, споткалъ тамъ воиско полское^У з гетманомъ короннымъ. Тамъ же были кн̃зи Вышневецкиі и Доминикъ з великимъ воискомъ. Не давши поля козакомъ, поляки заперлися вь Збаражью, чатами выпадаючи, где ихь Хмелницкиї през шестъ недЂлъ добывал и там^Ф заперлъ, же ниωтколъ не могучи живности мЂти, Ђли иншиї стерво, и з голоду много умирало. Затымъ самъ кролъ Янь Казимирь з посполитымь рушенемъ притягь под Зборовъ. Тамъ ^435—татарове оскочили зараз короля^—435 так, /83зв./ же ледве вь Зборов ухватился, а обоз мало не вес татарове розгромили. ЗачЂмъ крол упоминалъ през послы Хмелницкого до покою и подданства, обЂцуючи все на жадане Хмелницкого учинити. Хмелницкии, упевненыи словомъ королевскимъ, покорне пришолъ до короля, поклонь отдалъ и покои учинилъ, где кролъ ему словомъ панскимь вшелякиї волности козакомъ и Руси всеи вь бл̃гочестиї ^Х—і в полномъ^—Х церемониі отправованю обЂцал, ^Ц—Ц такъже и церкви, ωт униатовь побравши, поотдавати бл̃гочестивымъ, и воискомъ полскимъ на УкраинЂ не указывати становискъ ани побытя. Тамъ же за выслугу татаромъ позволилъ кролъ много мЂстъ /84/ на Подолъю, которыї могли бы оборонитися, але казаки, вперед татар приходячи, кь мЂстамъ людеи упевняли покоемъ, а гды ихъ пускали в мЂста, за ними тотарове вьслЂд входили и людеи со всЂми скарбами брали в неволю. Горе! Горе!^Ч—Ч

Того жь року приЂхал до Киева светЂише патриарха иерусалимскиї Паисиї, до которого в Киевь приЂзжалъ гетман Хмелницкии. Тогды жь и Адамъ Киселъ на воеводство Киевское приЂхалъ до Киева.

Року 1650-г ^Ш—Ш Хмелницкиі, пославши сн̃а своего старшого Тимоша Хмелницкого з козацкимъ воискомъ и зь татарами, Волоскую землю всю попустошилъ, ^Щ—Щ у Василя, воеводы волоского, дочку за сн̃а своего /84зв./ старшого Тимоша в малженство.

Того ж року навеснЂ преосвещенныи митрополитъ Селиверстрь Косовь посветил в Кие†четырехь епископовь православных: Иосифа Чапьлича на епископию Луцкую, Иосифа Кононовича Горванского^Ю на епископию ^Я—Я Могилевскую, ^Ь—Ь Деонисия Балабана на епископию Холмъскую, в Николскомъ перше манастыоЂ его вь чернцы постригши, и Антония Виницкого на епископию Перемышльскую, в Печерскомъ монастырЂ его перше вь чернцы постригьши.

Року 1651-г гетман коронныи Калиновскиї, вышовши з неволи татарскои, пошол з воискомъ под мЂста Красно[е]^А, где был заперлъся Нечаи, полковникь брасловски[и]^А /85/ козацкии, взял мЂсто Красное. Тамъже и Нечая забито на Масленои недЂли. Ωттол пошолъ до ВЂницы. Тамъ в манастырЂ ВЂницкомъ заперлься быль Богунь, полковникь ^Б—Б паволоцкои, которого в постъ великии добывало воиско полское десятъ дн̃иі, где и Киселъ молодыи утонулъ в полонку^В. Хмелницкии прислал Богунови на ратунокь Демка, асавула, з воискомъ, для того гетманъ коронныи Калиновскиї, мостъ на Богу запаливши, ωтишолъ до Бару, а^Г ωттолъ далеи в Полщу.

Того ж року навеснЂ Хмелницкии зь ханомъ и з воискомъ казацким и татарскимъ пошол на Полскую землю. Под Берестечкомъ споткалъ его кролъ Казимер /85зв./ зь своимь полскимъ воискомъ. Тамъ стали казаки вь лядакомъ мЂстъцу на болотЂ, где ханъ з татарами Хмелницкого и козаковь отступилъ для того, ижь поляки на татар барзЂи натирали, нижь на казаков. Ωттол татаре розумЂли, же поляки сут на змо†з козаками, і такъ, Хмелницкого взявши зь собою, ханъ пошол назад през Украину додому. I тогды могль бы кролъ козаковь в болотахъ натопити и побити, але ласкою своею вьздержалъ^Д жолнЂровь, не казалъ за казаками гонити. Казаки сами, зътривожившися, утекли на Украину, все покинувши, и много ихь барзо в болотЂ потонуло, /86/ якь по мосту, по трупахь ихь ходили и иншиї, утЂкаючи. Тую рЂчку болотную называют Пляшава, а другую за милю от тое рЂчку болотную Ихву. И тамь без числа козаков потонуло.

З-под Берестечка кролъ с посполытымъ рушенемъ пошолъ до Полскои, а гетман коронныи Калиновскиі з воискомъ квартяным потягьлъ на Украину под БЂлую Церковь.

Тогды ж кн̃зь ИеремЂи Вышневецкии, захорЂвши у Паволочи, умерль. Хмелницкии зась з-под Берестечка пришол до Корсуня, почалъ знову збирати воиско, послал и по татарь. А тымъ часомъ самъ ^Е—Е другою женою оженился. К^Є нимъ гетманъ Калиновскиї з воискомъ полскимъ до БЂлои Цр̃кви натягнулъ.

Тымъ часомъ кн̃зь Радивил, гетманъ великиї литовскиї, и Гонсевскиї, гетман, полныи литовскиї, з воискомъ литовскимъ пришли под Киевъ. ^436—Антон, /86зв./ полковникь киівскиї^—436, з казаками почал былъ з Киева боронитися, але видячи не по своеи силЂ, уступилъ з Киева з казаками. А кн̃зь Родивил^Ж Золотыми воротами вьЂхаль в Киевъ, стоялъ самъ у Св̃тои Софиї. З манастыреи що ему подобалося — бралъ, тогды ж и Киева немалую часть спалили на ПодолЂ, и манастыр Братскиї увес, толко церкви и школы цЂлы застали.

^З—Тыхь часовь^—З Калиновскиї, гетманъ коронныи, з воиском под БЂлую Церковъ притягь^И и не^І добывал БЂлои Церкви, ^Ї—Ї ωт Киева окопалися. Зараз і Хмелницкии з воискомъ своимъ и з татарами под БЂлую Церковь пришол, где тамъ^Й стиснули воиско полское, ижь вперед живности имъ ниотколъ и^К конем не допустили, а потом и воду отняли. От посту Спасова до осени такъ змореныї, поляки /87/ учинили покои зь Хмелницкимъ. Позволил Хмелницкии воиску полскому на зиму становиско на Заднепрью, такъжє у воеводст†Браславскомъ от ТЂкича ажь до Днепра^Л. Поляки, будучи на становискахь, великиї, кривды людемъ и казакомъ и мордерства чинили.

Року 1652-г украинцы, не терпячи кривдь от воиска полского незносныхь, почали поляковь перше сами забивати по Заднепрью. Для того поляки з-за Днепра почали уходити воискомъ. З нихь многихь, переимаючи, козаки забивали. Того ж часу гетман коронныи Калиновскии з воискомъ короннымъ пошол за Богь и стал на БатозЂ. Послалъ до полку Уманского, яко до своих подданых, абы к нему ^М—обЂцали приити^—М. Тым часом /87зв./ дали Хмелницкому о томъ знати. Хмелницкиї зь своимъ воискомъ и з татарами полями невЂдома пошол, ^437—полкь уманскиі готовы с собою взялъ и, несподЂване напавши на воиско полскоє, все розбилъ^—437, там жє гетмана коронного Колиновского татарин един простыи, стявши голову, в торбЂ до Хмелницкого принесь. А сн̃ъ Калиновского, обозныи коронныи, утЂкаючи, на мосту у Бобновцы^Н обалился и утонулъ, и многих панов едных позабивали, а других татарове в неволю побрали. Зьпод того^О Хмелницкиі далеи в Полъскую ходилъ, где тотарове з казаками, много корысти набравши и много людеи в неволю побравши, отишли додому.

Того ж /88/ року морь великии былъ по всеи УкраинЂ от Сошествия св̃тго дх̃а аж до зимы великои.

Року 1653-г, ^П—П февраля 18^Р дн̃я, преставился Иосифь Кононовичь Горбанскиі^С, епископ бЂлорускии. Того ж року, апрЂля 22-г дн̃я, преставился Адамъ КисЂлъ, воевода киівскиї, в верЂ православныи. Того ж року Чарнецкии, воевода рускиї, з воискомъ полскимъ попустошилъ мЂста ВЂницу, Борщоговку, Погребища и Калникъ. Богунъ, полковникь, утеклъ до Манастырищъ, тамъ полкь уманскиі пришолъ на посылокъ. А Чернецкии, пришовши, мЂста Манастырщь добыл, полковника уманского Грозденка^Т забито^У, мЂсто самое спалилъ. Казаки вь замокъ ухватилися и иншиї /88зв./ люде, а иншиї погорЂли, и самъ Чернецкии для великого пожару з мЂста уступилъ. А тымъ часомь казаки и людеи^Ф вночи з замку поутекали, куды кто могль, замокъ пустыи оставивши. Того ж року ^438—под Жванцем ^Х—Х былъ вь облеженью и позволил ^Ц—Ц все козаком^—438, о що просили, и покои з ними учинилъ.

Року 1654-г ^Ч—Ч, генвария 5-г дн̃я, Богдан Хмелницкии, православному ^439—цр̃ю і великому кн̃зю АлеξЂю Михаиловичю^—439 поддавшися зь всею Украиною по обоихь сторонах Днепра, выконалъ присягу зь всею своею^Ш старшиною в церкви переясловскои, которои присяги Василеи Василевичъ Бутурлинъ, цр̃скиї боярин, /89/ слухал. Такьже и по всЂхь мЂстах козаки и мещане присягли цр̃ю на вЂчное подданство в церквах. ^Ш—Того ж часу татарове от Хмелницкого отступили, а зь поляками примире учинили^—Ш.

Того ж року, мс̃ца августа второго дн̃я, сл̃нце затмЂнниє было страшное, пред полуднемъ почалося, на годин три. Было сл̃нца такая частъ мала, якь мс̃ць на новю третияго дн̃я, и звЂзды на тои час в полудн̃ю, в есныи день были вЂдины.

Того ж лЂта московскиї воиска цр̃скиї побрали на БЂлои Руси мЂста Полоцкъ, Вытепскь, Невел, Мъстиславь, Оршу, Могилевь, Шкловь, Копысь, Минскь и иншиї. Самъ цр̃ь і великиі кн̃зь АлеξЂи Михаиловичъ, /89зв./ зь триста тысячєи воиска пришовши, взял Смоленскь, ωттолъ идучи до Вилня, иншиі побралъ мЂста. Гды пришолъ до Вилня, кн̃зь Родивилъ ⁴⁴⁰, великиї гетман литовскиі, з воискомъ своимъ з Вилня уступилъ, ^Щ—Щ а цр̃ь Вилну опановалъ. Тамъ много попустошили и скарбы великиі, и неволников без числа з Вилня и иншихъ мЂстъ литовскихъ до Москвы выпровадили.

Того ж року вьосени ^441—гетманове коронныи^—441 под Браславъль пришли з воискомъ, к нимъ жє и татарове поза Богомъ притягнули. Против ихь послал Хмелницкии наказного своего гетмана Томиленка з воискомъ казацкимъ. Тамъ же на першомъ потканю /90/ Томиленка поляки забили, воиско казацкое розбили, а полковникъ^Ю Зеленскии, браславскиї, Богун, вЂницкии, Голол^Я, поднЂстрьскии, и иншии з козаками поуходили до Умани.

Року 1655-г по Рождест†Хрстовомъ ^442—шли^Ь гетманове коронныи з великою силою своею под Уманъ^—442 из татарами, добывали ^А—А през три дн̃и всЂми силами, штурмами, арматами, гранатами, огнистыми кулями, которыми немало людеи в мЂсте забивали. Потом поляки взяли вЂдомость о Хмелницкомъ, ижь идетъ къ Уманю на отсЂчъ. Зоставивши Умань, пошли против Хмелницкого ^Б—Б з козаками и Шеремета, и Рамодановского з воискомъ московским немалымъ, которыи /90зв./ пришли^В зь Хмелницкимъ на поляковъ. ^443—Межь Ставищами и межи Охматовом, в полю, которое поле потом названо Дрожиполємъ^—443, бо тамъ много от морозов великих дрижало и померзало, осадивши Хмелницкого, не дали всему его воиску скупитися, бо в Буках тогло^Г пят полков до Хмелницкого, а вь Охмато†пЂхоты четыре тысячи. На томъ поли поляки четыре дн̃и потужне зь Хмелницкимь без престанку билися, а Хмелницкии, маючи москву на добромъ посилку, отпор потужне давал полякомъ и татаромъ, такъже и москва билася крЂпко. Потом Хмелницкии зь табором /91/ своимъ и з московскимъ рушил до Охматова. Ляхи крЂпко за ними зь татарами наступовали всЂми силами, але Хмелницкиї з москвою такиї имъ далъ отпор, ижь, ничого не вскуравши, поляки мусили отступити, а Хмелницкии, притягши до Охматова, нашолъ тамъ своеЂ пехоты четыре тысячи. Оттолъ до Буков пришовши, знашол своихь козаковь заднепрьских пят полков, на которых полковниковь барзо гнЂвался^Д , ижь до него не пробивалися. Там же и з Умани прибыло воиско. З тыми всЂми Хмелницкии хотЂлъ знову ити против поляков, але взявши вЂдомостъ, ижъ уже поляки назад пошли, воиска свои роспустивши на великиі пость на стоновиска.

Того ж /91зв./ року навеснЂ, собравши Хмелницкои воиско казацкоє, а з нимъ боярин цр̃скиї Василеи Василевичь Бутурлинъ з московскимъ воиском, пошли под Каменець. Стояли под Каменцем д†недЂли, хотячи его добыти, але, ничого не учинивши, ^444—пошли подω Лвовь^—444. Львовяне откупилися, много скарбу давши, и одержали покои. Оттолъ посылалъ Хмелницкиї Данила^Е Выговского з казаками, и москва з нимь, до Люблина, где доставши Люблина, великиї оттоль побрали скарбы. Тамъ же москва взяла и часть животворящаго древа Креста Гд̃ня. А Хмелницкии з Ботурлиномъ пошли къ Замостью и стояли под Замостъемъ четыре недЂли, хотячи его добывати, али из Замостья откупилися. /92/ Оттолъ чаты козацкиї и московскиї ходили ажь за Вислою, пустошачи и корысти великиї беручи. З-под Замостъя вь осени вернулся Хмелницкиї на зиму на Украину з москвою и з великими скарбами. ^445—Под ОзЂрною^—445 несподЂванє споткали ихь татарове и осадили были, але ихь козаки и москва отбили такъ, ижь, ничого не учинивши, отишли прочъ, еднакъ козаков много настинали и набрали в неволю тых, которыи, не смотрячи воиска, непорядне вперед спЂшили^Є додому, не чувши о татарахь. Тогды ж много московского воиска в дорозЂ померзло; снЂгом, запавши, бо уже зима была. И пришли^Ж в постъ /92зв./ пред Рождествомъ Хр̃стовымъ Хмелницкии до БЂлои Церкви, а Василеи Василевичъ Бутурлинъ з воискомъ царскимъ до Киева. Зароз захорЂлъ Бутурлинъ в Кие†и умерлъ.

Року 1656-г Хмелницкии почалъ зноситися ^446—з Ракоцимъ, кролемъ венгерскимъ^—446, такъже и з ^447—королемъ шведскимъ^—447. През послы Ракоцого затягал на кровство^З Полское, которыи обЂцал козакомъ много скарбу, волности и маетности. НавеснЂ послалъ Хмелницкии Антона, полковника киевского, наказнымъ гетманомъ з воискомъ казацким на помочъ Ракацому до одержанъя кролевства Полского. Гды пришол Ракоцыи /93/ зъ своими и з казацкими воисками, мЂста полскиі ему поддавалися, и самую Варшаву и Краковъ взял.

А крол Казимир, не могучи против Ракацого стати, отЂхал до чюжои земли. Крол тєжь шведскиї, тогды ж вышовши з воискомъ, побралъ мЂста полскиї, его кролевству прилегли Мардеборкь, Плоцкъ, Торунъ и иншиї, и своими осадилъ жолнЂрами. Такъ крол шведскиі и Ракоциі, ^И—И полскими поделившися^І мЂстами, Ракоцого многиї панове полскиї приняли за кроля и ему присягли, а крол шведскиї отишол додому.

Року 1657-г кролъ полскиї Казимеръ з чюжои земли повернулъ, ^Ї—Ї /93зв./ затягши такъже и Чєрнецкии, воевода рускиї, з воискомъ притягнулъ противъ Ракоцого. ^Й—И Рокациі^—Й зь своимъ воискомъ не могучи опертися, а звлаща, же и Антонъ з козаками почали уходити на Украину, и Ракоцыи з ними жь уступовал з Полщи до Украины, бо от Венгеръ воиско полскоє ему заступило дорогу. И такъ под Межибожемъ полское воиско догнало Ракоцого, и татаре полякомъ приспЂли на помочь, козаки утекли ωт Ракоцого додому, а Ракоцыи самъ почал з поляками о покои трактовати.

Поляки, любо уже в рукахь мели Ракоцого, еднакъ зь людскости своги учинили з ним примире и ледве самого Ракоцого умъчали до Венгерь, /94/ же его татаре не ухватили, за нимъ гонячихся^К. Але воиско Ракоцого з таборомъ и гетмана его татаре розобрали. Антонъ, наказныи козацкии гетманъ, от Ракоцов^Л ушовши, приЂхалъ до Хмелницкого, засталъ его хорого, и новиною о Ракоцомъ недоброю, и своимъ от него ухоженемъ причинилъ Хмелницкому хоробы.

И такъ ^448—Богданъ Хмелницкии того ж року 1657-г, мс̃ца июля, умерль^—418, и поховань в суботу^М, мс̃ца августа 22-г дн̃я.

Того ж року, апрЂля 27-г дн̃я, преставился Селиверстрь Косовь, митрополит киевскии, и похованъ в це̃ркви катедранои Св̃тои Софиї в КиевЂ.

По смерти Богдана Хмелницкого /94зв./ зараз обрали ^Н—Н сн̃а его молодшого на гетманство, Юрья Хмелницкого, але ωн, молодыи будучи, уступилъ гетманства писару воисковому енаралному Иωанну Выговскому, и зосталъ Иоаннъ Виговскиї гетманомъ.

Року 1658-г, мс̃ца генваря, зосталъ митрополитомъ киевскимъ Дионисиі Болабанъ, и того ж року навеснЂ поЂхалъ з Киева до Чигирина, и до своеи смерти уже не бывалъ в КиевЂ. Того ж року о Сошествиї св̃тго дх̃а ходилъ Іван Выговскиї, гетман, кь Пулта†на ^О—О Пушкаря, полковника пултавского, которыи его не хотЂл мЂти за гетмана, ^449—збил Пушкарево воиско^—449 и самого Пушкаря забилъ.

Того ж року, ^П—П августа 22-г, /95/ поднесли Виговскиі руку на ^Р—цр̃я. Приходил Даниилъ Выговскиї з татарами под Кіевъ, сталъ на Николкои горЂ, а киевскии полкь козацкии на Шковицы^—Р. Але его воеводы киевскиї и^С царскиї Василеи Борисовичъ Шереметов, кн̃зь Юрьи Борятинскои и Иван Чаадаевъ розбили, самъ ледве^Т Выговскиї утеклъ чалномъ в однои сукни. Много козаков, утекаючи, вь Днепрь и в ПочаинЂ потонуло. Тогды ж и^С Киевь мало не весь спаленъ. ^У—У Потомъ ^Ф—Ф приходилъ и^С самъ гетманъ Иоань Выговскии зь своими ^Х—Х полками и зь татарами под Киевъ, а ничого не учинивши, поеднался з воеводами цр̃скими киевскими и отишолъ. /95зв./

^Ц—Року 1659-г, мс̃ца маия, Іван Виговскиі, гетманъ, послал Гуляницкого против москвЂ. Кн̃зь Трубецкии с царскимъ воискомъ ^450—облегли его в КонатопЂ^—450. Тогды ж потаемне затягь Выговскиі хана з татарами и пошолъ под Конотопъ.

Тамъ же воиска московскиє, не сподЂваючися татаровъ, вышли ко Мылникомь з табору, а татарове, долинами зашовши, разомъ, з козацкимъ воискомъ несподЂване ударили на мовское воиско^—Ц. Где ^Ч—Ч много и^Ш москвы побили, и в неволю ^Щ—Щ значных побрали татарове. А иншое воиско московское ^Ю—Ю оборонную рукою ^Я—Я увышло до Путивля.

^Ш—Того ж часу приЂзжалъ до Гадячого Беневскии /96/ от короля Кизимера, намовляючи гетмана Иоанна Выговского з козаками, абы, отступивши от цр̃я, жили под королемъ.

И обЂцал именем кролевскимъ вшелякиі волности такъ духовнымъ, такъ и свЂцкимъ, в вЂрЂ рускои будучимъ, яких потребовалъ з воискомъ Выговскиї. На що все потомъ кролъ зь сенаторами и присягь. А ^451—Выговскиї обЂцал з воискомъ подрол кемъ быти^—451, але потомъ тое от кроля не сталося козаком^—Ш.

Того ж року, августа 7-г дн̃я, ωтступили Выговского Иоанна, гетмана, перше полки заднепрьские козацкиї, не хотячи з Выговским полякомъ поддаватися, але под цр̃емъ /96зв./ московскимъ хотячи жити, яко под ^Ь—Ь православнымъ. Побили ляховь на стоновисках, за Днепромъ будучих, перше в ^А—А Переясловлю, потомъ в НЂжинЂ і в ЧернЂговЂ. В тои жє чась ^Б—Б Немирича забили. Тогды ж пошол Юриї Хмелницкиї з Даниломъ Выговскимъ, швагромъ своимъ, у воиско ку Фастову. Послышавши ω томъ, ^В—на его повьстаню козаковь Иоань Выговскиї, гетманъ^—В, пошол з Чигрина за Хмелницким. И гды зышлося воиско под Хвастовомъ, мЂстечком^Г , ^Д—Д сентябрия 10-г дн̃я, взяли козаки гетманство и булаву у Иωана Выговского и обрали себЂ за гетмана Юрия Хмелницкого молодого. Выговскиї Иоанъ ушол до Ляховъ, /97/ за нимъ пошол былъ и Даниилъ Выговскиї, але его в ЛысянцЂ козаки ухватили и моск†отдали. ^Е— Проваженыи^—Е до цр̃я, умерлъ на дорозЂ.

Тымъ часомъ є—є Безпалыі, гетманомъ казацкимъ отозвавшися, зоставалъ ^Ж—Ж при кн̃зю ^З—З Трубецкомъ, которыи ^И—И под Конотопомъ былъ ^І— над воискомь московскимъ гетманъ^—І.

Казаки тежъ заднЂпръскии, гды ляховь на ЗаднЂпрью побили, писали до кн̃зя Трубецкого, особливе ^Ї—Ї Цюцара^Й, полковникъ переясловскиї, абы скорЂи до нихъ поспешил и знову ихь принял под цр̃скую руку.

И такъ кн̃зь АлеξЂи Никитичъ Трубецкиї з воискомъ цр̃скимъ приЂхал до Переясловля⁴⁵². ^К—К При цр̃ю православном /97зв./ верно жити обЂцуючи, тамъ же все воиско згодне^І обоихь сторонъ Днепра ωбрали и утвердили гетманомъ Юрья Хмелницкого за позволениемъ кн̃зя Трубецкого.

Року 1660-г, мс̃ца августа 7-г дн̃я, Василеи Борисовичъ Шереметов, бояринъ і воевода киевъскии, з воискомъ московским поряднымъ зь Киева и Юриі Хмелницкии з воискомъ казацкимъ зь Чигирина пошли противъ поляковъ. Пришол Шереметъ под Любаръ, а Хмелницкии под Слободища. Тамъ же не дали Хмелницкому и козакомъ з воискомъ Шереметовым зыитися ляхи и татаре, осадили // Шеремета под Любаремъ ⁴⁵³, 35 милъ от Киева, а Юрья Хмелницкого под Слободищами. До Хмелницкого уломилися ляхи до табору и армату были опановали. Казаки почали утЂкати, а гды обачили, ижь татаре дорогу имъ заступили, застоновилися. Имъ^Л поправившися, ляхов з табору своего выбили и армату свою отняли, короговь усарскую кролевскую збили. Там жє былъ з ляхами и^І Иоань Выговскиї. Затым поляки і Выговскиї козаков почали до примирья зь собою и до голдованя крюлю призывати. Хмелницкии не хотЂл, але козаки на Хмелницкого крикънули, жебы змирил. ^М—І такь Хмелницкии змирилъ^—М и кролю поддался. /98зв./ И Шеремет оборонною рукою з-под Любара назадъ ишол под Чюдновь. Тамъ же знову ляхи, козаки и татаре облегли Шеремета з воискомъ цр̃ским и з полками заднепрьскими, и зь киевским. Тамъ ^Н—Н през три нд̃ли, гды были вь облеженью, ^О—О Цюцюра, полковникъ переясловскиї козацкии^М, зъ тремя полками козацкими ляхом передался. ^П—П Шереметъ, же не мЂлъ уже корму, почалъ трактовати з поляками. ^Р—Р Ради^М поляке, обЂцали Шеремета вцЂле^С з воискомъ назад одправодити, риштунки побравши под присягою. За що гды татаре на ляхов розгнЂвалися, не додержавши^Ш поляки слова, Шеремета з воискомъ его выдали татаромъ, /99/ а инших началных межи себе разобрали, Шеремета зь иншими татаре до Крыму попровадили.

Наступила затымъ зима. Хмелницкии полякомъ подавал становиска по сеи сторонЂ Днепра, ажь до Днестра. И хотяи же поляки не толко людемъ простымъ, але и козакомъ чинили мордерства, не дбалъ о тое Хмелницкиї, гнЂваючися за тое, же не хотЂли з поляками битися под Слободищами, але кричали передатися, бо если бы Хмелницкии зышолся был з Шереметом, то мЂли поляки з татарами назад уступати. В тои чась, гды Юрии Хмелницкиї з казаками ляхомъ предался, выдавши Шеремета, ^454—Иоаким Самко, Юрия Хмелницкого дядко^—454, его ж гетман /99зв./ наказныи, зоставлены на Заднепрью, не улюбивши того^У, што полякомъ казаки передалися, задержалъ под цр̃скою державою воиско заднепрьское. Року 1661-г въосени Юриї Хмелницкиі зъ своими казаками и з^У ханом крымскимъ ходилъ на Самка под Переясловлъ. Стояли до зимы и ничого не учинивши, толко много попустошила орда і в неволю побрала, такъ знову ^Ф—Ф ωтишли.

Року 1662-г Юриї Хмелницкиї з козаками и з ляхами пошол за Днепръ под Переясловлъ, добывалъ Переясловля, а послышавши, ижь кн̃зь Рамодановскиї з московскимъ идетъ воискомъ, отступилъ от Переясловля. /100/ Сталъ протива Канева кн̃зь Рамодановскиї з воискомъ своимъ, притягши из Самъкомъ, гетманомъ заднепрьскимъ, ^455—розбили Хмелницкого^—455, побили немало казаков, у Днепръ нагнали, и иншиї казаки многиї потонули. ^Х—Х Хмелницкии зь старшиною чолнами попереплывали^Ц, всего отбЂгши, и ляхи з ними жь. ДЂялося тое мсца июля 23 дн̃я, ляхов в Кане†и инде свои ж казаки немало позабивали. Московскиі воиска и казацкиі заднепрьскиі зараз перешли ^Ч—Чна сеи бокьДнепра, але Хмелницкии, побЂгьши до Чорного лЂса и нашовши ^Ш—Ш готовыхь татар, з татарами и зь своими козаками знову москву перестрашивь на тую сторону Днепра. ^Щ—Щ Ввосени /100зв./ Юриі Хмелницкии приходилъ под Межигорскии манастыр з татарами. И Киева не зачипаючи, у ВышгородЂ церковь розобравши, на деревЂ^Ю и на образахь, за Днепрь перевозилися татарове, и по Заднепрью^Я около ^Ь—Ь НЂжина, и инде повоевавши, ^А—А вернулися. Тогды ж татарин един приплылъ на образЂ Пресвятои Бд̃цы до Киева, любо и не хотЂлъ, а много ихъ и въ ДнепрЂ потонуло. И в Кириловскомъ^Б мн̃стрЂ того ж часу церковъ спалена, и кЂлиї зь трапезою от тотарь попалены. ^456—Року 1663-г Юриї Хмелницкиї, здавши зъ себе гетманство, постригься у чернцы^—456 в монастырЂ ИръдЂнскомъ от Деонисия Балабана, митрополита киевского. А на его мЂстъце /100(а)/ обранныи, Павел Тетера зостал гетманом козацкимъ чигиринскимъ.

Того жь року, ^В—В маия 8-г, преставился Дионисиї Балабан, митрополитъ киевскиї. ^Г—Г Того ж лЂта зъЂхалися епископове до Корсуня на обране митрополита: Гедеωн кн̃зь Четвертенскиї, епископъ луцкиї, Антониі Виницкии, епископъ перемыслъскиї, Иосифь Тукалскиі, епископъ белорускиї, и Адамъ Жилиборскиї, обранныи на епископию Лъвовскую, которыї там же постриженъ в чернцы, Афонасиемъ названныи, і посвещенныі засталъ ^Д— на епископию Лъвовскую^—Д. На том саборЂ вь выбраню митрополита /100(а)зв./ стала незгода. Епископове обрали митрополитомъ Антония Виницкого, епископа перемьсльского, а иншиї духовныи и гетманъ запорозскиї з воискомъ и з посполствомъ обрали Иосифа Тукалского, епископа белоруского. И такъ розЂхалися в незгодЂ. Але потом и епископове приизволили^Е и^Є на Исифа Тукалского, и за его якъ за митрополита Бг̃а просили.

Того ж року, мсца июня, Іван Брюховецкии, вышовши з Запорожья з козаками запорожскими до НЂжина, тамъ за грамотою цр̃скою учинили раду ⁴⁵⁷ обирати гетмана. Прислалъ цр̃ь АлеξЂи Михаиловичь своего околничегω, кн̃зя Данила Великого-Гагина^Ж. Прибыл, ^З—З /101/ а городу не взявши, вернулися. Потом пришол король под Глуховъ и четыре недЂли моцно Глухова гранатами, подкопами и штурмами розне добывалъ. Але не добывши и много воиска потративши, вернулся з великою шкодою на краи Литовскиї, боячися воискъ цр̃ских, которыі, потужныи, близко наступовали. МЂста тежь заднепрьскиі, залогь кролевскихъ повыбивавши, всЂ знову под цр̃ьскую подгорнулися руку

^460—Року 1664-г Сулимъка ^И—460, казакъ^І з Торговицы, вышол, назвался торговицкимъ полковникомъ и почал урядников и старостъ панскихь забивати. Тымъ часом перевезся зь-за Днепра Маховскиї и Тетера, гетман козацкиї, которыї з королемъ ходили. За ними зараз Чарнецкиї, Маховскиі з Тетерою /101зв./ розбили Сулимково воиско. Самого Сулимку, поимавши, стратили, и козаков его до пятисотъ и болеи наимавши, перед БЂлою Церковью постинали. Тогды ж ^Ї—Ї Иоанна ^461—Выговского, воеводу киевского, за варту взявши, тои же Маховскиі и Тетера казали у Олховцу^Й розстреляти^—461 для того, иж не ишол за королемъ на ЗаднепрЂе, але стоялъ у Фасто†и якобы СулимъцЂ до бунтовь своею порадою и писмами помагал. ^462—Чарнецкии засъ, перевезшися з-за Днепра, в БЂлои Церкви, в ЧЂркасах и в Корсуню многих людеи, и около БЂлои Церкви, и около Умани, около Черкасъ, около Становищъ^К и инде погубилъ. Становищ мЂста крЂпко добывалъ, там же и пострЂлень под Становищами^—462, у БЂлои Церкви /102/ умерль. ТЂло его по^Л Полскои поправоженю^М, а на его мЂстце Яблоновского^{Н 463} воеводою рускимъ и полнымъ гетманомъ учинено. Тогды ж Иосифа Тукалского, митрополита киевского, ^О—такжє Хмелницкого^—О и ^П—П Гуляницкого взято до Маборку^Р, потомь выпущено. Яблоновскии гды пришоль до БЂлои Цр̃к†з воискомь, Івань Бруховецкии, гетман заднЂпрскии, з ^С—цр̃скими людми^—С и з козаками, и з кольмыками ходил противь Яблоновского, воеводы руского, з кокотырым^Т гды воину сточилъ, и упустилъ^У он до Полскои.

Року 1665 Іван Броховецкии Ђздил ^Ф—Ф до ^Х—Хцря АлеξЂя Михаиловича. Цр̃ь ему милость свою великою оказалъ, дал ему за жену ^Ц—Ц Дарию, племенницу /102зв./ кн̃зя Юрия Долгорукого, з скарбомь великимь и учиниль ево бояриномь, то есть сенаторомь.

Того ж року, гды ωтишиль^Ч Тетера до Полского^Ш и^О покинувши гетманство козацкое, козаки обрали себе за гетмана Опару, асавула. Тои недолго былъ гетманомъ, затягнулъ на поляков татарь, з татарами зишолся Опара под Лисянкою и, з ними трактуючи о воинЂ на ляховъ, старшому мурзЂ Каманбету штос прикрое ωтказал. Тот мурза, розгнивавшися, отдаль Опару полякомъ, а гетманомъ Петра Дорошенка наставил. ОпарЂ крол /103/ Казимерь казал голову оттяти.

Року 1666 Маховскии з воискомъ полскимъ вышоль на Украину. Дорошенка, гетман козацкии, з своимъ воискомъ противь^Щ противь его пришоль до Умани, и татар себЂ на помочь затягнувши. Оттоль татаре з козаками побЂгши, за Виницею под Браиловомь полское воиско розгромили, самаго Махавского живцемъ взяли и инших много пограбили^Ю шляхты и шляхтянок з каретами и з гридванами^Я, котрыи Ђхали до костеловъ на празникь свои Рожества Хрства, не чуючи, не сподиваючися такого погрому. Тое справивши, /103зв./ ^Ь—Ь Дорошенко роспустилъ воиска казацкиі додому и^А самъ вернулся до Чигрина. А татаре з великимъ полономъ и з коросю^Б вернулися в свою землю.

Року 1668 Иоаннь Бруховецкиі, гетман заднЂпрски козацкиі, под цр̃мъ православнымъ застаючи, не паметаючи на великиі цр̃скиі добродЂиство^В, умислилъ татарскому хану поддатися, цр̃ских воевод, по мЂстах заднЂпрских зостаючихъ, и иншихь позабивалъ, инниших^Г в нЂволю побралъ, и затягь себЂ на помоч шесть тысячеи татарь. В тои же час Петрь Дорошенка^Д , гетманъ /104/ чигиринскиі, пошоль з своими противь Бруховецкого. З нимъ и татаре, от Бруховецкого затягненныи, на змове зостали. Бруховецкиі, обезпечившися на татар, гды з Гадячего вывхалъ, ^464—от своих же выданныи Дорошенку, забитыи зосталь^—464. ТЂло его нагω^Е на драбчастомъ^Є возЂ, сьномъ прикритое, привезвно в Гадячъ и там поховано. А жону его и скарбы взял Дорошенко, гетман чигиринскии, до Чигрина. Тогды жъ еп̃спа Мефтодия^Ж і ^465—Василия Дворецкого до Чигрина в неволю взято^—465, котрыи Бруховецкого сторону держали. /104зв./

Того ж року Петрь СуховЂи, оттозвавшися гетманом, вышолъ з Запорожья з козаками запорожскими и з татарами на ^З—З Дорошенка, пустошачи около Чигирина и инде. Дорошенку еднакъ ничого не учинивши, толко татар полономъ и корыстью з людеи невинных обагативши, назадъ отишолъ.

Того ж року, декабрия 6-г, ^466—послал Дорошенко, гетманъ чигиринскиї, пословь своих до цесара турецкого^—466, офЂруючи свою зычливост ему, а просячи, абы ханъ помочи не давалъ запорожцомъ на Дорошенка. От цесаря турецкого року 1669-г з козацкими^И послами приЂхали. Турки, ласку цесарскую Дорошенку осветчаючи, дали ему от цасаря подарки: кафтан и иные. А Дарошенко, принявши тые подарки, целиком поддался /105/ самъ и всю сторону сию Днепра, почавши от Чигирина ажь до Днестра, в вЂчное подданство цесареви турецкому, и от цесаря принялъ санджаки^І албо привиля.

Того ж року СуховЂи^И знову з татарами и з запорожсцами вышолъ на Дорошенка и, пришовши ку Уманю а Михаила Ханенка обравши гетманом, почали воеватъ на Дорошенка. Але татаре гды обачили ^Й—Й и турки с пашею силистрЂискимъ на помочъ от цесаря турецкого, зараз от Ханенка и от СуховЂя утекли вь свою землю Ханенко тежь и СуховЂи на Запороже побЂгли. Тогды ж и ^467—Юрия, бывшого гетмана, чернца Гедиона Хмелницкого, зь Умани Ђдучого до Киева, татаре в неволю взяли^—467.

Року 1670-г /105зв./ корол Казимирь кролевство зь себе зложил. Того ж року примас Пражмовскиї и Речь Поспалитая прислали Дорошенкови, гетману, клеиноти Воиска Запорожского, которыи Тетера былъ завез до Полскои: булаву, корогов и бунчукъ, призываючи его до подданства ку КоронЂ. Але Дорошенко принялъ клеиноты, лечъ от цесаря турецкого отступити не хотЂл.

Того ж року вся Речь Посполитая обрали королемъ Михаила Корибута Вешневецкого на королевство Полское, и застал укаронованныи на кролевство мсца сентябрия. Але примас и иншиї великиі сонаторове не хотЂли Михаила Вышневецкого за кроля мЂти, для того и в незгодЂ з королемъ мешкали ^К—К /106зв./

Тыми жь часами на тамътои сторонЂ Днепра, под цр̃емъ православнымъ АлеξЂемъ Михаиловичом зостаючи козаками^Л, маючи себЂ старшихъ от Дорошенка по забитъю ^М—М Брюховецкого, воевалися з воисками царскими.

А гды кн̃зъ Григореи Григоревичъ Рамодановскои пришол под ЧернЂговъ и добывал его крЂпкω, а градилъ^Н козокомъ^О, абы, не проливаючи крови своеи и^П ведлугь своеи присяги, держалися цр̃я правословнаго, призволили на тое козаки, обрали себЂ за гетмана Демена Игнатовича МногогрЂшного, которого имъ цр̃ь потвердилъ. И далъ великои волности, и з всеи Украины доходы гетману /106зв./ и казакомъ поступилъ, толко абы цр̃ю вЂрнЂ якъ присягли, ^Р—такъ служили^—Р. О^С того часу ^Т—Т спокоине казаки под цр̃скою рукою.

Року 1672 ^468—гетмана Демяна, старших^—У, при боку его застаючи^Ф, окававши, отвезли на Москву^—468, здраду^Х на немъ показаваючи противъ цр̃кого маестату. И за позволнемъ^Ц семъ^Ч цр̃скимъ обрали себЂ за гетмана Иоана Самославовича^Ш, бышего^Щ судиею енералного воискового.

З Запорожя зас року 1670 Михаила Ханенко послал своих пословь до кроля Михаила, поддоючися кролю, /107/ а не турчину. Тыи послы, бавившися чрез все лЂто вь Варшаве, привезли вь осени от кроля Михаила Ханенкови на Запорожье булаву, бунчукъ и короговь, и привеле на гетманство.

Року 1671 вышоль гетман кролевскиі Ханенко з Запорожя на Забоже, которому Уман и Браславьское воіводство поддалося. Пришла к нему и полского воиска час^Ю на помочь противь^Я Дорошенкови. Которие воиска всЂ лЂтовали и зымавали вь воедстве^Ь Браславскомъ. А Дорошенко тым часомъ часто посылал до цесаря /107зв./ турецкого, просячи о силы на поляков. Цесаръ послал Дорошенку татарь.

^А—А потомъ, року 1672^—А, довЂдовшися цесарь турецкии о незгоде сенаторов многих з корелемъ^Б полскимъ и о малои силЂ кролевскои, несподеване з великими воисками турецкими прислал под Каменець-Подолскии визяр[а]^В своего, з нимъ и хана татарского со всею его потугою. За ними и сам цесарь пришол под Каменець. Хан[ен]ко^Г з поляками уступил до Полскои, а Дорошонко^Д з своимъ воискомъ пришол до цесера. Под Каменецъ пришовши, /108/ турецкиї и татарскиї воиска девят днеи ден и ночъ штурмовали такъ, же тыи, котрыи были старшиі в Каменцу, были^Е здали туркомъ Каменецъ мсца августа 18-г дн̃я, бо не было кому боронити. До того нЂмец старшиі каменецкиі запалил порохи, от которых мури падалися, и для того здалися. А гдыбы в Каменцу воиска было с потребу и згода^Є, ^Ж—Ж певне бы не добыли того моцного и недобытаго мЂста, бо яко Каменецъ мЂсто старовЂчное и от Бг̃а укрунтованое естъ. ^З—З През всЂ вЂки ани турки, ани Батиї, которыи былъ Рускую и Полскую всю земли до грунту попустошил, Каменецъ не добыл, ани иншии /108зв./ жаден неприятел а якъ есть барзо оборонное мЂсто Каменецъ, такъ его Стрииковскиї описуетъ, которыи самъ былъ в Каменцу. «Замокъ,— мовитъ,— и мЂсто славное Каменецъ, от каменнои скалы названыи, лежитъ от ХотЂиня, замку волоскогω пограничного, и от Днестра, реки, д†мили, в ровненЂ пенкнои. Праве башта коронная, рукою Бж̃иею збудованая, гдыбысмо еЂ стеречи, а малымъ коштомъ оправляти хотЂли. Вколо^И его естъ перекопь приражонныи ^і—і барзо, а^Ї прикрои глубоки, през которыи Смотричъ, река, плывучи, мЂсто обливаетъ зъ обоихь зас сторон. Вколо скалы каменистыи барзо прикриї, якъ утесанныи, /109/ перекопь, реку и мЂсто оточиваютъ, а от поля ровного шероким протягомъ отлучаваютъ, ижь гды з поля и перекопъ до реки посмотришъ, видится, якь пропастъ з перекопу зас кь скалЂ каменнои, на которои посерединЂ мЂсто лежитъ. Приступъ барзо трудныи, прикрыи и на позрЂнъю неподобныи, ^Й—Й бо сказы^К каменныи, якъ д†стенЂ утесаныи, и з верху на долъ, и з долу наверхь сутъ вынеслыи. Една башта от замъку през мость до мЂста, а другая до реки Смотрячи в перекопъ, там же в перекопЂ на рецЂ сут башты межи скалами змурованы. Замокъ /109зв./ тежь от мЂста отлученыи баштами и мурами, не наигорЂи обварованныи, але мЂсто самое в лЂпшомъ мостъцу^Л...»

Попередня     Головна     Наступна