‹‹   Головна     Переклад     Див. повний текст літопису за Іпатським списком





ГАЛИЦЬКО-ВОЛИНСЬКИЙ ЛІТОПИС


[Іпатіївський список. За виданням:
Галицко-Волынская летопись (подг. О.П.Лихачевой) / ПЛДР: XIII век. — М., 1981. — 236-425.]
Див. також: Галицько-Волинський літопис за Острозьким списком.




В лЂто 6709 [1201] начало княжения великаго князя Романа, како державего бывша всей Руской земли князя галичкого.

По смерти же великаго князя Романа, приснопамятнаго самодержьца всея Руси...

ОдолЂвша всимъ поганьскымъ языком ума мудростью, ходяша по заповЂдемь божимъ: устремил бо ся бяше на поганыя, яко и левъ, сердитъ же бысть, яко и рысь, и губяше, яко и коркодилъ; и прехожаше землю ихъ, яко и орелъ, храборъ бо бЂ, яко и туръ. Ревноваше бо дЂду своему Мономаху, погубившему поганыя измаилтяны, рекомыя половци, изгнавшю Отрока во обезы, за ЖелЂзныя врата, Сърчанови же оставшю у Дону, рыбою оживъшю. Тогда Володимерь и Мономахъ пилъ золотом шоломомъ Донъ, и приемшю землю ихъ всю и загнавшю оканьныя агаряны. По смерти же ВолодимерЂ оставъшю у Сырьчана единому гудьцю же Ореви, посла и во обезы, река: «Володимеръ умерлъ есть. А воротися, брате, поиди в землю свою. Молви же ему моя словеса, пой же ему пЂсни половЂцкия. Оже ти не восхочеть, дай ему поухати зелья, именемь евшанъ». Оному же не восхотЂвшю обратитися, ни послушати, и дасть ему зелье. Оному же обухавшю, и восплакавшю, рче: «Да луче есть на своеи землЂ костью лечи, и не ли на чюже славну быти». И приде во свою землю. От него родившюся Кончаку, иже снесе Сулу пЂшь ходя, котелъ нося на плечеву.

Роману же князю ревновавшю за то, и тщашеся погубити иноплеменьникы.

...велику мятежю воставшю в землЂ Руской, оставившима же ся двЂима сынома его: единъ 4 лЂт, а другии дву лЂтъ.

Въ лЂто 6710 [1202]. Собравшю же Рурику половци и руси много, и приде на Галичь, оставивъ мниский чинъ, бЂ бо приялъ боязни ради Романовы. И пришедшю ему на Галичь, и срЂтоша и бояре галичкыи, и володимерьстии, у Микулина на рЂцЂ СеретЂ, и бившимася има всь днь о рЂку Сереть, и мнози язвени быша, и не стерпЂвше, и възвратишася в Галичь. И пришедшю же Рюрику в Галичь, и не успЂвши ничтоже.

За то бЂ по смерти Романо†снимался король со ятровью своею во СаноцЂ. Приялъ бо бЂ Данила, како милога сына своего, оставил бо бЂ у него засаду: Мокъя великаго слепоокого, и Корочюна, Вълпта, и сына его Витомира, и Благиню, иныи угры многи. И за то не смЂша галичанЂ ничтоже створити, бЂ бо инЂхъ много угоръ.

Тогда же два князя половЂцкая Сутоевича Котянь и Сомогуръ поткоста на пЂшьцЂ, и убьена быста коня под ними, и за мало ихъ не яша.

Рюрикъ же воротися Кыеву.

Малу же времени минувшю, и приведоша Кормиличича, иже бЂ загналъ великый князь Романъ не вЂры ради: славяху бо Игоревича. Послушав же ихъ галичкыи бояре, и послаша по нихъ, и посадиша и: в ГаличЂ Володимера, а Романа во ЗвенигородЂ.

Княгини же Романовая, вземше дЂтятЂ свои, и бЂжа в Володимерь. И еще же хотящю Володимеру искоренити племя Романово, поспЂвающимъ же безбожнымъ галичаномъ. Посла же Володимеръ со свЂтомъ галичкых бояръ, на рЂчь е попомъ, к Володимерцемь, рекы имъ: «Не имать остатися градъ вашь, аще ми не выдасте Романовичю, аще не приимете брата моего Святослава княжити в ВолодимерЂ». Володимерцемъ же хотящимъ убити попа, Мьстьбогъ и Мончюкъ, и Микифоръ и рЂша: «Не подобаеть намъ убити посла». ИмЂяху бо лесть во сердцЂ своемь, яко предати господу свою и градъ. Спасенъ же ими бысть попъ.

НаутрЂя же увЂдавши княгини, и свЂтъ створи с Мирославомъ и с дядькомъ, и на ночь бЂжаша в Ляхы. Данила ж возмя дядька передъ ся изииде изъ града. Василка же Юрьи попъ с кормилицею возмя, изыиде дырею градною, не вЂдяху бо, камо бЂжаще, бЂ бо Романъ убьенъ на ляхохъ, а Лестько мира не створилъ. Богу же бывшю поспЂшнику: Лестко не помяну вражды, но с великою честью прия ятровь свою и дЂтятЂ, сожаливъ си и рече, яко: «Дьяволъ есть воверглъ вражду межи нами». БЂ бо Володиславъ лестя межи има и зазоръ имЂя любви его.

Въ лЂто 6711 [1203]. Данило посла Лестъко во Угры и с нимъ послалъ посолъ свои Вячеслава Лысого, рекы королеви: «Язъ не помянухъ свады Романовы. ТобЂ бо другъ бЂ. Клялася бо бЂста, яко оставшю в животЂ племени его, любовь имЂти. НынЂ же изгнание бысть на них. НынЂ же идемь, и вземша предае†имъ отчьство ихъ». Король же си словеса приимъ, сжалиси о бывшемь, остави же Данила у себе, а Лестько княгиню и Василка у себе.

Володимеръ же многи дары посла королеви и Лестькови.

По сем же долгу времени минувшю, мятежь бысть межи братома и Володимеромъ и Романомъ. Роман же Ђха во Угры и бися с братомъ и побЂди въза Галичь, а Володимеръ бЂжа во Путивль.

Въ лЂто 6712 [1204]. Возведе Олександръ Лестька и Конъдрата. Придоша ляхо†на Володимеръ. И отвориша имъ врата володимерци, рекуще: «Се сыновець Романови». Ляхо†поплЂниша городъ весь. Олександру молящюся Льстькови о останцЂ града и о церкви святЂй Богородици. Твердымъ же бывшимъ дверемь, не могоша исЂчи, донележе Лестько приЂха и Конъдратъ, и возбиста ляхы своя ти. Тако спасена бысть церкви, и останокъ людии. И жаляхуся володимерци, емше имъ вЂры и присязЂ ихъ: «Аще не был бы сродникъ ихъ с ними Олександръ, то не перешли быша ни Буга».

Святослава же яша и ведоша и в Ляхы. Олександръ же сЂде в ВолодимерЂ. Тогда же яша Володимера Пиньскаго. БЂ бо Инъгваръ с ляхы и Мьстиславъ. Потом же сЂде Инъгваръ в ВолодимерЂ. Поя у него Лестько дщерь и пусти, иде же ко Орельску.

И приЂха берестьяне ко Лестькови и просиша Романовыи княгини и дЂтии, бЂаста бо млада сущи. И вдасть имъ, да владЂеть ими. Они же с вЂликою радостью срЂтоша и, яко великаго Романа жива видящи.

Потом же Олександръ живяше въ БЂлзЂ, а Инъгваръ в ВолодимерЂ, бояром же не любящим Инъгвара. Олександръ же свЂтомъ Лестьковым прия Володимерь. Княгини же Романовая посла Мирослава ко Лестькови глаголющи, яко: «Сий всю землю нашю и отчину держить, а сынъ мой во одиномъ Берестьи». Олександръ прия Угровескъ, Верещинъ, Столпъ, Комовь и да Василкови Белзъ.

Въ лЂто 6713 [1205]. Олександру сЂдящю в ВолодимерЂ, а брату его Всеволоду в ЧервьнЂ, литва же и ятвЂзЂ воеваху, и повоеваша же Турискъ и около Комова, оли и до Червена, и бишася у воротъ Червенескых, и застава бЂ Уханяхъ. Тогда же убиша МатЂя, Любова зятя, и Доброгостя, выехавша у сторожа. БЂда бо бЂ в землЂ ВолодимерьстЂй от воеванья литовъского и ятвяжьскаго. Мы же на преднее возвратимся, случившихся в ГаличЂ.

АндрЂй же и король увЂдивъ безаконье галичкое и мятежь, и посла Бенедикта со воими, и я Романа в бани мыющася и посла и во Угры.

БЂ бо ТимофЂй в ГаличЂ премудръ книжникъ, отчество имЂя во градЂ КыевЂ. Притчею рече слово о семь томители БЂнедиктЂ, яко: «В послЂдняя времена тремя имены наречется антихристъ». БЂгаше бо Тимофей от лиця его. БЂ бо томитель бояромъ и гражаномъ. И блудъ творя и оскверняху жены же и черници и попадьи. В правду бЂ антихристъ за скверная дЂла его.

Въ лЂто 6714 [1206]. Приведоша же галичане Мьстислава на Бенедикта. И прииде к Галичю, и не успЂвшю ему ничто же. Щепановичь Илия возведъ и на галицину могилу, осклабився, рече ему. «Княже, уже еси на галицини могилЂ посЂдЂлъ, тако и в ГаличЂ княжилъ еси». СмЂяху бо ся ему, воротися в Пересопницю. И по семь скажемь о галицинЂ могылЂ, и о начатьи Галича, откуду ся почалъ.

Роман же утече изъ Угоръ. И послаша галичанЂ ко брату его Володимеру глаголюще: «СгрЂшихомъ к вамъ. Избави ны томителя сего Бенедикта». Они же поидоша ратью, а Бенедиктъ бЂжа во Угры. Седе же Володимеръ в ГаличЂ, а Романъ во ЗвенигородЂ, а Святославъ в Перемышли, а сыну своему да Теребовль Изяславу, а Всеволода сына своего посла во Угры ко королеви с дары.

Данилови сущю во УгрЂхъ, король же АндрЂи и боярЂ угорь стЂи и вся земля хотяше дати дщерь свою за князя Данила, обЂима дЂтьскома бывшима, зане сына у него не бЂ.

В лЂто 6715 [1207]. Убьенъ бысть царь великыи Филипъ Римьскыи совЂтомъ брата королевое. Моляшеся сестрЂ, да бы ему нашла помощника. Она же никако могущи помощи брату своему си, и да дщерь свою за лонокрабовича за Лудовика. БЂ бо мужь силенъ и помощникъ брату ее. Юже нынЂ святу нарЂчают именемь Алъжьбитъ, преднее бо имя ей Кинека, много бо послужи богови по мужи своемь, и святу нарЂчають. Но мы на преднее возвратимся, якоже преже почали быхомъ.

Въ лЂто 6716 [1208]. СъвЂтъ же створиша Игоревичи на бояре галичкыи, да избьють. И по прилучаю избьени быша, и убьенъ же бысть Юрьги Витановичь, Илия Щепановичь, инии велиции бояре. Убьено же бысть ихъ числомъ 500, а инии разбЂгошася.

Володиславъ же Кормиличичь бЂжа во Угры, и Судиславъ, и Филипъ. Наидоша Данила во Угорьской землЂ дЂтъска суща и просиша у короля угорьского: «Дай намъ отчича Галичю Данила, атъ с нимъ приимемь и от Игоричевъ». Король же с великою любовью посла воевъ в силЂ тяжцЂ, и великого дворьского Пота, поручивъ ему воеводьство надо всими воими. Имена же бывши воеводамъ с ним: первый Петръ Туровичь, вторый Банко, трети Мика Брадатый, четвертый Лотохаротъ, пятый Мокъянъ, шестый Тибрець, седмы Мароцелъ, и инии мнозии, ихже не мощно сказати и ни писати.

И совокупившеся вси. Первое придоша на град Перемышль. И пришедши же Володиславу ко граду и рече имъ: «Братье, почто смышляетеся? Не сии ли избиша отци ваши и братью вашю? А инЂи имЂние ваше разграбиша, и дщери ваша даша за рабы ваша! А отчьствии вашими владЂша инии пришелци! То за тЂхъ ли хочете душю свою положити?». Они же сжалившиси о бывшихъ, предаша градъ и князя ихъ Святослава яша.

Оттуду же проидоша ко Звенигороду. Звенигородцемь же лютЂ борющимся имъ с ними и не пущающимъ ко граду, ни ко острожнымъ вратомъ, онем же стоящимъ окрестъ града.

Василку же княжащю во БелзЂ, и приидоша же от него великий Вячеславъ Толъстый и Мирославъ и Дьмьянъ и Воротиславъ, инии бояре мнозЂ и вои от Белза, а от Лестка из Ляховъ Судиславъ Бернатовичь со многими поляны, и от Пересопници приде Мьстиславъ Немый со многими вои, Олександръ с братомъ от Володимеря со многими воими. Инъгваръ же посла сына своего из Лучька, из Дорогобужа со многими вои и Шюмьска.

И приЂхаша же и половци Романови на помощь, Изяславъ с ними Володимеричь. Угром же не побЂдившимъ воемь, и гнаша со становъ своихъ. Мика же убоденъ и Тъбаша и главу ему стялъ. Половци же узрЂвшимъ е крЂпци налегоша на ня. Онем же Ђдущимъ напред ними к Лютой рЂцЂ, оже быша не приЂхалЂ ляхо†и русь. И сошедше одва препровадиша рЂку Лютую, половцемъ стрЂляющимъ и руси противу имъ. Ту же Марцелъ хоругве своее отбЂже, и русь взятъ ю, и поругъ великъ бысть Марцелови. И возвратишася во колымагы свои, и рекше во станы.

ОттудЂ же Романъ изииде из града, помощи ища в рускыихъ князехъ. И бывшю ему Шумьскы на МосцЂ, ятъ бысть Зернькомь и Чюхомою и приведенъ бысть во станъ ко князю Данилови и ко всимъ княземь и к воеводамъ угорьскимъ. И послаша ко гражаномъ рекуще: «Предайтеся, князь вашь ятъ бысть». ОнЂмо же не имущимъ вЂры, донележе извЂсто бысть имъ, и предашася звенигородьци.

Оттуду же поидоша к Галичю. И Володимеръ бЂжа из Галича и сынъ его Изяславъ, и гнаша и до НЂзды. Изяслав же бися на мЂстЂ Незды рЂкы, и отъяша от него коня сумныя, потом же возвратишася в Галичь.

Тогда же приЂха княгини великая Романовая видитъ сына своего присного Данила. Тогда же бояре володимьрьстии и галичкыи и Вячеславъ Володимерьскый и вси бояре володимерьстии и галичкыи и воеводы угорьскыя и посадиша князя Данила на столЂ отца своего великаго князя Романа во церькви святЂя Богородица приснодЂвица Марья.

Король же АндрЂи не забы любви своея первыя, иже имЂяше ко брату си великому князю Романови, но посла воя своя и посади сына своего в Галичи. Ятым же бывшим княземь Роману, Святославу, Ростиславу, угромъ же хотящемь е вести королеви. Галичаномъ же молящимся имъ, да быша и повЂсили мьсти ради. УбЂжени же бывше угре великими даръми, предани быша на повЂшение месяца сентября.

Данилу же княжащю в Галичи, тако младу сущу, яко и материи своеии не позна. Минувшю же времени галичанЂ же выгнаша Данилову матерь изъ Галича. Данилъ же не хотЂ оставити матери своей и плакашеся по ней, младъ сый. И приЂхавъ Олександръ, тивунъ Шюмавиньскый, и я и за поводъ. Онъ же измокъ мечь, тя его, и потя конь его подь нимь. Мати же вземьши мечь из руку, умоливше его, остави в Галичи, а сама иде в Белзъ, оставивши и у невЂрных галичанъ, Володиславлимъ свЂтомъ — хотяща бо княжити сама, УвЂдавъ король о изгнаньи ея, съжалиси.

Въ лЂто 6717 [1209]. Приде король в Галичь и приведе ятровь свою великую княгиню Романовую и бояре Володимерьскыи, и Инъгваръ приде из Лучска, инии князи. СвЂтъ створи со ятровью своею и с бояры володимерьскыми, рече: «Володиславъ княжится, а ятровь мою выгналъ». Яту же бывшю Володиславу и Судиславу и Филипу и мучену бывшю. И много имЂния давъ, Судиславъ же во злато пременися, рекше, много злата давъ избавися. Володислава же оковавше, ведоша и во Угры. Володиславу же ведену бывшю во Угры, Яволоду и Ярополку, брату его, бежавшю в Пересопъницю ко Мьстиславу, возведшемъ Мьстислава. И приде Мьстиславъ с ними ко Бозъку. ГлЂбъ же Потковичь избЂже изъ Бозку. И Станиславичь Иванко и братъ его Збыславъ прибЂгоша в Галичь, повЂдающе рать и оступление галичанъ. Княгини же Романовая сыномъ своим Даниломъ и с Вячеславомъ Толъстымъ бЂжавша во угры, а Василко с Мирославомъ ехаша во Белзъ. Времени же минувшю, король спЂашеть рать велику.

Въ лЂто 6718 [1210]. Приде Лестъко к Белзу, убЂженъ Александромъ, Олександръ же не прияше, хотя зла Романовичемь. И прия Белзъ, и да Олександрови, а бояре не изневЂришася, но идоша вси со княземь Василкомъ в КаменЂць.

Король же пусти Володислава, и собра много вои и иде на Галичь. Ставше же во манастырЂ ЛелесовЂ, невЂрнии же боярЂ хотЂша его убити.

И убиша же жену его, а шюринъ его одва утече, патрЂархъ АвлЂскый, и мнозии нЂмци избити быша. И потомъ королеви обратившюся, мнозЂ избити быша, а другия разбЂгошася. Мятежю же бывшю, королеви не могшю въйны учинити за безаконие ихъ.

Володиславу же Ђхавшю на передъ со всЂми галичаны. Мьстиславъ убо увЂдавъ королеву рать великую, избЂжа из Галича. Володиславъ же воЂха в Галичь и вокняжися и сЂде на столЂ.

Данилъ же отъиде с матерью своею в Ляхи, отпросився от короля. Лестько же прия Данила с великою честью. И оттуда же иде в Каменець с матерью си, братъ же его Василко и бояре вси срЂтоша и с великою радостью.

В лЂто 6719 [1211]. Княжаше Всеволодъ в Кые†Святославичь, имЂя велику любовь к детемь Романовое.

Потом же Мьстиславъ Пересопницкый, посадивъ Лестька, поиде в Галичь. Лестько же поя Данила ис Каменца, а Олександра из Володимера, а Всеволода из Белза, когождо ихъ со своими вои. БЂ бо вои Даниловъ болши и крЂплЂйши, бяху бояре велиции отца его вси у него. Видивъ бо Лестько се, и поча имЂти любовь велику ко князю Данилу и брату его Василку.

Затворившю же ся Ярополку и Яволоду в Галичи, а Володиславъ выеде съ угры и чехы своими, и собравъся с галичаны, и приде на рЂку Бобръку. УвЂдавъ Лестко и посла на него ляхы, а от Данила же — Мирослава и Дьмьяна, а от Мьстислава — ГлЂбъ ЗеремЂевичь и Прокопьичя Юрья.

Бывши же сЂчи велицЂ, и одолЂша ляхо†и русь. Данилу же тогда дЂтьску сущю, якоже можяше на конЂ Ђздити. А Володиславъ бЂжа мнозии избити от вои его. И потом же Лестько не можаше прияти Галича, но шедъ воева около Теребовля и около Моклекова и Збыража. И Быковенъ взятъ бысть ляхи и русью. И взя плЂнъ великъ и воротися в Ляхы.

Потом же Данило и Василко Лестьковою помощью прияста Тихомль и Перемиль от Олександра и княжаста с матерью в немь. А на Володимерь зряща: «Се ли, ово ли, Володимерь будеть наю, божиею помощью», на Володимерь призирающа.

Потом же король поиде на Лестька, Данилови же у Лестка сущю. Лестько же посла посла своего ЛЂсътича и Пакослава воеводу, рекый: «Не есть лЂпо боярину княжити в Галичи, но поими дщерь мою за сына своего Коломана и посади и в Галичи». Улюби же король АндрЂй свЂто сь Пакославль и сняся съ Лестькомъ во Зъпиши, и поя дщерь его за сына си. И пославъ и я Володислава в Галичи, заточи и; и в томь заточеньи умре: нашедъ зло племени своему и дЂтемь своимъ княжения дЂля. Вси бо князи не призряху дЂтии его того ради.

Король посади сына своего в Галичи, а Лестькови да Перемышль, а Пакославу Любачевъ. Пакославъ бо бЂ приятель и Романовой и дЂтемь ея. СвЂтом же Пакославлимъ Лестько посла ко Александрови, рекый: «Дай Володимерь Романовичема, Данилови да Василькови. Не даси ли, иду на тя и с Романовичема». Оному же не давшю, Лестько же посади Романовича в Володимери.

Въ лЂто 6720 [1212]. Король отъя Перемышль от Лестька Любачевъ. Лестько же сжалиси о срамотЂ своей и посла к Новугороду по Мьстислава и реки: «Брать ми еси. Поиди и сяди в ГаличЂ». Мьстислав же поиде на Галичь со свЂтомь Лестьковымъ. Галичани же вси и Судиславъ послашася по Данила.

Данил же не утяже Ђхати, а Бенедиктъ Лысы бЂжа во угры со Судиславомъ, а Мстиславъ седе в Галичи.

Въ лЂто 6721 [1213]. Поя у него Данилъ дщерь именемь Анну и родишася от нея сынови и дщери. ПервЂнЂць бо бЂ у него ИраклЂй, по нем же Левъ и по немь Романъ, Мистиславъ, Шеварно и инии, бо млади отъидоша свЂта сего.

Времени же минувшю еха Данилъ ко Мьстиславу в Галич, рекы на Лестька, яко: «Отчину мою держить». Оному же вЂщавшю: «Сыну, за первую любовь не могу на нь востати; а налЂзи собЂ други».

Данилу же возвратившуся к домови, и Ђха с братомъ, и прия Берестий, и Угровескъ, и Верещинъ, и Столпъ, Комовъ, и всю украину.

Лестько же великъ гнЂвъ имЂя на Данилу. ВЂснЂ же бывши, и Ђхаша ляхо†воевать, и воеваша по Бугу. И посла по нихъ Данилъ Гаврила Душиловича и Семена Олуевича, Василка Гавриловича, и биша и до Сухое Дорогве, и колодники изымаша, и возвратишася в Володимерь с великою славою.

Тогда же Климъ убьенъ бысть Хрьстиничь, един от всихъ его воинъ, его же крестъ и донынЂ стоить на Сухой Дорогви.

Ляхы же многи избиша и гнаша по нихъ до рЂкы Вепря.

Льстькови же творящи, Мьстиславлимъ свЂтомъ Данилъ приялъ есть Берестии, Лестько же посла ко королеви: «Не хочю части в Галичи, но дай его зяти моему». Король же посла вои многи и Лестко, и придоша к Перемышлю. Яронови же тогда тысящю держащю в Перемышли, избЂже передь ними.

Мьстиславъ бо †со всими князьями рускыми и Черниговьскыми. И посла Дмитра, Мирослава, Михалка ГлЂбовича противу им к Городку. Городокъ бо бЂ отложилъся; бяхуть в немь людье Судиславли. И Дмитрови бьющися подъ городомъ, придоша на нь угре и ляхове, и побЂже Дмитръ. Тогда же и Василь дьякъ, рекомый Молза, застрЂленъ бысть подъ городомъ. Михалка же Скулу убиша, согонивше на ШирЂцЂ, а главу его сосЂкоша, трои чепи сняше золоты и принесоша главу его ко Коломанови.

Мьстиславу же стоящу на Зубрьи. Дмитръ прибЂже к нему. Мьстиславу же не могшу биться съ угры и просяше зятя своего Данила и Олександра, да быста затвориласта в ГаличЂ. ОбЂщася ему Данилъ и Лександръ ити в Галичь. Данилъ же затворися в ГаличЂ, а Олександру не смЂвъшю.

Тогда же великая княгини Романовая восприимши мниский чинъ.

Потом же приде рать подъ городъ, Каломан и ляховЂ. И многу бою бывшю на Кровавомъ броду, и паде на ня снЂгъ, не могоша стоояти, идоша за Рогожину, идоша на Мьстислава, и прогнаша и земли.

Мьстиславу же повЂдавшю Данилови: «Изииди из града». Данилъ же изииде с Дмитромъ тысячькым и с ГлЂбомъ ЗеремЂевичемь и со Мирославомъ. Изиидоша из града и быша противу Толмачю, угони и невЂрный Витовичь Володиславъ. Наворотившеся на нь, и прогнаша и, и коня от него отъяша.

Данилъ бо младъ бЂ, и видЂвъ ГлЂба Зеремиевича и Семьюна Кодьниньского мужескы Ђздяща, и приЂха к нима, укрЂпляя и. И инии же устрьмилися бяхуть на бЂгъ.

Того же дни бишася всь днь олнЂ до нощи. Тое же нощи увернушася Данилъ и ГлЂбъ ЗеремЂевичь, яста Яньца, младъ сы показа мужьство свое. И всю нощь бистася. НаутрЂя же угони и ГлЂбъ Василевичь. Уверьнувше же ся Данилъ на нь, и гна и дале поприща. Оному же утекши пред нимъ, борзости ради коньское. Данилови же возвратившюся, и единому едущю межи ими, онем же не смЂющимъ наЂхати на нь, донележе взъеха к нему ГлЂбъ Судиловичь, и Гаврило Иворович, и ПеренЂжько.

Оттуду проидоша в Онутъ и идоша в поле. Бывъшю же гладу велику. Поидоша вози и къ Плаву на канун святаго ДмитрЂя. Вземше возы накормишася изобилно и похвалиша бога и святаго ДмитрЂя, яко накорми я. Оттуду же придоша ниже Кучелемина, мысляще, кудЂ преити рЂку ДнЂстръ. Божиею же милостию придоша лодья из Олешья, и приЂхаша в нихъ на ДнЂстръ, и насытишася рыбъ и вина.

Оттуду же приЂха Данилъ ко Мьстиславу. Мьстиславъ же великую похвалу створи Данилови и дары ему дасть великыи и конь свой борзый сивый, и рече ему: «Поиди, княже, в Володимерь, а я поиду в половци, мьсти†сорома своего». Данилови же приехавшю в Володимерь.

Въ лЂто 6722 [1214]. Бысть тишина.

Въ лЂто 6723 [1215]. Божиимъ повелениемь прислаша князи Литовьскии к великой княгини Романо†и Данилови и Василкови, мир дающе. Быху же имена литовьскихъ князей се: старЂйшей Живинъбудъ, Давъятъ, Довъспрункъ, брат его Мидогь, братъ Довъяловъ Виликаилъ. А жемотьскыи князи: Ерьдивилъ, Выкынтъ, а Рушьковичевъ — Кинтибуть, Вонибут, Бутовить, ВижЂикъ, и сынъ его Вишлий, Китений, Пликосова, а се Булевичи — Вишимут его же уби Миндого тъ, и жену его поялъ, и братью его побилъ, Едивила, СпрудЂика. А се князи из Дяволтвы: Юдьки, ПукЂикъ, Бикши, Ликиикъ. Си же вси миръ даша князю Данилови и Василку, и бЂ земля покойна. Ляхом же не престающимъ пакостящимъ, и приведе на ня литву, и воеваша ляхы, и много убиства створиша в нихъ.

Въ лЂто 6724 [1216]. Не бысть ничто же.

Въ лЂто 6725 [1217]. Выиде Филя древле прегордый, надЂяся обьяти землю, потребити море, со многими угры. Рекшю ему: «Единъ камень много горньцевъ избиваеть», а другое слово ему рекшю прегордо: «Острый мечю, борзый коню — многая руси». Богу же того нет терпящю, во ино время убьенъ бысть Даниломъ Романовичемь древле прегордый Филя.

Олександру же отступившю от Данила и от Василка ко Лестькови, не бЂ бо има помощи ни от кого же, развЂе от бога, дондеже приде Мьстиславъ с половци. Изыиде же Филя со многими угры и ляхы из Галича, поима бояре галичкыя и Судислава цьтя и Лозоря, и ины, а ини разбЂгошася, загордЂ бо ся бЂ.

Въ лЂто 6726 [1218]. Тишина бысть.

Въ лЂто 6727 [1219]. Приде Лестько на Данила к Щекареву, бороня ити ему на помощь Мьстиславу, тестеви своему, Кондратови же приЂхавшу мирить Лестька и Данила, познавшю же ему лесть Лестькову, и не велЂ князю Данилу ехати к Лестьку. Филя же строяшеся на брань, мняше же бо, яко никто может стати противу ему на брань. Остави же Каломана в Галичи и созда градъ на церкви пречистое владычица нашея Богородица, яже не стЂрпЂвшю осквернения храма своего и вдасть ю Мьстиславу.

БЂ бо ту с Коломанъм Иванъ Лекинъ и Дмитръ, и БотЂ. Половцем же приехавшимъ видити рати, угромъ же и ляхомъ гонящимъ я. Увернувся половчинъ, застрЂли Уза во око, и спадшю ему с фаря, взяша тЂло его, и плакашася по немь. НаутрЂя же на канунъ святой Богородици приде Мьстиславъ рано на гордаго Филю, и на угры с ляхы, и бысть брань тяжка межи ими, и одолЂ Мьстиславъ. БЂгающим же угромъ и ляхомъ, избьено бысть ихъ множьство, и ятъ бысть величавый Филя паробкомъ Добрыниномъ, его же лживый Жирославъ укралъ бЂ, и обличену ему бывшю, про него же погуби отчину свою.

И побЂдившу же Мьстиславу, поиде к Галичю, бившимъ же ся имъ о врата градная. И возбьгоша же на комары церковныя, и ини же ужи возвлачишася, а фарЂ ихъ поимаша. БЂ бо градъ створенъ на церкви. ОнЂмъ же стрЂляющимъ и камение мещющимъ на гражаны, изнемогаху жажею водною, не бЂ бо воды в них. И приЂхавшю же Мьстиславу и вдашася ему, и сведени быша со церкви. Данилови же приЂхавшю в малЂ дружинЂ с Демьяномь тысячкымъ, не бЂ бо приЂхалъ во время то. Потом же приЂха Данилъ ко Мьстиславу, и бысть радость велика: спасъ богъ от иноплеменьникъ, вси бо угре и ляхове убьени быша, а инии яти быша, а инии бЂгающе по землЂ, истопоша, друзии же смерды избьени быша, и никому же от них утекши, тако бо милость от бога Руской землЂ.

Потом же приведоша Судислава ко Мьстиславу, оному же не помыслившю о немь зла, но милость ему показавшю. Он же, обуимая нозЂ его, обЂщася работЂ быти ему. Мьстиславу же вЂровавшю словесемь его, и честью великою почтивъ его, и Звенигородъ дасть ему.

Въ лЂто 6728 [1220]. Не бысть ничто же.

Въ лЂто 6729 [1221]. Отступилъ бЂ Александръ и створи миръ с Лестькомъ и со Каломаномъ и с Филею гордымъ, Романовичема не престаяше хотя зла. По побЂдЂ же Мьстиславли и по литовьскомъ воеваньи на ляхы створи миръ Лестько с Даниломъ и Василкомъ, Держиславомъ Абрамовичем и Творьяном Вотиховичемь, а Романовича створиста миръ Демьяномъ тысяцькымъ. Отступи Лестько от Олександра.

В субботу же на ночь попленено бысть около Белза и около Червена Даниломъ и Василкомъ, и вся земля попленена бысть, бояринъ боярина плЂнившю, смердъ смерда, градъ града, якоже не остатися ни единой вси не плЂненЂй. Еже притъчею глаголють книги: «Не оставлешюся камень на камени». Сию же наричють белжанЂ злу нощь, сия бо нощь злу игру имъ сыгра, повоеваньи бо бЂаху преже свЂта. Мьстиславу же рекшу: «Пожалуй брата Олександра», и Данилъ воротися в Володимерь, отъиде от Белза.

Въ лЂто 6730 [1222]. Не бысть ничто же.

Въ лЂто 6731 [1223]. Данило и Василка Романовичю бЂаху володимьрьскыи пискупЂ: бЂ бо Асафъ блаженый преподобный, святитель Святое Горы, и потомъ бЂ ВасилЂй от Святое Горы, и потомъ бЂ Микифоръ, прирокомъ Станило, бЂ бо слуга Василковъ преже, и потомъ Кузма, кроткый преподобный смиреный пискупъ володимерьскый.

Богу же изволившю, Данилъ созда градъ именемь Холмъ. Создание же его иногда скажемь.

Божиею же волею избранъ бысть и поставленъ бысть Иванъ пискупъ княземь Даниломъ от клироса великое церкви святой Богородици Володимерьской, бЂ бо преже того пискупъ Асафъ Вугровьскый, иже скочи на столъ митрофоличь и за то свЂрженъ бысть стола своего, и переведена бысть пискупья во Холмъ.

Въ лЂто 6732 [1224]. Приде неслыханая рать, безбожнии моавитяне, рекомыи татаръве, придоша на землю половецькую. Половцемь же ставшимъ, Юрьгий Кончакович бЂ болийше всихъ половець, не може стати противу лицю их, бЂгающи же ему, и мнози избьени быша до рЂкы Днепра. Татаром же возвратившися, идоша в вежа своя. ПрибЂгшимъ же половцемь в Рускую землю, глаголющимъ же имъ рускимъ княземь: «Аще не поможета намъ, мы нынЂ исЂчени быхомъ, а вы наутрЂе исЂчени будете».

Бывшю же свЂту всих князЂй во градЂ КыевЂ, створиша свЂтъ сице: «Луче ны бы есть прияти я на чюжей землЂ, нежели на своей». Тогда бо бЂахуть Мьстиславъ Романовичь в КыевЂ, а Мьстиславъ в КозельскЂ и ЧерниговЂ, а Мьстиславъ Мьстиславичь в ГаличЂ, то бо бЂаху старЂйшины в Руской земли. Юрья же князя великого Суждальского не бы в том свЂтЂ. Се же паки млади князи Данилъ Романовичь, Михаилъ Всеволодичь, Всеволодъ Мьстиславичь Кыевьскый, инии мнозии князи. Тогда же великый князь половецкый крестися Басты Василка же не бЂ, бЂ бо в ВолодимерЂ млад.

Оттуду же приидоша месяца априля, и придоша к рЂцЂ ДнЂпру, ко острову Варяжьскому. И приЂха ту к нимъ вся земля Половецкая, и черъниговцемь приЂхавшимъ, и кияномъ и смоляномъ, инЂмь странамъ всянамъ. По суху же ДнЂпръ перешедшимъ, якоже покрыти водЂ, быти от множества людии. А галичане и волынци киждо со своими князьми. А куряне и трубчяне и путивлици, и киждо со своими князьми придоша коньми. А выгонци галичькыя придоша по ДнЂстру и воидоша в море, бЂ бо лодей тысяща, и воидоша во ДнЂпръ, и возведоша порогы, и сташа у рЂкы ХорьтицЂ на броду у протолчи. БЂ бо с ними ДомамЂричь Юрьгий и Держикрай Володиславичь.

Пришедши же вЂсти во станы, яко пришли суть видЂть олядии рускыхъ, слышавъ же Данилъ Романовичь и гна всЂдъ на конь видЂти невиданьноя рати, и сущии с ними коньници и инии мнозии князи с нимь гнаша видити невидЂное рати. Онемъ же отшедшимъ, Юрьги же имъ сказываше, яко: «СтрЂлци суть». Инии же молвяхуть, яко: «Простии людье суть, пущеи половець». Юрьги же Домамиричь молвяшеть: «Ратници суть, и добрая вои».

ПриЂхавъше же сказаша Мьстиславу Юрьиги же все сказа. И рекшимъ молодымъ княземъ: «Мьстиславе и другий Мьстиславе, не стоита! Поидемь противу имъ». Переидоша же вси князи Мьстиславъ и другий Мьстиславь Черниговьскый рЂку ДнЂпръ, инии князи предоша и поидоша в поле половецкое. Переидоша же ДнЂпръ во день во вторникъ, и усрЂтоша татареве полкы рускыя. СтрЂлци же рускыи побЂдиша и, и гнаша в поле далеце секуще, и взяша скоты ихъ, а со стады утекоша, яко всимъ воемъ наполнитися скота.

Оттуду же идоша 8 дни до рЂки Калкы. СтрЂтоша и сторожьеве татарьскыи. Сторожемъ же бившимъся с ними, и убьенъ бысть Иванъ ДмитрЂевичь, иная два с нимъ.

Татаром же отъЂхавшимъ, на прочьне рЂцЂ КалъкЂ, устрЂтоша и тотарове половецкыя полкы рускыя. Мьстиславъ же Мьстиславличь повелЂ впередъ переити рЂку Калку Данилови сполкы, инЂмъ полкомъ с нимъ, а самъ по немъ переиде, еха же самъ во сторожЂ. Видившу же ему полкы татарьскыя, приЂхавъ рече: «Воружитеся!» Мьстиславу же и другому Мьстиславу, сЂдящема во стану не вЂдущема, Мьстиславъ же не повЂда има зависти ради, бЂ бо котора велика межю има.

Съразившимся полкомъ на мЂсто. Данилъ же выЂха на передъ, и Семьюнъ Олюевичь и Василко Гавриловичь поткоша в полкы Тотарьскыя, Василкови же сбодену бывшю. А самому Данилу бодену бывшю в перси, младъства ради и буести не чюяше ранъ бывшихъ на телеси его. БЂ бо возрастомъ 18 лЂтъ, бЂ бо силенъ.

Данилови же крЂпко борющися, избивающи тотары. Видивъ то Мьстиславъ НЂмый, мнЂвъ, яко Данилъ сбоденъ бысть, потче и сам в нЂ, бЂ бо мужь и тъ крЂпокъ, понеже ужика сый Роману от племени Володимеря, прирокомъ Маномаха. БЂ бо велику любовь имЂя ко отцю его: ему же поручивше по смерти свою волость, да я князю Данилови.

Татаром же бЂгающимъ, Данилови же избивающи ихъ своимъ полкомъ, и Олгови Курьскому крЂпко бившимся инЂмъ полкомъ сразившимся с ними. ГрЂхъ ради нашихъ, рускимъ полкомъ побЂженымъ бывшимъ.

Данилъ видивъ, яко крЂпцЂйши брань належить в ратных, стрЂльцЂмъ ихъ стрЂляющимъ крЂпцЂ, обрати конь свой на бЂгъ, устрЂмления ради противныхъ. БЂжащю же ему и вжада воды, пивъ почюти рану на телеси своемъ, во брани не позна ея, крЂпости ради мужьства возраста своего. БЂ бо дерзъ и храборъ, от главы и до ногу его, не бЂ на немь порока.

Бысть побЂда на вси князи рускыя. Тако же не бывало никогда же. Татаром же побЂдившимъ русьскыя князя за прегрешение крестьяньское, пришедшимъ и дошедшимъ до Новагорода Святополчьского. Не вЂдающим же руси льсти ихъ, исходяху противу имъ со кресты, они же избиша ихъ всих.

Ожидая богъ покаяния крестьянского, и обрати и воспять на землю восточную, и воеваша землю Таногустьску и на ины страны. Тогда же и Чаногизъ кано ихъ таногуты убьенъ бысть. Их же прельстивше и послЂди же льстию погубиша. Иные же страны ратми, наипаче лестью погубиша.

Въ лЂто 6733 [1225]. Олександръ все вражду имЂяше ко своима братома Романовичема Данилови и Василкови. Слышавъ, яко Мьстиславъ не имЂеть любви к зятю своему князю Данилови, радости исполнивъся, понужаше Мьстислава на рать. Мьстиславу же пошедшю на рать, приде на Лысую Гору. Данилови жи приЂхавшю в ляхы и возведшю князя Льстка и поиде противу ему. Мьстиславу же помочь пославшю Олександрови. СрЂтившимъ же имъ, рать вогнаша и в град Белзъ и за мало города не взяша. Наутрея поидоша противу имъ. Мьстиславу же не стерпЂвшю, и возвратися в Галичь.

Данилу же князю воевавшю с ляхы землю галичькую и около Любачева, и плЂни всю землю Бельзеськую и Червеньскую, даже и до оставшихъ. Василку же князю многы плены приемшю, стада коньска и кобылья, и бысть зависть ляхомъ.

И бывшим посломъ от обоихъ и пущенъ бысть ДЂмьянъ и АндрЂй.

И бысть по сихъ, привед Мьстиславъ Котяня и половци многы, и Володимера Киевьского, творяся на ляхы ида, свЂтомъ Александровымъ. СвЂтъ же Александровъ всегда не престаяше о братЂ своемь, рекый, яко: «Зять твой убити тя хочеть». Исправлению же бывъшю около вежи его, самому же Александру не смЂявшю Ђхати, посла Яна своего. Мьстиславу бо рекшю: «Твою бЂ рЂчь, Яню, яко Данилъ второе всаживаеть ляхы на мя». Познавшимъ же всЂмъ княземь Александрову клевету, а Яневу лжю, и рекшим же всимъ княземь: «Приими всю власть его за соромъ свой». Онъ же за братолюбие не прия власти его, и вси похвалиша ему.

Мьстислав же прия зятя своего любовью и почестивъ его великими дарми, и да ему конь свой борзый актазъ, акого же в та лЂта не бысть, и дочерь свою Анну даривъ великими дарами. И с братьею видЂвся в Перемили, и утвердиша миръ.

В лЂто 6734 [1226]. Льстивому Жирославу рекшю къ бояромъ галичькимъ, яко: «Идеть Мьстиславъ в поле и хощеть вы предати тестеви своему Котяню на избитье», Мьстиславу же праву сущюу о немь, и не свЂдущю ничто же о нихъ. Они же емше вЂры, отъидоша в землю Перемышлескую, в горы Кавокаськия, рекше, во Угорьскыя, на рЂку Днестръ. Послаша послы своя рекуще, яко: «Жирослав повЂдал ны есть». Мьстиславу же пославшу отца своего ТимофЂя, яко: «Всуе оклеветал мя есть к вамъ Жирославъ». Тимофею же кленшюся имъ о сем, яко не свЂдущу Мьстиславу ничто же о семь, и приведе бояре вси к нему.

Князю же обличившю Жирослава изгна и от себе, якоже изгна богъ Каина от лица своего, рекы: «Проклять ты! Буди стоня и трясыся на земли, якоже раздвиже земля уста своя прияти кровь брата твоего». Якоже и Жирославъ разъдвиже уста своя на господина своего, да не будеть ему пристанъка во всихъ земляхъ в Рускихъ и во Угорьскыхъ, и ни в ких же странахъ, да ходить шатаяся во странахъ, желание брашна да будеть ему, вина же и олу, по скуду да будеть ему, и да будеть дворъ его пустъ и в селЂ его не будеть живущаго.

Оттуду выгнанъ иде ко Изяславу. БЂ бо лукавый льстЂць нареченъ, и всихъ стропотливее, и ложь пламянъ, всеименитый отцемь добрымъ. Убожьство возбраняше злобу его, лъжею питашеся языкъ его, но мудростию возложаше вЂру на лжюу, красяшеся лестью паче вЂнца, лжеименЂць, зане прелщаше не токмо чюжихъ, но и своихъ возлюбленых, имения ради ложь. Того бо дЂля жадаше быти у Изяслава. Мы же на преднее возвратихомся.

Мьстислав же, по совЂтЂ льстивыхъ бояръ Галичькихъ, вда дщерь свою меншую за королевича АндрЂя и дасть ему Перемышль. АндрЂй же, послушавъ лестиваго Семьюнка Чермьнаго, и бЂжа во угры и нача воздвизати рать. Бывши же зимЂ, прииде ко Перемышьлю. Юрьеви тогда тысящюу держащю, переда Перемышль и бЂжа самъ ко Мьстиславу. Королеви же ставшю во ЗвенигородЂ, и посла вои свои к Галичю, самъ бо не смЂ Ђхати к Галичю: повЂдахуть бо ему волъхвы угорьскыя, яко узрЂвшу Галичь, не быти ему живу. Он же тоя ради вины не смЂя ити в Галичь, яко вЂряшеть волъхвомъ. ДнЂстру же наводнившюся, не могоша переити.

Мьстиславъ же выЂха противу с полкы. ОнЂм же позоровавшимъ на ся, и ехаша угре во станы своя. БЂ бо с королемь Пакославъ с ляхы. Оттуду же поиде король ко Теребовлю и взя Теребовль, и поиде к Тихомлю, и взя Тихомль, оттуду же прииде ко Кремянцю, и бися под Кремянцем, и много угоръ избиша и раниша.

Тогда же Мьстиславъ Судислава посла к зятю своему князю Данилу, рекый: «Не отступай от мене». Оному же рекшю: «Имамъ правду во сердци своемь».

Оттуду же приде король ко Звенигороду. ВыЂха же Мьстиславъ из Галича. Угре же выЂхаша противу ему со становъ королевыхъ. Мьстиславъ же бися с ними, и побЂди я, и гнаша по нихъ до становъ королевыхъ, секуще и. Тогда же Мартиниша убиша, воеводу королева. Король же смятеся умомъ и поиде и земли борзо.

Данилови же пришедшу ко Мьстиславу с братомъ Василькомъ ко Городъку и ГлЂбъ с нима. И молвящимъ имъ: «Поиди, княже, на короля: по Лохти ходить». Судиславъ же браняшеть ему. БЂ бо имЂяшеть лесть во сердци своемь, не хотяше бо пагубы королеви, имЂяше бо в немь надежу велику.

БЂаше бо король изнемоглъся. Льстькови же в то время идущу в помощь. Данилови же бранящю ему не помогати королеви, оному наипаче хотящю. Данил же и Василко посласта люди своя къ Бугу, не даста ему прити. Оттуду же возвратився, иде во свою землю, изнемоглъ бо ся бЂ, ходивъ на воину.

А король угорьскый иде во Угры. Тогда же угони Изяславъ со лестивымъ Жирославомъ, идоста с нимъ Угры.

Потом же Судиславу льстящю подо Мьстиславомъ, рече ему: «Княже, дай дщерь свою обрученую за королевича, и дай ему Галичь. Не можешь бо держати самъ, а бояре не хотять тебе». Оному же не хотящю дати королевичю, наипаче хотящю дати Данилови. ГлЂбови же ЗеремЂевичю и Судиславу претяща ему не дати Данилови, рЂста бо ему: «Аже даси королевичю, когда восхощеши, можеши ли взяти под нимь.

Даси ли Данилови, в вЂкы не твой будеть Галичь». Галичаномъ бо хотящимъ Данила, оттуду же послаша въ рЂчих. Мьстиславъ дасть Галичь королевичю АндрЂеви, а самъ взя Понизье. Оттуду иде к Торьцкому.

Мьстиславу же Немому, давшу отчину свою князю Данилови, и сына своего поручивъ Ивана, Ивану же умершю, и прия Луческъ Ярославъ, а Черторыескъ пиняне.

Въ лЂто 6735 [1227]. Начнемь же сказати бещисленыя рати, и великия труды и частыя войны, и многия крамолы, и частая востания, и многия мятежи. Измлада бо не бы има покоя.

СЂдящу же Ярославу в ЛучьскЂ, еха Данилъ въ Жидичинъ кланятися и молитися святому НиколЂ. И зва и Ярославъ къ Лучьску. И рЂша ему бояре его: «Приими Луческъ, зде ими князя ихъ». Оному же отвЂщавшу, яко: «Приходить зде молитву створити святому НиколЂ, и не могу того створити». Иде въ Володимерь, оттуду же собравша рать, посласта на нь АндрЂя, Вячеслава, Гаврила, Ивана. Оному же въехавшу, ятъ бысть с женою своею, ятъ же бысть Олексию ОрЂшькомъ: бЂ бо борзъ конь подъ нимъ, угонивый и я его до города. И затворишася лучане. НаутрЂя же приде Данилъ и Василко, и предашася лучане. Братъ же да Василкови Луческъ и Пересопницю, Берестий же ему бЂ преже далъ.

Повоеваша ятвязи около Берестия, и угониста и из Володимеря. Наехавшима же двЂима, Монъдуничю Шутрови и Стегутови ЗЂбровичю, на полкъ. И убьенъ бысть Даниломъ и Вячеславом Шютръ, а Стегутъ убьенъ бысть Шелвомъ. Бежащим же ятвеземь, угони я Данилъ, Небра язви четырми ранами, древо же вышибе копье из руку его. Василкови, угонившу его, кликъ бысть великъ: «Братъ ти биетъся назади». Оному же оставшу, обратися брату на помощь, оному же симь утекшу, а и ини разбЂгошася.

Мы же, се оставлеше, на преднее возвратимъся.

Данилъ же посла Дьмьяна ко тести своему, река ему: «Не подобаеть пиняномъ держати Черторыйска, яко не могу имъ терпЂти». Дьмьянови же повЂстящу с нимъ. «Сыну, сгрЂшихъ не давъ тобЂ Галича, но давъ иноплеменьнику, Судислава льстьця свЂтомъ, обольсти бо мя. Ажь богъ восхочеть, поиди†на ня. Язъ всажу половци, а ты своими. Аще богъ дасть его нама, ты возми Галичь, а язъ Понизье, а богъ ти поможеть. А про Черторыескъ — правъ еси». ДЂмьяну же приЂхавшу в Великую суботу. НаутрЂя же на Великъ День приехаста Данилъ и Василько ко Черторыйску, в понедЂлникъ на ночь обьсЂдоста град. Тогда же и конь Даниловъ застрЂленъ бысть с города. НаутрЂя же обьЂхаста град Мирославъ и ДЂмьянъ, рекоста, яко: «Предалъ богъ врагы наша в руку ваю». Данилъ же повелЂ приступити ко граду, и взяша градъ ихъ, и князя ихъ изимаша.

Потом же Мьстиславъ, великый удатный князь, умре. Жадящю бо ему видити сына своего Данила. ГлЂбъ же ЗеремЂевичь, убЂженъ бысть завистью, не пустяще его. Оному же хотящю поручити домъ свой и дЂти в руцЂ его, бЂ бо имЂя до него любовь велику во сердцЂ своемь.

И потом же пустиста Ярослава, и даста ему Перемиль, и потомь Межибожие.

Въ лЂто 6736 [1228]. БЂ Курилъ митрополитъ преблаженый и святый приЂхалъ мира сотворити и не може.

Потомь же Ростиславъ Пиньскый не престаяше клевеща, бЂша бо дЂти его изыманы.

Володимеръ же Кыевьскый собра вои. Михаилъ Черниговьскый — «яко бо бЂ отець его постриглъ отца моего», бЂ бо ему боязнь велика во сердци его. Володимер же всади Котяня и , вси половци. И придоша къ Каменцю. Володимеръ же сос всими князи, и куряны, и пиняны, и новогородци, и туровьци обьсЂдоша КаменЂць.

Данило бо творящуся миръ сотворити с ними, переводя ими, и Ђха в ляхы по помощь, а Павла своего посла ко Котяневи, река: «Отче, измяти войну сю, приими мя в любовь собЂ». Он же Ђхавъ взя землю Галичьскую, иде в землю Половецкую, и не обратися к нимъ.

БЂ бо королевичь вь ГаличЂ и Судиславъ с нимъ, миръ бо имЂяше со Володимеромь и Михаиломъ. Сим же нЂ воспЂвошимъ ничто же, вратишася.

Данилъ же и Василко собравша ляхы многы, идоста Кыеву со Пакославомъ воеводою и Олександро с нима. СрЂтоша же посли от Володимера и Михала: и Воротиславъ Петровичь Юрьии ТолигнЂвичь, хотяще мира. Умиришася, и ляхо†возворотишася въспять.

Въ лЂто 6737 [1229]. Льстько убьенъ бысть великый князь Лядьскый, на сонмЂ убьенъ бысть Святополкомъ, Одовичемь Володиславомъ, свЂтомь бояръ невЂрныхъ. По смерти брата своего Кондратъ прия Данила и Василка в великую любовь и проси ею, а быста шла ему на помощь. И поидоста ему на помощь на Володислава на Стараго. Сама же идоста на войну, остависта же в Берестии Володимера Пиньского, и угровьчаны и берестьяны стеречи землЂ от ятьвязь. В то же время воеваша литва ляхы, мняще мирни суще, и приидоша ко Берестью. ВолодимЂръ же рече: «Оже есте мирни, но мнЂ есте не мирни». И изииде на нЂ и берьстьяне вси избиша Ђ всЂ.

Данилъ же и Василко придоста ко Кондратови, и сгадавшимъ имъ, идоша къ Калешю. И придоша Вепру вечеръ. НаутрЂе же свЂтающю прЂидоша рЂку Пресну и поидоста къ городу. И тое нощи бысть дождь великъ. Видивши же, яко нЂсть кто противяся, пустиша воеватъ и плЂнитъ. Русь же догнаша Милича и Старогорода и нЂколко селъ Володиславьскых заяша, и прияша плЂнъ велик, и вратишася, и приидоша во станы, гадающимъ, како поити к городу на бой, ляхомъ же не хотящимъ битися.

Наутрее же Данилъ и Василько поемь вое свое и поидоста ко граду. Кондрату же любящю рускый бой и понужающу ляхы свое, онЂмь же одинако не хотящимъ. Приступившима же има обЂима ко воротомь КалЂшьскымъ, а Мирослава посласта в задъ града, и инии полкы.

БЂ бо городъ обишла вода, и сильная лозина, и вербье, и не свЂдущимся самЂмь, идеже кто биаше. Егда же си отступяху от боя, они же належахуть на оны, а коли они отступяху, а они належаху на си. За невидЂние не приятъ бысть градъ томь дни. Идущу же камению со забралъ, яко дожду силну; стоящимъ имъ в водЂ, дондеже сташа на сусЂ на метаномъ камении. И возводный мостъ и жеравець вожьгоша. Ляхове же врата одва угасиша градьская.

Данилови же и Василкови ходящима подлЂ града, стрЂляющимъ на градъ инЂмь стрЂлцемь, и бысть ранено мужь, стоящихъ нъ забралЂхъ, 100 и 60. Бывшу же вечеру, и возвратишася во станы своя.

Станиславъ же Микуличь рече: «Кде то мы стояли, ту нЂсть воды, ни гребле высокы». Данила же, всЂдъ на конь, еха самъ на зглядание града, и видЂ, яко тако и есть. Данилъ же приЂха ко Конъдратови и рече ему: «Аще быхомъ исперва вЂдалЂ мЂсто се, то градъ приятъ бы былъ». Кондратови же молящуся има, да наутрЂе пакы приступита ко граду.

Наутрия же Данилъ и Василко посласта люди свои. Онем же стоящимъ и теребящимъ лЂсы около града, гражаномъ же ни камения смЂющимь врещи на нЂ, просяхуся, да бы къ нимъ прислалъ Кондратъ Пакослава и Мьстиуя. Пакославъ же рече Данилови: «ИзмЂнивъ ризы свое, поеди с нами». Данилови же не хотЂвшю, рече ему братъ: «Иди да слыши вЂче ихъ». Не вЂряшеть бо Мьстиуеви Кондратъ.

Данилъ же возма на ся шеломъ Пакославь и ста за нима. Стоящимъ же мужемь на заборолЂхъ и рекущимъ имъ: «Тако молъвъта великому князю Конъдрату: «Сий градъ не твой ли есть? Мы же, мужи, изнемогошеи во градЂ семь, ци иного странници есмы, но людье твои есмы, а ваша братья есмы. Чему о насъ не сожалитеси? Аще насъ русь плЂнять, то кую славу Кондратъ прииметь? Аще руская хоруговь станеть на забролЂхъ, то кому честь учиниши? Не Романовичема ли? А свою честь уничижиши! НынЂ брату твоему служимъ, а заутра твои будемь. Не дай славы руси, не погуби града сего!» И и многа словеса глаголаху.

Пакаславу же рекшу: «Кондрат радъ милость бы учинилъ вамъ, Данилъ лютъ зЂло есть насъ, не хощеть отоити прочь, не приемь града». Росмьявся, рче: «А се стоить самъ. Молъвьте с нимъ». Князь же тъче его оскЂпищемь и соня собе шеломъ. Они же кликнуша с града: «ИмЂй службу нашу, молимся, створи миръ». Оному же много смЂявъшуся и много вЂстовавшу с ними, и поя от нихъ 2 мужа, и приЂха Кондратови.

И створи Кондратъ с ними миръ и поя у нихъ талъ. Руси бо бЂаху полонилЂ многу челядь и боярынЂ. Створиша же межи собою клятву русь и ляхове, аще по семь коли будеть межи ими усобица, не воевати ляхомъ руское челяди, ни руси лядьской.

Потом же возвратистася от Кондрата в домъ свой с честью, богу поспЂвающю има, створиста ему помощь велику, и внидоста со славою в землю свою. Иный бо князь не входилъ бЂ в землю Лядьску толь глубоко, проче Володимера Великаго, иже бЂ землю крестилъ.

Потом же времени минувшу Ђха Василко Суждалю на свадбу шурина своего, ко великому князю Юрью, поемъ Мирослава со собою и ины.

Князю же Данилови будущу во УгровьсцЂ, прислаша галичанЂ, рекуще, яко: «Судиславъ шелъ есть во Понизье, а королевичь в Галичи осталъ, а поиди борже». Данилови же собравшю вои, воборзЂ посла Дьмьяна на Судислава, а самъ иде в малЂ дружинЂ к Галичю изо Угровьска, во третий день бывшу ему на ночь во Галичь. А Судиславъ не стерпЂ передь ДЂмьяномъ но побЂже в Галичь. Данилови же приЂхавшу ко Галичю, Галичь бо бЂ ся затворилъ. Данилъ же взя дворъ Судиславль. Якоже вино и воща и корма и копий и стрЂлъ, пристраньно видити! Потом же Данилъ, видивъ люди своя, яко испилися, не хотЂ стати вь города, но иде на ину страну ДнЂстра.

Судиславу же тое ночи вобЂгшю во городъ, яти бывше от вои его людие, и рекоша, яко Судиславъ уже в Галичи. Данилъ стоаше УгльницЂхъ, на березЂ Днестра. ВыЂхавшимъ же галичаномъ и угромъ и стрЂляшася на леду. Вечеру же бывшу, и ледомъ воставшимъ, и рЂцЂ наводнившися, зажгоша мостъ на ДнестрЂ — безаконьный лихый Семьюнько, подобный лисици черьмности ради.

И приде Дьмьянъ со всими бояры галичкыми, со Милославомъ и со Володиславомъ и со многими бояры галичкыми. Данилови же о семъ веселу будущю, а о мостЂ печаль имЂющу, како ДнЂстръ переити. Гнавъ же Данилъ ко мосту и узрЂвъ, яко конЂчь мосту угаслъ есть, и бысть радость велика.

Наутрея же приде Володимеръ Инъгваровичь, и переидоша мостъ, и сташа по берегу ДнЂстра.

НаутрЂя же уставоше, и обьеха Данилъ городъ, и собравъ землю галичскую, ста на четырЂ части окрестъ его. И собра от Боброкы доже и до рЂкы УшицЂ и Прута, и обьсЂде в силЂ тяжьсцЂ. Онем же изнемогошимъ передаша градъ. Данилови же приемшу градъ, помянувшю любовь короля АндрЂя, и пусти сына его и проводи и до рЂкы ДнЂстра. Изииде же с нимъ единъ Судиславъ, на ньм же метаху камение, рекуще: «Изииде из града, мятежниче земли!»

АндрЂеви же пришедшу ко отцю си и брату, и Судиславу глаголюще непрестаньно: «ИзЂидете на Галичь, и приимете землю Рускую. Аще не поидеши, укрЂпяться на ны».

Изииде же БЂла риксъ, рекъмый король, Угорьскый, в силЂ тяжьцЂ. Рекшю ему, яко: «Не имать остатися градъ Галичь. НЂсть кто избавляя и от руку моею». Вшедъшу же ему во горы УгорьскыЂ, посла на ны богъ архангела Михаила отворити хляби небесныя. Конем же потопающимъ и самЂмь возбЂгающимъ на высокая мЂста, оному же одинако устремисшися прияти град и землю. Данилови же молящуся богу, избави и богъ от рукы силных.

И обиступи град, и посла посолъ, и воспи посолъ гласомъ великом и рече: «Слышите словеса великого короля угорьского. Да не уставляеть васъ Дьмьянъ глаголя: «И земля изимьть ны богъ». Ни да уповаеть ваш Данилъ на господа, глаголя: «Не имать предати град сесь королеви угорьскому». Толико ходилъ на ины страны, то кто можеть одержати от руку моею и от силъ полковъ моихъ». Дьмьянъ же одинако крЂпяшеся, грозы его не убояся. Богъ поспЂшникъ бысть ему. Данилъ же приведе к собЂ ляхы и половцЂ Котяневы. А у короля бЂаху половци БЂговаръсови.

Богъ попусти на нЂ рану фараонову. Град же крЂпляшеся, а БЂла изнемогаше. И поиде от града, оставившю же ему люди за собою, оружники многи и фаревникы. Нападшимъ же на нЂ гражаномъ мнозимъ, впадаху в рЂку, инии же избьени быша, инии язвени быша, инии же изоимани быша. Яко инде глаголеть: «Скыртъ рЂка злу игру сыгра гражаномъ», тако и ДнЂстръ злу игру сыгра угромъ.

Оттуду же поиде король ко Василеву и переиде ДнЂстръ, и поиде ко Пруту, богъ бо попустилъ бЂашеть рану, ангелъ бьяшеть ихъ, сице умирающимъ: инии же изъ подъшевь выступахуть, акы ис чрева, инии же во конЂ влЂзъше, изомроша, инии же, около огня солЂзъшеся и мясъ ко устомъ придевоше, умираху, многими же ранами разными умираху, хляби бо небесныи одинако топяхуть.

И ушедшю же ему за невЂрьство бояри галичкихъ, Данилъ же божьею волею одерьжа градъ свои Галичь.

По семь скажем многий мятежь, великия льсти, бещисленыя рати.

Въ лЂто 6738 [1230]. КрамолЂ же бывши во безбожныхъ боярехъ галичкыхъ: свЂтъ створше со братучадьемь его Олександромъ на убьенье и преднее землЂ его. СЂдящим же имъ в думЂ и хотящимъ огнемь зажещи, милостивому богу вложивашю во сердце Васильку изиити вонъ, и обнажившу мЂчь свой играя на слугу королева, иному похвативши щитъ играющи. Невернымъ Молибоговидьчьмь узрЂвши се, страхъ имъ бысть от бога, рекъшимъ, яко: «СвЂтъ нашь раздрушися». И побЂгшимъ имъ, яко оканьны Святополкъ. ОнЂмь бЂгающимъ, и еще не увЂдавшу князю Данилу и Василку.

Василко же поЂхавшю ВолодимЂру, а Филипъ безбожный зва князя Данила во Вишьню. Другий свЂтъ створиша на убьенье его со Александромъ, братучадомь его. Воехавшу ему во Браневичаве рьли, и приде ему посолъ от тысячкого его Дьмьяна, рекшу ему, яко: «Пиръ золъ есть, яко свЂщано есть безбожнымъ твоимъ бояриномъ Филипомъ и братучадомъ твоимъ Олександромъ, яко убьену ти быти. И то слышавъ, поиди назадъ и содержи столъ отца своего».

Коснятину повЂдавшу, оному же обратившюся на рЂцЂ ДнЂстрЂ, а бояре безбожнии везяхуся инуда, не хотяще видити лича его.

Приехавшу же в Галичь, посла сла ко брату князю си Василкови: «Поиди ты на Олександра». Олександру же выбЂгъшу в Перемышль ко свЂтникомъ своимъ, а Василко прия Белзъ. Ивана же посла сЂдЂлничего своего по невЂрных Молибоговичихъ, и по ВолъдрисЂ; и изимано бысть ихъ 28 Иваномъ Михалковичемь. И ти смерти не прияша, но милость получиша; и некогда ему в пиру веселящуся, одинъ от тЂхъ безбожныхъ бояръ лице зали ему чашею, и то ему стерпЂвшу. Иногда же, да богъ имъ возомьздить.

Въ лЂто 6739 [1231]. Самому же Данилу созвавшу вЂче, оставьшуся вь 18 отрокъ вЂрнихъ и съ ДЂмьяномъ тысяцкымъ своимъ, и рече имъ: «Хочете ли быти вЂрни мнЂ, да изииду на враги мое?» ОнЂм же кликнувшимъ: «ВЂрни есмы богу и тобЂ, господину нашему, изииди с божиею помощью!» Соцкый же Микула рече: «Господине, не погнетши пчелъ, меду не Ђдать». Помолившу же ся ему богу и святЂй пречистЂй богородици, Михаилу архангелу божию, устремися изиити со малом ратникъ. И Мирославу пришедшу к нему на помощь с маломъ отрокъ. НевЂрнии же вси на помощь ему идяху, мнящеся, яко вЂрни суть. И с ними же свЂтъ створиша, лютЂ бо бяху на нЂ. ПриЂхавшу Данилу Перемышлю, не стерпЂвъ Олександръ, побЂже. В том же гонЂ Шельвъ събоденъ бысть, бЂ бо храбръ и во велицЂ чьсти умертъ. НевЂрныии же Володиславъ Юрьевич с нимь свЂтъ створь, гоняше и оли и до Санока, воротъ угорьскыхъ. И гоньзновъшуся Олександру, оставивъшу все имение свое, и тако прииде Угры, и приде к Судиславу, Судиславу же тогда будущю УгрЂхъ.

Судиславъ же поимася, прииде королеви АндрЂеви, и возведе король угорьского АндрЂя. И приде же король АндрЂй и со сыномъ БЂлою, и со другимъ сыномъ АндрЂемь ко Ярославу. Боярину же Давыдови Вышатичю, затворившюся от князя Данила во Ярославли, и Васильеви Гавриловичю, и бивьшимся угромь, оли и солнцю зашедшу, отбивьшимь ся городу имь.

СвЂтъ створиша вечеру. Давидови уполошивъшуся: теща бо его бЂше вЂрна Судиславу, кормильчья Нездиловаа, матерью бо си нарЂчашеть ю, вЂща ему, яко: «Не можешь удержати града сего». Василкови же молъвящу ему: «Не погубимь чести князя своего, яко рать си не можеть града сего прияти». БЂ бо мужь крЂпокъ и храборъ. Давыду же не слушавшу его одинако хотяше предати град. Чакови же приехавшу изо Угорьскы полковь, рекъшу ему: «Не могуть васъ уже прияти, ибо суть велми бьени». Василькови же крЂпко борющу не предати града. Оному же ужасти во сердце имущю, самому же чЂлу, вышедшу со всими вои. И приимь король Ярославль и поиде к Галичю. Климята же с Голыхъ горъ убЂжа от князя Данила ко королеви, и по немь вси бояре галичькЂи предашася.

Оттуда король поиде ко ВолодимЂрю. Пришедшу же ему Володимерю, дивившуся ему, рекъшу, яко: «Така града не изобрЂтохъ ни в НЂмЂчкыхъ странахъ!» Тако сущу, оружьникомъ стоящимь на немь, блистахуся щити и оружници подобни солнцю. Мирославъ же бЂ во градЂ; иногда же храбру ему сущю, богъ вЂдать, тогда бо смутися умомъ, створи миръ с королемь, бе свЂта князя Данила и брата его Василка. Рядомь же дасть Белъзъ и Червенъ Олександру, королеви же посадившу сына своего АндрЂя в Галичи, свЂтомъ невЂрьныхъ галичань. Мирославу же запревъшуся, яко: «Рядомь Чьрвьна не предалъ есми». Порокъ же ему имуще великъ от обою брату: «Пошто миръ створи, сущю ти с великими вои!»

Королю стоящу во ВолодимЂря, князь же Данилъ прия великъ плЂнъ, около Бозку воюя. Король же воротися Угры.

Володимеръ же посла Данилови река: «Идеть на мя Михаилъ, а помози ми, брате!» Данилови же пришедшу створити миръ межи има. Данилъ жь из Руской земля взя собЂ часть Торцький, и паки да и дЂтемь Мьстиславлимъ, шюрятомъ своимъ. Рекъ имъ: «За отца вашего добродЂанье приимете ни держите Торцький городъ».

По тЂх же лЂтЂхъ движе рать АндрЂй королевичь на Данила и иде к Белобережью. Володиславу же Ђхавшу во сторожЂ от Данила ис Кыева, и стрЂте рать во БЂлобережьи. И бившимся имъ о рЂку Солучь и гониша до рЂкы Деревное из лЂса Чертова.

Приде вЂсть Кыеву Володимеру и Данилови от Володислава. Рекшу же Данилу князю Володимеру: «Брате, вЂдаюче обЂю наю идуть наю. Пусти мя, да поиду имъ взадъ». Они же, увЂдавше, возвратишася к Галичю.

Данилови же снемшуся с братомъ и постиже и у Шумьска, и повЂстоваста с ними о рЂку ВЂлью. БЂ бо с королевичемь Олександръ и ГлЂбъ Зеремиевич, инии князи Болоховьсции и угоръ множество. ВидЂвшу же ся Данилу о рЂку Велью с королевичемь, и нЂкое слово похвално рекшу, егоже богъ не любить. НаутрЂя же переидеть рЂку Велью на Шумьскъ и поклонився богу и святому Семеону, исполчивъ полкы свое, поиде ко Торчеву. УвЂдав же АндрЂй королевичь, исполчивъ полыкы свое, иде противу ему, сирЂчь на сЂчю. Идущу ему по ровни, Данилови же и Василкови съехати бЂ со высокихъ горъ; и инии же браняху, да быхомъ стали на горах, браняху сохода. Данилови же рекшу: «Яко же писание глаголеть: «Мьдляй на брань страшливу душю имать». Понудивъ ихъ, ускори снити на нЂ.

Василкови же идущу противу угромъ, а Дьмьяну тысяцькому идущю и инЂмь полкомъ многимъ ошуюю, Данилъ же идяше полкомъ своимъ посрЂди. Велику же полку бывшю его, устроенъ бо бЂ храбрыми людми и свЂтлымъ оружьемь. ОнЂмъ же видящимъ, не хотяхуть сразитися с нимъ, но клоняхуться на Дьмьяна и на иные полкы. Приехавшимъ же соколомь стрЂлцемь и не стЂрпЂвъшимъ же людемь, избиша Ђ и роздрашася. Дьмьянови же сразившуся со Судиславомъ князю же Данилови заЂхавъшу в тылъ имъ, и бодущим Ђ, Дьмьянови же мнящу, яко все ратнии и суть и возбегоша пред нимъ. Данилъ же вободе копье свое в ратьного, изломившуся же ся копью, и обнажи мечь свой. ПозрЂвъ же семь и сЂмь и види стягъ Василковъ стояще и добрЂ борющь и угры гонящу, обнаживъ мЂчь свой, идущу ему брату на помощь, многы же язви, и инии же от меча его умроша. Снемшеся с Мирославомъ и видЂвъ, яко угре сбираються, и ехаста на нЂ два. Онем же не стЂрпЂвшим оскочиша, другим же приехавшимъ и сразившимся, и ти на стЂрпЂша. Гонящимъ же има разлучистася, Потом же видивъ брата добрЂ борющася, и сулици его крова†сущи, и оскЂпищю исЂчену от ударенья мечеваго.

Въ лЂто 6740 [1232]. ГлЂбъ ЗЂремЂевичь собравъ угры приЂха на стягъ Василковъ. Данилови жи приЂхавши к нимъ и понужаюшу ихъ, и никого не вЂдЂ въ нихъ воиника, но отрокы держаща конЂ. ОнЂм же познавшимъ и и хотящимъ мечи посЂчи конь его. Милостивому же богу безъ язвы изнесъшу и из ратныхъ, якоже от конца остроты мечевыи шерьсти претятЂ бывши на стегнЂ коня его. ПриЂхавъ же к нимъ, понужаше свое ехати на нЂ.

Василковъ полкъ гнаше угры до становъ и стягъ королевича подътяли бЂаху, друзии же мнози угре бЂжаща, оли во Галичь становишася.

Стоящим же симь на горЂ, и симъ на удолъ. Данилови же и Василкови понужающима людий своихъ соЂхати на нЂ. Богу же тако извольшу за грЂхы: наворотися дружина Данилова на бЂгъ, онем же не смЂвшимъ гонити, и не бысть пакости во полкохъ Даниловых, раз†тЂхъ убьеных пяти.

Данилови же наутрея собравшуся, не вЂдаше о братЂ, с кимъ кдЂ есть. Королевичь же обратися в Галичь, зане бЂ уразъ великъ в полкохъ его: инЂи же угрЂ бежаша, оли в Галичи становишася.

И бысть брань велика во день тъ. ТЂхъ бо падшихъ много угоръ, а Даниловыхъ мало бояръ, их же имена се быша: Ратиславъ Юрьевичь, Моиси, Степанъ, брать его, Юрьи Яневичь.

Потом же Данилъ увЂдавъ брата своего во здравьи, не престаяшеть строя на нЂ рать.

БЂ бой Торцьвьскый в суботу великую.

Потомь присла Олександръ ко брату Данилу и Василку: «Не лЂпо ми есть быти кромЂ ваю!» Она же прияста и с любовью.

Тра†же бывши, Данилъ же поиде со братомъ и со Олександромъ ПлЂсньску, и пришедъ взя и подъ Аръбузовичи, и великъ плЂн прия, обратися во ВолодимЂръ.

Въ лЂто 6741 [1233]. Королевич же и Судиславъ выведе Дьяниша на Данила. Данилъ же Ђха Кыеву и приведе половцЂ и Изяслава противу имъ, и со Изяславом водися у божницю и со Володимеромъ. Придоста противу Данишу. Изяславъ же льсть створи и вЂлЂ воевати землю Данилову, и взяша Тихомль, и возвратишася, оставьшуся Володимеру с Даниломъ и Котяневи одиному. О лесть зла есть, якоже Омиръ пишеть, — до обличеня сладка, обличЂна же зла есть. Кто в нЂй ходить, конЂць золъ прииметь. О злЂе зла зло есть!

Оттуда же идоша ко Перемилю. АндрЂй королевичь, Дьянишь и угре бишася о мостъ со ВолодимЂромъ и Даниломъ, и отбивъшися имъ. Угре же воротишася к Галичю и порокы пометаша. ВолодимЂръ же и Данилъ поидоста по нихъ. Василко же и Олександръ приде ко брату. И сняшася в Бужьска. Володимеръ же и Котянь, Изяславъ воротишася.

Въ лЂто 6742 [1234]. Отступи ГлЂбъ ЗеремЂевичь от королевича к Данилови.

Данилъ же и Василко и однако идоста к Галичю, стрЂтоша и болшаа половина Галича: Доброславъ и ГлЂбъ, инии бояре мнози, и пришедъ ста на березЂ ДнЂстра. И прия землю Галичьскую и розда городы бояромъ и воеводамъ. И бЂаше корма у нихъ много. Королевичь же и Дьянишь и Судиславъ изнемогаху гладомь в градЂ. Стояше же 9 недЂль воюя, жда леду, дондеже перешлЂ на нЂ. Судиславъ же лестью посла ко Александрови, река: «Дамъ тобЂ Галичь, поиди от брата». Он же поиде прочь. Галичани же думаху яти галичани же выЂхаша по ДанилЂ.

Малу же времени минувшю, королевичь умре. Послаша галичанЂ по Данила Чермьного Семьюнька, а Судиславъ иде Угры.

ВЂснЂ же бывши, Олександръ убоявося злаго своего створения, поиде ко тьсту своему Киевъ. Данилъ же увЂдавъ изииде на нЂ из Галича, угони и во Полономь, и яша и в лузЂ Хоморьскомь. Данилови же не спавъшу три дни и 3 нощи, такоже и воемь его.

Будущю же Володимеру КыевЂ, присла сына своего Ростислава в Галичь, и прия с нимъ братьство и любовь велику, Михаилови же Изяславу одинако не престающа на нь враждою. Оставилъ у него ГлЂба ЗеремЂича и Мирослава, иныи бояре многы. Посла же Володимеръ рекий: «Помози ми, брате!» Данилъ же вЂлъею любовью скоро собравъ полкы поиде.

Михаилъ же не стерпЂвъ отъиде от Кыева. Данилъ же поиде ко Володимеру, и поидоста Чернигову. И приде к нима Мьстиславъ ГлЂбовичь. Оттуда же поидоша плЂнячи землю, поимаша грады многы по ДеснЂ, ту же взяша и Хороборъ, и Сосницю, и Сновескъ, иныи грады многии, и придоша же опять Чернигову. Створиша же миръ со Володимеромъ и Даниломъ Мьстиславъ и черниговьчи. Люто бо бЂ бой у Чернигова, оже и таранъ на нь поставиша, меташа бо каменемь полтора перестрЂла, а камень, якоже можаху 4 мужи силнии подъяти. Оттуда с миромъ преидоша Кыеву.

Изяславъ же одинако не престааше, возвелъ бЂ полвцЂ на Киевъ.

Данилъ бо и вои его бЂ иструдилася. ПоплЂнилъ бо бЂ всЂ Черниговьскые страны, воевалъ бо бЂ от Крещениа до Вознесения, створи миръ, воротися Кыеву.

Половцем же пришедшимъ Кыеву и плЂнящимъ землю Рускую. Данилъ бо бЂ изнемоглъся. Данилъ же хотяше изиити домови лЂсною страною, Володимеру же просящу, Мирославу же помогающу ему: «Изиидемь на поганыЂ половцЂ!» СрЂтоша же Ђ половцЂ у ЗвЂнигорода. Володимеру же хотящу возвратитися, и Мирославу глаголюще на возвращение, Данилови же рекшу: «Не подобаеть воину, устремившуся на брань, — или побЂду прияти, или пастися от ратных. Азъ бо возбраняхъ вамъ. НынЂ же вижю, яко страшливу душю имате. Азъ вамъ не рЂхъ ли, яко не подобить изииги труднымъ воемь противу цЂлымъ? НынЂ же почто смущаетеся? Изиидите противу нимь».

СрЂтЂвшимъ же ся воемь многимь половецькимь у Торчьского, бысть сЂча люта. Данилови же гоняшу по половцех, донележе конь его застрЂленъ бысть гнЂдый. Преже бо инии половци наворотилЂ на бЂгъ. Данилъ же, видЂвъ бЂжащий конь свой стрЂлянъ, наворотися на бЂгъ. Володимеру же ятому бывшу в Торцькомъ, и Мирославу, свЂтомъ безбожьнаго Григоря Василевича и Молибоговичевь, инЂмь бояръмъ многимъ ятымъ бывшимъ.

Данилу же прибЂгшу к Галичю, Василкови же бывшу в Галичи с полкомъ, и срете брата си. Борисъ же Межибожьскый свЂтомъ Доброславьлимъ и Збыславлимъ посла к Данилови, рекый: «Изяславъ и половци идуть к ВолодимЂру». Лесть бо бЂ се. Данилъ же посла ко брату си: «Стерези ВолодимЂра». УзрЂвше же бояре Галичьстии Василка отшедша с полономъ, воздвигоша крамолу. Судиславу же Ильючю рекшу: «Княже, льстивъ глаголъ имЂют галичанЂ, не погуби се, поиди прочь!» Данилови увЂдавшу крамолу ихъ, изииде Угры. ЗимЂ же приспЂвши, иде Василко Галичю, поима ляхы. Данилъ же в то время приде ко брату си изо Угоръ. И воиваша, не дошедше Галича, воротися домовь.

ВЂ лЂто 6743 [1235]. Придоша Галичане на Каменець и вси Болоховьсции князи с ними, и повоеваша по Хомору, и поидоша ко Каменцю, вземши полонъ великъ, поидоша. В то же время послалъ бяше Володимиръ Данилови помощь Торцькыи Данила Нажировича. Данилови же бояре выехавши ис Каменца, снемьшеся со торки и постигоша Ђ. И побЂжени быша невЂрнии галичане. И вси князи Болоховьсции изоимани быша, и приведоша е ВолодимЂръ ко князю Данилови. ЛЂту же наставшу, нача посылати Михаилъ и Изяславъ, грозяча: «Дай нашу братью, или придемь на тя войною». Данилови же молящюся богу, святому архиерЂю НиколЂ, иже каза чюдо свое. Возвелъ бо бяшеть на Данила Михаилъ и Изяславъ ляхъ и русь и половець множество. Кондратови же ставшу, кде нынЂ град Холмь стоить, пославшю ему ко Червьну воеватъ. Василковичем же срЂтившимъ е и бившимъся с ними, поимаша Лядьские бояре, приведоша е перед Данила во Городокъ.

Михаилови же стоящу на Подъгораи, хотяшю снятися с Кондратомъ и ожидающю половець со Изяславомъ. Половци же придоша в землю Галичькую, не восхотЂша ити на Данила, вземшю всю землю Галичькую, возвратишася. То слышавъ, Михаилъ возвратися в Галичь, а Кондратъ побЂже до ляховъ чересъ нощь, и топился бяшеть от вои его во Вепрю множество.

ЛЂту же наставшу, собравъшася, идоста на Галичь на Михаила и Ростислава. Затворила бо ся бЂяста во градЂ. И угоръ множество бяашеть у него. И возвративъшися воеваста около Звенигорода, города же хотяща и нЂ возяста, бЂ бо святаа Богородица в немь, чюдная икона.

Тое же осени умиристася.

ВеснЂ же бывши, поидоста на ятвезЂ, и приидоста Берестью, рЂкамъ наводнившимся и не возмогоста ити на ятвязЂ.

Данилови рекъшу: «Не лЂпо есть держати нашее отчины крижевникомь Тепличемь, рекомымь Соломоничемь». И поидоста на нЂ в силЂ тяжьцЂ. Приаста град месяца марта, старЂйшину ихъ Бруна яша, и вои изоимаша и возъвратися ВолодимЂръ.

Данилови же в томь же лЂтЂ пошедъшу на Михаила на Галичь. Онем же мира просящим, даша ему Перемышль. По том же лЂтЂ Данилъ же возведе на Кондрата литву Минъдога, Изяслава Новгородьского.

Данилъ же в то время шелъ бяше со братомъ своимъ Угры ко королеви, бЂ бо звалъ его на честь.

В то время пошелъ бяше Фридрихъ царь на гЂрцика войною, и восхотЂста ити Данилъ со братомъ Василкомъ гЂрцикови во помощь. Королеви же возбранившу има, возвратистася во землю свою.

И потомь приде Ярославъ Суждальскый и взя Киевъ подъ Володимеромъ, не мога его держати, иде пакы Суждалю. И взя под нимъ Михаилъ, а Ростислава, сына своего, остави в Галичи. И отъяша от Данила Перемышль. Бывшю же межю ими овогда миру, овогда рати.

И шедшю же Ростиславу во поле, богу же поспЂвшу, приде вЂсть Данилу, во ХолъмЂ будущю ему, яко Ростиславъ сошелъ есть на литву со всими бояры и снузникы. Сему же прилучившуся, изииде Данилъ со воии со Холъма и бывшю ему третий день у Галичи. Любяхуть же и гражане. Подъехавшу же ему подъ городъ и рече имъ: «О мужи градьстии, доколЂ хощете терпЂти иноплеменьныхъ князий державу?» Они же воскликнувше рЂша, яко: «Се есть держатель нашь богомь даный!», и пустишася, яко дЂти ко отчю, яко пчелы к матцЂ, яко жажющи воды ко источнику. Пискупу же АртЂмью и дворьскому Григорью возбраняющу ему, узрЂвшима же има, яко не можета удерьжати града, яко малодушна блюдящася о преданьи града, изиидоста слезнами очима и ослабленомь лицемь, и лижюща уста своя, яко не имЂюща власти княженья своего, рЂста же с нужею: «Прииди, княже Данило, приими градъ!» Данило же вниде во градъ свой и прииде ко пречистЂ святЂй Богородици, и прия столъ отца своего, и обличи побЂду, и постави на нЂмЂчьскыхъ вратЂхъ хоруговь свою.

НаутрЂя же приде к нему вЂсть, яко Ростиславъ пошелъ бЂ к Галичю, слышавъ же приятье градьское, бЂжа во Угры путемь, им же идяше на Боръсуков ДЂлъ, и прииде к Бани, рекомЂй Родна, и оттуда иде Угры.

Бояре же пришедше падше на ногу его просяще милости, яко: «СогрЂшихом ти, иного князя держахомъ». Онъ же отвЂщавъ рче имъ: «Милость получисте, пакы же сего не створисте, да не во горьшая впадете».

Данилови же увЂдавшу входъ ихъ, посла на нЂ вое свое, и гнаша по нихъ до Горы и возвратишася.






ПОБОИЩЕ БАТЫЕВО


Въ лЂто 6745 [1237]. Придоша безбожнии измаилтянЂ, преже бивъшеся со князя рускими на Калкохъ.

Бысть первое приходъ ихъ на землю Рязаньскую и взяша град Рязань копьемъ, изведше на льсти князя Юрья, и ведоша Прыньску, бЂ бо в то время княгини его Прыньскы. Изведоша княгиню его на льсти, убиша князя Юрья и княгини его, и всю землю избиша и не пощадЂша отрочатъ до сущихъ млека. Кюръ Михайловичь же утече со своими людми до Суждаля и поведа великому князю Юрьеви безбожных агарянъ приходъ, нашествие.

То слышавъ великий князь Юрьи посла сына своего Всеволода со всими людми и с нимъ кюръ Михайловичь. Батыеви же устремлешюся на землю Суждальскую, и срЂте и Всеволодъ на КолоднЂ, и бившимся имъ и падъшимъ многимъ от нихъ от обоихъ. ПобЂжену бывшу Всеволоду, исповЂда отцю бывшую брань устремленыхъ на землю и грады его. Юрьи же князь, оставивъ сынъ свой во ВолодимерЂ и княгиню, изииде изъ града, и совокупляющу ему около себе вои, и не имЂющу сторожии, изъЂханъ бысть безаконьнымъ Бурондаема, всь городъ изогна и самого князя Юрья убиша. Батыеви же стоящу у града, борющуся крЂпко о градъ, молвящимъ имъ льстью гражаномъ: «ГдЂ суть князи Рязаньстии, вашь град, и князь вашь великий Юрьи? Не рука ли наша емши и смерти преда и?»

Услышавъ о семь преподобный Митрофанъ епископъ начатъ глаголати со слезами ко всимъ: «Чада, не убоимся о прельщеньи от нечестивых и ни приимемь си во умъ тленьнаго сего и скоро минующаго житья, но ономь не скоро минующЂмь житьи попечемься, еже со ангелы житье. Аще и градъ нашь пленьше копиемь возмуть и смерти ны предасть, азъ о томь, чада, поручьникъ есмь, яко вЂнца нетлЂньнаа от Христа бога приимете». О сем же словеси слышавше, вси начаша крЂпко боротися. Тотаромъ же порокы градъ бьющемь, стрелами бещисла стрЂляющимъ. Се увидЂвъ князь Всеволодъ, яко крЂпчЂе брань належить, убояся, бЂ бо и самъ младъ, самъ изъ града изииде с маломъ дружины и несы со собою дары многии, надЂяше бо ся от него животъ прияти. Онъ же, яко свЂрпый звЂрь, не пощади уности его, велЂ предъ собою зарЂзати, и градъ всь избье. Епископу же преподобному во церковь убЂгшу со княгинею и с дЂтми, и повЂлЂ нечестивый огньмь зажещи, ти тако душа своя предаша в руцЂ богу.

Град ему избившу ВолодимЂрь, поплЂни грады Суждальскиие и приде ко граду Козельску. Будущу в немь князю младу именемь Василью. УвЂдавъши же нечестивии, яко умъ крЂпкодушьный имЂють людье во градЂ, словесы лестьными не возможно бЂ града прияти. КозлянЂ жЂ свЂтъ створше не вдатися Батыю, рекше, яко: «Аще князь нашь млад есть, но положимъ животъ свой за нь, и сде славу сего свЂта приимше, и тамъ небесныя вЂнца от Христа бога приимемь». Тотаром же бьющимся о град, прияти хотящимъ град, разбившимъ граду стЂну, и возиидоша на валъ татаре. Козляне же ножи рЂзахуся с ними. СвЂтъ же створиша изиити на полкы тотарьскые, и исшедше изъ града, исЂкоша праща ихъ, нападше на полъкы ихъ, и убиша от татаръ 4 тысящи, и самЂ же избьени быша. Батый же взя городъ, изби вси, и не пощадЂ от отрочать до сосущих млеко. О князи Васильи невЂдомо есть, и инии глаголаху, яко во крови утонулъ есть, понеже убо младъ бяше есть. Оттуду же ву татарЂхъ не смЂють его нарещи град Козлескъ, но град злый, понеже бишася по семь недЂль. Убиша бо от татаръ сыны темничи три. Татари же искавше и не могоша ихъ изнаити во множест†трупъ мертвыхъ.

Батыеви же вземшю Козлескъ, и поиде в землю Половецькую. Оттуда же поча посылати на грады Русьскые и взять град Переяславль копьемь, изби всь, и церковь архангела Михаила скруши, и сосуды церьковьныя бещисленыя, златыа и драгаго каменья взятъ, и епископа преподобнаго Семеона убиша.

В то же время посла на Черниговъ, обьступиша град в силЂ тяжцЂ. Слышавъ же Мьстиславъ ГлЂбовичь нападение на град иноплеменьных, приде на ны со всими вои. Бившимъся имъ, побЂженъ бысть Мьстиславъ, и множество от вои его избьенымъ бысть, и градъ взяша и запалиша огньмь. Епископа оставиша жива и ведоша и во Глуховъ.

Меньгуканови же пришедшу сглядатъ града Кыева. Ставшу же ему на оной странЂ ДнЂпра во градъка ПЂсочного, видивъ град, удивися красотЂ его и величеству его, присла послы свои к Михаилу и ко гражаномъ, хотя е прельстити, и не послушаша его.

В лЂто 6746 [1238]. Михаилъ бЂжа по сыну своемь передъ татары Угры, а Ростиславъ Мьстиславичь Смоленьского сЂдЂ КыевЂ, Данилъ же Ђха на нь, и я его, и остави в немь Дмитра, и вдасть Кыевъ в руцЂ Дмитрови обьдержати противу иноплеменьныхъ языкъ, безбожныхъ татаровъ.

...Яко бЂжалъ есть Михаилъ ис Кыева в Угры, Ђхавъ я княгиню его и бояръ его поима, и город КаменЂць взя. Слышавъ же се Данилъ, посла слы река: «Пусти сестру ко мнЂ, зане яко Михаилъ обЂима нама зло мыслить». И Ярославъ услыша словеса Данилова, и бысть тако, и приде к нима сестра, к Данилу и Василку, и держаста ю во велицЂ чести.

Король же не вдасть дЂвкы своей Ростиславу и погна и прочь. Идоста Михаилъ и Ростиславъ ко уеви своему в ляхы и ко Кондратови. Присла бо Михаилъ слы Данилу и Василку, река: «Многократы согрЂшихо вам и многократы пакости творях ти. Что ти обЂщахъ и того не створих. Аще коли хотяхъ любовь имЂти с тобою, невЂрнии галичанЂ не вдадяхут ми. НынЂ же клятвою клену ти ся, яко николи же вражды с тобою не имамъ имЂти».

Данилъ же и Василко не помянуста зла, вьдаста ему сестру и приведоста его из Ляховъ. Данилъ же свЂтъ створи со братом си, обЂща ему Киевъ Михаилови, а сынови его Ростиславу вдасть Луческъ. Михаилъ иже за страхъ татарьскый не смЂ ити Кыеву. Данилъ же и Василко вьдаста ему ходити по землЂ своей, и даста ему пшеницЂ много и меду и говядъ и овЂць доволЂ. Михаилъ же увЂдЂвъ приятье Киевьское и бЂжа со сыномъ своимъ во Ляхы Кондратови. Приближившимъ же ся татаромъ, то не стерпЂ туто, иде в землю Воротьславьску и приде ко мЂсту НемЂцкому именемь Середа. УзрЂвши же нЂмци, яко товара много есть, избиша ему люди, и товара много отъяша и унуку его убиша. Михаилу иже не дошедшю и собравшюся, и бысть в печали величЂ: уже бо бяхут татари пришли на бой ко Иньдриховичю. Михаилъ же воротися назадъ опять Кондратови.

Мы же на преднее возвратимся.

В лЂто 6747 [1239].

Въ лЂто 6748 [1240]. Приде Батый Кыеву в силЂ тяжьцЂ, многомь множьствомь силы своей, и окружи град, и остолпи сила татарьская, и бысть град в обьдержаньи велицЂ. И бЂ Батый у города и отроци его обсЂдяху град. И не бЂ слышати от гласа скрипания телЂгъ его, множества ревения вельблудъ его, и рьжания от гласа стадъ конь его, и бЂ исполнена земля Руская ратныхъ.

Яша же в них татарина именемь Товрулъ, и тъ исповЂда имъ всю силу ихъ. Се бяху братья его силныи воеводы: Урдю и Байдаръ, Бирюй, Кайданъ, Бечакъ и Меньгу и Кююкь, — иже вратися увЂдавъ смерть канову, и бысть каномь, не от роду же его, но бЂ воевода его перьвый — СебЂдяй богатуръ и Бурунъдаии багатырь, — иже взя Болгарьскую землю и Суждальскую, — инЂхъ бещисла воеводъ, их же не исписахомъ зде.

Постави же Баты порокы городу подълЂ вратъ Лядьскьх. Ту бо бЂаху пришли дебри. Порокомъ же бес престани бьющимъ день и нощь, выбиша стЂны. И возиидоша горожаны на избыть стЂны, и ту бЂаше видити ломъ копЂйный, щетъ скЂпание, стрЂлы омрачиша свЂтъ. ПобЂженым и Дмитрови ранену бывшу, взиидоша татарЂ на стЂны и сЂдоша. Того дне и нощи гражанЂ же создаша пакы другий град около святое БогородицЂ. НаутрЂя же придоша на нЂ, и бысть брань межи ими велика. Людем же узбЂгшимъ и на церковь и на комаръ церковныя и с товары своими; от тягости повалишася с ними стЂны церковныя. И приятъ бысть град сице воими. ДмитрЂя же изведоша язвена, и не убиша его мужьства ради его.

В то же время Ђхалъ бяше Данилъ Угры королеви и еще бо бяшеть не слышалъ приходъ поганыхъ татаръ на Кыевъ.

Батыю же вземшю град Кыевъ и слышавъшу ему о ДанилЂ, яко УгрЂхъ есть, поиде самъ Володимеру, и приде к городу Колодяжьну. И постави порока 12, и не може разбити стЂны, и начатъ перемолъвливати люди. Они же, послушавше злого свЂта его, передашася, и сами избити быша. И приде Каменцю, Изяславлю, взятъ я. Видивъ же КремянЂць и градъ Даниловъ, яко не возможно прияти ему, и отиде от нихъ. И приде к Володимеру, и взя и копьемь, и изби и не щадя Тако же и град Галичь, иныи грады многы, имже нЂсть числа.

Дмитрови же, Кыевьскому тысяцкому Данилову, рекшу Батыеви: «Не мози стряпати в землЂ сей долго, время ти есть на угры уже поити. Аще ли встряпаеши, земля ти есть силна. Сберуться на тя и не пустять тебе в землю свою». Про то же рече ему, види бо землю гибнущу Рускую от нечестиваго.

Батый же послуша свЂта Дмитрова, иде Угры. Король жь БЂла и Каломанъ срЂтоша Ђ на рЂцЂ Солоной. Бившимся имъ полкомъ, бЂжаща угре, и гнаша Ђ татарЂ до рЂкЂ Дуная. Стояша по побЂдЂ три лЂта.

Преже того Ђхалъ бЂ Данило князь ко королеви Угры, хотя имЂти с ним любовь сватьства, и не бы любови межи има. И воротися от короля и приЂха въ Синеволодьско во манастырь святыя Богородица. Наутрея же воставъ видЂ множество бЂжащих от безбожных татаръ и воротися назадъ Угры. Не може бо проити Руское земли, зане мало бЂ с нимь дружины. И оставивъ сына своего УгрЂхъ и вьдасть и ву руцЂ галичаномъ, вЂдаа невЂрьствие ихъ, про то его не поя с собою.

Иде изо Угоръ во Ляхы на Бардуевъ и приде во Судомирь. Слыша о братЂ си и о дЂтех и о княгини своей, яко вышли суть из Руское землЂ в Ляхы предъ безбожными татары, и потосьнуся взискати ихъ, и обрЂте ихъ на рЂцЂ рекомЂй ПолцЂ, и возрадовашася о совокупьленьи своемь, и жалишаси о побЂдЂ землЂ Руское и о взятьи град от иноплеменьникъ множьства.

Данилови же рекшу, яко: «Не добро намъ стояти сде близъ воюющих нас иноплеменьникомъ!» Иде в землю во Омазовьскую ко Болеславу Кондратову сынови. И вдасть ему князь Болеславъ град Вышегородъ. И бысть ту, дондеже вЂсть прия, яко сошли суть и землЂ Руское безбожнии.

И возвратися в землю свою, и приде ко граду Дорогычину, и восхотЂ внити во град, и вЂстьно бысть ему, яко «Не внидеши во град!» Оному рекшу, яко: «Се былъ град нашь, и отець наших, вы же не изволисте внити вонь». И отъиде мысля си.

Иже богъ послЂже отмьстье створи держателю града того, и вьдасть и в руцЂ Данилу. И обьновивы и созда церковь прекрасну святое Богородици, и рече: «Се градъ мой, преже бо прияхъ и копьемь».

Данилови же со братомъ пришедшу ко Берестью и не возмогоста ити в поле смрада ради множьства избьеных. Не бЂ бо на ВолодимЂрЂ не осталъ живый, церкви святой Богородици исполнена трупья, иныа церкви наполнены быша трубья и телесъ мертвых.

Потом же Михаилъ иде от уя своего на ВолодимЂръ сыномь своим и оттуда иде Пиньску. Ростислав же ВолодимЂричь приде к Данилу во Холмъ, одержалъ бо бЂаше богъ от безбожных татаръ. Ростислав же показа правду свою, яко не есть во свЂтЂ с Михаиломъ. Михаилъ же не показа правды воз добродЂанье Данилу же и Василку, но проиде землю его и и пославъ посла иде, въ Киевъ, и живяше подъ Киевомъ во островЂ, а сынъ его иде в Черниговъ Ростиславъ.

Вышедшу же Лвови изъ Угоръ с бояры галичкыми и приЂха во Водаву ко отцю си, и радъ бысть ему отець.

Бояре же галичьстии Данила княземь собЂ, называху, а самЂ всю землю держаху. Доброслав же вокняжилъся бЂ и Судьичь, поповъ внукъ, и грабяше всю землю, и въшед в Бакоту, все Понизье прия, безъ княжа повеления. Григорьи же Васильевичь собЂ горную страну Перемышльскую мышляше одержати. И бысть мятежь великъ в землЂ и грабежь от них. Данилъ же, увЂдавъ, посла Якова, столника своего, с великою жалостью ко Доброславу, глаголя к нимь: «Князь вашь азъ есмь. Повеления моего не творите, землю грабите. Черниговьских бояръ не велЂх ти, Доброславе, приимати, нъ дати волости галичкимъ. А Коломыйскюю солъ отлучите на мя». Оному же рекшу: «Да будеть тако!». Во тъ же часъ, Якову сЂдящу у него, приидоста Лазорь Домажирець и Иворъ Молибожичь, два безаконьника от племени смердья, и поклонистася ему до землЂ. Якову же удивившуся и прашавшу вины, про что поклонистася. Доброславу же рекшу: «Вдахъ има Коломыю». Якову же рекшу ему: «Како можеши бес повеления княжа отдати ю сима! Яко величии князи держать сию Коломыю на роздавание оружьникомъ, си бо еста недостоина ни Вотьнина держати». Он же усмЂявься рече: «То что могу же глаголати». Яковъ же, приехавъ, вся си сказа князю Данилови. Данилъ же скорбяше и моляшеся богу о отчинЂ своей, яко нечестивымъ симъ держати ю и обладати ею.

И малу же времени минувшу присла Доброславъ на Григоря, река, яко: «НевЂренъ ти есть». Противляшеся ему, а самъ хотяше всю землю одержати. Свадивьшеся сами и приЂхаша с великою гордынею. Едучю Доброславу во одиной сорочьцЂ, гордящу, ни на землю смотрящю, галичаном же текущимъ у стремени его.

Данилови же видящу и Василкови гордость его, болшую вражду на нь воздвигнуста. Доброславу же и Григорю обоимъ ловящимъ на ся. Слышав же Данилъ рЂчи ихъ, яко полны суть льсти, и не хотять по воли его ходити, и власть его иному предати, сомыслив же се братомъ, понужи же, видя безаконие ихъ, и повелЂ его изоимати.

Въ лЂто 6749 [1241]. Ростиславъ собра князЂ болоховьскые и останокъ галичанъ, приде ко БакотЂ. Курилови же сущю печатнику тогда вь БакотЂ, послану Даниломъ княземь и Василкомъ исписати грабительства нечестивых бояр, утЂшити землю. Бившимъ же ся имъ у вратъ, отступився, хотяше премолвити его словесы многыми. Курилъ же отвЂща ему: «Се ли твори возмездье уема своима воз добродЂанье! Не помниши ли ся, яко король угорьскый изгналъ тя бЂ и землЂ сь отцьмь ти? Како тя восприаста огосподина моя, уя твоя, отча ти во величи чести держаста, и Киевъ обЂчаста тобЂ, Луческъ вдаста, и матерь твою и сестру свою изъ Ярославлю руку изъяста и отчю ти вдаста». Инеми словесы мудрыми глаголаста ему много. ВидЂв же, не послуша его, изииде на нь со пЂшьци. Онъ же увЂдЂвъ то, поиде прочь. Онъ же мудростью и крЂпостью удержа Бакоту. Ростислав же изииде за ДнЂпръ.

Слышавъ же Данилъ приходъ Ростиславль со князи Болоховьскими на Бакоту, абье устремися на нЂ, грады ихъ огневи предасть, и гребля ихъ раскопа. Василько же князь осталъ бЂ стеречи землЂ от Литвы, послалъ бЂаше вое свое со братомъ. Данилъ же возьма плЂнъ многъ вратися и поима грады ихъ: Деревичь, Губинъ и Кобудъ, Кудинъ, ГородЂць, Божьскый, Дядьковъ. Приде же Курилъ, печатникъ князя Данила, со треими тысящами пЂшець и трьими сты коньникъ, и водасть имъ взяти Дядьковъ град.

Оттуда же плЂнивъ землю Болоховьскую и пожегъ. Оставили бо ихъ татарове, да имъ орють пшеницю и проса. Данилъ же на нЂ болшую вражьду, яко от тотаръ болшую надежу имЂаху, князЂ же ихъ изъя от руку Болеславльу, князя Мазовьского. Рекшу Болеславу: «Почто суть вошли во землю мою, яко не влах имъ», — рекый: «Не суть вои твои, но суть особнии князи». И хотяше разъграбити е. Они же обЂщашася работЂ быти. Онемь же молящимся, Данилъ же и Василко за нЂ хоти с ними брань створити. Василко же ехавъ убЂди и, рекше умоли и, и дасть ему дары многи на избавление ихъ. ОнЂм же одинако не помнящи добродЂанья, богъ возмездье имъ дасть, яко не оста ничтоже во градЂ ихъ, еже бысть не пленено. И приде ко брату си милостью божиею, обличая побЂду.

Ростислав же одинако не престааше о злобЂ своей, но вои собравъ и Володислава невЂрного, поиде на Галичь. И пришедъ ко ПечерЂ Домамири, и прельсти е Володиславъ, и вдашася Ростиславу, и оттуда поима, поиде ко Галичю, рекый, яко: «Твой есть Галичь». А самъ прия тысячю от него. Слышавъ же Данилъ и Василко, собравша воя скоро поидоста на нихъ. Онъ же не стерпЂ выбЂже из Галича до Щекотова, и с нимь бЂжа АртЂмЂй, епископъ галичькый, и инии галичани. Данилови же и Василку, женущу по немь, вЂсть приде ему, яко тотарове вышли суть и землЂ Угорьское, идуть в землю Галичькую, и тою вестью спасеся, и нЂколико от бояръ его ято бысть.

Данилъ же, хотя уставити землю, и еха до Бакоты и Калиуса, а Василко еха во ВолодимЂръ. Данилъ же дворечкого посла на Перемышль, на Костянтина Рязаньского, посланаго от Ростислава, и владыцЂ Перемышльскому, коромолующе с нимь. И слышавъ Костянтинъ АдрЂа, грядуща на нь, избЂженощью. АндрЂй же не удоси его, но удоси владыку, и слуги его разъграби гордые, и тулы ихъ бобровье раздра, и прилбичЂе ихъ волъчье и боръсуковые раздраны быша. Словутьного пЂвца Митусу, древле за гордость не восхотЂвша служити князю Данилу, раздраного, акы связаного приведоша. СирЂчь, якоже рече приточникъ: «Буесть дому твоего скрушиться, бобръ и волкъ и язвЂць снЂдяться». Си же притчею речена быша.

Въ лЂто 6750 [1242]. Не бысть ничтоже.

Въ лЂто 6751 [1243]. Ростислава розгнаша татарове во Борку, и бЂжа угры, и вдасть зань пакы король угорьскый дочЂрь свою.

Данилу же будущу во ХолмЂ, прибЂже к нему половчинъ его именемь Актай, рекый, яко: «Батый воротилъся есть изо Угоръ, и отрядил есть на тя два богатыря возискати тебе: Манъмана и Балаа». Данилъ же затворивъ Холмъ, еха ко брату си Василкови, поима с собою Курила митрополита. А татарове воеваша до Володавы и по озерамъ много зла створше.

Въ лЂто 6752 [1244]. Не бысть ничтоже.

Въ лЂто 6753 [1245]. Слышавъ же короля Михаилъ вдавъ дочЂрь за сына его и бЂже Угры. Король же угорьскый и сынъ его Ростиславъ чести ему не створиста. Он же розгнЂвався на сына, возвратися Чернигову.

Оттуда еха Батыеви, прося волости своее от него. Батыеви же рекшу: «Поклонися отець нашихъ закону». Михаилъ же отвЂща: «Аще богъ ны есть предалъ и власть нашу грЂхъ ради наших во руцЂ ваши, тобЂ кланяемся и чести приносим ти. А закону отець твоихъ и твоему богонечестивому повелению не кланяемься». Батый же, яко свЂрпый звЂрь возьярися, повелЂ заклати, и закланъ бысть безаконьнымъ Доманомъ Путивльцемь нечестивымъ, и с нимъ закланъ бысть бояринъ его Федоръ, иже мученически пострадаша и восприяста вЂнЂчь от Христа бога.

Данилови же со братомъ Василкомъ заратившимся с Болеславомъ, княземь Лядьскимь, внидоста во землю Лядьскую четырми дорогами: самъ Данило ваева около Люблина, а Василко — по Изволи и по ЛадЂ, около БЂлое, дворьскый же ОндрЂй по Сяну, а Вышата воева Подъгорье. Вземше полонъ, возвратишася. И пакыи изиидоста и повоеваста землю Любльньскую, доже и до рЂкы Вислы и Сяну. И прЂхавша подъ Завихвостъ, стрЂли Василко князь чересъ рЂку Вислу, не могоша бо переЂхати ей рЂкы, понеже наводнилася бяше. И возвратистася, вземша полону много.

Малу же времини минувшу, приЂхавъши же ляхове и воеваша около АндрЂева. Услышавъ же Данило князь со братомъ Василкомъ, совокупиша силу свою и повелЂста престроити праща и иныие сосудыи на взятье града, и придоста на градъ Люблинъ. Одиного дне быста под градомъ ис Холма, со всими вои и пращами. Мечющимъ же пращамъ и стрЂламъ, яко дожду идущу на град ихъ, и уведевъше ляхове, яко крЂпчЂе брань руская належить, начаша просити милость получити. Данилъ же и Василко створиста завЂтъ, положивъ имь, рекоша: «Не помогайте князю своему». Они же обЂщася то створити. Данилъ же со братомъ возвратистася, воеваша страну ту.

Ростиславъ же умоливъ угоръ, много просися у тьстя, да выидеть на Перемышль. Вшедшу ему, собравше смерды многы пьшьцЂ, и собра я в Перемышль. Данилъ же и Василко, слышавше, посласта Лва млада суща, и яко ни во бой ему внити, младу сущу, посла сыновца своего Всеволода, АндрЂя и Якова, иныи бояре. Бившимся имъ на рЂцЂ СЂчници, одолЂ Ростиславъ, многи бо имЂ пЂшьцЂ. Бьющу же АньдрЂю и Якову, сЂкущимъся лютЂ, Всеволъдъ не поможе имъ, и навороти конь свой на бЂгъ. Бившим же ся имъ много, и отъЂхаша цЂли. Данилови же бывши вЂсти, и поиде, собравъ вои многи и пЂшьцЂ и прогняше и землЂ, и иде Угры.

Въ лЂто 6754 [1246]. Придоша литва и воеваша около ПересопницЂ Аишьвно Рушькович. Данило же и Василко ехаша во Пинескъ и предъвариста его, дондеже приходъ его. Онемь же идущимь по полю Пиньскуму, изиидоста на нЂ из града. Поганым же одинако гордость имЂющим во сердци своемь, погнаша е. Онем же не стЂрпЂвшимъ побЂгоша, бЂжащим же имъ падаху с коний. Василко же приведе первый саигатъ ко брату си. Всии же воии его избьени быша, самому же Рюшковичьу у малЂ утекшю. И бысть радость велика во градЂ ПиньскЂ о побЂдЂ Данила и Василка, всь бо плЂнъ отъяста, богу помогающу имъ.

В лЂто 6755 [1247]. Воеваша литва около МЂлницЂ Лековнии, великъ плЂнъ прияша. Данило же и Василко, гнаста и по нихъ до Пиньска. Во Пиньски бо Михаилъ далъ бЂ имъ вЂсть. ОнЂм же ставшимъ осЂкшимся в лЂсЂ, далъ бо бЂ имъ и Михаилъ вЂсть, буда в ПиньскЂ. Данилъ же и Василко погнаша на нЂ, и дворьскый Яковъ вое свое. Лит†же и не емшем вЂры Михайлови, изиидоша и становъ своих. Милостью божиею побЂгшимъ литвЂ, и избити быша, и плЂнъ всь отъяша, а самъ Лонъкогвени боденъ утече. Иде вЂсть Данилу и Василку, и бысть радость велика во ПиньскЂ, градЂ.

Преже же воиныи Данилови Черниговьское сЂдящу ему в ГаличЂ, а Василку в ВолодимерЂ.

Въ лЂто 6756 [1248]. Воеваша ятвязЂ около Охоже и Бусовна, и всю страну и ту поплЂниша, и еще бо Холму не поставлену бывъшю Даниломъ. Гна же по нихъ Василко изъ ВолодимЂря, угони е, и бывшу ему третий день изъ Володимеря в ДорогычинЂ. Оньмь же бьющимся у воротъ Дорогычинъскыхъ, и приде на нЂ Василко. ОнЂм же вьзьехавшимъ имъ противу и не стерпЂвшимъ от лица Василкова, богу помогшу, побЂгоша злии погании. И бысть на нЂ сЂча люта, и гнаша е за много поприщь, и убито бысть князии сорокъ, инии мнозии избьени быша и не востаяша. Посла и во Галичь ко брату си. И бысть радость велика во градЂ томъ ГаличЂ день той.

Василко бо бЂ возрастомъ середний, умомъ великъ и дерзостью, иже иногда многажды побЂжаше поганые, или иногда многажды посылающима има на поганыя. Еже Скомондъ и Боруть зла воиника, иже убьена быста посланиемь. Скомондъ бо бЂ волъхвъ и кобникъ нарочитъ, борзъ же бЂ, яко и звЂрь, пЂшь бо ходя повоева землю Пиньскую, иныи страны, и убьенъ бысть нечестивый, и глава его взотъчена бысть на колъ. И во иная времена божиею милостью избьени быша погании, ихже не хотЂхомъ писати от множества ради.

Въ лЂто 6757 [1249]. Ростиславъ молися тьстеви своему королеви, да пошлеть ему вои на Данила. Поимъ вои идеть в Лядьскую землю. И молися Льстьковой и убЂди ю, да послеть с нимъ ляхы, и посла с нимъ вое. Нарочиты бояры и инии ляхо†избЂгли бяху изъ земли, хотяще ити к Данилови. УвЂдЂв же Ростиславль выходъ, хотяще имъ получити милость у Лестьковича и у матери его. Идоша к нему на помощь, еже по малЂ времени ятъ бысть старЂйши ихъ Творьянъ Даниломъ.

Ростислав же устремися приди на град Ярославль, людем же бывшимъ во градЂ Даниловымъ и Василковымъ и бояромъ многомъ. Видив же крЂпокъ град, поиде к Перемышлю и, собравъ тъзЂмьльцЂ многы, сосуды ратныие и градные, и порокы, исполчивъ воя своя, и пакы поиде ко Ярославлю, и за собою остави град Перемышль. Мыслящу ему: «Аще сего не прииму, да сего держу». Стоящу же ему у града, и строящю порокы ими приимет град, и бысть бой великъ пред градомъ. Оному же велЂвшу своимъ охабитися, да не язвени будуть вои его от гражанъ, дондеже устроить сосуды порочные. Хвалящю же ся ему предъ вои своими и рекушу: «Аще бых извЂдалъ, кдЂ Данила и Василко, Ђхалъ бых на ня. Аще бы ми с десятью воинъ, ехалъ быхъ на ня». Гордящу же ся ему, и створи игру предъ градомъ, и сразивъшуся ему со Воршемь, и падеся под нимь конь, и вырази собЂ плече, и не на добро случися ему знамение.

Слышавъ же Данило и Василко ратное пришествие его, помолистася богу, начаста сбирати вое, и посласта Кондратови рекуще, яко: «Тебе дЂля изиидоша на наю ляхове, яко помощника ти ес※. Пославшу же ему помощь, Данило же и Василко посласта в литву помощи просяща, и послана бысть от Миндога помощь. Не дотягшимъ же обоимъ, явлешу же богу помощь свою над ними, яко не от помощи человЂкомъ побЂда, нъ от бога.

Скоро собравше вои, поидоста. Посласта же АндрЂя, да я видить и укрЂпить град, яко уже близъ есть спасение ихъ. Не дошедшимъ же воемь рЂкы Сяну, сосЂдшим же на поли воружиться. И бывшу знамению сице надъ полкомъ сице: пришедшимъ орломъ и многимъ ворономъ, яко оболоку велику играющимъ же птичамъ, орлом же клекьщущимъ и плавающимъ криломъ своими, и воспромЂтающимъся на воздусЂ, якоже иногда и николи же не бЂ. И се знамение на добро бысть.

Данилъ же воружився, поемь вое свое, поиде рЂцЂ Сяну. Броду же глубоку сущу, и приЂхаша половци напередъ, и приЂхавше видиша стада ихъ. Не бЂ же стражь ихъ у рЂкы. Половцем же не смЂющимъ разъграбити ихъ бес повеления княжа. ОнЂм же узрЂвшимъ и убЂгшимь со стады своими во станы свое. Данилови же и Василко не умедлиста, но скоро придоста рЂку. Исполчивша же коньники с пЂшьци, поидоста с тихостью на брань. Сердце же ею крЂпко бЂ на брань, и устремлено на брань. Лвови же дЂтьску сущу, поручи и Василкови, храбру сущу боярину и крЂпку, и да и стрежеть его во брани.

И видив же Ростиславъ приходъ ратных, исполчивъ же вои свое, русь и угры и ляхы, и доиде противу имъ, пЂщцЂ же остави противу вратом града стрещи вратъ, да не изиидуть на помощь Данилу и не исЂкуть праковъ. Ростислав же исполчився преиде дебрь глубокую. Оному же идущу противу полку Данилову, АндрЂеви же дворьскому тоснущюся, да не сразится с полкомъ Даниловым, ускоривъ сразися с полкомъ Ростиславлимъ. КрЂпко копьем же изломившимся, яко от грома трЂсновение бысть, и от обоихъ же мнози, падше с коний, умроша, инии уязвени быша от крЂпости ударения копЂйного.

Данилъ же посла 20 муж избраных на помощь ему. ВасилЂй же ГлЂбовичь и Всеволодъ Олександрович, Мьстиславъ, не мога АндрЂеви, бЂжаста назадъ ко Сянови. АндрЂеви же оставшу с малой дружиною, возьЂздя крЂпци боряшеся с ними.

ВидЂв же Данилъ ляхы крЂпко идущимъ на Василка, керьлЂшь поющимъ, сильньнъ гласъ ревуще в полку ихъ.

Данилъ же видивъ близъ брань Ростиславлю, и Филю в заднемь полку стояща со хорюговью, рекущю, яко: «Русь тщиви суть на брань, да стерпимъ устремления ихъ, не стерпими бо суть на долго время на сЂчю». Богу же не услышавшу славы его, приде на нь Данило со Яковомъ Марковичемь и со Шьльвомъ. Шелвови же сбодену бывшу, Данила же емшу, исторжеся из руку его, и выеха ис полку, и видЂвъ угрина, грядущаго на помощь Фили, копьемь сътче и, и вогружену бывшу в немь уломлену, спадеся, изъдше. О того же гордаго Филю Львъ, младъ сы, изломи копье свое. Пакы же Данило скоро приде на нь и раздруши полкъ его, и хоруговь его раздра на полы. Видив же се Ростиславъ, побЂже, и наворотишася угре на бЂгъ.

Василкови же сразившуся с ляхы, наворотившимся и не зрящимъ обоимъ на ся. Ляхомъ же лающимъ, рекущим: «Поженемь на великыи бороды». Василкови же рекшу, яко: «Ложь глаголъ есть вашь. Богъ помощникъ нашь есть». И тъкну конь свой и движеся. Ляхо†же не стЂрпЂвше побЂгоша от лица его. Данилови женущу чересъ дебрь глубокую на угры и русь, бьющю Ђ, и скорбяще о братЂ, не вЂдый. УзрЂв же хоруговь его, по ляхомъ женущу, и бысть в радости велицЂ.

Ставшу же ему на могилЂ противу городу, и приЂха Василко к нему. Данилови же хотящу гнати по нихъ, Василко же возбраняше ему. Ростиславу же познавшу, направи конь свой на бЂгъ. Угре же и ляхове мнози избьени быша, и ятии быша, и от вьсих мнози яти быша. Тогда же и Филя гордый ятъ бысть

АндрЂемь дворьскимь, и приведенъ бысть к Данилу, и убьенъ бысть Даниломъ. Жирославъ же приведе Володислава, злого мятежника землЂ. Въ тъ ж день и тотъ убьенъ бысть, и инии угре мнози избьени быша за гнЂвъ. Данило же и Василко не идоста в городъ, и Львъ ста на мЂстЂ воиномь посрЂдЂ трупья, являюща побЂду свою. Гонящим же и приЂздящимъ воиномъ и полунощи, и вЂдущимъ користь многу, яко же всее нощи клику не переста, ищущимъ другъ друга.

Яви же богъ милость свою и дасть побЂду Данилу на канунъ великую мученику Фрора и Лавра. Данилъ же город зажже, еже Ростиславъ создалъ, иде же в Холмъ с колодники многими, иже бЂ создалъ самъ. Лит†же приЂхавшимъ и ляхомъ Кондратовымъ, к нему приспЂвшимъ ко брани и воротишася во свояси. А Ростиславъ бЂжа в ляхы, и поемъ жену свою, иде угры. Про то бо из угоръ пришелъ бяшеть съ женою в Лядьскую землю, мысляще во умЂ своемь взяти Галичь и обладати имъ. Богъ же за высокомыслие его и не створи того, еже онъ мысляше.

Въ лЂто 6758 [1250]. Приславшу же МогучЂеви посолъ свои к Данилови и Василкови, будущю има во Дороговьскыи: «Дай Галич», бысть в пЂчали велицЂ, зане не утвердилъ бЂ землЂ еЂ городы. И думавъ с братомъ своимъ и поЂха ко Батыеви река: «Не дамъ полу отчины своей, но Ђду к Батыеви самъ».

Изииде же на праздник святаго ДмитрЂя, помолився богу и приде Кыеву, обдержащу Кыевъ Ярославу бояриномъ своимъ Ейковичемь Дмитромъ. И пришед в домъ архистратига Михаила, рекомый Выдобичь, и созва калугеры и мниский чинъ и рекъ игумену и всей братьи, да створять молитву о немь. И створиша, да от бога милость получить. И бысть тако, и падъ пред архистратигомъ Михаиломъ, изииде из манастыря въ лодьи, видя бЂду страшьну и грозну.

И прииде Переяславлю, и стрЂтоша татаровЂ. Оттуда же Ђха къ КуремЂсЂ и видЂ, яко нЂсть в них добра.

Оттуду же нача болми скорбЂти душею, видя бо обладаемы дьяволомъ: сквЂрная ихъ кудЂшьская бляденья, и Чигизаконова мечтанья, сквЂрная его кровопитья, многыя его волъжбы. Приходящая цари, и князи, и велможЂ солнцю и лунЂ и земли, дьяволу и умершимъ въ адЂ отцемь ихъ и дЂдомъ и матеремь водяше около куста покланятися имъ. О сквЂрная прелесть ихъ!

Се же слыша, велми нача скорбЂти.

Оттуда же приде к Батыеви на Волгу. Хотящу ся ему поклонити, пришедшу же Ярославлю человЂку. Сънъгурови, рекшу ему: «Брат твои Ярославъ кланялъся кусту и тобъ кланятися». И рече ему: «Дьяволъ глаголеть из устъ ваших. Богъ загради уста твоя и не слышано будеть слово твое». Во тъ час позванъ Батыемь, избавленъ бысть богомъ и злого их бЂшения и кудЂшьства. И поклонися по обьчаю ихъ, и вниде во вежю его. Рекшу ему: «Данило, чему еси давно не пришелъ? А нынЂ оже еси пришел — а то добро же. Пьеши ли черное молоко, наше питье, кобылий кумузъ?» Оному же рекшу: «ДоселЂ есмь не пилъ. НынЂ же ты велишь — пью». Он же рче: «Ты уже нашь же тотаринъ. Пий наше питье». Он же испивъ поклонися по обычаю ихъ, изъмолвя слова своя, рече: «Иду поклониться великой княгини Баракъчинови». Рече: «Иди», Шедъ поклонися по обычаю. И присла вина чюмъ и рече: «Не обыкли пити молока, пий вино».

О злЂе зла честь татарьская! Данилови Романовичю, князю бывшу велику, обладавшу Рускою землею, Кыевомъ и Володимеромъ и Галичемь со братомъ си, инЂми странами, ньнЂ сЂдить на колЂну и холопомъ называеться! И дани хотять, живота не чаеть. И грозы приходять. О злая честь татарьская! Его же отець бЂ царь в Руской земли, иже покори Половецькую землю и воева на иные страны всЂ. Сынъ того не прия чести. То иный кто можеть прияти? ЗлобЂ бо ихъ и льсти нЂсть конца. Ярослава, великого князя Суждальского, и зелиемь умориша, Михаила, князя Черниговьского, не поклонившуся кусту, со своимъ бояриномъ Федоромъ, ножемь заклана быста, еже предЂ сказахомъ кланяние ихъ, еже вЂнЂць прияста мученицкы. Инии мнозии князи избьени быша и бояре.

Бывшу же князю у них дний 20 и 5, отпущенъ бысть, и поручена бысть земля его ему, иже бЂаху с нимь. И приде в землю свою, и срете его братъ и сынови его, и бысть плачь обидЂ его, и болшая же бЂ радость о здравьи его.

Тое же зимы Кондратъ присла посолъ по Василка, река: «Поидемь на ятвязЂ». Падшу снегу и серену, не могоша ити и воротишася на НурЂ.

Бысть же вЂдомо странамъ приход его всимъ ис татаръ, яко богъ спаслъ есть его.

Въ то ж лЂто присла король угорьскый вицькаго река: «Поими дщерь ми за сына своего Лва». Бояше бо ся его, яко былъ бЂ в татарЂхъ, побЂдою побЂди Ростислава и угры его. Помыслив же си с братомъ, глаголу его не уя вЂры, древле бо того измЂнилъ бЂ, обЂщавъ дати дщерь свою.

Курилъ бо митрополитъ идяше посланъ Даниломъ и Василкомъ на поставление митрополье Руской. Бывшу же ему у короля, убЂди и король словесы, многими дары увЂщова, яко: «Проведу тя у грькы с великою честью, аще створить со мною миръ». Онъ же рече: «Клятвою клени ми ся, аще не премЂниши слова своего, азъ шедъ приведу и».

Пришедъ же митрополитъ и рече ему: «Хотение твое у тебе есть». Поими дщерь его сыну си женЂ». Василкови же рекшу: «Иди к нему, яко крестьянъ есть». Оттуда же Данилъ поиде, поемь сына своего Лва и митрополита, иде к королеви, и во Изволинъ, и поя дщерь его сыну си женЂ, и отдасть ему ятыя бояры, еже богъ вдасть в руцЂ его, одолЂвшу ему с братом Ярославля. И створи с нимъ миръ и воротися в землю свою.

Въ лЂто 6759 [1251]. Умре князь великий лядьскый Кондратъ, иже бЂ славенъ и предобръ. Сожалиси по немь Данило и Василько. Потом же сынъ его умре Болеславъ Мазовешьскый князь, и вдасть Мазовешь брату своему Сомовитови, послушавъ князя Данила: бЂ бо братучада его за нимъ, дочи Александрова, именемь Настасья, яже посяже потом за боярина угорьского, именемь Дмитра.

В та же лЂта седе Самовитъ во Мазовши. Посла к нему Данило и Василко, рекша ему, яко: «Добро видилъ еси от наю и изиди с нами на ятвезЂ». И у Болеслава помочь пояста Суда воеводу и СигнЂва, и сняшася во ДорогычинЂ, и поидоша, и преидоша болота, и наидоша на страну ихъ.

Не стерпЂвшимъ же ляхом, зажгоша ихъ первую всь: тЂмь бо зло створиша и знаменье имъ подаша, гнЂвъ бо имеше на нЂ Данилъ и Василко. И воеваша Ђ до вечера, и плЂнъ великъ приимше. Вечеру же бывшу, приЂхаша злиньци, и собрався вся земля Ятвеская, и прислаша Данилу Небяста, рекуще: «Оставь намъ ляхы, а самъ поиди миренъ изъ землЂ нашее». И хотЂния не получиша. Ляхом же осторожившимся, нападоша нощь на ляхы. А руси не острожившимъся. Ляхом же крЂпко борюще и суличами мечюще и головнями яко молнья идяху, и каменье яко дождь с небеси идяше. Ляхом же злЂ стражющимъ, посла Сомовит моляся: «Пришлита ми стрЂльцЂ». Она же держаста гнЂвъ про зажьженье первое, одва посласта, занеже острогъ проломити хотяху, из ручь бодяхуся. Пришедшимъ же стрЂлчемь, многы язвиша, и многи умориша стрЂлами, и возразиша Ђ от острога. Тое же нощи не бысть покоя от нихъ.

НаутрЂя же собрашася вси ятвязЂ, пЂшци и снузничи мнози зЂло. яко и лЂсомъ ихъ наполълнитися. Воставше же, зажьгоша колимогы своя, рекше станы, во день воскресения, рекше, недЂля. Данилови же князю пошедшу напередъ и отшедшю далече с Болеславли ляхы, Василкови же оставшу со Сомовитомъ, Лазореви же назадЂ бывшу с половци, нападоша на нь крЂпко и хоруговь его отъяша. ПрибЂгши же ему к Василкови и Сомовитови, бысть брань люта межи има. Падающимъ же от обоихъ много. Василкови же и Сомовитови крЂпко держати брань. АндрЂеви же дворьскому, сердце крЂпко имушю, нездравие же тЂло его обьдерьжаше и руцЂ, потокшу же ему во ротныЂ. копие упусти и за мало не убьенъ бысть.

Посла же Василко ко брату си, глаголя, яко: «Брань си велика есть. Потъснися к намъ». Данилови же навратившуся, и гнаша Ђ до лЂса. ОнЂмь же одинако належашимъ на нЂ, падшимъ же многим межи ими. Федоръ Дмитровичь крЂпко боря раненъ бысть, еже с тоя раны смерть приятъ на рЂцЂ Наръви.

Ящелъту же рекшу: «ЛЂпо есть сЂдЂти намъ! Аше ли жалуете насъ, то преже себе жалуйте, и бещестья своего: нашими бо головами сдержати честь свою», И и бысть тако, каза Данило сосЂдати воемь своимъ. СсЂдше же поидоша же и поидоша и умякчиша сердца ятвязьмь, узрЂвше крЂпость рускую и лядьскую.

Идущимъ же имъ и плЂнящимъ и жгущимъ землю ихъ, прешедшимъ же имъ рЂку Олегъ, хотЂвшимъ имъ стати в тЂсных мЂстЂхъ, узрЂвъ же князь Данилъ, воспивъ и рече имъ: «О мужи воистии! Не вЂсте ли, яко крестьяномъ пространьство есть крЂпостъ, поганым же есть тЂснота, деряждье обычай есть на брань». И проиде жаку плЂняя и прииде на чиста мЂста, сташа станомъ. Ятвязем же одинако нападающимъ на нЂ, и гнаша русь и ляхове по них, и мнози князи ятвязьсции изъбьени быша; и гнаша Ђ до рЂкы Олга, и преста брань.

Наутрея же вожемь не вЂдущимъ, блудящимъ я, два варва убьена быста, третьего жива яша рукама, и приведенъ бысть ко князю Данилови. Рече же ему: «Изведи мя на путь правый, животъ примеши». И вдасть ему руку, изведе его, и предоша рЂку Лъкъ.

НаутрЂя же пригнавъшимъ к нимъ прусомъ и бортомъ. И воемь же всимъ съсЂдшимъ, и воружьшимъся пЂшьцемь исо стана, щитЂ же ихъ, яко заря бЂ, шоломъ же ихъ, яко солнцю восходящу, копиемь же ихъ дрьжащимъ в руках, яко тръсти мнози, стрЂлчемь же обаполъ идущимъ и держащимъ в рукахъ рожанци своЂ и наложившимъ на нЂ стрЂлы своя противу ратным, Данилови же, на конЂ сЂдящу и воЂ рядяшу. И рЂша прузи ятвяземь: «Можете ли древо поддрьжати древо суличами и на сию рать дерьзнути?» Они же видЂвше и возвратишася восвояси.

Оттуда же князь Данилъ приде ко ВизьнЂ и преиде рЂку Наровь. И многи крестьяны от пленения избависта, и пЂснь славну пояху има, богу помогшу има, и придоста со славою на землю свою, наследивши путь отца своего великаго Романа, иже бЂ изоострился на поганыя, яко левъ, имже половци дЂти страшаху.

Въ лЂто 6760 [1252]. Присла король угорьскы к Данилу, прося его на помощь, бЂ бо имЂ рать на бой с нЂмци. Иде ему на помощь и приде къ Пожгу. Пришли бо бяху посли нЂмЂцкыи к нему. БЂ бо царь обьдержае в едень землю Ракушьску и Штирьску, герцюкъ бо уже убьенъ бысть, БЂ бо имена посламъ: воевода царевъ и пискупъ Жалошьпурьскый, рекомый Сольскый, и Гарихъ Поруньскый, и Отагаре теньникъ, ПЂтовьскый. ВъзьЂха же король с ними противу же Данилу князю. Данила же приде к нему, исполчи вся люди своЂ. НЂмьци же дивящеся оружью татарьскому, бЂша бо кони в личинахъ и в коярЂхъ кожаныхъ, и людье во ярыцЂхъ, и бЂ полковъ его свЂтлость велика от оружья блистающася, Самъ же Ђха подлЂ короля, по обычаю руску. БЂ бо конь под нимь дивлению подобенъ, и сЂдло от злата жьжена, и стрЂлы и сабля златомъ украшена иными хитростьми, якоже дивитися, кожюхъ же оловира грЂцького и круживы златыми плоскоми ошитъ, и сапози зеленого хъза шити золотомъ. Немцем же зрящимъ, много дивящимся.

Рече ему король: «Не взялъ быхъ тысяще серебра за то, оже еси пришелъ обычаемь рускимь отцевъ своихъ». И просися у него въ стань, зане зной бЂ великъ дне того, Онъ же я и за руку и веде его в полату свою, и самъ соволочашеть его, и облачашеть и во порты своЂ, и таку честь творяшеть ему.

И прииде в домъ свой,

Въ то же лЂто изгна Миндогъ сыновца своего Тевтевила и Едивида, пославшю ему на войну со вуемь своим на войну со Выконтомъ, на Русь воевать ко Смоленьку. И рЂче: «Што хто приемлеть, собЂ дерьжить». Вражбою бо за ворожьство с ними литву зая, поимана бЂ вся земля Литовьская и бещисленое имЂние их, притрано бЂ богатьство ихъ. И посла на нЂ вои своЂ, хотя убити и я. ОнЂма же увЂдавшима, и бЂжаста ко князю Данилу и Василкови, и приЂхаша во Володимеръ. Миндогови же приславшю слы своя, река: «Не чини има милости». Не послушавъшима има Данилови и Василкови, зане сестра бЂ ею за Даниломъ.

Потом же Данило сгада с братомъ си и посла в ляхы ко княземь лядьскьмь, река, яко: «Время есть христьяномь на поганЂЂ, яко сами имЂють рать межи собою». Ляхове же обЂщашася, нъ нЂ исполниша. Данилу же и Василку пославшима Выкыньта во ятвязЂ и во жемойтЂ ко нЂмцемь в Ригу, и Викынтъ же убЂди я серебромъ и дарми многими ятвязЂ и полъ жимойти. Немцем же отвЂщавшимъ Данилу, яко: «Тебе дЂля миръ створимъ со Выкынтомъ, зане братью нашу многу погуби». ОбЂщаша же ся немци братья яти на помошь Тевтивулу. Данило же и Василко поидоста к Новугороду.

Данилъ же и Василко, братъ его, розгадавъ со сыномъ, брата си посла на Волковыескь, а сына на Услонимъ, а самъ иде ко Здитову. И поимаша грады многы и звратишася в домы.

Потом же присла Выкынтъ, рекый, яко нЂмцЂ хотять востати на помощь Тевтивилу. И посла Данило Тевтивила и помочь собЂ и с нимь русь и половцЂ, и многое воевание бысть межи ими.

Оттуда же Тевтивилъ иде с полономъ Даниловымъ в Ригу, и прияша рижани с великою честью, и крещенъ бысть.

УвЂдав же се Миндого, яко хотять ему помогати божии дворянЂ и пискупъ и вся вои рижьзкая, и убоявся, посла тайнЂ ко АндрЂеви, мастеру рижьску, и убЂди и дарми многими, сирЂчь умоли его, послалъ бо бЂ злата много и сребра, и сосуды серебреныи и златыи и красныи, и конЂ многы, рекый: «Ащь убьеши и женеши Тевтивила, и еще болша сих приимеши». Оному же рекъшу: «Не можеши избавленъ быти, аще не послеши к папЂ и приимеши крещения, не одолЂеши врагу. Дружбу имЂю к тебе». О злЂе зла! Златомь ослЂпихъ очи свои, имже нынЂ пакы от нихъ бЂду приемлеть. Миндогъ же посла к папЂ и прия крещение, крещение же его льстиво бысть, жряше богомъ своимъ в тайнЂ: первому НънадЂеви, и Телявели, и Диверикъзу заеячему богу, и МЂидЂину, — егда выЂхаше на поле, и выбЂгняше заяць на поле, в лЂсъ рощЂния не вохожаше вону и не смЂяше ни розгы уломити. И богомь своим жряше, и мертвых телеса сожигаше, и поганьство свое я†творяше.

Тевтивилу же исповЂдЂ пискупъ и пребощь Вирьжань, сожалишаси по немь, вЂдяху бо, аще Тевътивилъ не бы изгнанъ, Литовьская земля в руку бЂ ихъ, и крещение неволею прияли быша. Си же вся некрестьяных литву створи АндрЂй, и изгнанъ бысть сану своего от братья. Тевтевилъ же прибЂже во Жемойть ко вуеви своему Выкынтови, поима ятвязЂ и жемойть и помощь Данилову, иже бЂ далъ ему Данилъ древле, иде на Мидогва.

Миндъвгъ же собрался бЂ и умысливъ же собЂ не битися с ними полкомъ, нъ вниде во град именемь Ворута. И высла шурина своего нощь, и розгнаша и русь и ятвязЂ. НаутрЂя же выЂхаша нЂмцЂ со самострЂлы, и Ђхаша на нЂ русь с половци и стрЂлами и ятвязи со сулицами, и гонишася на поли подобной игрЂ. Оттуда же вратишася во жемойть.

И приде Миндовгъ, собравъ силу велику, на город Выкинтовъ именемь Твиреметь. ВыЂха же Тевтевилъ изъ города, русь и половци Даниловы с ними и жемойть с ними и мнозии пЂшсцЂ. Гонящимъ же имъ застрЂли кочь половчинъ Миндогова въ стегно, и возвратися Минодовгъ в землю свою. Многымъ же ратьнымъ бывшимъ межи ими. Висимотъ подъ тЂм же градомъ убьенъ бысть.

Въ лЂто 6761 [1253]. Тевтивилъ присла Ревбу река: «Поиди к Новугороду». Данило же поиде с братомъ Василкомъ и со сыномъ

Лвом и с половци со сватомъ своимъ ТЂгакомъ, и приде к Пиньску. Князи же ПиньсцЂи имЂяху лесть и поя Ђ со собою неволею на войну. И послаша сторожЂ литва на озерЂ ЗьятЂ, и гнаша чересъ болота до рЂкы ЩарьЂ. Совокупивошим же ся воиемь всим, свЂтъ створиша, рекуще, яко: «ВЂсть уже есть на насъ». Прящим же ся имъ, не хотящимъ ити воеватъ, Данилъ же мудростью рЂчь створи, яко: «Срамоту имЂем от литвы и от всихъ земль, аще не доидемь и вратимься. НаутрЂя же — рече — свЂтъ створим». ТоЂ нощи пославъ по всимъ воемь, рекый: «Поидете, да разумно будеть всимъ не хотящимъ ити на войну». И зрЂвше же воЂ пошедшиЂ, и сами нужею поидоша, инии же вси.

НаутрЂя же плЂниша всю землю Новгородьскую. Оттуда же возвратишася в домъ свой. Ятвязем же поЂхавшим на помощь Данилу, не могоша доЂхати, зане снЂзи велицЂ быша. Оттуда же возвратишася с помощью божиею, приемше плЂнъ великъ.

Потом же посла с братомъ и со сыномъ Романомъ люди своя, и взяста Городенъ, а сама воротистася от БЂльска. Потом же посласта многы своя пЂшьцЂ и коньникы на град ихъ и плЂниша всю воотчину ихъ и страны их.

Миндог же посла сына си и воева около Турьска.

Того же лЂта присла Миндовгъ к Данилу, прося миру и хотя любви, о сватьствЂ. Тогда же Тевтилъ прибЂже к Данилу и жемойть и ятвязь, река, яко: «Миндовгъ убЂди я серебромъ многимъ». Данилу же гнЂвъ имЂющю на нЂ.

Въ лЂто 6762 [1254]. В та же лЂта времени минувшу.

Хронографу же нужа есть писати все, и вся бывшая, овогда же писати в передняя, овогда же воступати в задняя. Чьтый мудрый разумЂеть. Число же лЂтомъ здЂ не писахомъ, в задняя впишемь по Антивохыйскымь соромъ, алумъпиядамъ грьцкыми же численицами, римьскы же висикостомь, якоже ЕвьсЂвий и Памьфилъво иннии хронографи списаша от Адама до ХрЂстоса. Вся же лЂта спишемь, рощетъше во задьнья.

По убьеньи же герьцюковЂ, рекомаго Фридриха, — бився одолЂ королеви угорьскому и убьень бысть от своих бояръ во брани, — мятежю же бывшу межу силними людьми о честь и о волость герьцюкову убьеного, о землю Ракушьску и о землю Штирьску. Королеви же угорьску риксу и королеви чЂшьску бьющимася о ню.

Король же угорьскый возведе искаше помощи, хотяше прияти землю нЂмЂцкую. И посла к Данилови, рекый: «Пошли ми сына Романа, да вдамъ за нь сестру герцикову, и вдамъ ему землю НЂмЂцкую». И Ђха во нЂмцЂ с Романом, и да сестру герцюкову за Романа, и створитъ обЂтъ, его же за множество весь не списахомъ.

Потом же посла к Данилови, рекый: «Ужика ми и сватъ еси, помози ми на чехы». И убЂди и. И поиде на Опаву путемь своимь, самъ бо плЂняше землю Моравьскую, и многы городы расыпа, и вси пожьже, и велико убийство створи землЂ той.

Данилъ же снемся с Болеславомъ, мысляше, како проити землю Опавьскую. Болеславу же яко не хотящу, жена же его помогаше Данилови словесы, бЂ бо дщи короля угорьского именемь Кинька. Данилови же князю хотящю ово короля ради, ово славы хотя, — не бЂ, бо в землЂ РусцЂй первее, иже бЂ воевалъ землю Чьшьску; ни Святославъ хоробры, ни Володимеръ Святый. Богъ хотЂние его исполни. СпЂшаше бо и тосняшеся на войну. Поем же сына своего Лва и помочь от брата Василка тысячкого Юрья, снемьшеся с Болеславомъ и поиде съ Кракова.

Придоша на рЂку Одру къ городу Козлии, и приЂха к нему Володиславъ, сынъ Казимирь ЛЂсконогого Межькы, и поимь коньники и пЂшцЂ. И придоша к рЂцЂ ПсинЂ, и створи же свЂтъ Данило и Левъ с Володиславом, куда бы воевати. Он же не исповЂдЂ правды и дасть вожь на льсти. Посла же князь Данил Лва, и Тевтивила, и Едивида, и дворьского, и всЂ воЂ, самъ же оста в малЂ со старыми бояры, со Юрьемь тысяцкым. Левъ же иде и воева, и видЂ, яко лжють вожевЂ, и не слуша ихъ, иде в горы лесныя и взя полонъ великъ. Идущю же Данилу с Болеславомъ ко ОпавЂ, пославъ сторожи ляхы своя. ВыЂха же АндрЂй изо Опавы с чехы. И срЂтшимся имъ и сразившимся, одолЂ АндрЂй: мало бЂ ляховъ. ИныЂ изби, а иныЂ изоима. И вниде вели страх в ляхы. ПриЂхав же Данило и рече имъ: «Почто ужасываетеся? Не вЂсте ли, яко война безъ падшихъ мертвых не бываетъ? Не вЂсте ли, яко на мужи на ратныЂ нашли есте, а не на жены? Аще мужь убьенъ есть на рати, то кое чюдо есть? Инии же и дома умирають без славы, си же со славою умроша! УкрЂпите сердца ваша и подвигнете оружье свое на ратнЂЂ!» Сими же словы укрЂпивъ Ђ, иное много глаголавъ имъ. И поиде ко ОпавЂ.

ВидЂвъ же окрестьная села, бЂжащая во град, много же множьство, и нЂ бЂ ему кого послати. Рече же Володиславу: «МнЂ еси учинилъ неправду, а себе еси погубилъ. Аще бы Левъ и людье мои сде былЂ вси, то уразъ велий быша земли сей учинилЂ и град съ аче сь приятъ бы былъ». И сожалиси, отславъ сына си Лва и воЂ. Ляхы же нудяше Ђхати ко граду, одинако же им не хотящимъ. Видивъ се, печаленъ бысть, не вЂдый о сыну своемь и о воихъ, кдЂ суть. Ляхо†же не хотЂша Ђхати ко граду, но хотЂша далече стати города.

Снемь бо бЂ рЂченъ всимъ воемь воевалнымъ приЂхати им ко граду.

Данилови же рекшю: «Аще вы хощете ити прочь, но азъ хощу ся остатися самъ в малЂ дружинЂ и сожьдати воевъ моихъ». Послушавъ же Болеславъ и ляхове и сташа ниже града на рЂцЂ ОпавЂ, не смЂяху бо ся отлучитися его.

Того же вечера приде Левъ с вои, имы плЂнъ велик со собою. Того же вЂчера створиша свЂтъ, да наутрЂя преидуть рЂку и обидут градъ и пожгуть вся внЂшняя: храмы и ограды и гумна.

Утру же бывъшу, створиша тако. Болеславъ же не изииде за рЂку, но ста на горахъ, исполчився. Володислав же иде; и пришедъ к первымъ вратомъ, пожгоша, и приидоша на другая врата. И выЂхаша чехове, и неколико ихъ убиша, а другыя выгнаша. Бенешь же стояше пред враты со хоруговью. И около другыхъ вратъ пожгоша окрестьняя града. Пришедъшимъ же ко трЂтьимъ вратомъ, каза Данило сосЂдати и жечи окрестьная града. Людем же внезапу пустившимся ко граду, нЂмцЂ же видЂвше устремленье руское крЂпко, и побЂгоша, и нЂколико ихъ убиша во вратЂхъ, и вратъ не затвориша бЂжаще.

Данило бо бЂ очима напрасно боля, и не видЂ бывшаго во вратЂх. ВидЂ бо люди своя текуща и обнажи мечь свой, возгна Ђ, и тЂмь не прия град. Потом же видЂвше стужиси о неприятьи града. БолЂстью же унуженъ и утрудився, рече сынови своему: «Пожьжи вся окрестьная града. Азъ же поиду во колымагъ свой», рекше во станъ. БЂ бо всю войну болень очима. И мнозии нудяхуть вратитися, онъ же не створи того. НаутрЂя же снемшеся, поиде во верхъ Опавы, плЂняя и жгя, и ста близъ града рекомого Насилья. Слышавь, яко русь и ляхове яти суть во градЂ томь, наутрЂя же исполчився, поиде к нему. ВидЂвше же многое множство полкомъ устремление, не стерпЂша, но предашася. Вземъ град, испусти колодьникы, и постави хоруговь свою на градЂ, и обличи побЂду, а самЂх помилова. Отшед же ста на вси НЂмЂцкой. Слышавъ же Данилъ, яко Бенешь Ђхалъ есть во ГлубичичЂ. НаутрЂя же сполчився с Болеславомъ поиде, плЂняя и жга, ко Глубичичемъ. Послав же Володиславъ вожьже вся окрестная вси, рекомая околняя, и зло створи, тЂмь бо не взяша града.

Пришедшу же Данилу и Болеславу ко граду, вси вои хотяху взяти града приметомь. ВЂтру же напрасно вЂющу на град, а градъ же елинью створенъ бысть, и греблю малу видящу. Искахуть бо вои, Ђздяще сЂмо и сЂмо, дрЂва и соломы; што бы приврещи граду, не обрЂтоша. Вся бо бЂ пожеглъ Володиславъ окрестьняя и ближняя вси, и тЂмь не зажьженъ бЂ град.

Того же вечеря думахуть: «Камъ поидемъ: или ко ОсоболозЂ, или на ГЂрьборта, или возвратимся в домы своЂ?» ГЂрьборть же присла Данилови мечь и покорение свое. Сгадавше Данило и Болеславъ, яко: «Всю землю поплЂнилЂ есмы». Наутрея же возвратився во свояси, и преиде реку Одру, и проиде землю Володиславлю.

Тогда же во Крако†бЂша посли папини, носяще благословение от папЂ и вЂнЂць и санъ королевьства, хотяще видЂти князя Данила. Он же рече имъ: «Не подобаеть ми видитися с вами чюжей земли, нъ пакы».

Оттуда же проиде землю Судомирьскую и приде во град Холмь сь честью и со славою, в домъ ПречистоЂ, падъ поклонися и прослави бога о бывшем, не бЂ бо никоторый князь рускый воевалъ землЂ ЧЂшьское. И видЂвся со братомъ своимъ, и бысть в радости велицЂ, и прибываше в дому святого Ивана во городЂ ХолмЂ, с веселиемь славя бога и пречистую его матерь и святаго Ивана Златоустаго.

В лЂто 6763 [1255]. Присла папа послы честны, носяще вЂнЂць и скыпетрь и коруну, еже наречеться королевьскый санъ, рекый: «Сыну, приими от насъ вЂнЂчь королевьства». Древле бо того прислалъ к нему пискупа Береньского и Каменецького, река ему: «И приими вЂнЂць королевьства». Он же в то время не приялъ бЂ, рЂка: «Рать татарьская не престаеть злЂ живущи с нами, то како могу прияти вЂнЂць бес помощи твоей». Опиза же приде вЂнЂць нося, обЂщеваяся, яко: «Помощь имЂти ти от папы». Оному же одинако не хотящу, и убЂди его мати его, и Болеславъ, и Семовитъ, и бояре ЛядьскыЂ, рекуше, дабы приялъ бы вЂнЂць. «А мы есмь на помощь противу поганымъ».

Онъ же вЂнЂць от бога прия, от церкве святыхъ апостолъ, от стола святаго Петра, и от отца своего папы НекЂнтия, и от всих епископовъ своихъ. Некентий бо кльняше тЂхъ хулящимъ вЂру грЂцкую правовЂрную, и хотящу ему сборъ творити о правой вЂрЂ, о воединеньи церькви. Данило же прия от бога вЂнЂць в городЂ ДорогычинЂ.

Идущу ему на войну со сыномь Лвомь и со Сомовитомъ, княземь лядьскымь, братъ бо ему воротися, бЂ бо язва ему на нозЂ, и посла воЂ своЂ со братомъ всЂ. Королеви же Данилу пришедшу на землю Ятвязьскую и воевавшу. Левъ же увЂдавъ, яко СтЂикинтъ в лЂсЂ осЂклъся есть и с ним ятвязЂ, и гна на нь, поима люди, и приде к осЂку. Ятвяземь вытекъшимъ на нь изо осЂка, сущии же с нимь снузници возбЂгоша. Лвови же сосЂдшу с коня одиному, и бьющюся с ними крЂпко. Видившимъ же имъ, яко Левь одинъ бьеться с ними, навратишася малии на помощь ему. Лвови же убодшему сулицю свою въ щитъ его, и не могущу ему тулитися, Левь Стекынътя мечемь убии и брата его прободе мечемь. Они же погибоша. Он же, гоняше я пЂшь, и они же на конихъ гоняще, побивахуть я и бодяхуть я.

Данилу же королеви, ставшу в дому СтЂкинтовЂ, принесе к нему Левъ оружье СтЂкинтовъ и брата его и обличи побЂду свою. Отцю же его королеви в радости бывши велицЂ о мужьст†и дерзости сына своего. Коматови же приЂхавшу от ятвязь, обЂщевающимся имъ в работЂ быти. Ляхом же исполнившимся зависти и льсти, наченшимъ прияти поганымъ. Се же увЂдавь Данило король, повелЂ воевати землю Ятвяжьскую, и домъ СтЂкинтовъ всь погубленъ бысть, еже о донынЂ пусто стоить. Данилу же королеви, идущу ему по езеру, и видЂ при березЂ гору красну и градъ бывши на ней, преже именемь Рай. Оттуда же приде в домъ свой.

В та же лЂто... приЂхаша татарЂ ко БакотЂ, и приложися МилЂй к нимъ. Данилови же пошедшу на войну на литву и на Новъгородокъ, бывшю раскалью, посла сына си Лва на Бакоту.

Посла Левъ дворьского перед собою. ИзъЂхавше яша МилЂя баскака, и приведе Левъ МЂлЂя отцю си, и бысть паки Бакота королева отца его. Потом же сдумавъ со сыномъ, и отпусти и, а поручникъ бысть Левъ, яко вЂрну ему быти. И пакы приЂхавшим татаромъ, и створи льсть и предасть ю пакы татаромъ Бакоту.

Потом же Куремьса приде ко Кремянцю и воева около Кремянца. АндрЂеви же на двое будущу, овогда взывающуся: «Королевъ есмь», овогда же татарьскымь, держащу неправду во сердци. Богъ предасть в ручи их: оному же рекшу: «Батыева грамота у мене есть», онЂм же болма возьярившимся на нь, и убьенъ бысть, и сердце его вырЂзаша. И не успЂвше ничто у Кремянца, и възвратишася во страны своя.

Изяслав же проси у нихъ помощи ити на Галичь. Они же рекоша ему: «Како идеши в Галичь, а Данило князь лютъ есть. Оже отъиметь ти животъ, то кто тя избавить?» Онъ же не послуша ихъ, но собравъ около себе, иде в Галичь. Данило же, слышавъ то, скорбенъ бысть, яко в невидЂньи се бысть, посла сына своего Романа и бояры свои всЂ на нь. Лва бо преже отрядилъ бЂ королеви, а самъ Ђха преводить вои своих. Ђдущу же ему до Грубешева, и уби вепревъ шесть, а самъ же уби их рогатиною 3, а три отрочи его. И вдасть мяса воемь на путь. А самъ помолився святому НиколЂ и рече воемь своемь: «Аще сами будуть татарове, да не внидеть ужасъ во сердце ваше». Онем же рекшимъ: «Богь буди помощникъ ти, створимъ повелЂная тоя».

Поем же Романъ воя, иде день и нощь и внезапу нападшимъ на нЂ. Оному же не возмогшу, куда утечи, и возбЂже на комары церковая, идеже безаконьи угрЂ возбЂгли бЂаху. Стоящу же около его князю Роману, жажею водною измирающи имъ, четвертый день сниде, князь же приведе и отцю си.

Слышав же Левь, яко Федоръ посланъ от него ко Солемь, и поима со собою слуги своя, гна по немъ, самъ же утече, а людие поима.

Потом же Воишелкъ створи миръ с Даниломъ и выда дщерь Миндогдову за Шварна, сестру свою. И приде Холмъ к Данилу, оставивъ княжение свое и восприемь мниский чинъ. И вдасть Романови, сынови королеву, Новогородъкъ от Миндога II от себе и Вослонимь и Волковыескь и всЂ городы, а самъ просися ити во Святую Гору. И наиде ему король путь у короля угорьского. И не може доити Святое Горы и воротися в БолгарЂхъ.

Въ лЂто 6764 [1256]. Поиде Данило на ятвязЂ с братомъ и сыномъ Лвомъ и с Шеварномъ, младу сущу ему, и посла по Романа в Новъгородокъ. И приде к нему Романъ со всими новгородци и с отцемь своимъ ГлЂбомъ и со Изяславомъ со Вислочьскымь, и со сее стороны приде Сомовитъ со мазовшаны и помочь от Болеслава со судомирци и краковляны. И бысть рать велика, якоже наполнити болота ятвяжьская полкомъ.

Створив же свЂть вси князи рустии и лядьстии, и рЂша мужи браньнии: «Ты еси король, голова всимъ полкомъ. Аще насъ пошли наперед кото, не послушно есть. ВЂси бо ты воиничкий чинъ. На ратехъ обычай ти есть, и всякый ся тебе усрамить и убоиться. Изииде самъ наперед».

Данилъ же, изрядивъ полкы и кому полкомъ ходити, самъ изииде напередь... И стрЂлчЂ же пусти наперед, а другия обаполы дорогы. Дворьскому же повелЂ за собою ходити, самъ же Ђха в малЂ отрокъ оружныхъ. Ђдущу же ему, и приЂха к нему сынъ Левъ одинъ и рече ему, яко: «Никого с тобою нЂсть. Азъ не Ђду с тобою». Рече король ему: «Буди тако». И идяше путемь своимъ. Анкадъ же вожь ему бЂ, и обЂща ему, да село его не пожьжено будеть.

И приЂха к нему Романъ сынъ одинъ, и приЂхавъ же ко вси рекомЂй Болдикища, посла Лва с братом. Левъ же тихо обьехавъ село, исЂче все, одиного же приведе. Король же упроси его. Одному же рекьшу, яко во вси рекомЂй Привища собралися суть ятвязи, слышавъ король, посла отрока АндрЂя, рекый дворьскому: «Аще узриши насъ погнавшихъ, скорее по насъ пожени. И роспусти полкъ, якоже кто можеть гнати». Василкови же князю инЂмь полкомъ рекшу, да поидуть тихо на грунахъ, и своему полку тако же.

Оному же молоду сущу и пакы слово рекшу, запрЂти дворьскому не распустити люди и удержати полкъ.

Одиному же ятвяжину гоньзновшу изъ вЂсцЂ Олыдикищь, онЂм же воружившимся. СтрЂтоша стрЂлци конЂць вси, рекомЂй Привища, и возгнаша и. Данило же и Левъ тоснущася к нимъ, и кликоста великомъ гласомъ: «БЂгъ, бЂгъ, ятвяземь». Ятвяземь же видившимъ скорое пришествие, и не стЂрпЂша и увратишася на бЂгъ. Бывшимъ же имъ средЂ вси, пакы возвернушася. Данилови же и Лвови одинако належащима на нЂ, и вЂргъшим сулицами, и пакы навратишася на бЂгъ. СтрЂлцем же стрЂляющимъ, оружником же не бывшимъ с ними. ПрибЂгъшимъ же имъ к воротомъ и смятшимся, и прибЂгшимъ же у ворота, друзии же навернушася. Многим же летЂвшим другъ на друга, бЂ бо ледъ ползокъ. Данило же и Левъ вборозЂ скочиста на не воротъ. Они же побЂгоша и пакы не вратишася, и бысть милость велика надъ королемь во день тьй и над воими его, яко в селицЂ дружинЂ побЂдивъ горды ятвязЂ, и злиньци, и крисменцЂ, и покЂнцЂ. Якоже пишеть во книгахъ: нЂсть в силЂ брань, но в бозЂ стоить побЂда.

Хотящю же королеви далече гонити по нихъ ити, и возбрани ему Левъ, рекы: «Пошли мене по нихъ». Отець же не пусти его. Он же воинъ управи десьницю свою, иземь рогтичю ис пояса своего, далече вергъ, срази князя ятвяжьского с коня своего. И летящу ему до землЂ, изииде душа его со кровью во адъ. Данилови же и Лвови онЂхъ вяжюще, иныя же ис хвороста ведущу, сЂчахуть я.

И приде дворьскый с полком. Данилу же королеви рекшу ему: «ЗлЂ створилъ еси». Дворьскому же отвЂщавшу: «Не язъ, не хотЂние мое, злое ны створилъ посолъ, не изнесъ слова права намъ». Потом же король и Левь изоима колодникы и возвратися к Василкови и Семовитови. И срЂтъшимся имъ, и бысть радость велика о погибели поганьской. И жьжаху домы ихъ, и пленяху села их. Ставши же на Правищихъ на ночь, и поимавши же имЂния ихъ, пожгоша домы их. Наутрея же поидоша, плЂняюще землю и жгуще. Зажгоша Таисевиче, и Буряля, и Раимоче, и Комата, и Дора, и града плЂняхуть, и паче домъ Стекинтовъ зажгоша. И ста на селЂ Корковичихъ. И пристраньно бЂ, яко селицемь воемъ множьствомъ насытитися конемь и самЂмъ на дву двору. Яко не возмогоша поясти сами и конЂ ихъ, прокъ же пожгоша.

НаутрЂя же приЂха от ятьязь Юндилъ. Рекшу ему: «Сице, Данило, добру дружину держиши, и велици полци твои». НаутрЂя же поидоша плЂняюще и жгуще землю ихъ. И не бысть пакости воихъ их, якоже иногда храбрии бЂаху, воложи богъ страхъ во сердце ихъ. Тоя же нощи ста на болотЂхъ во островихъ. НаутрЂя же приЂхаша ятвязЂ, дающе таль и миръ, молящеся, дабы не избилъ колодниковъ. Потомъ же божьею милостью приде в землю свою со честью и славою, одолЂвъ ворогомъ своимъ.

Хотящу же ему пакы изиити на нЂ на брань и сбирающу воя, увЂдав же ятвязи се, послаша послы своя и дЂти своя, и дань даша, и обЂщевахуся работЂ быти ему и городы рубити в землЂ своей.

Въ лЂто 6765 [1257]. Данило посла Коснятина, рекомаго Положишила, да побереть на нихъ дань. Ехав же Коснятинъ поима на нихъ дань — черныя куны и бЂль сребро. И вдасть ему из дани ятвяжьской даръ СигнЂву воеводЂ послушьства ради, да увЂсть вся земля Лядьская, яко дань платили суть ятвязи же королеви Данилу, сынови великого князя Романа. По великомъ бо князЂ РоманЂ никто же не бЂ воевалъ на нЂ в рускихъ князих, развЂе сына его Данила. Богомъ же дана ему дань, послушьство створи Лядьскую землю, сирЂчь во память дЂтемь своимъ, яко от бога мужьство ему показавшу. Якоже премудрый хронографъ списа, якоже: добродЂянья в вЂкы святяться. Якоже сказахомъ о ратехъ многихъ. Си же написахомъ о РоманЂ, древле бо писати си, нынЂ же здЂ вписано бысть в послЂдняя...

Потом же, якоже преже рекохом, створи король обЂтъ великъ и не исправи его к Романови. Остави же у городЂ ИнепЂрьцЂ и отъидеть прочь, обЂщався ему и не помогашеть ему. Лесть бо имяшеть, хотя городовъ его. БЂ бо клятвою клялся о бозъ великою к Романови и ко княгинЂ его, яко добывшу ему землЂ НемЂцкоя, дати ему всю Романови. Княгини же, вЂдущу норовъ его, твердяшеть и крестомъ, и николи же не бысть на помощь ему.

Часто же приходящу ему на нь герьцюви. Во едино же время приЂхавшу ему с великою силою, и бившимся имъ, и ставъ перед городомъ поприща. И не можеть взяти ласканиемь, глаголаше ему: «Остави короля угорьского, яко ужика ми еси и своякъ. Земля НЂмцькая раздЂлена будеть с тобою. Риксъ ти угорьскый, рекше король, много обЂщаеть, но нЂ исправить. Азъ же глаголю правду, и поставлю ти послуха отца си папу и 12 пискупа на послушьство, и вдамъ ти полъ земли НЂмЂцкой».

Оному же рекшу: «Правдою обЂщахся отцю си королеви угорьскому, не могу послушати тебе, яко срамъ имамъ и грЂхъ не исполнити обЂта». Посла бо ко королеви угорьскому вся словеса, ими же обЂщевашеться ему герцюкъ, и прося у него помощи. Он же не посла ему помощи, но городовъ хотящу ему особЂ, обЂщевашеть же ему дати иныи городы в землЂ угорьской. КнягинЂ же уразумЂвше лесть его и рече, яко:

«Сына ми поима ко дщери, держите и у тали. А нынЂ городовъ наших хощетЂ. А мы за нь терпимъ и гладомъ измираем». БЂ бо баба ходящи и купящи коръмлю потаи въ градЂ ВяднЂ приносящи: толикъ бо бЂ гладъ, яко и конЂ имь хотящимъ ясти уже.

Княгини же рекши: «Княже, поиди ко отцю». Оному же оступленому, не мощно бЂ ему выЂхати. ВидЂ же доброту его, вдасть ВереньгЂрь, прирокомь ПросвЂлъ, бЂ бо с нимъ былъ на войнЂ. Сожаливъси о РоманЂ и приЂхавъ со силою, изведе Романа изъ града. Си жи преже сказахомъ, яко Вышелкъ бЂ далъ Новогородокъ Романови.

По рати же Кремянецькой КуремьсинЂ, Данилъ воздвиже рать противу татаром. Сгадавъ с братомъ и со сыномъ, посла Деонисия Павловича, взя Межибожие. Потомъ же воевахуть людье Данилови же и Василкови Болоховъ, а Лвови — Побожье и люди татарьскыя. ВеснЂ же бывши, посла сына своего Шварна на Городокъ и на СЂмоць и на вси городы, и взя Городокъ и СЂмоць и всЂ городы, сЂдящия за татары, Городескь и по Тетереви до Жедьчевьева. Възъвягляне же сольгаша Шварномъ, поемше тивуна, не вдаша ему тивунити. Шварно же приде, поимавъ городы вся. И по немь придоша БЂлобережцЂ, и Чарнятинци, и вси Болоховци к Данилу. Прислаша Миндовгъ к Данилу: «Пришлю к тобЂ Романа и новогородцЂ, а бы пошелъ ко Возвяглю, оттуда и к Кыеву». И срече срокъ во Възъвягля.

Въ лЂто 6766 [1258]. Данило же с братомъ идоша ко Возвяглю в силЂ тяжцЂ, ждя вЂсти от Романа и литвы и стоя на Корецку: днину жда вЂсти от нихъ, и поиде ко Возвяглю. Преже посла сына си Шварна, да обьедеть град, да никто же не утечеть от нихъ. БЂ же вои с нимъ 5 сотъ. ГражанЂ же видивши ратных мало со княземь, смЂяхуся, стояще на градЂ. НаутрЂя же приде Данилъ со многомъ множьствомъ полкомъ, со братомъ си и со сыномъ Лвомъ. Видивъше же гражанЂ, и ужасъ бысть в нихъ, и не стЂрпЂша, и вдашася. И городъ зажьже, люди же изведе и вдасть я на подЂлъ, ово брату си, ово же Лвови, другия Шварнови. И поиде в домъ си, приемъ градъ.

Романови же пришедшу ко граду и литвЂ, потокши на градъ литвЂ, ни вЂдЂша нишьто же, токмо и головнЂ ти, пси течюще по городищу. Тужаху же и плеваху, по свойскы рекуще: «Янда!», взывающе богы своя Андая и Дивирикса, и вся богы своя поминающе, рекомыя бЂси.

Потом Романъ Ђха по отци, поемь со собою мало людии, а прочии пусти домовь. Данило же и Василко бЂша веселяся, а Левь Ђхав домъвъ си.

Литва же роздумавше и воеваша, гнЂвъ держаще, и ехавъше же воеваша около Лучьска, Данилови же не вЂдуще ни Василку. Служащии же князи Данилови и людье Василькови: Юрьи, Олекса дворьскый инЂи, Ђхаша на нЂ. Ђхавшим же на нЂ, онЂмь же притекшимъ супротивъ КострузЂ. Снузникомъ же сразившимся, не стЂрпЂша, но на бЂгъ обратишася. Они же сЂкуще, я и бодуще, вогнаша я во озеро. Имется 10 мужь одиного коня, мняще, яко: «Конь вынесеть ны», и тако погрязаху, ангеломъ потопляеми от бога посланымъ. И нагряже озеро труповъ и щитовъ и шеломовъ, тозЂмьцЂ же велику користь имаху, волочаще я. И бысть на литву сЂца велика. ОдолЂвшимъ, славяху бога и святую госпожю-богородицю, послаша же сайгатъ Данилови и Василкови, и обрадовастася Данилъ и Василко о помощи божией, иже на поганыя. Се бо бЂша людие Миндогови и воевода ихъ Хвалъ, иже велико убиство творяше землЂ Черниговьской, и Сиръвидъ Рюшковичь. Сирвидъ же утече, а Хвалъ убить бысть, инии мнозЂи.

Въ лЂто 6767 [1259]. Куремьса поиде на Данила и на Василка без вЂсти. ПриЂха Василко же сбирашеться во ВолодимерЂ, а Данило в ХолмЂ. Посласта ко Лвови, абы поЂхалъ к нимъ.

КуремьсЂ же не перешедшу Стыра, посла люди к ВолодимЂру. ВыЂхавшимъ же ратнымъ вои к городу, изиидоша на нЂ гражанЂ пЂшьци, и бившимся с ними крЂпко. И выбЂгоша из града, идоша к КурьмсЂ, исповЂдаша, яко: «ГражанЂ крЂпцЂ борються с нами».

Данило же и Василко одинако сбирастася хотяща битися с татары.

Прилучи же ся сице за грЂхы загорЂтися Холмови от оканьныя бабы. Си же потомъ спишемь о создании града и украшение церкви, и оного погибели мнозЂ, яко всимъ сжалитися. Сицю же пламени бывшу, якоже со всее земли зарЂ видити, якоже и со Лвова зряще, видити по полем Белзьскымь от горения силнаго пламени. Людемь же видящимъ, яко от татаръ зажьженъ бЂ град, и вбЂжаша в мЂста лЂсна и тЂмь не могоша сбиратися. Данило же сняся с братомъ и тЂши и, якоже от бога бывшЂй бЂдЂ не имЂти желЂ поганьскы, но на бога надЂятися и на нь возложити печаль. Якоже и бысть.

Потом же Ђхаста в Володимерь, и собравша мало дружины, и молящася богу о нашествии татарь, да богь избавить я. Не могуща же дружины собрати, сласта сЂмо и онамо. Прилучи же ся Василковымъ людемь выЂхати и обрЂтше татаръ биша я, и колодники имаша.

Потом же, КуремьсЂ стоящю у Лучка, створи богъ чюдо велико. Луческъ бЂ не утверженъ и не уряженъ. И сбЂгшимся во нь многимъ людемь, и бЂ бо зимЂ, бывъши и водЂ велицЂ.

Оному же пришедшу к Лучьску и не могшу ему преити, хотяше мостъ прияти. Гражаномъ же отсЂкшимъ мостъ. Он же порокы постави, отгнати хотя. Богъ же чюдо створи, и святы Иванъ, и святый Никола: вЂтру же таку бывшу, яко порокомъ вЂргшу, вЂтру же обращаше камень на нЂ. Пакы же мечющемъ на нЂ крЂпко, изломися божиею силою пракъ ихъ. И не успЂвше ничтоже, вратишася во станы своя, рекше в поле.

Якоже древле писахомъ во Куремьсину рать о зажьженьи города Холмъ. Холмъ бо городъ сиче бысть созданъ божиимъ веленьемь. Данилови бо княжащу во ВолодимЂрЂ, созда градъ Угорескь и постави во немь пискупа. Яздящу же ему по полю и ловы дЂющу, и видЂ мЂсто красно и лЂсно на горЂ, обьходящу округъ его полю. И вопраша тоземЂць: «Како именуеться мЂсто се?» Они же рекоша: «Холмъ ему имя есть». И возлюбивъ мЂсто то, и помысли, да сожижеть на немь градець малъ. ОбЂщася богу и святому Ивану Златоусту, да створить во имя его церковь. И створи градЂць малъ. И видЂвъ же, яко богъ помощникъ ему, и Иоанъ спЂшникъ ему есть, и созда град иный, егоже татарове не возмогоша прияти, егда Батый всю землю Рускую поима. Тогда и церковь святой ТроицЂ зажьжена бысть, и пакы создана бысть.

Видивъ же се князь Данило, яко богу поспЂвающу мЂсту тому, нача призывати приходаЂ нЂмцЂ и русь, иноязычникы и ляхы. Идяху день и во день и уноты и мастерЂ всяции, бЂжаху ис татаръ сЂдЂлници, и лучници, и тулници, и кузницЂ желЂзу, и мЂди, и сребру. И бЂ жизнь, и наполниша дворы окрестъ града поле села.

Созда же церковь святаго Ивана, красну и лЂпу. Зданье же еЂ сиче бысть: комары 4, с каждо угла преводъ и стоянье ихъ на четырехъ головахъ человЂцскихъ, изваяно отъ нЂкоего хытрЂца. Окъна 3 украшена стеклы римьскими; входящи во олтарь стояста два столпа от цЂла камени и на нею комара и выспрь же, вЂрхъ украшенъ звЂздами златыми на лазурЂ, внутрьнии же ей помость бЂ слитъ от мЂди и от олова чиста, яко блещатися, яко зерчалу; двЂри же ей двоя украшены каменьемь галичкым бЂлымъ и зеленымъ холмъскымъ тесанымъ; узоры тЂ некимь хытрЂчемь Авдьемь прилЂпы от всЂхъ шаровъ и злата, напереди ихъ же бЂ издЂланъ Спасъ, а на полунощных — святы Иванъ, якоже всимъ зрящимъ дивитися бЂ. Украси же иконы, еже принесе ис Кыева, каменьемь драгымъ и бисеромъ златымъ, и Спаса, и пресвятое БогородицЂ, ижеему сестра Федора и вда из монастыря Федора, иконы же принесе изо Уручего, УстрЂтенье от отца его. Диву подобны, яже погорЂша во церкви святаго Ивана, одинъ Михаилъ остася, чюдных тЂхъ иконъ! И колоколы принесе ис Кыева, другия ту солье, то все огнь попали.

Вежа же средЂ города высока, якоже бити с нея окрест града, подсздана каменеемь вь высоту 15 лакотъ. Создана же сама древомъ тесанымъ и убЂлена, яко сыръ, святящися на всеи стороны. СтюденЂць, рекомый кладязь, близъ ея бЂ, сажений имущи 35. ХрамЂ прекраснии, и медъ от огня, яко смола ползущь.

Посади же садъ красенъ, и созда церковь святыма БезмЂздникома во честь, имать 4 столпы от цЂла камени, истесанаго, держаща вЂрхъ. С тЂхъ же другый и волтарь пресвятаго Дмитрея, стоить же ти предъ бочными двЂрми красенъ, принесенъ издалеча.

Стоить же столпъ поприща от города каменъ, а на немь орелъ каменъ изваянъ, высота же камени десяти лакотъ с головами же и с подножьками 12 лакотъ.

Увидивъ же сицю пагубу граду, вшедъ во церковь и видЂ пагубу, и сжалиси велми. Помолився богу, паки обнови, и церковь освяти пискупомъ Иваномъ. И паки помолився богу и созда и твьржьша и выша. ВежЂ же такое не возможе создати, бЂ бо грады иныя жижаи противу безбожнымъ татаромъ, за то не созда ея.

Въ лЂто 6768 [1260]. Созда же церковь привелику во градЂ ХолмЂ во имя пресвятыя приснодЂвыя Мария, величествомъ, красотою не мене сущихъ древних, и украси ю пречюднами иконами. Принесе же чашю от земля Угорьскыя мрамора багряна, изваяну мудростью чюдну, и змьевы главы бЂша округъ ея, и постави ю пре двЂрми церковьными, нарЂцаемыми царскыми, створи же в ней крестилницю крестити воду на святое Богоявление. Створи же в ней блаженый пискупъ Иванъ, от древа красна точенъ и позлащенъ. ДнЂ и внЂ дивлению подобенъ.

Времени же минувшу, и приде Буранда безбожный злый со множествомъ полковъ татарьскыхъ в силЂ тяжьцЂ и ста на мЂстЂх КуремьсЂнЂх. Данило же держаше рать с Куремьсою и николи же не бояся КуремьсЂ, не бЂ бо моглъ зла ему створити никогда же Куремьса, дондеже приде Буранда со силою великою. Посла же послы к Данилови, река: «Иду на Литву. Оже еси миренъ, пойди со мною».

Данилови же сЂдшу с братомъ и со сыномъ, печалнымъ бывше, гадахуть: вЂдахуть бо, аще Данилъ поедеть, и не будеть с добромъ. Сгадавъше вси, и еха Василко за брата. И проводи братъ до Берестья, и посла с нимъ люди своя. И помолився богу, святому Спасу избавнику, яже есть икона яже есть в городЂ МЂлницЂ во церкви святоЂ БогородицЂ и нынЂ стоить в велицЂ чести; обЂща ему Данило король украшениемь украсити и.

Василкови же Ђдущу по Бурундаи одиному по Литовьской землЂ, обрЂтъ негдЂ литву, избивъ ю и приведе саигатъ Бурондаеви. И похвали Бурандай Василка, «аще братъ твой не Ђхалъ». И воеваше Ђздя с нимъ. Ищющю ему сыновца своего Романа, воеваша землю Литовьскую и Нальщаньску. Княгиню бЂ бо оставилъ у брата и сына своего Володимера.

Потом же Данило король, Ђхавъ, взя Волковыескъ и ГлЂба князя пославъ я, и держашеть и во чести, яко болма бо еха ко Волковыеску, ловя яти ворога своего Вышелка и Тевтивила. И не удуси его в городЂ, искаше ею по стаемь, посылая люди, и не обрЂтЂ ею БЂста бо велику лесть учинила: я Вышелгъ сына его Романа. И пакы посла Михаила, и воева по Зелеви, ища ею, и не обрЂте ею. Потом же мысля ити на Городенъ, творя ею тамъ.

Посла же по Лва, сына си, и по люди своя. И приЂхаша в городъ МЂлникъ. Хотящу ему ити к Городну, и всимъ тоснующимся, и бысть вЂсть из ляховъ у короля Данила, яко татаро†на ятвязЂхъ суть.

Лвови же рекшу, яко: «Вои твоя голодна есть и кони ихъ». Он же отвЂщавъ и рече ему: «Пошлемь сторожЂ ко ВизнЂ». Вдасть же Данило король брашна воемь до досытка и конемь ихъ.

Послано бо быста преже два посла во ятвязЂ увЂдатъ о братЂ. Татаромъ же приехавшимъ во ятвязЂ, ята быста посла и прашаше: «ГдЂ есть Данило?» Она же отвЂщаста: «В Милници есть». ОнЂм же рекшимъ, яко: «То есть мирникъ нашь, братъ его, воевалъ с нами. Туда идемь».

Сторожем же изминувшимся с ними, они же проидоша ко Дорогычину. Бысть же вЂсть Данилу, послаша Лва и Шварна вонъ и Володимера, река имъ: «Аще вы будете у мене, вамъ ездЂти в станы к нимъ, аже ли азъ буду».

По сем же минувшему лЂту.

Въ лЂто 6769 [1261]. Бысть тишина по все землЂ. В ты же дни свадба бысть у Василка князя у ВолодимерЂ городЂ: нача отдавати дщерь свою Олгу за АндрЂа князя Всеволодича Чернигову. Бяшеть же тогда братъ Василковъ Данило князь со обЂима сынома своима, со Лвомъ и со Шварномъ, и инЂхъ князЂй много, и бояръ много. И бывшу же веселью не малу в ВолодимерЂ городЂ.

И приде вЂсть тогда Данилови князю и к Василкови, оже Буронда идеть оканный проклятый, и печална бысть брата о томь велми. Прислалъ бо бяше, тако река: «Оже есте мои мирници, срЂтьтя мя. А кто не срЂтить мене, тый ратный мнЂ».

Василко же князь поеха противу Бурандаеви со Лвомъ, сыновцемь своимъ, а Данило князь не Ђха с братомъ, послалъ бо бяше себе мЂсто владыку своего Холмовьского Ивана.

И поеха Василко князь со Лвомъ и со владыкою противу Бурандаеви, поимавъ дары многы и питье, и срЂте и у Шумьски. И приде Василко со Лвомъ и со владыкою передо нь с дары; оному же велику опалу створшу на Василка князя и на Лва; владыка стояше в ужасти величЂ.

И потомъ рече Буронда Василкови: «Оже есте мои мирници, розмечете же городы своЂ всЂ». Левъ розмета Даниловъ и Стожекъ, оттолЂ же пославъ Лвовъ розмЂта, а Василко пославъ КремянЂчь розмета и Луческь.

Василко же князь ишь Шюмьска посла владыку Ивана напередь ко брату своему Данилови. Владычи же приехавшю к Данилови князю, и нача ему повЂдати о бывшем, и опалу Бурандаеву сказа ему. Данилови же убоявшуся, побЂже в Ляхы, а из Ляховъ побЂже во Угры.

И тако поиде Бурандай ко Володимерю, а Василко князь с ними. И не дошедшу ему города, и ста на Житани на ночь. Бурандай же нача молвити про Володимерь: «Василко, розмечи городъ». Князь же Василко нача думать в собЂ, про городъ, зане не мощно бысть розметати вборзЂ его величествомъ. ПовелЂ зажечи и, и тако черес ночь изгорЂ всь. Завътра же приЂха Бурандай в Володимерь, и видЂ своима очима городъ изгорЂвши всь, и нача обЂдати у Василка на дворЂ и пити. ОбЂдав же и пивъ и леже на ночь у Пятидна. Завътра же присла татарина именемь Баимура. Баимуръ же приЂхавь ко князю и рче: «Василко, прислал мя Буранда и велЂл ми городъ роскопати». Рче же ему Василко: «Твори повелЂное тобою». И нача роскопывати городъ, назнаменуя образъ побЂды.

И по семь поиде Бурандай к Холмови, а Василко князь с нимь, и с бояры своими и слугами своими. Пришедшимъ же имъ к Холмови, городъ же затворенъ бысть, и сташа пришедше к нему одаль его. И не успЂша вои его ничтоже. Бяхуть бо в немь боярЂ и людье добрии и утвержение города крЂпко порокы и самострЂлы.

Буранда же расмотривъ твердость города, оже не мощно взяти его, тЂм же и нача молвити Василкови князю: «Василко, се городъ брата твоего. Ђдь молви горожаномъ, а быша передалЂ». И посла с Василкомъ три татаринЂ именемь Куичия, Ашика, Болюя, и к тому толмача, розумЂюща рускый языкъ, што иметь молвити Василко, приЂхавъ подъ городъ. Василко же, ида подъ городъ, и взя собЂ в руку камения. Пришедше подъ городъ, и нача молвити горожаномъ, а татарове слышать, послании с нимь: «Костянтине холопе, и ты, другий холопе Лука Иванковичю, се городъ брата моего и мой, передайтеся!» Молвивъ, да камень вержеть доловъ, дая.имъ розумъ хитростью, а быша ся билЂ, а не передавалися. Си же слова молвивъ и по троичи, меча каменьемь доловь. Сь же великий князь Василко, акы от бога посланъ бы на помоць горожаномъ, пода имъ хытростью розум. Костянтинъ же, стоя на заборолЂхъ города, усмотри умомъ розумъ, поданы ему от Василка, и рече князю Василкови: «ПоЂдь прочь, аже будеть ти каменемь в чело! Ты уже не братъ еси брату своему, но ратьный есь ему». Татарове же, послании со княземь подъ город, слышавше, поЂхаша к Бурандаеви и повЂдаша рЂчь Василкову, како молвилъ горожаномъ, што ли молвили пакь горожане Василкови.

И по семь поиде Буранда вборзЂ к Люблину. От Люблина же поиде ко Завихвосту, и придоша к рЂцЂ к ВислЂ. И ту изнаидоша собЂ бродъ у ВислЂ, и поидоша на ону страну рЂкы и начаша воевати землю Лядьскую.

Потом же придоша к Судомирю, и обьступиша и со всЂ сторонЂ, и огородиша и около своимъ городомь, и порокъ поставиша. И пороком же бьющимь не ослабно день и нощь, а стрЂламъ не дадущимъ выникнути изъ заборолъ, и бишася по четырЂ дни, в четвертый же день сбиша заборола с города. Татаро†же начаша лествицЂ приставливати к городу и тако полЂзоша на город. Напередь же возлЂзоста два татарина на городъ с хоруговью и поидоста по городу сЂкучи и бодучи. Одинъ же ею поиде по одиной сторонЂ города, а другый по другой сторонЂ. НЂкто же от ляховъ, не бояринъ, ни доброго роду, но простъ сый человЂкъ, ни в доспЂсЂ, за одинимь мятлемь со суличею, защитився отчаяньемь, акы твердымъ щитомъ, створи дЂло, памяти достойно: потече противу татарину, како стекася с нимъ, тако уби татарина, олъны другий татаринъ со заду притече и потя ляха ту, и убьенъ бысть ляхъ.

Людье же, видивше татары на городЂ, устрЂмишася побЂгнути до дитиньца и не можаху умЂститися во ворота, зане мостъ бяше узокъ воротомъ; и подавишася сами, а друзии падаху с мостка в ровъ, акы сноповье. Рови же бяху видЂниемь глубоцЂ велми, и исполнишася мертвыми, и бысть лзЂ ходити по трупью, акы по мосту. Бяхуть же станове в городЂ соломою чиненЂ, и загорЂшася самЂ от огневь, и потом же и городъ поча горЂти. Церкви же бяше в городЂ томъ камена велика и придивна, сияюще красотою; бяшеть бо создана бЂлымъ каменьем тесанымъ, и та бысть полна людий. ВЂрхъ же в ней, древомъ покрытъ, зажьжеся, и та погорЂ, и в ней бещисленое множьство людий.

Одва ратнии выбЂгоша изъ города.

Завътра же игумени с попы и сь дьяконы, и изрядивше крилосъ, и отпЂвши обЂднюю, и начаша ся причащатися первое сами, и потомъ бояре и с женами с дЂтми, таже вси от мала и до велика,

И начаша ся исповЂдатися, ово ко игуменемь, друзии же к попомъ и дьякономъ, зане бяше людии множьство в городЂ. Потом же поидоша со хресты из города, и со свЂчами, и с кадЂлы, и поидоша же и бояре и боярынЂ, изрядившеся во брачныя порты и ризы, слугы же боярьскиЂ несяху перед ними и дЂти ихъ. И бысть плачь великь и рыдание: мужи плакахуся свЂрьстьниць своихъ, матери же плакахуся чадъ своихъ, братъ брата, и не бысть кто помилуя ихъ. ГнЂву бо божию скончавшюся на нихъ. Выгнаным же имъ из города, и посадиша Ђ татаро†на болоньи возлЂ Вислы, и сЂдоша два дни на болоньи, тоже почаша избивати я, всЂ мужескь полъ и женьскъ, и не оста отъ нихъ ни одинъ же.

Потом же поидоша ко Лысцю городу. И пришедшемъ же имъ к нему, и обьступиша: городъ же бяше в лЂсЂ, на горЂ, церкви же бяше в немь камена святоЂ ТроицЂ. Городъ же не твердъ бяше, взяше же и того, исЂкоша же всЂ от мала и до велика, Потом же возворотися Бурандай на западъ во своя вежи. И тако бысть конЂць Судомирьскому взятью.

Въ лЂто 6770 [1262]. Идоша литва на ляхы воеватъ от Миндовга и Остафьи Костянтиновичь с ними, оканьный и безаконый, бЂ бо забЂглъ из Рязаня. Литва же изъгнаша Ездовъ на канунъ и Иваня дни на самая купалья. Ту же и Сомовита князя убиша, а сына его Кондрата яша, и полона много яша, и тако возвратишася во свояси.

Въспомяну Миндовгъ, оже Василко князь с богатыремь воевалъ землю Литовьскую, и посла рать на Василка, и воеваша около Каменца. Князь же Василко не Ђха по нихъ, зане надЂяшеться другой рати. Посла по нихъ Желислава же Степана Медушника, и гониша по нихъ, ольно до Ясолны, и не угониша ихъ, бяшеть бо рать мала, полона же взяли бяхуть, тЂм же и уйдоша борзо. Другая же рать воеваша тое же недЂлЂ около МЂлницЂ. Бяше же с ними воевода Тюдияминовичь Ковдижадъ. Взяша же полона много.

Князь же Василко поЂха по нихъ сыномь своимь ВолодимЂромь и с бояры и со слугами, возложивъ упование на бога и на пречистую его матерь и на силу честнаго хреста, и угониша я у Небля города. Литва же бяше стала при озерЂ, и видивше полкы, изрядишася, и сЂдоша во три ряды за щиты по своему норову. Василко же, изрядивъ своЂ полкы, поиде противу имъ, и сразишася обои. Литва же, не стерпЂвше, устремишася на бЂгъ. И не бысть лзЂ утечи, обишло бо бяшеть озеро около. И тако начаша сЂчи Ђ, а друзии во озерЂ истопоша. И тако избиша я всЂ, и не оста от нихъ ни одинъ.

Се же услышавъше князи Пиньсции Федоръ, и Демидъ, и Юрьи, и приЂхаша к Василкови с питьемь, и начаша веселитися, видяще бо ворогы своя избиты, а дружина вся чЂла. Токмо одинъ убитъ от полка Василкова ПрЂиборъ, сынъ Степановъ Родивича. Посем же князи Пиньсции поЂхаша во свояси, а Василко поЂха к ВолодимЂрю с побЂдою и честью великою, славя и хваля бога, створшаго предивная, покоршаго ворогы под нозЂ Василкови князю.

Посла же саигатъ брату своему королеви с Борисом и со ИзЂболкомъ. Король же бяшеть поЂхалъ в Угры. И угони его Борисъ у Телича.

Король же бяше печалуя о братЂ по велику и о сыновцЂ своемь ВолодимерЂ, зане молодъ бяше. НЂкто от слугъ его вшедъ нача повЂдати сиче: «О господине, людье кацЂ се едуть за щиты со суличами, а конЂ с ними поводьнии». Король же, от радостии воскочивъ и воздЂвъ руцЂ, хвалу воздавъ богу, рече: «Слава тебЂ, господи! Тоть Василко побЂдилъ литву». Борисъ же приЂха и приведе саигатъ королеви и конЂй во сЂдлЂхъ, щиты, суличЂ, шеломы. Король же нача впрашати о здоровьи брата своего и сыновця, Борисъ же повЂда здоровье обою, и вся збывшаяся сказа ему. Бысть радость велика королеви о здоровьи брата своего и сыновца, а ворози избити. Бориса же одаривъ отпусти ко брату своему.

Посем же бысть снемь рускимъ княземь с лядьскимь княземь с Болеславомъ, и снимашася в ТернавЂ: Данило князь со обЂима сынома своима, со Лвомъ и со Шьварномъ, а Василко князь со своимъ сыномъ Володимеромь. И положиша рядъ межи собою о землю Рускую и Лядьску, утвердивъшеся крестомъ честнымъ, и тако розъЂхашася во свояси.

Посем же сонмЂ минувшу лЂту одиному, и во осень убить бысть великий князь Литовьский Миньдовгъ, самодержечь бысть во всей земли Литовьской. Убиство же его сиче скажемь.

Бысть князящю ему в земьли Литовской, и нача избивати братью свою и сыновцЂ свои, а другия выгна и землЂ, и нача княжити одинъ во всей землЂ Литовьской. И нача гордЂти велми, и вознесеся славою и гордостью великою, и не творяше противу себе никогоже. Бяже же у него сынъ Воишелкъ же, дъчи. Дщерь же отда за Шварна за Даниловича до Холма.

И Воишелкъ же нача княжити в НовЂгородчЂ, в поганьст†буда, и нача проливати крови много. Убивашеть бо на всякъ день по три, по четыри. Которого же дни не убьяшеть кого, печаловашеть тогда. Коли же убьяшеть кого, тогда веселъ бяшеть. Посем же вниде страхъ божий во сердце его, помысли в собЂ, хотя прияти святое крещение. И крестися ту в НовЂгородьцЂ, и нача быти во крЂстьяньствЂ. И по семь иде Воишелкъ до Галича к Данилови князу и Василкови, хотя прияти мниский чинъ. Тогда же и Вошелкъ хрести Юрья Лвовича. Тоже потомъ иде в Полонину ко Григорьеви в манастырь, и пострижеся во черньцЂ, и бысть в манастыри У Григорья 3 лЂта, оттолЂ же поиде во Святую Гору, приемь благословление от Григорья. ГригорЂй же бяшеть человЂкъ святъ, акого же не будеть перед нимь, и ни по немь не будеть.

Воишелкъ же не може доити до СвятЂй ГорЂ, зане мятежь бысть великъ тогда в тыхъ землях, и приде опять в Новъгородокъ, и учини собЂ манастырь на рЂцЂ на НемнЂ межи Литвою и Новымъгородъкомъ, и ту живяше.

Отець же его Миндовгъ укаривашеться ему по его житью. Онъ же на отца своего нелюбовашеть велми. В то же веремя умре княгини Миндовговая, и поча карити по ней. Бяшеть бо сестра ей за Домонтомъ за Нальщаньскимъ княземь. И посла Миндовгъ до Нальщанъ по свою свесть, тако река: «Се сестра твоя мертва. А поЂди карить по своей сестрЂ». Оной же приЂхавши карить, Миндовгъ же восхотЂ пояти свесть свою за ся. И нача ей молвити: «Сестра твоя умираючи велЂла мь тя пояти за ся. Тако рекла — ать иная дЂтий не цвЂлить». И поя ю за ся. Довъмонтъ же, се услышавъ, печаленъ бысть велми о семь, мысляшеть бо, акы како убити Миндовга, но не можаше, зане бысть сила его мала, а сего велика. Довъмонтъ же искашеть собЂ, абы с кимъ мочи убити ему Миндовга. Изнаиде собЂ Треняту, сестричича Миндовгова, и с тЂмъ думашеть убити Миндовга. Тренята же бяшеть тогда в Жомоти.

Въ лЂто 6771 [1263]. Послалъ бяшеть Миндовгъ всю свою силу за ДнЂпръ на Романа на бряньского князя. Довъмонтъ же бяшеть с ними пошелъ на войну, и усмотри время подобьно собЂ, и воротися назадъ, тако река: «Кобь ми не дасть с вами поити». Воротивъ же ся назадъ, и погна вборзЂ, изогна Миндовга, ту же и уби его, и оба сына его с нимь уби, Рукля же Репекья. И тако бысть конЂчь Миндовгову убитью.

По Миндовго†же убитьи Воишелкъ убоявъся того же и бЂжа до Пиньска, и ту живяшеть, а Тренята нача княжити во всей землЂ Литовьской и в Жемоти. И посла по брата своего, по Товтивила, до Полотьска, река тако: «Брате, приЂди семо, роздЂли†землю и добытокъ Миндовъговъ». Оному же приЂхавъшу к нему, и поча думати Товтивилъ, хотя убити Треняту, а Тренята собЂ думашеть на Товтивила пакъ. И пронесе думу Товтивилову бояринъ его Прокопий Полочанинъ. Тренята же попередивъ и убивъ Товтивила, и нача княжити одинъ. Посем же начаша думати конюси Миндовгови, 4 паробци, како бы лзЂ имъ убити Тренята. Оному же идущу до мовнича мыться, они же усмотрЂвше собЂ веремя такова, убиша Треняту. И тако бысть конЂць убитья Тренятина.

Се же услышавъ Воишелкъ, поиде с пиняны к Новугороду, и оттолЂ поя со собою новгородцЂ, и поиде в Литву княжить. Литва же вся прияша и с радостью, своего господичича.

Въ лЂто 6772 [1264]. Воишелкъ же нача княжити во всей земли Литовьской, и поча вороги своЂ избивати, изби ихъ бещисленое множество, а друзии разбЂгошася, камо кто видя, и оного Остафья уби, оканьнаго, проклятаго, безаконьного, о немже передЂ псахомъ.

Въ прежерченом же лЂтЂ Миндовгова убитья бысть свадба у Романа князя у Бряньского. И нача отдавати милую свою дочерь, именемь Олгу, за Володимера князя, сына Василкова, внука великаго князя Романа Галичкаго. И в то веремя рать приде литовьская на Романа. Он же бися с ними и побЂди я, самъ же раненъ бысть, и не мало бо показа мужьство свое. И приЂха во Брянескь с побЂдою и честью великою. И не мня раненъ на тЂлеси своемь за радость, и отда дочерь свою. БЂахуть бо у него иныЂ три, а се четвертая — сия же бЂшеть ему всихъ милЂе. И посла с нею сына своего старЂйшего Михаила и бояръ много. Мы же на преднее возвратимся.

Княжащу же Воишелькови в ЛитвЂ, и поча ему помагати Шварно князь, и Василко. Нареклъ бо бяшеть Василка отца собЂ и господина.

А король бяшеть тогда впалъ в болесть велику, в ней же и сконча животъ свой. И положиша во церкви святЂ Богородици в ХолмЂ, юже бЂ самъ создалъ.

Се же король Данило князь добрый, хоробрый и мудрый, иже созда городы многи, и церкви постави, и украси Ђ разноличными красотами. Бяшеть бо братолюбьемь святяся с братомъ своимъ Василкомъ. Сей же Данило бяшет вторый по СоломонЂ.

Посем же Шварно поиде в помочь Воишелкови, а Василко князь от себе посла ему помочь всю свою рать. Воишелкъ же нареклъ и бяшеть Василка аки отца собЂ и господина.

И приде же Шварно с помочью в Литву к Воишелкови, и видЂвъ Воишелкъ помочь Шварнову и Василкову, отца своего, и радъ бысть велми и нача пристраватися, и поиде в силЂ тяжьцЂ, и нача городы имати во Дявелът†и в Нальщанехъ. Городы же поимавъ, а ворогы своя избивъ, и тако поидоша восвояси.

Въ лЂто 6773 [1265]. Явися звЂзда на востоцЂ хвостатая, образомъ страшнымъ, испущающе от себе лучЂ великы, си же звЂзда нарЂчаеться власатая. От видЂния же сея звЂзды страхъ обья вся человЂкы и ужасть. ХитрЂчи же смотрЂвше, тако рекоша, оже мятежь великъ будеть в земли, но богъ спасеть своею волею. И не бысть ничтоже.

Того же лЂта преставися великая княгинЂ Василковая, именемь Олена. И положиша тЂло ея во церкви святЂй БогородицЂ во пискупьи Володимерьской.

Въ лЂто 6774 [1266]. Бысть мятежь великъ в самЂхъ татарЂх, избишася сами промежи собою бещисленое множество, акь пЂсокъ морьскы.

Въ лЂто 6775 [1267]. И бысть тишь.

Въ лЂто 6776 [1268]. Княжащу Воишелкови во Лит†и Шварнови, иде литва на ляхы воевать, на Болеслава князя. Идоша мимо Дорогичинъ. Слуги же Шварновы идоша с ними же и воеваша около Скаришева и около ВизълъжЂ и Торжьку, и взяша полона много.

Тогда же Болеславу князю болну сущу велми. Потом же Болеславъ усторобився, посла посолъ свой ко Шварнови, тогда же Шварнови сущю в НовЂгородчЂ, тако река: «По што мя еси воевал без моей вины, землю еси мою взял?» Шварно же ся запрЂ ему, тако река: «Не воевалъ язъ тебе, но литва тя воевала». Посолъ же рече Шварнови: «Тако ти молвить князь Болеславъ — я на литву не жалуюсь, оже мя воевала — немирникъ мой, а воевал мя тако и гораздо. Но на тя жалую. А бог буди по правомъ, тъ то расудить межи нами». И отселЂ заратишася. И поча ляхо†воевати около Холма. Воеводы же быша с ними СигнЂвъ, Воржь, Сулко, Невъступъ. И не взяша ничтоже. ИзбЂгли бо ся бяхуть в городъ, и зане вЂсть бяхуть подали имъ ляхове украинянЂ.

Посем же Шварно приЂха из Новагородъка вборзЂ и поча совокупливати силу свою. И Василко князь и сынъ его Володимиръ совокупившеся поидоша в ляхо†воевать. Шварно же поча воевати около Люблина, а ВолодимЂръ около БЂлоЂ. И взяша полона много и тако поидоша во свояси: Шварно поиде к Холмови, а Володимеръ поиде к Червьну — ту бяшеть отець ему Василко. И-Щервена же поиде к Володимерю. Пришедшимъ же имъ домовь, и посемь ляхо†почаша воевати около Червьна, тое же недЂли, и не вземше ничего же, и тако поидоша назадъ.

И потомъ Болеславъ князь присла посолъ свой к Василкови, Григоря, пробоща Люблиньского, тако река: «Свояче, соимевЂся!» Василко рече: «А я радъ». И порекоша себе снемь в ТернавЂ.

И по семь Василко поиде к соньмови до Тернави. И бывшу ему у Грабовци, и приде к нему вЂсть, оже ляхо†лесть учинилЂ, к сонмови не шли, но обишедше около Наворота, и тако поидоша к Белзу и почаша воевати, и села жечи. Василько же поиде вборзЂ от Грабовца Шварномъ и сыномъ своимъ Володимеромъ, и придоша ко Червьну, и видиша, оже села горять, а ляхо†воюють. Василко же пусти на ня воропъ, идеже бяхуть ляхове розогналися, воюючи по селомъ, и убиша от них многи, а другия изоимаша. Ляхове же убоявъшеся поидоша восвояси.

Василко же посла по нихъ Шварна, сыновца своего, и ВолодимЂря, сына своего, указалъ бо бяшеть има, тако река: «Не бЂйте же ся с ними близь, но пустите Ђ во свою землю. Олъны поидуть роздЂлившеся, то же бийтеся с ними».

И тако по нихъ Шварно с ВолодимЂромъ поиде во силЂ тяжьчЂ. Бяхуть бо полчи видениемь, акы боро†велицЂи. Шварно же бяшеть впередЂ, идя своимь полкомъ, а Володимеръ идяше назадЂ своимъ полком. Ляхо†же бяху и еще не вошли во свою землю, но токмо и бяшеть Ворота прошли. Се же бЂашеть мЂсто твердо, зане немощно бысть обоити его никудаже, тЂм же нарЂчахуться Ворота тЂснотою своею. Ту же и угониша Ђ Шварно, впередЂ идя своимъ полкомъ. И не помня рЂчи строя своего, не дождавъ полка брата своего ВолодимЂра, и устрЂмися на бой. Сразившима же ся челома, и тако поломивша полкъ Шварновъ, а инЂмъ полкомъ немочно бысть помощи ни откуда же тЂснотою. И тако побЂдиша ляхо†русь и убиша от нихъ многих, от бояръ и от простыхъ людий. Ту же убиша оба сына тысячкого, ЛаврентЂя и АндрЂя; немало бо показаста мужьство свое и не побЂгоста братъ от брата, ту же прияста побЂды конЂць. Посем же умиришася ляхове с русью, Болеславъ с Василкомъ и со Шварномъ, и начаша быти в любви велицЂ.

Посем же Воишелкъ да княжение свое зятю своему Шварнови, а самъ опять восхотЂ прияти мниский чинъ. Шварно же моляшеться ему по велику, абы еще княжилъ с ними в ЛитвЂ, но Воишелкъ не хотяшеть, тако река: «СогрЂшилъ есмь много перед богомъ и человЂкы. Ты княжи, а земля ть опасена». Шварно же не може умолити его и тако нача княжити в ЛитвЂ, а Воишелкъ иде до Угровьска в манастырь ко святому Данилью, и взя на ся чернЂчькии порты, и поча жити в манастырЂ, тако река: «Се ми здЂ близъ мене сынъ мой Шварно, а другий господинъ мой отець князь Василко, и тЂма ся иму утЂшивати». ГригорЂй же Полониньскый и еще бяше живъ, наставникъ его. Воишелкъ же, вопрошавъ о животЂ его, радъ бысть, посла по нь, река: «Господине отче, приЂди семо». Он же приЂха к нему и настави его на путь чернечький.

И в то веремя присла Левъ к Василкови, тако река: «ХотЂлъ быхъ снятися с тобою, абы туто и Вошелкъ былъ». Василко же посла по Воишелка страстноЂ нЂделЂ, тако река: «Прислалъ ко мнЂ Левъ, а быхом ся сняли. А не не бойся ничего же». Воишелкъ же бояшеться Лва и не хотяшет ехати, но поЂха по Василкови рукЂ. И приЂха на святой недЂлЂ в ВолодимЂрь и ста в монастырЂ святого Михаила Великого. Марколтъ же НЂмЂчинь зва к собЂ всЂ князЂ на обЂдъ: Василка, Лва, Воишелка. И начаша обЂдати, и пити, и веселитися. Василко же, напився, поЂха домовь спать. А Воишелкъ поЂха до манастыря, идеже стояшеть. И посемь Левъ приЂха к нему в манастырь и поча молвити Воишелкови: «Куме! Напимся!» И начаша пити. Дьяволъ же исконЂй не хотя добра человЂческому роду, и вложи во сердце Лвови, и уби Воишелка завистью, оже бяшеть далъ землю Литовьскую брату его Шварнуви. И такъ бысть конЂць убитья его. Спрятавше тело его и положиша во церкви святаго Михаила Великаго.

Княжащю же по Воишелкови Шварнови в Литовьской земли, княживъ же лЂтъ немного и тако преставися, и положиша тЂло его во церкви святой БогородицЂ близъ гроба отня.

Въ лЂто 6777 [1269]. Не бысть ничтоже.

Въ лЂто 6778 [1270]. Нача княжити в Лит†оканьный, и безаконьный, прокляты, немилостивый Тройдей, егоже безаконья не могохомъ писати срама ради. Такъ бо бяшеть безаконьник, яко и Антиохъ Сурьскый, Иродъ Ерусалимъскый и Неронъ Римъскый. И ина многа злЂйша того безаконья чиняше. Живъ же лЂтъ 12 и тако преставися безаконьникъ. Бяхуть же в него братья Борза, Сурьпутий, ЛЂсий, Свелкений. Бяхуть же живуще во святемь крещении. Сии же живяхуть в любви, во кротости и во смиреньи, держаще правую вЂру крестьяньскую, преизлиха любяще вЂру и нищая. Си же преставишася при животЂ ТройденевЂ.

Въ лЂто 6779 [1271]. Преставися благовЂрный князь и христолюбивый великый володимерьскый, именемь Василко, сынъ великого князя Романа. И положиша тЂло его во церкви святЂй Богородици во пискупьи Володимерьской.

Въ лЂто 6780 [1272]. Нача княжити во него мЂсто сынъ его Володимерь, правдолюбьемь святяся ко всей своей братьи, и к бояромъ, и ко простымъ людемь.

А Левъ нача княжити в ГаличЂ и в ХолмЂ по братЂ по своемь по ШварнЂ.

Въ лЂто 6781 [1273]. Умиришася с ляхы с Болеславомь князем. Болеславъ же ся тогда заратилъ с Воротьславьскимь княземь. Идоша ему в помочь Левъ, Мьстиславъ, а Володимеръ самъ не иде, но посла свою рать со Жилиславомъ. Про то не иде самъ, заратил бо ся бяше со ятвязи.

Посем же сдумавше князи поити на ятвязи. ПриспЂвши же зимЂ, сами князи не идоша, но послаша воеводы своя ратью. Левъ же посла со своею ратью АндрЂя Путивлича, а Володимиръ посла со своею ратью Желислава, а Мьстиславъ посла со своею ратью Володъслава Ломоносаго. Ходивъше же и взяша Злину. Ятвязем же собравшимся, и не смЂша битися с ними. И тако придоша с побЂдою и с честью великою ко своимъ княземь. И посемь приЂхаша князи ятвяжьсции Минтеля, Шюрпа, МудЂйко, Пестило ко Львови и Володимерови и Мьстиславу, мира просяче собЂ. Они же одва даша имъ и миръ. И ради быша ятвязЂ о мирЂ и тако поЂхаша во свою землю.

Въ лЂто 6782 [1274]. Тройденеви же еще княжащу в Литовьской землЂ, живяше со Львомъ во величЂ любви, шлючи многы дары межи собою. А с Володимеромь не живяше в любви величЂ про то, оже бяшь отець Володимеровъ, князь Василко, убилъ на войнахъ 3 браты Троиденеви, же про то не живяше с нимъ в любви, но воевашеться с нимь, но не великыми ратми: Тройдени же, пославъ пЂшцЂ татемь, воевашеть Володимера, а Володимеръ пославъ тако же воевашеть. И тако воевастася лЂто цЂло.

Посемь же Тройдений, забывъ любви Лвовы, послав городняны, велЂ взяти Дорогичинъ. И Тридъ с ними же бяшеть, се же вЂдашеть о городЂ, како мочно взяти. ИзлЂзъ же и ночью, и тако взяша и на самы Великъ День, избиша и всЂ от мала и до велика.

Се же слышавъ, Левъ печаленъ бысть о семь велми, и нача промышляти, и посла в татары ко великому цареви Меньгутимереви, прося собЂ помочи у него на литву. Менгутимерь же да ему рать и Ягурчина с ними воеводу, и заднЂпрескый князи всЂ да ему в помочь, Романа Дьбряньского и сыномь Олгомъ, и ГлЂба князя смоленьского, иныихъ князий много. Тогда бо бяху вси князи в воли в тотарьской.

ЗимЂ же приспЂвше, и начаша ся пристраивати князи русцЂи, и Левъ, Мьстиславъ, Володимерь. Идоша же с ними князи Пиньсции и ТуровьсцЂи. И бысть идущимъ имъ мимо Турово къ Случку, ту ся сня с татары у Случка. И тако поидоша вси воборзЂ к Новугородъку. И не дошедше рЂкы СырьвячЂ, ту же сташа на нощь. А заутра рано воставше поидоша и перешедше рЂку до свЂта, ту же и дождаша свЂта. Восходящю же солнцю, и начаша изряживати полкы. Изрядивша же полкы, и тако идоша к городу. Татаром же идяху по праву своим полкомъ, а от нихъ Левъ идяше своимъ полкомъ, а от Лва Володимеръ идяше по лЂву своим полкомъ.

Татари же прислаша ко Лвови и к Володимерови, тако рекуче: «ДЂти нашЂ видЂлЂ, оже рать стоить за горою. Пара идеть ис конЂй. А пошлете люди добрыи с нашими татары, ать усмотрять, что будеть». Они же послаша с ними добрыи люди, и тако ехавше, осмотрЂша, оже нЂтуть рати, но паря идяшеть со истоковъ, текущихъ из горъ, зане морозЂ бяхуть велицЂ.

И тако придоша к городу, и сташа около его. Мьстиславъ же бяшеть не притяглъ, пошелъ бяшеть от Копыля, воюя по ПолЂсью, ни Романъ, ни ГлЂбь, тии князи ЗаднЂпрЂсции, но токмо и одинъ Олегъ, сынъ Романовъ, притяглъ. Пришелъ бо бяше напередь с татары. Татарови же велми жадахуть Романа, абы притяглъ.

Левъ же лесть учини межи братьею своею, утаився Мьстислава и Володимера, взя околний градъ с татары, а дЂтинЂць остася. Завътра же по взятьи города приде Романъ и ГлЂбъ с великою силою. И гнЂвахуся вси князи на Лва: Мьстиславъ, ВолодимЂръ, и тЂсть ему Романъ Дьбряньскый, и ГлЂбъ Смоленьскый, и инии князи мнози, вси гнЂвахоться на нь про то, оже не потвори ихъ людми противу себе, самъ взя городъ с татары. Сдумали же бяхуть тако, оже бы имъ всимъ вземше Новъгородокъ, тоже потомь поити в землю Литовьскую. Но не идоша гнЂвомъ про Лва, и тако возвратишася во свояси.

Тако же от Новагородъка, приЂха Олегъ въ Володимерь ко своей сестрЂ. Володимиръ бо зовяше тогда тестя своего по велику, тако река: «Господине отче, поедь, побудешь во своемь дому, и дщери своей здоровье видишь». Романъ же отопрЂся ему, тако река: «Сыну мой Володимеру, не могу от рати своей Ђхати. Се хожю в земли ратной. А кто ми доправить рать мою домовь? А се в мое мЂсто сынъ мой Олегъ, ать ЂдЂть с тобою». И цЂловавшася, и тако поЂхаша во свояси.

Въ лЂто 6783 [1275].

Въ лЂто 6784 [1276]. Придоша пруси ко Тройденеви и своей земли неволею передъ нЂмци. Он же прия Ђ к собЂ и посади часть и в ГороднЂ, а часть ихъ посади во ВъслонимЂ. Володимеръ же сдумавъ со Лвомъ и с братомъ своимъ, пославша рать свою ко Вослониму, взяста Ђ, а быша землЂ не подъсЂдалЂ.

Посем же Тройдений пославъ брата своего Сирпутья, и воева около Камене. Володимиръ же противу тому пославъ, взя у него Турийскъ на рЂцЂ на НемнЂ и села около него поима. Посем же умиристася и начаста быти во величЂ любви.

И посемь вложи богъ во сердце мысль благу князю Володимерови, нача собЂ думати, абы кде за Берестьемь поставити городъ. И взя книги пророческыя, да тако собЂ во сердци мысля рче: «Господи боже сильный и всемогий, своимъ словомъ все созидая и растрая, што ми, господи, проявишь, грЂшному рабу своему, и на томъ стану». Розъгнувъ же книги, и выняся ему пророчьство Исаино: «Духъ господень на мнЂ, егоже ради помаза мя благовЂстить нищимъ, посла мя ицЂлити скрушенымъ сердцемь, проповЂдати полоненикомъ отпущение и слЂпымъ прозрЂние, призывати лЂто господне приятьно и день воздания богу нашему, утЂшити вся плачющаяся, дати плачющимся Сивоону славу, за попелъ помазание... веселье, украшение за духъ уныния, и нарекуться роди правды, насажение господне со славу, и созижють пустыня вЂчная запустЂвшая преже, воздвигнути городы пусты, запустЂвшая от рода». Князь же ВолодимЂръ от сего пророчества уразумЂ милость божию до себе, и нача искати мЂста подобна, абы кдЂ поставить городъ. Си же земля опустЂла, по 80 лЂт по РоманЂ. НынЂ же богъ воздвигну ю милостью своею.

И посла Володимиръ мужа хитра, именемь Алексу, иже бяше при отцЂ его многы городы рубя, и посла й ВолодимЂръ с тозЂмьци в челнох воз верхъ рЂкы Лосны, абы кдЂ изнаити таково мЂсто городъ поставити. Се же изнашедъ мЂсто таково, и приЂха ко князю, и нача повЂдати. Князь же самъ Ђха с бояры и слугами, и улюби мЂсто то надъ берегомъ рЂкы Лысны. И отреби е, и потомъ сруби на немь городъ, и нарче имя ему КаменЂць, зане бысть земля камена.

Въ лЂто 6785 [1277]. Присла оканьный безаконьный Ногай послы своя с грамотами Тегичага, Кутлубугу и Ешимута ко Лвови, и Мьстиславу, и ВолодимЂрю, тако река: «Всегда мь жалуете на литву. Осе же вы далъ есмь рать, и воеводу с ними МамъшЂя, поидете же с ним на вороги своЂ».

ЗимЂ же приспЂвше, и тако поидоша князи русции на литву: Мьстиславъ, ВолодимЂръ, а Левъ не иде, но посла сына своего Юрья. И тако поидоша вси к Новугородъку.

Бысть же пришедшимъ имъ ко Берестью, и вЂсть приде имъ, оже уже татаро†попередили к Новугородъку. Князи же начаша думати собЂ Мьстиславъ, Володимеръ, Юрьи, тако рекуце: «Оже поидемь к Новугородъку, а тамо татарове извоевали все. Поидемь кдЂ к чЂлому мЂсту». И тако здумавше, поидоша к Городну. И бысть минувшимъ имъ Волковыескь, далече сташа на ночь. Ту Мьстиславъ и Юрьи утаивошеся Володимера, посласта лутьшЂи своЂ боярЂ и слуги воевать со Тюимою. Они же воевавше тамо и легоша на ночь, а ко рати своей не шедше, и бе сторожЂ, и доспЂхы своЂ соимавше. Тогда же утече от нихъ бЂглЂчь единъ до города. И нача повЂдати горожаномъ тако: «Онамо людье лежать на селЂ безъ ряду». Пруси же и бортеве выЂхавше из города, удариша на нЂ ночь, и избиша Ђ всЂ, а другиЂ изоимаша, и в городъ ведоша, а Тюима на санехъ везоша, бЂ бо раненъ велми.

Завътра же полкомъ пришедшимъ к городу, и прибЂже Ратиславко Мьстиславль нагъ и босъ, и начатъ повЂдати о бывшемь, оже избитЂ боярЂ вси МьстиславлЂ и ЛвовЂ, слугы вси избиты, а друзии поимании. И печална быста о семь велми Мьстиславь и Юрьи за свое безумье, а Володимереви не любо бысть на нею, оже утаивъшеся его тако учинила.

И начаша собЂ промышляти о взятьи города. Столпъ бо бЂ каменъ высокъ, стоя перед вороты города; и бяху в немь заперлися прузи, и не бысть имь мимо нь поити к городу, побивахуть бо со столпа того. И тако приступиша к нему и взяша и. Страхъ же великъ и ужасть паде на городЂ, и быша, аки мертвЂ, стояще на забролЂхъ города, о взятьи столпа, зане то бысть упование ихъ.

И начаша думати о своихъ боярехъ, како бы ихъ мочно добыти, но не могоша никако же. Мьстиславъ же и Володимеръ и Юрьи и докончаша с горожаны, како города имъ не имати, а своЂ бояры выимати. Бояры своЂ поимаша, а городу не въспЂша ничегоже. Тако возвратишася восвояси.

Въ лЂто 6786 [1278]. Тройдени же еще княжа в Литовьской землЂ. И посла рать велику на ляхы, и брата своего Сирпутья посла, бяху бо и ятвязи тогда, и воеваша около Люблина по 3 дни, и взяша бещисленое множьство полона, и тако придоша со честью великою домовь.

Въ лЂто 6787 [1279]. Голодъ бысть по всей землЂ: и в Руси, и в Ляхох, и в ЛитвЂ, и въ Ятвязехъ. Посем же ятвязЂ прислаша послы своя к Володимирови, тако рекуче: «Господине княже Володимере, приЂхали есмя к тобЂ ото всихъ ятвязь, надЂючесь на богъ и на твое здоровие. Господине, не помори насъ, но перекорми ны собЂ! Пошли, господине, к намъ жито свое продаятъ, а мы ради купимъ. Чего восхочешь: воску ли, бЂли ль, бобровъ ли, черныхъ ли кунъ, серебра ль, мы ради дамы».

Володимерь же из Берестья посла к нимъ жито в лодьяхъ по Бугу с людми с добрыми, кому вЂря. Идущим же имъ по Бугу, и тако возиидоша на Наровь, и поидоша по Нарови. Идущимъ же имъ, и придоша подъ городъ подъ Полтовескъ, ту же сташа на нощь опочиватъ собЂ. И тако избити быша вси подъ городомь в ночи, жито поимаша, а лодья потопиша. ВолодимЂръ же искашеть сего, велми хотя увЂдати, кто се учинилъ. А ко Кондратови, брату своему, слашеть, тако река ему: «Подъ твоимъ городомъ избити мое людье, любо твоимъ повелЂниемь или иного. Ты вЂдаеши во твоей землЂ, повЂжь». Кондратъ же запрЂся: «Я не избивалъ, а иного не вЂдаю, кто избилъ». Олны же повЂдЂ Володимеру уй его князь Болеславъ на сыновча своего на Кондрата, тако река: «Без лЂпа ти ся прить, а самъ ти избилъ твои люди». Тогда Болеславъ в нелюбьи живяше со сыновцемь своимъ Кондратомъ. Болеслав же рече ВолодимЂрови: «УвЂдайся с нимь, великъ бо соромъ возложилъ на тя, а сложи с себе соромъ свой». Володимеръ же посла на Кондрата рать свою, и повоеваша по сей сторонЂ Вислы, и взяша полона много. Посем же Кондратъ присла ко брату своему Володимеру, мира хотя с нимь. Володимиръ же умирися, и начаста быти во велицЂ любви. Володимеръ же и челядь ему вороти, што была рать повоевала.

Того же лЂта преставися великий князь краковьский Болеславъ, добрый, тихий, кроткий, смиреный, незлобивый. Поживъ же лЂта много и тако во старости добрЂ отъиде ко господу. ТЂло же его спрятавше положиша е во церкви святаго Франьцишка в городЂ КраковЂ.

Въ лЂто 6788 [1280]. По смерти же великаго князя Болеслава не бысть кто княжа в Лядьской земли, зане не бысть у него сына. И восхотЂ собЂ Левъ землЂ, но боярЂ, бяхуть силнии, не даша ему землЂ. Бяшеть бо у Болеслава сыновЂць 5 — Сомовитовича 2: Кондратъ же Болеславъ, а Казимиричи трие: Лестько, Земомыслъ, Володиславъ. БоярЂ же ЛядьсцЂи избраша собЂ одиного от нихъ — Лестъка, и посадиша и во КраковЂ, на столЂ Болеславли. И поча княжити Льстко.

Посем же Левъ восхотЂ собЂ части в землЂ Лядьской, города на въкраини. Еха к Ногаеви оканьному проклятому помочи собЂ прося у него на ляхы. Онъ же да ему помочь оканьнаго Кончака, и КозЂя, и Кубатана. ЗимЂ же приспЂвши, и тако поидоша: Левъ радъ поиде с татары и со сыномъ своимъ Юрьемь, а Мьстиславъ и Володимеръ, сынъ Мьстиславль Данило и поидоша неволею татарьскою. И тако поидоша вси ко Судомирю. И пришедше к Судомирю, и поидоша на ону сторону рЂкы Вислы, ту же и переидоша рЂку по ледови подъ самимъ городомъ. Первое переиде Левъ своимъ полкомъ и сыномъ своимъ Юрьемь, и по немь Мьстиславъ и сынъ ему Данило. Таже по них татарове. И тако перешедша сташа около города. Стоявше же малъ час, не бишася.

Посем же поиде Лево своими полкы со силою великою ко Кропивници с гордостью великою, хотя ити ко Кракову.

Володимеръ же бЂ назадЂ стоя у города своим полкомъ. И начаша ему повЂдати: «ОсЂкъ во лЂсЂ полнъ люди и товара, не взиманъ бо бЂ никоторою же ратью, зане твердъ бяше велми». ВолодимЂръ же отряди к нему люди добрыи, и Кафилата с ними же Селезенца. Бысть же пришедшимъ имъ ко осЂкови, и бишася с ними ляхо†крЂпко, одва могоша и взяти с великимь потом, и поимаша в немь множьство людии и товара.

Якоже передЂ писахом о ЛвЂ, и бысть же идущу ему полкы своими. И начаша росходитися воеватъ. Богъ учини над нимъ волю свою — убиша бо ляхо†от полку его многы бояры и слуги добрЂЂ, и татаръ часть убиша. И тако возвратися Левъ назадъ с великымь бещестьемь.

Въ лЂто 6789 [1281]. Иде Льстько на Лва, и взя у него городъ Переворескъ, исЂче и люди в нем вси от мала и до велика, и город зажьже, и поиде назадъ во свояси.

Потом же вложи дьяволъ ненависть во два Сомовитовича, во Кондрата и во Болеслава, и начаста вражьствовати межи собою, и воеватися. Кондратови же, живящу со братомъ своимъ с Володимеромъ за одино, а Болеславъ живяше с Лесткомъ и с братомь его Володиславомъ за одино.

Болеслав же совокупивъ рать свою и поя помочь собЂ у Володислава, и поиде на брата на своего на Кондрата к городу ко Ђздову. Кондратови же не бывшу тогда в городЂ, и тако преступлеше взяша городъ. Законъ же бяше в ляхох таков: челяди нЂ имати, ни бити, но лупяхуть. Городу же взяту, и поимаша в немь товара много, и людии полупиша; и ятровь свою облупи, княгиню Кондратовую, и сыновицю свою облупи, и учини соромоту велику брату своему Коньдратови.

Посем же Кондратъ посла посолъ свой ко брату своему Володимерови, жалуяся ему о своей соромотЂ. Володимиръ же сжаливси и росплакався, рече послу брата своего: «Брате, бог, — рчи, — буди отмЂстникъ твоей соромотЂ, а се я готовъ тобЂ на помочь». И нача наряживати рать на Болеслава. И ко сыновцю своему Юрьеви посла, помочи прося. Сыновечь же ему тако рече: «Строю мой, рад быхъ и самъ с тобою шелъ, но нЂколи ми: Ђду, господине, до Суждали жениться. А со собою поимаю не много людий. А се вси мои людье и боярЂ богу на руцЂ и тобЂ. А коли ти будеть любо, тогда с ними поиди».

Володимеръ же нарядивъ рать поиде к Берестью. Ту ся и собра. И холъмлянЂ придоша к нему, бяшеть бо воевода с ними Тюима. И поиде Володимиръ ко МЂлнику со множьством вои. Из МЂлника же отряди воеводу Василка, князя Вослонимьского, ВолодимЂрови, и Желислава и Дуная, а сь Юрьевою ратью бяшеть воевода Тюима. И тако поидоша в ляхы.

ВолодимЂръ же отрядивъ рать и поЂха до Берестья. Послалъ же бяшеть посолъ напередъ передъ ратью ко брату своему Кондрату. Бяхуть бо у него боярЂ невЂрни. А быша не дале вЂсти Болеславу, посолъ же ВолодимЂровъ, приЂхавъ Кондратови, поча ему молвити при всЂхъ его боярЂх: «Тако ти молвить братъ твой ВолодимЂръ: радъ ти быхъ помоглъ за твою соромоту, но нЂ лзЂ мь: замялЂ нами татаро※. Посем же посолъ емь князя за руку и сжа ему руку. Князь же, уразумЂвъ, выиде с ними вонъ. И поча ему повЂдати: «Брать ти тако молвить: наряжайся самъ, и лодье наряди возитися на ВислЂ, рать будеть у тебе завътро». Кондратъ же радъ бысть по велику и повелЂ вборзЂ изрядити лодьЂ, самъ ся наряди.

Пришедши же рати, извозишася, и почаша изряживати полкы. Изрядивше же ся, и тако поидоша: Василко же поиде своим полкомъ, а Желиславъ своим полкомъ, а Дунай своимъ полкомъ, Кондратъ же князь с ляхы своимъ полкомъ, а Тюима своимъ полком. И тако идяху с великою крЂпостью усердьно.

Но дошедшим же имъ города Сохачева, и думахуть о взятьи его, абы в землю глубоку не входилЂ, но возборони имъ Конъдратъ князь, ведя и ко Гостиному, то бо бяшеть милое мЂсто Болеславле.

Пришедшимъ же полкомъ к городу, и сташа около города, аки боро†величЂи, и начаша ся пристраивати на взятье города. Князь же Конъдратъ нача Ђздя молвити: «Братья моя милая руси, потягнете за одино сердче!» И тако полЂзоша подъ заборола, а друзии полчи стояху недвижими, стерегучи внезапнаго наЂзда от ляховъ. ПрилЂзъшимъ же имъ подъ заборолЂ, ляхо†пущахуть на ня каменье, акы градъ силный, но стрЂлы ратьныхъ не дадяхуть ни выникнути изъ заборолъ. И начаша побадыватися копьи, и мнози язвени быша на городЂ, ово от копий, ово от стрЂлъ. И начаша мертви падати изъ заборолъ, акы сноповье. И тако взяша городъ, и поимаша в немь товара много, и полона бещисленое множество, а прокъ исЂкоша, и городъ ижжгоша, и тако возвратишася во свояси с побЂдою и честью великою.

Кондрать же князь поЂха во свой городъ, вземь на ся вЂнЂчь побЂдный, и сложивъ с себе соромоту помочыо брата своего Володимера.

А Василько князь поиде к Берестью со множествомъ полона, и посла предъ собою вЂсть к осподину своему князю Володимерови. Володимеръ же бяше печалуя по велику, зане не бяшеть вЂсти от полку его. Посем же приде ему вЂсть от полку его, оже вси добрЂ сдоро†идуть с честью великою. ВолодимЂръ же радъ бысть по велику, оже дружина его вся цЂла, а соромови брата своего Кондрата одолЂвъ. Токмо и два бяста убита от полку его, не подъ городомъ, но во изгонЂ: он же бяше прусинъ родомъ, а другий бяшеть дворный его слуга любимы, сынъ боярьский Михайловичь именемь Рахъ. Убийство же ею сиче скажемь. Бысть идущим полкомъ мимо Сохачевъ город, в се же время выЂхалъ бяшеть князь Болеславъ вънъ и Сохачева, ловя того, абы кдЂ ударити на розгонЂ. Володимеръ же князь указалъ бяшеть своим воеводамъ тако: Василкови и Желиславу и Дунаеви не роспущати воеватъ, но поити всимъ к городу. Си же утаивьшеся от рати и Ђхаша на село, человЂкъ со тритьчать, и Блусъ с ними же Юрьевъ, и поемше дорогу от села, оже челядь бЂжала к лЂсу. И поЂхаша по нихъ. И в то время удари на нихъ Болеславъ с ляхы. Дружина же ею не стЂрпЂвше, устремишася на бЂгъ вси со Блусомъ. Си же два не побЂгоста, Рахъ су прусиномъ, но створиста дЂло достойно памяти, и начаста ся бити мужескы. Прусинъ съЂхася с Болеславомъ, ту убитъ бысть от многых, а Рахъ уби боярина добра Болеславля, ту же самъ прия конЂчь подобный. Сии же умроста мужественымь сердцемъ оставлеша по собЂ славу послЂднему вЂку.

Посем же ВолодимЂръ поЂха из Берестья до ВолодимЂря.

Въ лЂто 6790 [1282]. Пришедшу оканьному и безаконьному Ногаеви и ТелебузЂ с нимь на угры в силЂ тяжьцЂ во бещисленомъ множьствЂ. ВЂлЂша же с собою поити рускимъ княземь Лвови, Мьстиславу, ВолодимЂру, Юрьи Львовичь. Володимеръ же бяше тогда хромъ ногою и тЂмь не идяше, зане бысть рана зла на немь, но посла рать свою съ Юрьемь, сыновцем своимъ. Тогда бо бяхуть князи русции в воли татарьской, и тако поидоша вси, токмо и одинъ ВолодимЂръ остася, зане бысть хромъ.

Болеслав же бяшеть еще гордяся своимъ безумьем, усмотрЂвъ веремя таково, пришедъ во дву сту, воева около Щекарева, и взя десять селъ. И тако идяшеть назадъ с великою гордостью, творяшеть бо ся, аки всю землю вземь.

Посем же Левъ отпущенъ бысть, вшед во Угорьскую землю, и приЂха домовь, и сжалиси о бывшемь, оже Болеславъ воевалъ его землю, и посла ко брату своему Володимерови, река ему тако: «Брате, сложимъ с себе соромъ сЂй, пошли возведи Литву на Болеслава». Володимеръ же посла Дуная возводить литвы. Литва же обЂщася ему тако створити, и ркуче: «Володимере, добрый княже правдивый, можемъ за тя головы своЂ сложити! Коли ти любо, осе есмы готовы». Левъ же и Володимиръ нарядиста свою рать. И пришедшимъ имъ к Берестью, ожидающимъ литвы, литва же не приспЂ на рокъ. Левъ же и ВолодимЂръ сама не идоста, но посласта воеводы: Левъ посла со своею ратью Тюима и Василка Белжянина и Рябця, а ВолодимЂръ посла со своею ратью Василка князя, и Желислава, и Оловянъца, и Вишту. И тако поидоша на Болеслава, и начаша воевати около Вышегорода, и поимаша чЂляди бещисленое множьство, и скота и коний.

Посем же придоша литва ко Берестью и начаша молвити князю Володимерови: «Ты насъ возвелъ, да поведи ны куда, а се мы готовы, на то есмы пришли». Князь же нача думати, абы куда Ђ повести, своя бо рать ушла бяшеть уже далече на Болеслава, а уже рЂкы ростЂкаються. И воспомяну ВолодимЂръ, оже преже того Лестко, пославъ люблинЂць, взялъ бяшеть у него село на въкраиници, именемь Воинь, и напоминася ему Володимиръ о томь много, абы ему воротилъ челядь. Онъ же не вороти ему челяди его. За се же посла на нь литву, и воеваша около Люблина и поимаша челяди множьство и ополонившеся и тако поидоша назадъ с честью.

Посем же приде рать Лвова и ВолодимЂрова с честью великою, вземше полона многое множьство.

И тако розиидошася когождо во свояси.

Въ прежереченая лЂта, коли Лестько взя Переворескъ, городъ Лвовъ, тоже ляхо†воеваша у Берестья по КроснЂ, и взяша селъ десять, и поидоша назадъ. Берестьяни же собрашася и гнаша по нихъ. Бяшеть бо ляховъ двЂстЂ, а берестьянъ 70, бяшеть бо у нихъ воевода Титъ, вездЂ словый мужьствомъ: на ратЂхъ и на ловЂхъ. И тако угонивъше Ђ и бишася с ними. Божиею же милостью побЂдиша берестьянЂ ляхы, и убиша ихъ 50, а другия поимаша. А полонъ свой отполониша. Итако придоша во Берестий со честью, славяще бога и пречистую его матерь во вся вЂки.

Мы же на прежняя возвратимся.

Бысть идущу оканьному и безаконьному Ногаеви и ТелебузЂ с нимь, воевавшима землю Угорьскую: Ногай поиде на Брашевъ, а Телебуга поиде поперекъ гору, што бяшеть переити треими деньми, и ходи по 30 дний, блудя в горахъ, водимъ гнЂвомъ божиимъ. И бысть в них голодъ великъ, и начаша людие Ђсти, потом же начаша и сами измирати, и умре ихъ бещисленое множьство. Самовидчи же тако рекоша: умерших бысть сто тысячь. Оканьный же и безаконьный Телебуга выиде пЂшь со своею женою, об одной кобылЂ, посрамленъ от бога.

Бысть же по сихъ Болеславу князю, Ђще исполнившуся своего безумья, и не престаяшеть злое творя ВолодимЂру князю и Юрьеви. Володимеръ же и Юрьи начаста рать свою наряжати на Болеслава. Володимиръ же пославъ и литву възведе. И тако поидоша вси. И Юрьи князь с ними же идяше на Болеслава. Яко быша в МЂлницЂ, и присла к нему отець его Левъ, река ему тако: «Сыну мой Юрьи, не ходи самъ с литвою, убилъ я князя ихъ Воишелка, любо восхотять мьсть створити». Юрьи же не поиде по отнЂ словЂ, но посла рать свою. И тако шедше взяша Сохачевъ городъ, и поимаша в немь товара много, и челяди, а прокъ иссЂкоша и тако ополонишася и поидоша во свояси.

Въ лЂто 6791 [1283]. Хотящу поити оканьному и безаконьному ТелебузЂ на ляхы и собравшу ему силу многу, забывшу ему казни божиЂ, еже сбыся над нимъ во угрЂхъ, о нем же передЂ сказахомъ, и приде к Ногаеви. Бяше же межи има нелюбовье велико. Телебуга же посла ко ЗаднЂпрЂискымь княземь, и ко Волыньскимь: ко Лвови, и ко Мьстиславу, и к ВолодимЂру, веля имъ поити с собою на войну. Тогда же бяху вси князи в неволЂ татарьской. И тако поиде Телебуга на ляхы, собравъ силу многу.

Пришедшу же ему к ГоринЂ, и срете и Мьстиславъ с питьемь и з дары. И поиде оттолЂ мимо КремянЂць ко Перемилю. Ту и срЂте Володимеръ князь с питьемь и с дары на ЛипЂ. И посемь угони Левъ князь ко Бужьковичемь и с питьемь и с дары. И пришедшимъ же имъ на Бужьковьское поле, и ту перезрЂша своЂ полкы. Князи же надЂяхуться избитья собЂ и городомъ взятья.

И оттолЂ поидоша к ВолодимЂру и сташа на Житани. Телебуга же еха обьзирать города ВолодимЂря, а друзии молъвять, оже бы и в городЂ былъ, но то не вЂдомо. В недЂлю же минуша городъ по МикулинЂ дни, на завтри день. Богъ и избави своею волею, и не взяша города. Но насилье велико творяху в городЂ, и пограбиша товара бещисленое множьство, и коний. И тако безаконьный Телебуга поиде в ляхы.

Осташа же татаро†друзии у ВолодимЂра кормити либывЂи конЂ. Си же учиниша пусту землю Володимерьскую, не дадяхуть бо из города вылЂсти в зажитье: аще ли кто выЂхашеть, овы избиша, а другия поимаша, а ныя лупяхуть и конЂ отъимахуть. И во городЂх изомре въ остою божиимь гнЂвомъ бещисленое множество.

Идущу же ТелебузЂ в ляхы, и с нимь идоша вси князи неволею татарьскою: Левъ князь со сыномь своим Юрьемь, а Мьстиславъ со своею ратью, а ВолодимЂръ со своею ратью. И тако поидоша ко Завихвосту и придоша ко рЂцЂ ко ВислЂ. Река же не стала бяшеть, и не могоша еЂ переити. И поидоша во вЂрхъ ей к Судомиру, и переидоша Санъ рЂку по леду. Ту же на Сану Володимеръ воротися от нихъ назадъ. А Вислу переидоша по ледови выше Судомиря и приступиша к городу со всЂ сторонЂ, но не успЂша ничтоже. И почаша воевати землю Лядьскую, и стояша на ней 10 дний.

Телебуга же хотяше ити ко Кракову, и не дошедъ его, воротися во Торжьку. ВЂсть бо приде к нему, оже Ногай попередилъ его ко Кракову прити. И про се бысть межю има болше нелюбье. И тако не снЂмавшася с Ногаемь, и поиде назадъ на Лвову землю, на городъ на Лвовъ. И стояша на Лво†землЂ 2 недЂли, кормячесь, не воююче, и не дадяхуть ни из города вылЂсти в зажитье: кто же выЂхашеть из города, овы избиваша, а друзии поимаша, а иныя излупивше, пущаху нагы, а тЂи от мороза изомроша, зане бысть зима люта велми. И учиниша землю пусту всю.

Се же наведе на ны богъ, грЂхъ ради нашихъ казня ны, а быхом ся покаялЂ злыхъ своих безаконьныхъ дЂлъ. И еще же и на конЂчь исполни на насъ гнЂвъ, и изомре в городЂхъ во остою бещисленое множьство, друзии же изомроша в селЂхъ, вышедше из городовъ по отшествии безаконьныхъ агарянъ. Но мы на на предлежащее возвратимъся.

Ногай же оканьный не иде с Телебугою в ляхы одиною дорогою, зане бысть межи има нелюбье велико, но иде своею дорогою на Перемышль. Пришедшу же ему к городу Кракову, и не успЂвъ у него ничтоже, якоже и Телебуга у Судомиря, но воеваше землю Лядьскую. А с Телебугою не снимася, зане боястася оба: сий сего, а сей сего. И тако поидоша назадъ свое вЂжЂ: Телебуга поиде своею дорогою опять, а Ногай своею дорогою.

Тое же зимы и в ляхохъ бысть моръ великъ. Изомре ихъ бещисленое множество.

По отшествии же ТелебужинЂ и Ногае†Левъ князь сочте, колко погибло во его землЂ людий, што поимано, избито, и што ихъ божиею волею изъмерло — полъ трЂтьи на десять тысячЂ.

Въ лЂто 6792 [1284]. У Юрья князя у Лвовича умре сынъ именемь Михайло. Младу сущу ему, и плакашеся по немь вси людье, и спрятавше тЂло его, и положища Ђ во церкви святыя Богородица в ХолмЂ, юже бЂ создалъ прадЂдъ его великий князь Данило, сынъ Романовъ.

Тое же зимы не токмо и во одиной Руси бысть гнЂвъ божий моромъ, но и в ляхохъ. Тое же зимы и в татарехъ изомре все кони и скоти, и овцЂ, все изомре, не остася ничего же.

Въ лЂто 6793 [1285]. Начаша повЂдати, оже в нЂмцихъ вышед море и потопило землю гнЂвомъ божиимъ, боле шьстидесять тысячь душь потонуло, а церквий каменых одиннадесять и сто проче деревяныхъ.

Того же лЂта. Лестько Казимиричь, пославъ полкъ свой, воева князя Кондрата Сомовитовича. Князь же Кондрать, собравъ дружину свою, гна по нихъ и бися с ними, и побЂди я божиимъ пособьемь, и многи изби от полку Лестькова бояръ и простую чадь, и воеводу его уби Серажьского МатЂя, а свой полонъ отполони, и тако возвратися во свояси с честью великою, хваля и славя въ троици отца и сына и святого духа и нынЂ, и въ вся вЂки.

Въ лЂто 6794 [1286]. Ходиша литва вся и жемоть вся на нЂмцЂ к Ризи. ОнЂм же вЂсть бысть, и збЂгошася в городы. Они же пришедъше к городу, не воспЂвъ ничегоже, и оттолЂ же идоша на Лотыголу. И доходивше города МЂдвЂжьей Головы, и не вспЂвъше у него ничтоже, и тако возвратишася во свояси, добывше мало полона.

Се же услышавше торуньсцЂи нЂмцЂ, оже жемоть вся пошла на Ригу, идоша на жемоть, помагаюче своимь нЂмцемь. И поимаша ихъ бещисленое множьство, а другия избиша, и тако придоша во свояси со множествомъ полона.

Того же лЂта преставися великий князь Лестько Казимиричь Краковьскый. Епископъ же, и игумени, и поповЂ, и дьякони, спрятавше тЂло его, пЂвше обычныя пЂсни, и тако положиша тЂло его во Крако†городЂ во церкви святЂй ТроицЂ, и плакашася по немь вси людье, боярЂ и простии, плачемь великомъ.

Въ лЂто 6795 [1287]. Посла богъ на насъ мЂчь свой, иже послужить гнЂву своему за умножение грЂховъ нашихъ. Идущу же ТелебузЂ и Алгуеви с нимь в силЂ тяжьцЂ, и с ними русцЂи князи Левъ и Мьстиславъ, и ВолодимЂръ, и Юрьи Лвовичь, инии князи мнозии. Тогда бяхуть вси князи русции в воли татарьской, покорени гнЂвомь божиимъ. И тако поидоша вси вкупЂ.

Володимеру же князю болну сущу, зане бысть рана послана на нь от бога неисцЂлимая.

Идущимъ же имъ в ляхы, и доидоша рЂкы, нарЂцаемаго Сана, ВолодимЂръ же князь, сотьснувъси немощью тЂла своего, и нача слати ко брату своему Мьстиславу, тако река: «Брате, видишь мою немощь, оже не могу, а ни у мене дЂтий. А даю тобЂ, брату своему, землю свою всю и городы по своемь животЂ. А се ти даю при царихъ и при его рядьцахъ». Мьстислав же удари челомь передъ братомъ своимъ ВолодимЂромъ.

И посла ВолодимЂръ ко брату ко Львови, ко сыновцю ко Юрьеви с тЂми словы: «Се вама повЂдаю, далъ есмь брату своему Мьстиславу землю свою и городы». Левъ же рече ВолодимЂру: «Тако и гораздо, оже еси далъ мнЂ. Под нимь мь ци искати по твоемь животЂ? А вси ходимъ подъ богомъ. Абы мь далъ богъ и своимь мочи изволодЂти в се время».

И посемь посла Мьстиславъ ко брату ко Лвови, и ко сыновцю своему, тако река: «Се же, брате мой, Володимиръ далъ ми землю свою всю и городы. А чего восхочешь? Чего искати по животЂ брата моего и своего, осе же ти цареве, а се царь, а се азъ. Молви со мною, што восхочешь». Левъ же не рече противу слову ничегоже.

Посем же поиде Тельбуга в Ляхы и Алгуй с нимь, вси князи, а ВолодимЂра воротиша назадъ, зане бысть жалостно зрЂти на нь, видячи его болна суща. И приЂха ВолодимЂрь, и ради быша вси людье, видяче своего господина приЂхавша во здоровьи. И перебывъ мало дний у Володимери, и нача молвити княгини своей и бояромъ: «ХотЂлъ быхъ доЂхати до Любомля, зане дЂла мь с погаными нет, а человЂкъ есмь боленъ, ни я с ними могу повЂстити. А прояли мь уже и на печенехъ. А се мене мЂсто епископъ же Маркъ». И поЂха до Любомля, со княгинею и со слугами своими дворьними. Из Любомля поЂха до Берестья, и перебывъ во Берестьи 2 дни, поЂха до Каменца. Ту и лежаша во болести своей, во Каменьци, и рче княгини своей и слугамь: «Олны же минеть погань си изь землЂ, то же поедемь до Любомля».

Минувшим же днемь нЂколичемь, приЂхаша слуги его к нему въ КаменЂчь, иже то были в ляхохъ на воинЂ с татары. ВолодимЂръ же нача вопрашати ихъ о ТелебузЂ, уже ли пошелъ и землЂ Лядьской. ОнЂм же повЂдающимъ: «Пошелъ». «А братъ ми Левъ, и Мьстиславъ, и сыновець ми — во здоровьи ли?» Онем же повЂдающимъ: «Господине, добри вси и здоровЂ, и боярЂ и слуги». ВолодимЂръ же о томъ похвали бога. А Мьстислава повЂдаша, оже пошелъ с Телебугою на Лвовъ. Тогда же повЂдаше: «Брат ти даеть городь Всеволожь бояромь, и села роздаваеть». ВолодимЂру же нелюбье бысть велико на брата своего, и нача молвити: «Се лежю въ болести, а братъ мой придалъ ми и еще болшее болести. МнЂ и еще живу сущу, а онъ роздаваеть городы мое и села моа. Ольны моглъ по моемь животЂ роздавати!»

И посла ВолодимЂръ посолъ свой со жалобою ко брату своему Мьстиславу, река: «Брате, ты мене ни на полку ялъ, ни копьемь мя еси добылъ, ни из городовъ моихъ выбил мя есь ратью, пришедъ на мя. Оже сяко чиниши надо мною? Ты ми братъ есь, а другий ми братъ Левъ, а сыновечь ми Юрьи, язъ же у васъ трехъ избралъ есмь тебе одиного, и далъ ти есмь землю свою всю и городы по своемь животЂ, а при моем ти животЂ не воступатися ни во что же. Се же есмь учинилъ за гордость брата своего и сыновца своего, далъ есмь тобЂ землю свою».

Мьстиславъ же рече брату своему: «Господине, — рци, — братиа твоиа, земля божия и твоя, и городи твои, а я над ними не воленъ. Но язъ есмь по твоей воли, а дай ми тя богъ имЂти, аки отца собЂ, и служити тобЂ со всею правдою, до моего живота, а бы ты, господине, здоровъ был, а болшая мь надежа по тобЂ, рци». И приЂха к Володимеру посолъ его в Каменець, повЂдая рЂчь Мьстиславлю. ВолодимЂру же люба бысть рЂчь та.

Посем же поЂха ис Каменца до Раю. Будущу же ему ту, и начатъ молвити княгини своей: «Хочю послати по брата своего по Мьстислава, а быхъ с нимъ рядъ учинилъ о землю и о городы и о тобЂ, княгини моа мила Олго, и о семь дЂтяти о ИзяславЂ, иже миловахъ ю, аки свою дщерь родимую. Богъ бо не дал ми своихъ родити за мои грЂхы, но си ми бысть, аки от своее княгинЂ рожена, взялъ бо есмь ю от своее матери в пеленахъ и воскормилъ».

И посла ко брату епископа своего Володимерьского ЕвьсЂгньа, а с нимъ Борка же Оловянца, и с тЂми словы река ему: «Брате, приЂдь ко мнЂ. Хощю с тобою рядъ учинити про все». Мьстислав же приЂха к нему в Рай со своими бояры и со слугами и с ними епископъ Володимерьский, и Борко, и Оловянець. Мьстиславъ же ста на подворьи, и повЂдаша слуги его ВолодимЂру: «Брат ти приЂхалъ». Оному же лежащю в болести своей, услышавъ братенъ приЂздъ, воставъ и сЂдЂ, и посла по брата. Он же приде к нему и поклонися ему. Володимеръ же нача вопрашати его о ТелебузЂ, како ся дЂяло в Ляхохъ, и куда и выходъ его из ляховъ. Он же сказа ему все по ряду бывшее, и иныи рЂчи многи повЂсти с нимь. Мьстислав же поиде на подворье. Володимеръ же посла к нему епископа своего с Боркомь и со Оловянцемь, тако река: «Брате мой, на то и тя — рци — есмь призвалъ, хочю с тобою рядъ учинити о землю и о городы и о княгинЂ своей и о семь дЂтяти. Хочю грамоты писати». Мьстиславъ же рече епископу брата своего: «Господине — рци — брате мой, я сего ци хотЂлъ, оже бы мнЂ искати твоей землЂ по твоемь животЂ? Сего ни на сердцЂ моемь не было. Но реклъ ми есь былъ в ляхохъ, коли есмь былЂ с Телебугою и Алгуемь, а братъ мой Левъ туто же и сыновець ми Юрьи. Ты же, господине мой братъ мой, прислалъ ко мнЂ тако река — Мьстиславе, даю ти землю свою всю и городы по своемь животЂ».

Мьстислав же рече епископу брата своего: «Господине, рци брату, како богу любо и тобЂ. Оже хощешь грамоты писати, како божья воля и твоя». Епископу же пришедшю ото Мьстислава, повЂдаючи рЂчь братьню, Володимеръ же повелЂ писцю своему Федорцю писать грамоты.







КНЯЗЯ ВОЛОДИМИРЯ РУКОПИСАНИЕ


«Во имя отца и сына и святаго духа, молитвами святыа богородица и приснодЂвица Марья, и святыхъ ангелъ. Се язъ, князь Володимерь, сынъ Василковъ, внукъ Романовъ, даю землю свою всю и городы по своемь животЂ брату своему Мьстиславу, и столный свой городъ Володимиръ. Другую же грамоту напсахъ брату своему такую же, хочю и еще и княгинЂ своей псати грамоту такую же.

Въ имя отца и сына и святого духа, молитвами святыа богородица и приснодЂвица Марья, святыхъ ангелъ. Се язъ, князь ВолодимЂръ, сынъ Василковъ, внукъ Романовъ, пишу грамоту. Далъ есмь княгинЂ своей по своемь животЂ городъ свой Кобрынь, и с людми и з данью. Како при мнЂ даяли, тако и по мнЂ ать дають княгинЂ моей. Иже дал есмь ей село свое Городелъ и с мытом, а людье, како то на мя страдалЂ, тако и на княгиню мою по моемь животЂ. Аже будеть князю городъ рубити, и они к городу, а поборомъ и тотарьщиною ко князю. А Садовое ей Сомино же далъ есмь, княгинЂ свое, и манастырь свой Апостолы же создах и своею силою, а село есмь купилъ БерезовичЂ у Юрьевича у Давыдовича Фодорка, а далъ есмь на немь 50 гривенъ кунъ, а 5 локотъ скорлата, да бронЂ дощатые, а тое далъ есмь ко Апостоламъ же. А княгини моа по моемь животЂ, оже восхочеть в черничЂ поити, поидеть, аже не восхочеть ити, а како ей любо. МнЂ не воставши смотрить, что кто иметь чинити по моемь животЂ».

Посем же посла ВолодимЂрь ко брату, тако река: «Брате мой Мьстиславе, цЂлуй ко мнЂ хрестъ на томъ, како ти не отъяти ничегоже ото княгини моей по моемь животЂ, что есмь ей далъ, и от сего дЂтища, от Изяславы же, не отдать еЂ неволею ни за кого же, но кдЂ будеть княгинЂ моей любо, тутоть ю дати». Мьстиславъ же рече: «Господине — рчи — брате, не дай ми богъ того, оже бы мнЂ отъяти что по твоемь животЂ у твоей княгинЂ и у сего дЂтища, но дай ми богъ имЂти свою ятровь, аки достойную матерь собЂ и чтити. А про се дЂтя, оже сяко молвишь, абы ю богъ того довелъ, дай ми богъ ю отдати, аки свою дщерь родимую». И на томъ крестъ челова.

Се же дЂяшеть Федоровы недели. Взем же рядъ с братомь, поЂха до ВолодимЂря. И приЂха ВолодимЂрь, Ђха во пископью ко святЂ Богородици, и созва бояры володимЂрьскыя брата своего, а мЂстичЂ русци и нЂмцЂ, и повелЂ передо всими чести грамоту братну о даньи землЂ и всЂх городовъ, и столного города ВолодимЂря, и слышаша вси от мала и до велика.

Епископъ же володимерьский ЕвьсЂгнЂй и благослови Мьсти слава крестомъ воздвизалнымъ на княжение володимЂрьское. Хотяшеть бо уже княжити в ВолодимЂрЂ, но братъ ему не да, тако река: «Моглъ ольны по моемь животЂ княжити». Мьстислав же пребывъ неколько дний у ВолодимЂри, Ђха во свои городы: в Луческь и в Дубенъ, и во иныи городы, их же не псахъ.

ВолодимЂръ же приЂха из Раю в Любомль, ту же и лежаше всю зиму в болести своей, росылая слуги своЂ на ловы. Бяшеть бо и самъ ловечь добр, хороборъ, николи же ко вепреви и ни к медвЂдеве не ждаше слугъ своих, а быша ему помогли, скоро самъ убиваше всяки звЂрь. ТЂм же и прослулъ бяшеть по всей землЂ, понеже далъ бяшеть ему богъ вазнь не токмо и на одиныхъ ловехъ, но и во всемь, за его добро и правду. Но мы на предлежащее возвратимся.

Наставшу же лЂту, и услыша Конъдрать князь Сомовитовичь, братъ ВолодимЂровъ, оже далъ землю свою всю и городы, присла к ВолодимЂрю посолъ свой, тако река: «Господине братъ мой, ты же ми былъ во отца мЂсто. Како мя еси держалъ подъ своею рукою, своею милостью, тобою есмь, господине, княжилъ и городы своЂ держалъ, и братьи своей отъялъся есмь и грозенъ былъ. И нынЂ, господине, слышалъ есмь, оже еси далъ землю свою всю и городы брату своему Мьстиславу, а надЂюся на богъ и на тя, абы ты, господинъ мой, послалъ свой посолъ с моимь посломъ ко брату своему Мьстиславу, абы мя, господине, со твоею милостью приялъ братъ твой подъ свою руку и стоялъ бы за мя во мою обиду, како ты, господинъ мой, стоялъ за мною во мою обиду».

Володимеръ же посла ко брату своему Мьстиславу, тако река: «Братъ мой, самъ вЂдаешь, како есмь имЂлъ брата своего Кондрата и честилъ и дарилъ, а в обиду его стоялъ есмь за нимъ, како и за собою. Абы ты тако же мене дЂля приялъ и с любовью подъ свою руку и стоялъ за нимъ во его зло». Мьстиславъ же обЂчася тако створити Володимиру, тако река: «Брате мой, радъ тебе дЂля приимаю с любовью под свою руку, а в обиду его дай ми богъ голову свою сложити за нь». И по семь присла Мьстиславъ к Володимеру, река ему: «ХотЂл ся быхъ сняти со Кондратомъ, а докладываю бога и тебе, како ми велишь». Володимеръ же рече: «Соимися с нимъ». Мьстислав же посла посолъ свой ко Кондратови, река: «Хочю ся сняти с тобою, приедь ко мнЂ». И приЂха посолъ Мьстиславль, повЂдая речь Мьстиславлю Володимеру. И возрадовася о семь.

Посемь поЂха Кондратъ ко Мьстиславу. И приЂха во Берестий, и посемь приЂха в Любомль. ПовЂдаша ВолодимЂру слуги его, рекуче: «Брат ти, господине, приЂхалъ Кондратъ». Онъ вЂлЂ ему прити к собЂ. Кондратъ же приде к Володимеру, идеже лежаше в болести своей, крЂпко стража. И вшедъ поклонися ему, и плакася по велику, видя болесть его и унынье тЂла его краснаго. ПовЂстивъ же со братомъ рЂчи многии, о нЂхже передЂ писахомъ, иде на подворье. ВолодимЂръ же присла конь свой ему добрый. ОбЂдавъ же и поеха до ВолодимЂра, из ВолодимЂря же поЂха ко Луцку.

Бывшу же ему в Луцки, Мьстиславу же не сущу ту, но близъ города нЂкоемь мЂстЂ, именемь в Гаи. МЂсто же то красно вЂдЂниемь и устроено различнымы хоромы. Церкви же бяше в немь предивна, красотою сияющи. ТЂм же угодно бысть князю пребывати в немь. И поЂха Кондратъ из Луцка в Гай. Мьстислав же срЂте с бояры своими и со слугами и прия с честью и с любовью подъ свою руку, по братню слову по ВолодимЂрову, тако река: «Како тя имЂлъ братъ мой, и честилъ, и дарилъ, а мнЂ дай богъ тако же имЂти тя, и честити, и дарити, и стояти за тобою во твою обиду». И посемь начаша веселитися. Мьстиславъ же одаривъ Кондрата конми красными и в сЂдлЂхъ в дивных, и порты дорогими, ины дары многи вдавъ ему, и тако отпусти со честью.

По отъЂзде же Кондрато†из Любомля, пригна Ярътакъ ляхъ из Люблина. И повЂдаша Володимерови: «Ярътакъ приехалъ». И не вЂле ему перед ся, но рече княгини своей, иже: «Роспроси его, с чимь приЂхалъ». Княгини же посла посла по нь. Он же приде вборзЂ. И нача вопрошати его: «Князь ти молвить: с чимь есь приЂхалъ, повЂжь». Онъ же нача повЂдити: «Князь Льстко мертвъ». Володимиръ же сжаливося и росплакася по немь. «А прислали мя люблинцы, хотять князя Кондрата княжить во Краковъ. А наборзи хочю найти Кондрата. КдЂ будеть?» Княгини же, вшедши, повЂдЂ рЂчь Ярътакову. ВолодимЂръ же велЂ дати... подо нь конь, его бо конЂ пристали бЂхуть. И погна вборьзЂ.

И наиде и в ВолодимЂрЂ, и нача молвити Кондратови: «Князь Лестько мертвъ, а прислали мя люблиньци. Поедь княжить к намъ до Кракова». Кондратъ же возвеселися сердцемь и возрадовася душею о княженьи Краковоском. И поЂха вборзЂ, и приЂха во Любомль, хотяшеть бо посЂдЂти со братомъ о томъ, абы ему како погадалъ. ВолодимЂръ же не вЂлЂ ему к собЂ прити, но рече княгинЂ своей: «Иди же повЂсти в нимь, та отряди и, ать поЂдеть прочь, а у мене ему нЂ что дЂяти». Княгини же вшедши повЂда рЂчь Кондратову: «Брат ти, господине, молвить: пошли со мною своего Дунаа, ать ми честьно».

И поЂха вборзЂ к Люблину.

Приехавшу же ему к Люблину, и запроша ляхо†городъ, а Кондрата не пустиша к собЂ. И ста Кондратъ на горЂ у мниховъ. И посла к горожаномъ, тако река: «На что мя есте привели, да нынЂ городъ есть передо мною затворилЂ?» Горожани же рекоша: «Мы тебе не привели и ни слалЂ по тя, но голова намъ Краковъ, тамо же и воеводы наши и бояри велиции. Оже имешь княжити во КраковЂ, то ть мы гото†твои».

Посем же повЂдаша Кондратови: «Рать идеть к городу». Творяхуть бо рать литовьскую и пополошишася. И выбЂже Кондратъ во столпъ ко мнихомъ с бояры своими и слугами, и Дунай Володимировъ с нимь. Рати же пришедши к городу, познаша, оже руская рать. Кондратъ же воспроси ратьныхъ; «Кто есть воевода в сей рати?» Они же повЂдаша: «Князь Юрьи Лвовичь. Хотяшеть бо собЂ Люблина и землЂ Люблиньской».

И приЂха Юрьи к городу. Горожани же не подаша ему города, но пристравахуться крЂпко на бой. Юрьи же позна лесть ихъ. ОнЂм же молвящимъ: «Княже, лихо Ђздишь, рать с тобою мала. Приедуть ляхо†мнозии, соромъ ти будеть великъ». Юрьи же слышавъ си словеса от нихъ, роспусти дружину свою воевать, и взяша полона много, а жита пожгоша и села, и не остася ни в лЂсЂхъ, но все пожьжено бысть ратными. И тако возвратися во свояси со множествомъ полона, челяди, и скота, и коний.

А Кондратъ поЂха во свояси, вземь собЂ соромъ великъ, лЂпши бы не живъ былъ.

Посем же мятежь бысть великъ в землЂ Лядьской.

Въ лЂто 6796 [1288]. Присла Юрьи Лвовичь посолъ свой ко строеви своему князю Володимеру, река ему: «Господине строю мой, богъ вЂдаеть и ты, како ти есмь служилъ со всею правдою своею, имЂл тя есмь аки отца собЂ. Абы тобЂ сжалилося моее службы. А нынЂ, господине, отець мой прислалъ ко мнЂ, отнимаеть у мене городы, что ми былъ далъ: Белзъ, и Червенъ, и Холмъ. А велить ми быти в ДорогычинЂ и в МЂлницЂ. А бью челом богу и тобЂ, строеви своему, — дай ми, господине, Берестий, то бы мь с полу было». Володимеръ же рче послу: «Сыновче, — рци — не дамь. ВЂдаешь самъ, оже я не двою рЂчью, ни я пакъ ложь былъ, а богъ вЂдаеть, и вся подънебесная, не могу порушити ряду, что есмь докончалъ с братомъ своимъ Мьстиславомъ. Далъ есмь ему землю свою всю и городы, и грамоты есмь пописалъ». С тЂми словы отряди посла сыновца своего.

Посем же посла ВолодимЂръ слугу своего доброго вЂрного, именемь Ратчьшю, ко брату своему Мьстиславу, тако река: «Молви брату моему: прислалъ — рци — ко мнЂ сыновЂчь мой Юрьи просить у мене Берестья, азъ же ему не далъ ни града, ни села, а ты — рчи — не давай ничего же». И вземь соломы в руку от постеля своее, рече: «Хотя быхъ ти — рци — братъ мой тотъ вЂхоть соломы далъ, того не давай по моемь животЂ никому же». Рачьша же изнаиде Мьстислава во СтожьцЂ и сказа ему рЂчь братню. Мьстислав же удари челомь противу словомъ брата своего, река: «Ты же ми брать, ты же ми отець мой, Данило король, оже мя еси приялъ подъ свои руцЂ. А что ми велишь, а я радъ, господине, тебе слушаю». Рачьшю же одаривъ отпусти. И приехавъ, сказа все по ряду ВолодимЂру.

Присла же потомь ко Володимеру Левъ епископа своего перемышлескаго, именемь Мемнона. Слуги же его повЂдаша ему: «Владыка, господине, приЂхалъ». Онъ же рече: «Который владыка?» Они же повЂдаша: «Перемышлеский. Ђздить от брата ть ото Лва». ВолодимЂръ же бЂ разумЂа древняя и задняя, на што приЂхалъ, посла по него. Он же воиде к нему и поклонився ему до землЂ, река: «Братъ ти ся кланяеть». И велЂ ему сЂсти, и нача посолъство правити. «Брат ти, господине, молвить: стрый твой Данило король, а мой отець, лежить в ХолмЂ у святЂй Богородици, и сыно†его, братьа моа и твоя, Романъ и Шварно, и всихъ кости туто лежать. А нынЂ, брате, слышимъ твою немочь великую. Абы ты, брат мой, не изгасилъ свЂчЂ надъ гробомъ стрыя своего и братьи своей, абы далъ городъ свой Берестий — то бы твоя свЂща была». ВолодимЂръ же бЂ разумЂя притъчЂ и темно слово, и повЂстивъ со епископомъ много от книгъ, зане же бысть книжникъ великъ и философъ, акого же не бысть во всей земли, и ни по немь не будеть. И рче епископу: «Брате, — рци, — Лве княже, ци без ума мя творишь, оже быхъ не разумЂлъ сей хитрости? Ци мала ть — рци — своя земля, оже Берестья хочешь? А самъ держа княжения три: Галичкое, Перемышльское, Бельзьское. Да нЂту ти сыти! А се пакъ мой — рци — отець, а твой стрый лежить во епископьи и у святой Богородици в ВолодимерЂ, а много ль есь над нимь свЂчь поставилъ? Что есь далъ который городъ, абы то свЂча была? Оже — рци — просилъ еси живымъ, а уже пакъ мертвымъ просиши. Не дам не — реку — города, но ни села не возмешь у мене. РозумЂю я твою хытрость. Не дамь». Володимерь же, одаривъ владыку, отпусти и, зане бысть не бывалъ у него николи же.

Князю же Володимеру Васильковичу великому, лежащу в болести 4 лЂта, болезнь же его сице скажемь.

Нача ему гнити исподняя уустна, первого лЂта мало, на другое и на третьее болма нача гнити, и еще же ему не вельми болну, но ходяшь и ездяшеть на конЂ.

И розда убогым имЂние свое: все золото и серебро и камение дорогое, и поясы золотыи отца своего и серебряные, и свое, иже бяше по отци своемь стяжалъ, все розда. И блюда великаа сребрянаа, и кубъкы золотые и серебряные самъ передъ своима очима поби и полья в гривны.

И мониста великая золотая бабы своей и матери своей все полья и розъсла милостыню по всей земли, и стада роздая убогымь людемь, у кого то коний нЂтуть, и тЂмь, иже кто погибли в Телебузину рать.

Къ сему же кто исповЂсть многые твоя и нещаныа милостыня и дивныя щедроты, яже ко убогымь творяше и к сиротамъ, и к болящимъ, и ко вдовичамъ, и къ жадным? И ко всимъ творяще милость требующимъ милости. Слышалъ бо бЂ глас господень ко Навьходъносору царю: «СвЂтъ мой да будет ти вгоденъ и неправды твоя щедротами нищихъ»; еже слыша ты, о честниче, дЂломъ сконча слышаное: просящимъ подаа, нагыя одЂвая, жадныя и алъчныа насыщая, болящимъ всяко утЂшение посылая, долъжныя искупая. Твоя бо щедроты и милостыня нынЂ во человецЂхъ поминаемы суть, паче же пред богомъ и ангелы его. Еяже ради добропрелюбныа богомъ милостыня и много дерьзновенье имЂеши к нему, яко присный рабъ Христовъ. Помогаеть ми словесы рекы: «милость хвалиться на судЂ, милостини мужю, акы печать с нимь». ВЂрние же самого господа глаголъ: «Блажении милостивии, яко тЂи помиловани будуть». Ино же яснЂе и вЂрние послушьство приведемь о тебе от святыхъ псаний, реченое Яковомъ апостоломъ, яко: «Обративы грЂшника от заблужения путии, его спасетъ, и душю, и покрыеть множьство грЂховъ». Ты же и церкви многи Христовы поставль, и служителя его введъ, подобниче великого Костянтина, равноумне и равнохристосолюбче, равночестителю служителемь его: онъ со святими отци Никейского сбора законъ человЂкомъ полагаше, ты же со епископы и игумены снимаася часто со многимъ смирениемь, много бЂсЂдоваше от книгъ о житьи свЂта сего тлЂньнаго. Но мы на предлежащее возвратимся.

Исходящу же четвертому лЂту, и наставши зимЂ, и нача болми немочи. И опада ему все мясо с бороды, и зуби исподнии выгниша вси, и челюсть бороднаа перегни. Се же бысть вторы Иевъ. И вниде во церковь святаго и великаго мученика Христова Георьгия, хотя взяти причастье у отца своего духовнаго. И вниде во олтарь малый, идеже ерЂй совлачаху ризы своа. Ту бо бяшеть ему обычай всегда ставати. И сЂде на столцЂ, зане не можаше стояти от немочи. И воздЂвъ руцЂ на небо, моляшеся со слезами, глаголя: «Владыко господи боже мой, призри на немощь мою и вижь смирение мое, одержащаа мя нынЂ, на тя бо уповая, терьплю о всихъ сихъ. Благодарю тя, господи боже: благая прияхъ от тебе в животЂ моемь, то злыхъ ли не могу терпЂти? Яко держа†твоей годЂ, тако и бысть. Яко смирилъ еси душю мою, во царствии твоемь, причастника мя створи молитвами пречистыя твоея матери, пророкъ и апостолъ, мученикъ, всихъ приподобных святы отець, якоже и тии пострадавша и, угожьше тобЂ, искушени быша от дьявола, яко злато в горнилЂ, их же молитвами, господи, избраньномь твоемь стадЂ, с десными мя овцами причти». Пришедшю же ему от церкви и леже потомь, вонъ не вылазя. Но болми нача изнемогати. И опада ему мясо все с бороды, и кость бородная перегнила бяшет, и бысть видети гортань. И не вокуша по семь недЂль ничегоже, развЂе одиное воды, и то же по скуду. И бысть в четвергъ на ночь, поча изнемогати, и яко бысть в куры, и позна в собЂ духъ изнемогающ ко исходу души, и возрЂвъ на небо и воздавъ хвалу богу, глаголя: «Бесмертный боже, хвалю тебе о всемь! Царь бо еси всим. Ты единъ во истину подая всей твари всебогатьствомь наслажение. Ты бо створивъ мира сего, ты соблюдаешь, ожидаа душа, яже посла, да добру жизнь жившимь почтеши, яко богъ, а еже не покорившуся твоимъ заповЂдемь, предаси суду. Всь бо суд праведный от тебе, и бес конца жизнь от тебе, благодатью своею вся милуешь притЂкающая к тебе». И кончавь молитву, воздЂвъ руцЂ на небо, и предасть душю свою в руцЂ божии, и приложися ко отцемь своим и дЂдомъ, отдавъ общий долгъ, егоже нЂсть убЂжати всякому роженому. СвЂтающю же пятку, и тако преставися благовЂрный христолюбивый великий князь ВолодимЂръ, сынъ Василковъ, внукъ Романовъ, княживъ по отци 20 лЂт. Преставление же его бысть во Любомли городЂ в лЂто 6797, месяца декабря во 10 день, на святаго отца Мины. Княгини же его съ слугами дворьными, омывше его, и увиша и оксамитомъ со круживомъ, яко же достоить царемь, и возложиша и на сани, и повезоша до ВолодимЂря. Горожаномъ же от мала и до велика, мужи, и жены, и дЂти с плачемь великимъ проводиша своего господина.

Привезъшимъ же и во ВолодимЂрь у епископью ко святоЂ Богородици, и тако поставиша и на санЂхъ во церкви, зане бысть поздно. Того же вечера по всему городу увЂдана бысть смерть княжа.

НаутрЂя же по отпЂтьи заутрении приде княгини его, и сестра ему Олга, и княгини Олена, черничи, с плачемь великимъ приидоша, и весь город сойдеся, и бояри вси стари и молодии, и плакахуся надъ нимь. Епископъ же Володимерьский ЕвьсЂгнЂй и вси игумени, и Огапитъ, печерьский игуменъ, и вси попо†всего города, пЂвше над нимь обычныа пЂсни, и проводиша и со благопохвалными пЂснми и кадилы добровоньными, и положиша тЂло его во отни гробЂ, и плакашася по немь володимерчи, поминающи его добросердье до себе. Паче же слугы его плакахуся по немь слезами обливающи личе свое, и послЂднюю службу створьше ему, опрятавше тЂло его, тело вложиша и во гробъ, месяца декабря во 11 день, на память святаго Данила Столпъника, в суботу.

Княгини же его беспрестани плакашеся, предстоящи у гроба, слезы от себе изливающи, аки воду, сиче вопиюще, глаголюще: «Царю мой благый, кроткий, смиреный, правдивый! Воистину наречено бысть тобЂ имя во крещеньи Иван, всею добродЂтелью подобенъ есь ему. Многыа досады приимъ от своихъ сродникъ. Не видЂхъ тя, господине мой, николи же противу ихъ, злу никоторогоже зла воздающа, но на бозЂ вся покладывая».

Провожаше наипаче же плакахуся по немь лЂпшии мужи володимерьстии, рекуче: «Добрый ны господине, с тобою умрети, створшему толикую свободу, якоже и дЂдъ твой Романъ свободилъ бяшеть от всихъ обидъ, ты же бяше, господине, сему поревновалъ и наслЂдилъ путь дЂда своего. НынЂ же, господине, уже к тому не можемь тебе зрЂти, уже бо солнче наше зайде ны, и во обидЂ всЂх остахомъ».

И тако плакавшеся надъ нимь все множество володимерчевъ: мужи, и жены, и дЂти, нЂмци, и сурожьцЂ, и новгородци, и жидове плакахуся, аки и во взятье Иерусалиму, егда ведяхуть я во полонъ Вавилоньский, и нищии и убозии, и чернорисчи. БЂ бо милостивъ на вся нищая.

Сий же благовЂрный князь ВолодимЂрь возрастомь бЂ высокь, плечима великь, лицемь красенъ, волосы имЂя желты кудрявы, бороду стригый, рукы же имъя красны и ногы, рЂчь же бяшеть в немь толъста, и устна исподняя добела. Глаголаше ясно от книгъ, зане бысть философъ великъ. И ловечь хитръ хороборъ. Кротокъ, смиренъ, незлобивъ, правдивъ, не мьздоимЂць, не лживъ, татьбы ненавидяше, питья же не пи от воздраста своего. Любь же имЂяше ко всимъ, паче же и ко братьи своей, во хрестьном же челованьи стояше со всею правдою истиньною, неличемЂрною, страха же божия наполненъ, паче же милостыни предлежаше, манастыря набдя, черньцЂ утЂшаа и вси игуменЂ любью приимая. И манастыря многи созда, на всь церковный чинъ и на церьковникы отверзлъ ему бяшеть богъ сердце и очи, иже не помрачи своего ума пьяньствомъ, кормитель бо бяшеть черньцемь и черничамъ, и убогимъ, и всякому чину, яко возлюбленый отцемь бяшеть. Паче милостынею бяше милостивъ, слыша господа, глаголюща: «Аще створите братьи моей меншей, то и мнЂ, створисте», пакы Давидъ глаголеть: «Блажень мужь милуя и дая всь день о господЂ не потькеться». Мужьство и умь в немь живяше, правда же и истина с нимь ходяста, иного добродЂаньа в немь много бЂаше, гордости же в немь не бяше, зане уничижена есть гордость предъ богомъ и человЂкы, но всегда смиряше образъ свой скрушенымъ сердцемь, и воздыхание от сердца износя, и слезы от очью испущаше, покаяние Давыдово приимъ, плачася о грЂсех своих, возлюбивъ нетлЂнная паче тлЂньных, и небесная паче временьных, и царство со святыми у вседержителя бога паче притекущаго сего царства земнаго. И чести тя обЂщника господь на небесехъ сподоби благовЂрья твоего ради, еже имЂ в животЂ своемь, добръ послухъ благовЂрью твоему, обителниче святая, церькви святая Богородица Марья, юже созда прадЂдъ твой на правовЂрнЂй основЂ, идеже и мужественое твое тЂло лежить, жда трубы архангеловы. ДобрЂ зЂло послухъ брат твой Мьстиславь, егоже сотвори господь намЂстника по тобЂ твоему владычеству, не рушаща твоих уставъ, но утверждающа, ни умаляюща твоему благовЂрью положения, но паче прилагающа, не казняща, но вчиняюща, иже нескончанаа твоя учиняюща, аки Соломонъ Давида, иже в домь божий великый и святый его мудростью созда на святость и очищение граду твоему, иже всякою красотою украси, златомь и сребромъ и каменьемъ драгимъ, и сосуды честными, яже церкви дивна и славна всЂмъ окружнымъ сторонам, акаже ина не обрящеться во всей полунощий земля от востока и до запада. И славный городъ твой Володимерь, величествомь, акы вЂнчемь, обложенъ! Преда люди твоя и городъ святЂй славнЂй и скорЂй на помощь христьяномъ святЂй богородици. Да еже челование архангелово дасть богородици, — будеть и городу сему. Ко оной бо: «Радуйся, обрадованная, господь с тобою!», к городу же «Радуйся, благовЂрный городе, господь с тобою!»

Востани от гроба твоего, о честная главо, востани, отряси сонъ, нЂси бо умерлъ, но спишь до обьщаго востания! Востани, нЂси бо вьмерлъ! НЂсть бо ти умерети, лЂпо вЂровавшу во Христа, всему миру живодавча. Отряси сонъ! Возведи очи, да видиши, какоя тя чести господь тамо сподобив постави. И на землЂ не бес памяти тя поставилъ братомь твоимь Мьстиславомъ. Востани, видь брата твоего, красящаго столъ земля твоея и зрениа сладкаго лице его насыщаася. Моли о земли брата своего преданиа ему тобою, и о людех, в них же благовЂрно владычьствова, да съхраниши я въ мирЂ и въ благовЂрии, и да славитися в нем правовЂрию и да блюдет господь богъ от всякоа рати и преданиа, и от голода, нашествиа иноплеменникъ, и от усобныа рати. Паче же помолися о братЂ своем Мьстисла†добрыми дЂлы, без соблазна богом данныа ему люди, управившю, стати с тобою непостыдно, пред престолом вседръжителя бога, и за труд паствы людий его приати от него вЂнець славы нетлениа съ всЂми праведными. Аминь.

К сему же вижь и благовЂрную свою княгиню, како благовЂрье держить по преданью твоему, како покланяеться имени твоему. ВЂде же, яко аще не тЂломь, но духомъ показаеть ти господь вся си, яко твое вЂрное вьсЂанье нЂ исушено бысть зноем невЂръя, но дождемь божия поспЂшения расположено бысть многоподнЂ.

Радуйся, учителю нашь и наставниче благовЂрья! Ты правдою бЂ оболченъ, крЂпостью препоясанъ, и милостынею, яко гривною, утварью златою, украсуяся, истиною обвитъ, смысломъ вЂнчанъ! Ты бЂ, о честная главо, нагимъ одЂние, ты бЂ алчющимъ коръмля и жажющим въ оутробЂ охлажение, вдовицамъ помощникъ, и страньнымъ покоище, беспокровнымъ покровъ, обидимымъ заступникъ, убогымъ обогатЂние, страненъприимникъ, имже благымъ дЂломъ инЂмь возмЂздье приемля на небесЂх благая, яже уготова богъ любящимъ отца и сына и святаго духа.

Князь же Володимеръ въ княжении своем многы городы зруби по отци своем. Зруби Берестий, и за Берестиемь зруби город на пустом мЂстЂ, нарицаемЂм ЛьстнЂ, и нарече имя ему Каменець, зане бысть камена земля. Създа же въ нем столпъ каменъ высотою 17 саженей, подобенъ удивлению всЂм зрящим на нь. И церковь постави БлаговЂщениа святыа богородица, и украси ю иконами златыми, и съсуды скова служебныа сребрены, и Еуаглие опракос оковано сребром, Апостолъ опракось, и Парамья, и Съборникь отца своего туто же положи, и кресть въздвизалный положи. Такоже и у БЂлску поустрои церковь иконами и книгами. У Володимери же списа святаго Дмитреа всего и съсуды служебные сребряные скова, и икону пресвятыа Богородица окова сребром с камениемь дорогым, и завЂсы золотом шиты, а другые оксамитные съ дробницею, и всЂми узорочии украси ю. У епископъи же у святоа Богородица образ Спаса велика окова сребром, Еуаглие списавь опракос, святой Богородици да, и съсуды служебныя жьженого золота съ камениемь драгым Богородици же да. Образ Спасовь, окованъ золотом съ драгымъ камением, постави у святоа Богородица въ память събЂ. Въ манастырь въ свои Апостолы да Еуаглие опракос и Апостолъ, сам списавь, и Съборникь великый отца своего туто же положи, и кресть въздвизалный и молитвеникь да. Въ епископью перемышльскую да Еуаглие опракос, окованно сребром съ женчюгом, сам же съписал бяше. А до ЧернЂгова пославь въ епископью Еуаглие опракос золотом писано, а окованно сребром съ женчюгом, и среди его Спаса с финиптом. Въ Луцкую епископью да кресть велик сребрян позлотисть съ честнымъ древом.

Създа же и церкви многы. В Любомли же постави церковъ каменну святаго и великого мученика Христова Георгиа, украси ю иконами коваными, и съсуды служебные сребряны скова, и платци оксамитны шиты золотом съ женчюгом, херувими и серафими, и иньдитья золотом шита вся, а другаа паволокы бЂлчатое, а в малую олтару обЂ иньдитьи, бЂлчатое же паволокы, Еуглие списа опракос, окова е все золотом и камениемь дорогым съ женчюгом, и деисус на нем скован от злата, цяты великы съ финиптом, чюдно видением, а другое Еуаглие опракос же волочено оловиром, и цяту възложи на не с финиптом, а на ней святаа мученика ГлЂбь и Борисъ. Апостолъ опракос, Прологы списа 12 месяца, изложено житиа святых отецъ, и дЂаниа святых мученикь, како вЂнчашася своею кръвию за Христа, и мЂнеи 12 списа, и триоди, и охтаи, и ермолои. Списа же и служебникъ святому Георгию, и молитвы вечернии и утрьнии списа особь молитвеника. Молитвеник же купил в протопопиное и да на нем 8 гривен кун, и да святому Георгию, кадилници двЂ, одина сребрена, а другаа мЂденаа, и кресть въздвизалный да святому Георгию, икону же списа на золотЂ намЂстную святого Георгиа и гривну златую възложи на нь съ женчюгом, и святую богородицю списа на золотЂ же намЂстную, и възложи на ню монисто золото с камением дорогьм, и двери солиа мЂдяные, почалъ же бяше писати ю и списа всЂ три олтарЂ, и шия вся съписана бысть, но не скончана, заиде бо и болесть.

Полиа же и колоколы дивны слышаниемь, такых же не бысть въ всей земли. В Берестии же създа стлъпь каменъ, высотою, яко и Каменецькый. Постави же и церковь святого Петра, и Евангелие да опракос оковано сребром, и служебные съсуды скованы сребрены, и кадилница сребрена, и крестъ въздвизалный туто положи. И инаа многаа добродЂяниа съдЂа въ животЂ своем, яже словут по всЂм землям. Туто же положим конець Вълодимерову княжению.

Сему же благовЂрному князю Володимерю, нареченому въ святом крещении Иоанну, сыну Василкову, вложену въ гробъ, и лежа въ гробЂ тЂло его незамазано от 11 дне месяца декабря до 6 дне месяца априля. Княгини его не можаше ся втолити, но пришедши съ епископом Евсегениемь и съ всЂм крилосом, открывши гробъ и видиша тЂло его цЂло и бЂло, и благоухание от гроба бысть и воня подобна арамат многоцЂнных, и тако чюдо видЂ, видЂвше же прославиша бога. И замазаша гробъ его месяца априля въ 6 день, в среду Страстное недЂли.







НАЧАЛО КНЯЖЕНИЯ ВЕЛИКАГО КНЯЗЯ МЬСТИСЛАВА В ВОЛОДИМЕРЂ


Въ лЂто 6797 [1289]. Князь же Мьстиславъ не притяже на погребенье тЂла брата своего ВолодимЂря, но приЂха послЂ с бояры своими и со слугами, и Ђха в епископью ко святЂй Богородици, идеже положенъ бысть братъ его ВолодимЂръ, и плакася надъ гробомъ его плачемь великымъ зЂло, аки по отцЂ своемь по королЂ.

И утоливъ же ся от плача, и нача росылати засаду по всимъ городомъ. Хотящю же ему послати до Берестья и до Каменьца и до БЂльска, и приде ему вЂсть, оже уже засада Юрьева в Берестьи, и во Каменци и во БЂльски. Берестьяни бо учинили бяхуть коромолу и, еще Володимеру князю болну сущю, они же Ђхавъше къ Юрьеви князю, цЂловаша крестъ на томъ, рекуче: «Како не достанеть стрыя твоего, ино мы твои и городъ твой, а ты нашь князь».

Володимеру же преставлешюся, и Юрьи услыша вЂсть о стрыи своимъ, и вьеха въ Берестий, и нача княжити в немь, по свЂту безумных своихъ бояръ молодых и коромолниковъ берестьанъ. Мьстиславу же рекоша боярЂ его и братни бояре: «Господине, сыновЂць твой велику соромоту возложи на тя. ТобЂ далъ богъ и братъ твой и молитва дЂда твоего и отца твоего. Можемъ, господине, головы своЂ положити за тя, и дЂти наши. Поиди первое, заими городъ его Белзъ и Червенъ, но тоже поидешь к Берестью». Князь же Мьстиславъ бяшеть легосердъ и рече бояромъ своимъ: «Не дай ми богъ того учинити, оже бы мнЂ пролити кровь неповиньную, но я исправлю богомъ и благословениемъ брата своего Володимера».

И посла послы ко сыновцю своему, тако река: «Сыновче, оже бы ми ты не былъ на томъ пути и не слышалъ ты, но ты самъ слышалъ гораздо и отець твой, и вся рать слышала, оже братъ мой Володимиръ дал ми землю свою всю и городы по своемь животЂ, при царЂхъ и при его рядцяхъ, а вамъ повЂдалъ, а я повЂдал же. Аже чего еси хотЂлъ, чему есь тогда со мною не молвилъ при царЂхъ? А повЂж ми, то самъ ли есь в БЂрестьи сЂлъ своею волею, ци ли велениемь отца своего, а бы мь вЂдомо было. Не на мя же та кровь будеть, но на виноватомъ, а по правомъ богъ помощник и хрестъ честный. Я же хочю правити татары, а ты сЂди. Аже не поедешь добромъ, а зломъ пакъ поЂдешь же».

Посемь посла ко брату своему ко Лвови епископа своего володимерьского, река ему: «Жалую, — рци, — богу и тобЂ, зане ми — рци — есь по бозЂ братъ ми есь старЂйший. ПовЂжь ми, брате мой, право, своею ли волею сынъ твой сЂлъ в Берестьи, ци ли твоимъ повелениемь? Оже будеть твоимъ повелениемь се учинилъ, се же ти повЂдаю, брате мой, не тая: послалъ есмь возводить татаръ, а самъ пристраваюся, а како мя богъ расудить с вами, а не на мнЂ та кровь будеть, но на виноватомъ, но на томъ, кто будеть криво учинилъ».

Левъ же убояся того велми, и еще бо ему не сошла оскомина Телебужины рати, и рече епископу брата своего: «Сынъ мой — рци — не моимъ вЂданиемь се учинилъ, то одинъ богъ вЂдаеть, но своемь молодымъ умомъ учинилъ, осемь, — рци — брате мой, не печалуй, шлю я к нему, ать поЂдеть вонъ из города сынъ мой». Епископъ же приЂха ко Мьстиславу и нача повЂдати рЂчь братну. Мьстиславу же любо бысть то.

Посем же Мьстиславъ вборзЂ посла гонцЂ по Юрьи князи Пороскомъ, веля воротити и назадъ, послалъ бо бяшеть возводить татаръ на сыновця своего. Тогда бо Юрьи Пороский служаше Мьстиславу, а первое служилъ Володимиру.

Се же услышавъ, Левъ князь посла Семена своего дядьковича ко сынови своему с прочними рЂчьми, река ему: «ПоЂдь вонъ из города, не погуби землЂ, братъ мой послалъ возводить татаръ. Не поЂдешь ли вонъ, я же ти буду помочникъ брату своему на тя. Аже ми будеть смерть, по своемь животЂ даю землю свою всю брату своему Мьстиславу, а тобЂ не дамъ, оже мене не слушаешь, отца своего».

Семенови же Ђдущю ко Юрьеви, Мьстислав же посла с нимъ Павла Деонисьевича, тъй бо ЂздЂлъ бяшеть ко Лвови и вЂдаеть вси рЂчи, посла же с нимъ и отца своего духовнаго, река Павлови: «Оже ти поидеть вонъ сыновЂць ми, наряди же до мене кормъ и питье, тако же и в Каменци наряди».

Семенови же приЂхавшу ко Юрьеви и повЂдающи рЂчь отню, и бысть назавьтрЂе поЂха Юрьи вонъ из города с великимъ соромомъ, пограбивъ всЂ домы стрыя своего, и не остася камень на камени в Берестьи и в Каменци и в БЂльскии. Павелъ же Мьстиславу повЂда: «СыновЂць уже поЂхалъ, а ты, господине, поЂдЂ во свой городъ».

Мьстислав же поЂха до Берестьа. Ђдущю же ему к городу, и срЂтоша его горожанЂ со кресты от мала и до велика, и прияша и с радостью великою, своего господина. Берестьяни же началницЂ коромолЂ бЂжаша по Юрьи до Дорогичина, цЂловалъ бо к нимъ крестъ на томъ: «Не выдамъ васъ стрыеви своему». Мьстиславъ же пребывъ мало дний в Берестьи, и Ђха до Каменца и до БЂльска, и ради быша ему вси людье. Утвердивъ люди, и засаду посади в БЂльски и в Каменци.

И приЂха въ Берестии и рече бояромъ своимъ: «Есть ли ловчии здЂ?» Они же рекоша: «Нетуть, господине, из вЂка». Мьстиславъ же рече: «Азъ пакъ уставливаю на нЂ ловчее за ихъ коромолу, абы мь не позрЂти на нихъ кровь». И повелЂ писцю своему писати грамоту:

«Се азъ князь Мьстиславъ, сынъ королевъ, внукъ Романовъ, уставляю ловчее на берестьаны и в вЂкы за ихъ коромолу: со ста по д†лукнЂ меду, а по д†овцЂ, а по пятидцать десяткъвъ лну, а по сту хлЂба, а по пяти цебровъ овса, а по пяти цебровъ ржи, а по 20 куръ, а по толку со всякаго ста. А на горожанахъ 4 гривны кунъ, а хто мое слово порушить, а станеть со мною передъ богомъ. А вопсалъ есмь в ЛЂтописЂць коромолу их».

Князь же Мьстиславъ сЂдЂ на столЂ брата своего ВолодимЂра на самый Великъ День месяца априля въ 10 день, и нача княжити по братЂ своемь, правдолюбьемь свЂтяся ко всей братьи своей и къ бояром, къ простымъ людемь. И бысть радость велика тогда людемъ: се Воскресение господне, а се княже сЂдение. Миръ держа с околнымы сторонами, с ляхы и с нЂмци, с литвою, одержа землю свою величествомъ, олны по тотары, а сЂмо по ляхы, по литву.

Тогда же литовьский князь Будикидъ и братъ, его Будивидъ даша князю Мьстиславу городъ свой Волъковыескь, абы с ними миръ держалъ.

И утвердив же засаду в Берестьи, и поеха до Володимера. И приЂхавшу ему в Володимеръ, и сьЂхашася к нему боярЂ его старЂи и молодии бещисленое множество. Тогда же приЂхалъ бяшеть Кондратъ князь Сомовитовичь ко Мьстиславу, прося собЂ помочи на ляхы, поити хотя на княжение Судомирьское. Мьстиславъ же обЂща ему, а Кондрата одари и бояры его всЂ, и отпусти рекъ ему: «Ты поЂдь, а я по тобЂ пошлю рать свою». Кондратови же поЂхавшу, Мьстиславъ же совокупи рать свою, посла ю, нарекъ Чюдина воеводу. И тако сЂде Кондратъ князь в СудомирЂ княземь Мьстиславомъ, сыномъ королевымъ, и его помочью.

Въ лЂто 6798 [1290]. По ЛЂстьцЂ же сЂде во Крако†Болеславъ Сомовитовичь, брат Кондратовъ. И пришед Индрихъ князь Воротьславьский, выгна и, хотя самъ княжити. Болеслав же, совокупивъ рать свою и братью свою Кондрата и Локотка, поидоша на Андриха Кракову. Индрих же не стерпЂ прихода ихъ и выЂха вънъ до Воротьславля, а засаду свою посади во КраковЂ: нЂмцЂ, лутшии свои мужЂ, обЂщався имъ дарми великими и волостьми, а самЂхъ води ко кресту, как бы не передати города Болеславу. Они же цЂловаше, рекуще: «Можемь головы свои за тя сложити, а не передадимъ города». Индрихъ же и кормъ имъ остави до изобилья. Болеславу же пришедшу с братьею своею, и вьЂха вь мЂсто, а в городъ нелзЂ бысть въЂхати ратными, зане боряху крЂпко из него порокы и самострЂлы. ТЂм же немощно бысть приступити к нему. И сташа около города, изъЂдаюче села, и бысть Ђха в зажитье единою въздале от города, мьстичЂ же не бьяхуся по Болесла†с горожаны, но рекоша: «Кто сядеть княжити во КраковЂ, то нашь князь». И стояша у города лЂто цЂло, бьючеся у города, и не успЂша у него ничтоже.

Въ лЂто 6799 [1291]. Левъ князь, брат Мьстиславль, сынъ королевъ, внукъ Романовъ, самъ иде в помоць Болеславу. Пришедшу бо ему ко Кракову, и рад бысть ему Болеславъ, и Кондратъ и Локотко, акы отцю своему, зане бысть Левъ князь думенъ и хороборъ и крЂпокъ на рати, не мало бо показа мужьство свое во многыхъ ратЂхъ.

И нача Левъ Ђздити около города, абы ему куда мочно взяти, горожаномъ грозу подавая, и не бысть мочно никуда же, весь бо бяше учиненъ от камени, и утвержение его немало — порокы и самострЂлы коловоротныи, великими и малыми. Посем же Ђха во станы своя.

И наутрЂя же воставъ, и въсходящю солнцю, и поиде к Тынцю, и бишася у него крЂпко, одва города не взяша. Мнозии горожани от нихъ избити быша, а друзии ранени, а свои вси цЂлЂ быша. И приде Левъ опять ко Кракову, и повелЂ воемь своимъ пристраватися, хотя поити битися к городу, и ляхомъ тако же повелЂ. И поидоша вси, и полЂзоша ко забороломъ, и бьяхуся крЂпко обои. И в то веремя приде весть Лвови князю, оже рать идеть на нь велика. И повелЂ перестати от боя. И нача наряжати полкы своя, а Болеславъ с Кондратомъ своЂ полкы, а сторожЂ пославъ на сглядание ратныхъ, и не бысть ничегоже. Но воеводы лядьскыи сами полошахутся и, абы не взяти города. Левъ же усмотрЂвъ лесть ихъ и дума много с бояры своими, посла рать свою к Воротьславу воевати Индрихьвы земли. И взяша бещисленое множество челяди и скота и конии и товара, зане не входила бяшеть никакаже рать толь глубоко в землю его, и придоша ко Лвови с честью великою и со множествомъ полона. Лвови же радость бысть велика, оже свои вси добри здорови, а полона много.

Тогда же Левъ Ђха в чехы на снемь къ королеви, зане любовь держаше с нимъ велику, и доконцавъ с нимъ миръ до своего живота. Король же одаривъ Лва дарми всякыми дорогыми, и тако отпусти с великою честью, и приЂха ко своимъ полкомъ. И радЂ быша ему боярЂ его и слугы его, видяще своего господина. У города же у Кракова не успЂша ничтоже. И поиде Левъ во свояси с честью великою, вземь бесчисленое множество полона, челядии и скота, и конии, и товара, славяще бога и пречистую его матерь, помогшу ему.

Того же лЂта. Мьстиславу князю вложи ему богъ во сердце мьсль благу созда гробницю камену надъ гробомъ бабы своей Романовой в монастырЂ вь святого. И свяща ю во имя правЂднику Акима и Аньны, и службу в ней створи.

Того же лЂта в Черторыйскы в городЂ заложи столпъ камен.

Въ лЂто 6800 [1292]. Преставися Пиньский князь Юрьи, сынъ Володимировъ, кроткый, смиреный, правдивый. И плакася по немь княгини его и сынове его и братъ его Демидъ князь, и вси людье плакахуся по немь плачемь великимь.

Тое же зимы преставися Степаньский князь Иванъ, сынъ ГлЂбовъ. Плакахуся по немь вси людье от мала и до велика. И нача княжити в него мЂсто сынъ его Володимиръ.












Див. також:


Літопис руський (переклад на сучасну мову Л.Махновця).
Галицько-Волинський літопис (переклад Т. Коструби)
Галицько-Волинський літопис (розшифровка за Острозьким списком).

Ярослав Книш. Фрагменти невідомого списку Іпатіївського літопису
Антін Генсьорський. Галицько-Волинський літопис. Процес складання; редакції і редактори. Київ, 1958.
Антін Генсьорський. Галицько-Волинський літопис. Лексичні, фразеологічні та стилістичні особливості. Київ, 1961.



Лаврентіївський літопис (ПСРЛ, Т. I, 1926-28)
Феодосій Софонович. Кройніка о Русі. Кройніка о початку і назвиску Литви (1673).

«Літописи». З Енциклопедії Українознавства.
«Літописи». З енциклопедії «Українська мова».
«Повість временних літ». З енциклопедії «Українська мова».











© Сканування та обробка: Максим, «Ізборник» (http://litopys.kiev.ua)
21.X.2003








‹‹   Головна     Переклад     Див. повний текст літопису за Іпатським списком



Етимологія та історія української мови ua_etymology:

Датчанин:   В основі української назви датчани лежить долучення староукраїнської книжності до європейського контексту, до грецькомовної і латинськомовної науки. Саме із західних джерел прийшла -т- основи. І коли наші сучасники вживають назв датський, датчани, то, навіть не здогадуючись, ступають по слідах, прокладених півтисячоліття тому предками, які перебували у великій європейській культурній спільноті. . . . )



Якщо помітили помилку набору на цiй сторiнцi, видiлiть ціле слово мишкою та натисніть Ctrl+Enter.