Попередня     Головна     Наступна





РУМ’ЯНЦЕВСЬКИЙ ЛІТОПИС


Опис рукопису



За кроиники Великаго княжества Литовского и Жомоитскаго


Зачалося есть от воплощениа сына божия от духа святаго из благословеныя дЂвицы от начала сотворения свЂта лЂта пятьтысящнаго пятьсотнаго 26-го. Одного часу панство Римское было под цысарем Августом, которыи же не толко одному \л.12об.\ Риму, но и всему свЂту пановал. Яко ж выше писано, часу цесарства Августова сын божии воплотился, a часу Тивирия цесаря, втораго по Августе, на крестЂ волную муку принял для избавления и откупения рода человЂческаго. За которого ж Тивирия вси речи и пророчества пополнивши, по востании из мертвых вознесеся на небо и сЂл одесную бога отца, отколя же дня суднаго имать приити судити живым и мертвым и воздати комуждо по дЂлом его. И по смерти Тивирия царя был цесарем Гаиос, а по ГаиосЂ Клавдеи, а по КлавдЂи царствовал сын \л.13.\ его Нерон, которыи ж Нерон был пан окрутныи a неуставичныи, властную матерь свою и доктора своего навыщшего Сенику без кождое причины к смерти приправил, и неколко крат мЂсто Римское казал запалити, a не для иншого, толко для того, иже бы ся тому дивовал, a потелу А мел. И княжатом, и паном рымским, и шляхте, и всему посполству кривды и втиски великии чинил, для чого ж всякии подданыи его, для великого окрутинства и неуставичности его, не был нихто пЂвен a ни безпечон не толко именеи або скарбов, але и здоровя своего. A так \л.13об.\ многии, отпускаючи имЂня и скарбы свои, утекали до размаитых земель, наслЂдуючи справедливого покою.

ГдЂ ж одно княже римское именем Палемон, которыи же был цесарю Нерону кровныи, забрался з женою и з детми своими, и поддаными своими, и скарбы своими, c которым же княжатем пятьсот шляхты, также з женами и з дЂтми и многими силами. И вземши c собою одного остронома, и пошли в кораблех морем по заходу слонца, хотячи собЂ наити на земли мЂстцо слушное, гдЂ бы ся имЂли поселить a мешкати c покоем. \л.14.\ A c тыми шляхты были четыре рожаи, наивышшии имены имЂли: c Китаврус Давепрункг, a c Колюмнув Прешпор, a з Русин Иульянус, a з Рож Ектор. A так оныи немалыи час по морю ходячи, пришли Межиземскаго моря и дошли до реки до Шумы, тою рекою Шумою в море окиян и морем окияном дошли до устия, гдЂрека Немон упадывает в море окиян. Потом пошли рекою Немном вверх, аже море, зовомое Малое, которое называется море Немновое, a c тое причины етое морЂ Немновое называется, иж в то море Немон впадает \л.14об.\ дванадесятма устьи, a кождое зовется особным именем, межи которыми дванатцетма устьи одно зовется устье именем Скилия. И пошли тым устьем вверх, и дошли цЂлаго Немна, гдЂ ужо он сам весь в одном мЂстцы то Б есть Б, и верх Немна дошли до реки Дубисы, гдЂ ж вшедши в тую реку Дубису, и над нею нашли горы высокии, и на оных горах ровнины великии, дубровы роскошныи и розмаитыи офитости наполнено, звЂреи розного рожаю, то кть В, напервеи туров, зубрев, лосеи, оленеи, серн, рысеи, куниц, лисиц, бЂлок, горностаев и иных \л.15.\ розмаитых рожаев. И тут же в реках великои офитости рыб непосполитых, иже не толко тыи рыбы, которыи ся в тых реках плодят, але множество рыб розмаитых и дивных приходят из моря за тою причиною, иж недалеко устье Немновое, гдЂ Немон в море впадывает. Над которыми ж рЂками, над Дубисою и над Немном, и над Юрою, там ся поселили и почали розмноживати, и оное мешканье над тыми рЂками велми им сподобалося, и назвали тую землю Жомоитыю.



А Так в рукописи; в P потеху Б—Б в к течеть весь В Так в рукописи; в P ест






О княжати Палемоне и o трех сынЂх его \л.15об.\


Князь Палемон уродил трех сынов: старшии Борк, 2-и Кунас, 3-и Истра. СтарЂишии же сын, Борк, учинил город на рецЂ Юре, и зложено имя того княжати поспол c рекою, иже имя рецЂ Юря, a княжати Борк, и назвал тот замок Юрборк. A середнии сын, Кунас, пришод на усть реки Невяжи, гдЂ она впадывает в Немон, и тут учинил город и назвал его именем своим Куносов город. A третеи сын, Спера, пошол далеи в пущу ко всходу солнца и, перешодши реку Невяжу и реку Светую и третюю рЂку Ширвинту, нашол озеро, луками и c розмаитым древом укра\л.16.\шено, \194\ гдЂ ж возлюбивши, и над тым озером поселился, и то озеро именем своим назвал, Спера. И пановал много лЂт и был ласков подданым своим и потом умер бес плоду. И подданыи его, милуючи ВВ его, и подлЂ рымскаго обычая учинили болвана и назвали Спера, на память его. И потом оныи люди, мешкаючи около его, и почали ему оферы чинити и за бога его имЂти. Потом, коли тот болван сказился, и они то озеро и мЂсто ховали, и мЂли за бога. И по нем межи собото господаря не имЂли и мешкали без пана.




О княжати Борку и o брате его КуносЂ \л.16об.\


По малых часЂх умре брат его, которыи мешкал на Юрборку, не имЂючи дЂтеи, и брат его Кунос возмет и тую часть брата своего Борка и город Юрборк, и в тои части его будет пановати. И онои княжа Кунос имЂл двух сынов, одного Кернуса, a другаго Кгинбутья. И пануючи ему в земли Жомоитскои, почал ся множити и разширяти и выходити на реку Велию, в землю Завелскую. И прошедши рЂку Светую. вышел и нашел мЂстцо велми хорошо, и сподобалося ему то мЂстцо велми, и он там поселил сына своего Кернуса, и назвалося то мЂстцо по Керну\л.17.\се Керново, a потом Кунос умре. И по нем почнет сын его Кернус пановати на всеи земли Завелскои по границу Латыгонъскую и по Завелскии Браславль, аже по реку Двину. A брат его Кгинбут на Юрборку и на Куносове, и на всеи земли Жомоитскои. A в тот час, гдЂ Кернус пановал на Завелскои сторонЂ, людие тыи его, што за Велею осЂли, игрывали на трубах дубасных, и прозвал тот Кернус берег своим языком власным, по-латыне, литус, гдЂ ся люди его множат, a трубы, што на них играют, туба. И дал имя тым людем своим \л.17об.\ языком по-латыне, сложивше берег c тробою Г: Литусба. И простыи люди не велели Д звати по-латыне и почали звати просто Литвою, и от того часу почалося звати панство Литовское и множити от Жомоити. Князь великии Кернус пановал на ЛитвЂ, a князь Кгинбут на Жомоити, и не малыи час пановали межи собою во упокои. И князь Керънус не имЂл сынов, толко одну дочку, именем Паяту. И будучи он в старости своеи и не хотячи панства своего от дочки своее отдалити, и принял до нее и зятем своим собЂ учинил c Китавруса именем \л.18.\ своим Кгируса, сына Довспрунскова з Дявилтова, и сам умре. а по кем начне княжити на земли Литовскои тот зять его c Китаврус Кгирус. A Кгинбут, пануючи на Жомоити, и умре, a сына своего Монтвила остави на княжест†Жомоитском. И Монътвил много лЂт княжил на Жомоити, и мЂл двух сынов, одного Немоноса, a другого Скирмонта.



ВВ Первоначально минуючие; исправлено киноварью Г Так в рукописи Д Так в рукописи; в P вмели






О княжати Монтвиле, Кгинбутове сынЂ


И часу панованя Монтвилова повстал царь Батыи и пошол на Рускую землю, и всю землю Рускую повоевал, и князеи руских многих постинал, a иньших \л.18об.\ в полон повел, и столец всее Руское земли и город Киев зжог и пуст учинил. A князь великии киевскии Дмитреи, боячися великои силы и моцы его, збЂг c Киева в город Чернигов, и потом довЂдался, што город Киев созжен и вся земля Руская спустошона, и слышал, иж мужики мешкают без господаря a зовухсядручане. И он, собравшися c людми, и пошол ко Друцку, и землю Друцкую посЂл, и город Друческ зарубил, и назвался великим князем друцким. A в тот час довЂдался великии князь Мондвил жомоитскои, иже Руская земля спустошона \л.19.\ и князи рускии розогнаны и он, давши воиска сыну своему Ердивилу, и послал c ним панов своих радных, напервеи c Колюмнов Кгрумня, a другаго со Урсинов именем Лишкис, a третьего з Рож именем Игровжис. И зашли за реку Белю, и потом перешли реку Немон и нашли в четырех милех от реки Немна гору красну, и сподобалося им, и учинили на неи город и назвали его Новъгородок. И учинил собЂ в нем князь великии столец, и назвался великим князем новгородцким. И пошодши из Новагородка, зарубил город Городен, и потом пошол до Берестья и нашол Берестеи и Дорогичин, \л.19об.\ и Мелник от Батыя опустошены и покажены, a он тыи городы зарубил и почал на них княжити. И потом умре князь великии Монтвил жомоитскии, и по нем сЂл на Великом княжест†Жомоитъском Вининт. A другии вышереченыи его сын, Ердивил, имет княжити на Новегородце и на тых вышеречены городцех, и подавал паном своим, которыи c ним вышли, островы и пущи: Кунпю дал остров около реки Ошмены, которое нынЂ зовется Ошмена, и все прилежаное к Ошмене, што на нем князи и панове в повЂте Ошменъском держат. A Ечькшеви дал остров, \л.20.\ которыи по нем назван есть Еишишки, и все \195\ прилежаное к повЂту Еишишскому. A Кгровжу дал остров, которыи его именем назван есть Кгровжишки, и весь повЂт Кгровжишскои. И c Кумпя народился Кгаштол, a из Еикша народился Довоина, a из Кгровжа народился Монвид. И возвратимся вспять. Тут Довоина.




О князи Викенте и o князи Ердивиле


Пануючи великому князю Викенту в Жомоитскои земли, a Ердивилу в НовЂгородцы и в тых вышереченых городех, и затым умре князь великии \л.20об.\ Викент, и по нем начнет кнжити Е Живинбуи, князь литовскии, обЂма тыми княжени, Литвою и Жомоитю, a Ердивил на НовЂгородцы и на всЂх тЂх вышереченых городех руских. И много лЂт княживши Ердивил на тых городЂх и умре, и по нем начнет княжити сын его Минкгаило.




О князи великом Минкгаиле


По смерти отца своего князь великии Минкгаило, собравши воиско свое, и поиде на город Полотск, ино мужи полочане, которыи вечом исправовалися, как Великии Новъгород и Псков. И напервеи пришли к городу их реченому Городец, \л.21.\ и мужи полочане, ополчившися полки своими, и стрЂтили их под Городцом. И велик бои и сЂчю межю собою учинили, и поможе бог великому князю Минкгаилу, и побил мужеи полочан наголову, и город их созже, реченныи Городец, и град Полческ возмет, и остал великим князем полотцким. И будучи ему великим князем новгородцким и полоцким, и пановал много лЂт и умре. И оставил по собЂ двух сынов, одного Скирмонта, a другаго Кгинвила, и Скирмонт почне княжити на НовЂгородцы, a Кгинвил на Полотцку. И поимет Кгинвил дочку y ве\л.21об.\ликаго князя тверскаго y Бориса именем Марию, для которое же окресхился в рускую вЂру, и дали ему имя Борис. И тот Кгинвил, рекомыи Борис, учинил город на имя свое на рецЂ Березыни и назвал его Борисов. И будучи ему русином, был велми набожен и учинил церковь каменную в Полоцку святую СофЂю, другую святого Спаса, дЂвич монастырь вверх реки Полоты от города в полумили, третию церковь, монастыр на Белчицы святаго Бориса и ГлЂба. И пануючи ему Ж в Полоцку был ласкав на подданых своих и дал им, подданым своим, волность вечом имЂти \л.22.\ и в звон звонити, и по тому се справовати, как в Великом НовЂгородЂ и во ПсковЂ. И што князь Борис c тою женою имЂл сына Ротволода, названого Василем. И по нем начне княжити сын его Василеи в Полоцку, a сам умре. И князь Василеи, княжачи на Полацку, имЂл сына ГлЂба a дочку Парасковю. И тая дочка Парасковия обецалася девичьство свое захавати в цЂлости до живота своего и постриглася в черницы у святаго Спаса в монастыри над Полотою, и мешкала там 7 лЂт, богу служачи и книги пишучи на церковь. A потом забралася до Рыма, и в Рыме мешка\л.22об.\ючи, богу служила пилне. И мешкая колко лЂт, и освятилася,чкоторую называют святая Прексыдыс, a по-руски Парасковия, которои же в РимЂ и костел збудован на имя ее святое, и там же ее и положили. A брат ее, князь ГлЂб полотцкии, в молодых лЂтех своих, княживши в Полотцку немного лЂт, и умре, и положен бысть y святои СофЂи в Полоцку со отцом своим в одном гробЂ. A полочане почали по тому справовати за ся, как в Великом НовЂгородЂ и ПсковЂ, a пана над собою не имЂли. И возвратимся вспак. \л.23.\




О княжати Скирмонте


Скирмонту княжачи на НовЂгородцы, и князь Мстислав луцкии и пинскии почнет валку и со князем Скирмонтом, хотячи его выгнати из отчины своее, з Берестя и з Мелника, з Городна и з Новагородка. И Скирмонт пошлет послов своих до великого князя литовъского, штобы шол ис Китавруса до Живинбуда, просячи его, дабы помоч дал ему напротивку руси. И князь великии литовскои Живинбуд пошлет ему на помоч сына своего старшаго Куковоитя и со всЂми силами напротивку Мстислава, князя луцкого и пинского. \л.23об.\ И на сеи сторонЂ рЂки Яселды поразит князь Скирмонт князя луцкого и пинского наголову и всю раду рускую, толко князь Мстислав в малЂ дружинЂ едва сам утече в город Луцкои, a князь великии Скирмонт возмет город Пиченкт ЖЖ и город Туров.


Е Так в рукописи в P княжыти Ж Слово написано дважды ЖЖ Так в рукописи; в P Пинск



И возгласи Русь великим плачем, иж так окрутне вси суть побиты от безвЂрные литвы. И князь великии Скирмонт сына великого князя литовского Живинбудева Куковоичя честовавши и обдаривши безчисленое множество золота и сребра и борздыми конми, и отпустил \196\ почти†до отца его, великого князя Живинбу\л.24.\дя литовского. И коли Куковоит приидет до отца своего Живинбудя, и мало при отцы своем побывши, и потом великии князь литовскии и жомоитскии Живинбуд умре, a сын его Куковоит сЂл на Великом княжест†Литовском и Жомоитском.




О цари заволском Буклаи


Будучи в тот час царем заволским именем царь Буклаи, и прислал послов своих до великого князя Скирмонта, штобы ему выходы его давал и баскаки его ховал по тым городом по тому, как c тых городов хаживала за предков его, князеи руских. И князь великии Скирмонт \л.24об.\ под тоя ся поддати не хотЂл, и тым послом его носы, губы, уши казал поурЂзывати и до него отпустил. И тот царь З, собравшися на лЂто со многими силами и ордами татарскими и пошол на Рускую землю, и много зла в И Рускои земли учинил. A князь великии Скирмонт, собравши вси воиска свои, и поткал его на границы своеи в Коидонове, и поразил того царя, и всю рать его татарскую побил, и самого царя убил, и з звитежством великим пошол на Рускую землю, и взял город Мозыр, Чернигов, Стародуб, Карачев и со всЂми в цЂлости, звитежство \л.25.\ одержавши, вернулся назад. И мЂл князь великии Скирмонт 3-х сынов: старшии Тронята, другии Люборт, 3-и Писимонт. Князь великии Скирмонт в К великои старости своеи умре, a сын его Люборт сядет на Карачове и назовется князь карачевъскии, a Писимонт на Турове сядет, a Тронята на НовЂгородцы; и пановали на тых городЂх много лЂт. Возвратимся вспак.




О матери Куковоито†и o самом Куковоите


B тых лЂтЂх мати князя великого литовского и жомоитсково Куковоитява Поята умре \л.25об.\ в великои старости своеи. И князь великии Куковоит, милуючи матку свою, и учинил болвана на образ еи, чинячи еи память, и поставил того болвана именем матки своее Пояты выше озера Жосли, которыи же образ хвалили и за бога имЂли тую Пояту. И потом тот болван згнил и на том мЂстцы выросли липы, и тыи липы хвали КК и за бога их имЂли на имя тое Пояты, аж и до сего дни. Затым князь великии литовскии и жомоитскии, в великои справедливости милуючи подданых своих, и сам Куковоит умре. И оставил по себЂ сына \л.26.\ на великом княжении Литовском и Жомоитском Утенута, которыи же сын, милуючи отца своего, великого князя Куковоитя, и учинил болвана на память отца своего и поставил его на горЂ однои над рекою Святою недалеко Дявилтова, которого ж хвалили и за бога его имЂли. A потом тот болван згнил, и там гаи вырос, и люди тым Л хвалили и прозвали его именем пана своего Куковоитя.



З На поле, тем же почерком, блеклыми чернилами c выносным знаком: На лЂто И Приписано над строкой тем же почерком, но другими чернилами К Буква приписана в строку другим почерком и другими чернилами КК Так в рукописи; в P хвалили Л Так в рукописи; в K тыи






О цари заволском КурдасЂ


Троняте, пануючи на НовЂгородцы, в тот час царь заволскии Курдас повстав со мно\л.26об.\гими силами татарскими на Рускую землю, и князь Пронята зберется з братею своею, c князем Писимонтом туровским и c князем Любортом карачевским, и со всЂми силами, и к тому обослалися c князи рускими, c князем Семеном Михаиловичем друцким, и князем Давыдом Мстиславичом луцким, и Святославом киевским. И совокупившемся им c одново, и пошли противу царя Курдаса и всее рати его заволскои. И поткалися c ним за Мозыром на рецЂ Окуневцы, и ударилися полки межи собою, и учинили бои лют от поранку \л.27.\ и до вечера, и поможе бог великому князю Троняте и князем руским, иже царя Кирдаса и все воиско наголову побили, едва сам царь в малЂ дружинЂ утек. И в том бою убили двух братов князя Тронятиных: князя Писимонта туровскаго да князя Люборта карачевского, да князя Семенова сына друцково Михаила, да князя Давыдова сына луцкого АндрЂя, и иных бояр много убили. И князь великии Тронята, звитежство одержавши и добытку великого, злата и сребра, и каменя, и жемчюгу, и шат дорогих, и набравши отиде восвояси, a князи руские также во \л.27об.\ своя грады отидоша. И пануючи князю Троняте не мало лЂт и умре, и зоставил по собЂ сына на великом княжении Новгородском Олкгимонта. И Олкгимонт, княжив не мало, и умре и зоставил по собЂ сына Ринкголта на великом княжении Новгородском. И княжачи Ринкголту не мало лЂт на НовЂгородци и на многих городЂх руских, и учинят възмову межи себя князи рускии, почати валку против великого князя Рынкголта, a хотечи его согнати c отчин своих, грродов руских, наипервЂи Святослав киевскии да Лев володимерскии, и Дмитреи друцкии. \л.28.\ \197\ И собравшися вси три полки своими, и пошли против великого князя Ринкголта, и взяли тыи рускии князи татар на помочь собЂ от царя заволского нЂколко тысячь татар. И князь великии Ринкголт поткал их на рецЂ Немне на Могилно, и учинил бои лют, и билися межи собою велми крЂпко, поченши от поранку и до вечера самого, и поможе бог великому князю Рынкголту, иже князеи руских и всю силу их и орду татарскую наголову поразил и сам, звитежство одержавши, c великим веселием и добытком золота и серебра, и c великим набытем скарбов \л.28об.\ и возвратился восвояси. И пришед до Новагородка и рознеможеся и умре бес плода. Тут ся доконал род княжати римского Палемона.

A иныи повЂдают, рекучи: «Тот Рынкголт, пришодши c оного побоища до Новагородка, и был в НовЂгородцы и уродил трех сынов, и зоставил по собЂ на великом княжени Новгородском и Руском Воишвилка, и сам умре». Ино далеи o том Воишвилку не пишет. Тому конец.




О княжи литовском Швинторозе, сыне Утенусове


По смерти Рынкголто†панове, жалуючи господаря своего прирожонаго, и взяли собЂ господарем \л.29.\ великого князя литовского и жомоитского сына Утенусова c Китаврасу, Швинторога. И мало княживши Швинторогу на НовЂгородцы и на руских городЂх, и отец его, князь великии литовскии и жомотскии Утенус, умре, и сын его Швинторог по смерти отца своего начнет княжити на Великом княжестве Литовском и Жомоитском, и Новгородском, и Руском. И уродил Швинторог сына Скирмонта. И оберет собЂ великии князь Швинторог мЂстцо на пущи велми хорошо и подлЂ реки Вели, гдЂ река Велня впадывает в Велю, и просил сына своего Скирмонта, дабы на том мЂстцы было \л.29об.\ жеглище учинено, гдЂ бы его мертвого сожгли. И приказал сыну своему, абы по смерти его на том мЂстцы, гдЂ бы его зжог, всих князеи литовских и знаменитых бояр созжение было, и штобы ужо нигдЂ инде телеса мертвых не были созжены, толко там, бо и перед тым жигали телеса мертвых на том мЂстцы, кто гдЂ умрет. И приказавши тыи слова сыну своему Скирмонту, великии князь Швинторог и умре.




О великом князи Скирмонте


Великии Скирмонт князь зоста по отцы своем на Великом княжестве Литовском и Жомотском, и Руском. И подлуг отца сво\л.30.\его приказаня на том мЂстцы, на устьи реки Вилни, гдЂ в Велю впадывает, учинил жглищо, и там же тЂло сожог отца своего, и коня его, на котором он езживал, и шату его, которую ношивал, и милостника его, до которо М ж он был ласков, и сокола его, и хорта зжог, и от тых часов великии князь литовскии и бояре тЂла их там жигали, и для того тое мЂстцо от тых часов прозвано Швинторога, на имя того великого князя.

И коли котораго великаго князя или пана сожжено тЂло, тогды при них кладывали ногти рыси или медвежи для того, иж вЂру тую имЂли, \л.30об.\ иж судныи день имЂл быти, и так знаменали собЂ, иж бы бог имЂл приити и сЂдЂти на горЂ высокой и судити живым и мертвым, на которую ж будет гору трудно взыити без тых ногтеи рысьих або медвЂжих, и для того тыи ногти подлЂ их кладывали, на которых имЂли на тую гору лЂзти, на суд до бога ити. A так, ачколвЂк поганы были, a вжды ж потом собе знаменали и в бога одного вЂрили, иж судныи день имЂл быти, и вЂрили из мертвых востанию и одного бога, которыи мает приити судити живым и мертвым.



М Так в рукописи





О мужех латыгалских, как при\л.16об.\шли в Жомот


И пануючи великому князю Скирмонту, и собралися мужи латыголове, которыи седЂли над берегом морским, окияном морем, и пришли в землю Жомотскую, и шкоды многии починили, и крови пролития в людех жомотских от них много стало. И князь Скирмонт, собравшися c силами своими, и поиде на них в землю их и их самих выстинал, a инших в полон вывел, и землю их пусту учинил. И в тот час по выехани князя великого Скирмонта з-земли Латигонское, пришли нЂмцы з-за моря до тоеи \л.31об.\ же земли Латыгонское, и тую землю засЂли и паны в тои Латыголе зостали, и назвалися Выфлянты. И потом многие лЂта пановал великии князь Скирмонт и зоставил двух сынов, Трабуса да Коликгина, и Трабус начнет княжити на земли Жомотскои, a Koликгин на земли Литовскои и Рускои княжил и многии лЂта, и умре. И почнет по нем княжити сын его Роман. И по малом часу умре князь великии жомотскии Трабус, дядя князя Романов. \198\ И начнет княжити князь великии Роман на земли Литовскои и Жомоитскои, и Рускои. И Роман уродил 5 сынов: старшии \л.32.\ Нарымут, 2 Довмонт, 3 Голша, 4 Кедрус, 5 Трошен ММ.




О пяти сынЂх Романовых


По смерти великого князя Романа начнет княжити сын его старшии Наримунт, и учинит город Кернов, и знесе з Новагородка столец до Кернова, и начал княжити, и назовется великии князь литовскии, новгородскии и жомотскии. A брат его Довмонт сядет на отчине своеи, на Утене, и назовется князем утенским. A третии брат его, Голша, перешед реку Велью, и нашол реку Н красну межи горами над рЂкою Вилнею, в милЂ от устья реки Вели НН, гдЂ впадывает в реку Велю, против \л.32об.\ Раконтишков, и учинил город и назовет его именем своим, Голшане. И немного бывши там, и Ђздечи оттолЂ в ловы в пущу за десять миль от того города своего, и наидет гору красну и ровнинами великими обляглую и офитостями наполненую, и сподобалосе ему там, и он и там поселился, и на тои горЂ учинил город над рекою Кораблем, и перенесется оттолЂ, и там начнет княжити, и назовется князем Голшинским. A пятыи брат, Троиден, мешкал при братЂ своем, великом князЂ Наримонте. И довЂдался великии князь Наримонт, \л.33.\ што ж князи ятвезскии измерли, a люди их без господаря мешкают, и князь Нарымонт поидет на них и они не противячися поддалися О и поклонилися О ему, и он, оставши им П господарем Р и вземши их, дал брату своему Троиденю за удЂл. И князь великии Троиден наиде гору красну над рекою Бебрею, и сподобалося ему там велми и зарубит город, и назовет его Раигород, и прозовется князем ятвезским и доновским. И будучи ему там на княжени, великии валки чинил з сяли С, c русью и c мозовшаны, и завжды сыскивал, и над землями их силныи окрутен\л.33об.\ства чинил, што ж вышеи описует в рускои кроинице, иж горши был тым землям и окрутнЂиши на них, нежели Антиох сирскии и Ирод ерусалимъскии, и Нерон римскии, што так был окрутныи и валечныи.



ММ Так в рукописи; в других летописях Троиден Н Так в рукописи; в Р гору НН Так в рукописи; в К Вилни О—О Буквы пся и по написаны по стертым буквам то П и написано no cmepmou букве Р г написано по cmepmou букве С Так в рукописи; в P ляхи



Князь же великии Нарымонт поимет жену y лифлянского реченнаго Флядры, дочку его, и брат его Довмонт y того ж Флядра другую дочку его. И немалыи час живучи, рознеможеся жена князя Домонтова утенского и умре. И князь великии Наримонт, слышавши смерть невЂстки своее, жаловал велми, и будучи сам немощон, и по\л.34.\слал жену свою до брата своего Домонта, жалуючи жалости его. И коли приехала жена Нарымонтова до Утены, жалуючи деверя своего, князя Домонта, и князь Домонт, видЂвши невЂстку свою возрадовался велми, a рек так: «МнЂ было жены искати, a ce мнЂ бог жену дал». И понял ее за себе; и в том стала великая брань и розстыджка межи братьи, великим князем Нарымонтом и князем Домонтом. И князь великии Наримонт, видечи жалость свою великуіе, иж брат его жену его за себя кгвалтом взял \л.34об.\ и обослал братью свою, князя Кгедроитя и князя Голшу и князя Троидена, и тестя своего Флядра вифлянъского. И собравшися з братьею и со всЂми людми своими, и потягнул на брата своего, князя Домонта, и обогнал его в городЂ его Утене. И поразумЂл князь Домонт, што не мочь ся ему оборонити, и просил горожан своих, абы ему не подали города, поколь бы он прошол воиско Нарымонтово. И сам спустился з города, и прошодши воиско Нарымонтово, и побЂжит и приидет к городу \л.35.\ Пскову. И мужи псковичи, видЂвши его мужа честна и разумна, и взяли его собЂ господарем и назвали его великим князем псковским. A Нарымонт, взявши город Утену и жону свою, и княжил на Керно†и на НовЂгородци, и на Жомоити, a Домонт на ПсковЂ, и обадва немалыи час княжили. Троиден паки поимет жену y княжети мазовецкого дочку, и имЂл c нею сына, реченного Римонта. И коли сын его Римонт доростал лЂт своих, и отец его Троиден дал его для науки языка руского до Лва Мстиславича, которыи заложил город \л.35об.\ во имя свое, Лвов. И мешкаючи Рымонту y князя Лва, научился языку рускому, и сподобалосе ему вЂра християнская, и окрестился и вразумЂл, иже тот свЂт ничого не есть, и опустивши свЂт постригся в чернцы, и названо имя ему Лаврыш. И будучи в чернцох, пришол до дятка своего Нарымонта и просил его, абы ему дал в Новгородском повЂте мЂстцо на пущи подлЂ реки Немна, гдЂ бы собЂ монастырь збудовати имЂл, и он ему допустил, и он собЂ монастырь збудовал, и поставил напервЂи церковь святого Воскресеня, и оттолЂ прозвано Лаврыщов монастырь. И будучи ему \л.36.\ в монастыри, дятко его умре, и панове литовскии и жомоитскии взяли великим князем Троиденя. И пануючи великому князю Троиденю, и князь великии Домонт, пришодшо зо Пскова, возмет город Полтеск и имет княжити на Пско†и на Полоцку. И жаль было \199\ ему того велми, иж брат его меншии осел в Лит†панство, и почал o том мыслити, как бы ему смерть приправити. A в тых часЂх Троиденю пануючи, и змерли ему обадва брата, князь Голша да князь Кедрус. A з оное вышеиписаное вазни князь великии Домонт направил шесть мужиков на брата \л.36об.\ своего Троиденя забити, гдЂ ж он шел безпечне з ласки СС, и тыи мужики его здрадне забили, a сам Домонт, собравшися c людми своими псковскими и полоцкими, и потягнул до Литвы, хотячи быти князем литовским и жомоитским. И реченныи чернец Лаврыш, по-литовски зовомыи Рымон, a по-руски Василеи, жалуючи смерти отца своего, великого князя Троиденя, и оставивши чин чернецкии и пришол до панов. И собравшися во всЂми силами литовскими, и потягнул противку Домонта, хотячи помстити кров отца своего. И ополчившися c полки своими, потка\л.37.\лися з Домонтом над озером. И сшедшимся им c полки своими c обу сторон, и был межи ими бои и сЂча немала з раня даже до вечера, и поможе бог Лаврушу, и все воиско дяди своего Домонта поразил и самого убил, и город Полтеск взял. И возвратившися к столцу отца своего до Кернова, и рек паном: «Кгды мнЂ бог дал помстити кровь отца своего, я свЂта сего отрекся, взял есми на себе черную ризу, господарьства не хочю. Возмите собЂ господаря, кого воля ваша будет. A вед же ражу вам: ачьколвек есть братья моя, Голшин сын Олкгимонт, да Кедров сын Кгинвил. Ино еще \л.37об.\ малы суть, не годятся на панство, бо дятко мои Нарымонт, коли сЂл на Великом князьст†Литовском, герб свои Китаврос зоставил братии своеи, a собЂ удЂлал герб — человЂка на кони c мечом, a то знаменуючи через тот герб пана дорослого, хто бы мог боронити мечом отчины своее. A про то берите собЂ господаря доброго, хто бы мог боронити того панства, Великого князства Литовскаго. И так ми ся видит, иж бы к тому годныи был Витени, которыи был маршалником y отца моего». И панове не хотЂли переступити рады \л.38об.\ a воли господаря своего прироженого, сына великого князя Троиденява, учинили так: видЂчи мужа мудраго a годного Витеня, которыи же был c рожаю a c поколеня Колюмнов, з ыменья, держаного в Жоморти Т, реченного Аирякгола, взяли его собЂ великим князем литовским и жомоитским, бо князь великии Троиден, будучи y Жомоити, Ђхал через имЂнъя его Аиракголу и узрЂл оного Витеня еще малым младенцем, и убачил оное дитя обличьем хорошо и возрасту подобного, и взял его к собЂ, и был y него комор\л.38об.\ником, и будучи в коморЂ кождую рЂчь чюдне a радне панскую ховал и справовал. И он, бачечи цноту его и доброе заховане, учинил его y себе морщалником, и был y него милостником и всяким справам годным справцою был, a затым по смерти его взят есть на Великое князство Литовское. И тут скончался род c Китаврусов a начало великое княжене Витенево, род великих князеи литовъских c поколеня a з роду Колюмнов.



СС Так в рукописи; a P лазни Т Так в рукописи.




О великом князе Витени


И будучи великому князю Витеню на Великом князьстве Литовском и Жомоитском, \л.39.\ и Руском, и пановал много лЂт, аж до старости своее во упокои, и родился ему сын Кгидимин. И потом умре великии князь Витеня, а по нем сЂл на великом княжени Литовском и Жомоитском, и Руском вышереченыи сын его Кгидимин.






Начало княжене великого князя Кгидимина на князст†Литовском и Жомоитском, и Руском


О великом князе Кгидимине


Будучи великому князю Кгидимину по смерти отца своего Витеня на Великом князст†Литовском и Жомоитъском, и Руском, и сЂдячи на столци отца своего в Кернове. И па\л.39об.\нуючи ему немного лЂт по смерти отца своего, повстали против его нЂмцы, прусы, лифлянты, и втегнули c великим множеством людеи своих в землю Жомоитскую, хотячи ее собЂ осЂсти. И князь Кгидимин вскорЂ не поспЂ собрати воиска своего против нЂмцов, и послал наистаршаго гетмана своего c малыми людми на город Куносов, умоцняючи его от нЂмцов, a тот был гетман его на имя Кгаштолт, з рожаю c Колюмнов. И нЂмцы того гетмана его обогнавши, и тот город Куносов облегли, и з великих дЂл всего збили, и того гетмана c того города свели и в полон повели, \л.40.\ и землю Жомоитскую посЂли. И князь великии Кгидимин учинит умову c нЂмцы o того гетмана своего, и дал за него 30000 золотых. И на другии год, собравши вси свои силы литовскии и рускии, потягнул на НЂмцы. A нЂмцы и выфлянты, и прусове, и жомоиты з собою вземши, и поткали великого князя \200\ Кгидимина на рецЂ на Ошмене, на сеи сторонЂ Жеимов две мили. И поможе бог великому князю Кгидимину, иж нЂмцов всЂх наголову поразил, a жомоиты от нЂмцов отступили и приступили к господарю своему прироженому Кгидимину, иж \л.40об.\ нЂмцов всЂх наголову поразили и побили все воиско немецкое. И туж звитежство одержавши над нЂмцы, и жомоит к собЂ взял, и пошол c тыми силами и ж У жомоитью в землю Немецкую, и взял город Тилжу a другии Ракгнету, и инших городов много побрал, и землю спустошил всю и в полон повел, и невымовное множество кровопролите в НЂмцох учинил звитежъство одержавши, и c великим веселием восвояси отиде.




О великом князи Кгидимине и o бигве c князем Володимером володимерским


И упокоивши землю Жомо\л.41.\итцкую от нЂмцрв, и пошол на князи рускии, и прииде напервЂи к городу Володимирю, и князь Вододимир володимирскии, собравшися c людми своими, и учинит бои лют c князем великим Кгидимином. И поможе бог великому князю Кгидимину, иж князя Володимера володимерского самого убил и рать его всю побил, и город Володимир возмет, и потом поидет на князя Лва луцкого. И князь Лев услышал, што князя Володимира литва убили и город Володимер взяли, и он не смел противу стати ему, и побЂжит до князя Ро \л.41об.\ мана, до зятя своего, к Брянску. A князи и бояре волынскии били челом великому князю Кгидимину, абы y них пановал и господарем y них был, a земли их не казил. И князь великии Кгидимин, укрепивши их присягою и оставивши наместников своих y них там, и начне княжити. A потом на зиму шол до Берестья и з Берестья вси воиска свои роспустил, a сам в БерезтЂ зимовал. И скоро Велик день минул, и он, собравши вси УУ свои силы литовския и жомоитския, и руския, поиде на другои недели по Велице дни на князя Станислава \л.42.\ киевъского и, пришед, возмет город Уручеи и город Житомир.



У Так в рукописи УУ Далее буквы во, вычеркнутые киноварью



И князь Станислав киевскии, обославшися c князем Олгом переяславским и c князем Романом брянским, и c князем волынским, котораго князь великии Кгидимин выгнал c Луцка, и собралися вси в великом множест†людеи своих руских, и поткалися вси c князем великим Кгидимином на рецЂ на Рпени под БЂлым городом, в шести милях от Киева. И учинили бои и сЂчю велику, и поможе бог великому князю Кгидимину, побъет всЂх князеи руских наголову, и воиско их все побитое \л.42об.\ на мЂстцу зостало, и князя Лва луцкого, и князя Олга переяславского убил, и в малЂ дружине Станислав киевъскии c Романом брянским утекут до Брянска, a князь великци Кгидимин оступит БЂлъград. И горожане видячи, иж господарь их c воиска побег, a воиско все наголову поражено, и они, не хотячи противитися воиску так великому литовскому, и передалися з городом князю Кгидимину, и присягу учинили служити к Великому князству Литовскому. И затым князь великии Кгидимин пошол со всЂми силами своими \л.43.\ до Киева, и обляжа город Киев, и кияне почали ся ему боронити. И лежал князь великии Кгидимин под Киевом месяц, a затым сдумали межи собою горожане киевскии, иж мочь великого князя не могли терпЂти болши того без господаря своего, великого князя Станиславля киевъского. И услышали то, иж Станислав утек от Кгидимина и воиско господаря их побито, a y них нЂт зоставы никоторое и князь их не зоставит. И они, смолвившися одномысленЂ, подалися великому князю Кгидимину, и вышедши из города c кресты, игумены и попы, \л.43об.\ и дияконы, и ворота городовые отворили, и стрЂтили великого князя Кгидимина честно, и ударили ему челом, и поддалися служити, и присягу свою великому князю Кгидимину на том дали, и били челом великому князю Кгидимину, чтобы от них отчины их не отнимал. И князь Кгидимин при том их зоставил и сам честно в город Киев въЂхал. И услышали то пригородки киевскии, Вышегород, Черкасы, Канев, Путевль, Слеповрох, што кияне передалися з городом, a господаря своего слышали, иж утек до Брянска, a силу его всю побили, и вси пришли до \л.44.\ великого князя Кгидимина, и c тыми прежереченными пригородками киевскими подалися служити и присягу на том дали великому князю Кгидимину. И переяславляне слышали, иж Киев и пригородки киевскии подалися великому князю Кгидимину, a государь их, князь Олг, от великого князя Кгидимина убит, и они, приЂхавши, и подалися з городом служити великому князю Кгидимину, и присягу свою на том дали. И князь великии Кгидимин, взявши Киев и Переяславль и вси тыи вышереченныи пригородки, и посадил на них князя Мин\л.44об.\довгова сына Олкгимонта, великого князя Олшанскаго, a сам c великим веселием в Литву возвратися. \201\




О князи Станиславли киевъском, которого выгнал князь Кгидимин c Киева


B тот час будучи князю Станиславлю киевскому в Брянску, выгнаному от великого князя Кгидимина, и прислал к нему князь резанскии Иван. Будучи в старости своеи, просячи его, абы до него Ђхал и дочку его понял, именем Олгу, ибо сына не имЂл, толко одну дочку, и по смерти его, абы был великим князем резанъским. И князь Станиславль \л.45.\ до него Ђхал, и дочку y него нонял, и по смерти его был великим князем резанским. A князь великии Кгидимин, прогнавши князеи руских и от нЂмец землю упокоивши, и пановал много лЂт в покои.




О великом князи Кгидимине, как Троки зарубил и Вилню


И нЂкоторого часу поЂхал князь великии Кгидимин c столца своего, Кернова, в ловы за пять миль за реку Велю, и наиде в пущи гору красну, добровами и ровинами Ф обляглую, и сподобалося ему велми, и он там поселился, и заложил город, и назове имя ему Троки, гдЂ нынЂ \л.45об.\ Старыи Троки. И в малых часЂх поЂхал послЂ того князь великии Кгидимин в ловы от Троков за 4 мили, и наиде гору красну над рекою Вилнею, на которои наиде звЂря великого тура, и убьет его на тои горЂ, гдЂ нынЂ зовут Туря гора. И велми было позно до Троков Ђхати и станет на луцЂ на ШвинторозЂ, где первших великих князеи жигали, и обночовал. И спячи ему там, сон видЂ, што ж на горЂ, которую звали Кривая, топер Лысая, стоит волк желЂзныи велик, a в нем ревет, как бы сто волков было. И очютился от сна своего и речет \л.46.\ ворожбиту своему, именем ЛиздЂику, которыи был наиден в орло†гнездЂ, и был тот ЛиздЂико y князя Кгидимина ворожбитом навышшим, потом попом поганским: «Видех деи сон дивныи», и сповЂда ему все, што ся ему во снЂ видЂло. И тот Лиздеико рече господарю: «Княже великии. Волк желЂзныи знаменуется город столечьныи тут будет, a што в нем внутри ревет, то слава его будет слынути на весь свЂт». И князь великии Кгидимин назавтрее ж, не отеждяючи, послал по люди и заложил город один на ШвинторозЂ Нижнии, a другии на Кривои горЂ, которую \л.46об.\ нынЂ зовут Лысою, и наречет имя тым городом Вилня. И збудовавши городы перенесет столец свои c Троков на Вилню и учинит первшим воеводою в Вилне гетмана своего Кгаштолта c Колюмнов, которыи ся народил c Кумпя, которыи был поиман от немцов на КуносовЂ. И княжил великии князь Кгидимин много лЂт на князьст†Литовском и Руском, и Жомоитском, и был справедливыи, и много валк мевал a завжды зыскивал, и пановал фортунливе аж до великое старости своее.




О великом князи Кгидими\л.47.\нЂ и o семи сынЂх его


И будучи великому князю Кгидимину при старости своеи, и сплодил 7 сынов, осмую дочку, именем Ганну, которую дал до Ляхов в малженку сыну Казимирову, Владиславу Лосктьку ФФ, коли писано от божего нароженя 1320-го году. И будучи великии князь Кгидимин в великои старости, и при своем животЂ роздЂлил всЂх сынов своих, и 5 сынов своих посадил на удЂлЂх, то есть старшого сына Монтвида на Карачове да на Слониме, a Нарымонта на Пинску, a Олкгирда на Креве; a к то\л.47об.\му князь витебскии сынов не имЂл, толко дочку, и он за него дал дочку свою и принял его в землю Витебскую. Коряту дал Новгород, Люборту дал Володимер и Луческ и землю Волынскую. A тых двух сынов своих посадил на великих князствах: Евнутья на столцы своем на Вилне и на Великом князстве Литовском, a Кестутья на Троцех и всеи земли Жомоитскои. И роздЂливши их сам почестнЂ умре.

И пануючи Кестутю на ТроцЂх и на Жомоити, и услышал дЂвку на ПолонздЂ, именем Бируту, которая ж дЂвка богом своим по\л.48.\длуг обычая поганского послюбила чистость ховати, и сама была хвалена от людеи за богиню. И приЂхал там князь Кестутеи сам, и сподобалося ему велми, иж была велми красна тая дЂвка и разумна, и просил ее, абы была ему малженкою, и она не хотЂла изволити и отказала ему, иж «я полюбила Х богом своим чистость ховати до живота своего».



Ф Так в рукописи ФФ Так в рукописи; д. б. Локетьку Х Так в рукописи; в P пошлюбила



И князь Кестутеи взял ее моцно c того мЂстца и провадил ее до столца своего в великои почестности до Троков. И обославши братью свою, и учинил великое веселие з братьею сво\л.48об.\ею, и понял тую панну , Бируту собЂ за жону. И Ђздечи князю Кестутью от Троков за милю, и сподобалося ему мЂстцо велми подобно межи озер, и он там поселилъся, и город заложил, и нарече имя ему Новыи Троки, \202\ и перенесе столец свои на Новыи Троки з Старых Троков. A вед же сын его Витовт родился в Старых ТроцЂх, и по том мЂстцы, гдЂ ся Витовт родил, сам по смерти отца своего Витовт и костел заложил y Звестоване матки божои, и мнихи уставил закону того ж, што в Крако†есть кляштор святого \л.49.\ Авкгустына Ц на Тынцу. Навратимся вспак.




О князи Олкгирде и o Кестуте


По смерти великого князя Кгидимина князь Олкгирд да князь великии Кестутеи были межи собою в милости и y великои ласцЂ, a князь великии Евнутеи межи их был в болшинствЂ, княжил на ВилнЂ. И не полюбился князю Олкгирду Ч Евнутеи, и смолвили межи собою братья: как бы его изсадити c Вилни и одному бы межи их сЂсти на ВилнЂ. И смолвивши межу собою, удЂлали рок — котораго дня наЂхати на Вилню и засЂсти город под братом своим, \л.49об.\ князем великим Евнутьем. Также князь великии Олкгирд из Витебска борзо приспЂл Ш, a князь великии Кестутеи угнал в город, a князь великии Евнутеи со страху выбЂжит из города из Вилни и утек в горы бос, и там озябнут ему ноги. И нявши его, привели до брата и посадили за сторожаю. Тогды князь великии Кестутеи речет брату своему, великому князю Олкгирду: «Тобе годится быти, брате, князем великим на ВилнЂ; a ты межи нами старшая братья, c тобою заодно живут». И садят его на Вилню, на великое княже\л.50.\ство, a Евнутью дали Жеславль. A змовят межи собою князь великии Кестутеи да князь великии Олгирд, што всеи братьи послушнои быти князя великого Олкгирда, a тыи што придобудут собЂ городов або волостеи, то наполы подЂлити. A быты им и до смерти в великои милости и в ласцЂ, и присягу собЂ на том дали, не мыслити зла межи их никому никакого. Также были в справедливости даже до живота своего. У великого же князя Олкгирда сынов было 12, a y великого князя Кестутья сынов было 6. \л.50об.\ A межи собою любили сынов своих князь великии Олкгирд князя великого Якгоила, a князь великии Кестустеи князя великого Витолта. И измолвили межи собою: «По нашом животЂ тыи будут на Великом князьст†Литовском княжити». Князь пан великии Витовт також в великои милости были c Якгоилом при отцЂх своих. Потом князь великии Олкгирд умре, a князь великии Кестутеи, не хотячи шлюбу брата своего изменити, князя великого Олкгирда, посадит братанича своего на Вилни князем великим Якгоила Олкгирдовича. \л.51.\ НЂхто паки был перед тым y князя великого Олкгирда паробком неволным, холоп, звали его Воидимом. Перво был пекарем y князя великого Олкгирда, потом дал собЂ постелю слать ему и воду собЂ пити давати, потом паки полюбился был ему, и дал ему Лиду держати, и повел его в добрыи дни. И потом, по животЂ князя великого Олкгирда, князь великии Якгоило повел Воидима велми высоко, и даст за него сестру свою, княгиню Марю, што была за князем Давыдом. И князь великии Якгоило князю великому Кестутю, дятку своему, во всем великую жа\л.51об.\лость учинил: братонну его, свою сестру, за холопа отдал. И был тот Воидило в великои моцы y князя великого Якгоила, и почнет тот Воидило c нЂмцы соимы и листы ся записывати a стояти против великого князя Кестутья. НЂкто паки был лифлянскии кунтар, звали его Авъкгуштыном. Тот кунтар князю великому Кестутью сповЂдал: «Ты того не вЂдаешь, што великии князь Якгоило посылает к нам часто Воидила и ужо записался c нами, как мает тебе избавити городов, a ему бы ся достало иже c его женою, сестрою \л.52.\ князя великого Якгоила». И князь великии Кестутеи вЂдал то, што князь великии Витовт гораздо живет c князем великим Якголом, и почнет Кестутеи жаловатися сыну своему Витовту, рекучи: «Ты c ним гораздо живешь, a Якгоило ужо записался c нЂмцы на нас». И князь великии Витовт рече отцу своему, великому князю Кестутью: «ВЂрь Щ тому, отче, бо того межи нами нЂт, заю Э ж Э Якгоило живет со мною гораздо». Потом паки учинилося великое знамя: даст великии князь Якгоило Полтеск брату своему Скиргаилу, и полочане \л.52об.\ приняти его не хотЂли на Полтеск. И князь великии Якгоило пошлет воину литовскую з братом своим Скиргаилом к Полоцку, и оступят город Полтеск, и нЂмцы, мистр, пошлет на помощь к Полоцку добывати города. И князь великии Кестутеи почнет опять жаловатися, проплакиваючи, сыну своему, князю великому Витовту, на Якгоила, рекучи: «Сестру твою дал за холопа Воидила, што c нЂмцы записался нас воевати, a то мнЂ из Немец явлено. A другое: c ким мы воюемся? C нЂмцы. A оним Ю и Полотца Ю добывают. A то явлено, иж им сто\л.53.\яти на нас c нЂмцы». И князь великии Витовт откажет отцу своему, великому князю Кестутью, рекучи: «Еще я тому не довЂриваю».



Ц Буквы на написаны над строкой другим почерком и другими чернилами Ч B К Олькгирду и Керстутю Ш Так в рукописи; в K не приспЂл Щ Так в рукописи; в P не вЂр Э—Э Так в рукописи; в P заню ж Ю—Ю Так в рукописи; в P они им Полоцка \203\






О великом князе Кестутье и o великом князи Якгоиле


Потом князь великии Витовт поЂхал к Дорогичину, и князь великии Кестутеи, собравши силу свою, и со всЂм двором своим во зброях и уженут во град в Вилню, и поимает князя великого Якъгоила и c материю его и з братею его, и тыи листы знаидет y него, што c нЂмцыся записали, и пошлет гонца к сыну своему, князю великому Я \л.53об.\ Витовту, к Дорогичину, повЂдаючи ему, иже таково есть дЂло сталося. И тот гонец знаидет князя великого Витовта в Городне, и князь великии Витовт послышал тое и за один день прибЂжит до Вилни з Городна до отца своего, князя великого Кестутья. И речет Кестутеи сыну своему Витовту: «Ты мнЂ не вЂрил, во се тои лист, што c нЂмцы записался на нас князь великии Якгоило, нижли в том нас бог остерег. A князю великому Якгоилу не учинил есми ничего, кярбу А есми не рушал a ни стад, и сам Якгоило y мене в нястве ходит за малою \л.54.\ сторожою, a отчину его, Витебск и Крево и вси мЂста, што отец их держал, то все ему отдаю, и ни в што их не вступаюся, a то учинил есми для своее головы, остерегаючи себе в том, послышал есми, што на мене лихо мыслят». Князь великии Якгоило велми ся възрадовал приЂзду великого князя Витовта, и на тых мЂст князь великии Якгоило сказал правду князю великому Кестутю и сыну его Витовту, што николи ж не противитися a ни стояти против их, a завжды в их быти поволности в своем дому. И князь великии Кестутеи отпустил \л.54об.\ его c матерью и з братьею его, и со всЂм его скарбом, и со всЂми статки. И князь великии Якгоило поидет напервеи до Крева, a князь великии Витовт провадит его до Крева, a потом ис Крева поидет до Витебска. A князь великии Кестутеи, сЂдши на Вилне, и пошлет до Полоцка два паны литовских c воиском. И полочане, услышавши то, взрадовалися и кликнули на рать Скиргаилову, и люди ратныи от Б Скиргаила Б и пошли до Вилни, к князю великому Кестутю. A князь Скиргаило пошол в НЂмцы в Лифлянты c малым воиском. A князь великии Кесту\л.55.\теи поидет к СЂверскому Новугородку, a князя Витовта оставит c князем Корыбутом в ЛитвЂ. A князь великии Якгоило имЂл з Витебска c Кестутьем же поити поспол, и наборздЂ присяги своее забыл, не шол ему на помочь из намовы панов виленских, абы засЂли Вилню. A князь великии Витовт в тот час был в ТроцЂх, и князь великии Якгоило из Витебска борздо прибЂжит до Вилни и c воиском, и князь великии Витовт пошлет к СЂверскому Новугородку ко отцу своему Кестутю. A маршалок прускии, услышавши тую рЂч, и поидет на по \л.55об.\ моч ратью великою князю Якгаилу наборзде. И то услышав князь великии Витовт, иж прусы и нЂмцы до Вилни и до Троков тягнут, a князь великии Якгоило из Вилни до Троков же идет воиском великим сниматися c нЂмцы, и князь великии Витовт из Троков выбЂжит и c матерю своею и поидет к Городну. A князь великии Якгоило приступит к Троком, и трочане не далисе ему. И князь великии Кестутеи борздо к Городну приидет к сыну своему и тут наидет жену свою и пошлет ее к Берестью, надЂючися на мазовецкого, \л.56.\ зятя своего, князя Януша, a сам князь великии Кестутеи поидет в Жомоиты, a сына своего Виновта66 оставит в Городне. Тогды князь Янушь мазовецкии, забывши доброе приязни тстя своего, князя великого Кестутья, и поиде воиском к Дорогичину В, и Дорогичен возмет и осадит, и Сараж звоюет, и подступит под Берестья. И Берестья не вземши поидет проч, и осадит Дорогичин и Мелник. И князь великии Кестутеи, собравши всю жомоитскую силу и многии люди, и поиде под Троки, и приидет к рецЂ к Вели, a князь великии Витовт, \л.56об.\ собравши рать по своеи отчинЂ, поиде з Городна на помоч отцу своему, и соимутся на Вели воиска выше Ковна две мили. Тут воиска Кестутева перевезли и поидут к Троком и отступят Троки. И поидет вЂсть ко князю великому Кестутью, што князь великии Якгоило идет из Вилни великим воиском, a c ним немецкая рать и лифлянская. Ино перед тым немцы были на обе стороны неприятели князю Г великому Якгоилу Г; бо перед тым лифлянская рать ходила на помоч князю Скиргаилу полоцкому, a потом c морщалком немецким пруская рать прихо\л.57.\дила, a то уже третеи раз лифлянская рать c ним же приходила, a тому знаки есть, што c ним заодно стоят противу князю великому Кестутю. И выЂхал на битву князь великии Кестутеи c сыном своим, князем великим Витовтом, против великого князя Якгоила. И еще ся воиска не снели промежи себе за три або зас Д 4 стрелбища, на тых мЂсто приженут князи и бояре от великого князя Якгоила до князя Кестутья и почнет пытати князя великого Витовта, штобы c ним погаворили.



Я Далее следует Витов


А Так в рукописи; в P скарбу Б—Б B P от Скирыгаила отступили ББ Так u рукописи В Переоначально Дородичину; исправлено киноварью: ди зачеркнушо, a ги написано c выносным знаком na поле Г—Г Так в рукописи; в K князю великому Кестутью и князю великому Якгоилу Д Написано над строкой несколъко иными чернилами



И начнут говорити князю великому Витовту: \л.57об.\ «Князь великии Якгоило послал нас к тобЂ, штобы еси нас изеднал со отцем своим, што быхмо имЂли свое, a вы свое, битвы бы и крови \204\ пролития не было межи нас, a ты бы приЂхал до брата своего, князя великого Якгоила, a мы тобЂ присягу дадим, што тобЂ чисто опять в свое воиско отЂхати, аче бы межи нас добрыи конец стался». И князь Витовт отказал: «Присягу y вас беру, a до нас также штобы Скиргаило приЂхал, a присягу бы нам дал, я к вам Ђду». И они послали ко князю Скиргаилу, и приЂхал князь Скиргаило, и присягу дал князю Ви\л.58.\товту, и князь великии Витовт поЂхал до князя великого Якгоила и к его воиску, a полки стоят, ничего менш собою не починают. И князь Якгоило начнет просити Витовта, рекучи: «Брате милыи, съеднаи нас, штобы не было кровопролитья». И князь Витовт присягу взял y князя Якгоила, што отцу его, князю великому Кестутю, c Якгоилом съЂхатися и опять чисто розЂхатися. И еще князь великии Витовт рече князю Якгоилу: «Пошли, брате, еще князю великому Скиргаилу, што он дал присягу князю великому Кестутью, отцу нашему, иж бы \л.58об.\ ему было приЂхати чисто и опять за се отЂхати, и дал бы нам присягу от тебе». Князь Скиргаило c князем Витовтом приидут ко князю великому Кестутью, и даст присягу Скиргаило князю великому Кестутью от князя великого Якгаила и от себя. И князь великии Витовт c князем великим Кестутьем, отцем своих Е, обадва поидут в воиско Якгоилово, на тыи присяги надЂючися. И князь Якгоило тыи присяги переступил, и рек так: «Поидемо до Вилни и там докончаем своее правды». И в том воиска ничего не почи\л.59.\нали, оставили. И как до Вилни приЂхавши, так князь великии Якгоило князя великого Кестутя, дядю своего, оковавши, до Крева послал и всадил в твержу, a князя великого Витовта оставили были в Вилни. И там в Кре†князя великого Кестутья удавили пятое ночи коморники князя Якгоиловы: одного звали Прокошкою, што ему воду давал, a другии были МостЂев брат a Кучюк да Лисица Жебентяи. Так ся конец стал князю великому Кестутью.

По смерти князя великого Кестутья пошлет князя великого Витовта князь великии Якгоила в нят\л.59об.\ство до Крева и з женою и велит твердо стеречи, a то все помщиваючисе Воидила. Князь великии Витовт седЂл в Кре†за сторожаю в комнатЂ, a жонкам двема призволено было ходити до комнаты; и княгиню c ним посадили, a положивши их вон выходят, a сторожа завжды около была. И княгиня великая Витовтовая слышала от людеи, што князь Витовт долго мает седЂти c нею, и змыслила собЂ: «Как жонки нас будут покладати, тогды тобЂ одное жонки плате всклавши, выити вон з другою жонкою, a тои жонцЂ оста\л.60.\тись бы c нею в коморЂ». И Витовт, послушавши жоны своее порады и нарядился в одное жонки плате,.и выидет вон з другою жонкою, и спустится з города, и утечет до НЂмец к мистру до Марина городка. A сторожи тое видЂли и не догодалися, домнимали жонка вышла з жонкою. И князю великому Витовту там, мешкаючи в НЂмцех, приЂхали там князи многие и бояре литовскии, и почнет воевати Витовт землю Литовскую c помочю немецкою. A в тот час князь великии Якгоило и c матерю своею был в Витебску, a брат его Скиргаило в ТроцЂх \л.60об.\ был. И князь великии Витовт повоевал много земли Литовское Ж, a князь великии Якгоило и брат его Скиргаило не могли стояти против великого князя Витовта, занеж y Витовта сила болшая была. Тогды князь великии Якгоило перепросит князя великого Виговта и даст ему Луческ со всею землею Волынскую и c Подолем, a в Лит†отчизна его. И князь великии Витовт покору свою учинил перед старшим братом своим Якгоилом и принял Луческ Великии со всею землею Волынскою.



Е Так в рукописи Ж Bmopoe o переделано из и



И потом короля полского Владислава в животЂ не стало, a сына жаднаго не имЂл, \л.61.\ голко одна дочка была y него, на имя Едвига. И почали поляки часто слати послы из Кракова ко князю великому Якгоилу, рекучи, штобы приял крещение старого Риму a понял бы y них королевну Едвигу собЂ женою и стал бы y них королем в КраковЂ, на всей земли Лядскои. И князь великии Якгоило раду собЂ учинил c своею матерью, княгинею Уляною, и з братьею своею, и со всЂми князи и бояры Литовские земли, и поЂхал до Кракова в Полскую землю. Там же самкрестился и братия его, и князи, и бояре, и понял собЂ королевну Ядвигу, и корунован был. И оттоле \л.61об.\ почали крестити литву в лядскую вЂру, и прислал артибискуп бискупа до Вилни на Литовскую землю, и от тых мЂст почали костелы ставити по всеи земли Литовскои. Тое ж зимы королю будучи в Крако†со всЂми князи и бояры литовскими.




О князи АндрЂи полоцком


Потом паки сталося новина: приидет князь АндрЂи полоцкии и c воиском немецким, c вифлянты, со всею латыголою, и воевали и пожгли много мЂст и сел, a городом литовским ничего \205\ не учинили и вернулся в свою землю. Тое ж опять зимы князь СвЂтослав смолен\л.62.\скии учинит собЂ съем и раду c князем ОндрЂем полоцким: князь ОндрЂи в Литву, a СвЂтославль к Орши. И съЂхавъшися много лиха християном учинили, не по-хрестиянски ни по-человЂчески мучили люди немилостивно, имаючи запирали в ызбах и зажигали, a иных людеи под стену головами клали, ланцуги великими поднимаючи хоромы, и з заду люди жгли, a иных жонок и мужиков и малых дЂток на колье тыкали, a иных мук не мочи выписати, которыи муки хрестияном чинили. Таких мук ни Антиох З законопреступник З \л.62об.\ чинил, как тыи поганцы християном чинили, a городом не могли ничего учинити и вернулися опять в свою землю.




О князи СвЂтославли смоленском


Тое ж опять зимы великого посту почал мыслити князь СвЂтославль смоленскии з бояры, и поидут ко Мстиславлю, и станут под городом города добывати, a в землю Мстиславскую пошьлют воиско, и много кровопролития сталося над крестияны. И милостивыи бог того не хотЂл терпЂти, што братю свою, кровь християнскую, так не по-хрестиянски мучат. \л.63.\




О князи СкиргаилЂ и o князи великом Витовте, як пошли на князя смоленского СвЂтослава


И тогды князь великии Скиргаило и князь великии Витовт приЂхали из Ляхов от брата своего, князя великого Якгоила, и слышали, што князь СвЂтославль смоленскии был под Витебском, a потом к Орши приходил, a подо Мъстиславлем стоя, города добывал. И смолвилися князь Скиргаило да князь великии Витовт з братьею своею, c князем Костянтином и c Корбутом, и c князем Семеном Лынквеничом, и рекли так: «Боже вышнии, по\л.63об.\мози нам на неприятели наши, a што кто сЂет, то и жнет. Мы зла никому не учинили, a он c нами в докончании будучи и в твердои присязе, и переступил свою присягу, и нашу землю воюет, и кровь хрестиянскую проливает». И поидет братья на него, надЂючися на бога и на свою справедливость, и поЂхали борзо ко Мстиславлю. И князь СвЂтослав, стоячи под Мстиславлем и добываючи города, услышал, што идет на него Скиргаило c князем великим Витовтом и з братьею своею, и собравши воиско свое, поидет против их. И как пол\л.64.\ки зступилися и начнут битву, и бог поможет по пророка Давида слову реченому: «Обратися болЂзнь его на главу его, и на верх его неправда его снидет». И потом рече: «Ров изры и ископа, и впадеся в яму, Іоже сотвори». И поможе бог святыми словы князю великому Витовту и Скиргаилу и их братьи поразити князя СвЂтослава, и сам князь СвЂтослав побЂжит со всЂми князи и бояры смоленскими. И тут немало учинилося диво, побито множество князеи и бояр, и самого князя СвЂтослава убили, и сына его, князя Юря \л.64об.\ СвЂтославовича, срубали. И князь Скиргаило князя Юря от ран выгакл И и привез его к городу Смоленску к матери его, княгини СвЂтославовои, и посадит его на великом княжении Смоленском. И сами пошли пррчь, князь великии Витовт c князем Скиргаилом, в свою землю Литовскую.

И почнет Скиргаило княжити на ТроцЂх, a до Вилни прислал тотчас король полскии старосту своего, лядскаго пана. A князь великии Витовт тогды держал Луческ и всю землю Волынскую, a в Литовскои земли тогды отчизну имЂл \л.65.\ свою. И стало Витовту смутно велми и жалость великая, иж перед тым Литовскои К земли державца чюжого не бывало, и многим волостем литовским прислухаючим ему. Тогды Витовт учинит собЂ раду со многими князи и бояры литовскими. A Скиргаило тогды ехал к Полоцку, a князь Витовт поЂхал до Вилни, хотячи Вилню засЂсти. И князя Витовта тогды не хотЂли впустити в Вилню, оли ж бы кралю Якгоилу дали правду и Скиргаилу. И Витовт тогды не взем Вилни, и поидет до НЂмец к мистру з своею \л.65об.\ княгинею и з своими князи и бояры, и c немецкою силою почал оттолЂ воевати Литовскую землю. И уже князь Витовт Литовские земли половину взял, по реку Велю, и Полтеск город подался ему. И узнал тое князь Скиргаило, иж не могут против Витовта стояти и Литовское земли одержати. И поидет князь великии Витовт c немецкими силами до Вилни, и стрЂтит его князь великии Скиргаило c воиском на рецЂ на Вили y городка. И зступилися воиска, и ударилися, и поможет бог великому князю Витовту, и побЂгут воиска Скиргаилово, и побито их \л.66.\ много. A иных живых поимано и в ятьство повели князеи и бояр: князя Семена Евнутевича, князя ГлЂба СвятославовичаКК, князя Ивана Лвовича, и иных князеи много поимали.



З—З B P ни Анътиох сирскии, a ни Ульян законопреступъник И Так в рукописи; в P выгоил К Так в рукописи; в P y Литовскои КК Буквы во написаны над строкой



И поидет князь великии Витовт к ВилнЂ з своим воиском, оступят город Вилню и почнут напервЂи Крывого города добывати, \206\ и розбили пушьками Крывыи город Скиргаилова брата Олкгирдовича. A короля полского была зостава лядская на Высоком городЂ, и не пустили князя Витовта в город. И князь Витовт Крывыи город вземши и землю Литовскую взвоева\л.66об.\вши, опять вернулся в НЂмцы.

Князь Витовт княжну свою отдал за московского князя великого Василя Дмитрбевича.

Того же лЂта князю великому Витовту послы пришли от великого князя московского Василя Дмитреевича. Князь велики Л Витовт дал княжну свою Зофею за князя Василя ДмитрЂевича и отпустил ее з Марина городка, и c нею послал князя Ивана Олкгимонтовича со Кданска. И пошли со княжною в великих кораблех морем, и приЂхали ко Пскову. И псковичи им великую дали честь и проводили их до Великого Новагорода. Також и новгородцы им великую \л.67.\ честь давали до Москвы к великому князю Василю ДмитрЂевичю. A князь великии послал им против братью свою: князя ОндрЂя Володимеровича и иных князеи и бояр. И стрЂтили княжну ЗофЂю c великою честию. Тогды был c ними священныи митрополит Киприян со многими владыками и архимандриты, и игумены, и со всЂми священники. И стрЂтили ее честно со кресты перед Москвою, и был собор великии и венчаня ся стало, и было чести и веселия досыти, иж не может выписати.




О князи ВитовтЂ, как король полскии Якгоило прислал до него, \л.67об.\ просячи его


Также князю Витовту, будучи в НЂмцЂх y мистра, в Марином городку, прислал к нему король полскии Якгоило, рекучи ему: «Брате милыи, болши того не кази земли Литовское и не пустоши отчизны своее и нашие, a поди к нам в еднание и в великую братскую приязнь, возми собЂ княжение Вилню и сядь на столцы дяди своего, великого князя Олкгирда и великого князя Кестутя, отца своего». И князь великии Витовт слышавши, учинит собЂ раду c князми своими и паны своими литовскими, c князем Юрем Нарымунто\л.68.\вичем БЂлским и c князем Иваном Олкгимонтовичом, и c тыми порадился, поиде в Литву, и сядет на великом княжении Литовском на ВилнЂ. И были ради вся земля Литовская и Руская. A князь Корыбут Олкгирдович нЂшо ЛЛ почнет на то радити и не в слушности быти y князя великого Витовта, и почнет воиско свое збирати. И зступилися воиска на мЂсте на ДокудовЂ, и сталася битва, и побЂгут воиска Корыбутовы, и побито их много, и сам Корыбут убЂжит в Новгородок, и тут была княгиня и дЂти его. И князь \л.68об.\ великии Витовт опять, собравши воиско, и оступить Новгородок, и взял князя Корыбута и княгишо его, и дЂти его в нятство взял. И потом княгиня Олкгирдовая умерла, и король полскии прислал Витебска держати соколничего своего Федора Весну. A князь Швинтрыгаило тогды ещо молод, и будет Федор Весна держати Витебск c приказаня короля Якгоила. И Шинтрыгаило не мог терпЂти, што Федор держит Витебск из М его послушенства, и князь Шинтрыгаило город Витебск засЂл и Федора убил. Была ж королю Якгоилу o том жалость великая, и писал до брата сво\л.69.\его Витовта, иж бы он тое помстил. И князь Витовт взял c собою Скиргаила и собрал воиско великое литовское, и поидет к городу Витебску на князя Швинтрыгаила. И напервЂи Витовт поидет ко Друцку, и друцкыи князи стрЂтили Витовта c великою честию, и ударили ему челом в службу. ОттолЂ князь великии Витовт приидет к Орши; оршане в городе затворилися два дни, и потом город взяли. И от того Витовт приступил к городу Витебску, и князь Швинтрыгаило затворился в городЂ Витебску, и почал Витовт города Витебска добывати. \л.69об.\ И тут же приидет на помоч ко князю Витовту СвЂтославович ММ смоленскии, и ударит челом князю великому Витовту в службу. И почали твердо добывати города, и витеблене не могли терпЂти, и далися Витовту. И князь Швинтрыгаило выидет вон з города и ударит челом князю Витовту, и князь Витовт взем город Витебск и осадит, и сам поидет до Вилни.



Л Далее еще раз великии ЛЛ Так в рукописи; д. 6. нЂшто М После из буква е; в P не з ММ B Арх Юри Светославич






Как князь Витовт Подолю звоевал


Тое ж опять весны поидет князь Витовт к Подолю, a князь Володимер Олкгирдович тогды был в Кие†и держал, \л.70об.\ и не хотЂл покоритися князю Витовту. И князь великий Витовт, шодши, взем город Житомир. И приидет к нему князь Володимер. И князь Витовт Киев от него отнял и ему дал Копыль, и на Кие†осадит Скиргаила. И сам Витовт поидет на Подолскую землю, a Скиргаилу велЂл князь великии Витовт поити к Черкасом c Киева и к Звенигороду. И князь Скиргаило божиею помощию и князя Витовтовым приказанием взял Черкасы и Звинигород \207\ и вернулся до Киева. И будучи князю Скиргаилу в КиевЂ, и был нЂкто в Кие†Фома чернец Изуфов, держал намЂ\л.70об.\стничство от митрополита y святое СофЂи. Тогды князь Скиргаило въсхочет Ђхати в ловы за ДнЂпр, и Фома тот почнет просити на митрополеи двор на честь, и князь Скиргаило до него заЂхал. И тот Фома дал князь Скиргаилу зелие отравное пити, и князь Скиргаило того не вЂдаючи. И c того пиру поЂхал в ловы за ДнЂпр к Милостьловичом, и там в ловЂх разболЂвся на канун крещеня, в четверг, и на тых мЂст до Киева приЂхал немочен, болЂл 7 днеи и умер в середу. И кияне вси понесли его на головах, священницы \л.71.\ поюще отходные пЂсни, со свЂчами, из города Киева до святое Богородицы Печерское, и положон князь Скиргаило чюдныи и добрыи подлЂ гроба святаго Феодосия Печерскаго. И князь великии Витовт послал князя Ивана Солкгимонтовича на Киев, a князя ГлЂба СвЂтославовича отпустил к Смоленску, a князю Юрю СвЂтославичю Н сЂдечи на Смоленску будет непослушон князя великого Витовта, и князь Витовт послал к нему послы o исправе, и он ся того не справил. И князь великии Витовт со всЂми силами поидет к Смоленску на князя \л.71об.\ ГлЂба СвЂтославовича. И как приидет к Смоленску, так ГлЂб подастъся ему з городом Смоленском, и князь Витовт даст Смоленск князю Василю Бораковичю, и князю ГлЂбу даст город Полныи, a сам поидет в Литву. Тое же зимы князь Витовт пошлет князя Семена Лынкговича со многим воиском смоленским на князя Олга резанскаго, и они, Ђхавши, много множество спустошили Резанское земли, и опять вернулися в свое князство Литовское. A тогды зима была велми люта. Тое ж зимы на весну при\л.72.\Ђхал к князю великому Витовту князь великии Василеи Дмитреевичь московскии до Смоленска в великии пост. И учестил его князь великии Витовт и многи коштовитны дары подает: ланцуги золотыи, соболми, камками дорогими, суды золотыми и бахматы. И даровавши его розмаитыми дарми и порты, жемчюгом саженыи, оксамиты многоцЂнными, и гиншты в золотых сЂдлЂх и зброях, и отпустит к Моск†c великою честию, a сам поЂхал до Литвы. \л.72об.\




О Подолскои земли


Опять отселЂ почнем, коли князь Олкгирд пошол в полЂ c литовским воиском и побил татаров, татарских князеи ХачЂя a Колобуга, a Дмитрия. A тыи три браты татарскии, отчичи и дЂдичи Подолские земли были, и завЂдали от них отаманы a приезжаючи дани бирали у-в отаманов c Подолское земли. A брат князя Олкгирдов, князь Корыят, держал Новъгородок Литовскии, a y того Корыя НН 4 сыны были: князь Юри, князь Александра, князь Костянтин, князь Федор. И тыи княжата Корятовичи князя \л.73.\ Олкгирдовою О помочю и волею пошли в Подолскую землю ОО, не было еще ни одного города мураваного ни деревеного. Тогды тыи княжата Корятовичи, пришодши в Подолскую землю, вошли и приязнь c отамоны и почали боронити их от татар и дани татаром не почади давати. Напервеи нашли собЂ твержицу на рецЂ, на Смотрычи, и тут собЂ город Смотрыч здЂлали, a в другом мЂсте на Смотры же город Букуту поставил. A потом, ловячи в ловЂх, пригодилося им стадо оленеи наЂхати на том мЂсте, гдЂ теперь Каменицкое мЂсто лежит. \л.73об.\ И тыи княжата розселилися на том мЂсте и город смуровали Каменец, a c того вси городы подолские помуровали и оселилися тыи Корятовичи. A потом один их брат отъЂхал до угоръского короля, князь Костянтин, и так умер, a князь Юря волохо†убили, a князя Александра татарове убили. И как тЂх трех братов не стало, и по них четвертыи брат в Лит†держал Новъгородок, князь Федор, и к тому еще держал Гомеи. И шедши c литовъским воиском засядет Подолскую землю к ЛитвЂ.



Н B K далее дасть князь вЂликии Витовт Жославль город. И князю ГлЂбу НН Так в рукописи; д. 6. Корыята О Так в рукописи; в P Витовтовою ОО Taк в рукописи в P далее a тогды y Подолскои земли






О князи ВитовтЂ, коли за\л.74об.\сЂл на великом княжении Литовском


Також коли князь великии Витовт осЂл на всЂи земли, на великом княжении на Литовском. И князь Федор Корятович не хотЂл был служити князю Витовту со всею землею Подолскою, и князь Витовт пошол со всЂм воиском литовским к Подолю. И князь Федор Корятовичь услышал то и побЂжит к угром, и городы осадит волохи, и угорскии даст ему помоч на Витовта. A князь перво пошол до Брасловля и Браслов взял, a потом пришол до Каменца Подолского и на дру\л.74об.\гии день Каменец взял, потом Смотрыч и Скалу вынял, и Черленыи город, и вси городы побрал, и воеводу князя Федора поимал, и по всЂм городом подолским свои старосты осадил. \208\




О полском королЂ ЯкгоилЂ, как просил Подоля


Потом как король полскии Якъгоило почал просити y брата своего князя Витовта, рекучи: «Брате милыи, дал тобЂ бог великую честь, добыл еси земли Подолское литовскими силами, a c чюжих сторон нихто не помогал, учини теж мнЂ честь, даи мнЂ половину земли Подолское в пЂне\л.75.\зех». И князь великии Витовт дал королю в дватцети тысечах копах Каменец город да Смотрыч, да Скалу, да Черленыи город, a в ыных городЂх подолских свои старосты посажает: на Браславли да на Соколцы, да на Белицы Ц. A король тыи городы в тых пЂнезех даст пану Спытку. Коли пак князь великии Витовт бился c татары, и пана Спытка татарове убили, и пании Спытковая вдовою зостала, a дЂтки еи малы. И король опять почал присылати до великого князя Витовта, што «еси дал нам половину земли Подолское, и мы тыи городы да\л.75об.\ли пану Спытку в дватцети тысячах копах. Ино тепер панья Спытковая вдовою зостала и дЂтки малы, от татар нЂкому земли боронити. Отдаи моих осмь Р тысеч коп, a городы свои опять за себя побери». И князь великии Витовт послал королю осмь Р тысячь коп грошеи паном Немиром a Дмитром Василевичем, a городы свои побрал за себя, и старосту на тых городЂх своего осадил на имя Гроновского. A потом дал Подоле Дадикголду, a потом дал пану Дадикголду Смоленск, и потом Подоле Довкгирду. И пан Довкгирд дер\л.76.\жал тыи городы до смерти великого князя Витовта. A коли Витовта в животЂ не стало, и, приЂхавши, ляхове пана Довкгирда c Каменца созвали к собЂ на раду, и до рады не пустили, его забили, a Каменец засЂли и иныи городы подолскии, и до сих часов Подоле за ляхи зашло, и тепер держат.




О князи ВитовтЂ, как пошел воевати Тивир-Тиклуя


Того ж лЂта князь С великии Витовт пошлет Промчислава и князя ГлЂба СвЂтославовича на Тимир-Тиклуя, a сам князь великии Витовт со всЂм воиском за ними поидет С \л.76об.\ И царь Тохтамашь со всЂми людми поидет Витовту на помоч. Литва и нЂмцы, и ляхове, и татаров, c ним было князеи 50, и была сила ратных велми велика. И пошли на царя Тивир-Тиклюя татарского, и похвалился на орду Витовт: «Поидем пустошечи землю Татарскую и убием царя Тимитир-Клюя и посадим царя Тактамыша, a Тактомышлено Т посадить на всеи Рускои земли». И молвивши то, погали татар воевати. И в том часЂ поспЂет Тивир-Тиклуи царь со многими силами татарскими, c князи и славными ТТ ордынскими, и встрЂ \л.77.\тились со князем Витовтом на полЂ на рецЂ на ВорглЂ, и была им битва великая августа в 12 день.



П Так в рукописи; в P ВЂницы Р Так в рукописи; в P двадцать С—С Так в рукописи; в Н прииде князь Витовът к Смоленску a преже промче слова, рекше: «На Темирь-Кутлуя ида». И выеха к нему князь Глеб Святославичь не в мнозЂ Т Так в рукописи; в K Тактамыш мя ТТ Так в рукописи; в K c уланы



Долго велми билися, и поразили татарове Витовтово воиско. И князь великии Витовт побЂжит в малЂ дружинЂ. И царь Тимир-Тиклуи поидет под Киев, и стоял под Киевом три дни, и кияне дали за себя окуп, три тысячи рублев литовских. И Тимир-Тиклуи татарскую орду роспустил по Великому князству Литовскому, и воевали татарове оли ж до Великого Луцка, и много лиха учинили Литовскои земли, \л.77об.\ и опять пошли в свою землю. A которых побито князеи литовских имена: князь АндрЂи Олкгирдович полоцкии да брат его князь Дмитреи брянскии, князь Иван Дмитреевичь, князь АндрЂи, пасынок князя, Дмитреев сын, князь Иван Борисович киевскии, князь ГлЂб СвЂтославовичь смоленскии, князь ГлЂб Корятович да брат его князь Семен, князь Михаило Подберезскии да брат его князь Дмитреи, князь Федор ПатрыкЂевич Белскии, пан Спытька краковскии.

Того ж году князь Юри СвЂтославовичь да князь Олг резанскии пришли к Смоленску, \л.78об.\ и была в тот час замятня великая в Смоленску: иншии хотЂли взяти господарем Витовта, a другии хотЂли взяти князя Юря, отчича. Тогды Юри смолвился c смоляны з горожаны, и смоляне не могли терпЂти великое налоги из ляхов, приняли собЂ отчича, князя Юря, и город ему оттворили, и князь Роман брянскии в тот час был тут. Тогды велЂл был Витовт того Романа убити, и намЂстника своего послал к Смоленску, и они и намЂстника Витовтова поимали, a бояр смоленских и друцких, которыи не хотЂли имЂти отчича князя \л.78об.\ Юря, тЂх всЂх постинали. И князь великии Витовт тое ж осени приходил к Смоленску на князя Юря и стоял много под Смоленском, и не взял города, поидет в свою землю, взем перемире. A в тот час была в Смоленску великая замятня, и много людеи посЂкли, и мор был на люди. Того ж году мЂсяца июня воевали татаро†около Киева, и монастырь Печерскии забрали и сожгли. Того ж году в НовЂгородцЂ \209\ был мор силен велми и на МосквЂ, и У нам в ЛадзЂ У, и в ПорховЂ, и во ПсковЂ, и в Торжку, и во Твери, и Утро†Ф, и по всЂм руским волостем.

Того же году на БлаговЂщение в поне\л.79.\дЂлник на страстнои недели было знаме великое: яко бы в обЂд время звЂзды явилися, как бы в полночи, и солнце потемнЂло, и страх был великии на землю Рускую. Того ж лЂта Москва згорЂла и Смоленск. A князь великии Витовт вси ФФ владыки Литовскои земли: полоцково, черниговъского, туровского, луцково, володимерсково, и тым владыкам поставил в Великом князст†Литовском митрополита на имя Григория з Болгарское земли.




О князи Дашку Федоровичю, коли Кременец взял


B лЂто 6926-е [1418]. Князь Да\л.79об.\шка Федорович взял Кременец в великии четверг. И князь великии Витовт сам не поЂхал, и пошлет первЂи себе двух сынов Х своих, Дмитрея да Даниля, рекучи: «Передаитеся ему служити, a коли я приЂду к городу, и вы взвод опустите на мост». И они от Витовта приЂхали, и звЂрилися им, и воевода их любезно принял, a того нихто не знал a ни вЂрили, што они приЂхали города засЂсть. И Дашко тогды в ночи приЂхал, a c ним толко 10 человЂк зъброиного люду. И на тых мЂст взвод отсЂкли и на мосту, отсЂкши, положили. И въЂ\л.80.\хавши Дашко c товарыщи своими, Кондрата воеводу забито, a жолнерев королевых побито, князя Швинтрыгаила выпустили из желЂз, што ж князь Щвинтрыгаило седЂл на Кременцу 4 лЂта. И Швинтрыгаило оттолЂ, собравшися, c приказанем Витовтовым, шедши во Угорскую землю, много земли Угорское спустошил и городов побрал, и Луческ Великии взял, a y волынских князеи и бояр пятьсот конеи взял и до Витовта привел.




Похвала o великом князе Витовте


Князь великии Витовт держал \л.80об.\ Великое княжество Литовское и Руское и иное земли много. И мешкаючи ему в Великом Луцку и хотЂл был на себя коруну возложити, и его неприятели поляки не перепустили ему коруны. Тогды призвал к собЂ короля полского и великого князя Василя Василевича, короля угорского c королевою и князь великии тверскии Борис Александрович был, и мистр прускии и немецкии и лифлянскии. И иншии послы были: от Ивана царягородского и римского царя приходили послы, от великого князя резанского послы были, Одоевскии князи сами были, от Вели\л.81.\кого Новагорода послы приходили, от Пскова послы, от ордынских цареи послы приходили, и от волоскаго воеводы послы были. И мешкали вси тыи гости y великого князя Витовта сем недЂль на истравЂ, a надходило ХХ им оброку по пятисот бочек меду да по пятисот яловиц, да по пятисот боранов, по пятисот вепрев, по сту зубрев, по сту лосеи, a иных речеи числа нЂту. Тогды цесар римскии в великои милости c Витовтом был. И там y Луцку тыи гости честовал и даровал розмаитыми дары коштовными. И оттолЂ \л.81об.\ ся утвердила великая милость межи ими. Не может выписати o чести и o дарЂх того великого господаря, которыи земли на востоцЂ или на западе, и прикланялися великому господарю князю Витовту. И царь турецкии давал честь великую и дары многоцЂнны часто присылывал к силному господарю, другии, царьгородскии, тот c ним в великои ласцЂ был. И тЂж Ческое королевство и Угорское, и Полское великую честъ держали над славным господарем, еще и данскии король великую честъ и дары подавал славному господарю Витовту и брату его, вели \л.82.\ кому королю Якгоилу, держачи ему столецы Польского королевъства. Коли славныи господарь, князь великии Витовт, на которую землю гнЂв имЂл и которую землю хотЂл сказити, король полскии Владислав завъжды ему поклон давал. И вси цари татарскии служили ему, и сами своими головами на помоч ходили и слушали его. Також князь великии московскии в великои милости был c ним, и иныи княжата немецкии слушали его и помоч ему давали на битву, гдЂ ему потреба. И еще господарь земли Могдавское Ц и Басарабское, \л.82об.\ воевода волоскии был послушен его во всем.



У—У Так в рукописи; в K и в ЛадозЂ Ф Так в рукописи; в K Дмитро†ФФ Так в рукописи; в К собрал тогды вси Х Так в рукописи; в P панов ХХ Так в рукописи; в K на день выходило Ц Так в рукописи; в K Молдовское



И князь великии резанскии и Одоевскии князи в великом послушест†были, Великии Новъгород и великии Псков, вси были послушны господаря Витовта. Цари и князи в великои ласцЂ c ним были, a иныи служили ему и честь великую, и дары многии, и дани приносили ему не толко по вся лЂта, но и по вся дни. И был князь великии Витовт сильныи господарь славен по всЂм землям, и много князеи и цареи служили во дворЂ \210\ y него. A иныи, приЂздячи, кланялися и просячи себЂ царя. И царство Ордынъское и напервЂи; и дал им царя \л.83.\ до орды Солтана. Тот Салтан был на царстве, и не имЂл николи противитися силному господарю, и оставивши царство побЂжит на иное мЂсто царствовати. И князи ордынстии послали послы свои до славнаго господаря, просячи себЂ иного царя, малаго Салтана. И тот малыи Салтан будучи на царствЂ, не смЂл николи ослушатися силного господаря: гдЂ коли велЂл ему кочевати, там он кочевал. И по малом часу тот господарь им, князем ордынским, не ЦЦ был, и они иншого господаря просили собЂ славнаго Витовта, и он даст им господаря Довляд-Бер\л.83об.\дЂя. И тот Довляд-БердЂи царствовавши, умрет, a князь великии Витовт тот час в Кие†был. И пришли к нему князи ордынскии до Киева со многими дарми и просили собЂ иного царя, и он дал им царя Махмета. И мешкавши князь великии Витовт в КиевЂ, и оттолЂ поЂхал до Луцка Великого опять, и там разболЂлся князь великии Витовт, и роспустил князеи своих и бояр c великою честию. A король полскии Владислав тот час был со князем Витовтом в Луцку, при нем таки и умер князь великии Витовт мЂсяца октября в 23 день на свята\л.84.\го Иякова, брата господня по плоти, в лЂто 6938-е. И сядет на Великом князст†Литовском князь великии Швинтрыгаило, и был толко два годы и мЂсяц, и пошол на Русь на Полтеск.




О Жикгимонте, как Литву держал


Литва посадила на великом княжени Литовском великого князя Жикгимонта Кестутевича на ВилнЂ и на ТроцЂх мЂсяца септеврия в 1 день. A Швинтрыгаило тот час был в Полоцку и поидет в Смоленск, и князи рускии и бояре и вся земля и посадили Швинтрыгаила на Великом \л.84об.\ княжении Руском. A тую ж осень князь Швинтрыгаило собрал силу великую, и князь великии Борис Александровичь тверскии дал ему на помоч брата своего, князя Ярослава, со всею силою своею. И поидет князь Швинтрыгаило на Литву, и не дошол Вилни за шесть миль, стояли под Ошменою недЂлю. И князь великии Жикгимонт приЂдет c литовъскою силою, и была им битва на Ошмене декабря во 8 день, и поможет бог великому князю Жикгимонту, и побили Швынтрыгаилову силу, a иных поимали, к[нязя]4 Юря \л.85.\ Лынкгеевича убили, a князя Юря Семеновича поимали, Федка ИодинцЂевича поимали, пана Дидикголда поимали, a иных много множество людеи побили и поимали.




О князи Швинтрыгаиле, как воевал Литву


Тое ж зимы другии раз князь Швинтрыгаило собрал силу рускую великую и поидет на Литву, и повоевали Литовское Литвы Ш вемли много множество, и побили, a иных в полон повели. Да того ж лЂта князь Швинтрыгаило, собравши многую силу рускую и мистра \л.85об.\ [ли]флянского Щ со всЂми лифлянты подоимет собЂ на помоч, a князь великии Э даст ему свою силу, и моцно поидут в Литовскую землю. И кочевал Ю за полторы мили от Вилни y Рудомини и, минувши Вилню, поидут на Старыи Троки, и стоял под Старыми Троками 4 дни, и не добывши поидет прочь искати князя великого Жикгимонта и воиска литовского. И стоял y Еишишках 4 дни, и поидет опять в свою землю. И напервЂи приидет к Креву, стоял два дни, и добыл города Крева мурованого, и выжог, и людеи много посЂкли и в полон повели. \л.86.\ И оттоле поидет на Молодечно. И приидет до него вЂсть, што литва в погоню идет, и князь великии Швинтрыгаило послал на имя князя Михаила, киевского воеводу, да иных послал руских князеи много, и побили пана Петра Монкгирдовйча и всю литву, a иных поимали. И оттолЂ поидет Швинтрыгаило к Жеславлю, и одного дня возмет, и мЂсто выжгли, и людеи в полон повели, и много лиха здЂлали великому князю литовскому и пошли в свою землю Рускую, к Борисову. И там поимали князя Михаила Ивановича Палачанского Я на ре\л.86об.\цЂ Березыни и послали его к Витебску, и там велЂл утопити, a поимали его одного ЯЯ. A потом мистр лифлянскии поидет в землю в Лифлянты, a князь великии Швинтрыгаило к Лукомлю. И там воиско свое роспустит, князеи и бояр, и сам поидет до Киева, На тую ж осень князь великии Жикгимонт, собравши силу великую, литву н ляхи, и поидет на Рускую землю и стал под Мстиславлем мЂсяца сентября в 16 день, и стоял 4 недели, и Мстиславля не добывши и вернулся в свою землю.



ЧЧ Так в рукописи; в P не люб Ч Край листа оборван, видна только буква к Ш Над словом три киноварных выносных знака, но на поле записей нет Щ Край листа оборван; букв ли нет Э Так в рукописи; в K великии тверскии Ю Так в рукописи; в K ночевал Я B K Голшанского ЯЯ Так в рукописи; в P невинного человека \211\






О князи Швинтрыгаиле


Того ж лЂта Швинтрыгаило, соб\л.87.\равъшися c князьми рускими и з бояры, со въсею силою рускою, и поидет на Литву. И мистр лифлянскии и c кунторы своими приидет к Швинтрыгаилу на помочь, и знялися Швинтрыгаилом y Брасловли. И тот час мокрость дожду падает на землю, затым не могли до Литовские земли Ђхати, и Швинтрыгаило пошлет в свою землю, и роспустил свою силу всю, a сам поидет до Киева. На третие лЂто князь Швинтрыгаило зжог митрополита в Витебску на имя Герасима, и потом собрался c силою своею в Витебск c князи и бо\л.87об.\яры рускими, и поидет к Брасловлю по Завелскои сторонЂ. Тут приспЂет к нему мистр лифлянскии со всЂми силами своими, и поидут от Брасловля к Вилкомирю. Князь великии Жикгимонт не пошол сам на Швинтрыгаила, даст ему король полскии на помочь 8000 копеиников и пошлет сына своего, князя Михаила, на Швинтрыгаила. И князь Михаило приидет со всЂми силами своими литовскими и c ляхи, и была им битва на Семен день в восень за Вилкомирю на рецЂ. И поможе бог Жикгимонту и его сыну Михаи\л.88.\лу, и побили Швинтрыгаила и всю силу его, и много князеи побили, a иных живых поимали. Убили тогды братанича князя Корбутова Жидимина да князя Ярослава Жинкгвеневича, князя Михаила Семеновича и князя Михаила вяземского Лвовича, a иных князеи побили и живых поимали 42 князеи, a говловах А напервЂи князя Ивана Володимировича киевского да брата его Федора Корбутовича, a лифлянского мистра и морщалка его и много кунторов побили, и всих побили и поимали и много c ними было раку Б, сла\л.88об.\ваков и чехов.




О князи Михаиле, Жикгимонто†сыне


ПослЂ того побоища, на третюю неделю спустивши, князь великии Жикгимонт собрал свою силу и пошлет князя Михаила, сына своего, на Русь. И пришол князь Михаило, стоял под Витебском 6 недель, и не взем города проч пошел. И послЂ того тое же зимы великии Жикгимонт собрал всю силу литовскую и послал под Полотск. И пришедши рать стояла под Полоцком недЂлю, и не добывши города пошли проч. И на другое лЂто полочане, собЂ ни отку\л.89.\ды помочи не нашли, и подалися князю великому Жикгимонту, и почал княжити Жикгимонт на княжени Литовском и Руском.

B лЂто 6946-е [1438]. Был голод велми великии, по селом и по городом звЂри людеи ядали, a в городе в Смоленску и по мЂсту и по улицам псы людеи едали, головы по улицам волочили, и руки и ноги человЂчьи, матки дЂток своих Ђли от великого голоду, a в великии пост мясо ядали по селом и по волостем, a в тот час четверть была жита по три копы грошеи. И много лиха того году учи\л.89об.\нилася по всеи земли Литовскои и Рускои, и много кровопролитя сталося, брат брата родного своего убивал, и моры были великии. О таковом деи страху люди старые не могут памятовати.




О князи великом Жикгимонте, как его зарЂзали


Того ж году князя великого Жикгимонта y Троцех зарЂзали в вербную недЂлю перед обЂдом, и была замятня великая в земли Литовскои. B тот час Смоленск держал от Жикгимонта пан АндрЂи Исакович. Почал смольян приводить к присязЂ, рекучи: «Князь литовскии на великом княжении, a вам \л.90.\ от Литовское земли на отступати, a великого князя литовского вам собЂ за господаря имЂти, a мене вам быти послушьным дотоль, пока князь на Лит†сядет, на ВилнЂ и на Троцех». И владыка смоленскии, и князи, и бояре, и чорныи люди на том присягнули, што ж им пана АндрЂя имЂти себЂ воеводою почесность на Смоленску. И по Велице дни на святои недЂли в середу здумали чорныи люди смоляне, раду собЂ учинили, вковами В, кожомяки, шевчики, мясники, котелники, пана АндрЂя сослать силою з города, a присягу свою измЂнити. И нареди\л.90об.\лися во зброгах Г, c волочнями, c луки, c косами, c топорками, и зазвонили в звон ратныи. И пан АндрЂи почал ся ГГ c бояры смоленскими, и Д со всЂм двором своим на них c копьи на конех, и была им битва в городе в день Бориса и ГлЂба, и побили много чорных людеи, и биги ДД чорные люди от пана АндрЂя. И тое ночи АндрЂи из города выЂхал и.з женою, и бояре смоленскии были. И послЂ того замятня была великая в Смоленску, и поимали смоляне морщалка смоленского Петрыку, и утопили его в ДнепрЂ, и поставили собЂ воеводу в Смоленску князя Ан Е \л.91.\

. . .престани c морозом была, и мерли люди многии по селом и по дорогам c великие студени и снЂг был велми велик, за многии лЂта таковое зимы не было и таковое весны. Вода была велми великая в Смоленску, все мЂсто поняло было, мало не дошла до Покровское горы.



А Так в рукописи; в P в головах Б Так в рукописи; в Сл ракушан В Так в рукописи; в P ковали Г Так в рукописи; в P зброи ГГ B P далее радити Д B K далее пошол ДД Так в рукописи в P побегли Е Далее недостает одного листа \212\






О литовском Ж побоищи


Того ж лЂта князь великии Казимир немирен был c князем великим московским. И пришедши москвичи c татары казанскими извоевали Вяземъскую всю землю. Тое ж так зимы князь великии Казимир послал воевод своих, князеи и па\л.91об.\нов литовских, против того воевати Московскои земли, извоевали Козелеск, Верею, Колугу, Можаеск, и много лиха учинили Московскои земли, и в полон повели в Литовскую землю. И москвичи, собравшися за 9 днеи, и погналися за литвою, и, догонивши, билися c литвою. И помог бог литвЂ, побили много москвичь, литва побила, и много живых поимали и привели их к Смоленску к великому князю Казимиру, и учинили князи тогды великую честь князю великому Казимиру королевичю. Московского поби\л.92.\ли татарове.

A московского князя великого не было в Московскои земли, ходил к Мурому c татары битися, c царем Махметом и з сыном его Момотяком. И побили москвичь наголову, a самого князя московского Василя и можаиского князя Ивана поимали, и иных князеи и бояр много побили, a иных поимали были на Суздали, y святаго монастыря. И была тогда Москва в великом страху. И потом царь Махмет и Момотяк дали князя великого московского на окуп, и дали на нем окупа много множество ру\л.92об.\блеи и соболеи, и мир c московским. На другое лЂто взяли примире c князем великим Казимиром королевичом, и дочку свою ему выдал. А по смерти того Казимира Якгоиловича сЂл на великом княженьи Литовском король Александр, сын его. И тот немного державши умре.

B лЂто 7013 [1505]. МЂсяца августа в 15 день, индикта З, в Виленском мЂсте по смерти короля Александра, на великом княжении Литовском брат его, королевич Жикгимонт Казимировичь.

B лЂто 7000 [1492]. Сен[тября] 21 день, индикта в 10, во вторник, 11 тое ж зимы и коруну взял.

B лЂто 7015 [1507]. 25 И, индикта 11, в субботу, прибЂжит c Москвы князь Костянтин Иванович Озсторозскии. Тое ж зимы мЂсяца февраля 5 день стял Глинскии Заберезынского.

B лЂто 7022, индикта 12 [1514]. МЂсяца маия 16 день, на память святаго отца нашего Григория, тыждни по святом Николине дни вешнем, во вторник. ПриЂхали москвичи в Смоленск и стояли под Смоленском 12 недЂль. A потом смоляне подалися московскому в понедЂлник, августа 1 день, и на завтрия московскии князь 11 великии въЂхал в город. А потом господарь наш, король его милость, сам пошол против неприятеля своего московского. И выЂхал его милость з Вилни мЂсяца июля в 22 день, на память святыя Марии Магдалыни, в суботу, перед матки божи запусты, o 9 годинЂ дня. И стоял господарь король его милость в Борисове, a гетмана своего, князя Костянтина Ивановича Острозского, c воиском послал против московского. И съЂхалися воиска за Оршою, на КропивнЂ, и ударилися в пяток, мЂсяца сентября, в 8 день, на Рожество пресвятыя Богородица, \л.94.\ ино там ее святое тое милости молитвами бог помог господарю нашему, королю Жикгимонту, москвичь наголову побити. И воевод их старших поимали, на имя: князя Михаила Ивановича Булгакова да брата его князя Дмитрея, Ивана ОндрЂевича Челяднина, князя Ивана Дмитреевича Пронского, Дмитрея Василевича Китаева, Данила ОндрЂевича Плещеева, Ивана да Володимера Семеновых детеи Колычова. A детеи боярских: князя Бориса и сына его князя Петра Ромодановских, князя Ивана Семеновича Шаховского, \л.94об.\ князя Бориса князя Иванова сына Стародубского, князя Петра Путятина да братанича его, князя Семена Ивановича, АндрЂя Семеновича Колычова, Бориса Ивановича Плещеева, Ивана К сына Кулешина, Филипа Иванова сына, Юря Дмитреева сына Лынкова, АндрЂя Филипа Нащокина, Ивана АндрЂева сына Еропкина Л, МатвЂева сына Влукова, ТимофЂя Дмитреева сына, князя Юря Ивановича ДЂева, Ивана Дмитреевича Соколника, Истому Лупандина, Неклюда ПлещЂева сына Бордина, АндрЂя \л.95.\ Полуехтова сына, Кобца Митина, сына яселничого Будодора Ивановича Новосилцова, Семена Федоровича, Григория Борисовича Безумнаго.

ВЂра закону римского уставлена в Лит†через короля полского и через великого князя литовского Александра Витовта лЂта божя нароженя 1386.

Король Якгоило, отец Казимиров, поразил нЂмцов лЂта божя нароженя 1331 М.

Литва взяла Полтеск лЂта божя нароженя 1360 Н.

Короля Олбрахта поразили волохове лЂта божя нароженя 1497. \л.95об.\



Ж Так в рукописи; в P московском З Индикт не указан И Месяц не указан К Далее чистое место на 6 — 7 букв Л Далее чистое место на 7 — 8 букв М Так в рукописи Н Так в рукописи; д. б. 1306 \213\



Велебныи король Казимир умер лЂта божя нароженя 1080 году.

Витовт окрещон в Крако†поспол c Якгоилом лЂта божья нароженя 1386.

Витовт умер по божем нароженю 1430.

АндрЂи Казимир умер лЂта божя нароженя 1488 О.

Панов поимано на Ведроши лЂта божя нароженя 1500 году.

Татаров побито под Клетцом лЂта божя нароженя 1500 П году.

Король Александр умер, a Жикгимонта на великое князьство взяли лЂта божя нароженя 1506 году, на день святого Симона Июды. \л.96.\

Табар умер лЂта божя нароженя 1507.

Глинскии стял Р Заберезынского и з земли побЂг на Москву лЂта божя нароженя 1520 году.

Москву побито под Оршею лЂта божя нароженя 1514 году, сентября 8 на рожество Богородицы.

Захарьяш лекгат был в ВилнЂ лЂта божя нароженя 1520 году.

Золота улочка была отворена лЂта божя нароженя 1524 году.

Король Жикгимонт данщан стинал лЂта божя нароженя 1526 году.

Татар побито на Голшаницы лЂта божя нароженя 1527 году.

Того ж году 27 и царя заволского з Литвы проч выпустили. \л.96об.\

Королевая Бона напервЂи до Литвы приЂхала днем лЂта божя нароженя 1528 году. A того ж лЂта списывали всю землю, a Жикгимонта Августа молодого посадили на Великом князьст†Литовском в понедЂлник, на день святаго Луки Евангелиста, a ему тогды было 9 лЂт.

Того ж году права писаныи даны Великому князьству Литовскому на святого Михаила день.

МЂсто и замок Виленскии горЂл лЂта божя нароженя 1530 году.

Того ж году татаров побито на Голтве, a тогды был князь Иван Дубровицкии С \л.97.\

. . . и лежали под Стародубом 5 недЂль из дЂл бьючи, оли ж подкопавшися порох запалили, и выкинуло 4 городни и замок взяли. Овчину князя Федора и много княжат и детеи боярских в полон побрали, a ишпих постинали, боицов 10000, a 30000 полону взяли.

B лЂто 7053, a под лЂты божя нароженя 1535 Т. МЂсяца июля день, индикта 3, в понедЂлник, 16 годины зуполноге зекгаря преставилася великая королевая Олжбета Жикгимонтовая Августовая, \л.97об.\ молодая дшер Фердынандова, короля ческого и ракуского, брата родного цесаря християнского, на третьем году ее принесения до Коруны Полское и Великого княжения Литовскаго. Тут в ЛитвЂ, в граде ВилнЂ, на палацу мураваном, за воеводу виленского пана Яна Юревича ГлЂбовича.

ЛЂта божя нароженя 1563 року. МЂсяца февраля в 15 день, заговЂвши мясом на масленои недЂли, в понедЂльник из за великого короля полского Жикгимонта Августа, князя литовского, a за вое \л.98.\ воды полоцкого Станислава Станиславовича Давоины, при нареченном архиепископЂ владыцЂ полоцком Арсении Шисце, изволением отца и поспешением сына и совершением святаго духа, царь и великии князь Иван Василевичь московскии взял град великии Полотеск, и воеводу полоцкого Довоину взял и з женою его c панею, и владыку Арсения, и князеи и бояр з женами и з дЂтми всЂх наголову вывел полоном, простых людеи всЂх побил и в полон побрал на корень, з женами и з детми выпленил. \л.98об.\

ЛЂта божя нароженя 1564 году. Побили литва Шуиского князя Петра Ивановича c силою великою московскою на Еванском.

ЛЂта божя нароженя 1565 году. B осень взяли москвичи Озерища c воеводою царевым и великого князя Ивана Василевича, со князем Юрем Ивановичем Токмаковым.

ЛЂта божя нароженя 1566-го. МЂсяца октября в 28 день, против вторника на Симона Июды, сталося знамение на небе в месяце, и был месяц, яко кровь, стоял годины 3 в затмени. \л.99.\

Року 1567-го. МЂсяца апрЂля в 9 день, в среду, на радуничнои недЂле, было солнце в затмении все, и потом яко мЂсец стало, на полдень рогами на вечер.

ЛЂта божя нароженя 1567. Побили литва посоху московскую, на Суши город ставячи, и воевод московъских, Серебряного князя Петра.

ЛЂта 7075 [1567] году. В том же году на берегу против крымского стоял князь Володимер АндрЂевичь, c ним царя и великого князя бояре и воеводы У. . .



О Так в рукописи; д. б. 1492 П Так в рукописи; д. б. 1506 Р После т вытертая буква С Далее недостает одного листа Т Так в рукописи; д. б. 1545 У На зтом рукопись обрывается















© Сканування та обробка: Максим, «Ізборник» (http://litopys.kiev.ua)
25.III.2003








Попередня     Головна     Наступна


Етимологія та історія української мови ua_etymology:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчани, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.