Уклінно просимо заповнити Опитування про фемінативи  

[ПСРЛ. — Т. 1. Лаврентьевская летопись. — Л., 1927. — Стлб. 451-460.]


      Шрифт



Попередня     Зміст     Наступна






451п

Примѣчанія. А Чит. наречена. Б -нти- написано вязью. В -му написано вязью. Г нѣ- написано вязью Д -тв- написано вязью. Е Чит. зѣло. Ж Чит. пискупъ (= епископъ). З -ик- написано вязью.

В лѣт̑ . ҂s҃ . ѱ҃ . л҃з . [6737 (1229)] мс̑ца . априлѧ ❙ Придоша Мордва с Пургасомъ к Новугороду . и ѿбишасѧ их̑ Новгородци . и зажегше манастъıрь ст҃оє Бц҃и . и цр҃квь иже /л.156/ бѣ внѣ града . того же дн҃и и ѿѣхаша прочь поимавъ своѣ избьєнъıӕ болшиӕ . Тогож̑ . лѣт̑ . Побѣди Пургаса Пурешевъ сн҃ъ . с Половци . и изби Мордву всю и Русь Пургасову . а Пургасъ єдва вмалѣ оутече . Тогож̑ . лѣт̑ . Рожь не родисѧ по всеи нашеи земли и дорого бъıс̑ жито ❙ Тогож̑ лѣт̑ . Ӕрославъ оусумнѣсѧ брата своѥго Юргѧ слушаӕ нѣкъıихъ Г льсти . и ѿлучи ѿ Юргѧ Костѧнтиновичи . г҃ .

452

Васїлка Всеволода . Володимера . и мъıслѧшеть противитисѧ Юргю брату своѥму В. но Бъ҃ не попусти лиху бъıти . блг҃оразум̑нъıи кнѧз̑ Юрги . призва ихъ на снєм̑ в Суждаль . и исправивше все нелюбьє межю собою . ипоклонишасѧ Юрью вси . имуще ѥго ѡц҃мъ собѣ и гс̑нмъ . цѣловаша крс̑тъ . семтѧб̑ . въ . з҃ . дн҃ь . в канунъ Ржс̑тву ст҃ъıӕ Бц҃а . и праздьновавше Ржс̑тво ст҃ъıӕ Бц҃а . оу свщ҃наго єпс̑па Митрофана . бъıвше весели . и ѡдаренъı с мужи В своими . и розъѣхашасѧ ❙ Тогож̑ . лѣт̑ . Кирилъ ѥпс̑пъ . Ростовьскъıи . и ѡставивъ єпс̑пью приде в Суждаль к ст҃ому Дмитрию . в свою келью . хотѧ лѣ|чити свою немочь . ӕже бѣ ѥму В внутрь . бѧше же ѥму В лице измѣнилосѧ . акъı почернѣло ѿ недуга . оустнѣ ѡтолстѣли и носъ . К тому же и єще приде на нь искушеньє . акъı на Иєва . въ єдинъ дн҃ь мс̑ца сем̑тѧб̑ . въ . з҃ . все богатьство Д ѿӕсѧ ѿ него нѣкакою тѧжею . судившю Ӕрославу тако . ту сущю ѥму В на сонмѣ . бѧшет̑ бо Кирилъ ба҃тъ . s҃ . Е кунами . и селъı . и всѣм̑ товаром̑ . и книгами . и просто рещи . такъ бѣ богатъ всѣм̑ . такъ ни єдинъ пс̑пъ Ж бъıвъ в Суждальстѣи ѡбласти . ѡн же ѡ всем̑ ѡ том̑ вздасть Бв҃и хвалу . пострижесѧ в скиму того мс̑ца . въ . s҃ı . дн҃ь . и нареч̑но бъıс̑ имѧ ѥму З Кирьӕкъ . а что сѧ ѥму ѡста то роздаӕ любимъıм̑ . и нищим̑Тогож̑ . лѣт̑ . Стрс̑ть новаго мчн҃ка Хс̑ва . ѥгоже оубиша Болгаре в Великом̑ градѣ ихъ сь бъıс̑ иного ӕзъıка . не Рускаг̑ хс̑рьӕн же съı . имѣӕше имѣньѥ много . гостешбу дѣӕ по градом̑ . вниде в Болгарьскъıи гра . ѡни же ѥмше нудиша и много дн҃ии ласканьєм̑ . и прѣщеньєм̑ . ѿврещисѧ Хс̑а и вѣръı хрс̑ьӕньскъıӕ . ѡн же /л.156об./ не покорисѧ . но всѧ ѡставивъ . изволи паче оумрети за Хс̑а оусѣченъ бъıс̑ . мс̑ца априлѧ . въ . а҃ . дн҃ь ѥгоже Русь хрс̑ьӕне вземше тѣло положиша в гробѣ . идеже вси хрс̑ьӕне лежат̑ . и створи Бъ҃ млс̑ть вскорѣ за кровь ѥго . погорѣ оу него болшаӕ половина города Великаго З. а потом̑ ѡставшаӕ часть . загарашет̑сѧ дн҃мъ


453

Примѣчанія. А мц- написано вязью. Б -нь- написано вязью. В Очевидно, надъ строкой стерлось с̑ (бъıс̑) Г Должно быть: къ стрыю. Д -тв- написано вязью. Е му- написано вязью. Ж Слѣдующій за симъ листъ писанъ особымъ уставнымъ почеркомъ XIV в., современнымъ Лаврентьевскому списку, на лицевой сторонѣ мелкимъ, а на оборотѣ крупнымъ, съ пробѣломъ въ концѣ страницы, но такъ, что продолженіе рѣчи, безъ перерыва смысла, идетъ далѣе. З Чит. в великои. И -нь- написано вязью. І Чит. церкы святая.

дваждъıи и триждъıи . такоже и бъıс̑ по мьного дн҃и . мало ѡстасѧ города . а все погорѣ . и товара погорѣ множ̑ство бещислено . за кровь мч҃нка Хс̑ва ❙ Тогож̑ лѣт̑ . Саксини . и Половци възбѣгоша из низу к Болгаром̑ перед̑ Татаръı . и сторожеве Болгарьскъıи прибѣгоша бьєни ѿ Татаръ . близь рѣкъı єиже имѧ Ӕикъ ❙

В лѣт̑ . ҂s҃ . ѱ҃ . л҃и . [6738 (1230)] мс̑ца А. марта . въ . ѳ҃ дн҃ь . . м҃ . ст҃хъ мч҃нкъ . Принесенъ бъıс̑ Хс̑въ мч҃нкъ . Аврамии . новъıи изъ Болгарьскоє земли . в славнъıи град̑ Володимерь . ѥгоже Болгаре в минувшеє лѣт̑ . мс̑ца . април̑ . въ . а҃ . дн҃ь . много мучивше . нудѧще ѿврещисѧ крщ҃ньӕ . ѡн же не ѿверьжесѧ . но все ѡставль имѣнь|є Б своѥ оусѣченъ бъı В. и взѧтъı бъıша мощи ст҃го стрс̑пца Аврам̑ӕ . и принесенъ бъıвъ в Володимерь . и великъıи кнѧз̑ блг҃очс̑тивъıи Геѡргии . оусрѣте и перед̑ городом̑ за версту . с великою чс̑тью . и свѣщами . и єпс̑пъ Митрофанъ . со всѣм̑ клиросом̑ . и со игуменъı . и кнѧгъıни з дѣтьми . и вси людьє . и положенъ бъıс̑ в цр҃кви ст҃ъıӕ Бц҃а . в манастъıри великъıѣ кнѧгини Всеволожиѣ ❙ Тогож̑ . лѣт̑ . блговѣрнии кнѧзи . Василко . и Всеволодъ . и Володимеръ . послаша къ ѡц҃ю Г своѥму Гюргю . и къ єпс̑пу Митрофану . по Кирила . игумена и архимандрита . манастъıрѧ ст҃ъıӕ Бц҃а Ржс̑тва . дабъı и пустилъ на єпс̑пьство Д Ростову . и ѿпусти кнѧз̑ великъıи Юрги . Кирила на єпс̑пьство Ростову . изидоша же на срѣтеньє Кирилово . кнѧз̑ и кнѧгъıни . и болѧре . и вси мужи Е Ростовьскъıӕ . и игумени . и попове . и ст҃ъıӕ зборнъıӕ цр҃кве клиросъ и вси гражане . ѿ мала и до велика . и введоша и с великою чс̑тью . в ст҃ую зборную цр҃квь ст҃ъıӕ Бц҃а . и исполнисѧ писано/л.157/є Ж въ пс̑лмѣ . п҃ . г҃ . ємь блж҃ні живуш̑ в дому твоѥм̑ в вѣк̑ вѣком̑ въсхвал̑т тѧ: и бъıс̑ рад̑сть велк̑і кнѧз̑ же и вси граж̑не . и ігум̑ні давше ѥм̑ міръ ѻ Хс̑ѣ и раз̑идошас̑ кождо въ своӕс̑ : : тог̑ же лѣт̑ велик̑и кнѧз̑ Юргі .

454

ѻжени сн҃а своѥго старѣиш̑го Всеволод̑ . Володим̑ерною Рюріковіч̑ . и вѣнчан̑ бъıс̑ в велик̑ї З цр҃кві зборнѣи ст҃ъıӕ Бц҃а сщ҃ньнъıм̑ И ѥппм̑ъ Мітрофаном̑ мц҃а апрѣл̑ . въ . дı҃ . дн҃ь в нед̑лю . антіпас̑х̑и̑ : : Тоѥж̑ нед̑ Фомин̑ въ сред̑ преставıс̑ Кірил̑ єпс̑пъ Ростовьскії . в ман̑а̑стъıри стаг̑ Дмітріӕ . ту и полож̑нъ бъıс̑ въ . зı҃ . дн҃ь апрѣл̑ . Тогож̑ лѣт̑ . мц҃а А маӕ въ . г҃ . дн҃ь на пам̑ть стаг̑ Феѻдосьӕ . їгумен̑ Печерьскаг̑ . в пѧт̑к . Во врем̑ ст҃ъıӕ літ̑ргіӕ . чтом̑ ст҃му єуг̑алью . въ цр҃кві сборнѣи ст҃ъıӕ Бц҃а в Володім̑е̑ри потрѧсес̑ землѧ . и цр҃къı и трѧпеза . и икон̑ подвіж̑шасѧ по стѣнам̑ . и панікадил̑ с свѣщам̑ . и свѣт̑лна поколѣбашас̑ и люд̑ѥ мноз̑ изумѣшас̑ и мнѧхутсѧ так̑ ӕко голова ѻбишла коѥго их̑ . и ӕко другъ къ друг̑ гл҃ху не вси бо раз̑мѣвах̑ . дивнаг̑ тог̑ чюд̑се . Бъıс̑ же се въ многах̑ цр҃квахъ и в домѣх̑ гс̑ьских̑ бъıс̑ же се и во инъıх̑ город̑хъ . и в Киѥвѣ град̑ . велми болма того бъıс̑ потрѧсеньѥ . а в манастъıри Печерьском̑ цр҃къıӕ ст҃ъıӕ І Бц҃а камен̑ӕ на . д҃ . части раступисѧ . ту сущю митрополиту Кірилу . и кнѧз̑ Володимеру и боӕром̑ . и Киӕном̑ множ҃тву . и людем̑ сшедшим̑сѧ . празник̑ бо бѧш̑ ѿ дн҃е стаг̑ ѻц҃а Федос̑ӕ ту и трѧпезницею потрѧс̑ камен̑о̑ю . снесену бъıвшю корму и питью все то потре каменьє дробноѥ сверху падаӕ . і столъı и скамьи . но ѻбач̑ всѧ трѧпезніца не падес̑ ни верхъ ѥӕ ჻ Також̑ и в Переӕславли Руском̑ цр҃кві стаг̑ Михаіла каменаӕ рассѣдес̑ на двоѥ и пад̑ перевод̑ с кровлею: гх̑ . комаръ и потроша икон̑ и паникад̑ла свѣч̑мі и свѣт̑лна . Тож̑ все бъıс̑ по всеї земли ѻдиного дн҃ı ѻдиного час̑: в год̑ ст҃ъıӕ літ̑ргиӕ мц҃а маӕ . | въ . г҃ . дн҃ь . впѧток̑ . . д҃ . нед̑ . по пасцѣ . тако слъıшахом̑ оу самовидець бъıвших̑ тамо в то времѧ . Тогож̑ мс̑ца маӕ въ . ї҃ . . дн҃ь в пѧт̑к . е҃ нед . по пасцѣ . Нѣциї видѣш̑ . рано въсходѧщю слн҃цю . бъıс̑ на . г҃ . оуглъı ӕко и коврига потом̑ мнеи бъıс̑ аки звѣзда тако и погибе . потом̑ мало ѻпѧт̑ взиде въ своѥмь чин̑ . Тогож̑ мц҃а въ . д҃ı . дн҃ь во вторк̑ . s҃ . нед̑ по пасцѣ . Второє


455

Примѣчанія. А Здѣсь въ Л оставленъ небольшой пробѣлъ. Б Т.-е. тъ тотъ. В Для вписанія названія мѣсяца въ Л оставленъ пробѣлъ. Г г вм. к. Д Ошибка вм. Рюриковича. Е Чит. пречестнаго. Ж Въ Л блгжн҃и слѣдуетъ читать блажени: г по ошибкѣ. З Описка вм. исполнися. И Отсюда въ Л, за вставочнымъ листомъ, который оканчивается пробѣломъ, продолжается прежній почеркъ.

въ год̑ сл҃нце нач̑ погъıбат̑ зрѧщим̑ всѣм̑ люд̑мъ мало ѻстасѧ ѥго и бъıс̑ аки мс̑ць . г҃ . дн҃ı и нач̑ ѻпѧть полнитıс̑ и мнози мнѧху мц҃ь идуще чресъ нб҃о зане бѧшеть меж̑мѣсѧчьѥ то . а друзии мнѧхуть сл҃нце идуще въспѧт̑ . понеж̑ ѻболоци малиї частиї . с полунощнъıӕ стран̑ъ̑ı̑ борзо бѣжаху на сл҃нце на полуд҃ньну страну ❙— того же дн҃и и час̑ А бъıс̑ тако и того грознѣє в Къıєвѣ . всѣм̑ зрѧщим̑ . бъıвшю сл҃нцю мс̑цемъ . ӕвишасѧ столпове черлени . зелени . синии ѡба полъı сл҃нца . таче снид̑ ѻгнь с нбсі аки ѻблак̑ велıк̑ над ручаи Лъıбед̑ люд̑мъ всѣм̑ ѿчаӕвшимъс̑ своѥго жітьӕ мнѧще оуж̑ кончину сущю цѣлующе друг̑ друга прощен̑ѥ имаху плачюще горко воспиша к Бг̑ві слезам̑ . и мл҃тью своѥю Бъ҃ пред̑ве страшнъıи то Б ѻгнь черес̑ вес̑ град̑ бес пакости и пад̑ в Днѣпръ рѣк̑ . ту и погибе так̑ сказаша нам̑ самовидці бъıвши там̑ . Тогож̑ лѣт̑ мс̑ца В. Почата бъıс̑ писат̑ цр҃къı ст҃ъıӕ Бц҃а в Суждали потщаньѥмъ сщ҃нго єпс̑па Митрофана . юже бѣ рушілъ велик̑ кнѧзь Юрги . въ єпс̑пьство Симон̑ . и ѻпѧт̑ созда краснѣишю первъıӕ бѣ бо ѻбетшала велми ѿ многъ лѣт̑ . Тогож̑ лѣт̑ Ст҃ослав̑ кнѧзь въ Юргевѣ руші цр҃квь стаг̑ Юргѧ каменую . також̑ бѣ ѻбетшал̑ и поламалас̑ . юж̑ бѣ создалъ дѣдъ ѥг̑ Юрги Володимерич̑ и ст҃лъ велик̑мъ сщ҃ньѥмъ . /л.157об./ Тогож̑ лѣт̑ . приходи пресщ҃нъıи митрополитъ всеӕ Руси Кирилъ . к великому кнѧзю Гюргю . и къ брат̑ ѥго Ӕрославу . и Ст҃ославу . и г Г Костѧнтинович̑мъ . Василку и Всеволоду . и Володимеру . ѿ Кіѥвьского кнѧзѧ . ѿ Володимера ѿ Курикович̑ Д. а ѿ Черниговьского кнѧзѧ . ѿ Михаила єпс̑пъ Перфуриї . приде же с нима игуменъ прс̑тго Е манастъıрѧ ст҃го Спс̑са Киѥвѣ на Берестовѣмь . Петръ Акерович̑ . и инъ муж̑ Володимерь Гюргии столник̑ ѥго . си . г҃ .є приходиша с мітрополитомъ просѧ мира Михаилу сь Ӕрославомь . бѣ бо Михаилъ не правъ въ крс̑тнмъ целованьи . при Ӕрославѣ . и хотѧше Ӕрославъ ити на Михаила . Бъ҃ же не попусти

456

тако тому бъıс̑ да наполнитсѧ писаньѥ стъıх̑ гл҃щеє . блгж҃ни Ж смірѧющіі ӕко ти сн҃ве Бь҃и нарекутсѧ . и здѣ бо не ѻстави Бъ҃ труда митрополит̑ бес памѧти бъıс̑ . и єпс̑па Перфурьӕ . да и здѣ наполнитсѧ писаньѥ пѣвца . дивенъ Бъ҃ въ стъıх̑ своихъ Бъ҃ Изрл҃въ . створи бо дивна въ дн҃и сиӕ . послуша оубо Ӕрославъ брата своѥго старѣишаго Гюрьӕ . и ѻц҃а своѥго митрополит̑ . и ѥпс̑па Порфурьӕ . | и взѧ миръ с Михаиломъ . и бъıс̑ рад̑сть велика . и здѣ исполисѧ З писаньѥ пѣс̑ника . иже реч̑ . се дн҃ь иже створи Гс̑ь . възрадуѥмсѧ и възвеселимсѧ во нь . много же оучреженьѥ давъ ѻба кнѧзѧ Гюрги и Ӕрославъ . ѻц҃ю своѥму митрополит̑ . и єпс̑пу Порфирью . и игумену Спс҃ьскому и блг҃вівшасѧ ѿ нею . и ѿпустиша ӕ кождо къ своимъ кнѧземъ : :

В лѣт̑ . ҂s҃ . ѱ҃ . л҃ѳ . [6739 (1231)] бъıс̑ Блг҃вщньѥ ст҃ъıӕ Бц҃а по пас̑ во вторник̑ . празднъıѣ нед̑ли . того же лѣт̑ . Посла блг҃ороднъıи кнѧзь Василко . Костѧнтинович̑ к Володимеру Рюрикович̑ . и пресщ҃ному мітрополиту в Киѥвъ . ѻц҃а своѥго дх҃внаго Кирила на єпс̑пьство . ӕкоже Гс̑ь гл҃ть на кого призрю . не на кроткаго ли . и смѣренаго и трепещющаго словесъ моихъ . тако и на сего Кирила призрѣ Гс̑ь и ст҃аӕ Бц҃а . изволи ѥго /л.158/ И поставити служителѧ своѥи цр҃кви . и пастуха и оучителѧ Ростову . и Ӕрославлю . и Оуглечю полю . ѥже и бъıс̑Поставленъ бъıс̑ Кирилъ єпс̑пмъ . мс̑ца . апрїл̑ . въ . s҃ . дн҃ь . в нед̑лю . ст҃хъ муроносиць по пас̑ ჻ Сщ҃ен же бъıс̑ прещ҃енъıм̑ митрополитом̑ . Кирилом̑ . и съ ѡкрс̑тнъıми єпс̑пъı . иже сут̑ сии иже и ст҃иша и с митрополїтом̑ . Перфурии Черниговьскъıи єпс̑пъ . Ѡлекса Полотьскъıи єпс̑пъ . и ина . в҃ . єпс̑па . Бѣлогородьскъıи . и Гюргевьскъıи . и игумени мнози . и архиманьдритъ ст҃ъıӕ Бц҃а . манастъıрѧ Печерьскаг̑ Анкюдинъ игуменъ . Михаило . Въıдобъıтьскъıи . и игуменъ Петръ Спс҃ьскъıи . Семенъ Андрѣєвьскъıи .


457

Примѣчанія. А Въ Л то вм. тъ (тотъ). Б Чит. зѣло. В му- написано вязью. Г По смыслу ожидается въведоша. Д маія 18 вставлено по указанію пасхаліи; въ Л оставленъ здѣсь пробѣлъ. Е -хъ въ Л не дописано. Ж Ожидается не. З оу написано вязью. И того же лѣта .... Борисъ эти слова помѣщены не на своемъ мѣстѣ; нижеслѣдующее по смыслу связывается со словами: но и дѣломъ кажа (см. выше). І Въ Л вѣ или, ожидается: вѣсть ли. К пр- написано вязью. Л Въ Л дѣтели относится къ Кириллу, поэтому ожидали бы дѣтеля. М -тв- написано вязью.

Корнилъ . Феѡдоровьскъıи . Афанасии Васильѥвьскъıи . Семенъ Въскресеньскъıи . Климентъ Куриловьскъıи . а ѿ Чернигова Іѡан̑ . игуменъ Мчн҃чьскъıи . при кнѧзи Володимери . и при сн҃ѣ ѥго Ростиславѣ . воєводьство тогда держащю тисѧщаӕ Къıєвьскъıӕ . Іѡану Славновичю . бѧхут̑ же в то времѧ инии кнѧзи Русьстии на сонь|мѣ в Къıєвѣ . Михаилъ кнѧз̑ Черниговьскъıи . и сн҃ъ ѥго Ростиславъ Мстиславичь Мстиславъ . Ӕрославъ . Изѧславъ . и Ростиславъ Борисович̑ . и ини мнози кнѧзи . иже бѣша в ст҃ѣи Софьи на сщ҃еньє . Кирилово . и праздноваша свѣтлъıи то А праздник̑ в ст҃ѣи Софьи . и ѣша и пиша . того дн҃и в манастъıри ст҃ъıӕ Бц҃а Печерьскиӕ . много мнж̑оство людии . преизлиха . s҃ . Б ихже не бѣ мощи ищести ❙ И посемь пресщ҃нъıи митрополитъ ѿпусти сщ҃наго єпс̑па Кирила . Ростову со многою чс̑тью . Изидоша же вси из града бох҃ранимаго Ростова . кнѧз̑ Василко . и кнѧгини ѥго . и боӕре . и вси мужи З Ростовьскиѣ . игумени же и попове и черньци . и пресвѣтлъıи клиросъ . зборнъıӕ цр҃кве ст҃ъıӕ Бц҃а . носѧще крс̑тъı . с свѣщами же и кандилъı . с бл҃оүханнъıм̑ темьӕном̑ . и бъıс̑ радос̑ велика в градѣ Ростовѣ . Въıведоша Г же сщ҃наго єпс̑па Кирила . в ст҃ую зборную цр҃квь ст҃ъıӕ Бц҃а . мс̑ца . [маїӕ . и҃ı .] Д в нед̑лю всѣх̑ ст҃хъ . и сѣде на столѣ своєм̑ . настолник̑ съı и на/л.158об./мѣстник̑ ст҃хъ єпс̑пъ преж̑ бъıвши[хъ] Е Ростовѣ . Леѡнтьӕ ст҃го и сщ҃енаго єпс̑па . Исаиӕ . и Нестера . и всѣх̑ ӕже почиша пасше ст҃ую цр҃ковь . сего же произведе Бъ҃ въ дн҃и сиӕ . ӕже не ѡста ничим̑же прежних̑ єпс̑пъ . вслѣдуӕ нравом̑ ихъ . и оученью . но Ж токмо бо словом̑ оуча З но и дѣлом̑ кажа ❙ Тогож̑ . лѣт̑ . родисѧ Василку сн҃ъ . мс̑ца . иоулѧ . въ . к҃д . дн҃ь . В праздник̑ ст҃ою мч̑ку . Бориса и Глѣба . и нареч̑но бъıс̑ имѧ ѥму В. Борисъ И. И всѧ приходѧщаӕ оудивлес̑ . кнѧзѧ же и велможѣ всѧку въздрасть града Ростова .

458

не токъмо же простьцѧ . но и попъı . и игуменъı . и весь черноризьчьскъıи чинъ . и всѧ приходѧщаӕ изъ ѡкрс̑тънъıх̑ град̑ . в ст҃ую зборную цр҃квь . ст҃ъıӕ Бц҃а . ѡво послушающе оученьӕ ѥго єже ѿ ст҃ъıхъ книг̑ . ѡва же хотѧще видѣти оукрашеньӕ ст҃ъıӕ цр҃ькви пр҃чтъıӕ Влд̑чца нашеӕ Бц҃и . бъıс̑ оубо үкрашеньє єӕ чюдно . s҃ . Б акоже не бъıс̑ . ү преж̑ бъıвших̑ єпс̑пѣхъ . а по нем̑ Бъ҃ вѣ[сть] или І будет̑ . Леѡнтии үбо ст҃ъıи сщ҃нъıи єпс̑пъ . то А про|свѣти К ст҃ъıмъ крщ҃ньєм̑ град̑ Ростовъ . се же сщ҃нъıи єпс̑пъ Кирилъ оукраси ст҃ую цр҃квь ст҃ъıӕ Бц҃а . иконами многоцѣньнами . ихже нѣс̑ мощи и сказати . и спред̑ полъı рекше пеленъı . причини же и кивота . в҃ . многоцѣнна . и индитью многоцѣнну доспѣ . на ст҃ѣи трѧпезѣ . ссуди жє и рипидьи . ино много множ̑ство всѧкъıх̑ оузорочеи . причини же двери цр҃квьнъıӕ прекраснъı . ӕже наричютсѧ Златъıӕ . сущаӕ на полудн҃ьнои странѣ . паче же наипаче внесе в ст҃ую цр҃квь . кс̑ртъı чс̑тнъıӕ . многъı мощи ст҃хъ . в раках̑ прекраснъıх̑ . в заступленьє и покровъ . и оутверженьє граду Ростову . и хс̑олюбцю кнѧзю Василкови . и кнѧгинѣ ѥго . и сн҃ви ѥго Борису . и всѣм̑ вѣрою приходѧщим̑ въ ст҃ую цр҃квь ❙ Любовному оученью же и тщанью дивльсѧ . сего чс̑тнаго ст҃лѧ Кирила . с страхом̑ и покореньєм̑ послушаӕ . въ оузцѣ мѣстѣ нѣкоєм̑ . и во входнѣ . написаньӕ собѣ вдах̑ . сего перваго словесе дѣтели Л написати . s҃ . Б бо вельє дѣло паче нас̑ /л.159/ всприӕх̑ . боӕзнью ѡслушаньӕ . разумѣх̑ в притчах̑ гл҃емоє . ӕко сн҃ъ ѡслушливъıи в погїбель будет̑ . послушливъıи же кромѣ єӕ будет̑ . но паче молитвъı М своӕ подажь ми . и въ крилу мѣсто . Раскрили сюду и ѡнуду простри к Бу҃ . ӕкож̑ нѣкогда Моиси великъıи ѡнъ . свои руцѣ простре . помагаӕ Изл҃ю в полцѣ . да и азъ аєрьскъıм̑ дх҃мъ нахоженьӕ избѣгну . направлѧӕ корабль словеси ти в тихо прїстанище К введу . начинаӕ бесѣду сдѣ . ӕко истиньна єсть


459

Примѣчанія. А Т.-е. во ньже вмѣсто въ неже. Б -му- написано вязью. В Надъ строкой можно прочесть и к̑ (всяко). Г -тв- написано вязью. Д -нъı написано вязью. Е Въ Л то = тъ (тотъ).

повѣстьству ❙ Кирилъ сщ҃нъıи єпс̑пъ въ . а҃ . є лѣт̑ . во н А же поставленъ бъıс̑ єпс̑помь . бо҃хранимому Б граду Ростову . многъı добродѣтели показа . ӕкож̑ истиннъıи ст҃итель . а не наимник̑ . ӕкож̑ сам̑ истина Хс̑ъ реч̑ в ст҃мъ єуаг̑льи . ѿдадите оубо кесарева кесареви . се наполнѧӕ писаньӕ . кнѧзем̑ бо . и боӕром̑ . и всѣм̑ велможам̑ . бъıс̑ на оуспѣх̑ . и все дивно . ѡбидимъıм̑ помагаӕ . печалнъıӕ оутѣшаӕ . нищаӕ милуӕ . наполнѧӕ слово апс̑ла Павла . всѣм̑ | всѧж̑ В бъıх̑ да всѧ приѡбрѧщю . мъı же на преж̑ реч̑наӕ взидем̑ . єже реч̑но бъıс̑ . кесарева кесарю . а єже Бь҃ӕ то Бу҃ . много бо попеченьѥ створи Г ѡ цр҃кви ст҃ъıӕ Бц҃а . єже преж̑ сказахом̑ єже єс̑ и до сего дн҃е . дн҃ь ѿ дн҃е начинаӕ . и преходѧ ѿ дѣла в дѣло ❙ Тогож̑ . лѣт̑ . сщ҃на бъıс̑ цр҃къı . ст҃ъıӕ Бц҃а в Ростовѣ . великим̑ сщн҃ьєм̑ . мс̑ца . авгус̑ . въ . д҃ı . созва оубо чс̑тнъıи Д то Е зборъ сщ҃нъıи єпс̑пъ . Кирилъ . игуменъı же . и попъı . и дьӕконъı . и черноризци . и вси гражане снидошасѧ в ст҃ую цр҃квь . на чс̑тнъıи то Е праздник̑ . ту сущим̑ и блг҃ороднъıм̑ кнѧзем̑ . Василко . и Всеволод̑ . и Володимеръ . и Борисъ . Василкович̑ . и кнѧгини Василкова . и много множ̑ство людии . и вси вздаша хвалу Бу҃ . се . а҃ . є дѣло створи Г Бъ҃ изрѧдно . Кирилом̑ . сщн҃ъıимъ єпс̑помъ . єже нѣс̑ бъıло в Ростовѣ . оу преж̑ бъıвших̑ єпс̑пѣхъ ❙

В лѣт̑ . ҂s҃ . ѱ҃ . м҃ . [6740 (1232)] Поиде кнѧз̑ великъıи Гюрги . к Сереньску . и стоӕвъ станом̑ на Үполозѣх̑ . и възвратисѧ в Володимерь . /л.159об./ Ӕрослав же . и Костѧнтиновичи . идоша к Сереньску . град̑ пожгоша . людем̑ избѣгшим̑ . ино же много воєваша . възвратишасѧ въ своӕ си ❙ Тогож̑ . лѣт̑ . ѡженисѧ кнѧз̑ Володимеръ Костѧнтинович̑Тогож̑ . лѣт̑ . Придоша Татарове . и зимоваша . не дошедше Великого града Болгарьскаго ❙ Тоє же зимъı . Посла великыи кнѧз̑ Геѡрги сн҃а своѥго Всеволода на Мордву . а с ним̑ Феѡдоръ Ӕрославич̑ . и Рѧзаньскъıи кнѧзи . и Муром̑скъıи Б. и пожгоша села их̑ . а Мордъвъı избиша много ❙

В лѣт̑ . ҂s҃ . ѱ҃ . м҃ . а҃ . [6741 (1233)] Написана бъıс̑ цр҃къı ст҃аӕ .

460

Бц҃а в Суждали . и измощена мороморомъ краснъıм̑ разноличнъıм̑

В лѣт̑ . ҂s҃ . ѱ҃ . м҃ . в҃ . [6742 (1234)] Блг҃овѣрнъıи кнѧз̑ Ст҃ославъ . Всеволодичь . [с]верши цр҃квь въ Юрьєвѣ . стаг̑ мч̑ка Геѡргиӕ . и оукраси ю ❙

В лѣт̑ . ҂s҃ . ѱ҃ . м҃ . г҃ . [6743 (1235)] Мирно бъıс̑ .

В лѣт̑ . ҂s҃ . ѱ҃ . м҃ . д҃ . [6744 (1236)] Бъıс̑ знаменьє в слн҃ци . мс̑ца авгус̑ . въ . г҃ . в нед̑ . по ѡбѣдех̑ . бъıс̑ видѣти всѣм̑ акъı мс̑ць . четъıрь дн҃и ❙ Тоє же ѡсени . Придоша ѿ восточнъıѣ странъı в Болгарьскую землю безбожнии Татари . | и взѧша славнъıи Великъıи город̑ Болгарьскъıи . и избиша ѡружьєм̑ ѿ старца и до үнаго . и до сущаго младенца . и взѧша товара множ̑ство . а город̑ ихъ пожгоша ѡгнем̑ . и всю землю ихъ плѣниша ❙. Тоє же зимъı . Великъıи кнѧз̑ Геѡрги . ѡжени сн҃а своӕ . Володимера . и Мстислава ❙










      Шрифт



Попередня     Зміст     Наступна


Етимологія та історія української мови:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчанин, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



 


Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.

Iзборник. Історія України IX-XVIII ст.